លោកយិន លាងគង់ៈការចែករំលែកមិនចាំបាច់ទាល់តែយើងមានទ្រព្យសម្បត្តិមហាសាលនោះទេ

ដោយៈ គង់ សូរិយា

ភ្នំពេញៈ ប្រធានសាខាអភិវឌ្ឍន៍ អនុផែនសហគ្រិនវ័យក្មេង នៃក្រុមការងារយុវជន គណបក្សប្រជាជនកម្ពុជារាជធានីភ្នំពេញ លោកយិន លាងគង់ បានថ្លែងថា ការធ្វើកិច្ចការសប្បុរសធ៌ម មិនចាំបាច់ដល់តែយើងមានធនធាន ឬទ្រព្យសម្បត្តិមហាសាល ទើបយើងអាចធ្វើបាននោះឡើយ។

លោកបានបន្តថា ការធ្វើកិច្ចការសប្បុរស យើងអាចបែងចែកជាពីរ ទី១ គឺការចែករំលែកក្តីស្រលាញ់ តាមរយៈការចែករំលែកចំណេះដឹងល្អៗ ដល់កុមារ ក៏ដូចជា ពលរដ្ឋក្នុងសង្គមជាតិយើង ទី២ ការចែករំលែកជាធនធានថវិការ សម្ភារៈសិក្សា និងអំណោយ ជាគ្រឿងឧបភោគ បរិភោគនានាំគឺយើងពិតជា ត្រូវចំណាយធនធានថវិកាតាមទំហំណាមួយសមស្រប ដែលយើងនិងក្រុមការងាររបស់យើងអាចបរិច្ចាកបាន។
លោកយិន លាងគង់មានប្រសាសន៍បែបនេះ ក្នុងឱកាសដឹកនាំក្រុមការងារជាទីប្រឹក្សា អនុប្រធានសាខា ប្រធានក្រុម និងសមាជិក សមាជិកាប្រមាណ៦០នាក់ ទៅចែកជូនសម្ភារៈសិក្សា ថវិកា និងចែករំលែកចំណេះដឹង ដល់សិស្សានុសិស្សសាលាដូង(Coconut School foundation )កាលពីថ្ងៃទី៣ កញ្ញាកន្លងមកនេះ។

ក្នុងឱកាសនោះលោកបានជម្រុញឲ្យសិស្សានុសិស្សក្រីក្រ នៅសាលាដូង ខិតខំរៀនសូត្រ ទាំងនៅសាលា និងនៅផ្ទះ ដើម្បីអាចផ្លាស់ប្តូរឆាកជីវិត និងធ្វើឲ្យគុណភាពជីវិតរបស់ខ្លួន ប្រសើរឡើង ដែលនេះ ជាគោលនយោបាយអាទិភាព របស់រាជរដ្ឋាភិបាលអាណត្តិទី៧ ក្រោមការដឹកនាំរបស់សម្តេចមហាបវរធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា។

ផែនសហគ្រិនវ័យក្មេងរាជធានីភ្នំពេញ ក្រោមការដឹកនាំរបស់លោកបណ្ឌិតអោម សេងបូរ៉ាបាននិងកំពុងរីកចម្រើន ដោយបច្ចុប្បន្នមានសមាជិក សមាជិកាចូលរួមប្រមាណ១០,០០០នាក់ និងមានចំនួន៣៣សាខា។

លោកអ៊ុក វ៉ាន់ដេនាយកសាលាដូង ដែលបានចំណាយពេលវេលារបស់លោកជួយដល់កុមារ ដែលបាត់បង់ឱកាសសិក្សា និងធ្វើឲ្យសាលារបស់ខ្លួនមានភាពល្បីល្បាញ និងទាក់ទាញសិស្សានុសិស្សក្រីក្រចូលរៀនកើនឡើងជាប្រចាំ។

លោកបានប្រកាសឈប់ទទួលសៀវភៅ ប៊ិក ខ្មៅដៃ ពីសម្បុរសជននានាទៀតហើយ ដោយសារសម្ភារៈសិក្សាទាំងនេះ មានបរិមាណច្រើនរហូតប្រើមិនអស់។ លោកបានស្នើសម្បុរសជន ជួយបរិច្ចាកជាអាហារឆ្ងាញ់ ឬមិនធ្វើអាហារឆ្ងាញ់ៗសម្រាប់សិស្សានុសិស្សជំនួសវិញ។

