កម្ពុជា វៀតណាម និងឡាវបេ្តជ្ញាបន្តបង្កើនកិច្ចសហប្រតិបត្តិការរវាងប្រទេសទាំង៣ក្នុងកិច្ចប្រជុំកំពូល MRC

ដោយ: គង់លាងហួរ
វៀងច័ន្ទ: នាយករដ្ឋមន្រ្តីវៀតណាមលោក Pham Minh Chinh បានទទួលទានអាហារពេលព្រឹកជាមួយលោក Sonexay Siphandone នាយករដ្ឋមន្រ្តីឡាវ និងសម្តេចតេជោនាយករដ្ឋមន្រ្តីនៃកម្ពុជា ក្នុងឱកាសកិច្ចប្រជុំកំពូលគណៈកម្មការទន្លេមេគង្គ (MRC) លើកទី៤ នៅទីក្រុងវៀងចន្ទន៍ កាលពីថ្ងៃទី៥ ខែមេសា។

ថ្នាក់ដឹកនាំទាំងបីបានជម្រាបជូនគ្នាទៅវិញទៅមកអំពីស្ថានភាពសេដ្ឋកិច្ចសង្គមនៅក្នុងប្រទេសខ្លួន និងក៏បានពិភាក្សាអំពីបញ្ហាតំបន់ និងអន្តរជាតិដែលជាកង្វល់រួមផងដែរ។

ថ្នាក់ដឹកនាំទាំង៣បានចែករំលែកទស្សនៈពីការសម្របសម្រួលក្នុងការរក្សាទំនាក់ទំនង និងកិច្ចប្រជុំកម្រិតខ្ពស់ជាប្រចាំនៅគ្រប់កម្រិត រួមទាំងកិច្ចប្រជុំរវាងនាយករដ្ឋមន្ត្រីទាំងបី នឹងជួយរឹតបន្តឹងចំណងសាមគ្គីភាព មិត្តភាព និងកិច្ចសហប្រតិបត្តិការរវាងប្រទេសទាំងបី។

មេដឹកនាំទាំងបីបានឯកភាពធ្វើការរួមគ្នាក្នុងការអនុវត្តលទ្ធផល ដែលទទួលបានក្នុងកិច្ចប្រជុំកម្រិតខ្ពស់រវាងថ្នាក់ដឹកនាំនៃប្រទេសទាំង៣នៅទីក្រុងហាណូយនាខែកញ្ញា ឆ្នាំ២០២១ និងបានកោតសរសើរអំពីការរៀបចំសកម្មភាពដ៏មានអត្ថន័យជាច្រើនក្នុងឆ្នាំសាមគ្គីភាព និងមិត្តភាពវៀតណាម–ឡាវ និងមិត្តភាពវៀតណាម–កម្ពុជាឆ្នាំ២០២២ រួមចំណែកលើកកម្ពស់ការយល់ដឹងរបស់សាធារណជន ជាពិសេសយុវជនជំនាន់ក្រោយអំពីចំណងសាមគ្គីភាព និង
មិត្តភាពរវាងប្រទេសជិតខាង។

នាយករដ្ឋមន្ត្រីនៃប្រទេសទាំង៣បានឯកភាពបង្កើនការតភ្ជាប់រវាងសេដ្ឋកិច្ចនៃប្រទេសទាំងបី និងគាំទ្រគ្នាទៅវិញទៅមកក្នុងការកសាងសេដ្ឋកិច្ចឯករាជ្យ និងពឹងផ្អែកលើខ្លួនឯងនៃសមាហរណកម្មអន្តរជាតិដែលប្រកបដោយប្រសិទ្ធភាព និងគ្រប់ជ្រុងជ្រោយ ។

ប្រទេសទាំង៣បានព្រមព្រៀងគ្នាក្នុងការសម្របសម្រួលបន្ថែមទៀតនូវកិច្ចសហប្រតិបត្តិការក្នុងការវិនិយោគ ពាណិជ្ជកម្ម និងអាជីវកម្មរវាងសហគ្រាស លើកទឹកចិត្តពាណិជ្ជកម្មតាមព្រំដែន និងចែករំលែកបទពិសោធន៍ក្នុងការកសាងច្បាប់ និងការគ្រប់គ្រងប្រកបដោយប្រសិទ្ធភាព និងការប្រើប្រាស់ជំនួយអភិវឌ្ឍន៍ផ្លូវការ។

ភាគីទាំងនេះបានលើកឡើងថា ចំពេលមានការវិវឌ្ឍន៍ដ៏ស្មុគស្មាញ និងមិនអាចទាយទុកជាមុនបាននៃសេដ្ឋកិច្ចពិភពលោក បូករួមទាំងការអភិវឌ្ឍន៍យ៉ាងឆាប់រហ័ស និងផលប៉ះពាល់នៃបច្ចេកវិទ្យាឌីជីថល និងបណ្តាញសង្គម ប្រទេសទាំង៣គួរតែជំរុញកិច្ចសហប្រតិបត្តិការ និងការចែករំលែកបទពិសោធន៍ក្នុងវិស័យព័ត៌មានវិទ្យា។

ទាក់ទងនឹងបញ្ហាក្នុងតំបន់ និងអន្តរជាតិដែលជាកង្វល់រួមនោះ លោក Chinh និងលោក Siphandone បានអបអរសាទរជាថ្មីម្តងទៀតចំពោះកម្ពុជាក្នុងការធ្វើជាប្រធានអាស៊ាន និងអន្តរសភាអាស៊ាន (AIPA) ប្រកបដោយជោគជ័យកាលពីឆ្នាំមុន ដោយមានជំនឿយ៉ាងមុតមាំថា កម្ពុជានឹងរៀបចំការប្រកួតកីឡាស៊ីហ្គេមលើកទី៣២ប្រកបដោយជោគជ័យ និងការបោះឆ្នោតថ្នាក់ជាតិលើកទី៧ នាពេលខាងមុខ។

