តែម សុខុម

វ៉ាស៊ីនតោន: ការលក់ផ្ទះនៅទីផ្សារសហរដ្ឋអាមេរិក បានដាំក្បាលចុះខ្លាំងបំផុតមិនធ្លាប់មានក្នុងរយៈពេល៣០ឆ្នាំមកនេះ។ នេះបើយោងតាមសារព័ត៌មាន CNN ចុះផ្សាយកាលពីថ្ងៃអង្គារ ទី២១ ខែវិច្ឆិកា។

របាយការណ៍ប្រចាំខែពីសមាគមភ្នាក់ងារអចលនទ្រព្យជាតិ (NAR) ដែលបានចេញផ្សាយកាលពីថ្ងៃអង្គារ ទី២១ ខែវិច្ឆិកា បង្ហាញថា ការលក់ផ្ទះបានដាំក្បាលចុះខ្លាំងក្នុងខែតុលា ហើយតម្លៃផ្ទះបានបន្តហោះឡើង ខណៈអត្រាការប្រាក់កម្ចីទិញផ្ទះបានហក់ឡើងខ្លាំងកាលពីខែមុន ហើយការផ្គត់ផ្គង់ផ្ទះមានតិចតួចខ្លាំង។

ដោយសារការផ្គត់ផ្គង់លំនៅឋានមានតិចខ្លាំង អ្នកទិញបានប្រជែងគ្នាទិញផ្ទះដែលជំរុញឱ្យតម្លៃផ្ទះបន្តហល់ឡើង។

ការឡើងថ្លៃផ្ទះបូករួមជាមួយអត្រាការប្រាក់ជាមធ្យមសម្រាប់កម្ចីទិញផ្ទះដែលមានអត្រាការប្រាក់ថេររយៈពេល៣០ឆ្នាំដែលបានហក់ឡើងជិតដល់៨%ក្នុងខែតុលា បានធ្វើឱ្យទីផ្សារលំនៅឋានឡើងថ្លៃខ្លាំងមិនធ្លាប់មានក្នុងរយៈពេលជាច្រើនទសវត្សរ៍។

សមាគមភ្នាក់ងារអចលនទ្រព្យជាតិ (NAR) បានរកឃើញថា តម្លៃជាមធ្យមសម្រាប់ផ្ទះដែលមានស្រាប់រួមមានផ្ទះសម្រាប់មួយគ្រួសាររស់នៅ ផ្ទះ Town House និងខុនដូផងដែរនោះបានហក់ឡើងដល់៣៩១.៨០០ដុល្លារ កាលពីខែមុន។

តម្លៃនេះគឺហក់ឡើង៣,៤%ពីមួយឆ្នាំមុន និងជាការឡើងថ្លៃ៤ខែជាប់ៗគ្នា។ វាជាតម្លៃមធ្យមខ្ពស់បំផុតមិនធ្លាប់មានសម្រាប់ខែតុលា។ តម្លៃផ្ទះបានហក់ឡើងក្នុងតំបន់ទាំង៤នៃទឹកដីសហរដ្ឋអាមេរិក គឺតំបន់ភាគឥសាន តំបន់ភាគកណ្ដាល តំបន់ភាគខាងត្បូង និងតំបន់ខាងលិច ៕ CNN៕

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថាចំណែកផ្លូវរថភ្លើងល្បឿនលឿន នឹងរៀបចំតាមក្រោយនាពេលខាងមុខ ក្នុងឱកាសសម្ពោធដាក់ឱ្យប្រើប្រាស់កំណាត់ផ្លូវជាតិលេខ៥ ពីព្រែកក្តាមរហូតដល់ខេត្តបាត់ដំបង ជាមួយនឹងការបើកការដ្ឋានសាងសង់ផ្លូវ ពីសិរីសោភ័ណទៅកាន់ប៉ោយប៉ែត នាព្រឹកថ្ងៃទី២២ ខែវិច្ឆិកា ឆ្នាំ២០២៣។

