អ្នកជំនាញៈ សកម្មភាពសេដ្ឋកិច្ចកម្ពុជានៅតែមានភាពប្រសើរទោះជាកម្ពុជាកំពុងរៀបចំការបោះឆ្នោត

ដោយៈ គង់ សូរិយា

ភ្នំពេញៈ ទោះបីប្រទេសកម្ពុជា នឹងរៀបចំការបោះឆ្នោតជាតិនីតិកាលទី៧ នៅថ្ងៃទី២៣ ខែកក្កដាខាងមុខនេះក្តី ប៉ុន្តែព្រឹត្តិការណ៍ដ៏សំខាន់នេះ មិនបានធ្វើឲ្យសកម្មភាពអាជីវកម្មនានារងផលប៉ះពាល់ធ្ងន់ធ្ងរឡើយ។

យោងតាមរបាយការណ៍ របស់គណៈកម្មាធិការជាតិរៀបចំការបោះឆ្នោតបានបង្ហាញថា ប្រជាពលរដ្ឋជាង៨លាននាក់ ក្នុងចំណោមអ្នកចុះឈ្មោះ បោះឆ្នោតជាង៩,៧លាននាក់ បានទទួលបណ្ណព័ត៌មានពីក្រុមការងារ គណៈកម្មាធិការជាតិរៀបចំការបោះឆ្នោត (គ.ជ.ប)។

អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា លោកបណ្ឌិតគី សេរីវឌ្ឍន៍បានឱ្យដឹងថា ស្ថានភាពសេដ្ឋកិច្ចនិងនយោបាយ នៅកម្ពុជា ហាក់មានភាពប្រក្រតី ដោយពុំមានបញ្ហាអសកម្មណាមួយកើតឡើងនា អំឡុងពេលឃោសនាបោះឆ្នោត ពីថ្ងៃទី ១ ខែកក្កដានេះឡើយ ខណៈដែលសកម្មភាពអាជីវកម្មក៏នៅដំណើរការ ធម្មតាដោយពុំមានការសម្រុកទិញ បង្កឱ្យមានការឡើងថ្លៃទំនិញឡើយ។លោកនិយាយថា ចំពោះការត្រៀម សម្រាប់ការបោះឆ្នោតនេះយើងសង្កេតឃើញថា រហូតមកដល់ពេលនេះ គឺពុំមានអ្វីកើតឡើងដែលរាំងស្ទះ ទៅដល់សកម្មភាពសេដ្ឋកិច្ច ឬការប្រកបរបរធុរកិច្ចនៅក្នុងប្រទេសកម្ពុជានោះទេ។ លោកបន្តថា យើងក៏សង្កេតឃើញឥរិយាបថរបស់ប្រជាពលរដ្ឋ ក៏មានការខុសប្លែកពីការបោះឆ្នោតអាណត្តិមុនៗផងដែរ ដែលពួកគាត់តែងតែសម្រុកទៅទិញអង្ករ មី ឬម្ហូបអាហារស្តុកទុក ដើម្បីបង្ការខ្លាចក្រែងមានបញ្ហារាំងស្ទះ ផ្នែកនយោបាយណាមួយកើតឡើង។

ទោះជាយ៉ាងណាលោកអះអាងថា “ឥឡូវនេះខ្ញុំក៏ឃើញថា ប្រជាពលរដ្ឋខ្លះ គាត់ក៏ត្រៀមលុយទុកមួយចំនួនដែរ ប៉ុន្តែពួកគាត់មិនទៅដកលុយពីធនាគារនោះទេ គឺគាត់ទុកលុយដែលបានមកពីប្រាក់ខែ ឬរបររកស៊ីប្រចាំថ្ងៃគាត់ទុកសន្សំ មិនសូវចាយច្រើនទេ”។លោកបមន្តថា “ដោយយើងឃើញថាសេដ្ឋកិច្ច ហាក់រាងយឺតបន្តិចដោយសារពួកគាត់មិនចំណាយ ក្នុងមួយរយៈពេលចុងក្រោយនេះ ប៉ុន្តែនេះមិនមែនមានន័យសេដ្ឋកិច្ចមិនដើរនោះទេ ដោយសារតែពួកគាត់ទុកក្នុង រយៈពេលបោះឆ្នោត”។

ជាមួយគ្នានេះ នាយកប្រតិបត្តិក្រុមហ៊ុន Cambodian Investment លោក Anthony Galliano បានឱ្យដឹងថា តាមទស្សនៈរបស់វិនិយោគិន ការបោះឆ្នោតគឺជាប្រតិបត្តិការជាធម្មតា ហើយមិនមានការព្រួយបារម្ភអ្វីសោះ។លោកបន្ថែមថា “កម្ពុជាធ្លាប់មានបទពិសោធន៍ច្រើន ចំពោះដំណើរការបោះឆ្នោតនេះ ជាពិសេសរយៈពេល២ទសវត្សរ៍ចុងក្រោយនេះជាមួយនឹងកំណើនសេដ្ឋកិច្ច និងវិបុលភាពមិនធ្លាប់មានពីមុនជាមួយនឹងការលុបបំបាត់ភាពក្រីក្រ និងកំណើនប្រាក់ចំណូលក្នុងមនុស្សម្នាក់ៗនិងមានសន្តិភាព និងស្ថិរភាព”។