ថ្នាក់ដឹកនាំទាំងបីបានសន្យាបន្តការសម្របសម្រួលយ៉ាងជិតស្និទ្ធក្នុងបញ្ហាតំបន់ និងអន្តរជាតិ ព្រមទាំងចូលរួមចំណែកបន្ថែមទៀតក្នុងការរក្សា និងពង្រឹងសាមគ្គីភាព ឯកភាព និងមជ្ឈភាពរបស់អាស៊ាន ព្រមទាំងឯកភាពបង្កើនការតភ្ជាប់កិច្ចសហប្រតិបត្តិការមហាអនុតំបន់ ជាមួយនឹងដំណើរការកសាងសហគមន៍អាស៊ាន ដើម្បីគោលដៅអភិវឌ្ឍព្រមៗគ្នានិរន្តរភាព បង្រួមគម្លាតនៃការអភិវឌ្ឍ និងជម្រុញការតភ្ជាប់អាស៊ាន៕

ADB forecasts China, India to power strong growth in 2023

RIYADH: China’s recovery from the pandemic and strong demand in India will drive strong economic growth in Asia this year, the Asian Development Bank said in a report issued Tuesday.

The Manila, Philippines-based ADB’s latest update forecasts an expansion of 4.8 percent in this year and the next, up from 4.2 percent in 2022. It said inflation would likely cool slightly this year and fall further in 2024.

ADB economists said a weekend decision by oil-producing nations to cut output, pushing oil prices sharply higher, might reignite inflationary pressures and add
to challenges for the region.

The report’s analysis was based on the assumption that Brent crude oil, the pricing basis for international trading, would average $88 a barrel this year and $90 a barrel next year.

Oil prices remain below that level, with Brent at $83 on Monday. But they soared about 5 percent after Saudi Arabia and other major oil producers said they will cut production by 1.15 million barrels per day from May until the end of the year, on top of a reduction announced last October that infuriated the Biden administration.

However, growing imports of Russian crude oil, especially by China and India, will likely cushion the impact of rising prices — such exports to China, India and Turkey more than doubled last year. As of February, a third of Russia’s crude exports were going to India and more than a fifth to China.

Park noted that inflation in Asia seems to be driven more by surging demand for services, such as tourism, than for goods.

Another factor that could push prices higher is China’s rebound from slow growth after its leaders lifted COVID-19 restrictions that disrupted travel, manufacturing and other business activities. The ADB forecasts that China’s economy will grow 5 percent this year and 4.5 percent next year, an improvement over last year’s 3 percent growth but slower than its long-term average.

India’s economy, meanwhile, is expected to grow at a slower pace of 6.4 percent this year. That follows a 9.1 percent annual pace of expansion in 2021 as it rebounded from the worst of the pandemic, and 6.8 percent last year. But it’s one of the fastest expansions for a major regional economy.

Source: Arab news

និយ័តករមូលបត្រកម្ពុជា និងផ្សារមូលបត្រកម្ពុជា អនុញ្ញាតជាគោលការណ៍លើសំណើសុំបោះផ្សាយលក់មូលបត្រកម្មសិទ្ធិជាសាធារណៈរបស់ក្រុមហ៊ុន ម៉េងលី ជេ. គួច អេឌ្យូខេសិន

ក្រុមហ៊ុន ម៉េងលី ជេ. គួច អេឌ្យូខេសិន ត្រូវបានបង្កើតឡើងក្នុងឆ្នាំ២០០៥ ជាស្ថាប័នអប់រំឯកជនឈានមុខមួយក្នុងប្រទេសកម្ពុជា ដោយមានការយកចិត្តទុកដាក់ខ្ពស់លើការអប់រំប្រកបដោយគុណភាព វិន័យ និងសេវាកម្ម។

ដោយឃើញពីសន្ទុះនៃការរីកចម្រើននិងមានការវិឌ្ឍមុខឥតឈប់ឈរ ចាប់តាំងពីការបើកក្រុមហ៊ុនលើកដំបូង ក្រោមការដឹកនាំរបស់អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្ដិ ប្រកបដោយផែនការច្បាស់លាស់ និងមានចក្ខុវិស័យដ៏វែងឆ្ងាយ ដើម្បីដឹកនាំក្រុមហ៊ុនឱ្យកាន់តែមានវិសាលភាពក្នុងការបោះជំហានចូលក្នុងទីផ្សារមូលបត្រកម្ពុជា ទើបក្នុងឆ្នាំ២០១២អ្នកឧកញ៉ាបានរៀបចំក្រុមហ៊ុនរួចជាស្រេចដើម្បីត្រៀមខ្លួនឈានចូលក្នុងទីផ្សារភាគហ៊ុននៅកម្ពុជា។

ក្នុងរយៈពេលប៉ុន្មានឆ្នាំមកនេះ ភាពជោគជ័យរបស់ក្រុមហ៊ុនបានបង្ហាញពីសក្ខីភាពរបស់ក្រុមហ៊ុនក្នុងការឈានជើងចូលក្នុងទីផ្សារមូលបត្រនៅកម្ពុជា។ ដោយមានការរៀបចំផែនការយុទ្ធសាស្រ្ដអាជីវកម្មនាពេលអនាគត មានគោលដៅច្បាស់លាស់ និងឆន្ទៈរបស់អ្នកឧកញ៉ា វេជ្ជបណ្ឌិត គួច ម៉េងលី បានពង្រីកភាពខ្លាំងលើវិស័យអប់រំនៅកម្ពុជា គឺធ្វើយ៉ាងណាឱ្យស្ថាប័នអប់រំមួយនេះមាន រចនាសម្ពន្ធបុគ្គលិកស្ដង់ដារ ការគ្រប់គ្រងច្បាស់លាស់ មានថ្នាក់ដឹកនាំមានជំនាញនិងវិជ្ជាជីវៈខ្ពស់ និងមានក្រុមប្រឹក្សាភិបាលត្រឹមត្រូវក្នុងក្រុមហ៊ុន។ ស្របពេលនោះ អ្នកឧកញ៉ាក៏បានគ្រោងធ្វើសំណើស្នើសុំខាងនិយ័តករមូលបត្រកម្ពុជា ក្នុងការចុះបញ្ជីលក់មូលបត្រកម្មសិទ្ធិរបស់ក្រុមហ៊ុន ជាផ្លូវការផងដែរ តែត្រូវបានពន្យារពេលសិន ដោយសារប្រទេសកម្ពុជាពេលនោះបានរងនូវវិបត្ដិខ្លាំងពីជំងឺកូវីដ ១៩។