លោកយិន លាងគង់បានថ្លែងអំណរគុណដល់ លោកជំទាវឧកញ៉ាគង់ សំណាងអគ្គនាយិកាបុរីវិមានសំណាង លោកឧកញ៉ានួន រិទ្ឋី អគ្គនាយកក្រុមហ៊ុនKFA លោក Cooler Tan អគ្គនាយកក្រុមហ៊ុនYoungsia Real Estate លោកម៉េត មករា និងសម្បុរសជនជាច្រើនទៀត ដែលបានឧបត្ថម្ភថវិកា សម្ភារៈសិក្សា គ្រឿងឧបភោគបរិភោគ ដល់ដំណើរទស្សនកិច្ចរបស់សាខាអភិវឌ្ឍន៍ ទៅកាន់រមណីយដ្ឋានគិរីរម្យរយៈពេលពីរថ្ងៃ ដែលបានចាប់ផ្តើមពីថ្ងៃទី២ និងទី៣ កញ្ញាកន្លងមកនេះ៕

វិបត្តិអចលនទ្រព្យនៅប្រទេសចិនអាចបង្កការខាតបង់ឥណទានប្រមាណ២៦១ពាន់លានដុល្លារអាមេរិក

ដោយ: គង់ លាងហួរ

អន្តរជាតិ: យោងតាមធនាគារវិនិយោគអាមេរិក Goldman Sachs បានឱ្យដឹងថា បណ្តាធនាគារចិន ដែលជាប្រភពផ្តល់ហិរញ្ញប្បទានដ៏ធំបំផុតដល់ក្រុមហ៊ុនអភិវឌ្ឍអចលនទ្រព្យរបស់ប្រទេសចិន នឹងជួបការខាតបង់យ៉ាងធ្ងន់ធ្ងរបំផុត ដោយសារការដាំក្បាលចុះនៃឧស្សាហកម្មនេះ។

ធនាគារវិនិយោគអាមេរិកបានឱ្យដឹងនៅក្នុងរបាយការណ៍មួយថា វិស័យធនាគារគ្របដណ្តប់ចំណែក៧៥ភាគរយនៃបំណុល ដែលជំពាក់ដោយអ្នកអភិវឌ្ឍន៍អចលនទ្រព្យសរុបចំនួន១៩,៣ពាន់ពាន់លានយ័ន (២,៦៥ពាន់ពាន់លានដុល្លារ) នៅចុងខែមិថុនា ឆ្នាំ២០២២។

ចំណែក ក្រុមហ៊ុនបរធនបាលកិច្ច(Trust firms) និងក្រុមហ៊ុនធានារ៉ាប់រងបានកាន់កាប់ចំណែក១៦ភាគរយ និង៦ភាគរយរៀងៗគ្នា ខណៈឈ្មួញកណ្តាល និងអ្នកវិនិយោគកាន់កាប់ចំណែកដែលនៅសេសសល់ផ្សេងទៀត។

ក្រុមអ្នកវិភាគប្រចាំធនាគារ Goldman Sachs បានលើកឡើងថា វិបត្តិនៅក្នុងទីផ្សារអចលនទ្រព្យរបស់ប្រទេសចិនអាចបង្កឱ្យមានការបាត់បង់ឥណទានចំនួន១,៩ពាន់ពាន់លានយ័ន(ប្រហែល២៦១,២៧ពាន់លានដុល្លារ)។

ជាក់ស្តែង ធនាគារអាចទទួលរងការខាតបង់ចំនួន១,២ពាន់ពាន់លានយ័ន ឬស្មើនឹង៦១ភាគរយនៃការខាតបង់សរុប ខណៈក្រុមហ៊ុនបរធនបាលកិច្ចអាចទទួលការខាតបង់២៨ភាគរយ និងក្រុមហ៊ុនធានារ៉ាប់រង៥ភាគរយ។

ធនាគារវិនិយោគអាមេរិកខ្នាតធំនេះបានអះអាងទៀតថា “ហានិភ័យឥណទានត្រូវបានប្រមូលផ្តុំនៅក្នុងបំណុលរបស់អ្នកអភិវឌ្ឍន៍អចលនទ្រព្យ ហើយវាវិវឌ្ឍកាន់តែធ្ងន់ធ្ងរឡើង ដោយសារកម្រិតទាបនៃសកម្មភាពលំនៅដ្ឋាន ខណៈការលក់ Presale គឺជាប្រភពមូលនិធិដ៏សំខាន់សម្រាប់អ្នកអភិវឌ្ឍន៍”។

ធនាគារ Goldman Sachs បន្ថែមថា រាល់កិច្ចខិតខំប្រឹងប្រែងរៀបចំរចនាសម្ព័ន្ធឡើងវិញយ៉ាងទូលំទូលាយចំពោះបំណុលអ្នកអភិវឌ្ឍន៍ នឹងមានផលប៉ះពាល់នៅទូទាំងធនាគារចិន និងក្រុមហ៊ុនបរធនបាលកិច្ច៕

