ដោយ រតនៈ

ភ្នំពេញ៖ ក្រុមហ៊ុន​បុរី​ប៉េង ហួត គ្រុប ដែលជា​ក្រុមហ៊ុន​អភិវឌ្ឍ​អចលនទ្រព្យ​ឈានមុខ​គេ​ក្នុងប្រទេស​កម្ពុជា បាន​ផ្តួចផ្តើម​បង្កើត​ឲ្យ​មាន​ភោជនីយដ្ឋាន អាហា​រដ្ឋា​ន និង​ហាង​លក់ទំនិញ​លើ​ដង​វិថី​តែមួយ ដើម្បី​បំពេញតម្រូវការ និង​ភាពងាយស្រួល នា​យុគ​សម័យថ្មី​នៃ​បទពិសោធន៍​ទទួលទាន​អាហារ និង​ការទិញ​ទំនិញ​ដ៏​អស្ចារ្យ ស្ថិតនៅតាម​បណ្តោយ​ផ្លូវជាតិ​លេខ១ ជា​តំបន់​ដែល​កំពុងមាន​ការរីក​ចម្រើន​យ៉ាង​លឿន។

គំរោង​នេះ​មានឈ្មោះ PH Polaris F&B ដែលមាន​ទីតាំង​ស្ថិតនៅក្នុង​គម្រោង​ដ៏​អស្ចារ្យ​របស់ ក្រុមហ៊ុន ប៉េង ហួត គ្រុប ហ្គ្រេ​ន​ស្តា ផ្លា​ទី​នី​ម (បុរី ប៉េង ហួត បឹង​ស្នោ) ចម្ងាយ​ជាង២គីឡូម៉ែត្រ ពី​ស្ពាន​ព្រះមុនីវង្ស (ច្បារអំពៅ) ក្នុង​រាជធានី​ភ្នំពេញ។ គម្រោង​មួយ​នេះ ត្រូវបាន​រចនា​ឡើង ដើម្បី​ជាទី​កន្លែង​ទទួលទាន​អាហារ​ដ៏​ពិសេស និង​ល្អ​ប្លែក ដែល​អតិថិជន​អាច​អញ្ជើញ​មក​ទទួលយក​នូវ​ឱជា​រស​ដ៏​ឆ្ងាញ់ នៃ​ម្ហូបអាហារ​ខ្មែរ និង​បរទេស​ជាច្រើន​ប្រភេទ។

ប្រជាពលរដ្ឋ​អាច​រីករាយ ជាមួយនឹង​កាហ្វេ​នា​ព្រឹក​ព្រលឹម​ក្នុង​បរិយាកាស​ដ៏​ស្រស់ស្រាយ ទទួលទាន​អាហារឆ្ងាញ់ៗនាពេល​ថ្ងៃត្រង់ និង​អាហារ​ពេល​ល្ងាច ប្រកបដោយ ភាព​ស្និទ​ស្នាល និង​សុភមង្គល​ជាមួយ​ក្រុមគ្រួសារ និង​មិត្តភក្តិ ថែមទាំង​អាច​ទិញ​ទំនិញ​ជាច្រើន​ប្រភេទ ដោយមាន​ហាង​ដូចជា Pizza Company, KOI Thé, Park Café, Lucky Burger, Lucky Express, Guardian, Zong Kong Restaurant, BreadTalk, Congee King, Phó Cali and Wine Town។

កាន់តែ​ពិសេស​ទៀត​នោះ ការបន្ថែម​មុខមាត់​ថ្មី​នៃ​ការតុបតែង​លម្អ ដោយ​ភ្លើងពណ៌​ដ៏​ស្រស់ស្អាត​នាពេល​រាត្រី PH Polaris F&B នឹង​ក្លាយជា​គោលដៅ​កំសាន្ត និង​ទីកន្លែង​ទទួលទាន​អាហារ ប្រកបដោយ​ភាព​រ៉ូ​មែន​ទិ​ក បរិយាកាស​ស្រស់ស្រាយ និង​ផាសុកភាព​សម្រាប់​លោកអ្នក និង​ក្រុមគ្រួសារ។

