ដោយ ដែន ចែងចាំង

ភ្នំពេញ៖ ទីក្រុងនាគរាជសម្តេចតេជោ ដែលគ្រោងចំណាយទុនមហាសាលរហូតដល់៨០ពាន់លានដុល្លារ និងស្ថិតនៅលើផ្ទៃដីជាងបីម៉ឺនហិកតា បាននិងកំពុងមានពន្លឺហើយ ដោយក្រុមហ៊ុនចិនចំនួន៧កំពុងចាប់អារម្មណ៍វិនិយោគលើគំរោងនេះ។

រដ្ឋលេខាធិការក្រសួងរៀបចំដែនដី នគរូបនីយកម្មនិងសំណង់លោកសាស្រ្តាចារ្យភឿង សុភ័ណ្ឌ បានថ្លែងឲ្យដឹងតាមទូរស័ព្ទនាព្រឹកថ្ងៃទី៣០ ឧសភានេះថា មានក្រុមហ៊ុនចិនធំៗ​​ចំនួនពីរ បានដាក់សំណើរសុំសហការវិនិយោគ ដើម្បីសាងសង់ទីក្រុងរណបដ៏ធំ​នេះហើយ ហើយលោកនឹងអនុញ្ញាត្តឲ្យថ្នាក់ដឹកនាំក្រុមហ៊ុនធំៗចំនួន៥ទៀត ជួបពិភាក្សា​គ្នានៅពេលឆាប់ៗនេះ ដើម្បីសិក្សាពីលទ្ឋភាព និងការសហការដើម្បីសាងសង់ទីក្រុងនេះ។

ទោះជាយ៉ាងណាលោកមិនបញ្ជាក់ឲ្យដឹងពីឈ្មោះ ក្រុមហ៊ុនធំៗដែលគ្រោងវិនិយោ​គទីក្រុងដ៏អស្ចារ្យទាំងនេះនៅឡើយទេ។

លោកបន្តថា “ ក្រុមហ៊ុនធំៗពីរបានដាក់សំណើរមកខ្ញុំរួចហើយ ហើយសំណើរនេះ​នឹងដាក់ជូនសម្តេចតេជោហ៊ុន សែននាយករដ្ឋមន្រ្តីកម្ពុជា នាពេលឆាប់ៗខាងមុខនេះ”។លោកបន្តថា“គំរោងនេះសម្តេចបានឃើញរួចហើយ និងបានអនុញ្ញាត្តឲ្យខ្ញុំសិក្សាលំអិ​ត​មុនចាប់ផ្តើមគំរោងនេះ”។

លោកសាស្រ្តាចារ្យភឿង សុភ័ណ្ឌបានបន្តថា រយៈពេល៥៨០ឆ្នាំហើយ កម្ពុជាមិនទាន់មានការសាងសង់ទីក្រុងថ្មីនៅឡើយទេ ហេតុនេះទើបគំនិតផ្តួចផ្តើមសាងសង់ទីក្រុង​នាគរាជសម្តេ​ចតេជោបានប្រតិស្ថានឡើង ដែលទីក្រុងនេះមានហេដ្ឋារចនាសម្ព័ន្ឋក្រោមដី លើដី លើទឹកដែលអាចដោះស្រាយបញ្ហាចរាចរណ៍បានរាប់រយឆ្នាំ។ គំរោងនេះក៏មានការសាងសង់កំពង់ផែអន្តរជាតិ ព្រលានយន្តហោះ និងសាងសង់អាគារមួយសំ​រាប់ធ្វើជាការិយាល័យកណ្តាលរបស់សម្តេចតេជោ ដែលមានកំពស់រហូតដល់៦០០ម៉ែត្រ ដែលសម្តេចអាចមើលប្រទេសកម្ពុជាទាំងមូលចេញពីអាគារនេះ។