សម្តេចមហាបវរធិបតី ហ៊ុន ម៉ាណែត បានថ្លែងថា ក្រៅពីផ្លូវថ្នល់យើងនឹងពង្រឹងផ្លូវដែកបន្ថែមទៀត ចំពោះផ្លូវដែកដែលនឹងត្រូវធ្វើ អទិភាពសំខាន់បំផុតគឺត្រូវពង្រឹងផ្លូវដែកខាងជើង និងខាងត្បូង។ ខ្សែផ្លូវដែកមានចំនួន២ខ្សែ ដោយខ្សែទី១ស្ថិតនៅខាងជើងចាប់ពីប៉ោយប៉ែតកាត់ទៅភ្នំពេញ ពោសាត់ធ៍ បាត់ដឹង និងបាត់ដំបង ចំណែកខ្សែខាងត្បូង ចាប់ពីភ្នំពេញ តាកែវ កំពត និងខេត្តព្រះសីហនុ។សម្ដេចមហាបវរធិបតី​បានថ្លែងបញ្ជាក់ថា ដើម្បីពង្រឹងអ្វីដែលមានស្រាប់ និងជំរុញការដឹកជញ្ជូនបានស្រួល និងលឿន កាត់បន្ថយចំណាយ កម្ពុជាចាំបាច់ត្រូវធ្វើផ្លូវដែកមួយទៀត ដើម្បីសម្រួលការដឹកជញ្ជូន កាត់បន្ថយនៃតម្លៃដឹកជញ្ជូន បច្ចុប្បន្ននេះកម្ពុជា បានធ្វើផ្លូវល្បឿនលឿនរួចរាល់ និងបានជួយសម្រួលយ៉ាងសំខាន់ ក្នុងការធ្វើដំណើរ អ្វីដែលត្រូវពង្រឹងបន្ថែមទៀត គឺគម្រោងធ្វើផ្លូវដែក។

សម្ដេចមហាបវរធិបតី បានមានប្រសាសន៍បញ្ជាក់ថា «គម្រោងធ្វើផ្លូវដែកចាំបាច់ត្រូវតែធ្វើ តាមគម្រោង នឹងធ្វើភ្ជាប់ពីខាងកើតទន្លេភ្ជាប់ពីប៉ោយប៉ែត សៀមរាប ភ្នំពេញ ចំណែកផ្លូវរថភ្លើងល្បឿនលឿន នឹងរៀបចំតាមក្រោយនាពេលខាងមុខ ចំពោះពេលនេះត្រូវពង្រឹងអ្វីដែលមានស្រាប់ មិនចំណាយច្រើន លឿន និងបម្រើទៅលើការដឹកជញ្ជូន ពិសេសដឹកជញ្ជូនទំនិញ ព្រមទាំងកាត់បន្ថយថ្លៃដឹកទំនិញ»។

សូមជម្រាបថា ប្រទេសកម្ពុជាមានផ្លូវដែកចំនួន២ខ្សែ ដោយខ្សែទី១ ចេញពីភ្នំពេញទៅអូជ្រៅ កាត់រាជធានីភ្នំពេញ កណ្តាល កំពង់ស្ពឺ កំពង់ឆ្នាំង ពោធិ៍សាត់ បាត់ដំបង បន្ទាយមានជ័យមានប្រវែង ៣៨៥ គូឡូម៉ែត្រ។

ចំណែកខ្សែទី២ ចេញពីភ្នំពេញទៅក្រុងព្រះសីហនុកាត់ ភ្នំពេញ កណ្តាល តាកែវ កំពត កែប និងក្រុងព្រះសីហនុ ប្រវែង២៦៦គីឡូម៉ែត្រ៕

