ទីផ្សារជួលទីតាំងអាជីវកម្មនៅក្រុងភ្នំពេញស្ថិតក្នុងសភាពមិនច្បាស់លាស់

        ដោយៈ គង់ សូរិយា

        ភ្នំពេញៈ អ្នកជំនាញបានលើកឡើងថា ស្ថានភាពទីផ្សារជួលផ្ទះ ឬទីតាំងអាជីវកម្មណាមួយ ស្ថិតនៅក្នុងសភាពមិនទាន់ច្បាស់លាស់នៅឡើយ ខណៈមានការបើក និងបិទជាបន្តបន្ទាប់។

       លោកប៉ូ អ៊ាវគង់អគ្គនាយកក្រុមហ៊ុនAdvance Real Estateបានមានប្រសាសន៍ឲ្យដឹងកាលពីចុងសប្តាហ៍មុនថា អាជីវកម្មបើកថ្មី មួយចំ​នួន មិនសូវដំណើរការល្អប្រសើរទេ ដោយហាងខ្លះបានបើក និងបិទទៅវិញជាបន្តបន្ទាប់ ខណៈពេលស្ថានភាពសេដ្ឋកិច្ចមិនសូវល្អ បានធ្វើឲ្យប្រជាពលរដ្ឋ មានការប្រុងប្រយ័ត្នក្នុងការចំណាយ។លោកបន្តថា “អាជីវកម្ម ដែលមានម៉ាកយីហោល្បី និងអាចឈរជើងបាន៣ទៅ៥ឆ្នាំក្នុងទីផ្សារ នៅតែអាចដំណើរការបាន ប៉ុន្តែអាជីវកម្មបើកថ្មីមួយចំនួន បានប្រឈមហានិភ័យផងដែរ”។ លោកបន្តថា “ទីតាំងស្ថិតនៅតំបន់ពាណិជ្ជកម្ម ដែលមានតម្លៃចាប់ពី៥០០០ទៅ១ម៉ឺនដុល្លារ ពិបាករកភ្ញៀវជួល ដោយសារម្ចាស់អាជីវកម្ម និងក្រុមហ៊ុន​មួយចំនួនបានកាត់បន្ថយការចំណាយរបស់ពួកគេ”។

លោកប៉ូ អ៊ាវគង់បានបន្តថា ម្ចាស់អាជីវកម្មនានាបានកាត់បន្ថយ​ការចំណាយលើការជួល ហើយពួកគេបានចាប់ផ្តើមផ្តោតលើការផ្សព្វ​ផ្សាយតាមបែបDigital Marketing ជាជាងចំណាយលើការជួលទីតាំងដែលមានតម្លៃខ្ពស់។ លោកបន្តថា តាមការសង្កេត មានការបំលែងដីនៅតំបន់ជាយក្រុង ធ្វើជាទីតាំងអាជីវកម្មបែបសហគមន៍ច្រើន ធ្វើឲ្យតំបន់កណ្តាលក្រុង ដែលមានតម្លៃជួលថ្លៃប្រឈមការលំបាកក្នុងការរកភ្ញៀវជួល ក្នុងរយៈពេលប៉ុន្មានឆ្នាំចុងក្រោយនេះ។

ជាមួយគ្នានេះ លោកស្រីតាំង ហួរអគ្គនាយិកាក្រុមហ៊ុនAmatak Property Service Co, Ltd បានមានប្រសាសន៍ឲ្យដឹងផងដែរថា ទីផ្សារជួលទីតាំងធ្វើអាជីវកម្មនៅទីក្រុងភ្នំពេញ មានតម្រូវការបណ្តើរៗ ប៉ុន្តែតម្លៃមិនអាចទាមទារខ្ពស់បានឡើយ ស្របពេលស្ថានភាពទីផ្សារកាន់តែមានការប្រកួតប្រជែងគ្នាកាន់តែខ្លាំង៕

ដើមឆ្នាំភ្លាម បុរី ប៉េង ហួត ត្រៀមសម្ពោធលក់គម្រោងថ្មី និងបើកទស្សនាផ្ទះគំរូថ្មីជិតដប់ប្រភេទ!

នៅថ្ងៃទី23-24​ ខែមីនា ឆ្នាំ2024 ខាងមុខនេះ បុរី ប៉េង ហួត​ នឹងធ្វើការបើកលក់ជាផ្លូវការនូវគម្រោងថ្មី ដែលផ្តល់ឱកាសចំណេញកាន់តែច្រើនសម្រាប់អតិថិជន ដែលទន្ទឹងរង់ចាំឱកាសចំណេញសម្រាប់គម្រោងថ្មី និងម៉ូដផ្ទះថ្មីដើម្បីវិនិយោគដ៏ឆ្លាតវៃ។

គម្រោងដ៏ថ្មីសន្លាងមួយរបស់​បុរី ប៉េង ហួត នឹងចាប់បើកលក់ជាផ្លូវការក្នុងខែមីនានេះ គឺ គម្រោង ដឹស្តា ផ្លាទីនីម អេកូ ប៉ូលី ដែលមានទីតាំងស្ថិតនៅក្នុងគម្រោងបុរី ប៉េង ហួត ហ្រ្គេនស្តា​ ផ្លាទីនីម អេកូ ខូលិកសិន ដោយមានសុទ្ធសឹងតែជាប្រភេទផ្ទះម៉ូដ ថ្មី កាន់តែប្រណីតរាប់ចាប់ពីវីឡាភ្លោះ រហូតដល់វីឡាទោលជាច្រើនប្រភេទ។ មិនតែប៉ុណ្ណោះ នៅក្នុងកម្មវិធីនេះ លោកអ្នកនឹងមានឱកាសទស្សនាផ្ទះគំរូម៉ូដថ្មីទាំងនេះដោយផ្ទាល់ ព្រមទាំងសកម្មភាពកម្សាន្តផ្សេងៗជាច្រើន។

