ដោយៈ សុខុម
បាងកកៈ មហាសេដ្ឋីថៃ នឹងបើកដំណើរការក្រុមហ៊ុនអាកាសចរណ៍ថ្មីៗចំនួន៥ ជាមួយនឹងទំហំទុនវិនិយោគ សរុបយ៉ាងតិច១០៦,៥លានដុល្លារអាមេរិក ដោយរំពឹងថានឹងចាប់ផ្តើម ប្រតិបត្តិការពាណិជ្ជកម្មនៅឆ្នាំ២០២៤។

ទីផ្សារអាកាសចរណ៍ ដែលកំពុងរីកចម្រើនឥតឈប់ឈររបស់ប្រទេសថៃ ត្រូវបានប៉ាន់ប្រមាណថា នឹងឈានដល់ទំហំ៨,៨៥ពាន់លានដុល្លារអាមេរិក នៅឆ្នាំក្រោយ។ នេះបើយោងតាមកាសែត The Nation ចុះផ្សាយកាលពីថ្ងៃពុធ ទី២៥ ខែតុលា។អាជ្ញាធរអាកាសចរណ៍ស៊ីវិលថៃ (CAAT) ឱ្យដឹងថា ក្រុមហ៊ុនអាកាសចរណ៍ថ្មីៗទាំង៥ ដែលទទួលបានអាជ្ញាប័ណ្ណធ្វើប្រតិបត្តិការហោះហើរតាមផ្លូវអាកាស (AOL) រួមមាន ក្រុមហ៊ុនអាកាសចរណ៍ Really Cool Airlines ក្រុមហ៊ុន P80 Air ក្រុមហ៊ុន Pattaya Airways ក្រុមហ៊ុន Siam Seaplane និងក្រុមហ៊ុន Landarch Airlines។

ក្រុមហ៊ុនអាកាសចរណ៍ទាំងនេះ នឹងត្រូវរង់ចាំអាជ្ញាធរអាកាសចរណ៍ស៊ីវិលថៃ (CAAT) អនុម័តលើវិញ្ញាបនបត្រប្រតិបត្តិករ ផ្លូវអាកាស (AOC) របស់ខ្លួន មុននឹងក្រុមហ៊ុនទាំងនេះ អាចហោះហើរពាណិជ្ជកម្មនៅក្នុងប្រទេសថៃបាន។គម្រោងបើកក្រុមហ៊ុនអាកាសចរណ៍ថ្មីៗ ទាំងនេះធ្វើឡើង ស្របពេលប្រទេសថៃ បានកំណត់គោលដៅថ្មី ក្នុងការរកប្រាក់ចំណូលឱ្យបានប្រមាណ៨៥ពាន់លានដុល្លារអាមេរិក ពីភ្ញៀវអន្តរជាតិ និងប្រែក្លាយប្រទេសនេះ ទៅជាមជ្ឈមណ្ឌលកីឡា និងការកម្សាន្ត។ នេះបើយោងតាមរដ្ឋមន្ត្រីក្រសួងទេសចរណ៍ និងកីឡាថៃ លោក Sudawan Wangsuphakijkosol បានទម្លាយឱ្យដឹងក្នុងឆ្នាំនេះ៕ The Nation៕

កាលប្រឡងទុតិយភូមិ ក៏ជិតមកដល់ សិស្សានុសិស្សត្រូវត្រៀមខ្លួនចូលសមរភូមិប្រយុទ្ធ ដើម្បីទទួលបានសមិទ្ធផលដែលខ្លួនចង់បានរៀងៗខ្លួន។ មានសិស្សជាច្រើនប៉ងប្រាថ្នាចង់បានទិទ្ទេសA និងនិទ្ទេសផ្សេងៗទៀត ដែលសក្តិសមជាមួយសមត្ថភាពរបស់ខ្លួន។ មានប្អូនៗជាច្រើន កំពុងសប្បាយចិត្ត រំភើបត្រេកអរ ហើយខ្លះទៀតកំពុងភ័យបុកពោះ

ព្រោះខ្លាចធ្វើមិនបានល្អ។ យ៉ាងណាមិញ កញ្ញា សេន ស៊ីណា ជាអតតីសិស្សនិទ្ទេសA មកពីវិទ្យាល័យ សខេង កន្ទឺ២ ខេត្តបាត់ដំបង និងជានិស្សិតអាហារូបករណ៍ ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ នៅវិទ្យាស្ថានស៊ីអ៊ីអូ ហើយបច្ចុប្បន្នជានិស្សិតឆ្នាំទី២ ជំនាន់ទី៥ និងកំពុងហាត់ការការងារជាក់ស្តែងជាំនួយការគណនេយ្យ ហិរញ្ញវត្ថុ និងជាក្រុមIdol អ្នកបន្តវេន។ កញ្ញា សេន ស៊ីណា បានចែករំលែក ល្បិចវ៉ៃឆ្លាត ឆក់យកនិទ្ទេសA ក្នុងការប្រឡងក្នុងពេលខាងមុខនេះ​ ៖

