អភិបាលខេត្ត: ខេត្តព្រះសីហនុត្រៀមខ្លួនរួចរាល់ជាស្រេចសម្រាប់ព្រឹត្តិការណ៍ប្រកួតកីឡាស៊ីហ្គេមឆ្នាំ២០២៣នេះ

ដោយ: គង់ លាងហួរ

ភ្នំពេញ: លោកគួច ចំរើន អភិបាលខេត្តព្រះសីហនុ បានមានប្រសាសន៍ថា ខេត្តព្រះសីហនុបានត្រៀមខ្លួនរួចរាល់ សម្រាប់ព្រឹតិ្តការណ៍កីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ នៅខែឧសភាឆាប់ៗខាងមុខនេះ។

លោកគួច ចំរើន បានគូសបញ្ជាក់ថា អ្វីៗទាំងអស់ ជាពិសេសហេដ្ឋារចនាសម្ព័ន្ធ សន្តិសុខ និងសណ្តាប់ធ្នាប់សាធារណៈ ត្រូវបានរៀបចំយ៉ាងល្អប្រសើរហើយ។

លោកអភិបាលខេត្តបានបន្តថា ខេត្តព្រះសីហនុនឹងធ្វើជាម្ចាស់ផ្ទះកីឡា៣ប្រភេទ រួមមានជិះទូកក្តោង បាល់ទះឆ្នេរខ្សាច់ និងប្រណាំ ងម៉ូតូទឹក។

កីឡាជិះទូកក្តោងនឹងប្រព្រឹត្តទៅ ចាប់ពីថ្ងៃទី១ ដល់ថ្ងៃទី៨ ខែឧសភា ខណៈដែលកីឡាបាល់ទះឆ្នេរខ្សាច់ នឹងប្រព្រឹត្តិទៅចាប់ពីថ្ងៃទី១១ ដល់ថ្ងៃទី១៦ ខែឧសភា ដោយឡែកការប្រណាំងម៉ូតូទឹក នឹងធ្វើឡើងចាប់ពីថ្ងៃទី១៣ ដល់ថ្ងៃទី១៦ ខែឧសភា។

ទីតាំងចំនួន៥ ត្រូវបានរៀបចំសម្រាប់ធ្វើជាម្ចាស់ផ្ទះ រៀបចំការប្រកួតកីឡា រួមមានរាជធានីភ្នំពេញ (ពហុកីឡដ្ឋានជាតិមរតកតេជោ ពហុកីឡដ្ឋានជាតិអូឡាំពិក និងមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វា) ខេត្តកែប កំពត ព្រះសីហនុ និងសៀមរាប។ នេះជាលើកដំបូងសម្រាប់កម្ពុជា ដែលនឹងធ្វើជាម្ចាស់ផ្ទះកីឡាស៊ីហ្គេម និងអាស៊ានប៉ារ៉ាហ្គេម។

កីឡាសរុបចំនួន៣៦ប្រភេទ និងកីឡាបាល់ទាត់លើតុ(teqball) ត្រូវបានចុះក្នុងបញ្ជី សម្រាប់ស៊ីហ្គេមលើកទី៣២ និងកីឡា១៣ប្រ ភេទសម្រាប់អាស៊ានប៉ារ៉ាហ្គេមលើកទី១២។

កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នឹងប្រព្រឹត្តទៅចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ និងពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣ ក្រោមពាក្យស្លោក “កីឡារស់ក្នុងសន្តិភាព”៕

ផ្លូវក្រវ៉ាត់ក្រុងទី៣ទៅព្រលានយន្តហោះថ្មីនឹងក្លាយទៅជាតំបន់ លំនៅឋានដ៏មានសក្ដានុពល?

ដោយៈ វឌ្ឍនៈ

ភ្នំពេញៈ ការអភិវឌ្ឍលំនៅឋាននៅតំបន់ជាយក្រុង ត្រូវបានមើលឃើញថា កំពុងមានការមមាញឹកខ្លាំង ជាពិសេសនោះតំបន់ជុំវិញព្រលានយន្តហោះអន្តរជាតិថ្មី នៃខេត្តកណ្ដាលក៏កំពុងទាក់ទាញការវិនិយោគលើលំនៅឋានកាន់តែច្រើនផងដែរ។

