គំរោងអេកូទេសចរណ៍មួយនៅកម្ពុជាត្រូវបានជ្រើសេរើសដណ្ដើមពានរង្វាន់និរន្តរភាពរបស់ EXO Foundation ឆ្នាំ ២០២៤

November 25, 2024

ដោយៈ គង់ សូរិយា

មណ្ឌលគិរីៈ គម្រោងអេកូទេសចរណ៍ ចាហ៊ូ ដឹកនាំដោយសហគមន៍ជនជាតិដើមភាគតិចពូនង ក្នុងខេត្តមណ្ឌលគិរី ប្រទេសកម្ពុជា ត្រូវបានជ្រើសរើសឱ្យចូលរួម ប្រកួតប្រជែងដណ្ដើមពានរង្វាន់និរន្តរភាពរបស់ EXO Foundation ឆ្នាំ ២០២៤ ក្នុងប្រភេទ “ភពផែនដី – សហគ្រាសសង្គម និងអង្គការក្រៅរដ្ឋាភិបាល”។

ការទទួលស្គាល់នេះ ផ្តល់កិត្តិយសដល់គំនិតផ្តួចផ្តើមដែលបង្ហាញពីយុទ្ធសាស្ត្រច្នៃប្រឌិត ក្នុងការចូលរួមសហគមន៍ការគ្រប់គ្រងបរិស្ថាន និងការអនុវត្តទេសចរ ប្រកបដោយសីលធម៌។

លោកChris Iverson ទីប្រឹក្សាបច្ចេកទេសអេកូទេសចរណ៍សម្រាប់សមាគមអភិរក្សសត្វព្រៃ លើកឡើងពីសារៈសំខាន់ចំពោះការជ្រើសរើសនេះ។

លោក Iverson បានមានប្រសាសន៍ថា “គំរូនៃទេសចរណ៍ដែលជំរុញដោយសហគមន៍របស់ ចាហ៊ូ បង្ហាញថា សហគមន៍ក្នុងស្រុក និងជនជាតិដើមភាគតិច អាចការពារបរិស្ថានរបស់ពួកគេ ខណៈពេលដែលធានាបាន នូវជីវភាពរស់នៅកាន់តែធន់ អាស្រ័យលើការបន្តអភិរក្សសត្វព្រៃ និងព្រៃឈើដែលជិតផុតពូជ”។

ចាហ៊ូ គឺជាគម្រោងបំផុសគំនិតមួយ ក្នុងចំណោមគម្រោងលើកទឹកចិត្តចំនួន៥០ ដែលត្រូវបានវាយតម្លៃដោយគណកម្មការជំនាញ ដែលត្រូវបានជ្រើសរើស ក្នុងការប្រកួតប្រជែងដោយផ្អែកលើសមត្ថភាព អភិរក្សសត្វព្រៃ ប្រកបដោយការទទួលខុសត្រូវ និងបទពិសោធន៍វប្បធម៌ នៅក្នុងដែនជម្រកសត្វព្រៃកែវសីមា។

គំនិតផ្តួចផ្តើមនេះ ផ្តល់ផលវិជ្ជមានជាអតិបរមា នៅក្នុងសហគមន៍មូលដ្ឋាន ការថែរក្សាធនធានធម្មជាតិ ក៏ដូចជាលើកកម្ពស់ជីវភាពរស់នៅ។

គម្រោងទេសចរណ៍ធម្មជាតិ ដែលគ្រប់គ្រងដោយសហគមន៍នេះ បានផ្តល់សិទ្ធិអំណាច ដល់សហគមន៍ជនជាតិដើមភាគតិចពូនង នៃអណ្តូងក្រឡឹង ដើម្បីធ្វើជាដៃគូស្មើគ្នាក្នុងការគ្រប់គ្រងចាហ៊ូ។

ចាប់តាំងពីឆ្នាំ២ឥ១៣ ជំនឿប្រពៃណី និងទំនៀមទម្លាប់ត្រូវបានគោរព ខណៈដែលអ្នកស្រុកចំនួន២៤នាក់ ត្រូវបានបណ្តុះបណ្តាល និងជួលក្នុងតួនាទីបដិសណ្ឋារកិច្ច ការណែនាំ និងការស្រាវជ្រាវ។

សកម្មភាពប្រកបដោយនិរន្តរភាព

ការប្តេជ្ញាចិត្តលើគម្រោងអេកូទេសចរណ៍ “ចាហ៊ូ” ចំពោះនិរន្តរភាព ត្រូវបានបញ្ចូលក្នុងមូលនិធិ សត្វទោចរបស់ខ្លួន ដែលបានចាប់ផ្តើមនៅឆ្នាំ២០១៧។

លោក Iverson បានមានប្រសាសន៍ថា ទឹកប្រាក់ជាង៥ម៉ឺនដុល្លារ ត្រូវបានបង្កើតតាមរយៈមូលនិធិ សត្វទោច ដែល៣០ ដុល្លារពីអ្នកទស្សនាម្នាក់ៗ គាំទ្រដោយផ្ទាល់ដល់សកម្មភាពអភិរក្ស ដែលដឹកនាំដោយសហគមន៍ ពិធីវប្បធម៌ជនជាតិដើមភាគតិចពូនង និងកម្មវិធីជំនួយមនុស្សចាស់។

លោកបញ្ជាក់ថា “មូលនិធិនេះធានាថា ទេសចរណ៍ផ្តល់អត្ថប្រយោជន៍ជាក់ស្តែងដល់សហគមន៍”។

គម្រោងអេកូទេសចរណ៍ ចាហ៊ូ ការពារជម្រកសត្វត្រយ៉ងសំខាន់ៗចំនួន៧០០ហិកតា នៅក្នុងដែនជម្រកសត្វព្រៃកែវសីមា ដែលជាជម្រកនៃប្រភេទសត្វជិតផុតពូជ ដូចជា សត្វទោចថ្ពាល់លឿងជាដើម។

លោក Iverson បានបញ្ជាក់ថា “នេះមិនមែនគ្រាន់តែអំពីគម្រោងអេកូទេសចរណ៍”ចាហ៊ូ” ប៉ុណ្ណោះទេ វាជាការបង្ហាញពិភពលោក នូវអ្វីដែលអាចធ្វើទៅបាន ពេលសហគមន៍រួមគ្នាដើម្បីការពារបេតិកភណ្ឌវប្បធម៌ និងធម្មជាតិរបស់ពួកគេ។

លោកបញ្ជាក់ទៀតថា “កិច្ចសហការគឺជាគន្លឹះ ក្នុងការធ្វើឱ្យទេសចរណ៍ ប្រកបដោយនិរន្តរភាព ជាកម្លាំងដ៏មានអត្ថន័យសម្រាប់ការអភិរក្ស”។

គាំទ្រចក្ខុវិស័យរបស់សហគមន៍ “ពូនង” សម្រាប់អនាគតប្រកបដោយនិរន្តរភាព ដោយបោះឆ្នោតឱ្យចាហ៊ូ។ រាល់ការបោះឆ្នោតតំណាង ឱ្យជំហានឆ្ពោះទៅកាន់ការអភិរក្ស ទាំងបេតិកភណ្ឌវប្បធម៌ និងបរិស្ថាន។

ចុចលើតំណភ្ជាប់៖ https://forms.gle/6M5HJ14bnw4VoM9G8 ហើយជ្រើសរើស «Jahoo» បន្ទាប់មក «summit»។ បោះឆ្នោតឥឡូវនេះ! ថ្ងៃផុតកំណត់គឺថ្ងៃទី ២៥ ខែវិច្ឆិកា៕

វិភាគៈ តើអ្វីជាមូ្លហេតុធ្វើឲ្យទីក្រុងប៉ោយប៉ែតនៅតែបន្តរះឡើង ខណៈទីក្រុងដទៃស្លោកស្រពោន?

