ដោយ វុត្ថា

ភ្នំពេញ៖ ស្របពេលនឹងកំនើននៃការវិនិយោគក្នុងវិស័យសំណង់កើនឡើង​កាន់តែខ្លាំង ក្រុមហ៊ុនសាងសង់លំដាប់អន្តរជាតិធំៗ ក៏បានចូលមកកាន់ទីផ្សារនេះ ខណៈក្រុមហ៊ុនសាងសង់ក្នុងស្រុកភាគច្រើននៅក្មេងខ្ចីនៅឡើយ ក្នុងការសាងសង់អាគារធំៗនិងខ្ពស់ៗ។

ដោយសារការមកដល់នៃក្រុមហ៊ុនធំៗលំដាប់ពិភពលោក បានធ្វើឲ្យក្រុមហ៊ុនក្នុងស្រុកមួយចំនួនបានបិទទ្វារ និងប្រឈមនឹងការបិទទ្វារផងដែរ។

លោក កែវ មាលា នាយករងក្រុមហ៊ុន CAMWORLD PROPERTY Co,.td ដែលក្រុមហ៊ុនរបស់លោកបានបិទទ្វារកាលពីពេលថ្មីៗនេះ បានមានប្រសាសន៍ឲ្យដឹងថា ក្នុងរយៈពេល២ឆ្នាំមកនេះ ក្រុមហ៊ុនរបស់លោកមិនទទួលបានគម្រោងសាងសង់ធំៗទេ ទទួលបានគម្រោងសាងសង់តូចៗតែប៉ុណ្ណោះ ដោយសារតែគម្រោងសាងសង់ធំៗភាកច្រើន ក្រុមហ៊ុនម៉ៅការរបស់ចិនយកទាំងអស់។ លោកបញ្ជាក់ថា នេះដោយសារតែក្រុហ៊ុនម៉ៅការសំណង់របស់ចិនមានទុនបំរ៉ុង និងការទូទាត់ប្រាក់ជាមួយម្ចាស់សំណង់រយៈពេលវែង ជាពិសេសគេសាងសង់គ្រឿ​ងបង្គំរួចហើយ បានទូទាត់ប្រាក់ជាមួយម្ចាស់សំណងអគារជាក្រោយ។

ចំណែកក្រុមហ៊ុនម៉ៅការសំណង់ខ្មែរ អត់មានប្រាក់ទុនបំរ៉ុងចឹងហើយយើងមិនអាចប្រៀបជាមួយគេបានទេ ព្រោះយើងត្រូវទូទាង់ក្នុងមួយខែម្តង ដើម្បីយកប្រាក់មកបើកអោយកម្មករ។

លោកបន្តថា ក្រុហ៊ុនម៉ៅការសំណង់ចិន មានសម្ភារៈគ្រប់គ្រាន់ និងចំណា​យរយៈពេលសាងសង់ខ្លី និងលឿនជាងក្រុមហ៊ុនម៉ៅការសំណងខ្មែរប្រមាណជា ៤០ភាគរយ ដោយសារគេអោយកម្មកររបស់គេថែមម៉ោងនិងមានបំពាក់សម្ភារៈ​និងគ្រឿងចក្រទំនើបៗ។ លោកបន្តថា ក្នុងរយៈពេល២ឆ្នាំមកនេះ ក្រុមហ៊ុនម៉ៅការសំណង់ខ្មែរ មិនសូវទទួលគម្រោងសាងសង់សំណង់ធំៗទេ ហើយមានក្រុមហ៊ុនម៉ៅការសំណង់ខ្មែរជាច្រើងកំពុងប្រឈមនឹងការបិតទ្វារ។

លោក កែវ មាលា បានបញ្ជាក់ថា “បើនិយាយពីប្រសិទ្ធិភាពការងារសាងសង់របស់ក្រុមហ៊ុនខ្មែរ មិនចាញ់ចិនឡើយ ពេលខ្លះយើងល្អជាងចិនទៀត តែចិនវាមានលុយ”។ លោកបន្តថា  “តាំងពីមិនទាន់មានវត្តមានក្រុមហ៊ុនម៉ៅការសំណ​ង់ចិន ក្រុមហ៊ុនម៉ៅការសំណង់ខ្មែរ ទទួលបានគម្រោងសាងសង់ច្រើន ជាពិសេ​សគម្រោងសាងសង់ធំៗជាងនេះទៅទៀត”។លោកបន្តថា “ក្រុហ៊ុនចិនទាំងនោះ ទទួលតែកម្មករចិនគ្នាវាទេ មិនទទួលកម្មករខ្មែរឡើង បើទទួលកម្មករខ្មែរវិញ ទទួលតិចតួចបំផុត”។