អ្វីដែលកាន់តែគួរឱ្យចាប់អារម្មណ៍ សម្រាប់អតិថិជនដែលកក់ផ្ទះក្នុងកម្មវិធីទាំងពីរថ្ងៃនេះនឹងទទួលបានប្រ៉ម៉ូសិន​ជាច្រើនទាំងការបញ្ចុះតម្លៃ បូករួមការផ្ដល់ជូនជាច្រើនផ្សេងទៀតដូចជា៖

✨ទិញផ្ទះទទួលបានខុនដូ 1 Unit ភ្លាមៗ
✨ទទួលបានឡានអាគុយសេរីចុងក្រោយគេមួយគ្រឿងភ្លាមៗ
✨ប័ណ្ណទឹកប្រាក់សម្រាប់តុបតែងផ្ទះតម្លៃរហូតដល់ $5,000
✨ការបង្វិលកងសំណាងដើម្បីទទួលបានកាដូជាច្រើនសន្ធឹកសន្ធាប់

Link Bumper:

សូមកុំឱ្យឱកាសនេះកន្លងផុត! សូមអញ្ជើញមកចូលរួមកម្មវិធីបើកលក់ជាផ្លូវការនេះដោយសេរី  នៅថ្ងៃទី23-24 ខែមីនា ឆ្នាំ2024 ដើម្បីទទួលបានឱកាសពិសេសនេះ និងទស្សនាផ្ទះគំរូបានមុនគេ។ កុំភ្លេចណា មកទទួលយកឱកាសដ៏ចំណេញនេះទាំងអស់គ្នា។

ដើម្បីជ្រាបព័ត៌មានកាន់តែច្បាស់ សូមទាក់ទងមកកាន់បុគ្គលិកផ្នែកលក់របស់បុរី ប៉េង ហួត តាមរយៈលេខទូរសព្ទ៖ 016 / 017 596 789 ឬចូលរួមជាមួយ Telegram Channel https://t.me/boreypenghuoth ៕

តើអ្នកវិនិយោគអន្តរជាតិមើលឃើញឱកាសវិនិយោគខុនដូនៅ កម្ពុជាមានសភាពបែបណា?

        ដោយៈ គង់ សូរិយា

        ភ្នំពេញៈ កម្ពុជាមានលក្ខខ័ណ្ឌអំណោយផលជាច្រើន សម្រាប់ការវិនិយោគ ស្របពេលរដ្ឋាភិបាលបាន និងកំពុងបន្តកែទម្រង់ឥតឈប់ឈរលើច្បាប់បទដ្ឋានគតិយុត្តិនានា ដើម្បីធ្វើឲ្យបរិយាកាសវិនិយោគកាន់តែប្រសើរឡើង។

       ជាអ្នកមានប្រវត្តិវិនិយោគ នៅកម្ពុជារយៈពេលវែង និងបច្ចុប្បន្នកំពុងវិនិយោគលើគំរោងខុនដូUrban Village ស្ថិតនៅភាគខាងត្បូងរាជធានីភ្នំពេញ លោកបណ្ឌិតBen Li អគ្គនាយកក្រុមហ៊ុនUrban Hub& Factory Phnom Penhបានមានប្រសាសន៍ឲ្យដឹងនៅពេលថ្មីៗនេះថា ចុងឆ្នាំ២០២៣ និងឆ្នាំ២០២៤នេះ មានការវិនិយោគគួរឲ្យកត់សំគាល់ពីសំណាក់ជនបរទេស ដែលពួកគេផ្តោតលើគំរោងខុនដូ ព្រោះពួកគេចូលចិត្តរស់នៅ ជាមួយបរិស្ថានស្អាត មានសុវត្ថិភាព ផាសុខភាព និងអនាម័យ។

       លោកបន្តថា “នៅពេលពួកគេទិញខុនដូ ហើយចង់លក់ចេញវិញ ពួកគេមិនចាំបាច់លក់ខ្លួនឯងទេ ពួកគេដាក់ឲ្យអ្នកគ្រប់គ្រងគំរោងជួយលក់ជាការស្រេច”។ លោកបន្តថា “ហេតុនេះ ទើបអ្នកមកពីក្រៅ​ប្រទេស ពួកគេមិនស្វែងរកខុនដូ និងមើលពីប្រវត្តិអ្នកអភិវឌ្ឍន៍ដែលទទួលបានជោគជ័យរួចហើយ”។

       តើអ្វីនៅពីក្រោយការលូតលាស់ នៅក្នុងទីផ្សារខុនដូនៅកម្ពុជា ?លោកបណ្ឌិតBen Liបានបន្តថា កាលពីឆ្នាំ២០២៣ ការលក់និងការទូទាត់លុយ ពិតជាទាបខ្លាំង ដោយនៅកម្ពុជាអ្នកមានអាយុក្រោម៣០ឆ្នាំ គឺមានចំនួន៦០ភាគរយ ពួកគេមានតម្រូវការប្រើប្រាស់ខ្ពស់។ ឧទាហរ​ណ៍បើពួកគេរៀបការ ហើយពួកគេមានកូនត្រូវទៅរៀន ខុនដូ គឺជាជម្រើសរបស់ពួកគេ ដែលងាយស្រួលប្រើប្រាស់។

