ទីក្រុងភ្នំពេញកំពុងស្ថិតនៅលើផ្លូវក្លាយជាមជ្ឈមណ្ឌលពាណិជ្ជកម្មអន្តរជាតិ

ដោយ៖ គង់ សូរិយា

ភ្នំពេញ៖ កាលកាលពី ៤០ឆ្នាំមុន ទីក្រុងភ្នំពេញត្រូវបានប្រសិទ្ឋិនាមជាទីក្រុងខ្មោច ប៉ុន្តែមួយទសវត្សរ៍ចុងក្រោយនេះ ទីក្រុងនេះមិនស្ថិតក្នុងអន្ឋកាលទៀតទេ ហើយបាននិងកំពុងវិវត្តន៍ឆ្ពោះ ទៅមុខដោយស្វាហាប់ និងកំពុងក្លាយជាមជ្ឈមណ្ឌលសេដ្ឋកិច្ច និងពាណិជ្ជកម្មអន្តរជាតិ។

ទីក្រុងនេះបានងើបពីសុបិន លេចឡើងនូវវត្តមានអាគារខ្ពស់ៗកប់ពពកស្ទើរគ្រប់ទីកន្លែង ជំនួសអាគារចាស់ៗដែលជាប់ស្លែខ្មៅ និងអាគារបែកបាក់ដោយសារភ្លើងសង្គ្រាម ជាអ្វីដែលស្រមោលអតីតកាលត្រូវបានលាងជំរះដោយពេលវេលាបន្តិចម្តង។

ការមកដល់របស់អ្នកវិនិយោគជាតិ អន្តរជាតិ ប្រតិភូធុរកិច្ច និងថ្នាក់ដឹកនាំល្បីៗនៅលើពិភពលោក មកកាន់កម្ពុជាបន្តបន្ទាប់ ពិសេសក្នុងពេលកម្ពុជាធ្វើជាម្ចាស់ផ្ទះវេទិកាសេដ្ឋកិច្ចពិភពស្តីពីអាស៊ានកាលពីចុងខែឧសភាកន្លងមកនេះ ដែលជាព្រឹត្តិការណ៍បង្ហាញមុខមាត់ កិត្យានុភាពទីប្រទេសកម្ពុជា ពិសេសក្រុងភ្នំពេញទៅកាន់ពិភពលោក ក្នុងនាមជាទីក្រុងដែលមានការរីកចំរើនយ៉ាងឆាប់រហ័ស។

ការកើនឡើងនូវវត្តមានអាគារខ្ពស់ៗនៅទីក្រុងភ្នំពេញ ទំនងជាមិនបញ្ចប់នៅពេលឆាប់ៗនោះទេ ជាក់ស្តែងអាគារភ្លោះថៃប៊ុនរ៉ង ដែលជាអាគារខ្ពស់ជាងគេនៅក្នុងតំបន់អាស៊ាន និងគ្រោងចំណាយប្រាក់វិនិយោគ៥០០០ពាន់លានដុល្លារ នឹងក្លាយជាមេដែកឆក់មួយ ដែលផ្តល់ទំនុកចិត្ត និងទាក់ទាញវិនិយោគិនកាន់តែច្រើនថែមទៀតមកកាន់ប្រទេសនេះកាន់តែច្រើនថែមទៀតនាពេលអនាគត ប្រសិនជាវត្តមានអាគារនេះលេចរូបរាងពិតប្រាកដ។

ការមកដល់នូវអ្នកវិនិយោគកូរ៉េ ចិន សាំងហ្កាពួរ ម៉ាឡេស៊ី និងចុងក្រោយអ្នកវិនិយោគមកពីប្រទេសចិន បានធ្វើឲ្យប្រទេសនេះក្លាយជាខ្លាសេដ្ឋកិច្ចថ្មីមួយក្នុងតំបន់អាស៊ី ជាឈ្មោះថ្មីដែលធនាគារអភិវឌ្ឍន៍អាស៊ី (ADB) បានប្រសិទ្ឋនាមឲ្យប្រទេសនេះកាលពីឆ្នាំមុន។ ជាមួយគ្នានេះ ធនាគារពិភពលោកក៏បានចាត់ចំណាត់ថ្នាក់ថ្មីដល់កម្ពុជា ចេញពីប្រទេសអភិវឌ្ឍន៍តិចតួច មកជាប្រទេសមានប្រាក់ចំណូលមធ្យមកម្រិតទាបកាលពីឆ្នាំមុនផងដែរ។

អ្នកនាងអាន សុធីតានាយិកាក្រុមហ៊ុនអចលនទ្រព្យ CBRE Cambodia បានថ្លែងថាកម្ពុជាកំពុងធ្វើដំណើរទៅមុខ និងក្លាយជាមជ្ឈមណ្ឌលពាណិជ្ជកម្មអន្តរជាតិនៅ៥ទៅ១០ឆ្នាំខាងមុខ ព្រោះយោងតាមការសិក្សារបស់យើង រហូតមកទល់ពេលនេះកម្ពុជាមានក្រុមហ៊ុនលំដាប់ពិភពលោកចំនួន៧០ក្រុមហ៊ុនបានចូលមកវិនិយោគនៅកម្ពុជា ក្នុងចំណោមក្រុមហ៊ុនលំដាប់អន្តរជាតិចំនួន៥០។អ្នកនាងបន្តថា នៅរយៈពេល៥ឆ្នាំខាងមុខ យើងរំពឹងថានឹងមានក្រុមហ៊ុន៥០ភាគរយនៃក្រុមហ៊ុនទាំង៥០០ចូលមកវិនិយោគនៅកម្ពុជា ដោយសារកម្ពុជាពេលនេះបាននិងកំពុងក្លាយជាគោលដៅរបស់អ្នកវិនិយោគអន្តរជាតិ។

អ្នកនាងបន្តថា “បច្ចុប្បន្ននិយាយពីកម្ពុជា គឺមិនទាន់ក្លាយជាមជ្ឈមណ្ឌលពាណិជ្ជកម្មអន្តរជាតិទេ ប៉ុន្តែរយៈពេល១០ឆ្នាំខាងមុខកម្ពុជានឹងសម្រេចបាននូវគោលដៅនេះ។ ដើម្បីក្លាយជាមជ្ឈមណ្ឌលពាណិជ្ជកម្មអន្តរជាតិបាន ទាមទារឲ្យប្រទេសមួយមានធនធានមនុស្ស ធនធានអភិវឌ្ឍន៍ ចំណេះដឹង និងបទពិសោធន៍ ប៉ុន្តែបច្ចុប្បន្នកម្ពុជាកំពុងខ្វះធនធានមនុស្ស និងបទពិសោធន៍។នេះបើតាមការបញ្ជាក់របស់អ្នកនាងអាន សុធីតា។