­­

បន្ទាប់ពី​ពេលវេលា​ដ៏​មមាញឹក​នៃ​ការងារ​ប្រចាំថ្ងៃ ការ​សម្រាក​បន្ធូរ​អារ​ម្មណ៍​ជាមួយនឹង​ការទទួល​ទាន​អាហារ​នៅតាម​ហាង​នានា​ដែលមាន​ក្នុង PH Polaris F&B ពិតជា​បង្កើត​ឲ្យ​មានបទពិសោធន៍ ទទួលទាន​អាហារ​ដ៏​អស្ចារ្យ​នា​យុគ​សម័យថ្មី​នេះ។

សូម​ទំនាក់ទំនង​មកកាន់ ប៉េង ហួត គ្រុប តាមរយៈ​លេខ 098 360 555 សម្រាប់​ព័ត៌មាន​បន្ថែម​ពី​ការជួល​ទីតាំង សម្រាប់​អាជីវកម្ម​លោកអ្នក។

ប៉េង ហួត​គ្រុប ត្រូវបានគេទទួលស្គាល់​ថា ជា​ក្រុមហ៊ុន​អភិវឌ្ឍ​ផ្នែក​អចលនទ្រព្យ​ឈានមុខ​គេ ផ្តោតទៅលើ​គម្រោង​អភិវឌ្ឍ​ចម្រុះ​សម្រាប់​លំនៅដ្ឋានប្រណីតៗ អគារ​ខុន​ដូទំនើបៗ និង​អគារ​ពាណិជ្ជកម្ម​ដ៏​ទាក់ទាញផ្សេងៗទៀត។ ទាំងនេះ​គឺជា​ចក្ខុវិស័យ​របស់ ប៉េង ហួត គ្រុប ដើម្បី​ភ្ជាប់​ទំនាក់ទំនង​ល្អ​ជាមួយ​អតិថិជន ដោយ​ផ្តល់ជូន​នូវ​សេវាកម្ម​ដ៏​ល្អ និង​គម្រោង​ដ៏ប្រណីតៗ ដែល​លើសពី​ការរំពឹងទុក​របស់​អតិថិជន៕

ដោយស៊ីវ ម៉េង

ភ្នំពេញ : ការទារកម្រៃជើងសារនៅក្នុងការទិញលក់ វិស័យអចលនទ្រព្យវាជារឿងធម្មតា និងកើតឡើងពីការព្រមព្រៀងពីអ្នកទិញឬអ្នកលក់ ដែលត្រូវផ្តល់ឲ្យអ្នកដើរតួនាទីជាក្រុមហ៊ុនភ្នាក់ងារអចលនទ្រព្យ។

ប៉ុន្តែការផ្តល់សេវាកម្ម មិនសុទ្ឋតែទទួលបានកម្រៃជើងសារសមស្របឡើយ ប្រសិនជាយើងគ្មានគោលការណ៍ ឬអនុវត្តន៍តាមបទដ្ឋានគតិយុត្តិជាលិខិតស្នាម ឬមេធាវីជាដើម។

តើការទាមទារប្រាក់កម្រៃជើងសារ៣ភាគរយ ឬតិចជាងនេះ គួរធ្វើដូចម្តេច ដើម្បីទទួលបានប្រាក់ទាំងនោះមក ដោយសប្បាយចិត្តទាំងអ្នកលក់ អ្នកទិញ និងភ្នាក់ងារមកពីក្រុមហ៊ុនអចលនទ្រព្យស្របច្បាប់?។

