ដោយ វុត្ថា

ភ្នំពេញ៖ ធនាគាររដ្ឋនៅក្នុងទីក្រុងសៀងហៃនាពេលថ្មីៗ នេះ បានបញ្ចុះអត្រាកម្ចីការប្រាក់ សម្រាប់អ្នកដែលមានបំណងខ្ចីទិញលំនៅដ្ឋាននៅក្នុងទីក្រុង ដែលជាវិធានការ ២ ឆ្នាំជាប់គ្នា ដើម្បីអោយជម្រុញអោយទីផ្សារអចលនទ្រព្យមានសកម្មភាព។

សារព័ត៌មាន South China Morning Post បានចុះផ្សាយថា ធនាគារ Industrial and Commercial Bank of China និង ធនាគារ Agricultural Bank នឹងផ្តល់ប្រាក់កម្ចី ១០ ភាគរយ ដោយបញ្ចុះ អត្រាការប្រាក់ដល់ ៥ ភាគរយសម្រាប់អ្នកដែលមានបំណងចង់ទិញលំនៅដ្ឋាន។ អត្រាការប្រាក់សម្រាប់ទិញលំនៅដ្ឋានដំបូងអាចនឹងដល់ ៤.៤១ ភាគរយ ដោយធ្លាក់ចុះពី ៤.៦៥៥ ភាគរយ។

លោក Yan Yuejin អ្នកវិភាគវិទ្យាស្ថាន E-house China E&D Institute បានថ្លែងថា ធនាគារ ICBC និងធនាគារ Agricultural Bank គួរតែមានគោលនយោបាយឥណទានសមស្របណាមួយតាំងពីយូណាស់មកហើយ ដែលអាចសម្របសម្រួលដល់ការកាត់បន្ថយតំលៃទីលំនៅដ្ឋាន និង ទីផ្សារអចលនទ្រព្យនៅក្នុងទីក្រុង។

សង្គ្រាមពាណិជ្ជកម្មអាមេរិក-ចិនក៏បានជំរុញអោយមានការសម្រេចចិត្តរបស់ធនាគារដើម្បីបញ្ចុះអត្រាការប្រាក់ ខណៈក្រុមអ្នកបង្កើតគោលនយោបាយទទួលស្គាល់ថាការចូលរួមចំណែករបស់អ្នកទិញលំនៅដ្ឋានលើកដំបូងយកទៅប្រើប្រាស់ផងដែរ។

ទោះជាយ៉ាងណា អត្រាការប្រាក់ សម្រាប់លំនៅដ្ឋាននៅក្នុងទីក្រុងសៀងហៃលើកទី ២ នេះ នឹងរក្សាស្ថេរភាព១០ ភាគរយសម្រាប់អ្នកដែលមានបំណងខ្ចីទិញលំនៅដ្ឋានដំបូង។

លោក Lu Wenxi អ្នកវិភាគជាន់ខ្ពស់របស់ក្រុមហ៊ុន Centaline Property Shanghai មានជំនឿថាធនាគារមួយចំនួនទៀតនឹងផ្តល់ប្រាក់កម្ចីក្នុងអត្រាការប្រាក់ទាបដើម្បីប្រកួតប្រជែងជាមួយ ធនគារ CCB ។

កាលពីខែមុនរដ្ឋាភិបាលចិនបានផ្តល់កម្ចីឥណទានដល់ធនាគារផ្តល់ប្រាក់កម្ចីសម្រាប់កម្ចីខ្នាតមធ្យមចំនួន ៧៣.២ ពាន់លានដុល្លារក្នុងគោលបំណងដើម្បីបញ្ចូលសាច់ប្រាក់ទៅក្នុងប្រព័ន្ធធនាគារសម្រាប់អោយពលរដ្ឋខ្ចីទិញលំនៅដ្ឋាន៕