លោកសាស្រ្តាចារ្យភឿង សុភ័ណ្ឌការសាងសង់ទីក្រុងនាគរាជសម្តេចតេជោ ធ្វើឡើងក្នុងគោលគំនិត ដើម្បីជាការដឹងគុណដល់សម្តេចតេជោហ៊ុន សែន ដែលហ៊ានដាក់ជីវិត ដើម្បីនាំសុខសន្តិភាពសម្រាប់ប្រទេសកម្ពុជា និងជំរុញការអភិវឌ្ឍន៍ប្រទេសកម្ពុជា មកកាន់សករាជថ្មីមួយ។ លោកបានស្នើសុំមេដឹកនាំចិន ជួយគាំទ្រដល់គំរោងទីក្រុងនាគ​រាជនេះ ដោយសារសម្តេចបានគាំទ្រចិន អនុវត្តន៍គោលនយោបាយចិនតែមួយ និងនៅគ្រប់ទិដ្ឋភាពនយោបាយអន្តរជាតិ កម្ពុជាតែងតែគាំទ្រចិន។

លោកសាស្រ្តាចារ្យភឿង សុភ័ណ្ឌមានសញ្ញាបត្រស្មើនឹងអតីតវីរស្ថាបត្យករវណ្ណ ម៉ូលីវណ្ណ។ លោកមានស្នាដៃក្នុងការគូរប្លង់ និងកសាងអាគារទីស្តីការក្រសួងការបរទេស​និងសហប្រតិបត្តិការអន្តរជាតិ ជាស្ថាបត្យករចូលរួមគូរសំណង់អាគារវិមានសន្តិភាព និងអាគារជាច្រើនទៀតនៅកម្ពុជា៕

ដោយ គង់ សូរិយា

ភ្នំពេញ៖ ទីក្រុងកោះពេជ្រ នឹងមានអាគារដ៏ស្រស់ស្អាត និងទាក់ទាញមួយទៀត ដែលវិនិយោគទឹកប្រាក់១០០លានដុល្លារ ដោយអ្នកវិនិយោគមកពីកោះតៃវ៉ាន់។

គំរោងនេះត្រូវបានវិនិយោគនេះ នឹងកាន់តែពង្រីកសក្តានុពលសេដ្ឋកិច្ចនៅទីក្រុង​ភ្នំពេញ ដែលកំពុងមានការរីកចម្រើនដ៏លឿននេះ។ អាគារនេះមានឈ្មោះថា Gia Tower​ដែលមានចំនួន៤០ជាន់ ស្មើនឹងកំពស់១៧៨ម៉ែត្រ។

​អគ្គនាយករងក្រុមហ៊ុន OCIC លោកទូច សំណាងបានថ្លែងឲ្យដឹងកាលពីសប្តាហ៍មុនថា ពិតជាមានក្រុមហ៊ុនតៃវ៉ាន់ ចូលមកវិនិយោគលើគំរោងនេះនៅទីក្រុងកោពេជ្រពិតប្រាកដមែន ហើយពេលនេះក្រុមហ៊ុនកំពុងរៀបចំការដ្ឋានសាងសង់។ លោកបន្តថា​លើសពីនេះ នៅពេលឆាប់ៗនេះនឹងមានក្រុមហ៊ុនតៃវ៉ាន់មួយទៀត នឹងសាងសង់អាគារ​ការិយាល័យ ននិងសណ្ឋាគារនៅក្នុងទីក្រុងកោះពេជ្របន្ថែមទៀតផងដែរ។

លោកបន្តថា រហូតមកទល់ពេលនេះ ផ្ទៃដីកោះពេជ្រទាំងមូល ទើបអភិវឌ្ឍន៍បានចន្លោះពី៣០ទៅ៤០ភាគរយប៉ុណ្ណោះ ដូច្នេះផ្ទៃដីជាច្រើនទៀតកំពុងនៅទំនេរ និងត្រូវសា​ងសង់គំរោងអភិវឌ្ឍន៍ថ្មីៗជាច្រើនទៀត។

លោកបន្តថា “តាមធម្មតាការអភិវឌ្ឍទីក្រុងទំនើបមួយ ត្រូវចំណាយពេល១០ទៅ២០ឆ្នាំ ទើបបញ្ចប់បានតាមអ្វីដែលយើងចង់បាន”។

បច្ចុប្បន្នទីក្រុងកោះពេជ្រ បានក្លាយជាទីក្រុងរណបស្ថិតនៅកណ្តាលរាជធានីភ្នំពេ ញនិងមានការអភិវឌ្ឍលឿនជាងគេ ហើយគំរោងធំៗជាច្រើនបានបញ្ចប់ការសាងសង់ និងកំពុងសាងសង់ ដូចជា គំរោង The D.I RIVIERA, Diamond one, Elyse, La Sen, Diamond Twin Tower ជាដើម៕

