គម្រោងអភិវឌ្ឍរមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ “ឆ្នេរតេជោសន្តិភាពកែប”ត្រូវបានដាក់ឲ្យអនុវត្តន៍

ដោយៈ និស្ស័យ

កែបៈ គណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា បានចេញសេចក្ដីសម្រេចដាក់ឱ្យអនុវត្តបន្តលើគម្រោងអភិវឌ្ឍរមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ “ឆ្នេរតេជោសន្តិភាពកែប” សម្រាប់សាធារណជននិងភ្ញៀវទេសចរទៅទស្សនាកំសាន្ត។

គម្រោងនេះ ស្ថិតនៅភូមិថ្មី សង្កាត់ព្រៃធំ ក្រុងកែប ខេត្តកែប មានបណ្តោយប្រវែង២៧០០ម៉ែត្រ។ នេះបើតាមសេចក្ដីប្រកាសរបស់គណៈកម្មាធិការជាតិ គ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា។

យោងតាមសេចក្ដីប្រកាសបានឲ្យដឹងថា គម្រោងនេះនឹងត្រូវបានបន្ត លើការងារសាងសង់មួយចំនួនដូចជា៖ អភិវឌ្ឍឆ្នេរខ្សាច់កម្សាន្តសាធារណៈកម្រិតខ្ពស់ មានទទឹងប្រវែង៣០ម៉ែត្រ និងតំបន់សុវត្ថិភាព ហែលទឹកសមុទ្រកម្សាន្ត។ សាងសង់ជញ្ជាំងទប់ដីការពារឆ្នេរសមុទ្រ ធ្វើពីបេតុងអារម៉េស្របតាមបណ្តោយឆ្នេរសមុទ្រ ផ្លូវថ្មើរជើងចំនួន២គន្លង មានទទឹងប្រវែង៣ម៉ែត្រ ដោយមានផ្លូវសម្រាប់ជន មានពិការភ្នែកនៅចំកណ្តាលស្របតាមបណ្ដោយឆ្នេរសមុទ្រ ផ្លូវជិះកង់ចំនួន២តន្លង មានទទឹងប្រវែង៣ម៉ែត្រ ស្របតាមបណ្តោយឆ្នេរសមុទ្រ សួនច្បារមានទទឹងប្រវែងយ៉ាងតិច៥០ម៉ែត្រ ដោយត្រូវរៀបចំចាក់ខ្សាច់បំពេញបន្ថែម ស្របតាមស្ថានភាពដីរដ្ឋជាក់ស្ដែង តាមបណ្ដោយឆ្នេរសមុទ្រ) និងសាងសង់ចំណតរថយន្តសាធារណៈ និងបន្ទប់ទឹកសាធារណៈ និងការងារមួយចំនួនទៀត។

រាល់ការអនុវត្តគម្រោង ត្រូវគោរពនិងអនុវត្តឱ្យបានត្រឹមត្រូវ ស្របតាមលិខិតអនុញ្ញាត និងកិច្ចសន្យានៃការអនុវត្តគម្រោងប្លង់អភិវឌ្ឍរមណីយដ្ឋាន ឆ្នេរខ្សាច់កម្សាន្តសាធារណៈកម្រិតខ្ពស់ “តជោសន្តិភាពកែប” សម្រាប់សាធារណជននិងទេសចរ ស្ថិតនៅភូមិថ្មី សង្កាត់ព្រៃធំ ក្រុងកែប ខេត្តកែប របស់គណៈកម្មាធិការជាតិ គ្រប់គ្រងនិងអភិវឌ្ឍន៍ តំបន់ឆ្នេរសមុទ្រកម្ពុជា។

គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា នឹងរៀបចំប្លង់លម្អិតសម្រាប់សាងសង់សួនច្បារសាធារណៈ និងដាំដើមឈើនៅលើដីចំណីឆ្នេរសមុទ្រ និងប្លង់លម្អិត សម្រាប់រៀបចំឆ្នេរខ្សាច់កម្សាន្ត សាធារណៈកម្រិតខ្ពស់ ព្រមទាំងសេចក្ដីណែនាំសម្រាប់ការអនុវត្ត ការប្រើប្រាស់ និងការថែរក្សាស្របតាមច្បាប់ និងបទប្បញ្ញត្តិជាធរមាន៕

ឯកអគ្គរដ្ឋទូតចិនអះអាងថា ចិននៅតែគាំទ្រកម្ពុជាក្នុងការអភិវឌ្ឍតាមមាគ៌ារបស់ខ្លួន

ដោយៈ គង់ សូរិយា

ភ្នំពេញៈ ឯកអគ្គរដ្ឋទូតចិនថ្មីប្រចាំកម្ពុជាបានអះអាងថថា ប្រទេសចិននឹងគាំទ្រដល់កម្ពុជា ក្នុងការអភិវឌ្ឍប្រទេសទៅតាមមាគ៌ារបស់ខ្លួន ហើយនឹងពង្រីកទីផ្សារ សម្រាប់ទំនិញកម្ពុជា ដើម្បីជំរុញការនាំចេញផលិតផលកម្ពុជា ទៅទីផ្សារចិនឲ្យបានកាន់តែច្រើន។