ដោយដែន ចែងចាំង

       ភ្នំពេញ៖ ក្រុមហ៊ុនដ៏ធំមួយគ្រោងវិនិយោគសាងសង់មជ្ឈមណ្ឌលពាណិជ្ជកម្ម និងផ្សារទំនើបធំមួយនៅក្រុងប៉ោយ ប៉ែត ខេត្តបន្ទាយមានជ័យ ដែលធ្វើឲ្យទីក្រុងជាប់ជាមួយ​ប្រទេសថៃនេះកាន់តែមានសក្តានុពលថែមទៀត។

យោងតាមសេចក្តីប្រកាសរបស់ក្រុមប្រឹក្សាអភិវឌ្ឍន៍កម្ពុជា (CDC) បានឲ្យដឹងកា​លពីថ្ងៃទី១០ សីហាកន្លងមកថា ក្រុមហ៊ុន BOONMA HNG Co, Ltdបានទទួលការអនុម័តយល់ព្រមពីស្ថាប័ននេះ ដើម្បីវិនិយោគសាងសង់សណ្ឋាគារលំដាប់ផ្កាយបួនចំនួន​៣៩២បន្ទប់ និងមជ្ឈមណ្ឌលពាណិជ្ជកម្ម និងផ្សារទំនើប ដែលមានទីតាំងស្ថិតក្នុងសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ព្រមទាំងអាចផ្តល់ការងារដល់ប្រជាពល​រដ្ឋបានចំនួនប្រមាណ៨៣៦កន្លែង។

ក្រុមហ៊ុននេះ បានទទួលការអនុញ្ញាត្តជាមួយក្រុមហ៊ុនចំនួនបីទៀត ពីក្រុមប្រឹក្សាអភិវឌ្ឍន៍កម្ពុជានៅក្នុងពេលថ្មីៗនេះ ដែលសរុបទុនវិនិយោគ១០០លានដុល្លារ សម្រាប់គំរោងវិនិយោគទាំងបួននេះ។

ទីក្រុងប៉ោយប៉ែត ជាទីក្រុងវិនិយោគដ៏លឿន ដោយសារសកម្មភាពពាណិជ្ជកម្មជា​មួយប្រទេសថៃ ដែលបានទាក់ទាញក្រុមហ៊ុនថៃ និងក្រុមហ៊ុនជប៉ុនជាច្រើនទៅវិនិយោគ​នៅតំបន់នេះ។

រដ្ឋាភិបាលបានដាក់ក្រុងប៉ោយប៉ែត ជាតំបន់ឧស្សាហកម្មពិសេសនៅក្នុងគោលន​យោបាយអភិវឌ្ឍន៍វិស័យឧស្សាហកម្មឆ្នាំ២០១៥ ២០២៥ ដើម្បីប្រែក្លាយទីក្រុងនេះជា​មជ្ឈមណ្ឌលភស្តុភាកម្ម និងជាទីតាំងវិនិយោគដ៏មានសក្តានុពល។

ទីប្រឹក្សាជាន់ខ្ពស់ក្រុមប្រឹក្សាអភិវឌ្ឍន៍កម្ពុជាលោកបណ្ឌិតម៉ី កល្យាណបានថ្លែងថា ក្រុងប៉ោយប៉ែតមានលក្ខណៈពិសេស និងមានការរីកចម្រើនលឿន ដោយសារគោលនយោបាយថៃបូកមួយ បានធ្វើឲ្យតំបន់នេះទាក់ទាញ អ្នកវិនិយោគមកពីប្រទេសថៃជាច្រើន មកវិនិយោគនៅតំបន់នេះ ព្រោះទី១ ជាតំបន់ជាប់ព្រំដែនថៃ ដែលងាយស្រួលក្នុងការតភ្ជាប់លើវិស័យគមនាគមន៍ ទី២ ដោយសារកំលាំងពលកម្មរបស់កម្ពុជាមានតម្លៃទាប ធៀបជាមួយប្រទេសថៃ ហេតុនេះអ្នកវិនិយោគមកវិនិយោគនៅតំបន់នេះ ដើម្បីធ្វើឲក្យតម្លៃផលិតទាប និងងាយនាំចេញទៅកាន់ប្រទេសថៃ។

