អ្នកជំនាញ: អ្នកអភិវឌ្ឍន៍អចលនទ្រព្យនៅកម្ពុជាគួរបង្វែរគម្រោងលំនៅដ្ឋានតម្លៃខ្ពស់ ទៅជាការបណ្តាក់ទុនលើលំនៅដ្ឋានតម្លៃសមរម្យ

January 11, 2025

ដោយ: គង់ លាងហួរ
ភ្នំពេញ: វិស័យអចលនទ្រព្យ និងស្ថានភាពសេដ្ឋកិច្ចរបស់ប្រទេសកម្ពុជាមានការអភិវឌ្ឍន៍យ៉ាងឆាប់រហ័ស ខណៈមានការអភិវឌ្ឍន៍គម្រោងខ្នាតធំជាច្រើននៅរាជធានីភ្នំពេញ ដូចជា បុរី និងវីឡាប្រណីតៗ។

យ៉ាងណាមិញ អ្នកជំនាញមួយរូបបានលើកឡើងថា កម្ពុជាមិនទាន់អាចឆ្លើយតបបាននៅឡើយចំពោះតម្រូវការលំនៅដ្ឋានតម្លៃសមរម្យ។ ហេតុនេះ ការបំពេញតម្រូវការមិនត្រឹមតែជាប៉ុណ្ណោះទេ ប៉ុន្តែ វាជាឱកាសសេដ្ឋកិច្ចមិនអាចកាត់ថ្លៃបាន។

លោកបណ្ឌិត Alexander Evengroen ប្រធាន និងជានាយកគ្រប់គ្រងនៃក្រុមហ៊ុន Evengroen Solution Group Co., Ltd. (ESG) ជឿជាក់ថា ឧស្សាហកម្មអចលនទ្រព្យ និងអ្នកអភិវឌ្ឍន៍មិនទាន់បានទាញយកនូវសក្តានុពលពេញលេញពីតម្រូវការលំនៅដ្ឋានតម្លៃសមរម្យនោះទេ។

លោកអះអាងថា ការផ្តោតលើការសាងសង់លំនៅដ្ឋានសម្រាប់អ្នកទិញ ដែលមានប្រាក់ចំណូលទាប និងមធ្យម គួបផ្សំនឹងដំណោះស្រាយថាមពលកកើតឡើងវិញប្រកបដោយភាពច្នៃប្រឌិត អាចផ្លាស់ប្ដូរទិដ្ឋភាពទីផ្សារលំនៅដ្ឋាននៅកម្ពុជា និងជំរុញពន្លឿនកំណើនសេដ្ឋកិច្ច។

នាពេលបច្ចុប្បន្ននេះ ការផ្គត់ផ្គង់លើសតម្រូវការនៃគម្រោងអចលនទ្រព្យតម្លៃខ្ពស់ជាភស្តុតាងបង្ហាញថា បណ្តាអ្នកអភិវឌ្ឍន៍ជាច្រើនកំពុងជួបប្រទះការលំបាកក្នុងការស្វែងរកអតិថិជន។ ទោះបីជាបែបនេះក្តី អ្នកអភិវឌ្ឍន៍ហាក់មានភាពស្ទាក់ស្ទើរក្នុងការផ្លាស់ប្តូរគំរូអាជីវកម្មរបស់ខ្លួន។

លោកបណ្ឌិត Evengroen ដែលមានបទពិសោធន៍ជាង៣០ឆ្នាំក្នុងវិស័យអចលនទ្រព្យ បានសង្កត់ធ្ងន់ថា ការធ្វើពិពិធកម្មឆ្ពោះទៅរកការអភិវឌ្ឍន៍លំនៅដ្ឋានតម្លៃសមរម្យនឹងដោះស្រាយបាននូវបញ្ហាប្រឈមជាច្រើនដូចជា៖

ទី១: ការជំរុញសេដ្ឋកិច្ច៖ ការផ្គត់ផ្គង់លំនៅដ្ឋានតម្លៃសមរម្យសម្រាប់ប្រជាជនមានប្រាក់ចំណូលទាប និងមធ្យម បង្កើតឱ្យមានផលវិជ្ជមានជាខ្លាំងលើឧស្សាហកម្មជាច្រើនរួមមានសំណង់ ធនាគារ និងបច្ចេកវិទ្យា។

ទី២: ការកាត់បន្ថយហានិភ័យសម្រាប់ធនាគារ៖ គម្រោងលំនៅដ្ឋានតម្លៃសមរម្យ
មានកម្រិតហានិភ័យទាបផ្នែកហិរញ្ញវត្ថុ និងលើកកម្ពស់លំហូរសាច់ប្រាក់ឱ្យមានសុខភាពល្អជាងមុន។

ទី៣: ការដោះស្រាយគម្លាតទីផ្សារ៖ ការផ្តោតលើការសាងសង់លំនៅដ្ឋានតម្លៃសមរម្យសម្រាប់អតិថិជនគោលដៅ ធានាថា គម្រោងអចលនទ្រព្យនោះអាចឆ្លើយតបទៅនឹងតម្រូវការរបស់ប្រជាជនកម្ពុជាភាគច្រើន។

ទី៤: ថាមពលកកើតឡើងវិញ៖ ការដាក់បញ្ចូលនូវដំណោះស្រាយថាមពលប្រកបដោយនិរន្តរភាពមិនត្រឹមតែកាត់បន្ថយការចំណាយសម្រាប់អតិថិជនដែលជាម្ចាស់ផ្ទះប៉ុណ្ណោះទេ ប៉ុន្តែថែមទាំងស្របតាមគំនិតផ្តួចផ្តើមថាមពលបៃតងជាសកលផងដែរ។

លោកបណ្ឌិត Evengroen សង្កត់ធ្ងន់ថា “អ្នកអភិវឌ្ឍន៍ត្រូវតែមានឆន្ទៈបង្វែរគម្រោងលំនៅដ្ឋានតម្លៃខ្ពស់ដែលមានស្រាប់ទៅជាការបណ្តាក់ទុនលើលំនៅដ្ឋានតម្លៃសមរម្យ។ ការផ្លាស់ប្តូរនេះទាមទារភាពជាអ្នកដឹកនាំ ការគិតគូរប្រកបដោយភាពច្នៃប្រឌិត និងឆន្ទៈក្នុងការដោះស្រាយបញ្ហាទីផ្សារនាពេលបច្ចុប្បន្ន”។

ជាលទ្ធផលត្រឡប់មកវិញ ការផ្លាស់ប្ដូរបែបនេះនឹងជួយជំរុញឧស្សាហកម្មអចលនទ្រព្យ បង្កើតឱកាសការងារ និងផ្គត់ផ្គង់លំនៅដ្ឋានតម្លៃសមរម្យ ដែលមានតម្រូវការខ្ពស់ក្នុងចំណោមប្រជាជនកម្ពុជាភាគច្រើន។

លោកបណ្ឌិត Evengroen បានមានប្រសាសន៍ឱ្យដឹងបន្តថា “តាមរយៈការដាក់ចេញវិធីសាស្រ្តយ៉ាងត្រឹមត្រូវ និងកិច្ចសហការរវាងរដ្ឋាភិបាល វិស័យឯកជន និងអ្នកវិនិយោគបរទេស អាចផ្លាស់ប្តូរសេដ្ឋកិច្ចរបស់ប្រទេសកម្ពុជាបាន”។

