តើទីផ្សារដីឡូត៏តូចៗនឹងទៅជាយ៉ាងណា ស្របនឹងឧកញ៉ាៗរកស៊ីដីឡូត៏មួយចំនួនកំពុងជួបបញ្ហាធ្ងន់ធ្ងរ

ដោយៈ វឌ្ឍនៈ

ភ្នំពេញៈ ក្នុងអំឡុងមុនវិបត្តិកូវីដ១៩ ទីផ្សារដីឡូត៏នៅកម្ពុជាហាក់មានសន្ទុះងើបឡើងខ្លាំង ដោយមុនដំបូងការអភិវឌ្ឍដីឡូត៏ ត្រូវបានធ្វើឡើង នៅតំបន់ជាយៗរាជធានីភ្នំពេញ ឬបណ្ដាខេត្តជាប់នឹងរាជធានីភ្នំពេញ។

ក្រោយៗមកទីផ្សារដីឡូត៏ ក៏បានសាយភាយទៅកាន់បណ្ដាខេត្តឆ្ងាយៗរហូតដល់ខេត្តត្បូងឃ្មុំកំពង់ចាម កំពតកែប ជាដើម។

យ៉ាងណាក្ដីទីផ្សារដីឡូត៏ ក៏ចាប់ផ្ដើមជួបប្រទះនឹងបញ្ហាប្រឈម ចាប់តាំងពីវិបត្តិកូវីដ១៩ ចូលមកយារយីសេដ្ឋកិច្ចកម្ពុជា អតិថិជនគោលដៅទិញដីឡូត៏ ក៏បាត់បង់ប្រាក់ចំណូល ឬក៏ប្រាក់ចំណូលថយចុះធ្វើឱ្យការលក់ដីឡូត៏ចាប់ផ្ដើមថមថយ ហើយអ្នកអភិវឌ្ឍន៍ដីឡូត៏ក៏ឃើញថាចាប់ផ្ដើជួបប្រទះនឹងបញ្ហា ជាពិសេសអ្នកដែលយកប្រភពទុនផ្សេងមកប្រើនិងត្រូវបង្វិលជូនវិញ។

ម្យ៉ាងវិញទៀត អ្នកលក់ដីឡូត៏មួយចំនួន ដើម្បីតែប្រាក់កម្រៃជើងសារ សុខចិត្តឃោសនាផ្សព្វផ្សាយគម្រោងដីឡូត៏ លើសពីការពិត ហើយបញ្ចុះបញ្ចូលអ្នកទិញ ដោយនិយាយថាគម្រោងរបស់ខ្លួនទិញតែមួយឆ្នាំ នឹងទទួលបានប្រាក់ចំណេញមកវិញ គុណជាពីរជាដើម តែធាតុពិតកុំថាឡើយចំណេញ តែលក់យកថ្លៃដើមវិញក៏មិនមានអ្នកទិញផង ។

មានក្រុមហ៊ុនខ្លះទៀត បានយកលុយពីអតិថិជន មុននឹងគម្រោងរបស់ខ្លួនអភិវឌ្ឍន៍ទៅទៀត ហើយក៏យកលុយទៅប្រើប្រាស់ខុសគោលការណ៍ ដោយរំពឹងថាពេលលក់ដីឡូត៏នោះ បានពេលណានឹងបង្វិលសងទៅកាន់អតិថិជនវិញ ជាក់ស្ដែងឧកញ៉ាជា សារ៉នគ្រុបដែលពលរដ្ឋ ប្រមាណជាង២៤០០គ្រួសារ បានប្តឹងអភិបាលខេត្តកំពតរកដំណោះស្រាយ ដោយសារតែលោកឧកញ៉ារូបនេះ បានដាក់ទុនហួសមាឌ ក្នុងពេលស្ថានភាពកូវីដ១៩ មិនទាន់បានប្រសើរនៅឡើយ ។

លោកឧកញ៉ាជា សារ៉ន បាននិយាយនៅមុខពលរដ្ឋជាជនរងគ្រោះថា ខ្លួនឡុងចុងអស់ដើមទុនបែបនេះ ដោយសារតែកាលពីអំឡុងដើមឆ្នាំ២០២២ ស្របនឹងរដ្ឋាភិបាលបើកប្រទេសវិញ ហើយគិតថា កូវីដ១៩វាលែងអីហើយ សេដ្ឋកិច្ចនឹងប្រសើរវិញហើយ។

មើលឃើញស្ថានភាពបែបនេះ លោកក៏បានយកលុយរាប់សិបលានដុល្លារមកសង់ការិយាល័យ ពង្រីកគម្រោងបន្ថែម ប៉ុន្តែកូវីដ១៩ ក៏បន្តរាលដាល ហើយគាប់ជួននឹងសង្គ្រាមរវាងរុស្ស៊ី និងអ៊ុយក្រែនផ្ទុះឡើងទៀត គម្រោងដែលបានអភិវឌ្ឍន៍ លក់មិនចេញទាំងខុនដូ ទាំងដីឡូត៏ អត់មានអ្នកទិញ បង្កឱ្យមានការចលាចល ដល់ពលរដ្ឋដែលបានដាក់ទុនវិនិយោគជាមួយលោក។

តាមរយៈបទពិសោធន៍បស់លោកឧកញ៉ា ជាសារ៉ន ជាគំរូមួយសម្រាប់វិនិយោគិន មុនបណ្ដាក់ទុនវិនិយោគ ត្រូវចេះថ្លឹងថ្លែងនិងតាមដានពីសេដ្ឋកិច្ច ឱ្យបានច្បាស់លាស់ ជៀសវាងមានហានិភ័យដូចដែលបានកើតឡើង ក្នុងរយៈពេលប៉ុន្មានថ្ងៃមកនេះ ។