ដោយ: គង់ លាងហួរ
អន្តរជាតិ: អគារខ្ពស់កប់ពពក Azabudai Hills Mori JP Tower ដែលស្ថិតនៅចំកណ្តាលទីក្រុងតូក្យូរបស់ប្រទេសជប៉ុន និងបានបញ្ចប់ការសាងសង់រួចជាស្ថាពរកាលពីរដូវក្តៅ ឆ្នាំនេះ គ្រោងបើកសម្ពោធដាក់ឱ្យដំណើរការនៅចុងសប្តាហ៍នេះ។

អគារនេះមានកម្ពស់៣៣០ម៉ែត្រ និងមាន៦៤ជាន់ ដែលស្ថិតក្នុងគម្រោងខ្នាតយក្ស Azabudai Hills Complex ។ អគារនេះក៏ជាផ្នែកមួយនៃផែនការពង្រីក “ភូមិក្នុងទីក្រុងសម័យទំនើប” នៅចំកណ្តាលទីក្រុងតូក្យូផងដែរ។

អគារ Azabudai Hills Mori JP Tower ត្រូវបានសាងសង់ឡើងដោយក្រុមហ៊ុន Mori Building Co.។ អគារថ្មីនេះបានវ៉ាដាច់កំពស់របស់អគារ Abeno Harukas នៅទីក្រុង Osaka ដែលពេលនេះវាក្លាយជាអគារខ្ពស់បំផុតទី២ ប្រចាំប្រទេសជប៉ុន បន្ទាប់ពីអគារ Tokyo Tower ដែលមានកម្ពស់៣៣៣ម៉ែត្រ។អគារ Azabudai Hills គ្រោងនឹងបើកសម្ពោធដាក់ឱ្យដំណើរការនៅថ្ងៃសុក្រ សប្តាហ៍នេះ បន្ទាប់បានចំណាយរយៈពេលសាងសង់ចាប់តាំងពីឆ្នាំ២០១៩មកម្ល៉េះ ក្រោមទុនវិនិយោគប្រមាណ៥៨០ពាន់លានយ៉េន (ប្រហែល៤,៤ពាន់លានដុល្លារ)។

អគារនេះគឺជាអគារពហុគោលបំណង ដែលមានសណ្ឋាគារប្រណីត ការិយាល័យ មជ្ឈមណ្ឌលវេជ្ជសាស្ត្រ សកលវិទ្យាល័យ ហាងលក់រាយ ភោជនីយដ្ឋាន អាផាតមុិន សារមន្ទីរ វិចិត្រសាល និងសាលាអន្តរជាតិដ៏ធំបំផុតស្ថិតនៅចំកណ្តាលទីក្រុងតូក្យូ។

លើសពីនោះ អគារខ្ពស់កប់ពពកមួយនេះក៏មានកន្លែងធ្វើការរួមគ្នា និងអាហារដ្ឋាន ដែលត្រូវបានរចនាឡើងយ៉ាងពិសេសបំផុតសម្រាប់បុគ្គលិករបស់ក្រុមហ៊ុន ដែលជួលការិយាល័យក្នុងអគារនេះ ដើម្បីអាចជួបជុំគ្នាផងដែរ៕

តែម សុខុម

ញូវយ៉ក: កាលពីថ្ងៃអង្គារ ទី២១ ខែវិច្ឆិកា មហាសេដ្ឋី Changpeng Zhao និងក្រុមហ៊ុនប្ដូររូបិយប័ណ្ណឌីជីថល ឬ គ្រីបតូធំបំផុតរបស់ពិភពលោក Binance សារភាពថាបានលាងលុយកខ្វក់តាមការចោទប្រកាន់របស់រដ្ឋាភិបាលសហព័ន្ធអាមេរិក ក្នុងចំណុចរបត់មួយដើម្បីនាំមកនូវសណ្ដាប់ធ្នាប់ដល់ឧស្សាហកម្មគ្រីបតូដែលតែងតែមានចន្លោះប្រហោងផ្លូវច្បាប់។

ជាផ្នែកមួយនៃដំណោះស្រាយដែលមានការសម្របសម្រួលជាមួយរដ្ឋាភិបាលសហព័ន្ធអាមេរិក ក្រុមហ៊ុន Binance បានព្រមព្រៀងបង់ប្រាក់ពិន័យជាង៤ពាន់លានដុល្លារ។

