តម្លៃជ័រកៅស៊ូកើនដល់១៦៧២ដុល្លារក្នុងមួយតោន

ភ្នំពេញ៖ ទីបំផុតជ័រកៅស៊ូកាន់តែមានតម្លៃល្អប្រសើរឡើងវិញហើយ បន្ទាប់ពីបានធ្លាក់ចុះកាលពីប៉ុន្មានឆ្នាំមុន ដែលបច្ចុប្បន្នជ័រកៅស៊ូស្ងួតអាចលក់បានក្នុងតម្លៃរហូតដល់១៦៧២ដុល្លារអាមេរិកក្នុងមួយតោន។

យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ ដែល Propertyarea.asiaទើបទទួលបាននាថ្ងៃទី៧ វិច្ឆិកានេះបានឲ្យដឹងថា ផលិតផលជ័រកៅស៊ូរបស់កម្ពុជាក្នុងរយៈពេល៩ខែដំបូងនេះ មានការកើនឡើងគួរឲ្យកត់សម្គាល់ ដោយជ័រកៅស៊ូដែលផលិតបានមានចំនួន១១ម៉ឹនតោន កើនឡើងជិត៣ម៉ឺនតោន ស្មើនឹងកំណើន៣៣% បើធៀបនឹងរយៈពេលដូចគ្នាកាលពីឆ្នាំមុន។ ទន្ទឹមនឹងការកើនឡើងផលិតផលជ័រកៅស៊ូ កម្ពុជាក៏បាននាំចេញជ័រកៅស៊ូក្នុងបរិមាណច្រើន ទៅកាន់ទីផ្សារអន្តរជាតិ ក្នុងតម្លៃយ៉ាងគាប់ប្រសើរផងដែរ ដោយក្នុងនោះ កម្ពុជាបាននាំចេញជ័រកៅស៊ូចំនួនជាង១១ម៉ឺនតោនក្នុងរយៈពេល៩ខែដើមឆ្នាំនេះ ដែលកើនឡើងជិត៣ម៉ឺនតោន ស្មើនឹង៣៣%ធៀបនឹងពេលវេលា៩ខែដំបូងឆ្នាំ២០១៦។

របាយការណ៍ដដែលបានបន្តថា ចំណែកឯតម្លៃមធ្យមរបស់ជ័រកៅស៊ូក្នុង ៩ខែដំបូងឆ្នាំ២០១៧នេះ ជ័រកៅស៊ូមានតម្លៃ១៦៧២ដុល្លារអាមេរិកក្នុង១តោន កើនឡើង៥៧៨ដុល្លារ ដែលស្មើនឹង៥៣ភាគរយ បើធៀបនឹងពេលដូចគ្នាកាលពីឆ្នាំ២០១។ ទាក់ទិននឹងផលិតជ័រកៅស៊ូនេះ។ ជាមួយគ្នានេះដែរ ក្នុងរយៈពេលដដែលនេះ រដ្ឋាភិបាលបានប្រមូលពន្ឋពីវិស័យនេះ ជាង១ពាន់លានរៀលផងដែរ។

ផ្ទៃដីដាំកៅស៊ូនៅកម្ពុជាបានកើនដល់ទំហំជាង៤៣ម៉ឺនហិចតា ក្នុងនោះផ្ទៃដីចៀរជ័របានមានចំនួនជាង១៦ម៉ឺនហិចតា និងផ្ទៃដីថែរទាំមានចំនួនជាង២៦ម៉ឺនហិចតា៕

ព្រលានយន្តហោះអន្តរជាតិថ្មីខេត្តសៀមរាបនឹងសាងសង់ផ្លូវការនៅឆ្នាំ២០១៨

ដោយ៖ គង់ សូរិយា

ភ្នំពេញ៖ ព្រលានយន្តហោះអន្តរជាតិថ្មី ស្ថិតក្នុងស្រុកសូទ្រនិគម ខេត្តសៀមរាប នឹងចាប់ផ្តើមសាងសង់ជាផ្លូវការនៅដើមឆ្នាំ២០១៨ខាងមុខនេះ ប្រសិនជាគ្មានការប្រែប្រួលទេនោះ។

លោក ស៊ិន ចាន់សិរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិលបានថ្លែងឲ្យ Propertyarea.asia ដឹងតាមទូរស័ព្ទកាលពីព្រឹកថ្ងៃទី៧ វិច្ឆិកានេះថា បច្ចុប្បន្នក្រុមហ៊ុនវិនិយោគព្រលានយន្តហោះនេះ កំពុងដុតដៃដុតជើង និងសាងសង់ផ្ទះស្នាក់នៅសម្រាប់វិស្វករ ស្ថាបត្យករ និងកម្មករនៅក្បែរព្រលានយន្តហោះនេះ មុនចាប់ផ្តើមបើកការដ្ឋានសាងសង់ជាផ្លូវការនៅពេលខាងមុខ។លោកបន្តថា បច្ចុប្បន្នគ្រឿងចក្រនានាបានយកទៅរៀបចំរួចរាល់ហើយ ដើម្បីចាប់ផ្តើមសាងសង់ព្រលានយន្តហោះថ្មីនេះ។

YUNAN Development Group ជាអ្នកវិនិយោគព្រលានយន្តហោះនេះ ដោយគ្រោងបោះទុន៩០០លានដុល្លារអាមេរិក។