មិនមែនមានតែលោកឧកញ៉ារូបនេះ មួយប៉ុណ្ណោះទេ តែក៏មានអ្នករកស៊ីពុះដីឡូត៏ជាច្រើនទៀត បានប្រមូលលុយពីអតិថិជនហើយ តែរកដី ពិតប្រាកដឱ្យអតិថជិនមិនបាន ពីព្រោះតែក្រុមហ៊ុនទិញដីហើយ តែមិនបានប្រគល់ដីឱ្យទៅម្ចាស់ដើម ទើបម្ចាស់ដើមមិនអនុញ្ញាតឱ្យប្លង់កម្មសិទ្ធិ សម្រាប់ពុះបំបែកក្បាលដីជាដើម។

ការណ៍នេះ ក៏បាននាំឱ្យមានបញ្ហាជម្លោះ រវាងក្រុមហ៊ុនអភិវឌ្ឍន៍និងអតិថិជន ហើយក៏វាមានច្រើនករណីផងដែរ៕

ភាគហ៊ុនធនាគារយក្សអាមេរិក First Republic Bank ដាំក្បាលចុះខ្លាំង ខណៈការដាក់ប្រាក់បញ្ញើធ្លាក់ចុះជាង១០០ពាន់លានដុល្លារ

ដោយៈ សុខុម

ញូវយ៉ក: ភាគហ៊ុនរបស់ធនាគារយក្សអាមេរិក First Republic Bank បានធ្លាក់ចុះជាង២០% កាលពីថ្ងៃច័ន្ទ ទី២៤ ខែមេសា ខណៈធនាគារនេះនិយាយថា ប្រាក់បញ្ញើរបស់ខ្លួនបានដាំក្បាលចុះ រហូតដល់ទៅជាង១០០ពាន់លានដុល្លារ ក្នុងត្រីមាសទី១ ដើមឆ្នាំ២០២៣នេះ។

យោងតាមទីភ្នាក់ងារព័ត៌មាន Reuters ចុះផ្សាយនៅថ្ងៃអង្គារ ទី២៥ ខែមេសា នេះឱ្យដឹងថា ពេលនេះធនាគារដែលផ្ដល់សេវាគ្រប់គ្រងទ្រព្យសម្បត្តិផងដែរនេះ កំពុងស្វែងរកជម្រើសដូចជាការរៀបចំតារាងតុល្យការឡើងវិញជាដើម។

ការធ្លាក់ចុះនូវប្រាក់បញ្ញើយ៉ាងច្រើន សម្បើមនេះកើតមានឡើង ក្រោយពីប្រាក់បញ្ញើ របស់ធនាគារខ្នាតយក្សផ្សេងៗទៀត របស់សហរដ្ឋអាមេរិក បានដាំក្បាលចុះខ្លាំងកាលពីខែមុន បន្ទាប់ពីធនាគារថ្នាក់តំបន់ចំនួន២បានដួលរលំ។

ធនាគារ First Republic Bank ដែលមានមូលដ្ឋាននៅទីក្រុងសានហ្វ្រានស៊ីស្កូ សហរដ្ឋអាមេរិក បានប្រកាសកាលពីថ្ងៃច័ន្ទ ទី២៤ ខែមេសា ថា ខ្លួនគ្រោងនឹងកាត់បន្ថយ តារាងតុល្យការរបស់ខ្លួន និងកាត់បន្ថយការចំណាយ តាមរយៈការកាត់បន្ថយប្រាក់រង្វាន់លើទឹកចិត្តសម្រាប់គណៈគ្រប់គ្រងជាន់ខ្ពស់ រាប់ចាប់ពីថ្នាក់នាយកប្រតិបត្តិ កាត់បន្ថយទំហំការិយាល័យ និងជម្រុះបុគ្គលិកពីជិត២០%ទៅ២៥%នៅក្នុងត្រីមាសទី២។

ធនាគារនេះក៏មានគោលបំណង បង្កើនប្រាក់បញ្ញើធានារ៉ាប់រងរបស់ខ្លួន និងកាត់បន្ថយការខ្ចីប្រាក់ ពីធនាគារកណ្ដាលអាមេរិក (Federal Reserve Bank) ផងដែរ។

នាយកប្រតិបត្តិធនាគារនេះលោក Mike Roffler បានថ្លែងក្នុងសន្និសីទសាព័ត៌មានថា “យើងកំពុងចាត់វិធានការកាត់បន្ថយការចំណាយរបស់យើង ឱ្យស្របតាមការផ្តោតយកចិត្តទុកដាក់របស់យើង លើការកាត់បន្ថយទំហំនៃតារាងតុល្យការ”៕ Reuters៕

តើអ្វីទៅជាក្តីសុបិនរបស់កម្ពុជាឆ្ពោះទៅប្រែក្លាយខេត្តព្រះសីហនុដូច ទីក្រុងស៊ិនជិនរបស់ប្រទេសចិន?