នៅក្នុងពិធីប្រគល់វិញ្ញាបនបត្រ សម្គាល់ម្ចាស់អចលនវត្ថុជូនពលរដ្ឋ នៅក្នុងគម្រោងទីក្រុងរណបសិរីមង្គល កាលពីពេលថ្មីៗនេះ លោកតាំង ម៉េងលាង អភិបាលរងខេត្តកណ្ដាល បានមានប្រសាសន៍ថា តំបន់មួយនៅក្នុងខេត្តកណ្ដាល នៅពេលខែវស្សាបានក្លាយជាតំបន់ទឹកលិច ហើយខែប្រាំងទើបពលរដ្ឋអាចធ្វើស្រែបាន តែមកដល់ឥឡូវនេះ តំបន់ទឹកលិចពីមុននោះ បានក្លាយជាតំបន់លំនៅឋាន និងទីក្រុងរណបថ្មីមួយយ៉ាងស្រស់ស្អាត និងមានប្រជាពលរដ្ឋរស់នៅយ៉ាងច្រើនកុះករ ។

លោកបន្តថា “នាពេលអនាគតឆាប់ៗខាងមុខនេះ តំបន់ដែលនៅចន្លោះពីផ្លូវក្រវ៉ាត់ក្រុងទី៣ ទៅកាន់ព្រលានយន្តហោះអន្តរជាតិតេជោក្នុងស្រុកកណ្ដាលស្ទឹង និងក្រុងតាខ្មៅនឹងក្លាយជាតំបន់លំនៅឋានដ៏មមាញឹក”។ លោកបន្តថា “អ្នកអភិវឌ្ឍន៍កាន់តែច្រើនក៏នឹងធ្វើការអភិវឌ្ឍគម្រោងលំនៅឋាន ដើម្បីផ្គត់ផ្គង់ជូនអតិថិជនរបស់ខ្លួនទៅតាមតម្រូវការ”។

លោកបណ្ឌិតបេងហុង សុជាតិខេមរ៉ូ អគ្គនាយកនៃអគ្គនាយកដ្ឋានលំនៅឋាន នៃក្រសួងរៀបចំដែនដី នគរូបនីយកម្ម និងសំណង់បានមានប្រសាសន៍ថា តំបន់នៅចន្លោះពីផ្លូវក្រវ៉ាត់ក្រុងទី៣ ទៅកាន់ព្រលានយន្តហោះអន្តរជាតិថ្មី ពិតជាមានសក្ដានុពលលើការអភិវឌ្ឍលំនៅឋានពិតមែន ហើយលោកក៏គាំទ្រ ដល់ការអភិវឌ្ឍលំនៅឋានតម្លៃសមរម្យ សម្រាប់ផ្គត់ផ្គង់ប្រជាពលរដ្ឋ ដែលមានប្រាក់ចំណូលទាប និងមធ្យមក៏ដូចជាមន្ត្រីរាជការកម្ពុជាផងដែរ។

លោកក៏បានប្រកាសគាំទ្រ ដល់ការអភិវឌ្ឍលំនៅឋានតម្លៃសមរម្យរបស់គម្រោងវើលដ៏ប្រ៊ីដហូម ដែលជាគម្រោងលំនៅឋានតម្លៃសមរម្យដំបូងគេនៅកម្ពុជា និងបានផ្ដល់ទំនុកចិត្ត ដល់អ្នកទិញផ្ទះក្នុងគម្រោងនេះ ដោយបានប្រគល់វិញ្ញាបនបត្រ សម្គាល់ម្ចាស់អចលនវត្ថុហើយក៏សូមឱ្យក្រុមហ៊ុន និងអ្នកអភិវឌ្ឍន៍ដទៃចូលរួមអភិវឌ្ឍន៍លំនៅឋានតម្លៃសមរម្យ ដើម្បីចូលរួមចំណែកជាមួយរដ្ឋាភិបាល ក្នុងការផ្គត់ផ្គង់លំនៅឋានជូនពលរដ្ឋ។

ជាមួយគ្នានេះ លោកយក់ សុធីរិទ្ធ អ្នកគ្រប់គ្រងទូទៅនៃក្រុមហ៊ុនវើលដ៏ប្រ៊ីដហូម បានមានប្រសាសន៍ថា ដោយមានការគាំទ្រពីរាជរដ្ឋាភិបាលកម្ពុជា គម្រោងបានផ្តល់នូវលទ្ធភាព ជូនដល់ប្រជាពលរដ្ឋ និងមន្ត្រីរាជការ មានប្រាក់ចំណូលទាបនិងមធ្យម ក្នុងការទទួលបានលំនៅឋានមួយ ដែលមានប័ណ្ណកម្មសិទ្ធិប្លង់រឹង តកូនតចៅ និងបរិស្ថានរស់នៅប្រកប ដោយសុខមាលភាព សោភ័ណភាព សណ្តាប់ធ្នាប់ ការរស់នៅស្អាត និងសេចក្តីថ្លៃថ្នូរ ក្នុងតម្លៃទាបជាង៣ម៉ឺនដុល្លារអាមេរិកតែប៉ុណ្ណោះ។

