អ្នកធុរកិច្ចចិនស្វែងយល់អំពីសក្ដានុពល និងឱកាសវិនិយោគ នៅក្នុងខេត្តបាត់ដំបង

ដោយៈ គង់ សូរិយា

បាត់ដំបងៈ អភិបាល នៃគណៈអភិបាលខេត្តបាត់ដំបង លោកសុខ លូបានអញ្ជើញជួបជាមួយគណៈប្រតិភូ ដែលជាអ្នកវិនិយោគិនមកពីប្រទេសចិន ដឹកនាំដោយលោកដួង តារា ជំនួយការផ្ទាល់របស់សម្ដេចតេជោ ហ៊ុន សែន និងជារដ្ឋលេខាធិការទីស្ដី ការគណៈរដ្ឋមន្រ្ដី ដើម្បីស្វែងយល់អំពីសក្ដានុពល និងឱកាសវិនិយោគនៅក្នុងខេត្តបាត់ដំបង។

លោកដួង តារា ជំនួយការផ្ទាល់របស់សម្ដេចតេជោ ហ៊ុន សែន និងជារដ្ឋលេខាធិការទីស្ដីការគណៈរដ្ឋមន្រ្ដី បានលើកឡើងអំពីគោលបំណងចម្បងរបស់ប្រតិភូ នៃអ្នកវិនិយោគិនមកពីប្រទេសចិន ដើម្បីឱ្យក្រុមវិនិយោគិន ធ្វើការស្វែងយល់បន្ថែមទៀត អំពីសក្ដានុពលនៅក្នុងខេត្តបាត់ដំបង ដើម្បីផ្ដល់ជាធាតុចូលនៃចំណេះដឹង ក្នុងការស្វែងរកឱកាសវិនិយោគលើវិស័យនានា នៅក្នុងខេត្តបាត់ដំបង ដោយសារតែខេត្តបាត់ដំបង គឺជាខេត្តគោលដៅដ៏សំខាន់មួយ សម្រាប់ព្រះរាជាណាចក្រកម្ពុជា ដែលមានហេដ្ឋារចនាសម្ព័ន្ធឆ្លងកាត់ និងភ្ជាប់ទៅកាន់តំបន់សំខាន់ៗ នៅក្នុងប្រទេសបានយ៉ាងល្អប្រសើរផងដែរ ។

ជាមួយគ្នានេះ លោកសុខ លូ អភិបាលខេត្តបាត់ដំបង បានថ្លែងនូវការស្វាគមន៍យ៉ាងកក់ក្តៅ ដែលគណៈប្រតិភូជាអ្នកវិនិយោគិនមកពីប្រទេសចិន ដឹកនាំដោយលោកដួង តារា បានចុះមកបំពេញទស្សនៈកិច្ចសិក្សាផ្ទាល់លើទឹកដីខេត្តបាត់ដំបង និងស្វែងយល់អំពីសក្ដានុពល ក្នុងខេត្តបាត់ដំបង ដើម្បីផ្តល់ឱកាសធ្វើការនិយោគ នៅក្នុងទឹកដីដ៏ល្អផូរផង់មួយនេះ ។

លោកបន្តទៀតថា បាត់ដំបង ជាខេត្តដែលមានសក្ដានុពលខ្លាំងលើវិស័យកសិកម្ម ហើយខេត្តមួយនេះ កំពុងមានតម្រូវការជាច្រើនខាងផ្នែកនេះ ដោយទាមទារឱ្យវិនិយោគិន ក្នុងស្រុក និងក្រៅស្រុក ចាប់អារម្មណ៍វិនិយោគ ផ្នែកកសិឧស្សាហកម្ម ដូចជា ការកែច្នៃផ្លែឈើ ការយកផលិតផលកសិកម្មយកទៅកែច្នៃ ដើម្បីធ្វើការលក់ និងនាំចេញទៅក្រៅប្រទេស ព្រោះសព្វថ្ងៃនេះផលិតផលកសិកម្មជាច្រើន នៅមិនទាន់បានយកមកកែច្នៃ អស់លទ្ធភាពនៅឡើយទេ ធ្វើឱ្យផលិតផលទាំងនោះ លើសតម្រូវការទីផ្សារ បណ្ដាលឱ្យមានការធ្លាក់ថ្លៃចុះ ។

លោកបានបញ្ជាក់បន្ថែមថា ដោយសារតែខេត្តបាត់ដំបង ត្រូវបានរាជរដ្ឋាភិបាលកម្ពុជា ចាត់ទុកជាខេត្តប៉ូលសេដ្ឋកិច្ចទី៤នៃប្រទេសកម្ពុជា និងជាខេត្តគោលដៅទេសចរណ៍ដ៏សំខាន់ ក្នុងនោះហេដ្ឋារចនាសម្ព័ន្ធនៅក្នុងខេត្ត ក៏ចាប់ផ្ដើមល្អប្រសើរច្រើន មានផ្លូវអាស៊ានហាយវេ ដែលភ្ជាប់ពីរាជធានីភ្នំពេញ មកកាន់ខេត្តបន្ទាយមានជ័យតែម្ដង មានផ្លូវរថភ្លើង ដោយឡែកនៅពេលអនាគត រាជរដ្ឋាភិបាលក៏នឹងមានគម្រោងសាងសង់ផ្លូវតភ្ជាប់ពីខេត្តសៀមរាប ឆ្ពោះមកខេត្តបាត់ដំបងផ្ទាល់តែម្ដង ហើយបើសិនជាផ្លូវល្បឿនលឿនពីភ្នំពេញ មកសៀមរាប និងផ្លូវពីសៀមរាបមកបាត់ដំបង ចេញរូបរាងនោះ ភ្ញៀវទេសចរជាតិ និងអន្តរជាតិនឹងងាកមកកម្សាន្ត ខេត្តបាត់ដំបងកាន់តែច្រើនឡើងៗ ហើយខេត្តបាត់ដំបង ក៏នឹងក្លាយជាខេត្តទេសចរណ៍ដ៏សំខាន់ផងដែរ ៕

