ធនាគារ ADB រក្សាការព្យាករណ៍កំណើនសេដ្ឋកិច្ចកម្ពុជាក្នុងរង្វង់៦ភាគរយសម្រាប់ឆ្នាំ២០២៤ ខណៈបន្ទាបការព្យាករណ៍សម្រាប់ឆ្នាំ២០២៣នេះ

ដោយ: គង់ លាងហួរ
អន្តរជាតិ: ធនាគារអភិវឌ្ឍអាស៊ី (ADB) បានបន្ទាបការព្យាករណ៍កំណើនសេដ្ឋកិច្ចរបស់កម្ពុជាសម្រាប់ឆ្នាំ២០២៣នេះ មកនៅត្រឹម៥,៣ភាគរយ បើធៀបនឹងការព្យាករពីមុន៥,៥ភាគរយ ដោយសារតែកំណើនឧស្សាហកម្មដើរយឺតជាងការរំពឹងទុក។

តួយ៉ាង ការនាំចេញសម្លៀកបំពាក់ ស្បែកជើង និងទំនិញធ្វើដំណើររបស់កម្ពុជាបានធ្លាក់ចុះ១៨,៦ភាគរយនៅក្នុងឆមាសទីមួយ ឆ្នាំ២០២៣នេះបើធៀបនឹងឆ្នាំមុន។ទោះបីជាយ៉ាងនេះក្តីធនាគារ ADB បានរក្សាការព្យាករណ៍កំណើនសេដ្ឋកិច្ច របស់កម្ពុជាសម្រាប់ឆ្នាំ២០២៤ក្នុងរង្វង់៦ភាគរយដដែល។
ទន្ទឹមគ្នានេះ របាយការណ៍របស់ធនាគារ ADB ក៏បានរក្សាការព្យាករណ៍អត្រាអតិផរណានៅកម្ពុជាសម្រាប់ឆ្នាំនេះក្នុងកម្រិត៣ភាគរយ និងសម្រាប់ឆ្នាំ២០២៤ក្នុងកម្រិត៤ភាគរយផងដែរ។

លោកស្រី Jyotsana Varma នាយិកាធនាគារ ADB ប្រចាំប្រទេសកម្ពុជា បានគូសបញ្ជាក់នៅក្នុងសេចក្តីថ្លែងការណ៍មួយថា “ទស្សនវិស័យកំណើនកាន់តែប្រសើរឡើងនៅក្នុងបណ្តាប្រទេសមានសេដ្ឋកិច្ចជឿនលឿនធំៗ គួរតែជំរុញការនាំចេញរបស់កម្ពុជា សម្រាប់រយៈពេលដែលនៅសេសសល់ក្នុងឆ្នាំ២០២៣នេះ ទោះបីជាកំណើនឧស្សាហកម្មក្នុងស្រុកបានធ្លាក់ចុះកាលពីដើមឆ្នាំនេះយ៉ាងណាក្តី”។

លោកស្រីបានបន្ថែមថា “សេវាកម្មគឺជាអ្នករួមចំណែកដ៏សំខាន់ដល់កំណើនសេដ្ឋកិច្ចកម្ពុជា ខណៈវិស័យនេះបានកើនលើសពីការរំពឹងទុកនៅក្នុងឆមាសទីមួយឆ្នាំ២០២៣នេះ ដែលជំរុញជាចម្បងដោយសារការងើបឡើងវិញនៃវិស័យទេសចរណ៍ដ៏រឹងមាំ”៕Xinhua៕

ASAកិច្ចព្រមព្រៀងផ្នែកអាកាសចរណ៍មួយដែលនឹងផ្តល់ ផលប្រយោជន៍ដល់កម្ពុជា

ដោយៈ គង់ សូរិយា

ភ្នំពេញៈ អ្នកជំនាញទេសចរណ៍ប្រទេសកម្ពុជាបានរំពឹងថា ការរីកចម្រើនប្រកបដោយសក្តានុពល ក្នុងឧស្សាហកម្មទេសចរណ៍នឹងកាន់តែរីកចម្រើន នៅពេលមានការបើកជើងហោះហើរ ត្រង់កាន់តែច្រើនជាមួយប្រទេសផ្សេងទៀត ខណៈថ្មីៗនេះប្រទេសនូវែលសេឡង់ បានបញ្ចប់ការចរចាដោយជោគជ័យ សម្រាប់កិច្ចព្រមព្រៀងសេវាកម្មផ្លូវអាកាស (ASA) ជាមួយអាស៊ាន។

