តើកម្ពុជានឹងអាចទាញយកសក្តានុពលអ្វីខ្លះ ពីការជំរុញទំនាក់ទំនងទ្វេរភាគីជាមួយប្រទេសឥណ្ឌូនេស៊ី

ដោយ: គង់ លាងហួរ

ភ្នំពេញ: ឯកអគ្គរដ្ឋទូតសហរដ្ឋអាមេរិក និងឯកអគ្គរដ្ឋទូតឥណ្ឌូនេស៊ីប្រចាំនៅកម្ពុជាបានចូលរួម ក្នុងកិច្ចពិភាក្សាតុមូលមួយស្តីពី“ការតស៊ូ ដើម្បីចក្ខុវិស័យសហគមន៍អាស៊ានឆ្នាំ២០៤៥”។

កិច្ចពិភាក្សានេះបានរៀបចំឡើង កាលពីថ្ងៃព្រហស្បតិ៍ ទី១៥ ខែកុម្ភៈ នៅមជ្ឈមណ្ឌលកម្ពុជា សម្រាប់ការសិក្សាកិច្ចការ ក្នុងតំបន់(CCRS) ក្នុងគោលបំណងពិភាក្សា អំពីផ្លូវឆ្ពោះទៅមុខសម្រាប់បណ្តាប្រទេសនៅក្នុងតំបន់អាស៊ាន។

ក្នុងកិច្ចពិភាក្សានោះ ឯកអគ្គរដ្ឋទូតនៃប្រទេសទាំងពីរ បានធ្វើបទបង្ហាញ អំពីអាទិភាពរបស់ប្រទេសរៀងៗខ្លួន សម្រាប់តំបន់អាស៊ាន និងមាគ៌ានាពេលអនាគត។

តួយ៉ាង លោក Santo Darmosumarto ឯកអគ្គរដ្ឋទូតឥណ្ឌូនេសុីប្រចាំនៅកម្ពុជា បានមានប្រសាសន៍ថា “ក្នុងឱកាសប្រារព្ធខួបលើកទី៦៥ នៃទំនាក់ទំនងការទូតកម្ពុជា-ឥណ្ឌូនេស៊ី វាក៏មានសារៈសំខាន់ផងដែរ ក្នុងការសម្លឹងមើលឱ្យលើស អំពីកិច្ចសហប្រតិបត្តិការទ្វេរភាគីរបស់យើង”។លោកបន្តថា “ឥណ្ឌូនេស៊ីមានឆន្ទៈ ក្នុងការធ្វើការរួមគ្នាជាមួយកម្ពុជា ដើម្បីជំរុញឱ្យមានអង្គការតំបន់និយមកាន់តែខ្លាំង ជាពិសេសនៅក្នុងបរិបទនៃការកសាងសហគមន៍អាស៊ាន”។

លោក ឡោ វិចិត្រ អនុប្រធានសមាគមពាណិជ្ជកម្មកម្ពុជា-ចិន បានមានប្រសាសន៍ឱ្យដឹងថា “វាជាព័ត៌មាន និងដំណឹងល្អ ដែលឯកអគ្គរដ្ឋទូតទាំង២ បានចែករំលែកបទពិសោធន៍ការទូត និងចំនេះដឹងស្តីពីតំបន់អាស៊ីអាគ្នេយ៍ និងទស្សនៈ ដើម្បីលើកកម្ពស់ចក្ខុវិស័យសហគមន៍អាស៊ានឆ្នាំ២០៤៥”។

ឥណ្ឌូនេស៊ីគឺជាឈ្នាន់ដ៏សំខាន់ សម្រាប់ដំណើររបស់កម្ពុជាឆ្ពោះទៅក្លាយជាប្រទេស ដែលមានចំណូលខ្ពស់ នៅត្រឹមឆ្នាំ២០៥០ខាងមុខ។

កម្ពុជា និងឥណ្ឌូនេស៊ី មានប្រវត្តិទំនាក់ទំនងទ្វេរភាគី តាំងពីយូរយារណាស់មកហើយ គិតចាប់តាំងពីសម័យ ព្រះបាទជ័យវរ្ម័នទី២ នៃអាណាចក្រខ្មែរ ដែលគង់នៅកោះជ្វា ក្នុងសតវត្សទី៨។

កម្ពុជា និងឥណ្ឌូនេស៊ីបានពង្រឹង កិច្ចសហប្រតិបត្តិការកាន់តែរឹងមាំ តាមរយៈការផ្លាស់ប្តូរដំណើរទស្សនកិច្ច កម្រិតខ្ពស់រវាងថ្នាក់ដឹកនាំនៃប្រទេសទាំង២ និងគម្រោងបង្កើតគណៈកម្មការចម្រុះស្តីពីកិច្ចសហប្រតិបត្តិការទ្វេរភាគី នៅកម្រិតថ្នាក់រដ្ឋមន្ត្រីការបរទេស សម្រាប់ឆ្នាំនេះ។

ឥណ្ឌូនេស៊ី គឺជាប្រទេសដែលមានសេដ្ឋកិច្ចធំជាងគេ នៅតំបន់អាស៊ាន ហើយត្រូវបានចាត់ទុកថាជាទីផ្សារ ដែលកំពុងរីកចម្រើនមួយនៅទូទាំងពិភពលោក ដោយសារតែកំណើនសេដ្ឋកិច្ច និងនយោបាយការទូត មានភាពលេចធ្លោទាំងនៅលើឆាកតំបន់ និងពិភពលោក។

ឥណ្ឌូនេស៊ី បានបង្ហាញឆន្ទៈចង់ពង្រីក សក្តានុពលអាជីវកម្មបច្ចុប្បន្ននៅកម្ពុជា និងបង្កើតកិច្ចសហប្រតិបត្តិការ វិនិយោគលើវិស័យហេដ្ឋារចនាសម្ព័ន្ធ ថាមពល និងខ្សែច្រវ៉ាក់ផ្គត់ផ្គង់សកល ដើម្បីធ្វើឱ្យទំនាក់ទំនងពាណិជ្ជកម្ម រវាងប្រទេសទាំង២កាន់តែរីកធំ និងកាន់តែមានតុល្យភាព។

លើសពីនេះ ឥណ្ឌូនេស៊ីក៏មានបំណងប្រែក្លាយប្រទេសរបស់ខ្លួនទៅជាគោលដៅថ្មីសម្រាប់និស្សិតកម្ពុជា ដែលកំពុងសិក្សានៅបរទេសផងដែរ។ ការណ៍នេះនឹងជួយផ្សារភ្ជាប់ទំនាក់ទំនង និងជំរុញកិច្ចសហប្រតិបត្តិការយុវជនរវាងប្រទេសទាំងពីរ។

ចំណែក លោក W. Patrick Murphy ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា បានសាទរចំពោះការធ្វើជាម្ចាស់ផ្ទះ និងជាប្រធានអាស៊ានប្តូរវេន របស់កម្ពុជានៅឆ្នាំ២០២២។ លោកបានថ្លែងថា សហរដ្ឋអាមេរិក បានផ្តោតសារៈសំខាន់យ៉ាងខ្លាំង ចំពោះតំបន់អាស៊ាន ដែលមានប្រជាជនចំនួន៦០០លាននាក់។