ដោយគង់ សូរិយា

ភ្នំពេញ៖ ស្របពេលមានការចាប់អារម្មណ៍ និងវិនិយោគកាន់តែច្រើនលើវិស័យអច​លនទ្រព្យ ការមានជម្រើសដ៏ឆ្លាតវៃមួយ អាចធ្វើឲ្យយើងក្លាយជាអ្នកមានបាន នាពេលអនាគត ហេតុនេះអ្នកជំនាញថា គួរជួលផ្ទះគេរស់នៅសិន ដើម្បីទុកលុយវិនិយោគ។

លោកម៉ឹង លាងហ៊នអ្នកជំនាញអចលនទ្រព្យបានប្រាប់ propertyarea.asia កាលពី​ថ្ងៃទី៣០ ឧសភានេះថា ការជួល​ផ្ទះគេជារឿងល្អ នៅពេលដែលយើងមិនទាន់មានលទ្ឋភាពទិញផ្ទះដោយលុយខ្លួន​ឯងទាំ​ងស្រុង។ ឧទាហរណ៍ បើប្តីនិងប្រពន្ឋរកបានចំណូល៥០០ដុល្លារក្នុងមួយខែដូចគ្នា យើងដក៥០០ដុល្លារមកប្រើប្រាស់ ដោយយក១០០ដុល្លា​រជួលផ្ទះ និងសល់ពីនោះទុកសម្រាប់​ប្រើប្រាស់ប្រចាំថ្ងៃ។ ដូច្នេះយើងអាចខ្ចីឥណទានពីធនាគារយកមកទិញដី ហើយយកលុយដែលសល់លុយ៥០០ដុល្លារទៀត សម្រាប់បង់  ឲ្យធនាគារ។ បន្ទាប់ពីទិញដីបានហើយ យើងអាចដាក់ដីយើងសម្រាប់ជួល ឬធ្វើអ្វីមួយ។

បន្ទាប់ពីបីទៅបួនឆ្នាំ ក្រោយពីយើងបង់លុយធនាគារចប់ហើយ គឺយើងបានដីនោះជាទ្រព្យរបស់យើង។ បន្ទាប់មកយើងខ្ចីលុយពីធនាគារម្តងទៀត យកលុយទៅវិនិយោគលើដីនោះដោយធ្វើផ្ទះជួល ហើយអ្នកមកជួលផ្ទះយើង គឺជាអ្នករកចំណូលបង់ឲ្យយើង​ប្រចាំខែ ដែលអាចបង់បាន៨០ទៅ១០០ភាគរយ នៃលុយដែលយើងត្រូវបង់ធនាគារ។

លោកម៉ឹង លាងហ៊នបានបន្តថា ផ្ទុយទៅវិញ បើយើងទិញផ្ទះបង់រំលស់ យើងអាចបានផ្ទះតែ១ក្នុងរយៈពេល១០ឆ្នាំ ប៉ុន្តែក្នុងករណីប្តី ប្រពន្ឋមានប្រាក់ខែ៥០០ដូចគ្នា ហើយ​ចៃដន្យប្តីបាត់បង់ការងារ តើយើងអាចមានលទ្ឋភាពបង់បន្តទៀតឬយ៉ាងណា? ហើយការ​ទូទាត់នៅតែអាចទូទាត់បានឬយ៉ាងណា?។ ហេតុនេះជាយោបល់ខ្ញុំ យើងគួរទិញអចលនទ្រព្យសម្រា​ប់ធ្វើផ្ទះជួល ដើម្បីឲ្យអ្នកជួលផ្តល់ចំណូលដល់យើង និងបង់ធនាគារជំនួសយើង។

លោកបានបន្តលើកជាសំណួរសម្រាប់ពិចារណាថា ហេតុអីយើងត្រូវធ្វើបន្ទប់ជួល ដើម្បីរកចំណូលពីការជួលត្រលប់វិញ? ដោយសារយើងអាចមានប្រភពចំណូលលើសពីពីរផ្នែក ទី១ ចំណូលប្តី ទី២ចំណូលប្រពន្ឋ ទី៣ ចំណូលពីផ្ទះជួល។ ហេតុនេះបើទោះបីជាភាគីប្តី ឬប្រពន្ឋបាត់បង់ចំណូល ក៏យើងនៅ​មានលទ្ឋភាពទិញផ្ទះបានដែរ។

