វៀតណាមកំពុងពន្លឿនដំណោះស្រាយគម្រោងអចលនទ្រព្យជាប់គាំង តម្លៃ១២៧ ពាន់លានដុល្លារអាមេរិក

ដោយ: សហសេវិក
អន្តរជាតិ: ប្រទេសវៀតណាមកំពុងពន្លឿនកិច្ចខិតខំប្រឹងប្រែងដើម្បីស្តារគម្រោងអចលនទ្រព្យដែលជាប់គាំងឡើងវិញ ជាផ្នែកមួយនៃយុទ្ធសាស្ត្រដើម្បីជំរុញកំណើនសេដ្ឋកិច្ច និងធ្វើឱ្យតម្លៃលំនៅឋានមានស្ថិរភាព។

គម្រោងអចលនទ្រព្យប្រហែល ៤.៥០០ នៅទូទាំងប្រទេសវៀតណាមកំពុងប្រឈមមុខនឹងការកកស្ទះផ្នែកច្បាប់ ដែលធ្វើឱ្យទឹកប្រាក់ជាង៣,៣ពាន់លានដុង (១២៧
ពាន់លានដុល្លារអាមេរិក) ត្រូវបានជាប់គាំង។

ក្រុមអ្នកជំនាញលើកឡើងថា ការដោះស្រាយគម្រោងដែលជាប់គាំងទាំងនេះអាចជួយជំរុញការផ្គត់ផ្គង់លំនៅឋានយ៉ាងច្រើន និងជួយកាត់បន្ថយតម្លៃអចលនទ្រព្យ។

បញ្ហាមួយក្នុងចំណោមបញ្ហាដែលទីផ្សារជួបប្រទះ មានដូចជា អតុល្យភាពរវាងការផ្គត់ផ្គង់ និងតម្រូវការ។ ផ្នែកលំនៅឋានលំដាប់ខ្ពស់បន្តគ្របដណ្ដប់លើការផ្គត់ផ្គង់ថ្មី ខណៈអ្នកទិញផ្ទះប្រឈមមុខនឹងការលំបាកកាន់តែខ្លាំងឡើងក្នុងការស្វែងរកលំនៅឋានដែលមានតម្លៃសមរម្យ។

ក្រុមអ្នកជំនាញបានអះអាងថា ប្រសិនបើប្រទេសវៀតណាមមានបំណងសម្រេចបាននូវគោលដៅកំណើនសេដ្ឋកិច្ចចាប់ពី១០ភាគរយខ្ទង់ ការពន្លឿនដំណោះស្រាយចំពោះគម្រោងអចលនទ្រព្យដែលជាប់គាំងអាចផ្តល់អត្ថប្រយោជន៍ផ្នែកសេដ្ឋកិច្ច និងសង្គមភ្លាមៗ៕ប្រភព: Vietnamnet.vn៕

តើរាជធានីភ្នំពេញមានសណ្ឋាគារលំដាប់ផ្កាយ៥ចំនួនប៉ុន្មាន? និងអត្រាគ្របដណ្តប់ការប្រើប្រាស់មានប៉ុន្មានភាគរយ?

ដោយៈ គង់ សូរិយា

ភ្នំពេញៈ បច្ចុប្បន្នទីក្រុងភ្នំពេញ មានសណ្ឋាគារប្រហែលចន្លោះពី១៥ ទៅ២០ ដែលត្រូវបានផ្សព្វផ្សាយ ឬវាយតម្លៃជាអចលនទ្រព្យផ្កាយ៥។

ចំណាត់ថ្នាក់នេះ វាអាស្រ័យលើប្រព័ន្ធចាត់ថ្នាក់ ដែលត្រូវបានប្រើប្រាស់ (រដ្ឋាភិបាល ម៉ាកអន្តរជាតិ ភ្នាក់ងារទេសចរណ៍អនឡាញ ឬការវាយតម្លៃក្នុងស្រុក)។

បញ្ជីឧស្សាហកម្មទេសចរណ៍បច្ចុប្បន្ន កំណត់អត្តសញ្ញាណអចលនទ្រព្យផ្កាយ៥ ប្រហែល១៧ នៅទីក្រុងភ្នំពេញ។

ទិន្នន័យកាន់កាប់សណ្ឋាគារទូទាំងទីក្រុង ដែលអាចទុកចិត្តបានសម្រាប់សណ្ឋាគារផ្កាយ៥ទាំងអស់ នៅទីក្រុងភ្នំពេញមានកម្រិត ប៉ុន្តែអ្នកសង្កេតការណ៍ទីផ្សារភាគច្រើនបង្ហាញថា ទី១ សណ្ឋាគារប្រណីតលំដាប់ខ្ពស់ជាទូទៅ កំពុងដំណើរការប្រហែល៦០-៧៥% កាន់កាប់។ទី២ ម៉ាកល្បីៗលំដាប់អន្តរជាតិ ជារឿយៗមានដំណើរការល្អ ជាងទីផ្សារ ដោយសារតែអ្នកធ្វើដំណើរសាជីវកម្ម អ្នកទេសចរការទូត និងទេសចរណ៍លំដាប់ខ្ពស់។

