រដ្ឋាភិបាលចំណាយថវិការកន្លះលានដុល្លារដើម្បីតភ្ជាប់ Public WiFi ប្រើប្រាស់ដោយឥតគិតថ្លៃ នៅទីតាំងប្រារព្ធព្រឹត្តិការណ៍sea game

(ភ្នំពេញ)៖ គណៈកម្មាធិការជាតិ រៀបចំការប្រកួតកីឡាស៉ីហ្គេម លើកទី៣២ (CAMSOC) បានចំណាយថវិកាប្រហែល៥០ម៉ឺនដុល្លារ ដើម្បីបំពាក់ WiFi សាធារណៈដោយឥតគិតថ្លៃ (Public WiFi) នៅពហុកីឡដ្ឋានជាតិមរតកតេជោ និងពហុកីឡដ្ឋានជាតិអូឡាំពិក នៃព្រឹត្តិការណ៍ស៊ីហ្គេម។ នេះបើតាមការបញ្ជាក់ឲ្យដឹងពីលោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍។
ការបញ្ជាក់ឲ្យដឹងបែបនេះ របស់លោក ជា វ៉ាន់ដេត ធ្វើឡើងក្នុងពីធីចុះហត្ថលេខា លើអនុស្សរណៈនៃការយោគយល់ សម្រាប់កិច្ចសហប្រតិបត្តិការ ដាក់ឲ្យប្រើថ្នាលផ្ទៀងផ្ទាត់ ឯកសារ verfy.gov.kh ការរៀបចំប្រព័ន្ធបច្ចេកវិទ្យាឌីជីថល និងការរៀបចំហេដ្ឋារចនាសម្ព័ន្ធ និងការតភ្ជាប់អ៊ីនធឺណេត រវាងក្រសួងប្រៃសណីយ៍ និងក្រសួងកសិកម្ម នៅរសៀលថ្ងៃទី២ ខែឧសភា ឆ្នាំ២០២៣នេះ។

លោក ជា វ៉ាន់ដេត បានបញ្ជាក់យ៉ាងដូច្នេះថា «ព្រឹត្តិការណ៍ស៊ីហ្គេមនេះ យើងមាន២កន្លែងធំៗ សំខាន់ៗ ទី១៖ ពហុកីឡដ្ឋានជាតិមរតកតេជោ និងទី២៖ ពហុកីឡដ្ឋានជាតិអូឡាំពិក, ក្រសួងបានបំពាក់ Public WiFi ដែលប្រើប្រាស់ថវិកា ប្រហែល៥០ម៉ឺនដុល្លារ សម្រាប់អ្នកប្រើប្រាស់»។
លោក ជា វ៉ាន់ដេត បានឲ្យដឹងថា ដើម្បីប្រើ Public WiFi នេះ អ្នកចូលរួមគ្រាន់តែស្កេន QR Code នៅតាមទីតាំងជាក់ស្តែង ដែលបានកំណត់ ដើម្បីភ្ជាប់ WiFi នោះនឹងអាចប្រើប្រាស់ WiFi បានភ្លាមៗ។
បន្ថែមពីនោះទៀត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានបញ្ជាក់ថា Public WiFi នៅពហុកីឡដ្ឋានជាតិទាំង២នេះ គឺអត់មានបញ្ហាអ្វីនោះទេ ក្នុងរយៈពេលព្រឹត្ដិការណ៍ស៊ីហ្គេម។

លោក ជា វ៉ាន់ដេត បានបន្ថែមទៀតថា ចំណែកឯការប្រើប្រាស់ សម្រាប់ការផ្សាយចេញក្រៅប្រទេស គឺក្រសួងប្រៃសណីយ៍ បានចរន្ដក្រុមហ៊ុនខ្សែកាបមួយចំនួន និងក្រុមហ៊ុនរដ្ឋ ចូលតទៅពហុកីឡដ្ឋានជាតិទាំង២នេះ ដោយអត់មានបញ្ហានោះទេ នូវសមត្ថភាពបញ្ចូលខ្សែអ៊ីនធើណែន និងបង្គោលអង់តែន នៅទីនោះ។
សូមបញ្ជាក់ថា ក្រសួងប្រៃសណីយ៍ និងទូរគមនាគមន៍ បានសហការជាមួយគណៈកម្មាធិការជាតិ រៀបចំការប្រកួតកីឡាអាស៉ីអាគ្នេយ៍ លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ផ្តល់ជូនការប្រើប្រាស់សេវាអ៊ីនធឺណិតល្បឿនលឿន ដោយឥតគិតថ្លៃ នៅក្នុង៖
១៖ ពហុកីឡដ្ឋានជាតិអូឡាំពិក
២៖ ពហុកីឡដ្ឋានជាតិមរតកតេជោ។
គិតត្រឹមថ្ងៃទី១ ខែឧសភា ឆ្នាំ២០២៣នេះ សល់រយៈពេលតែ ៤ថ្ងៃទៀតប៉ុណ្ណោះ នៃដំណើរឆ្ពោះទៅធ្វើម្ចាស់ផ្ទះ នៃការប្រកួតកីឡាស៊ីហ្គេម លើកទី៣២ ដែលត្រូវប្រារព្ធពិធីបើកការប្រកួត នាថ្ងៃទី០៥ ខែឧសភា ឆ្នាំ២០២៣ខាងមុខ។
ការធ្វើជាម្ចាស់ផ្ទះនៃព្រឹត្តិការណ៍កីឡាស៉ីហ្គេម និងអាស៊ានប៉ារ៉ាហ្គេម គឺជាមោទនភាព និងមុខមាត់សម្រាប់ប្រទេស និងប្រជាជនកម្ពុជាទាំងមូល ដែលបានរង់ចាំអស់រយៈពេល ៦៤ឆ្នាំមកហើយ។
SEA Games: ចាប់ផ្តើមពីថ្ងៃទី០៥-១៧ ខែឧសភា ឆ្នាំ២០២៣ និង ASEAN Para Games: ចាប់ផ្តើមពីថ្ងៃទី០៣-០៩ ខែមិថុនា ឆ្នាំ២០២៣៕