អ្នកនាងបន្តថា “កាលពីមុននិយាយពីកម្ពុជា គេមិនសូវស្គាល់នោះទេនៅក្រៅប្រទេស ប៉ុន្តែដោយសារការរីកចំរើននៃវិស័យនេះ បានធ្វើឲ្យទីក្រុងភ្នំពេញ និងប្រទេសរបស់យើងត្រូវបានគេស្គាល់កាន់តែច្រើន។ ពិតជាជាក់ស្តែងនិងមិនអាចប្រកែកបាន ដោយសារកម្ពុជាក្នុងមួយទសវត្សរ៍ចុងក្រោយនេះ ទទួលបានទុនវិនិយោគក្នុងវិស័យនេះរាប់រយកោដិដុល្លារ។

ជាក់ស្តែង ទុនវិនិយោគក្នុងវិស័យសំណង់នៅដំណាច់ឆ្នាំ២០១៦ កន្លងមកនេះមានទំហំទឹកប្រាក់រហូតដល់ជាង៨,៥៣៤លានដុល្លារអាមេរិក កើនឡើង១៥៥,៦៨ភាគរយ ធៀបរយៈពេលមួយឆ្នាំដូចគ្នាកាលពីឆ្នាំ២០១៥ ហើយទំហំទុនពិតប្រកដពីលំហូរវិនិយោគផ្ទាល់ពីបរទេស (FDI) មកកម្ពុជា រយៈពេលម្ភៃឆ្នាំពីឆ្នាំ១៩៩៤ ដល់២០១៤ មានប្រមាណ១៩,២ពាន់លានដុល្លារ ក្នុងនោះ៤៤ ភាគរយគឺជាទឹកប្រាក់នៃការវិនិយោគរបស់ចិន។

យោងតាមរបាយការណ៍របស់មន្ទីររៀបចំដែនដី ក្រុងភ្នំពេញបានរកឃើញថា នៅរាជធានីភ្នំពេញមានវត្តមានអាគារខ្ពស់ៗ ចាប់ពី៥ជាន់រហូតដល់ជាង៤០ជាន់ចំនួនជាង៧០០អាគារនិងមានអាគារជាច្រើនទៀតកំពុងចាប់ផ្តើមសាងសង់ ដែលមានកំពស់រហូតដល់៦៣ជាន់។

ជាមួយនឹងគោលដៅនេះ កម្ពុជាក៏សម្រេចបាននូវកំនើនប្រាក់ចំណូលយ៉ាងខ្ពស់ផងដែរជាក់ស្តែងយោងតាមការសិក្សារបស់អង្គភាពព័ត៌មានសេដ្ឋវិទូបានរកឃើញថា ទំហំនៃប្រាក់ចំណូលរបស់ប្រជាពលរដ្ឋ ក្នុងទីក្រុងនេះភ្នំពេញមានចំណូល១០.៩០០ដុល្លារកាលពីឆ្នាំមុន និងកើនដល់៣២.២០០ដុល្លារនៅឆ្នាំ២០៣០ខាងមុខ។

យោងតាមតួកលេខរបស់ក្រសួងពាណិជ្ជកម្មបានបង្ហាញថា កម្ពុជាបាននាំចេ ញទៅកាន់ពិភពលោក ក្នុងទំហំទឹកប្រាក់១២ពាន់លានដុល្លារកាលពីឆ្នាំមុន។

ប្រធានសមាគមអ្នកវាយតំលៃ និងភ្នាក់ងារអចលនវត្ថុកម្ពុជាលោកគីម ហ៊ាងបានថ្លែងថា “កាលពី១០ឆ្នាំមុន ខ្ញុំមិនហ៊ានរំពឹងថាក្រុងភ្នំពេញមានភាពរីកចំរើនបែបនេះទេ តែពេលនេះវត្តមានអាគារខ្ពស់ៗបានរីកដូចផ្សិត វាជាមោទនភាពមួយ។លោកបន្តថា “នៅពេលជនបរទេសចុះពីយន្តហោះ ពួកគេឃើញហាងទំនើបៗ អាគារខ្ពស់ៗ រថយន្តទំនើបៗ ពួកគេសប្បាយចិត្តនឹងមករស់នៅ និងវិនិយោគនៅទីនេះ។

ភាពរីកចំរើននេះ មិនអាចកាត់ផ្តាច់ចេញពីសន្តិភាព ស្ថិរភាពនយោបាយ និងការរក្សាបានកំនើនសេដ្ឋកិច្ចយ៉ាងរឹងមាំនោះទេ ជាក់ស្តែកគិតត្រឹមរយៈពេលពីរទសវត្សរ៍ កម្ពុជាសម្រេចបានមានកំនើនសេដ្ឋកិច្ច៧,៧ភាគរយគិតពីឆ្នាំ១៩៩៤ ដល់ឆ្នាំ២០១៤ និងរក្សាកំនើនរហូតដល់៧ភាគរយបន្ថែមទៀត សម្រាប់រយៈពេលមធ្យមខាងមុខនេះ។

ជាមួយនឹងកំនើនឥតឈប់ឈរនេះ ទុនវិនិយោគក្នុងវិស័យសំណង់ក្នុងរយៈពេល៤ខែដើមឆ្នាំនេះមានទំហំទឹកប្រាក់ជាង៤០០០លានដុល្លារអាមេរិក កើនឡើងជាង៤០ភាគរយធៀបរយៈពេលដូចគ្នាកាលពីឆ្នាំមុន។

លោកបណ្ឌិតម៉ី កល្យាណទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិបានថ្លែងថា កម្ពុជាពិតជាបានរីកចំរើនច្រើនហើយលើសម្ភារៈ និងសេដ្ឋកិច្ច ដែលកាលពី១០ឆ្នាំមុនឬយូរជាងនេះ យើងមិនទាន់មានអ្វីនៅឡើយទេ ប៉ុន្តែការរីកចំរើនរបស់យើងខ្វះគុណភាពជីវិត ព្រោះទីក្រុងរបស់យើងមិនគួរមានតែកន្លែងផឹកស៊ីទេ តែគួរមានសួនច្បារ មានសារមន្ទីរ វិចិត្រសាល កន្លែងតាំងពិព៌ណលំដាប់អន្តរជាតិជាដើម។

លោកបន្តថា “បើគិតពីអាយុមនុស្ស ខ្ញុំគិតថាកម្ពុជាប្រៀបបាននឹងមនុស្សជំទង់វ័យ១៣ទៅ១៤ឆ្នាំប៉ុណ្ណោះ”៕

តើវិមានឯករាជ្យ និងក្បាលនាគ១០០មានន័យបែបណា?