       លោកបន្តថា ក្រោយវិបត្តិកូវីដ១៩ មានអ្នកមានកូនច្រើន នៅជុំវិញយើងមានក្មេងជាច្រើន ហើយនិន្នាការនេះកើតមាននៅតាមប្រទេសជាច្រើន។ គ្រួសារទើបរៀបការថ្មីៗ ពួកគេអាចទិញខុនដូ សម្រាប់ការរស់នៅប្រកបដោយផាសុខភាព ដែលមានសហគមន៍នៅជុំវិញ មានកន្លែងកម្សាន្តរៀងរាល់ចុងសប្តាហ៍ មានសេវាកម្មលក់រាយជាដើម ព្រោះខុនដូដែលមានតែអាគារមិនគ្រប់គ្រាន់ទេ។

       អ្នកទិញខុនដូ បានសម្លឹងមើលលើចំណុចសំខាន់ៗចំនួន៣ ទី១ គឺការទទួលបានចំណូលពីការជួលត្រលប់មកវិញ ទី២ ការចំណេញ​ដើមទុន ទី៣ ហានិភ័យនៃការផ្លាស់ប្តូររូបិយប័ណ្ណបរទេស ពិសេសនៅកម្ពុជា គឺទទួលបានផលចំណេញពីការវិនិយោគខ្ពស់ជាងគេ គឺទទួលបានផលចំណេញពីការវិនិយោគ៦ភាគរយ ប៉ុន្តែនៅប្រទេសចិនផលចំណេញ ពីការវិនិយោគទទួលបាន១,៣ភាគរយ នៅហុងកុង២,២ភាគរយ នៅសឹង្ហបុរី២,៥ភាគរយ នៅបាងកក ប្រទេសថៃ៣ភាគរយ នៅកូឡាឡាំពួរ ប្រទេសម៉ាឡេស៊ី និងទីក្រុងហូ ជីម៉ិញគឺទទួលបានផលពីការវិនិយោគ៣,៥ភាគរយក្នុងមួយឆ្នាំ។

       លោកបណ្ឌិតBen Liបានបន្តថា ហេតុនេះហើយ ទើបពួកគេវិនិយោគ ដើម្បីទទួលបានផលចំណេញត្រលប់វិញ ហើយនៅរាជធានីភ្នំពេញ គឺជាទីតាំងល្អសម្រាប់ពួកគេ គឺចំណេញពីការវិនិយោគខ្ពស់ ពិសេសកម្ពុជា ល្អជាងវៀតណាម ហុងកុង ម៉ាកាវ កាណាដា និងអាមេរិក៕

សណ្ឋាគារខ្ពស់ជាងគេបំផុតនៅលើពិភពលោកគ្រោងបើកដំណើរការ នៅឆ្នាំ២០២៤នេះ

ដោយ: គង់ លាងហួរ

អន្តរជាតិ: សណ្ឋាគារ​ថ្មី​មួយ ដែល​នឹង​ក្លាយ​ទៅជា​សណ្ឋាគារខ្ពស់​ជាង​គេ​បំផុត នៅលើ​ពិភពលោក​ ជាមួយកម្ពស់១០៤ជាន់ និងចំ​ណាយ​ថវិកាអស់ប្រហែល៤៩៤,១៥លានដុល្លារនឹងបើកដំណើរការនៅឆ្នាំនេះ។ នេះបើយោងតាមការចុះផ្សាយ ដោយសារពត៌មាន Express.co.uk។

សណ្ឋាគារនោះត្រូវបានដាក់ឈ្មោះថា Ciel Tower មានទីតាំងនៅទីក្រុងឌូបៃ ប្រទេសអារ៉ាប់រួម(UAE) ដែលកំពុងត្រូវបានអភិវឌ្ឍសាងសង់ដោយក្រុមហ៊ុន Immo Prestige Limited ហើយសណ្ឋា​គារនេះ នឹងមានកម្ពស់ចំនួន៣៦៥ម៉ែត្រ។

នៅពេលដែកការសាងសង់បញ្ចប់រួចរាល់ សណ្ឋាគារនេះនឹងផ្តល់នូវទិដ្ឋភាព៣៦០ដឺក្រេ មើលពីលើឆ្នេរ Dubai Marina កោះ Palm Jumeirah និងឈូងសមុទ្រអារ៉ាប់។ សណ្ឋាគារនេះត្រូវបានគេគ្រោងទុកថា នឹងមានបន្ទប់ចំនួន១.០៤២បន្ទប់។

ទន្ទឹមនឹងនេះ បេតុងប្រហែល១.២០០០ម៉ែត្រគូប និងដែកជាង២.៧០០តោន ត្រូវបានប្រើប្រាស់សម្រាប់បុកគ្រឹះ សណ្ឋាគារខ្ពស់កប់ពពកមួយនេះ។ អគារនេះ បានចាប់ផ្តើមសាងសង់ឡើង ក្នុងឆ្នាំ២០១៨ ហើយត្រូវបានគេរំពឹងថា នឹងបើកដំណើរការនៅក្នុងត្រីមាសទីមួយនៃឆ្នាំ២០២៤នេះ។