អគ្គនាយកក្រុមហ៊ុន Century21 Mekong លោកច្រឹក សុខនីម ដែលមានបទពិសោធន៍លើការងារទាំងអស់នេះបានមានប្រសាសន៍ថា ក្រុមហ៊ុនអចលនទ្រព្យជាកន្លែងរកដំណោះស្រាយ ដូច្នេះភ្នាក់ងារអចលនទ្រព្យទាំងអស់ ដែលគាត់ចាប់ផ្តើមធ្វើការជាមួយនឹងអ្នកលក់ និងអ្នកទិញ គាត់ត្រូវតែមានគោលការណ៍ និងឯកសារផ្លូវច្បាប់ទាក់ទងនឹងកិច្ចសន្យាកម្រៃជើងសារ និងឯកសារពាក់ព័ន្ឋ។ លោកបន្តថា អ្នកលក់និងអ្នកទិញ រួមទាំងភ្នាក់ងារអចលនវត្ថុ ត្រូវតែអង្គុយដោះស្រាយគ្នា បើគ្រាន់តែជារឿងកម្រៃជើងសារ ហើយបើភ្នាក់ងារអចលនទ្រព្យមកពីក្រុមហ៊ុនស្របច្បាប់ គួរតែទទួលបានកម្រៃជើងសារពីអ្នកលក់ឬអ្នកទិញអាស្រ័យលើការជជែកគ្នា។

លោកបន្តថា “ការយកកម្រៃជើងសារវាអាស្រ័យលើការចចាថា គួរយកពីអ្នកលក់ឬអ្នកទិញ ឬយកទាំងសងខាង អាស្រ័យលើការនិយាយគ្នា ប៉ុន្តែគ្មានច្បាប់ណាកំណត់ថា
ត្រូវតែយកពីអ្នកលក់ឬយកពីអ្នកទិញនោះទេ”។

លោកបន្តថា“តាមប្រកាសរបស់ក្រសួងសេដ្ឋកិច្ច និងហិរញ្ញវត្ថុបានអនុញ្ញាត្តឲ្យភ្នាក់ងារអចលនទ្រព្យ យកកម្រៃជើងសារ តាមរយៈការបំពេញនូវឯកសារ និងមូលដ្ឋានគតិយុត្តិមួយចំនួន”។

តើភ្នាក់ងារអចលនទ្រព្យគួរធ្វើអ្វីបន្ថែមទៀត ដើម្បីការងារបស់ខ្លួនមានភាពរលូន? លោកច្រឹក សុខនីម បានមានប្រសាសន៍ថា អ្វីដែលក្រុមហ៊ុនត្រូវធ្វើគួរបណ្តុះបណ្តាលភ្នាក់ងាររបស់ក្រុមហ៊ុន ទាក់ទងនឹងមូលដ្ឋានផ្លូវច្បាប់មួយចំនួន ដូចជា ទី១ ត្រូវធ្វើកិច្ចសន្យាកម្រៃជើងសារជាមុន នៅពេលយើងមានអតិថិជនមានសក្តានុពល មុនពេលណែនាំទៅស្គាល់ទីតាំងអចលនទ្រព្យណាមួយ ភ្នាក់ងារអចលនទ្រព្យ ត្រូវចុះហត្ថលេខាជាមួយម្ចាស់អចលនទ្រព្យ ដើម្បីយកកម្រៃជើងសារ នៅពេលអចលនទ្រព្យនោះត្រូវបានលក់ ទៅឲ្យអ្នកទិញដែលយើងនាំមក។

ទី២ ផ្ទុយទៅវិញបើសិនជាភាគីច្បាស់អចលនទ្រព្យ មិនចុះហត្ថលេខាជាមួយយើង គឺយើងកុំនាំអ្នកទិញឬអ្នកជួលមក នោះបញ្ហានឹងបញ្ចប់។ ទី៣ ត្រូវរៀបចំកិច្ចសន្យាឲ្យបានច្បាស់លាស់ ដោយមានមេធាវីប្រថាប់ត្រា ឬអ្នកចេះសរសេរកិច្ចសន្យា ទី៤ បើពេលចុះកិច្ចសន្យាកម្រៃជើងសារហើយ មិនមានការផ្តល់កម្រៃជើងសារជូន យើងត្រូវរកអ្នកណាជាអ្នកជជែកជាមួយយើងទាក់ទងកម្រៃជើងសារ តើជាអ្នកទិញ ឬអ្នកលក់?ទី៥ យើងគួរមានការផ្ញើរសារតាមទូរស័ព្ទ ទាក់ទងនឹងដំនើរការនៃការអនុវត្តន៍ការងាររបស់យើងជាមួយម្ចាស់អចលនទ្រព្យណាមួយនោះ ព្រោះម្ចាស់អចលនទ្រព្យនៅពេលពួកគាត់ដាក់លក់អចលនទ្រព្យរបស់ខ្លួនមានក្រុមហ៊ុន ឬភ្នាក់ងារអចលនទ្រព្យមិនតិចនោះទេ ដែលបានទូរស័ព្ទទៅគាត់។