ថ្លែងនៅក្នុងកិច្ចពិភាក្សាស្ដីអំពី ដំណើរថ្មីនៃកំណែទម្រង់ប្រទេសចិន កាលានុវត្តភាពថ្មី នៃកិច្ចសហប្រតិបត្តិការកម្ពុជា-ចិន» រៀបចំឡើងនៅរាជបណ្ឌិត្យសភាកម្ពុជា កាលពីថ្ងៃទី៩ ខែសីហានេះ លោក Wang Wenbinបានថ្លែងថា ចិននិងកម្ពុជាគឺជាមិត្តដែកថែប និងកំពុងកសាងប្រទេសទាំងពីរ ឲ្យទៅសហគមន៍ជោគវាសនារួមដែលប្រកបដោយ “គុណភាពខ្ពស់ ស្តង់ដារខ្ពស់ និងកម្រិតខ្ពស់”។

លោកបញ្ជាក់ថា “យើងនឹងចែករំលែកទីផ្សារ ជាមួយភាគីកម្ពុជា ដើម្បីជំរុញឲ្យការនាំចេញកាន់តែធំធេង ទៅកាន់ទីផ្សារនៃប្រទេសចិន និងទៅសហគ្រិននៃប្រទេសចិន ដើម្បីអភិវឌ្ឍប្រទេសកម្ពុជា និងជំរុញគម្រោងកាន់តែច្រើន ដូចជាតំបន់សេដ្ឋកិច្ចពិសេសនៅខេត្តព្រះសីហនុ ដើម្បីលើកកម្ពស់កិច្ចសហប្រតិបត្តិការ”។

កម្ពុជា ចិន មានទំនាក់ទំនងការទូតរយៈពេល៧៥ឆ្នាំមកហើយ។ ឆ្នាំ ២០២៤នេះ គឺជាឆ្នាំដំបូងនៃការអនុវត្តសហគមន៍ជោគវាសនារួមរវាងប្រទេសទាំងពីរ។

លោក Wang បានបន្តថា ចិនក៏នឹងសហការជាមួយប្រទេសកម្ពុជា លើការផ្លាស់ប្ដូរបទពិសោធន៍អភិបាលកិច្ច ដើម្បីដើរលើមាគ៌ាកែទម្រង់ តាមស្ថានភាពរបស់ប្រទេសរៀងខ្លួន។

លោកនិយាយថា “ភាគីចិននឹងផ្ដល់ការគាំទ្រ ដល់ភាគីកម្ពុជា ក្នុងការសម្រេចបាននូវមាគ៌ាអភិវឌ្ឍន៍ ដែលគោរពតាមស្ថានភាព និងឯករាជ្យភាពនៃប្រទេសកម្ពុជា”។ លោកបន្តថា “យើងនឹងចែករំលែកបទពិសោធន៍ កែទម្រង់ដើម្បីឲ្យយើងមានកិច្ចសហប្រតិបត្តិការកាន់តែវិជ្ជមាន ដើម្បីឲ្យការកសាងសហគមន៍ជោគវាសនារួមចិន និងកម្ពុជាកាន់តែធំធេង”។

លោកបន្តថា ចិននឹងសហការជាមួយប្រទេសកម្ពុជា នៅលើឆាកអន្តរជាតិ ដើម្បីតាមរយៈនយោបាយឈ្នះឈ្នះ ដើម្បីសន្តិភាព និងភាពរុងរឿងនៅលើពិភពលោក ជាពិសេសក្នុងពេលដែលពិភពលោក កំពុងប្រឈមជាមួយនឹងបញ្ហាជាច្រើន។

លោកបណ្ឌិតសុខ ទូច ប្រធានរាជបណ្ឌិត្យសភាកម្ពុជា បានថ្លែងថា ទំនាក់ទំនងកម្ពុជាចិន មានតាំងពីមុនគ្រឹះសករាជ។ បច្ចុប្បន្ននេះ ប្រទេសទាំងពីរ មានចំណុចរួមជាច្រើន ដូចជាការតភ្ជាប់ដោយទន្លេមេគង្គ និងការហូរចូលនៃប្រពៃណីវប្បធម៌ចិនមកលើសង្គមកម្ពុជា តួយ៉ាងការប្រើចង្កឹះជាដើម។

លោកបន្តទៀតថា “នេះជាវប្បធម៌ ដែលចាក់ចូលជ្រៅដោយមិនដឹងខ្លួន ហើយកម្ពុជាក៏បានទទួល ដោយមិនបានដឹង”។ លោកបន្តថា “ការទទួលវប្បធម៌នេះ ធ្វើឲ្យមិត្តភាពរវាងប្រទេសទាំងពីរ កាន់តែមានការរីកច្រើនទ្វេឡើង”។

លោកក៏ស្នើឲ្យប្រព័ន្ធផ្សព្វផ្សាយចិន ជួយផ្សព្វផ្សាយអំពីកម្ពុជាផងដែរ ជាពិសេសសក្ដានុពលទេសចរណ៍ ដូចជាប្រាសាទអង្គរវត្ត ដែលលោកចាត់ទុកថា ជាមូលដ្ឋានគ្រឹះនៃវប្បធម៌របស់កម្ពុជា៕

ប្រតិភូវិនិយោគមកពីខេត្តចំនួន២របស់ចិន ចាប់អារម្មណ៍វិនិយោគនៅកម្ពុជា

ដោយៈ គង់ សូរិយា

ភ្នំពេញៈ ក្រុមអ្នកធុរកិច្ចមកខេត្តជាំងស៊ូ (Jiangsu) និងក្រុងសានថូវ (Shantou) នៃខេត្តក្វាងតុង (Guangdong) របស់ប្រទេសចិន ស្វែងរកកិច្ចសហប្រតិបត្តិការបន្ថែមនៅកម្ពុជា ដើម្បីជំរុញការវិនិយោគ និងពាណិជ្ជកម្មរវាងប្រទេសទាំងពីរ កម្ពុជា-ចិន។