លោក Rob Burns នាយកប្រតិបត្តិនៃក្រុមហ៊ុន The First Group ដែលបានបណ្តាក់ទុនវិនិយោគ ទៅលើគម្រោងសណ្ឋាគារមួយនេះ បានមានប្រសាសន៍ឱ្យដឹងថា លោកកំពុងទន្ទឹងរង់ចាំយ៉ាងអន្ទះសារ ចំពោះការបើកដំណើរការសណ្ឋាគារដ៏ប្រណីតនេះ។

លោកបានគូសបញ្ជាក់ នៅក្នុងសេចក្តីថ្លែងការណ៍មួយថា “យើងមានសេចក្តីរំភើបរីករាយ ក្នុងការនាំយកសណ្ឋាគារខ្ពស់កប់ពពក The Ciel Tower ចូលមកកាន់ Skyline របស់ទីក្រុងឌូបៃ ដែលនឹងកំណត់ឡើងវិញ នូវបដិសណ្ឋារកិច្ចកម្រិតខ្ពស់ និងបង្ហាញពីអ្វីដែលទីក្រុងឌូបៃ អាចផ្តល់ជូនយ៉ាងល្អបំផុត”។

លោកបន្ថែមថា “ទោះបីជាជួបប្រទះបញ្ហាប្រឈម នៃជំងឺរាតត្បា​តយ៉ាងណាក្តីក៏ប៉ុន្តែ យើងកំពុងសម្រេចបានវឌ្ឍនភាពដ៏អស្ចារ្យ និងស្ថិតនៅលើផ្លូវយ៉ាងរឹងមាំ ឆ្ពោះទៅបើកដំណើរការសណ្ឋាគារនេះជាផ្លូវការនៅឆ្នាំ២០២៤”៕

គណៈកម្មការអន្តរក្រសួងសិក្សាលទ្ឋភាពអភិវឌ្ឍន៍អាកាសយានដ្ឋានខេត្តបាត់ដំបង

        ដោយៈ ហ្វីអូណា

        ភ្នំពេញៈ ក្រុមមន្រ្តីបានបើកកិច្ចប្រជុំ គណៈកម្មការអន្តរក្រសួង និងក្រុមការងារបច្ចេកទេស សិក្សាអំពីលទ្ធភាពស្ដារ និងអភិវឌ្ឍន៍អាកាសយានដ្ឋានបាត់ដំបង លំដាប់ថ្នាក់៤C។

កិច្ចប្រជុំកាលពីថ្ងៃទី១៨ មិនាកន្លងមកនេះ បានដឹកនាំដោយលោកម៉ៅ ហាវណ្ណាល់ រដ្ឋមន្រ្តីប្រតិភូអមនាយករដ្ឋមន្រ្តី ទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល។

លោកសុខ លូ អភិបាល នៃគណៈអភិបាលខេត្តបាត់ដំបង បានអញ្ជើញចូលរួមកិច្ចប្រជុំ ជាមួយគណៈកម្មការអន្តរក្រសួង និងក្រុមការងារបច្ចេកទេសសិក្សាអំពីលទ្ធភាពស្ដារ និងអភិវឌ្ឍន៍អាកាសយានដ្ឋានបាត់ដំបង លំដាប់ថ្នាក់៤Cផងដែរ។

កិច្ចប្រជុំពិភាក្សានេះ គឺក្នុងគោលបំណងពិនិត្យ ទៅលើការត្រៀមផ្សព្វផ្សាយ អនុក្រឹត្យរបស់រាជរដ្ឋាភិបាលស្ដីពី ការធ្វើចំណាត់ថ្នាក់ជាទ្រព្យសម្បត្តិសាធារណៈរបស់រដ្ឋ ដីដែលមានទីតាំងស្ថិតក្នុងភូមិសាស្រ្ដក្រុងបាត់ដំបង និងស្រុកសង្កែ សម្រាប់អភិវឌ្ឍន៍អាកាសយានដ្ឋានបាត់ដំបង លំដាប់ថ្នាក់៤C និងរៀបចំចុះបង្គោលកំណត់ព្រំខណ្ឌបរិវេណដី អាកាសយានដ្ឋានបាត់ដំបង ដែលមានស្រាប់ និងបរិវេណដី តម្រូវការក្នុងការពង្រីកបន្ថែម ក៏ដូចជាពិភាក្សាអំពីដំណោះស្រាយជូនដល់ប្រជាពលរដ្ឋ ដែលកំពុងរស់នៅអាស្រ័យផល ក្នុងបរិវេណអាកាសយានដ្ឋានបាត់ដំបង៕

កម្ពុជា ម៉ាឡេស៊ីរួមគ្នាបង្កើតឧទ្យានពាណិជ្ជកម្មទំហំ១០០ហិកតា នៅក្នុងខេត្តកណ្តាល

ដោយៈ ជេស៊ីកា

        ភ្នំពេញៈ បណ្តាញអចលនទ្រព្យសកល IQI បានចុះហត្ថលេខាលើអនុស្សរណៈនៃការយោគយល់គ្នា (MoU) ដើម្បីបង្កើតឧទ្យានផលិតកម្មបច្ចេកវិទ្យាទំនើប មួយនៅកម្ពុជា។