ប្រធានាធិបតីឡាវ នឹងមកបំពេញទស្សនកិច្ចផ្លូវរដ្ឋនៅកម្ពុជា ដើម្បីចូលរួមពិធីបើកកីឡាស៊ីហ្គេម

សុខុម

ភ្នំពេញ: លោក ថងលូន ស៊ីស៊ូលីត ប្រធានាធិបតីឡាវ នឹងអញ្ជើញមកបំពេញទស្សនកិច្ចផ្លូវរដ្ឋនៅកម្ពុជា រយៈពេល៣ថ្ងៃចាប់ពីថ្ងៃទី៤ ដល់ថ្ងៃទី៦ ខែឧសភា ហើយលោកក៏នឹងអញ្ជើញចូលរួមពិធីបើកព្រឹត្តការណ៍ប្រកួតកីឡាស៊ីហ្គេម លើកទី៣២ ផងដែរ។

យោងតាមសេចក្តីថ្លែងការណ៍របស់ក្រសួងការបរទេសកម្ពុជា នៅថ្ងៃអង្គារ ទី០២ ខែឧសភា នេះឱ្យដឹងថា ដំណើរទស្សនកិច្ចរបស់លោក ថងលូន ស៊ីស៊ូលីត នឹងធ្វើឡើងតាមការអញ្ជើញរបស់ព្រះមហាក្សត្រនៃព្រះរាជាណាក្រកម្ពុជា ព្រះករុណាព្រះបាទ ព្រះនរោត្តម សីហមុនី។

សេចក្តីថ្លែងការណ៍នេះលើកឡើងថា ដំណើរទស្សនកិច្ចនេះ “នឹងពង្រឹងបន្ថែមទៀតនូវទំនាក់ទំនងដ៏ល្អប្រសើរដែលមានស្រាប់ ភាពជាអ្នកជិតខាងល្អ ចំណងមិត្តភាព និងភាពជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែងដើម្បីផលប្រយោជន៍ទៅវិញទៅមកនៃប្រជាជនប្រទេសទាំងពីរ”។

លោក ថងលូន ស៊ីស៊ូលីត នឹងចូលក្រាបបង្គំគាល់ព្រះមហាក្សត្រ នរោត្ដម សីហមុនី នៅព្រះបរមរាជវាំង ហើយក៏នឹងទទួលការចូលជួបសម្តែងការគួរសមជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងសម្តេចអគ្គមហាពញាចក្រី ហេង សំរិន ប្រធានរដ្ឋសភាផងដែរ។

ក្រៅពីនេះ ប្រធានាធិបតីឡាវ លោក ថងលូន ស៊ីស៊ូលីត នឹងជួបពិភាក្សាទ្វេភាគីជាមួយសម្តេចអគ្គមហាសេនាបរតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដើម្បីពិភាក្សាអំពីកិច្ចសហប្រតិបត្តិការទ្វេភាគី រួមជាមួយនឹងបញ្ហាតំបន់ និងអន្តរជាតិមួយចំនួនដែលជាកង្វល់រួម។

យោងតាមសេចក្តីថ្លែងការណ៍ដដែលឱ្យដឹងថា លោក ថងលូន ស៊ីស៊ូលីត នឹងអញ្ជើញចូលរួមពិធីបើកព្រឹត្តិការណ៍ប្រកួតកីឡាស៊ីហ្គេម លើកទី៣២ នៅពហុកីឡដ្ឋានជាតិមរតកតេជោ នៅថ្ងៃទី៥ ខែឧសភា។

កម្ពុជា ទទួលធ្វើជាម្ចាស់ផ្ទះរៀបចំព្រឹត្តិការណ៍កីឡាស៊ីហ្គេម លើកទី៣២ ជាលើកដំបូងក្នុងប្រវត្តិសាស្ត្ររយៈពេល៦៤ឆ្នាំ ចាប់ពីថ្ងៃទី៥ ខែឧសភា ដល់ថ្ងៃទី១៧ ខែឧសភា៕ Xinhua៕