ទី៣ សណ្ឋាគារប្រណីតចាស់ៗ ឬមិនសូវមានភាពខុសគ្នា អាចស្ថិតនៅក្រោមកម្រិតនោះ។ ទី៤ ទីផ្សារស្នាក់នៅរបស់ទីក្រុងភ្នំពេញនៅតែប្រឈមមុខ នឹងការប្រកួតប្រជែងយ៉ាងខ្លាំង ពីអាផាតមិនសេវាកម្ម ខុនដូ និងសណ្ឋាគារថ្មីៗ។

តើការផ្គត់ផ្គង់ធំជាងតម្រូវការទេ? ការផ្គត់ផ្គង់សរុបនៅតែខ្ពស់ជាងតម្រូវការនៅក្នុងទីផ្សារអចលនទ្រព្យ លំដាប់ខ្ពស់របស់ទីក្រុងភ្នំពេញ។

ហេតុផលចម្បងៗមានដូចជា? ១. ការសាងសង់សណ្ឋាគារ និងខុនដូធំៗក្នុងអំឡុងពេលកំណើនឆ្នាំ ២០១៦-២០២០ បានបង្កើតស្តុកបន្ទប់យ៉ាងច្រើន។ ២. ទេសចរណ៍ និងការធ្វើដំណើរអាជីវកម្មបានងើបឡើងវិញ ប៉ុន្តែមិនគ្រប់គ្រាន់ ដើម្បីស្រូបយកការផ្គត់ផ្គង់ប្រណីតទាំងអស់នោះទេ។

៣. សណ្ឋាគារអន្តរជាតិថ្មីៗបន្តចូលទីផ្សារ ដែលបង្កើនការប្រកួតប្រជែង។ ៤. អ្នកវិភាគអចលនទ្រព្យជាច្រើន នៅតែរាយការណ៍ពីអត្រាទំនេរខ្ពស់ នៅក្នុងវិស័យអាផាតមិន និងកន្លែងស្នាក់នៅ ដែលបង្ហាញថា ទីក្រុងមិនទាន់ស្រូបយកស្តុក ដែលមានស្រាប់បានពេញលេញនៅឡើយទេ។

ទស្សនវិស័យសម្រាប់ឆ្នាំ២០២៦-២០២៨ ការសិក្សាបានរកឃើញថា ស្ថានភាពកំពុងប្រសើរឡើងបន្តិចម្តងៗ ដោយសារតែការមកដល់អន្តរជាតិមកកាន់ប្រទេសកម្ពុជាបន្តងើបឡើងវិញ។ ការតភ្ជាប់ផ្លូវអាកាសអន្តរជាតិថ្មីៗកំពុងកើនឡើង។ កំណើននៃការធ្វើដំណើរអាជីវកម្ម និងសន្និសីទកំពុងគាំទ្រដល់សណ្ឋាគារប្រណីត។ ភ្នំពេញកំពុងកាន់តែមានភាពទាក់ទាញ សម្រាប់ការវិនិយោគរបស់ក្រុមហ៊ុនក្នុងតំបន់។

ទោះជាយ៉ាងណាក៏ដោយ អ្នកវិភាគភាគច្រើនមិនរំពឹងថា នឹងមានការខ្វះខាតបន្ទប់សណ្ឋាគារផ្កាយ៥ ក្នុងរយៈពេលប៉ុន្មានឆ្នាំខាងមុខទេ។

ទីផ្សារកំពុងឆ្ពោះទៅរកតុល្យភាព ប៉ុន្តែវានៅតែត្រូវបានគេមើលឃើញជាទូទៅថា ជាទីផ្សាររបស់អ្នកទិញ ដែលមានការប្រកួតប្រជែងខ្លាំងក្នុងចំណោមសណ្ឋាគារប្រណីត ជាជាងទីផ្សារដែលតម្រូវការលើសពីការផ្គត់ផ្គង់យ៉ាងខ្លាំង៕

ក្រុមការងារជម្រុញការវិនិយោគនៅភូមិភាគឦសានបើកកិច្ចប្រជុំលើវឌ្ឍនភាពការងារនិងដាក់ទិសដៅទាក់ទាញការវិនិយោគ

ដោយៈ ចំណាន

ភ្នំពេញៈ មន្រ្តីជាន់ខ្ពស់នៃលេខាធិការដ្ឋាន ក្រុមការងារជំរុញការវិនិយោគក្នុងភូមិភាគឦសាន បើកកិច្ចប្រជុំពិនិត្យវឌ្ឍនភាពនៃការអនុវត្តកម្មវិធីពិសេស សម្រាប់ឆមាសទី១ ឆ្នាំ២០២៦ និងដាក់ចេញទិសដៅអាទិភាពការងារបន្ត។

លោកបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និង ជាប្រធានក្រុមការងារជំរុញការវិនិយោគក្នុងភូមិភាគឦសាន “ក.វ.ឦសាន” បានដឹកនាំកិច្ចប្រជុំលេខាធិការដ្ឋានក្រុមការងារជំរុញការវិនិយោគក្នុងភូមិភាគឦសាន “ក.វ.ឦសាន”។