ជាមួយគ្នានេះ កម្ពុជាអាចនឹងទទួលបានអត្ថប្រយោជន៍យ៉ាងច្រើន ពីការបង្កើនទំនាក់ទំនងពាណិជ្ជកម្មទ្វេរភាគី ជាមួយឥណ្ឌូនេស៊ី ខណៈដែលឥណ្ឌូនេស៊ី ត្រូវបានគេព្យាករណ៍ថា នឹងក្លាយជាមហាអំណាចសេដ្ឋកិច្ចលំដាប់ទី៤របស់ពិភពលោក នៅត្រឹមឆ្នាំ២០៤៥ខាងមុខ៕

ទំហំសេដ្ឋកិច្ចរបស់ក្រុមប្រទេសBricsនឹងវ៉ាដាច់ក្រុមប្រទេសG7 ក្នុងរយៈពេល៤ឆ្នាំខាងមុខ

ដោយ: គង់ លាងហួរ

អន្តរជាតិ: លោកស្រី Dilma Rousseff ប្រធានធនាគារអភិវឌ្ឍន៍ថ្មី (NDB) បានមានប្រសាសន៍ឱ្យដឹងថា ក្រុមប្រទេសជាសមាជិក BRICS នឹងវ៉ាដាច់ក្រុមប្រទេសសេដ្ឋកិច្ចជឿនលឿន G7 ដោយឆ្ពោះទៅគ្របគ្រងចំណែកGDP របស់ពិភពលោកចំនួន៤០% ក្នុងរយៈពេល៤ឆ្នាំខាងមុខ។

ថ្លែងនៅក្នុងកិច្ចប្រជុំកំពូលរដ្ឋាភិបាល ពិភពលោកនៅទីក្រុងឌូបៃ (World Government Summit) ប្រធានធនាគារNDB រូបនេះ បានគូសបញ្ជាក់ថា ស្របពេលដែលមានការបន្ថែមសមាជិកថ្មី ចំណែ ករបស់ក្រុមប្រទេសBRICS នៅក្នុងទំហំសេដ្ឋកិច្ចពិភពលោក នឹងកើនឡើងពី៣៥ភាគរយ នាពេលបច្ចុប្បន្នដល់៤០ភាគរយ នៅឆ្នាំ២០២៨ ខណៈដែលចំណែករបស់ក្រុមប្រទេស G7 នឹងធ្លាក់ចុះមកនៅត្រឹម២៧,៨ភាគរយ ។
លោកស្រី Rousseff បានកត់សម្គាល់ថា ចំណែករបស់ក្រុមប្រទេស BRICS នៅក្នុងទំហំពាណិជ្ជកម្មពិភពលោក បានកើនឡើងពី៣៧ភាគរយ ក្នុងឆ្នាំ២០១៦ ដល់៤១ភាគរយ ក្នុងឆ្នាំ២០២២ ខណៈចំណែករបស់ក្រុមប្រទេសG7 នៅក្នុងទំហំពាណិជ្ជកម្មពិភពលោក បានធ្លាក់ចុះពី៦២ភាគរយ មកនៅត្រឹម៥៨ភាគរយ។

ក្រុមប្រទេសBRICS ដែលពីមុនរួមមាន សមាជិកមួយចំនួន ដូចជា ប្រេស៊ីល រុស្ស៊ី ឥណ្ឌា ចិន និងអាហ្រ្វិកខាងត្បូង បានចាប់ផ្តើមពង្រីកខ្លួនកាន់តែធំ បន្ទាប់ពីប្រទេសអារ៉ាប៊ីសាអូឌីត អ៊ីរ៉ង់ អេត្យូពី អេហ្ស៊ីប និងអេមីរ៉ាតអារ៉ាប់រួម បានប្រកាសចូលរួមជាសមាជិក នៅក្នុងខែមករា ឆ្នាំ២០២៤នេះ។

គំនិតរួមមួយ ដែលប្រទេសទាំងនេះមានដូចគ្នា គឺការមិនយល់ស្របទៅនឹងសណ្តាប់ធ្នាប់ពិភពលោក ដែលដឹកនាំដោយសហរដ្ឋអាមេរិក នាពេលបច្ចុប្បន្ន ហើយពួកគេ មានបំណងបង្កើតជាសណ្តាប់ធ្នាប់ថ្មីមួយផ្សេងទៀត ដែលនៅក្នុងនោះ បណ្ដាប្រទេសកំពុងអភិវឌ្ឍន៍នៅលើពិភពលោក ត្រូវតែមានអំណាចធំជាងពេលបច្ចុប្បន្ននេះ៕ប្រភព៖RT៕

ធនាគារហត្ថាចូលរួមប្រាក់ឧបត្ថម្ភប្រចាំឆ្នាំចំនួន៤០លានរៀល ដល់អង្គការរក្សាកុមារ

ដោយៈ គង់ សូរិយា

ភ្នំពេញៈ ដើម្បីជួយទ្រទ្រង់សកម្មភាព និងបេសកកម្ម លើកកម្ពស់សុខុមាលភាព ការអប់រំ និងផលប្រយោជន៍កុមារកម្ពុជាពីគ្រប់ស្រទាប់វណ្ណៈ។ ធនាគារហត្ថា បានឧបត្ថម្ភថវិកាចំនួន៤០លានរៀល ដល់អង្គការថែរក្សាកុមារ។