រដ្ឋាភិបាលកូរ៉េខាងត្បូងរៀបចំវិធានការជំរុញការចំណាយ និងទាក់ទាញភ្ញៀវទេសចរចិន ខណៈការលក់រាយធ្លាក់ចុះ

ដោយ: គង់ លាងហួរ

សេអ៊ូល: រដ្ឋាភិបាលកូរ៉េបានរៀបចំវិធានការជំរុញការចំណាយរបស់អ្នកប្រើប្រាស់ ខណៈទិន្នន័យកាលពីថ្ងៃព្រហស្បតិ៍បង្ហាញថា ការលក់រាយបានធ្លាក់ចុះខ្លាំងបំផុតក្នុងខែកក្កដា ស្របពេលអតិផរណាខ្ពស់ និងការដំឡើងអត្រាការប្រាក់យ៉ាងខ្លាំងក្លា។

យោងតាមស្ថិតិកូរ៉េបានបង្ហាញថា ការលក់រាយបានធ្លាក់ចុះ៣,២ភាគរយលើមូលដ្ឋានដែលត្រូវបានកែតម្រូវតាមរដូវកាល ក្នុងខែកក្កដា បើធៀបនឹងខែមិថុនា ហើយនេះជាការធ្លាក់ចុះដ៏ធំបំផុតចាប់តាំងពីខែកក្កដា ឆ្នាំ២០២២ បន្ទាប់ពីបានកើនឡើង០,៩ភាគរយក្នុងខែមិថុនា និង០,៦ភាគរយក្នុងខែឧសភា។

ការលក់ទំនិញប្រើប្រាស់បានយូរបានធ្លាក់ចុះ៥,១ភាគរយ ដែលនាំមុខដោយរថយន្ត បន្ទាប់ពីការកាត់បន្ថយពន្ធនាពេលថ្មីៗនេះបានផុតកំណត់ ខណៈការលក់ទំនិញពាក់កណ្តាលធន់ និងទំនិញមិនអាចប្រើប្រាស់បានយូរផ្សេងទៀតក៏បានធ្លាក់ចុះផងដែរ ស្របពេលមានភ្លៀងធ្លាក់ខ្លាំង។

ទិន្នន័យខែកក្កដាបានកើតឡើង បន្ទាប់ពីការស្ទង់មតិមួយផ្សេងទៀតបានបង្ហាញកាលពីសប្តាហ៍មុនថា អារម្មណ៍អ្នកប្រើប្រាស់របស់ប្រទេសកូរ៉េខាងត្បូងបានចុះខ្សោយនៅក្នុងខែសីហាជាលើកដំបូងក្នុងរយៈពេល៦ខែ ដោយសារការព្រួយបារម្ភអំពីកំណើនសេដ្ឋកិច្ចយឺត។

ភ្លាមៗបន្ទាប់ពីចេញផ្សាយទិន្នន័យនេះ រដ្ឋាភិបាលបានចេញផ្សាយបញ្ជីវិធានការចំនួន៥៨ទំព័រ ដើម្បីសម្រាលបន្ទុកអ្នកប្រើប្រាស់ និងជំរុញការចំណាយ ជាពិសេសជុំវិញថ្ងៃបុណ្យថ្លែងអំណរគុណ Chuseok ដែលនឹងចូលមកដល់នៅចុងខែកញ្ញាខាងមុខ។

វិធានការទាំងនេះរួមមាន ការបូកបន្ថែម១ថ្ងៃសម្រាប់រយៈពេលវិស្សមកាល ការចែកចាយប័ណ្ណទិញទំនិញ និងការបញ្ចុះតម្លៃ ខណៈរដ្ឋាភិបាលបានបញ្ជាក់ថា ខ្លួននឹងប្រកាសផែនការដាច់ដោយឡែកនៅខែក្រោយ ដើម្បីទាក់ទាញភ្ញៀវទេសចរចិនឱ្យបានកាន់តែច្រើន៕

មហាយក្សចិន នឹងចាត់វិធានការបន្ថែមទៀតដើម្បីស្រោចស្រង់វិស័យអចលនទ្រព្យដែលកំពុងជាប់ផុងក្នុងវិបត្តិបំណុល

តែម សុខុម

ហុងកុង: ប្រទេសចិន គ្រោងចាត់វិធានការបន្ថែមទៀតរួមទាំងការបន្ធូរបន្ថយការរឹតបន្តឹងលើការទិញផ្ទះផងដែរ ខណៈខ្លួនកំពុងខំខ្នះខ្នែងដោះស្រាយវិបត្តិកាន់តែជ្រៅក្នុងវិស័យអចលនទ្រព្យដ៏ធំសម្បើមរបស់ខ្លួនដែលជាប់ផុងក្នុងបំណុល។ នេះបើយោងតាមសារព័ត៌មាន CNA ចុះផ្សាយកាលពីថ្ងៃសុក្រ ទី០១ កញ្ញា។

