ដោយ គង់ សូរិយា

ភ្នំពេញ៖ តើទីក្រុងកោះពេជ្រ នឹងក្លាយជាមជ្ឈមណ្ឌលហិរញ្ញវត្ថុអន្តរជាតិនា​ពេលអនាគតឬទេ? ប្រសិន​ជា​​មើលមួយភ្លេត ទីក្រុងរណបដែលមានផ្ទៃដីប្រមាណ៨០ហិកតានេះ បាននិងកំពុងរះឡើង សម្រាប់អំណួតទីក្រុងភ្នំពេញទៅកាន់ឆាកអន្តរជាតិ។

ក្រៅពីអាគារសន្និបាត សម្រាប់រៀបចំពិព័រណ៍ និងទទួលការលាងសាយភោ ជន៍នៃកម្មវិធីអាពាហ៍ពិពាហ៍ របស់ក្រុមអ្នកអភិជន ទីក្រុងនេះកំពុងសាងសង់មជ្ឈមណ្ឌលពាណិជ្ជកម្មជាច្រើន រួមមាន គម្រោង ID RIVIERA ដែលបានទិញយកដោយក្រុមហ៊ុន Greenland Group មានមូលដ្ឋានមកពីប្រទេសចិន។ គំរោងElysee ដែលបាននិងកំពុងសាងសង់ និងបោះទុនវិនិយោគប្រមាណ៥០០លា​ន​ដុល្លារអាមេរិក។ គំរោងខុនដូ និងផ្ទះអាជីវកម្ម Diamond One, ដែលវិនិយោគដោ​យក្រុមហ៊ុន Prince Real estate Group និងគំរោងមួយចំនូនទៀត ដែលនឹងវិនិយោគដោយក្រុមហ៊ុន Prince Real Estate។

ក្រៅពីខុនដូទាំងនេះ នៅមានគំរោងខុនដូជាច្រើនទៀត ដូចជា Ca &Sa, គំរោងខុនដូ Casa Meridian,គំរោង La Sen និងគំរោងខុនដូ Diamond Tween Towerផងដែរ។

លោកទូច សំណាងអគ្គនាយករងក្រុមហ៊ុន OCIC ដែលជាក្រុមហ៊ុនវិនិយោ គនៅទីក្រុងកោះពេជ្របានថ្លែងថា បច្ចុប្បន្នទីក្រុងកោះពេជ្រ ទទួលចំនួនមនុស្សច្រើនលើសការរំពឹងទុក ដែលក្រុមហ៊ុនមិនចង់បាន ហើយក្រុមហ៊ុនមិនអនុញ្ញាត្ត​ឲ្យមានការសាងសង់ស្ពានចេញពីចំណុចកោះនរា ឆ្ពោះទៅតំបន់នេះនោះទេ។

លោកបន្តថា “តាមគំរោងក្រុមហ៊ុននឹងរើសាពិព៌ណ និងសន្និបាតចេញពីទី​ក្រុងនេះ ទៅកាន់ទីក្រុងរណបជ្រោយចង្វារនាពេលខាងមុខ ប៉ុន្តែខ្ញុំមិនអាចបញ្ជាល់ពីពេលវេលាជាក់លាក់នៅឡើយទេ”។

លោក Michael S. Nhim ប្រធានក្រុមអ្នកវិនិយោគនៃក្រុមហ៊ុន SIDO Group បានថ្លែងថា ទីក្រុងកោះពេជ្រមានការរីកចម្រើនយ៉ាងលឿន ប៉ុន្តែទីក្រុងនេះមិនទាន់ក្លាយជាមណ្ឌលមជ្ឈមណ្ឌលពាណិជ្ជកម្ម និងហិរញ្ញវត្ថុលំដាប់អន្តរជាតិនោះទេ។លោកបន្តថា យើងត្រូវការពេលវេលាបន្ថែមទៀត ដើម្បីធ្វើឲ្យទីក្រុងរណប និងតំបន់ជុំវិញនេះ ក្លាយជាមជ្ឈមណ្ឌលពាណិជ្ជកម្ម និងហិរញ្ញវត្ថុលំដាប់អន្តរជាតិ។