លុះក្រោយមកក្នុងឆ្នាំ២០២៣ បន្ទាប់ពីវិបត្ដិកូវីដនៅប្រទេសកម្ពុជាត្រូវបានបញ្ចប់ អ្នកឧកញ៉ា វេជ្ជបណ្ឌិត គួច ម៉េងលី បានសម្រេចជាផ្លូវការក្នុងការស្នើសុំទៅខាងនិយ័តករមូលបត្រកម្ពុជា និងផ្សារមូលបត្រកម្ពុជា ក្នុងការចុះបញ្ជីលក់មូលបត្រកម្មសិទ្ធិរបស់ក្រុមហ៊ុន ម៉េងលី ជេ. គួច អេឌ្យូខេសិន ជាផ្លូវការ ខណៈពេលក្រុមហ៊ុនកំពុងតែសន្ទុះខ្លាំងក្នុងការរីកចម្រើនទៅមុខ។

នៅក្នុងដំណាក់កាលនេះដែរ ក្រុមហ៊ុន ម៉េងលី ជេ. គួច អេឌ្យូខេសិន នៅតែបន្ដភាពខ្លាំងក្លារបស់ខ្លួនក្នុងការឈរលើវិស័យអប់រំមួយនេះដដែលដោយបច្ចុប្បន្ន ក្រុមហ៊ុនមានសាខាសរុបចំនួន១៥ ក្នុងរាជធានីខេត្តក្រុង មានសិស្សជាង ២០.០០០នាក់ បុគ្គលិក ២.១៤៩នាក់ និងមានអតីតសិស្សជាង ៥០.០០០នាក់ កំពុងសិក្សា និងធ្វើការនៅជុំវិញពិភពលោក។ អ្វីដែលកាន់តែពិសេសទៀតនោះ ក្រុមហ៊ុននឹងបើកដំណើរការសាខាថ្មីសម្រាប់ឆ្នាំសិក្សា២០២៣-២០២៤ សាខាជាច្រើនបន្ថែមទៀតក្នុងនោះរួមមាន៖ សាខា សែនសុខ, សាខាច្បារអំពៅ, សាខា កំពង់ចាម, សាខា តាកែវ និងសាខាបាត់ដំបង។

បន្ទាប់ពីនិយ័តករមូលបត្រកម្ពុបានធ្វើការពិនិត្យ និងសិក្សាច្បាស់លាស់ លើសំណើរស្នើសុំដាក់ពាក្យចូលក្នុងបញ្ជីលក់មូលបត្រកម្មសិទ្ធិរបស់ក្រុមហ៊ុន ម៉េងលី ជេ. គួច អេឌ្យូខេសិន និងបានឃើញពីវិសាលភាពការរីកចម្រើន និងការអភិវឌ្ឍរបស់ក្រុមហ៊ុន ទើបនៅថ្ងៃទី៧ ខែមីនា ឆ្នាំ២០២៣ ផ្សារមូលបត្រកម្ពុជាបានសម្រេចឯកភាពជាគោលការណ៍លើពាក្យស្នើសុំពិនិត្យលទ្ធភាពអាចចុះបញ្ជីលក់មូលបត្រកម្មសិទ្ធិ និងនៅថ្ងៃទី២០ ខែមីនា ឆ្នាំ២០២៣ ផ្សារមូលបត្រកម្ពុជាបានឯកភាពលើសំណើដាក់តម្លៃ ២០៨០ រៀលក្នុងមួយភាគ ហ៊ុន របស់ក្រុមហ៊ុន ម៉េងលី ជេ. គួច អេឌ្យូខេសិន។

ស្របពេលជាមួយគ្នានេះដែរ កាលពីរសៀលថ្ងៃទី៤ ខែមេសា ឆ្នាំ២០២៣នេះ ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ) បានបើកកិច្ចប្រជុំ ក្រោមអធិបតីភាពដ៏ខ្ពង់ខ្ពស់របស់ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធាន អ. ស.ហ និងឯកឧត្ដម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជា អគ្គនាយក នៃនិយ័តករមូលបត្រកម្ពុជា និងជាសមាជិកក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ) តាមរយៈការប្រជុំដោយផ្ទាល់ និងតាមប្រព័ន្ធបញ្ជូនសាររូបភាពពីចម្ងាយ។ បន្ទាប់ពីការធ្វើបទបង្ហាញជាលទ្ធផល ក្រុមប្រឹក្សា អ. ស.ហ. បានផ្ដល់ការអនុញ្ញាតជាគោលការណ៍លើសំណើសុំបោះផ្សាយលក់មូលបត្រកម្មសិទ្ធិជាសាធារណៈរបស់ក្រុមហ៊ុន ម៉េងលី ជេ. គួច អេឌ្យូខេសិន ដោយក្រុមហ៊ុនត្រូវបន្តបំពេញនីតិវិធីជាផ្លូវការលើការបោះផ្សាយនេះ តាមសេចក្តីសម្រេចរបស់និយ័តករមូលបត្រកម្ពុជា។