មួយរយៈចុងក្រោយនេះ ត្រូវបានគេមើលឃើញថា ក្រុមហ៊ុនចិន និងអ្នកវិនិយោគចិនជាច្រើនបានចូលមករកស៊ី ក្នុងប្រទេសកម្ពុជាស្ទើរតែគ្រប់វិស័យ ដោយក្នុងនោះក្រុមហ៊ុនសំណង់ចិនប្រមាណ៩០ភាករយកំពុងប្រតិបត្តិការ ទាំងនៅក្នុងទីក្រុង និងបណ្តាខេត្តសំខាន់ៗនានារបស់ប្រទេស។ ការណ៍នេះត្រូវត្រូវបានអ្នកជំនាញសេដ្ឋកិច្ចមើលឃើញថា វត្តមានក្រុមហ៊ុនចិនក្នុងប្រទេសកំពុងជម្រុញសេដ្ឋកិច្ចកម្ពុជាមានការរីកចម្រើន តែយ៉ាងណាក៏យដោយស្របពេលនេះ ក៏មានបញ្ហាប្រឈមនានាជាច្រើនកើតឡើងដែរ។

អគ្គនាយករងក្រុមហ៊ុន OCIC លោកទូច សំណាងបានថ្លែងថា ធម្មតាម្ចាស់អាគារនិមួយៗ ពេលពួកគេសាងសង់គំរោងអ្វីមួយ ពួកគេមានការប្រុងប្រយ័ត្នខ្លាំងណាស់ ក្នុងការជ្រើសរើសក្រុមហ៊ុនសាងសង់ ព្រោះគំរោងពួកគេចំណាយទុនច្រើនរាប់លានដុល្លារ ប៉ុន្តែជាមួយគ្នានេះអាជ្ញាធរពាក់ព័ន្ឋដែលមានសមត្ថកិច្ចត្រួតពិនិត្យការងារនេះ គួរមានការចុះត្រួតពិនិត្យគុ ណភាពអាគារ ឬសំណង់នានាជាប្រចាំ។

លោកបន្តថា “អ្វីខ្ញុំមើលឃើញការសាងសង់អាគារខ្ពស់ៗ នៅកម្ពុជាភាគច្រើនធ្វើឡើងដោយក្រុមហ៊ុនអន្តរជាតិធំៗ ជាជាងជ្រើសរើសក្រុមហ៊ុនខ្មែរ ប៉ុន្តែក៏​មានក្រុមហ៊ុនខ្មែរមួយចំនួន មានសមត្ថភាពសាងសង់អាគារខ្ពស់ៗផងដែរ”៕

ដោយ៖ គង់ សូរិយា

ភ្នំពេញ៖ រយៈពេល៥ឆ្នាំខាងមុខ ខេត្តព្រះសីហនុនឹងក្លាយជាទីក្រុងដ៏ស៊ីវិល័​យមួយ តាមរយៈគំរោងអភិវឌ្ឍន៍អាគារកប់ពពកជាច្រើន ការសាងសង់ទីក្រុង China Town, និងគំរោងអភិវឌ្ឍន៍ហេដ្ឋារចនាសម្ព័ន្ឋរបស់រដ្ឋាភិបាល។

បច្ចុប្បន្នអាគារខ្ពស់ៗកប់ពពក កំពុងសាងសង់យ៉ាងសកម្មទាំងយប់ទាំងថ្ងៃ ដែលធ្វើឲ្យសម្លេងសាងសង់លាន់លឺគ្រប់ទីកន្លែង និងអាគារខ្ពស់ៗកាន់តែលូតឡើងលើអាកាសកាន់តែច្រើនពីមួយថ្ងៃទៅមួយថ្ងៃ ដែលជាការផ្លាស់ប្តូរមុខមាត់ទីក្រុងជាប់មាត់សមុទ្រនេះ ក្លាយជាទីក្រុងដ៏រសរវើកមួយនាពេលអនាគត។