យោងតាមសេចក្តីប្រកាសរបស់ធនាគារហត្ថាបានឲ្យដឹងថា ធនាគារហត្ថា ជាក្រុមហ៊ុនបុត្រសម័្ពន្ធរបស់ធនាគារក្រុងស្រ៊ី ដែលជាធនាគារពាណិជ្ជធំជាងគេលំដាប់ទី៥ នៅក្នុងប្រទេសថៃ និងជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG មានមោទកភាពក្នុងការចូលរួមឧបត្ថម្ភ ប្រាក់ប្រចាំឆ្នាំចំនួន៤០លានរៀល ដល់អង្គការរក្សាកុមារ ដើម្បីជួយទ្រទ្រង់សកម្មភាព និងបេសកកម្ម លើកកម្ពស់សុខុមាលភាព ការអប់រំ និងផលប្រយោជន៍កុមារកម្ពុជាពីគ្រប់ស្រទាប់វណ្ណៈ។ការឧបត្ថម្ភកម្មវិធីនេះ បង្ហាញពីការប្តេជ្ញាចិត្តរបស់ ធនាគារ ហត្ថា ក្នុងការចូលរួមលើកកម្ពស់សុខុមាល និងការអប់រំដល់កុមារ ដើម្បីឱ្យពួកគាត់ក្លាយជាអ្នកបន្តវេន និងជាអ្នកជំនាន់ក្រោយដ៏មានសក្តានុពល។ ធនាគារ ហត្ថា យល់ច្បាស់អំពីសារៈសំខាន់ នៃការផ្តល់ចំណេះដឹង និងជំនាញចាំបាច់ផ្សេងៗដល់យុវជនជំនាន់ក្រោយ ដើម្បីធ្វើការសម្រេចចិត្តផ្នែកហិរញ្ញវត្ថុ នៅក្នុងជីវិតប្រចាំថ្ងៃរបស់ពួកគេឲ្យបានត្រឹមត្រូវ។លោកឧកញ៉ា ហួត អៀងតុង ប្រធានអគ្គនាយកធនាគារហត្ថា មានប្រសាសន៍ថា “យើងទាំងអស់គ្នាមានសេចក្តីសោមនស្សរីករាយ ក្នុងការចូលរួមគាំទ្រសកម្មភាព និងបេសកម្ម របស់អង្គការរក្សាកុមារ ដែលត្រូវបានបង្កើតឡើងដោយលោកជំទាវបណ្ឌិត ជាសិរី លោកជំទាវបណ្ឌិតអ៊ឹង កន្ថាផាវី និង ឯកឧត្តមបណ្ឌិត សុក ស៊ីផាន់ណា ដើម្បីលើកកម្ពស់សុខុមាលភាព ការអប់រំ និងផលប្រយោជន៍កុមារកម្ពុជាពីគ្រប់ស្រទាប់ វណ្ណៈ។លោកបញ្ជាក់ថា “យើងជឿជាក់ថា ការលើកកម្ពស់សុខុមាលភាព ការផ្តល់ការអប់រំល្អដល់កុមារ នឹងផ្តល់នូវលទ្ធផលយូរអង្វែងដល់ពួកគាត់ ដែលនឹងធ្វើឱ្យពួកគាត់ក្លាយជាទំពាំងស្នងឬស្សី ប្រកបដោយសក្តានុពល និងមានទំនុកចិត្តខ្ពស់”។ចំណែកលោកស្រី សុខ វណ្ណសិកា ប្រធានអង្គការរក្សាកុមារ បានសម្តែងនូវមតិអំណរអរគុណដល់ ធនាគារ ហត្ថា ដែលបានចូលរួម ឧបត្ថម្ភប្រាក់ប្រចាំឆ្នាំចំនួន៤០លានរៀល នៅចំពេលដែលអង្គការរក្សាកុមារ ទើបតែបានកែសម្រួលឈ្មោះនិងប្រតិបត្តិការ អោយក្លាយទៅជាអង្គការរក្សាកុមារ ដើម្បីធ្វើប្រតិបត្តិការបន្ថែមដោយផ្ទាល់ និងប្រយោល ក្នុងគោលបំណងបង្កើន និងជម្រុញអំពើសប្បុរសធម៌ក្នុងទម្រង់ជា Philanthropy ដើម្បីជួយកុមារគ្រប់ស្រទាប់វណ្ណះ ដែលត្រូវការតម្ហែទាំសុខភាព និងការអប់រំ ដោយសុទ្ធចិត្ត ក្នុងគោលដៅសម្រេចឱ្យបាននូវវិបុលភាពរបស់កុមារ គ្រួសារ និងសង្គមជាតិ។

អំពីធនាគារហត្ថា

ធនាគារ ហត្ថា ជាធនាគារពាណិជ្ជដែលមានវត្តមាន នៅក្នុងព្រះរាជាណាចក្រកម្ពុជាអស់រយៈកាល៣០ឆ្នាំមកហើយ ដែលផ្តល់ជូនសេវាហិរញ្ញវត្ថុយ៉ាងទូលំទូលាយដល់អតិថិជនរបស់ខ្លួន។ គិតត្រឹមត្រីមាសទី៤ ឆ្នាំ២០២៣ ធនាគារ ហត្ថា កំពុងកាន់កាប់តំណែងជាធនាគារពាណិជ្ជ ធំជាងគេលំដាប់ទី៤ផ្អែកលើការិយាល័យប្រតិបត្តិការរបស់ខ្លួន។

ធនាគារហត្ថា ជាក្រុមហ៊ុនបុត្រសម្ព័ន្ធរបស់ ធនាគារក្រុងស្រ៊ី ដែលជាសម្ព័ន្ធហិរញ្ញវត្ថុធំបំផុតលំដាប់ទី៥ នៅក្នុងព្រះរាជាណាចក្រថៃឡង់ដ៍ ដែលមានអាយុកាលអាជីវកម្មរយៈពេល៧៨ឆ្នាំ។ ធនាគារក្រុងស៊្រី ជាសមាជិកយុទ្ធសាស្ត្រនៃសម្ព័ន្ធហិរញ្ញវត្ថុអន្តរជាតិ MUFG Financial Group ដែលជាសម្ព័ន្ធហិរញ្ញវត្ថុធំជាងគេ នៅក្នុងប្រទេសជប៉ុន និងធំបំផុតមួយនៅក្នុងពិភពលោក។

អំពីអង្គការមូលនិធិរក្សាកុមារ

អង្គការរក្សាកុមារ ជាអង្គការក្នុងស្រុកផ្តួចផ្តើមឡើង ដោយស្ថាបនិកខ្មែរ រួមមាន លោកជំទាវបណ្ឌិត ជា សិរី លោកជំទាវបណ្ឌិតអ៊ឹង កន្ថាផាវី និង ឯកឧត្តមបណ្ឌិតសុក ស៊ីផាន់ណា។ អង្គការរក្សាកុមារមានបេសកកម្ម លើកកម្ពស់សុខុមាលភាព ការអប់រំ និងផលប្រយោជន៍កុមារកម្ពុជាពីគ្រប់ស្រទាប់វណ្ណៈ៕

ក្រុមការងារជំរុញការវិនិយោគខេត្តព្រះសីហនុរៀបចំសម្រួលនិតិវិធីនានាដើម្បីផ្តល់ជូនវិនិយោគិន

ដោយៈ គង់ សូរិយា

ភ្នំពេញៈ ក្រុមមន្រ្តីជាន់ខ្ពស់ជម្រុញការវិនិយោគ នៅខេត្តព្រះសីហនុ បានរៀបចំកិច្ចប្រជុំលើកទី១ មានគោលដៅសម្រួលនីតិវិធីអោយកាន់តែមានភាពសាមញ្ញ ងាយស្រួល និងកញ្ចប់សេវាពិសេសជូនវិនិយោគិន។

កិច្ចប្រជុំនេះបានធ្វើឡើង ក្រោមអធិបតីភាពលោកបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារ ជំរុញការវិនិយោគខេត្តព្រះសីហនុ ដោយមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធ នៅទីស្តីការក្រសួងសេដ្ឋកិច្ច និងហិរញ្ញវត្ថុ និងមន្រ្តីជាន់ខ្ពស់នៃរដ្ឋបាលខេត្តព្រះសីហនុចំនួន២រូបផងដែរ។លោកឡុង ឌីម៉ង់ និងលោកឯម ភាពអភិបាលរងខេត្តព្រះសីហនុ ចូលរួមកិច្ចប្រជុំពិភាក្សាលើការរៀបចំកិច្ច ដំណើរការរបស់ក្រុមការងារ និង និតីវិធី/បែបបទ ក្នុងការពិនិត្យការស្នើរបស់វិស័យឯកជនក្រោមវិសាលភាពរបស់ “កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ ២០២៤” ។កិច្ចប្រជុំនេះរៀបចំឡើង ក្នុងគោលបំណងសម្រួលនីតិវិធីអោយមានភាពសាមញ្ញ ងាយស្រួល និងកញ្ចប់សេវាពិសេសជូនវិនិយោគិន ដែលមានបំណងមកវិនិយោគនៅខេត្តព្រះសីហនុ។នេះជាកិច្ចប្រជុំលើកទី១ របស់ក្រុមការងារជំរុញការវិនិយោគខេត្តព្រះសីហនុ។ សមាសភាពទាំងអស់ បានបង្ហាញពីការគាំទ្រ និងការចូលរួមយ៉ាងសកម្ម ក្នុងការសម្របសម្រួលបែបបទវិនិយោគ និងការផ្តល់សេវាពិសេស សម្រាប់សកម្មភាពធុរកិច្ច ក្នុងខេត្តព្រះសីហនុ។ជាលទ្ធផល ដើម្បីពន្លឿនដល់ការដោះស្រាយ បញ្ហាវិនិយោគក្នុងខេត្តព្រះសីហនុ ក្រុមការងារបាននិងកំពុងរៀបចំទីតាំងការិយាល័យចំនួន២ ក្នុងខេត្តព្រះសីហនុ និងរាជធានីភ្នំពេញ ដែលនឹងបំពេញមុខងារដូចការិយាល័យ ច្រកចេញចូលតែមួយ សម្រាប់វិស័យឯកជនដាក់សំណើ។