លោកសិរីវុត្ថាបានបន្តថា ព្រលានយន្តហោះនេះ នឹងសាងសង់ជាពីរដំណាក់កាលដោយដំណាក់កាលទី១ គ្រោងចំណាយថវិកា៥០០លានដុល្លារ ដែលអាចចុះចតយន្តហោះខ្នាតមធ្យមសម្រាប់យន្តហោះខ្នាត4E និងដំណាក់កាលទី២ទើបអាចចុះចតយន្តហោះខ្នាតយក្សបាន ហើយដំណាក់កាលចុងក្រោយនេះ គ្រោងចំណាយថវិកាជាង៣០០លានដុល្លារបន្ថែមទៀត។ លោកបន្តថា ការសាងសង់ព្រលានយន្តហោះនេះ អាចចំណាយពេលពី៣ទៅ៥ឆ្នាំ ដើម្បីបញ្ចប់ទាំងដំណាក់កាលទី១និងដំណាក់កាលទី។

លោក ម៉ៅ ហាវណ្ណាល់ រដ្ឋលេខាធិការនៃរដ្ឋលេខាធិការដ្ឋានអាកាសចរណ៍ ស៊ីវិលបានថ្លែងថា ការចចាររវាងរដ្ឋាភិបាលកម្ពុជា និងក្រុមហ៊ុនវិនិយោគព្រលានយន្តហោះកម្ពុជា (SCA)ដែលកំពុងវិនិយោគព្រលានយន្តហោះចំនួនបីនៅកម្ពុជា បាននិងកំពុងចាប់ផ្តើមបណ្តើរៗ និងធ្វើឡើងតាមដំណាក់កាល ប៉ុន្តែការសាងសង់ព្រលានយន្តហោះថ្មីនេះ នឹងធ្វើឡើងជាបណ្តើរផងដែរ ដើម្បីពង្រីកសក្តានុ ពលលើវិស័យដឹកជញ្ជូនផ្លូវអាកាសរបស់កម្ពុជា។

លោកបន្តថា “ព្រលានយន្តហោះថ្មីក្នុងខេត្តសៀមរាបនឹងចាប់ផ្តើមសាងសង់នាពេលឆាប់ៗនេះ ខណៈការដ្ឋានកំពុងរៀបចំជាបណ្តើរៗរួចហើយ។

ទីប្រឹក្សាសមាគមទីភ្នាក់ងារទេសចរណ៍កម្ពុជា លោកហូ វណ្ឌីបានថ្លែងថា ភ្ញៀវទេសចរណ៍អន្តរជាតិបានកើនឡើងនៅគ្រប់តំបន់ ក្នុងបណ្តាប្រទេសអាស៊ាន ហើយកម្ពុជាក៏កំពុងទទួលបានភ្ញៀវទេសចរណ៍កាន់តែច្រើនផងដែរ ហេតុនេះ ការសាងសង់ព្រលានយន្តហោះថ្មីនេះ ពិតជាសក្តានុពលមួយសម្រាប់កម្ពុជាក្នុងការទាក់ទាញភ្ញៀវទេសចរណ៍អន្តរជាតិនានា ពិសេសភ្ញៀវទេសចរណ៍ និងអ្នកជំនួញចិន ដែលបាននិងកំពុងកើនឡើងយ៉ាងគំហុកនៅកម្ពុជា។លោកបន្តថា ពេលព្រលានយន្តហោះថ្មីដំនើរការ ចេញជារូបរាង នឹងអាចអនុញ្ញាត្តឲ្យយន្តហោះខ្នាតធំៗចុះចតបាន ព្រោះគំរោងរបស់អ្នកវិនិយោគចិនចូលមកវិនិយោគ គឺមានគោលដៅទាក់ទាញក្រុមហ៊ុនអាកាសចរណ៍មកពីជុំវិញពិភពលោក។

លោកបន្តថា “យើងស្វាគមន៍នឹងរីករាយចំពោះដំណឹងនេះ ហើយយើងរីករាយនឹងសមិទ្ឋិផលថ្មីនេះ ដែលនឹងផ្តល់ផលប្រយោជន៍ផ្នែកសេដ្ឋកិច្ច ទេសចរណ៍ដល់កម្ពុជាបន្ថែមទៀត”៕

Sales of condo increases in Phnom Penh

By Vutha

Phnom Penh – The sales of condominiums in Phnom Penh have recovered this year which make the environment of this market is a good sign, as a new study found that the number of condos increased by nearly 50,000 units.

According to Bonna Realty Group, which recently released its report found that condominium sales increased 60% to 61% by the end of the first half of this year, while the number of condos increased from 121 to a total of 43,604 units to 125 projects and 47,704 units in the first half of this year compared to the same period last year. In the first half of this year, the number of condos increased by only 4 projects, including three projects in Preah Sihanouk province and one in Phnom Penh.

The study also found that condominium prices also rose during the first half of last year, with average condominium prices per square meter ranging between $ 1939 and $ 2291 to $ 2085 to $ 2550 per square meter.

The study found that construction projects this year were about 17 percent up 1 percent over the same period last year and condominiums were completed in 2019 and 2020.