ប្រភពច្បាស់ការបានទម្លាយឱ្យដឹងថា នៅប៉ុន្មានសប្ដាហ៍ខាងមុខនេះ ក្រុមនិយ័តកររួមមានក្រសួងលំនៅឋាន ធនាគារកណ្តាល និងនិយ័តករហិរញ្ញវត្ថុនឹងអនុវត្តវិធានការនានាដែលពួកគេបានប្រឹងប្រែងដើម្បីដាក់ចេញក្នុងរយៈពេលប៉ុន្មានខែកន្លងមកនេះក្រោមការចង្អុលបង្ហាញពីពីក្រុមប្រឹក្សារដ្ឋ។

ប្រភពដដែលបន្ថែមទៀតថា និយ័តករទាំងនេះគ្រោងចាត់វិធានការបន្ថែម ខណៈគោលនយោបាយមានស្រាប់នានាបានបរាជ័យក្នុងការរក្សាការស្ទុះងើបឡើងវិញ នៃវិស័យអចលនទ្រព្យកាលពីដើមឆ្នាំនេះ។

វិស័យអចលនទ្រព្យគ្របដណ្ដប់ប្រមាណ១ភាគ៤នៃសេដ្ឋកិច្ចរបស់មហាយក្សចិន ដែលជាសេដ្ឋកិច្ចធំបំផុតទី២ របស់ពិភពលោក។ ទោះជាយ៉ាងណា វិស័យនេះកំពុងជាប់ផុងក្នុងវិបត្តិបំណុលដ៏មិនធ្លាប់មានពីមុនមក ហើយការភ័យខ្លាចនៅក្នុងទីផ្សារនេះអាចរាលដាលពាសពេញវិស័យហិរញ្ញវត្ថុទាំងនៅក្នុងស្រុក និងនៅក្រៅប្រទេស។

វិធានការនានាដែលត្រូវបានស្នើឡើង រួមមានទាំងការដកការរឹតបន្តឹងលើការទិញផ្ទះក្នុងទីក្រុងធំៗដូចជា ក្រុងប៉េកាំង ក្រុងសៀងហៃ និងក្រុងស៊ឹនជិន (Shenzhen) ជាដើម៕ Reuters៕

India’s economy grows at fastest pace in a year

India’s economy grew at its quickest pace in a year in the April-June quarter, buoyed by strong services activity and robust demand, but a drier-than-normal monsoon season could restrain future growth.

Gross domestic product (GDP) expanded 7.8% on an annual basis in the quarter, accelerating from 6.1% growth recorded in the three months to the end of March.

It was the highest reading since the June quarter of 2022, when growth stood at 13.1%.

India remains one of the fastest growing major economies, especially as China’s post-pandemic recovery has slowed. India’s Chief Economic Adviser V.

Anantha Nageswaran maintained his 6.5% growth forecast for the full year.

“Growth prospects appear bright, though external factors pose a downside risk,” Nageswaran said.

Thamashi De Silva at Capital Economics said India’s GDP data was strong despite policy tightening by the Reserve Bank of India. The RBI has raised its interest rate by 2.5 percentage points since May 2022.

“The push is provided by the services sector where both trade, transport and finance and real estate have grown by 9.2% and 12.1% in high base growth rates,” said Madan Sabnavis, economist at Bank of Baroda.

But most economists warned that dry conditions could hurt growth in the coming quarters.

India is likely to receive an average amount of rainfall in September, after the driest August in more than a century.

“Going forward, we need to watch for risks to the agriculture sector, sustenance of [capital expenditure] push from central and state governments, global demand conditions, and lagged impact of interest rate hikes,” said Suvodeep Rakshit, senior economist at Kotak Institutional Equities.

Source: CNN

Free visa policy expected to boost condominium sales

Prime Minister Srettha Thavisin’s policy to offer free visas to Chinese and Indian tourists will likely boost sales of condominiums, the Real Estate Information Centre (REIC) said on Thursday.

The centre’s acting director Wichai Wiratkapan expects the Thai property sector to recover slightly from the economic slowdown and strict financial institution regulations on borrowing.

The slow economic recovery, interest rate hikes and rising household debt to gross domestic product ratio are among the factors that have affected demand and supply over the past two quarters, he said.

He advised the government to launch measures to stimulate property sales, such as loan-to-value (LTV) measures, increase the quota for foreign condominium ownership and allow the private sector to buy back properties.

