ដោយៈ គង់ សូរិយា

        ភ្នំពេញៈ ក្រុមហ៊ុនCAIC បានយល់ព្រមចុះកិច្ចសន្យារយៈពេល១២ឆ្នាំ ជាមួយក្រុមហ៊ុនLagardère Travel Retail SAS និងដៃគូសហការ ក្នុងស្រុកHSC Group ក្នុងការលក់ទំនិញរួចពន្ធ ទំនិញបង់ពន្ធរួច សំលៀកបំពាក់ សម្ភារសម្រាប់ធ្វើដំណើរសំខាន់ៗ និងការផ្ដល់សេវាកម្មម្ហូបអាហារ នៅព្រលានយន្តអន្តរជាតិតេជោ។

ព្រលានយន្តហោះអន្តរជាតិតេជោ គ្រោងបើកដំណើរការនៅឆ្នាំ ២០២៥ ខណៈការសាងសង់សម្រេចបាន៧៨ភាគរយ។ ក្រុមហ៊ុន CAIC មានបំណងកែលម្អទិដ្ឋភាព និង​បទពិសោ​ធន៍នៃការធ្វើដំណើរ និងការផ្តល់សេវាផ្គត់ផ្គង់នៅអាកាស​យានដ្ឋាននេះ ដែលជា​ច្រកទ្វារអន្តរជាតិ ​នាពេលអនាគតរបស់កម្ពុជា​។

ក្រុមហ៊ុន Lagardère Travel Retail SAS នឹងអភិវឌ្ឍហាងលក់ទំនិញទំនើបៗចំនួន៣៤ ដោយការវិនិយោគខា្នត​ធំ ជាលក្ខណៈការបែកចែកប្រាក់ចំណេញ។ ហាងលក់ទំនិញទាំងនោះ គ្របដណ្តប់ លើខ្សែសង្វាក់អាជីវកម្មចំនួន៣ ដែលមានហាងលក់ទំនិញរួចពន្ធលំដាប់ខ្ពស់ ហាងលក់ទំនិញទំនើបនិងភោជ​នីយដ្ឋាន ហាងផ្ដល់សេវាកម្មម្ហូបអាហារ ដែលពុំធ្លាប់មាននៅកម្ពុជា និងហាងលក់សម្ភារសម្រាប់ធ្វើដំណើរ ដែលនឹងបំពេញនូវតម្រូវការចម្រុះរបស់អ្នកដំណើរសម័យថ្មី។

លោកឧកញ៉ា ឆារស៏ វ៉ាន់ អភិបាលនៃក្រុមហ៊ុនកាណាឌីយ៉ាគ្រុប មានប្រសាសន៍ថា “យើងជឿជាក់ថា កិច្ចសហការជាមួយក្រុមហ៊ុនLagardère Travel Retail SAS នឹងលើកកម្ពស់កិត្តិនាម អាកាសយានដ្ឋានអន្តរជាតិតេជោ ព្រមទាំងផ្តល់ជូននូវបទពិសោធន៍ថ្មី នៃការផ្តល់សេវាលក់ទំនិញ និងអាហា​រដល់អ្នកដំណើរ”។

ចំណែកអ្នកស្រី Séverine Lanthier នាយិកាផ្នែកប្រតិបត្តិប្រចាំតំបន់អាស៊ី និងជានាយិកាផ្នែកយុទ្ធសាស្ត្រ និងអភិវឌ្ឍ មានប្រសាសន៍ថា “កិច្ចសន្យានេះ បើកនូវទំព័រថ្មីនៃប្រតិបត្តិការរបស់យើងនៅតំបន់អាស៊ី។

លោកស្រីបានថ្លែងថា “ខ្ញុំសូមថ្លែងអំណរគុណយ៉ាងជ្រាលជ្រៅចំពោះក្រុមការងារ និងដៃគូសហការរបស់យើង ដែលបានផ្ដល់ការគាំទ្រដល់យើង ក្នុងការ​បង្កើតកិច្ចសហការថ្មីនេះ”។ លោកស្រីបន្ថែមថា “ខ្ញុំជឿជាក់ថា តាមរយៈគំរូនៃការបែងចែកប្រាក់ចំណេញ និងការប្តេជ្ញាចិត្តរបស់ក្រុមការងារ យើងនឹងលើកកម្ពស់គុណភាពសេវាលក់ទំនិញ និងអាហារសម្រាប់អ្នកដំណើរនៅអាស៊ីខាងត្បូង និងអន្តរជាតិ ឲ្យកាន់តែល្អមួយកម្រិ​តទៀត”។

គិតត្រឹមថ្ងៃទី ២៦ ខែមិថុនា ឆ្នាំ ២០២៤ គម្រោងអាកាសយានដ្ឋានអន្តរជាតិតេជោ សម្រេចបានការសាងសង់ប្រមាណ ៧៨ភាគរយ ដោយបានចំណាយថវិការប្រមាណ១,១ពាន់លានដុល្លារ ហើយគ្រោងចាប់ផ្ដើមប្រតិបត្តិការ នៅដើមឆ្នាំ ២០២៥ ដែលអាចទទួលអ្នកដំណើរឆ្លងកាត់ បានចំនួន១៣លាននាក់ក្នុងមួយឆ្នាំ៕

ដោយ: គង់ លាងហួរ

អន្តរជាតិ: ថ្លៃជួលការិយាល័យ នៅតំបន់បណ្តុំអគារខ្ពស់កប់ពពកចំនួន២ គឺតំបន់ Raffles Place និងតំបន់ Marina Bay ក្នុងទីក្រុងសិង្ហបុរី បានកើនឡើង១,៣ភាគរយ នៅក្នុងឆមាសទី១ ឆ្នាំ២០២៤ បើធៀបនឹងឆ្នាំមុន។ នេះបើយោងតាមរបាយការណ៍របស់ក្រុមហ៊ុន Knight Frank។

ផ្អែកលើមូលដ្ឋានប្រចាំត្រីមាស ថ្លៃជួលការិយាល័យជាមធ្យមនៅតំបន់ទាំង២ បានកើនឡើង០,៧ភាគរយ នៅក្នុងត្រីមាសទី២ ដល់៨,៣៤ដុល្លារអាមេរិក ក្នុងមួយហ្វីតការ៉េក្នុងមួយខែ បើធៀបនឹងកំណើន០,៦ភាគរយ នៅក្នុងត្រីមាសទី១។