November 25, 2024

ដោយៈ គង់ សូរិយា

បន្ទាយមានជ័យៈ ការរីកចម្រើនទីក្រុងណាមួយ មិនមែនជារឿងចៃដន្យនោះទេ ប៉ុន្តែវារឹតតែគួរឲ្យចាប់អារម្មណ៍ ខណៈទីក្រុងដទៃទៀតកំពុងស្ងប់ស្ងាត់ បែរជាសម្លេងការដ្ឋានសំណង់លាន់លឺយ៉ានរន្ថើន នៅទីក្រុងប៉ោយប៉ែត នៃខេត្តបន្ទាយមានជ័យ។

ទីក្រុងតូចមួយ ដែលគេមិនសូវចាប់អារម្មណ៍អស់រយៈពេលយូរមកហើយនេះ បានជួបនូវយុគមាសរបស់ខ្លួន ជាមួយនឹងកំណើនប្រជាសាស្រ្ត យានយន្ត និងការកកស្ទះចរាចរណ៍ជាហូរហែរ។

តើហេតុអ្វីបានជាទីក្រុងប៉ោយប៉ែត នៃខេត្តបន្ទាយមានជ័យនៅតែរះឡើង? មានកត្តាសំខាន់ៗចំនួន៥ ដែលមិនគួរមើលរំលងឬបដិសេធបាន។

កំណើនប្រជាសាស្រ្ត

ដោយសារការរីកចម្រើនវិស័យសំណង់ កាស៊ីណូ សណ្ឋាគារ និងការធ្វើពាណិជ្ជកម្មជាមួយប្រទេសថៃ បានធ្វើឲ្យទីក្រុងនេះទាក់ទាញប្រជាពលរដ្ឋខ្មែរ នៅទូទាំងប្រទេស ចូលទៅរស់នៅ ធ្វើការ និងប្រកបអាជីវកម្មក្នុងទឹកដីថៃ ពិសេសផ្សារ៉ងក្លឿ ដែលមានប្រជាពលរដ្ឋខ្មែររាប់ម៉ឺននាក់ បានចូលទៅលក់ទំនិញ ធ្វើការលក់កំលាំងពលកម្ម ពិសេសប្រជាពលរដ្ឋមួយចំនួនបានស្នាក់នៅក្នុងផ្សារតែម្តង។

ជាមួយនឹងកំណើននេះ បានធ្វើឲ្យទីក្រុងប៉ោយប៉ែត ក្លាជាទីក្រុងធំមួយ ក្នុងចំណោមទីក្រុងធំៗមួយចំនួន ដែលមានមនុស្សរស់នៅ រហូតដល់ជាង២០០,០០០នាក់ និងជនបរទេសរស់នៅប្រមាណ៣០,០០០នាក់។

ច្រកព្រំដែនដែលផ្លាស់ប្តូរទំនិញធំជាងគេនៅទូទាំងប្រទេស

ច្រកព្រំដែនអន្តរជាតិប៉ោយប៉ែត បាននិងកំពុងក្លាយជាមូលដ្ឋានឬច្រកព្រំដែន ដែលមានការផ្លាស់ប្តូរទំនិញ និងលំហូរពាណិជ្ជកម្ម ទេសចរណ៍ផ្នែកផ្លូវគោកធំជាងគេនៅកម្ពុជា។

កំណើននៃប្រជាពលរដ្ឋប្រចាំថ្ងៃ បានធ្វើឲ្យទំនិញផ្លាស់ប្តូរកាន់តែច្រើន ពិសេសរបស់របរប្រើប្រាស់ ជាក់ស្តែងលំហូរទំនិញឬការផ្លាស់ប្តូរពាណិជ្ជកម្ម ជាមួយប្រទេសថៃបានកើនឡើងដល់ទំហំទឹកប្រាក់ជាបន្តបន្ទាប់។

ជាក់ស្តែងបើតាមលោកអ៊ុំ រាត្រីអភិបាលនៃគណៈអភិបាលខេត្តបន្ទាយមានជ័យ បានថ្លែងកាលពីឆ្នាំ២០២៣ថា សម្រាប់ខេត្តបន្ទាយមានជ័យ អាចចំណូលបានចន្លោះពី១ ទៅ១,៥លានដុល្លារពីការផ្លាស់ប្តូរទំនិញ ជាមួយប្រទេសថៃក្នុងមួយថ្ងៃ។

គោលនយោបាយថៃបូក១

ការរីកចម្រើននៃឧស្សាហកម្ម បាននិងកំពុងក្លាយជាផ្នែកមួយ ជម្រុញការរីកចម្រើននៅខេត្តបន្ទាយមានជ័យ ពិសេសក្រុងប៉ោយប៉ែតផងដែរ។

តំបន់សេដ្ឋកិច្ចពិសេសជាច្រើន បានទាក់ទាញរោងចក្រ សហគ្រាសមកពីប្រទេសថៃ និងបណ្តាប្រទេសនានាជាច្រើនផងដែរ ដោយសារលក្ខខ័ណ្ឌអំណោយផល នៃទីតាំងភូមិសាស្រ្ត ភាពអនុគ្រោះលើលក្ខខ័ណ្ឌប្រាក់ចំណេញ និងការរួចពន្ឋលើការនាំចេញ និងនាំចូល ព្រមទាំងកំលាំងពលកម្មមានតម្លៃទាប ធៀបជាមួយប្រទេសថៃ។

គោលនយោបាយថៃបូក១ បានលើកទឹកចិត្តដល់ម្ចាស់រោងចក្រ សហគ្រាសនានា ដែលត្រូវការទីតាំងអំណោយផល កំលាំងពលកម្មតម្លៃទាប និងភាពអនុគ្រោះច្រើន ចូលមកវិនិយោគនៅកម្ពុជា និងនាំចេញទៅកាន់ទីផ្សារប្រទេសថៃផង នាំចេញទៅកាន់ទីផ្សារប្រទេសជាច្រើនទៀត ដូចជា ប្រទេសសមាជិកក្រុមប្រទេស ភាពជាដៃគូគ្រប់ជ្រុងជ្រោយតំបន់(RCEP) ការអនុគ្រោះពន្ឋ ពីកិច្ចព្រមព្រៀងពាណិជ្ជកម្មសេរីកម្ពុជា ចិន កម្ពុជា កូរ៉េ កម្ពុជា អារ៉ាប់អេមីរ៉ាតជាដើម។

ការរីកចម្រើនវិស័យសំណង់ និងអចលនទ្រព្យ

បើគិតមកដល់ចុងឆ្នាំ២០២៤នេះ ក្រុងប៉ោយប៉ែតបានក្លាយជាទីក្រុងធំទី៣ ដែលមានអាគារកំពស់កប់ពពកច្រើនជាងគេបន្ទាប់ពីរាជធានីភ្នំពេញ និងខេត្តព្រះសីហនុ។