លោក Jiang Xin អគ្គនាយករងទទួលបន្ទុកផ្នែកពាណិជ្ជកម្មនៃខេត្តJiangsu នាថ្ងៃទី១៣ សីហា បានដឹកនាំគណៈប្រតិភូចិនជួបជាមួយលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) នៅទីស្ដីការCDC រាជធានីភ្នំពេញ។

CDC បញ្ជាក់ក្នុងសេចក្ដីប្រកាសព័ត៌មានថ្ងៃទី១៣ សីហា ថា “គោលបំណងចម្បងនៃការជួបពិភាក្សា នាពេលនេះគឺដើម្បីស្វែងរកកិច្ច សហប្រតិបត្តិការបន្ថែមរវាងCDC និងខេត្ត Jiangsu សំដៅជំរុញការវិនិយោគ និងពាណិជ្ជកម្ម”។

ក្នុងជំនួបនេះ លោក ជា វុទ្ធី បានធ្វើការកត់សម្គាល់ពីគម្រោងតំបន់សេដ្ឋកិច្ចពិសេស ក្រុងព្រះសីហនុ (SSEZ) ដែលបច្ចុប្បន្ននេះ ជិតនឹងបញ្ចប់ដំណាក់កាលទី១ និងបានស្រូបទាញការវិនិយោគមកពីខេត្តជាំងស៊ូ។

តំបន់សេដ្ឋកិច្ចពិសេសនេះ ត្រូវបានបង្កើតឡើងដោយក្រុមហ៊ុន SSEZ ដែលជាក្រុមហ៊ុនសហប្រតិបត្តិការរួមគ្នា រវាងក្រុមហ៊ុន Cambodia International Investment Development Group (CIIDG) និងក្រុមហ៊ុន Jiangsu Taihu Cambodia International Economic Cooperation Investment លើផ្ទៃដីទំហំ១ ១១៣ ហិកតា នៅខេត្ដព្រះសីហនុ ដែលទទួលគោលការណ៍អនុញ្ញាតពីCDC ក្នុងឆ្នាំ២០០៨។

លោក ជា វុទ្ធី ថ្លែងថា ផ្តើមចេញពីក្របខ័ណ្ឌនៃកិច្ចសហប្រតិបត្តិការនៃភាពជាដៃគូ យុទ្ធសាស្ត្រគ្រប់ជ្រុងជ្រោយ និងកិច្ចសហប្រតិបត្តិការត្បូងពេជ្រ រដ្ឋាភិបាលនៃប្រទេសទាំងពីរ កម្ពុជា-ចិន ក៏បានសម្រេចបង្កើត ច្រករបៀងឧស្សាហកម្ម និងបច្ចេកវិទ្យា និងច្រករបៀងមច្ឆា និងអង្ករ ដើម្បីជំរុញបន្ថែមការអភិវឌ្ឍសង្គម-សេដ្ឋកិច្ច។

លោក Jiang Xin បានថ្លែងអំណរគុណចំពោះ CDC ដែលបានផ្តល់នូវព័ត៌មានពាក់ព័ន្ធ នឹងបរិយាកាសវិនិយោគនៅកម្ពុជា, ព័ត៌មានស្ដីពីបច្ចុប្បន្នភាព នៃកិច្ចសហប្រតិបត្តិការរវាងប្រទេសទាំងពីរ កម្ពុជា-ចិន ក្នុងវិស័យសេដ្ឋកិច្ច, និងព័ត៌មានស្ដីពីបច្ចុប្បន្នភាព នៃតំបន់សេដ្ឋកិច្ចពិសេស ខេត្តព្រះសីហនុ ហើយថា នេះជាការចូលរួមវិនិយោគរបស់វិនិយោគិន មកពីខេត្តជាំងស៊ូ។

លោក ជា វុទ្ធី បានស្នើគណៈប្រតិភូចិន ជួយផ្សព្វផ្សាយពីសក្ដានុពលវិនិយោគ របស់កម្ពុជាបច្ចុប្បន្ន និងបរិស្ថានវិនិយោគដែលមានភាពអំណោយផល និងប្រកួតប្រជែងខ្ពស់របស់កម្ពុជា ទៅដល់វិនិយោគិនចិន និយាយជារួម និងទៅដល់វិនិយោគិននៅខេត្តជាំងស៊ូ។

ដោយឡែក ក្រុមហ៊ុនវិនិយោគមកពីទីក្រុងសានថូវ បានចាប់អារម្មណ៍ការវិនិយោគនៅកម្ពុជា។

លោក Wen Zhanbin លេខាគណៈកម្មាធិការបក្សនៃទីក្រុងសានថូវ បានដឹកនាំគណ:ប្រតិភូក្រុមហ៊ុនចំនួន៩ មកពីទីក្រុងសានថូវ មកបំពេញទស្សនកិច្ចនៅកម្ពុជា ដើម្បីជំរុញកិច្ចសហប្រតិបត្តិការលើវិស័យពាណិជ្ជកម្ម វិនិយោគ និងការផ្លាស់ប្ដូរវប្បធម៌រវាងទីក្រុងសានថូវ និងកម្ពុជា និងបានជួបជាមួយសម្តេចធិបតីហ៊ុន ម៉ាណែត នាថ្ងៃទី១៣ សីហា នៅរាជធានីភ្នំពេញផងដែរ៕