កិច្ចប្រជុំនេះមានការអញ្ជើញចូលរួមពី ប្រធាន អនុប្រធាន ទីប្រឹក្សា និងសមាជិក សមាជិកាពាក់ព័ន្ធ នៃលេខាធិការដ្ឋានក្រុមការងារ ក្នុងគោលបំណងពិនិត្យវឌ្ឍនភាពការងារ ប្រចាំឆមាសទី១ ឆ្នាំ ២០២៦ នៃការអនុវត្តកម្មវិធីពិសេសជំរុញការវិនិយោគ ក្នុងខេត្តទាំងបួននៅភូមិភាគឦសាន នៃព្រះរាជាណាចក្រកម្ពុជា និង ដាក់ចេញទិសដៅអាទិភាពការងារបន្ត។

លោកបណ្ឌិតសភាចារ្យ បានផ្តល់អនុសាសន៍ជូនលេខាធិការដ្ឋានក្រុមការងារ ឱ្យបន្តយុទ្ធនាការផ្សព្វផ្សាយកម្មវិធីពិសេស និងពង្រីកទំនាក់ទំនង ជាមួយវិនិយោគិន និងភាគីពាក់ព័ន្ធ ដើម្បីជំរុញការវិនិយោគ និងដោះស្រាយបញ្ហាប្រឈមជូនវិនិយោគិន ដោយផ្សារភ្ជាប់ជាមួយ ការសម្របសម្រួលការអនុវត្ត គម្រោងវិនិយោគជាប្រចាំ ដើម្បីលើកកម្ពស់ប្រសិទ្ធភាព នៃគោលការណ៍លើកទឹកចិត្ត ការសម្រួលនីតិវិធី និង ការទទួលបានហិរញ្ញប្បទានសម្រាប់ការវិនិយោគ បានឆាប់រហ័ស ស្របតាមអភិក្រម “ជវភាពនៃប្រព័ន្ធតួអង្គតែមួយ”។

ក្នុងឱកាសនោះ លោកបណ្ឌិតសភាចារ្យ បានណែនាំឱ្យលេខាធិការដ្ឋានក្រុមការងារ ចាប់ផ្តើមគម្រោងសិក្សាស្រាវជ្រាវ អំពីការជំរុញការវិនិយោគលើការកែច្នៃកសិផល និង វិស័យទេសចរណ៍ នៅភូមិភាគឦសាន ឱ្យបានគ្រប់ជ្រុងជ្រោយ ដើម្បីកំណត់បញ្ហាប្រឈមចំពោះមុខ ជាពិសេស ក្នុងបរិការណ៍ដែលពិភពលោកទាំងមូលជួបប្រទះនឹងបញ្ហានៃការកើនឡើងថ្លៃប្រេងឥន្ធនៈ និង ជីកសិកម្ម ព្រមទាំង រៀបចំជាយុទ្ធសាស្ត្រ សម្រាប់ដោះស្រាយបញ្ហាប្រឈម រយៈពេលមធ្យម ដើម្បីជាមូលដ្ឋាន សម្រាប់ការស្នើសុំវិធានការដោះស្រាយសមស្រប៕

កម្ពុជាគ្រោងតភ្ជាប់រវាងច្រកព្រំដែនអន្ដរជាតិម៉ឺនជ័យ-តឹនណាម ក្រោមគម្រោងសាងសង់ផ្លូវជាតិលេ៨

ដោយៈ ម៉ាណា

ភ្នំពេញៈ មន្រ្តីជាន់ខ្ពស់ និងដៃគូអភិវឌ្ឍន៍ បានបើកកិច្ចប្រជុំពិភាក្សាលើការតភ្ជាប់ រវាងច្រកព្រំដែនអន្ដរជាតិម៉ឺនជ័យ -តឹនណាម ក្រោមគម្រោងសាងសង់ផ្លូវជាតិលេ៨ ពីស្ពានព្រែកតាមាក់-ពញាក្រែក (ប្រសព្វផ្លូវជាតិលេខ៧) ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB)។

កិច្ចប្រជុំនេះដឹកនាំដោយលោកជា ជុន អនុរដ្ឋលេខាធិការ និងជានាយករងគម្រោង តំណាងលោកឈួន វិន រដ្ឋលេខាធិការ និងជានាយកគម្រោង បានជួបប្រជុំពិភាក្សាជាមួយ លោក Thomas Herrero Project Team Leader នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ទៅលើការតភ្ជាប់ រវាងច្រកព្រំដែនអន្ដរជាតិម៉ឺនជ័យ-តឹនណាម ក្រោមគម្រោងសាងសង់ផ្លូវជាតិលេ៨ ពីស្ពានព្រែកតាមាក់-ពញាក្រែក (ប្រសព្វផ្លូវជាតិលេខ៧) និងផ្លូវខ្នែងលេខ៨៨ ក្រោមក្របខ័ណ្ឌហិរញ្ញប្បទាន ពីធនាគារវិនិយោគហេដ្ឋារចនាសម្ព័ន្ធអាស៊ី (AIIB)។