1. ផ្ដោតលើមុខវិទ្យាដែលប្រឡង​ ៖

• ថ្នាក់សង្គមផ្ដោតលើការទន្ទេញ
• ថ្នាក់វិទ្យាសាស្រ្តផ្ដោតលើការអនុវត្តលំហាត់ឱ្យបានច្រើន
• ចង់បាននិទ្ទេសល្អត្រូវរៀនឱ្យបានច្រើន ចេះគ្រប់មុខវិទ្យា

2. រៀបចំមេរៀនត្រៀមបាក់ឌុប ៖

• សង្ខេបមេរៀនខ្លីៗទៅតាមមុខវិជ្ជានីមួយៗដាក់ដោយឡែក
• មេរៀនតាមមេរៀន រូបមន្តតាមរូបមន្តដើម្បីងាយស្រួលរំលឹក និងចំណេញពេលវេលា

3. ពង្រឹងសមត្ថភាព ៖

• បែងចែកកាលវិភាគរៀនឱ្យបានច្បាស់លាស់
• ពេលណាត្រូវទន្ទេញ ពេលណាត្រូវធ្វើលំហាត់
• យកចិត្តទុកដាក់ខ្លាំងទៅលើមុខវិទ្យាដែលនៅខ្វះចន្លោះ
• រកវិធីសាស្រ្តស្ដារមុខវិទ្យាដែលនៅខ្សោយ កុំបោះបង់ចោលឱ្យសោះ
• ចំណែកឯមុខវិទ្យាដែលចេះហើយក៏ត្រូវរំលឹកជាប្រចាំដូចគ្នា

4. ព្យាករណ៍ទុកមុន ៖ ពេលវេលាកាន់តែកៀក ប្រសិនបើមិនដឹងថាត្រូវមើលអ្វី?ត្រៀមអ្វី? កុំទាន់ភ័យ

• ត្រូវត្រៀមខ្លួនសម្រាប់តែការប្រឡងទៅបានហើយ
• មើលតែមេរៀនណា លំហាត់ណាដែលគិតថាមានភាគរយច្រើនអាចចេញពេលប្រឡង
• ប្រៀបធៀបសមត្ថភាពខ្លួនឯងជាមួយនឹងវិញ្ញាសាឆ្នាំចាស់ ដើម្បីដឹងពីកម្រិតបាក់ឌុបផងដែរ

5. ត្រៀមខ្លួនបានរួចរាល់ ៖

• សម្រួចសមត្ថភាពខ្លួនឯងជាបណ្ដើរៗ
• តាមដានព័ត៌មាន និងស្វែងយល់បន្ថែមអំពីការប្រឡងបាក់ឌុប
• ត្រូវយល់ដឹងអំពីនិតិវិធីនៃការប្រឡង លក្ខខណ្ឌផ្សេងៗដែលតម្រូវឱ្យធ្វើ ឬមិនត្រូវធ្វើ។

កញ្ញា បានបញ្ចាក់ទៀតថា ការប្រឡងយកនិទ្ទេសល្អ វាពិតជាសំខាន់ ក្នុងការទទួលបានអាហារូបករណ៍ សិក្សាបន្តនៅថ្នាក់មហាវិទ្យាល័យ។ ជាតឹកតាង វិទ្យាស្ថានស៊ីអ៊ីអូ គឺជាវិទ្យាស្ថានអប់រំ ដែលបណ្តុះបណ្តាលថ្នាក់ បរិញ្ញាបត្រ និងបរិញ្ញាបត្ររង មហាវិទ្យាល័យ “គ្រប់គ្រងពាណិជ្ជកម្មអន្តរជាតិ” ភាសាអង់គ្លេសហៅថា  “International Business Management” ដែលមានលោកគ្រូធំបណ្ឌិត អោម សេងបូរ៉ា ជាស្ថាបនិក បានផ្តល់អាហារូបករណ៍១៣៦កន្លែង សិស្សនិទ្ទេសA និទ្ទេសB និងកម្មវិធីប្រឡងជ្រើសរើសនិស្សិតអាហារូបករណ៍១០២កន្លែង នៅវិទ្យាស្ថានស៊ីអ៊ីអូ ជិតស្ពានដែកចំការដូង រាជធានីភ្នំពេញ។