ក្រុមហ៊ុន Knight Frank បានលើកឡើងថា “ទោះបីជានិន្នាការថ្លៃជួលការិយាល័យ នៅទូទាំងតំបន់ទាំង២ កើនឡើងតិចតួចយ៉ាងណាក្តី ក៏ប៉ុន្តែម្ចាស់អគារមួយចំនួន បានចាប់ផ្តើមកែតម្រូវយុទ្ធសាស្ដ្រទាក់ទាញអតិថិជន ជាពិសេសអគារដែលមានអត្រាទុកទំនេរចោលខ្ពស់”។យោងតាមទិន្នន័យពីក្រុមហ៊ុនប្រឹក្សាអចលនទ្រព្យ Cushman & Wakefield (C&W) បានបង្ហាញថា អត្រាការិយាល័យកម្រិតA ដែលគេទុកទំនេរចោលនៅតំបន់ពាណិជ្ជកម្មកណ្តាល  (CBD) បានកើនឡើងដល់៥,៤ភាគរយ ក្នុងអំឡុ ងត្រីមាសទី២ បើធៀបនឹងអត្រា៣,៦ភាគរយ នៅក្នុងត្រីមាសទី១។

ការកើនឡើងនេះ បណ្តាលមកពីការផ្គត់ផ្គង់បន្ថែមថ្មីដាក់ចូលទៅក្នុងទីផ្សារ ដូចជា អគារការិយាល័យ IOI Central Boulevard Towers និងអគារOdeon 333 ដែលមានផ្ទៃក្រឡាសរុបចំនួន១,៣លានហ្វីតការ៉េ បើធៀបនឹងតម្រូវការត្រឹមតែ០,៦លានហ្វីតការ៉េ នៅក្នុងត្រីមាសទី២។

លោក Jeryl Teoh នាយកជាន់ខ្ពស់ និងជាសហប្រធានផ្នែកភតិសន្យាពាណិជ្ជកម្មនៅក្រុមហ៊ុន C&W បានលើកឡើងថា “ម្ចាស់អគារការិយាល័យកម្រិតA ភាគច្រើន ដែលស្រូបទា ញបានតម្រូវការអតិថិជនខ្ពស់ នៅតែរក្សាថ្លៃជួលរបស់ពួកគេឱ្យនៅថេរដដែល”។

ក្រុមហ៊ុន C&W ព្យាករណ៍ថា ថ្លៃជួលការិយាល័យកម្រិត A នៅតំបន់CBD ក្នុងទីក្រុងសិង្ហបុរី នៅឆ្នាំនេះនឹងកើនឡើងចន្លោះពី០% ទៅ២% ខណៈក្រុមហ៊ុនប្រឹក្សាអចលនទ្រព្យ CBRE រំពឹងថាថ្លៃជួលនឹងកើនឡើងចន្លោះពី២% ទៅ៣%៕ប្រភព: Business Times៕

ដោយ: គង់ លាងហួរ

អន្តរជាតិ: យោងតាមរបាយការណ៍បង្ហាញថា សហរដ្ឋអាមេរិក កំពុងដើរក្រោយប្រទេសចិនចំនួន១៥ឆ្នាំ លើការអភិវឌ្ឍន៍បច្ចេកវិទ្យាថាមពលនុយក្លេអ៊ែរជាន់ខ្ពស់ ខណៈរដ្ឋាភិបាលទីក្រុងប៉េកាំង បានផ្តល់ហិរញ្ញប្បទានយ៉ាងច្រើន សន្ធឹកសន្ធាប់ដើម្បីជំរុញវិស័យនេះ។

យោងតាមការសិក្សាដោយវិទ្យាស្ថានស្រាវជ្រាវ Information Technology & Innovation Foundation ដែលមានមូលដ្ឋាននៅទីក្រុងវ៉ាស៊ីនតោន បានអះអាងថា ប្រទេសចិនកំពុងសាងសង់ ម៉ាស៊ីនរ៉េអាក់ទ័រនុយក្លេអ៊ែរចំនួន២៧ ដោយចំណាយរយៈពេលសាងសង់ ជាមធ្យមប្រហែល៧ឆ្នាំ ដែលលឿនជាងបណ្តាប្រទេសដទៃទៀត។

របាយការណ៍នេះបានបន្តថា “ប្រទេសចិនបានជំរុញការដាក់ពង្រាយ រោងចក្រថាមពលនុយក្លេអ៊ែរទំនើប យ៉ាងឆាប់រហ័ស ដែលមិនធ្លាប់មានពីមុនមក ហើយការណ៍នេះបង្ហាញថា សហគ្រាសចិន នឹងទទួលបានអត្ថប្រយោជន៍ ក្នុងការបង្កើនការច្នៃប្រឌិតក្នុងវិស័យនេះឆ្ពោះទៅមុខ”។ធនាគារគ្រប់គ្រងដោយរដ្ឋចិន អាចផ្តល់ប្រាក់កម្ចីដែលមានអត្រាការប្រាក់ទាបជាងធនាគារ ក្នុងបណ្តាប្រទេសលោកខាងលិច។  ឧស្សាហកម្មថាមពលនុយក្លេអ៊ែរ នៅប្រទេសចិន បានទទួលអត្ថប្រយោជន៍ ពីការគាំទ្ររបស់រដ្ឋប្រកបដោយនិរន្តរភាព និងយុទ្ធសាស្ត្រធ្វើមូលដ្ឋានីយកម្ម ដែលបានអនុ ញ្ញាតឱ្យប្រទេសចិនគ្រប់គ្រងវិស័យ ដូចជា ថាមពលកកើតឡើងវិញ និងរថយន្តអគ្គិសនី (EVs) ។