លោកបណ្ឌិតគូសបញ្ជាក់ទៀតថា លំនៅឋានតម្លៃសមរម្យពុំមែនត្រឹមតែជាការកសាងផ្ទះប៉ុណ្ណោះទេ ប៉ុន្តែនេះជាការបង្កើតឱកាស ជំរុញការបង្កើតថ្មី និងការផ្តល់អំណាចដល់សហគមន៍។

លោកបណ្ឌិតបន្ថែមថា “តាមរយៈការដាក់បញ្ចូលដំណោះស្រាយថាមពលកកើតឡើងវិញ បង្កើនកិច្ចសហការរវាងឧស្សាហកម្ម និងការដោះស្រាយបំពេញតម្រូវការរបស់គ្រួសារដែលមានប្រាក់ចំណូលទាប និងមធ្យម កម្ពុជាអាចមានមូលដ្ឋានគ្រឹះរឹងមាំក្នុងការជំរុញកំណើនសេដ្ឋកិច្ចប្រកបដោយចីរភាព និងបរិយាបន្ន៕ប្រភព: LinkedIn៕

ការសិក្សា: ពលរដ្ឋកាន់លិខិតឆ្លងដែនកម្ពុជាអាចធ្វើដំណើរទៅកាន់បណ្តាប្រទេសចំនួន៥៣ ដោយគ្មានទិដ្ឋាការនៅដើមឆ្នាំនេះ

January 11, 2025

0

ដោយ: គង់ លាងហួរ
អន្តរជាតិ: យោងតាមរបាយការណ៍សិក្សារបស់ក្រុមហ៊ុនអង់គ្លេស Henley & Partners ប្រចាំដើមឆ្នាំ២០២៥ បានបង្ហាញថា កម្ពុជាជាប់ចំណាត់ថ្នាក់ជាប្រទេស ដែលមានលិខិតឆ្លងដែនដ៏មានឥទ្ធិពលលំដាប់ទី៨នៅក្នុងតំបន់អាស៊ាន ដោយនាំមុខបណ្តាប្រទេសចំនួន៣ រួមមានវៀតណាម ឡាវ និងមីយ៉ាន់ម៉ា។

ក្រុមហ៊ុន Henley & Partners អះអាងថា “ពលរដ្ឋ ដែលកាន់លិខិតឆ្លងដែនរបស់កម្ពុជាអាចធ្វើដំណើរចូលទៅកាន់គោលដៅ ឬបណ្តាប្រទេសចំនួន៥៣ ដោយមិនចាំបាច់មានទិដ្ឋាការ”។

ដោយឡែក សិង្ហបុរីទទួលបានងារជាប្រទេស ដែលមានលិខិតឆ្លងដែនដ៏មានឥទ្ធិពលបំផុតនៅលើពិភពលោក និងក្នុងតំបន់អាស៊ាន ខណៈពលរដ្ឋសិង្ហបុរីអាចធ្វើដំណើរចូលទៅកាន់បណ្តាប្រទេស និងដែនដីចំនួន១៩៥ ដោយគ្មានទិដ្ឋាការ។ នេះបើយោងតាមរបាយការណ៍“Henley Global Mobility Report”។

ប្រទេសម៉ាឡេស៊ីជាប់ចំណាត់ថ្នាក់លេខ២ក្នុងតំបន់អាស៊ាន ខណៈពលរដ្ឋម៉ាឡេសុីអាចធ្វើដំណើរចូលទៅកាន់គោលដៅចំនួន១៨៣ប្រទេស ដោយគ្មានទិដ្ឋាការ តាមពីក្រោយដោយប្រទេសប្រ៊ុយណេដែលពលរដ្ឋប្រ៊ុយណេមានលទ្ធភាពធ្វើដំណើរចូលទៅកាន់គោលដៅចំនួន១៦៦ប្រទេស ដោយមិនចាំបាច់កាន់ទិដ្ឋាការ។

ប្រទេសទីម័រខាងកើតជាប់ចំណាត់ថ្នាក់ទី៤ ជាមួយនឹងសិទ្ធិអាចធ្វើដំណើរចូលទៅកាន់គោលដៅចំនួន៩៧ប្រទេស ដោយមិនចាំបាច់មានទិដ្ឋាការ។

ប្រទេសថៃ ដែលមានសេដ្ឋកិច្ចពឹងផ្អែកខ្លាំងលើវិស័យទេសចរណ៍បានជាប់ចំណាត់ថ្នាក់ទី៥ក្នុងតំបន់ ដោយអ្នកកាន់លិខិតឆ្លងដែនរបស់ថៃអាចធ្វើដំណើរចូលទៅកាន់គោលដៅចំនួន៨២ប្រទេស ដោយមិនចាំបាច់មានទិដ្ឋាការ។

ឥណ្ឌូនេស៊ី ដែលជាប្រទេសមានសេដ្ឋកិច្ចធំជាងគេនៅតំបន់អាស៊ាន ជាប់ចំណាត់ថ្នាក់ទី៦ ដែលពលរដ្ឋឥណ្ឌូនេសុីអាចធ្វើដំណើរចូលទៅកាន់គោលដៅចំនួន៧៦ប្រទេស ដោយគ្មានទិដ្ឋាការ។

ជាមួយគ្នានេះ ពលរដ្ឋកាន់លិខិតឆ្លងដែនរបស់ប្រទេសហ្វីលីពីនអាចចូលទៅកាន់បណ្តាប្រទេសចំនួន៦៧ ជុំវិញពិភពលោក ដោយមិនចាំបាច់មានទិដ្ឋាការ ដោយដាក់ចំណាត់ថ្នាក់របស់ប្រទេសហ្វីលីពីននៅលេខរៀងទី៧។

ចំណែក ប្រទេសវៀតណាមឈរនៅលេខរៀងទី៩ បន្ទាប់ពីកម្ពុជា ខណៈពលរដ្ឋកាន់លិខិតឆ្លងដែនរបស់វៀតណាមអាចធ្វើដំណើរចូលទៅកាន់បណ្តាប្រទេសចំនួន៥១ ជុំវិញពិភពលោក ដោយមិនចាំបាច់មានទិដ្ឋាការ។

រីឯ ប្រទេសឡាវឈរនៅលេខរៀងទី១០ ខណៈពលរដ្ឋកាន់លិខិតឆ្លងដែនរបស់ឡាវអាចធ្វើដំណើរចូលទៅកាន់បណ្តាប្រទេសចំនួន៤៩ ជុំវិញពិភពលោកដោយមិនចាំបាច់មានទិដ្ឋាការ។

ប្រទេសមីយ៉ាន់ម៉ាជាប់ចំណាត់ថ្នាក់លេខ១១ចុងក្រោយគេ ដែលក្នុងនោះពលរដ្ឋកាន់លិខិតឆ្លងដែនរបស់មីយ៉ាន់ម៉ាអាចធ្វើដំណើរចូលទៅកាន់បណ្តាប្រទេសចំនួន៤៦ ជុំវិញពិភពលោកដោយមិនចាំបាច់មានទិដ្ឋាការ៕ប្រភព: Vnexpress៕

តើកំណើននៃការផ្គត់ផ្គង់ខុនដូនៅទីក្រុងតូក្យូក្នុងឆ្នាំ២០២៥ អាចធ្វើឱ្យតម្លៃលក់ធ្លាក់ចុះឬយ៉ាងណា?