ជាពិសេស អតិថិជនមិនតម្រូវ ឱ្យចំណាយបង់ពន្ធប្រថាប់ត្រា៤ភាគរយ ពេលផ្ទេរកម្មសិទ្ធិនោះឡើយ ដោយពន្ធប្រថាប់ត្រានេះគឺជាបន្ទុករបស់រដ្ឋ ។

សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក៏ធ្លាប់បានមានប្រសាសន៍លើកទឹកចិត្ត និងជំរុញឱ្យវិនិយោគិនក្នុងស្រុក អភិវឌ្ឍលំនៅឋានតម្លៃសមរម្យបន្ថែមទៀតដើម្បីអាចឱ្យពលរដ្ឋ មានប្រាក់ចំណូលទាប និងមធ្យម ក៏ដូចជាមន្ត្រីរាជការមានលទ្ធភាព ក្នុងការទិញលំនៅឋានសមរម្យ ស្នាក់នៅ ដោយរដ្ឋក៏បានលើកទឹកចិត្ត ដោយមិនយកពន្ធប្រថាប់ត្រាសម្រាប់លំនៅឋានតម្លៃសមរម្យនេះដែរ៕

ការសាងសង់អាគារជាប់គាំងនៅក្រុងព្រះសីហនុបានចាប់ផ្តើម បណ្តើរៗ ខណៈអ្នកធុរកិច្ចចិនចាប់ផ្តើមវិលមកវិញបណ្តើរៗ

ដោយៈ ជេស៊ីកា

ព្រះសីហនុៈ បន្ទាប់ពីការបើកចំហររបស់ប្រទេសចិន និងកំនើនសេដ្ឋកិច្ច ទេសចរណ៍របស់កម្ពុជាមានសញ្ញាវិជ្ជមាន ខេត្តព្រះសីហនុបាននិងកំពុងស្ថិតក្នុងក្រសែភ្នែកវិនិយោគិនបរទេសជាថ្មី។

ជាក់ស្តែងសកម្មភាពអាជីវកម្មពាក់ព័ន្ឋ នឹងវិស័យទេសចរណ៍ការសាងសង់សំណង់ និងគំរោងអភិវឌ្ឍន៍នានាបាននិងកំពុងចាប់ផ្តើមបណ្តើរៗ ស្របពេលអ្នកវិនិយោគចិនជាច្រើនក្រុម បានចាប់ផ្តើមសិក្សា និងស្វែងរកឱកាសវិនិយោគនៅក្នុងខេត្តនេះជាថ្មី។

អ្នកនាំពាក្យរដ្ឋបាលខេត្តព្រះសីហនុ លោកឃាង ភារម្យបានមានប្រសាសន៍ឲ្យដឹងកាលពីចុងសប្តាហ៍មុនថា ការសាងសង់អាគារជាប់គាំងនៅក្រុងព្រះសីហនុ បានចាប់ផ្តើមបណ្តើរៗឡើងវិញហើយ ស្របពេលចំនួនទេសចរណ៍ និងសកម្មភាពសេដ្ឋកិច្ចរបស់ខេត្តមានភាពប្រសើរឡើង។

លោកបន្តថា “យ៉ាងណាយើងមិនទាន់ឃើញសញ្ញាជាដុំកំភួនធំដុំណាមួយ ទាក់ទងនឹងគំរោងវិនិយោគ ហូរចូលមកកាន់ខេត្តនេះនៅឡើយ ប៉ុន្តែពិតជាមានវិនិយោគិនថ្មីៗមកស្វែងរកឱកាសវិនិយោគ”។

ការបើកដំណើរការផ្លូវល្បឿនលឿនភ្នំពេញ ព្រះសីហនុកាលពីខែតុលា ឆ្នាំមុន បានធ្វើឲ្យខេត្តនេះ ទទួលបានការចាប់អារម្មណ៍ច្រើនពីភ្ញៀវទេសចរណ៍ជាតិ អនន្តរជាតិ។