លោកបន្តថា ទោះមានបញ្ហាប្រឈមផ្នែកសេដ្ឋកិច្ចខ្លះ ក្នុងរយៈពេល២០ឆ្នាំនេះក៏ដោយ ក៏ជាធម្មតាបញ្ហាសកលធំៗ ដូចជាវិបត្តិហិរញ្ញវត្ថុនៅឆ្នាំ២០០៨ និងជំងឺកូវីដ ១៩ រាជរដ្ឋាភិបាលកម្ពុជាមានកំណត់ត្រាច្បាស់លាស់ នៃការគ្រប់គ្រងហិរញ្ញវត្ថុ និងសារពើពន្ធដោយភាពវៃឆ្លាត និងល្អបំផុត ហើយងើបចេញពីវិបត្តិទាំងនេះ បានយ៉ាងលឿន។

លោកថ្លែងថា “យើងកំពុងសង្កេតមើលស្ថិរភាព និងមានការកើនឡើងនៃលំហូរការវិនិយោគ នៅក្នុងប្រទេសកម្ពុជា និងមានការលើកឡើងតិចតួច ឬពិភាក្សាពីការបោះឆ្នោត ពីសំណាក់វិនិយោគិនអន្តរជាតិ”។ទោះយ៉ាងណាក៏មានការសាកសួរខ្លះ ពីសារព័ត៌មានអន្តរជាតិ ដែលនៅតែប្រកាន់ខ្ជាប់ភាពអវិជ្ជមាន និងមិនទទួលស្គាល់សមិទ្ធផលសេដ្ឋកិច្ច និងសង្គមរបស់កម្ពុជា និងល្បឿននៃការអភិវឌ្ឍដ៏អស្ចារ្យនៃប្រទេសនេះ។

លោកបញ្ជាក់ថា “វាជាការលើកទឹកចិត្ត ដែលមន្ត្រីរដ្ឋាភិបាលកំពុងបង្ហាញមុខ ដោយផ្ទាល់នៅជាមួយប្រជាជន។ ច្បាស់ណាស់ព្រឹត្តិការណ៍ទាំងនេះ មានភាពចុះសម្រុងគ្នា មានភាពរីករាយ និងវិជ្ជមាន ដោយគ្មានសញ្ញានៃប្រតិកម្មមិនល្អនោះទេ”។លោកបានបន្ថែមថា “វិស័យធុរកិច្ចកំពុងវាយតម្លៃព្រឹត្តិការណ៍នេះថា ជាការបន្តស្ថិរភាពនយោបាយ និងសេដ្ឋកិច្ច ដែលជាលក្ខណវិនិច្ឆ័យដ៏សំខាន់មួយនៃការវិនិយោគ”។

រដ្ឋាភិបាលកម្ពុជាបានព្យាករថា សេដ្ឋកិច្ចកម្ពុជាក្នុងឆ្នាំ ២០២៣ ត្រូវគេវាយតម្លៃឡើងវិញថា នឹងសម្រេចបានកំណើនក្នុងរង្វង់៥,៦ ភាគរយ ដូចគ្នានឹងការព្យាករកាលពីដើមឆ្នាំ គឺខ្ពស់ជាងឆ្នាំ ២០២២ ដែលសម្រេចបានកំណើន៥,២ ភាគរយ៕

Elon Musk គ្រោងបង្កើតការិយាល័យកណ្ដាលរបស់Tesla នៅប្រទេសម៉ាឡេស៊ី

ដោយៈ តែម សុខុម

គូឡាឡាំពួៈ នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម កាលពីថ្ងៃសុក្រទី១៤ ខែកក្កដា បានប្រកាសថា ក្រុមហ៊ុនផលិតរថយន្តអគ្គិសនីយក្សអាមេរិកTesla នឹងបង្កើតការិយាល័យកណ្តាលរបស់ខ្លួននៅក្នុងរដ្ឋ Selangor ប្រទេសម៉ាឡេស៊ី ក្នុងឆ្នាំនេះ។

ការប្រកាសនេះ បានធ្វើឡើងបន្ទាប់ពីលោក អាន់វ៉ា បានជួបជាមួយលោក Elon Musk នាយកប្រតិបត្តិក្រុមហ៊ុន Tesla និងជានាយកប្រតិបត្តិក្រុមហ៊ុន SpaceX តាម Video Call។

ជំនួបរយៈពេល២៥នាទីនេះ ក៏មានការចូលរួមពីរដ្ឋមន្ត្រីពាណិជ្ជកម្ម និងឧស្សាហកម្មអន្តរជាតិរបស់ម៉ាឡេស៊ី លោក Tengku Zafrul Tengku Abdul Aziz រដ្ឋមន្ត្រីទូរគមនាគមន៍ និងឌីជីថល លោក Fahmi Fadzil និងនាយកជាន់ខ្ពស់ក្រុមហ៊ុន SpaceX លោកស្រី Lauren Dreyer ផងដែរ។

លោកអាន់វ៉ាបានថ្លែងថា លោកសូមស្វាគមន៍ចំពោះការសម្រេចចិត្តរបស់ក្រុមហ៊ុន ផលិតរថយន្តអគ្គិសនីមួយនេះ ក្នុងការមកវិនិយោគនៅក្នុងប្រទេសម៉ាឡេស៊ី ហើយបានបញ្ជាក់ជំហរគាំទ្រ របស់រដ្ឋាភិបាលសម្រាប់ការបើកការិយាល័យ កណ្តាលរបស់ក្រុមហ៊ុន Tesla នៅក្នុងរដ្ឋ Selangor។

លោកបន្ថែមថា “ភាគីទាំងពីរក៏បានពិភាក្សា អំពីការចូលរួមរបស់ក្រុមហ៊ុន SpaceX នៅក្នុងការផ្តល់សេវាផ្កាយរណប Starlink ដល់ប្រទេសម៉ាឡេស៊ីផងដែរ”។