He also expects Srettha’s policy to offer free visas for Chinese and Indian tourists to increase sales of condominiums.

Clear measures to stimulate property sales are necessary as part of the government’s economic policies, he said.

Surachet Kongcheep, managing director of property advisory firm Property DNA, said there is still a strong demand for condominiums in Thailand amongst foreigners and this is likely to increase.

According to REIC, ownership transfer of condominiums to foreigners for living and investment purposes has recovered to the pre-Covid-19 pandemic period.

Source: The Nation

សេដ្ឋកិច្ចរបស់ប្រទេសឥណ្ឌាកើនឡើងក្នុងល្បឿនលឿនបំផុតក្នុងត្រីមាសទី២

ដោយ: គង់ លាងហួរ

អន្តរជាតិ: សេដ្ឋកិច្ចរបស់ប្រទេសឥណ្ឌាបានកើនឡើងក្នុងល្បឿនដ៏លឿនបំផុតក្នុងត្រីមាសទី២ ដែលត្រូវបានជំរុញដោយសកម្មភាពសេវាកម្មខ្លាំងក្លា និងតម្រូវការដ៏រឹងមាំ ប៉ុន្តែការស្ងួតជាងរដូវវស្សាធម្មតាអាចរារាំងកំណើននាពេលអនាគត។

ផលិតផលក្នុងស្រុកសរុប (GDP) របស់ឥណ្ឌាបានកើនឡើង៧,៨% លើមូលដ្ឋានប្រចាំឆ្នាំនៅក្នុងត្រីមាសទី២ ដោយបង្កើនល្បឿនពីកំណើន៦,១% ដែលបានកត់ត្រានៅក្នុងត្រីមាសទី១។

វាជាតួលេខខ្ពស់បំផុតគិតចាប់តាំងពីត្រីមាសទី២ ឆ្នាំ២០២២ ដែលនៅពេលនោះកំណើនសេដ្ឋកិច្ចឥណ្ឌាសម្រេចបាន១៣,១ភាគរយ បើធៀបឆ្នាំ២០២១។

ឥណ្ឌានៅតែជាប្រទេសមួយក្នុងចំំំណោមប្រទេសដែលមានសេដ្ឋកិច្ចធំលូតលាស់លឿនបំផុតលើពិភពលោក ជាពិសេសស្របពេលដែលការស្ទុះងើបឡើងវិញក្រោយជំងឺរាតត្បាតនៅប្រទេសចិនបានថយចុះ។

ជាមួយគ្នានេះ លោក V. Anantha Nageswaran ប្រធានទីប្រឹក្សាសេដ្ឋកិច្ចរបស់ប្រទេសឥណ្ឌា បានរក្សាការព្យាករកំណើនសេដ្ឋកិច្ចឥណ្ឌាក្នុងរង្វង់៦,៥% សម្រាប់រយៈពេលពេញមួយឆ្នាំ។

លោក Nageswaran បានមានប្រសាសន៍ថា “ការរំពឹងទុកនៃកំណើនសេដ្ឋកិច្ចមានភាពភ្លឺស្វាង ទោះបីជាកត្តាខាងក្រៅបង្កឱ្យមានហានិភ័យដែលទាញឱ្យកំណើនធ្លាក់ចុះយ៉ាងណាក្តី”។

លោកស្រី Thamashi De Silva ជំនួយការសេដ្ឋវិទូនៅក្រុមហ៊ុន Capital Economics បានអះអាងថា ទិន្នន័យ GDP របស់ប្រទេសឥណ្ឌាមានភាពរឹងមាំ ទោះបីជាមានការរឹតបន្តឹងគោលនយោបាយដោយធនាគារកណ្តាលឥណ្ឌា (RBI) យ៉ាងណាក្តី។ RBI បានដំឡើងអត្រាការប្រាក់របស់ខ្លួន២,៥ភាគរយចាប់តាំងពីខែឧសភា ឆ្នាំ២០២២៕

ទីក្រុងហាណូយគ្រោងប្រែក្លាយអាផាតមុិនពាណិជ្ជកម្មចំនួន៣២០០យូនីត ទៅជាលំនៅដ្ឋានសង្គមសម្រាប់ប្រជាជនមានចំណូលទាប

ដោយ: គង់ លាងហួរ

អន្តរជាតិ: អាជ្ញាធរទីក្រុងហាណូយកំពុងពិចារណាលើសំណើរបស់អ្នកអភិវឌ្ឍម្នាក់ក្នុងការប្រែក្លាយគម្រោងលំនៅដ្ឋានពាណិជ្ជកម្មរបស់ក្រុមហ៊ុននោះ ដែលមានអាផាតមុិនចំនួន៣.២០០យូនីត ទៅជាលំនៅដ្ឋានសង្គម។