According to a recently completed study of Urban Living Solution found that the population growth in the city will reach 4 million by 2030, traffic congestion, increased technology for newer and younger generation’s lives, they will decide to live in more condos at that time.Okhna Sear Rithy, chairman of World Bridge Group, said that nowadays there are 3 million people living in Phnom Penh plus from other provinces, it is expected to rise to 5 million in 2030 by 2030. He continued that “I invest on condos’ development because I looked at the current trend of socio-economic development, when the country is more development and high land price, people would decide to live in condos due to traffic jams, rising land and housing prices”.

“I’m not worried about supply because when talking about a condo, it’s about the location and lifestyle, because my condo is selling lifestyle, not bedroom,” he said. “By bringing in more experienced and experienced investors, The Bridge is a model condominium that has been successful in just a few months,”. Mr. Sorn Seap, general director of Key Real Estate, said that there were concerns that the condo market surged but, given the trend and real demand in the market and the actual condo supply, the number of condos put into the market did not exceed the demand.

GMAC មានសុទិដ្ឋិនិយមពីសំណើនាំចូលស្បែកជើងចូលអាមេរិក

ដោយ៖ ដែន ចែងចាំង

ភ្នំពេញ៖ សមាគមរោងចក្រកាត់ដេរកម្ពុជា (GMAC) បានសម្តែងសុទិដ្ឋិនិយមពីសំណើរសុំអនុគ្រោះពន្ឋ នាំចូលស្បែកជើងទៅកាន់សហរដ្ឋអាមេរិក ប្រាប់ដល់សមាជិករបស់ខ្លួនពីដំនើរវិវត្តន៍នៃដំណើរការនេះ។

យោងតាមសេចក្តីជូនដំណឹងរបស់ GMAC ប្រាប់ដល់សមាជិករបស់ខ្លួន ដែលPropertyarea.asia ទទួលបាននាព្រឹកថ្ងៃទី៧ វិច្ឆិកានេះបានឲ្យដឹងថា ជាការតាមដានការខិតខំប្រឹងប្រែង របស់សមាគមរោងចក្រកាត់ដេរកម្ពុជា ក្នុងការដាក់ញត្តិទៅរដ្ឋាភិបាលអាមេរិក សម្រាប់ការស្នើសុំអនុគ្រោះពន្ឋ (GSP) សម្រាប់ផលិតផលស្បែកជើងកម្ពុជា សមាគមមានក្តីរីករាយ ក្នុងការជម្រាបរោងចក្រស្បែកជើងទាំងអស់នៅកម្ពុជាឲ្យបានជ្រាបថា សេចក្តីព្រាងច្បាប់ស្តីពីការអនុគ្រោះពន្ឋ សម្រាប់ផលិតផលស្បែកជើងរបស់សហរដ្ឋអាមេរិក នាពេលថ្មីៗនេះត្រូវបានដាក់ទៅកាន់ព្រឹទ្ឋសភាអាមេរិក។

យើងមានក្តីរីករាយដែលមានអ្នកគាំទ្រដ៏រឹងមាំ ដែលគាំទ្រច្បាប់នេះទាំងក្នុងរដ្ឋសភា និងព្រឹទ្ឋសភាអាមេរិកនាពេលឥឡូវនេះ។

សេចក្តីជូនដំណឹងរបស់ GMAC បានបន្ថែមថា សមាជិកសភា៣៨នាក់ ដឹកនាំដោយលោក Ralph Norman និងលោក Jim Himes ក៏បានផ្ញើរលិខិតមួយផងដែរទៅគណកម្មការ House Ways and Means ដើម្បីស្នើសុំការអនុម័តច្បាប់ស្តីពីការអនុគ្រោះពន្ឋ ដែលបន្តកម្មវិធីនេះ ពីមុនដំណាច់ឆ្នាំនៅពេលដែលវាអស់សុពលភាព។ សភាអាមេរិកកំពុងផ្តោតទៅលើសេចក្តីព្រាងច្បាប់ស្តីពី ពន្ឋដារនាពេលឥឡូវនេះ ប៉ុន្តែនៅមានឳកាសយ៉ាងហោចណាស់៥០ភាគរយ ដែលសេចក្តីព្រាងច្បាប់ស្តីពីការអនុគ្រោះពន្ឋលើផលិតផលស្បែកជើង នឹងត្រូវអនុម័តមុនដំណាច់ឆ្នាំនេះ៥០ភាគរយ។ ប្រសិនជាច្បាប់នេះមិនត្រូវបានអនុម័តកិច្ចខិតខំប្រឹងប្រែងនឹងបន្តនៅឆ្នាំ២០១។

កម្ពុជាបាននាំចេញផលិតផលស្បែកជើង ទៅកាន់អាមេរិកក្នុងតម្លៃទឹកប្រាក់២៤៥លានដុល្លារកាលពីឆ្នាំ២០១៦។

សេចក្តីជូនដំណឹងដដែលបានឲ្យដឹងផងដែរថា ការអនុគ្រោះពន្ឋបច្ចុប្បន្ន ដែលអនុញ្ញាត្តឲ្យផលិតផលមួយចំនួន ដែលមិនមានលក្ខណៈវេទយិតពីប្រទេសកំពុងអភិវឌ្ឍន៍ចំនួន១២០ ចូលទៅសហរដ្ឋអាមេរិកដោយរួចពន្ឋ នឹងត្រូវឆ្លងផុតសុពលភាពនៅថ្ងៃទី៣១ ធ្នូ ឆ្នាំនេះ។ ច្បាប់ស្តីពីការអនុគ្រោះពន្ឋសម្រាប់ផលិតផលស្បែកជើងឆ្នាំ២០១៧ នឹងអនុញ្ញាត្តឲ្យផលិតផលស្បែកជើងពាក់ក្រៅផ្ទះ ព្រមទាំងផលិតផលស្បែកជើងដទៃៗទៀត ដែលផលិតនៅក្រៅសហរដ្ឋអាមេរិកដាក់បញ្ចូលក្នុងកម្មវិធីនេះ៕