ជាក់ស្តែងយោងតាមរបាយការណ៍ របស់ក្រសួងរៀបចំដែនដី នគរូបនីយកម្ម និងសំណង់បានបង្ហាញថា គិតមកទល់ពេលនេះ ខេត្តបន្ទាយមានជ័យ សំដៅដល់ទីក្រុងប៉ោយប៉ែត និងទីក្រុងរបស់ទីរួមខេត្តនេះ មានសំណង់ចាប់ពីកំពស់៥ជាន់ ដល់ជាង៣០ជាន់ចំនួន២៤៩អគារ។

ចំនួននេះ មិនទាន់រាប់បញ្ចូលអាគារកាស៊ីណូ អាគារពាណិជ្ជកម្ម អាគារលំនៅដ្ឋាន និងសណ្ឋាគារ ដែលបាននិងកំពុងសាងសង់ទាំងយប់ទាំងថ្ងៃនៅឡើយទេ។

បច្ចុប្បន្នទីក្រុងនេះ មានកាស៊ីណូតូចធំសរុបចំនួន២០ និងកំពុងមានការកើនឡើងបន្ថែមទៀត នៅឆ្នាំ២០២៥ខាងមុខនេះ ជាមួយនឹងវត្តមាន សណ្ឋាគារអន្តរជាតិលំដាប់ផ្កាយ៥ និងវត្តមានហាង ផ្សាររាត្រី ភោជនីយដ្ឋានល្បីៗជាច្រើនទៀត។

កំណើននការរីកចម្រើនវិស័យសំណង់ បាននិងកំពុងទាក់ទាញអ្នកវិនិយោគជាតិ អន្តរជាតិ កាន់តែច្រើនមកកាន់ទីក្រុងនេះ ពិសេសលំហូរប្រជាពលរដ្ឋ មករស់នៅទីក្រុងនេះ អាចកើនដល់៣០០,០០០នាក់នៅឆ្នាំ២០៣០ខាងមុខ ដែលទាមទារឲ្យរដ្ឋាភិបាលគិតគូរពីបញ្ហាប្រឈមចំនួន៣ ដែលកំពុងជាប់គាំងនៅទីក្រុងនេះ ដូចជា បញ្ហាទឹកស្អាត បញ្ហាថាមពលអគ្គិសនី និងបញ្ហាផ្លូវក្នុងទីក្រុងនេះ ដែលត្រូវការពង្រីក និងកែលំអរបន្ថែមទៀត៕

វិភាគដោយលោកយិន លាងគង់សហស្ថាបនិកអគ្គនាយ ក គេហទំព័រPropertyarea.asia &Cambodiafinancialtimes.com៕

រដ្ឋាភិបាលកម្ពុជាសិក្សារៀបចំអភិវឌ្ឍខេត្តតំបន់K4ទៅជារបៀងសេដ្ឋកិច្ចពហុបំណង និងប្រទាក់ក្រឡា

November 25, 2024

ដោយៈ គង់ សូរិយា

នារតីៈ ខេត្តជាប់មាត់សមុទ្រទាំង៤ របស់កម្ពុជាត្រូវបានរាជរដ្ឋាភិបាលកម្ពុជាសិក្សារៀបចំអភិវឌ្ឍទៅជារបៀងសេដ្ឋកិច្ចពហុបំណង និងប្រទាក់ក្រឡា។

ពាក្យតំបន់K4 ត្រូវបានហៅដោយក្រុមប្រតិបត្តិករទេសចរណ៍នានា ដែលសំដៅដល់ខេត្ត កំពង់សោម កំពត កែប និងខេត្តកោះកុង ដែលផ្តើមដោយអក្សរK។

ផែនការនេះ ត្រូវបានដឹកនាំដោយក្រសួងសេដ្ឋកិច្ច និងហិរញ្ញវត្ថុ និងបានបើកកិច្ចប្រជុំកាលពីសប្តាហ៍មុន ក្រោមអធិបតីភាព លោកផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ។

លោក ឡុង ឌីម៉ង់ អភិបាលរងខេត្ត បានតំណាងរដ្ឋបាលខេត្តព្រះសីហនុ បានចូលរួមក្នុងកិច្ចប្រជុំនេះ និងមានការចូលរួមពីតំណាងមន្ទីរសំខាន់ៗ របស់ខេត្តជាប់ឆ្នេរសមុទ្រទាំងបួនរួមមាន៖ ព្រះសីហនុ, កំពត, កោះកុង, និង កែប។

គោលបំណងសំខាន់ នៃកិច្ចប្រជុំនេះដើម្បីពិនិត្យ និងផ្តល់មតិយោបល់ លើខ្លឹមសារនៃសេចក្តីព្រាងរបាយការណ៍ផែនការមេអភិវឌ្ឍន៍ ខេត្តជាប់ឆ្នេរសមុទ្រកម្ពុជា ជារបៀងសេដ្ឋកិច្ចពហុបំណង និងប្រទាក់ក្រឡា ជាភាសាខ្មែរ និងការរៀបចំតួនាទី និងភារកិច្ចរបស់រដ្ឋបាល គ្រប់គ្រងតំបន់សេដ្ឋកិច្ចពិសេសពហុបំណង(រ.ត.ព.ឆ.) ដើម្បីសម្រេចឱ្យបាននូវភាព គ្រប់ជ្រុងជ្រោយ និងមានសង្គតិភាពខ្ពស់។

អង្គប្រជុំបានពិភាក្សា និងផ្តល់មតិលើខ្លឹមសារសំខាន់ៗ ក្នុងន័យបំពេញបន្ថែម លើផ្នែកទិន្នន័យពាក់ព័ន្ធ និងទិសដៅអភិវឌ្ឍន៍ ឱ្យមានភាពបន្ស៊ីគ្នាកាន់តែខ្លាំង ទាំងកម្រិតគោលនយោបាយជាតិ និងការអភិវឌ្ឍថ្នាក់ក្រោមជាតិ។ ក្រុមការងារលេខាធិការដ្ឋាន ក.ប.ព.ឆ. នឹងបូកសរុបមតិយោបល់ទាំងនេះ និងកែសម្រួលរបាយការណ៍ ដើម្បីដាក់ជូនគណៈកម្មការអន្តរក្រសួងសម្របសម្រួលផែនការមេ ដើម្បីពិនិត្យ និងផ្ដល់មតិយោបល់បន្ថែម មុននឹងដាក់ជូនរាជរដ្ឋាភិបាលអនុម័តនាពេលឆាប់ៗខាងមុខ៕

Could Biden’s Ukraine Missile Move Trigger World War III? Experts’ Verdicts

November 23, 2024

Arecent shift in U.S. policy has sparked intense debate, as President Joe Biden authorized Ukraine to deploy American long-range missiles, including the Army Tactical Missile Systems (ATACMS), against targets inside Russia.

Michael C. Desch, Packey J. Dee Professor of International Relations, University of Notre Dame
I think President Biden’s decision to sanction Ukrainian use of U.S. weapons, capable of hitting targets deep in old Russia, is both dangerous and pointless.

It is dangerous because I believe that to use deep strike systems like ATACMS may require direct U.S./NATO involvement, primarily in targeting.