ដោយ: គង់ លាងហួរ

អន្តរជាតិ: បិតានៃទំនើបភាវូបនីយកម្ម កំណែទម្រង់ និងការបើកទ្វារទូលាយរបស់ប្រទេសចិន គឺលោកតេង ស៊ាវពីង បានបំពេញទស្សនកិច្ចផ្លូវការ នៅសហរដ្ឋអាមេរិក នៅក្នុងខែមករា ឆ្នាំ១៩៧៩។

លោកគឺជាថ្នាក់ដឹកនាំចិនដំបូងគេ ដែលបានធ្វើទស្សនកិច្ច បន្ទាប់ពីការបង្កើតទំនាក់ទំនងការទូត ជាផ្លូវការរវាងប្រទេសទាំងពីរ។

លោកបានសង្កត់ធ្ងន់ថា “ខ្ញុំមកអាមេរិក គឺដើម្បីរៀនសូត្រអ្វីៗគ្រប់យ៉ាង ដែលរីកចម្រើនជឿនលឿន”។

នៅពេលនោះ លោកតេង បានទៅទស្សនាគម្រោងឧស្សាហកម្មទំនើប និងបច្ចេកវិទ្យាជឿនលឿនមួយចំនួនរបស់អាមេរិក។

លោកស្តាប់ដោយយកចិត្តទុកដាក់បណ្តើរ គាត់ស្រមៃឃើញទំនើបកម្មឧស្សាហកម្មផ្ទាល់ របស់ប្រទេសចិនបណ្តើរ។

នៅរោងចក្រក្រុមហ៊ុន Ford លោក តេង បានមានប្រសាសន៍ថា ប្រទេសចិនត្រូវការអភិវឌ្ឍ ឧស្សាហកម្មរថយន្តរបស់ខ្លួន ហើយលោកកំណត់ថា នឹងត្រូវការរយៈពេល២០ឆ្នាំ។

នៅមជ្ឈមណ្ឌលអវកាស Johnson ក្នុងទីក្រុងហ៊ូស្តុន លោក តេង បានចាប់ផ្តើមស្រមៃមើលពីរបៀប ដែលប្រទេសចិនអាចតាមទាន់ប្រទេសជឿនលឿន ក្នុងកម្មវិធីអវកាសរបស់ខ្លួន។

នៅឯរោងចក្រដំឡើងយន្តហោះ Boeing 747 លោកបានចង្អុលបង្ហាញថា នៅពេលដែលសេដ្ឋកិច្ចរបស់ខ្លួនរីកចម្រើន វាមានសារៈសំខាន់សម្រាប់ប្រទេសចិនក្នុងការរចនា និងផលិតយន្តហោះ jumbo ដោយខ្លួនឯង។

លោកមានការភ្ញាក់ផ្អើលយ៉ាងខ្លាំង ដែលរោងចក្រ Ford អាចផលិតរថយន្តបាន៥០គ្រឿងក្នុងមួយម៉ោង ដែលនៅពេលនោះ ប្រទេសចិន អាចផលិតបានត្រឹមតែ១៣.០០០គ្រឿងក្នុងមួយឆ្នាំ។

លោក តេង ស៊ាវពីង មានមហិច្ឆតាក្នុងការនាំយកអ្វីៗទាំងអស់ដែលគាត់បានឃើញ ទាក់ទងនឹងបច្ចេកវិទ្យាទំនើប នៅសហរដ្ឋអាមេរិក មកកាន់ប្រទេសចិន។

ដើម្បីសម្រេចបាននូវក្តីសុបិនទាំងនេះ លោក តេង ស៊ាវពីង គឺជាអ្នកដឹកនាំគន្លឹះ ក្នុងការបើកឱ្យប្រទេសចិន ស្រូបយកមូលធនបរទេស ប្រព័ន្ធគ្រប់គ្រងសហគ្រាស និងបច្ចេកវិទ្យាពីបរទេស ទោះបីជាមានការភ័យខ្លាចពីផលប៉ះពាល់អវិជ្ជមាន លើប្រព័ន្ធសង្គមនិយមខ្លះៗក៏ដោយ។

ក្រោមការឃ្លាំមើលរបស់លោក ប្រទេសចិនបានចាប់ផ្តើមកំណែទម្រង់ដ៏ក្លាហាន រួមទាំងការបង្កើត “តំបន់សេដ្ឋកិច្ចពិសេស” ចំនួន៤ នៅតាមបណ្តោយឆ្នេរសមុទ្រ ភាគអាគ្នេយ៍នៃប្រទេសចិន រួមមានទីក្រុងសិនជិន (Shenzhen), សានថូវ (Shantou) និងជូហៃ (Zhuhai) ដែលមានទីតាំងនៅខេត្តក្វាងតុង(Guangdong) និងសែមិន (Xiamen) ដែលស្ថិតនៅក្នុងខេត្តហ្វូជាន (Fujian)។

ក្តីសុបិនដែលហាក់ដូចជាមិនអាចទៅរួច របស់តេង ស៊ាវពីង កាលពីឆ្នាំ១៩៧៩ នៅពេលដែលប្រទេសចិន នៅមិនទាន់ជឿនលឿននៅឡើយ បានក្លាយជាការពិតទាំងអស់នៅ៤ទសវត្សរ៍ ក្រោយមក ឬក៏មុននឹងទៅទៀត។

នៅពេលដែលប្រធានាធិបតី ស៊ី ជីនពីង បានទៅទស្សនាតំបន់ឈានហៃ (Qianhai) ដែលជាតំបន់ឈូងសមុទ្រតូចមួយ នៅក្នុងទីក្រុងសិនជិន ក្នុងឆ្នាំ២០១២ លោកបានលើកទឹកចិត្តឱ្យតំបន់នេះ ហ៊ានក្លាយជាទីក្រុងដំបូងគេ និងជាអ្នកត្រួសត្រាយផ្លូវនៃនវានុវត្តន៍។