លោក អាន់វ៉ា បានគូសបញ្ជាក់ថា នេះអាចរួមចំណែកដល់ការទទួលបានសេវាអ៊ីនធឺណិតកាន់តែលឿន និងកាន់តែទូលំទូលាយ ជាពិសេសនៅតំបន់ជនបទ ដោយសារវាត្រូវការហេដ្ឋារចនាសម្ព័ន្ធរូបវ័ន្តតិចតួច ដើម្បីកែលម្អបណ្តាញអ៊ីនធឺណិតសកល។

Starlink ត្រូវបានចាត់ទុកថា ជាប្រព័ន្ធផ្កាយរណបមួយ ដែលមានគោលបំណង ផ្តល់សេវាអ៊ីនធឺណិតទូទាំងពិភពលោក៕ CNA៕

អនាគតនាយករដ្ឋមន្រ្តីកម្ពុជាបន្តលើកទឹកចិត្ត និងចាត់ទុកអ្នកសារ ព៌តមានជាដៃគូ

ដោយៈ និស្ស័យ

ភ្នំពេញៈ បេក្ខភាពអនាគតនាយករដ្ឋមន្រ្តីកម្ពុជា លោកបណ្ឌិតហ៊ុន ម៉ាណែតបានថ្លែងថា រាជរដ្ឋាភិបាលដែលដឹកនាំគណបក្សប្រជាជនកម្ពុជា នឹងបន្តលើកទឹកចិត្ត និងចាត់ទុកសារព័ត៌មានជាដៃគូយ៉ាងសំខាន់ ក្នុងការចូលរួមបង្កើនភាពវិជ្ជមាន និងកាត់បន្ថយភាពអវិជ្ជមានក្នុងសង្គម។

តាមរយៈបណ្តាញទំនាក់ទំនងសង្គមTelegram និង Facebook ផ្លូវការកាលពីព្រឹកថ្ងៃទី១៤ ខែកក្កដា ឆ្នាំ២០២៣នេះ លោកបណ្ឌិត ហ៊ុន ម៉ាណែត បេក្ខជនបន្ដវេនជានាយករដ្ឋមន្ដ្រីនៅថ្ងៃអនាគត របស់គណបក្សប្រជាជនកម្ពុជា បានបង្ហោះនូវវីដេអូខ្លីមួយ ដោយលោកបញ្ចេញទស្សនៈមួយជ្រុង ចំពោះអ្នកសារពត៌មាន។

លោកបណ្ឌិតលើកឡើងពីសារៈសំខាន់ នៃការចូលរួមរបស់សារព័ត៌មាន ដែលបានជួយនាំយកនូវព័ត៌មាន របស់រាជរដ្ឋាភិបាល ដែលបានដាក់ចេញ ទៅចែកជូនដល់ប្រជាជន ដើម្បីបានជ្រួតជ្រាប និងក៏នាំឱ្យព័ត៌មានពីប្រជាពលរដ្ឋ ដល់រាជរដ្ឋាភិបាល ដើម្បីដោះស្រាយជូនពួកគាត់បានភ្លាមៗ។

លោកឡើងថា “កន្លងមកសម្តេចតេជោ ហ៊ុន សែន នៅពេលជួបជាមួយអ្នកសារព័ត៌មាន បានផ្តល់នូវការលើកទឹកចិត្ត ដល់សារព័ត៌មាន ឱ្យបន្តជួយផ្តល់ព័ត៌មាន ដើម្បីកាត់បន្ថយនូវចំណុចខ្វះខាត លើការអនុវត្តន៍ការងាររបស់រាជរដ្ឋាភិបាល”។លោកបន្តថា ជាងនេះ សម្តេចក៏បានចាត់ឱ្យមេធាវី ជួយការពារអ្នកសារព័ត៌មាន ដែលហ៊ានបញ្ចេញព័ត៌មានពិត និងមានព័ត៌មានគ្រប់ជ្រុងជ្រោយ តែមិនសម្រាប់អ្នកព័ត៌មាន ដែលបង្កើតព័ត៌មានមិនពិតនោះទេ។

លោកបណ្ឌិតហ៊ុន ម៉ាណែតបានបន្ថែមទៀតថា រាជរដ្ឋាភិបាលដឹកនាំដោយគណបក្សប្រជាជនកម្ពុជា ទៅមុខទៀតនឹងបន្តលើកទឹកចិត្តដើម្បីឱ្យប្រជាពលរដ្ឋទាំងអស់ ជាពិសេសការចែករំលែកព័ត៌មានចូលរួម ដើម្បីបង្កើនភាពវិជ្ជមានក្នុងសង្គម និងកាត់បន្ថយភាពអវិជ្ជមានក្នុងសង្គម នេះជាកិច្ចការគោលដៅដែលយើងចង់បាន៕

ដំណឹងល្អៈសណ្ឋាគារលំដាប់អន្តរជាតិចំនួន២នឹងបើកដំណើរការនៅក្រុងព្រះសីហនុ

ដោយៈ គង់ សូរិយា

ព្រះសីហនុៈ អភិបាករងខេតត្តព្រះសីហនុ លោក ឡុង ឌីម៉ង់ បានបង្ហើបឲ្យដឹងថា សណ្ឋាគារលំដាប់ពិភពលោកចំនួនពីរ គ្រោងបើកដំណើរការនៅខេត្តព្រះសីហនុ នៅត្រីមាសទី៤ ឆ្នាំ ២០២៣។