លោក Stephen Ezell អ្នកនិពន្ធរបាយការណ៍ខាងលើបានលើកឡើងថា “ប្រសិនបើសហរដ្ឋអាមេរិក យកចិត្តទុកដាក់ចំពោះនុយក្លេអ៊ែរមែននោះ អាមេរិកគួរតែបង្កើតយុទ្ធសាស្រ្តថ្នាក់ជាតិដ៏រឹងមាំមួយ ដែលរួមមាន ការវិនិយោគបន្ថែមទៀតក្នុងការស្រាវជ្រាវ និងការអភិវឌ្ឍន៍ ការកំណត់អត្តសញ្ញាណ និងការពន្លឿនបច្ចេកវិទ្យា និងគាំទ្រដល់ការអភិវឌ្ឍន៍កម្លាំងពលកម្មជំនាញ”។សមាគមថាមពលនុយក្លេអ៊ែរ របស់ប្រទេសចិនបានព្រ មានថា“ការផលិតសមាសធាតុថាមពលនុយក្លេអ៊ែរ នឹងធ្លាក់ចុះយ៉ាងខ្លាំង ហើយការប្រកួតប្រជែងដ៏ច្រើន លើសលប់កំពុងជំរុញឱ្យតម្លៃធ្លាក់ចុះ និងបណ្តាលឱ្យមានការខាតបង់”។ ចំណែក ក្រសួងថាមពលសហរដ្ឋអាមេរិក មិនបានធ្វើអត្ថាធិប្បាយលើរបាយការណ៍នេះនោះទេ៕ប្រភព:Reuters៕

        ដោយៈ គង់ សូរិយា

        ភ្នំពេញៈ ការសាងសង់សំណង់លំនៅដ្ឋាន ដែលមានតែបេតុង ដោយបំភ្លេចចោលបរិស្ថានបៃតង ហាក់ឈានមកហួសសម័យកាលហើយ។

ការផ្លាស់ប្តូរអាកាសធាតុ ការបម្រែប្រួលបរិយាកាសផែនដី និងរសនិយម ក្នុងការរស់នៅផ្សារភ្ជាប់នឹងធម្មជាតិ ជាអ្វីដែលអ្នកអភិវឌ្ឍន៍ឆ្លាតវៃតែងគិត និងបំពេញតាមតម្រូវការអតិថិជន។

លោកឧកញ៉ាបណ្ឌិតគីម ហ៊ាងប្រធានKW Cambodia និងជាអ្នកអភិវឌ្ឍន៍័បុរីវិមានសំណាង បានមានប្រសាសន៍ឲ្យដឹងថា បុរីវិមានសំណាង សាងសង់លើផ្ទៃដីទំហំ២៥ហិកតា ដោយរក្សាទុកផ្ទៃដីជិត៤០ភាគរយ សម្រាប់រៀបចំសួនច្បារ ព្រែកធម្មជាតិ និងដាំដើមឈើធំៗលំអរក្នុងបុរី។លោកបន្តថា “ក្នុងទំហំដីដ៏ធំនេះ បុរីសាងសង់ផ្ទះវីឡាតែជាង៤០០ប៉ុណ្ណោះ ដើម្បីទុកដីសាធារណៈ និងបរិស្ថានបៃតងឲ្យបានច្រើន សម្រាប់ផ្តល់ផាសុខភាពក្នុងការរស់នៅ”។

លោកឧកញ៉ាបណ្ឌិតគីម ហ៊ាងបានបន្តថា យើងផ្តោតលើអភិជនសម័យថ្មី ដែលពួកគេអាចមានលុយចន្លោះពី៤០ ទៅ៥០ម៉ឺនដុល្លារ អាចទិញផ្ទះសម្រាប់ផ្តល់នូវផាសុខភាព ក្នុងក្រុមគ្រួសាររបស់ពួកគេ ស្របពេលទំហំទឹកប្រាក់ប៉ុណ្ណឹង មិនអាចទិញវីឡានៅកណ្តាលរាជធានីបានធំ និងស្រស់ស្អាតបែបនេះឡើយ។

បុរីវិមានសំណាងមានព្រែកធម្មជាតិ ហូរកាត់ប្រវែង១០០០​ម៉ែត្រ ដែលមានទឹកហូរជាប្រចាំ និងបាននិងកំពុងរៀបចំសួនច្បារ ដាំដើមឈើធំៗ សម្រាប់ផ្តល់ជាម្លប់ ក៏ដូចជាផ្តល់បរិយាកាសរស់នៅយ៉ាងមនោរម្យដល់អតិថិជន។បុរីនេះស្ថិតនៅលើមហាវិថីឈ្នះ ឈ្នះ និងមានចម្ងាយប្រមាណ២៥០០ម៉ែត្រ ពីក្រសួងរៀបចំដែនដី នគរូបនីយកម្ម និងសំណង់៕

កាលពីដើមខែមិថុនានេះ ក្រុមហ៊ុន បុរី ប៉េង ហួតបានផ្តល់ជូននូវប្រូម៉ូសិនដ៏ធំសម្បើមពាក់កណ្តាលឆ្នាំគឺ Mid Year Celebration សម្រាប់ខែ 𝟔នេះជាមួយនឹងកញ្ចប់ Promotion ដ៏ធំសម្បើមទាំង ៦ សម្រាប់រាល់ការទិញផ្ទះគ្រប់គម្រោង ហើយការផ្តល់ជូននេះនៅសល់តែប៉ុន្មានថ្ងៃទៀតប៉ុណ្ណោះចាប់ពីថ្ងៃនេះ រហូតដល់ដំណាច់ខែមិថុនានេះ។

កញ្ចប់ 𝐌𝐈𝐃-𝐘𝐄𝐀𝐑 𝐂𝐄𝐋𝐄𝐁𝐑𝐀𝐓𝐈𝐎𝐍 ដ៏ធំសម្បើមទាំង 𝟔រួមមាន៖
ថែមជូនរថយន្តអគ្គិសនីស៊េរីចុងក្រោយគេ 𝗧𝗢𝗬𝗢𝗧𝗔 𝗕𝗭𝟰𝗫-𝟮𝟬𝟮𝟰
ឥតគិតថ្លៃសេវាកាត់ប្លង់រឹង
ឥតគិតថ្លៃសេវា 𝐈𝐧𝐭𝐞𝐫𝐧𝐞𝐭 រយៈពេល 5ឆ្នាំ
➤ ប័ណ្ណទឹកប្រាក់ផ្នែកថែមថយសម្រាប់ដេគ័រគ្រឿងសង្ហារិម
➤ ប័ណ្ណទឹកប្រាក់សម្រាប់ការតុបតែងបំពាក់វាំងននគ្រប់បន្ទប់ទាំងអស់
➤ ប័ណ្ណទឹកប្រាក់សម្រាប់ការទិញគ្រឿងអេឡិកត្រូនិកសម្រាប់គ្រប់តម្រូវការ
➤ គោលការណ៍បង់ប្រាក់កាន់តែងាយស្រួល