អាគារ Gold Tower 42 ជាន់ នឹងសាងសង់ឡើងវិញនៅដើមឆ្នាំ២០១៨

ដោយ៖ គង់ សូរិយា

ភ្នំពេញ៖ មានដំណឹងល្អម្តងទៀតហើយ សម្រាប់អាគារ Gold Tower 42 ជាន់ ដែលម្ចាស់គំរោងនេះបានសន្យា នឹងសាងសង់ឡើងវិញនៅដើមឆ្នាំ២០១៨ខាងមុខនេះ ប្រសិនជាគ្មានការប្រែប្រួលទេនោះ។

អ្នកនាំពាក្យក្រសួងរៀបចំដែនដី នគរូបនីយកម្មនិងសំណង់លោកសេង ឡូតបានថ្លែងឲ្យដឹងតាមទូរស័ព្ទនាព្រឹកថ្ងៃទី៧ វិច្ឆិកានេះថា ក្រុមហ៊ុននេះបានផ្ញើរលិខិតមកកាន់ក្រសួងកាលពីខែសីហា និងសុំរយៈពេល៦ខែបន្ទាប់ នឹងធ្វើការសាងសង់អាគារនេះឡើងវិញ ហើយបើគិតពីខែសីហា មករយៈពេល៦ខែខាងមុខ អាគារនេះអាចនឹងសាងសង់ឡើងវិញនៅដើមឆ្នាំក្រោយ។លោកបន្តថា ទោះជាយ៉ាងណាលោកមិនប្រាកដថា ការសាងសង់អាគារនេះ នឹងធ្វើឡើងតាមការសន្យាឬ អត់នោះទេ។

លោកបន្តថា “សូមកុំអាលសរសេរ ព្រោះវាមិនប្រាកដនោះទេ ដោយសារម្ចាស់អាគារនេះបានសន្យាជាច្រើនដងហើយ ប៉ុន្តែមិនដែលបានធ្វើនោះទេ។

ក្រុមហ៊ុន YUNWOO បានប្រកាសសាងសង់គំរោងនេះឡើងវិញ ម្តងហើយម្តងទៀត ប៉ុន្តែការសន្យាមិនបានធ្វើឡើងជាក់ស្តែងនោះទេ ព្រោះគម្រោងនេះបានពន្យាពេលសាងសង់ម្តង ហើយម្តងទៀតរហូតមកទល់ពេលនេះ។

អាគារ Gold Tower 42 គ្រោងសាងសង់ ដោយចំណាយប្រាក់២៤០លានដុល្លារអាមេរិក និងសាងសង់ដោយក្រុមហ៊ុន Hanil Construction ដែលមានមូល ដ្ឋាននៅប្រទេសកូរ៉េ។

អាគារនេះបានផ្អាកការសាងសង់នៅកំឡូងវិបត្តិសេដ្ឋកិច្ច និងហិរញ្ញវត្ថុសាកលកាលពីឆ្នាំ២០០៨ និងបានសាងសង់ឡើងវិញនៅកំឡុងឆ្នាំ២០១០ ដែលធ្វើឲ្យអាគារនេះសាងសង់សម្រេចបាន៣២ជាន់ ហើយបានផ្អាកការសាងសង់ឡើងវិញរហូតមកទល់ពេលនេះ៕

អ្នកវិនិយោគចិនគ្រោងអភិវឌ្ឍន៍លើអចលនៈទ្រព្យនៅខេត្ដសៀមរាប

ភ្នំពេញ៖ អ្នកវិនិយោគជនជាតិចិនជាង១០រូប មកពីក្រុមហ៊ុនចំនួន១០បាន ពិភាក្សាគ្នាជាមួយអ្នកវិនិយោគកម្ពុជា លើគម្រោងអភិវឌ្ឍន៍ផ្នែកអចលនទ្រព្យនៅតំបន់ទេសចរណ៍ ខេត្ដសៀមរាប ដើម្បីបង្កើនកសក្ដានុពលទេសចរណ៍បន្ថែមទៀត។

លោក Fu sheng jian នាយកក្រុមហ៊ុន Zhongyao jituan youxiangongsi បានលើកឡើង តាមរយៈអ្នកបកប្រែថា ដោយមើលឃើញពីសក្ដានុពលនៃវិស័យទេសចរណ៍ កើនឡើងជាលំដាប់នៅខេត្ដសៀមរាប ក្លឹបពាណិជ្ជករកម្ពុជា-ចិនបានពិភាក្សាគ្នារវាងដៃគូរអភិវឌ្ឍន៍ ជ្រើសរើសយកតំបន់ទេសចរ ធ្វើការអភិវឌ្ឍផ្នែកអចលនបន្ថែមទៀត បន្ទាប់ពីទីក្រុងភ្នំពេញ។