កាលពីពេលថ្មីៗនេះ លោក ឡុង ឌីម៉ង់ បានជួបថ្នាក់ដឹកនាំសណ្ឋាគារដ៏ធំកម្រិតពិភពលោកចំនួនពីរ ដើម្បីផ្ដល់ព័ត៌មានរួមទាំងទស្សនៈវិស័យ លើវិស័យសណ្ឋាគារ និងបដិសណ្ឋារកិច្ច ក៏ដូចជាផែនការមេអភិវឌ្ឍន៍ខេត្តព្រះសីហនុ ទៅជាខេត្តពិសេសគំរូពហុបំណង។ក្នុងជំនួបនោះ លោក ឡុង ឌីម៉ង់ បានជួបពិភាក្សានាយកចាត់ការទូទៅសណ្ឋាគារ Sofitel Phnom Penh Phokeetra និងអនាគតនាយកចាត់ការទូទៅសណ្ឋាគារ Novotel ដែលនឹងមានវត្តមាននៅខេត្តព្រះសីហនុ ក្នុងត្រីមាសទី៤ឆ្នាំនេះ។លោកអភិបាលរងខេត្តលើកឡើង ពីគោលបំណងចង់ឲ្យមានបណ្ដាញសណ្ឋាគារ លំដាប់ពិភពលោកបែបនេះ មកវិនិយោគនៅខេត្តព្រះសីហនុឱ្យបានច្រើន។ លោកបញ្ជាក់ថា ពេលនេះជាពេលវេលាដល់សមស្របបំផុត ដោយសារកត្តាសន្តិភាព ស្ថេរភាពនយោបាយ ស្ថេរភាពម៉ាក្រូសេដ្ឋកិច្ច របស់កម្ពុជា។

អភិបាលរងខេត្តរូបនេះបានបន្តថា រដ្ឋបាលខេត្តព្រះសីហនុត្រៀមខ្លួនជានិច្ច ក្នុងកិច្ចសហការ គាំពារដល់វិនិយោគិនទាំងក្នុង និងក្រៅប្រទេសទាំងអស់។ខេត្តព្រះសីហនុ ជាខេត្តដែលមានឆ្នេរសមុទ្រស្រស់ស្អាត សម្បូរដោយធនធានធម្មជាតិ កោះ និងត្រូវបានប្រសិទ្ធនាមថា “តារារៈនាទិសនារតី”។ វិស័យទេសចរណ៍ បានចូលរួមចំណែកយ៉ាងសំខាន់នៅក្នុងការអភិវឌ្ឍសេដ្ឋកិច្ចខេត្តទាំងមូល។

យោងតាមរបាយការណ៍ របស់មន្ទីរទេសចរណ៍ខេត្តព្រះសីហនុ បានឲ្យដឹងថា បច្ចុប្បន្ននៅខេត្តព្រះសីហនុ មានសណ្ឋាគារចំនួន៨០ កន្លែង កំពុងដំណើរការអាជីវកម្ម៕

កម្ពុជាកំពុងសិក្សាផ្លូវរថភ្លើងថ្មី១ខ្សែ ឆ្លងកាត់ខេត្តក្រុងចំនួន៦ តភ្ជាប់ជាមួយប្រទេសវៀតណាម

ដោយៈ ស៊ីវ ម៉េង

ភ្នំពេញៈ ទេសរដ្ឋមន្ដ្រី ស៊ុន ចាន់ថុល រដ្ឋមន្រ្តីក្រសួងសាធារណៈការ និងដឹកជញ្ជូនបានឱ្យដឹងថា ក្រសួងកំពុងសិក្សាផ្លូវរថភ្លើងថ្មី១ខ្សែ ឆ្លងកាត់ខេត្តក្រុងចំនួន៦ ដើម្បីតភ្ជាប់ជាមួយប្រទេសវៀតណាម ក្នុងការបម្រើឱ្យវិស័យដឹកជញ្ជូន ឲ្យកាន់តែសម្បូរបែប និងជំរុញកំណើនសេដ្ឋកិច្ចជាតិ។

ក្នុងកិច្ចសម្ភាសន៍ជាមួយអ្នកសារព័ត៌មាន កាលពីថ្ងៃទី១៣ កក្កដា លោកទេសរដ្ឋមន្ដ្រី ស៊ុន ចាន់ថុល បានមានប្រសាសន៍ថា បច្ចុប្បន្ននេះ ក្រសួងកំពុងសិក្សាគម្រោងផ្លូវរថភ្លើងថ្មីមួយខ្សែ ដែលតភ្ជាប់ពីក្រុងប៉ោយបែត ទៅដល់ក្រុងបាវិត ដោយតភ្ជាប់ជាមួយគម្រោងផ្លូវដែករបស់ វៀតណាម ខណៈគម្រោងនេះឆ្លងកាត់ខេត្ដ -ក្រុងសំខាន់ៗចំនួន៦រួមមាន ក្រុងប៉ោយប៉ែត ខេត្ដសៀមរាប ខេត្ដកំពង់ធំ ខេត្ដកំពង់ឆ្នាំង រាជធានីភ្នំពេញ និងក្រុងបាវិត ផងដែរ។

