ក្រុមហ៊ុនជប៉ុនមួយចង់វិនិយោគក្នុងខេត្តរតនគិរីលើគម្រោង ភ្លើងបំភ្លឺផ្លូវវៃឆ្លាត

ដោយៈ ហ្វីអូណា

រតនគិរីៈ តំណាងក្រុមហ៊ុន Minebee Mitsumi របស់ជប៉ុនបានជួបពិភាក្សាជាមួយអភិបាលខេត្តរតនគិរី ពីស្ថានភាពនៃការប្រើប្រាស់អំពូល Smart City និងមានបំណងចង់វិនិយោគ លើគម្រោងភ្លើងបំភ្លឺផ្លូវសាធារណៈវៃឆ្លាត ដើម្បីចូលរួមចំណែកក្នុងការអភិវឌ្ឍ ខេត្តភាគឦសានមួយនេះ។

ជំនួបពិភាក្សាការងារគ្នានេះ បានធ្វើឡើងកាលពីថ្ងៃទី៤ ខែកក្កដា រវាងលោក ញ៉ែម សំអឿន អភិបាលខេត្តរតនគិរី ជាមួយនឹងតំណាងក្រុមហ៊ុន Mine beeMitsumi ដែលដឹកនាំដោយលោក អា អូគី។យោងតាមមន្ទីរព័ត៌មានខេត្តរតនគិរីបានឱ្យដឹងថា ក្នុងកិច្ចពិភាក្សានេះ លោក អា អូគី បានលើកពីវិសាលភាព នៃប្រតិបត្តិការអាជីវកម្មរបស់ក្រុមហ៊ុន នៅក្នុងប្រទេសជប៉ុន ទាក់ទងនឹងការវិនិយោគលើគម្រោងភ្លើងបំភ្លឺផ្លូវសាធារណៈវៃឆ្លាត(Smart LED) និងមានបំណងចង់វិនិយោគលើវិស័យនេះ នៅខេត្តរតនគិរី ដោយលោកក៏បានបង្ហាញសុច្ឆន្ទៈ ក្នុងការសហប្រតិបត្តិការ ជាមួយរដ្ឋបាលខេត្តរតនគិរី ដើម្បីចូលរួមចំណែកអភិវឌ្ឍខេត្តនេះបន្ថែមទៀត។

ជាការឆ្លើយតប លោក ញ៉ែម សំអឿន បានលើកឡើងថា អាជ្ញាធរខេត្តពិតជាស្វាគមន៍ចំពោះក្រុមហ៊ុនជប៉ុន ដែលចង់វិនិយោគលើគម្រោងភ្លើងបំភ្លឺផ្លូវសាធារណៈវៃឆ្លាតនេះ ពីព្រោះខេត្តរតនគិរីជាខេត្តដែលមានសក្តានុពលទាំងធនធានធម្មជាតិ និងទាំងវប្បធម៌ ប្រពៃណីរបស់ជនជាតិដើមភាគតិច។

លោកបានថ្លែងថា “រដ្ឋបាលខេត្តសូមគាំទ្រ និងការប្តេជ្ញាចិត្តយ៉ាងមុតមាំ ដើម្បីស្វាគមន៍និងជួយសម្រួល ដល់ក្រុមហ៊ុនរបស់ជប៉ុនដែលមានបំណងមកវិនិយោគ នៅក្នុងខេត្តរតនគិរីយើងផងដែរ”៕

អគ្គនាយកERA ទីផ្សារខុនដូស្ងប់ស្ងាត់សម្រាប់ទីផ្សារក្នុងស្រុក ប៉ុន្តែទីផ្សារបរទេសកំពុងងើបឡើង

ដោយៈ គង់ សូរិយា

ភ្នំពេញៈ អគ្គនាយកក្រុមហ៊ុនERA Cambodia លោកខន គង្គា បានថ្លែងថា ទីផ្សារក្នុងស្រុកហាក់មានសភាពស្ងប់ស្ងាត់បន្តិច ប៉ុន្តែទីផ្សារបរទេសបានងើបឡើងវិញ។