យោងតាមសារព័ត៌មាន Ch-Aviation បន្ទាប់ពីការចរចាដោយជោគជ័យលើកិច្ចព្រមព្រៀង ASA ជាមួយប្រទេសសមាជិកអាស៊ានផ្សេងៗទៀត ដែលបានធ្វើឡើងនៅក្នុងអំឡុងកិច្ចចរចាជុំចុងក្រោយនៅខេត្តសៀមរាបកាលពីថ្ងៃទី ១៣ ខែកញ្ញា កិច្ចព្រមព្រៀងសេវាកម្មអាកាសចរណ៍អាស៊ាន និងប្រទេសនូវែលសេឡង់ (ANZ-ASA) នឹងអនុញ្ញាតឱ្យក្រុមហ៊ុនអាកាសចរណ៍ មកពីបណ្ដាប្រទេសហត្ថលេខីដើម្បីប្រតិបត្តិការសេវាដឹកអ្នកដំណើរ និង/ឬទំនិញបន្ថែមទៀតរវាងតំបន់អាស៊ាន និងប្រទេសនូវែលសេឡង់។ស្ថិតក្រោមកិច្ចព្រមព្រៀងនេះ ក្នុងពិធីសារទី១ នៃកិច្ចព្រមព្រៀង ANZ-ASA ក្រុមហ៊ុនអាកាសចរណ៍ ដែលទទួលបានសិទ្ធិអាចប្រតិ បត្តិការរវាងប្រទេសអាស៊ាន និងនូវែលសេឡង់ ជាមួយសិទ្ធិសេរីភាពចរាចរណ៍ទី៣ និងទី៤ មិនកំណត់។

លើសពីនេះ ក្រុមហ៊ុនអាកាសចរណ៍ដែលទទួលសិទ្ធិ នឹងអាចហោះហើរបាន រហូតដល់សេវាប្រចាំសប្ដាហ៍ចំនួន៧ ជាមួយនឹងសិទ្ធិសេរីភាពចរាចរណ៍ទី៥ បន្ថែមពីលើសិទ្ធិទ្វេភាគី ដែលមានស្រាប់រវាងរដ្ឋជាសមាជិកអាស៊ាននីមួយៗ និងប្រទេសនូវែលសេឡង់ រយៈពេល ១ឆ្នាំ ចាប់ពីថ្ងៃចូលជាធរមាននៃកិច្ចព្រមព្រៀងនេះ និងរហូតដល់១៤ សេវាកម្មប្រចាំសប្តាហ៍ ជាមួយនឹងសិទ្ធិសេរីភាពចរាចរណ៍ លើកទី៥ បន្ថែមលើសិទ្ធិទ្វេភាគី ដែលមានស្រាប់បន្ទាប់ពីរយៈពេល១ឆ្នាំ គិតពីថ្ងៃចូលជាធរមាននៃកិច្ចព្រមព្រៀង។លោក Tom Forster ប្រធានគ្រប់គ្រងបទប្បញ្ញត្តិសេដ្ឋកិច្ចនៅក្រសួងដឹកជញ្ជូនប្រទេសនូវែលសេឡង់ ត្រូវបានដកស្រង់សម្តីដោយលើកឡើងថា វាជាការល្អដែលរដ្ឋាភិបាល អាចទទួលបានកិច្ចព្រមព្រៀងសេវាកម្មផ្លូវអាកាសនេះ។

លោកថ្លែងថា “កិច្ចព្រមព្រៀងសេវាកម្មផ្លូវអាកាសថ្មីនេះ លើកកម្ពស់គុណភាពរួម នៃកិច្ចព្រមព្រៀងសេវាកម្ម ផ្លូវអាកាសរបស់យើងជាមួយអាស៊ាន និងគូសបញ្ជាក់ពីសារៈសំខាន់ នៃការតភ្ជាប់ផ្លូវអាកា សសម្រាប់ពាណិជ្ជកម្ម ទេសចរណ៍ ការអប់រំ និងទំនាក់ទំនងរវាងប្រជាជន និងប្រជាជនផ្សេងទៀត”។

លោកធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិក បានមានប្រសាសន៍ថា វិស័យទេសចរណ៍នៅតែមានសក្ដានុពលខ្ពស់ ក្នុងការរួមចំណែកដល់កំណើនសេដ្ឋកិច្ចរបស់កម្ពុជា ទោះបីមានវិបត្តិសេដ្ឋកិច្ចពិភពលោក នៅពេលបច្ចុប្បន្នក៏ដោយ។ ក្នុងពេលលំបាកនេះ នឹងមានតម្រូវការខ្ពស់សម្រាប់សេវាកម្មរហ័ស និងជម្រើសថែមទៀតលើការដឹកជញ្ជូន។លោកបានបញ្ជាក់ថា “ទោះខ្ញុំសង្កេតឃើញថា ឧស្សាហកម្មនេះមិនទាន់បានស្ទុះងើបឡើងវិញដូចការរំពឹងទុក ដោយសារយើងមិនមានមធ្យោបាយធ្វើដំណើរច្រើន ជាពិសេសការហោះហើរត្រង់ពីគោលដៅផ្សេងទៀត ហើយថែមទាំងមានកំណើនយឺត ជាងប្រទេសជិតខាងរបស់យើងផងដែរ”។ លោកបន្តថា “ដូច្នេះ ការហោះហើរត្រង់កាន់តែច្រើនពីប្រទេសនិងទីក្រុងធំៗផ្សេងទៀត នឹងផ្តល់ឱ្យយើងកាន់តែមានភាពទាក់ទាញ សម្រាប់ភ្ញៀវទេសចរទៅកាន់ប្រទេសនានា”។