ដោយ៖ ដែន ចែងចាំង

ភ្នំ៖ ពេញ ស្របពេលកម្ពុជាប្រារពទិវាបុណ្យឯករាជ្យជាតិលើកទី៦៤ នៅវិមានឯករាជ្យទីក្រុងភ្នំពេញ អត្ថន័យនៃការសាងសង់វិមានឯករាជ្យ និងក្បាលនាគចំនួន១០០ ដែលបានដាក់នៅទិសទាំងបួន នៃវិមានឯករាជ្យស្ថិតនៅក្នុងភាពជាអាថ៌កំបាំងនៅឡើយ។

ដើម្បីបកស្រាយអាថ៌កំបាំងនេះ គេហទំព័រ Propertyarea.asiaបានសម្ភាសន៍ផ្តាច់មុខជាមួយលោកសាស្ត្រាចារ្យភឿង សុភ័ណ្ឌរដ្ឋលេខាធិការនៃក្រសួងរៀបចំដែនដី នគរូបនីយកម្ម និងសំណង់ដើម្បីបកស្រាយអាថ៌កំបាំងនេះ។

មន្ត្រីជាន់ខ្ពស់រដ្ឋាភិបាលរូបនេះបានថ្លែងឲ្យដឹងនាព្រឹកថ្ងៃទី៩ វិច្ឆិកានេះថា វិមានឯករាជ្យត្រូវបានសាងសង់ឡើង ដោយវីរស្ថាបត្យករវណ្ណ ម៉ូលីវណ្ណក្នុងកំឡុងឆ្នាំ១៩៥។ ប្រាសាទវិមានឯករាជ្យ ត្រូវបានយកលំនាំតាមប្រាសាទបាគងក្នុងខេត្តសៀមរាប ប្រទេសកម្ពុជា ដែលជាតំណាងឲ្យទស្សនប្រាសាទភ្នំ ដែលបានសាងសង់នៅសតវត្សរ៍ទី៩ ដោយព្រះបាទជ័យវរ្ម័នទី។

លោកសាស្ត្រាចារ្យភឿង សុភ័ណ្ណបានបន្តថា ការសាងសង់វិមានឯករាជ្យនេះ ក៏មានការទទួលការឯកភាពពីអតីតសម្តេចព្រះបាទ នរោត្តម សីហនុដែលបង្ហាញពីស្នាព្រហន្តរបស់ព្រះអង្គ និងដើម្បីរំលឹកដល់បុព្វបុរសខ្មែរ ដែលបានពលីជីវិតក្នុងការដណ្តើមឯករាជ្យពីបារាំង។ សំណង់វិមានឯករាជ្យនេះ ជាសំណង់បង្ហាញពីអច្ឆរិយភាពនៃទស្សនស្ថាបត្យកម្ម។

លោកបន្តថា “ប្រាសាទវិមានឯករាជ្យជាតំណាងឲ្យវបប្បធ៌ម អរិយធ៌មខ្មែរ ដែលសមស្របតាមនយោបាយដឹកនាំប្រទេសនាសម័យនោះ និងក្សត្រខ្មែរយើង ត្រូវគេចាត់ទុកជាបុត្ររបស់ព្រះព្រហ្ម ដែលយកអំណាចពីឋានលើ មកដឹកនាំប្រទេសជាតិ ទើបគេសាងសង់ប្រាសាទឲ្យខ្ពស់បែបនេះ។លោកបន្តថា “ការសាងសង់ វិមានឯករាជ្យជាការបូកបញ្ចូលនូវទស្សនធំៗទាំងអស់នេះ និងជាការបង្ហា ញស្នាមព្រហស្តរបស់សម្តេចសីហនុ ដែលលោកបានយាងចុះតាមគ្រប់ខេត្ត ក្រុងទាំងអស់ ហើយចលនាឲ្យមានការបង្កើតកងកំលាំង បង្កើតកាំភ្លើងឈើ ដើម្បីបង្ហាញកំលាំងក្នុងការទាមទារឯករាជ្យ រហូតដល់បារាំងផ្តល់ឯករាជ្យភាពដល់កម្ពុជា អាចគ្រប់គ្រងដោយខ្លួនឯង។

តើក្បាលនាគទាំង១០០នៅលើវិមានឯករាជ្យតំណាងឲ្យអ្វី លោកសាស្ត្រាចារ្យភឿង សុភ័ណ្ឌបានថ្លែងថា ជាទូទៅក្នុងទំនៀមទំលាប់ប្រពៃណីខ្មែរយើង សត្វនាគតំណាងឲ្យទេវកថា ព្រោះយើងមិនដែលឃើញនាគរាជ្យទេ យើងឃើញតែពស់។ នាគរាជ្យនៅលើវិមានឯករាជ្យមានក្បាលចំនួន៥ និងបែរមុខទៅទិសទាំងបួន ដែលតំណាងឲ្យបារមីព្រះមហាក្សត្រគ្រប់គ្រងដឹកនាំប្រទេស។

លោកបន្តថា “ក្បាលនាគទាំង១០០បង្ហាញពីអំណាចបារមី នៃការខិតខំប្រឹងប្រែងរបស់ព្រះមហាក្សត្រ ក៏ដូចជាប្រជារាស្ត្រខ្មែរទាំងអស់ដើម្បីការពារនូវឯករាជ្យភាពជាតិរបស់ខ្មែរ”៕

ទីក្រុងរណបជ្រោយចង្វារនឹងសាងសង់មជ្ឈមណ្ឌលពាណិជ្ជកម្មអន្តរជាតិនៅឆ្នាំ២០១៨

ដោយ៖ គង់ សូរិយា

ភ្នំពេញ៖ មណ្ឌលមណ្ឌលពាណិជ្ជកម្មលំដាប់អន្តរជាតិធំមួយ នឹងចាប់ផ្តើមសាងសង់នៅទីក្រុងរណបជ្រោយចង្វារ “ទីក្រុងនៃអនាគត”នៅដើមឆ្នាំ២០១៨ខាងមុខនេះ ខណៈពេលហេដ្ឋារចនាសម្ព័ន្ឋនានាភ្ជាប់ទៅគំរោងនេះបានបញ្ចប់ និងនិងកំពុងចាប់ផ្តើមយ៉ាងសកម្ម។

អគ្គនាយករងក្រុមហ៊ុន OCIC លោកទូច សំណាងដែលជាក្រុមហ៊ុនវិនិយោ គលើទីក្រុងរណបទំហំជាង១០០ហិកតានេះ បានថ្លែងឲ្យដឹងតាមទូរស័ព្ទនាព្រឹកថ្ងៃទី៩ វិច្ឆិកានេះថា នៅដើមឆ្នាំ២០១៨ខាងមុខនេះ OCIC នឹងសាងសង់អាគារការិយាល័យកណ្តាលរបស់ OCIC កំពស់កំពស់២០ជាន់ ដែលគ្រោងចំណាយទុនវិនិយោគ២០លានដុល្លារអាមេរិក និងគម្រោងដទៃទៀត គឺជាមជ្ឈមណ្ឌលពាណិជ្ជកម្មជ្រោយចង្វារ ដែលរួមមានផ្ទះល្វែង ផ្សារទំនើប និងហេដ្ឋារចនាសម្ព័ន្ឋដទៃទៀត។