លោកបានមានប្រសាសន៍ឲ្យដឹង តាមបណ្តាញតេឡេក្រាមកាលពីថ្ងៃទី៥ កក្កដាថា ទាំងតម្រូវការទិញលក់ ការជួល មានសញ្ញាប្រសើរឡើង សម្រាប់ទីផ្សារជនបរទេស ប៉ុន្តែទីផ្សារក្នុងស្រុកហាក់ស្ថិតនៅទ្រឹង តែយ៉ាងណាយើងរំពឹងថា អ្វីៗនឹងមានសភាពប្រសើរឡើងនៅក្រោយការបោះឆ្នោត។ លោកបន្តថា “ទីផ្សារនេះនៅតែមានសុទិដ្ឋិនិយម សម្រាប់ពេលអនាគត ទាំងតម្រូវការទិញស្នាក់នៅ ទិញទុកវិនិយោគ និងការជួលយកផលចំណេញ”។

លោកខន គង្គា បានបន្តដោយលើកឡើងថា ការវិនិយោគនៅពេលនេះ ជារឿងល្អបំផុតដោយសារកត្តាមួយចំនួនដូចជា ទី១ តម្លៃខុនដូធ្លាក់ចុះ ដែលអ្នកទិញមានជម្រើសច្រើនជាងមុន ទី២ លក្ខខ័ណ្ឌបង់ប្រាក់មានសភាពអំណោយផលខ្ពស់ ទី៣ អ្នកទិញដឹងពីគំរោងអភិវឌ្ឍន៍ច្បាស់លាស់ថា តើអ្នកណាជាអ្នកអភិវឌ្ឍន៍ ដែលមានភាពរ៉ឹងមាំពិតប្រាកដ និងទី៤ លទ្ឋភាពនៃការចចារបានតម្លៃល្អ និងអាចជ្រើសរើសទៅតាំងបានល្អ ស្របពេលស្ថានភាពនេះបាននិងកំពុងចម្រោះឲ្យឃើញគំរោងល្អ សម្រាប់អ្នកទិញទុកវិនិយោគ ឬជួលយកប្រាក់ប្រចាំខែ។លោកបន្តថា “ផលចំណេញពីវិនិយោគខុនដូនៅកម្ពុជា មានអត្រាចន្លោះពី១០ទៅ១៥ភាគរយក្នុងមួយឆ្នាំ”៕

China leads race to become world’s top cashless society, says British expert

LONDON: China is on track to becoming the world’s top country for cash-free transactions, Kent Matthews, professor of banking and finance at Cardiff University told Xinhua recently in an exclusive interview.
In China, the proportion of the total amount of money in circulation in the form of cash has dropped to 3.7% and is continuing to fall, said Matthews.

“People are using cash much less today than they were 10 or 20 years ago. The trend towards a cashless society is inexorable,” he said, noting that today in Britain cash is about 2.9% of the total money in circulation.

In less than 20 years, China has, with impressive speed, closed the gap with Britain in terms of a cashless society, Matthews noted.

This has shown how fast the technology of cash-free transactions and payment has moved in China and how quickly the Chinese society has accepted it, he said.
Matthews said he would not be surprised if, in the next five years, cash usage declines to less than 2% of the total money in circulation in China. “The adoption of technology in China is much more rapid.”

Recalling how on a recent visit to China he used his phone to buy a mango from a street vendor for just a few pennies, Matthews said the technology in China is very advanced compared to other parts of the world, and that has to do with the digitisation of its economy.

In China, Matthews was amazed to see people who he’d expected to prefer using cash, such as the elderly, small shop owners, and street vendors, used their phones for transactions rather than cash.
“China is setting an example on digital payment to the rest of the world and is showing us
that, in fact, age is not an impediment,” he said.

However, he believes that no country can become totally cashless. “There will always be a need for cash, and it will be impossible for any government to legislate cash away,” he added.