ទាក់ទងនឹងការអន្តរាគមន៍លើករណី ប្តឹងឲ្យសមត្ថកិច្ចចាប់ខ្លួនភ្នាក់ងារអចលនទ្រព្យពីម្ចាស់អចលនទ្រព្យម្នាក់នៅតំបន់ទួលទំពូងក្រុងភ្នំពេញ ប្រធានសមាគមអ្នកវាយតម្លៃ និងភ្នាក់ងារអចលនវត្ថុលោកបណ្ឌិតគីម ហ៊ាងបានមានប្រសាសន៍ថា អ្វីសំខាន់រហូតមកទល់ពេលនេះ ករណីមានការចាប់ខ្លួនភ្នាក់ងារអចលនទ្រព្យ តើពួកគេស្ថិតនៅក្នុងក្រុមហ៊ុនមានអាជ្ញាប័ណ្ណស្របច្បាប់ឬទេ? បើក្រុមហ៊ុនរបស់ពួកគេមិនបានអាជ្ញាប័ណ្ណ ហើយប្រកបរបរវិជ្ជាជីវៈលើការងារនេះ ជារឿងខុសឆ្គងមួយរួចទៅហើយ។ ចំណុចមួយទៀត តើពួកគេមានបានធ្វើលិខិតស្នាម ទាក់ទងការទទួលបានកម្រៃជើងសារឬទេ? បើពួកគេមិនមានទេ ការចូលទៅផ្ទះគេទារកម្រៃជើងសារជារឿងខុសឆ្គងមួយ។

លោកបន្តថា “ហេតុនេះករណីនេះគួរសិក្សាឲ្យបានច្បាស់លាស់ ហើយសមាគមសម្រេចជួយសម្របសម្រួលឬយ៉ាងណា វាអាស្រ័យលើក្រុមហ៊ុននោះជាសមាជិកសមាគមឬទេ? ប៉ុន្តែការពិតទៅពួកគេមិនមែនជាសមាជិកសមាគមទេ”៕

ដោយ ស៊ីវ ម៉េង

ភ្នំពេញ៖ ក្រុមហ៊ុន​អចល​ទ្រព្យ​លំដាប់​ពិភពលោក ERA បានចាប់ផ្តើម​ឈាន​ជើង​ប្រឡូក​យ៉ាង​ពេញលេញ​ក្នុង​ទីផ្សារ​អចលនទ្រព្យ​នៅ​កម្ពុជា ដែល​ធ្វើ​ឲ្យ​គុណភាព​សេវាកម្ម ទិញ លក់​ជួល​កាន់​តែមាន​គុណភាព ប៉ុន្តែ​ទីផ្សារ​នេះ​ក៏​កំពុង​ប្រឈម​ការប្រកួតប្រជែង​កាន់តែ​តានតឹង​ផងដែរ។

ការ​សម្ភោ​ធ​ជា​ផ្លូវការ​នៃ​ក្រុមហ៊ុន​អចលនទ្រព្យ ERA Cambodia បាន​ប្រារព្ធ​ឡើង​កាលពី​ថ្ងៃទី១១ ខែវិច្ឆិកា ឆ្នាំ២០១៨ នៅ​សណ្ឋាគារ Raffles Le Royal Hotel ត្រូវបាន​ចូលរួម​ដោយ​ថ្នាក់ដឹកនាំ​ក្រុមហ៊ុន​ERA ដ៏​មាន​ឥទ្ធិពល​មកពី​បណ្តា​ប្រទេស​ក្នុង​តំបន់​អាស៊ី​ប៉ាស៊ីហ្វិក។