លោកបន្តថា គម្រោងអភិវឌ្ឍន៍លើវិស័យនេះ គឺបានសហការយ៉ាងជិតស្និទ្ធជាមួយរដ្ឋាភិបាលកម្ពុជា ក្រោយពេលបានចុះ MOU ជាមួយគ្នាកន្លងមក។

ប្រធានក្លឹបពាណិជ្ជករកម្ពុជា លោកភារម្យ វិចិត្រតារា បានឲ្យដឹងថា គម្រោងនេះ ត្រូវបានរៀបចំដោយក្លឹបពាណិជ្ជករកម្ពុជា និងវិនិយោគិនចិនហើយក្រុមហ៊ុន មានចក្ខុវិស័យផ្នែកទេសចរណ៍ ជួយផ្សារភ្ជាប់ទីផ្សាររបស់សហគ្រិននិងម្ចាស់អាជីវកម្មនានានៅកម្ពុជា។

លោកបានបន្ថែមទៀតថា កន្លងទៅថ្មីៗនេះក្លឹបពាណិជ្ជករកម្ពុជា បានចុះអនុស្សារណជាមួយពាណិជ្ជករ ចិននៅខេត្តគ័ងទុង នៃទីក្រុងគង់ចូវ ប្រទេសចិន ដែលមានកិច្ចព្រមព្រៀង តភ្ជាប់ពាណិជ្ជកម្មកម្ពុជា និងពាណិជ្ជករនៅប្រទេសចិនផងដែរ៕

ស្វែងយល់ពីសណ្ឋាគារ Abraj Al Bait ដែលសាងសង់អស់តំលៃខ្ពស់ជាងគេនៅលើពិភពលោក

ភ្នំពេញ៖ សណ្ឋាគារ Abraj Al Bait ស្ថិតនៅក្នុងទីក្រុង Mecca ប្រទេសអារ៉ាប៊ីសាអូឌីត បានចំណាយថវិការប្រមាណជា១៥ពាន់លានដុល្លារអាមេរិក ហើយវាស្ថិតក្នុងចំណោមអគារខ្ពស់ និងប្រណីតទាំង១០ ដែលចំណាយច្រើនជាងគេនៅលើពិភពលោក។

សណ្ឋាគារ Abraj Al Bait មានកម្ពស់៦០១ម៉ែត្រ ជាសណ្ឋាគារដែលមានកំពស់ខ្ពស់ជាងគេនៅលើពិភពលោក ដែលមានផ្ទៃក្រឡា១,៥លានម៉ែត្រការ៉េ និងអាចផ្ទុកមមានមនុស្សស្នាក់នៅបានប្រមាណជា ១០០.០០០នាក់ នោះបានសាងសង់បញ្ចប់នៅក្នុងឆ្នាំ ២០១២ ។ មុនដំបូងគេមានគម្រោងសាងសង់អគារនេះក្នុងកម្ពស់៧៣៤ម៉ែត្រ ក្នុងឆ្នាំ២០១៦ តែមកដល់ឆ្នាំ២០០៩ គម្រោងនេះ ត្រូវបានគេប្រកាសជាសាធារណៈសាងសង់កម្ពស់ត្រឹមតែ៦០១ម៉ែត្រវិញ។

អគារនេះត្រូវបានគេស្គាល់ផងដែរថា ជាអគារ Makkah Royal Clock Tower ដែលត្រូវបានរចនាឡើង ដោយក្រុមស្ថាបត្យកម្មមកពីប្រទេសលីបង់ ដាអាលហាណា (Dar Al-Handasah) ហើយមាននាឡិកាខ្ពស់ និងធំជាងគេបំផុតនៅលើពិភពលោក ដែលមានកម្ពស់៥៣០ម៉ែត្រ និងមានអង្កត់ផ្ចិត៤៣ម៉ែត្រហើយអាចមើលឃើញពីចម្ងាយ៣០គីឡូម៉ែត្រ។ ផ្នែកខាងលើនៃប៉មនាឡិកា ត្រូវបានរចនាឡើងដោយក្រុមហ៊ុនស្ថាបត្យកម្មអាល្លឺម៉ង់ SL Rasch និងមានខ្សែកម្ពស់២៣ម៉ែត្រ ដែលត្រូវបានសាងសង់ឡើងដោយមាសពណ៌លឿង។

អគារដែលមានកម្ពស់ ៦០១ម៉ែត្រ និងមាន១២០ជាន់បានជាប់ចំណាត់ថ្នាក់ថា ជាអគារខ្ពស់បំផុតលំដាប់ទី៣នៅឆ្នាំ ២០១៧នេះ ក្នុងចំណោមអាគារខ្ពស់នៅជុំវិញពិភពលោកបន្ទាប់ពីអគារ Burj Khalifa និង Shanghai Tower ។ អគារដែលមាននាឡិកាស្ថិតនៅចំកណ្តាលនេះ មានកម្ពស់២ម៉ែត្រខ្ពស់ជាងមជ្ឈមណ្ឌលហិរញ្ញវត្ថុភីងអាន(Ping An Financial Center) ដែលទើបនឹងសាងសង់ថ្មីរបស់ ក្រុមហ៊ុនស៊ិនជិន (Shenzhen)ដែលមានប៉មខ្ពស់ នៅប្រទេសចិន។ អគារ Mekkah Royal Clock Hotel មិនត្រឹមតែត្រូវបានបំរើជាសណ្ឋាគារប៉ុណ្ណោះទេ វាថែមទាំងមានផ្សារទំនើប សារមន្ទីរអ៊ីស្លាម លំនៅដ្ឋាន និងជាទីកន្លែងសាសនាសម្រាប់ថ្វាយបង្គំផងដែរ។ ទោះជាយ៉ាងណាអគារនេះ ត្រូវបានប្រើជាចម្បងជាសណ្ឋាគារ មានចំនួន៨៥៨បន្ទប់ ដែលដំណើរការដោយ Fairmont Hotels and Resorts ជាក្រុមហ៊ុនសណ្ឋាគារប្រណីតលំដាប់ផ្កាយ៥ របស់ប្រទេសកាណាដា៕