ក្រុមអ្នកជំនាញមានសុទិដ្ឋិនិយមលើការដឹកនាំរបស់រាជរដ្ឋា ភិបាលអាណត្តិទី៧

ដោយៈ គង់ សូរិយា

ភ្នំពេញៈ ក្រុមអ្នកជំនាញបានសម្តែងសុទិដ្ឋិនិយមថា វិស័យអចលនទ្រព្យរបស់ប្រទេសកម្ពុជា នឹងមានស្ថិរភាព និងការអភិវឌ្ឍកាន់តែខ្លាំងឡើងបន្ថែមទៀត នៅក្នុងអាណត្តិទី៧នេះ។

ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា លោកសន សៀបបានមានប្រសាសន៍ឲ្យដឹង នៅក្នុងសប្តាហ៍នេះថាសង្កេតឃើញថា ប្រជាពលរដ្ឋនៅទូទាំងប្រទេសកម្ពុជា ភាគច្រើនបំផុត គឺមានទំនុកចិត្ត និងជំនឿជឿជាក់យ៉ាងខ្លាំង ចំពោះការដឹកនាំរបស់រាជរដ្ឋាភិបាលជាពិសេស នៅក្នុងការបោះឆ្នោតជ្រើសតាំងតំណាងរាស្រ្ត អាណត្តិទី៧នេះ។លោកបញ្ជាក់ថា “ទោះបីជាបច្ចុប្បន្ន ពិភពលោកកំពុងជួបប្រទះវិបត្តិសេដ្ឋកិច្ច ដែលបានកើតចេញពីវិបត្តិជំងឺកូវីដ-១៩ វិបត្ដិសេដ្ឋកិច្ចសាកល និងវិបត្ដិសង្គ្រាម រុស្ស៊ី-អ៊ុយក្រែនក៏ដោយ។ ប៉ុន្ដែប្រទេសកម្ពុជា នៅតែរក្សាបាននូវកំណើនសេដ្ឋកិច្ច និងស្ថិរភាពផ្ទៃក្នុង ហើយបានបង្កើនទំនាក់ទំនងអន្តរជាតិ ជាមួយបណ្ដាប្រទេសមហាអំណាចជាច្រើនទៀត”។ លោកបន្ថែមថា “កត្តាទាំងនេះ នឹងធ្វើឲ្យវិស័យអចលនទ្រព្យនៅក្នុងប្រទេសកម្ពុជា អាចរក្សាកំណើនវិនិយោគ និងផលវិជ្ជមានបន្ថែមទៀតនាពេលខាងមុខ”។

ជាមួយគ្នានេះ លោកឧកញ៉ាបណ្ឌិតគីម ហ៊ាងប្រធានKW Cambodia និងជាអ្នកអភិវឌ្ឍន៍បុរីវិមានសំណាងបានមានប្រសាសន៍ឲ្យដឹងផងដែរថា រដ្ឋាភិបាលថ្មីនឹងប្រើប្រាស់ ឬជ្រើសរើសមនុស្សដែលជាបញ្ញវ័ន្ត និងមានសមត្ថភាពខ្ពស់ ឱ្យកាន់មុខនាទីសំខាន់ៗ និងដាក់ចេញ គោលនយោបាយជាតិរបស់យើងសម្រាប់វិនិយោគិន ឱ្យមានភាពល្អប្រសើរ និងទាក់ទាញជាងប្រទេសផ្សេងៗទៀត។លោកបញ្ជាក់ថា “ប្រសិនបើរដ្ឋាភិបាលថ្មី អាចមានកញ្ចប់ថវិកា១.០០០លានដុល្លារអាមេរិក ដើម្បីជួយវិស័យឯកជនក្នុងកំឡុងឆ្នាំ២០២៣នេះ និងឆ្នាំ២០២៤ខាងមុខ នោះវាជារឿងមហាវិសេសវិសាលណាស់”។

ចំណែកលោកស្រីតាំង ហួរអនុប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានថ្លែងថា រាជរដ្ឋាភិបាលថ្មីក្រោមការដឹកនាំរបស់លោកបណ្ឌិតហ៊ុន ម៉ាណែតនឹងធ្វើឲ្យប្រទេសជាតិមានការរីកចម្រើនថែមទៀត។ លោកស្រីបានបន្តថា “តាមព័ត៌មានខ្ញុំទទួលបាន អ្នកវិនិយោគក្នុងវិស័យអចលនទ្រព្យ បាននិងកំពុងត្រៀមវិលមកកាន់កម្ពុជា កាន់តែច្រើន បន្ទាប់ពីការបោះឆ្នោត ប្រកបដោយស្ថេរភាព និងសុខសន្តិភាព”។