រួសរាន់ឡើង! ដើម្បីទទួលបានប្រូម៉ូសិនដ៏ចំណេញខាងលើលោកអ្នកអាចអញ្ជើញមកកាន់ការិយាល័យលក់គ្រប់ទីតាំង របស់ បុរី ប៉េង ហួត ទំនាក់ទំនងមកកាន់សហការីផ្នែកលក់តាមទូរសព្ទលេខ៖ 𝟎𝟏𝟔 / 𝟎𝟏𝟕 𝟓𝟗𝟔 𝟕𝟖𝟗 ។

        ដោយៈ គង់ ហ្វីអូណា

        ភ្នំពេញៈ ​មន្ត្រី​ជាន់ខ្ពស់​រាជរដ្ឋាភិបាល​កម្ពុជា​ ​និង​គណៈប្រតិភូ​នៃ​ស្ថានទូត​សាធារណរដ្ឋ​កូរ៉េ​ ​ប្រចាំ​កម្ពុជា​បាន​ជួប​ពិភា​ក្សាគ្នា​អំពី​លទ្ធភាព ​នៃ​ការ​បង្កើត​តំបន់​សេដ្ឋកិច្ច​ពិសេស​កម្ពុជា​-​កូរ៉េ​។​

គម្រោង​នេះ​ត្រូវ​បាន​ផ្តួចផ្តើម​ឡើង​ ដោយ​សម្តេចធិបតី​ហ៊ុន​ ​ម៉ា​ណែ​ត​ នាយករដ្ឋមន្រ្តីកម្ពុជា និង​លោក​ ​Y​OON SUK ​Y​E​O​L​ ​ប្រធានាធិបតី​កូរ៉េ​ ​ក្នុង​ដំណើរ​បំពេញ​ទស្សនកិច្ច​ផ្លូវការ​ លើកដំបូង​របស់​លោក​ ទៅកាន់​ទីក្រុង​សេអ៊ូល​ ​ចាប់ពី​ថ្ងៃ​ទី​ ​១​៥​ ​ដល់​ ​១​៨​ ​ឧសភា​ ​ឆ្នាំកន្លងមកនេះ។​

កាលពី​ថ្ងៃ​ទី​២​០​ ​ខែ​មិថុនា​ ​លោក​ ​ស៊ុន​ ​ចាន់​ថុល​ ​ឧបនា​យករដ្ឋមន្ត្រី​ ​អនុប្រធាន​ទី​១​ ​នៃ​ក្រុមប្រឹក្សាអភិវឌ្ឍន៍​កម្ពុជា​ ​បាន​ទទួល​ជួប​លោក​ ​PARK​ JUN​G​-​WOOK​ ​ឯកអគ្គរដ្ឋទូត​កូរ៉េ​ប្រចាំ​កម្ពុជា​ ​នៅ​រាជធានី​ភ្នំពេញ​ ​ដើម្បី​ពិភាក្សា​ពិនិត្យ​លទ្ធភាព​បង្កើត​តំបន់​សេដ្ឋកិច្ច​ពិសេស​កម្ពុជា​-​កូរ៉េ​។​

កិច្ចប្រជុំ​នេះ​មាន​គោលបំណង​ ផ្តល់​ព័ត៌មាន​អំពី​អត្ថប្រ​យោជន៍​សក្តានុពល ​នៃ​គម្រោង​វិនិយោគ ​នៅ​ក្នុង​តំបន់​សេដ្ឋកិច្ច​ពិសេស​របស់​កម្ពុជា​ ​រួម​ជាមួយនឹង​ការ​ខិតខំ​ប្រឹងប្រែង​របស់​រាជរដ្ឋាភិបាល ​ក្នុង​ការ​លើកទឹកចិត្ត​ ​និង​សម្រួល​ដល់​ប្រតិបត្តិការ​អាជីវកម្ម​ក្នុង​តំបន់​។​

ក្នុង​កិច្ចពិភាក្សា​នោះ​ ​លោក​ ​ស៊ុន​ ​ចាន់​ថុល​ ​បាន​ជម្រាប​ជូន​អំពី​ការ​ត្រៀម​ខ្លួន​របស់​កម្ពុជា​ ក្នុង​ការ​សម្របសម្រួល​រាល់​កិច្ចការ​ងារ​វិនិយោគ ​របស់​វិនិ​យោគិន​ក្នុងស្រុក​ ​និង​ក្រៅ​ប្រទេ​ស​​។​

លោក​ក៏បាន​ស្នើសុំ​ឱ្យ​លោក​ឯកអគ្គរដ្ឋទូត​ ​សហ​ការស្វែងរក​វិនិ​យោគិន ​មាន​សក្ដានុពល​ពី​ប្រទេស​កូរ៉េ​ ដែល​មានបំណង​ដាក់​ទុន​វិនិយោគ​ លើ​ការរៀបចំ​បង្កើត​ តំបន់​សេដ្ឋកិច្ច​ពិសេស​កម្ពុជា​-​កូរ៉េ​ ​ដើម្បី​អនុញ្ញាត​ឱ្យ​គណៈប្រតិភូ​កម្ពុជា ​អញ្ជើញ​ទៅ​ប្រទេស​កូរ៉េ​ ដើម្បី​គោះទ្វារ​ផ្ដល់​ព័ត៌មាន​គ្រប់ជ្រុងជ្រោយ​ ​និង​ការ​គាំទ្រ​ពេញទំហឹង​ របស់​រាជរដ្ឋាភិបាល​កម្ពុជា ​ជូន​ដល់​វិនិ​យោគិន​កូរ៉េ​។​

លោក​ ​ហែម​ ​វ៉​ណ្ណ​ឌី​ ​រដ្ឋមន្ត្រី​ក្រសួង​ឧស្សាហកម្ម​ ​វិទ្យាសាស្ត្រ​ ​បច្ចេកវិទ្យា​ ​និង​ន​វា​នុ​វត្ត​ន៍ ​លោក​ ​កែវ​ ​រតនៈ​ ​រដ្ឋមន្ត្រី​ក្រសួង​រ៉ែ​ ​និង​ថាមពល​ ​លោក​ ​ជា​ ​វុទ្ធី​ ​អគ្គលេខាធិការ​គណៈកម្មការ​ ​វិនិយោគ​កម្ពុជា​ នៃ​ក្រុមប្រឹក្សាអភិវឌ្ឍន៍​កម្ពុជា ​និង​លោក​ យុ​ន​ ​ហេង​ ​អគ្គលេខាធិការ​រង​គណៈកម្មការ​ ​វិនិយោគ​កម្ពុជា​ក៏មាន​វត្តមាន​នៅ​ក្នុង​ជំនួប​ពិភាក្សា​នោះ​ផង​ដែរ​។​