តាមរយៈការចុះសិក្សាពីល្បឿននៃការអភិវឌ្ឍន៍ទីក្រុងនេះ កាលពីចុងសប្តា​ហ៍មុន ស្ថាបនិកគេហទំព័រអចលនទ្រព្យ និងសេដ្ឋកិច្ចឈានមុខគេនៅកម្ពុជា គឺ propertyarea.asia លោកលាងគង់ យិនបានមើលឃើញថា ទីក្រុងព្រះសីហនុកំពុងរីកចម្រើនពីមួយថ្ងៃ ទៅមូយថ្ងៃយ៉ាងលឿន និងឆាប់រហ័សបំផុត ស្របពេលការបំពាក់ភ្លើងបំភ្លឺនា​ពេលរាត្រី បានធ្វើឲ្យទីក្រុងដែលអូរអរតែចុងសប្តាហ៍នេះ ក្លាយជាទីក្រុងដែលមាន​សកម្មភាពរសរវើកជាប្រចាំ។

លោកបន្តថា “ការវិនិយោគរបស់ចិន ជារឿងដ៏គួរឲ្យរីករាយ ព្រោះវត្តមាន​នៃអ្នកវិនិយោគនានាចូលមកកម្ពុជា សុទ្ឋតែផ្តល់ផលប្រយោជន៍ដល់ប្រជាជន និងរដ្ឋាភិបាល តាមរយៈការបង្កើតការងារ បង្កើនសកម្មភាពខ្សែចង្វាក់សេដ្ឋកិច្ច និងផ្តល់ចំណូលដល់រដ្ឋាភិបាលកាន់តែច្រើន ដើម្បីជម្រុញកំនើនសេដ្ឋកិច្ចជាតិ”។លោកបន្តថា “យើងទាំងអស់គ្នាគួរស្វាគមន៍ និងមានមោទនភាពនិងការសម្រេ​ចបាននូវសន្តិភាព ស្ថិរភាពនយោបាយនិងកំណើនសេដ្ឋកិច្ច ព្រោះបើគ្មានសន្តិភាព កម្ពុជាមិនអាចអភិវឌ្ឍន៍អ្វីបានទេ ហើយក៏មិនអាចទាក់ទាញអ្នកវិនិយោគបាននិះដែរ”។

លោកលាង គង់ យិន បានបន្តថា នៅពេលចិនមកវិនិយោគ មានអ្នកលើកឡើងពីការព្រួយបារម្ភថា ចិនយកដីខ្មែរ ចិនដណ្តើមការងារខ្មែរ ការពិតជាការយល់ច្រឡំដ៏ធំមួយ ព្រោះចិនមកវិនិយោគលើដីខ្មែរ ពួកគេសាងសង់ហេដ្ឋារចនា​សម្ព័ន្ឋនានា ហើយទោះបីពួកគេត្រលប់ទៅវិញ ក៏ពួកគេមិនអាចយកអ្វីទៅជាមួ​យវិញបានទេ ហើយសមិទ្ឋិផលទាំងនោះ នៅតែបន្តពង្រីកចរន្តសេដ្ឋកិច្ចជាតិដដែល។

អគ្គនាយិកាក្រុមហ៊ុន AMATAK PROPERTY Service co, Ltd លោកស្រី​តាំង ហួរបានសម្តែងការភ្ញាក់ផ្អើលនឹងល្បឿង នៃការអភិវឌ្ឍដ៏លឿននៅខេត្តព្រះ​សីហនុ ដោយលោកស្រីថ្លែងថា មិនចាំបាច់ដល់រយៈពេល១០ឆ្នាំទៀតទេ គឺរយៈពេល៥ឆ្នាំទៀត ក្រុងព្រះសីហនុនឹងក្លាយជាទីក្រុងដ៏ស៊ីវិល័យមួយ ដោយសារគំ​រោងអាគារពាណិជ្ជកម្មខ្ពស់ៗ អាគារសហកម្មសិទ្ឋនានា បាននិងកំពុងសាងសង់ទាំងយប់ទាំងថ្ងៃ។

លោកស្រីបន្តថា “ជាមួយនឹងកំនើននៃការវិនិយោគរបស់ចិន និងជនបរទេ​សនានា ខ្ញុំគិតថាតម្លៃដីធ្លីនៅខេត្តព្រះសីហនុ នឹងកើនឡើងខ្ពស់បន្ថែមទៀតនាពេលអនាគត”៕