January 10, 2025

0

ដោយ: គង់ លាងហួរ
តូក្យូ: យោងតាមការព្យាករណ៍របស់ស្ថាប័នជំនាញមួយបានឱ្យដឹងថា ចំនួនខុនដូថ្មីនៅទីក្រុងតូក្យូនៃប្រទេសជប៉ុននឹងកើនឡើងនៅឆ្នាំ២០២៥នេះ ជាលើកដំបូងក្នុងរយៈពេល៤ឆ្នាំកន្លងទៅ។

ប៉ុន្តែ ទីផ្សារនៅតែត្រូវបានគេរំពឹងថា នឹងមានភាពតានតឹង។នេះបើយោងតាមការដកស្រង់ចុះផ្សាយដោយសារពត៌មាន Nikkei Asia។

វិទ្យាស្ថានសេដ្ឋកិច្ចអចលនទ្រព្យ(Real Estate Economic Institute) ដែលមានមូលដ្ឋាននៅទីក្រុងតូក្យូបានគូសបញ្ជាក់ក្នុងរបាយការណ៍មួយថា ការផ្គត់ផ្គង់ខុនដូថ្មីនៅទីក្រុងតូក្យូនឹងកើនឡើងចំនួន២៦.០០០យូនីតនៅឆ្នាំ២០២៥ កើនឡើង១៣%ធៀបនឹងឆ្នាំ២០២៤។

កាលពីឆ្នាំ២០២៤ អ្នកអភិវឌ្ឍន៍បានសាងសង់ខុនដូថ្មីប្រមាណ២៣.០០០យូនីតនៅទីក្រុងតូក្យូ ធ្លាក់ចុះ១៤,៤%ធៀបនឹងឆ្នាំ២០២៣ ហើយចំនួននេះជាកម្រិតទាបមិនធ្លាប់មានឡើយ គិតចាប់តាំងពីទិន្នន័យទាំងនេះត្រូវបានប្រមូលចងក្រងឡើងដំបូងនៅឆ្នាំ១៩៧៣។

កង្វះនៃការសាងសង់ខុនដូថ្មីនៅក្នុងទីក្រុងតូក្យូ មួយផ្នែកបណ្តាលមកពីបណ្តាអ្នកអភិវឌ្ឍន៍អចលនទ្រព្យសម្រេចចិត្តធ្វើការរឹតបន្តឹងការផ្គត់ផ្គង់។

លោក Takuya Sumida អ្នកគ្រប់គ្រងជាន់ខ្ពស់នៃក្រុមហ៊ុនអាជីវកម្មខុនដូ Daiwa House Industry បានលើកឡើងថា “ យូនីតខុនដូជាច្រើនកំពុងត្រូវបានលក់ចេញ បន្ទាប់ពីបញ្ចប់ការសាងសង់ ជំនួសឱ្យគោលបំណងនៃការលក់ចេញមុនពេលបញ្ចប់ការសាងសង់ ឬហៅថា (Pre-sale)”។

ខុនដូនៅក្នុងសង្កាត់ទាំង២៣ស្ថិតនៅចំកណ្តាលទីក្រុងតូក្យូ ត្រូវបានដាក់លក់ក្នុងតម្លៃជាមធ្យមចំនួន១១២,៨លានយ៉េន (ប្រហែល៧១៨.០០០ដុល្លារ)ក្នុងមួយយូនីត ចាប់ពីខែមករាដល់ខែវិច្ឆិកា ឆ្នាំ២០២៤កន្លងទៅ។

កាលពីឆ្នាំ២០២៣ តម្លៃខុនដូជាមធ្យមនៅទីក្រុងតូក្យូបានកើនឡើងដល់ចំនួន១០០លានយ៉េនក្នុងមួយយូនីត ហើយតម្លៃខុនដូនៅឆ្នាំ២០២៥ ត្រូវបានព្យាករណ៍ថា អាចនឹងកើនឡើងក្នុងកម្រិតស្រដៀងគ្នានេះ។

ក្នុងរយៈពេល៥ឆ្នាំកន្លងមក តម្លៃខុនដូជាមធ្យម ដែលទើបនឹងសាងសង់ថ្មីក្នុងសង្កាត់ទាំង២៣នៃទីក្រុងតូក្យូ បានហក់ឡើងថ្លៃប្រហែល៦០ភាគរយ ខណៈគេមិនទាន់សង្កេតឃើញមានសញ្ញាណាមួយបង្ហាញថា តម្រូវការនឹងធ្លាក់ចុះនោះទេ៕ប្រភព: Nikkei Asia៕

Residential market seen contracting 5-10% in 2025

January 10, 2025

0

The residential market is projected to contract by 5-10% this year, following a slowdown last year, as younger buyers delay home purchases because of reduced confidence in the economy, according to property research firm Terra Media and Consulting.

Sumitra Wongpakdee, the company’s managing director, said a recent survey found the consumer confidence index continued to decline, falling to 72 in 2024 from 76 in 2023 and 79 in 2022, after rebounding from 43 in 2020.

“Although consumers were not entirely lacking confidence, as 50 represents the neutral point, the index still fell from the year before,” she said.

Despite concerns about the economy, consumers felt their financial situation would improve in 2025.

However, home purchases were being delayed due to a lack of confidence, despite an interest in buying.

“This is contributing to uncertainty in the market,” said Mrs Sumitra.

“The residential market in the first quarter of 2025 is likely to remain sluggish as there are no clear positive economic signals yet.”

According to Terra’s online survey conducted from September to October 2024 among 3,700 potential homebuyers, with 2,500 high-quality responses, the greatest concern was the Thai economy over the next 12 months.

Confidence in this area was 53, the lowest, marking a 20% decline — the largest year-on-year drop.

This was followed by confidence in the Thai economic outlook for the next five years, which dropped 12% to 71.

When asked about purchasing high- value products such as property and cars, respondents gave a confidence score of 64, down by 1%.

In contrast, the remaining two issues concerning their financial status showed the highest confidence.

Confidence in their financial status over the next 12 months was the highest at 95, up by 2%, while confidence in their curxnt financial status compared with 2023 was 80, an increase of 10%.