Source: xinhua

កម្ពុជាកំពុងពន្លឿនការកែលម្អផ្លូវដែកល្បឿនលឿនភ្នំពេញ -ខេត្តព្រះសីហនុ

ដោយៈ ម៉ាលីនណា

ភ្នំពេញៈ កម្ពុជាកំពុងដំណើរការកែលម្អ ផ្លូវដែកភាគខាងត្បូងពីភ្នំពេញទៅខេត្តព្រះសីហនុ ពីល្បឿនយឺតឱ្យទៅល្បឿនលឿន ដើម្បីឆ្លើយតបទៅនឹងការកើនឡើង នៃតម្រូវការអ្នកដំណើរ និងការដឹកជញ្ជូនទំនិញពេលបច្ចុប្បន្ន។ នេះបើយោងតាមមន្ត្រីជាន់ខ្ពស់ក្រសួងសាធារណការ និងដឹកជញ្ជូន។

លោកទេសរដ្ឋមន្រ្តីស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងក្នុងកម្មវិធីមួយកាលពីសប្តាហ៍មុន នៅផ្សារអ៊ីអនមានជ័យថា បន្ទាប់ពីបញ្ចប់ការសិក្សា លើការធ្វើឱ្យប្រសើរឡើងខ្សែរថភ្លើង ភាគខាងជើងរវាងភ្នំពេញ-ប៉ោយប៉ែត បច្ចុប្បន្នក្រសួងកំពុងធ្វើការសិក្សា ដើម្បីធ្វើឱ្យប្រសើរឡើងខ្សែរថភ្លើងខាងត្បូង ទៅជារថភ្លើងល្បឿនលឿនផងដែរ។លោកថ្លែងថា “ផ្លូវរថភ្លើងល្បឿនលឿនភ្នំពេញ-ប៉ោយប៉ែត យើងក៏បានបញ្ចប់ការសិក្សាផងដែរ ដែលអាចរត់បាន១៦០ គីឡូម៉ែត្រក្នុង ១ ម៉ោង។ សព្វថ្ងៃនេះ ផ្លូវរថភ្លើងអាចរត់បានក្នុងល្បឿនពី៣០ ឬ៤០ គីឡូម៉ែត្រក្នុង១ម៉ោង ឬច្រើនបំផុត៨០គីឡូម៉ែត្រក្នុង១ម៉ោងប៉ុណ្ណោះនៅខ្សែភាគខាងត្បូង ពីភ្នំពេញទៅខេត្តព្រះសីហនុ។ បើយើងអាចកសាងផ្លូវរថភ្លើងនេះបាន១៦០ គីឡូម៉ែត្រក្នុង១ម៉ោង វានឹងក្លាយជារឿងដ៏ល្អ“។

លោកបញ្ជាក់ថា “ឥឡូវយើងកំពុងសិក្សាផ្លូវរថភ្លើង ពីភ្នំពេញទៅខេត្តព្រះសីហនុ ក៏បានដំឡើងល្បឿនដល់១៦០គីឡូម៉ែត្រ ក្នុង១ម៉ោង”។

លទ្ធផលបឋមនៃការសិក្សាពីលទ្ធភាព ក្នុងការធ្វើឱ្យប្រសើរឡើងផ្លូវរថភ្លើងភ្នំពេញ-ប៉ោយប៉ែត ជាផ្លូវរថភ្លើងល្បឿនលឿនដំបូងគេរបស់កម្ពុជាបង្ហាញថា គម្រោងនេះនឹងត្រូវចំណាយជាង៤ពាន់លានដុល្លារ ហើយនឹងចំណាយពេលវេលា ប្រហែល៤ឆ្នាំដើម្បីបញ្ចប់ការសាងសង់។

ការសិក្សានេះ ធ្វើឡើងដោយក្រុមហ៊ុនសាជីវកម្មស្ពាន ថ្នល់ចិន (CRBC) ដែលជាក្រុមហ៊ុននៅពីក្រោយ ផ្លូវល្បឿនលឿនភ្នំពេញ-ព្រះសីហនុ។ នៅពេលសាងសង់រួច ផ្លូវរថភ្លើងល្បឿនលឿននេះ នឹងផ្តោតលើការធ្វើដំណើររបស់អ្នកដំណើរ និងការដឹកជញ្ជូនទំនិញអន្តរជាតិរវាងកម្ពុជា និងថៃ។ នេះបើយោងតាមការលើកឡើងរបស់លោក ស៊ុន ចាន់ថុល។