កិច្ចប្រជុំនេះ ធ្វើឡើងក្នុងគោលបំណងដើម្បីពិនិត្យ និងពិភាក្សាអំពីសារៈសំខាន់នៃច្រកអន្ដរជាតិម៉ឺនជ័យ-តឹនណាម ដែលជាច្រកព្រំដែនសន្ដិភាព និងមានសារៈសំខាន់ សម្រាប់ការតភ្ជាប់សេដ្ឋកិច្ចរវាងព្រះរាជាណាចក្រកម្ពុជា និងសាធារណរដ្ឋប្រជាមានិតវៀតណាម ដែលជាកត្ដាបង្ហាញឱ្យឃើញច្បាស់ ពីតម្រូវការក្នុងការអនុវត្តគម្រោងសាងសង់កំណាត់ផ្លូវជាតិលេខ៨នេះ ក្នុងគោលបំណងលើកកម្ពស់ការតភ្ជាប់ហេដ្ឋារចនាសម្ព័ន្ធដឹកជញ្ជូនឆ្លងកាត់ព្រំដែន៕

ប្រធានគណកម្មាធិការអាស៊ី អូសេអានីបង្ហាញនូវសុច្ឆន្ទៈ ក្នុងការបន្តកិច្ចសហការផ្សព្វផ្សាយនិងស្វែងយល់ពីសក្តានុពលវិនិយោគកម្ពុជា

ដោយៈ ម៉ាណា

ជប៉ុនៈ ប្រធានគណៈកម្មាធិការអាស៊ី និងអូសេអានី លោកបានបង្ហាញនូវសុច្ឆន្ទៈ ក្នុងការបន្តកិច្ចសហការយ៉ាងជិតស្និទ្ធជាមួយ ក.អ.ក. ក្នុងការផ្សព្វផ្សាយ និងស្វែងយល់ពីសក្តានុពល ទីផ្សាររបស់កម្ពុជា សំដៅឈានទៅកិច្ចសហប្រតិបត្តិការឈ្នះ-ឈ្នះ រួមគ្នារវាងប្រទេសទាំងពីរ តាមរយៈវិស័យឯកជននាពេលអនាគត។

ប្រធានគណៈកម្មាធិការអាស៊ី និងអូសេអានី នៃសហព័ន្ធធុរកិច្ចជប៉ុន (Keidanren) និងជាប្រធានក្រុមហ៊ុន MS&AD Insurance Group Holding. លោក Noriyuki Hara បានថ្លែងបែបនេះ ក្នុងឱកាសលោកអនុញ្ញាត្តឲ្យលោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) បានបន្តដឹកនាំគណៈប្រតិភូកម្ពុជា អញ្ជើញទៅកាន់ទីស្នាក់ការកណ្តាល របស់សហព័ន្ធធុរកិច្ចជប៉ុន (Keidanren)។

ជំនួបពិភាក្សាការងារនាឱកាសនេះ គឺជាសកម្មភាពដែលឆ្លុះបញ្ចាំងពីការខិតខំប្រឹងប្រែង ឥតឈប់ឈររបស់រាជរដ្ឋាភិបាលកម្ពុជា ក្នុងការកសាងជំនឿទុកចិត្ត និងរឹតបន្តឹងភាពជាដៃគូសេដ្ឋកិច្ចជាមួយសហគមន៍ធុរកិច្ចលំដាប់កំពូលរបស់ជប៉ុន។

ផ្លែផ្កានៃកិច្ចពិភាក្សានេះ មិនត្រឹមតែជាកាលានុវត្តភាពក្នុងការទាក់ទាញរលកទុនវិនិយោគ លើវិស័យបច្ចេកវិទ្យាកម្រិតខ្ពស់ និងហិរញ្ញវត្ថុប៉ុណ្ណោះទេ ប៉ុន្តែថែមទាំងជាជំហានឆ្ពោះទៅមុខ ប្រកបដោយភាពរឹងមាំ ក្នុងការជំរុញឱ្យទំនាក់ទំនង នៃភាពជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ជប៉ុន កាន់តែរីកលូតលាស់និងកាន់តែខ្លាំងក្លា៕

នៅក្នុងជំនួបនាព្រឹកនេះ លោកឧបនាយករដ្ឋមន្ត្រី បានគូសបញ្ជាក់ពីតួនាទី ដ៏មានឥទ្ធិពលរបស់សហព័ន្ធ Keidanren ដែលជាតំណាងឱ្យសំឡេងនៃវិស័យឯកជន និងបណ្តុំក្រុមហ៊ុនសាជីវកម្មធំៗរបស់ជប៉ុន។

លោកឧបនាយករដ្ឋមន្ត្រី ក៏បានស្នើឱ្យសហព័ន្ធមេត្តាបន្តដើរតួនាទីជាកាតាលីករ ក្នុងការផ្សព្វផ្សាយអំពីសក្តានុពលរបស់កម្ពុជា និងផ្សារភ្ជាប់រលកវិនិយោគពីជប៉ុន មកកាន់កម្ពុជាបន្ថែមទៀត ជាពិសេសលើវិស័យឧស្សាហកម្មដែលផ្តល់តម្លៃបន្ថែមខ្ពស់ ដូចជា វិស័យឧស្សាហកម្មអេឡិចត្រូនិក និងបច្ចេកវិទ្យាឌីជីថល ជាដើម។