លោកបន្តថា គម្រោងផ្លូវរថភ្លើងថ្មីមួយខ្សែ ដែលតភ្ជាប់ពីក្រុង ប៉ោយបែត ទៅដល់ក្រុងបាវិតនេះ និងត្រូវតភ្ជាប់ជាមួយគម្រោងរបស់ប្រទេសវៀតណាម ពីទីក្រុងហូជីមិញ មកបាវិត ម៉ុកបាយ ដើម្បីបម្រើឱ្យវិស័យដឹកជញ្ជូនកាន់តែសម្បូរបែប ជំរុញកំណើនសេដ្ឋកិច្ច សង្គម កម្ពុជាឱ្យកាន់តែរីកចម្រើន បង្កើនប្រាក់ចំណូល និងលើកកម្ពស់ជីវភាពប្រជាជន។

ផ្លូវដែក ដែលមានស្រាប់ ក្នុងប្រទេសកម្ពុជាមាន២ខ្សែ ដោយខ្សែទី១-ភ្នំពេញ ទៅ ប៉ោយប៉ែត ជាប់ព្រំដែនប្រទេសថៃមានប្រវែង៣៨៦គីឡូម៉ែត្រ ត្រូវបានសាងសង់ពីឆ្នាំ១៩២៩ ដល់ឆ្នាំ១៩៤២ និងខ្សែទី២- ពីភ្នំពេញ ទៅកំពង់ផែសមុទ្រក្រុងព្រះសីហនុ ដោយឆ្លងកាត់ខេត្តកណ្តាល កំពង់ស្ពឺ តាកែវ និងខេត្តកំពត មានចម្ងាយចំនួន២៦៦ គីឡូម៉ែត្រ ត្រូវបានសាងសង់ពីឆ្នាំ១៩៦០ ដល់ឆ្នាំ១៩៦៩។

ក្រោយឆ្នាំ១៩៧០ ផ្លូវដែកទាំងពីរខ្សែនេះ មានសភាពចាស់ទ្រុឌទ្រោម និងត្រូវបានបំផ្លាញដោយ សង្គ្រាមរ៉ាំរ៉ៃ ពិសេសក្រុមខ្មែរក្រហម បានពួនស្ទាក់បាញ់កម្ទេចជាញឹកញាប់ កាលពីមុនឆ្នាំ១៩៩៧។

មុនឆ្នាំ២០១០ រាជរដ្ឋាភិបាលកម្ពុជា បានចុះកិច្ចព្រមព្រៀងសម្បទានជាមួយក្រុមហ៊ុនToll Holding របស់ប្រទេសអូស្ត្រាលី សម្រាប់ការធ្វើអាជីវកម្មលើផ្លូវដែក។ មានន័យថា ក្រុមហ៊ុនអូស្ត្រាលីនេះ មានភារកិច្ចធ្វើអាជីវកម្មលើផ្លូវដែក និងជួសជុលថែទាំ ក្នុងរយៈពេល ៣០ឆ្នាំ។ ក្រោយមក ក្រុមហ៊ុនវិនិយោគលើផ្លូវរថភ្លើងនេះ បានប្តូរមកជាក្រុមហ៊ុន រ៉ូយ៉ាល់ រេលវេ កម្ពុជា (RRC) របស់អ្នកឧកញ៉ា គិត ម៉េង រហូតដល់សព្វថ្ងៃ។

ការស្តារផ្លូវដែកនៅកម្ពុជាឡើងវិញនោះ ដើម្បីភ្ជាប់ជាមួយផ្លូវដែកប្រទេសថៃ និងបន្តទៅកាន់ ប្រទេស វៀតណាម នៅក្នុងគម្រោងផ្លូវដែកអាស៊ាន។ នោះគឺគម្រោងផ្លូវដែកសិង្ហបុរី-គុនមិញ ( SKRL ) ដែលត្រូវឆ្លងកាត់ពីប្រទេសសិង្ហបូរី ម៉ាឡេស៊ី ថៃ កម្ពុជា វៀតណាម និងគុនមិញ ប្រទេសចិន៕

រដ្ឋបាលខេត្តកោះកុងនិងក្រសួងបរិស្ថានផ្សព្វផ្សាយសក្តានុពលសហគមន៍ទេសចរណ៍តំបន់ជីផាត

ដោយៈ គង់ សូរិយា

កោះកុងៈ ខេត្តកោះកុង មានធនធានធម្មជាតិដ៏សម្បូរបែប សម្រាប់បំរើឲ្យវបិស័យទេសចរណ៍ ពិសេសទេសចរណ៍ផ្សងព្រេង និងទេសចរណ៍បែបធម្មជាតិ។

សហគមន៍ជីផាត នៃឧទ្យានជាតិជួរភ្នំក្រវាញ ជាសហគមន៍មួយ ដែលមានភាពល្បីល្បាញ និងត្រូវបានលើកយកមកផ្សព្វផ្សាយដោយក្រសួងបរិស្ថាន និងរដ្ឋបាលខេត្តកោះកុង។ខេត្តកោះកុង ក្រោមការដឹកនាំរបស់លោកជំទាវមិថុនា ភូថងអភិបាលនៃអភិបាលខេត្តនេះ បានផ្សព្វផ្សាយយ៉ាងសកម្មពីសក្តានុពលរបស់ខេត្តលើវិស័យទេសចរណ៍ និងវិស័យពាក់ព័ន្ឋដទៃទៀត។

តើសហគមន៍ទេសចរណ៍ជីផាត មានភាពស្រស់ស្អាតនិងគួរទៅទៅទស្សនានាពេលណា? យោងតាមផេកផ្លូវការរបស់រដ្ឋបាលខេត្តបានបង្ហាញថា រដូវកាលទស្សនាសហគមន៍ជីផាត នៃជួរភ្នំក្រវាញងូតទឹកជ្រោះ ជិះម៉ូតូកម្សាន្តតាមភូមិ ហូបផ្លែឈើតំបន់ ជិះទូកទស្សនាទេសភាពតាមស្ទឹងព្រាត់ ស្ទឹងជីផាត ជាទិដ្ឋភាពស្រស់ស្អាតដែលអ្នកស្រលាញ់ធម្មជាតិ ចងចាំមិនភ្លេចពីសហគមន៍មួយនេះ។