រថភ្លើងនេះនឹងអាចធ្វើដំណើរ ក្នុងល្បឿនអតិបរមា១៦០គីឡូម៉ែត្រក្នុង១ម៉ោង ដោយមានស្ថានីយសរុបចំនួន៣៣ទីតាំង នៅតាមដងផ្លូវ។ ស្ពានអាកាសជាង៣០០ នឹងត្រូវសាងសង់ដើម្បីចៀសវាងការប៉ះទង្គិចគ្នារវាងរថភ្លើង និងយានជំនិះនៅលើផ្លូវប្រសព្វ ជាមួយផ្លូវដែក។ តួរថភ្លើងនឹងត្រូវបែងចែកជាផ្នែកៗមួយ សម្រាប់អ្នកដំណើរ និងទំនិញ។

លោក ស៊ិន ចន្ធី ប្រធានសមាគមភ័ស្តុភារកម្ពុជា (CLA)បានមានប្រសាសន៍ថា ការតភ្ជាប់ផ្លូវដែកទាំង២ មានសារៈសំខាន់ណាស់ក្នុងការផ្តល់នូវជម្រើសដឹកជញ្ជូនបន្ថែមទៀត សម្រាប់អ្នកជំនួញព្រោះវានឹងរួមចំណែក ជួយកាត់បន្ថយថ្លៃដើមដឹកជញ្ជូន និងបង្កើនសមត្ថភាពប្រកួតប្រជែងរបស់ប្រទេស។

លោកបន្តថា ផ្លូវដែកល្បឿនលឿន នឹងកាន់តែមានសារៈសំខាន់គឺមិនត្រឹមតែដឹកជញ្ជូនទំនិញ ជាមួយប្រទេសជិតខាងប៉ុណ្ណោះទេ ប៉ុន្តែថែមទាំងលើកកម្ពស់ការដឹកជញ្ជូនអ្នកដំណើរផងដែរ”៕

លោកបណ្ឌិតអោម សេងបូរ៉ា ប្រកាសបង្កើតសហគមន៍បច្ចេកវិទ្យា ក្នុងផែនសហគ្រិន

ដោយៈ សហការី

ភ្នំពេញៈ លោកបណ្ឌិត អោម សេងបូរ៉ា ប្រធានសហគ្រិនវ័យក្មេង បានជួបប្រជុំម្ចាស់អាជីវកម្មជាច្រើន ដែលប្រកបជំនួញពាក់ព័ន្ធនឹងបច្ចេកវិទ្យា ក្នុងគោលបំណងប្រមូលផ្ដុំ ម្ចាស់អាជីវកម្មទាំងនោះ ដើម្បីបង្កើតជាសហគមន៍មួយ ដែលសុទ្ធតែជាអ្នកអាស្រ័យ និង ជាក្រុមជំនាញលើ Digital Marketig។

គោលបំណងនៃការប្រមូលផ្ដុំនេះ គឺដើម្បីចងក្រងអ្នកជំនាញទាំងអស់ជាធ្លុងមួយ និងដើម្បីអត្ថប្រយោជន៍ធំៗចំនួនបី ដូចជា ទី១ ដើម្បីងាយស្រួលគ្រប់គ្រង ពន្ធពីបណ្ដាម្ចាស់អាជីវកម្មជូនដល់រដ្ឋ ទី២ ដើម្បីច្របាច់បញ្ចូលគ្នានូវក្រុមសហគ្រិន ផ្នែកDigital Marketing និង ទី៣ ដើម្បីបង្កើតវិទ្យាល័យDigital Marketing មួយជាប្រយោជន៍ដល់កូនខ្មែរ។គេហទំព័រPropertyarea.asia និងCambodia financial times.Comនឹងគាំទ្រដល់ដំណើរការ និងបេសកកម្មដ៏ថ្លៃថ្លា ដែលទទួលបានការគាំទ្រពីលោកបណ្ឌិតហ៊ុន ម៉ាណែត បេក្ខភាពនាយករដ្ឋមន្រ្តីនាពេលអនាគតផងដែរ៕