លោកលាងហ៊នបានបន្តថា ជាយោបល់របស់ខ្ញុំ បន្ទាប់ពីយើងបង់លុយធនាគារអស់ យើងត្រូវធ្វើគំរោងទី២ ហើយនៅបន្តជួលផ្ទះសិនទៅ។ ធ្វើឲ្យជីវិតយើងលំបាកសិនខ្លះទៅ ដើម្បីយើងយកពេលវេលា និងលុយរបស់យើងទៅវិនិយោគធ្វើផ្ទះជួលបន្តទៀត ហើយនៅពេលយើងធ្វើផ្ទះជួលបានពីរ ចំណូលយើងអាចទទួលបាន១០០០​ដុល្លារ ហើ​យប្តីប្រពន្ឋយើងបាន១០០០ដុល្លារក្នុងមួយខែទៀត នឹងធ្វើឲ្យចំណូលរបស់យើងកើនដល់២០០០​ដុល្លារក្នុងមួយខែ ពេលនោះយើងចង់ទិញផ្ទះសម្រាប់ស្នាក់នៅ គឺយើងយកចំណែកតែ៥០ភាគរយ នៃចំណូលផ្ទះជួលរបស់យើង ទៅបង់ធនាគារសម្រាប់ថ្លៃផ្ទះរបស់យើង។

ដូច្នេះប្រាក់ខែរបស់យើងក៏នៅសល់ លុយបានពីការជួលផ្ទះក៏សល់ក្នុងមួយខែ១៥០០ដុល្លារ។ ដូច្នេះទោះជាមានបញ្ហាអ្វីមួយ ក៏យើងមានលំហូរសាច់ប្រាក់សម្រាប់ទប់​ទល់បានដែរ នេះជាលក្ខខ័ណ្ឌដែលធ្វើឲ្យអ្នកទិញមិនប្រឈមហានិភ័យ៕

ដោយ គង់ សូរិយា

ភ្នំពេញ៖ លោកឧកញ៉ាសៀ រិទ្ឋីបានហក់ចូលកាន់តែជ្រៅ ក្នុងវិស័យសេវាដឹកជញ្ជូននៅកម្ពុជាកាន់តែមានភាពប្រសើរឡើង និងមានជម្រើសកាន់តែច្រើនសម្រាប់អតិថិជន និងអ្នកមានតម្រូវការសេវាកម្មដឹកជញ្ជូននៅក្នុងនិងក្រៅប្រទេស។

លោក Suthon Choothian នាយកគ្រប់គ្រងក្រុមហ៊ុនភីធីធីបានមានប្រសាសន៍ឲ្យដឹង ក្នុងពិធីចុះហត្ថលេខារវាងក្រុមហ៊ុន ភីធីធី ខេមបូឌា លីមីធិត (PTT Jiffy Convenient Store) និងក្រុមហ៊ុន ឃែរី អ៊ិចប្រែស (Kerry Express) នាព្រឹកថ្ងៃទី២៩ ឧសភានេះថា សេវាកម្មក្នុងហាង ហ្សីហ្វី មានគោលដៅផ្តល់សេវាកម្មតាមអនឡាញ ទៅកាន់គ្រប់ម្ចាស់ហាង និងទៅកាន់សហគ្រាសខ្នាតតូច និងខ្នាតមធ្យមនានាផងដែរ។ ក្នុងឆ្នាំ២០១៨ សេវាកម្មនេះ នឹងដាក់ឲ្យដំណើរការនៅតាមហាង ហ្សីហ្វីចំនួន៣កន្លែង ហើយអាចនឹងពង្រីកវិសាលភាពសេវាកម្មនេះនៅទូទាំងប្រទេស។

លោកបន្តថា “ការរួមសហការគ្នានៅពេលនេះ អាចនឹងមានកំណើនចរាចរណ៍ហាងកាន់តែកើនឡើង ហើយកំណើននៃការផ្តល់សេវាកម្ម ក៏នឹងកើនឡើងជាច្រើនបន្ថែមទៀត”។