លោកបន្តថា “គំរោងនេះនឹងទទួលបានជោគជ័យ ដោយសារបច្ចុប្បន្នហេ ដ្ឋារចនាសម្ព័ន្ឋផ្សេងៗភ្ជាប់ទៅតំបន់នេះកំពុងរៀបចំ និងទីតាំងនៃទីក្រុងរណបនេះស្ថិតនៅប្របមាត់ទន្លេ ពោលគឺមានទន្លេរពីអមសងខាង ដែលផ្តល់នូវបរិយាកាសល្អ និងខ្យល់អាកាសបរិសុទ្ឋ។លោកបន្តថា “រហូតមកទល់ពេលនេះ ក្រោយពេលបញ្ចប់ការកាត់ដីជូនប្រជាពលរដ្ឋ ទំហំទីក្រុងនេះនៅសល់ជាង១០០ហិកតាប៉ុណ្ណោះ។

ទីក្រុងរណបជ្រោយចង្វារដើមឡើយ គ្រោងចំណាយទុនវិនិយោគ១៦០០លានដុល្លារ ប៉ុន្តែទំហំនៃការចំណាយនេះ បានកើនដល់ប្រមាណ៣០០០លានដុល្លារ។

បច្ចុប្បន្នស្ពានយោងដោយខ្សែកាប កំពុងសាងសង់ភ្ជាប់ពីផ្លូវផ្លូវជាតិលេខ៥ ម្តុំអតីតឃ្លាំងសាំងក្រុមហ៊ុនសូគីម៉ិចទៅកាន់គម្រោងនេះ រួមនឹងហេដ្ឋារចនាសម្ព័ន្ឋជាច្រើនទៀតកំពុងរៀបចំ។

អគ្គនាយកនិងស្ថាបនិកក្រុមហ៊ុន Key Real Estate លោកសន សៀបបានថ្លែងថា ទីក្រុងរណបជ្រោយចង្វារជាទីក្រុង ដែលមានភាពអំណោយផលបំផុត ដោយសារវាស្ថិតនៅជាប់នឹងកណ្តាលក្រុងភ្នំពេញ និងជាទីតាំងដែលមានលក្ខខ័ណ្ឌអាកាសធាតុល្អបំផុត ព្រោះមានទន្លេរពីអមសងខាង និងមានហេដ្ឋារចនាសម្ព័ន្ឋជាច្រើនភ្ជាប់ទៅតំបន់នេះ ដូចជាស្ពានជ្រោយចង្វារទី២បានបញ្ចប់ ការសាងសង់ស្ពានថ្មីរបស់ក្រុមហ៊ុន OCIC ជាដើម។

លោកបន្តថា “ទីក្រុងនេះនឹងក្លាយជាផ្នែកមួយដ៏សំខាន់ នៃការផ្តល់ការលើកកំពស់មុខមាត់ក្រុងភ្នំពេញ និងជំរុញកំនើ់នសេដ្ឋកិច្ច ក៏ដូចជាលើកកំពស់សោភ័ណភាពរបស់ទីក្រុងនេះ។លោកបន្តថា “ខ្ញុំជឿថាគម្រោងនេះនឹងទទួលបានជោគជ័យ ដោយសារលក្ខខ័ណ្ឌភូមិសាស្ត្រ ភាពទុនចិត្តនៃម្ចាស់គំរោង និងកំនើនសេដ្ឋកិច្ចរបស់កម្ពុជា ដែលធ្វើឲ្យប្រាក់ចំណូលប្រជាពលរដ្ឋបន្តកើនឡើង”៕

តោះទៅស្វែងយល់ពី Trump Tower របស់ប្រធានាធិបតីសហរដ្ឋអាមេរិកទី៤៥ Donald Trump

ដោយ៖ បុរស វុត្ថា

ភ្នំពេញ៖ ការជាប់ឆ្នោតដ៏ចម្រូងចម្រាសលោកប្រធានាធិបតីសហរដ្ឋអាមេរិកDonald J Trumpបានបញ្ចប់ហើយ ប៉ុន្តែពេលនេះយើងមកចាប់អារម្មណ៍ ពីមជ្ឈមណ្ឌលពាណិជ្ជកម្មរបស់ប្រធានាធិបតីរូបនេះតែម្តងគឺ TRUMP TOWER។

មុនក្លាយជាប្រធានាធិបតី លោក TRUMP ជាអ្នកជំនួញដ៏ល្បីល្បាញលើការអភិវឌ្ឍន៍អចលនទ្រព្យ និងជាមហាសេដ្ឋីដែលមនលុយច្រើនម្នាក់ក្នុងសហរដ្ឋអាមេរិក ។ គេហទំព័រ Propertyarea.asia សូមណែនាំអោយលោកអ្នកស្វែងយល់ខ្លះពីអគារ Trump Tower ដែលកសាងឡើងដោយលោក ប្រធានធិបតីអាមេរិករូបនេះ។

អគារ Trump Tower មាន៥៨ ជាន់ និងកម្ពស់២០២ម៉ែត្រ ដែលមានទីតាំងស្ថិតក្នុងទីក្រុង Midtown Manhattanនៃបុរីញូវយ៉ក។ វាជាអគារលំនៅដ្ឋានខ្ពស់ជាងគេមួយនៅលើពិភពលោក ដែលស្ថិតនៅជិតទីស្នាក់ការកណ្តាលរបស់អង្គការសហប្រជាជាតិ (The United Nations Headquarters)។ អគារ Trump Tower ជាការិយាល័យកណ្តាលរបស់ស្ថាប័នត្រាំ(The Trump Organization)។

លើសពីនេះទៅទៀតអគារនេះ មានទីលំនៅផ្ទះល្វែង៣៧៦បន្ទប់ផងដែរ ដែលសាងសង់ដោយ លោកប្រធានាធិបតីសហរដ្ឋអាមេរិចបច្ចុបប្បន្ន Donald J Trump ដែលជាអ្នកជំនួញដ៏ល្បីល្បាញ និងអ្នកអភិវឌ្ឍអចលនទ្រព្យនៅសហរដ្ឋអមេរិក។ សមាជិកក្រុមគ្រួសារ Trump ជាច្រើនបានរស់នៅក្នុងអាគារនេះ។