យោង​តាម​សេចក្តីប្រកាស​ព័ត៌មាន ​របស់​ក្រុមប្រឹក្សាអភិ​វឌ្ឍន៍​កម្ពុជា ​ស្របតាម​លទ្ធផល​នៃ​ដំណើរ​ទស្សនកិច្ច​ ផ្លូវការ​នា​សាធារណរដ្ឋ​កូរ៉េ​ ​កាលពី​ថ្ងៃ​ទី​១​៦​ ​ខែ​ឧសភា​ ​ឆ្នាំ​២​០​២​៤​ ​របស់​លោក​ ​ហ៊ុន​ ​ម៉ា​ណែ​ត​ ​នាយក​រដ្ឋ​ម​ន្រ្តី​ក្នុង​ជំនួប​ជាមួយ​ លោក​Y​oon Suk ​Y​e​o​l​ប្រធានាធិបតី​ ​នៃ​សាធារណរដ្ឋ​កូរ៉េ​ ​ថ្នាក់​ដឹកនាំ​ទាំងពីរ​បាន​ផ្តួចផ្តើម​ ឱ្យ​មានការ​បង្កើត​តំបន់​សេដ្ឋកិច្ច​ពិសេស​កម្ពុជា​-​កូរ៉េ​ ​ដើម្បី​បង្កើត​បរិយាកាស​អំណោយផល ​សម្រាប់​ការ​វិនិយោគ​របស់​ក្រុមហ៊ុន​កូរ៉េ ​ដែល​ធ្វើអាជីវកម្ម​របស់​ខ្លួន​នៅ​កម្ពុជា​។​

​កាលពី​ថ្ងៃ​ទី​១​៦​ ​ខែ​ឧសភា​ ​ថ្នាក់​ដឹកនាំ​ទាំងពីរ​បាន​ធ្វើជា​អធិ​បតី​ក្នុង​ពិធី​ចុះហត្ថលេខា ​លើ​អនុស្សរណៈ​នៃ​ការយោគយល់​គ្នា​ចំនួន​៤​ ​និង​កិច្ចព្រមព្រៀង​ចំនួន​ពីរ​ ​ក្នុង​គោលបំណង​ពង្រីក​កិច្ច​សហប្រតិបត្តិការ​ពហុភាគី ​ក្នុង​ការ​អភិវឌ្ឍន៍​ហិរញ្ញវត្ថុ​ ​លំ​ហូរ​វិនិយោគ​ ​កម្មសិទ្ធិ​បញ្ញា​ ​ការ​គ្រប់គ្រង​គ្រឿងញៀន​ ​ការ​បណ្តុះបណ្តាល​វិជ្ជាជីវៈ​ ​និង​សម្បទាន​ក​ម្ចី​សម្រាប់​អភិវឌ្ឍន៍​ជនបទ​។​

​ទន្ទឹម​នឹង​នេះ​ ​ក៏មាន​អនុស្សរណៈ​យោគ​យល់គ្នា​មួយ ​ត្រូវ​បាន​ចុះហត្ថលេខា ​រវាង​ក្រុមប្រឹក្សាអភិវឌ្ឍន៍​កម្ពុជា​ ​និង​ក្រសួង​ពាណិជ្ជកម្ម​ ​ឧស្សាហកម្ម​ ​និង​ថាមពល​នៃ​សាធារណរដ្ឋ​កូរ៉េ​ដើម្បី​ពង្រឹង​លំ​ហូរ​វិនិយោគ​រវាងប្រទេស​ទាំងពីរ​។​

ក្នុង​វេទិកា​ធុរកិច្ច​កម្ពុជា​-​កូរ៉េ​ ​ដែល​បាន​ធ្វើឡើង​នៅ​ថ្ងៃ​ដដែល​នោះ​ ​សម្តេចធិបតី​ហ៊ុន​ ​ម៉ា​ណែ​ត​ ​បាន​ប្រកាស​ថា​ ទំហំ​ពាណិជ្ជកម្ម​ទ្វេភាគី​រវាង​កូរ៉េ​ ​និង​កម្ពុជា​ ​មាន​រហូតដល់​​៧​៥​១​ ​លាន​ដុល្លារ​ ​ខណៈ​ការ​វិនិយោគ​ផ្ទាល់​ពី​កូរ៉េ​នៅ​កម្ពុជា​ ​មាន​ចំនួ​ន​៣​០​​លាន​ដុល្លារ​កាលពីឆ្នាំមុន​ ​ដែល​ធ្វើ​អោយ​ការ​វិនិយោគ​ផ្ទាល់​សរុប​ពី​ប្រទេស​មាន​៥​​ពាន់​លាន​ដុល្លារ​។​

គិត​ត្រឹម​ខែ​ឧសភា​ឆ្នាំនេះ​ ​ក្រុមប្រឹក្សាអភិវឌ្ឍន៍​កម្ពុជា​បាន​អនុម័ត​ គម្រោង​តំបន់​សេដ្ឋកិច្ច​ពិសេស​ចំនួន​៤​៤ ​ដែល​ក្នុង​នោះ​តំបន់​សេដ្ឋកិច្ច​ពិសេស​ចំនួន​២​៦​ កំពុង​ដំណើរការ​នៅ​ទូទាំង​ប្រទេស ​ដោយមាន​រដ្ឋបាល​ចំនួន​២​០​​ក្នុង​បន្ទុក​ ​ដែល​ធ្វើ​អោយ​ថវិកា​អភិវឌ្ឍន៍​ តំបន់​សេដ្ឋកិច្ច​ពិសេស​ឈាន​ដល់ទំហំទឹកប្រាក់​៦​,​២​​ពាន់​លាន​ដុល្លារ​។​