Source: Bangkok Post

តំបន់សេដ្ឋកិច្ចពិសេស អាយ អេស អាយ បើកសម្ពោធជាផ្លូវការ និងជម្រុញសន្ទុះសេដ្ឋកិច្ចកម្ពុជាក្នុងឆ្នាំ 2025

January 10, 2025

0

[ភ្នំពេញ ថ្ងៃទី 10 ខែមករា ឆ្នាំ 2025] – អាយ អេស អាយ គ្រុប (ISI GROUP) ដែលជាក្រុមហ៊ុនឈានមុខគេមួយនៅក្នុងប្រទេសកម្ពុជា មានសេចក្តីសោមនស្សរីករាយក្នុងការប្រកាសសម្ពោធបើកដំណើរការជាផ្លូវការនៃតំបន់សេដ្ឋកិច្ចពិសេស អាយ អេស អាយ ដែលជាតំបន់អភិវឌ្ឍថ្មីក្រោមកិច្ចសហការរវាងដៃគូវិនិយោគសំខាន់ៗ អភិវឌ្ឍលើផ្ទៃដីទំហំជាង 800 ហិចតា នៅក្នុងក្រុងព្រះសីហនុ។ ពិធីសម្ពោធនេះបានប្រព្រឹត្តទៅនៅអគារការិយាល័យ ISI TOWER ដែលជាទីស្នាក់ការកណ្តាលរបស់ ISI GROUP ស្ថិតនៅក្នុងរាជធានីភ្នំពេញ។

(ពិធីសម្ពោធបើកដំណើរការជាផ្លូវការតំបន់សេដ្ឋកិច្ចពិសេស អាយ អេស អាយ រូបភាពពីឆ្វេងទៅស្តាំ លោក កាំង សេន អគ្គនាយកប្រតិបត្តិនៃក្រុមហ៊ុន FUXIN លោក កាំង ឡេង អគ្គនាយកប្រតិបត្តិ ឯកឧត្តម ឧបនាយករដ្ឋមន្ត្រី សាយ សំអាល់ ឯកឧត្តម ជា វុទ្ធី លោក CHANG Wen-Chu អគ្គនាយករងនៃគម្រោងតំបន់សេដ្ឋកិច្ចពិសេស អាយ អេស អាយ)

នេះជាព្រឹត្តិការណ៍ដ៏គួរឱ្យរំភើបមួយនៃការចាប់ផ្តើមប្រតិបត្តិការរបស់តំបន់សេដ្ឋកិច្ចពិសេស អាយ អេស អាយ ដោយមានការចូលរួមពីសំណាក់ភ្ញៀវកិត្តិយសជាង 200 នាក់ ក្រោមអធិបតីភាពរបស់ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ ឯកឧត្តមបណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណៈកម្មាធិការជំរុញការដោះស្រាយបញ្ហាវិស័យឯកជន ឯកឧត្តមសាស្ត្រាចារ្យបណ្ឌិត ឆែម គាតរិទ្ធី ទេសរដ្ឋមន្ត្រីទទួលបេសកកម្មពិសេស និងជាប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា និង លោក កាំង ឡេង អគ្គនាយកប្រតិបត្តិនៃ ISI GROUP ព្រមទាំងសមាជិកក្រុមប្រឹក្សាភិបាលសំខាន់ៗ ក៏ដូចជាសហគមន៍ធុរកិច្ចជាតិ និងអន្តរជាតិផ្សេងៗទៀតផងដែរ។

(ការចូលរួមពីសំណាក់ភ្ញៀវកិត្តិយស និងមន្ត្រីរាជរដ្ឋាភិបាលកម្ពុជាក្នុងពិធីសម្ពោធតំបន់សេដ្ឋកិច្ចពិសេស អាយ អេស អាយ)

(ដំណើរចុះទស្សនាប្លង់គំរូនៃគម្រោងតំបន់សេដ្ឋកិច្ចពិសេស អាយ អេស អាយ របស់ឯកឧត្តម ឧបនាយករដ្ឋមន្ត្រី សាយ សំអាល់ ឯកឧត្តមបណ្ឌិតសភាចារ្យ សុក ស៊ីផាន់ណា ឯកឧត្តមសាស្ត្រាចារ្យបណ្ឌិត ឆែម គាតរិទ្ធី ជាមួយលោក កាំង ឡេង អគ្គយកប្រតិបត្តិ ISI GROUP លោក កាំង ហុក អគ្គយកប្រតិបត្តិក្រុមហ៊ុន អឺបេនលែន)

តំបន់សេដ្ឋកិច្ចពិសេស អាយ អេស អាយ គឺជាតំបន់សេដ្ឋកិច្ចពិសេសដំបូងគេដែលមានទីតាំងតាមបណ្ដោយផ្លូវល្បឿនលឿន ភ្នំពេញ-ក្រុងព្រះសីហនុ និងមានរយៈចម្ងាយត្រឹមតែ 30 នាទីពីកំពង់ផែអន្តរជាតិ អាកាសយានដ្ឋានអន្តរជាតិក្រុងព្រះសីហនុ និងរយៈចម្ងាយត្រឹមតែ 1 ម៉ោង 30 នាទីពីរាជធានីភ្នំពេញ។ ទីតាំងយុទ្ធសាស្ត្រនេះធានាបាននូវការតភ្ជាប់យ៉ាងល្អឥតខ្ចោះសម្រាប់សហគ្រាសដែលផ្តោតលើការនាំចេញ ធ្វើឱ្យតំបន់សេដ្ឋកិច្ចពិសេស អាយ អេស អាយ ក្លាយជាច្រកចេញចូលដ៏សំខាន់មួយសម្រាប់ទីផ្សារក្នុងតំបន់អាស៊ីអាគ្នេយ៍ និងពិភពលោក។

(ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ អំឡុងពេលថ្លែងសុន្ទរកថា)

នៅក្នុងសុន្ទរកថារបស់ ឯកឧត្តម ឧបនាយករដ្ឋមន្ត្រី សាយ សំអាល់ បានសម្តែងការកោតសរសើរដល់កិច្ចខិតខំប្រឹងប្រែងរួមគ្នាជាគ្រួសារមួយក្នុងការបង្កើតប្រទេសកម្ពុជាសហសម័យ ហើយការអភិវឌ្ឍគម្រោងនេះ រួមជាចំនែកមួយយ៉ាងសំខាន់ នៃសមិទ្ធផលដ៏ធំធេងនេះ។ ឯកឧត្តម ឧបនាយករដ្ឋមន្ត្រី សាយ សំអាល់ បានបង្ហាញការប្តេជ្ញាក្នុងការគាំទ្ររាល់គំនិតផ្តួចផ្តើមនៃការរួមចំណែកអភិវឌ្ឍន៍ជាពិសេសនៅក្រុងព្រះសីហនុ ដោយលោកជឿថាក្រុងព្រះសីហនុដើរតួជាក្បាលម៉ាស៊ីនសំខាន់នៃសេដ្ឋកិច្ចជាតិ។
ឯកឧត្តម ឧបនាយករដ្ឋមន្ត្រី សាយ សំអាល់ ក៏បានបន្ថែមទៀតថា៖ «ខ្ញុំសង្ឃឹមថាតំបន់សេដ្ឋកិច្ចពិសេសនេះ នឹងចាប់ផ្តើមបង្កើតនូវផលិតផលសម្រេចសម្រាប់នាំចេញទៅក្រៅប្រទេស» លោកក៏បានបង្ហើបពីការរំពឹងទុករបស់លោកសម្រាប់តំបន់សេដ្ឋកិច្ចនេះថានឹងអាចមានលទ្ធភាពបង្កើតចង្វាក់ផលិតកម្មតាំងពីដើមរហូតដល់ផលិតផលសម្រេច និងអាចនាំចេញទៅក្រៅប្រទេសផ្ទាល់តែម្តង ដោយកត្តាទាំងនេះបង្ហាញពីការអភិវឌ្ឍជាតិដ៏ពិតប្រកដមួយ។