លោកប្រធានាធិបតី ស៊ី បានកំណត់យកសង្កាត់ឈានហៃ ជាគោលដៅដំបូង នៃដំណើរត្រួតពិនិត្យរបស់គាត់ ដោយសង្កត់ធ្ងន់លើបេសកកម្មរបស់ឈានហៃ នៅក្នុងការ “ប្រើប្រាស់ហុងកុងជាឃ្នាស់ជំរុញកំណើន (leverage) បម្រើចិនដីគោក និងជះឥទ្ធិពលទៅលើពិភពលោក។

ក្នុងស្មារតីដូចគ្នា បើយើងនិយាយអំពីសុបិន តើមេដឹកនាំកម្ពុជាគួរតែប្រាប់មេដឹកនាំចិនថា កម្ពុជាចង់បញ្ជូនជនជាតិខ្មែរ ទៅលំហអវកាស ជាមួយអវកាសយានិកចិន ក្នុងរយៈពេល ២០ ឬ ៣០ឆ្នាំខាងមុខដែរឬយ៉ាងណា?។

សំណួរនេះមានលក្ខណៈជ្រុលនិយម។ វាប្រាប់យើងពីគម្លាតរវាងការពិត និងសុបិន។ តាមពិត សុបិនអាចមានទម្រង់ និងកម្រិតផ្សេងៗ។ សុបិនអាចជាការស្រមើស្រមៃលន្លង់លន្លោច តែសុបិនក៏អាចជាមហិច្ឆិតា ដែលមានគោលដៅច្បាស់លាស់ផងដែរ។

ទោះយ៉ាងណាក្តី នៅពេលដែលយើងនិយាយអំពីសុបិន វារមែងតែងតែមានធាតុ ដែលមិនអាចសម្រេចបាន ឬអ្វីមួយដែលហួសពីលទ្ធភាព ឬឆ្ងាយពីការពិត។

ក្នុងចំណោមសុបិនជាច្រើន ក្នុងការកសាងប្រទេសជាតិ កម្ពុជាមានសុបិនមួយ គឺកសាងខេត្តព្រះសីហនុឱ្យដូចជាក្រុងសិនជិន។

យើងអាចដាក់សញ្ញាសួរជាច្រើន ចំពោះសុបិននេះ ប៉ុន្តែបើសុបិននេះ គ្រាន់តែជាទឹកចិត្តប៉ងប្រាថ្នា ពុំគួរឡើយនឹងត្រូវទទួលការបន្ទុចបង្អាក់នោះដែរ ទោះបច្ចុប្បន្ននៅឆ្ងាយពីការពិតក្តី។

តាំងពីយូរយារណាស់មកហើយ រាជរដ្ឋាភិបាលបានកំណត់យកខេត្តព្រះសីហនុជាប៉ូលសេដ្ឋកិច្ចមួយ នៅក្នុងចំណោមត្រីកោណនៃកំណើនសេដ្ឋកិច្ច បន្ទាប់ពីរាជធានីភ្នំពេញ និងខេត្តសៀមរាប ប៉ុន្តែ កំណើននៃខេត្តព្រះសីហនុ មានភាពយឺតយ៉ាវជាងគេ បើធៀបនឹងប៉ូលសេដ្ឋកិច្ចពីរផ្សេងទៀត។

នៅក្នុងឆ្នាំ ២០១២-២០១៣ នៅពេលដែលអ្នករៀបចំគោលនយោបាយបានចាប់ផ្តើមតាក់តែង “គោលនយោបាយអភិវឌ្ឍន៍វិស័យឧស្សាហកម្មកម្ពុជា” (IDP) ទីក្រុងព្រះសីហនុនៅតែជាទីក្រុងដែលស្ងប់ស្ងាត់។

ដោយប្រមើលមើលពីឧស្សាហូបនីយកម្ម របស់ប្រទេសកម្ពុជាពីឆ្នាំ២០១៥ ដល់ឆ្នាំ២០២៥ អ្នករៀបចំគោលនយោបាយបានពិភាក្សាគ្នាយ៉ាងច្រើន អំពីយុទ្ធសាស្ត្រអភិវឌ្ឍ និងប្រែក្លាយខេត្តព្រះសីហនុទៅជាតំបន់សេដ្ឋកិច្ចពិសេសពហុបំណង។

គោលនយោបាយអភិវឌ្ឍន៍វិស័យឧស្សាហកម្ម បានដាក់ចេញនូវវិធានការគន្លឹះជាក់ស្តែង៤យ៉ាង ហើយវិធានការទី៤ គឺបានកំណត់ឱ្យមានការ “អភិវឌ្ឍ និងប្រែក្លាយខេត្តព្រះសីហនុ ទៅជាតំបន់សេដ្ឋកិច្ចគំរូពហុបំណង ដែលគ្រោងអនុវត្តតាមគោលការណ៍ តំបន់រដ្ឋបាលពិសេស ដោយរៀបចំផែនការមេសម្រាប់ការអភិវឌ្ឍ ក្របខណ្ឌច្បាប់ និងនិយតកម្ម ព្រមទាំងយន្តការគ្រប់គ្រងចាំបាច់នានា ដែលនឹងផ្តល់សិទ្ធិអំណាច និងយុត្តាធិការពេញលេញ សម្រាប់ការកៀរគរ ទាក់ទាញ និងការប្រមូលផ្តុំនូវប្រភពធនធាន បញ្ញាញាណ សកម្មភាពធុរកិច្ច និងការវិនិយោគ ដើម្បីអភិវឌ្ឍខេត្តព្រះសីហនុ ឱ្យក្លាយទៅជាប៉ូលសេដ្ឋកិច្ចសំខាន់មួយ និងជាមជ្ឈមណ្ឌលឧស្សាហកម្ម ពាណិជ្ជកម្ម និងទេសចរណ៍ ស្របតាមទស្សនាទាននៃការអភិវឌ្ឍប្រកបដោយចីរភាព និងមានតុល្យភាពបរិស្ថាន ព្រមទាំងប្រែក្លាយជា ទីក្រុងឧស្សាហកម្មបៃតងអាស៊ាន នាពេលអនាគត”។