ក្នុងន័យនេះ សូមធុរជន និងវិនិយោគិន ដែលមានបំណងទទួលបាននូវ “អត្ថប្រយោជន៍ពិសេស” ខាងលើ អញ្ជើញដាក់ពាក្យសុំ ឬស្នើមកក្រុមការងារ ជំរុញការវិនិយោគក្នុងខេត្តព្រះសីហនុ ដើម្បីក្រុមការងារ ពិនិត្យ វាយតម្លៃ និងផ្តល់ការអនុម័ត នៅការិយាល័យក្រុមការងារ ដែលមានអាសយដ្ឋាននៅ ផ្លូវជាតិលេខ៤ ភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ ឬនៅអគារមជ្ឈមណ្ឌលអភិវឌ្ឍធុរកិច្ចជាន់ទី២១ សង្កាត់/ខណ្ឌជ្រោយចង្វារ រាជធានីភ្នំពេញ៕

អ្នកជំនាញអន្តរជាតិអះអាងថា សេដ្ឋកិច្ចកម្ពុជាកំពុងឈានចូលយុគសម័យថ្មីជាមួយនឹងសន្ទុះលឿនបំផុត

ដោយ: គង់ លាងហួរ

ភ្នំពេញ: អ្នកជំនាញអន្តរជាតិមួយរូបលើកឡើងថា ក្រោមការដឹកនាំដ៏ឈ្លាសវៃរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជានាពេលបច្ចុប្បន្ន កម្ពុជាកំពុងឈានចូលដល់យុគសម័យថ្មី ដែលសេដ្ឋកិច្ចរីកចម្រើនយ៉ាងឆាប់រហ័ស។

អ្នកជំនាញបញ្ជាក់ថា អនាគតរបស់ប្រទេសនេះ ហាក់មានពន្លឺត្រចះត្រចង់ ស្របពេលដែលសេដ្ឋកិច្ចកម្ពុជា ត្រូវបានព្យាករថា នឹងសម្រេចបានកំណើនលើសពី៦,១ភាគរយ នៅឆ្នាំ២០២៤នេះ។

ក្នុងនាមជាអ្នកជំនាញផ្នែកអចលនទ្រព្យ អ្នកអភិវឌ្ឍន៍អាជីវកម្ម និងជាទីប្រឹក្សាយុទ្ធសាស្ត្រ លោកបណ្ឌិត Alexander Evengroen បង្ហាញសុទិដ្ឋិនិយមថា សេដ្ឋកិច្ចកម្ពុជានឹងស្ទុះងើបឡើងវិញ នៅក្នុងឆមាសទីពីរនៃឆ្នាំ២០២៤នេះ។ម្យ៉ាងទៀត បើយោងតាមការព្យាករណ៍ របស់មូលនិធិរូបិយវត្ថុអន្តរជាតិ(IMF) បង្ហាញថា សេដ្ឋកិច្ចកម្ពុជានឹងកើនឡើងជាលំដាប់ និងកើនលើសពីឆ្នាំមុនៗទៅទៀត។ លើសពីនេះ IMF ក៏ដាក់ប្រទេសកម្ពុជា ក្នុងចំណោមប្រទេស ដែលមានសេដ្ឋកិច្ចឈានមុខគេមួយនៅក្នុងតំបន់អាស៊ានផងដែរ។

យោងតាមលោកបណ្ឌិត Alexander Evengroen ដើម្បីទាញយកប្រយោជន៍ ពីទស្សនវិស័យវិជ្ជមាននេះ កម្ពុជាត្រូវតែផ្តោតលើការទាក់ទាញវិនិយោគិនក្នុងស្រុក និងបរទេស។ លោកបណ្ឌិតបន្តថា “ភាពជាដៃគូរបស់កម្ពុជា ជាមួយបណ្តាប្រទេសនានាដូចជា អារ៉ាប់រួម ម៉ាឡេស៊ី ជប៉ុន ចិន អឺរ៉ុប និងសហរដ្ឋអាមេរិក នឹងមានសារៈសំខាន់ណាស់ ក្នុងការជំរុញកំណើនសេដ្ឋកិច្ចជាវិជ្ជមាន និងការអភិវឌ្ឍន៍”។លោកបន្តឲ្យដឹងថា ដើម្បីទ្រទ្រង់កំណើននេះ វិស័យឯកជន និងរដ្ឋាភិបាលត្រូវតែធ្វើការរួមគ្នា ដើម្បីកំណត់ឱកាសវិនិយោគសំខាន់ៗ ហើយឧស្សាហកម្មអចលនទ្រព្យ ទេសចរណ៍ កសិកម្ម ការថែទាំសុខភាព ការផលិត និងការអប់រំ គួរតែត្រូវបានផ្តល់អាទិភាពដើម្បីធានាបាននូវភាពជោគជ័យរយៈពេលវែង។

លោកបញ្ជាក់ទៀតថា “ជាពិសេស ការអប់រំនឹងដើរតួនាទីយ៉ាងសំខាន់ ក្នុងការកសាងអនាគតរបស់កម្ពុជា ហើយតាមរយៈការបណ្តាក់ទុន ក្នុងការអភិវឌ្ឍន៍កម្លាំងពលកម្មជំនាញ ប្រទេសកម្ពុជានឹងអាចប្រែក្លាយជាមជ្ឈមណ្ឌលសម្រាប់ការច្នៃប្រឌិត និងការរីកចម្រើននៅក្នុងតំបន់”។

លោកបណ្ឌិត Alexander Evengroen បានសង្កត់ធ្ងន់ថា តាមរយៈការធ្វើការរួមគ្នា យើងអាចនឹងបង្កើតអនាគត កាន់តែរីកចម្រើន និងប្រកបដោយបរិយាប័ន្ន សម្រាប់ប្រជាជនកម្ពុជាទាំងអស់។

លោកបណ្ឌិតបានគូសបញ្ជាក់បន្ថែមថា ទីបំផុតកម្ពុជានឹងសម្រេចបាននូវគោលដៅសេដ្ឋកិច្ចរបស់ខ្លួន តាមរយៈកិច្ចសហការ ការច្នៃប្រឌិត និងការរៀបចំផែនការយុទ្ធសាស្រ្ត៕

ក្រុមហ៊ុនធំមួយបោះទុនវិនិយោគលើការកសាងផែចំណតទូក និងសាងសង់ផ្លូវបេតុងនៅក្រុងកោះរ៉ុង

ដោយៈ គង់ សូរិយា

ភ្នំពេញៈ អភិបាលខេត្តព្រះសីហនុ និងប្រធានក្រុមប្រឹក្សាភិបាលក្រុមហ៊ុនU Property Management CO., LTD លោកយឹម លក្ខណ៍បានអញ្ជើញ បើកការដ្ឋានសាងសង់ផ្លូវបេតុង និងផែចំណតទូកកោះរ៉ុងសន្លឹម ស្ថិតនៅភូមិកោះរ៉ុងសន្លឹម សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។