អគ្គនាយកក្រុមហ៊ុនERA Cambodia លោកខន គង្គាបានមានប្រសាសន៍ឲ្យដឹងកាលពីពេលថ្មីៗនេះថា ខេត្តព្រះសីហនុបានបង្ហាញសញ្ញាវិជ្ជមានលើទីផ្សារខុនដូ និងអចលនទ្រព្យដទៃទៀត ខណៈខេត្តនេះបាននិងកំពុងបង្ហាញវឌ្ឍនភាពយ៉ាងប្រសើរ បន្ទាប់ពីការបើកដំណើរការផ្លូវល្បឿនលឿនជាលើកដំបូង។

លោកបន្តថា “នៅពេលមានកំណើនភ្ញៀវទេសចរណ៍ នឹងមានកំណើនតម្រូវការសេវាកម្មស្នាក់នៅ ហេតុនេះតម្រូវការខុនដូនឹងកើនឡើងជាស្វ័យប្រវត្តិ”៕

Indonesia to propose limited free trade deal with US on critical minerals

JAKARTA: Indonesia will propose a free trade agreement for some minerals shipped to the United States so that companies in the electric vehicle battery supply chain operating in the country can benefit from US tax credits, a senior minister said on Monday (Apr 10).

Washington has issued a new guidance for EV tax credits under the Inflation Reduction Act (IRA), requiring a certain value of battery components to be produced or assembled in North America or a free trade partner.

Indonesia does not have a free trade agreement with the United States, but its nickel products have increasingly become important in the battery supply chain.

The Southeast Asian country has been trying to leverage its nickel reserves, the world’s biggest, to attract investment from battery and EV makers, including US companies such as Tesla and Ford.

Asked about the new IRA guidelines, Indonesian minister Luhut Pandjaitan, who has been spearheading efforts to attract US companies, told a news conference Jakarta will propose a limited free trade agreement (FTA) with Washington.

“We do not have an FTA with them. Now we’re proposing a limited FTA with them,” Luhut said, adding that he would meet with Ford and Tesla executives to discuss the matter when he travels to the United States later this week.

Luhut’s deputy, Septian Hario Seto, said the FTA proposal, which was still at an early stage, will likely be similar to the one the United States has signed with Japan for the critical mineral trade.

Last month, Ford signed an agreement with an Indonesian unit of Brazilian nickel miner Vale and China’s Zhejiang Huayou Cobalt to partner in a US$4.5 billion nickel processing plant in Indonesia’s Sulawesi island.

Source: Reuters

Elon Musk: ក្រុមហ៊ុន Tesla នឹងសាងសង់រោងចក្រផលិតអាគុយយក្ស Megapack ថ្មីនៅក្រុងសៀងហៃ

សុខុម

ញូវយ៉ក: ក្រុមហ៊ុនរថយន្តអគ្គិសនី Tesla របស់កំពូលមហាសេដ្ឋី Elon Musk បានទម្លាយឱ្យដឹងថា ខ្លួនគ្រោងនឹងពង្រីកអាជីវកម្មក្នុងទីផ្សារប្រទេសចិន បន្ថែមទៀតតាមរយៈការសាងសង់រោងចក្រផលិតអាគុយយក្ស Megapack ថ្មីមួយ។

ក្រុមហ៊ុននេះនិយាយថា គម្រោងរោងចក្រនៅទីក្រុងសៀងហៃ ប្រទេសចិន នេះនឹងមានសមត្ថភាពផលិតអាគុយយក្ស Megapack បានរហូតដល់ទៅ១០.០០០ឈុតក្នុងមួយឆ្នាំ។ នេះបើយោងតាមសារព័ត៌មាន BBC ចុះផ្សាយកាលពីថ្ងៃច័ន្ទ ទី១០ ខែមេសា។

Megapack គឺជាអាគុយយក្សដែលមានទំហំធំស្រដៀងនឹងទូកង់តឺន័រប្រើដើម្បីជួយរក្សាស្ថិរភាពបណ្តាញថាមពល និងការពារការដាច់ចរន្តអគ្គិសនី។

ក្រុមហ៊ុន Tesla មានរោងចក្រផលិតអាគុយយក្ស Megapack រួចទៅហើយនៅរដ្ឋកាលីហ្វ័រញ៉ា សហរដ្ឋអាមេរិក ដែលមានសមត្ថភាពផលិតបាន១០.០០០០គ្រឿងក្នុងមួយឆ្នាំ។