តាមព័ត៌មានពីគម្រោងនេះបានឲ្យដឹងថា ដំណាក់កាលដំបូង នៃគម្រោងឧទ្យានបច្ចេកវិទ្យាកម្រិតខ្ពស់នេះ មានឈ្មោះថា Cambodia Malaysia China High-Tech Park នេះ មានតម្លៃវិនិយោគសរុបប្រមាណ៣00 លានដុល្លារអាមេរិក និងលាតសន្ធឹងលើផ្ទៃដីរហូតដល់១00ហិកតា ជាមួយនឹងសក្តានុពលពង្រីកដល់២000 ហិកតានៅពេលក្រោយបន្ថែមទៀត នេះបើយោងតាម Edgeprop ចុះផ្សាយថ្ងៃទី ១៤ ខែមីនា ឆ្នាំ ២០២៤។

ស្ថិតនៅក្នុងខេត្តកណ្តាល ចំងាយត្រឹមតែ១០គីឡូម៉ែត្រ ពីរាជធានីភ្នំពេញ។ ឧទ្យានផលិតកម្មបច្ចេកវិទ្យានេះ ស្ថិតនៅលើទីតាំងជាយុទ្ធសាស្ត្រនៅជិតតំបន់ឧស្សាហកម្ម និងហេដ្ឋារចនាសម្ព័ន្ធសំខាន់ៗ រួមទាំងផ្លូវល្បឿនលឿនផងដែរ។

លោក Daniel Ho សហស្ថាបនិក IQI Global និងជានាយកគ្រប់គ្រងក្រុមហ៊ុន បានសង្កត់ធ្ងន់លើសារៈសំខាន់នៃឧទ្យានឧស្សាហកម្មនេះដោយបញ្ជាក់ថា “ឧទ្យានឧស្សាហកម្មដ៏ទំនើបនេះ នឹងក្លាយជាគម្រោងអភិវឌ្ឍន៍លំដាប់ពិភពលោក ដែលមានចម្ងាយត្រឹមតែ១០ គីឡូម៉ែត្រពីរាជធានីភ្នំពេញ និងមានសេវាបម្រើ ដោយប្រព័ន្ធហេដ្ឋារចនាសម្ព័ន្ធដ៏ល្អឥតខ្ចោះ រួមទាំងផ្លូវល្បឿនលឿនចំនួនពីរ ថែមទៀតផង។

លោក Daniel បានគូសបញ្ជាក់ពីគោលដៅ ប្រកបដោយមហិច្ឆ តារបស់ក្រុមហ៊ុន ក្នុងការបង្កើតប្រព័ន្ធអេកូឡូស៊ី បច្ចេកវិទ្យាកម្រិតខ្ពស់ប្រកបដោយនិរន្តរភាព ដោយប្រើប្រាស់តម្រូវការដែលមានស្រាប់ពីក្រុមហ៊ុនផលិត និងជំរុញកំណើនក្នុងទីផ្សារអាស៊ាន។

បន្ថែមពីលើការបង្កើតបរិយាកាស អំណោយផលសម្រាប់ក្រុមហ៊ុនពហុជាតិ ក្រុមហ៊ុន IQI គ្រោងនឹងបង្កើតមជ្ឈមណ្ឌលអប់រំវិជ្ជាជីវៈ ដើម្បីបំពាក់បំប៉នកម្មករកម្ពុជា នូវជំនាញទំនើបថែមទៀត។

លោក Ho បានបង្ហាញពីទំនុកចិត្ត លើភាពជោគជ័យរបស់គម្រោងនេះ ដោយមានបំណងសម្រេច នៅផែនការក្នុង MoU ដែលបានចុះហត្ថលេខានេះ ទៅជាមជ្ឈមណ្ឌលឧស្សាហកម្មដ៏រីកចម្រើនក្នុងរយៈពេលត្រឹមតែ ០៥ ឆ្នាំប៉ុណ្ណោះ។

ក្រុមហ៊ុនIQI មានគោលបំណងទាក់ទាញ អ្នកជួលផលិតកម្មតាមរយៈវេទិការបស់ខ្លួន សម្របសម្រួលការវិនិយោគឆ្លងព្រំដែន និងការអភិវឌ្ឍន៍សម្រាប់អតិថិជនសាជីវកម្ម ជាពិសេសមកពីប្រទេសម៉ាឡេស៊ី ចិន និងអ្នកវិនិយោគផ្សេងទៀត មកពីទូទាំងសកលលោក។

ឧទ្យាននេះ នឹងផ្តល់ជូននូវគ្រឿងបរិក្ខាររួមបញ្ចូលគ្នា ដើម្បីបង្កើ​នភាពពេញចិត្ត និងប្រសិទ្ធភាពរបស់បុគ្គលិក រួមទាំងជម្រើសអាហារ កន្លែងកម្សាន្ត និងសេវាកម្មសំខាន់ៗ។

លោក Chandy Mann ស្ថាបនិកក្រុមហ៊ុន Premium Housing Group ដែលជាហត្ថលេខីភាគីកម្ពុជា មួយក្នុងចំណោមដៃគូនៃ MoU នេះ បានគូសបញ្ជាក់ពីការប្តេជ្ញាចិត្ត ចំពោះឧត្តមភាពរបស់គម្រោងនេះ តាមរយៈទិន្នន័យដែលមានបង្ហាញកាលវិភាគ និងក្នុងថវិកាគម្រោង។