ជាចុងក្រោយ ជូនពរប្អូនៗសំណាងល្អ សុខភាពល្អ និងជោគជ័យគ្រប់ភារកិច្ចការងារ ជាពិសេសជ្រើសជំនាញនិងសាកលវិទ្យាល័យសិក្សាត្រូវ ស្របតាមក្តីស្រមៃ។
តោះចូលរួមដាក់ពាក្យប្រឡងទាំងអស់គ្នា
https://forms.gle/fAHMM29y4YGVpTiA7
ព័ត៌មានបន្ថែមសូមទំនាក់ទំនងមកកាន់លេខទូរស័ព្ទ៖
015 753 760 – 𝟎𝟔𝟔 𝟓𝟖 𝟕𝟖 𝟖𝟕 – 𝟎𝟗𝟔 𝟒𝟏 𝟗𝟐 𝟓𝟑𝟔
𝟎𝟗𝟕 𝟐𝟖 𝟖𝟕 𝟐𝟎𝟒 – 𝟎𝟗𝟑 𝟕𝟖𝟗 𝟑𝟕𝟕
Pageវិទ្យាស្ថានស៊ីអ៊ីអូ:https://www.facebook.com/ceoinstitute2014
Page អ្នកបន្តវេន: https://www.facebook.com/Neak.bontorvein
អត្ថបទ ៖ អ៊ឹម ភ័ស

        ដោយៈ​ជេស៊ីកា

        ភ្នំពេញៈ ក្រុមហ៊ុនលំដាប់យក្សក្នុងស្រុកOCIC បាននិងកំពុងបោះទុនជិត១០០លានដុល្លារ ដើម្បីរៀបចំបើកដំណើរការមជ្ឈម​ណ្ឌលពាណិជ្ជកម្មចម្រុះ នាកណ្តាលទីក្រុងកោះពេជ្រ។ គំរោងនេះរួមបញ្ចូលនូវផ្សារទំនើប ការិយាល័យសម្រាប់ជួល ទីលានកីឡា ក្លឹបហាត់ប្រាណ មជ្ឈមណ្ឌលកំសាន្ត ជាដើម។

The Connecxion ជាឈ្មោះគំរោងមជ្ឈមណ្ឌលពាណិជ្ជកម្មនេះ ដែលស្ថិតនៅចំកណ្តាលគំរោងDiamond Bay Garden ដែលមានខុនដូចំនួន៤អាគារ ក្នុងនោះអាគារចំនួន២មានកំពស់២៨ជាន់ បានបញ្ចប់ការសាងសង់ និងអាគារចំនួន២ទៀតកំពស់៣៨ជាន់ កំពុងដំណើរការសាងសង់។លោកជិន ហុកប្រធានគ្រប់គ្រងគំរោងអភិវឌ្ឍន៍ទីក្រុងកោះពេជ្រ នៃក្រុមហ៊ុនOCICបានមានប្រសាសន៍ឲ្យដឹងតាមបណ្តាញតេឡេក្រាម កាលពីរាត្រីថ្ងៃទី២៤ តុលាថា មជ្ឈមណ្ឌ លពាណិជ្ជកម្មចម្រុះកំពស់៧ជាន់នេះ បើគិតតែគ្រោងអាគារ និងការស្ថាបត្យកម្មមួយចប់ សព្វគ្រប់ជិត២៨លានដុល្លារ ប៉ុន្តែបើគិតរួមបញ្ចួលទាំងតម្លៃដីគំរោងនេះ ចំណាយទុនជិត១០០លានដុល្លារ។ លោកបន្តថា ក្នុងចំណោមអាគារកំពស់៧ជាន់នេះ មាន ២ជាន់ស្ថិតនៅក្រោមដី ជាទីតាំងសម្រាប់ចំណតយានយន្ត ខណៈទំហំអាគារសរុបមានចំនួន៣ម៉ឺនម៉ែត្រការ៉េ។ លោកបន្តថា គំរោងនេះសាងសង់លើផ្ទៃដី ទំហំ១៥,០០០ម៉ែត្រការ៉េ ដែ លគិតជាទុនវិនិយោគទាំងដី និងអាគារមានជិត១០០លានដុល្លារអាមេរិក។
លោកបន្តថា ដំណាក់កាលទី១ នឹងបញ្ចប់នៅចុងឆ្នាំនេះ និងគ្រោងបើកដំណើរការ នៅចុងឆ្នាំ២០២៣នេះផងដែរ ប្រ​សិនជាគ្មានការប្រែប្រួលទេនោះ៕