ជាមួយគ្នានេះ លោកឧកញ៉ា សៀ ឬទ្ធី អគ្គនាយកក្រុមហ៊ុន ឃែរី អ៊ិចប្រែស លើកឡើងថា ក្រុមហ៊ុនមានគោលដៅតែម្យ៉ាង គឺដើម្បីផ្តល់នូវភាពកាន់តែងាយស្រួលជូនដល់អតិថិជន តាមរយៈការបង្កើ នចំនួនបណ្តាញសេវាកម្ម ឲ្យកាន់តែមានចំនួនច្រើនឡើង ដែលចាប់ផ្តើមចេញដំណើរជាមួយក្រុមហ៊ុនភីធីធី ហ្សីហ្វី។

លោកបានបន្តថា ដើម្បីទ្រទ្រង់ដល់ផែនការ និងគាំទ្រដល់កំណើនសេវាកម្មដែលរឹងមាំនេះ ក្រុមហ៊ុនឃែរី មានបំណងបង្កើ​តមជ្ឈមណ្ឌលភស្តុភាថ្មីមួយ នៅរាជធានីភ្នំពេញ ដោយបង្កើននូវលទ្ធភាព ក្នុងការរៀបចំញែកមុខទំនិញបញ្ញើដាក់តម្រៀប ទៅតាមប្រភេទទំនិញបញ្ញើនីមួយៗឲ្យនៅដោយឡែក​ៗពីគ្នា។

បច្ចុប្បន្នក្រុមហ៊ុន ឃែរី អ៊ិចប្រែស កំពុងតែក្លាយជាអ្នកឯកទេសលើការផ្តល់សេវា ដឹកជញ្ជូនទំនិញបញ្ញើគ្រប់ប្រភេទ ដែលគិតមកទល់ពេលនេះមានរយៈពេលជាង២ឆ្នាំមកហើយ ដោយទទួលបានកំណើន ពីការប្រើប្រាស់សេវាកម្មពីអតិថិជនប្រមាណ៥០%ក្នុងមួយឆ្នាំ ហើយក្រុមហ៊ុនមានបណ្តាញគនាគមន៍ច្រើនជាង៥០ទីតាំងសេវាកម្ម និងមានមជ្ឈមណ្ឌលចែកចាយចំនួន៣០ទីតាំង នៅក្នុងទូទំាងប្រទេសកម្ពុជា៕

ដោយ វុត្ថា

ភ្នំពេញ៖ ទីរថភ្លើងដ៏ស្រស់ស្អាត និងផ្តល់ផាសុខភាពដល់អ្នកធ្វើដំណើរ នឹងត្រូវក្រុមហ៊ុនRoyal Railway នាំមកដល់ក្រុងភ្នំពេញនាកំឡុងខែកក្កដាខាងមុខនេះ បើមិនមានអ្វីប្រែប្រួលទេនោះ។

ក្បាលរថភ្លើងថ្មីដ៏ស្រស់ស្អាតនេះ ផលិតនៅប្រទេសម៉ិកស៊ីកូ នឹងត្រូវបានគេដឹកមកដល់រាជធានីភ្នំពេញ ក្នុងអំឡុងពេល១ ខែ ឬ២ ខែទៀតសម្រាប់ ដើម្បីជំនួសក្បាលរថភ្លើងចាស់ ពីស្ថាននីយ៍អគ្គស្ម័យយានមកព្រលានយន្តហោះអន្តរជាតិភ្នំពេញ។ ក្បាលនិងទូរថភ្លើងថ្មីនេះ អាចផ្ទុកអ្នកដំណើរបាន១០០ នាក់ និងរត់ក្នុងល្បឿន៨០ គីឡូម៉ែត្រក្នុងមួយម៉ោង។

លោក វ៉ាស៊ីម សូរិយាអ្នកនាំពាក្យក្រសួងសាធារណៈការ និងដឹកជញ្ជូនបានថ្លែងឲ្យដឹងនាព្រឹកថ្ងៃទី២៩ ឧសភានេះថា ក្បាលរថភ្លើងថ្មីនេះ ត្រូវបានគេធ្វើរួចរាល់អស់​ហើ​យ និងកំពុងដាក់សាកល្បងនៅក្នុងប្រទេសម៉ិចស៊ីកូ តែមិនទាន់បានដឹកមកដល់កម្ពុជាទេ ប៉ុន្តែយ៉ាងយូ២ខែទៀតនឹងមកដល់រាជធានីភ្នំពេញហើយ។ ផ្ទុយទៅវិញ បើមិនមានអ្វីជាឧបសគ្គនៅតាមសមុទ្រ ឬបើមិនមានខ្យល់ព្យុះទេ រយៈពេលមួយខែទៀតទូររថភ្លើងនោះ​នឹងដឹកដល់ភ្នំពេញហើយ។