(លោក កាំង ឡេង ក្នុងការធ្វើបទបង្ហាញអំពីគម្រោងតំបន់សេដ្ឋកិច្ចពិសេស អាយ អេស អាយ)

លោក កាំង ឡេង បានលើកឡើងក្នុងសុន្ទរកថារបស់លោកថា៖ «បន្ទាប់ពីភាពជោគជ័យរបស់តំបន់ពាណិជ្ជកម្មចម្រុះ ISI PARK វេង ស្រេង និងសួនឧស្សាហកម្មទំនើប ISI PARK ផ្លូវជាតិលេខ 2 ISI GROUP បានត្រៀមខ្លួនរួចជាស្រេចក្នុងការបន្តលើកកម្ពស់វិស័យឧស្សាហកម្មនៅក្នុងប្រទេសកម្ពុជា ជាមួយការអភិវឌ្ឍតំបន់សេដ្ឋកិច្ចពិសេស អាយ អេស អាយ ដោយបញ្ចូលនូវហេដ្ឋារចនាសម្ព័ន្ធកម្រិតខ្ពស់ និងការអនុវត្តកិច្ចសហការថ្មី។ គោលដៅរបស់យើង គឺការសាងសង់ និងដឹកនាំដោយភាពច្នៃប្រឌិតឈានមុខគេ និងការបង្កើតឧស្សាហកម្មចម្រុះដ៏រស់រវើកសម្រាប់ភាពរីកចម្រើនទៅដល់់វិស័យផ្សេងៗ និងសហគមន៍ជុំវិញ»។

(ឯកឧត្តម ជា វុទ្ធី ក្នុងពេលថ្លែងសុន្ទរកថាគាំទ្ររបស់លោកក្នុងពិធីសម្ពោធបើកដំណើរការជាផ្លូវការ)

ឯកឧត្តម ជា វុទ្ធី បានសម្តែងការគាំទ្រលើគម្រោងថ្មីនេះ ដោយការបង្ហាញពីក្តីសោមនស្សរីករាយរបស់លោកមកលើតំបន់សេដ្ឋកិច្ចពិសេស អាយ អេស អាយ ក្នុងការចូលរួមចំណែកជាមួយរាជរដ្ឋាភិបាលដើម្បីការអភិវឌ្ឍខេត្តព្រះសីហនុ និងសេដ្ឋកិច្ចកម្ពុជាទាំងមូល។ ឯកឧត្តមបានសង្កត់ធ្ងន់លើសារៈសំខាន់របស់ខេត្តព្រះសីហនុ ដែលជាតំបន់ប៉ូលសេដ្ឋកិច្ចជាតិដ៏មានសក្តានុពល ហើយរាជរដ្ឋាភិបាលតែងចាត់ទុកវិស័យឯកជនជាក្បាលម៉ាស៊ីននៃកំណើនសេដ្ឋកិច្ចជាតិ ដើម្បីលើកកម្ពស់ភាពប្រកួតប្រជែងរបស់ប្រទេសកម្ពុជា។ ការជ្រោមជ្រែងពីសំណាក់ក្រុមប្រឹក្សាអភិវឌ្ឍន៍កម្ពុជានេះ មិនត្រឹមតែបានបង្កើតក្របខ័ណ្ឌចាំបាច់សម្រាប់សម្រួលដល់កិច្ចសហការថ្មីៗប៉ុណ្ណោះទេ ប៉ុន្តែថែមទាំងបង្កើតបរិយាកាសទាក់ទាញដល់ការវិនិយោគក្នុងស្រុក និងអន្តរជាតិផងដែរ។

(រូបភាពអនុស្សាវរីយ៍ជុំគ្នារបស់ភ្ញៀវកិត្តិយសសំខាន់ៗ ដើម្បីអបអសាទរពិធីសម្ពោធបើកដំណើរការផ្លូវការគម្រោងតំបន់សេដ្ឋកិច្ចពិសេស អាយ អេស អាយ)

តំបន់សេដ្ឋកិច្ចពិសេស អាយ អេស អាយ អភិវឌ្ឍលើផ្ទៃដីទំហំជាង 800 ហិចតា ដោយដំណាក់កាលដំបូងបានកំពុងអភិវឌ្ឍលើផ្ទៃដីជាង 200 ហិកតា និងផ្តល់សក្តានុពលលើសពីតំបន់ឧស្សាហកម្មធម្មតា។ តំបន់សេដ្ឋកិច្ចពិសេស អាយ អេស អាយ មានទីតាំងអំណោយផលបំផុតភ្ជាប់នឹងផ្លូវទឹកធម្មជាតិដ៏ស្រស់បំព្រង។ ISI GROUP បានយកចិត្តទុកដាក់លើគម្រោងនេះជាខ្លាំង ដោយបានសហការជាមួយ វិទ្យាស្ថានជំនាញរចនាពីប្រទេសអូស្ត្រាលី ក្នុងរចនាប្លង់មេនេះ ដើម្បីបង្កើតជាសួនឧស្សាហកម្ម-អេកូឡូស៊ីដែលអាចរស់នៅបាន។ ការរចនាដ៏ពិសេសនេះ រួមបញ្ចូលគ្នាទាំងផ្នែកឧស្សាហកម្ម និងទីតាំងសហគមន៍មានមុខងារសំខាន់ៗដូចជា៖ ការិយាល័យច្រកចេញចូលតែមួយ អន្តេវាសិកដ្ឋាននយោជិត ប្រព័ន្ធចម្រោះទឹកស្អាត កន្លែងប្រព្រឹត្តិកម្មកែប្រែទឹកកខ្វក់ ស្ថានីយ៍ថាមពលអគ្គិសនី សាលាបណ្តុះបណ្តាលវិជ្ជាជីវៈ និងរចនាសម្ព័ន្ធផ្សេងៗទៀត ។

(រូបភាពគំរូនៃគម្រោងតំបន់សេដ្ឋកិច្ចពិសេស អាយ អេស អាយ ដែលមានទីតាំងតាមបណ្ដោយផ្លូវល្បឿនលឿន ភ្នំពេញ-ក្រុងព្រះសីហនុ)

ក្នុងពិធីសម្ពោធបើកដំណើរការនៃតំបន់សេដ្ឋកិច្ចពិសេស អាយ អេស អាយ ក៏បានទាក់ទាញអ្នកវិនិយោទុនអន្តរជាតិ ដែលបានបង្ហាញនូវចំណាប់អារម្មណ៍ជាខ្លាំងលើទីផ្សារក្នុងតំបន់អាស៊ីអាគ្នេយ៍ អំឡុងពេលចុះទស្សនៈកិច្ចនៅទីស្នាក់ការកណ្តាលរបស់ ISI GROUP និងតំបន់អភិវឌ្ឍជុំវិញ ដើម្បីយល់ដឹងកាន់តែស៊ីជម្រៅអំពីសក្តានុពលនៃការវិនិយោគក្នុងប្រទេសកម្ពុជា និងអត្ថប្រយោជន៍ដែលផ្តល់ដោយគម្រោងតំបន់សេដ្ឋកិច្ចពិសេស អាយ អេស អាយនេះ។