I doubt it will lead to WWIII, but it will further escalate a bloody and dangerous war that should have never happened, and should have been shut down long ago. It likely has already escalated the scope of the conflict—the Houthis, for example, seem to have acquired some advanced weaponry that likely came from Russia.

Robert Romanchuk, Ukrainian Studies Fund Research Fellow, Harvard Ukrainian Research Institute
Americans may not have noticed—nor, shockingly, have many Europeans—that World War III has already begun. On one side are Russia, China, Iran, and North Korea. The Russian war in Ukraine is being fought with Chinese support for Russian industry, Iranian drones, and North Korean ammunition and missiles, which kill Ukrainian civilians every night, and now North Korean troops.

Richard K. Betts, International Relations Scholar, U.S. Foreign Policy. Author of ‘American Force’
At this point, the risk of major Russian escalation in response to ATACMS is low since Putin now has a natural incentive to wait a couple of months until Trump takes office and reverses U.S. policy on Ukraine.

Professor Lubomyr Luciuk, Department of Political Science and Economics, Ukrainian History, Royal Military College of Canada
Providing Ukraine with all the weapons needed to defeat the Russians will de-escalate this conflict and prevent a world war. Not doing so will yield the field to “powers and principalities” seeking to undermine the rules-based international order and exacerbate worldwide geopolitical instability. Ensuring Ukraine’s victory is the antidote to Russia’s predatory and rapacious behavior.

Dani Belo, PhD, Security and International Relations Director, Global Policy Horizons Research Lab
Ukraine’s ability to now strike into Russian territory indeed has the potential to escalate the war with Russia. However, the election of Donald Trump will likely dampen the escalation.

There is currently an anticipation that Donald Trump’s administration may cut military hardware supplies to Ukraine and put political pressure on Kyiv to end the conflict. This means Ukraine does not have a strong incentive to escalate now, only to lose its fighting ability within a few months.

From Russia’s perspective, there is also currently no incentive for escalation. Moscow believes that Trump’s administration will attempt to end the war quickly, so the Kremlin is likely to adopt a ‘wait and see’ approach until the new presidential administration enters the white house without substantial escalation. This means any escalation is likely to be restrained.

Source: Newsweek

តើអាផាតមុិននៅចំកណ្តាលទីក្រុងគូឡាឡាំពួរមានតម្លៃប៉ុន្មានក្នុងមួយយូនីត?

November 23, 2024

ដោយ: គង់ លាងហួរ
អន្តរជាតិ: យោងតាមក្រុមហ៊ុនប្រឹក្សាអចលនទ្រព្យសកល JLL បានឱ្យដឹងថា តម្លៃផ្ទះនៅតំបន់ Greater Kuala Lumpur ក្នុងប្រទេសម៉ាឡេសុី ត្រូវបានរំពឹងថា នឹងកើនឡើងរហូតដល់ដំណាច់ចុងឆ្នាំ២០២៤នេះ។

ដោយឡែក នៅក្នុងត្រីមាសទី៣ ឆ្នាំ២០២៤ អត្រាផលចំណេញត្រឡប់មកវិញពីការជួលអាផាតមុិនសរុបជាមធ្យមក្នុងប្រទេសម៉ាឡេស៊ីស្ថិតក្នុងរង្វង់៥,២៤ភាគរយ។

ចំណែក តម្លៃអាផាតមុិននៅចំកណ្តាលទីក្រុងគូឡាឡាំពួរ ដែលជាមជ្ឈមណ្ឌលសេដ្ឋកិច្ចរបស់ម៉ាឡេសុីមានតម្លៃខុសៗគ្នាអាស្រ័យលើទំហំយូនីត។

តួយ៉ាង អាផាតមុិនដែលមានបន្ទប់គេងចំនួន១នៅចំកណ្តាលទីក្រុងគូឡាឡាំពួរមានតម្លៃលក់ជាមធ្យមចំនួន២៥២.៨៣៩ដុល្លារក្នុងមួយយូនីត ខណៈតម្លៃជួលមានទំហំទឹកប្រាក់ចំនួន៧២៩ដុល្លារក្នុងមួយខែ។នេះបើយោងតាមវេបសាយអចលនទ្រព្យ Global Property Guide។

ជាមួយគ្នានេះ អាផាតមុិនដែលមានបន្ទប់គេងចំនួន២នៅចំកណ្តាលទីក្រុងគូឡាឡាំពួរមានតម្លៃលក់ជាមធ្យមចំនួន៣១៧.១២០ដុល្លារក្នុងមួយយូនីត ខណៈតម្លៃជួលមានទំហំទឹកប្រាក់ចំនួន៩៨៦ដុល្លារក្នុងមួយខែ។

ចំណែក អាផាតមុិនដែលមានបន្ទប់គេងចំនួន៣ មានតម្លៃលក់ជាមធ្យមចំនួន៤០២.៨២៩ដុល្លារក្នុងមួយយូនីត ខណៈតម្លៃជួលមានទំហំទឹកប្រាក់ចំនួន១.២៨៦ដុល្លារក្នុងមួយខែ។

រីឯ អាផាតមុិនដែលមានបន្ទប់គេងចំនួន៤ មានតម្លៃលក់ជាមធ្យមចំនួន៧៤៦.០៩០ដុល្លារក្នុងមួយយូនីត ខណៈតម្លៃជួលមានទំហំទឹកប្រាក់ចំនួន២.៥៧១ដុល្លារក្នុងមួយខែ៕ប្រភព: Global Property Guide៕

ក្រុមហ៊ុនរដ្ឋចិនប្រកាសបោះទុនសាងសង់គម្រោងអាផាតមុិនខ្នាតយក្សមួយនៅក្រៅប្រទេស

November 23, 2024

ដោយ: គង់ លាងហួរ
ប៉េកាំង: ក្រុមហ៊ុនអភិវឌ្ឍន៍អចលនទ្រព្យដ៏ធំបំផុតមួយរបស់រដ្ឋាភិបាលចិនកំពុងសហការជាមួយក្រុមហ៊ុននៅប្រទេសអារ៉ាប៊ីសាអូឌីត ដើម្បីចាប់ផ្តើមសាងសង់គម្រោងលំនៅដ្ឋានខ្នាតយក្សមួយនៅក្នុងទីក្រុងរីយ៉ាដ ស្របពេលទីផ្សារអចលនទ្រព្យក្នុងស្រុកបន្តធ្លាក់ចុះ។

ក្រុមហ៊ុនរដ្ឋចិន Citic Construction បានប្រកាសពីគម្រោង Tilal Khuzam ដែលមានទីតាំងនៅជិតអាកាសយានដ្ឋានអន្តរជាតិ King Khalid ដោយសហការជាមួយនឹងក្រុមហ៊ុនលំនៅដ្ឋានជាតិអារ៉ាប៊ីសាអូឌីត (NHC) និងក្រុមហ៊ុនអចលនទ្រព្យ Rafal ក្នុងអំឡុងពេលពិព័រណ៍ Cityscape Global ក្នុងរាជធានីរបស់អារ៉ាប៊ីសាអូឌីតកាលពីសប្តាហ៍មុន។