ចំណែកឯលោក Changpeng Zhao ដែលជានាយកប្រតិបត្តិ និងជាស្ថាបនិកក្រុមហ៊ុន Binance បានព្រមព្រៀងចុះចេញពីតំណែងជានាយកប្រតិបត្តិរបស់ក្រុមហ៊ុននេះ ហើយលោកនឹងបង់ប្រាក់ពិន័យផ្ទាល់ខ្លួនចំនួន២០០លានដុល្លារ។ក្រុមហ៊ុន Binance សារភាពថាបានចូលរួមពាក់ព័ន្ធក្នុងសកម្មភាពលាងលុយកខ្វក់ ការបញ្ជូនប្រាក់ដោយគ្មានអាជ្ញាប័ណ្ណ និងការបំពានទណ្ឌកម្ម។

ក្រុមមន្ត្រីអាមេរិក បានចាត់ទុកដំណោះស្រាយនេះថាជាដំណោះស្រាយក្រុមហ៊ុនធំបំផុតមិនធ្លាប់មាន ដែលរួមបញ្ចូលទាំងបទចោទព្រហ្មទណ្ឌសម្រាប់នាយកប្រតិបត្តិផងដែរ។

ក្រោយការស៊ើបអង្កេតរាប់ឆ្នាំ រដ្ឋាភិបាលអាមេរិក បានចោទប្រកាន់ក្រុមហ៊ុន Binance ថាបានអនុញ្ញាតឱ្យជនទុច្ចរិតធ្វើប្រតិបត្តិការដោយសេរីលើ Platform ប្ដូររូបិយប័ណ្ណគ្រីបតូមួយនេះ បណ្ដាលឱ្យរឿងខុសច្បាប់ជាច្រើនកើតឡើងរាប់ចាប់ពីការរំលោភបំពានផ្លូវភេទកុមារ និងគ្រឿងញៀនរហូតដល់ហិរញ្ញប្បទានភេរវកម្មសម្រាប់ក្រុមភេរវកម្ម ISIS ក្រុមភេរវកម្ម Al Qaeda និងក្រុម Al-Qassam របស់ Hamas។

មហាសេដ្ឋី Changpeng Zhao ដែលមានទ្រព្យសម្បត្តិដល់ទៅជាង២៣ពាន់លានដុល្លារ សារភាពថាមានកំហុសដែលមិនបានចាត់វិធានការប្រឆាំងការលាងលុយកខ្វក់ប្រកបដោយប្រសិទ្ធភាព៕ CNN៕