លោក Jack Chua អគ្គនាយក​ក្រុមហ៊ុន ERA Singapore និង Asia Pacific ដែលមាន​ភ្នាក់ងារ​ចំនួន ៦១២០នាក់ លោក Darmadi Darmawangsa អគ្គនាយក​ក្រុមហ៊ុន ERA Indonesia ដែលមាន​ភ្នាក់ងារ​ចំនួន៦៥៣០នាក់ លោក Voradet Sivatachanon អគ្គនាយក​ក្រុមហ៊ុន ERA Thailand រួម​ជាមួយនឹង​ថ្នាក់ដឹកនាំ​ក្រុមហ៊ុន Century 21មកពី​គ្រប់​ការិយាល័យ នឹង​ត្រូវបាន​អញ្ជើញ​ចូលរួម​កម្មវិធី​នេះ​ផងដែរ។

លើសពីនេះទៅទៀត យើង​ក៏បាន​អញ្ជើញ​ម្ចាស់​ក្រុមហ៊ុន​អចលនទ្រព្យ ដែលមាន​អ​ញ្ញាប​ណ្ណ័ ដែលជា​សមាជិកសមាគម​អ្នកវាយតម្លៃ និង​ភ្នាក់ងារ​អចលនទ្រព្យ​កម្ពុជា CVEA ផងដែរ។ កម្មវិធី​ដ៏​មាន​សារសំខាន់​មួយ​នេះ​នេះ ក៏​នឹងមាន​ការចូលរួម​ពី​សំណាក់​មន្ត្រីជាន់ខ្ពស់​ក្នុង​រដ្ឋាភិបាល និង​សមាគមផ្សេងៗដូចជា​ក្លឹប​អ្នកវិនិយោគ​កម្ពុជា CIC ជាដើម។ ក្រុមហ៊ុន ERA មាន​វត្ត​មាននៅ​បណ្តា​តំបន់​មួយចំនួន​រួចមកហើយ​ដូចជា Africa, Caribbean, Europe, Middle East, and Asia-Pacific។

នៅ​អាស៊ី​ERA បាន​បោះ​ទីតាំងនៅ​ប្រទេស Singapore, Indonesia, Japan, Korea, Malaysia, Taiwan, Thailand និង Vietnam។ យើង​មាន​ការិយាល័យ​ចំនួន ៦៣៨ ជាមួយនឹង​ភ្នាក់ងារ ១៧០០០នាក់ នៅក្នុង​តំបន់ រួមទាំង​ប្រទេស​កម្ពុជា​នៅពេលដែល​យើង​ប្រកាស​ជា​ផ្លូវការ​ជា​ដៃគូរ​ពាណិជ្ជកម្ម​នៅក្នុង​អាណាចក្រ​មួយ​នេះ។

នាពេល​បច្ចុប្បន្ ន​ERA មាន​វត្ត​មាននៅ៤៥រដ្ឋ នៅ​សហរដ្ឋអាមេរិក និង៣២ប្រទេស​ទូទាំង​សកលលោក ជាមួយនឹង​ការិយាល័យ​ចំនួន២២៥០ និង​ភ្នាក់ងារ៣៩, ៥៥៧នាក់។

លោក​ខន គង្គា អគ្គនាយក​ក្រុមហ៊ុន ERA Cambodia មានប្រសាសន៍ថា “អ្វីដែល​យើង​បាន​នឹង​កំពុង​ធ្វើ​នៅក្នុង​ប្រទេស​កម្ពុជា គឺ​ក្នុង​គោលបំណង​លើក​កំពស់​វិជ្ជាជីវៈ និង​ភាពស្មោះត្រង់​នៃ​ភ្នាក់ងារ​បស់​យើង ដើម្បី​ឲ្យ​ប្រាកដថា​ពួកគេ​អាច​ផ្តល់​សេវាកម្ម​គួរ​ជាទី​គាប់ចិត្ត​ជូន​ដល់​អតិថិជន និង​អ្នក​អភិវឌ្ឍន៍។