ជាមួយបទពិសោធន៍នៅលើទីផ្សារជាង 25 ឆ្នាំ ISI GROUP បានពង្រឹងខ្លួនជាអ្នកដឹកនាំដ៏គួរឱ្យទុកចិត្តបំផុតខាងផ្នែកអភិវឌ្ឍវិស័យសួនឧស្សាហកម្មចម្រុះ។ ដោយផ្អែកលើភាពជោគជ័យនៃសួនឧស្សាហកម្មចំនួនពីរ គឺតំបន់ពាណិជ្ជកម្មចម្រុះ ISI PARK វេង ស្រេង ដែលឥឡូវនេះជាទីតាំងសហគមន៍ដ៏រីកចម្រើនមួយ រួមមានជាង 100 សហគ្រាសកំពុងដំនើរការ ហើយបានបង្កើតប្រតិបត្តិការហិរញ្ញវត្ថុ 1 ពាន់លានដុល្លារ និងការងារចំនួនជាង 10,000 កន្លែង និងសួនឧស្សហកម្ម ISI PARK ផ្លូវជាតិលេខ 2 ដែលតភ្ជាប់ទៅកាន់ផ្លូវក្រវ៉ាត់ក្រុងសំខាន់ៗ និងមានទីតាំងត្រឹមតែ 15 នាទីពីអាកាសយានដ្ឋានអន្តរជាតិតេជោ។ ISI GROUP ត្រៀមនឹងបន្តពង្រីកការអភិវឌ្ឍតំបន់សេដ្ឋកិច្ចពិសេស អាយ អេស អាយ ដោយពង្រឹងលើការរចនាហេដ្ឋារចនាសម្ព័ន្ធ និងសេវាកម្មទំនើបថ្មីៗ ស្របតាមស្តង់ដាអន្តរជាតិ។

ISI GROUP ប្តេជ្ញាក្នុងការកសាងតំបន់សេដ្ឋកិច្ចពិសេសនេះប្រកបដោយភាពច្នៃប្រឌិត ដោយធានាឱ្យមានតុល្យភាពនៃការអភិវឌ្ឍវិស័យឧស្សាហកម្ម និងជម្រុញការវិនិយោគ ប្រកបដោយនិរន្តរភាព ក្នុងគោលបំណងដើម្បីបង្កើនសេដ្ឋកិច្ចក្នុងស្រុកបន្ថែមទៀត។ ពិធីសម្ពោធបើកដំណើរការជាផ្លូវការនៃតំបន់សេដ្ឋកិច្ចពិសេស អាយ អេស អាយ ជាសក្ខីភាពនៃកិច្ចខិតខំប្រឹងប្រែងរបស់ ISI GROUP ក្នុងដំណើរការចូលរួមអភិវឌ្ឍប្រទេសកម្ពុជា។

បណ្តាអ្នកវិនិយោគបរទេសមកពីប្រទេសចំនួន៣ គ្រោងបោះទុនសាងសង់លំនៅដ្ឋានចំនួន៦លានយូនីតនៅឥណ្ឌូនេសុី

January 10, 2025

0

ដោយ: គង់ លាងហួរ
អន្តរជាតិ: បណ្តាអ្នកវិនិយោគបរទេសជាច្រើន រួមមានមកពីប្រទេសចិន ប្រទេសកាតា និងប្រទេសអេមីរ៉ាត់អារ៉ាប់រួមបានបង្ហាញពីការត្រៀមខ្លួននៅក្នុងការបណ្តាក់ទុនវិនិយោគលើការសាងសង់ផ្ទះចំនួន៦លានយូនីតនៅប្រទេសឥណ្ឌូនេសុី។

លោក Hashim Djojohadikusumo ប្រធានក្រុមការងារលំនៅដ្ឋានសាធារណៈនៃរដ្ឋាភិបាលឥណ្ឌូនេសុីបានអះអាងថា រដ្ឋាភិបាលមានសុទិដ្ឋិនិយមយ៉ាងខ្លាំងចំពោះការសាងសង់ផ្ទះចំនួន៣លានយូនីតក្នុងមួយឆ្នាំៗ តាមរយៈក្រសួងលំនៅដ្ឋានសាធារណៈ។ បណ្តាវិនិយោគិនបរទេសកំពុងជួយធានានូវភាពជោគជ័យនៃគម្រោងនេះ។

លោក Hashim បានបង្ហាញក្តីសង្ឃឹមថា “ឥណ្ឌូនេស៊ីនឹងបញ្ចប់ការសាងសង់អាផាតមុិន និងផ្ទះចំនួន១៥លានយូនីតក្នុងរយៈពេល៥ឆ្នាំនៃអាណត្តិដឹកនាំប្រទេសរបស់ប្រធានាធិបតីលោក Prabowo Subianto”។

លោកបន្ថែមថា អ្នកវិនិយោគមកពីប្រទេសចិន កាតា និងអារ៉ាប់រួម បានប្តេជ្ញាវិនិយោគលើការសាងសង់ផ្ទះចំនួន៦លានយូនីតនៅក្នុងប្រទេសដែលមានសេដ្ឋកិច្ចធំជាងគេក្នុងតំបន់អាស៊ានមួយនេះ។

ជាក់ស្ដែង កាលពីថ្ងៃទី៨ ខែមករា រដ្ឋាភិបាលឥណ្ឌូនេស៊ីបានចុះហត្ថលេខាលើអនុស្សរណៈនៃការយោគយល់គ្នា(MoU) ជាមួយអ្នកវិនិយោគមកពីប្រទេសកាតាដើម្បីសាងសង់ផ្ទះតម្លៃសមរម្យចំនួនមួយលានយូនីត។

តាមរយៈ MoU នេះ រដ្ឋាភិបាលឥណ្ឌូនេស៊ីគ្រោងនឹងផ្តល់ដីសម្រាប់សាងសង់អាផាតមុិន ខណៈដែលអ្នកវិនិយោគកាតានឹងក្លាយជាអ្នកម៉ៅការ និងមានតួនាទីផ្តល់ហិរញ្ញប្បទានដល់គម្រោងនេះ។

ក្នុងអំឡុងពេលធ្វើយុទ្ធនាការឃោសនាបោះឆ្នោតកាលពីឆ្នាំមុន លោក Prabowo បានប្តេជ្ញាថា រដ្ឋាភិបាលរបស់លោកនឹងសាងសង់លំនៅដ្ឋានចំនួន៣លានយូនីតក្នុងមួយឆ្នាំៗនៅតាមភូមិ និងទីក្រុងនានាទូទាំងប្រទេស។

ទន្ទឹមនឹងនេះ លោក Maruarar Sirait រដ្ឋមន្ត្រីក្រសួងលំនៅដ្ឋានសាធារណៈបានទម្លាយឱ្យដឹងថា ក្នុងអំឡុងរយៈពេលពីរខែដំបូងនៃការដឹកនាំក្រោមរដ្ឋបាលរបស់លោក Prabowo ផ្ទះថ្មីចំនួន៣៤.០០០យូនីតត្រូវបានសាងសង់ឡើងរួចហើយ៕ប្រភព: Jakarta Globe & Reuters៕