TRUMP TOWER បានចាប់ផ្តើមសាងសង់នៅឆ្នាំ ១៩៧៩ ហើយអាគារនេះរចនាឡើងដោយលោក Der Scutt, Swanke, Hayden & Connell និងចំណាយលុយដោយលោក Trump និងក្រុមហ៊ុនធានារ៉ាប់រងជីវិតសមធម៌ (Equitable Life Assurance Company) (ប្តូរឈ្មោះមក ជាក្រុមហ៊ុន AXA Equitable Life Assurance Company កាលពីអំឡុងឆ្នាំ២០០៤)។

អគារស្នាក់នៅ អាផាតមិន ការិយាល័យ និងហាងនានា នៅក្នុងអគារ Trump Tower បានដាក់អោយដំណើរការលក់ចាប់ពីខែកុម្ភៈដល់ខែវិច្ឆិកាឆ្នាំ១៩៨។ នៅពេលដាក់លក់ដំបូងមានអ្នកជួលតិចតួច ដែលមានបំណងចង់ចូលទៅធ្វើពាណិជ្ជកម្ម និងលក់ដូរនៅទីនោះ ប៉ុន្តែបន្ទប់លំនៅដ្ឋានត្រូវបានលក់អស់ក្នុងរយៈពេលប៉ុន្មានខែ ក្រោយសម្ពោធដាក់អោយដំណើរការ។ ចាប់តាំងពីឆ្នាំ២០១៦មកអាគារនេះ ត្រូវបានគេមើលឃើញពីការកើនឡើងនៃការលក់ដាច់យ៉ាងខ្លាំងដោយសារតែមានយុទ្ធនាការបោះឆ្នោតជ្រើសប្រធានាធិបតីឆ្នាំ២០១៦ និងការបោះឆ្នោតជាបន្តបន្ទាប់ទាំងយុទ្ធនាការ២០១៦ និង២០២០ របស់លោកត្រាំ។

Trump Tower មិនត្រឹមតែជាអាគារមួយក្នុងចំណោមអគារខ្ពស់ៗ ដ៏ល្បីល្បាញបំផុតរបស់បុរីញូវយ៉កនោះទេ ប៉ុន្តែជាកំពូលនៃអាគារដែលមានគុណភាព និងស្មុគស្មាញ។ មជ្ឈមណ្ឌលពាណិជ្ជកម្មTRUM TOWER នេះត្រូវបានសហព័ន្ធអចលនទ្រព្យអន្តរជាតិ (International Real Estate Federation) ទទួលស្គាល់ថាជា “គម្រោងលំនៅដ្ឋានល្អបំផុតនៅលើពិភពលោក” “Best Residential Project in the World” កេរ្តិ៍ឈ្មោះផ្នែកខាងក្រៅរបស់ Trump World Tower គឺមានលើសពីការរចនាខាងក្នុង៕

កម្ពុជាទទួលបានចំណូល ២៧លានដុល្លារពីវិស័យអាកាសចរណ៍

ដោយ៖ ដែន ចែងចាំង

ភ្នំពេញ៖ ស្របពេលដែលវិស័យអាកាសចរណ៍ កាន់តែមានភាពរីកចម្រើន កម្ពុជាទទួលបានចំណូល២៧លានដុល្លារពីវិស័យនេះ ក្នុងរយៈពេល៩ខែដើមឆ្នាំ២០១៧នេះ។

លោកម៉ៅ ហាវណ្ណាល់រដ្ឋលេខាធិការនៃរដ្ឋលេខាធិការដ្ឋានអាកាសចរណ៍ ស៊ីវិលបានថ្លែងឲ្យដឹងកាលពីម្សិលម៉ិញនេះថា ឆ្នាំ២០១៦កន្លងមកកម្ពុជាទទួលបានចំណូលពីវិស័យអាកាសចរណ៍ចំនួន៣០,៥លានដុល្លារអាមេរិក ហើយក្នុង រយៈពេល៩ខែ ឆ្នាំនេះកម្ពុជាទទួលបានចំណូល២៧លានដុល្លារ និងរំពឹងកើនដល់៣០,៧លានដុល្លាររហូតដល់ដំណាច់ឆ្នាំនេះ។ លោកបន្តថា បច្ចុប្បន្នកម្ពុជាមានក្រុមហ៊ុនអាកាសចរណ៍ជាតិ អន្តរជាតិកំពុងប្រតិបត្តិការហោះហើរចំនួន៤៤ក្រុមហ៊ុន ក្នុងនោះក្រុមហ៊ុនជាតិមានចំនួន៧ និងក្រុមហ៊ុនអាកាសចរណ៍អន្តរជាតិមានចំនួន៣។

លោកបន្តថា “វិស័យនេះកំពុងមានការរីកចម្រើន ដោយសារកំនើនភ្ញៀវធ្វើដំណើរតាមផ្លូវអាកាសចបានកើនឡើងជាបន្តបន្ទាប់ ហើយប្រតិបត្តិការហោះហើរក៏កើនឡើងយ៉ាងគំហុក។

លោកម៉ៅ ហាវណ្ណាល់បានបន្តថា បច្ចុប្បន្នព្រលានយន្តហោះអន្តរជាតិភ្នំពេញមានអាកាសចរណ៍ហោះហើរឡើងចុះចំនួន២២០ នៅព្រលានយន្តហោះ អន្តរជាតិខេត្តសៀមរាបមានចំនួន២១៩ និងនៅព្រលានយន្តហោះអន្តរជាតិកងកេងខេត្តព្រះសីហនុ មានអាកាសចរណ៍ហោះហើរឡើងចុះ២៤លើកក្នុងមួយថ្ងៃ៕

ក្រុងភ្នំពេញនឹងសាងសង់ផ្លូវក្រោមដីមួយទៀតដើម្បីរំដោះបញ្ហាចរាចរណ៍

ភ្នំពេញ៖ ក្រុងភ្នំពេញនឹងមានផ្លូវក្រោមដីមួយទៀត ដែលនឹងចាប់ផ្តើមសាងសង់នៅឆ្នាំ២០១៨ខាងមុខនេះ ដើម្បីដោះស្រាយបញ្ហាកកស្ទះចរាចរណ៍នៅតំបន់នោះ ដែលតែងតែកើតមានជារៀងរាល់ថ្ងៃ។

អភិបាលរាជធានីភ្នំពេញ ឯកឧត្តម ឃួង ស្រេង បានមានប្រសាសន៍ឲ្យដឹងនាព្រឹកថ្ងៃទី៨ វិច្ឆិកានេះថា សាលារាជធានីភ្នំពេញ នឹងសាងសង់ស្ពានអាកាសថ្មីមួយខ្សែ និងធ្វើផ្លូវក្រោមដីមួយខ្សែទៀតនៅតំបន់ចំណុចប្រសព្វរង្វង់មូលចោម ចៅ ដែលកំពុងមានបញ្ហាកកស្ទះចរាចរណ៍ជារៀងរាល់ថ្ងៃ។ គំរោងនេះគ្រោងនឹងសាងសង់នៅដើមឆ្នាំ២០១៨ ឆាប់ៗខាងមុខនេះ