ចូលរួមជាអធិបតីក្នុងពិធីនោះ លោកគួច ចំរើន អភិបាលខេត្តព្រះសីហនុ មានប្រសាសន៍ថា ការបើកការដ្ឋាន គឺជាផ្លែផ្កាដែលកម្ពុជារបស់យើង មានសុខសន្តិភាព បានផ្តល់ឱកាស ឱ្យអ្នកវិនិយោគមើលឃើញពីសមិទ្ធផល និងសម្រេចចិត្តធ្វើការបោះទុនវិនិយោគ នៅលើកោះរ៉ុងសន្លឹមរបស់យើង ហើយថ្ងៃនេះជាសក្ខីភាពមួយបង្ហាញច្បាស់ ពីការជឿជាក់របស់អ្នកវិនិយោគគិន បានសម្រេចចិត្តបើកការដ្ឋាននៅពេលនេះ គឺដោយសារសុខសន្តិភាព នៃការអភិវឌ្ឍរបស់កម្ពុជា ពិសេសការវិនិយោគនៅកោះរ៉ុង ក្រុងកោះរ៉ុង ខេត្តព្រះសីហនុ។

លោកអភិបាលខេត្តបន្តថា ការបើកការដ្ឋានសាងសង់ផ្លូវបេតុង និងផែចំណតទូកកោះរ៉ុងសន្លឹម ពិតជាបានចូលរួមចំណែកយ៉ាងសំខាន់ ក្នុងការលើកកម្ពស់វិស័យទេសចរណ៍ និងសេដ្ឋកិច្ចក្នុងខេត្តព្រះសីហនុ ជាពិសេសក្រុងកោះរ៉ុង ឱ្យកាន់តែទទួលបានភាពទាក់ទាញ និងរីកចម្រើនទៅមុខជាលំដាប់ និងបានផ្តល់ឱកាសការងារជូនប្រជាពលរដ្ឋនៅខេត្តព្រះសីហនុ ពិសេសប្រជាពលរដ្ឋក្រុងកោះរ៉ុងចូលរួមចំណែក ជាមួយរាជរដ្ឋាភិបាល ក្នុងការលើកកម្ពស់កម្រិតជីវភាព និងកាត់បន្ថយភាពក្រីក្រ របស់ប្រជាពលរដ្ឋ។

លោកបានបន្តថា រាជរដ្ឋាភិបាលបានផ្តល់ការវិនិយោគ ឱ្យទៅក្រុមហ៊ុនអេម៉ារីយូធ្វើការវិនិយោគ ហើយនៅអំឡុងចុងឆ្នាំ២០២១ ក្រុមហ៊ុនU Property Management CO., LTD បានសហការជាមួយក្រុមហ៊ុនអេម៉ារីយូ ចាប់ដៃគ្នាធ្វើការអភិវឌ្ឍបន្តដំណើរឆ្ពោះទៅមុខ ដើម្បីអភិវឌ្ឍនឹងដោះស្រាយបញ្ហា ដែលមាននៅសេសសល់នៅលើកោះរ៉ុង ការអភិវឌ្ឍនៅលើកោះរ៉ុង។

ការតាំងទីលំនៅ ការអភិវឌ្ឍ ការវិនិ យោគដាច់ដោយដុំវាជារឿងសុទ្ធតែមិនស្របច្បាប់ ក្រោមការសម្របសម្រួល របស់រាជរដ្ឋាភិបាលបានផ្តល់សិទ្ធកាន់កាប់ជូន បងប្អូនរស់នៅដោយស្របច្បាប់ ដែលជាបទពិសោធន៍ នៃការដោះស្រាយបញ្ហាប្រឈមនានា។ ពីមុននៅទីនេះគ្មានផ្លូវថ្នល់ គ្មានការអភិវឌ្ឍនោះទេ ពេលនេះក្រុមហ៊ុនបានធ្វើការឈូសឆាយពង្រីកផ្លូវបានធំទូលាយ។

លោកបញ្ជាក់ថា “ថ្ងៃនេះសូមអបអរសាទរក្រុមហ៊ុន សម្រេចបើកការដ្ឋានអភិវឌ្ឍ ជាក់ស្តែងនៅចំណតទូក និងសាងសង់ផ្លូវបេតុង ក្រុមហ៊ុនទាំងពីរចាប់ផ្តើម ក៏សាងសមិទ្ធផល ដែលមានបណ្តាញផ្លូវបណ្តោះអាសន្ន ប្រទាក់ក្រឡាគ្នារួចហើយ”។លោកបន្តថា “ការបើកការដ្ឋានសាងសង់ផែ សម្រាប់ការដឹកជញ្ជូនមានភាពងាយស្រួល ដើម្បីសម្រួលដល់ការអភិវឌ្ឍនៅពេលខាងមុខ”។

ស្ថានភាពចំពោះមុខក្រុមហ៊ុនកសាងផែ រួចបន្តកសាងផ្លូវបេតុងជាង៦០គីឡូម៉ែត្រ និងកសាងអាងប្រព្រឹត្តកម្មទឹកកខ្វក់ ហើយហេដ្ឋារចនាសម្ព័ន្ធ ដែលក្រុមហ៊ុនត្រូវរៀបនោះ មានកំពង់ផែអន្តរជាតិ និងគម្រោងតបណ្តាញអគ្គិសនីពីកោះរ៉ុង មកកាន់កោះរ៉ុងសន្លឹម បំរើឱ្យការអភិវឌ្ឍលើវិស័យទេសចរណ៍ ក៏ដូចជា ការជួយបង្កើនជីវភាពប្រជាពលរដ្ឋ ដែលរស់នៅលើកោះ កាន់តែមានជីវភាពល្អប្រសើឡើងនៅពេលខាងមុខ។

ទន្ទឹមនោះក៏ត្រូវគិតគូរ ពីបញ្ហាទឹកស្អាតសម្រាប់ពេលអនាគត បំរើដល់អ្នកទេសចរ និងប្រជាពលរដ្ឋរស់នៅទីនេះជាចំបងផងដែរ។

លោកគួច ចំរើនបានបញ្ជាក់ថា នៅលើកោះរ៉ុងសន្លឹម មិនទាន់មានមណ្ឌលសុខភាព និងសាលារៀន ហើយលោកយឹម លក្ខណ៍ ប្រធានក្រុមប្រឹក្សាភិបាលក្រុមហ៊ុនU Property Management CO., LTD ក៏បានយល់ព្រមជួយសាងសង់មណ្ឌលសុខភាព និងអគារសិក្សាសម្រាប់ថ្នាក់សិក្សា ចំណេះទូទៅទាំងបីកម្រិតនៅទីនេះ រួមមាន៖ សាលាបឋមសិក្សា អនុវិទ្យាល័យ និងវិទ្យាល័យ ព្រមទាំងបន្ទប់ទឹក និងអាហារដ្ឋាន នៅក្នុងបរិវេណសាលារៀន និងកន្លែងស្នាក់នៅរបស់លោកគ្រូ អ្នកគ្រូ ឱ្យមានសោភ័ណភាពក្នុងបរិវេណសាលាផងដែរ៕

Japan’s economy unexpectedly slips into recession, hurt by weak domestic demand

Japan’s economy dipped into a technical recession, after unexpectedly contracting again in the October-December period, provisional government data showed Thursday. High inflation crimped domestic demand and private consumption in what’s now the world’s fourth-largest
economy.