ទំនាក់ទំនងកូរ៉េខាងត្បូង ចិន និងជប៉ុន ផ្តល់សារៈសំខាន់ដល់ការស្ទុះងើបនៃសេដ្ឋកិច្ចពិភពលោក

ដោយ: គង់ លាងហួរ
សេអ៊ូល: រដ្ឋមន្ត្រីក្រសួងហិរញ្ញវត្ថុកូរ៉េបានមានប្រសាសន៍នៅថ្ងៃអង្គារនេះថា ទំនាក់ទំនងត្រីភាគីរវាង កូរ៉េខាងត្បូង ចិន និងជប៉ុនមានសារៈសំខាន់ មិនត្រឹមតែសម្រាប់ប្រទេសទាំង៣ប៉ុណ្ណោះទេ ប៉ុន្តែថែមទាំងសម្រាប់ពិភពលោកផងដែរ ចំពេលមានភាពមិនច្បាស់លាស់ខាងសេដ្ឋកិច្ច។

រដ្ឋមន្ត្រីក្រសួងហិរញ្ញវត្ថុលោក Choo Kyung-ho បានអះអាងថា កិច្ចសហប្រតិបត្តិការត្រីភាគីអាចដើរតួជាក្បាលម៉ាស៊ីនសម្រាប់ការងើបឡើងវិញយ៉ាងលឿន និងប្រកបដោយនិរន្តរភាព ដោយកត់សម្គាល់ថា ប្រទេសទាំង៣នេះបង្កើតបាន២០ភាគរយនៃសេដ្ឋកិច្ចពិភពលោក។

លោកក៏បានមានប្រសាសន៍ដែរថា “ប្រទេសកូរ៉េខាងត្បូងគ្រោង នឹងដើរតួនាទីយ៉ាងសកម្មក្នុងកិច្ចខិតខំប្រឹងប្រែងដើម្បីពង្រឹង ទំនាក់ទំនង សេដ្ឋកិច្ចត្រីភាគី”។

លោក Choo បានមានប្រសាសន៍នៅមុនពេលកិច្ចប្រជុំត្រីភាគីនៃរដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលនៃប្រទេសកូរ៉េ ចិន និងជប៉ុន នៅទីក្រុង Songdo ថា“ចំពោះទីបញ្ចប់នេះ ដោយសារការបើកឡើងវិញជាសាកល កូរ៉េ ចិន និងជប៉ុន នឹងពង្រីកកិច្ចសហប្រតិបត្តិការរបស់ពួកគេ ក្នុងលក្ខណៈពេញលេញ ពោលគឺមិនត្រឹមតែក្នុងវិស័យមួយចំនួនដូចជា ហិរញ្ញវត្ថុ ពាណិជ្ជកម្ម និងការវិនិយោគប៉ុណ្ណោះទេ តែថែមទាំងវិស័យទេសចរណ៍ វប្បធម៌ និងទំនាក់ទំនងគោលនយោបាយផងដែរ”។

កិច្ចប្រជុំនេះបានធ្វើឡើងនៅក្រៅកិច្ចប្រជុំប្រចាំឆ្នាំលើកទី៥៦ នៃក្រុមប្រឹក្សាភិបាលនៃធនាគារអភិវឌ្ឍន៍អាស៊ី (ADB) ដែលបានចាប់ផ្តើមដំណើរការរយៈពេល៤ថ្ងៃក្រោមពាក្យស្លោកថា “Rebounding Asia: Recover Reconnect and Reform”៕

អ្នកជំនាញចិន: ផ្លូវរថភ្លើងល្បឿនលឿនកំពុងបង្កើនទំហំពាណិជ្ជកម្មចិន-អឺរ៉ុបដល់កម្រិតអតិបរមា

ដោយ: គង់ លាងហួរ
ប៉េកាំង: អ្នកជំនាញផ្នែកដឹកជញ្ជូនចិនលោក Shan Jing បានអះអាងថា គំនិតផ្តួចផ្តើមខ្សែក្រវ៉ាត់ និងផ្លូវបានធ្វើឱ្យប្រសើរឡើងយ៉ាងខ្លាំងនូវការតភ្ជាប់ផ្លូវដែករវាងប្រទេសចិន និងអឺរ៉ុប ដែលជួយជំរុញឱ្យមានការកើនឡើងនៃទំហំពាណិជ្ជកម្ម។

លោក Shan អ្នកស្រាវជ្រាវដែលមានមូលដ្ឋាននៅប្រទេសអាល្លឺម៉ង់នៅសាកលវិទ្យាល័យបច្ចេកវិទ្យា Dresden បាននិងកំពុងចូលរួមក្នុងសន្និសីទអន្តរជាតិលើកទី១០នៃគំរូប្រតិបត្តិការផ្លូវដែកនិងការវិភាគ “RailBelgrade 2023”។