ក្រុមហ៊ុន​ERAបាន​ចូលមកក្នុង​ទីផ្សារ​កម្ពុជា នៅក្នុង​បែបផែន​មួយ​ដែល​ផ្លែ​ក​ពី​គេ និង​មាន​ទស្សនៈវិស័យ​ខុសពី​គេ ហើយ​យើង​បាន​នាំយកមក​ជាមួយនឹង​ប្រព​ន្ធ័​ប្រតិបត្តិការ​ស្តង់ដា​អន្តរជាតិ ដែល​បាន​កែច្នៃ​ធ្វើយ៉ាងណា​ឲ្យ​ស្របទៅតាម​បរិបទ​ប្រទេស​កម្ពុជា ហើយ​ទទួលបាន​លទ្ធផល​ខ្ពស់បំផុត។

លោក​ខន គង្គា​បាន​មានប្រសាសន៍ថា “ភ្នាក់ងារ​របស់​យើង​បានទទួល​ការបណ្តុះបណ្តាល​ជាប្រចាំ ហើយ​យើង​មាន​វគ្គ​បណ្តុះបណ្តាល​ជាច្រើន ទាក់ទង​ទៅនឹង​យុទ្ធសាស្ត្រ​ផ្នែក​លក់ ដែល​អាចធ្វើ​ឲ្យ​ភ្នាក់ងារ​របស់​យើង ទទួលបាន​លទ្ធផល​លឿន​និង​ច្រើន​បំផុត។

យោងទៅតាម​លោក គង្គា ក្រុមហ៊ុន​ERA បេ​ជ្ញា​នាំយក​អាជីវកម្ម​មួយ​នេះ​ឆ្ពោះទៅ​កំរិតស្តង់ដា​អន្តរជាតិ។

លោក​ចង់ឃើញ​ភ្នាក់ងារ​របស់​ក្រុមហ៊ុន​តាំងចិត្ត និង​ខិតខំ​ប្រឹងប្រែង ១០០ភាគរយ ក្នុងការ​ធ្វើការ​ប្រកប​ដោយ​វិជ្ជាជីវៈ​ខ្ពស់​ទាំង​ក្នុងស្រុក និង​នៅលើ​ឆាក​អន្តរជាតិ។

លោក​ខន គង្គា​បាន​បន្ថែមទៀតថា យើង​បេ​ជ្ញា​ផ្តល់​សេវាកម្ម​ចំណាត់​លេខ១ ទទួលបាន​លទ្ធ​ផ​លលេ​ខ១ និង​ការពេញចិត្ត​លេខ១ ពី​សំណាក់​អតិថិជន។ ដៃគូ​អាជីវកម្ម ERA នឹង​ទទួលបាន​ការគាំទ្រ​យ៉ាងសកម្ម​ពី​ក្រុមហ៊ុន​តាមរយៈ​ការបណ្តុះបណ្តាល​ឈានមុខ​គេ​លើ​វិស័ល​អចល​ទ្រព្យ។ អតិថិជន និង​អ្នក​អភិវឌ្ឍន៍ នឹងមាន​ទំនុកចិត្ត​ខ្ពស់​ក្នុង​ការសហការ​ជាមួយ​ភ្នាក់ងារ​ដែលមាន​វិជ្ជាជីវៈ ដែល​ផ្តល់នូវ​សេវាកម្ម និង​ភាពស្មោះត្រង់​ខ្ពស់បំផុត​ពី​ក្រុមហ៊ុន​អចល​ទ្រព្យ ERA៕