លោក ទូច សំណាង អគ្គនាយករងក្រុមហ៊ុន OCIC បានថ្លែងថា ប្លង់ស្ពាននិងផ្លូវក្រោមដីនេះ នឹងបញ្ចប់នៅរយៈពេល២ខែខាងមុខនេះ ហើយគម្រោងនេះមាន ភាពដូចគ្នា នឹងស្ពានអាកាសនៅស្ទឹងមានជ័យ និងគ្រោងចំណាយទឹកប្រាក់សាងសង់ប្រមាណ២៤លានដុល្លារអាមេរិក។ ថវិកាសម្រាប់គំរោងនេះ ជាថវិការបស់រដ្ឋាភិបាលបានមកពីការជួលដី ទីក្រុងរណបជ្រោយសង្វាររបស់ OCIC។

លោកបន្តថា “គំរោងនេះគ្រោងបញ្ចប់ក្នុងរយៈពេលប្រមាណ២៤ខែ ហើយពេលស្ពាននិងផ្លូវនេះបញ្ចប់ការសាងសង់ គម្រោងនេះនឹងជួយសម្រួលបញ្ហាចរាចរណ៍នៅតំបន់នេះ។

ជាមួយដំណឹងនៃការសាងសង់ផ្លូវក្រោមដី និងស្ពានអាកាសថ្មីនេះ លោក ឈុនហ៊ាត ពលរដ្ឋរស់នៅក្នុងបូរីពិភពថ្មីកំបូល ក្នុងខណ្ឌពោធិសែនជ័យ បានសម្តែងការត្រេកអរដោយសង្ឃឹមថា ក្រោយពេលស្ពានក៍ដូចជាផ្លូវក្រោមដីបានសាង់សង់ចប់រួចរាល់នោះ នឹងអាចបញ្ចៀសការកកស្ទះ ហើយនឹងអាចធ្វើដំណើរបានលឿនមិនខាតពេលវេលាធ្វើការដូចបច្ចុប្បន្ននេទេ៕

តើអាគារពាណិជ្ជកម្មធំជាងគេនៅអាស៊ានកំពុងប្រែប្រួលដូចម្តេច?

សេដ្ឋ វិទូ

ភ្នំពេញ៖ ជាមួយនឹងការទន្ទឹងរង់ចាំ ការសាងសង់មជ្ឈមណ្ឌលពាណិជ្ជកម្មភ្លោះធំជាងគេនៅអាស៊ាន THAI BUNRONG TWEEN TOWER ដែលមានកំពស់៥៥០ម៉ែត្រ អ្នកឌីសាញអាគារនេះបានប្រាប់ថា អាគារដ៏អស្ចារ្យនេះកំពុងស្ថិតក្នុងដំណាក់កាលឌីសាញឡើងវិញ។

គេហទំព័រ Propertyarea.asia សូមបង្ហាញនូវសកម្មភាពខ្លះៗនៃការឌីសាញ និងរូបរាងអាគារនេះនាពេលអនាគត ដែលបាននិងកំពុងធ្វើឡើងយ៉ាងសកម្មដោយក្រុមវិស្វករ ស្ថាបត្យករជំនាញជាតិ និងអន្តរជាតិនានា។

លោកសាស្ត្រាចារ្យទួស សាភឿនស្ថាបត្យករចូលរួមឌីសាញគំរោងនេះបានថ្លែងឲ្យដឹងកាលពីពេលថ្មីៗនេះថា មជ្ឈមណ្ឌលពាណិជ្ជកម្មភ្លោះលំដាប់អន្តរជាតិនេះ បាននិងកំពុងរៀបចំឌីសាញឡើងវិញ ដែលនឹងបញ្ចប់នាពេលខាងមុខនេះ ហើយយើងសូមបញ្ជាក់ថា ការសាងសង់អាគារនេះនឹងនៅតែបន្ត មិនបានផ្អាក និងមិនសាងសង់នោះទេ។

លោកបន្តថា “ដោយសារវាជាអាគារដ៏ខ្ពស់ ហេតុនេះការសាងសង់អាគារនេះទាមទារឲ្យក្រុមវិស្វករ និងស្ថាបត្យករជំនាញជាតិ និងអន្តរជាតិយកចិត្តទុកឲ្យបានម៉ត់ចត់បំផុត ដើម្បីធានាបាននូវសោភ័ណភាព គុណភាព និងសុវត្ថិភាពជាចម្បងសម្រាប់ការរស់នៅ។

លោកសាស្ត្រាចារ្យទួស សាភឿនបានថ្លែងថា មជ្ឈមណ្ឌលពាណិជ្ជកម្មធំជាងគេនៅអាស៊ាននេះ គ្រោងចំណាយទុន៥០០០លានដុល្លារអាមេរិក ក្នុងនោះ២១០០លានដុល្លារសម្រាប់ចំណាយលើសំណង់ និង៣០០០លានដុល្លារសម្រាប់ចំណាយធ្វើយ៉ាងណាឲ្យអាគារនេះមានសកម្មភាពរសរវើក។

លោកបន្តថា “នៅពេលសាងសង់ចប់ វានឹងក្លាយជានិម្មិតរូបមួយតំណាងឲ្យភាពរីកចម្រើនរបស់កម្ពុជា ក៏ដូចជាអាចទាក់ទាញក្រុមហ៊ុនធំៗលំដាប់ពិភពលោក មកដាក់ការិយាល័យកណ្តាលនៅទីក្រុងភ្នំពេញកាន់តែច្រើន ដោយសារបច្ចុប្បន្ននេះកម្ពុជាមិនទាន់មានការិយាល័យ កន្លែងស្នាក់នៅលំដាប់អន្តរជាតិនៅ ឡើយទេ។

តាមគំរោងមជ្ឈមណ្ឌលពាណិជ្ជកម្មនេះ គ្រោងសាងសង់នៅខែសីហា ឆ្នាំនេះ ប៉ុន្តែគម្រោងនេះត្រូវពន្យាពេលសាងសង់ ដោយសារទេសរដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់លោកជា សុផារ៉ាបានស្នើឲ្យបង្ខិតទីតាំងអាគារនេះចូលទៅក្នុង និងការរៀបចំឌីសាញអាគារនេះឡើងវិញ ដើម្បីឲ្យកាន់តែមានភាពទាក់ទាញ។

មជ្ឈមណ្ឌលពាណិជ្ជកម្មដ៏ធំនេះ នឹងសាងសង់ និងគ្រប់គ្រងការសាងសង់ដោយក្រុមហ៊ុនសំណង់ Hsin Chong Construction Group Ltd និងសហការវិនិយោគរវាងក្រុមហ៊ុន Thai Boon Rong Group និងក្រុមហ៊ុនអភិវឌ្ឍអចលនទ្រព្យនៅទីក្រុងម៉ាកាវ Sun Kian Ip Group។