ដោយ រ៉ាវី

ភ្នំពេញ៖ នៅ​រយៈពេល​ប៉ុន្មាន​ឆ្នាំ​ចុងក្រោយ តំបន់​ភ្នំពេញ​ថ្មី បាន​បន្ត​វិ​វ​ឌ្ឍ​ខ្លួន​យ៉ាង​លឿន​ក្លាយទៅជា​តំបន់​មាន​សក្ដានុពល​លើ​ការអភិវឌ្ឍ​វិស័យ​អចលនទ្រព្យ។ អ្វីដែល​ពិសេស​ទៀត​នោះ តំបន់​នេះ​មាន​ហេ​ដ្ឋា​រចនា​សម្ពន្ធ​ល្អ​ដូច​នៅក្នុង​ទីក្រុង ដែល​វា​ជា​កត្តា​ទាក់ទាញ​ឲ្យ​មនុស្ស​ទៅ​រស់នៅ​ច្រើន និង​ប្រកប​អាជីវកម្ម។ ជាក់ស្ដែង​តំបន់ភ្នំ​ពេញ​ថ្មី​នាបច្ចុប្បន្ន ឃើញ​មាន​ធនាគារ សាលារៀន​អន្តរជាតិ និង​មាន​ប្រព័ន្ធ​ហេ​ដ្ឋា​រចនា​សម្ពន្ធល្អៗជាច្រើន​បម្រើ​ឲ្យ​ការរស់នៅ​កាន់តែ​ប្រសើរ។ ហេតុផល​ទាំងនេះហើយ បានធ្វើ​ឲ្យ​គម្រោង​ដ៏​ប្រណិត ដឹ ព្រេ​មៀ លែ​ន លេច​រូបរាង​នៅទីនេះ។

នៅក្នុង​ឱកាស​ប្រារព្វ​ពិធី​បញ្ចុះបឋមសិលា​បុកគ្រឹះ​កាលពី​ព្រឹក​ថ្ងៃទី13 ខែមករា ឆ្នាំ2018 លោក​ឧកញ៉ា សេង ញ៉​ក់ បាន​លើកឡើងថា គម្រោង​អគារ​អាជីវកម្ម និង​លំនៅឋាន​ប្រណិត​មួយ​នេះ នឹងចូលរួម​ជា​ផ្នែក​មួយ​នៃ​ភាព​រីកចម្រើន​នៃ​វិស័យ​អចលនទ្រព្យ តាមរយៈ​ការបង្កើត​តំបន់​សេដ្ឋកិច្ច​ថ្មី ជាពិសេស ធ្វើ​ឲ្យ​រាជធានី​ភ្នំពេញ​កាន់​តែមាន​ភាពទាន់សម័យ​ឡើង។ លោក​ឧកញ៉ា​បានបញ្ជាក់​បន្ថែមទៀតថា ៖ សម្រាប់​ទីតាំង​លំនៅដ្ឋាន​ទំនើប និង​ប្រណីត​ទាំងនេះ គឺមាន​ភាពងាយស្រួល​ក្នុងការ​រស់នៅ ឬ​អាច​ប្រសើរ​ជាង​លំនៅដ្ឋាន​ក្នុង​តំបន់​ទីប្រជុំជន​កណ្តាល​រាជធានី គឺ​គ្រាន់តែ​ដើរ​ឆ្លងផ្លូវ​ដល់​ផ្សារ​ទំនើប​អ៊ី​អន​ទី 2 ,នៅ​ជិតគ្នា​បំផុត​នឹង​ផ្សារ​ទំនើប​ម៉ាក្រូ និង​ក្លូ​ប៊​លហោស៍ ,នៅ​ជិត​នឹង​សាលារៀន​អន្តរជាតិ​អូស្ត្រាលី , ហើយក៏​​នៅ​ជិត​នឹង​មជ្ឈមណ្ឌល​សន្និបាត និង​ពិព័រណ៍ សែន​សុខ ដែលមាន​បរិវេណ​ធំ​ទូលាយ អាច​ទទួលភ្ញៀវ រហូតដល់​ទៅ 5,000នាក់ រួមទាំង​មាន​ចំណតរថយន្ត​ធំ​ទូលាយ ក្នុង ទំហំ​ដី 50,000 ម៉ែត្រការ៉េ សម្រាប់​ចត​រថយន្ត​បាន​រហូតដល់ 1,200 គ្រឿង។