        ដោយៈ គង់ សូរិយា

ភ្នំពេញៈ ក្រុមហ៊ុនCCCCរបស់រដ្ឋាភិបាលចិន បាននិងកំពុងវិនិយោគគំរោងហេដ្ឋារចនាសម្ព័ន្ឋធំៗ ពិសេសនឹងជីកព្រែកជីកតេជោហ្វូណននាពេលខាងមុខនេះ។

ដោយសារគុណតម្លៃ និងកិច្ចសហប្រតិបត្តិការធំៗជាច្រើនកន្លងមក លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ក្រុមប្រឹក្សាអភិវឌ្ឍន៍កម្ពុជា បានអញ្ជើញធ្វើទស្សនកិច្ច និងពិភាក្សាការងារ តាមការអញ្ជើញរបស់លោក Wang Haihuai នាយកប្រតិបត្តិក្រុមហ៊ុន CCCC នៅទីស្នាក់ការកណ្តាលរបស់ក្រុមហ៊ុន ក្នុងប្រទេសចិន​កាលពីដើមសប្តាហ៍នេះ។

តាមរយៈឱកាសជួបពិភាក្សានេះ លោកឧបនាយករដ្ឋមន្ត្រី បានស្នើសុំឱ្យមាននិស្សិត វិស្វករពីវិទ្យាស្ថានតេជោសែន សាធារណការ និងដឹកជញ្ជូន អាចទទួលបានឱកាសចុះ ទៅសិក្សាទទួលយកបទពិសោធន៍ អនុវត្តការងារដោយផ្ទាល់ ពីក្រុមហ៊ុនធំលំដាប់ពិភពលោកCCCCនេះ ក្នុងគោលបំណង ដើម្បីបង្កើននូវសមត្ថភាពនិស្សិ​តវិស្វករ​ខ្មែរបន្ថែមទៀត។សម្របតាមការលើកឡើង របស់លោកនាយកប្រតិបត្តិ លោកឧបនាយករដ្ឋមន្ត្រី ក៏បានលើកឡើងផងដែរ អំពីកិច្ចសហប្រតិបត្តិការសំខាន់ៗ ដែលកម្ពុជាបាន និងកំពុងសហប្រតិបត្តិការជាមួយក្រុមហ៊ុនលើគម្រោងមួយចំនួន រួមមាន ផ្លូវល្បឿនលឿនភ្នំពេញ-ក្រុងព្រះសីហនុ គម្រោងផ្លូវល្បឿនលឿនភ្នំពេញ-បាវិត គម្រោងផ្លូវល្បឿនលឿនភ្នំពេញ-សៀមរាប គម្រោងព្រែកជីកហ្វូណនតេជោ និងគម្រោងហេដ្ឋារចនាសម្ព័ន្ធ ផ្សេងទៀតជាច្រើនក្នុងប្រទេសកម្ពុជា។លោកនាយកប្រតិបត្តិ បានសម្ដែងការស្វាគមន៍ ចំពោះលោក ឧបនាយករដ្ឋមន្ត្រី ចំពោះដំណើរទស្សនកិច្ច មកកាន់ក្រុមហ៊ុននាឱកាសនេះ។ ក្នុងនោះ លោកនាយកប្រតិបត្តិ បានលើកឡើងផងដែរអំពីបទពិសោធន៍ នៃកិច្ចសហប្រតិបត្តិការ និងការវិនិយោគរបស់ក្រុមហ៊ុននៅកម្ពុជា ក្នុងរយៈពេល២២ឆ្នាំកន្លងទៅនេះ។

បន្ថែមពីនេះ ក្រុមហ៊ុនក៏បានរំលេចផងដែរថា ចាប់តាំងពីផ្តើមប្រតិបត្តិការដំបូងនៅប្រទេសកម្ពុជា ក្រៅពីកិច្ចការងារវិនិយោគ ក្រុមហ៊ុន បានចូលរួមការងារសង្គមនៅកម្ពុជា ជាបន្តបន្ទាប់រហូតមកដូចជាការកសាងសាលារៀន មន្ទីរពេទ្យ និងការផ្តល់ជំនួយដល់ប្រជាពលរដ្ឋនៅសហគមន៍ជាដើម៕

ដោយៈ ជេស៊ីកា

        ភ្នំពេញៈ អ្នកវិនិយោគជាតិ អន្តរជាតិបានចាប់ផ្តើមស្វែងរកឱកា​សវិនិយោគលើវិស័យជាច្រើននៅកម្ពុជា។ នេះបើតាមការលើកឡើងរបស់អ្នកស្រីអាន សុធីតាអគ្គនាយិកាក្រុមហ៊ុនPropNex Cambodia។