ប្រភព​ដដែល​បាន​បន្ថែម​ថា​ ​មាន​គម្រោង​ចំនួន​៧​៣​៤​នៅ​ក្នុង​តំបន់​សេដ្ឋកិច្ច​ពិសេស​ទាំងអស់ ​ក្នុង​ប្រទេស​កម្ពុជា​ ​ដែល​មាន​ទុន​វិនិយោគ​ចំនួន​៨​,​៩​​ពាន់​លាន​ដុល្លារ​អាមេរិក​ ​បង្កើត​ការងារ​ជូន​ប្រជាពលរដ្ឋ​ចំនួន​​១​៨​០​.​៧​៧​៩​ ​នាក់​ ​នៅ​ទូទាំង​ប្រាំ​តំបន់​ដូចជា​ ​រាជធានី​ភ្នំពេញ​ ​ខេត្ត​កណ្តាល​ ​ស្វាយរៀង​ ​ព្រះ​សី​ហ​នុ ​កោះ​កុង​ ​និង​ខេត្ត​បន្ទាយ​មានជ័យ​ (​ក្រុង​ប៉ោយ​ប៉ែត​)​៕

ដោយ: គង់ លាងហួរ

អន្តរជាតិ: ស្ថាប័នវាយតម្លៃចំណាត់ថ្នាក់ឥណទានដ៏ល្បីល្បាញចំនួន២ បានបន្ទាបការព្យាករណ៍ លើទីផ្សារអចលនទ្រព្យចិន ដោយសារការធ្លាក់ចុះនៃតម្លៃផ្ទះ បានរារាំងដល់កិច្ចខិតខំប្រឹងប្រែង ក្នុងការជួយស្តារវិស័យនេះឡើងវិញ។

តួយ៉ាង ស្ថាប័ន S&P Global Ratings បានព្យាករណ៍ថា ការលក់លំនៅដ្ឋាន នៅក្នុងប្រទេសចិន នឹងធ្លាក់ចុះ១៥ភាគរយ នៅឆ្នាំនេះ បើប្រៀបធៀបនឹងការព្យាករណ៍ពីមុនថា នឹងធ្លាក់ចុះ៥%។

ស្ថាប័នវាយតម្លៃខាងលើបានឱ្យដឹងទៀតថា ការលក់លំនៅដ្ឋាន ក្នុងប្រទេសចិននៅឆ្នាំនេះ នឹងសម្រេចបានទំហំទឹកប្រាក់ក្រោម១០ទ្រីលានយ័ន (១,៤ទ្រីលានដុល្លារ) ដែលដាំក្បា លចុះអស់ប្រហែលពាក់កណ្តាល បើប្រៀបធៀបនឹងឆ្នាំ២០២១។

ចំណែកស្ថាប័ន Fitch Ratings បានព្យាករណ៍ថា ការលក់លំនៅដ្ឋានប្រចាំឆ្នាំ២០២៤ របស់ប្រទេសចិននឹងធ្លាក់ចុះចន្លោះពី១៥% ទៅ២០% បើប្រៀបធៀបនឹងការព្យាករណ៍ពីមុនថា នឹងធ្លាក់ចុះ៥% ទៅ១០% ។

ការបន្ទាបទស្សនវិស័យរបស់ស្ថាប័ន វាយតម្លៃទាំង២ខាងលើ បង្ហាញថា ពួកគេហាក់មិនសូវមានទំនុកចិត្តថា វិធានការជំរុញថ្មីៗរបស់រដ្ឋាភិបាលចិន នឹងអាចបញ្ចប់វិបត្តិអចលនទ្រព្យ ដែលកំពុងបន្តអូសទាញ កំណើនសេដ្ឋកិច្ចចិនឱ្យធ្លាក់ចុះ។

ស្ថាប័ននានាបានដាក់ការស្តីបន្ទោស ទៅលើការធ្លាក់ចុះនៃតម្លៃផ្ទះ។ យោងតាមតួលេខផ្លូវការ ដែលបានចេញផ្សាយដោយការិយាល័យស្ថិតិជាតិ(NBS) បង្ហាញថា តម្លៃផ្ទះថ្មីនៅប្រទេសចិន បានធ្លាក់ចុះយ៉ាងគំហុកបំផុត មិនធ្លាប់មានក្នុងរយៈពេលជិត១ទសវត្សរ៍ កាលពីខែឧសភាកន្លងទៅ។

ទីផ្សារអចលនទ្រព្យ ដែលគ្របដណ្តប់ប្រហែល៧៨% នៃទ្រព្យសម្បត្តិ គ្រួសារនៅក្នុងប្រទេសចិន បានដាំក្បាលចុះ។ ជាធម្មតា គ្រួសារនានាបានសន្សំប្រាក់ទុក អស់រយៈពេលជាច្រើនឆ្នាំ និងខ្ចីប្រាក់បន្ថែមពីមិត្តភក្តិ និងសាច់ញាតិដើម្បីបង្គ្រប់ទិញផ្ទះ៕ប្រភព:Bloomberg៕

ដោយៈ គង់ សូរិយា

        ភ្នំពេញៈ  រាជរដ្ឋាភិបាលកម្ពុជា គ្រោងចំណាយថវិកាសរុបចំនួន២៥៧លានដុល្លារ សម្រាប់គម្រោងរោងចក្រប្រព្រឹត្តកម្មទឹកស្អាតបាក់ខែងជំហានទី៣ មានសមត្ថភាពផលិតទឹកស្អាតបានចំនួន១៩៥ ពាន់ម៉ែត្រគូបក្នុងមួយថ្ងៃ។

លោកហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកនៅក្នុងពិធីសម្ពោធដាក់ឱ្យដំណើរការជាផ្លូវការនូវ “រោងចក្រប្រព្រឹត្តកម្មទឹកស្អាតបាក់ខែងជំហានទី២ និងបើកការដ្ឋានសាងសង់ជំហានទី៣”កាលពីថ្ងៃទី ២៥ ខែ មិថុនា ឆ្នាំ ២០២៤ នេះថា ជុំវិញគម្រោងរោងចក្រប្រព្រឹត្តកម្មទឹកស្អាត បាក់ខែងជំហានទី២ បានចាប់ផ្តើមសាងសង់នៅថ្ងៃទី ៨ ខែធ្នូ ឆ្នាំ ២០២១ គឺជាគម្រោងដ៏ធំបំផុតក្នុងប្រវត្តិសាស្ត្រ នៃការអភិវឌ្ឍហេដ្ឋារចនាសម្ព័ន្ធ ទឹកស្អាតរបស់កម្ពុជា ដោយបានចំណាយ ពេលក្នុងការសាងសង់អស់រយៈពេល២៦ខែ។