គណនី Instagram របស់មហាសេដ្ឋីដ៏មានឥទ្ធិពលបំផុតទាំង៥ លើពិភពលោក អាចរកចំណូលបានរាប់មុឺនដុល្លារ ក្នុងពេលបង្ហោះម្តងៗ

January 10, 2025

0

ដោយ: គង់ លាងហួរ
អន្តរជាតិ: យោងតាមការសិក្សាមួយបានរកឃើញថា មហាសេដ្ឋីដ៏មានឥទ្ធិពលបំផុតទាំង៥ នៅលើបណ្តាញសង្គម Instagram អាចរកប្រាក់ចំណូលបានចំនួនជាង៣០០.០០០ដុល្លារអាមេរិកក្នុងការបង្ហោះមួយលើកៗ(Per post)។

ទី១: លោក ដូណាល់ ត្រាំ

ប្រធានាធិបតីជាប់ឆ្នោតរបស់សហរដ្ឋអាមេរិកលោក ដូ ណាល់ត្រាំ នាំមុខគេក្នុងបញ្ជី ដោយលោកអាចរកប្រាក់ចំណូលបានចាប់ពី២៣០.៧២១ដុល្លារ ដល់៣១២.១៥២ដុល្លារក្នុងការបង្ហោះម្តងៗនៅលើគណនី Instagram របស់លោក។

គណនី Instagram របស់លោក ត្រាំមានអ្នកតាមដាន(Followers)ជិត៣០លាននាក់ ហើយការបង្ហោះរបស់លោកលើបណ្តាញសង្គម Instagram អាចទទួលបានការចុច Likes ពីអ្នកប្រើប្រាស់ជាង២,៦លាននាក់ និងការចុច Comments ប្រមាណ៤៦.០០០នាក់។ ទ្រព្យសម្បត្តិសុទ្ធរបស់លោក ត្រាំមានចំនួន៥,២ពាន់លានដុល្លារ។

ទី២: លោកស្រី Oprah Winfrey

មហាសេដ្ឋីនីលោកស្រី Oprah Winfrey ស្ថិតនៅលេខរៀងទីពីរនៅក្នុងបញ្ជី។ លោកស្រីមានភាពល្បីល្បាញ ដោយសារតួនាទីជាអ្នករៀបចំកម្មវិធីជជែក ផលិតករ តារាសម្តែង និងសប្បុរសជន។

ជាមួយនឹងចំនួនអ្នកតាមដានលើបណ្តាញសង្គម Instagram ប្រមាណ២២,៦លាននាក់ លោកស្រី Winfrey អាចរកប្រាក់ចំណូលបានចន្លោះពី១៩២.៧៣៣ដុល្លារទៅ២៦០.៧៥៧ដុល្លារក្នុងការបង្ហោះម្តងៗ។ ទ្រព្យសម្បត្តិរបស់លោកស្រីមានចំនួន៣ពាន់លានដុល្លារ។

ទី៣: លោក Mark Zuckerberg

ស្ថាបនិក និងជានាយកប្រតិបត្តិរបស់ក្រុមហ៊ុនយក្ស Meta លោក Mark Zuckerberg ជាប់ចំណាត់ថ្នាក់ទី៣ ក្នុងចំណោមមហាសេដ្ឋីដែលមានឥទ្ធិពលបំផុតទាំង៥រូបនៅលើបណ្តាញសង្គម Instagram ។

ជាមួយនឹងចំនួនអ្នកតាមដាន១៤,២លាននាក់ ការបង្ហោះរបស់លោកអាចទទួលបានការចុច Likes ជាមធ្យមពអ្នកប្រើប្រាស់ចំនួន៣៣១.១៥០នាក់ ដែលផ្តល់ប្រាក់ចំណូលចន្លោះពី១២៣.៦២០ដុល្លារ ទៅ១៦៧.២៥០ដុល្លារក្នុងការបង្ហោះម្តងៗ។ ទ្រព្យសម្បត្តិសុទ្ធរបស់លោក Zuckerberg មានចំនួន២០២,៥ពាន់លានដុល្លារ។

ទី៤: លោក Bill Gates

លោក Bill Gates ស្ថាបនិក និងជាអតីតនាយកប្រតិបត្តិក្រុមហ៊ុន Microsoft ទទួលបានចំណាត់ថ្នាក់លេខ៤។

គណនី Instagram របស់លោក Bill Gates មានអ្នកតាមដានចំនួន១១,២លាននាក់ ហើយការបង្ហោះរបស់លោកអាចទទួលបានការចុច Likes ជាមធ្យមពីអ្នកប្រើប្រាស់ចំនួន១២៤.៨៩១នាក់ ដែលអនុញ្ញាតឱ្យលោករកប្រាក់ចំណូលបានចន្លោះពី៩៦.៣១១ដុល្លារ ទៅ១៣០.៣០៣ដុល្លារក្នុងការបង្ហោះម្តងៗ។ លោក Gates មានទ្រព្យសម្បត្តិសុទ្ធចំនួន១២៩,៨ពាន់លានដុល្លារ។

ទី៥: លោក Richard Branson

លោក Richard Branson ដែលជាមហាសេដ្ឋីដ៏ល្បីល្បាញខាងវិនិយោគ និងជាស្ថាបនិកនៃក្រុមហ៊ុន Virgin Group ដែលគ្រប់គ្រងចំនួនក្រុមហ៊ុនជាង៤០០ក្រុមហ៊ុន នៅទូទាំងពិភពលោក បានឈរនៅលេខរៀងទី៥។

លោកមានចំនួនអ្នកតាមដានប្រហែល៥លាននាក់នៅលើបណ្តាញសង្គម Instagram និងអាចរកចំណូលបានចន្លោះពី៤២.១៥៩ដុល្លារ ទៅ៥៧.០៣៨ដុល្លារក្នុងការបង្ហោះម្តងៗ។ ទ្រព្យសម្បត្តិសុទ្ធរបស់លោក Richard Branson មានចំនួន២,៦ពាន់លានដុល្លារ៕ប្រភព: Vnexpress៕

How much do the top 5 most influential billionaires earn per Instagram post?

January 10, 2025

0

The top 5 most influential billionaires on Instagram, featuring U.S. President-elect Donald Trump and American media mogul Oprah Winfrey, can earn over US$300,000 per post in 2024, a study found.

Casino Wizard conducted the study, analyzing the top 50 wealthiest individuals from Forbes’ Real-Time Billionaires List, which includes over 2,781 billionaires, to identify the most influential figures, according to Fox Business.

1. Donald Trump

U.S. President-elect Donald Trump leads the list with an earning potential per post ranging from $230,721 to $312,152.

His Instagram account boasts nearly 30 million followers, and his top post garnered over 2.6 million likes and 46,000 comments. Trump’s net worth stands at $5.2 billion.

2. Oprah Winfrey

American media mogul Oprah Winfrey is second on the list. Famous for her roles as a talk show host, producer, actress, and philanthropist, Winfrey’s 22.6 million followers help her achieve an estimated earning potential of $192,733 to $260,757 per post. Her net worth is $3 billion.

3. Mark Zuckerberg

Meta’s founder and CEO, Mark Zuckerberg, ranks third among the most influential billionaires on Instagram.

With 14.2 million followers, his posts average 331,150 likes, yielding an earning potential of $123,620 to $167,250 per post. Zuckerberg’s net worth is $202.5 billion.