លោកបញ្ជាក់ថា ទោះនូវែលសេឡង់ជាប្រទេសតូចមួយ ហើយយើងមិនមាន ជើងហោះហើរត្រង់ជាមួយគេក៏ដោយ ក៏យើងគួរតែទទួលបានអត្ថប្រយោជន៍ពីពួកគេ ដោយសារពួកគេបានភ្ជាប់ជើងហោះហើរត្រង់ ជាមួយប្រទេសអាស៊ានមួយចំនួនផ្សេងទៀត។ ដូច្នេះ នៅពេលដែលយើងមានជើងហោះហើរ ពីប្រទេសនោះ ពួកគេអាចបម្រើជាមជ្ឈមណ្ឌលតភ្ជាប់មកប្រទេសយើង។បើយោងតាមរដ្ឋលេខាធិការដ្ឋានអាកាសចរស៊ីវិល បច្ចុប្បន្នមានក្រុមហ៊ុនអាកាសចរណ៍អន្តរជាតិសរុបចំនួន២៦ បានដំណើរការជើងហោះហើរ ឬស្មើនឹង៨៤៤ ទៅមកក្នុង១សប្តាហ៍ គិតត្រឹមចុងខែឧសភា ដែលរាប់ទាំងជើងហោះហើរក្នុងស្រុក និងក្រៅស្រុក។

ព្រលានយន្តហោះអន្តរជាតិភ្នំពេញ ទទួលបានជើងហោះហើរច្រើនជាងគេ គឺមានដល់ចំនួន៦៣៤ ឬ៧៥,១២ភាគរយ តាមពីក្រោយដោយព្រលានយន្តហោះអន្តរជាតិ ខេត្តសៀមរាប (១៩៦ ស្មើ ២៣,២២ ភាគរយ) និងព្រលានយន្តហោះខេត្តព្រះសីហនុ (២២ ស្មើ ២,៦១ភាគរយ)។

កម្ពុជាមានក្រុមហ៊ុនអាកាសចរណ៍ចំនួន៤៣ បានដំណើរការនៅក្នុងឆ្នាំ២០១៩ មុនពេលមានការរីករាលដាលជំងឺកូវីដ ដោយមិនរាប់បញ្ចូលសេវាហោះហើរលក្ខណៈជួល៕

ក្រុមហ៊ុនអភិវឌ្ឍន៍អចលនទ្រព្យចិនដ៏ធំមួយបានដាក់ពាក្យសុំការពារការក្ស័យធននៅសហរដ្ឋអាមេរិក

ដោយៈ តែម សុខុម

ហុងកុង: Sunac ដែលជាក្រុមហ៊ុនអភិវឌ្ឍន៍អចលនទ្រព្យឈានមុខគេមួយរបស់ប្រទេសចិន បានដាក់ពាក្យសុំការពារការក្ស័យធននៅសហរដ្ឋអាមេរិក ភ្លាមៗបន្ទាប់ពីបានទទួលការយល់ព្រមពីម្ចាស់បំណុលរបស់ខ្លួន នៅក្នុងការរៀបចំបំណុលជិត១០ពាន់លានដុល្លារឡើងវិញ។

ក្រុមហ៊ុននេះបានដាក់ញត្តិ សុំការពារការក្ស័យធន តាមជំពូកទី១៥ ទៅតុលាការទទួលបន្ទុកដោះស្រាយ សំណុំរឿងក្ស័យធននៅសង្កាត់ Southern District ក្នុងក្រុងញូវយ៉ក សហរដ្ឋអាមេរិក កាលពីថ្ងៃអង្គារ ទី១៩ ខែកញ្ញា។នេះគឺជាក្រុមហ៊ុនអភិវឌ្ឍន៍ចិន ខ្នាតយក្សទី២ហើយ ក្នុងរយៈពេលប៉ុន្មានសប្តាហ៍មកនេះ ដែលស្វះស្វែងស្នើសុំការការពារបែបនេះ។ ក្រុមហ៊ុនអភិវឌ្ឍន៍ Evergrande បានស្នើសុំការការពារបែបនេះនៅក្នុងសហរដ្ឋអាមេរិក កាលពីមួយខែមុន បន្ទាប់ពីបានប្រកាសពីការខាតបង់ចំនួន៨១ពាន់លានដុល្លារ ក្នុងរយៈពេលពីរឆ្នាំចុងក្រោយនេះ។