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា បន្ទាប់ពីផ្លូវជាតិលេខ៥ ត្រូវបានពង្រីក និងសម្ពោធដាក់ ឱ្យប្រើប្រាស់ជាផ្លូវការ រាជរដ្ឋាភិបាលនឹងខិតខំជំរុញការវិនិយោគបង្កើតរោងចក្រ ក៏ដូចជាតំបន់សេដ្ឋកិច្ចពិសេសបន្ថែមទៀតនៅតាមបណ្តោយផ្លូវនេះ ដែលនាំឱ្យខេត្តដែលស្ថិតនៅតាមបណ្តោយផ្លូវនេះ មានសេដ្ឋកិច្ចកាន់តែរីកចម្រើន ហើយប្រជាជនមានការងារធ្វើដោយមិនចាំបាច់ចំណាកស្រុក។
ការថ្លែងរបស់សម្តេចធិបតី ហ៊ុន ម៉ាណែត ធ្វើឡើងក្នុងឱកាសដែលសម្តេចអញ្ជើញសម្ពោធដាក់ឱ្យប្រើប្រាស់កំណាត់ផ្លូវជាតិលេខ៥ ពីព្រែកក្តាម រហូតដល់ខេត្តបាត់ដំបង និង បើកការដ្ឋានសាងសង់ផ្លូវពីសិរីសោភ័ណ ទៅកាន់ប៉ោយប៉ែត នាថ្ងៃទី២២ ខែវិច្ឆិកា ឆ្នាំ២០២៣នេះ។សម្តេចបានថ្លែងថា ផ្លូវជាតិលេខ៥ គឺជា សរសៃឈាមដ៏សំខាន់សម្រាប់កម្ពុជា និងបានដើរតួនាទីក្នុងការតភ្ជាប់ផ្លូវនានាពីខេត្តមួយទៅខេត្តមួយ និងភ្ជាប់ជាមួយប្រទេសជិតខាង ដែលជំរុញឱ្យខេត្តដែលស្ថិតនៅតាមបណ្តាយផ្លូវជាតិលេខ៥ កាន់តែមានសេដ្ឋកិច្ចរីកចម្រើន។ ជាក់ស្តែងខេត្តកំពង់ឆ្នាំង ពោធិ៍សាត់ ដែលកន្លងមកជាខេត្តដែលគេទៅហួសមកហួស តែបច្ចុប្បន្ននេះ មានការវិនិយោគរោងចក្រ ជាបន្តបន្ទាប់ ដូចជារោងចក្រកាត់ដេរសម្លៀកបំពាក់ រោងចក្រដំឡើងរថយន្តហ្វត ខណៈក្រុមហ៊ុនមីនីបៀរ ក៏មានគម្រោងទៅវិនិយោគនៅទីនោះទៀត ផង។ នាពេលខាងមុខ រាជរដ្ឋាភិបាលនឹងជំរុញការវិនិយោគបង្កើតតំបន់សេដ្ឋកិច្ចពិសេស នៅតាមបណ្តាយផ្លូវជាតិលេខ៥នេះបន្ថែមទៀត ដើម្បីបង្កើតការងារបានកាន់តែច្រើន ប្រជាជននៅក្នុងតំបន់ មិនចាំបាច់ត្រូវចំណាកស្រុកទៅឆ្ងាយទៀតឡើយ។
សម្តេចធិបតីមានប្រសាសន៍បន្ថែមទៀតថា«ហ្នឹងហើយជាសារៈសំខាន់នៃហេដ្ឋារចនាសម្ព័ន្ធរបស់យើង ផ្លូវជាតិលេខ៥ ដែលចិញ្ចឹមសរសៃរឈាម។ គោលដៅរបស់យើង គឺសមធម៌នេះ មិនមែនឱ្យការរីកចម្រើនប្រមូលផ្តុំនៅតែភ្នំពេញនោះទេ ធ្វើយ៉ាងណាយើងរុញឱ្យដល់មូលដ្ឋាន ផ្លូវ ទឹកភ្លើង ឥលូវនេះភ្លើងយើងសឹងតែមានគ្រប់ឃុំអស់ហើយ នៅសល់តែមួយចំនួនតិចណាស់ ហើយយើងដាក់គោលដៅតភ្ជាប់ ទឹកស្អាតរបស់យើងបានច្រើន យើងធ្វើប្រព័ន្ធធារាសាស្រ្តផ្សេងៗទៀត ពិតណាស់មិនទាន់ស្រោចទូទាំងប្រទេស តែយើងនឹង ជំរុញខិតខំ។»