លោកបន្តថា “តំបន់ជុំវិញទីក្រុង និងទីក្រុងកោពេជ្រនឹងក្លាយជាមជ្ឈមណ្ឌ​លពាណិជ្ជកម្ម និងហិរញ្ញវត្ថុអន្តរជាតិនៅរយៈពេលពី៥ទៅ១០ឆ្នាំទៀត”៕

ដោយ វុត្ថា

ភ្នំពេញ៖ មិនថាមានការប្រកួតប្រជែងផ្នែកអគារពាណិជ្ជកម្ម សូម្បីតែអគារអប់រំ នៅតាមបណ្តាប្រទេសមួយចំនួននៅលើពិភពលោក ក៏មានការប្រកួតប្រជែ​ងផងដែរ។

បើយោងតាមការចុះផ្សាយពីគេហទំព័រ Best Value School បានចុះផ្សាយថា មានគារអប់រំខ្ពស់កប់ពពកចំនួន១០ នៅតាមបណ្តាប្រទេសមួយចំនួននៅលើពិភពលោក ដោយមានកំពស់ចាប់ពី២០០ម៉ែត្រចុះក្រោម ក្នុងចំណោមអគារអប់រំខ្ពស់កប់ពពកនោះ គេហទំព័រ propertyarea.asia ដែលជាគេហទំព័រល្បីល្បាញផ្នែកព័ត៌មានអចលនទ្រព្យ និងសេដ្ឋកិច្ច សូមបង្ហាញនូវអគារអប់រំដែលខ្ពស់ជាងគេបំផុងនៅលើពិភពលោក។

អគារសកលវិទ្យាល័យ Moscow State មានកំពស់រហូតដល់២៤០ម៉ែត្រ និង៣៦ជាន់ ស្ថិតនៅតំបន់Sparrow ក្នុងទីក្រុងនៃប្រទេសរុស្សី។ អគារសាកលវិទ្យាល័យដ៏ល្បីល្បាញនេះ មាននាយដ្ឋានអបរំផ្នែកវិទ្យាសាស្ត្រធម្មជាតិ និងគណិតវិទ្យា។ មិនត្រឹមតែប៉ុណ្ណោះ សាកលវិទ្យាល័យនេះ ក៏មានបង្រៀនមុខវិជ្ជាជាច្រើនផងដែរដូជា សារព័ត៌មាន ភូមិវិទ្យា សេដ្ឋកិច្ច និងសីល្បៈ។

អគាសាកលវិទ្យាល័យនេះ ត្រូវបានចុះបញ្ជីរថា ជាអគារអប់រំខ្ពស់បំផុតក្នុងតំបន់អឺរ៉ុបនិងពិភពលោក។ អគារនេះមានប៉ម៦ ដែលគូប្លង់ដោយវិស្វករល្បីល្បាញ លោក Josept Stalin និងសាងសង់ដោយលោក Lev Vladimrovich Rudnev។

អគារនេះបានសាងសង់នៅក្នុងឆ្នាំ១៩៤៩ និងបញ្ចប់នៅក្នុងឆ្នាំ១៩៥៣ ។​បច្ចុបន្បន្ននេះ វាមិនត្រឹមតែបំរើសម្រាប់ការសិក្សានោះទេ ប៉ុន្តែបំរើដល់សេវាកម្មរដ្ឋបាល សារមន្ទីរ កន្លែងសំដែងដន្ត្រី រោងមហោស្រប អាងហែលទឹក និងទីជ្រកកោណរបស់និស្សិតផងដែរ។

អ្វីដែលគួរអោយចាប់អារម្មណ៍បំផុតនោះគឺ សញ្ញារូបផ្កាយនៅលើកំពូលនៃអគារដែលមានទម្ងន់១២តោន ដែលក្រុមស្ថាបត្យករបានរចនាឡើង៕