ទី៣ គោលនយោបាយលើកទឹក​ចិត្តរបស់រដ្ឋាភិបាលកម្ពុជា ដែលអនុញ្ញាត្តឲ្យជនបរទេស អាចបោះទុនវិនិយោគ​១០០ភាគរយបង្កើតក្រុមហ៊ុននៅកម្ពុជា៕

ដោយគង់ សូរិយា

ភ្នំពេញ៖ រយៈពេល៧ខែឆ្នាំ២០១៨នេះ អគ្គនាយកដ្ឋានពន្ធដារប្រមូលចំណូលពន្ធ-អាករគ្រប់ប្រភេទបានជាង១,៣៥៦ លានដុល្លារអាមេរិក ស្មើជាង៧០ភាគរយនៃផែនការកំណត់ដោយច្បាប់ ក្នុងរយៈពេល៧ខែឆ្នាំ២០១៨នេះ។

លោកគង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បានថ្លែងឲ្យដឹងនៅក្នុងកិច្ចប្រជុំបូកសរុបលទ្ធផលប្រមូលចំណូលពន្ធ ប្រចាំ ខែកក្ដដា ឆ្នាំ២០១៨កាលពីម្សិលម៉ិញនេះថា លទ្ធផលប្រមូលចំណូលពន្ធរបស់អគ្គនាយកដ្ឋានពន្ធដារ ទទួលបានចំណូលពន្ធ-អាករគ្រប់ប្រភេទ ដែលប្រមូលបានតាមប្រព័​ន្ធគ្រប់​គ្រងទិន្នន័យចំណូលអនឡាញ Online ក្នុងខែកក្កដា ឆ្នាំ២០១៨នេះ មានចំនួនជាង មានចំនួនជាង ៦៨៩ ពាន់លានរៀល ស្មើប្រមាណជាង ១៧២ លានដុល្លារអាមេរិកកើនឡើងចំនួន ១៨៦ពាន់លានរៀល ធៀបរយៈពេលដូចគ្នាកាលពីឆ្នាំមុន។

លោកបន្តថា ក្នុងចំណោមចំណូលដែលទទួលបានក្នុងរយៈពេល៧ខែ ដើមឆ្នាំ២០១៨ អគ្គនាយ​កដ្ឋានពន្ធដារប្រមូលចំណូលពន្ធ-អាករបានជាង ៥,៤២៥លានរៀល  ត្រូវប្រមាណជាង១,៣៥៦ លានដុល្លារអាមេរិកស្មើជាង៧០ភាគរយ ក្នុងនោះបើប្រៀបធៀបទៅនឹងរយៈ៧ខែ ដើមឆ្នាំ២០១៧ ឃើញថាការប្រមូលពន្ធ-អាករគ្រប់ប្រភេទ (តាមប្រព័ន្ធអនឡាញ) ក្នុងឆ្នាំ២០១៨ កើនឡើងចំនួនជាង៧០៨ ពាន់លានរៀល ត្រូវប្រមាណជាង១៧៧ លានដុល្លារអាមេរិក ស្មើជាង១៥ភាគរយ។

ឯកឧត្តមគង់ វិបុលបានបន្តថា កំណើនចំណូលពន្ធក្នុងខែកក្កដានេះ បើធៀបនឹងរយៈពេលដូចគ្នានៃឆ្នាំកន្លងមក បានឆ្លុះបញ្ចាំងថា សាធារណៈជន និងអ្នកវិនិយោគជាតិ និងអន្តជាតិ មានជំនឿទុកចិត្តលើរាជរដ្ឋាភិបាល ក្រោមការដឹកនាំដ៏ឈ្លៀសវៃប្រកបដោ​យ​គតិបណ្ឌិត របស់សម្តេចតេជោ ហ៊ុន សែន នាយករដ្ឋមន្រ្តី។ ក្នុងការឆ្លើយតបតាមអនុវត្ត តាមអនុសាសន៏ដ៏ខ្ពង់ខ្ពស់ ឯកឧត្តមប្រតិភូរាជរដ្ឋាភិបាល បានណែនាំដល់មន្រ្តីពន្ធដារទាំងអស់ត្រូវបំពេញតួនាទីជាអ្នកបម្រើរាស្ត្រ និងជាអ្នកផ្តល់សេវាជូនសាធារណៈជន មិនមែនជាអ្នកត្រួតត្រានោះឡើយ ហើយត្រូវកាត់បន្ថយជាអតិបរមានូវការរអ៊ូរទាំរបស់អ្នកជាប់ពន្ធ និងផ្តល់កិច្ចសហការល្អក្នុងការបង់ពន្ធជូនប្រជាពលរដ្ឋឲ្យបានល្អប្រសើរ៕