លោកស៊ុន ចាន់ថុល ក៏បានយកឱកាសនេះ ធ្វើការជម្រាបបន្ថែមអំពីសក្តានុពល និងឧត្តមភាពប្រកួតប្រជែងសំខាន់ៗរបស់កម្ពុជា រួមមាន៖ សុខសន្តិភាព ស្ថិរភាពនយោបាយ និងម៉ាក្រូសេដ្ឋកិច្ចដ៏រឹងមាំ, ទីតាំងភូមិសាស្រ្តដែលអំណោយផល, កម្លាំងពលកម្មវ័យក្មេងដ៏មានសក្តានុពល ច្បាប់ស្តីពីការវិនិយោគ ដែលមានលក្ខណៈបើកចំហ ផ្តល់ការលើកទឹកចិត្តខ្ពស់ និងមានភាពបត់បែន ព្រមទាំងផែនការអភិវឌ្ឍន៍ហេដ្ឋារចនាសម្ព័ន្ធរូបវន្តតភ្ជាប់ ឱ្យកាន់តែមានភាពប្រទាក់ក្រឡា សំដៅកាត់បន្ថយការចំណាយដឹកជញ្ជូន និងលើកកម្ពស់វិស័យភស្តុភារកម្មឱ្យកាន់តែមានប្រសិទ្ធភាព និងការដាក់ចេញនូវវិធានការយ៉ាងមុតស្រួចរបស់រដ្ឋាភិបាលកម្ពុជា ក្នុងការកម្ចាត់ការឆបោកតាមប្រព័ន្ធអនឡាញ។

ជាមួយគ្នានេះ លោកឧបនាយករដ្ឋមន្ត្រី បានអញ្ជើញលោកប្រធាន និងក្រុមហ៊ុន ដែលជាសមាជិកនៃសហព័ន្ធធុរកិច្ចជប៉ុន មកទស្សនកិច្ចសិក្សា ពីកាលានុវត្តភាពវិនិយោគ នៅប្រទេសកម្ពុជាដោយផ្ទាល់ផងដែរ៕

វិស័យអចលនទ្រព្យហ្វីលីពីនរំពឹងធ្លាក់ចុះនៅឆមាសទីពីរ ខណៈសង្គ្រាមនៅមជ្ឈិមបូព៌ាកំពុងជះផលអវិជ្ជមាន

ដោយ: សហសេវិក
អន្តរជាតិ: វិស័យអចលនទ្រព្យរបស់ប្រទេសហ្វីលីពីនត្រូវបានគេរំពឹងថា នឹងធ្លាក់ចុះនៅឆមាសទីពីរ ឆ្នាំ២០២៦ ខណៈសង្គ្រាមនៅអ៊ីរ៉ង់ កំណើននៃតម្លៃប្រេង និងអតិផរណា នឹងជះផលប៉ះពាល់លើតម្រូវការ។

ស្ថានភាពនេះនឹងជំរុញឱ្យបណ្តាក្រុមហ៊ុនអភិវឌ្ឍន៍អចលនទ្រព្យពន្យារពេលគម្រោង និងអនុម័តវិធីសាស្រ្តប្រុងប្រយ័ត្នជាងមុន។

ក្រុមអ្នកវិភាគបានលើកឡើងថា កំណើននៃតម្លៃប្រេងឥន្ធនៈ សំណង់ អត្រាការប្រាក់លើកម្ចី និងការធ្លាក់ចុះនៃអំណាចទិញរបស់អ្នកប្រើប្រាស់ នឹងជះឥទ្ធិពលដល់ផ្នែកលំនៅឋាន លក់រាយ និងបដិសណ្ឋារកិច្ចពេញមួយឆ្នាំ២០២៦។ ប៉ុន្តែ តម្រូវការអចលនទ្រព្យផ្នែកឧស្សាហកម្មអាចនឹងមានភាពធន់។

លោក Joey Roi Bondoc នាយកស្រាវជ្រាវនៅក្រុមហ៊ុនប្រឹក្សាអចលនទ្រព្យ Colliers Philippines បានអះអាងថា ផលប៉ះពាល់នៃសង្គ្រាមនៅតំបន់មជ្ឈិមបូព៌ាលើតម្លៃប្រេងឥន្ធនៈ និងខ្សែសង្វាក់ផ្គត់ផ្គង់អាចបន្តដាក់សម្ពាធលើបណ្តាអ្នកអភិវឌ្ឍន៍ និងអ្នកទិញ។

លោកបានបញ្ជាក់ប្រាប់កាសែត BusinessWorld ថា បណ្តាអ្នកអភិវឌ្ឍន៍បានចាប់ផ្តើមពន្យារពេលការសាងសង់ និងធ្វើទីផ្សារលើគម្រោងមួយចំនួន (marketing) ស្របពេលមានការរំពឹងទុកថា តម្រូវការនឹងធ្លាក់ចុះ។

លោកបានបន្ថែមថា “តំបន់មជ្ឈិមបូព៌ាគ្របដណ្តប់ចំណែកប្រហែល១៨ភាគរយនៃប្រាក់ផ្ញើសរុបទៅកាន់ប្រទេសហ្វីលីពីនក្នុងឆ្នាំ២០២៥។ ដូច្នេះ ការណ៍នេះពិតជាមានសារៈសំខាន់ណាស់”។