ដំណើរការនេះអនុញ្ញាតឱ្យតុលាការ លូកដៃអន្តរាគមន៍ នៅពេលសំណុំរឿងក្ស័យធន ពាក់ព័ន្ធនឹងប្រទេសមួយផ្សេងទៀត ហើយវាមានបំណង ជួយលើកកម្ពស់កិច្ចសហប្រតិបត្តិការ រវាងតុលាការសហរដ្ឋអាមេរិក កូនបំណុល និងយុត្តាធិការផ្សេងទៀត ដែលពាក់ព័ន្ធនឹងដំណើរការក្ស័យធនឆ្លងដែន។

ការឈានជើងចូលក្នុងដំណើរការនេះ អាចជួយក្រុមហ៊ុន Sunac China ចរចាជាមួយអ្នកផ្តល់ប្រាក់កម្ចីនៅបរទេស ខណៈខ្លួនកំពុងប្រឹងប្រែងរៀបចំបំណុលរបស់ខ្លួនឡើងវិញ៕ CNN៕

ការផ្ទេរកម្មសិទ្ធិខុនដូរបស់ប្រទេសថៃទៅឱ្យជនបរទេសហក់ ឡើង៦៥ភាគរយ

ដោយ: គង់ លាងហួរ

អន្តរជាតិ: តម្រូវការខុនដូពីសំណាក់ជនបរទេស ក្នុងទីផ្សារនៅប្រទេសថៃ បានបន្តកើនឡើង ក្នុងឆមាសទីមួយ ឆ្នាំ២០២៣នេះ ខណៈអ្នកទិញភាគច្រើនបំផុតជាជនជាតិចិន។

កំណើននៃការផ្ទេរខុនដូ ទៅកាន់ជនបរទេស បានបណ្តាលមកពីការបើកដំណើរការឡើងវិញ យ៉ាងពេញលេញរបស់ប្រទេសថៃ នៅក្នុងឆមាសទីពីរ ឆ្នាំ២០២២ ដោយអនុញ្ញាតឱ្យជនបរទេស ដែលបានទិញខុនដូ Presale អាចវិលត្រលប់មកវិញ និងបញ្ចប់ដំណើរការក្នុងការផ្ទេរកម្មសិទ្ធិ។

យោងតាមទិន្នន័យបានបង្ហាញថា ការផ្ទេរកម្មសិទ្ធិខុនដូរបស់ប្រទេសថៃ ទៅឱ្យជនបរទេសបានកើនឡើង៦៥,៦ភាគរយ ក្នុងរយៈពេល៦ខែដំបូង ឆ្នាំនេះ បើធៀបនឹងរយៈពេលដូចគ្នា កាលពីឆ្នាំមុន ដោយសារតែការកើនឡើង នៃគម្រោងដែលទើបនឹងសាងសង់បញ្ចប់ថ្មីៗ។ខុនដូប្រហែល៧.៣៣៨យូនីត ដែលមានតម្លៃសរុបចំនួន ៣៥,២១ពាន់លានបាត (ជិត១ពាន់លានដុល្លារអាមេរិក) ត្រូវបានផ្ទេរទៅកាន់ជនបរទេស ក្នុងកំឡុងខែមករា រហូតដល់ខែមិថុនា ដែលភាគច្រើនស្ថិតនៅក្នុងខេត្តឈុនបុរី និងរាជធានីបាងកក។ នេះបើយោងតាមមជ្ឈមណ្ឌលព័ត៌មានអចលនទ្រព្យ(REIC)។

ជាក់ស្តែង ចំនួនអ្នកទិញជាជនជាតិចិន នៅតែឈរក្នុងលំដាប់កំពូលទី១ តាមពីក្រោយដោយចំនួនអ្នកទិញ ជាជនជាតិរុស្សី និងជនជាតិអាមេរិក។

ចំណែក ចំនួនអ្នកទិញមកពីប្រទេសមីយ៉ាន់ម៉ា ដែលមិនធ្លាប់ស្ថិតក្នុងលំដាប់កំពូលទាំង១០ កាលពីមុនឆ្នាំ២០២២ ប៉ុន្តែពេលនេះ ចំនួនអតិថិជនមកពីមីយ៉ាន់ម៉ា បានស្ថិតនៅលំដាប់ទី៨ បន្ទាប់ពីស្ថិតនៅលំដាប់ទី៦ កាលពីឆ្នាំមុន។ ផ្ទុយទៅវិញ តម្រូវការខុនដូពីជនជាតិថៃក្នុងស្រុក នៅតែមានការធ្លាក់ចុះ។

លោក Vichai Viratkapan អគ្គនាយកស្តីទីនៃមជ្ឈមណ្ឌលព័ត៌មានអចលនទ្រព្យ (REIC)បានមានប្រសាសន៍ថា “ដើម្បីជំរុញសេដ្ឋកិច្ច រដ្ឋាភិបាលថៃ គួរតែលើកកម្ពស់ការទិញខុនដូ ដែលផ្តោតលើជនបរទេស តាមរយៈការបង្កើនកូតាកម្មសិទ្ធិបរទេស នៅក្នុងតំបន់មួយចំនួនដូចជា ប៉ាតាយ៉ា និងភូកេត”៕