កម្ពុជា និង ADB គ្រោងរៀបចំព្រលានយន្តហោះខេត្តស្ទឹងត្រែងឡើងវិញ

ដោយ៖ គង់ សូរិយា

ភ្នំពេញ៖ ក្នុងផែនការតភ្ជាប់តំបន់អភិវឌ្ឍន៍ នៃបណ្តាប្រទេសអនុតំបន់មហាទន្លេមេគង្គ កម្ពុជា និងធនាគារអភិវឌ្ឍន៍អាស៊ីគ្រោងរៀបចំជួសជុលនិងសាងសង់ព្រលានយន្តហោះក្នុងខេត្តស្ទឹងត្រែងឡើងវិញ។

លោក ស៊ិន ចាន់សិរីវុត្ថា អ្នកនាំពាក្យរដ្ឋលេខាធិការអាកាសចរណ៍ស៊ីវិលបានថ្លែងឲ្យដឹងតាមទូរស័ព្ទប្រាប់ Propertyarea.asia នារសៀលថ្ងៃទី៦ វិច្ឆិកានេះថា ព្រលានយន្តហោះខេត្តស្ទឹងត្រែង ស្ថិតក្នុងផែនការមេក្នុងការដាក់បញ្ចូលក្នុងផែនការអភិវឌ្ឍន៍នៅតាមបណ្តាប្រទេស នៃមហាអនុតំបន់ទន្លេមេគង្គ ដែលបច្ចុ ប្ប្បន្នធនាគារអភិវឌ្ឍន៍អាស៊ី(ADB) កំពុងសិក្សាលំអិតពីផែនការនេះ មុនសម្រេចដាក់បញ្ចូលទៅក្នុងផែនការនាពេលអនាគត។

លោកបន្តថា “ព្រលានយន្តហោះខេត្តស្ទឹងត្រែង មានសក្តានុពលជាងគេក្នុងចំណោមតំបន់ភូមិភាគឥសាន្ត និងជាច្រករបៀងងាយតភ្ជាប់ទៅកាន់ប្រទេសឡាវ និងប្រទេសក្នុងតំបន់ដទៃទៀត ក៏ដូចជាតភ្ជាប់ទៅកាន់បណ្តាខេត្តភូមិភាគឥសាន្តចំនួនបីទៀត។លោកបន្តថា “ព្រលាននេះមានលទ្ឋភាព និងឆ្លើយតបតាមផែនការមេ នៃផែនការអភិវឌ្ឍន៍ក្នុងមហាអនុតំបន់ទន្លេមេគង្គ។

លោកស៊ិន ចាន់សិរីវុត្ថាបានបន្តថា ប្រសិនជាត្រឹមជួសជុល គឺចំណាយថវិការចន្លោះពី៥ ទៅ៦លានដុល្លារអាចបើកដំណើរការបានហើយ សម្រាប់ចុះចតយន្តហោះតូចៗ ប៉ុន្តែដើម្បីអាចឲ្យយន្តហោះប្រភេទ Airbus320 និង Boing737ដែលអាចផ្ទុកអ្នកដំណើរចន្លោះពី១៦០ ទៅ១៨០នាក់ ព្រលានយន្តហោះនេះត្រូវចំណាយថវិកាវិនិយោគចន្លោះពី២០ ទៅ៣០លានដុល្លារអាមេរិក។

តាមការពិនិត្យទីតាំង និងលក្ខខ័ណ្ឌភូមិសាស្ត្រ ព្រលានយន្តហោះខេត្តស្ទឹងត្រែងមានសក្តានុពលច្រើនផ្នែក ទី១ ឆ្លើយតបនឹងផែនការរបស់មហាអនុតំបន់ទន្លេមេគង្គ ទី២ ងាយស្រួលក្នុងការតភ្ជាប់ និងសក្តានុពលសេដ្ឋកិច្ចក្នុងតំបន់ ទី៣ ហេដ្ឋារចនាសម្ព័ន្ឋមានភាពងាយស្រួល និងងាយតភ្ជាប់ទៅកាន់ខេត្តភូមិភាគឥសាន្តចំនួនបី ដែលនៅក្បែរនោះ។នេះបើតាមការឲ្យដឹងពីអ្នកនាំពាក្យរូបនេះ។