ជុំវិញបោះផ្សាយលក់មូលបត្រកម្មសិទ្ធិជាសាធារណៈរបស់ក្រុមហ៊ុន ម៉េងលី ជេ. គួច អេឌ្យូខេសិន អ្នកឧកញ៉ា វេជ្ជបណ្ឌិត គួច ម៉េងលី បានឱ្យដឹងពីឆន្ទៈ និងគោលដៅក្នុងការចុះបញ្ជីលក់មូលបត្រកម្មសិទ្ធិរបស់ក្រុមហ៊ុន ម៉េងលី ជេ. គួច អេឌ្យូខេសិន និងបានដាក់ក្តីរំពឹងទុកបែបនេះថា៖

សូមជម្រាបថា ដើម្បីចុះបញ្ជីលក់មូលបត្រកម្មសិទ្ធិរបស់ក្រុមហ៊ុន ម៉េងលី ជេ. គួច អេឌ្យូខេសិន ជាផ្លូវការបាន ក្រុមហ៊ុនត្រូវតែទទួលបានការអនុញ្ញាតឱ្យបោះផ្សាយលក់មូលបត្រកម្មសិទ្ធិជាសាធារណៈពីនិយ័តករមូលបត្រកម្ពុជា និងត្រូវទទួលបានការបញ្ជាក់យល់ព្រមជាមុនពីផ្សារមូលបត្រកម្ពុជា អំពីការកំណត់ថ្លៃលក់មូលបត្រ និងបំពេញបាននូវលក្ខខណ្ឌចុះបញ្ជីទាំងឡាយបន្តទៀតរបស់ផ្សារមូលបត្រកម្ពុជាពាក់ព័ន្ធនឹងមូលបត្រកម្មសិទ្ធិ។

1️-ព័ត៌មានទូទៅអំពី MJQE IPO:

ចំនួនភាគហ៊ុនបោះផ្សាយ (IPO Shares): ១៩.៦០៦.៦០០ ភាគហ៊ុន (៥,៨៨% នៃភាគហ៊ុន ក្រុមហ៊ុនសរុម)
តម្លៃភាគហ៊ុន (IPO Price per Share): ២០៨០ រៀល ក្នុងមួយភាគហ៊ុន
តម្លៃបោះផ្សាយសរុប (IPO Proceed): ១០.០០០.០០០ ដុល្លារ
ការធានាភាគលាភ (Guaranteed Dividend): ៦% សម្រាប់រយៈពេល២ឆ្នាំ

2️-កាលវិភាគទិញលក់ (PUBLIC SUBSCRIPTION):

ថ្ងៃចាប់ផ្តើម: 10 មេសា 2023
ថ្ងៃបញ្ចប់: 09 មិថុនា 2023

3️-ថ្ងៃចូលផ្សារភាគហ៊ុនជាផ្លូវការ ៖ : 28 មិថុនា 2023

4-ពាក្យស្លោក: (វិនិយោគជាមួយក្រុមហ៊ុន ម៉េងលី ជេ. គួច អេឌ្យូខេសិន ម.ក វិនិយោគដើម្បីវិស័យអប់រំនៅកម្ពុជា និងអនាគតកូនៗរបស់លោកអ្នក)។

សូមបញ្ជាក់ជូនដែរថា បច្ចុប្បន្ន ក្រុមហ៊ុន ម៉េងលី ជេ. គួច អេឌ្យូខេសិន មានស្ថាប័ននួន៤ធំៗ គឺ

១. មជ្ឈមណ្ឌលភាសា អេ អាយ អាយ ផ្ដោតសំខាន់លើការបណ្ដុះបណ្ដាលភាសាអង់គ្លេស ចិន និងភាសាថៃ។

២- សាលារៀន អន្តរទ្វីប អាមេរិកាំង AIS មានកម្មវិធីសិក្សាច្បាស់លាស់ និងសម្បូរបែបចាប់ពីថ្នាក់ក្រោមមត្តេយ្យសិក្សា រហូតដល់ថ្នាក់វិទ្យាល័យ តាមបែបខ្មែរអាមេរិកាំង ដំបូងគេបង្អស់ក្នុងព្រះរាជាណាចក្រកម្ពុជា ស្រមតាមក្រសួង អប់រំ យុវជន និងកីឡា។

៣- SOGO សេវាកម្មទៅសិក្សានិងទស្សនកិច្ចនៅក្រៅប្រទេស។

៤-i-Learn កម្មវិធីសិក្សាភាសាអង់គ្លេសតាមរយៈប្រព័ន្ធអនឡាញ។

ADBព្យាករណ៍ថា ប្រទេសចិន និងឥណ្ឌានឹងផ្តល់ថាមពលដល់កំណើនសេដ្ឋកិច្ចដ៏រឹងមាំនៅអាស៊ី

ដោយ: គង់ លាងហួរ

ក្រុងរីយ៉ាដៈ ការស្ទុះងើបឡើងវិញរបស់ប្រទេសចិន ពីជំងឺរាតត្បាត និងតម្រូវការដ៏ខ្លាំងក្លា នៅក្នុងប្រទេសឥណ្ឌា នឹងជំរុញកំណើនសេដ្ឋកិច្ចយ៉ាងខ្លាំង នៅតំបន់អាស៊ីក្នុងឆ្នាំ២០២៣នេះ។

ក្រុមសេដ្ឋវិទូរបស់ធនាគារ ADB បានមានប្រសាសន៍ថា ការសម្រេចចិត្តចុងសប្តាហ៍ ដោយក្រុមប្រទេសផលិតប្រេង ដើម្បីកាត់បន្ថយទិន្នផល នឹងជំរុញឱ្យតម្លៃប្រេងហក់ឡើងថ្លៃខ្លាំង និងអាចធ្វើឱ្យមានសម្ពាធអតិផរណា និងបន្ថែមបញ្ហាប្រឈមសម្រាប់តំបន់។