រីឯលោកឧកញ៉ានួន រិទ្ឋីអគ្គនាយកក្រុមហ៊ុនKFAបានមានប្រសាសន៍ឲ្យដឹងក្នុងសប្តាហ៍នេះផងដែរថា ក្រោយរដ្ឋាភិបាលថ្មីត្រូវបានបង្កើតឡើង លោកនឹងមានការគិតគូររិះរកចំណុចថ្មីៗ ដើម្បីស្រូបទាញការវិនិយោគបន្ថែមទៀត។លោកឧកញ៉ាបញ្ជាក់ថា “វិស័យអចលនទ្រព្យនៅកម្ពុជាមិនមានការជាប់គាំងទេ គ្រាន់តែដើរយឺតប៉ុណ្ណោះ។ ហើយក្នុងមួយរយៈកាលចុងក្រោយនេះ ការទិញលក់ និងតម្រូវការ នៅតែមានចរន្តដំណើរការ ប៉ុន្តែយើងត្រូវមានភាពបត់បែនខ្លះក្នុងការទូទាត់”។

លោកលោកសង្ឃឹមថា “នៅពេលដែលរដ្ឋាភិបាលថ្មី កើតឡើង វិនិយោគិន នឹងសម្រុកចូលមកកម្ពុជា តាមរយៈសមិទ្ធិផលថ្មីៗ ដូចជាព្រលានយន្តហោះសៀមរាប-អង្គរ តំបន់ទេសចរណ៍កោះរ៉ុងដែលនឹងមានយន្តហោះអាចចុះលើទឹក ដែលក្លាយជារំញោចឡើងវិញសម្រាប់ទីផ្សារអចលនទ្រព្យកម្ពុជា”៕

រដ្ឋបាលខេត្តកោះកុងពិចារណាក្នុងការអនុញ្ញាត្តឲ្យទេសចរណ៍ថៃចូលមកទស្សនាដោយមិនចាំបាច់មានលិខិតឆ្លងដែន

ដោយៈ គង់ សូរិយា

ភ្នំពេញៈ រដ្ឋបាលខេត្តកោះកុង កំពុងពិចារណាលើសំណើរបស់ក្រុមហ៊ុនទេសចរណ៍មួយ ដែលស្នើសុំការអនុញ្ញាតភ្ញៀវទេសចរជនជាតិថៃ ប្រើប្រាស់អត្តសញ្ញាណប័ណ្ណសញ្ជាតិថៃ ដោយមិនមានលិខិតឆ្លងដែន អាចមកធ្វើទេសចរណ៍កម្សាន្តរយៈពេលខ្លី ក្នុងតំបន់ទេសចរណ៍សំខាន់ៗនៅខេត្តកោះកុង។

អភិបាលរងខេត្តកោះកុង លោកអន សុធារិទ្ធបានមានប្រសាសន៍ឱ្យដឹងនៅថ្ងៃទី១០ ខែសីហាថា នៅក្នុងកិច្ចប្រជុំពិភាក្សាគ្នាមួយនាថ្ងៃទី៩ ខែសីហា អាជ្ញាធរខេត្តបានទទួលសំណើរ បស់ក្រុមហ៊ុនទេសចរណ៍មួយ ដែលស្នើសុំការអនុញ្ញាត ជាគោលការណ៍ពិសេស សម្រាប់ភ្ញៀវទេសចរជនជាតិថៃ ប្រើប្រាស់អត្តសញ្ញាណប័ណ្ណសញ្ជាតិថៃ ដែលមិនបានយកលិខិតឆ្លងដែន មកជាប់តាមខ្លួន គឺអាចមកធ្វើទេសចរណ៍កម្សាន្តរយៈពេលខ្លី ក្នុងតំបន់ទេសចរណ៍សំខាន់ៗ ក្នុងខេត្តកោះកុងបាន។លោកបានបន្តថា បន្ទាប់ពីពិភាក្សាហើយ អាជ្ញាធរខេត្តបានប្រមូលយោបល់ និងគំនិតល្អៗជាច្រើន ពីសំណាក់សមាជិកពាក់ព័ន្ធទាំងអស់ សម្រាប់ជាមូលដ្ឋានក្នុងការសិក្សានីតិវិធីបន្ត ចំពោះករណីសំណើសុំខាងលើ ដើម្បីត្រៀមរាយការណ៍ ទៅខាងក្រសួងទេសចរណ៍។

លោកបានឱ្យដឹងទៀតថា ក្នុងកិច្ចប្រជុំនេះដែរ ក៏មិនទាន់មានការសម្រេចអ្វីណាមួយឡើយ ជាមួយក្រុមហ៊ុនទេសចរណ៍ ហើយរាល់សំណើ ដែលក្រុមហ៊ុនស្នើសុំនេះ អាចនឹងមានការប្រជុំ និងមានការពិភាក្សាគ្នាជាបន្តបន្ទាប់ទៀត។លោកបានបន្ថែមថា ពីព្រោះករណីសំណើនេះ វាជាលើកដំបូងសម្រាប់ខេត្តកោះកុង ខណៈដែលយោងតាមឯកសារផ្សេងៗ និងលិខិតបទដ្ឋានគតិយុត្តនានារបស់ក្រសួង គឺតម្រូវឱ្យភ្ញៀវទេសចរត្រូវមានលិខិតឆ្លងដែន។