អ្នកស្រីបានមានប្រសាសន៍ឲ្យដឹង ក្នុងបណ្តាញតេឡេក្រាមកាលពីថ្ងៃទី២៥ តុលាថា សកម្មភាពទិញ លក់និងការវិនិយោគក្នុង    វិស័យអចលនទ្រព្យ ហាក់មិនទាន់មានសញ្ញាល្អប្រសើរនៅឡើយទេ អ្វីៗត្រូវការពេលវេលាបន្ថែមទៀត ប៉ុន្តែមានអ្នកធុរកិច្ចតូច ធំទាំងជាតិ និងអន្តរជាតិ បាននិងកំពុងស្វែងរកឱកាសវិនិយោគ ក្នុងវិស័យជាច្រើនផងដែរ។អ្នកស្រីបានឲ្យដឹងថា អ្នកវិនិយោគ ដែលកំពុងស្វែងរកឱកាសវិនិយោគនោះ ភាគច្រើនផ្តោតលើវិស័យឧស្សាហកម្ម សេវាកម្មបដិសណ្ឋារកិច្ច សណ្ឋាគារ កសិកម្ម និងវិស័យអចលនទ្រព្យផងដែរ។

យោងតាមលោកជា វុទ្ឋីអគ្គលេខាធិការក្រុមប្រឹក្សាអភិវឌ្ឍន៍កម្ពុជាបានលើកឡើងកាលពីដើមសប្តាហ៍នេះថា ក្នុងរយៈពេល៩ខែដើមឆ្នាំនេះ CDCបានអនុម័តទុនវិនិយោគ ជិត៤០០០លានដុល្លារអាមេរិក ដែលភាគច្រើនជាការវិនិយោគ ក្នុងវិស័យឧស្សាហកម្ម ហើយវិនិយោគិនឈានមុខគេនៅកម្ពុជា គឺមកពីប្រទេសចិន ដោយគ្របដណ្ត​ប់ទុនវិនិយោគប្រមាណ៧០ភាគរយ នៃទំហំទុនវិនិយោគសរុប៕

ដោយ: គង់ លាងហួរ

អន្តរជាតិ: ក្រុមហ៊ុនជំនាញផលិតថាមពល ឈានមុខគេរបស់ប្រទេសថៃ B.Grimm Power Plc (BGRIM) បានបន្តការពង្រីករបស់ខ្លួន នៅក្នុងវិស័យថាមពលកកើតឡើងវិញ ដោយថ្មីៗនេះ ក្រុមហ៊ុនបានផ្តួចផ្តើម គម្រោងរោងចក្រថាមពលពន្លឺព្រះអាទិត្យ នៅក្នុងប្រទេសអ៊ីតាលី។

លោក Harald Link ប្រធានក្រុមហ៊ុនBGRIM បានមានប្រសា​សន៍ថា ក្រុមហ៊ុនបានប្តេជ្ញាចិត្តក្នុងការសាងសង់ និងអភិវឌ្ឍរោងចក្រថាមពលកកើតឡើងវិញ នៅក្នុងប្រទេសកម្ពុជា កូរ៉េខាងត្បូង ជប៉ុន វៀតណាម ហ្វីលីពីន ក្រិក សហរដ្ឋអាមេរិក អូស្ត្រាលី អារ៉ាប់រួម អារ៉ាប៊ីសាអូឌីត និងប្រទេសថៃ។
តួយ៉ាង កាលពីឆ្នាំ២០២១កន្លងទៅ ក្រុមហ៊ុនB.Grimm Power Plc (BGRIM) បានសម្រេចចូលមកបណ្តាក់ទុននៅកម្ពុជា លើគម្រោងថាមពលពន្លឺព្រះអាទិត្យ ក្រោយពីទទួលបានប្រាក់កម្ចីចំនួន២៨,១លានដុល្លារអាមេរិក ពីធនាគារធំៗចំនួន៣របស់ប្រទេសថៃ។លោក Link បានបន្តថា ពេញមួយឆ្នាំ២០២៣នេះ ក្រុមហ៊ុនរបស់លោកបានបោះទុនវិនិយោគ លើរោងចក្រថាមពលកកើតឡើងវិញ ក្រោមគម្រោងក្រុមហ៊ុនបុត្រសម្ព័ន្ធ និងក្រុមហ៊ុនបណ្តាក់ទុនរួមគ្នា។លោក​ Link បាន​បញ្ជាក់ទៀតថា​ “ក្រុមហ៊ុន B.Grimm Power ក៏ត្រូវ​បាន​ជ្រើសរើស​ឱ្យផលិត និង​ផ្គត់ផ្គង់​អគ្គិសនី​ចេញពី​ប្រភព​កកើ​ត​ឡើង​វិញ​សម្រាប់​រដ្ឋាភិបាល​ថៃ​ ចំនួន៣៣៩មេហ្គាវ៉ាត់ផងដែរ”។