ក្រុមហ៊ុន Premium Housing Group នឹងសហការជាមួយវិស្វករ និងស្ថាបត្យករល្បីឈ្មោះ ដើម្បីធានាបាននូវសម្ភារៈបរិក្ខារ និងអនុលោមតាមស្តង់ដារបរិស្ថាន សង្គម និងអភិបាលកិច្ច (ESG)។

ភាពជាដៃគូរវាង IQI និង EdgeProp ដែលបានបង្កើតឡើងក្នុងឆ្នាំ ២០២២ រួមបញ្ចូលវេទិកាបច្ចេកវិទ្យា ATLAS របស់ក្រុមហ៊ុន IQI ជាមួយនឹងដំណោះស្រាយទីផ្សារ និងម៉ាកយីហោរបស់ក្រុមហ៊ុន EdgeProp ផ្ទាល់តែម្តង។

ការចុះហត្ថលេខាលើអនុស្សរណៈ នៃការយោគយល់គ្នាក្នុងអំឡុ​ងពេលវេទិការដ្ឋាភិបាលឌីជីថល នៅទីក្រុងភ្នំពេញមានការចូលរួមពីរដ្ឋមន្ត្រីក្រសួងឌីជីថល របស់ប្រទេសម៉ាឡេស៊ី លោក Gobind Singh Deo ផងដែរ។

គម្រោងឧទ្យានផលិតកម្មបច្ចេកវិទ្យា Cambodia Malaysia China High-Tech Park នេះ កំពុងត្រៀមខ្លួនជាតួអង្គសំខាន់ នៅក្នុងទិដ្ឋភាព បរិវត្តកម្មឧស្សាហកម្មរបស់កម្ពុជា ក្នុងអនាគតដ៏ខ្លីខាងមុខ៕

លោកជំទាវ ផេថងថាន ស៊ីណាវ៉ាត់ត្រា វាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការរវាងថៃ-កម្ពុជា

        ដោយៈ សហសេវិក

        ភ្នំពេញៈ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានអនុញ្ញាតឱ្យ លោកជំទាវPaetongtarn Shinawatraអនុប្រធានគណៈកម្មការជាតិទទួលបន្ទុកជំរុញ Soft Power នៃព្រះរាជាណាចក្រថៃ និងជាប្រធានគណបក្សភឿថៃ ចូលជួបសម្តែងការគួរសម និងពិភាក្សាការងារ នៅវិមានសន្តិភាព។

ក្នុងឱកាសនៃជំនួប លោកជំទាវ ផេថងថាន ស៊ីណាវ៉ាត់ត្រា បានថ្លែងអំណរគុណជូនចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោកជំទាវ និងគណៈប្រតិភូ ចូលជួបសម្តែងការគួរសម ព្រមទាំងបានអបអរសាទរចំពោះសម្ដេចធិបតី ដែលត្រូវបានរដ្ឋសភាបោះឆ្នោតជ្រើស តាំងជានាយករដ្ឋមន្រ្តី នៃព្រះរាជាណាចក្រកម្ពុជា នីតិកាលទី៧ កាលពីខែសីហា ឆ្នាំ២០២៣ កន្លងទៅនេះ។

លោកជំទាវក៏បានអបអរសាទរផងដែរ ចំពោះជោគជ័យនៃការបោះឆ្នោតព្រឹទ្ធសភា នៅប្រទេសកម្ពុជា កាលពីថ្ងៃទី២៥ ខែកុម្ភៈ ឆ្នាំ២០២៤។ លោកជំទាវបានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អ រវាងប្រទេសទាំងពីរ ដែលបានផ្ដល់ផលប្រ​យោជន៍ទៅវិញ ទៅមកចំពោះប្រជាជន និងប្រទេសទាំងពីរ។ជាមួយគ្នានេះ លោកជំទាវក៏បានសម្តែងអំណរគុណ ជូនចំពោះសម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា ដែលបានអញ្ជើញលោកជំទាវ មកបំពេញទស្សនកិច្ចនៅកម្ពុជា។

លោកជំទាវបានបង្ហាញ នូវក្តីសង្ឃឹមយ៉ាងមុតមាំថា ទំនាក់ទំនង និងកិច្ចសហប្រតិបត្តិការនៃប្រទេសទាំងពីរ នឹងកាន់តែរឹងមាំបន្ថែមទៀត និងត្រូវបានពង្រីកលើវិស័យសំខាន់ផ្សេងៗទៀត រួមទាំង ការលើកកម្ពស់តួនាទីរបស់ស្រ្តី ។

ជាការឆ្លើយតប សម្តេចធិបតី បានសម្តែងនូវការស្វាគមន៍ចំពោះលោកជំទាវ ផេថងថាន ស៊ីណាវ៉ាត់ត្រា និងគណៈប្រតិភូ ដែលបានអញ្ជើញមកបំពេញទស្សនកិច្ច នៅព្រះរាជាណាចក្រកម្ពុជា ព្រមទាំងបានសម្តែងការអបអរសាទរជូន ចំពោះលោកជំទាវដែលត្រូវបានតែងតាំងជាប្រធានគណបក្សភឿថៃ ព្រមទាំងបានផ្តាំផ្ញើសាកសួរសុខទុក្ខជូនចំពោះលោកថាក់ស៊ីន ស៊ីណាវ៉ាត់ត្រា ផងដែរ។