សូមបញ្ជាក់ថា ផ្លូវជាតិលេខ៥នេះ គឺជាសមិទ្ធផលថ្មីមួយបន្ថែមទៀត និងជាចំណងដៃដ៏ពិសិដ្ឋរបស់រាជរដ្ឋាភិបាលកម្ពុជា ជូនប្រជាពលរដ្ឋទូទាំងប្រទេស ជាពិសេសប្រជាពលរដ្ឋដែលរស់ នៅតាម បណ្ដោយ ផ្លូវជាតិលេខ៥ ដើម្បីប្រើប្រាស់ជាប្រយោជន៍ទូទៅ។ ផ្លូវជាតិលេខ៥ គឺជាខ្សែផ្លូវយុទ្ធសាស្ត្រដ៏សំខាន់មួយ ហើយក៏ជាខ្សែផ្លូវសេដ្ឋកិច្ចជាតិដ៏មានសក្តានុពលដែលបានតភ្ជាប់ទំនាក់ទំនងរូបវន្តរវាងស្ថាប័ន និងប្រជាជន ដោយរាប់ចាប់ពីរាជធានី ភ្នំពេញ ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និងខេត្តបន្ទាយមានជ័យ និងបណ្តាខេត្ត ជាប់ព្រំប្រទល់ផ្សេងៗដទៃទៀត។
ផ្លូវមួយខ្សែនេះ ក៏ជាខ្សែផ្លូវមេមានភាពប្រទាក់ក្រឡាជាមួយផ្លូវជាតិសំខាន់ៗ រួមមានដូចជា៖ តភ្ជាប់ជាមួយផ្លូវជាតិលេខ៤៤ ផ្លូវជាតិលេខ៥១ និងផ្លូវជាតិលេខ៦១ នៅក្នុងភូមិសាស្ត្រខេត្តកណ្តាល, តភ្ជាប់ជាមួយ ផ្លូវ ជាតិលេខ៥០C ផ្លូវជាតិលេខ៥២ ផ្លូវជាតិលេខ៥៣ និងផ្លូវជាតិលេខ៥៣A នៅក្នុងភូមិសាស្ត្រ ខេត្តកំពង់ឆ្នាំង, តភ្ជាប់ជាមួយផ្លូវជាតិ លេខ៥៣B ផ្លូវជាតិលេខ៥៤ និងផ្លូវជាតិលេខ៥៥ នៅក្នុងភូមិ សាស្ត្រ ខេត្តពោធិ៍សាត់, តភ្ជាប់ ជាមួយផ្លូវជាតិលេខ៥៧ និងផ្លូវជាតិលេខ៥៧B នៅក្នុងភូមិសាស្ត្រខេត្ត បាត់ ដំបង, តភ្ជាប់ជាមួយ ផ្លូវជាតិលេខ៦ ផ្លូវជាតិលេខ៥៦ ផ្លូវជាតិលេខ៥៦០ ផ្លូវជាតិលេខ៥៨ និងផ្លូវជាតិ លេខ៥៩ នៅក្នុងភូមិសាស្ត្រខេត្តបន្ទាយមានជ័យ និងតភ្ជាប់ទៅកាន់ព្រំដែនអន្តរជាតិកម្ពុជា-ថៃ (ប៉ោយប៉ែត-អារញ្ញប្រាថេត)។

នៅក្នុងក្របខណ្ឌតំបន់ ផ្លូវជាតិលេខ៥ គឺជាផ្នែកមួយនៃផ្លូវអាស៊ានហាយវ៉េលេខ១ (AH1) ដែលបាន តភ្ជាប់ គ្នារវាងទីក្រុងបាងកក រាជធានីភ្នំពេញ និងទីក្រុងហូជីមិញ និងជាខ្សែផ្លូវស្ថិត ក្នុងរបៀងសេដ្ឋកិច្ច ភាគខាងត្បូងដ៏មានសក្តានុពល ដែលនឹងជំរុញឱ្យមានការប្រកួតប្រជែងខ្លាំង នៅក្នុងមហាអនុតំបន់មេគង្គ (GMS) ក៏ដូចជាតំបន់អាស៊ានផងដែរ៕

The World Bank has approved a 163 million U.S. dollars project to support Cambodia’s efforts to strengthen water supply and sanitation services in four provinces, benefiting over 175,000 people, said its press release on Wednesday.

The press release said that in 2022, less than a third of Cambodians had access to a safely managed water supply, and just over a third used safely managed sanitation.

“This support will help the government build a strong foundation for making these essential services available to all Cambodians and will bring rapid benefits to women and people in poor and rural areas, which are currently particularly underserved,” World Bank country manager for Cambodia Maryam Salim said.