លោក Elon Musk បានសរសេរបង្ហោះលើបណ្ដាញទំនាក់ទំនងសង្គម Twitter ថា រោងចក្រថ្មីនៅប្រទេសចិន នេះនឹងជាការបន្ថែមពីលើរោងចក្ររបស់ Tesla នៅសហរដ្ឋអាមេរិក។

តាមការរំពឹងទុក ការងារសាងសង់រោងចក្រផលិតអាគុយយក្ស Megapack ថ្មីនៅក្នុងប្រទេសចិន នឹងចាប់ផ្តើមនៅចុងឆ្នាំ២០២៣ នេះដោយការផលិតអាគុយនឹងចាប់ផ្ដើមនៅរដូវក្ដៅក្នុងឆ្នាំ២០២៤។ នេះបើយោងតាមប្រព័ន្ធផ្សព្វផ្សាយរដ្ឋចិន Xinhua។

ទោះជាយ៉ាងណា ក្រុមហ៊ុន Tesla មិនបានឆ្លើយតបភ្លាមៗនោះទេនៅពេលសារព័ត៌មាន BBC ទាក់ទងទៅដើម្បីការឆ្លើយបំភ្លឺជុំវិញរឿងនេះ៕ BBB៕

ការសិក្សាថ្មីៈ ទីផ្សារការិយាល័យរំពឹងកើនឡើងដល់១,១៥លានម៉ែត្រការ៉េនៅដំណាច់ឆ្នាំ២០២៣នេះ

ដោយៈ វឌ្ឍនៈ

ភ្នំពេញៈ ការផ្គត់ផ្គង់ការិយាល័យថ្មី( New Office Space ) នៅក្នុងឆ្នាំ២០២៣នេះ រំពឹងថានឹងកើនឡើងបន្តទៀត ដោយក្នុងឆ្នាំ ២០២៣នេះ ការិយាល័យថ្មីនឹងឡើង ប្រមាណ២០៣ពាន់ម៉ែត្រការ៉េបន្ថែមទៀត។

កំណើននៃការផ្គត់ផ្គង់នេះ បានធ្វើឱ្យការផ្គត់ផ្គត់ការិយាល័យសរុបមានប្រមាណ១,១៥លានម៉ែត្រការ៉េ។ នេះបើតាមរបាយការណ៍របស់ក្រុមហ៊ុនCBRE Cambodia ចេញផ្សាយកាលពីពេលថ្មីៗនេះ។

ក្នុងរបាយការណ៍បង្ហាញថា ក្នុងរយៈពេល១ត្រីមាសនៃឆ្នាំ២០២៣ ការិយាល័យថ្មីប្រមាណ៦ម៉ឺន១ពាន់ម៉ែត្រការ៉េ បានសម្រេចការសាងសង់ ហើយដាក់ចូលក្នុងទីផ្សារការិយាល័យ ។ ការិយាល័យទាំង៦ម៉ឺន១ពាន់ម៉ែត្រការ៉េ បានមកពីការផ្គត់ផ្គង់នៃអគារចំនួន៤ ។ តម្លៃនៃការជួលការិយាល័យ នៅក្នុងត្រីមាសទី១ឆ្នាំ២០២៣នេះ មានការកើនឡើងតិចតួច ធៀបនឹងត្រីមាសមុននេះ ។

របាយការណ៍បន្តថា ការជួលការិយាល័យនៅក្នុងតំបន់ពាណិជ្ជកម្មនិងតំបន់មិនមែនពាណិជ្ជកម្ម មានការកើនឡើងចន្លោះពី១ទៅ៥ភាគរយ ដែលអាចនិយាយថាមិនមានការប្រែប្រួលប៉ុន្មានទេ ធៀបនឹងត្រីទី៤ឆ្នាំ ២០២២ ។

តាមរយៈកំណើននេះ អាចសបញ្ជាក់ថា ទីផ្សារមិនទាន់មានសញ្ញានៃការកើនឡើង ធៀបនឹងឆ្នាំ២០២២ ។ យ៉ាងណានៅក្នុងដំណាច់ឆ្នាំ២០២៣នេះ រំពឹងថាអាចនឹងល្អប្រសើរឡើងវិញ ។