លោកអន សុធារិទ្ធបានមានប្រសាសន៍ឲ្យដឹងទៀតថា “ប្រសិនជាក្នុងករណី ទទួលបានការឯកភាពលើសំណើហ្នឹងហើយ នោះវាអាចនឹងកើនភ្ញៀវទេសចរចូលមក ដើម្បីជំរុញកំណើនសេដ្ឋកិច្ចរបស់ខេត្ត តាមរយៈភ្ញៀវទេសចរចូលមកកម្សាន្ត ប៉ុន្តែចំពោះសំណើនេះយើងមិនទាន់សម្រេចទេ”។ លោកបន្តថា “យើងត្រូវការប្រមូលធាតុចូលពីសំណាក់សមាជិកពាក់ព័ន្ធបន្ថែមទៀត ដើម្បីយើងមានមូលដ្ឋានធ្វើរបាយការណ៍ដាក់ជូនក្រសួង”។

ទន្ទឹមនឹងសំណើរបស់ក្រុមហ៊ុនទេសចរណ៍នេះ លោកថា អាជ្ញាធរខេត្ត ក៏កំពុងតែខិតខំធ្វើយ៉ាងណា លើកកម្ពស់វិស័យទេសចរណ៍ ដើម្បីឱ្យមានកំណើនភ្ញៀវទេសចរជាតិ និងភ្ញៀវទេសចរអន្តរជាតិចូលមកលេងកម្សាន្តខេត្តកោះកុងផងដែរ។

អភិបាលរងខេត្តបានបន្ថែមថា ចំពោះកំណើនភ្ញៀវទេសចរមកពីប្រទេសថៃ ក្នុងពេលបច្ចុប្បន្ននេះ គឺមិនសូវមានចំនួនច្រើន ចូលមកកម្សាន្តក្នុងខេត្តកោះកុងទេ ស្របពេលកន្លងមកអាជ្ញាធរខេត្ត ក៏បានសិក្សាអំពីកម្មវិធីមួយទៀត គឺការចុះអនុស្សរណៈយោគយល់គ្នាចំពោះខេត្ត ជាប់ព្រំដែនរវាងកម្ពុជា-វៀតណាម និងថៃ ដើម្បីជំរុញកំណើនភ្ញៀវទេសចរចូលមកលេងខេត្តកោះកុងផងដែរ៕

US President Joe Biden says he will visit Vietnam ‘shortly’

ALBUQUERQUE, New Mexico: US President Joe Biden said on Tuesday (Aug 8) he would be traveling to Vietnam “shortly” because the country wanted to elevate its relationship with the United States and become a major partner.

Biden made the remarks while speaking at a political fundraiser in New Mexico.
Asked about Biden’s announcement, a White House spokesperson said there was “nothing further to share at this time.”

At a meeting in April, Vietnamese Prime Minister Pham Minh Chinh and US Secretary of State Antony Blinken expressed a desire to deepen ties as Washington seeks to solidify relations with partners in Asia to counter an increasingly assertive China.

Blinken had expressed the hope then that this could happen “in the weeks and months ahead.”

Washington has been working to elevate ties with Hanoi to a “strategic” partnership from one that for the past decade has been called “comprehensive,” although Vietnam has been cautious, given the risk of antagonising China, a giant neighbor that supplies key inputs for its vital export trade, or Russia, another traditional partner.Source: Reuters

សេតវិមាន គ្រោងបញ្ចេញផែនការលម្អិតដើម្បីរឹតបន្តឹងការវិនិយោគរបស់អាមេរិកនៅក្នុងប្រទេសចិន

ដោយៈ តែម សុខុម

វ៉ាស៊ីនតោន: សេតវិមាននៅថ្ងៃពុធ ទី៩ ខែសីហា នេះគ្រោងបញ្ចេញផែនការលម្អិតរបស់ខ្លួន ដើម្បីហាមឃាត់ការវិនិយោគមួយចំនួនរបស់អាមេរិក លើបច្ចេកវិទ្យារដ៏រសើប នៅក្នុងប្រទេសចិន និងតម្រូវឱ្យក្រុមហ៊ុននានា ជូនដំណឹងមករដ្ឋាភិបាល អំពីការវិនិយោគផ្សេងៗទៀត។

ប្រភពមន្ត្រីរដ្ឋាភិបាលជាន់ខ្ពស់អាមេរិក បានទម្លាយប្រាប់ទីភ្នាក់ងារព័ត៌មាន Reuters ថា ផែនការនេះមានគោលបំណងរារាំងទប់ស្កាត់មូលធន និងចំណេះជំនាញរបស់សហរដ្ឋអាមេរិក ពីការជួយអភិវឌ្ឍបច្ចេកវិទ្យាដែលអាចគាំទ្រ ដល់ការធ្វើទំនើបកម្មយោធារបស់ប្រទេសចិន និងគំរាមកំហែងដល់សន្តិសុខជាតិ របស់សហរដ្ឋអាមេរិក។ទីភ្នាក់ងារព័ត៌មាន Reuters បានចុះផ្សាយកាលពីថ្ងៃសុក្រ សប្ដាហ៍មុនថា ប្រធានាធិបតីអាមេរិក លោក ចូ បៃឌិន ត្រូវបានរំពឹងថានឹងចេញបទបញ្ជា ដែលគេទន្ទឹងរង់ចាំជាយូរមកហើយ ឱ្យត្រួតពិនិត្យក្នុងសប្តាហ៍នេះ នូវការវិនិយោគរបស់ក្រុមហ៊ុនអាមេរិក នៅក្រៅប្រទេសលើបច្ចេកវិទ្យារសើបៗនៅក្នុងប្រទេសចិន។