លោក Albert Park ប្រធានសេដ្ឋវិទូរបស់ធនាគារ ADB បានថ្លែងនៅក្នុងសន្និសិទមួយថា “វាពិតជាអាចជឿជាក់បាន ដែលតម្លៃប្រេងអាចឡើងខ្ពស់ជាងមុន និងបង្ហាញពីបញ្ហាប្រឈមមួយទៀតសម្រាប់តំបន់”។

ទោះជាយ៉ាងនេះក្តី ការបង្កើនការនាំចូលប្រេងឆៅរបស់រុស្ស៊ី ជាពិសេសដោយប្រទេសចិន និងឥណ្ឌា ទំនងជានឹងអាចទប់ស្កាត់ផលប៉ះពាល់នៃការកើនឡើងតម្លៃ ដែលការនាំចេញទៅកាន់ប្រទេសចិន ឥណ្ឌា និងទួរគី បានកើនឡើងទ្វេរដងកាលពីឆ្នាំមុន។

គិតត្រឹមខែកុម្ភៈ ការនាំចេញប្រេងឆៅមួយភាគបី របស់រុស្ស៊ីនឹងនាំទៅកាន់ប្រទេសឥណ្ឌា និងច្រើនជាងមួយភាគប្រាំ បាននាំទៅកាន់ប្រទេសចិន។

កត្តាមួយទៀតដែលអាចជំរុញឱ្យតម្លៃកើនឡើង គឺការស្ទុះងើបឡើងវិញ របស់ប្រទេសចិនពីកំណើនដ៏យឺត បន្ទាប់ពីទីក្រុងប៉េកាំងបានលុបចោល គោលនយោបាយសូន្យកូវីដ ដែលបានរំខានដល់ការធ្វើដំណើរ ការផលិត និងសកម្មភាពអាជីវកម្មផ្សេងៗទៀត។

ធនាគារ ADB បានព្យាករណ៍ថា សេដ្ឋកិច្ចរបស់ប្រទេសចិននឹងកើនឡើង៥ភាគរយនៅឆ្នាំនេះ និង៤,៥ភាគរយនៅឆ្នាំក្រោយ ពោលគឺប្រសើរឡើងជាង កំណើនសេដ្ឋកិច្ច៣ភាគរយ ដែលសម្រេចបានកាលពីឆ្នាំមុន ប៉ុន្តែវានៅតែយឺតជាងមធ្យមភាគ រយៈពេលវែងរបស់ប្រទេសចិន។

ទន្ទឹមនឹងនេះដែរ សេដ្ឋកិច្ចរបស់ប្រទេសឥណ្ឌា ត្រូវបានគេរំពឹងថា នឹងកើនឡើងក្នុងល្បឿន៦,៤ភាគរយនៅឆ្នាំនេះ ដែលនោះស្របតាមល្បឿន នៃការកើនឡើងប្រចាំឆ្នាំ៩,១ភាគរយ នៅក្នុងឆ្នាំ២០២១ និង៦,៨ភាគរយកាលពីឆ្នាំ២០២២៕

ក្រុមហ៊ុនSC Asset Corporation គ្រោងបោះទុន៤០លានដុល្លារដើម្បីអភិវឌ្ឍអាផាតម៉ិននៅអាមេរិក

ដោយ: គង់ លាងហួរ

អន្តរជាតិ: ក្រុមហ៊ុន SC Asset Corporation Plc គ្រោងបន្តវិនិយោគលើអាផាតម៉ិនជួល នៅសហរដ្ឋអាមេរិក ជាមួយនឹងទុន២០លានដុល្លារក្នុងមួយឆ្នាំ សម្រាប់ឆ្នាំ២០២៣-២០២៤ ដោយសារការដួលរលំ នៃធនាគារអាមេរិកនាពេលថ្មីៗនេះ នឹងមិនប៉ះពាល់ដល់ផែនការវិនិយោគរបស់ខ្លួនឡើយ។

ប្រធានសាជីវកម្មលោក Attapol Sariddipuntawat បានមានប្រសាសន៍ថា “ទោះបីជាមានកត្តាហានិភ័យ ដូចជានិន្នាការកើនឡើងនៃអត្រាការប្រាក់ នៅក្នុងសហរដ្ឋអាមេរិកយ៉ាងណាក្តី ប៉ុន្តែការវិនិយោគរបស់ក្រុមហ៊ុន នៅក្នុងប្រទេសនេះគឺជាផែនការ រយៈពេលមធ្យមទៅវែង ហើយមិនមែនជារយៈពេលខ្លីនោះទេ”។

លោកបានបន្តថា “ការដួលរលំនៃធនាគារអាមេរិក ជះឥទ្ធិពលតិចតួចលើ SC Alpha Inc ដែលជាក្រុមហ៊ុនបុត្រសម្ព័ន្ធរបស់យើងសម្រាប់ការវិនិយោគ នៅសហរដ្ឋអាមេរិក ដោយសារវាមិនមានប្រតិបត្តិការជាមួយធនាគារអាមេរិក ដែលមានបញ្ហានោះទេ” ។

បច្ចុប្បន្ននេះ ក្រុមហ៊ុន SC Alpha បានប្រតិបត្តិការអាផាតម៉ិនចំនួន៣នៅទីក្រុងបូស្តុន ដោយអាផាតម៉ិនចំនួន២ ស្ថិតនៅលើផ្លូវ Hanover និងផ្លូវ Parmenter ដែលមានលំនៅដ្ឋានសរុបចំនួន២៨យូនីត ជាមួយនឹងអត្រាកាន់កាប់ស្នាក់នៅ៨១ភាគរយ។ អាផាតម៉ិន នទី៣ ស្ថិតនៅលើផ្លូវSalem ដែលមាន១៣យូនីត និងមានកន្លែងស្នាក់នៅពេញ ។