សហគមន៍អេកូទេសចរណ៍ជីផាត ស្ថិតក្នុងភូមិជីផាត ឃុំជីផាត ស្រុកថ្មបាំង ខេត្តកោះកុង មានចម្ងាយ២០០គីឡូម៉ែត្រ ពីរាជធានីភ្នំពេញ។ ភ្ញៀវទេសចរជាតិអន្តរជាតិ អាចធ្វើដំណើរទៅកាន់តំបន់ស្រស់ស្អាតនេះតាមផ្លូវជាតិលេខ៤៨ រួចបន្តដំណើរទៅកាន់ស្រុកស្រែអំបិលពីស្ពានស្រែអំបិល ចម្ងាយប្រមាណ៤៧គីឡូម៉ែត្រ តាមផ្លូវគ្រួសក្រហម បានទៅដល់កំពង់ចម្លងជីផាត និងឆ្លងប្រមាណ១៥នាទី ទៀត ទើបលោកអ្នកបានដល់ភូមិ ជីផាតតែម្តង៕

គម្រោងព្រែកជីកហ្វូណនតេជោនឹងផ្ដល់អត្ថប្រយោជន៍ជាច្រើនវិស័យដឹកជញ្ជូន អចលនទ្រព្យ និងការវិនិយោគផ្សេងៗ

ដោយៈ គង់ ហ្វីអូណា

ភ្នំពេញៈ លោកទេសរដ្ឋមន្រ្តីស៊ុន ចាន់ថុល រដ្ឋមន្ត្រីក្រសួងសាធារណ ការនិងដឹកជញ្ជូន បានឱ្យដឹងថា គម្រោងព្រែកជីកហ្វូណនតេជោ នឹងផ្ដល់អត្ថប្រយោជន៍ជាច្រើន ដល់ប្រទេសកម្ពុជា ជាពិសេសវិស័យដឹកជញ្ជូន អចលនទ្រព្យនិងការវិនិយោគផ្សេងៗទៀត។គម្រោងមួយនេះ គ្រោងនឹងចំណាយទឹកប្រាក់រហូតដល់ប្រមាណ១,៧ពាន់លានដុល្លារអាមេរិក ដោយត្រូវប្រើពេលវេលា៤ឆ្នាំ ដើម្បីសាងសង់បញ្ចប់គម្រោង។

ក្នុងកិច្ចសម្ភាសន៍ជាមួយអ្នកសារព័ត៌មាន លោកស៊ុន ចាន់ថុល បានមានប្រសាសន៍ថា កាលពីកិច្ចប្រជុំគណៈ រដ្ឋមន្ត្រីកន្លងទៅលោកបានធ្វើបទបង្ហាញជូនគណៈរដ្ឋមន្ត្រីអំពី ប្រព័ន្ធដឹកជញ្ជូនផ្លូវទឹករបស់កម្ពុជាឱ្យទៅដល់សមុទ្រកម្ពុជា ដែលប្រព័ន្ធនេះមានសារៈសំខាន់ណាស់ ក្នុងការបន្ថយចម្ងាយ តម្លៃ នីតិវិធីបែបបទក្នុងការឆ្លងកាត់ទំនិញពីកម្ពុជាទៅសមុទ្រ។លោកស៊ុន ចាន់ថុល បានបន្តថា គម្រោងព្រែកជីកហ្វូណនតេជោនេះ បើតាមគម្រោងនឹងយកភូមិសាស្រ្តខេត្តកែប ជាច្រកសម្រាប់តភ្ជាប់ទៅកាន់ទន្លេ ហើយតាមរយៈគម្រោងនេះ ខេត្តកែបនឹងក្លាយទៅជាមជ្ឈមណ្ឌលពាណិជ្ជកម្មថ្មីមួយទៀត។ បន្ថែមពីនោះទៀត ក្រោយពេល ដែលគម្រោងនេះសម្រេច នោះកម្ពុជាពិតជាអាចទទួលនូវអត្ថប្រយោជន៍ជាច្រើនមហាសាល ដូចជា ការកាត់បន្ថយរយៈពេលចម្ងាយ និងតម្លៃនៃការដឹកជញ្ជូននាពេលបច្ចុប្បន្ន ការបង្កើតតំបន់ពាណិជ្ជកម្ម និងមជ្ឈមណ្ឌលភស្តភារកម្ម ការអភិវឌ្ឍផែរណបថ្មីៗជាច្រើន ការពង្រីកតំបន់អភិវឌ្ឍន៍កសិកម្ម ធារាសាស្ត្រ វារីវប្បកម្ម ទេសចរណ៍និងចិញ្ចឹម សត្វ ជាដើម។

លោកបញ្ជាក់ថា គម្រោងព្រែកជីកហ្វូណនតេជោនេះបានសិក្សាលម្អិតណាស់ ដោយសិក្សារយៈពេល២៦ខែ ដើម្បីធ្វើយ៉ាងណាកុំឱ្យប៉ះពាល់ដល់បរិស្ថានផងដែរ។