The latest gross domestic product print complicates the case for interest rate normalization for Bank of Japan Governor Kazuo Ueda and fiscal policy support for Japanese Prime Minister Fumio Kishida. It also means Germany took Japan’s place as the third-largest economy in the world last year in dollar
terms.

Provisional gross domestic product contracted 0.4% in the fourth quarter compared with a year ago, after a revised 3.3% slump in the July-September period. This was way below the median estimate for 1.4% growth in a Reuters poll among economists. The GDP deflator in the fourth quarter stood at 3.8% on an annualized basis.The Japanese economy also contracted 0.1% in the fourth quarter from the previous quarter, after shrinking a revised 0.8% in the third quarter from the second. This was also weaker than expectations for 0.3% expansion.

“Whether Japan has now entered a recession is debatable, though,” Marcel Thieliant, Capital Economics’ head of Asia-Pacific, wrote in a client note.

“While job vacancies have weakened, the unemployment rate dropped to an eleven-month low of 2.4% in December. What’s more, the Bank of Japan’s Tankan survey showed that business conditions across all industries and firm sizes were the strongest they’ve been since 2018 in Q4,” he added.
“Either way, growth is set to remain sluggish this year as the household savings rate has turned negative,” Thieliant said.

High inflation, weak domestic demand
Private consumption declined 0.2% in the fourth quarter from the previous quarter, in contrast to the median estimate for a 0.1% expansion.

While inflation has been gradually slowing, the so-called “core core inflation” — inflation minus food and energy prices — has exceeded BOJ’s 2% target for 15 straight months now. Still, the BOJ has “patiently continued” with the last negative-rate regime in the world.

The weaker-than-expected GDP print Thursday though will throw into question the BOJ’s preference for inflation in Japan to be driven by domestic demand, which is more sustainable and stable. The bank believes wage increments would translate into a more meaningful spiral, encouraging consumers to spend.

Many in the market are expecting the BOJ to move away from its negative rates regime at its April policy meeting, once the annual spring wage negotiations confirm a trend of meaningful wage increases.

Yet, the weaker-than-expected growth print on Thursday suggests high inflation is hurting domestic consumption in spite of the prospect of higher wages — and perhaps strengthening the case for looser monetary policy for much longer. Source: CNBC

តើលោក Prabowo Subianto ដែលនឹងឡើងមកកាន់តំណែងជាប្រធានាធិបតីថ្មីរបស់ឥណ្ឌូនេស៊ីមានជីវប្រវត្តិបែបណា?

ដោយ: គង់ លាងហួរ

អន្តរជាតិ: អតីតឧត្តមសេនីយ និងជាបេក្ខភាពប្រធានាធិបតីចំនួន៣អាណត្តិ លោក Prabowo Subianto បានប្រកាសជ័យជម្នះរបស់លោក ក្នុងការបោះឆ្នោតប្រធានាធិបតីឥណ្ឌូនេស៊ីជុំទី១ និងបានហៅការឈ្នះនេះថា ជាជ័យជម្នះសម្រាប់ប្រជាជនឥណ្ឌូនេស៊ីទាំងអស់។

លោក Subiantoបានថ្លែងនៅឯ កីឡាដ្ឋានIstora Senayan ក្នុងទីក្រុងហ្សាការតា ថា “នេះជាជ័យជម្នះសម្រាប់ប្រជាជនឥណ្ឌូណេស៊ីទាំងអស់”។ លោកបន្ថែមថា “ប៉ុន្តែខ្ញុំចង់និយាយថា ទោះយើងឈ្នះ យើងមិនគួរក្រអឺតក្រទមទេ យើងត្រូវតែបន្ទាបខ្លួន ហើយខ្ញុំនឹងឱបក្រសោបគ្រប់គណបក្សទាំងអស់”។យោងតាមលទ្ធផលក្រៅផ្លូវការ ពីការរាប់សន្លឹកឆ្នោតសរុបជាង៩០% គិតត្រឹមល្ងាចថ្ងៃពុធ ទី១៤ ខែកុម្ភៈ បានបង្ហាញថា លោក Subianto ទទួលបានសំឡេងគាំទ្រប្រហែល៥៨% ខណៈដែលគូប្រជែងរបស់លោក គឺលោកAnies Baswedan និងលោក Ganjar Pranowo ទទួលបានសំឡេងគាំទ្រ២៥% និង១៦% រៀងៗគ្នា។

ដោយសារតែលោកSubianto ទទួលបានសំឡេងគាំទ្រលើស ៥០ភាគរយ ដូច្នេះប្រទេសដែលមានប្រជាជនច្រើនជាងគេ នៅអាស៊ាននេះ មិនចាំបាច់មានការបោះឆ្នោតជុំទី២ទៀតនោះទេ។

លោក Subianto បានថ្លែងថា “ទោះជាកុលសម្ព័ន្ធណាក៏ដោយ ក្រុមជនជាតិអ្វីក៏ដោយ ពូជសាសន៍ សាសនា ប្រវត្តិសង្គម ប្រជាជនឥណ្ឌូនេស៊ីទាំងអស់ នឹងក្លាយជាទទួលខុសត្រូវរបស់យើង និងទទួលបានការការពារដូចៗគ្នា”។

ទោះជាយ៉ាងនេះក្តី លោកនៅតែលើកទឹកចិត្តប្រជាពលរដ្ឋទាំងអស់ឱ្យរង់ចាំ និងគោរពលទ្ធផលផ្លូវការ ពីគណៈកម្មាធិការជាតិរៀបចំការបោះឆ្នោតរបស់ប្រទេស ដែលនឹងចេញផ្សាយនៅពាក់កណ្តាលខែមីនា។

ទន្ទឹមនឹងនេះ ប្រធានាធិបតីថ្មីរបស់ប្រទេសឥណ្ឌូនេស៊ី នឹងត្រូវស្បថ ចូលកាន់តំណែងជាប្រធានាធិបតីថ្មី របស់ឥណ្ឌូណេស៊ី នៅខែតុលា ឆ្នាំ២០២៤។

ខាងក្រោមនេះ ជាប្រវត្តិលំអិតរបស់លោក Prabowo Subianto ដែលនឹងក្លាយជាប្រធានាធិបតីថ្មីរបស់ឥណ្ឌូនេស៊ី។

លោក Prabowo Subianto ជាសហស្ថាបនិកគណបក្ស Gerindra Party កាលពីឆ្នាំ២០០៨ និងបានចូលកាន់តំណែងជាប្រធានគណបក្សមួយនេះ ចាប់ពីឆ្នាំ២០១៤ មកទល់នឹងពេលបច្ចុប្បន្ន។ លោក Prabowo ត្រូវបានជ្រើសតាំងជា បេក្ខជនប្រធានាធិបតីកាលពីថ្ងៃទី១២ ខែសីហា ឆ្នាំ២០២២ និងបានចុះឈ្មោះជាបេក្ខជនប្រធានាធិបតីជាផ្លូវការ កាលពីថ្ងៃទី២៥ ខែតុលា ឆ្នាំ២០២៣។