លោកបានមានប្រសាសន៍ថា “យើងមានថវិកាវិនិយោគសរុបចំនួន១០០លានដុល្លារ នៅសហរដ្ឋអាមេរិក រហូតដល់ឆ្នាំ២០២៤ ហើយយើងបានចំណាយថវិកា អស់ចំនួន៦០លានដុល្លាររួចទៅហើយក្នុងរយៈពេល២ឆ្នាំចុងក្រោយនេះ”។

នៅប្រទេសថៃ ក្រុមហ៊ុន SC នឹងបោះទុនវិនិយោគចំនួន៤,៥ពាន់លានបាត ដើម្បីអភិវឌ្ឍសណ្ឋាគារលំដាប់ខ្ពស់ចំនួនពីរ។ សណ្ឋាគារទីមួយ ស្ថិតនៅលើដីឡូត៍ជួលនៅផ្លូវ Sukhumvit ជិត Sukhumvit Soi 29 នឹងមានបន្ទប់ចំនួន៣០០បន្ទប់ និងត្រៀមបើកដំណើរការនៅត្រីមាសទី១ ឆ្នាំ២០២៥៕

រដ្ឋាភិបាលអនុម័តគំរោងវិនិយោគឧស្សាហកម្មចំនួន៨នៅ រាជធានីភ្នំពេញ

ដោយៈ វឌ្ឍនៈ

ភ្នំពេញៈ ក្នុងឆ្នាំ២០២៣នេះ គម្រោងវិនិយោគដែលអនុម័តដោយក្រុមប្រឹក្សាអភិវឌ្ឍន៍កម្ពុជា នៅក្នុងរាជធានីភ្នំពេញមានត្រឹមចំនួន៨គម្រោងប៉ុណ្ណោះ។

ប៉ុន្តែបណ្ដាខេត្តនានាដូចជាកំពង់ស្ពឺ កណ្ដាល ស្វាយរៀង ខេត្តព្រះសីហនុ ទទួលបានគម្រោងវិនិយោគច្រើនជាង ដែលមានន័យថាគម្រោងវិនិយោគ លើរោងចក្រឧស្សាហកម្ម បានចាកចេញពីរាជធានីភ្នំពេញទៅតាមបណ្ដាខេត្តសក្ដានុពលវិញ។

យោងតាមសេចក្ដីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជា ដែលចេញផ្សាយតាំងពីដើមខែមករា ដល់ដំណាច់ខែមីនា ២០២៣ ឃើញថាគម្រោងវិនិយោគ ដែលអនុម័តដោយក្រុមប្រឹក្សាអភិវឌ្ឍន៍កម្ពុជានៅរាជធានីភ្នំពេញ គឺសុទ្ធសឹងតែគម្រោងរោងចក្រ និងមានទីតាំងនៅតំបន់ជាយក្រុង នៃរាជធានីភ្នំពេញ មានទុនវិនិយោគចន្លោះពី១លាន ទៅ៥លានដុល្លារអាមេរិក ។

គម្រោងវិនិយោគទាំង៨ ដែលអនុម័តដោយក្រុមប្រឹក្សាអភិវឌ្ឍន៍កម្ពុជានៅក្នុងរាជធានីភ្នំពេញ មានទឹកប្រាក់សរុបចំនួនតែ៣៧,៨លានដុល្លារអាមេរិក។

គំរោងទាំងនោះរួមមានដូចជា ទី១. គម្រោងរោងចក្រកាត់ដេរសម្លៀកបំពាក់ មានទីតាំងនៅចោមចៅ ខណ្ឌពោធិ៍សែនជ័យ មានទុនវិនិយោគប្រមាណ៥,៥លានដុល្លារអាមេរិក ។

ទី២. គម្រោងវិនិយោគរោងចក្រ ផលិតគ្រឿងបន្សំស្បែកជើង មានទីតាំងនៅសង្កាត់គោករកា ខណ្ឌព្រែកព្នៅ រាជធានីភ្នំពេញមានទុនវិនិយោគចំនួន៥,១លានដុល្លារអាមេរិក ។ ទី៣. គម្រោងរោងចក្រផលិតសម្ភារៈកីឡា មានទីតាំងនៅតំបន់សេដ្ឋកិច្ចពិសេស រ៉ូយ៉ាល់ មានទុនវិនិយោគចំនួន៦០ម៉ឺនដុល្លារអាមេរិក ។

ទី៤ រោងចក្រផលិតកេសកាតុង និងសម្ភារៈវេចខ្ចប់ មានទីតាំងនៅភូមិ កប់ស្រូវ សង្កាត់គោករកា ខណ្ឌព្រែកព្នៅ មានទុនវិនិយោគប្រមាណ៥,១លានដុល្លារអាមេរិក។ ទី៥ គម្រោងវិនិយោគរោងចក្រកាត់ដេរ នៅសង្កាត់កន្ទោក ខណ្ឌកំបូល មានទុនវិនិយោគ ៥,១លានដុល្លារអាមេរិក ។

ទី៦.គម្រោងវិនិយោគរោងចក្រផលិតឆ័ត្រ អាវភ្លៀង នៅសង្កាត់ព្រែកកំពឹស ខណ្ឌដង្កោ មានទុនវិនិយោគចំនួន៦លានដុល្លារអាមេរិក ។ ទី៧ គម្រោងរោងចក្រកាត់ដេរ មានទីតាំងនៅសង្កាត់ចោមចៅ ខណ្ឌពោធិ៍សែនជ័យ មានទុនវិនិយោគចំនួន៥,១លានដុល្លារអាមេរិក ។

៨ គម្រោងរោងចក្រផលិតកេសកាតុង និងសម្ភារៈវេចខ្ចប់ មានតីតាំងនៅ ភូមិកប់ស្រូវ សង្កាត់គោករកា ខណ្ឌព្រែកព្នៅ មានទុនវិនិយោគចំនួន៥,៣លានដុល្លារអាមេរិក៕

World Bank: កំណើនសេដ្ឋកិច្ចនៅអាស៊ីអាបូព៌ា និងប៉ាស៊ីហ្វិក នឹងបង្កើនល្បឿនសេដ្ឋកិច្ចចិន