អគារការិយាល័យកម្រិតAកប់ពពកមួយនឹងផុសត្រដែតឡើងនៅតំបន់ Chinatown ក្នុងរដ្ឋធានីម៉ានីល

ដោយ: គង់ លាងហួរ

អន្តរជាតិ: ប្រទេសហ្វីលីពីន គ្រោងនឹងសាងសង់អគារការិយាល័យកម្រិតA ខ្ពស់កប់ពពកមួយ នៅក្នុងតំបន់ Chinatown ក្នុងរដ្ឋធានីម៉ានីល ដើម្បីជំរុញសកម្មភាពហិរញ្ញវត្ថុ។

អគារការិយាល័យនេះ នឹងមានទីតាំងស្ថិតនៅតាមបណ្តោយផ្លូវ Quintin Paredes និងត្រូវបានប្រសិទ្ធនាមឈ្មោះថា “One Financial Center”។ នៅពេលសាងសង់រួចរាល់ អគារ One Financial Cente rនឹងក្លាយជាកន្លែងសម្គាល់ សាជីវកម្មសហសម័យដំបូងគេ នៅតំបន់ Chinatown នៃទីក្រុងម៉ានីល។

ដើម្បីជំរុញឱ្យអគារមជ្ឈមណ្ឌល ពាណិជ្ជកម្មថ្មីនេះក្លាយជាកេរ្តិ៍ដំណែលដ៏យូរលង់ សម្រាប់មនុស្សជំនាន់ក្រោយ ក្រុមហ៊ុនអចលនទ្រព្យ Anchor Land បានរចនាគម្រូអគារនេះឡើង ដើម្បីរក្សាបាន នូវអត្តសញ្ញាណប្រវត្តិសាស្រ្ត ដោយច្របាច់បញ្ចូលធាតុផ្សំ បែបសហសម័យ និងរក្សាទុករចនាបថផ្នែកខាងមុខរបស់អគារ Uy Su Bin ឱ្យនៅដដែល។

ក្រៅពីសោភ័ណភាព និរន្តរភាពជាអាទិភាពមួយទៀតក្នុងការអភិវឌ្ឍន៍ ដោយមានជញ្ជាំងកញ្ចក់ប្រភេទ Low-E ចំនួន២ជាន់ត្រូវបានដាក់បញ្ចូល ដើម្បីរំលេចបន្ថែមនូវភាពឆើតឆាយរបស់អគារ និងរក្សាសីតុណ្ហភាព ក្នុងអគារឱ្យកាន់តែប្រសើរឡើង ដើម្បីធានាបាននូវផលិតភាពខ្ពស់ និងការប្រើប្រាស់ថាមពលតិច។

អគារការិយាល័យ One Financial Center ក៏នឹងផ្តល់ជូនផងដែរនូវ Space ដែលអាចបត់បែនបាន និងអាចពង្រីកបានយ៉ាងងាយស្រួល ដើម្បីបំពេញតម្រូវការអាជីវកម្មផ្សេងៗ។ អគារនេះ ត្រូវបានគូសប្លង់យ៉ាងយកចិត្ដទុកដាក់ ដោយមានកន្លែងទទួលភ្ញៀវ កន្លែងចតរថយន្ត៩ជាន់ និងជណ្តើរយន្តល្បឿនលឿនចំនួន៥ ដើម្បីធានាបាននូវការបំពេញការងារប្រចាំថ្ងៃដោយរលូន។

ស្របតាមគោលដៅរបស់អ្នកអភិវឌ្ឍន៍ ក្នុងការបង្កើនផលិតភាពសម្រាប់អតិថិជន អគារការិយាល័យកំពស់៤៥ជាន់នេះក៏ត្រូវបានបំពាក់ ដោយបច្ចេកវិទ្យា fiber optic ដើម្បីធានាបាននូវការផ្ទេរទិន្នន័យដោយរលូន និងការទំនាក់ទំនងដោយគ្មានការរំខាននៅក្នុងកន្លែងធ្វើការ។

ជាមួយនឹងការតភ្ជាប់ ប្រព័ន្ធអ៊ីនធឺណេតល្បឿនលឿន និងអាចទុកចិត្តបាន អ្នកជួលមានលទ្ធភាពកាន់តែខ្ពស់ ក្នុងការប្រើប្រាស់វេទិកា និងកម្មវិធីអនឡាញ ដើម្បីផ្សព្វផ្សាយសេវាកម្ម ឬផលិតផល ស្របពេលអាជីវកម្មរបស់ពួកគេ កំពុងផ្លាស់ប្តូរយ៉ាងលឿនទៅរកឌីជីថល៕

ប្រភព: Inquirer.Net

ប្រតិភូសភាពាណិជ្ជកម្មស្វែងយល់ពីសក្តានុពលខេត្តកោះកុង

ដោយៈ និស្ស័យ

កោះកុងៈ អនុប្រធានសភាពាណិជ្ជកម្មកម្ពុជា ដឹកនាំដោយឧកញ៉ាលឹម សុជាតិបានអញ្ជើញទស្សនកិច្ចសិក្សា ស្វែងយល់ពីសក្តានុពល គោលនយោបាយលើកទឹកចិត្តនៅខេត្តកោះកុង។