ដោយឡែក​ក្នុងនោះ​អគារ​អាជីវកម្ម និង​លំនៅឋាន​ប្រណិត​មួយ​នេះ នឹង​ត្រូវបាន​សាងសង់ឡើង​មាន​កម្ពស់ 4 ជាន់ក​ន្លះ ទទឹង​ផ្ទះ​ប្រវែង 4 ម៉ែត្រ​កន្លះ បណ្ដោយ 23 ម៉ែត្រ ឡៅតឿ​ខ្ពស់ស្រឡះ​កម្ពស់ 2 ម៉ែត្រ 70 រួមទាំង​បំពាក់​ថាមពល​អគ្គិសនី ប្រើប្រាស់​ក្នុង​លំនៅឋាន​ដល់​ទៅ 3 ហ្វា ដែល​ផ្ដល់​លក្ខណៈ​ងាយស្រួល​ក្នុង​ការធ្វើ​អាជីវកម្ម​ខ្នាត​ធំ។ រូបរាង​នៃ​គម្រោង​ត្រូវបាន​ច្នៃប្រឌិត​ឡើង​ដោយ​ការ​រចនា​ដ៏​ទំនើប បានរួម​គ្នា​ជាមួយ​ការបំពាក់​នូវ​ឧបករណ៍ប្រើប្រាស់​ទាន់សម័យ បាន​លើក​សោភ័ណភាព​ក្នុងផ្ទះ​រឹតតែ​ស្រស់ នៅក្នុង​បរិវេណ​ផ្ទះ​គ្រប់​ជាន់ គ្រប់​បន្ទប់ និង​បំពាក់​គ្រឿង​បរិក្ខារ​បន្ទប់ទឹក​ម៉ាកល្បី។

ចំណតរថយន្ត​មុខផ្ទះ​មាន​ប្រវែង​ដល់​ទៅ 5 ម៉ែត្រ​កន្លះ និង​ផ្លូវថ្នល់​ធំ​ទូលាយ​ដែលមាន​ប្រវែង​ទទឹង​ដល់​ទៅ 14 ម៉ែត្រ ដែល​អាច​បើកបរ​រថយន្ត​ទៅមក​បាន 4 គន្លង សម្រួល​ដល់​អតិថិជន​ចត​រថយន្ត​ចូល​ទិញ​ទំនិញ​ក្នុង​ហាង​ដោយ​ងាយស្រួល។ ហាង​ទំនើប​នេះ រចនា​ឡើង​កាន់តែ​ស្រស់ស្អាត​ប្លែក​អស្ចារ្យ​ជាមួយ​សោភ័ណភាព​លម្អ​មុខ​ហាងដូចៗគ្នា​នៃ​ផ្ទាំង​កញ្ចក់​រ៉ៃបាន់​ប្រណិត​ដ៏​ធំ​នៅ​ចំ​ពីមុខ​ហាង​មាន​កម្ពស់​ដល់​ទៅ 11 ម៉ែត្រ 45 ដែល​ហ៊ុមព័ទ្ធ​ដោយ​ស៊ុម​អាលុយមីញ៉ូម​ទំនើប អាច​បិទ​ស្ទីក​គ័​រ​រូបភាព​ពាណិជ្ជ​កម្មបាន​ស្រស់ស្អាត និង​មើលឃើញ​ច្បាស់​ទាក់ភ្នែក។