លោក Claro dG. Cordero, Jr. នាយកផ្នែកស្រាវជ្រាវនៅក្រុមហ៊ុន Cushman & Wakefield Philippines បានអះអាងថា សង្គ្រាមអូសបន្លាយនៅតំបន់មជ្ឈិមបូព៌ានឹងបន្តប៉ះពាល់ដល់ទីផ្សារប្រេង ទោះបីជាភាពតានតឹងថយចុះក៏ដោយ។ ម្យ៉ាង ការផលិតប្រេង និងការដឹកជញ្ជូនតាមច្រកសមុទ្រ Hormuz នឹងត្រូវការពេលវេលាដើម្បីវិលទៅរកលក្ខណៈធម្មតាវិញ៕ប្រភព: Businessworld៕

ក្រុមហ៊ុនអាកាសចរណ៍មកពីខេត្តហៃណាននឹងភ្ជាប់ជើងហោះហើរត្រង់មកកាន់រាជធានីភ្នំពេញ និងខេត្តសៀមរាប

ដោយៈ គង់ សូរិយា

ភ្នំពេញៈ ក្រុមហ៊ុនអាកាសចរណ៍មកពីខេត្តហៃណាន ដែលមានមនុស្សរស់នៅប្រមាណ១០០លាននាក់ នឹងធ្វើការហោះហើរត្រង់មកកាន់ព្រលានយន្តហោះអន្តរជាតិ ខេត្តសៀមរាបនាពេលខាងមុខនេះ។

ព័ត៌មាននេះត្រូវបានបង្ហាញក្នុងឱកាសលោក ទិត ចន្ថា រដ្ឋមន្រ្តីស្តីទី តំណាងដ៏ខ្ពង់ខ្ពស់របស់លោកហួត ហាក់ រដ្ឋមន្រ្តីក្រសួងទេសចរណ៍ បានទទួលជួបប្រជុំជាមួយគណប្រតិភូ មកពីខេត្តហៃណាន នៃសាធារណរដ្ឋប្រជាមានិតចិន ដឹកនាំដោយលោកLY GUO HONG សមាជិកនៃគណៈកម្មាធិការជាតិលើកទី១៤ នៃសន្និសីទប្រឹក្សានយោបាយប្រជាជនចិន ដោយមានការសម្របសម្រួលពីអ្នកឧកញ៉ា លី ឃុនថៃ ជាប្រធានក្រុមប្រឹក្សាភិបាលក្រុមហ៊ុន Cambodia Alpha Group។

ភាគីទាំងពីរបានពិភាក្សា និងឯកភាពគ្នាដូចខាងក្រោម ១-ជំរុញការហោះហើរត្រង់ភ្នំពេញ និងហៃគូវ និងសិក្សាការតភ្ជាប់សៀមរាប និងហៃគូវ ២- ការផ្សព្វផ្សាយការលើកលែងទិដ្ឋាការ ចំពោះទេសចរចិន ៣- ស្នើសុំភាគីចិន ជំរុញការផ្សព្វផ្សាយវទេសចរចិន នៅខេត្តហៃណាន មកទស្សនាកម្ពុជាឱ្យបានប្រមាណ១០% (១០០លាននាក់), ៤- ជំរុញការផ្សព្វផ្សាយទេសចរណ៍ តាមរយៈប្រជាជន និងប្រជាជន “កម្ពុជា-ហៃណាន” និង៥- ឯកភាព និងផ្តល់វីដេអូផ្សព្វផ្សាយទេសចរណ៍គ្នាទៅវិញទៅមក ពិសេសការផ្សព្វផ្សាយ Video Spot Visa Free for Chinese Tourist។

ក្នុងឱកាសនោះ លោកទិត ចន្ថា រដ្ឋមន្រ្តីស្តីទី និងលោក LY GUO HONG បានធ្វើជាសាក្សី ក្នុងពិធីចុះហត្ថលេខាលើអនុស្សរណៈយោគយល់គ្នា រវាងក្រុមហ៊ុន Hainan Airport Infrastructure Co., Ltd និងក្រុមហ៊ុន Joint Billion (Cambodia) Co., Ltd. ស្តីពីកិច្ចសហប្រតិបត្តិការ លើកកម្ពស់សេវាកម្មVIP នៅព្រលានយន្តហោះ ការបង្កើតប្រព័ន្ធគ្រប់គ្រងសេវាកម្មសមាជិកភាព៕

ទីផ្សារអចលនទ្រព្យនៅកោះបាលីរបស់ឥណ្ឌូណេសុីកំពុងស្រូបទាញបណ្តាអ្នកវិនិយោគលើសពីគោលដៅទេសចរណ៍

ដោយ: សហសេវិក
អន្តរជាតិ: បណ្តាវិនិយោគិនបរទេសកំពុងវិនិយោគលើអចលនទ្រព្យនៅកោះបាលី ដោយសង្ឃឹមថានឹងទទួលបានផលចំណេញចាប់ពី១០ភាគរយ ទោះបីជាអាជ្ញាធររឹតបន្តឹងការត្រួតពិនិត្យលើការជួល និងរចនាសម្ព័ន្ធកម្មសិទ្ធិរបស់ជនបរទេសក្តី។

បណ្តាអ្នកអភិវឌ្ឍន៍អចលនទ្រព្យនៅលើកោះរបស់ប្រទេសឥណ្ឌូណេសុីមួយនេះកំពុងផ្សព្វផ្សាយគម្រោងរបស់ពួកគេ ដោយអះអាងថាអាចផ្តល់ផលចំណេញវិនិយោគចំនួន ១៧%។