លោកបន្តថា នៅពេលមកដល់ ក្រសួងនឹងប្រកាសជាសាធារណៈស្តីពី ការដាក់អោយដំណើរក្បាលរថភ្លើងថ្មីជំនួស ក្បាលរថភ្លើងចាស់ដែលក្រសួងនិងក្រុមហ៊ុន Royal Group   បានដាក់ឲ្យដំណើរការបណ្តោះអាសន្នកាលពីថ្ងៃទី ១០ ខែមេសា ឆ្នាំ ២០១៨ កន្លងទៅនេះ។

ទោះជាយ៉ាងណាលោក មិនបានបញ្ជាក់ពីតម្លៃក្បាលរថភ្លើងថ្មីនេះថា មានតម្លៃប៉ុន្មាននោះទេ ព្រោះ ក្រុមហ៊ុនដឹកជញ្ជូនផ្លូវដែក Royal Railway របស់ ឧកញ៉ា គិត ម៉េង ប្រធានក្រុមហ៊ុន Royal Group  ជាអ្នកបញ្ជាទិញដោយផ្ទាល់។

ការដាក់ឲ្យដំណើរការផ្លូវរថភ្លើងនៅពេលនេះ គឺក្នុងគោលកាត់បន្ថយការចំណាយថវិកា ពេលវេលា សុវត្ថិភាព គ្មានការរំខាន ព្រមទាំងរួមចំណែកកាត់បន្ថយការកកស្ទះ និងគ្រោះថ្នាក់ចរាចរណ៍ក្នុងរាជធានីភ្នំពេញ។ ក្នុងដំណាក់កាលដំបូងនេះ គេនឹងប្រើប្រាស់រថភ្លើងចំនួន២គ្រឿង ដែលមានស្រាប់ សម្រាប់ការផ្តល់សេវាដឹកជញ្ជូនអ្នកដំណើរទៅមក ខណៈរងចាំក្បាលរថភ្លើងថ្មីចំនួន០៣គ្រឿងទៀត ដែលបានបញ្ជាទិញមកពីប្រទេសម៉ិចស៊ីកូ៕

ដោយ គង់ សូរិយា

ភ្នំពេញ៖ ទីក្រុងរណបតម្លៃ៣០០០លានដុល្លារ បានបញ្ចប់ប្លង់មេរបស់ខ្លួនហើយ ដើម្បីចាប់ផ្តើមអភិវឌ្ឍន៍តាមផែនការរបស់ខ្លួន ជាទីក្រុងពាណិជ្ជកម្មថ្មីមួយ ស្ថិតនៅកណ្តា​លរាជធានីភ្នំពេញ។

ទីក្រុងរណបជ្រោយចង្វារ ទីក្រុងនៃអនាគត បាននិងកំពុងសាងសង់ហេដ្ឋារចនាសម្ព័ន្ឋជិតបញ្ចប់ហើយ និងកំពុងសាងសង់ការិយាល័យកណ្តាលរបស់ខ្លួនកំពស់២០ជាន់ ជាការិយាល័យកណ្តាលរបស់ក្រុមហ៊ុន OCIC ព្រមទាំងគំរោងអាគារពាណិជ្ជកម្ម និងលំនៅដ្ឋាននៅក្នុងដំណាក់កាលតំបូងរបស់ខ្លួន។

លោក ទូច សំណាង អគ្គនាយករងក្រុមហ៊ុន OCIC បានថ្លែងឲ្យដឹងនាពេលថ្មីៗនេះថា យើងមានគំរោងសាងសង់អាគារខ្ពស់ៗជាច្រើន និងផែនការអភិវឌ្ឍន៍មានភាពស្រដផងគ្នានឹងទីក្រុងកោះពេជ្រផងដែរ ប៉ុន្តែវាត្រូវការពេលវេលា ដើម្បីធ្វើឲ្យគំរោងនេះអភិវឌ្ឍន៍បានតាមផែនការរបស់ខ្លួន ដោយអាចចំណាយពេលចន្លោះពី១០ទៅ២០ឆ្នាំ ទើបគំរោងនេះអាចបញ្ចប់បាន។