គម្រោងនេះត្រូវបានគេហៅម្យ៉ាងទៀតថា “Khuzam Hills” រួមមានដំណាក់កាលអភិវឌ្ឍន៍ជាច្រើន ដែលដំណាក់ដំបូងគ្រោងនឹងបញ្ចប់ការស្ថាបនានៅឆ្នាំ២០២៦។ នេះបើយោងតាមគេហទំព័ររបស់ក្រុមហ៊ុន Rafal ។ អាផាតមុិនសរុបចំនួន៣.៥០០យូនីត នឹងត្រូវបានស្ថាបនាឡើងលើផ្ទៃដីប្រមាណ៦៣០.០០០ម៉ែត្រការ៉េ។

តាមរយៈចក្ខុវិស័យឆ្នាំ២០៣០ ដែលត្រូវបានប្រកាសឡើងក្នុងឆ្នាំ២០១៩ ដោយព្រះអង្គម្ចាស់ Mohammed bin Salman អារ៉ាប៊ីសាអូឌីតកំពុងជំរុញវិស័យហេដ្ឋារចនាសម្ព័ន្ធរបស់ខ្លួន ក្នុងគោលបំណងទាក់ទាញធនធានមនុស្សជាសកល ដើម្បីជួយផ្លាស់ប្តូរ និងធ្វើពិពិធកម្មសេដ្ឋកិច្ចរបស់អារ៉ាប៊ីសាអូឌីត ដែលពឹងផ្អែកខ្លាំងលើធនធានប្រេង។

រដ្ឋាភិបាលអារ៉ាប៊ីសាអូឌីតបានចាប់ផ្តើមកម្មវិធីលំនៅដ្ឋានរបស់ខ្លួននៅឆ្នាំ២០១៨ ដោយក្លាយជាប្រទេសដំបូងគេនៅទូទាំងពិភពលោក ដែលបានកំណត់ដាក់គោលដៅកម្មសិទ្ធិលំនៅដ្ឋានក្នុងកម្រិតយុទ្ធសាស្ត្រថ្នាក់ជាតិរបស់ខ្លួន។

ក្នុងនាមជាផ្នែកមួយនៃកិច្ចខិតខំប្រឹងប្រែងនោះ រដ្ឋាភិបាលអារ៉ាប៊ីសាអូឌីតក៏កំពុងខិតខំពង្រឹងចំណងមិត្តភាពរបស់ខ្លួនជាមួយរដ្ឋាភិបាលនៃប្រទេសចិនផងដែរ។

អារ៉ាប៊ីសាអូឌីតក៏បានបង្កើតក្រុមហ៊ុនលំនៅដ្ឋានជាតិអារ៉ាប៊ីសាអូឌីត (NHC) និងអាជ្ញាធរទូទៅនៃផលិតកម្មអចលនទ្រព្យ (REGA) ដោយដាក់ឱ្យចំណុះក្រោមក្រសួងលំនៅដ្ឋាន និងកិច្ចការទីក្រុង-ជនបទ ដើម្បីសម្រួលដល់ការអនុវត្តន៍ការងារក្នុងកម្មវិធីសាងសង់លំនៅដ្ឋានថ្មីឱ្យបានចំនួន៣០មុឺនយូនីតនៅឆ្នាំ២០៣០ខាងមុខ៕ប្រភព: SCMP ៕

រដ្ឋាភិបាលថៃគ្រោងសាងសង់ស្ពានបេតុងថ្មីមួយខ្សែ ដើម្បីតភ្ជាប់រវាងខេត្តចាន់បុរីជាមួយខេត្តប៉ៃលិនរបស់កម្ពុជា

November 23, 2024

ដោយ: គង់ លាងហួរ
បាងកក: រដ្ឋាភិបាលថៃគ្រោងសាងសង់ស្ពានមួយខ្សែ ដែលនឹងតភ្ជាប់ខេត្តចាន់បុរីជាអចិន្ត្រៃយ៍ជាមួយខេត្តប៉ៃលិននៅក្នុងប្រទេសកម្ពុជា ក្រោមទំហំទុនវិនិយោគប្រមាណ១៥លានបាត(ប្រហែល៤៣៣.២៥៧ដុល្លារអាមេរិក)។

លោក Anutin Charnvirakul ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃថៃ បានមានប្រសាសន៍ឱ្យដឹងថា ការសាងសង់ស្ពាននេះនឹងជំរុញពាណិជ្ជកម្មឆ្លងព្រំដែន និងវិស័យទេសចរណ៍រវាងប្រទេសទាំងពីរ។

ស្ពាននេះនឹងត្រូវបានប្រសិទ្ធនាមថា ជា“ស្ពានមិត្តភាពចាន់បុរី-ប៉ៃលិនថ្មី”។នៅពេលសាងសង់រួចរាល់ ស្ពានមិត្តភាពនេះនឹងជំនួសស្ពានដែកបណ្ដោះអាសន្នដែលតភ្ជាប់ខេត្តទាំង២នាពេលបច្ចុប្បន្ន។

ស្ពានបេតុងនេះនឹងមានប្រវែងប្រហែល៤០ម៉ែត្រ ដែលមានផ្លូវដើរទទឹងប្រវែង៣ម៉ែត្រស្ថិតនៅអមសងខាងគន្លងផ្លូវរថយន្ត។

គម្រោងស្ពាន ដែលនឹងចំណាយទុនវិនិយោគសាងសង់ប្រមាណ១៥លានបាតនេះត្រូវបានគេរំពឹងថា នឹងធ្វើឱ្យប្រសើរឡើងយ៉ាងខ្លាំងនូវផ្នែកភស្តុភារ និងបង្កើនទំហំពាណិជ្ជកម្មរវាងប្រទេសថៃ និងកម្ពុជា។

លោក Anutin បានគូសបញ្ជាក់ថា គម្រោង“ស្ពានមិត្តភាពចាន់បុរី-ប៉ៃលិនថ្មី”គ្រោងនឹងចាប់ផ្តើមបើកការដ្ឋានសាងសង់នៅឆ្នាំក្រោយ។

លោក Anutin បានអះអាងថា គម្រោងនេះមិនត្រឹមតែជួយសម្រួលដល់ការធ្វើដំណើរប៉ុណ្ណោះទេ ប៉ុន្តែថែមទាំងលើកកម្ពស់វិស័យពាណិជ្ជកម្ម និងទេសចរណ៍ ដែលនឹងជំរុញកំណើនសេដ្ឋកិច្ចនៅសងខាងព្រំដែនថៃ-កម្ពុជា។

គិតត្រឹមថ្ងៃទី២១ ខែវិច្ឆិកាឆ្នាំ២០២៤ ក្រុមមន្ត្រីថៃ និងកម្ពុជា បានរៀបចំសេចក្តីព្រាងអនុស្សរណៈយោគយល់គ្នា (MoU) សម្រាប់គម្រោងនេះ ដែលត្រូវបានរំពឹងថា នឹងដាក់ជូនគណៈរដ្ឋមន្ត្រីថៃ ដើម្បីអនុម័តក្នុងពេលឆាប់ៗខាងមុខ។

នាយករដ្ឋមន្ត្រីថៃលោកស្រី Paetongtarn Shinawatra បានអនុម័តគំនិតផ្តួចផ្តើមនេះជាគោលការណ៍រួចមកហើយ ហើយស្ពាននេះនឹងត្រូវបានសាងសង់ឡើង ដោយប្រើប្រាស់កញ្ចប់ថវិកាជាតិ៕ប្រភព: Bangkok Post៕