រាជធានី​ភ្នំពេញ៖ ភេសជ្ជៈ​ប៉ូវ​កំលាំង G Park ជា​ផលិតផល​នាំចូល​ពី​ប្រទេស​កូរ៉េ ដែល​បាន និង​កំពុង​ចែកចាយ​ផ្ដាច់មុខ​នៅលើ​ទីផ្សារ​ក្នុងប្រទេស​កម្ពុជា ដោយ​ក្រុមហ៊ុន​JCRI ប្រកបដោយ​ភាពជោគជ័យ ។

គួរ​រម្លឹក​ផងដែរ​ថា  កាលពី​ថ្ងៃទី២៦ ខែកក្កដា ឆ្នាំ២០១៧ ក្រុមហ៊ុន JCRI និង ក្រុមហ៊ុន ដុង​ហ្វា ហ្វា​ម ដែលជា​ក្រុមហ៊ុន​ដ៏​ល្បី​នៅ​ប្រទេស​កូរ៉េ បាន​ចុះហត្ថលេខា​ព្រមព្រៀង​ភាព​ដៃគូរ​ពាណិជ្ជកម្ម​ជាមួយគ្នា នៅ​សណ្ឋាគារ សុខា​ភ្នំពេញ លើ​កិច្ចព្រមព្រៀង​ទទួល​សិទ្ធ​ផ្តាច់មុខ​ចែកចាយ​ភេសជ្ជៈ​ប៉ូវ​កំលាំង G Park ក្នុង​ព្រះរាជាណាចក្រ​កម្ពុជា។

ភេសជ្ជៈ​ប៉ូវ​កំលាំង​G Park បាន និង​កំពុង​ធ្វើ​សរាចរ​ណ៍ ទូទាំង​ខេត្ត​ក្រុង​នៃ​ប្រទេស​កម្ពុជា ហើយ​ក៏បាន​ចូលរួម​កម្មវិធី​សង្គម​ជាច្រើន​ផងដែរ។ ជាក់ស្ដែង​កាលពី​ថ្ងៃទី៥ ខែតុលា ឆ្នាំ២០១៧ G Park បាន​ផ្ដើមគំនិត ជាមួយ​លោក ងួន ចាន់​ដេវីត ដែលជា​អ្នកតំណាង​នៃ​ផលិតផល​ភេសជ្ជៈ​ប៉ូវ​កំលាំង G Park បង្កើត​នូវ​ការប្រគុំ​តន្ត្រី​សប្បុរស​ធ​ម៍​មួយ ដើម្បី​ប្រមូល​ថវិការ​ទាំងអស់ យកទៅ​សាងសង់​អគារសិក្សា​មួយ​ខ្នង​នៅ​វិទ្យាល័យ​ព្រះពុទ្ធ​មាន​សេរី  ខេត្តកំពង់ស្ពឺ។ មកទល់ពេលនេះ​អគារសិក្សា​មួយ​ខ្នង​នោះ បាន​សាងសង់​រួចរាល់​ជា​ស្ថាពរ​ហើយ។ មិនតែប៉ុណ្ណោះ ភេសជ្ជៈ​ប៉ូវ​កំលាំង G Park ក៏​ធ្លាប់​បានធ្វើ​កម្មវិធី​G Park School Tour នៅតាម​វិ​ទ្យ​ល័យ​ចំនួន១០ ដោយ​នាំយក​នូវ​ភេសជ្ជៈ​ប៉ូវ​កំលាំង G Park រួម​ជាមួយនឹង​សម្ភារៈ​សិក្សា​មួយចំនួន ប្រកប​គ្នា​ដោយ​ភាពសប្បាយ​រីករាយ​ជាច្រើន​សម្រាប់ប្អូនៗសិស្សានុសិស្ស​ផងដែរ។