បច្ចុប្បន្នការរៀបចំកសាងហេដ្ឋារចនាសម្ព័ន្ឋក្នុងទីក្រុងរណបនេះ សម្រេចបានជាង៧០ភាគរយរួចហើយ និងរំពឹងបញ្ចប់នាពេលឆាប់ៗខាងមុខនេះ ដើម្បីរៀបចំការអភិវឌ្ឍ​តាមផែនការ។ ក្រុមហ៊ុនក៏បើកឲ្យក្រុមហ៊ុនឯកជនជាតិ និងអន្តរជាតិដទៃទៀតចូលរួមអភិ​វឌ្ឍន៍ទីក្រុងរណបនេះ ដើម្បីក្លាយជាទីក្រុងពាណិជ្ជកម្មនាពេលអនាគត។លោកសំណាង​បញ្ជាក់ឲ្យដឹង។

លោកបន្តថា “យើងនឹងកសាងទីក្រុងនេះ តាមបែប Smart City ដោយប្រព័ន្ឋខ្សែអគ្គិសនីនឹងដាក់ក្នុងប្រអប់ហើយកប់ក្រោមដី ប្រើប្រាស់អំពូលអគ្គិសនី LED ដែលមានការ​បំពាក់កាមេរ៉ា និងទឹកកខ្វក់ទាំងអស់នឹងត្រូវឆ្លងកាត់ការចម្រោះមុនបង្ហូរចេញ”។លោកបន្តថា “ទីក្រុងនេះធំ ហេតុនេះយើងរំពឹងថាការបញ្ចប់ ការសាងសង់ទីក្រុងនេះទាំងមូល​ចំណាយពេលពី១០ទៅ២០ឆ្នាំ”។

បច្ចុប្បន្នទីក្រុងរណបជ្រោយចង្វារ ទីក្រុងនៃអនាគតបានសាងសង់សហគមន៍រ៉ុងរឿងមួយរួចហើយ ដើម្បីផ្តល់លំនៅដ្ឋានដល់អ្នកមានដីនៅក្នុងគំរោងនេះ មានលំនៅដ្ឋាន​សមរម្យរស់នៅ និងមានតូបផ្សារសម្រាប់លក់ដូរផងដែរ។

លោកទូច សំណាងបានបន្តថា ក្រុមហ៊ុននៅតែគិតគូរដល់សហគមន៍រស់នៅក្នុងគំរោងនេះ ដោយក្រុមហ៊ុនតែងតែឧបត្ថម្ភប្រជាជនជាប្រចាំ ព្រោះយើងចង់ធ្វើឲ្យប្រាកដថា ការអភិវឌ្ឍរបស់យើង មិនបោះបង់ប្រជាជនមូលដ្ឋាននោះទេ ហើយក្រុមហ៊ុនយើងតែងតែផ្សារភ្ជាប់ជាមួយការងារសង្គមជាប្រចាំ៕

ដោយ គង់ សូរិយា

ភ្នំពេញ៖ អ្នកទិញលំនៅដ្ឋានក្នុងបុរីមួយចំនួន បាននិងកំពុងប្រឈមមុខនឹងបញ្ហាជា​ច្រើន ទាក់ទងប័ណ្ណកម្មសិទ្ឋគ្រប់គ្រងអចលនទ្រព្យរបស់ខ្លួន ដែលពួកគេប្រឈមបញ្ហានឹងការលក់ផ្ទះមិនចេញ ឬមានបញ្ហាក្នុងការផ្ទេរលំនៅដ្ឋានរបស់ខ្លួន ទៅអ្នកដទៃទៀតពេ​លត្រូវការលក់ឬដូរលំនៅដ្ឋានរបស់ខ្លួន។