ទីផ្សារអចលនទ្រព្យក្នុងទីក្រុងហ្សាការតារំពឹងបង្ហាញនិន្នាការកើនឡើងនៅឆ្នាំ២០២៥

November 23, 2024

ដោយ: គង់ លាងហួរ
អន្តរជាតិ: តម្លៃអចលនទ្រព្យនៅក្នុងទីក្រុងហ្សាការតារបស់ប្រទេសឥណ្ឌូនេស៊ីត្រូវបានគេរំពឹងថា នឹងកើនឡើងចន្លោះពី៣%ទៅ៧%នៅឆ្នាំ២០២៥ខាងមុខ ដោយសារតែកត្តាផ្សេងៗ ដូចជាកំណើនសេដ្ឋកិច្ច និងគំនិតផ្តួចផ្តើមអភិវឌ្ឍន៍ទីក្រុង។

គម្រោងហេដ្ឋារចនាសម្ព័ន្ធរបស់រដ្ឋាភិបាលឥណ្ឌូនេស៊ី ដូចជាការអភិវឌ្ឍន៍ខ្សែរថភ្លើងថ្មី និងផ្លូវបង់ប្រាក់ នឹងធ្វើឱ្យប្រសើរឡើងនូវការតភ្ជាប់ និងភាពងាយស្រួលក្នុងទីក្រុងហ្សាការតា ដោយធ្វើឱ្យអចលនទ្រព្យនៅក្នុងទីក្រុងនេះកាន់តែមានភាពទាក់ទាញ។

ជាមួយគ្នានេះ កំណើនប្រជាជន និងនិន្នាការនគរូបនីយកម្មរបស់ទីក្រុងហ្សាការតា ត្រូវបានគេរំពឹងថា នឹងជំរុញឱ្យមានតម្រូវការលំនៅដ្ឋាន។

ម៉្យាងទៀត ការកើនឡើងនៃការអភិវឌ្ឍន៍គម្រោងអចលនទ្រព្យប្រើប្រាស់ចម្រុះ និងការផ្តួចផ្តើមបង្កើតទីក្រុងឆ្លាតវៃក្នុងទីក្រុងហ្សាការតាកំពុងទាក់ទាញបណ្តាអ្នកវិនិយោគក្នុងស្រុក និងបរទេស ដែលនឹងជួយជំរុញកំណើននៃតម្លៃអចលនទ្រព្យនៅក្នុងសហគមន៍ទាំងនោះ។

លើសពីនេះ សេដ្ឋកិច្ចរបស់ឥណ្ឌូនេស៊ីត្រូវបានព្យាករណ៍ថា នឹងកើនឡើងជាលំដាប់ ដោយជួយបង្កើនអំណាចនៃការទិញរបស់ប្រជាជនវណ្ណៈកណ្តាល និងជំរុញតម្រូវការអចលនទ្រព្យលំនៅដ្ឋាន។

ការវិនិយោគបរទេសនៅក្នុងទីផ្សារអចលនទ្រព្យរបស់ទីក្រុងហ្សាកាតាក៏ត្រូវបានគេរំពឹងថា នឹងកើនឡើង តាមរយៈគោលនយោបាយអំណោយផលរបស់រដ្ឋាភិបាល និងទីតាំងយុទ្ធសាស្ត្ររបស់ទីក្រុងនៅក្នុងតំបន់អាស៊ាន។

និន្នាការនៃការបំពេញការងារពីផ្ទះ និងក្រុម Digital Nomad នឹងបង្កើនតម្រូវការលំនៅដ្ឋានសម្រាប់រស់នៅក្នុងទីក្រុងហ្សាការតា ជាពិសេសនៅក្នុងតំបន់ដែលមានការតភ្ជាប់សេវាអុីនធឺណេតល្អប្រសើរ និងភាពងាយស្រួល។

បន្ថែមលើនេះ ការលើកទឹកចិត្តរបស់រដ្ឋាភិបាលឥណ្ឌូនេស៊ីចំពោះគម្រោងលំនៅដ្ឋានដែលមានតម្លៃសមរម្យត្រូវបានគេរំពឹងថានឹងជំរុញបង្កើនសកម្មភាពទីផ្សារទាំងមូល និងអាចជំរុញឱ្យតម្លៃអចលនទ្រព្យកើនឡើង។

ដោយសារតែទីក្រុងហ្សាការតាជាមជ្ឈមណ្ឌលហិរញ្ញវត្ថុរបស់ប្រទេសឥណ្ឌូនេស៊ី ដូច្នេះហើយ តម្លៃដីជាមធ្យមនៅទីក្រុងនេះមានតម្លៃខ្ពស់បើប្រៀបធៀបនឹងតំបន់ផ្សេងទៀត។

គិតត្រឹមឆមាសទីមួយ ឆ្នាំនេះ ហាងឆេងដីធ្លីសម្រាប់សាងសង់លំនៅដ្ឋានក្នុងទីក្រុងហ្សាការតាមានតម្លៃជាមធ្យមចំនួន១៥,៩លានរូពីក្នុងមួយម៉ែត្រការ៉េ(ប្រហែល៩៩៩,២៨ដុល្លារ)៕ប្រភព: Bamboo Routes៕

វិភាគ: តើការកើនឡើងនៃកំដៅសង្គ្រាមរវាងរុស្ស៊ី និងអ៊ុយក្រែនថ្មីៗនេះអាចរាលដាលទៅជាសង្គ្រាមលោកលើកទី៣ឬទេ?

November 22, 2024

ដោយ: គង់ លាងហួរ

អន្តរជាតិ: គិតមកដល់មកដល់ពេលនេះ សង្រ្គាមរវាងប្រទេសរុស្ស៊ី និងអ៊ុយក្រែនជិតឈានចូលឆ្នាំទី៤ ដោយគ្មានតម្រុយពីការបញ្ចប់សង្រ្គាម ដែលបង្កនូវមហន្តរាយដ៏ធំធេងមិនចំពោះតែប្រទេសទាំងពីរផ្ទាល់ប៉ុណ្ណោះទេ តែក៏ចំពោះពិភពលោកទាំងមូលផងដែរ។

សង្រ្គាមនេះ បានបង្កឱ្យមានវិបត្តិមនុស្សធម៌យ៉ាងធ្ងន់ធ្ងរ ដោយមនុស្សរាប់លាននាក់ ត្រូវភៀសខ្លួនចេញពីផ្ទះសម្បែង។

សង្គ្រាមក៏បានជះឥទ្ធិពលយ៉ាងខ្លាំង ដល់សេដ្ឋកិច្ចពិភពលោក ដែលបណ្តាលឱ្យតម្លៃថាមពល ស្បៀង ចំណីសត្វ កើនឡើង និងរំខានដល់ច្រវាក់ផ្គត់ផ្គង់ពិភពលោកជាខ្លាំង។

ជាប្រវត្តិសាស្ត្រ អ៊ុយក្រែនធ្លាប់ជាផ្នែកមួយ នៃសហភាពសូវៀត ដែលមានរុស្ស៊ីជាក្បាលម៉ាស៊ីន។ ហេតុនេះ រុស្ស៊ីនៅតែចាត់ទុកអ៊ុយក្រែន ជាផ្នែកមួយនៃទឹកដីរបស់ខ្លួន។