ពេលនេះ យើងងាកទៅមើលបញ្ហា ក្នុងតថភាពជាក់ស្តែងវិញម្តង។

ទោះបីជាគោលនយោបាយ IDP បានចាប់ផ្តើមអនុវត្តនៅឆ្នាំ២០១៥ ក៏ដោយ ប៉ុន្តែការអភិវឌ្ឍផែនការមេ សម្រាប់ខេត្តព្រះសីហនុ មិនទាន់បានចាប់ផ្តើមភ្លាមៗនោះទេ រហូតដល់ឆ្នាំ២០១៩ ព្រោះជួបការលំបាក ក្នុងការស្វែងរកអ្នកអភិវឌ្ឍន៍ផែនការមេ ដែលមានសមត្ថភាពជំនាញច្បាស់លាស់ និងការស្វែងរកធនធាន ដើម្បីអភិវឌ្ឍន៍តាមផែនការមេ។

ទាល់តែដល់ឆ្នាំ ២០១៩ ទើបរាជរដ្ឋាភិបាលបានសម្រេចប្រគល់ភារកិច្ចឱ្យវិទ្យាស្ថានរៀបចំក្រុង និងឌីហ្សាញទីក្រុងសិនជិន (UPDIS) ដើម្បីអភិវឌ្ឍផែនការមេ។ នេះមិនមែនជារឿងចៃដន្យទេ។

UPDIS ត្រូវបានណែនាំដោយអង្គការសហប្រជាជាតិ ដើម្បីអភិវឌ្ឍន៍ឧស្សាហកម្ម (UNIDO) ឱ្យបំពេញកិច្ចការនេះ ពីព្រោះស្ថាប័ននេះមានបទពិសោធន៍ជាក់ស្តែង ក្នុងការអភិវឌ្ឍផែនការមេទីពីរសម្រាប់ទីក្រុងសិនជិន (១៩៩៦-២០១០) ហើយផែនការមេមួយនេះបានឈ្នះពានរង្វាន់ Patrick Abercrombie សម្រាប់ការរៀបចំទីក្រុង និងឌីហ្សាញនៅឆ្នាំ ១៩៩៩។

នៅពេលដែល UPDIS កំពុងចាប់ផ្តើមរៀបចំផែនការមេ ជំងឺកូវីដ-១៩ បានចាប់ផ្តើមវាយលុក និងបំផ្លាញពិភពលោកទាំងមូល។ យោងតាមគម្រោងដើម គេរំពឹងថា សេចក្តីព្រាងផែនការមេនឹងត្រូវបានបង្កើតឡើងក្នុងឆ្នាំនេះ ប៉ុន្តែរហូតមកទល់ពេលនេះ គេនៅមិនទាន់ច្បាស់ទេថា តើនឹងត្រូវការពេលវេលាបន្ថែមទៀតឬយ៉ាងណា៕

Hotel prices in Japan rise 15 pct from pre-COVID-19 levels

A survey shows that the average hotel price in Japan during the latest quarter rose 15 percent from the same period in 2019, before the start of the coronavirus pandemic, public broadcaster NHK reported.

The survey conducted by STR, a research firm that provides market data on the hotel industry worldwide, shows that the average price for a hotel room in Japan during the January-March quarter was 16,125 yen (about 120 U.S. dollars), up by around 15.7 dollars from the same period in 2019, the report said on Sunday.

STR data also shows that the average hotel price in Tokyo was the highest in the country at 21,587 yen (about 160 dollars), up 17 percent compared to 2019.

STR attributes the increase to the implementation of a government subsidy program aimed at promoting domestic travel and the recent easing of COVID-19 restrictions in the country, as well as the yen’s weakness and surging consumer prices.

Source: Xinhua

ធនាគារកណ្ដាលវៀតណាម នឹងជួយអាជីវកម្មនានាដែលជួបការលំបាកខ្លាំងរៀបចំឥណទានឡើងវិញ

ដោយៈ សុខុម

ហាណូយ: ធនាគារកណ្តាលវៀតណាម (SBV) បានប្រកាសកាលពីថ្ងៃច័ន្ទ ទី២៤ ខែមេសា ថា ខ្លួននឹងជួយអាជីវកម្មនានា ដែលកំពុងជួបការលំបាក រៀបចំឥណទានឡើងវិញ រួមទាំងការពន្យារពេលសងប្រាក់កម្ចីរហូតដល់១២ខែផងដែរ។

ធនាគារនេះ បានចេញសេចក្តីថ្លែងការណ៍ថា វិធានការរៀបចំឥណទានឡើងវិញនេះ នឹងត្រូវអនុវត្តរហូតដល់ខែមិថុនា ឆ្នាំ២០២៤ ក្នុងគោលបំណងជំរុញសេដ្ឋកិច្ចដែលកំពុងធ្លាក់ចុះ។