លោកឈេង សុវណ្ណដា អភិបាលរង នៃគណៈអភិបាលខេត្តកោះកុង បានអញ្ជើញទទួលស្វាគមន៍ឧកញ៉ា លឹម សុជាតិ និងប្រតិភូ ដែលដឹកនាំពាណិជ្ជករ អាជីវករ ពីបណ្តាខេត្តផ្សេងៗមក ទស្សនកិច្ចខេត្តកោះកុង ក្នុងគោលបំណងឈ្វេងយល់ពីសក្តានុពលខេត្ត និងគោលនយោបាយលើកទឹកចិត្ត នានាពីរដ្ឋបាលខេត្ត និងរកដៃគូពាណិជ្ជកម្មផងដែរ។

ក្នុងឱកាសនោះ លោកអភិបាលរងខេត្ត បានជម្រាបជូនគណៈប្រតិភូ អំពីស្ថានភាពភាពភូមិសាស្រ្ត និងប្រជាសាស្ត្រ នៃខេត្តកោះកុង ជាពិសេសសក្តានុពល រួមមានផ្លូវជាតិលេខ៤៨ នឹង ដែលបញ្ចប់ការសាងនាពេលខាងមុខនេះ ជាផ្លូវដែលមានសក្តានុពល ក្នុងការធ្វើចរាចរណ៍ ដឹកទំនិញ និងសកម្មភាពពាណិជ្ជកម្មនានា កាន់តែល្អប្រសើរបន្ថែមទៀត។

ជាមួយនឹងផ្លូវជាតិលេខ១០ ដែលតភ្ជាប់យ៉ាងសំខាន់ពីតាមខេត្តបណ្តោយកោះកុង ពោធិ៍សាត់ បាត់ដំបង ជាផ្លូវដឹកជញ្ជូនដ៏សំខាន់មួយទៀត សក្តានុពលមួយទៀតជាខេត្ត ដែលមានឆ្នេរសមុទ្រវែងជាងគេ មានតំបន់ទេសចរណ៍បែបធម្មជាតិច្រើនកន្លែង និងកោះដែលមានសម្រស់ស្រស់ស្អាត អាចទាក់ទាញភ្ញៀវទេសចរណ៍ជាតិ អន្តរជាតិ មកទស្សនាកម្សាន្ត។

ខេត្តកោះកុងក៏បានច្រកទ្វាព្រំដែនអន្តរជាតិ មានតំបន់សេដ្ឋកិច្ចពិសេសផងដែរ មានគម្រោងវិនិយោគជាច្រើនកំពុងដំណើការ និងដាក់ឱ្យដំណើរការបន្ថែមទៀត ជាពិសេសវារីអគ្គិសនី ដែលជាធុងអាគុយដ៏ធំ ដែលផ្តល់ថាមពលអគ្គិសនីជាច្រើន។

ជាមួយទិន្នផលពីសមុទ្រ ក៏ជាធនធានដ៏សំខាន់ផងដែរ ក៏ប៉ុន្តែដោយសារមិនទាន់មានអ្នកវិនិយោគ មិនទាន់ចូលរួមបានច្រើននៅឡើយ ដើម្បីលើកស្ទួយនូវសក្តានុពល ដែលខេត្តមាន ក្នុងនាមថ្នាក់ដឹកនាំខេត្ត ស្នើឯកឧត្ដម លោកជំទាវ ដែលជាប្រតិភូ ពិនិត្យលទ្ធភាព ក្នុងការដាក់ទុនវិនិយោគបន្ថែមទៀត ក្នុងន័យចូលរួមអភិវឌ្ឍន៍ខេត្ត និងមុខរបររបស់ប្រជាពលរដ្ឋ ដើម្បីចូលរួមជាមួយរាជរដ្ឋាភិបាល កាត់បន្ថយភាពក្រីក្រ និងក្លាយជាប្រទេសដែលមានការអភិវឌ្ឍ៕

តើនរណានឹងអាចក្លាយជានាយករដ្ឋមន្ត្រីថៃថ្មី បន្ទាប់ពីលោកសេដ្ឋា ថាវីស៊ីន?

ដោយ: គង់ លាងហួរ

បាងកក: នាយករដ្ឋមន្ត្រីថៃ លោក សេដ្ឋា ថាវីស៊ីន ត្រូវបានតុលាការធម្មនុញ្ញថៃ សម្រេចដកហូតចេញពីមុខតំណែងកាលពីថ្ងៃពុធ ទី១៤ ខែសីហា ពីបទរំលោភបំពានក្រមសីលធម៌ ក្នុងការតែងតាំងលោក Pichit Chuenban ជារដ្ឋមន្ត្រីទទួលបន្ទុកខុទ្ទកាល័យនាយករដ្ឋមន្ត្រី ដែលធ្លាប់ជាប់ពន្ធនាគារកាលពីឆ្នាំ២០០៨ ពីបទសូកប៉ាន់មន្ត្រីតុលាការកំពូលថៃ។

តើព្រឹត្តិការណ៍អ្វីនឹងកើតឡើង បន្ទាប់ពីលោក សេដ្ឋា ថាវីស៊ីន របូតកៅអីជានាយករដ្ឋមន្ដ្រីថៃ?