ប្រភពមន្ត្រីរដ្ឋាភិបាលជាន់ខ្ពស់ដដែលនិយាយថា បទបញ្ជានោះត្រូវបានរំពឹងថានឹងចេញនៅថ្ងៃពុធ ទី៩ សីហាម្សិលម៉ិញនេះ។ ទោះជាយ៉ាងណា សេតវិមាន កាលពីថ្ងៃអង្គារ ដើមសប្ដាហ៍នេះបានបដិសេធធ្វើអត្ថាធិប្បាយឡើយជុំវិញរឿងនេះ។

ក្រុមមន្ត្រីរដ្ឋការលោក ចូ បៃឌិន បានសង្កត់ធ្ងន់រយៈពេលជាច្រើនខែមកហើយថា នឹងធ្វើការរឹតបន្តឹងឱ្យណែន លើការវិនិយោគរបស់សហរដ្ឋអាមេរិក នៅក្នុងប្រទេសចិន៕ Reuters៕

សមាគមឧកញ៉ានឹងបើកកិច្ចពិភាក្សាជាមួយCDCដើម្បីលើកពីបរិយាកាសពាណិជ្ជកម្មនិងការវិនិយោគនៅកម្ពុជា

ដោយៈ គង់ សូរិយា

ភ្នំពេញៈ សមាគមឧកញ៉ាកម្ពុជា និងក្រុមប្រឹក្សាអភិវឌ្ឍន៍កម្ពុជា នឹងរៀបចំវេទិកាធុរកិច្ចកម្ពុជាឆ្នាំ២០២៣ និងពិធីពិសាអាហារសាមគ្គី ដើម្បីពិភាក្សាអំពីបច្ចុប្បន្នភាពនៃបរិយាកាស ពាណិជ្ជកម្ម និងការវិនិយោគនៅកម្ពុជា ដោយផ្ដោតលើបញ្ហាប្រឈម និងឱកាសជាពិសេសលើវិស័យសំខាន់ៗ។

លោកឧកញ៉ាហ៊ុន ឡាក់ អ្នកនាំពាក្យសមាគមឧកញ៉ាកម្ពុជា បានប្រាប់ឱ្យដឹងនៅថ្ងៃទី៩ ខែសីហា ថា សមាគមនឹងរៀបចំវេទិកាធុរកិច្ចកម្ពុជា ឆ្នាំ២០២៣ និងពិធីពិសាអាហារសាមគ្គី ដែលនឹងរៀបចំឡើងនៅសណ្ឋាគារ ហ្គាឌិនស៊ីធី ក្រោមកិច្ចសហការជាមួយក្រុមប្រឹក្សាអភិវឌ្ឍន៍កម្ពុជានៅថ្ងៃទី១១ សីហាខាងមុខ។

លោកបន្តថា “វេទិកានេះ នឹងមានការអញ្ជើញចូលរួមជាកិត្តិយសដោយលោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា និងអនុព័ន្ធពាណិជ្ជកម្មនៃស្ថានតំណាងបរទេសនានា ប្រចាំនៅកម្ពុជាផងដែរ”។លោកឧកញ៉ាហ៊ុន ឡាក់បានបន្ថែមថា វេទិកានេះត្រូវបានរៀបចំឡើងក្នុងគោលបំណង ដើម្បីពិភាក្សាអំពីបច្ចុប្បន្នភាព នៃបរិយាកាស ពាណិជ្ជកម្ម និងការវិនិយោគនៅកម្ពុជា ដោយផ្ដោតលើបញ្ហាប្រឈម និងឱកាសជាពិសេសលើវិស័យសំខាន់ៗ មួយចំនួនដូចជា វិស័យកសិកម្ម វិស័យទេសចរណ៍ និងបដិសណ្ឋារកិច្ច វិស័យកម្មន្តសាល និងភស្តុភារកម្ម វិស័យសំណង់ និងអចលនទ្រព្យ ព្រមទាំងកិច្ចសហប្រតិបត្តិការពាណិជ្ជកម្មអន្តរជាតិផងដែរ។

លោកហ៊ុន ឡាក់ បានបញ្ជាក់ថា វេទិកានេះ ក៏ជាឱកាសបង្កើតទំនាក់ទំនងកាន់តែទូលំទូលាយ និងពិភាក្សាគ្នាលើឱកាសវិនិយោគសក្តានុពលផ្សេងៗផងដែរ។ ជាពិសេស យើងនឹងលើកយកបញ្ហាសំខាន់ៗ ដែលវិស័យឯកជនបាន និងកំពុងជួបប្រទះយកមកពិភាក្សាគ្នា ស្វែងរកដំណោះស្រាយ ប្រយោជន៍ដើម្បីភាពរីកចម្រើននៃវិស័យឯកជនរបស់យើងទាំងអស់គ្នា។