ដោយៈ សុខុម

វៀងចន្ទន៍: ធនាគារពិភពលោក (World Bank) ព្យាករណ៍ថា កំណើនសេដ្ឋកិច្ចក្នុងបណ្ដាប្រទេសកំពុងអភិវឌ្ឍន៍នៃតំបន់អាស៊ីបូព៌ា និងប៉ាស៊ីហ្វិក នឹងបង្កើនល្បឿនក្នុងឆ្នាំ២០២៣ នេះ នៅពេលសេដ្ឋកិច្ចរបស់ប្រទេសចិន ស្ទុះងើបឡើងវិញ។

យោងតាមរបាយការណ៍បច្ចុប្បន្នភាព សេដ្ឋកិច្ចអាស៊ីបូព៌ា និងប៉ាស៊ីហ្វិក ខែមេសា ឆ្នាំ២០២៣ (East Asia and Pacific April 2023 Economic Update) របស់ធនាគារពិភពលោកចេញផ្សាយកាលពីថ្ងៃព្រហស្បតិ៍ សប្ដាហ៍កន្លងទៅបង្ហាញថា សេដ្ឋកិច្ចនៅទូទាំងតំបន់អាចនឹងនៅទ្រឹងក្នុងឆ្នាំនេះ ដោយសារកំណើនសេដ្ឋកិច្ចពិភពលោកបង្អង់ល្បឿន ស្របពេលទំនិញឡើងថ្លៃ និងការរឹតបន្តឹងលក្ខខណ្ឌហិរញ្ញវត្ថុ ដើម្បីឆ្លើយតបទៅនឹងអតិផរណា ដែលកំពុងហក់ឡើងខ្ពស់។ នេះបើយោងតាមសារព័ត៌មាន Laotian Times ចុះផ្សាយនៅថ្ងៃពុធ ទី៥ ខែមេសា។

ផ្អែកតាមការព្យាករ កំណើនសេដ្ឋកិច្ច ក្នុងបណ្ដាប្រទេសកំពុងអភិវឌ្ឍន៍ក្នុងតំបន់អាស៊ីបូព៌ា និងប៉ាស៊ីហ្វិក នឹងបង្កើនល្បឿនដល់៥,១%ក្នុងឆ្នាំ២០២៣ បើធៀបនឹង៣,៥%ក្នុងឆ្នាំ២០២២ នៅពេលការបើកប្រទេសចិន ឡើងវិញជួយឱ្យសេដ្ឋកិច្ចប្រទេសនេះ សម្រេចបានកំណើន៥,១%បើធៀបនឹង៣%ក្នុងឆ្នាំ២០២២។

កំណើនក្នុងតំបន់នេះ នៅក្រៅប្រទេសចិន ត្រូវបានរំពឹងថានឹងធ្លាក់ចុះពី៥,៨%ក្នុងឆ្នាំ២០២២ មកនៅត្រឹម៤,៩% នៅពេលអតិផរណា និងបំណុលគ្រួសារដែលហក់ឡើងខ្ពស់ នៅក្នុងប្រទេសមួយចំនួនជះផលប៉ះពាល់ដល់តម្រូវការប្រើប្រាស់។

លោកស្រី Manuela V. Ferro អនុប្រធានធនាគារពិភពលោកប្រចាំតំបន់អាស៊ីបូព៌ា និងប៉ាស៊ីហ្វិក លើកឡើងថា “សេដ្ឋកិច្ចធំៗភាគច្រើនក្នុងតំបន់អាស៊ីបូព៌ា និងប៉ាស៊ីហ្វិក បានឆ្លងកាត់ការលំបាកនៃវិបត្តិកូវីដ-១៩ ប៉ុន្តែពេលនេះត្រូវតែសម្របខ្លួន ទៅតាមការប្រែប្រួលនៃបរិយាកាសពិភពលោក”។ លោកស្រីបន្តថា “ដើម្បីទទួលបានសន្ទុះសេដ្ឋកិច្ចឡើងវិញ មានការងារនៅសល់ ដែលត្រូវធ្វើដើម្បីជំរុញនវានុវត្តន៍ថ្មី ផលិតភាព និងដើម្បីបង្កើតមូលដ្ឋានគ្រឹះ សម្រាប់ការងើបឡើងវិញដែលមានពណ៌បៃតងជាងមុន”។

ក្នុងចំណោមសេដ្ឋកិច្ចធំៗនៅក្នុងតំបន់ សេដ្ឋកិច្ចភាគច្រើនរួមមានឥណ្ឌូនេស៊ី ហ្វីលីពីន និងវៀតណាម ផងដែរនោះត្រូវបានរំពឹងថានឹងសម្រេចបានកំណើនតិចតួច នៅក្នុងឆ្នាំ២០២៣ បើធៀបនឹងឆ្នាំ២០២២ ខណៈបណ្ដាប្រទេសដែនកោះនៅប៉ាស៊ីហ្វិក ភាគច្រើនត្រូវបានព្យាករថា នឹងកើនឡើងលឿនជាងមុននៅឆ្នាំ២០២៣៕ Laotian Times៕

ចង្រ្កៀងលំដាប់អភិជនដ៏ល្បីល្បាញលេខ១ របស់ពិភពលោកបានឈានជើងចូលទីផ្សារកម្ពុជាហើយ

ដោយៈ ហារីស

ភ្នំពេញៈ BRAND គ្រីស្តាល់ដ៏ល្បីល្បាញ លំដាប់ពិភពលោកនោះគឺ Asfour Crystal ដែលត្រូវបានគេទទួលស្គាល់ថាជា Brand ផ្គត់ផ្គង់គ្រីស្តាល់ដ៏ប្រណិត មានគុណភាពខ្ពស់ កេរ្តិ៍ឈ្មោះល្បីល្បាញ ធំជាងគេទូទាំងពិភពលោក បានមកដល់ទីផ្សារកម្ពុជាហើយ។