លោក Link បានបន្ថែមថា “ការវិនិយោគដទៃផ្សេងទៀតរបស់ក្រុមហ៊ុនរួមមាន រោងចក្រថាមពលពន្លឺព្រះអាទិត្យ នៅក្នុងប្រទេសម៉ាឡេស៊ី ដែលមានសមត្ថភាពផលិត ថាមពលសរុប៩០មេហ្គាវ៉ាត់ និងរោងចក្រថាមពលពន្លឺព្រះអាទិត្យ ដែលមានសមត្ថភាពផលិតថាម​ពល៩៩មេហ្គាវ៉ាត់ នៅប្រទេសកូរ៉េខាងត្បូង”៕

ដោយ: គង់ លាងហួរ
ម៉ារ៉ុក: មូលនិធិរូបិយវត្ថុអន្តរជាតិ(IMF) បានបន្ទាបការព្យាកររបស់ខ្លួនសម្រាប់កំណើនសេដ្ឋកិច្ចចិន និងតំបន់ចាយប្រាក់អឺរ៉ូ ដោយបាននិយាយថា កំណើនសេដ្ឋកិច្ចសកលលោកទាំងមូលនៅតែមានកម្រិតទាប និងមិនស្មើគ្នា។

IMF បានរក្សាការព្យាករសម្រាប់កំណើន GDP ពិតប្រាកដរបស់ពិភពលោកក្នុងឆ្នាំ២០២៣ក្នុងរង្វង់៣,០%ដដែល នៅក្នុងទស្សនវិស័យសេដ្ឋកិច្ចពិភពលោកចុងក្រោយ (WEO) ប៉ុន្តែ IMF បានបន្ទាបការព្យាករចំនួន០,១ភាគរយសម្រាប់កំណើនសេដ្ឋកិច្ចសកលនៅឆ្នាំ២០២៤ មកនៅត្រឹម២,៩ភាគរយធៀបនឹងការព្យាករក្នុងខែកក្កដារបស់ខ្លួន។

ប្រធានសេដ្ឋវិទូរបស់ IMF លោកស្រី Pierre-Olivier Gourinchas បានប្រាប់អ្នកយកព័ត៌មានថា សេដ្ឋកិច្ចពិភពលោកបានបន្តងើបឡើងវិញពីជំងឺរាតត្បាត  ការឈ្លានពានរបស់រុស្ស៊ីលើអ៊ុយក្រែន និងវិបត្តិថាមពលកាលពីឆ្នាំមុន ប៉ុន្តែនិន្នាការកំណើនមានភាពខុសប្លែកគ្នាកាន់តែខ្លាំងឡើងនៅទូទាំងពិភពលោក។លោកស្រី Gourinchas បានបន្តថា ជាទូទៅ ការព្យាករទាំងនេះបានចង្អុលបង្ហាញឱ្យឃើញពីការធ្លាក់ចុះនៃសេដ្ឋកិច្ចក្នុងកម្រិតមួយសមរម្យ ប៉ុន្តែ IMF នៅតែមានការព្រួយបារម្ភអំពីហានិភ័យទាក់ទងនឹងវិបត្តិអចលនទ្រព្យនៅក្នុងប្រទេសចិន តម្លៃទំនិញដែលប្រែប្រួលខ្លាំង ការបែងចែកភូមិសាស្ត្រនយោបាយ និងការកើនឡើងវិញនៃអតិផរណា។

លោកស្រីបញ្ជាក់ថា សេដ្ឋកិច្ចពិភពលោកកំពុងបង្ហាញពីភាពធន់ ហើយសេដ្ឋកិច្ចពិភពលោកមិនរងការភ្ញាកផ្អើលខ្លាំង ដោយសារការតក់ស្លុតដ៏ដែលវាបានជួបប្រទះក្នុងរយៈពេលពីរ ឬបីឆ្នាំចុងក្រោយនេះនោះទេប៉ុន្តែសេដ្ឋកិច្ចក៏មិនបានដំណើរការល្អពេកដែរ។

IMF បានបង្កើនការព្យាកររបស់ខ្លួនសម្រាប់កំណើនសេដ្ឋកិច្ចអាមេរិក ដែលជាសេដ្ឋកិច្ចធំជាងគេរបស់ពិភពលោកចំនួន០,៣ភាគរយ ឡើងដល់២,១ភាគរយសម្រាប់ឆ្នាំនេះ និងបង្កើនចំនួន០,៥ភាគរយ ដល់១,៥ភាគរយ សម្រាប់ឆ្នាំ២០២៤។