មួយវិញទៀត​G Park បាន​ជួយ​ដល់​ទុរគតជន​គ្មាន​ទីពឹង ចូលរួម​ឧបត្ថម​គាំទ្រ​ដល់​វិស័យ​កីឡា និង ចូលរួម​ក្នុង​វិស័យ​ជាច្រើនផ្សេងៗទៀត។ លើសពីនេះទៅទៀត ក្រុមការងារ​របស់ G Parkបានធ្វើ​ដំណើរ​Activation ទៅគ្រប់​ខេត្ត​ក្រុង​នៃ​ប្រទេស​កម្ពុជា ជាមួយនឹង ការប្រគុំ​តន្ត្រី​ទេសចរណ៍​ស្ទើ​តែ​គ្រប់​ខេត្ត​ក្រុង ដើម្បី​ផ្ដល់នូវ​ភាពសប្បាយ​រីករាយ​ជូន​បងប្អូន។

រយៈពេល​មិន​ដល់​មួយឆ្នាំ​ផង ភេសជ្ជៈ​ប៉ូវ​កំលាំង G Park បាន​វៃ​លុក​ទីផ្សារ​មិន​ថា​ស្រុកស្រែ​ចម្ការ ឫ​ទីក្រុង​ឡើយ  រហូត​អាចធ្វើអោយ​ម៉ាក​សញ្ញា​របស់ខ្លួន មាន​លក់​នៅតាម​ផ្សារ​ទំនើបល្បីៗ តាម​ម៉ា​ត ដេប៉ូផ្សេងៗជាច្រើន និយាយ​រួម​នៅ​គ្រប់​ខេត្ត​ក្រុង​នៃ​ប្រទេស​កម្ពុជា​តែម្តង។

ភាពជោគជ័យ​ដ៏​ធំ​អស្ចារ្យ និង​ការគាំទ្រ​ដ៏​សន្ធឹកសន្ធាប់​ទាំងអស់​នេះហើយ  ទើប​ធ្វើ​ឲ្យ​ភេសជ្ជៈ​ប៉ូវ​កំលាំង G Park  មាន​កម្លាំង​និង​មោទនភាព​ក្នុងការ​ប្រារព្ធ​កម្មវិធី​គំរប់​ខួប​មួយឆ្នាំ​នៃ​ការមកដល់​ប្រទេស​កម្ពុជា កាលពី​ថ្ងៃទី៧ ខែកក្កដា ឆ្នាំ២០១៨ កន្លងទៅថ្មីៗនេះ។

យ៉ាងណាមិញ ក្រុមហ៊ុន​JCRI សូម​ថ្លែងអំណរគុណ​ដល់ អតិថិជន ជាពិសេស​គ្រប់​ដេប៉ូ​ចែកចាយ​គ្រប់​ខេត្ត​ក្រុង ជាទីគោរព​ស្រលាញ់​ទាំងអស់ ដែល​តែងតែ​គាំទ្រ និង​ពេញចិត្ត​នូវ​គុណភាព​ដ៏​ល្អ រសជាតិ​ដ៏​ឆ្ងាញ់​របស់​ភេសជ្ជៈ​ប៉ូវ​កំលាំង G Park  ។ ជា​ចុងក្រោយ ក្រុមហ៊ុន​JCRI រួម​ជាមួយនឹង​ភេសជ្ជៈ​ប៉ូវ​កំលាំង G Park  សូម​ជូនពរ​ដល់​អ្នក​គាំទ្រ និង​អតិថិជន​ទាំងអស់​ជួបតែ​សំណាងល្អ រក​ទទួលទាន​មានបាន ជាពិសេស​គ្រប់​ដេប៉ូ​ចែកចាយ​ទាំងអស់ សូម​ឲ្យ​ប្រកប​របរ​រីកចម្រើន និង​លក់​ភេសជ្ជៈ​ប៉ូវ​កំលាំង G Park  បានច្រើនៗទាំងអស់គ្នា​ណា៎….៕