រោងចក្រប្រព្រឹត្តកម្មទឹកស្អាត បាក់ខែងជំហានទី២ មានសមត្ថភាពផលិតទឹកស្អាត បានចំនួន១៩៥ពាន់ម៉ែត្រគូប ក្នុងមួយថ្ងៃ ដែលគម្រោងនេះ បានចាប់ផ្តើមដំណើរការសាកល្បងកាលពីខែ តុលា ឆ្នាំ ២០២៣ កន្លងមក ។ ចំណែកគម្រោងរោងចក្រប្រព្រឹត្តកម្មទឹកស្អាតបាក់ខែងជំហានទី៣ ដែលបានបើកការដ្ឋានសាងសង់នាពេលនេះ នឹងគ្រោងប្រើថវិកាសរុបចំនួន ២៥៧ លានដុល្លារ។

ក្នុងទំហំទឹកប្រាក់ខាងលើ ទទួលបានប្រាក់កម្ចីចំនួន២១០លានដុល្លារពីទីភ្នាក់ងារAFD។ ចំនួន៥លានដុល្លារ ដែលនៅសល់ពីជំហានទី១ និងជំហានទី២ របស់AFD និងការវិនិយោគចំនួន៤២លានដុល្លារ ពីរដ្ឋាករទឹកស្វយ័តក្រុងភ្នំពេញ ទន្ទឹមនឹងនេះ, សហភាពអឺរ៉ុបគ្រោងផ្តល់ជំនួយ ឥតសំណងចំនួន១២ លានដុល្លារសម្រាប់គម្រោងនេះផងដែរ។ទាក់ទិនគម្រោងខាងលើនេះដែរ លោកឡុង ណារ៉ូ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយករដ្ឋាករទឹក ស្វយ័​​តក្រុងភ្នំពេញបានលើកឡើងថា ការសម្ពោធដាក់ឲ្យប្រើប្រាស់រោងចក្រប្រព្រឹត្តកម្មទឹកស្អាត បាក់ខែងជំហានទី២ ពិតជាមានសារៈសំខាន់ណាស់ ដើម្បីបំពេញនូវតំបន់សេវាដែលនៅសេសសល់ ក្នុងនោះសម្រាប់ជំហានទី៣វិញ រដ្ឋាករទឹកស្វយ័តក្រុងភ្នំពេញ បានគិតគូរឲ្យផលិតកម្មទឹកស្អាត ឲ្យឆ្លើយតបទៅ និងតម្រូវការនៃប្រជាជនប្រើប្រាស់ ក្នុងរាជធានីភ្នំពេញ ដែលគម្រោងនេះនឹងចាប់ ផ្តើមពីឆ្នាំ២០២៣ ដល់ឆ្នាំ ២០២៧ ខាងមុខ ។

ចំណែកលោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនា​យករដ្ឋមន្ត្រីរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ស្នើឱ្យក្រុមប្រឹក្សា​ភិបាល, ថ្នាក់ដឹកនាំ និងមន្ត្រី-និយោជិតគ្រប់លំដាប់ថ្នាក់នៃរដ្ឋាករទឹកស្វយ័តក្រុងភ្នំពេញ បន្តយកចិត្តទុកដាក់លើការងា​រអាទិភាពមួយចំនួន ដោយក្នុងនោះក្រសួង-ស្ថាប័នរដ្ឋបាលថ្នាក់ក្រោមជាតិ និងភាគីពាក់ព័ន្ធ ត្រូវបន្តសហការជិតស្និទ្ធជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីអនុវត្តច្បាប់ស្តីពី ការគ្រប់គ្រងទឹកស្អាត សំដៅធានាឲ្យបាននូវប្រភពទឹកគ្រប់គ្រាន់, ដោយមិនបង្កផលប៉ះពាល់អវិជ្ជមានដល់បរិស្ថាន។

លោកបន្តថា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ព្រមទាំងរដ្ឋាករ ទឹកស្វយ័តក្រុង ភ្នំពេញ ត្រូវបន្តពង្រីកវិសាលភាពនៃការផ្គត់ផ្គង់ទឹកស្អាត តាមប្រព័ន្ធបណ្តាញមេជូនដល់ប្រជាពលរដ្ឋ, ទាំងនៅទីប្រជុំជន និងក្រៅទី ប្រជុំជន,តាមរយៈការលើកទឹកចិត្ត ឲ្យវិស័យឯកជនចូលរួមវិនិយោគបន្ថែមក្នុងការផលិតទឹកស្អាត ទាំងខ្នាតធំ និងមធ្យម, ដើម្បីជួយ ផ្គត់ផ្គង់ទឹកស្អាតដល់តំបន់ ដែលប្រឈមនឹងកង្វះទឹក និងត្រូវបន្តអនុវត្តន៍ គោលនយោបាយតម្លៃទឹកស្អាត ដោយត្រូវផ្តល់អាទិភាពដល់ ប្រជាពលរដ្ឋដែលមានចំណូលទាប រួមទាំងកម្មករ-និយោជិត និងសិស្ស-និស្សិត ឲ្យទទួលបានទឹកស្អាតប្រើប្រាស់ក្នុងថ្លៃសមរម្យ៕

ដោយៈ គង់ ហ្វីអួណា

        ភ្នំពេញៈ កម្ពុជា អាមេរិកបានឈានទៅមុខមួយជំហ៊ានទៀត ដែលកាលពី​ថ្ងៃចន្ទ​ ​ក្រុមប្រឹក្សាអភិវឌ្ឍន៍​កម្ពុជា​ ​និង​ស្ថានទូត​សហរដ្ឋអាមេរិក​ប្រចាំ​កម្ពុជា​ ​បាន​ពិភាក្សាគ្នា​អំពី​វិធី​បង្កើត​យន្ត​ការ​រួម​មួយ ​ដែល​អាចឲ្យ​កម្ពុជា​ដោះស្រាយ​កង្វល់​របស់​អ្នក​វិនិយោគ​អាមេរិក​។​