បណ្តាអ្នកអភិវឌ្ឍន៍ជឿជាក់ថា កំណើននៃចំនួនភ្ញៀវទេសចរ ការធ្វើការងារពីចម្ងាយ និងការមករស់នៅរបស់ជនបរទេសមានទ្រព្យសម្បត្តិខ្ពស់ នឹងជួយរក្សាបាននូវប្រាក់ចំណេញ ទោះបីទីផ្សារអចលនទ្រព្យរបស់ប្រទេសទាំងមូលកំពុងធ្លាក់ចុះយ៉ាងណាក្តី។

លោក Zaq Qureshi អនុប្រធានក្រុមហ៊ុន Ayla Property ដែលមានមូលដ្ឋាននៅកោះបាលី បានអះអាងថា ការងើបឡើងវិញនៃវិស័យទេសចរណ៍ ការងារពីចម្ងាយ និងការប្រែប្រួលភូមិសាស្ត្រនយោបាយ បានពង្រីកភាពទាក់ទាញរបស់កោះបាលីលើសពីគោលដៅទេសចរណ៍ ដោយទាក់ទាញវិនិយោគិនបរទេសជាច្រើន។

លោកបានបន្ថែមថា រយៈពេលប៉ុន្មានឆ្នាំថ្មីៗនេះ ជនជាតិរុស្ស៊ី អ៊ុយក្រែន និងជនជាតិអឺរ៉ុបកាន់តែច្រើនបានហូរចូលមកកាន់កោះបាលី ដែលចាត់ទុកកោះនេះជាជម្រើសដ៏ទាក់ទាញក្នុងគ្រាមានភាពមិនប្រាកដប្រជាខាងភូមិសាស្ត្រនយោបាយ៕ប្រភព: Jakarta Post៕

កម្ពុជា ជប៉ុនបង្កើតក្រុមការងារសហបង្កើតធុរកិច្ច (BCT) និងការអភិវឌ្ឍវិស័យឧស្សាហកម្ម

ដោយៈ និស្ស័យ

ជប៉ុនៈ មន្រ្តីជាន់ខ្ពស់កម្ពុជា ជប៉ុនបានពិភាក្សាគ្នាលើពង្រីកកិច្ចសហប្រតិបត្តិការ លើវិស័យពាណិជ្ជកម្ម វិនិយោគ តាមរយៈយន្តការដែលមានស្រាប់ ទាក់ទងការបង្កើតក្រុមការងារ សហបង្កើតធុរកិច្ច (BCT) និងការអភិវឌ្ឍវិស័យឧស្សាហកម្ម រវាងប្រទេសទាំងពីរ ឱ្យឈានឡើងខ្ពស់ថែមមួយកម្រិតទៀត។

ព័ត៌មាននេះត្រូវបានលើកឡើង ក្នុងឱកាសលោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) បានដឹកនាំគណៈប្រតិភូកម្ពុជាបានជួបសម្តែងការគួរសម និងពិភាក្សាការងារជាមួយ លោកKOMORI Takuo អនុរដ្ឋមន្ត្រីក្រសួងសេដ្ឋកិច្ច ពាណិជ្ជកម្ម និងឧស្សាហកម្មជប៉ុន (METI)។

អមដំណើរ លោកឧបនាយករដ្ឋមន្ត្រី ក្នុងជំនួបពិភាក្សាការងារជាន់ខ្ពស់នាឱកាសនេះ ក៏មានការចូលរួមពីលោកជុំ សុន្ទរី ឯកអគ្គរាជទូតកម្ពុជា ប្រចាំប្រទេសជប៉ុន ព្រមទាំងថ្នាក់ដឹកនាំក្រុមប្រឹក្សាអភិវឌ្ឍន៍កម្ពុជា និងក្រសួងពាណិជ្ជកម្ម។

ជំនួបពិភាក្សាការងារទ្វេភាគី ដ៏មានសារៈសំខាន់ជាយុទ្ធសាស្ត្រនេះ ត្រូវបានរៀបចំឡើងយ៉ាងយកចិត្តទុកដាក់ ដោយស្ថានទូតជប៉ុន ក្រោមកិច្ចសម្របសម្រួល និងសហការយ៉ាងជិតស្និទ្ធជាមួយស្ថានឯកអគ្គរាជទូតកម្ពុជាប្រចាំទីក្រុងតូក្យូ ក្នុងគោលបំណងពង្រឹងយន្តការ និងពង្រីកកិច្ចសហប្រតិបត្តិការ លើវិស័យពាណិជ្ជកម្ម វិនិយោគ តាមរយៈយន្តការដែលមានស្រាប់ ដូចជា ការបង្កើតក្រុមការងារសហបង្កើតធុរកិច្ច (BCT) និងការអភិវឌ្ឍវិស័យឧស្សាហកម្ម រវាងប្រទេសទាំងពីរ ឱ្យឈានឡើងខ្ពស់ថែមមួយកម្រិតទៀត។