លោក Prabowo បានប្រសូត្រនៅក្នុងទីក្រុងហ្សាការតា នៅថ្ងៃទី១៧ ខែតុលា ឆ្នាំ១៩៥១ ដោយលោកជាកូនទី៣ ក្នុងចំណោមកូន៤នាក់ ក្នុងត្រកូលគ្រួសារអ្នកមាន និងមានឥទ្ធិពលបំផុតមួយក្នុងប្រទេសឥណ្ឌូនេស៊ី។

ឪពុករបស់លោកមានឈ្មោះថា Soemitro Djojohadikusumo ធ្លាប់ធ្វើជាអ្នកនយោបាយ និងសេដ្ឋវិទូដ៏ល្បីល្បាញម្នាក់ ដែលធ្លាប់បានកាន់តំណែងជាច្រើន ក្នុងជួរគណៈរដ្ឋមន្ត្រីឥណ្ឌូនេស៊ី ក្រោមការដឹកនាំរបស់អតីតប្រធានាធិបតី លោកSukarno និងលោក Soeharto។

ចំណែកឯ ម្ដាយរបស់លោកវិញ មានឈ្មោះថា Dora Marie Siregar បានបញ្ចប់ការសិក្សាមុខជំនាញ គិលានុបដ្ឋាយិកាជំនួយការវះកាត់ ក្នុងប្រទេសហូឡង់។

លោក Prabowo ក៏ត្រូវជាចៅប្រុសរបស់លោក Margono Djojohadikusumo ដែលជាអតីតស្ថាបនិកធនាគារ Bank Negara Indonesia (BNI)។ លោក Prabowo បានចំណាយពេលភាគច្រើនក្នុងកុមារភាពរបស់លោកនៅឯបរទេស ដោយសារតែឪពុករបស់លោកមានជាប់ពាក់ព័ន្ធនឹងចលនាបដិវត្តន៍ Revolutionary Government of the Republic of Indonesia (PRRI) ដែលត្រូវបានបង្កើតឡើងក្នុងឆ្នាំ១៩៥៨ ដើម្បីប្រឆាំងនឹងរដ្ឋាភិបាលរបស់លោក Sukarno។

ដោយសារតែលោកបានចំណាយពេលវេលា ភាគច្រើនរស់នៅបរទេស ដូច្នេះ លោក Prabowo ក៏អាចនិយាយភាសាបារាំង អាល្លឺម៉ង់ អង់គ្លេស និងហូឡង់បានយ៉ាងស្ទាត់ជំនាញផងដែរ។

លោក Prabowo បានចូលបម្រើការក្នុងជួរកងកម្លាំងប្រដាប់អាវុធឥណ្ឌូនេស៊ី (ABRI) មួយរយៈពេលខ្លី បន្ទាន់ពីបញ្ចប់ការសិក្សាពីសាលាយោធា Armed Forces Academy (AKABRI) ក្នុងឆ្នាំ១៩៧៤។ លោកបានកាន់តំណែងជាមេបញ្ជាការ នៃទីបញ្ជាការកងកម្លាំងយុទ្ធសាស្ត្រឥណ្ឌូនេស៊ី កាលពីឆ្នាំ១៩៩៨ និងជាមេបញ្ជាការកងកម្លាំងពិសេស ឥណ្ឌូនេស៊ី ចាប់ពីឆ្នាំ១៩៩៥ ដល់ឆ្នាំ១៩៩៨។

លោកបានបម្រើការក្នុងជួរកងកម្លាំង ABRI អស់រយៈពេល២៨ឆ្នាំ ប៉ុន្តែក្រោយមក រូបលោកត្រូវបានបណ្ដេញចេញពីយោធា បន្ទាប់ពីរបបដឹកនាំរបស់លោក Soeharto បានដួលរលំ កាលពីឆ្នាំ១៩៩៨។

លោក Prabowo បានរៀបការជាមួយកូនស្រីម្នាក់របស់លោក Soeharto គឺលោកស្រី Siti Hediati Hariyadi ក្នុងឆ្នាំ១៩៨៣។ ប៉ុន្តែរៀបការបានមិនយូរប៉ុន្មាន អ្នកទាំង២បានចែកផ្លូវគ្នា បន្ទាប់ពីលោក Soeharto លាលែងចេញពីតំណែង។ អ្នកទាំង២ មានកូនប្រុសម្នាក់ឈ្មោះ Didit Hediprasetyo ដែលជាអ្នករចនាម៉ូតម្នាក់ ក្នុងទីក្រុងប៉ារីស ប្រទេសបារាំង។

លោក Prabowo បានធ្វើមាតុភូមិនិវត្តន៍ ត្រឡប់ចូលប្រទេសឥណ្ឌូនេស៊ីវិញ ក្នុងឆ្នាំ២០០១ បន្ទាប់ពីរស់នៅនិរទេសខ្លួន ក្នុងប្រទេសហ្ស៊កដានី។

ក្រោយពីបានវិលត្រឡប់ចូល មកកាន់មាតុប្រទេសវិញ លោក Prabowo បានសម្រេចបង្កើតក្រុមហ៊ុន Nusantara Energy និងបង្កើតក្រុមហ៊ុនសម្ព័ន្ធ Nusantara Group ដែលរកស៊ីខាងប្រេងដូង ធ្យូងថ្ម ឧស្ម័ន រ៉ែ កសិកម្ម និងនេសាទ។

លោក Prabowo ធ្លាប់បានចូលរួមប្រកួតប្រជែង ក្នុងការបោះឆ្នោតសកល២លើករួចមកហើយ មួយលើកគឺក្នុងឆ្នាំ២០១៤ និងមួយលើកទៀតក្នុងឆ្នាំ២០១៩ ប៉ុន្តែចាញ់ទាំង២លើក ហើយលោកបានក្លាយជា រដ្ឋមន្ត្រីក្រសួងការពារជាតិរបស់ឥណ្ឌូនេស៊ី ក្រោមការដឹកនាំរបស់ប្រធានាធិបតីចាំផ្ទះ លោក Joko widodo កាលពីឆ្នាំ២០១៩៕

Malaysia’s Westports eyes expansion despite Thailand’s land bridge project

Malaysia’s biggest port operator, Westports Malaysia, is looking to raise 39.6 billion ringgit (299.17 billion baht) to fund its expansion scheme. Westports currently operates Port Klang, Malaysia’s main sea gateway.

The proposed expansion would almost double Port Klang’s capacity from 14 million TEUs (twenty-foot equivalent unit) to 27 million TEU, reports from Bloomberg said.

Meanwhile, Singapore is building Tuas Port, a 720-billion baht, fully automated port that aims to be the largest in the world.

The port is being developed in four phases, with construction having kicked off in 2020. All four phases are expected to be completed by 2040.The first phase of the port will be fully operational by 2027 and be able to handle up to 20 million TEUs.

However, Thailand’s Commerce Ministry expects shipping lanes in the Malacca Strait to exceed their capacity by 2030, and is seeking alternative routes.