កម្ពុជា កំពុងរៀបចំឯកសារស្នើដាក់បញ្ចូលក្រមាខ្មែរ ជាសម្បត្តិបេតិកភណ្ឌវប្បធម៌អរូបី

ភ្នំពេញ នាល្ងាចថ្ងៃទី១៩ ខែកញ្ញានេះ ពីសន្និសីទសារព័ត៌មាននៅក្នុងអាកាសយានដ្ឋានអន្តរជាតិលោក គង់ ពុទ្ធិកា បានបង្ហើបឱ្យដឹងថា “លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ កំពុងរៀបចំឯកសារ ដើម្បីស្នើសុំចុះបញ្ជីក្រមា ទៅក្នុងសម្បត្តិបេតិកភណ្ឌពិភពលោកវប្បធម៌អរូបី”។
ជុំវិញបញ្ហានៃការស្នើដាក់បញ្ចូលក្រមាជាសម្បត្តិបេតិកភណ្ឌពិភពលោករបស់កម្ពុជានេះ ភាគីថៃដែលមានក្រមាដូចនឹងកម្ពុជានោះ ក៏នឹងគ្រោងស្នើទៅអង្គការយូណេស្កូ ដើម្បីដាក់ក្រមាថៃចូលជាសម្បត្តិបេតិកភណ្ឌវប្បធម៌អរូបី។

បើតាមសារព័ត៌មានរបស់ថៃឈ្មោះថា The Nation Thailand កាលពីថ្ងៃទី២១ខែឧសភា ឆ្នាំ២០២៣ កន្លងទៅថ្មីៗនេះ បានចុះផ្សាយថា “ថៃគ្រោងនឹងស្នើអង្គការយូណេស្កូ ចុះបញ្ជីក្រមាថៃ ជាសម្បត្តិបេតិកភណ្ឌវប្បធម៌អរូបី ដើម្បីផ្សព្វផ្សាយវប្បធម៌ថៃទៅកាន់ពិភពលោក”។
ស្ថិតក្នុងបញ្ហាប្រឈមគ្នារវាងភាគីកម្ពុជា-ថៃ ពាក់ព័ន្ធនឹងការចុះបញ្ជីក្រមាចូលជាសម្បត្តិបេតិកភណ្ឌវប្បធម៌អរូបីនេះ លោក គង់ ពុទ្ធិកា បានឆ្លើយតបជាមួយកម្ពុជាថ្មីថា “ នេះជាបញ្ហាប្រឈមមួយរបស់យើង(របស់កម្ពុជា) ដែលយើងត្រូវតែខិតប្រឹងប្រែងគៀងគនូវមិត្តភក្ដិអន្តរជាតិ ដើម្បីគាំទ្រយើងនូវក្នុងការចុះបញ្ជីក្រមានេះ”។

ជាមួយគ្នានេះ លោក គង់ ពុទ្ធិកា ក៏បង្ហាញក្ដីសង្ឈឹមជឿជាក់លើ ក្រុមការងារ ដែលរៀបចំឯកសារចុះបញ្ជីក្រមាខ្មែរជាសម្បត្តិបេតិកភណ្ឌវប្បធម៌អរូបីនេះ នឹងគិតគូរត្រៀមប្រកួតប្រជែង យកបញ្ហាក្រមាដែលកំពុងកើតឡើងរវាងកម្ពុជា-ថៃនេះ ធ្វើជាបញ្ហាអាទិភាពដោះស្រាយ ដើម្បីធ្វើយ៉ាងណាឱ្យក្រមារបស់ខ្មែរបានចូលជាសម្បត្តិបេតិកភណ្ឌវប្បធម៌អរូបី៕

មន្ត្រីជាន់ខ្ពស់អាមេរិកអះអាងថា សេដ្ឋកិច្ចអាមេរិកមិនបានបង្ហាញសញ្ញាណាមួយឆ្ពោះទៅរកការធ្លាក់ចុះនោះទេ

ដោយ: គង់ លាងហួរ

អន្តរជាតិ: លោកស្រី Janet Yellen រដ្ឋមន្ត្រីក្រសួងរតនាគារអាមេរិក លើកឡើងថា លោកស្រីមិនឃើញមានសញ្ញាណាមួយ ដែលបង្ហាញថា សេដ្ឋកិច្ចអាមេរិកកំពុងឈានទៅរកការធ្លាក់ចុះនោះទេ។

ទោះបីជាយ៉ាងនេះក្តី លោកស្រីបានព្រមានថា ការបរាជ័យរបស់សភាក្នុងការអនុម័តច្បាប់ ដើម្បីបន្តធ្វើឱ្យរដ្ឋាភិបាល ដំណើរការទៅមុខ អាចបង្កហានិភ័យចំពោះការធ្លាក់ចុះនៃសន្ទុះសេដ្ឋកិច្ច។