G Park Facebook Page: https://www.facebook.com/GParkenergydrink.kh/

ដោយ រ៉ាវី

ភ្នំពេញ៖ ផ្សារទំនើបខ្នាតតូចដែលមានឈ្មោះថា Quick & Easy Mart បានកំពុងពង្រីកខ្លួននៅក្នុងក្រុងភ្នំពេញហើយ ខណៈដែលវិនិយោគិនមួយ កំពុងបោះទុនបង្កើតផ្សារទំនើបថ្នាក់អន្តរជាតិនៅក្នុងក្រុងភ្នំពេញ ។

លោកឧកញ៉ា គិត សែនសូរិយា មានប្រសាសន៍ថាផ្សារទំនើបខ្នាតតូចនេះ ទទួលបានការសហការជាមួយអ្នកវិនិយោគក្រៅស្រុក ដោយតំណាក់កាលដំបូងនេះ ត្រូវបានបើកចំនួន៥ទីតាំងផ្សេងៗនៅក្នុងក្រុងភ្នំពេញ។ ហើយថាបើសិនជាមានការគាំទ្រពីអតិថិជន ផ្សារនេះនឹងមានវត្តមានកាន់តែច្រើនថែមទៀតនៅពេលខាងមុខ។
លោកបណ្ឌិត ចម ប្រសិទ្ឋ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្មនិងសិប្បកម្មបានថ្លែងឱ្យដឹងក្នុងពិធីសម្ភោធន៍សាខាថ្មី មានទីតាំងនៅសង្កាត់បឹងកេងកង ដោយសម្តែងការអបអរសាទរ ចំពោះការចាប់ដៃគូវិនិយោ រវាងពាណិជ្ជករក្នុងស្រុកនិងក្រៅស្រុក បង្កើតផ្សារទំនើបខ្នាតតូច ដែលរហូតដល់បច្ចុប្បន្នបានចំនួន០៥សាខាហើយនៅរាជធានីភ្នំពេញ។

ផ្សារទំនើបខ្នាតតូច ជាទីផ្សារពេញនិយមរបស់ប្រជាពលរដ្ឋនាពេលបច្ចុប្បន្ន ដែលគាំទ្រឱ្យមានការពង្រីកសាខាឱ្យបានច្រើនថែមទៀត និងត្រូវបន្តប្រកាន់ខ្ជាប់នូវក្រមសីលធម៌ ដោយត្រូវលក់ទំនិញដែលមិនខូចគុណភាព មិនហួសកាលបរិច្ឆេទនិងមិនក្លែងក្លាយ។ ជាមួយគ្នានេះលោករដ្ឋមន្រ្តី បានស្នើឱ្យលក់បន្ថែមនូវមុខម្ហូប Halal សម្រាប់អ្នកកាន់សាសនិកអ៊ីស្លាម លក់ថ្នាំពេទ្យដែលមិនត្រូវការវេជ្ជបញ្ជា និងលក់ផលិតផលក្នុងស្រុកឱ្យបានច្រើនថែមទៀត ដែលជាស្នាដៃសិប្បកម្ម រឺសហគ្រាសខ្នាតតូចនិងមធ្យម ព្រមទាំងបន្ថែមម៉ោងលក់ដូរដោយប្តូរលក់ពីម៉ោង០៧ ព្រឹកដល់ម៉ោង ១១ យប់ ទៅម៉ោង ០៥ព្រឹក ដល់ម៉ោង ១២ យប់ ដើម្បីឱ្យស្របនិងតម្រូវការរបស់អតិថិជននាពេលបច្ចុប្បន្ន៕