ដោយ ដែន ចែងចាំង

ភ្នំពេញ៖ ប៉ុន្មានឆ្នាំចុងក្រោយនេះ ពាក្យថ្មីចំនួនពីរគឺអាផាតម៉ិន និងខុនដូបានលេចឡើងនៅក្នុងទីផ្សារកម្ពុជា ប៉ុន្តែប្រជាជនមួយចំនួនមិនទាន់យល់ច្បាស់ថាអាផាតម៉ិន និងខុនដូមានភាពខុសគ្នាដូចម្តេចនោះទេ។

ថ្ងៃនេះគេហទំព័រ Propertyarea.asia ដែលនាំមុខគេផ្នែកព៌តមានអចលនទ្រព្យ និងសេដ្ឋកិច្ចសូមលើកយកចំណេះដឹងខ្លះៗ មកជម្រាបជូនមិត្តអ្នកអាន។

១/ អាផាតម៉ិន

អាផាតម៉ិន សំដៅដល់អាគារខ្ពស់ឬទាបមានច្រើនបន្ទប់ ដែលអ្នកវិនិយោគ

​សាងសង់ឡើងសម្រាប់ជួល និងមានប្រព័ន្ឋគ្រប់គ្រងច្បាស់លាស់ឬមានក្រុមហ៊ុនគ្រប់គ្រងអចលនទ្រព្យជំនាញ ជាអ្នកគ្រប់គ្រងអាផាតម៉ិននោះ ដើម្បីផ្តល់សេវាកម្មឲ្យអ្នកស្នាក់នៅមានអារម្មណ៍កក់ក្តៅ និងផាសុខភាព។

អាផា​តម៉ិនមាន​បំពាក់សម្ភារៈ បរិក្ខាចាំបាច់មួយចំនួន រហូតដល់មានអាងហែលទឹក កន្លែងហាត់​ប្រាណ ស្ទីម សោណា និងហាងកាហ្វេជាដើម។

អាផាតម៉ិនមានភាពស្អាតជាង ដោយសារអ្នកវិនិយោគសាងសង់ឡើងក្នុង គោលបំណងជួលដល់អតិថិជន ហេតុនេះទើបអ្នកវិនិយោគបានគិតគូពីគុណភា ពសេវាកម្ម និងការរចនាមានភាពប្រណីត ហើយតម្លៃក៏ជួលបានខ្ពស់ជាងខុនដូផងដែរ។

អាផាតម៉ិនមានម្ចាស់តែម្នាក់ប៉ុណ្ណោះ គឺអ្នកវិនិយោគសាងសង់អាគារនោះ​សម្រាប់ជួល។

២/ ខុនដូ

អាគារខុនដូ មានសណ្ឋានដូចគ្នានឹងអាផាតម៉ិន ប៉ុន្តែអ្នកវិនិយោគខុនដូសាងសង់ឡើងសម្រាប់លក់ផ្ទះ ឬបន្ទប់នៅក្នុងអាគារនោះដល់អតិថិជន ដែលគេ​និយមហៅអាគារខុនដូថា ជាអាគារបែបសហកម្មសិទ្ឋ ដោយសារខុនដូនិមួយៗ​មានម្ចាស់​ច្រើន និងប្រើប្រាស់សេវាកម្មរួម ជាការរស់នៅបែបសហគមន៍រួមមួយ។

ដោយសារសម័យកាលកាន់តែរីកចម្រើន និងការប្រកួតប្រជែងគ្នាកើនឡើង បានធ្វើឲ្យអ្នកវិនិយោគខុនដូកាន់តែមានគំនិតច្នៃប្រឌិត លើគំរោងវិនិយោគ​របស់ពួកគេ ដើម្បីទាក់ទាញអ្នកទិញខុនដូរបស់ខ្លួនផង និងដើម្បីរកប្រភពចំណូ​លបន្ថែមផង។

បច្ចុប្បន្ននេះ អ្នកវិនិយោគខ្លះបានសាងសង់ផ្សារទំនើប មានសេវាកម្មការិ​យាល័យ និងភោជនីយដ្ឋានផ្សេងៗ ដើម្បីធ្វើឲ្យគំរោងរបស់ខ្លួនកាន់តែមានភាទាក់ទាញផងដែរ៕​