ការដឹកជញ្ជូនតាមផ្លូវដែកអឺរ៉ាស៊ីកំពុងអភិវឌ្ឍយ៉ាងលឿនរហ័ស ខណៈក្នុងឆ្នាំ២០១១ មានរថភ្លើងត្រឹមតែ១១ប៉ុណ្ណោះ ប៉ុន្តែកាលពីឆ្នាំមុនគេឃើញមានរថភ្លើងរហូតដល់១៦.០០០ តភ្ជាប់រវាងប្រទេសចិន និងអឺរ៉ុបក្នុងទិសដៅទាំងពីរ។ វាកំពុងក្លាយជាផែនការ B បើប្រៀបធៀបទៅនឹងផ្លូវអាកាស និងផ្លូវសមុទ្រ។

លោកបានបន្ថែមថា កិច្ចសហប្រតិបត្តិការលើហេដ្ឋារចនាសម្ព័ន្ធបានកាត់បន្ថយពេលវេលា និងថ្លៃដើមនៃការនាំចេញយ៉ាងច្រើន ដែលបាននាំមកនូវអត្ថប្រយោជន៍យ៉ាងសំខាន់ដល់ឧស្សាហកម្មដែលពាក់ព័ន្ធ។

បន្ទាប់ពីការអភិវឌ្ឍន៍រយៈពេលដប់ឆ្នាំ (តាមរយៈគំនិតផ្តួចផ្តើមខ្សែក្រវាត់ និងផ្លូវ) ការដឹកជញ្ជូនតាមផ្លូវដែកអឺរ៉ាស៊ីមានល្បឿនលឿនណាស់បើប្រៀបធៀបទៅនឹងផ្លូវសមុទ្រ។

ការដឹកជញ្ជូនតាមសមុទ្រអ្នកត្រូវការរយៈពេលរហូតដល់៥០ថ្ងៃ ប៉ុន្តែជាមួយផ្លូវដែកអឺរ៉ាស៊ី អ្នកត្រូវការពេលត្រឹមតែ១៩ ឬ២០ថ្ងៃប៉ុណ្ណោះ។ សេវាកម្មដ៏រហ័សនេះអាចជួយសន្សំសំចៃពេលវេលា និងអាចសន្សំលុយបាន ដោយជួយកាត់បន្ថយពេលវេលា និងការចំណាយផងដែរ៕

World Bank: កម្ពុជា និងវៀតណាម ប្រើពេលវេលាដឹកជញ្ជូនទំនិញទៅមកកំពង់ផែលឿនបំផុតក្នុងអាស៊ាន

សុខុម

ហាណូយ: កម្ពុជា និងវៀតណាម បានជាប់ឈ្មោះជាប្រទេសប្រើពេលវេលាដឹកជញ្ជូនទំនិញកុងតឺន័រទៅមកកំពង់ផែលឿនបំផុតក្នុងតំបន់អាស៊ាន ក្នុងខែមិថុនា ឆ្នាំ២០២២ ដោយប្រទេសទាំងពីរនេះទទួលបានពិន្ទុជាមធ្យម០,៩ថ្ងៃ។

យោងតាមរបាយការណ៍របស់ធនាគារពិភពលោក (World Bank) ឱ្យដឹងថា ទិន្នន័យភ័ស្តុភារកម្មពិភពលោកដែលត្រូវបានចេញផ្សាយនាពេលថ្មីៗនេះនៅរដ្ឋធានីវ៉ាស៊ីនតោន សហរដ្ឋអាមេរិក ស្ថិតក្នុងចំណោមសូចនាករលទ្ធផលដ៏សំខាន់ថ្មីៗដែលបំពេញបន្ថែមពីលើសន្ទស្សន៍លទ្ធផលភ័ស្តុភារកម្ម (Logistics Performance Index) សម្រាប់១៣៩ប្រទេស។

ក្នុងចំណោមបណ្ដាប្រទេសជាសមាជិកអាស៊ាន ផ្សេងទៀត ប្រទេសថៃ ប្រើពេលវេលាដឹកជញ្ជូនទំនិញទៅមកកំពង់ផែលឿនបំផុតទី២ ជាមួយនឹងពិន្ទុ១,០ថ្ងៃ បន្ទាប់មកគឺប្រទេសម៉ាឡេស៊ី និងប្រទេសសិង្ហបុរី (ពិន្ទុ១,២ថ្ងៃដូចគ្នា) ប្រទេសហ្វីលីពីន (ពិន្ទុ១,៣ថ្ងៃ) ប្រទេសឥណ្ឌូនេស៊ី (ពិន្ទុ១,៨ថ្ងៃ) និងប្រទេសមីយ៉ាន់ម៉ា (ពិន្ទុ២,០ថ្ងៃ)។