លោក​ អៀង អូន​នី អភិបាលរង​រាជធានី​ភ្នំពេញ ក៏បាន​ថ្លែង​ផងដែរ​ថា វត្តមាន​នៃ​លំនៅដ្ឋាន​ទំនើប​អាជីវកម្ម​លើកដំបូង​គេ ដឹ​ព្រេ​មៀ លែ​ន នេះ នឹង​ដើរតួ​យ៉ាងសំខាន់​ក្នុងការ​ចូលរួមចំណែក​អភិវឌ្ឍ​វិស័យ​អចលនទ្រព្យ ក៏ដូចជា​លើកកម្ពស់​សម្រស់​ទីក្រុង​ឱ្យមាន​កាន់​តែមាន​ភាពស្រស់​ស្អាត។ បន្ថែម​ពីនេះ ដឹ​ព្រេ​មៀ លែ​ន ថែមទាំង​បាន​ចូលរួម​បង្កើន​កំណើនសេដ្ឋកិច្ច ធ្វើឱ្យ​តម្លៃ​ដីធ្លី​នៅក្នុង​តំបន់​ខណ្ឌ​សែន​សុខ​កើនឡើង ហើយក៏​ជាការ​ទាក់ទាញ​ឱ្យ​បណ្តា​ប្រជាជន​នានា​ដែល​មក​រស់នៅក្នុង​តំបន់​នេះ​កាន់តែច្រើន​ផងដែរ ៕

ភ្នំពេញ៖ ទីក្រុង China Town វិនិយោគដោយក្រុមហ៊ុនចិន ដែលស្ថិតនៅក្នុងសង្កាត់អូត្រេស ខណ្ឌមិត្តភាព ខេត្តព្រះស៊ីហនុ បាននឹងកំពុងសាងសង់យ៉ាងសកម្មលើទំហំដី ប្រមាណជិត ២០ ហិកតា។

ក្នុងរយៈពេលប៉ុន្មានឆ្នាំ ចុងក្រោយនេះ ត្រូវបានគេមើលឃើញថា និយោគិនចិន បាននិងកំពុងវិយោគយ៉ាងច្រើនក្នុងខេត្តជាប់ឆ្នេរមួយនេះ ដោយក្នុងនោះមានគម្រោងធំៗជាច្រើនបាននឹងកំពុងអនុវត្ត។

ប្រទេសចិនកំពុងឈរក្នុងចំណាត់ថ្នាក់ទី១ ដែលបានវិនិយោគនៅកម្ពុជាក្នុងចំណោមប្រទេសជាច្រើនក្នុងពិភពលោក ដោយគិតត្រឹមឆ្នាំ២០១៧ កន្លងទៅនេះមានទំហំទឹកប្រាក់ប្រមាណ ១៦ពាន់លានដុល្លារអាមេរិក ហើយចិនកំពុងតែ សកម្មក្នុងការបោះទុនវិនិយោគក្នុងប្រទេសកម្ពុជាលើវិស័យជាច្រើន ដូចជាសំណង់ ដីធ្លី កសិកម្ម សណ្ឋាគារ និង កាត់ដេរជាដើម។ការនិយោគលើវិស័យជាច្រើនបែបនេះ ត្រូវបានគេមើលឃើញថា បានជួយជម្រុញកំណើនសេដ្ឋកិច្ចកម្ពុជាអោយប្រសើរបន្ថែមទៀត។

ប្រទេសចិន និងកម្ពុជាកំពុង មានទំនាក់ទំនង និងកិច្ចសហប្រតិបត្តិការជាមួយគ្នាយ៉ាងរឹងមាំ ស្របពេលដែលកម្ពុជាកំពុងមានសុខសន្តិភាព ស្ថេរភាពនយោបាយ និងបរិយាកាសវិនិយោគដ៏ល្អ ដែលនាំអោយអ្នកវិនិយោគិនចិនមាន ទំនុកខ្ពស់ ។

ក្នុងដំណើរទស្សនកិច្ចរបស់ នាយករដ្ឋមន្ត្រីចិន លោក លី ខឹឈាំង មកកាន់ទឹកដីប្រទេសកម្ពុជាជាលើកដំបូងកាលពីអំឡុងកិច្ចប្រជុំកំពូលមេគង្គ-ឡានឆាង បានជួបពិភាក្សាទ្វេភាគីជាមួយលោក ហ៊ុន សែន ដើម្បីពង្រឹងទំនាក់ទំនងនៃប្រទេសទាំងពីរ ដោយក្នុងនោះមេដឹកនាំទាំងពីរបានចូលរួមធ្វើជាសាក្សីក្នុងពិធីចុះហត្ថលេខាលើឯកសារចំនួន១៩ ដែលមានទឹកប្រាប់រាប់រយលានដុល្លារធ្លាក់មកលើប្រទេសកម្ពុជា៕