លោកស្រី Yellen បានប្រាប់សារពត៌មាន CNBCថា “ខ្ញុំមិនឃើញសញ្ញាណាមួយ ដែលបង្ហាញថាសេដ្ឋកិច្ចមានហានិភ័យ នៃការធ្លាក់ចុះនោះទេ ដោយកត់សម្គាល់ថា ទីផ្សារការងាររបស់សហរដ្ឋអាមេរិកក៏នៅតែរឹងមាំ ហើយអតិផរណាបាននិងកំពុងធ្លាក់ចុះ”។លោកស្រី Yellen បានបន្តថា “វាឆាប់ពេកក្នុងការវាស់ស្ទង់ពីផលប៉ះពាល់នៃកូដកម្ម ប្រឆាំងនឹងក្រុមហ៊ុនផលិតរថយន្ត នៅទីក្រុង Detroit Three របស់សហរដ្ឋអាមេរិក ដោយកត់សម្គាល់ថា វាអាស្រ័យទៅលើថាតើកូដកម្មនេះ នឹងអូសបន្លាយយូរប៉ុណ្ណា ហើយតើនរណាជាអ្នករងផលប៉ះពាល់”។

លោកស្រី Yellen ដែលជាអតីតប្រធានធនាគារកណ្តាលអាមេរិកបានអះអាងថា ចំណាត់ការរបស់ធនាគារកណ្តាល ក្នុងការដំឡើងអត្រាការប្រាក់ បានចាប់ផ្តើមជះផលប៉ះពាល់ ដល់ទីផ្សារលំនៅដ្ឋាន ប៉ុន្តែការចំណាយរបស់អ្នកប្រើប្រាស់នៅតែរឹងមាំ។

លោកស្រីបានបន្ថែមថា រដ្ឋបាលលោកចូ បៃដិន កំពុងតាមដានយ៉ាងដិតដល់លើតម្លៃប្រេងសាំង បន្ទាប់ពីការកើនឡើងនាពេលថ្មីៗនេះ ហើយលោក បៃដិន បានប្តេជ្ញាចិត្ត និងធានាថា ថាមពលនៅតែមានតម្លៃសមរម្យសម្រាប់ប្រជាជនអាមេរិក៕

អ្នកជំនាញបង្ហើបពីឱកាសវិនិយោគលើផ្នែកមួយនៃវិស័យអចលនទ្រព្យដែលនៅតែមានសក្តានុពល

ដោយៈ គង់ សូរិយា

ភ្នំពេញៈ អ្នកជំនាញបានមើលឃើញថា ផ្នែកមួយនៃវិស័យអចលនទ្រព្យបែបបដិសណ្ឋារកិច្ច និងទេសចរណ៍នៅតែមានឱកាសរីកចម្រើន សម្រាប់រយៈពេលវែងនាពេលខាងមុខ។

ប្រធានសមាគមអចលនទ្រព្យសកល លោកឧកញ៉ាសំ សុខនឿនបានមានប្រសាសន៍ឲ្យដឹង ក្នុងវេទិកានិយាយពីដំណោះស្រាយ ក្នុងវិស័យអចលនទ្រព្យកាលពីសប្តាហ៍មុនថា នៅជុំវិញរាជធានីភ្នំពេញ ចម្ងាយចន្លោះ៣០ ទៅ៥០គីឡូម៉ែត្រ ជាតំបន់ដែលមានឱកាសវិនិយោគលើរមណីយដ្ឋានកែច្នៃ ដើម្បីទាក់ទាញភ្ញៀវទេសចរណ៍ក្នុងស្រុក និងអន្តរជាតិ។

លោកបន្តថា “បច្ចុប្បន្ន នៅថ្ងៃចុងសប្តាហ៍ មិនទាន់មានកន្លែងសំរាប់ភ្ញៀវទេសចរណ៍ជាតិ អន្តរជាតិ ដែលអាចទៅទស្សនា និងលំហែរកំសាន្តបានតាមស្តង់ដាអន្តរជាតិនៅឡើយ”។ លោកបន្តថា “ហេតុនេះការវិនិយោគក្នុងវិស័យនេះ នៅតែមានសារៈសំខាន់ និងឆ្លើយតបតម្រូវការនៅឡើយ”។

ជាមួយគ្នានេះ លោកធួន ស៊ីណានប្រធានសមាគមអាស៊ីប៉ាស៊ីហ្វិកកម្ពុជា(PATA)បានមានប្រសាសន៍ឲ្យដឹងផងដែរថា វិស័យទេសចរណ៍កម្ពុជាពឹងផ្អែកខ្លាំង លើទេសចរណ៍បែបវប្បធ៌ម និងប្រវត្តិសាស្រ្ត ប៉ុន្តែយើងខ្វះការវិនិយោគរមណីយដ្ឋានកែច្នៃ តាមស្តង់ដាអន្តរជាតិនៅឡើយ ដែលបញ្ហានេះ ទាមទារឲ្យមានការវិនិយោគបន្ថែមពីអ្នកវិនិយោគជាតិ អន្តរជាតិ។