ដោយ វុត្ថា

ភ្នំពេញ៖ ក្រុមហ៊ុន​ផ្សារ​ទំនើប EAON MALL Group បានប្រកាស​ពី​គំរោង​វិនិយោគ​ផ្សារ​ទំនើប AEON Mall ខ្នាតតូច​ចំនួន៣០ទីតាំង​បន្ថែមទៀត នៅ​ប្រទេស​កម្ពុជា ដោយសារ​កំនើន​ប្រាក់ចំណូល និង​អំណាច​នៃ​ការទិញ​កើនឡើង។

យោងតាម Asian Investment Report 2018 បានអោយដឹង​នៅក្នុង​របាយការណ៍​រប​ស់​ខ្លួន​មួយ​បាន​បញ្ជាក់ថា ក្រុមហ៊ុន​ផ្សារ​ទំនើប​Aeon មាន​គម្រោង​បើក​ផ្សារ​ទំនើប​អោយបាន​ជាង៣០បន្ថែមទៀត នៅក្នុង​ប្រទេស​កម្ពុជា​ក្នុង​ឆ្នាំ២០២០ ខាងមុខនេះ​ខណៈ​ត្រឹមតែ​ពីរ​ឆ្នាំ​គឺ​នៅក្នុង២០១៧ និង​នៅក្នុង​ឆ្នាំ២០១៨ កន្លងទៅនេះ បាន​ម្ពោ​ធ​ផ្សារ​ចំនួន២រួចហើយ។

របាយការណ៍​នេះ​បន្ថែមថា ក្រម​ហ៊ុន​មួយ​នេះ ក៏មាន​គម្រោង​ព​ង្រី​ផ្សារ​របស់ខ្លួន​នៅក្នុង​ប្រទេស​វៀតណាម​អោយបាន​ជាង២០ បន្ថែមទៀត​ផងដែរ នៅក្នុង​ឆ្នាំ២០២៥ ខាងមុខ។ រហូតមកដល់​ពេលនេះ​មាន​ផ្សារ​ប្រហែល១១ ហើយ​ដែល​បាន​ចូល​នៅក្នុង​ទីផ្សារ​វៀតណាម​ចាប់តាំងពី​ឆ្នាំ២០១៧ និង​បន្ត​សម្ពោធ​ដាក់អោយ​ដំណើរ​ថែមទៀត​នៅ​ទីនោះ។

ទំហំ​ទុនវិនិយោគ​ផ្ទាល់​ពី​បរទេស របស់​ប្រទេស​ជប៉ុន​មកកាន់​តំបន់​អាស៊ាន​កើនឡើង១៨ភាគរយ​ពោល គឺ​កើនឡើង៦,១ពាន់​លាន​ដុល្លារ  ហើយ​ការវិនិយោគ​របស់​ប្រទេស​ជប៉ុន​លើ​ពាណិជ្ជកម្ម​លក់រាយ និង​ដុំ​កើនឡើង៥០ភាគរយ ពោលគឺ​មាន​ទំហំ​ទឹកប្រាក់​ចំនួន៤,៣ពាន់​លាន​ដុល្លារ ដោយ​ឡែ​ង​ប្រទេស​ជប៉ុន ក៏​គ្រោង​នឹង​សម្ពោធ​ដាក់អោយ​ដំនើរ​រការ​ផ្សារ​លក់រាយ​បន្ថែមទៀត នៅក្នុង​តំបន់​អាស៊ាន​ផងដែរ។

ដោយ​ឡែ​ង​សម្រាប់​វិនិយោគ​ផ្ទា​ល់ពី​បរទេស (FDI) របស់​សហរដ្ឋអាមេរិក​វិញ​នៅក្នុង​តំបន់​អាស៊ាន ហាក់​មានការ​ធ្លាក់ចុះ​ចាប់តាំងពី​ឆ្នាំ២០១៦ ពី ១៧ពាន់​លាន​ដុល្លារ​មក​នៅត្រឹម២,១ពាន់​លាន​ដុល្លារ​សហរដ្ឋអាមេរិក៕