ប្រធានសហព័ន្ឋទេសចរណ៍កម្ពុជាលោកធួន ស៊ីណានបានថ្លែងថា ប្រសិនជាមានការសាងសង់ ព្រលានយន្តហោះនៅខេត្តស្ទឹងត្រែងមែន ពិតជារឿងអបអរសាទរណាស់ ព្រោះវាងាយស្រួលតភ្ជាប់ទៅខេត្តដទៃទៀត និងតភ្ជាប់ជាមួយប្រទេសឡាវ និងបណ្តាប្រទេសក្នុងតំបន់ដទៃទៀត។លោកបន្តថា ខេត្តស្ទឹងត្រែង ងាយតភ្ជាប់មកកាន់ខេត្តក្រចេះ និងរតនៈគិរី ហើយបើរដ្ឋាភិបាលមានលទ្ឋភាពបើកព្រលានថ្មីមួយនៅខេត្តមណ្ឌលគិរីកាន់តែប្រសើរ។

លោកបន្តថា “ប្រសិនជាមានព្រលាននៅខេត្តស្ទឹងត្រែង ជារឿងអបអរសា ទរ ហើយយើងរំពឹងថាភ្ញៀវទេសចរណ៍ នឹងកើនឡើងច្រើននៅតាមបណ្តាភូមិភាគឥសាន្តបន្ថែមទៀត។លោកបន្តថា “ការពិតខេត្តស្ទឹងត្រែងមានសក្តានុពលទេសចរណ៍ធម្មជាតិសម្បើមណាស់ ប៉ុន្តែបញ្ហាកង្វះហេដ្ឋារចនាសម្ព័ន្ឋបានក្លាយ ជាឧបសគ្គរាំងស្ទះ ដល់ការអភិវឌ្ឍវិស័យទេសចរណ៍ក្នុងខេត្ត”៕

ទីផ្សារសណ្ឋាគារប្រឈមការប្រកួតប្រជែងកាន់តែខ្លាំង

ដោយ៖ ដែន ចែងចាំង

ភ្នំពេញ៖ នៅពេលការផ្គត់ផ្គង់មកដល់កាន់តែច្រើន តម្រូវការនៅមានកម្រិត ជាស្វ័យប្រវត្តិការប្រកួតប្រជែងនឹងកើនឡើង ជាក់ស្តែងការផ្គត់ផ្គង់សណ្ឋាគារថ្មីៗបាននិងកំពុងកើនឡើងខ្ពស់ ដែលបានធ្វើឲ្យទីផ្សារសណ្ឋាគារនៅកម្ពុជាកំពុងប្រឈមមុខ នឹងការប្រកួតប្រជែងគ្នាកាន់តែតានតឹង។

ប្រធានសមាគមទេសចរណ៍កម្ពុជាលោក ឌិន សុមេធារិទ្ឋបានថ្លែងឲ្យដឹងថា ការប្រកួតប្រជែងក្នុងវិស័យនេះពិតជាខ្លាំង ដោយសារចំនួនមកដល់របស់ភ្ញៀវទេសចរណ៍រំពឹងកើនឡើងក្នុងរង្វង់ជាង១០ភាគរយ ប៉ុន្តែចំនួនសណ្ឋាគារថ្មីៗបានកើនឡើងច្រើន ដែលធ្វើឲ្យម្ចាស់សណ្ឋាគារនិមួយៗ នៅខេត្តសៀមរាបបានធ្វើការបញ្ចុះតំលៃច្រើន ធ្វើឲ្យសណ្ឋាគារតូចៗប្រឈមមុខនឹងបញ្ហា។

លោកបន្តថា “នៅរាជធានីភ្នំពេញមិនសូវមានការលក់បញ្ចុះតំលៃនោះទេ ប៉ុន្តែខេត្តសៀមរាប ការលក់បន្ទប់សណ្ឋាគារបានបញ្ចុះតំលៃខ្លាំង ដើម្បីទាក់ទាញភ្ញៀវស្នាក់នៅ។

យោងតាមការសិក្សារបស់ក្រុមហ៊ុនប៊ុណ្ណារៀលធីគ្រុប ដែលបានបញ្ចប់កាលពីពេលថ្មីៗនេះបានរកឃើញថា នៅខេត្តសៀមរាបជាទីក្រុងដែលមានចំនួនសណ្ឋាគារ និងការវិនិយោគសណ្ឋាគារថ្មីៗច្រើនជាងគេ ជាក់ស្តែងទីក្រុងនេះមានសណ្ឋាគារចំនួន៥៦៨ និងបន្ទប់សរុបចំនួន២៣,០៤១បន្ទប់។ រាជធានីភ្នំពេញមានសណ្ឋាគារចំនួន៣៤៨ និងបន្ទប់សរុប១៦,៣៧០បន្ទប់ ខេត្តព្រះសីហនុមានសណ្ឋាគារចំនួន១៦០ និងមានបន្ទប់សរុប៥,៤៦២បន្ទប់ និងខេត្តបាត់ដំបងមានសណ្ឋាគារចំនួន៤៩ និងមានបន្ទប់សរុបចំនួន១៧៦។

ការសិក្សាដដែលបានរកឃើញថា ចំនួនសណ្ឋាគារដែលបានផ្គត់ផ្គង់ចូលទីផ្សារថ្មីៗ និងមានការស្នាក់នៅច្រើន ភាគច្រើនជាសណ្ឋាគារលំដាប់ផ្កាយបី និងផ្កាយ៤ ប៉ុន្តែសណ្ឋាគារផ្កាយបួន ជាប្រភេទសណ្ឋាគារដែលមានការផ្គត់ផ្គង់ច្រើនជាងគេ។