តម្លៃអចលនទ្រព្យនៅវៀតណាម បន្តដាំក្បាលចុះខ្លាំង ខណៈ អ្នកវិនិយោគជួបបញ្ហារំហូរសាច់ប្រាក់

ដោយៈ តែម សុខុម

ហូជីមិញ: តម្លៃដី អាផាតម៉ិន ផ្ទះ Townhouse និងវីឡានៅទីក្រុងហូជីមិញ និងបណ្ដាខេត្តជិតខាង នៅតែបន្តធ្លាក់ចុះខ្លាំងហៅមិនឮ ខណៈអ្នកវិនិយោគប្រឈម នឹងបញ្ហារំហូរសាច់ប្រាក់។ នេះបើយោងតាមសារព័ត៌មាន VN Express ចុះផ្សាយកាលពីថ្ងៃអង្គារ ទី៤ ខែកក្កដា។

យោងតាមការស្រាវជ្រាវរបស់សារព័ត៌មាន VNExpress បង្ហាញថា គិតត្រឹមថ្ងៃទី០១ ខែកក្កដា ឆ្នាំនេះ តម្លៃដាក់លក់អាផាតម៉ិននៅតំបន់ភាគខាងកើត នៃទីក្រុងហូជីមិញ បានធ្លាក់ចុះរហូតដល់ទៅប្រមាណ៣៨.១០០ដុល្លារអាមេរិក ហើយផ្ទះTownhouse និងផ្ទះវីឡានៅតំបន់ជាយក្រុងហូជីមិញ និងបណ្ដាខេត្តជិតខាងបានធ្លាក់ថ្លៃច្រើនម៉ឺនដុល្លារអាមេរិក។តម្លៃអាផាតម៉ិនលំដាប់ខ្ពស់មួយចំនួន នៅសង្កាត់លេខ១ នៃក្រុងហូជីមិញ បានធ្លាក់ចុះចន្លោះពី២១០.០០០ដុល្លារអាមេរិក ទៅ៤២០.០០០ដុល្លារអាមេរិក។ ទន្ទឹមនឹងនេះ តម្លៃដីនៅជាយក្រុងហូជីមិញ ក៏បានធ្លាក់ចុះពី៣០%ទៅ៥០%ផងដែរ។

លោក Nguyen Loc Hanh នាយកប្រតិបត្តិក្រុមហ៊ុន Asia Gem Real Estate Investment JSC និយាយថា ការធ្លាក់ថ្លៃអចលនទ្រព្យនាពេលបច្ចុប្បន្ន ក្នុងទីផ្សារបន្ទាប់បន្សំក្នុងប្រទេសវៀតណាម គឺបណ្ដាលមកពីកត្តាសំខាន់ពីរ។

កត្តាទី១ គឺកង្វះរំហូរសាច់ប្រាក់របស់ម្ចាស់អចលនទ្រព្យ ដែលជាអ្នកវិនិយោគបុគ្គល។ កត្តាទី២ គឺតម្រូវការបន្ទាន់ ដែលត្រូវដោះស្រាយបំណុលរបស់អ្នកវិនិយោគជាស្ថាប័ន។

លោកបន្តថា លុះត្រាតែអ្នកវិនិយោគជាបុគ្គល និងអ្នកវិនិយោគជាស្ថាប័ន សម្រេចបាននូវសមតុល្យហិរញ្ញវត្ថុ នោះទើបពួកគេបញ្ឈប់បញ្ចុះតម្លៃអចលនទ្រព្យ៕ VN Express៕

គំរោងខុនដូUrban Village ផ្តល់ជូននូវភាពសប្បាយរីករាយជាមួយសហគមន៍ចម្រុះដំបូងគេ

ដោយៈ គង់ សូរិយា

ភ្នំពេញៈ គំរោងខុនដូ ដែលបានផ្តល់នូវការរស់នៅ បែបសហគមន៍ធំជាងគេនៅរាជធានីភ្នំពេញ បាននិងកំពុងផ្តល់សេវាកម្មកំសាន្តសប្បាយ ការដើរទិញទំនិញ និងញាំអាហារដ៏មានឱជារស។