បើទោះបីជារុស្ស៊ី ព្យាយាមរក្សាអ៊ុយក្រែន ឱ្យស្ថិតនៅក្រោមឥទ្ធិពលរបស់ខ្លួនយ៉ាងណាក្តី ប៉ុន្តែអ៊ុយក្រែនបែរជាបាននិងកំពុងឆ្ពោះទៅរកទំនាក់ទំនង កាន់តែជិតស្និទ្ធជាមួយប្រទេសលោកខាងលិចដូចជា ការសុំចូលជាសមាជិកសហភាពអឺរ៉ុប ជាពិសេសការសុំចូលបក្សសម្ព័ន្ធអង្គការយោធាណាតូ ដែលជាប្រភពនៃភាពតានតឹងរវាងអ៊ុយក្រែនជាមួយរុស្ស៊ី។

ភាពតានតឹងរវាងរុស្ស៊ីនិងអ៊ុយក្រែន បានផ្ទុះឡើងអស់រយៈពេលជាច្រើនឆ្នាំមកហើយ ហើយក៏បានឈានដល់កម្រិតកំពូលនៅក្នុងខែកុម្ភៈ ឆ្នាំ២០២២ នៅពេលរុស្ស៊ីបើកប្រតិបត្តិការចូលឈ្លានពានអ៊ុយក្រែន។

ម៉្យាងទៀត រុស្ស៊ីនៅតែរក្សាជំហរដដែល ក្នុងការប្រើប្រាស់កម្លាំងយោធា ដើម្បីសម្រេចបាននូវគោលដៅរបស់ខ្លួន ដែលជាសញ្ញាបង្ហាញឱ្យឃើញថា សង្រ្គាមនេះនឹងអូសបន្លាយយូរបន្តទៅទៀត ខណៈរុស្ស៊ីតែងអះអាងថា នេះជាការការពារខ្លួនពីការគំរាមកំហែងរបស់បស្ចិមប្រទេស ជាពិសេស ការពង្រីកខ្លួនរបស់អង្គការសម្ព័ន្ធយោធាណាតូ មកកាន់តំបន់អឺរ៉ុបខាងកើត ។

តើសង្គ្រាមនេះ អាចវិវត្តន៍ទៅជាសង្គ្រាមលោកលើកទី៣ ដែរឬទេ? ខាងក្រោមនេះជាអត្ថបទវិភាគ របស់ទីភ្នាក់សារពត៌មានអាមេរិក Newsweek។

ថ្មីៗនេះ សង្គ្រាមរវាងរុស្ស៊ី និងអ៊ុយក្រែនបានកើនឡើងកំដៅកាន់តែខ្លាំង ក្រោយពីប្រទេសកូរ៉េខាងជើង បានបញ្ជូនកងទ័ពរបស់ខ្លួនដើម្បីជួយរុស្ស៊ី ក្នុងការប្រយទ្ធលើសមរភូមិអ៊ុយក្រែន។ ជាមួយគ្នានេះ សហរដ្ឋអាមេរិក និងសម្ព័ន្ធបានបើកភ្លើងខៀវឱ្យអ៊ុយក្រែន អាចប្រើប្រាស់មីស៊ីល រយៈចម្ងាយឆ្ងាយរបស់លោកខាងលិច ដើម្បីវាយប្រហារលើទឹកដីរុស្ស៊ី។

ការសម្រេចចិត្តអនុម័តឱ្យអ៊ុយក្រែន ប្រើប្រាស់មីស៊ីល ATACMS របស់អាមេរិក ដើម្បីវាយប្រហារគោលដៅក្នុងទឹកដីរុស្ស៊ី បានកើតមានឡើងបន្ទាប់ពី ទីក្រុងម៉ូស្គូបានដាក់ពង្រាយទាហានឈរជើងទាហានជិត៥០.០០០នាក់ នៅក្នុងតំបន់ Kursk។

បន្ថែមពីលើភាពតានតឹងនេះ ទាហានកូរ៉េខាងជើងរាប់ពាន់នាក់ ត្រូវបានគេរាយការណ៍ថា បានចូលរួមប្រយុទ្ធដើម្បីជួយកងកម្លាំងរុស្ស៊ី នៅតំបន់Kursk ដែលធ្វើឱ្យទីក្រុងវ៉ាស៊ីនតោនមានការព្រួយបារម្ភជាខ្លាំង។

លោក Michael C. Desch សាស្ត្រាចារ្យផ្នែកទំនាក់ទំនងអន្តរជាតិនៅសាកលវិទ្យាល័យ Notre Dame បានលើកឡើងថា ការសម្រេចចិត្តរបស់លោកប្រធានាធិបតី ចូបៃដិន ក្នុងការអនុញ្ញាតឱ្យអ៊ុយក្រែន ប្រើប្រាស់អាវុធរបស់សហរដ្ឋអាមេរិក ដែលមានសមត្ថភាពវាយប្រហារគោលដៅជ្រៅ នៅក្នុងប្រទេសរុស្ស៊ីពិតជាមានគ្រោះថ្នាក់ និងគ្មានន័យអ្វីទាំងអស់។

អ្នកវិភាគរូបនេះ បានមានប្រសាសន៍ឱ្យដឹងបន្តថា “វាមានគ្រោះថ្នាក់ណាស់ ពីព្រោះខ្ញុំជឿថា ដើម្បីប្រើប្រាស់ប្រព័ន្ធវាយប្រហារចូលជ្រៅទៅកាន់ទឹកដីរុស្ស៊ី ដូចជា មីស៊ីល ATACMS ប្រហែលជាត្រូវការ ការចូលរួមដោយផ្ទាល់ ពីសហរដ្ឋអាមេរិក ជាពិសេសការកំណត់គោលដៅ”។

យ៉ាងណាមិញ លោកមិនប្រាកដថា សកម្មភាពនេះនឹងនាំទៅដល់សង្គ្រាមលោកលើកទី៣នោះទេ។ ប៉ុន្តែលោកអះអាងថា វានឹងធ្វើឱ្យសង្រ្គាមដ៏បង្ហូរឈាមនេះ មានសភាពកាន់តែធ្ងន់ធ្ងរឡើងថែមទៀត។

លោក Robert Romanchuk អ្នកជំនាញនៅវិទ្យាស្ថានស្រាវជ្រាវអ៊ុយក្រែន នៃសាកលវិទ្យាល័យ Harvard អះអាងថា ពលរដ្ឋអាមេរិក ប្រហែលជាមិនបានកត់សម្គាល់ទេ ហើយក៏មិនមានការភ្ញាក់ផ្អើលដែរ ខណៈមានជនជាតិអឺរ៉ុបជាច្រើនយល់ឃើញថា សង្គ្រាមលោកលើកទី៣ បានចាប់ផ្តើមឡើងរួចទៅហើយ។

លោកបន្តថា ប្រសិនបើរុស្ស៊ី ឈ្នះសង្គ្រាមនៅអ៊ុយក្រែន នោះសង្រ្គាមក្តៅនេះ ប្រហែលជាអាចនឹងបង្វែរ ទៅកាន់បណ្តារដ្ឋបាល់ទិក ឬប្រទេសប៉ូឡូញ ដែលពួកគេយល់ច្បាស់ណាស់អំពីអ្វីដែលនឹងកើតឡើង។