ជំនួបរវាងគណៈប្រតិភូជាន់ខ្ពស់កម្ពុជា និងក្រសួងMETI ជប៉ុន នាឱកាសនេះ គឺជាសក្ខីភាពមួយឆ្លុះបញ្ចាំង ពីចំណងដ៏រឹងមាំនៃទំនាក់ទំនងការទូតសេដ្ឋកិច្ចរបស់កម្ពុជា ក្នុងកម្រិតរដ្ឋាភិបាលនិងរដ្ឋាភិបាល (G2G) ដើម្បីធានាបាននូវលំហូរវិនិយោគ ប្រកបដោយគុណភាព សំដៅជំរុញសេដ្ឋកិច្ចជាតិ ឱ្យកាន់តែមានភាពធន់ វឌ្ឍនភាព និងរីកចម្រើនរុងរឿងប្រកបដោយចីរភាពនាពេលអនាគត។

កាលពីថ្ងៃទី២៩ ខែឧសភា ឆ្នាំ២០២៥ កន្លងទៅ ក្រុមប្រឹក្សាអភិវឌ្ឍន៍កម្ពុជា និងក្រសួងសេដ្ឋកិច្ច ពាណិជ្ជកម្ម និងឧស្សាហកម្មជប៉ុន បានចុះអនុស្សរណៈលើកិច្ចសហប្រតិបត្តិការស្តីពី កិច្ចសហប្រតិបត្តិការវិនិយោគ ដែលមានគោលបំណងសំខាន់ៗចំនួន៣ រួមមាន៖ (១) ការលើកកម្ពស់សកម្មភាពជំរុញការវិនិយោគ (២) ការសម្របសម្រួលកិច្ចការវិនិយោគ និង(៣) ការបង្កើតក្រុមការងារសហបង្កើតធុរកិច្ច (Business Co-creation Team)៕

Cambodia Vietnam Agree on Joint Action Plans to Promote and Increase Tourist Flows

By MoT

Vietnam, Cambodia and Vietnam Agree on Joint Action Plans to Promote and Increase Tourist Flows Between the Two Countries and from Third Country.

On the occasion of accompanying the Official Visit of Samdach Moha Borvor Thipadei HUN Manet, Prime Minister of the Kingdom of Cambodia, to the Socialist Republic of Viet Nam (SRV), H.E. HUOT Hak, Minister of Tourism of Cambodia, held a bilateral working meeting with H.E. Ms. Lam Thi Phoung Thanh, Minister of Culture, Sports and Tourism of Vietnam, and senior officials at the Ministry of Culture, Sports and Tourism of Vietnam’s headquarters.

At the outset, H.E. Minister Huot Hak extended his heartfelt congratulations to H.E. Ms. Lam Thi Phoung Thanh on her appointment as Minister of Culture, Sports and Tourism of Vietnam and expressed confidence that under her leadership, tourism cooperation between the two countries would be further strengthened and expanded.

During this productive and fruitful meeting, the two Ministers exchanged views and in-depth perspectives on enhancing tourism cooperation in line with the high-level bilateral working discussion and meeting between Samdech Thipadei Prime Minister and H.E. Mr. Le Minh Hung, Prime Minister of the Socialist Republic of Viet Nam as well as the Memorandum of Understanding on Tourism Cooperation between Cambodia and Vietnam, signed in 2023; by agreeing on the following key action plans:

Strengthening Tourism Connectivity Through All Modes of Transport Both sides agreed to further enhance tourism connectivity by land, water, and air. In particular, they agreed to promote maritime connectivity between Phu Quoc International Port and Kampot International Tourist Port, as well as Mekong River cruise tourism linking Ho Chi Minh City with Phnom Penh and Siem Reap province, with the potential to extend to Laos in the future. These initiatives aim to boost tourist flows between the two countries and attract visitors from third country.
Organizing Joint Tourism Events Along Border Provinces The two countries agreed to promote the organization of tourism-related events in border provinces, including tourism investment forums, tourism festivals and events, gastronomy tourism forums, and sports tourism activities.
Enhancing Connectivity Between Key Tourism Destinations Both sides agreed to strengthen cooperation in linking major tourism destinations through closer collaboration between private-sector stakeholders in developing joint tour packages. Particular emphasis will be placed on promoting secondary destinations to encourage longer visitor stays and diversify tourism products offered by both countries.
Expanding Human Resources Development Cooperation in Tourism The two countries agreed to enhance cooperation in tourism human resources development through training exchanges and collaboration between tourism and hospitality training institutions, leveraging the strengths and expertise of both countries in the hospitality sector.
Promoting Familiarization Trips for Influencers and Private Sector Representatives Both sides agreed to organize exchange visits and familiarization trips for influencers and private-sector representatives from both countries. These visits will provide opportunities to explore the diverse tourism potential of each country and further promote tourism to citizens of both countries as well as third country.

To ensure the effective implementation of the above action plans, technical working groups have been established to closely monitor progress and coordinate implementation. Progress will be reviewed at the 1st Cambodia-Laos-Vietnam Tourism Minister’s Meeting, scheduled to be held on sidelines of the International Travel Expo Ho Chi Minh City 2026 in this upcoming August 2026 in Ho Chi Minh City. Hanoi capital, Socialist Republic of Viet Nam (SRV), 8 June 2026.

1...929394...3,374 Page 93 of 3,374