The six-year Water Supply and Sanitation Acceleration Project will support government actions to increase access to safe water supply and sanitation, improve the operation and maintenance of existing systems, and ensure the sustainability of services.

“The water sector is a priority area for resilient and sustainable development and for enhancing the economy,” said Hem Vanndy, Cambodian minister of Industry, Science, Technology and Innovation.

The Ministry of Industry, Science, Technology and Innovation will implement water supply activities and the Ministry of Public Works and Transport will implement urban sanitation activities under the project, the press release said, adding that the targeted provinces are Battambang, Pursat, Mondulkiri and Kandal. Source: Xinhua

ដើម្បីជាការអបអរក្នុងឱកាសពិធីបុណ្យអ៊ុំទូក សំពះព្រះខែ និងអកអំបុកខាងមុខនេះ បុរី ប៉េង ហួត សូមផ្ដល់ជូន​ឱកាសដ៏ចំណេញ​ជូនដល់អតិថិជនអាចសម្រេចផ្ទះក្នុងក្តីស្រមៃបាន ជាមួយប្រ៉ូម៉ូសិនប្រទីបនាំសំណាងធំៗ រួមមាន៖

** ប្រទីបទី១៖ ទទួលបានការបញ្ចុះតម្លៃ​ 1% ភ្លាមៗសម្រាប់គ្រប់ប្រភេទផ្ទះ
** ប្រទីបទី២៖ អតិថិជននឹងទទួលបាន ទូរស័ព្ទ iPhone 15 Pro ឬ iPhone 15 Pro Max មួយគ្រឿងភ្លាមៗ​ សម្រាប់ការកក់ផ្ទះគ្រប់ប្រភេទ
** ប្រទីបទី៣៖ ឥតគិតថ្លៃសេវាគ្រប់គ្រងបុរីរយៈពេល 01 ឆ្នាំ
**​ ប្រទីបទី៤៖ ទទួលបាន Voucher ទឹកប្រាក់រហូតដល់ 5,000$ ពី PH Grand Hall សម្រាប់ការរៀបចំកម្មវិធី ឬប្រើប្រាស់សេវាកម្មរបស់ PH Grand Hall

 អ្វីដែលកាន់តែពិសេស គឺអតិថិជននឹងទទួលបានការបង់រំលស់ឥតការប្រាក់ និង ប្រាក់ដើម ០% រហូតដល់ 12ខែជាមួយធនាគារ MB Bank
សូមបញ្ជាក់ផងដែរថា ការផ្តល់ជូននេះមានសុពលភាពត្រឹមតែ​ដំណាច់ខែវិច្ឆិកា​នេះតែប៉ុណ្ណោះ។ ដូចនេះសូម កុំឱ្យ​ឱកាសពិសេសនេះកន្លងផុតទៅឱ្យសោះ ។
ដើម្បីជ្រាបកាន់តែច្បាស់អំពីប្រូម៉ូសិន និងព័ត៌មានផ្សេងៗ សូមអញ្ជើញមកសាកសួរព័ត៌មាននៅគ្រប់ការិយាល័យលក់របស់បុរី ប៉េង ហួត ឬទាក់ទងតាមលេខទូរសព្ទ  𝟎𝟗𝟖 / 𝟎𝟏𝟔 / 𝟎𝟏𝟕 𝟓𝟗𝟔 𝟕𝟖𝟗 ឬចូលរួមតាម Telegram : https://t.me/boreypenghuoth ។

ដោយ: គង់ លាងហួរ
អន្តរជាតិ: សារពត៌មាន The Nation បានចុះផ្សាយថា សហគ្រាសធុនតូច និងមធ្យម (SMEs) កាន់តែច្រើននៅប្រទេសថៃ កំពុងបង្ខំចិត្តបញ្ឈប់ប្រតិបត្តិការអាជីវកម្មរបស់ពួកគេ ស្របពេលមានការកើនឡើងនៃបំណុល។