រដ្ឋាភិបាលវៀតណាម បានសេចក្តីថ្លែងការណ៍ដាច់ដោយឡែកមួយថា នាយករដ្ឋមន្ត្រីវៀតណាម លោក Pham Minh Chinh កាលពីចុងសប្តាហ៍កន្លងទៅ បានស្នើឱ្យធនាគារកណ្ដាល ធ្វើសេចក្ដីព្រាងផែនការកំណត់គោលដៅ ក្រុមហ៊ុនបន្ថែមទៀត សម្រាប់ការរៀបចំឥណទានឡើងវិញ និងផ្ដល់ការពន្យារពេលសងប្រាក់កម្ចី។

ក្រុមហ៊ុនជាច្រើនក្នុងប្រទេសវៀតណាម ដែលជាមជ្ឈមណ្ឌលផលិតកម្មដ៏សំខាន់មួយ នៅក្នុងតំបន់បាន និងកំពុងជួបការលំបាក ស្របពេលតម្រូវការទូទាំងពិភពលោកធ្លាក់ចុះ។

តួលេខបង្ហាញថា ការនាំចេញរបស់វៀតណាម បានធ្លាក់ចុះ១១,៩%ក្នុងត្រីមាសទី១ ដើមឆ្នាំនេះ។

កំណើនសេដ្ឋកិច្ចរបស់វៀតណាម បានធ្លាក់ចុះមកនៅត្រឹម៣,៣២%អំឡុងខែមករា ដល់ខែមីនា បើធៀបនឹងកំណើន៥,៩២%ក្នុងត្រីមាសទី៤ ចុងឆ្នាំ២០២២ ហើយធនាគារកណ្ដាលវៀតណាម បានកាត់បន្ថយ អត្រាគោលនយោបាយមួយចំនួន ដើម្បីគាំទ្រដល់កំណើនសេដ្ឋកិច្ច។

លោក Pham Minh Chinh នៅក្នុងកិច្ចប្រជុំកាលពីចុងសប្តាហ៍ជាមួយធនាគារកណ្តាល ក៏បានអំពាវនាវឱ្យធនាគារពាណិជ្ជនានាបញ្ចុះអត្រាការប្រាក់ផងដែរ ដើម្បីជួយសម្រាលបន្ទុករបស់អាជីវកម្មនានា និងគ្រួសារពលរដ្ឋដែលជាអតិថិជនរបស់ខ្លួន។

លើសពីនេះ លោកបានជំរុញឱ្យធនាគារកណ្តាល ជួយគាំទ្រដល់ទីផ្សារមូលបត្របំណុលសាជីវកម្ម ក្នុងស្រុកផងដែរ តាមរយៈការធ្វើវិសោធនកម្មបទប្បញ្ញត្តិ មូលបត្របំណុលដែលមានស្រាប់ ដើម្បី “ជួយសម្របសម្រួលដល់ស្ថាប័នឥណទាន ក្នុងការវិនិយោគលើមូលបត្របំណុលសាជីវកម្ម ដើម្បីបង្កើនការផ្គត់ផ្គង់ និងសាច់ប្រាក់ងាយស្រួល”។

ក្រសួងហិរញ្ញវត្ថុបាននិយាយកាលពីខែកុម្ភៈ ដើមឆ្នាំនេះថា មូលបត្របំណុលសាជីវកម្ម ដែលមានទំហំសរុប១២,០៤ពាន់លានដុល្លារអាមេរិក នឹងដល់ពេលកំណត់ត្រូវទូទាត់នៅឆ្នាំនេះ ដោយក្នុងនោះមូលបត្របំណុលសាជីវកម្ម៤២% ត្រូវបានបោះផ្សាយដោយបណ្ដាក្រុមហ៊ុនអភិវឌ្ឍន៍អចលនទ្រព្យ៕ Reuters៕

ប្រធានCVEAតាំងចិត្តលើកកម្ពស់ឧស្សាហកម្មអចលនវត្ថុ និងការរួមចំណែកក្នុងការអភិវឌ្ឍន៍សេដ្ឋកិច្ចជាតិ

ដោយៈ វឌ្ឍនៈ

ភ្នំពេញៈ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA) លោកសន សៀបបានបង្ហាញឆន្ទៈ ចូលរួមក្នុងការលើកកម្ពស់ឧស្សាហកម្មអចលនវត្ថុ និងការចូលរួមក្នុងការអភិវឌ្ឍសេដ្ឋកិច្ចជាតិ ។

នៅក្នុងសាររបស់លោកសៀប សន ប្រធានសមាគម ដែលបានផ្សព្វផ្សាយនៅព្រឹកថ្ងៃទី២៤ មេសា ២០២៣នេះ បានដាក់ចេញនូវផែនការយុទ្ធសាស្រ្ត នៃដឹកនាំសមាគម CVEA ដើម្បីពង្រឹងការងារខាងក្នុង និងបណ្តាញការងារជាមួយដៃគូ ពាក់ព័ន្ធខាងក្រៅ ដែលបានផ្តោត ទៅលើការអភិវឌ្ឍន៍ជំនាញវិជ្ជាជីវៈ ក្រមសីលធម៌ សមត្ថភាព ច្បាប់ និងបទប្បញ្ញត្តិ ព្រមទាំងប្រតិបត្តិការប្រកបដោយនិរន្តរភាព។