ផ្ទុយទៅវិញ IMF ព្យាករថា សេដ្ឋកិច្ចចិននឹងកើនឡើង៥ភាគរយនៅឆ្នាំនេះ និង៤,២ភាគរយនៅឆ្នាំ២០២៤ ដែលការព្យាករថ្មីនេះឆ្លុះបញ្ចាំងពីការធ្លាក់ចុះចំនួន០,២%និង០,៣%រៀងៗគ្នាបើធៀបនឹងការព្យាករកាលពីលើកមុន។

លើសពីនេះ IMF ក៏បានបន្ទាបការព្យាករកំណើនសេដ្ឋកិច្ចសម្រាប់តំបន់ចាយប្រាក់អឺរ៉ូមកត្រឹម០,៧ភាគរយសម្រាប់ឆ្នាំនេះ និង១,២ភាគរយសម្រាប់ឆ្នាំ២០២៤ បើធៀបនឹងការព្យាករ០,៩% និង១,៥%រៀងៗគ្នាកាលពីខែកក្កដាកន្លងទៅ៕

ដោយ: គង់ លាងហួរ
អន្តរជាតិ: កាលពីថ្ងៃចន្ទទី២៣ ខែតុលា កន្លងទៅនាយករដ្ឋមន្រ្តីជប៉ុន លោក Fumio kishida បានប្រកាសដាក់ចេញនូវវិធានការអាទិភាពមួយចំនួនទៅក្នុងផែនការជំរុញកំណើនសេដ្ឋកិច្ចជាតិឡើងវិញ។

ទាក់ទិនទៅនឹងគោលនយោបាយការបរទេសរបស់ប្រទេសជប៉ុនលោក kishida បានផ្តោតជាសំខាន់លើទំនាក់ទំនងជាមួយប្រទេសចិន និងកូរ៉េខាងជើង។ លោក kishida បានថ្លែងបែបនេះនៅក្នុងសភាស្របពេលដែលប្រជាប្រិយភាពរបស់លោកកំពុងធ្លាក់ចុះខ្លាំង។កម្រិតប្រជាប្រិយភាពរបស់លោក fumio kishida បានធ្លាក់ចុះយ៉ាងគំហុកនៅក្នុងរយៈពេលប៉ុន្មានខែចុងក្រោយនេះចាប់តាំងពីបានចូលកាន់តំណែងជានាយករដ្ឋមន្រ្តីជប៉ុនកាលពី ខែ តុលា ឆ្នាំ២០២១។

ការធ្លាក់ចុះនៃប្រជាប្រិយភាព នេះអាចជះផលប៉ះពាល់មិនត្រឹមតែតំណែងលោក kishida ក្នុងនាមជាប្រមុខរដ្ឋាភិបាលជប៉ុនប៉ុណ្ណោះទេ ប៉ុន្តែវាក៏ជះផលប៉ះពាល់ផងដែរដល់តំណែងរបស់លោកក្នុងនាមជាប្រធានគណបក្សប្រជាធិបតេយ្យសេរី ស្របពេលដែលការបោះឆ្នោត ជ្រើសរើសប្រធានថ្មីរបស់គណបក្សនេះគ្រោងនឹងរៀបចំធ្វើឡើងនៅឆ្នាំ២០២៤ខាងមុខនេះ។

“សេដ្ឋកិច្ច សេដ្ឋកិច្ច សេដ្ឋកិច្ច សេដ្ឋកិច្ច ជាវិស័យសំខាន់ជាងគេ និងជាអាទិភាពរបស់ខ្ញុំ”គឺជាពាក្យនិងប្រយោគ ដែលលោក kishida បានបញ្ជាក់ជាច្រើនលើកជាច្រើនសារនៅក្នុងការថ្លែងសុន្ទរកថារបស់លោកនៅឯសភាកាលពីថ្ងៃចន្ទម្សិលមិញ។

វិធានការអាទិភាពចំនួន៣ចំណុច ដែលលោក kishida បានដាក់បញ្ចូលទៅក្នុងផែនការថ្មីនោះរួមមានដូចជាវិធានការទី១: កាត់បន្ថយការប្រមូលពន្ធពីប្រជាពលរដ្ឋ វិធានការទី២:ដំឡើងប្រាក់ខែ និងវិធានទី៣: ជំរុញឱ្យរោងចក្រ និងសហគ្រាសបង្កើនការវិនិយោគរបស់ពួកគេ។ លោកបានបន្ថែមថា ក្នុងរយៈពេល២ឬ៣ឆ្នាំខាងមុខនេះ រដ្ឋាភិបាលជប៉ុននឹងពង្រឹងវិធានការគាំទ្រ ដែលអាចចូលរួមជួយពង្រឹងសមត្ថភាពផ្គត់ផ្គង់របស់ប្រទេសនេះ ដោយផ្តោតជាសំខាន់ទៅលើការវិនិយោគ នៅក្នុងវិស័យដែលទាក់ទងនឹងសន្តិសុខជាតិជាពិសេស ក្នុងវិស័យបន្ទះsemiconductor។