គណរដ្ឋមន្ត្រីថៃបច្ចុប្បន្ន នឹងក្លាយជាគណរដ្ឋមន្ត្រីចាំផ្ទះ ខណៈលោក Phumtham Wechayachai រដ្ឋមន្ត្រីក្រសួងពាណិជ្ជកម្ម និងជាឧបនាយករដ្ឋមន្ត្រី នឹងក្លាយជានាយករដ្ឋមន្ត្រីស្តីទីជំនួសឱ្យលោកសេដ្ឋាជាបណ្តោះអាសន្ន។

បណ្តាគណបក្សនានាត្រូវតែសម្រេចចិត្តថា តើពួកគេនឹងតែងតាំងនរណា និងបោះឆ្នោតឱ្យនរណា ធ្វើជានាយករដ្ឋមន្ត្រីថ្មីបន្ទាប់ពីលោកសេដ្ឋា ដោយផ្អែកលើបញ្ជីបេក្ខជន ដែលត្រូវបានដាក់ស្នើ ទៅកាន់សភាមុនការបោះឆ្នោតឆ្នាំ២០២៣។

យ៉ាងណាមិញ ក្រុមអ្នកវិភាគរំពឹងថា ពុំមែនគ្រប់បេក្ខជនទាំងអស់ សុទ្ធតែនឹងត្រូវបានដាក់ស្នើ ទៅកាន់សភាដើម្បីបោះឆ្នោតអនុម័តនោះទេ ដោយអាចមានការចរចា រវាងគណបក្សនានា ដើម្បីជាថ្នូរនឹងការទទួលបានតំណែង នៅក្នុងជួរគណៈរដ្ឋមន្ត្រី។

ម្យ៉ាងទៀត ប្រធានសភាថៃ នឹងកោះប្រជុំសភាជាន់ទាបដើម្បីបោះឆ្នោតជ្រើសរើសនាយករដ្ឋមន្ត្រីថ្មី។

ប៉ុន្តែប្រទេសថៃពុំមានច្បាប់ណាមួយ ដែលបញ្ជាក់ច្បាស់លាស់ថា តើពេលណាសភាត្រូវកោះប្រជុំ ដើម្បីធ្វើការបោះឆ្នោតនោះទេ។

ដើម្បីអាចក្លាយជានាយករដ្ឋមន្ត្រីបាន បេក្ខជនមួយរូបត្រូវការសំឡេងគាំទ្រ ពីសមាជិកសភាជាន់ទាប ជាងពាក់កណ្តាលនៃសមាជិកសភាសរុបចំនួន៤៩៣នាក់ ឬស្មើនឹង២៤៧សំឡេង។ ប្រសិនបើបេក្ខជនរូបនោះ ទទួលបានសំឡេងគាំទ្រមិនគ្រប់គ្រាន់ សភាត្រូវកោះប្រជុំម្តងទៀត នៅពេលក្រោយដើម្បីបោះឆ្នោតឡើងវិញ ដោយបេក្ខជនដទៃផ្សេងទៀត អាចត្រូវបានតែងតាំង។

រដ្ឋាភិបាលចម្រុះថៃ ដែលមានគណបក្សចំនួន១១ចងសម្ព័ន្ធ មានកៅអីសរុបចំនួន៣១៤អាសនៈ នៅក្នុងសភាជាន់ទាប។ នាយករដ្ឋមន្ត្រីថ្មី ត្រូវតែងតាំងគណៈរដ្ឋមន្ត្រី និងធ្វើបទបង្ហាញអំពីគោលនយោបាយ របស់ខ្លួនទៅកាន់សភា មុនពេលស្បថចូលកាន់តំណែងជាផ្លូវការ។

តើនរណានឹងអាចក្លាយជាបេក្ខជនប្រជែងយកដំណែងជានាយករដ្ឋមន្ត្រីថ្មីរបស់ប្រទេសថៃ?

ក្រុមអ្នកវិភាគនយោបាយលើកឡើងថា លោកស្រី Paetongtarn Shinawatra វ័យ៣៧ឆ្នាំ ប្រធានគណបក្ស ភឿ ថៃ និងជាកូនស្រីរបស់លោក អតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា អាចនឹងឡើងមកកាន់តំណែង ជំនួសលោកសេដ្ឋា ថាវីស៊ីន។

ប្រសិនបើទទួលបានសំឡេងគាំទ្រ គ្រប់គ្រាន់ពីសភា លោកស្រី នឹងក្លាយជានាយករដ្ឋមន្ដ្រីត្រកូល ស៊ីណាវ៉ាត្រាទី៣ បន្ទាប់ពីលោកថាក់ស៊ីន ដែលត្រូវជាឪពុក និងលោកស្រីយីងឡាក់ ស៊ីណាវ៉ាត្រា ដែលត្រូវជាម្តាយមីង។

រីឯ លោកឧបនាយករដ្ឋមន្ត្រី Anutin Charnvirakul រដ្ឋមន្ត្រីក្រសួងមហាផ្ទៃ ជាបេក្ខជនមួយរូបទៀត ដែលអាចប្រជែងតំណែងជានាយករដ្ឋមន្ត្រី។

លោកបានជំរុញឱ្យមានការធ្វើ សេរីភាវូបនីយកម្មកញ្ឆានៅក្នុងប្រទេសថៃដោយជោគជ័យ។

លោក Anutin ជាមេដឹកនាំគណបក្ស Bhumjaithai ហើយជាដៃគូធំបំផុតទីពីរ នៅក្នុងរដ្ឋាភិបាលចម្រុះ បន្ទាប់ពីគណបក្សភឿ ថៃ។