អ្នកជំនាញផ្នែកសេដ្ឋកិច្ច និងអចលនទ្រព្យលោកង៉ែត ជូបានថ្លែងឲ្យដឹងកាលពីម្សិលម៉ិញនេះថា អ្នកទិញលំនៅដ្ឋានក្នុងបុរី ឬសំណង់ផ្ទះល្វែង គួរសាកសួរម្ចាស់បុរីទាក់​ទងនឹងប្លង់លំនៅដ្ឋានដែលខ្លួនបានទិញ ថាជាប្លង់រ៉ឹងឬជាប្លង់ទន់ ព្រោះបើប្លង់រ៉ឹងអ្នរោះបើប្លង់រ៉ឹងទាម​ទារថាជាប្លង់រ៉ឹងឬជាប្លង់ទន់បានថ្លែងឲ្យដឹងកាលពីម្សិលម៉ិញនេះថា អ្នកទិញលំនៅដ្ឋានក្នុងបុរីគួរសាកសួរម្ចាស់បុរីទាកទិញត្រូវទាមទារការកាត់ប្លង់ផ្លូវការ និងធ្វើឡើងតាមនិតិវិធីច្បាប់ ហើយការបង់ថ្លៃសេវាកម្មនៃការរត់ប្លង់កម្មសិទ្ឋ អាស្រ័យលើការចចារវាងភាគីអ្នកលក់ និងអ្នកទិញ។ លោកបន្តថា មានករណីខ្លះម្ចាស់គ្រប់គ្រងបុរី ឬអ្នកសាងសង់ផ្ទះល្វែងលក់ មានប្លង់មេរបស់ខ្លួន និងមិនបានផ្ទេរកម្មសិទ្ឋរបស់ខ្លួន ដល់អ្នកទិញលំនៅដ្ឋានរបស់ខ្លួននោះទេ គឺធ្វើប្លង់ជូនអ្នកទិញត្រឹមអាជ្ញាធរមូលដ្ឋានខ័ណ្ឌ ឬស្រុកប៉ុណ្ណោះ។

នៅពេលមានបញ្ហាគំរោងបែបនេះ អ្នកទិញលំនៅដ្ឋានមិនអាចលក់ផ្ទះរបស់ខ្លួនបាន​ទេ គឺត្រូវតម្រូវឲ្យម្ចាស់ឬអ្នកអភិវឌ្ឍន៍មកកាត់ប្លង់ជូន ដែលត្រូវបង់ពន្ឋជូនខាងពន្ឋដា ហើយមានម្ចាស់បុរីខ្លះខិលខូច មិនព្រមកាត់ប្លង់ជូនអ្នកទិញឡើយ ដោយទាមទារឲ្យអ្នកទិញឬម្ចាស់ផ្ទះថ្មីបង់លុយមួយចំនួនដល់ខ្លួន ទើបព្រមផ្ទេរកម្មសិទ្ឋជូនម្ចាស់លំនៅដ្ឋាន​ដែលបានទិញផ្ទះពីគំរោងរបស់ខ្លួន។

លោកង៉ែត ជូបានបន្តថា ហេតុនេះអ្នកទិញលំនៅដ្ឋានក្នុងបុរី ឬសំណង់ផ្ទះល្វែង គួរតែរួបរួមគ្នាដើម្បីមានសម្លេងរ៉ឹងមាំ ដែលអាចធ្វើការតវ៉ាជាមួយម្ចាស់បុរី ឬសំណង់លំ​នៅ​ដ្ឋានដែលខ្លួនបានទិញ ដើម្បីទទួលបានប្លង់កម្មសិទ្ឋស្របច្បាប់ជាប័ណ្ណកម្មសិទ្ឋ ដែលទទួលស្គាល់ដោយមន្ទីររៀបចំដែនដី នគរូបនីយកម្ម និងសំណង់តាមរាជធានី ខេត្ត​ដែលខ្លួនរស់នៅ។

លោកបន្តថា បច្ចុប្បន្នមានម្ចាស់លំនៅដ្ឋានមួយចំនួន មិនអាចលក់ផ្ទះឬផ្ទេរកម្មសិទ្ឋបាន ដោយសារបញ្ហាខាងលើនេះ ហើយក្នុងករណីចង់ផ្ទេរឬលក់ទៅម្ចាស់ថ្មីត្រូវទាក់​ទងជាមួយម្ចាស់បុរី និងធ្វើការជាមួយអាជ្ញាធរ ដែលមាននិតិវិធីស្មុគ្រស្មាញនិងត្រូវ​បង់ពន្ឋជូនអគ្គនាយកដ្ឋានពន្ឋដាជាច្រើនដង និងត្រូវចំណាយអស់ប្រាក់ច្រើនដែលជារឿងមិនគួរឲ្យកើតមាននោះទេ៕