ដោយ រ៉ាវី

ភ្នំពេញ៖ ខណៈពេលដែល​កម្ពុជា​កំពុង​តែមាន​សន្ទុះ​ខ្លាំង​ទៅលើ​វិស័យ​អចលនទ្រព្យ ដែល​រួមមាន​សំណង់​លំនៅដ្ឋាន សំណង​ខុន​ដូ អា​ផាត​មិន និង​មជ្ឈមណ្ឌល​ពាណិជ្ជកម្ម​រីកដុះដាល​យ៉ង​ព្រោងព្រាត​នោះ នៅ​ដើមឆ្នាំ 2018 នេះ តាមរយៈ​ក្រុមហ៊ុន​ដ៏​ធំ​ក្រោម​ការគ្រប់គ្រង​ដោយ​លោក​ឧកញ៉ា លី យ៉ុង​ផាត ដែល​គេ​ស្គាល់​ថា​ជា​មហាសេដ្ឋី​មកពី​ទឹកដី​ខេត្តកោះកុង បានចាប់ផ្តើម​ចំណាយ​ដើមទុន​រាប់លាន​ដុល្លារ ដើម្បី​ធ្វើការ​វិនិយោគ​ទៅលើ​ប្រភេទ​សំណង់​លំនៅដ្ឋាន​ពាណិជ្ជកម្ម​បែប​ទំនើប និង​ប្រណីត​ដំបូង​គេ​នៅ​កម្ពុជា មាន​ឈ្មោះថា ដឹ ព្រេ​មៀ លែ​ន (The PREMIRE LAND) មាន​ទីតាំង​ស្ថិតនៅក្នុង​ខណ្ឌ​សែន​សុខ រាជធានី​ភ្នំពេញ ជាប់​ផ្សារ​ទំនើប អ៊ី​អន​ទី2 ។

ជាមួយនឹង​ការទទួលបាន​ដំណឹង​បឋម​ខាងលើនេះ​បានឱ្យដឹង​ថែមទៀត​ថា នៅត្រឹម​ព្រឹក​ថ្ងៃទី13 ខែមករា ឆ្នាំ2018 នេះ កម្មវិធី​បញ្ចុះ​បឋម​សីលា បុគគ្រឹះ​សាងសង់​សំណង់​លំនៅដ្ឋាន​ពាណិជ្ជកម្ម​ទំនើប​មួយ​នេះ​នឹង​ត្រូវបាន​ប្រព្រឹត្ត​ក្រោម​ការចូលរួម​ពី​សំណាក់​បុគ្គលិក​ជាន់ខ្ពស់​ដែលជា​អ្នក​តំណាងឱ្យ​លោក​ឧកញ៉ា លី យ៉ុង​ផាត់ ព្រម​គ្នា​ជាមួយនឹង​ដៃគូ​វិនិយោគ ក៏ដូចជា​មន្ត្រី​តំណាង​រាជរដ្ឋាភិបាល​ជាច្រើន​នាក់​ផងដែរ ។

សម្រាប់​គម្រោង​សាងសង់​សំណង់​លំនៅដ្ឋាន​ពាណិជ្ជកម្ម​បែប​ទំនើប ស្ដង់ដារ​អន្តរជាតិ មួយ​នេះ ត្រូវបាន​សាងសង់​ឡើងជា​ដំណាក់កាលផ្សេងៗគ្នា និង​ច្រើន​អគារ ដោយ​អគារនីមួយៗមាន​កម្ពស់4ជាន់ ហើយ​នៅក្នុង​ជាន់នីមួយៗ ត្រូវបាន​បែង​ចែកចេញជា​យូ​នី​ត (Units) ដែលមាន​លក្ខណៈ​ស្រស់ស្អាត ធំ​ទូលាយ បំពាក់​ទៅដោយ​គ្រឿង​បរិក្ខា​ទំនើប រួម​ជាមួយនឹង​បច្ចេកវិទ្យា​ចុងក្រោយ ដោយ​ក្នុង​មួយ​យូ​នី​ត​មានតម្លៃ​មិន​ក្រោម30ម៉ឺន​ដុល្លារ​នោះឡើយ ។

សម្រាប់​ព័ត៌មាន​លម្អិត គេហទំព័រ Propertyarea.asia នឹង​ធ្វើការ​ជម្រាប់ជូន​នៅត្រឹម​ព្រឹក​ថ្ងៃទី13 ខែមករា ឆ្នាំ2018 ស្អែក​នេះ ៕