បើតាមលោកខេន ឡូ ប្រធានក្រុមប្រឹក្សាភិបាលក្រុមហ៊ុន Coldwell Banker Cambodia បានលើកឡើងថា កំណើនអាជីវកម្មថ្មីៗ និងការហូរចូលនៃវិនិយោគិនបរទេស មកកាន់កម្ពុជាក្នុងរយៈពេលប៉ុន្មានឆ្នាំចុងក្រោយនេះ ធ្វើឱ្យតម្រូវការការិយាល័យស្តង់ដារនៅក្នុងប្រទេសកម្ពុជា ជាពិសេសនៅរាជធានីភ្នំពេញ មានការកើនឡើង ។ដូច្នេះហើយទើបមានការអភិវឌ្ឍអគារការិយាល័យ នៅក្នុងប្រទេសកម្ពុជាកាន់តែច្រើន។

លោកបន្តថា ពីមុនការជួលការិយាល័យក្រុមហ៊ុននានា ធ្វើឡើងដោយការជួលផ្ទះល្វែង ឬផ្ទះវីឡា តែក្រោយមកពោលគឺបន្ទាប់ពីមានការហូរចូលនៃវិនិយោគិនបរទេស ក៏ឃើញតម្រូវការជួលការិយាល័យស្តង់ដារក៏កាន់តែច្រើន ទើបធ្វើឱ្យអ្នកអភិវឌ្ឍន៍ត្រូវអភិវឌ្ឍការិយាល័យបំពេញទៅនឹងទីផ្សារបច្ចុប្បន្ន។

លោកបានបន្តថា ”មកដល់ពេលនេះ ការជួលផ្ទះល្វែងនិងផ្ទះវីឡា ធ្វើជាការិយាល័យនោះ មានកាន់តែតិចទៅៗ ដោយជំនួសមកវិញនូវការិយាល័យស្តង់ដារ ដែលមានបន្ទប់ប្រជុំ បន្ទប់ទទួលភ្ញៀវ និងកន្លែងសម្រាកជាដើម ” ។

លោកខេន ឡូក៏បានបញ្ជាក់ផងដែរថា នៅក្រោយវិបត្តិកូវីដ១៩នេះ ទីផ្សារជួលអចលនទ្រព្យប្រភេទអាជីវកម្ម ក៏ចាប់ផ្ដើមមានកំណើនសកម្មភាពឡើងវិញបន្តិចផងដែរ ធៀបនឹងអំឡុងពេលនៃវិបត្តិកូវីដ១៩ ៕

កម្ពុជាទាក់ទាញការវិនិយោគបាន២៩៤លានដុល្លារអាមេរិកក្នុងត្រីមាសទី១ដើមឆ្នាំនេះ

ដោយៈ សុខុម

ភ្នំពេញ: កម្ពុជាទាក់ទាញគម្រោងវិនិយោគ ទ្រព្យសកម្មថេរចំនួន៣៩ ដែលមានទំហំ២៩៤លានដុល្លារអាមេរិក ក្នុងត្រីមាសទី១ ដើមឆ្នាំ២០២៣ ដោយបង្កើតការងារថ្មីៗ បានប្រមាណ៤៧.០០០កន្លែង។

យោងតាមរបាយការណ៍ របស់ក្រុមប្រឹក្សាអភិវឌ្ឍន៍កម្ពុជា (CDC) ចេញផ្សាយកាលពីថ្ងៃច័ន្ទ ទី១០ ខែមេសា បង្ហាញថា អំឡុងខែមករា ដល់ខែមីនា ដើមឆ្នាំនេះ ប្រទេសចិន គឺជាអ្នកវិនិយោគបរទេសធំបំផុតនៅកម្ពុជា ដែលគ្របដណ្ដប់ជិត៧០%នៃការវិនិយោគសរុបនៅកម្ពុជា”។

របាយការណ៍ដដែលបបន្ថែមថា អ្នកវិនិយោគបរទេសផ្សេងៗទៀតនៅកម្ពុជា រួមមាន ប្រទេសសីសែល (Seychelles) ប្រទេសសាម័រ (Samoa) កូរ៉េខាងត្បូង សិង្ហបុរី និងស៊ុយអែត។

របាយការណ៍នេះបញ្ជាក់ថា “គម្រោងវិនិយោគចំនួន៣៨ផ្តោតលើវិស័យឧស្សាហកម្ម ហើយគម្រោងមួយទៀតផ្តោតលើវិស័យទេសចរណ៍”។

លោក ប៉ែន សុវិជាតិ អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្មមានប្រសាសន៍ថា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) កិច្ចព្រមព្រៀងពាណិជ្ជកម្មសេរីកម្ពុជា-ចិន (CCFTA) និងច្បាប់វិនិយោគ ដែលអំណោយផលរបស់កម្ពុជា គឺជាកត្តាសំខាន់ៗ ដែលទាក់ទាញអ្នកវិនិយោគបរទេសមកកាន់កម្ពុជា កាន់តែច្រើន។