គម្រោងព្រែកជីកហ្វូណនតេជោ គឺជួយរំដោះទឹកជំនន់ដែលសព្វថ្ងៃនេះលិចលង់ច្រើនណាស់នៅខេត្តតាកែវ។ ដូច្នេះទឹកអាចហូរចូលយើងធ្វើទ្វារទឹកចំនួន១៥ថែមទៀត ប្រឡាយដើម្បីអូសទឹកឱ្យចូលក្នុងព្រែកជីករបស់យើង បើយើងចង់ទុកក៏យើងបិទវា ទៅបើច្រើនពេកបើកទ្វារឱ្យហូរចូលសមុទ្រ ទៅបើយើងមិនត្រូវការនៅរដូវវស្សា។

លោកបន្តថា ផ្ទុយទៅវិញនៅរដូវប្រាំង យើងមានទឹករហូត អ៊ីចឹងយើងប្រើប្រាស់វិស័យកសិកម្ម យើងមានការរីកចម្រើន យើងទប់ទឹកបានប្រជាពលរដ្ឋយើង១,៦លាននាក់ ដែលរស់នៅតាមដងព្រែក ១៨០គីឡូម៉ែត្រនេះ លោកមានទឹកប្រើប្រាស់គ្រប់គ្រាន់។ យើងមានត្រី ដាក់ចិញ្ចឹមត្រីគ្រប់បែបយ៉ាងទាំងអស់រាប់ពាន់តោន អីចឹងប្រជាពល រដ្ឋយើងនៅតាមនឹងមានជីវភាពធូរធារ។

លោកស៊ុន ចាន់ថុលបានបន្តថា ភ្ញៀវទេសចរណ៍យើងធ្វើដំណើរតាមផ្លូវទឹកពីភ្នំពេញ ទៅលេងនៅកែប ទេសចរណ៍ពីកែប កំពតពីក្រុងព្រះសីហនុ មកលេងភ្នំពេញ តាមផ្លូវព្រែកជីក១៨០គីឡូម៉ែត្រនេះ មានតំបន់ពាណិជ្ជកម្ម មានភោជនីយដ្ឋាន មានតំបន់សេដ្ឋកិច្ចពិសេស អ៊ីចឹងថានេះផលចំណេញច្រើន ទៅលើការរៀបចំព្រែកជីករបស់យើងនេះ។

ផ្លូវទឹកថ្មីទៅកាន់សមុទ្រនេះ មានប្រវែង១៨០គីឡូម៉ែត្រ ចាប់ពីព្រែកតាកែវ នៃទន្លេ មេគង្គ ឆ្លងកាត់តាមព្រែកតាឯក នៃទន្លេបាសាក់ ចូលតាមព្រែកតាហ៊ីងនៃទន្លេបាសាក់ ស្រុកកោះធំ និងបន្តរហូតដល់សមុទ្រ ខេត្តកែប ដោយឆ្លងកាត់ខេត្ត៤ រួមមាន ខេត្តកណ្តាល តាកែវ កំពត និងខេត្តកែប ដែលមានប្រជាជនសរុបប្រមាណ ១,៦លាននាក់ រស់នៅអមសងខាងផ្លូវទឹកនេះ។

ផ្លូវទឹកនេះ មានទទឹងមុខកាត់ផ្នែកខាងលើ ប្រវែង១០០ម៉ែត្រ និងមុខកាត់ផ្នែកខាងក្រោម ប្រមាណ៨០ម៉ែត្រ និងជម្រៅទឹកប្រមាណ៥,៤ម៉ែត្រ ( ជម្រៅនាវាចរណ៍៤,៧ម៉ែត្រ និងគម្លាតសុវត្ថិភាព ០,៧ម៉ែត្រ ) មានគន្លងនាវាចរណ៍ចំនួន២គន្លង អាចចេញ-ចូល និងចៀសគ្នាបានដោយសុវត្ថិភាព៕

Singapore’s economy grew 0.7% in Q2, faster than 0.4% in previous quarter: Advance estimate

SINGAPORE: Singapore’s economy grew 0.7 per cent year-on-year in the second quarter of 2023, faster than the 0.4 per cent growth in the previous quarter, according to advance estimates released by the Ministry of Trade and Industry (MTI) on Friday (Jul 14).

On a quarter-on-quarter seasonally-adjusted basis, Singapore’s economy expanded by 0.3 per cent. This is a turnaround from the 0.4 per cent contraction in the first quarter, averting the risk of a technical recession.
The advance GDP estimates for the second quarter are computed largely from data in the first two months of the quarter, from data in April and May.

They are intended as an early indication of GDP growth in the quarter and are subject to revision when more comprehensive data become available.

SECTOR PERFORMANCES
The manufacturing sector continued to see weak performance.
It contracted by 7.5 per cent year-on-year in the second quarter, a deterioration from the 5.3 per cent contraction in the previous quarter.

“The weak performance of the sector was due to output declines across all manufacturing clusters, except for the transport engineering cluster,” said MTI.

On a quarter-on-quarter seasonally-adjusted basis, the sector shrank at a slower pace of 1.3 per cent in the second quarter, compared to the 4.5 per cent contraction in the preceding quarter.

The construction sector grew by 6.6 per cent year-on-year in the second quarter, extending the 6.9 per cent growth in the first quarter. Growth was supported by expansions in both public and private sector construction output.

On a quarter-on-quarter seasonally-adjusted basis, the sector expanded by 2.6 per cent in the second quarter, accelerating from the 0.3 per cent growth in the preceding quarter.

Among the services sectors, the wholesale and retail trade as well as transportation and storage sectors collectively grew by 2.6 per cent year-on-year in the second quarter, a turnaround from the 0.7 per cent contraction in the previous quarter.