ធនាគារពិភពលោកបានលើកឡើងតាមរយៈសេចក្តីថ្លែងការណ៍មួយថា ឌីជីថលនីយកម្មកំពុងអនុញ្ញាតឱ្យបណ្ដាសេដ្ឋកិច្ចកំពុងងើបឡើងឆាប់រហ័ស (Emerging Economies) កាត់បន្ថយការពន្យារពេលនៅកំពង់ផែបានដល់ទៅ៧០% បើធៀបនឹងការពន្យារពេលនៅក្នុងបណ្ដាប្រទេសអភិវឌ្ឍន៍។

លោកស្រី Christina Wiederer សេដ្ឋវិទូជាន់ខ្ពស់នៅធនាគារពិភពលោក ដែលបានចូលរួមចំណែកតាក់តែងរបាយការណ៍នេះឡើងបានថ្លែងថា “ខណៈពេលវេលាភាគច្រើនត្រូវបានចំណាយទៅលើការដឹកជញ្ជូន ការពន្យារពេលដ៏ធំបំផុតកើតឡើងនៅកំពង់ផែសមុទ្រ អាកាសយានដ្ឋាន និងកន្លែងដឹកជញ្ជូនចម្រុះ” ដែលចាំបាច់ត្រូវធ្វើការកែលម្អ៕ Vietnam New៕

អគាររដ្ឋបាលក្រុងអរិយក្សត្រនឹងបើកសម្ពោធជាផ្លូវការនៅថ្ងៃស្អែក

ភ្នំពេញ ៖ បន្ទាប់ពីអនុក្រឹត្យឱ្យបង្កើតក្រុងអរិយក្សត្រ ខេត្តកណ្ដាលមក រដ្ឋបាលខេត្តបានរៀបចំរចនាសម្ព័ន្ធ ក្រុងមួយនេះ ដោយសាងសង់អគាររដ្ឋបាលក្រុងសម្រាប់មន្ត្រីរាជការបំពេញការងារជូនប្រជាពលរដ្ឋ ហើយទីបំផុតអគាររដ្ឋបាលក្រុងក៏បានរៀបចំរួចរាល់ គ្រោងនឹងបើកដាក់ឱ្យដំណើរការនៅថ្ងៃទី ០៣ ឧសភា ២០២៣ ក្រោមអធិបតីភាពលោកគង់ សោភណ្ឌអភិបាលខេត្តកណ្ដាល ។

ប្រភពព័ត៌មានបានបង្ហើបឱ្យដឹងថា អគាររដ្ឋបាលក្រុងអរិយក្សត្រ បានសង់ឡើងនៅក្នុងបុរីវីឡាទួលសង្កែ ក្នុងក្រុងអរិយក្សត្រខេត្តកណ្ដាល ។ ការលេចចេញរូបរាងនៃអគាររដ្ឋបាលក្រុងអរិយក្សត្រនេះដែរ ក៏នឹងជំរុញឱ្យការអភិវឌ្ឍតំបន់អរិយក្សត្រកាន់តែមានសន្ទុះទៅមុខជាបន្តបន្ទាប់បន្ថែមទៀត ស្របនឹងវិនិយោគិនក្នុងស្រុកជាច្រើនបានសម្លឹងពីឱកាសនៃការវិនិយោគ នៅតំបន់នេះ សម្រាប់ត្រៀមអភិវឌ្ឍន៍គម្រោងរបស់ខ្លួនផងដែរ ។
កាលពីដើមខែមេសា ២០២៣កន្លងទៅនេះ រាជរដ្ឋាភិបាលកម្ពុជាក៏បានចេញអនុក្រឹត្យតែងតែអភិបាលក្រុងអរិយក្សត្ររួចរាល់ហើយគឺលោកចាន់ តារា ដែលពីមុននេះលោកកាន់តំណែងជាអភិបាលរងខេត្តកំពង់ធំ និងបានផ្ទេរមកកាន់តំណែងជាអភិបាលក្រុងអរិយក្សត្រតាមអនុក្រឹត្យរបស់រាជរដ្ឋាភិបាលចុះថ្ងៃទី០៦ ខែមេសា ២០២៣ ។