ទន្ទឹមនឹងនេះ លោក Prawit Wongsuwan ជាអតីតមេទ័ពដ៏មានឥទ្ធិពលមួយរូប មកពីគណបក្សអភិរក្សនិយម Palang Pracharat ក៏អាចក្លាយជាជម្រើសបេក្ខជន នាយករដ្ឋមន្ដ្រីផងដែរ។ ក្នុងនាមជាអ្នកបង្កើត កិច្ចព្រមព្រៀងនយោបាយដ៏ល្បីឈ្មោះមួយរូប លោក Prawit បានជាប់ពាក់ព័ន្ធ ក្នុងការធ្វើរដ្ឋប្រហារចំនួន២លើកចុងក្រោយ ប្រឆាំងនឹងរដ្ឋាភិបាលដឹកនាំដោយត្រកូលស៊ីណាវ៉ាត្រា។

ចំណែក លោក Chaikasem Nitisiri អតីតរដ្ឋមន្ត្រីក្រសួងយុត្តិធម៌ និងជាអ្នកស្មោះស្ម័គ្រ ចំពោះគណបក្សភឿថៃ និងរដ្ឋមន្ត្រីក្រសួងថាមពលលោក Pirapan Salirathavibhaga អតីតរដ្ឋមន្ត្រីក្រសួងយុត្តិធម៌ របស់គណបក្សអភិរក្សនិយម Thai Raksa Chart ក៏អាចឈរឈ្មោះជាបេក្ខជន ដើម្បីប្រជែងយកតំណែងនាយករដ្ឋមន្ត្រីផងដែរ៕

ប្រភព: Reuters

នាយករដ្ឋមន្រ្តីថៃត្រូវបានតុលាការធម្មនុញ្ញដកចេញពីតំណែងហើយ

បាងកក៖ តុលាការធម្មនុញ្ញរបស់ប្រទេសថៃ នារសៀលថ្ងៃពុធ ទី១៤ ខែសីហា បានសម្រេចដកតំណែងលោកស្រេថា ថាវីស៊ីន ដែលជានាយករដ្ឋមន្រ្តីចេញពីតំណែង ពីបទរំលោភរដ្ឋធម្មនុញ្ញ ជុំវិញការតែងតាំងគណៈរដ្ឋមន្ត្រីដែលធ្លាប់ជាប់ពាក់ព័ន្ធជាមួយនឹងការប្រព្រឹត្តអំពើពុករលួយសូកប៉ាន់។ ការសម្រេចចិត្តរបស់តុលាការថៃនេះធ្វើឡើងក្រោយពីរងពាក្យបណ្តឹងពីសមាជិកសភាថៃបានប្តឹងលោកស្រេថា ពីបទតែងតែតាំងមន្រ្តីដោយចិត្តឯងមិនឆ្លងតាមច្បាប់ និងមាត្រានៃប្រទេសថៃ សេចក្តីសម្រេចថ្ងៃនេះកើតឡើងក្រោយពីតុលាការថៃបើកការស៊ើបអង្កេតអស់ជាច្រើនខែ។

លោកស្រេថា ថាវីស៊ីន បានបដិសេធការប្រព្រឹត្តខុសក្នុងការតែងតាំងលោក Pichit Chuenban អតីតមេធាវីរបស់ខុទ្ទកាល័យលោក ថាកស៊ីន ដែលរូបលោកត្រូវបានគេដាក់ពន្ធនាគារមួយរយៈខ្លីពីបទមើលងាយតុលាការក្នុងឆ្នាំ ២០០៨ ជុំវិញការប៉ុនប៉ងសូកប៉ាន់មន្រ្តីតុលាការ។ លោក Pichit Chuenban ត្រូវបានតុលាការកាត់ទោសឲ្យជាប់ពន្ធនាគាររយៈពេលប្រាំមួយខែ ដោយលោកបានលាលែងពីគណៈរដ្ឋមន្ត្រីក្នុងគោលបំណងជួយសង្គ្រោះលោកស្រេថា ប៉ុន្តែតុលាការបានបន្តសំណុំរឿងនេះ។

គួរបញ្ជាក់ថាការសម្រេចចិត្តរបស់តុលាការធម្មនុញ្ញថៃនេះកើតឡើងប៉ុន្មានថ្ងៃខាងមុខទៀតតែប៉ុណ្ណោះជាគម្រប់ខួបមួយឆ្នាំរបស់លោកស្រេថា ក្នុងនាមជានាយករដ្ឋមន្រ្តីថៃថ្មី៕

បុរីវិមានសំណាងផ្តោតការធ្វើទីផ្សារកាន់តែសកម្ម ខណៈការលក់សម្រេចបានវឌ្ឈនភាព

ដោយៈ គង់ សូរិយា

ភ្នំពេញៈ បុរីវិមានសំណាង បាននិងកំពុងជម្រុញការធ្វើទីផ្សារកាន់តែសកម្មជាងមុន ខណៈការលក់កំពុងសម្រេចបានវឌ្ឍនភាព។

លោកឧកញ៉ាបណ្ឌិតគីម ហ៊ាងអ្នកអភិវឌ្ឍន៍បុរីនេះ តែងតែឲ្យតម្លៃលើសារព័ត៌មាន និងបណ្តាញទំនាក់ទំនងសង្គមតាំងពីដើមរៀងមក។