សម្ដេចធិបតី ក៏បានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ និងបានជម្រាបជូនអំពីលទ្ធផលប្រកបដោយផ្លែផ្កា នៃដំណើរទស្សនកិច្ចផ្លូវការ របស់សម្ដេចធិបតីទៅកាន់ព្រះរាជាណាចក្រថៃ កាលពីខែកុម្ភៈ កន្លងទៅ ដែលបានរួមចំណែកពង្រឹង និងពង្រីកទំនាក់ទំនងរវាងប្រទេសទាំងពីរ លើវិស័យជាច្រើនរួមទាំង វិស័យសេដ្ឋកិច្ច ពាណិជ្ជកម្ម ទេសចរណ៍ ការងារ ជាដើម៕

Foreigners pile into Japanese bonds amid rising bets of end to negative rates

Foreign investors significantly increased their purchases of Japanese bonds last week amid growing expectation that Japan may soon end its long-standing negative interest rate policy and start increasing rates this year.

They acquired a massive 1.15 trillion yen (about $7.8 billion) of long-term Japanese bonds on a net basis last week, the largest weekly net purchase since early-April 2023, data from the Ministry of Finance showed.

Japanese short-term debt securities drew a net 2.22 trillion yen in overseas capital last week after about 2.75 trillion yen of net purchases in the prior week.

The Bank of Japan will debate ending its negative interest rate policy next week if Friday’s preliminary survey on big firms’ wage talks outcome yields strong results, sources said, marking a landmark shift away from its decade-long stimulus programme.

Yields on one-year Japanese
treasury bills, which traded sideways through 2023, are up a relatively sharp 8 basis points in 2024 to a near almost decade high of 0.067 per cent, while six-month yields, negative for eight years, leapt above zero last
week.
Bond yields rise when prices fall. Higher yields can attract new investors.

Meanwhile, overseas investors were net buyers of Japanese equities for a second consecutive week, securing 198.35 billion yen in stocks, even as shares pulled back from record highs.

The Nikkei share average shed about 0.56 per cent last week, snapping its five-weeks-long winning streak. Foreign investors bought cash equities and derivative contracts of about 176.39 billion yen and 21.96 billion yen, respectively, on a net basis last week.

Japanese investors, meanwhile, secured about 1.58 trillion yen of long-term foreign bonds, logging the largest weekly net purchase since Jan. 12. They also poured about 6.6 billion yen into short-term debt instruments.

Conversely, domestic investors pulled roughly 616.5 billion yen out of foreign equities as they extended net selling into a second co consecutive week.
($1 = 147.8900 yen) Source: Reuters

Foreigners buying apartments in Vietnam await price rises to profit

A majority of foreigners purchasing apartments in Vietnam, particularly in Hanoi and Ho Chi Minh City, are doing so with the anticipation of price increases, and only a few are renting out their properties, according to CBRE.

In its “Two Decades of Vietnam’s Urban Development” report issued on March 8, CBRE Vietnam said 2015 saw the introduction of a new law permitting foreigners to purchase residential apartments, helping to diversify the buyer landscape.

The report cited data from Vietnam’s Ministry of Construction showing that 3,000 foreign buyers were recorded in Vietnam from 2015 to the third quarter of last year.

According to the report, 90% of them are condominium buyers and 75% came from Asian markets, including China, Hong Kong, South Korea, Taiwan, Singapore.

CBRE said “buying and holding for capital appreciation remains the most popular strategy for foreigners purchasing residential real estate in Vietnam. Some buyers may opt to let properties as a temporary options while they wait for sales prices to climb.”
Starting in 2015, the government began removing barriers to foreigners’acquisition of real estate.

The Housing Law 2014, which came into effect in 2015, permitted any foreigner allowed to enter Vietnam to purchase residential properties in the country.

While there remains no limit on the number of individual units a foreigner can buy in Vietnam, there is a cap on the percentage of foreign ownership in an individual project. This is set at a maximum of 30% per residential building or no more than 250 landed properties in an administrative unit.

Leasehold tenures are set at 50 years and are extendable subject to applicable law but cannot exceed an additional 49 years or be converted to freehold tenure should the foreign owner have a Vietnamese spouse.

Following the easing of foreign property ownership laws, investors from certain regions have become predominant in Vietnam’s housing market. This surge is attributed to several factors: geographical closeness to Vietnam, the established presence of major real estate developers from these areas within Vietnam, and the promising outlook for property value escalation in Vietnam compared to their domestic markets, which have previously seen significant price surges.

CBRE report said very few non-Vietnamese, mainly long-term residents, purchase residential real estate for self-use.

In terms of product type,
foreign buyers have displayed strong demand for condominiums, especially units in high-end developments in big cities such as HCMC and Hanoi.

Well-located and affordable condominiums with potential for strong price growth have also been the subject of interest from foreign investors, it said.

Savills also said in its Asia-Pacific Investment Quarterly report that Vietnam and its real estate market still saw growing interest from foreign investors in the fourth quarter of 2023.

It reported increasing attraction of Vietnam’s real estate market to foreign investors, with rising interest from Indian, Hong Kong, and Singaporean clients.

It said many foreign investors are looking for more opportunities, focusing on the housing segment in Hanoi, HCMC and Da Nang.