លោកបន្តថា “ហេតុនេះការចូលរួមពីវិស័យឯកជន ពិតជាមានសារៈសំខាន់ណាស់ ដើម្បីចូលរួមទាក់ទាញភ្ញៀវទេសចរណ៍អន្តរជាតិមកទស្សនា និងស្នាក់នៅរយៈពេលវែងនៅកម្ពុជា”៕

ស្ពានឆ្លងកាត់ទន្លេបាសាក់ថ្មីមួយនៅ “ក្រុងសំពៅពូន”នឹងសាងសង់ នាពេលខាងមុខ

ដោយៈ គង់ សូរិយា

ភ្នំពេញៈ រាជរដ្ឋាភិបាលកម្ពុជា បានសម្រេចដោះដូរដីរដ្ឋចំនួន៤កន្លែង ដែលមានទំហំសរុបជាង ៣.៧៥៦ហិកតា នៅក្នុងស្រុកកោះធំ ស្រុកលើកដែក និងក្រុងសំពៅពូន នៃខេត្តកណ្តាល ឱ្យទៅក្រុមហ៊ុនឯកជនមួយ ជាថ្នូរនឹងការសាងសង់ហេដ្ឋារចនាសម្ព័ន្ធផ្លូវថ្នល់ ស្ពាននិងអគាររដ្ឋបាល មានតម្លៃសរុបចំនួន៤៥លានដុល្លារ។

នេះបើយោងតាមលិខិតមួយច្បាប់ ចុះលេខ៧៨៥ សជណ.ហធ របស់ទីស្តីការគណៈរដ្ឋមន្ត្រី ដែលបានចុះហត្ថលេខាដោយឯកឧត្តម ហ៊ីង ថូរ៉ាក់ស៊ី រដ្ឋលេខាធិការប្រចាំការ ទីស្តីការគណៈរដ្ឋមន្ត្រី នៅថ្ងៃទី១៨ ខែសីហា ឆ្នាំ២០២៣។

លិខិតនេះបានបញ្ជាក់ឱ្យដឹង ពីសំណើសុំលក់ផ្តាច់នូវទីតាំងដីរដ្ឋចំនួន៤កន្លែង នៃរដ្ឋបាលខេត្តកណ្តាល ដែលមានទំហំសរុបចំនួន ៣៧.៥៦៩.០៧២ម៉ែត្រការ៉េ ស្មើនិងជាង៣.៧៥៦ហិកតា ទៅឱ្យក្រុមហ៊ុនឯកជនមួយគឺក្រុមហ៊ុន ខេធី ឆាយណា អេស៊ា ហ្រ្គីនស៊ីធី អ៊ិនវេសម៉ិនឯ.ក ជាថ្នូរនឹងការសាងសង់ហេដ្ឋារចនាសម្ព័ន្ធ ផ្លូវថ្នល់ ស្ពាន និងអគាររដ្ឋបាលរបស់ក្រុងសំពៅពួន ខេត្តកណ្តាល សរុបជាទឹកប្រាក់មានតម្លៃជាង៤៥លានដុល្លារ។

ទីតាំងដីរដ្ឋទាំង៤កន្លែងនោះ រួមមាន ទីតាំងដីមួយផ្នែកនៃអាងទឹកក្របីកូន អាងទឹកម្លេច អាងទឹកបឹងធំ និងអាងទឹកស្រះ៨ ស្ថិតនៅស្រុកកោះធំ និងក្រុងសំពៅពូន ដោយត្រូវអភិវឌ្ឍហេដ្ឋារចនាសម្ព័ន្ធដូចខាងក្រោម ទី១ ស្ថាបនាផ្លូវដី “ស” ចំនួន២ខ្សែ ប្រវែងសរុបប្រមាណ ២០គីឡូម៉ែត្រ តម្លៃ១២លានដុល្លារ ដោយតភ្ជាប់ពីផ្លូវជាតិលេខ២៣ មកដល់ស្ពានឆ្លងកាត់ទន្លេបាសាក់ថ្មី ក្រុងសំពៅពូន។
ទី២ ស្ថាបនាផ្លូវ “ស” ចំនួន២ខ្សែ ប្រវែងប្រមាណ ៣០គីឡូម៉ែត្រ តម្លៃសរុប៨លានដុល្លារ ចាប់ពីចំណុបប្រសព្វផ្លូវជាតិលេខ២៣ រហូតដល់ផ្លូវប៉ាក់ណាម ឆ្លងកាត់ឃុំលើកដែក ស្រុកកោះធំ និងសង្កាត់ព្រែកជ្រៃ ក្រុងសំពៅពូន។
ទី៣ ស្ថាបនាស្ពានឆ្លងកាត់ទន្លេបាសាក់ ប្រវែង៥០០ម៉ែត្រ ទទឹង ១២ម៉ែត្រ តម្លៃ២៤លានដុល្លារ ឆ្លងកាត់ពីសង្កាត់សំពៅពូន ទៅសង្កាត់ព្រែកជ្រៃ ក្រុងសំពៅពូន។
ទី៤ អគាររដ្ឋបាលក្រុងសំពៅពួនទំហំ៣០ម៉ែត្រ គុណ១៥ម៉ែត្រ កម្ពស់៣ដាន់ រួមទាំងជាន់ផ្ទាល់ដី ដែលមានតម្លៃ១.០៥០.០០០ដុល្លារ។