លោកជឿជាក់ថា “ខ្សែបន្ទាត់ក្រហមដែលគូសដោយរុស្ស៊ីហាក់គ្មានទីបញ្ចប់ទេ។ ផ្ទុយទៅវិញ នៅពេលក្រុមប្រទេសលោកខាងលិច ដើរហួសខ្សែបន្ទាត់ក្រហមទាំងនោះ រុស្ស៊ីតែងតែដកថយពីការគំរាមកំហែងរបស់ខ្លួន”។

ជាក់ស្ដែង រាល់ការបញ្ជូនអាវុធថ្មី ទៅកាន់អ៊ុយក្រែនត្រូវបានឆ្លើយតប ដោយការព្រមានពីទីក្រុងមូស្គូ។ ប៉ុន្តែម្តងហើយម្តងទៀត អាវុធត្រូវបានប្រគល់ដល់ដៃអ៊ុយក្រែន ហើយរុស្ស៊ីមិនបានចាត់វិធានការសងសឹកអ្វីធំដុំនោះទេ។

លោក Richard K. Betts អ្នកជំនាញទំនាក់ទំនងអន្តរជាតិ គោលនយោបាយការបរទេសអាមេរិក និងជាអ្នកនិពន្ធសៀវភៅ“American Force”បានអះអាងថា ហានិភ័យ ដែលរុស្ស៊ីអាចធ្វើការឆ្លើយតបក្នុងទ្រង់ទ្រាយធំ មានកម្រិតទាបណាស់ ដោយសារនៅពេលនេះ លោក ពូទីន កំពុងរង់ចាំរហូតទាល់តែលោកដូណាល់ ត្រាំ ចូលកាន់តំណែង និងផ្លាស់ប្តូរគោលនយោបាយរបស់សហរដ្ឋអាមេរិកចំពោះអ៊ុយក្រែន។

ផ្ទុយទៅវិញ លោក Lubomyr Luciuk សាស្ត្រាចារ្យនៃនាយកដ្ឋានវិទ្យាសាស្ត្រនយោបាយ សេដ្ឋកិច្ច និងប្រវត្តិសាស្ត្រអ៊ុយក្រែន នៃមហាវិទ្យាល័យ Royal Military College ក្នុងប្រទេសកាណាដាបានលើកឡើងថា ការផ្តល់ឱ្យអ៊ុយក្រែននូវសព្វាវុធទាំងអស់ ដែលអ៊ុយក្រែនត្រូវការដើម្បីកម្ចាត់រុស្ស៊ី នឹងកាត់បន្ថយជម្លោះនេះ និងទប់ស្កាត់សង្គ្រាមលោកលើកទី៣។

លោកបានវិភាគបន្តថា “ប្រសិនបើមិនធ្វើបែបនេះទេ នោះរុស្ស៊ី ប្រាកដជានឹងបានដៃនៅក្នុងការបំផ្លាញ សណ្តាប់ធ្នាប់អន្តរជាតិ ដែលផ្អែកលើច្បាប់ និងធ្វើឱ្យមានអស្ថិរភាពភូមិសាស្ត្រនយោបាយ នៅទូទាំងពិភពលោកកាន់តែធ្ងន់ធ្ងរ”។

លោក Dani Belo អ្នកជំនាញផ្នែកសន្តិសុខ និងជានាយកទំនាក់ទំនងអន្តរជាតិ នៃមន្ទីរពិសោធន៍ស្រាវជ្រាវគោលនយោបាយសកល Horizons លើកឡើងថា សមត្ថភាពរបស់អ៊ុយក្រែននាពេលនេះ ក្នុងការវាយប្រហារចូលទឹកដីរុស្ស៊ី ពិតជាអាចបង្កើនកំដៅសង្គ្រាមជាមួយរុស្ស៊ី។

ទោះបីជាយ៉ាងណាក្តី លោកDani Belo បញ្ជាក់ថា ការជាប់ឆ្នោតរបស់លោក ដូណាល់ ត្រាំ ជាប្រធានាធិបតីអាមេរិកម្តងទៀតនាពេលនេះ អាចនឹងធ្វើឱ្យកំដៅសង្គ្រាមថយចុះ។

លោកបន្តថា ថ្មីៗនេះ យើងសង្កេតឃើញមានការរំពឹងទុកថា រដ្ឋបាលរបស់លោកត្រាំ អាចនឹងកាត់បន្ថយការផ្គត់ផ្គង់សម្ភារៈយោធាដល់អ៊ុយក្រែន និងដាក់សម្ពាធនយោបាយលើទីក្រុងកៀវ (Kyiv)ដើម្បីបញ្ចប់ជម្លោះ។

ការណ៍នេះមានន័យថា អ៊ុយក្រែន នឹងមិនហ៊ានបង្កើនកំដៅសង្គ្រាមបន្ថែមនាពេលនេះទេ។ ចំណែក ភាគីរុស្ស៊ីបច្ចុប្បន្ន ក៏មិនហ៊ានបង្កើនកំដៅទៀតនោះដែរ ព្រោះទីក្រុងមូស្គូជឿជាក់ថា រដ្ឋបាលរបស់លោកត្រាំ នឹងព្យាយាមបញ្ចប់សង្រ្គាមឱ្យបានឆាប់រហ័ស។

លោកបន្ថែមថា ដូច្នេះ វិមានក្រឹមឡាំងនឹងប្រកាន់យកវិធីសាស្រ្ត “រង់ចាំមើលស្ថានការណ៍” រហូតទាល់តែរដ្ឋបាលរបស់ប្រធានាធិបតីអាមេរិកថ្មី ចូលក្នុងសេតវិមាន ដោយមិនបង្កឱ្យមានកំដៅកាន់តែខ្លាំងក្នុងអំឡុងពេលនេះទេ៕ប្រភព: Newsweek៕

HCMC retail space fully leased despite high prices

November 22, 2024

HCMC’s retail space occupancy is nearly 100% despite high rentals as supply flatlines and fails to meet rising demand.

As of November most District 1 malls such as Saigon Center, Parkson Le Thanh Ton, Vincom, and Diamond Plaza are almost fully occupied, with only a few shops available either in the basement or top floors.

A major F&B brand in the city wants to open a new outlet on Dong Khoi Street, one of the most expensive places to rent in the city, and to expand an existing store, but the lack of space has delayed the plans.
“We need more space, but finding a suitable location in District 1 has been challenging,” it told VnExpress.

A coffee chain has had to change its business strategy after failing to find appropriate retail space in the downtown area.

It said: “It is extremely difficult to find a space in malls located in prime locations. We need a spacious area but most malls are fully occupied.”

Property consultancy Avison Young Vietnam said there was no new supply in District 1 in the third quarter, and existing malls are fully occupied.

Around 75% of the city’s 1.5 million square meters of retail space is located in the suburbs, it added.

The lack of new supply, combined with high demand from luxury brands, have driven prices up.

District 1 retail rents were at US$275-300 per square meter per month in the third quarter, according to Avison Young.

Shopping malls are the first choice for many renowned brands entering the city market, which is why competition among brands for central locations is intense, David Jackson, its CEO, said.

The shortage of land means the low supply situation would prolong, with only one or two new podiums being launched in the short and most of them already leased, she said.
Rents are likely to remain at the same level, she added.

Source: Vnexpress

1...350351352...3,236 Page 351 of 3,236