មជ្ឈមណ្ឌលពាណិជ្ជកម្មថៃ ប៊ុនរ៉ុង នឹងប្រើប្រាស់ជាអាគារការិយាល័យ អាផាតម៉ិន ខុនដូលំដាប់ពិភពលោក សណ្ឋាគារកម្រិតផ្កាយ៦ មជ្ឈមណ្ឌលលក់ទំនិញ សេវាកម្មកំសាន្ត និងមានកន្លែងឡើងគយគន់ទេសភាពក្រុងភ្នំពេញផងដែរ៕

មួយថ្ងៃមានយន្តហោះឡើងចុះចំនួន៤៦៣លើកនៅកម្ពុជា

ដោយ៖ គង់ សូរិយា

ភ្នំពេញ៖ វិស័យអាកាសចរណ៍កម្ពុជា កាន់តែមានការធ្វើពិពិធកម្មទីផ្សារហោះហើរ ដោយបច្ចុប្បន្ននេះមានយន្តហោះឡើងចុះចំនួន៤៦៣លើកនៅតាមព្រលានយន្តហោះអន្តរជាតិទាំងបីនៅកម្ពុជា។

រដ្ឋលេខាធិការនៃរដ្ឋលេខាធិការដ្ឋានអាកាសចរណ៍ស៊ីវិលលោកមៅ ហាវណ្ណាល់បានថ្លែងឲ្យដឹងនាព្រឹកថ្ងៃទី៨ វិច្ឆិកានេះថា បច្ចុប្បន្នវិស័យអាកាសចរណ៍កម្ពុជាកាន់តែមានភាពរីកចម្រើន ដោយបច្ចុប្បន្ននេះក្នុងមួយថ្ងៃមានយន្តហោះឡើងចុះសរុប២២០លើក នៅព្រលានយន្តហោះអន្តរជាតិភ្នំពេញ ព្រលានយន្តហោះអន្តរជាតិខេត្តសៀមរាប មានយន្តហោះចុះឡើងចំនួន២១៩លើក និងព្រលានយន្តហោះកងកេង ខេត្តព្រះសីហនុមានយន្តហោះឡើងចុះសរុបចំនួន២៤លើកក្នុងមួយថ្ងៃ។

លោកបន្តថា “ព្រលានយន្តហោះខេត្តព្រះសីហនុ កាលពីឆ្នាំ២០១៦នេះមិនសូវមានសកម្មភាពនោះទេ ប៉ុន្តែចាប់តាំងពីដើមឆ្នាំនេះមក ព្រលាននេះកាន់តែសកម្ម ហើយខ្ញុំសង្ឃឹមថាព្រលាននេះនឹងមានក្រុមហ៊ុនអាកាសចរណ៍ថ្មីៗជាច្រើនទៀតនឹងហោះត្រង់មកកាន់ព្រលានយន្តហោះនេះ។

បច្ចុប្បន្ននេះក្រុមហ៊ុនអាកាសចរណ៍ ដែលប្រតិបត្តិការហោះហើរមកកម្ពុជា មានចំនួន៧ជាក្រុមហ៊ុនអាកាសចរណ៍ជាតិ និង៣៧ក្រុមហ៊ុនជាក្រុមហ៊ុនអាកាសចរណ៍អន្តរជាតិ។

លោកម៉ៅ ហាវណ្ណាល់បានបន្តថា ចំនួនភ្ញៀវជាតិ និងអន្តរជាតិបាននិងកំពុងកើនឡើងជាប្រចាំ ហេតុនេះពាក្យចចាមអារ៉ាមលើកឡើងពីបញ្ហានយោបាយប៉ះពាល់ដល់វិស័យនេះមិនពិតនោះទេ ព្រោះយើងឃើញតួលេខកើនឡើងជាប់ជាប្រចាំចាប់តាំងពីដើមឆ្នាំនេះ។លោកបន្តថា វិស័យនេះបានជួយច្រើនដល់ប្រជាពលរដ្ឋទាំងផ្ទាល់ និងប្រយោល ដោយការសិក្សាបានបង្ហាញថា អ្នកធ្វើដំនើរក្នុងវិស័យនេះ បានជួយដល់ការងារមនុស្សបីនាក់ដោយប្រយោល។

ទីប្រឹក្សាសមាគមទីភ្នាក់ងារទេសចរណ៍កម្ពុជា លោកហូ វណ្ឌីបានលើកឡើងថា វិស័យអាកាសចរណ៍នៅកម្ពុជាកាន់តែមានភាពរីកចម្រើន ដោយសារការមកដល់របស់ក្រុមហ៊ុនអាកាសចរណ៍នានាកាន់តែច្រើន តាមរយៈគោលនយោបាយបើកចំហជើងមេឃដ៏ជោគជ័យរបស់រដ្ឋាភិបាល ដែលធ្វើឲ្យមានកំនើនភ្ញៀវទេសចរណ៍ លំហូរពាណិជ្ជកម្ម និងការវិនិយោគដោយផ្ទាល់មកកាន់កម្ពុជា។

លោកបន្តថា “វិស័យនេះមានសារៈសំខាន់ណាស់ ក្នុងការទ្រទ្រង់សេដ្ឋកិច្ចជាតិ តាមរយៈការភ្ជាប់កម្ពុជាទៅកាន់ពិភពលោក និងនាំមកនូវកំណើនភ្ញៀវអន្តរជាតិ និងការវិនិយោគ”៕

បញ្ញវ័ន្តជាង៥០០នាក់ពីជុំវិញពិភពលោកនឹងចូលរួមអភិវឌ្ឍន៍កម្ពុជា

ដោយ៖ សេដ្ឋ វិទូ

ភ្នំពេញ៖ បញ្ញវ័ន្តជាង៥០០នាក់ មកពីជុំវិញពិភពលោកនឹងមកកាន់កម្ពុជា ដើម្បីចែករំលែកបទពិសោធន៍ និងចំណេះដឹង ក្នុងការជួយអភិវឌ្ឍន៍ប្រទេសកម្ពុជាឲ្យមានការរីកចម្រើនលើវិស័យសេដ្ឋកិច្ច និងសង្គមតាមរយៈស្ថាប័នសេវាកម្មផ្នែកអប់រំអន្តរជាតិ (IDP)។