គម្រោងនោះមានឈ្មោះថា Him Lam Phuc Loi ដែលស្ថិតនៅក្នុងស្រុក Long Bien និងជាកម្មសិទ្ធិរបស់ក្រុមហ៊ុន Him Lam ត្រូវបានអនុម័តក្នុងឆ្នាំ២០១៨ ដោយមានអាផាតមុិនចំនួន៣.២០០យូនីត លំនៅដ្ឋានសង្គមចំនួន១.៩៤៤យូនីត និងផ្ទះផ្លាស់ប្តូរទីលំនៅចំនួន៥០៤យូនីត។

ប៉ុន្តែនៅពេលក្រោយមក ក្រុមហ៊ុន Him Lam បានស្នើសុំដើម្បីប្តូរទៅជាគម្រោងលំនៅដ្ឋានសង្គមវិញ លើកលែងតែ២០%នៃដី ដែលទុកសម្រាប់អភិវឌ្ឍអចលនទ្រព្យពាណិជ្ជកម្មប៉ុណ្ណោះ។

ឥឡូវនេះ អាជ្ញាធរទីក្រុងហាណូយកំពុងព្យាយាមស្វែងរកការអនុម័តពីក្រសួងសំណង់សម្រាប់ការផ្លាស់ប្តូរនេះ។

ជាមួយគ្នានេះ ទីក្រុងហាណូយបានអះអាងថា ខ្លួនត្រូវការដីធ្លីចំនួន១,២១លានម៉ែត្រការ៉េសម្រាប់អភិវឌ្ឍលំនៅដ្ឋានសង្គមនៅឆ្នាំ២០២១រហូតដល់ឆ្នាំ២០២៥។

លើសពីនេះ ទីក្រុងហាណូយក៏គ្រោងនឹងអភិវឌ្ឍគម្រោងលំនៅដ្ឋានសង្គមចំនួន ៥ នៅតំបន់ជាយក្រុងផងដែរ ដូចជាតំបន់ Dong Anh តំបន់ Gia Lam តំបន់ Thanh Tri និងតំបន់ Thuong Tin។

គម្រោងទាំង៥នេះនឹងអាចជួយរួមចំណែកក្នុងការផ្គត់ផ្គង់ទំហំលំនៅដ្ឋានសង្គមលើផ្ទៃដីរហូតដល់២,៥លានម៉ែត្រការ៉េនៅពេលសាងសង់បញ្ចប់រួចរាល់។

លំនៅដ្ឋានសង្គម ឬ Social housing គឺជាផ្ទះ និងផ្ទះល្វែងដែលគ្រប់គ្រងដោយរដ្ឋាភិបាល ឬដោយអង្គការផ្សេងទៀតដែលមិនរកប្រាក់ចំណេញ ហើយត្រូវបានជួលឱ្យប្រជាជនដែលមានប្រាក់ចំណូលទាប៕

តើប្រទេសជប៉ុន នឹងជួបវិនាសកម្មធ្ងន់ធ្ងរកម្រិតណាស់ ប្រសិនបើក្រុងតូក្យូ មានគ្រោះរញ្ជួយដ៏ធំដីកើតឡើងម្ដងទៀត?

តែម សុខុម

តូក្យូ: ដោយប្រទេសជប៉ុន មានឱកាសជួបគ្រោះរញ្ជួយដីដ៏ធំរហូតដល់ទៅ៧០%ដែលនឹងវាយប្រហារដោយផ្ទាល់ទៅលើតំបន់កណ្ដាលក្រុងតូក្យូ នៅ៣០ឆ្នាំខាងមុខ ការរស់នៅប្រមូលផ្តុំគ្នាខ្លាំងក្នុងរដ្ឋធានីនេះនាពេលបច្ចុប្បន្ន បានបង្កើនហានិភ័យបង្កវិនាសកម្ម។ នេះបើយោងតាមសារព័ត៌មាន Japan Times ចុះផ្សាយកាលពីថ្ងៃព្រហស្បតិ៍ ទី៣១ ខែសីហា។

នៅថ្ងៃទី០១ ខែកញ្ញា ឆ្នាំ១៩២៣ តំបន់ក្រុងតូក្យូ ត្រូវបានវាយប្រហាដោយគ្រោះរញ្ជួយដីដ៏ធំមួយ។ គ្រោះរញ្ជួយដ៏ធំដែលគេឱ្យឈ្មោះថា The Great Kanto Earthquake នោះបានបង្កភាពចលាចលដល់សេដ្ឋកិច្ចជប៉ុន ដែលទីបំផុតបាននាំទៅរកវិបត្តិហិរញ្ញវត្ថុ។