ជាមួយគ្នានេះ លោកឧកញ៉ាលឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍ថា ការវិនិយោគថ្មីៗទាំងនេះនឹងនាំមកនូវមូលធន បច្ចេកវិទ្យា និងឱកាសការងារថ្មីៗ។

លោកបានប្រាប់ទីភ្នាក់ងារព័ត៌មានចិន Xinhua ថា “ការវិនិយោគរបស់ចិន មានសារៈសំខាន់ណាស់ ក្នុងការជួយជំរុញកំណើនសេដ្ឋកិច្ច និងពាណិជ្ជកម្មរបស់កម្ពុជា ក្នុងយុគសម័យក្រោយវិបត្តិកូវីដ-១៩”៕ Xinhua៕

ធនាគារកណ្តាលរក្សាការព្យាករសេដ្ឋកិច្ចថៃនឹងសម្រេចបានកំណើនក្នុងរង្វង់៣,៦ភាគរយក្នុងឆ្នាំនេះ

ដោយៈ សុខុម

បាងកក: សេដ្ឋកិច្ចរបស់ប្រទេសថៃ ត្រូវបានរំពឹងថា នឹងសម្រេចបានកំណើនក្នុងរង្វង់៣,៦%ក្នុងឆ្នាំ២០២៣។ នេះបើយោងលោក Sethaput Suthiwartnaruput ទេសាភិបាលធនាគារកណ្តាលថៃ (BOT) បានលើកឡើងកាលពីថ្ងៃច័ន្ទ ទី១០ ខែមេសា។

លោកបានបន្ថែមថា គោលនយោបាយសារពើពន្ធ គួរតែផ្ដោតស្ថិរភាពសេដ្ឋកិច្ចជាអាទិភាព ជាជាងការជំរុញសេដ្ឋកិច្ច ខណៈសេដ្ឋកិច្ចថៃ សម្រេចបានកំណើនកក្នុងរង្វង់២,៦%កាលពីឆ្នាំមុន។

លោកបានប្រាប់ស្ថានីយទូរទស្សន៍ JKN-CNBC ថា “សេដ្ឋកិច្ចថៃ មានភាពធន់ទ្រាំ ហើយអាចជម្នះស្ថានការណ៍ភ្ញាក់ផ្អើលជាច្រើន”។ ធនាគារកណ្ដាលថៃ កាលពីខែមុនបានដំឡើងអត្រាការប្រាក់១ភាគ៤%ដល់១,៧៥%។

នៅពេលសួរអំពីគោលនយោបាយ ដែលត្រូវបានស្នើឡើងដោយបណ្ដាគណបក្សនយោបាយ មុនការបោះឆ្នោតក្នុងខែឧសភា លោក Sethaput Suthiwartnaruput លើកឡើងថា ការជំរុញសេដ្ឋកិច្ចមិនចាំបាច់នៅពេលនេះទេ។

ប្រទេសថៃ នឹងរៀបចំការបោះឆ្នោតនៅខែក្រោយ ដោយមានគណបក្សជាច្រើនបានសន្យាថា នឹងផ្តល់អំណោយ និងជំនួយដល់ប្រជាជនចាប់ពីការបើកប្រាក់ឧត្ដម ដល់ការដំឡើងប្រាក់ឈ្នួលអប្បបរមាជាដើម ប្រសិនបើខ្លួនជាប់ឆ្នោត៕ Reuters៕

ទំហំពាណិជ្ជកម្មអន្តរជាតិរបស់កម្ពុជា ឈានដល់ជាង១១ពាន់លានដុល្លារ ក្នុងត្រីមាសទី១ ដើមឆ្នាំ២០២៣

សុខុម

ភ្នំពេញ: របាយការណ៍ផ្លូវការដែលបានចេញផ្សាយនៅថ្ងៃច័ន្ទ ទី១០ ខែមេសា នេះបង្ហាញថា ទំហំពាណិជ្ជកម្មអន្តរជាតិរបស់កម្ពុជា បានឈានដល់១១,២៥ពាន់លានដុល្លារអាមេរិក អំឡុងត្រីមាសទី១ ដើមឆ្នាំ២០២៣។