តើអ្នកកំពុងតែរកមើលកន្លែងកម្សាន្តសប្បាយ និងរីករាយនៅក្នុងសហគមន៍របស់យើងមែនទេ? សូមទស្សនាសហគមន៍ដ៏រស់រវើករបស់យើង សម្រាប់ភាពសប្បាយរីករាយ និងការកម្សាន្តគ្មានទីបញ្ចប់ ជាមួយនឹងអាហារ ភេសជ្ជៈជាច្រើនប្រភេទ និងហាងលក់សម្ភារៈដ៏សម្បូរបែប។ខុនដូនេះ ត្រូវបានវិនិយោគដោយក្រុមហ៊ុនដ៏ធំ មកពីទីក្រុងហុងកុង ដែលផ្តល់នូវស្តង់ដាជីវិត និងការរស់នៅប្រកបដោយផាសុខភាព ភាពស៊ីវិល័យ សហគមន៍រសរវើកមួយ និងកន្លែងធ្វើការរួម ដែលផ្តល់ឲ្យអ្នកចាប់ផ្តើមអាជីវកម្មថ្មីៗអាចជួលធ្វើការ និងរីករាយជាមួយបរិយាកាសដ៏រសរវើក។

គំរោងនេះ សាងសង់លើទំហំដីជាង៧ហិកតា ដែលតភ្ជាប់ពីផ្លួវជាតិលេខ២ រហូតដល់មហាវិថីសម្តេចតេជោ។មកលេងកម្សាន្តជាមួយភាពសប្បាយរីករាយ និងស្វែងរកនូវអ្វីថ្មីដែលសហគមន៍របស់យើងផ្តល់ជូន។

Looking for some fun and excitement in our community? 🤔 Visit our vibrant community for endless fun, entertainment, a variety of food & beverages, and a diversity of retail shops.😎Come join the fun and discover all that our community has to offer!៕

Asian shares fall on growth concerns, focus shifts to Fed minutes

SYDNEY : Asian shares fell on Wednesday after a slowdown in China’s services activity dented sentiment and as markets turned their focus to the release of Federal Reserve minutes and a key U.S. jobs report later in the week.

Market conditions were subdued following the Independence Day public holiday on Wall Street on Tuesday. S&P 500 futures dipped 0.1 per cent and Nasdaq futures fell 0.2 per cent.

MSCI’s broadest index of Asia-Pacific shares outside Japan skidded 0.7 per cent. Japan’s Nikkei also fell 0.4 per cent, marking the second straight session of declines after climbing to fresh three-decade highs.

Australia’s resources heavy shares fell 0.2 per cent after the Reserve Bank of Australia held rates steady on Tuesday but warned of more tightening ahead.

In China, a survey showed the expansion in the services sector continued to slow in June, adding to signs that the country’s post-COVID recovery is losing steam.

“This may feel slightly contrarian at present, but it is an attractive entry point, especially as there are some signs of stabilisation in the US/China relationship.”

Source: Reuters

រដ្ឋាភិបាលចិនអនុញ្ញាតឱ្យក្រុមហ៊ុនអចលនទ្រព្យមួយចំនួន អាចបោះផ្សាយលក់ភាគហ៊ុនថ្មីឡើងវិញបានហើយ

ដោយ: គង់ លាងហួរ

ប៉េកាំង: ក្រុមហ៊ុនអភិវឌ្ឍអចលនទ្រព្យចំនួន៤ ដែលបានចុះបញ្ជីនៅក្នុងប្រទេសចិនបានប្រកាសថា ពួកគេបានទទួលការយល់ព្រមលើការផ្តល់ហិរញ្ញប្បទានឡើងវិញ តាមរយៈការបោះផ្សាយលក់ភាគហ៊ុនសរុប២,៨ពាន់លានដុល្លារ។