ដោយ ដូង ចន្រ្ទា

ភ្នំពេញ៖ ខេត្តសៀមរាបជាប៉ូលទេសចរណ៍លំដាប់ទី១នៅកម្ពុជា ប៉ុន្តែខេត្តនេះមិនទាន់ទាក់ទាញអ្នកវិនិយោ​គចិន ចូលទៅបោះទុនវិនិយោគជាដុំកំភួននៅ នៅឡើយទេ។

លោកចៅ សេងថៃ អគ្គនាយកក្រុមហ៊ុន Goal Property Service ដែលមានមូលដ្ឋាននៅខេត្តសៀមរាប បានមាន​ប្រសាសន៍ឲ្យដឹងកាលពីម្សិលម៉ិញនេះថា បច្ចុប្បន្ន​មិនទាន់មានក្រុមហ៊ុនចិនច្រើន បានចូលមកវិនិយោគនៅខេត្តសៀមរាប ក្រៅពី​ក្រុមហ៊ុនសាងសង់ព្រលានយន្តហោះអន្តរជាតិថ្មី ស្ថិតក្នុងស្រុកសូត្រនិគមនោះទេ។ លោកបន្តថា យ៉ាងណាមានក្រុមហ៊ុនចិនមួយចំនួន បានចាប់ដៃជាមួយអ្នក​វិនិយោគក្នុងស្រុក បានទិញដីពុះឡូត៍លក់ ហើយគំរោងបង្កើត China Town នៅក្នុងឃុំបាគង ក្នុងស្រុកបាគង ខេត្តសៀមរាប ហាក់មិនមានសកម្មភាពអ្វីនោះទេ។

លោកបន្តថា “ខ្ញុំលឺមានគំរោងវិនិយោគចិន ប៉ុន្តែដូចជាពួកគេមកទិញដីចោល មិន​មានសកម្មភាពអ្វីនោះទេ”។លោកបន្តថា “ទោះជាយ៉ាងណាតម្លៃដីបានកើនឡើង នៅក្បែរព្រលានយន្តហោះថ្មី និងនៅតំបន់អង្គរ ឃ្យុងយូរជាយក្រុងសៀមរាប ដែ​លតម្លៃដីនៅតាមផ្លូវធំៗ មានតម្លៃរហូតដល់១០០០ដុល្លារ និងផ្លូវតូចៗមានតម្លៃ៥០០ ទៅ៦០០ដុល្លារក្នុងមួយម៉ែត្រការ៉េ”។

ចំណែកតម្លៃដីនៅក្នុងតំបន់កណ្តាលក្រុង មានតម្លៃចន្លោះពី១០០០ទៅ១៥០០ដុល្លារ សម្រាប់តំបន់ពាណិជ្ជកម្ម និងនៅតំបន់តាមផ្លូវតូចៗមានតម្លៃចន្លោះពី៣០០ ទៅ៥០០ដុល្លារក្នុងមួយម៉ែត្រការ៉េ។ លើកលែងតែតំបន់ Pub Street ​ដីមានតម្លៃចន្លោះពី២០០០ ទៅ៣០០០ដុល្លារក្នុងមួយម៉ែត្រការ៉េ។នេះបើ​តាមលោកចៅ សេងថៃ។

លោកបន្តថា បច្ចុប្បន្នការវិនិយោគលើអាផាតម៉ិន ដែលមានតម្លៃចន្លោះពី​៣០០ទៅ៥០០ដុល្លារក្នុងមួយយូនីត ក្នុងមួយខែមានដំណើរការល្អ ដោយសារ​មានតម្រូវការច្រើនពីភ្ញៀវ និងអ្នកធ្វើការចម្រុះជាតិសាសន៍។