នៅក្នុងលក្ខខណ្ឌនៃការដោះដូរនេះ ក្រសួងមហាផ្ទៃ និងក្រសួងសេដ្ឋកិច្ចនិងហិរញ្ញវត្ថុ នឹងចេញប្រកាសរួមមួយ ដើម្បីផ្ទេរកម្មសិទ្ធជូនក្រុមហ៊ុនខាងលើ មុនពេលចាប់ផ្តើមដំណើរការសាងសង់ ប្រព័ន្ធហេដ្ឋារចនាសម្ព័ន្ធ ដោយពន្ធនៃការផ្ទេរកម្មសិទ្ធជាបន្ទុករបស់រដ្ឋ។

ចំណែកក្រុមហ៊ុនត្រូវធ្វើការដោះស្រាយ គោលនយោបាយជូនប្រជាពលរដ្ឋប៉ះពាល់ ក្នុងអត្រា០.‌១៥ ទៅ០.២ដុល្លារ ក្នុងមួយម៉ែត្រការ៉េ។ ជាជំហានបន្ទាប់ ក្រសួងមហាផ្ទៃត្រូវដឹកនាំភាគីរដ្ឋាភិបាលនិងភាគីឯកជនដែលពាក់ព័ន្ធ ក្នុងការចាប់ផ្តើមសាងសង់នូវហេដ្ឋារចនាសម្ព័ន្ធមុន នឹងឈានទៅកាន់ការប្រគល់ទទួល ជាកិច្ចបញ្ជប់នីតិវិធីស្តីពីការដោះដូរ៕

Asia stocks slide amid China woes, Japan catches up on chip sell-off

Asian shares sank on Tuesday, as worries about the Chinese property sector weighed on markets from Hong Kong to Australia, while Japanese investors sold chip stocks on their return from a holiday-extended weekend.

Benchmark U.S. Treasury yields hovered near 16-year peaks and the dollar held close to six-month highs as traders braced for a Federal Reserve rate decision on Wednesday, in a week that also sees policy decisions from the Bank of Japan and Bank of England, among others.

Crude oil continued its rally amid tighter supply, stoking worries about stagflation.

MSCI’s broadest index of Asia-Pacific shares (.MIAP00000PUS) slipped 0.3%.

Japan’s Nikkei (.N225) tumbled 1.1% under the weight of big losses for chip-related stocks including Tokyo Electron (8035.T) and Advantest (6857.T).

Japanese markets were closed Monday, when Asian tech stocks sold off following a Reuters report that TSMC (2330.TW) had asked its major vendors to delay deliveries.

John Pearce, CIO at Unisuper, called the news “surprising.”
“The one thing you were almost certain of was that demand for semiconductors was only one way,” he said.

At the same time, “there’s enough lead indicators there to say there’s real softness in the pipeline,” he added.
Hong Kong’s Hang Seng (.HSI) declined 0.3%, with a subindex of tech stocks (.HSTECH) sliding 0.7%.

Chinese property stocks were volatile, with a subindex of Hang Seng developers (.HSMPI) dropping as much as 1.2% at one point, although it was last off 0.2%.

Source: Reuters

China General Nuclear to develop renewable energy base in Laos

BEIJING – China General Nuclear Power Group (CGN) has signed a project development agreement with the government of Laos to develop a renewable energy base in the north of the country, according to a statement released by CGN on Sunday.

The base will incorporate wind, solar, hydro and energy storage capabilities, and will feed into an existing power line that transfers power generated in Laos to China’s Yunnan province, and a second planned 500kV power line between the two.

Laos, a member of China’s ambitious Belt and Road Initiative, has already hosted significant infrastructure investment from China, including a recently-opened high speed railway line between the two countries.

The latest agreement, signed at the China-Asean Expo held in Nanning in southern Guangxi province, advances a memorandum of understanding on the proposed renewable energy base signed between CGN and the Lao government in October 2022.

Power exports to China have formed a key part of landlocked Laos’ development strategy, with China Southern Power Grid Co taking a majority stake in the Laotian national power grid in 2020 to help develop the sector.Source: Reuters

1...912913914...3,380 Page 913 of 3,380