ក្រុមអ្នកឃ្លាំមើលមូលបត្ររបស់ប្រទេសចិន បានអនុម័តសំណើរពីក្រុមហ៊ុនអចលនទ្រព្យចំនួន៥ ក្នុងខែនេះ ដើម្បីបោះផ្សាយភាគហ៊ុនថ្មីដែលមានតម្លៃ២៨,៤ពាន់លានយ័ន ដើម្បីកាត់បន្ថយការរឹតបន្តឹងលើការរៃអង្គាសប្រាក់ក្នុងវិស័យនេះ បន្ទាប់ពីវិបត្តិបំណុលបានផ្ទុះឡើងក្នុងឆ្នាំ២០២១។ក្រុមអ្នកបង្កើតគោលនយោបាយ បានដាក់ចេញវិធានការយ៉ាងទូលំទូលាយកាលពីខែវិច្ឆិកាកន្លងទៅ ដើម្បីបង្កើនសាច់ប្រាក់ងាយស្រួល និងស្តារស្ថិរភាពក្នុងវិស័យអចលនទ្រព្យ ប៉ុន្តែទំនុកចិត្តទីផ្សារនៅតែទន់ខ្សោយ ហើយការខកខានសងបំណុល នៅតែបន្តកើតឡើង។

ក្រុមហ៊ុនអចលនទ្រព្យគ្រប់គ្រងដោយរដ្ឋចិន China Merchants Shekou Industrial Zone គឺជាក្រុមហ៊ុនដំបូងគេ ដែលទទួលបានការយល់ព្រមបែបនេះ កាលពីថ្ងៃទី១៦ ខែមិថុនា។

ក្រុមហ៊ុនបានដាក់ពាក្យ សុំបោះផ្សាយលក់ភាគហ៊ុនថ្មីចំនួន៨,៥ពាន់លានយ័ន ដល់វិនិយោគិនចំនួន៣៥រូប ហើយក្រុមហ៊ុននឹងប្រើប្រាស់ប្រាក់ចំណូល ដែលទទួលបានទៅលើគម្រោងលំនៅដ្ឋានដែលមានស្រាប់ចំនួន១០ និងការទូទាត់សងបំណុលផ្សេងទៀត។

ក្រុមហ៊ុនចំនួន៤ផ្សេងទៀត ដែលបានទទួលភ្លើងខៀវកាលពីថ្ងៃអង្គារគឺក្រុមហ៊ុន Poly Developments AMD Holdings ដែលបានចុះបញ្ជីនៅក្រុងសៀងហៃ ក្រុមហ៊ុន Greattown Holdings និងក្រុមហ៊ុន Shenzhen Hubei Fuxing Science and Technology Co និងក្រុមហ៊ុន CCCG Real Estate ។

លោកYan Yuejin នាយកផ្នែកស្រាវជ្រាវនៅវិទ្យាស្ថាន E-House China R&D Institute បានលើកឡើងថា “ប្រសិនបើការបោះផ្សាយលក់ភាគហ៊ុន ត្រូវបានបញ្ចប់ដោយជោគជ័យ នោះវានឹងជួយធ្វើឱ្យប្រសើរឡើង នូវលំហូរសាច់ប្រាក់របស់ក្រុមហ៊ុន និងស្ដារការរំពឹងទុកនៃការវិនិយោគ នៅលើទីផ្សារអចលនទ្រព្យឡើងវិញផងដែរ”៕

កម្ពុជានាំមុខប្រទេសថៃ និង មីយ៉ាន់ម៉ាក្នុងតារាងចំណាត់ថ្នាក់សន្ទស្សន៍សន្តិភាពសកលលោក

ដោយ: គង់ លាងហួរ
អន្តរជាតិ: វិទ្យាស្ថានសេដ្ឋកិច្ច និងសន្តិភាព ដែលមានមូលដ្ឋាននៅទីក្រុងស៊ីដនី ប្រទេសអូស្ត្រាលី បានប្រកាសអំពីសន្ទស្សន៍សន្តិភាពសកលប្រចាំឆ្នាំ២០២៣នេះ ដែលបានផ្តល់ចំណាត់ថ្នាក់ដល់ប្រទេស និងដែនដីចំនួន១៦៣។