លើសពីនេះទៀត លោក ក៏នឹងពង្រីកទីផ្សារដ៏មានសក្ដានុពល សាងកេរ្តិ៍ឈ្មោះម៉ាកយីហោសមាគម និងបណ្តាញទំនាក់ទំនងផ្សេងៗទៀត ។

លោកសៀប បានមានប្រសាសន៍ថា ក្នុងអាណត្តិរបស់លោកនឹងប្ដេជ្ញាកៀរគរវិនិយោគិន ពីក្នុងនិងក្រៅប្រទេសចូលមកកម្ពុជា ហើយលោកនឹងកៀរគរ បណ្ដាក្រុមហ៊ុនអចលនទ្រព្យ អ្នកជំនាញដើម្បីចូលរួមជាមួយសមាគម ដើម្បីរួមគ្នាក្នុងការផ្ដល់សេវា និងប្រឹក្សាដល់អ្នកវិនិយោគក្នុងវិស័យអចលនទ្រព្យ។

លោកបន្តថា ”ក្រុមហ៊ុនដែលមិនមែនជាសមាជិករបស់សមាគមនឹងអញ្ជើញពួកគាត់ចូលរួមក្នុងសមាគម ដើម្បីអភិវឌ្ឍន៍ចំណេះជំនាញ និងក្រមសីលធម៌បន្ថែមទៀត”។

ជាមួយគ្នានេះ អ្នកស្រីអាន សុធីតាអគ្គនាយកក្រុមហ៊ុន PropNex Cambodia បានលើកឡើងផងដែរថា អ្នកវិនិយោគដែលចង់វិនិយោគ ក្នុងវិស័យអចលនទ្រព្យ តែមិនមានបទពិសោធន៍ ឬជំនាញច្បាស់លាស់ គួរស្វែងរកក្រុមហ៊ុនជំនាញ ដើម្បីប្រឹក្សាមុននឹងបណ្ដាក់ទុនវិនិយោគ ជៀសវាងកើតមានហានិភ័យ ជាពិសេសក្នុងកាលៈទេសៈដែលសេដ្ឋកិច្ចសាកល មិនទាន់មានភាពប្រាកដប្រជានៅឡើយ ៕

China introduces policies to stabilize foreign trade

China has introduced a series of policies to stabilize the scale of its foreign trade and improve its structure amid uncertain external demand, trade risks and other challenges, said the Ministry
of Commerce on Sunday.

To keep the foreign trade scale stable, the country will make efforts to create more opportunities, stabilize trade of important products and support foreign trade companies, Vice Commerce Minister Wang Shouwen told a press conference.

China will extensively resume domestic offline exhibitions and promote the resumption of international passenger flights. It will issue country-specific trade guidelines, help automakers establish and improve their international marketing and service systems, and improve foreign trade financing services for medium, small and micro enterprises, said Wang.

To improve foreign trade structure, China will guide the transfer of processing trade to the central, western and northeastern regions, formulate green and low-carbon standards for some foreign trade products, guide enterprises to make good use of cross-border e-commerce retail export related tax policies, and improve the efficiency of customs clearance, said Wang.

China’s foreign trade got off to a steady start in 2023, as total goods imports and exports expanded 4.8 percent year on year in the first quarter, official data showed.

Source: Xinhua

តម្លៃសណ្ឋាគារនៅប្រទេសជប៉ុនហក់ឡើងរហូតដល់១៥ភាគរយ ខណៈការធ្វើដំណើរក្នុងស្រុកស្ទុះងើបឡើងវិញ

ដោយ: គង់ លាងហួរ

តូក្យូ: ទូរទស្សន៍សាធារណៈ NHK បានរាយការណ៍ដោយដកស្រង់ការស្ទង់មតិមួយបង្ហាញថា តម្លៃសណ្ឋាគារជាមធ្យម នៅក្នុងប្រទេសជប៉ុន ក្នុងអំឡុងត្រីមាសចុងក្រោយនេះ បានកើនឡើង១៥ភាគរយ ធៀបនឹងរយៈពេលដូចគ្នាក្នុងឆ្នាំ២០១៩ មុនពេលចាប់ផ្តើមនៃការរាតត្បាតនៃជំងឺកូវីដ-១៩។

ការស្ទង់មតិដែលធ្វើឡើងដោយស្ថាប័នSTR ដែលជាក្រុមហ៊ុនស្រាវជ្រាវផ្តល់ទិន្នន័យទីផ្សារ លើឧស្សាហកម្មសណ្ឋាគារទូទាំងពិភពលោកបង្ហាញថា តម្លៃជាមធ្យមសម្រាប់បន្ទប់សណ្ឋាគារ ក្នុងប្រទេសជប៉ុនក្នុងអំឡុងត្រីមាស ចន្លោះពីខែមករា ដល់ខែមីនាគឺ១៦.១២៥យ៉េន (ប្រហែល១២០ដុល្លារអាមេរិក) កើនឡើងប្រហែល១៥,៧ដុល្លារធៀបនឹងរយៈពេលដូចគ្នាក្នុងឆ្នាំ២០១៩។

ទិន្នន័យរបស់STR ក៏បង្ហាញផងដែរថា តម្លៃសណ្ឋាគារជាមធ្យមនៅទីក្រុងតូក្យូ គឺខ្ពស់បំផុតនៅក្នុងប្រទេស ក្នុងរង្វង់២១.៥៨៧យ៉េន (ប្រហែល១៦០ដុល្លារ) កើនឡើង១៧ភាគរយ បើធៀបទៅនឹងឆ្នាំ២០១៩។