លោកថាន់ ចាន់ណា អគ្គនាយកក្រុមហ៊ុនចាន់ណាលែនដ៏បានលើកឡើងផងដែរថា បន្ទាប់ពីរាជរដ្ឋាភិបាលប្រកាសបង្កើតក្រុងអរិយក្សត្រ និងបន្ទាប់ពីរាជរដ្ឋាភិបាលប្រកាសសង់ស្ពានតភ្ជាប់ពីភ្នំពេញ ទៅក្រុងអរិយក្សត្រមកឃើញថា អ្នកអភិវឌ្ឍន៍ក្នុងស្រុកជាច្រើនបាននាំគ្នាទៅកាន់ក្រុងអរិយក្សត្រហើយរៀបចំត្រៀមក្នុងការអភិវឌ្ឍគម្រោងរបស់ខ្លួនជាពិសេសគម្រោងអភិវឌ្ឍន៍លំនៅឋាន ក្នុងនោះដែរ មានក្រុមហ៊ុនអភិវឌ្ឍន៍លំនៅឋានធំៗ នៅក្នុងប្រទេសកម្ពុជាជាច្រើនបានទៅរៀបចំដីសម្រាប់អភិវឌ្ឍន៍គម្រោងរបស់ខ្លួន ។
អ្នកជំនាញនៃវិស័យអចលនទ្រព្យជាច្រើនបានមើលឃើញថាការបង្កើតក្រុងថ្មីៗនៅតាមបណ្ដាខេត្តនានាគឺជាការជំរុញឱ្យមានការអភិវឌ្ឍលើវិស័យអចលនទ្រព្យបន្ថែម ដោយអ្នកវិនិយោគចាប់អារម្មណ៍ លើក្រុងថ្មីៗដែលរាជរដ្ឋាភិបាលបានបង្កើតឡើង ហើយរាជរដ្ឋាភិបាលក៏បានអភិវឌ្ឍន៍លើហេដ្ឋារចនាសម្ព័ន្ធនានាបន្ថែមនៅក្នុងតំបន់ក្រុងថ្មីៗទាំងនោះ ។

ខេត្តកណ្ដាលចាត់ទុកជាខេត្តដែលមានក្រុងច្រើនជាងគេក្នុងចំណោមបណ្ដាខេត្តនានាទូទាំងប្រទេស ក្នុងនោះរួមមានក្រុងតាខ្មៅ ក្រុងសំពៅពូន និងក្រុងអរិយក្សត្រ ។ ក្រុងទាំងនេះសុទ្ធតែនៅជាប់នឹងរាជធានីភ្នំពេញ ដូច្នេះការអភិវឌ្ឍនៅក្រុងទាំងនេះ ក៏រំពឹងថានឹងមានសន្ទុះឡើងលឿន ឬអាចនិយាយថាទទួលចំហាយអភិវឌ្ឍន៍ពីក្រុងភ្នំពេញ ៕

Stocks on edge as traders wait on central bankers

SINGAPORE : Asian shares wobbled in cautious trade on Tuesday, while the dollar was firm ahead of a series of data releases and central bank meetings that begins with the Reserve Bank of Australia later in the day.

The overnight sale of First Republic Bank’s assets to JPMorgan Chase resolved the third U.S. bank failure in two months. Treasury yields rose in response and expectations firmed to near certain for one final U.S. rate hike this week.

JPMorgan shares rose 2.1 per cent. The S&P 500 closed flat and ANZ analysts said markets’ relief was evident.

MSCI’s broadest index of Asia-Pacific shares outside Japan wriggled either side of flat, and was last down 0.2 per cent after tech and casino gains in Hong Kong proved shortlived.

Mainland China markets were closed. Japan’s Nikkei hit a 16-month high, before backing off slightly, with the bank sector a drag.

Hundreds of thousands of Chinese visitors hit Macau’s casinos last weekend for the Labour Day holiday, and overnight MGM Resorts international reported better-than-expected revenues and called out strong volumes in Las Vegas and Macau.

The yen, meanwhile, steadied after two sessions of heavy falls following the Bank of Japan’s decision on Friday to stick with ultra-easy monetary policy for the time being.
The policy stands in contrast to the U.S. and Europe where central banks are deep into a hiking cycle and still going.

The yen fell through its 200-day moving average on Tuesday and hit an almost two-month low on the dollar early on Wednesday before steadying at 137.40.

The Japanese currency made a fresh 14-1/2 trough at 151.08 per euro on Wednesday and is trading at its lowest recorded on the Swiss franc in Refinitiv data stretching back to the early 1980s. The euro held at $1.0987.

Source: Reuters

IMF raises Asia’s economic forecast on China recovery, warns of risks

The International Monetary Fund (IMF) raised Asia’s economic forecast on Tuesday (May 2) as China’s recovery underpinned growth, but warned of risks from persistent inflation and global market volatility driven by Western banking-sector woes.

The reopening of China’s economy will be pivotal for the region with the spillover to Asia seen focused on consumption and service-sector demand rather than investment, the IMF said.

“Asia and Pacific will be the most dynamic of the world’s major regions in 2023, predominantly driven by the buoyant outlook for China and India,” the IMF said its regional economic outlook report.

“As in the rest of the world, domestic demand is expected to remain the largest growth driver across Asia in 2023.”

Asia’s economy is expected to expand 4.6 per cent this year after a 3.8 per cent increase in 2022, contributing around 70 per cent of global growth, the IMF said, upgrading its forecast by 0.3 of a percentage point from October.

China and India will be key drivers with an expansion of 5.2 per cent and 5.9 per cent, respectively, though growth in the rest of Asia is also expected to bottom out this year, the report said.

But the IMF cut next year’s Asian growth forecast by 0.2 of a point to 4.4 per cent, and warned of risks to the outlook such as stickier-than-expected inflation, slowing global demand as well as the impact of U.S. and European banking-sector stress.