ការវាយតម្លៃចំណាត់ថ្នាក់ត្រូវបានធ្វើឡើង ដោយផ្អែកលើលក្ខណៈវិនិច្ឆ័យចំនួន៣ដូចជា កម្រិតសុវត្ថិភាព និងសន្តិសុខសង្គម វិសាលភាពនៃជម្លោះក្នុងស្រុក និងអន្តរជាតិដែលកំពុងបន្ត និងកម្រិតនៃយោធូបនីយកម្ម។ជាក់ស្តែង កម្ពុជាបានចំណាត់ថ្នាក់លេខ១៣ ក្នុងចំណោមបណ្តាប្រទេសនៅតំបន់អាសុីប៉ាសុីហ្វិក តាមពីក្រោយដោយប្រទេសថៃដែលស្ថិតនៅចំណាត់ថ្នាក់ទី១៥ ក្នុងតារាងសន្ទស្សន៍សន្តិភាពសកលប្រចាំឆ្នាំ២០២៣នេះ។

ចំណែក ចំណាត់ថ្នាក់របស់ប្រទេសវៀតណាមនៅក្នុងសន្ទស្សន៍សន្តិភាពសកលឆ្នាំ២០២៣ បានកើនឡើងពីចំណាត់ថ្នាក់ទី៤៤ ដល់ចំណាត់ថ្នាក់ទី៤១។

បើប្រៀបធៀបទៅនឹងបណ្តាប្រទេសដទៃទៀតក្នុងតំបន់អាស៊ីអាគ្នេយ៍ ចំណាត់ថ្នាក់របស់វៀតណាមគឺទាបជាងប្រទេសសិង្ហបុរី (ចំណាត់ថ្នាក់លេខ៦) និងប្រទេសម៉ាឡេស៊ី (ចំណាត់ថ្នាក់លេខ១៩)។

ប៉ុន្តែចំណាត់ថ្នាក់របស់វៀតណាមខ្ពស់ជាងប្រទេសឡាវ (ចំណាត់ថ្នាក់ទី៤៦) ទីម័រខាងកើត (ចំណាត់ថ្នាក់ទី៤៩) ឥណ្ឌូនេស៊ី (ចំណាត់ថ្នាក់ទី៥៣) កម្ពុជា (ចំណាត់ថ្នាក់៧៣) ប្រទេសថៃ (ចំណាត់ថ្នាក់ទី៩២) និងមីយ៉ាន់ម៉ា (ចំណាត់ថ្នាក់ទី១៤៥)។ប្រសិនបើយើងគិតក្នុងចំណោមបណ្តាប្រទេសនៅក្នុងតំបន់អាស៊ីប៉ាស៊ីហ្វិក វៀតណាមជាប់ចំណាត់ថ្នាក់លេខ ៧។បើនិយាយពីជម្លោះក្នុងស្រុក និងអន្តរជាតិដែលកំពុងបន្តកើតឡើង វៀតណាមជាប់ចំណាត់ថ្នាក់លេខ៤៣។ បើនិយាយពីសុវត្ថិភាព និងសន្តិសុខសង្គម វៀតណាមជាប់ចំណាត់ថ្នាក់លេខ ៤៤។ បើនិយាយដល់ផ្នែកយោធូបនីយកម្ម វៀតណាមបានជាប់ចំណាត់ថ្នាក់លេខ៥៥។

នៅទូទាំងពិភពលោក ប្រទេសទាំង៥ ដែលមានសន្ទស្សន៍សន្តិភាពពិភពលោកខ្ពស់បំផុតគឺ ប្រទេសអ៊ីស្លង់ ដាណឺម៉ាក អៀរឡង់ នូវែលសេឡង់ និងប្រទេសអូទ្រីស ខណៈប្រទេស ដែលទទួលបានចំណាត់ថ្នាក់សន្តិភាពទាបបំផុតចំនួន៥ រួមមាន អាហ្គានីស្ថាន យេម៉ែន ស៊ីរី ស៊ូដង់ខាងត្បូង និងសាធារណរដ្ឋប្រជាធិបតេយ្យកុងហ្គោ៕