ប្រធានសមាគមសហគ្រិនស្ត្រីកម្ពុជា លោកជំទាវឧកញ៉ាកែវ មុំ បានប្រាប់ឱ្យដឹងផងដែរថា ការរៀបចំវេទិកាធុរកិច្ចកម្ពុជាឆ្នាំ២០២៣នេះ នឹងក្លាយជាវេទិកាដ៏មានសារៈសំខាន់ណាស់ សម្រាប់អ្នកធុរកិច្ចទាំងក្នុងនិងក្រៅប្រទេស ដើម្បីលើកឡើងពីបញ្ហាប្រឈមនានា ដែលវិស័យនីមួយៗ បាននិងកំពុងជួបប្រទះ ជាពិសេសវិស័យ SME។

លោកស្រីបានថ្លែងថា “យើងនឹងប្រើវេទិកានេះ ដើម្បីពិភាក្សាជាមួយអ្នកពាក់ព័ន្ធ មិនថានៅក្នុងវិស័យឯកជនដូចគ្នា ឬក៏ខាងរដ្ឋាភិបាលនោះទេ ដើម្បីរកដំណោះស្រាយជាមួយគ្នា លើបញ្ហាប្រឈមដែលបាននិងកំពុងកើតមាននាពេលបច្ចុប្បន្នផងដែរ”។

សមាគមឧកញ៉ាកម្ពុជា ត្រូវបានដឹកនាំ និងតម្រង់ទិសដោយសមាជិកក្រុមប្រឹក្សាភិបាលចំនួន៣២រូប ដែលមានអាណត្តិ៥ឆ្នាំ ហើយការងារប្រចាំថ្ងៃត្រូវបានអនុវត្ត ដោយអគ្គលេខាធិការដ្ឋាន ក្រោមការដឹកនាំរបស់អគ្គលេខាធិការ១រូប។ សមាគមនេះ មានទស្សនវិស័យ ក្នុងការរក្សានិងលើកកម្ពស់ ឧត្តមភាពនៃគោរមងារឧកញ៉ា ក្នុងការចូលរួមជាមួយរាជរដ្ឋាភិបាល ដើម្បីអភិវឌ្ឍសង្គម និងសេដ្ឋកិច្ចកម្ពុជា ឱ្យកាន់តែរីកចម្រើនថែមទៀត៕

ប្រទេសចិនធ្លាក់ចូលទៅក្នុងវិបត្តិបរិត្តផរណា ខណៈតម្លៃទំនិញប្រើប្រាស់ធ្លាក់ចុះជាលើកដំបូងមិនធ្លាប់មាន

ដោយ: គង់ លាងហួរ
ប៉េកាំង: ប្រទេសចិនបានធ្លាក់ចូលទៅក្នុងវិបត្តិបរិត្តផរណាដោយតម្លៃទំនិញប្រើប្រាស់បានធ្លាក់ចុះជាលើកដំបូង មិនធ្លាប់មានក្នុងរយៈពេលជាងពីរឆ្នាំ ដែលនេះជាសញ្ញាមួយទៀតបង្ហាញពីការធ្លាក់ចុះនៃតម្រូវការ។
បរិត្តផរណា គឺជាពាក្យផ្ទុយទៅនឹងអតិផរណា ដែលមានន័យថាតម្លៃទំនិញនិងសេវាចុះថោក។

យោងតាមទិន្នន័យបានបង្ហាញកាលពីថ្ងៃពុធថា តម្លៃទំនិញប្រើប្រាស់របស់ប្រទេសចិនបានធ្លាក់ចុះនៅក្នុងខែកក្កដាជាលើកដំបូងគិតចាប់តាំងពីខែកុម្ភៈ ឆ្នាំ២០២១ ខណៈការថយចុះនៃតម្រូវការធ្វើឱ្យសេដ្ឋកិច្ចជួបបញ្ហា។នេះបើយោងតាមការចុះផ្សាយដោយសារពត៌មាន Reuters កាលពីថ្ងៃពុធ ទី៩ ខែសីហា ឆ្នាំ២០២៣កន្លងមកនេះ។

ការិយាល័យស្ថិតិជាតិ (NBS) បានរាយការណ៍ថា សន្ទស្សន៍តម្លៃទំនិញប្រើប្រាស់ (CPI) សម្រាប់ខែកក្កដាបានធ្លាក់ចុះ០,៣ភាគរយ បើធៀបនឹងឆ្នាំ ដែលជាល្បឿនយឺតជាងការប៉ាន់ស្មានជាមធ្យមសម្រាប់ការថយចុះ០,៤ភាគរយនៅក្នុងការស្ទង់មតិរបស់សារពត៌មាន Reuters។សន្ទស្សន៍តម្លៃអ្នកផលិត (PPI) បានធ្លាក់ចុះក្នុងរយៈពេល១០ខែជាប់ៗគ្នា ក្នុងរង្វង់៤,៤ភាគរយធៀបនឹងឆ្នាំមុន បន្ទាប់ពីធ្លាក់ចុះ៥,៤ភាគរយកាលពីខែមិថុនា ដែលខុសពីការព្យាករថានឹងធ្លាក់ចុះក្នុងរង្វង់៤,១ភាគរយ។