ជាមួយនឹងទីក្រុងប៉េកាំងលោក kishida ចង់បានទំនាក់ទំនងមួយប្រកបដោយស្ថិរភាព និងការស្ថាបនា។ ទោះជាយ៉ាងនេះក្តីលោកក៏បានអំពាវនាវឱ្យប្រទេសចិនដកចេញនូវវិធានការហាមឃាត់ការនាំចូលគ្រឿងសមុទ្រ ពីប្រទេសជប៉ុនផងដែរ។

ជាក់ស្តែងប្រទេសចិន បានផ្អាកការនាំចូលគ្រឿងសមុទ្រពីប្រទេសជប៉ុនចាប់តាំងពីដំណាច់ខែសីហាឆ្នាំនេះមកម្ល៉េះ ខណៈដែលទីក្រុងតូក្យូបានសម្រេចចិត្តបង្ហូរទឹកចេញពីរោងចក្រនុយក្លេអ៊ែរ Fukushima ចូលទៅក្នុងសមុទ្រ៕

ដោយ: គង់ លាងហួរ
អន្តរជាតិ: អតីតកប៉ាល់ទេសចរណ៍ខ្នាតយក្ស MV Doulos Hope ដែលបច្ចុប្បន្នប្រែក្លាយជាបណ្ណាល័យ ឬបណ្ណាគារអណ្តែតទឹកដ៏ធំបំផុតរបស់ពិភពលោក ដែលជាកម្មសិទ្ធិរបស់អង្គការសប្បុរសធម៌អាល្លឺម៉ង់GBA Ships បានធ្វើដំណើរទៅកាន់ទីក្រុងបាងកក កាលពីដើមសប្តាហ៍នេះ។

កប៉ាល់ខ្នាតយក្សនេះបាន និងកំពុងចូលចតនៅឯកំពង់ផែបាងកកក្នុងសង្កាត់ Khong Toei រហូតដល់ថ្ងៃទី២៦ ខែវិច្ឆិកា។ដោយត្រូវបានសាងសង់ឡើងក្នុងឆ្នាំ១៩៨៩ ក្នុងនាមជាកប៉ាល់ទេសចរណ៍ខ្នាតយក្ស ប៉ុន្តែឥឡូវនេះវាក្លាយជាបណ្ណាល័យ ឬបណ្ណា គារអណ្តែតទឹក MV Doulos Hope ដែលមានដាក់តាំងសៀវភៅអប់រំជាភាសាអង់គ្លេសជាង២.០០០ចំណងជើង ដែលអ្នកទស្សនាអាចទិញបានក្នុងតម្លៃពិសេស។

មុននឹងចូលចតនៅប្រទេសថៃ កប៉ាល់ MV Doulos Hope ត្រូវបានចតនៅកំពង់ផែ Kota Kinabalu របស់ប្រទេសម៉ាឡេស៊ី ហើយបន្ទាប់ពីចាកចេញពីទីក្រុងបាងកក វានឹងចេញដំណើរទៅកាន់ខេត្តព្រះសីហនុ ក្នុងប្រទេសកម្ពុជារបស់យើង។

ខណៈពេលដែលស្ថិតនៅក្នុងប្រទេសថៃ អ្នកស្ម័គ្រចិត្តនៅលើកប៉ាល់ ដែលមកពីបណ្តាប្រទេសជាង៣០ នឹងទៅទស្សនាសហគមន៍ជុំវិញកំពង់ផែ សម្រាប់សកម្មភាពផ្លាស់ប្តូរការអប់រំ និងវប្បធម៌។

កប៉ាល់នេះ បានបើកទទួលភ្ញៀវជារៀងរាល់ថ្ងៃ លើកលែងតែថ្ងៃចន្ទ ចាប់ពីម៉ោង២រសៀលរហូតដល់ម៉ោង៩យប់។  តម្លៃចូលមកកាន់កប៉ាល់គឺ៣០បាត ក្នុងមនុស្សម្នាក់ ហើយឥតគិតថ្លៃសម្រាប់កុមារអាយុក្រោម១២ឆ្នាំ និងមនុស្សចាស់ដែលមានអាយុលើសពី៦៥ឆ្នាំ៕