These are markets with a variety of high-quality properties and attractive rental yields. Savills predicts that, when new laws are applied, information about investment opportunities will be more transparent, promoting greater FDI in real estate.Source: Vnexpress

ក្រុមហ៊ុនចិនធ្វីបទបង្ហាញពីផែនការសាងសង់ខ្សែរថភ្លើងធុនស្រាល និងរថភ្លើងក្រោមដីនៅរាជធានីភ្នំពេញ

ក្រុមប្រឹក្សាអភិវឌ្ឍន៍កម្ពុជា៖ នាព្រឹកថ្ងៃចន្ទ ទី១៨ ខែមីនា ឆ្នាំ២០២៤ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញដឹកនាំក្រុមការងារអន្តរក្រសួងប្រជុំពិភាក្សាជាមួយក្រុមហ៊ុន China Metro Group និងក្រុមហ៊ុន Guangzhou Metro Group អំពីគម្រោងផ្លូវរថភ្លើងធុនស្រាលតភ្ជាប់ពីរាជធានីភ្នំពេញ ទៅព្រលានយន្តហោះថ្មី និងផ្លូវរថភ្លើងក្រោមដីរាជធានីភ្នំពេញ។ ក្នុងកិច្ចប្រជុំនេះ មានការចូលរួមពីឯកឧត្តមរដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ជាអនុប្រធាន និងជាសមាជិកគណៈកម្មការអន្តរក្រសួង ដើម្បីជំរុញដំណើរការសិក្សាគម្រោងផ្លូវរថភ្លើងធុនស្រាលតភ្ជាប់ពីរាជធានីភ្នំពេញ ទៅព្រលានយន្តហោះថ្មី និងផ្លូវរថភ្លើងក្រោមដីរាជធានីភ្នំពេញ។

កិច្ចប្រជុំនាឱកាសនេះត្រូវបានរៀបចំឡើងក្នុងគោលបំណងដើម្បីស្ដាប់បទបង្ហាញរបស់ក្រុមហ៊ុន China Metro Group និងក្រុមហ៊ុន Guangzhou Metro Group អំពីទស្សនាទានជារួមរបស់ទីក្រុងភ្នំពេញរួមមានទំហំទីក្រុង ចំនួនប្រជាពលរដ្ឋ ស្ថានភាពនៃការប្រើប្រាស់ផ្លូវថ្នល់ ក៏ដូចជាពិនិត្យលទ្ធភាពដំបូងលើគម្រោងរៀបចំការសិក្សាសមិទ្ធិលទ្ធភាព ផ្លូវរថភ្លើងធុនស្រាលតភ្ជាប់ពីរាជធានីភ្នំពេញទៅព្រលានយន្តហោះថ្មី និងផ្លូវរថភ្លើងក្រោមដីរាជធានីភ្នំពេញ។

ក្នុងកិច្ចប្រជុំនេះដែរ ឯកឧត្តមឧបនាយករដ្ឋមន្ត្រី បានជម្រាបជូនអំពីសវតាខ្លះៗកន្លងមកនៃការសិក្សាសមិទ្ធិលទ្ធភាពលើប្រទេសរថភ្លើងផ្សេងគ្នា ពីស្ថាប័នផ្សេងៗ ដើម្បីពិនិត្យមើលជម្រើសដែលសមសម្របសម្រាប់ទីក្រុងភ្នំពេញ រួមមានការសិក្សាសមិទ្ធិលទ្ធភាពលើប្រភេទរថភ្លើង AGT ដោយ JICA ជប៉ុន ការសិក្សាសមិទ្ធិលទ្ធភាពលើប្រភេទរថភ្លើង Monorail ដោយក្រុមហ៊ុន CCECC និងការសិក្សាសមិទ្ធិលទ្ធភាពលើប្រភេទផ្លូវរថភ្លើងក្រោមដី ដោយក្រុមហ៊ុន CCCC ផងដែរ។

សូមជម្រាបថា កិច្ចប្រជុំនាឱកាសនេះត្រូវបានរៀបចំឡើងក្រោយដំណើរទស្សនកិច្ចទាក់ទាញវិនិយោគិនរបស់ ឯកឧត្តមឧបនាយករដ្ឋមន្ត្រី កាលពីខែតុលា ឆ្នាំ២០២៣កន្លងទៅ ដោយក្នុងនោះនាថ្ងៃទី២១ ខែតុលា ឆ្នាំ២០២៣ ឯកឧត្តមឧបនាយករដ្ឋមន្ត្រី បានចុះទស្សនកិច្ចឈ្វេងយល់អំពីការអភិវឌ្ឍគម្រោងផ្លូវរថភ្លើងក្រោមដី(Metro) ក្នុងទីក្រុងក្វាវចូវ សាធារណរដ្ឋប្រជាមានិតចិន ដែលសាងសង់ដោយក្រុមហ៊ុន Guangzhou Metro Group រួមសម្របសម្រួលដោយក្រុមហ៊ុន China Metro Group។ ស្ថានីយរថភ្លើង Guangzhou Metro នេះជាស្ថានីយរថភ្លើងមួយ ស្ថិតក្នុងខេត្តក្វាងទុង នៃប្រទេសចិន ដែលមានប្រមាណ៥០ខ្សែ សរុបប្រវែងប្រមាណ ២.០០០គីឡូម៉ែត្រ រត់ក្នុងល្បឿន១៦០គីឡូម៉ែត្រក្នុងមួយម៉ោង បំពាក់ដោយបច្ចេកវិទ្យាទំនើប និងមានប្រព័ន្ធឌីជីថលសម្រាប់តាមដាន និងគ្រប់គ្រងដំណើរការរបស់រថភ្លើង និងស្ថានីយទាំងមូល៕