Since taking over, Prime Minister Srettha Thavisin has been seeking private sector investment for a land bridge project that would link two deep-sea ports – Ranong on one side and Chumphon on the other. This would allow ships to bypass the strait entirely and is expected to cost about 101 billion baht. Source: The Nation

ឥណ្ឌូនេស៊ីនឹងភ្ជាប់ជើងហោះហើរត្រង់មកកាន់ខេត្តសៀមរាប និងតំបន់ឆ្នេរកម្ពុជា

ដោយៈ គង់ សូរិយា

ភ្នំពេញៈ ជាមួយគោលដៅផ្សព្វផ្សាយពី”គោលដៅទេសចរណ៍របស់ប្រទេសទាំង២” កម្ពុជា និងឥណ្ឌូនេស៊ី បានយល់ព្រមក្នុងការធ្វើពិពិធកម្មការតភ្ជាប់ជើងហោះហើរ ដោយតភ្ជាប់ជើងហោះហើរត្រង់ពីគោលដៅទេសចរណ៍សំខាន់ៗរបស់ឥណ្ឌូនេស៊ី មកកាន់គោលដៅទេសចរណ៍សំខាន់ៗរបស់កម្ពុជា។

គោលដៅទាំងនោះរួមមាន ដូចជា ខេត្តសៀមរាប និងតំបន់ឆ្នេរ ស្របពេលដែលការមកដល់ នៃភ្ញៀវទេសចរឥណ្ឌូនេស៊ី កំពុងកើនឡើង។

ការប្តេជ្ញាចិត្តលើការលើកកម្ពស់ “ប្រទេស២ គោលដៅតែ១” បានធ្វើឡើងក្នុងជំនួប រវាងលោក Santo Darmosumarto ឯកអគ្គរដ្ឋទូតឥណ្ឌូនេស៊ីប្រចាំកម្ពុជា និងលោក សុខ សូកេន រដ្ឋមន្ត្រីក្រសួងទេសចរណ៍ កាលពីថ្ងៃទី ១៣ ខែកុម្ភៈ នៅទីស្តីការក្រសួងទេសចរណ៍។
នៅក្នុងជំនួបនោះភាគីទាំង ២ បានពិភាក្សាពីឱកាសសម្រាប់កិច្ចសហប្រតិបត្តិការ ក្នុងការពង្រឹងវិស័យទេសចរណ៍ ដោយផ្តោតលើការអភិវឌ្ឍធនធានមនុស្ស ក្នុងវិស័យទេសចរណ៍ ការតភ្ជាប់ និងស្តង់ដាទេសចរណ៍ ដើម្បីជំរុញទេសចរទៅវិញទៅមក។

យោងតាមសេចក្តីប្រកាសព័ត៌មាន របស់ក្រសួងបានដកស្រង់សម្ដីដោយលើកឡើងថា លោករដ្ឋមន្ត្រី និងឯកអគ្គរដ្ឋទូតបានបញ្ជាក់ពីកិច្ចខិតខំប្រឹងប្រែង លើកកម្ពស់ការយល់ដឹង ពីគោលដៅទេសចរណ៍នៃប្រទេសទាំង២ តាមរយៈការតភ្ជាប់ជើងហោះហើរត្រង់ពីគោលដៅទេសចរណ៍សំខាន់ៗរបស់ឥណ្ឌូនេស៊ី មកគោលដៅទេសចរណ៍សំខាន់ៗរបស់កម្ពុជា ដូចជាខេត្តសៀមរាប និងតំបន់ឆ្នេរជាដើម។
កិច្ចព្រមព្រៀងសេវាកម្ម ដឹកជញ្ជូនផ្លូវអាកាសទ្វេរភាគីកម្ពុជា និងឥណ្ឌូនេស៊ី ត្រូវបានចុះហត្ថលេខាកាលពីឆ្នាំ ១៩៦៩ និងអនុស្សរណៈនៃការយោគយល់គ្នា (MoU) កាលពីឆ្នាំ ២០០៦។

លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជាបានឱ្យដឹងថា ប្រទេសឥណ្ឌូនេស៊ី គឺជាទីផ្សារដ៏ធំបំផុតមួយនៅក្នុងទ្វីបអាស៊ី សម្រាប់ទាំងផ្នែកសេដ្ឋកិច្ច និងប្រជាជន ដែលកម្ពុជានឹងទទួលបានអត្ថប្រយោជន៍យ៉ាងច្រើន ជុំវិញការពង្រីកជើងហោះហើរត្រង់នេះ។

លោកស្រីថ្លែងថា “ការហោះហើរត្រង់កាន់តែច្រើន រវាងប្រទេសទាំង២ នឹងផ្តល់ឱកាសកាន់តែច្រើន ដល់ប្រទេសយើងក្នុងការទាក់ទាញភ្ញៀវឥណ្ឌូនេស៊ី ក៏ដូចជាធុរជនកាន់តែច្រើន”។ លោកស្រីបន្តថា “ដូចយើងអាចមើលឃើញថា ប្រទេសឥណ្ឌូនេស៊ីអាចជាទីផ្សារទេសចរណ៍ឈានមុខគេនៅអាស៊ី បើនិយាយពីចំនួនប្រជាជន”។

លោកស្រីបានផ្តល់អនុសាសន៍ថា កម្ពុជាបានរៀបចំកញ្ចប់ទេសចរណ៍ណាមួយឱ្យបានល្អ ទាក់ទងនឹងការស្នាក់នៅ ហើយជាពិសេសអាហារដូចជាអាហារហាឡាល ដើម្បីបម្រើដល់ពួកគេ។លោកស្រីឆាយ ស៊ីវលីនបានបន្តថា យើងយល់ថា កន្លងមកដោយសារយើងខ្វះអាហារហាឡាល។ ភ្ញៀវទេសចរភាគច្រើនមានតែនៅតាមតំបន់ទេសចរណ៍សំខាន់ៗ ដូចជា រាជធានីភ្នំពេញ និងខេត្តសៀមរាប ដែលជាកន្លែងបម្រើអាហារហាឡាល។ ដូច្នេះហើយ នៅពេលនេះ គោលដៅជាច្រើនផ្សេងទៀត ត្រូវរៀបចំឱ្យបានល្អ ដើម្បីបម្រើពួកគេ។

កាលពីខែមេសា ឆ្នាំ ២០២៣ ក្រុមហ៊ុនអាកាសចរណ៍តម្លៃទាប Air Asia បានចាប់ផ្តើមការហោះហើរត្រង់ រវាងទីក្រុងហ្សាការតា និងរាជធានីភ្នំពេញ ជាវិធានការមួយដែលត្រូវបានគេរំពឹងថា នឹងពង្រឹងឧស្សាហកម្មទេសចរណ៍ និងទំនាក់ទំនងទ្វេភាគីរវាងប្រទេសទាំង២។

ការបង្កើតឱ្យមានជើងហោះហើរត្រង់នេះ ធ្វើឡើងតាមអនុស្សរណៈនៃការយោគយល់គ្នា (MoU) ស្តីពីកិច្ចសហប្រតិបត្តិការទេសចរណ៍ ដែលបានចុះហត្ថលេខានៅស្ថានទូតឥណ្ឌូនេស៊ី ក្នុងទីក្រុងភ្នំពេញ កាលពីថ្ងៃទី ១០ មេសា។

យោងតាមក្រសួងទេសចរណ៍ ក្នុងឆ្នាំ ២០២៣ ប្រទេសកម្ពុជាបានស្វាគមន៍ការមកដល់ របស់ភ្ញៀវបរទេសចំនួនជាង៥,៤៥ លាននាក់ កើនឡើង១៣៩,៥ ភាគរយបើធៀបឆ្នាំ ២០២២ ក្នុងនោះភ្ញៀវជនជាតិឥណ្ឌូនេស៊ី មានចំនួន១២៧,១៧៨ នាក់ កើនឡើងជាង៦៨ ភាគរយ៕

1...624625626...3,246 Page 625 of 3,246