លោកឌិន សុមេធារិទ្ឋបានបន្តថា “ការកើនឡើងបែបនេះ ជាការធម្មតាសម្រាប់ខែមួយដល់ខែបីជារៀងរាល់ឆ្នាំ ប៉ុន្តែប្រសិនជាមើលនិន្នាការមកដល់របស់ភ្ញៀវទេសចរណ៍អន្តរជាតិមកទស្សនាកម្ពុជាឆ្នាំនេះ មិនកើនខ្ពស់ពេកនោះទេ។

យោងតាមរបាយការណ៍របស់ក្រសួងទេសចរណ៍បានឲ្យដឹងថា គិតត្រឹមរយៈពេល៨ខែដើមឆ្នាំនេះ កម្ពុជាទទួលបានភ្ញៀវទេសចរណ៍៣,៥លាននាក់ កើនឡើងជាង១២ភាគរយធៀបរយៈពេលដូចគ្នាកាលពីឆ្នាំមុន។

លោកហូ វណ្ឌីអគ្គលេខាធិការសមាគមសម្ព័ន្ឋទេសចរណ៍ជាតិកម្ពុជាបានថ្លែងឲ្យដឹងផងដែរថា ចំនួនសណ្ឋាគារថ្មីៗ និងការពង្រីកសណ្ឋាគារបន្ថែមមានការកើនឡើងច្រើន ដែលធ្វើឲ្យអ្នកនៅក្នុងឧស្សាហកម្មនេះ ប្រឈមមុខនឹងការប្រកួតប្រជែងខ្លាំង ព្រោះចំនួនមកដល់របស់ភ្ញៀវមិនកើនគំហុកដូចគ្នា នឹងចរន្តនៃការផ្គត់ផ្គង់សណ្ឋាគារថ្មីៗនោះឡើយ។

លោកបន្តថា “ក្នុងស្ថានភាពបែបនេះ បានធ្វើឲ្យម្ចាស់សណ្ឋាគារខ្លះបានពង្រីកការលក់បន្ទប់សណ្ឋាគាររបស់ខ្លួនដល់ក្រៅប្រទេស ដោយសារទីផ្សាររបស់យើងតូច ហេតុនេះ អ្នកគ្មានបណ្តាញទីផ្សារពួកគេប្រឈមមុខនឹងបញ្ហា។លោកបន្តថា “វាជាការបារម្ភមួយសម្រាប់អ្នកមានធនធានតិច អ្នកគ្មានបណ្តាញគ្រប់គ្រាន់ និងការប្រកួតប្រជែងគ្មានតម្លាភាពទាំងក្នុង និងក្រៅប្រទេស”៕

Arakawa វិនិយោគទឹកប្រាក់ ៧០លានដុល្លាសាងសងលំនៅដ្ឋានតម្លៃសមរម្យនៅក្នុងសង្កាត់ទឹកថ្លា

ដោយ៖ ដែន ចែងចាំង

ភ្នំពេញ៖ ក្រុមហ៊ុន Arakawa ដែលមានឈ្មោះល្បីតាមរយៈការទិញយកអាគារប៊ូឌីញ “ស”បានប្រកាសពីគម្រោងវិនិយោគថ្មីរបស់ខ្លួន ដោយគ្រោងចំណាយទុន ៧០លានដុល្លារ ដើម្បីសាងសង់លំនៅដ្ឋានមានតម្លៃមធ្យមនៅក្នុងក្រុងភ្នំពេញ។

យោងតាមសេចក្តីប្រកាសព័ត៌មានរបស់ក្រសួងរៀបចំដែនដីនគរូបនីយកម្ម និងសំណង់ ដែលបានចេញផ្សាយនៅព្រឹកថ្ងៃទី៦ តុលានេះបានឲ្យដឹងថា ឯកឧត្តម ជា សុផារ៉ា ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់ នឹងអញ្ជើញជាអធិបតីក្នុងពិធីបើកការដ្ឋានសាងសងលំនៅដ្ឋានតម្លៃសមរម្យ អភិវឌ្ឍន៍ដោយក្រុមហ៊ុន Arakawa លើផ្ទៃដីទំហំជាង១៣,៦៨០ម៉ែត្រក្រឡា មានទីតាំងស្ថិតនៅភូមិផ្សារទឹកថ្លា នៅក្នុងសង្កាត់ទឹកថ្លា នាថ្ងៃទី៨ខែវិច្ចិការខាងមុខនេះខណ្ឌសែនសុខ រាជធានីភ្នំពេញ។

សេចក្តីប្រកាសព័ត៌មានដដែលបានបញ្ជាក់ថា ការសាងសង់គំរោងនេះនឹងត្រូវចែកជាពីរដំណាក់កាល ដោយដំណាក់កាលដំបូងក្រុមហ៊ុន នឹងសាងសងអគារស្នាក់នៅរួមចំនួន១០ចែកជា៥ប្លុក ដោយក្នុង១ប្លុកមាន២អគារនិងមានកម្ពស់ពី១៩ទៅ២៣ជាន់ មានបន្ទប់ស្នាក់នៅប្រមាណ២០០០បន្ទប់ គ្រោងទុនវិនិយោគសរុបប្រមាណ៧០លានដុល្លាអាមេរិក៕