​ឧបនាយករដ្ឋមន្ត្រី​ ​អនុប្រធាន​ទី​១​ ​ក្រុមប្រឹក្សាអភិវឌ្ឍន៍​កម្ពុជា​ លោកស៊ុន ចាន់ថុល ​បាន​ទទួល​ជួប​សម្តែង​ការគួរសម​ពី​លោក​ ​And​r​e​w​ ​Her​r​up​ ​ភារធារី​នៃ​ស្ថានទូត​អាមេរិក​ប្រចាំ​កម្ពុជា​ ​និង​បាន​ពិភាក្សា​អំពី​បញ្ហា​ពាណិជ្ជកម្ម​ ​និង​ការ​វិនិយោគ​។​

យោង​តាម​ការ​ចេញផ្សាយ ​របស់​ក្រុមប្រឹក្សាអភិវឌ្ឍន៍​កម្ពុជា​ ​ជំនួប​នេះ​ត្រូវ​បាន​រៀបចំ​ឡើង ​ដើម្បី​ពង្រឹង​កិច្ច​សហប្រតិបត្តិការ​សេដ្ឋកិច្ច​ ​និង​វិនិយោគ​រវាង​កម្ពុជា​ ​និង​សហរដ្ឋអាមេរិក​។​

ក្នុង​ជំនួប​នោះ​ ​លោក​ ​And​r​e​w​ ​Her​r​up​ ​បាន​បញ្ជាក់​សារ​ជាថ្មី​នូវ​ការតាំង​ចិត្ត​របស់​សហរដ្ឋអាមេរិក​ ​ក្នុង​ការ​ជំរុញ​ទំនាក់ទំនង​​ទ្វេរភាគី​ ​លំ​ហូរ​ពាណិជ្ជកម្ម​ ​និង​ការ​វិនិយោគ​រវាងប្រទេស​ទាំងពីរ​ ​ដើម្បី​ផលប្រយោជន៍​រួម​។​ ​ជាមួយគ្នា​នេះ​ ​លោក​ក៏​មានបំណង​ធ្វើការ​យ៉ាង​ជិតស្និទ្ធ ​ជាមួយ​រាជរដ្ឋាភិបាល​កម្ពុជា​ ​ដើម្បី​ដោះស្រាយ​កង្វល់​របស់​អ្នក​វិនិយោគ​ ​បង្កើត​បរិយាកាស​វិនិយោគ​អំណោយផល​ ​ដើម្បី​ទាក់ទាញ​ពាណិជ្ជករ​អាមេរិក​អោយ​បាន​កាន់តែ​ច្រើន​។​

ឆ្លៀត​ក្នុង​ឱកាស​នេះ​ ​លោក​បាន​សម្តែង​នូវ​ចំណាប់អារម្ម​ណ៍​ជា​វិជ្ជមាន ​ចំពោះ​លទ្ធផល​នៃ​ដំណើរ​ទស្សនកិច្ច​របស់​លោ​ក​ ​ស៊ុន​ ​ចាន់​ថុល​ ​ទៅកាន់​សហភាព​អ៊ឺរ៉ុ​ប​ ​ក្នុង​គោលដៅ​ទាក់ទាញ​ការ​វិនិយោគ​បន្ថែម​ទៀត​ផង​ដែរ​ ​ជាពិសេស​នៅ​ប្រទេស​អេស្ប៉ា​ញ​ ​និង​អាល្លឺម៉ង់​ ​ចាប់ពី​ថ្ងៃ​ទី​ ​៩​-​១​៨​ ​ខែ​មិថុនា​។​

លោក​ ​ស៊ុន​ ​ចាន់​ថុល​ ​បាន​ជម្រាប​ជូន​អំពី​លទ្ធផល​ប្រកប​ដោយ​ផ្លែផ្កា​ ពី​បេសកកម្ម​គោះទ្វារ​វិនិយោគ​ នៅ​សហភាព​អ៊ឺរ៉ុ​ប​កាលពី​ស​ប្តាហ៍​មុន​។​ ​

លោក​ក៏បាន​ជម្រាប​ជូន ​ពី​លទ្ធភាព​នៃ​ការ​ធ្វើការ​រួមគ្នា​រវាង​ក្រុមប្រឹក្សាអភិវឌ្ឍន៍​កម្ពុជា​ ​និង​ស្ថានទូត​អាមេរិក​ ​ដើម្បី​សម្របសម្រួល​រៀបចំ​ព្រឹត្តិការណ៍ ​ជំរុញ​វិនិយោគ​នៅ​សហរដ្ឋអាមេរិក​ ​តាមរយៈ​ការរៀបចំ​ជា​វេទិកា​រ​ធុរកិច្ច​ ​និង​ការ​គោះទ្វារ​វិនិយោគ ​តាម​ក្រុមហ៊ុន​ដែល​មានបំណង​ពង្រីក ​ខ្សែ​ច្រវាក់​ផលិត​និង​ផ្គត់ផ្គង់​ក្នុង​តំបន់​ ​ដើម្បី​បញ្ជ្រាប​ព័ត៌មាន​វិនិយោគ​ ​និង​កញ្ចប់​លើកទឹកចិត្ត​នានា​ ​ជូន​ដល់​ធុ​រ​ជន​អាមេរិក​។​

បន្ថែម​ពីលើ​កិច្ច​ខិតខំ​ប្រឹងប្រែង ​ពន្យល់​អំពី​ច្បាប់ ​និង​បទ​ប្បញ្ញត្តិ​ពាក់ព័ន្ធ​នឹង​ការ​វិនិយោគ​ ​លោក​ក៏បាន​ជម្រាប​ជូន​លោក​ ​And​r​e​w​ ​Her​r​up​ ​ពី​លទ្ធភាព​ធ្វើការ​រួមគ្នា ​ដើម្បី​ដោះស្រាយ​កង្វល់​របស់​វិនិ​យោគិន ​អាមេរិក​នៅ​កម្ពុជា​ ​តាមរយៈ​ការរៀបចំ​នូវ​យន្ត​ការ​រួម​ សម្រាប់​កិច្ច​សន្ទនា​ជាប្រចាំ ​លើ​កិច្ចការ​ងារ​វិនិយោគ​ ​ដើម្បី​អាច​ឱ្យ​កម្ពុជា​មានលទ្ធភាព​ សម្របសម្រួល​ដោះស្រាយបញ្ហា​នានា​ របស់​វិនិ​យោគិន​អាមេរិក ​បាន​កាន់តែ​ឆាប់រហ័ស​៕