លោក Apichit Prasoprat អនុប្រធានសហព័ន្ធឧស្សាហកម្មថៃ (FTI) បានមានប្រសាសន៍ឱ្យដឹងថា FTI បច្ចុប្បន្នកំពុងពិភាក្សាជាមួយក្រសួងហិរញ្ញវត្ថុ ដើម្បីសម្របសម្រួលជាមួយធនាគារពាណិជ្ជ និងទីភ្នាក់ងាររដ្ឋ ដើម្បីពន្លឿនការដោះស្រាយបំណុលសម្រាប់អាជីវកម្មខ្នាតតូច និងមធ្យម ដោយបានប្រឈមមុខនឹងបញ្ហាសាច់ប្រាក់ងាយស្រួលដោយសារផលប៉ះពាល់នៃជំងឺកូវីដ ដែលបណ្តាលឱ្យមានបំណុលហួសកាលកំណត់ទូទាត់សងលើសពី៩០ថ្ងៃ។

បំណុលសរុបរបស់សហគ្រាសធុនតូច និងមធ្យម (SMEs) មានចំនួនជាង៦១ពាន់លានបាត (ប្រហែល១,៧៣ពាន់លានដុល្លារ) ដោយ៣៦ពាន់លានបាតជំពាក់ធនាគារពាណិជ្ជ និង២៥ពាន់លានបាតទៀតជំពាក់ស្ថាប័នហិរញ្ញវត្ថុរដ្ឋ។

បំណុលរបស់សហគ្រាសអាជីវកម្មថៃជាច្រើនអាចនឹងត្រូវបានចាត់ថ្នាក់ជាប្រាក់កម្ចីមិនដំណើរការ (NPLs) ហើយប្រសិនបើស្ថានភាពនេះមិនត្រូវបានដោះស្រាយ នោះសហគ្រាសថៃជាច្រើនប្រហែលជាត្រូវបិទទ្វារនៅចុងឆ្នាំនេះ ដែលការណ៍នេះអាចនឹងជះផលប៉ះពាល់យ៉ាងធ្ងន់ធ្ងរដល់ការងារ និងសេដ្ឋកិច្ចថៃទាំងមូល។

លោក Apichit បន្តថា “ខណៈពេលដែលរដ្ឋាភិបាលត្រូវតែពន្លឿនវិធានការបន្ធូរបន្ថយបំណុលសម្រាប់សហគ្រាសធុនតូច និងមធ្យម ការពន្យារពេលការទូទាត់ការប្រាក់តែមួយ ប្រហែលជាមិនអាចដោះស្រាយបញ្ហាបានទាំងស្រុងនោះទេ។ លោក Apichit បានសង្កត់ធ្ងន់ថា ផ្ទុយទៅវិញ ចាំបាច់ត្រូវកំណត់វិធានការដើម្បីធានាទាំងការសងប្រាក់ដើម និងអត្រាការប្រាក់វិញ ។

លោក Apichit បានបន្ថែមថា សហគ្រាសធុនតូច និងមធ្យមទាំងមូលបច្ចុប្បន្នកំពុងប្រឈមមុខនឹងការកើនឡើងនៃការចំណាយហិរញ្ញវត្ថុ ដោយសារតែការកើនឡើងនៃអត្រាការប្រាក់លើប្រាក់កម្ចី។

លើសពីនេះ អំណាចនៃការទិញក្នុងស្រុករបស់ប្រជាជនថៃបានថយចុះ គួបផ្សំនឹងការធ្លាក់ចុះនៃការនាំចេញ បាននាំឱ្យមានការខ្វះខាតសាច់ប្រាក់ងាយស្រួលសម្រាប់សហគ្រាសមួយចំនួន ដែលកត្តាទាំងនេះបានរួមចំណែកដល់ភាពតានតឹងផ្នែកហិរញ្ញវត្ថុរបស់ពួកគេ៕