“While spillovers to the region from stress in US and European financial sectors have been relatively contained thus far, Asia remains vulnerable to tightening financial conditions and to sudden and disorderly repricing of assets,” the IMF said.

And while Asia has strong capital and liquidity buffers to fend off market shocks, the region’s highly leveraged corporate and household sectors are “significantly” more exposed to a sharp increase in borrowing costs, it added.

The IMF also urged central banks in Asia – excluding Japan and China – to keep monetary policy tight to bring down inflation, which could remain stubbornly high due in part to robust domestic demand.

“Insufficient tightening in the short term would require disproportionately more monetary tightening later to avoid high inflation becoming ingrained, making a larger contraction more likely.”

Source: Reuters

ក្រុមហ៊ុនអាកាសចរណ៍កម្ពុជា អង្គរអ៊ែរចាប់ផ្តើមជើងហោះហើរ ត្រង់ជាមួយប្រទេសឡាវ

ដោយៈ គង់ សូតររិយា

ភ្នំពេញៈ ក្រុមហ៊ុនអាកាសចរណ៍ជាតិកម្ពុជា អង្គរអ៊ែរ បានចាប់ផ្ដើមបើកជើងហោះហើរត្រង់ សៀមរាប-វៀងចន្ទន៍ ដែលប្រតិបត្តិការ១ជើងក្នុង១សប្តាហ៍ គឺនៅរៀងរាល់ថ្ងៃចន្ទ ដោយប្រើយន្តហោះប្រភេទ Airbus-A321។

យោងតាមសេចក្ដីប្រកាសព័ត៌មាន របស់ក្រុមហ៊ុនអាកាសចរណ៍ជាតិកម្ពុជាអង្គរអ៊ែរ ដែលបណ្ដាញព័ត៌មាន ទទួលបាននាថ្ងៃទី២ ខែមេសា ឆ្នាំ២០២៣នេះ។

ក្រុមហ៊ុនអាកាសចរណ៍ជាតិកម្ពុជា អង្គរអ៊ែរបានបញ្ជាក់ថា ជើងហោះហើរត្រង់ថ្មីនេះ ចេញដំណើរពីអាកាសយានដ្ឋានអន្តរជាតិសៀមរាប នៅម៉ោង៦៖០០នាទីព្រឹក ចុះចតនៅអាកាសយានដ្ឋានអន្តរជាតិវតី នៃរដ្ឋធានីវៀងចន្ទន៍ នៅម៉ោង៧,០៥នាទីព្រឹក ដែលមានជើងហោះហើរលេខ K6 908។

យន្តហោះត្រឡប់មកវិញ នៅវេលាម៉ោង៧,៥០នាទីព្រឹក ហើយមកដល់សៀមរាបនៅម៉ោង៩,០០នាទីព្រឹក ត្រូវនឹងជើងហោះហើរលេខ K6 909។ ក្រុមហ៊ុននឹងបន្ថែមជើងហោះហើរជាច្រើនទៀតទៅតាមតម្រូវការ។

សេចក្ដីប្រកាសព័ត៌មានដដែលបានឲ្យដឹងថា ជើងហោះហើរត្រង់សៀមរាប-វៀងចន្ទន៍នេះ គឺជាផ្នែកមួយនៃការប្ដេជ្ញាចិត្តរបស់ក្រុមហ៊ុនអាកាសចរណ៍ជាតិ ក្នុងការផ្តល់សេវាកម្មដ៏ល្អឥតខ្ចោះ ជូនភ្ញៀវទេសចរទៅកាន់គោលដៅ ដោយប្រើពេលវេលាខ្លីបំផុត។

ការធ្វើដំណើរទៅកាន់តំបន់ប្រវត្តិសាស្ត្រ ដ៏សម្បូរបែបទាំងពីរនេះ គឺជាក្តីសុបិន្តមួយរបស់ភ្ញៀវទសចរ ដែលចូលចិត្តផ្សងព្រេង ហើយទៅសិក្សាស្វែងយល់អំពីវប្បធម៌ អច្ឆរិយធម៌ និងសម្បត្តិធម្មជាតិនៅទីនោះ។ ដូច្នេះហើយជើងហោះហើរថ្មីនេះ នឹងទាក់ទាញភ្ញៀវទេសចរ ធុរជន និងអ្នកធ្វើដំណើរជាច្រើនផ្សេងទៀត ដែលអាចនឹងរួមចំណែកដល់ការអភិវឌ្ឍវិស័យទេសចរណ៍ និងសេដ្ឋកិច្ចនៃប្រទេសទាំងពីរ។