គណៈប្រតិភូចំនួនជាង៥០០រូបនោះ នឹងអញ្ជើញចូលរួមក្នុងសន្និបាតបញ្ញវ័ន្តពិភពលោកលើកទី៣ ចាប់ពីថ្ងៃទី១៧-១៨ ខែវិច្ឆិកា ឆ្នាំ២០១៧ នៅសណ្ឋាគារ សុខាភ្នំពេញ។ ព្រឹត្តិការណ៍នេះរៀបចំឡើងដោយ IDP Education ដែលជាស្ថាប័នផ្តល់សេវាកម្ម ផ្នែកការអប់រំអន្តរជាតិធំជាងគេនៅក្នុងពិភពលោក ហើយបានជ្រើសរើសប្រទេសកម្ពុជាធ្វើជាម្ចាស់ផ្ទះ ស្វាគមន៍វាគ្មិនជាជនជាតិខ្មែរ និងអន្តរជាតិជាច្រើនរូប។

នាយក IDP Education ប្រចាំប្រទេសកម្ពុជាលោក ម៉ៅស្រេងមានប្រសាសន៍ឲ្យគេហទំព័រ Propertyarea.asia ដឹងនៅល្ងាចថ្ងៃទី៧ វិច្ឆិកានេះថា“សន្និបាតបញ្ញវន្តពិភពលោក ជាការផ្តល់ឱកាសពិសេសមួយ សម្រាប់អតីតនិស្សិតជួបជុំគ្នា ចែករំលែកនូវបទពិសោធន៍នានា និងប្រើប្រាស់នូវសក្តានុពលចំណេះដឹងរបស់ពួកគេជាមួយថ្នាក់ដឹកនាំក្នុងជួររដ្ឋាភិបាលក្នុង វិស័យឧស្សហកម្ម និងសង្គមស៊ីវិល។ លោកបន្តថា សន្និបាតបញ្ញវន្តពិភពលោក ឆ្លុះបញ្ចាំងឱ្យឃើញពីឥទ្ធិពលដ៏សំខាន់ដែលអតីតនិស្សិតមានចំពោះការអភិវឌ្ឍន៍ធនធានមនុស្សរបស់ជាតិ និងការស្តែងឱ្យឃើញនូវធនធានមនុស្សទាំងនោះ នៅកម្រិតខ្ពស់បំផុតក្នុងជួររដ្ឋាភិបាល និងក្នុងវិស័យនានា។

សន្និបាតជាព្រឹត្តិការណ៏លើកទី៣ ដោយបានប្រមូលផ្តុំនិស្សិតបញ្ញវន្តដែលបានបញ្ចប់ការសិក្សានៅក្នុងប្រទេស និងមកពីប្រទេសអូស្ត្រាលី កាណាដា ណូវែលហ្សេឡង់ ចក្រភពអង់គ្លេស សហរដ្ឋអាមេរិក បារាំង រុស្សី កូរ៉េ ជប៉ុន ចិន ម៉ាឡេស៊ី សិង្ហបូរី និងប្រទេសផ្សេងៗទៀត ដែលបង្កើតជាវេទិកាជួបជុំគ្នាមួយដើម្បីចែករំលែកគំនិត និងការភ្ជាប់ទំនាក់ទំនងជាមួយអ្នកជំនាញ អ្នកដែលមានតួនាទីក្នុងការសម្រេចចិត្ត និងថ្នាក់ដឹកនាំនៅក្នុងរដ្ឋាភិបាល វិស័យឯកជន និងសង្គមស៊ីវិល។

ក្នុងឱកាសរៀបចំសន្និបាតនេះ ក៏មានការរៀបចំពិព៌ណការសិក្សានៅបរទេស និងការងារ ដែលនឹងដំណើរការស្របគ្នា ទៅនឹងសកម្មភាពដទៃទៀតដោយមានការចូលរួមពីស្ថាប័នអប់រំក្នុងស្រុក និងអន្តរជាតិដែលនឹងផ្តល់ព័ត៌មានអំពីអាហារូបករណ៍ និងឱកាសសិក្សានៅបរទេស ព្រមទាំងក្រុមហ៊ុនកំពុងស្វែងរកបុគ្គលិក។ និស្សិត ឪពុកម្តាយ និងសាធារណជនជាង៣ពាន់នាក់ នឹងចូលរួមពិព័រណ៍ពិព័រណ៍ការសិក្សានៅបរទេស និងការងារនេះដោយឥតគិតថ្លៃ៕

Cambodia Is a Smiling Land

“The Cambodian people always smile with cute eyes, this smiling has shown on every Cambodian’s natural face” it has been recorded in history since 100 years ago and started having survived heritage which cannot be invaluable.

A researcher of Cambodian civilization and cultures, Prof. Dr. Ros Chantraboth has highlighted the history and value of Khmer smiles that French intellectuals have begun to call “Cambodia is a land of smiles” since 100 years ago. After that those people came to study the sculpture culture, they found the smile of the Apsara and the smile of the god of Bayan, as well as the statue of King Jayavarman VII, a smiling expression of calm and avoid sin.

“The special features of Khmer people, before they speak out, they always smile and smiling before speak out, but the Siamese took the smile as their own, even though their airline also called Smiles, which Cambodians had to reclaim to keep from being theirs,” the professor said.

In the meaning of peace “a smiling doesn’t only worth in avoiding of anger, but also it is a cultural treasure which is invaluable”.

The Prof. Dr. Ros Chantraboth also supported this idea, he said that “a smile of Cambodian people is a cultural treasure and the potential to attract more tourists and investors and also to provide benefits for the nation”. He added “the former late king of Cambodia, Norodom Sihanouk was successful in foreign policies because of his fresh smiling, he has always been known by his good smiling”.

Another evidence, the famous historian and former advisor to the late king Norodom Sihanouk, Charles Meyer also titled his book as “Behind the Khmer Smile.” He described about the price and identity of Cambodian people in his book.

The reflection of the past and the history, as well as a long history of Cambodia, this author has identified one of the identities of the Khmer people in his book that Cambodian people have natural soft characters to welcome to all people. The legend of all Khmer is full of stories about deities who come down to experience many human kindness.

One of the most legends story has told that Preah Visnu transformed his body to be young and handsome knocking on every door in a Khmer village without anyone opening the door before he heard the attracted song from the poorest home. Within this home, there is a girl who served meals for handsome man with smiling and allow him to stay one night.

The legendary story which has never heard, and Charles Meyer retold which showed about beauty, history, and prosperity of Cambodia, especially the smiles of this nation.

In the second chapter of the book ” After the Smiling Dead”, Charles Meyer further argued that the value of nation in new century, the travelers from the West have written in their notebooks about Khmer characters very simple word ” the people who are happy and smiling, courteous, friendly, gentle and peaceful.”

At the same time, Anton Caragea, European Council on Tourism and Trade and Mircea Constantinescu, European Tourism Academy who used to travel in Cambodia by saying that “ Cambodia is 2016 World Best Destination and Favorite Cultural Destination Distinction 2016 by regarding the Cambodia is the 4^th kingdom of wonder”

In these main points, Anton Caragea has praised about the smiling and friendly of Cambodian people that “If you want to see the real smiling and friendly come to visit Cambodia”.