រយៈ១០០ឆ្នាំក្រោយមក សារៈសំខាន់នៃតួនាទីរបស់ក្រុងតូក្យូ ជាមជ្ឈមណ្ឌលនយោបាយ និងសេដ្ឋកិច្ចរបស់ប្រទេសជប៉ុន និងជាមជ្ឈមណ្ឌលប្រមូលផ្ដុំដោយប្រជាជនក៏បានកើនឡើងជាលំដាប់។

តាមរយៈឯកសារឆ្នាំ២០២៣ ស្ដីពីការគ្រប់គ្រងគ្រោះមហន្តរាយរបស់ខ្លួន រដ្ឋាភិបាលជប៉ុន បានលើកឡើងពីការព្រួយបារម្ភថា ការរស់នៅប្រមូលផ្តុំគ្នាខ្លាំងបែបនេះបាននាំឱ្យហានិភ័យនៃផលប៉ះពាល់ធ្ងន់ធ្ងរកើនឡើង។

នៅក្នុងគ្រោះរញ្ជួយដីឆ្នាំ១៩២៣ ផ្ទះរហូតដល់ទៅប្រមាណ២៩០.០០០ខ្នងក្នុងតំបន់កណ្ដាលក្រុងតូក្យូ ត្រូវបានបំផ្លាញ ឬឆេះទាំងស្រុងរួមជាមួយមនុស្សប្រមាណ១០៥.០០០នាក់បានស្លាប់ ឬបាត់ខ្លួន។

មុខងារនានានៅក្នុងប្រទេសជប៉ុន ត្រូវបានជាប់គាំងជាបណ្ដោះអាសន្ន ដោយអគារនៃក្រសួងមហាផ្ទៃដែលពេលនេះលែងមានទៅហើយ និងស្នងការដ្ឋានប៉ូលិសក្រុងតូក្យូ ត្រូវបានឆាបឆេះដោយអណ្តាតភ្លើង។

ការខូចខាតដោយផ្ទាល់រួមមានអគារ និងទ្រព្យសម្បត្តិផ្សេងៗដែលបង្កឡើងដោយគ្រោះរញ្ជួយដីដ៏ធំនេះមានទំហំរហូតដល់៥,៥ពាន់លានយ៉េន ឬ ៣៧.៨លានដុល្លារអាមេរិក ដែលស្មើនឹង៣៧%នៃផលទុនជាតិសរុប (GDP) របស់ប្រទេសជប៉ុន ក្នុងសម័យនោះ។

ទំហំនៃការខូចខាតពីគ្រោះរញ្ជួយដី The Great Kanto Earthquake គឺមានទំហំធំជាងឆ្ងាយណាស់បើធៀបទៅនឹងគ្រោះរញ្ជួយដី Great Hanshin Earthquake ក្នុងឆ្នាំ១៩៩៥ ដែលស្មើត្រឹមតែ២%នៃ GDP និងគ្រោះរញ្ជួយដីដែលបង្កជារលកយក្សស៊ូណាមិ នៅខែមីនា ឆ្នាំ២០១១ ដែលស្មើត្រឹមតែ៣%នៃ GDP របស់ប្រទេសជប៉ុន។

បន្ទាប់ពីគ្រោះរញ្ជួយដីក្នុងឆ្នាំ១៩២៣ ប្រទេសជប៉ុន បានកសាងផ្លូវថ្នល់ និងឧទ្យានសំខាន់ៗដែលនៅតែជាឆ្អឹងខ្នងដ៏សំខាន់នៃទីក្រុងតូក្យូ រហូតមកដល់សព្វថ្ងៃនេះ។

សម្រាប់គ្រោះរញ្ជួយដីដែលគេរំពឹងថានឹងកើតឡើងនាពេលអនាគត រដ្ឋាភិបាលជប៉ុន ក្នុងឆ្នាំ២០២៣ នេះបានប៉ាន់ប្រមាណថា នឹងមានមនុស្សស្លាប់ប្រមាណ២៣.០០០នាក់ ហើយទំហំនៃការខូចខាតដោយផ្ទាល់នឹងឈានដល់ប្រមាណ៤៧ទ្រីលានយ៉េន ឬ ៣២៣ពាន់លានដុល្លារអាមេរិក។