Source: CNA

អភិបាលខេត្តកែប:បើមន្រ្តីសុរិយោដីមួយណា ដែលទាមទារលុយកាក់ ដើម្បីចុះវាស់វែងដីធ្លី ត្រូវរាយការណ៍ជាបន្ទាន់មកកាន់អាជ្ញាធរ ឬមកកាន់លោកផ្ទាល់

ដោយៈ ហ្វីអូណា

ខេត្តកែបៈ អភិបាលនៃគណៈអភិបាលខេត្តកែប លោកបណ្ឌិត សោម ពិសិដ្ឋ បានបញ្ជាក់៣ចំណុច សម្រាប់ក្រុមការងារបច្ចេកទេសយកទៅអនុវត្តន៍ក្នុងដំណើរការ ចុះបញ្ជីដីធ្លីមានលក្ខណៈជាប្រព័ន្ធនៅភូមិចំការបី។

វិធានការណ៍បីចំណុចនោះរួមមាន ទី១-មិនអាចចេញប័ណ្ណកម្មសិទ្ធិដោយគ្មានឯកសារបញ្ជាក់បាននោះទេ ទី២ -ដីព្រៃលិចទឹក ដីគម្របព្រៃឈើមិនអាចវាស់វែងបានទេ និងទី៣- ក្នុងការវាស់វែងដីត្រូវទុកផ្លូវចាប់ពី៨ម៉ែត្រឡើងទៅ។

លោកបណ្ឌិតអភិបាលខេត្ត បានលើកឡើងដូចនេះក្នុងពិធីប្រកាសកំណត់តំបន់វិនិច្ឆ័យចុះបញ្ជីដីធ្លី មានលក្ខណៈជាប្រព័ន្ធស្ថិត នៅក្នុងភូមិចំការបី ឃុំពងទឹក ស្រុកដំណាក់ចង្អើរ ខេត្តកែប នាព្រឹកថ្ងៃទី១៣ ខែកក្កដា ឆ្នាំ២០២៣នេះ។លោកបញ្ជាក់ថា “ក្រោយពីការចុះបញ្ជីដីធ្លីនេះរួច ប្រជាពលរដ្ឋដែលជាម្ចាស់ក្បាលដី នឹងក្លាយជាម្ចាស់ដីពិតប្រាកដ មានសិទ្ធិស្របច្បាប់ក្នុងការកាន់កាប់ប្រើប្រាស់ អាស្រ័យផល មិនត្រឹមតែប៉ុណ្ណោះបណ្ណកម្មសិទ្ធិនេះ គឺជាឯកសារគត្តិយុត្តសម្រាប់ជាការសំអាងនៅពេលមានបញ្ហាផ្សេងៗកើតឡើង បញ្ជាក់ថាខ្លួនជាម្ចាស់ដីធ្លីពិតប្រាកដ”។

លោកបានបញ្ជាក់ទៀតថា បើមន្រ្តីសុរិយោដីមួយណា ដែលទាមទារលុយកាក់ ដើម្បីចុះវាស់វែងដីធ្លីជូនបងប្អូន ត្រូវរាយការណ៍ជាបន្ទាន់មកកាន់អាជ្ញាធរ ឬមកកាន់លោកផ្ទាល់ ដើម្បីមានវិធានការជាមួយមន្រ្តីរូបនោះ។ ចំណែកលោក ឈុំ ម៉ានី ប្រធានស្តីទី នៃមន្ទីររៀបចំដែនដីនគរូបនីយ កម្មសំណង់ និងសុរិយោដីខេត្តកែប មានរបាយការណ៍ថា ការអនុវត្តចុះបញ្ជីដីធ្លីលក្ខណៈជាប្រព័ន្ធ របស់កម្មវិធីអនុវិស័យរដ្ឋបាលដីធ្លីខេត្ត សរុបបានចំនួន១៨ភូមិ ចែកប័ណ្ណកម្មសិទ្ធិបាន១៣ភូមិ ៤ភូមិ ទៀតរៀបចំបិទផ្សាយ និង១ភូមិ គឺភូមិចំការបីកំពុងប្រកាសតំបន់វិនិច្ឆ័យដែលជាភូមិចុងក្រោយ៕

Higher land prices add to signs of Japan’s post-pandemic recovery

The average land price in Japan rose 1.5% in 2023 from a year earlier for the second consecutive year of increase, government data showed Monday, adding to signs of the economy recovering from the coronavirus pandemic.

A recovery in prices for commercial areas led the overall trend, according to the data as of Jan. 1, after the government eased COVID-19 measures, including immigration controls, stimulating hopes that businesses will be revived with the help of demand from foreign tourists.

Out of the nation’s 47 prefectures, 25, including Tokyo and Osaka, observed higher average land prices. That compares with the pre-pandemic level of 21 prefectures marked in 2020, the National Tax Agency data showed.

The agency’s annual survey of prices per 1 square meter of land facing major roads is used to calculate inheritance and gift taxes. It is based on data compiled by the Ministry of Land, Infrastructure, Transport and Tourism and reflects land transactions.

Hokkaido topped the list of prefectures this year with a 6.8% increase, signaling growing demand for housing and commercial facilities in and around its capital Sapporo.

Fukuoka came in second with a hike of 4.5%, followed by Miyagi with 4.4%. Tokyo observed a rise of 3.2% and Osaka 1.4%.

Average prices dropped in 20 prefectures, meanwhile, with Wakayama seeing a decline of 1.2%, Fukui 1.0% and Ehime 0.9%.

Source: Japan Times

1...861862863...3,255 Page 862 of 3,255