4. Bill Gates

Bill Gates, the founder and former CEO of Microsoft, holds the fourth spot. He has 11.2 million followers and his posts average 124,891 likes, which allows him to earn between $96,311 and $130,303 per sponsored post. Gates has a net worth of $129.8 billion.

5. Richard Branson

Richard Branson, the billionaire investor and founder of the Virgin Group, which controls over 400 companies worldwide, rounds out the top five.

He has about 5 million followers on Instagram and has posted approximately 4,057 times, with the potential to earn between $42,159 and $57,038 per post.

Research shows that Branson’s active interaction with his followers enhances community loyalty. His net worth stands at $2.6 billion.

Source: Vnexpress

ទីផ្សារលំនៅដ្ឋានថៃអាចនឹងធ្លាក់ចុះចន្លោះពី៥ភាគរយទៅ១០ភាគរយ នៅឆ្នាំ២០២៥នេះ

January 10, 2025

0

ដោយ: គង់ លាងហួរ
បាងកក: ក្រុមហ៊ុនស្រាវជ្រាវអចលនទ្រព្យ Terra Media and Consulting បានព្យាករណ៍ថា ទីផ្សារលំនៅដ្ឋានរបស់ប្រទេសថៃនឹងធ្លាក់ចុះចាប់ពី៥ភាគរយទៅ១០ភាគរយ នៅឆ្នាំ២០២៥នេះ ខណៈអតិថិជនវ័យក្មេងពន្យារពេលលើការទិញផ្ទះ ដោយសារការថយចុះនៃទំនុកចិត្តផ្នែកសេដ្ឋកិច្ច។

យោងតាមការស្ទង់មតិថ្មីៗនេះបានរកឃើញថា សន្ទស្សន៍ទំនុកចិត្តអ្នកប្រើប្រាស់នៅប្រទេសថៃបានបន្តធ្លាក់ចុះមកនៅត្រឹមចំនួន៧២ពិន្ទុក្នុងឆ្នាំ២០២៤ បើធៀបនឹងចំនួន៧៦ពិន្ទុ ក្នុងឆ្នាំ២០២៣ និងចំនួន៧៩ពិន្ទុ ក្នុងឆ្នាំ២០២២។

លោកស្រី Sumitra Wongpakdee នាយកគ្រប់គ្រងក្រុមហ៊ុន Terra Media and Consulting បានលើកឡើងថា ទោះបីជាមានការព្រួយបារម្ភអំពីសេដ្ឋកិច្ចយ៉ាងណាក្តី អ្នកប្រើប្រាស់យល់ថា ស្ថានភាពហិរញ្ញវត្ថុរបស់ពួកគេនឹងប្រសើរឡើងនៅឆ្នាំ២០២៥។

ប៉ុន្តែ ការសម្រេចចិត្ដទិញផ្ទះកំពុងត្រូវបានពន្យារពេល ដោយសារការខ្វះទំនុកចិត្ត ទោះបីជាប្រជាជនថៃបង្ហាញការចាប់អារម្មណ៍លើការទិញយ៉ាងណាក្តី។ ការណ៍នេះកំពុងរួមចំណែកដល់ការបង្កើតភាពមិនច្បាស់លាស់នៅក្នុងទីផ្សារ។

លោកស្រី Sumitra បញ្ជាក់ថា “ទីផ្សារលំនៅដ្ឋានក្នុងត្រីមាសទី១ ឆ្នាំ២០២៥ អាចនៅតែមានការធ្លាក់ចុះ ដោយសារមិនទាន់មានសញ្ញាវិជ្ជមាននៃសេដ្ឋកិច្ចច្បាស់លាស់នៅឡើយ”។

យោងតាមការស្ទង់មតិតាមអុីនធឺណេតរបស់ក្រុមហ៊ុន Terra បានបង្ហាញថា ក្នុងចំណោមអ្នកមានបំណងទិញផ្ទះចំនួន៣.៧០០នាក់ ក្នុងនោះមនុស្សចំនួន២.៥០០នាក់បានបង្ហាញការព្រួយបារម្ភខ្លាំងបំផុតចំពោះស្ថានភាពសេដ្ឋកិច្ចថៃក្នុងរយៈពេល១២ខែបន្ទាប់។

នៅពេលត្រូវបានសាកសួរអំពីការទិញផលិតផលដែលមានតម្លៃខ្ពស់ដូចជាអចលនទ្រព្យ និងរថយន្ត ក្រុមអ្នកចូលរួមក្នុងការស្ទង់មតិខាងលើបានផ្តល់ពិន្ទុលើទំនុកចិត្តចំនួន៦៤ពិន្ទុ ធ្លាក់ចុះ១ភាគរយ។

ផ្ទុយទៅវិញ ទំនុកចិត្តលើស្ថានភាពហិរញ្ញវត្ថុផ្ទាល់ខ្លួនរបស់ពួកគេក្នុងរយៈពេល១២ខែបន្ទាប់មានកម្រិតខ្ពស់បំផុតចំនួន៩៥ពិន្ទុធៀបនឹងពិន្ទុពេញចំនួន១០០ពិន្ទុ ៕ប្រភព: Bangkok post៕

តម្លៃហាងឆេងមាសបានងើបឡើងថ្លៃនៅថ្ងៃសុក្រនេះ

January 10, 2025

0

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនៅព្រឹកថ្ងៃសុក្រនេះ ខណៈក្រុមអ្នកវិនិយោគកំពុងរង់ចាំមើលរបាយការណ៍ទីផ្សារការងារដើម្បីស្វែងរកភាពច្បាស់លាស់លើគោលនយោបាយអត្រាការប្រាក់នៅឆ្នាំ២០២៥របស់ធនាគារកណ្តាលអាមេរិក។

តួយ៉ាង តម្លៃមាស Spot Gold បានងើបឡើង០,១៥ភាគរយដល់២៦៧៤,១៣ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,២៥ភាគរយដល់២៦៩៧,៥០ដុល្លារក្នុងមួយអោនគិតត្រឹមម៉ោង១០:៣៦នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួនជាង៩៣ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់របស់ខ្លួនឱ្យនៅថេរដដែលក្នុងកិច្ចប្រជុំគោលនយោបាយនៅថ្ងៃទី២៩ ខែមករានេះ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងថ្លៃដល់១០៩,២១ពិន្ទុនៅព្រឹកថ្ងៃសុក្រនេះ បន្ទាប់ពីបានបិទការជួញដូរត្រឹម១០៩,១៨ពិន្ទុកាលពីថ្ងៃព្រហស្បតិ៍ម្សិលមិញ។

ចំណែក តម្លៃលោហៈធាតុប្រាក់ Spot silver បានងើបឡើង០,៤៤ភាគរយដល់៣១,១៥ដុល្លារក្នុងមួយអោន ខណៈតម្លៃផ្លាទីនបានងើបឡើង០,៧២ភាគរយដល់៩៩១,៥ដុល្លារក្នុងមួយអោន ហើយតម្លៃ palladium បានងើបឡើង១,៧៥ភាគរយដល់៩៤៧ដុល្លារក្នុងមួយអោនគិតត្រឹមម៉ោង១០:៣៨នាទីព្រឹក៕