បន្ថែមពីលើការខូចខាតដោយផ្ទាល់ រដ្ឋាភិបាលជប៉ុន រំពឹងថា គ្រោះរញ្ជួយដីនេះនឹងបណ្តាលឱ្យខូចខាតសេដ្ឋកិច្ចប្រមាណ៤៨ទ្រីលានយ៉េន ឬ ៣៣០ពាន់លានដុល្លារអាមេរិក តាមរយៈការបញ្ឈប់សកម្មភាពសាជីវកម្មទាក់ទងនឹងផលិតកម្ម និងសេវាកម្មដែលបង្កឡើងដោយការអាក់ខានបណ្តាញដឹកជញ្ជូន និងការដាច់ចរន្តអគ្គិសនី។

ការខូចខាតសរុបដែលបង្កឡើងដោយគ្រោះរញ្ជួយនេះ នឹងមានទំហំស្មើកញ្ចប់ថវិកាជាតិទាំងមូលរបស់ប្រទេសជប៉ុន៕ Japan Times៕

គោលនយោបាយផ្តល់ទិដ្ឋាការឥតគិតថ្លៃរបស់រដ្ឋាភិបាលថៃនឹងជំរុញការលក់ខុនដូ

ដោយ: គង់ លាងហួរ

បាងកក: មជ្ឈមណ្ឌលព័ត៌មានអចលនទ្រព្យ (REIC) បានរាយការណ៍ថា គោលនយោបាយរបស់លោកនាយករដ្ឋមន្ត្រី ស្រេតថា ថាវីស៊ីន ក្នុងការផ្តល់ទិដ្ឋាការដោយឥតគិតថ្លៃជូនដល់ភ្ញៀវទេសចរចិន និងឥណ្ឌា នឹងជួយជំរុញការលក់ខុនដូ។

លោក Wichai Wiratkapan នាយកស្តីទីនៃមជ្ឈមណ្ឌលព័ត៌មានអចលនទ្រព្យ (REIC) រំពឹងថា វិស័យអចលនទ្រព្យថៃនឹងងើបឡើងវិញបន្តិចពីការថយចុះនៃសេដ្ឋកិច្ច និងបទប្បញ្ញត្តិរបស់ស្ថាប័នហិរញ្ញវត្ថុដ៏តឹងរឹងលើការខ្ចីប្រាក់។

លោកបានបន្តថា ការស្ទុះងើបឡើងវិញនៃសេដ្ឋកិច្ចដ៏យឺតយ៉ាវ ការដំឡើងអត្រាការប្រាក់ និងកំណើនបំណុលគ្រួសារធៀបទៅនឹងសមាមាត្រផលិតផលក្នុងស្រុកសរុប ស្ថិតក្នុងចំណោមកត្តាជាច្រើនផ្សេងៗទៀត ដែលបានជះផលប៉ះពាល់ដល់តម្រូវការ និងការផ្គត់ផ្គង់ក្នុងរយៈពេលពីរត្រីមាសកន្លងមក។

លោកបានណែនាំឱ្យរដ្ឋាភិបាលដាក់ចេញវិធានការជំរុញការលក់អចលនទ្រព្យ ដូចជាវិធានការកម្ចីធៀបទៅនឹងតម្លៃ (LTV) បង្កើនកូតាសម្រាប់ម្ចាស់ខុនដូបរទេស និងអនុញ្ញាតឲ្យវិស័យឯកជនទិញអចលនទ្រព្យមកវិញ។

លោកក៏រំពឹងផងដែរថា គោលនយោបាយរបស់លោក ស្រេតថា ក្នុងការផ្តល់ទិដ្ឋាការដោយឥតគិតថ្លៃដល់ភ្ញៀវទេសចរចិន និងឥណ្ឌានឹងជួយបង្កើនការលក់ខុនដូ។

លោកបានបន្ថែមថា វិធានការច្បាស់លាស់ដើម្បីជំរុញការលក់អចលនទ្រព្យគឺជាផ្នែកមួយនៃគោលនយោបាយសេដ្ឋកិច្ចរបស់រដ្ឋាភិបាល។

លោក Surachet Kongcheep នាយកគ្រប់គ្រងក្រុមហ៊ុនប្រឹក្សាអចលនទ្រព្យ Property DNA បានមានប្រសាសន៍ថា ជនបរទេសនៅតែមានតម្រូវការខុនដូខ្លាំងនៅក្នុងប្រទេសថៃ ហើយការលក់ទំនងជាកើនឡើង។

យោងតាម REIC បានឱ្យដឹងថា ការផ្ទេរកម្មសិទ្ធិខុនដូទៅឱ្យជនបរទេសសម្រាប់គោលបំណងរស់នៅ និងការវិនិយោគបានងើបឡើងវិញដល់កម្រិតរយៈពេលមុនផ្ទុះជំងឺរាតត្បាតហើយ ៕

1...806807808...3,255 Page 807 of 3,255