លោកឧកញ៉ាបានមានប្រសាសន៍ឲ្យដឹងថា ការលក់បុរីវិមានសំណាង យើងសម្រេចបានទិសដៅតាមអ្វី ដែលបានគ្រោងទុក ជចក្ខុវិស័យមួយដែលយើង ក្នុងនាមជាអ្នកអភិវឌ្ឍន៍ តែងតែបានសិក្សាទីផ្សារ សិក្សារសនិយមរបស់អតិថិជន និងការសាងសង់បុរី ជាមួយរចនាបទបែបយូនីក ដែលក្រុមហ៊ុនបានប្រកាន់យក។

លោកឧញ៉ាបានបន្តថា “មុនសាងសង់បុរីនេះឡើង យើងបានសិក្សាពីបុរី នៅជុំវិញតំបន់នេះជាង១០គំរោង មុនសម្រេចចិត្តវិនិយោគគំរោងនេះឡើង”។ លោបន្តថា “យើងំពុងសាងសង់បុរី ដែលផ្តោតលើការសាងសហគមន៍ បែបអភិជនមួយ ដែលមានបរិស្ថាន ហេដ្ឋារចនាសម្ព័ន្ឋល្អប្រសើរ និងម៉ូតផ្ទះប្រកបដោយភាពស៊ីវិល័យ តាមរចនាបទបែបសហសម័យ”។

ជាមួយការសាងសង់ដោយប្រើប្រាស់ឥដ្ឋ២០ ចាក់បេតុងនៅជាន់ដំបូល លំនៅដ្ឋាននិមួយៗរបស់បុរីវិមានសំណាង មានភាពត្រជាក់ បញ្ចៀសបាននូវការជ្រាបទឹក និងការពារបាននូវពពួកកណ្តៀរ ដែលតែងរំខានដល់ការរស់នៅរបស់ម្ខាស់ផ្ទះ។

បុរីវិមានសំណាង បាននិងកំពុងសាងសង់ នៅលើផ្ទៃដីទំហំ២៥ហិកតា មានព្រែកធម្មជាតិហូរកាត់ប្រវែង១គីឡូម៉ែត្រ មានសួនច្បារ ហាងកាហ្វេរ កន្លែងហាត់ប្រាណ ស្ទីម សោណាសម្រាប់អតិថិជន ដដែលរស់នៅក្នុងបុរីនេះផងដែរ។

មានចម្ងាយពីក្រសួងរៀបចំដែនដី នគរូបនីយកម្ម និងសំណង់ បុរីវិមានសំណាងព័ទ្ឋជុំវិញដោយមជ្ឈមណ្ឌលពាណិជ្ជកម្មដូចជា ផ្សារទំនើបEAON MALL2, ផ្សារMAKRO សួនសត្វសាហ្វារីវើលដ៏ សួនទឹកកំសាន្តធំលំដាប់ទី២ នៅតំបន់អាស៊ានផងដែរ៕

Biden allows more solar cell imports to avoid Trump-era tariffs

U.S. President Joe Biden on Monday more than doubled the volume of solar cells that are allowed to be imported tariff-free to help domestic panel producers that rely on components made overseas.

According to a White House proclamation released late on Monday, the so-called tariff-rate quota on solar cells will increase to 12.5 gigawatts from 5 GW. The tariff currently is set at 14.25%

The tariffs were first imposed by former President Donald Trump in 2018 under section 201 of the 1974 trade act to protect the small U.S. solar manufacturing sector against competition from low-priced imports made mainly in Asia.

The Biden administration had said in May it would consider raising the quota if imports approached the 5 GW level.

Biden has pledged to revitalized American manufacturing jobs in part by producing clean energy equipment to support his climate change agenda.

Source: Reuters

China’s foreign trade hits new high in first 7 months

China’s foreign trade hit a new high in the first seven months of this year, injecting impetus to the country’s economic growth, official data showed Wednesday.

The goods trade volume expanded 6.2 percent year on year in yuan terms in the first seven months. Exports rose 6.7 percent year on year, while imports climbed 5.4 percent, according to the General Administration of Customs (GAC).

“China’s economy has been running steadily since the beginning of this year, and the foreign trade has maintained a stable and positive momentum,” said Lyu Daliang, director of the GAC’s Department of Statistics and Analysis.

“The year-on-year growth of China’s foreign trade maintained above 5 percent for the fourth consecutive month in July,” Lyu added.

In U.S. dollar terms, the country’s foreign trade in goods stood at 3.5 trillion dollars from January to July. Exports reached 2.01 trillion dollars, while imports hit 1.49 trillion dollars.

Trade surplus expanded by 7.9 percent year on year to 518 billion dollars during the seven-month period.

ASEAN remained China’s largest trading partner, with bilateral trade volume reaching 3.92 trillion yuan in the first seven months, up 10.5 percent from a year ago, accounting for 15.8 percent of the country’s total foreign trade. It was followed by the European Union with trade volume standing at 3.22 trillion yuan, the United States at 2.72 trillion yuan, and the Republic of Korea at 1.32 trillion yuan.

China’s goods trade with countries participating in the Belt and Road Initiative surged by 7.1 percent to 11.72 trillion yuan in the first seven months.

Mechanical and electrical products continued to dominate China’s exports during the period, accounting for nearly 60 percent of the total.

Specifically, exports of automatic data processing equipment and components rose 11.6 percent year on year in the first seven months, integrated circuits increased by 25.8 percent and automobiles by 20.7 percent.

China aims to raise the volume and quality of foreign trade, boost imports of high-quality goods, and help foreign trade enterprises lower costs and boost efficiency, according to this year’s government work report.

Source: Gov. CN

1...573574575...3,379 Page 574 of 3,379