ទោះជាយ៉ាងណា ចំនួននេះបានបង្ហាញពីការធ្លាក់ចុះ១៤,៥%បើធៀបនឹង១៣,១៦ពាន់លានដុល្លារអាមេរិក ដែលកម្ពុជា សម្រេចបានក្នុងរយៈពេលដូចគ្នាកាលពីឆ្នាំមុន។

ការនាំចេញសរុបរបស់កម្ពុជា មានទំហំ៥,៣៩ពាន់លានដុល្លារអាមេរិក អំឡុងរយៈពេលពីខែមករា ដល់ខែមីនា ដើមឆ្នាំនេះ ហើយការនាំចូលសរុបមានទំហំ៥,៨៦ពាន់លានដុល្លារអាមេរិក ដោយធ្លាក់ចុះ២១,៣%។ នេះបើយោងតាមរបាយការណ៍របស់អគ្គនាយកដ្ឋានគយ និងរដ្ឋាករ។

របាយការណ៍ដដែលបង្ហាញថា កម្ពុជា បាននាំចេញផលិតផលសម្លៀកបំពាក់ ស្បែកជើង និងទំនិញធ្វើដំណើរក្នុងទំហំ២,៤២ពាន់លានដុល្លារអាមេរិក ក្នុងត្រីមាសទី១ ដើមឆ្នាំនេះ ដោយធ្លាក់ចុះ២២%បើធៀបនឹង៣,១២ពាន់លានដុល្លារអាមេរិក ក្នុងរយៈពេលដូចគ្នាកាលពីឆ្នាំមុន។

ឧស្សាហកម្មកាត់ដេរ ស្បែកជើង និងទំនិញធ្វើដំណើរ គឺជាប្រភពចំណូលក្រៅប្រទេសដ៏ធំបំផុតសម្រាប់ប្រទេសកម្ពុជា។ វិស័យនេះមានរោងចក្រ និងសាខារោងចក្រប្រមាណ១.១០០ដែលមានបុគ្គលិកប្រមាណ៧៥០.០០០នាក់ដែលភាគច្រើនជាស្ត្រី។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍កាលពីខែមុនថា ស្ថានភាពសេដ្ឋកិច្ចពិភពលោកនាពេលបច្ចុប្បន្នមិនសូវល្អនោះទេ ទាំងនៅសហរដ្ឋអាមេរិក និងអឺរ៉ុប ហើយទោះបីជាបញ្ហាមិនទាន់ធ្ងន់ធ្ងរយ៉ាងណាក៏ដោយចុះ ក៏វាបានប៉ះពាល់ដល់សេដ្ឋកិច្ចពិភពលោកដែរតាមរយៈអតិផរណា។

សម្ដេចមានប្រសាសន៍បន្ថែមទៀតថា ប្រជាជនក្នុងប្រទេសទាំងនោះទទួលបានប្រាក់ចំណូលតិចជាងមុន ដូច្នេះការបញ្ជាទិញពីប្រទេសទាំងនោះក៏ធ្លាក់ចុះដែរ ហើយវាក៏ជាកត្តាមួយដែលធ្វើឱ្យប៉ះពាល់ដល់ការនាំចេញរបស់កម្ពុជា ផងដែរ៕Xinhua៕

Asian shares muted, dollar buoyant on odds of rate rise

SINGAPORE : Asian shares inched higher, while the dollar started the week on the front foot after U.S. jobs data pointed to a tight labour market, firming up expectations that the Federal Reserve will again raise interest rates at its meeting next month.

MSCI’s broadest index of Asia-Pacific shares outside Japan was 0.12 per cent higher, while Japan’s Nikkei gained 0.5 per cent.
Australian, Hong Kong and European markets are closed for Easter.

E-mini futures for the S&P 500 eased 0.02 per cent, while the rate-sensitive Nasdaq was poised for a lower open with Nasdaq 100 e-minis down 0.25 per cent.

China shares slipped on Monday, with the blue chip CSI300 Index 0.32 per cent lower, while the Shanghai Composite Index slipped 0.16 per cent amid rising geopolitical tensions around the Taiwan Strait.

China announced three days of drills on Saturday, after Taiwan’s President Tsai Ing-wen returned to Taipei following a meeting in Los Angeles with U.S. House of Representative Speaker Kevin McCarthy.

China’s military carried out aerial and naval blockade drills around Taiwan on Monday, with a Chinese aircraft carrier joining in combat patrols as Taipei reported another surge of warplanes near the island.

Source: Reuters

1...973974975...3,258 Page 974 of 3,258