ក្រុមហ៊ុនស្រាវជ្រាវ STR វាយតម្លៃថា ការកើនឡើងនេះបណ្តាលមកពី ការអនុវត្តកម្មវិធីឧបត្ថម្ភធនរបស់រដ្ឋាភិបាល ក្នុងគោលបំណងលើកកម្ពស់ ការធ្វើដំណើរក្នុងស្រុក និងការបន្ធូរបន្ថយជំងឺកូវីដនៅក្នុងប្រទេស ក៏ដូចជាការធ្លាក់ថ្លៃរបស់ប្រាក់យ៉េន និងការកើនឡើងតម្លៃអ្នកប្រើប្រាស់។

តម្លៃបន្ទប់នៅសណ្ឋាគារជប៉ុនកំពុងកើនឡើង ដោយសារការស្ទុះងើបឡើងវិញ នៃការធ្វើដំណើរក្នុងស្រុក និងទេសចរណ៍បរទេស ទោះបីជាកង្វះកម្លាំងពលកម្ម ដែលកំពុងបន្តរបស់ប្រទេសនេះ ធ្វើឱ្យមានការព្រួយបារម្ភអំពីការផ្គត់ផ្គង់៕

រដ្ឋមន្រ្តីព៌តមានជួបជាមួយតំណាងក្រុមហ៊ុន Googleដើម្បីពង្រីក កិច្ចសហការ

ដោយៈ ហ្វីអូណា

ភ្នំពេញៈ រដ្ឋមន្រ្តីក្រសួងព៌តមាន លោកខៀវ កាញារីទ្ធ បានទទួលជួបពិភាក្សាការងារជាមួយ លោក Yves Gonzalez តំណាងក្រុមហ៊ុនGoogle ទទួលបន្ទុកកិច្ចការរដ្ឋាភិបាល និងគោលនយោបាយសាធារណៈតំបន់អាស៊ីអាគ្នេយ៍។

ក្នុងជំនួបនេះនាព្រឹកថ្ងៃទី២៤ មេសាកន្លងមក ក៏មានការចូលរួមពីលោក Chean Sithykun តំណាងក្រុមហ៊ុន Google ប្រចាំកម្ពុជា។

កម្ពុជារៀបចំព្រឹត្តិការណ៍ធំៗ ដូចជាការប្រកួតកីឡាស៊ីហ្គេមជាដើម នូវការរីករាយដោយបានជួបពិភាក្សាការងារ ជាមួយតំណាង ក្រុមហ៊ុនGoogle ដែលជាផ្នែកនៃប្រពន្ធ័ផ្សព្វផ្សាយមួយដ៏សំខាន់ ក្នុងការទប់ស្កាត់នូវការផ្សាយព័ត៌មានមិនពិត និងក្លែងក្លាយនៅកម្ពុជា។

លោក Yves Gonzalez បានបញ្ជាក់ពីជំហរ ក្នុងការចូលរួមសហការការងារ ជាមួយក្រសួងព័ត៌មានកម្ពុជា ក្នុងការលុបបំបាត់ ទប់ស្កាត់ការផ្សាយដំណឹង និងព័ត៌មានក្លែងក្លាយ ហើយក្រុមការងាររបស់ Google និងសហការជាមួយ ក្រុមការងារព័ត៌មានវិទ្យា ក្រសួងព័ត៌មាន ដើម្បីរួមគ្នាធ្វើកិច្ចការងារឱ្យបានល្អប្រសើរ ព្រោះនៅកម្ពុជា នៅពេលខាងមុខ នេះមានរៀបចំព្រឹត្តការណ៍ធំៗ ដូចជា ព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ និងការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣៕

លោកបណ្ឌិតគីម ហ៊ាងបើកឱកាសសម្រាប់អ្នកចង់ប្រឡូកក្នុង វិស័យអចលនទ្រព្យ

ដោយៈ គង់ សូរិយា

ភ្នំពេញៈ លោកឧកញ៉ាបណ្ឌិតគីម ហ៊ាងប្រធានKW Cambodia និងជាអ្នកអភិវឌ្ឍន៍បុរីវិមានសំណាង បានបើកឱកាសដល់វិនិយោគិននានា ដែលមានបំណងចង់សហការ និងវិនិយោគ។

លោកបានសរសេរលើបណ្តាញទំនាក់ទំនងសង្គមរបស់ខ្លូនកាលពីថ្ងៃទី២៤ មេសាដោយលើកជាសំណួរចំនួនបីថា ទី1 គីម ហ៊ាង បាន និងកំពុងរកស៊ីមុខរបរអ្វីខ្លះ ត្រឹមឆ្នាំ ២០២៣? ទី2. គីម ហ៊ាង នឹងរកសុីមុខរបរអ្វីខ្លះនៅឆ្នាំ ២០២៤ និងអនាគត? និងទី3. ចង់ក្លាយជាផ្នែកមួយនៃអាជីវកម្មនានា ជាមួយគីម ហ៊ាង?។

លោកបានសរសេរបន្តថា មនុស្ស៣០នាក់ ដែលបានចុះឈ្មោះមុនគេ តាមលេខ095 96 2000 & 011 96 2000 ទើបអាចចូលរួមកម្មវិធីខាងលើ នៅការិយាល័យលក់បុរី វិមានសំណាង នៅថ្ងៃសៅរ៌ ២៩ មេសា ២០២៣ ម៉ោង 9:00-12:00 ដោយមិនគិតថ្លៃ៕