​អគ្គនាយកក្រុមហ៊ុ​នអចលនទ្រព្យ Khmer Foundation Appraisals លោកឧកញ៉ានួន រិទ្ឋីបានថ្លែងស្រដៀងគ្នាថា ចិនបានចូលទៅខេត្តសៀមរាបបណ្តើរៗ តែមិនមានចំនួនច្រើននៅឡើយទេ ប៉ុន្តែពួកគេបានទៅទិញដីទុកច្រើន ដើម្បីសា​ងសង់មជ្ឈមណ្ឌលពាណិជ្ជកម្ម និងតំបន់សេដ្ឋកិច្ចពិសេសនៅទីតាំងព្រលានយន្តហោះ ខេត្តសៀមរាបថ្មីលើផ្ទៃដីទំហំប្រមាណ១០០០ហិកតានាពេលខាងមុខ​នេះ។

លោកបន្តថា “ស្របពេលចំនួនភ្ញៀវទេសចរណ៍ចិន មកទស្សនាខេត្តសៀម​រាបច្រើន សកម្មភាពពាណិជ្ជកម្ម និងការបង្កើតតំបន់ពាណិជ្ជកម្មនានាពីអ្នកវិនិយោគចិននឹងកើនឡើងច្រើននាពេលខាងមុខ”។

អ្នកតំណាងរាស្រ្តប្រចាំខេត្តសៀមរាប លោកឧកញ៉ាសៀង ណាំបានថ្លែង ឲ្យដឹងផងដែរថា ខេត្តសៀមរាបមានទេសចរណ៍ចិនច្រើន ប៉ុន្តែមិនទាន់ឃើញមានការសាងសង់សំណង់ ឬមជ្ឈមណ្ឌលពាណិជ្ជកម្មធំៗ ពីសំណាក់អ្នកវិនិយោ​គចិនធំៗនៅឡើយទេ ប៉ុន្តែមានក្រុមហ៊ុនទេសចរណ៍ចិនច្រើន បានមកបើកការិ​យាល័យនៅក្នុងក្រុងសៀមរាប។ លោកបន្តថា ក្រៅពីក្រុមហ៊ុនទេសចរណ៍ ភោជនីយដ្ឋានចិន​ជាច្រើន ក៏បានបើកនៅក្នុងក្រុងនេះផងដែរ។

នៅពេលសាកសួរពីក្រុងចិនឬ China Town ក្នុងខេត្តសៀមរាប តំណាង​រាស្រ្តរូបនេះបានថ្លែងថា “ក្រុមហ៊ុននេះបានរត់បាត់ទៅហើយ មិនដឹងទៅណានោះទេ ហើយគំរោងនេះគ្មានសកម្មភាពនោះទេ រហូតមកទល់ពេលនេះ”។

ការអ្នកវិភាគសេដ្ឋកិច្ចកម្ពុជាបានលើកឡើងថា ចិនចូលចិត្តវិនិយោគនៅតំបន់ជាប់មាត់សមុទ្រច្រើនជាង ដូចជាខេត្តព្រះសីហនុ ដែលជាខេត្តជាប់មាត់សមុទ្រ មានហេដ្ឋារចនាសម្ព័ន្ឋតភ្ជាប់សម្បូរបែ​បទាំងផ្លូវគោក ផ្លូវអាកាស និងផ្លូវទឹក ដែលងាយស្រួលដឹកទំនិញ និងតភ្ជាប់សកម្មភាពាណិជ្ជកម្មជាមូយតំបន់ និងប្រទេសចិនបានងាយស្រួ។

លោកបណ្ឌិតហុង វណ្ណៈអ្នកស្រាវជ្រាវសេដ្ឋកិច្ចប្រចាំរាជបណ្ឌិតសភាកម្ពុជាបានថ្លែងថា ចិនចូលចិត្តសមុទ្រ ដោយសារជាតំបន់ដែលងាយតភ្ជាប់ និងមាន​លក្ខខ័ណ្ឌអាកាសធាតុ និងភូមិសាស្រ្តល្អប្រសើរសម្រាប់តភ្ជាប់សកម្មភាពពាណិ ជ្ជកម្ម​ និងទេសចរណ៍។លោកបន្តថា ចិនមានគោលនយោបាយ សម្រាប់អភិវឌ្ឈ ន៍នៅតាមតំបន់និមួយៗខុសៗគ្នា ប៉ុន្តែអ្វីដែលគេផ្តោតជាពិសេស គឺតំបន់ជាប់មាត់សមុទ្រ៕