ក្រុមហ៊ុនអាកាសចរណ៍ជាតិកម្ពុជាអង្គរអ៊ែរ ជាក្រុមហ៊ុនអាកាសចរណ៍ជាតិដំបូងគេ និងតែមួយគត់របស់ប្រទេសកម្ពុជា ដែលទទួលបានវិញ្ញាបនបត្រសុវត្ថិភាព IOSA ពីសមាគមន៍ដឹកជញ្ចូនផ្លូវអាកាសអន្តរជាតិ (IATA) ហើយក៏ជាក្រុមហ៊ុនអាកាសចរណ៍ ផ្លូវការដែលតំណាងឱ្យរដ្ឋាភិបាល ក្នុងការជួយផ្សព្វផ្សាយយុទ្ធនាការ “ឆាំ្នទស្សនាកម្ពុជា ២០២៣”។

ការធ្វើដំណើរទៅកាន់តំបន់ប្រវត្តិសាស្ត្រ ដ៏សម្បូរបែបទាំងពីរនេះ គឺជាក្តីសុបិន្តមួយរបស់ភ្ញៀវទសចរ ដែលចូលចិត្តផ្សងព្រេង ហើយទៅសិក្សាស្វែងយល់អំពីវប្បធម៌ អច្ឆរិយធម៌ និងសម្បត្តិធម្មជាតិនៅទីនោះ។ ដូច្នេះហើយជើងហោះហើរថ្មីនេះ នឹងទាក់ទាញភ្ញៀវទេសចរ ធុរជន និងអ្នកធ្វើដំណើរជាច្រើនផ្សេងទៀត ដែលអាចនឹងរួមចំណែកដល់ការអភិវឌ្ឍវិស័យទេសចរណ៍ និងសេដ្ឋកិច្ចនៃប្រទេសទាំងពីរ៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

ឧស្សាហកម្មវាយនភណ្ឌកម្ពុជាត្រូវការធ្វើពិធិធកម្មផលិតផលរបស់ខ្លួនស្របទៅតាមនិន្នាការសកល

ដោយ: គង់ លាងហួរ

ភ្នំពេញ: ផែនទីនៃការផ្លាស់ប្តូរឧស្សាហកម្មរបស់កម្ពុជា សម្រាប់ឧស្សាហកម្មវាយនភណ្ឌ និងសំលៀកបំពាក់ឆ្នាំ២០២៣- ២០២៧(T& A ITM) បានមើលឃើញពីតម្រូវការ សម្រាប់វិស័យនេះក្នុងការសម្របផលិតផលរបស់ខ្លួន ឱ្យស្របទៅតាមនិន្នាការសកល ដើម្បីកាត់បន្ថយការពឹងផ្អែកលើការនាំចូល និងធ្វើពិពិធកម្មទីផ្សារចម្រុះ។

គោលបំណងរបស់ T&A ITM គឺដើម្បីកសាងឧស្សាហកម្ម T&A ដែលមានការប្រកួតប្រជែង ជាមួយនឹងការបង្កើតតម្លៃបន្ថែម ស្ថេរភាព បច្ចេកវិទ្យា ជំនាញ និងសហគ្រិនភាព។ នេះបើយោងតាមរបាយការណ៍របស់រដ្ឋាភិបាល។

ផែនការនេះ ក៏មានគោលដៅទាក់ទាញការវិនិយោគ ឧស្សាហកម្ម ផ្សព្វផ្សាយ ក៏ដូចជាការលើកកម្ពស់ការធ្វើពិពិធកម្ម ទីផ្សារនៃសម្លៀកបំពាក់ ស្បែកជើង និងកាបូបផងដែរ។

ចំណែក បញ្ហាប្រឈមរួមមានកត្តាខាងក្នុង ដូចជាតម្លៃប្រាក់ឈ្នូលខ្ពស់ ផលិតកម្មទាប និងកម្រិតទាបនៃការចាប់អារម្មណ៍ ក្នុងចំណោមយុវជន ដើម្បីចូលរួមក្នុងឧស្សាហកម្ម T&A និងការផ្តោតអារម្មណ៍មានកម្រិតរបស់ពួកគេផងដែរ។

យុទ្ធសាស្រ្តអភិវឌ្ឍន៍ បានកំណត់ពីកត្តាមួយចំនួន រួមទាំងការពង្រឹងធនធានមនុស្ស ដើម្បីបង្កើនផលិតភាព និងបង្កើតអាជីពសម្រាប់កម្មករ ការអភិវឌ្ឍន៍លក្ខខណ្ឌការងារ និងសុខមាលភាព ការផ្សព្វ ផ្សាយពីការវិនិយោគបរទេស និងនៅក្នុងស្រុក។

ផែនទីនេះត្រូវបានរចនា និងបង្កើតឡើងដោយផ្អែកលើការវាយតម្លៃនៃវិស័យ T&A ជាសកល និងរបស់កម្ពុជា ព្រមទាំងយុទ្ធសាស្ត្រអភិវឌ្ឍន៍វិស័យកាត់ដេរសម្លៀកបំពាក់ ស្បែកជើង និងទំនិញធ្វើដំនើរ របស់កម្ពុជា ឆ្នាំសម្រាប់ឆ្នាំ២០២២- ២០២៧របស់រដ្ឋាភិបាល៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!