ការស្ទុះងើបឡើងវិញនៃសេដ្ឋកិច្ចរបស់ប្រទេសចិនបានថយចុះ បន្ទាប់ពីការចាប់ផ្តើមកម្រើកយ៉ាងឆាប់រហ័សនៅក្នុងត្រីមាសទី១ ដោយសារតម្រូវការក្នុងប្រទេស និងក្រៅប្រទេសដាំក្បាលចុះ។ដើម្បីឆ្លើយតបនឹងបញ្ហានេះ អាជ្ញាធរចិនបានដាក់ចេញនូវវិធានការគោលនយោបាយជាច្រើន ដើម្បីទ្រទ្រង់ដល់សេដ្ឋកិច្ច ដោយមានការរំពឹង ទុកថាអាជ្ញាធរចិននឹងដាក់ចេញជំហានបន្ថែមទៀត ៕

ការនាំចេញសរុបរបស់កម្ពុជាសម្រេចបានទំហំទឹកប្រាក់១៣,៥២ពាន់លានដុល្លារអាមេរិកក្នុងរយៈពេល៧ខែដំបូង

ដោយ: គង់ លាងហួរ
ភ្នំពេញ: យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជាចេញផ្សាយនៅថ្ងៃព្រហស្បតិ៍នេះបានឱ្យដឹងថា កម្ពុជាបាននាំចេញផលិតផលដែលមានតម្លៃ១៣,៥២ពាន់លានដុល្លារអាមេរិកក្នុងរយៈពេល៧ខែដំបូងដើមឆ្នាំនេះ ធ្លាក់ចុះ១,៨ភាគរយពី១៣,៧៧ពាន់លានដុល្លារក្នុងរយៈពេលដូចគ្នាកាលពីឆ្នាំមុន។

នេះបើយោងតាមការចុះផ្សាយដោយសារពត៌មានចិន Xinhua នៅថ្ងៃព្រហស្បតិ៍ ទី១០ ខែសីហានេះ។ ទោះជាយ៉ាងនេះក្តី ការនាំចេញរបស់កម្ពុជាទៅកាន់ប្រទេសចិនបានកើនឡើង១៦,២ភាគរយដល់៨១៤,៧លានដុល្លារ ក្នុងអំឡុងខែមករាដល់ខែកក្កដា ឆ្នាំនេះ បើធៀបនឹង៧០១លានដុល្លារក្នុងរយៈពេលដូចគ្នាកាលពីឆ្នាំមុន។

របាយការណ៍បានបន្តថាប្រទេសចិនជាទិសដៅនាំចេញធំជាងគេទី៣របស់កម្ពុជាបន្ទាប់ពីសហរដ្ឋអាមេរិក និង ប្រទេសវៀតណាម។

ផលិតផលសំខាន់ៗដែលកម្ពុជានាំចេញរួមមានសម្លៀកបំពាក់ ស្បែកជើង ទំនិញធ្វើដំណើរ កង់ និងទំនិញកសិកម្មមួយចំនួនដូចជា អង្ករ កៅស៊ូ ដំឡូងមី ចេក និងស្វាយ។

របាយការណ៍ក៏បានបង្ហាញផងដែរថា កម្ពុជាបាននាំចេញផលិតផលសម្លៀកបំពាក់ ស្បែកជើង និងទំនិញធ្វើដំណើរទៅកាន់ទីផ្សារអន្តរជាតិ ដែលមានតម្លៃ៦,៣៦ពាន់លានដុល្លារក្នុងរយៈពេល៧ខែដំបូង ដើមឆ្នាំនេះ ដោយដាំក្បាលចុះ២០,៤ភាគរយ បើធៀបនឹង៧,៩៩ពាន់លានដុល្លារក្នុងរយៈពេលដូចគ្នាកាលពីឆ្នាំមុន។

ឧស្សាហកម្មកាត់ដេរសម្លៀកបំពាក់ ស្បែកជើង និងទំនិញធ្វើដំណើរ គឺជាប្រភពរកចំណូលបានពីបរទេសច្រើនជាងគេសម្រាប់កម្ពុជា។ វិស័យនេះមានរោងចក្រ និងសាខាប្រហែល១.១០០កន្លែង ដែលមានបុគ្គលិកប្រហែល៧៥០.០០០នាក់ ហើយភាគច្រើនជាស្ត្រី។

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ធ្លាប់បានមានប្រសាសន៍ថា នាពេលថ្មីៗនេះ ស្ថានភាពសេដ្ឋកិច្ចសកលមិនមានភាពអំណោយផលនោះទេ ជាពិសេសនៅសហរដ្ឋអាមេរិក និងអឺរ៉ុប ដែលបានកាត់បន្ថយតម្រូវការប្រើប្រាស់ឬទិញផលិតផលពីកម្ពុជា។សម្តេចតេជោបានបន្ថែម ថាប្រជាជនក្នុងប្រទេសទាំងនោះទទួលបានចំណូលទាបដូច្នេះការបញ្ជាទិញពីប្រទេសទាំងនោះក៏ធ្លាក់ចុះដែរ៕

Wang Yi to visit Singapore, Malaysia and Cambodia

Chinese Foreign Minister Wang Yi will visit Singapore, Malaysia and Cambodia from August 10 to 13, foreign ministry spokesperson Mao Ning announced on Wednesday.

Wang, also a member of the Political Bureau of the Communist Party of China (CPC) Central Committee, will visit at the invitation of Singaporean Minister for Foreign Affairs Vivian Balakrishnan, Malaysian Minister of Foreign Affairs Zambry Abd Kadir and Cambodian Deputy Prime Minister and Minister of Foreign Affairs and International Cooperation Prak Sokhonn, Mao added.

This year marks the 10th anniversary of the vision of building a community with a shared future for mankind and the Belt and Road Initiative, a foreign ministry spokesperson said the same day, adding that Southeast Asian countries have been at the forefront of advancing the vision of building a community with a shared future for mankind, and they are important partners for Belt and Road cooperation.

China’s relations with Singapore, Malaysia and Cambodia have maintained a sound momentum of growth. China and Singapore have established an all-round high-quality future-oriented partnership. China and Malaysia have reached common understandings on jointly building a community with a shared future. China and Cambodia are working to usher in a new era of building a high-quality, high-level and high-standard China-Cambodia community with a shared future, the spokesperson said.

The spokesperson said that China hopes the visit will bolster strategic communication with the three Southeast Asian countries, put the new characterization of the China-Singapore relations into action, achieve solid progress in building a community with a shared future both with Malaysia and with Cambodia, deepen high-quality Belt and Road cooperation and bring the bilateral relations to new heights.

China stands ready to work with the three countries to implement the Global Development Initiative, the Global Security Initiative and the Global Civilization Initiative, boost economic recovery, safeguard peace and tranquility, deepen exchanges and mutual learning and make even greater contribution to peace, stability and development of the region and beyond, the spokesperson said. Source: Xinhua

សេដ្ឋវិទូជើងចាស់លើកឡើងពីសេដ្ឋកិច្ចនិងការវិនិយោគនៅកម្ពុជា

ដោយៈ ជេស៊ីកា

ភ្នំពេញៈ សេដ្ឋវិទូជើងចាស់កម្ពុជា លោកបណ្ឌិតម៉ី កល្យាណបានលើកឡើងដោយសុទិដ្ឋិនិយម ពីកំណើនសេដ្ឋកិច្ចកម្ពុជា និងទិដ្ឋភាពនៃការវនិយោគពីបរទេស។

លោកបណ្ឌិតដែលជាទីប្រឹក្សាជាន់ខ្ពស់ នៃឧត្តមក្រុមប្រឹក្សាសេដេ្ឋកិច្ចជាតិបានថ្លែងឲ្យដឹង កាលពីចុងសប្តាហ៍មុនថា ជាទិដ្ឋភាពរួម សេដ្ឋកិច្ចកម្ពុជា អាចសម្រេចបានកំណើន ដូចការព្យាករណ៍របស់រដ្ឋាភិបាល និងស្ថាប័នអន្តរជាតិធំៗ ប៉ុន្តែទាក់ទងលំហូរទុនវិនិយោគពីបរទេសមកកម្ពុជា វាអាស្រ័យលើថា ផលចំណេញពីកម្ពុជាទទួលបានកម្រិតណា។

លោកបញ្ជាក់ថា “ធម្មតាអ្នកវិនិយោគ គេគិតពីផលចំណេញ ហេតុនេះអ្វីដែលពួកគេត្រូវសិក្សាមុនគេ គឺផលចំណេញត្រលប់”។លោកបន្តថា “ទាក់ទងនឹងការហោះត្រលប់មកវិញ របស់ក្រុមហ៊ុនអាកាសចេណ៍ជប៉ុន តាមលោកដឹងពួកគេ មិនទាន់វិលត្រលប់មកវិញនៅឡើយទេ”។

លោកបណ្ឌិតម៉ី កល្យាណបានបន្តថា ជាទូទៅសេដ្ឋកិច្ចកម្ពុជាបានវិលកង់បណ្តើរៗហើយ ប៉ុន្តែវាត្រូវការពេលវេលាបន្ថែមទៀត ដើម្បីពង្រីកភាពទាក់ទាញ និងការទាញយកអ្នកវិនិយោគពីបរទេស។

ទាក់ទងនឹងកំនើន នៃការវិនិយោគរបស់អ្នកធុរកិច្ចជប៉ុនមកកម្ពុជា លោកបណ្ឌិតដែលបានធ្វើការយ៉ាងជិតស្និទ្ឋ ជាមួយអ្នកវិនិយោគជប៉ុនបានថ្លែងថា អ្នកវិនិយោគជប៉ុនចូលមកកម្ពុជាកន្លងមក នៅមានកម្រិតនៅឡើយ ហេតុនេះយើងត្រូវការរង់ចាំ និងការដាក់ចេញគោលនយោបាយថ្មីរបស់រាជរដ្ឋាភិបាល ដើម្បីលើកទឹកចិត្តដល់អ្នកវិនិយោគបន្ថែមទៀត។

លោកបន្តថា ទាក់ទងអ្នកវិនិយោគចិនវិញ តាមខ្ញុំដឹងពួកគេមិនទាន់វិលត្រលប់មកកម្ពុជាច្រើននៅឡើយទេ ដោយសារគោលនយោបាយរឹតបន្តឹងរបស់រដ្ឋាភិបាលចិនមួយចំនួន ប៉ុន្តែសេដ្ឋកិច្ចផ្ទៃក្នុងកម្ពុជាបានកើនឡើង ត្រឹក ត្រឹក មកវិញបណ្តើរៗហើយ ជាមួយកំណើនចន្លោះពី៥ទៅ៦ភាគរយ៕