ផលិតផលសម្រាប់តុបតែង លំនៅដ្ឋានលំដាប់អភិជននេះ បាននិងកំពុងចែកចាយជាង70ប្រទេស និងមានអាយុកាលជិត7ទសវត្សរ៍របស់ប្រទេសអេហ្សីប។

ប្រទេសអេហ្សីបជាប្រទេសមួយ ក្នុងចំណាមប្រទេសដែលមានអាយុកាលចាស់ជាងគេ ហើយក៏ជាផ្នែកនៃវាលខ្សាច់SAHARA ដែលជាវាលខ្សាច់ធំជាងគេបង្អស់ក្នុងពិភពលោក។

គ្រាប់គ្រីស្តាល់របស់ក្រុមហ៊ុនAsfour ត្រូវបានផលិតឡើងពីគ្រាប់ខ្សាច់ដែលល្អដាច់គេ ឆ្លងកាត់ការផ្ចិតផ្ចង់ និងសម្រិតសម្រាំងយកតែគ្រាប់គ្រីស្តាល់ ដែលមានគុណភាពខ្ពស់ ដែលអាចឆ្លុះបញ្ចាំងពីភាពភ្លឺថ្លា និងភាពស្រស់ស្អាតពីធម្មជាតិ។

ម្យ៉ាងវិញទៀត គ្រាប់គ្រីស្តាល់របស់ក្រុមហ៊ុន Asfour មានសារធាតុ Pbo កំរិតរហូតដល់ 30% ដែលធ្វើឲ្យគ្រាប់គ្រីស្តាល់មានភាពរឹងមាំខ្លាំង ភ្លឺថ្លាចែងចាំង ប្រើប្រាស់បានយូរអង្វែង មិនផ្លាស់ប្ដូររូបរាង។

លើសពីនេះ ចំណុចដែលគួរឲ្យចាប់អារម្មណ៍នោះ គឺស្ទើរតែគ្រប់គ្រាប់របស់ Asfour Crystal មានភ្ជាប់មកជាមួយនូវនិមិត្តសញ្ញារូបបក្សីនៅនឹងគ្រាប់គ្រីស្តាល់ ដែលតំណាងឲ្យ Brand ផលិតផលរបស់ក្រុមហ៊ុន Asfour Crystal ផ្ទាល់តែម្ដង។

សម្រាប់ចង្កៀង ASFOUR មានបំពាក់ប្រព័ន្ធខ្សែភ្លើងពីប្រទេស Italy ដែលត្រូវបានយកទៅប្រើប្រាស់ នៅក្នុងរថយន្តដ៏ប្រណិត Rangrover និងBMW ជាដើម។

ចង្កៀងដ៏ប្រណិតរបស់ Asfour Crystal រួមមាន ចង្កៀងរំយោល ចង្កៀងអិបពិដាន ចង្កៀងជញ្ជាំង ដែលផលិតឡើងពីគ្រីស្តាល់ និងស្ពាន់ស្រោបទឹកមាស24K។

ពេលនេះក្រុមហ៊ុន Limperial Home Luxury បាននាំមកនូវចង្កៀងដ៏ប្រណិត Asfour Crystal ផ្ដាច់មុខនៅប្រទេសកម្ពុជាហើយ។

ក្រុមហ៊ុន Limperial Home Luxury មានទីតាំងនៅ អគារ#767, នៅតាមបណ្ដោយផ្លូវកម្ពុជាក្រោម, ជិតស្ពានអាកាស7មករា, ឬអាចទំនាក់ទំនងតាមទូរស័ព្ទ 092 222 421, 061 610 222, 016 610 222៕

សម្តេចតេជោដាក់ចេញវិធានការណ៍ជាកញ្ចប់ដើម្បីដោះស្រាយបញ្ហាអាគារជាប់គាំងនៅក្រុងព្រះសីហនុ

ដោយៈ ជេស៊ីកា

ព្រះសីហនុៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជា បានដាក់ចេញវិធានការជាកញ្ចប់ ដើម្បីដោះស្រាយអាគារជាប់គាំងនៅក្រុងព្រះសីហនុ សម្រាប់រយៈពេលខ្លី មធ្យម និងរយៈពេលវែង។

ការដាក់ចេញវិធានការណ៍នេះ ធ្វើឡើងក្នុងគោលដៅបង្កើនជំនឿទុកចិត្តដល់វិនិយោគិនជាតិ អន្តរជាតិ និងតម្រូវការរយៈពេលខ្លី រយៈពេលមធ្យម និងរយៈពេលវែង។

យោងតាមលិខិតលេខ៣៥៦ ស ជណ ហ ធ របស់ទីស្តីការគណៈរដ្ឋមន្រ្តី និងមានចុះហត្ថលេខាដោយលោកបណ្ឌិតហ៊ីង ថូរ៉ាក់ស៊ីរដ្ឋលេខាធិការគណៈរដ្ឋមន្រ្តី ចុះថ្ងៃទី២៩ មិនា ឆ្នាំ២០២៣ ក្នុងកម្មវត្ថុបានចែងថា ករណីកិច្ចប្រជុំពិភាក្សាលើ “វិធានការជាកញ្ចប់” សម្រាប់ដោះស្រាយគំរោងវិនិយោគជាប់គាំងនៅក្រុងព្រះសីហនុ”។

វិធានការណ៍ជាកញ្ចប់នេះ រួមបញ្ចូល ១ ការកំណត់និយមន័យ និងវិសាលភាព ២ វិធានកាទូទៅ និង៣ វិធានការលើកទឹកចិត្ត ដើម្បីដោះស្រាយ ភាពជាប់គាំងក្នុងទិដ្ឋភាពរួមផង និងតាមករណីនិមួយៗផង ដោយផ្អែកតាមច្បាប់ និងបទបញ្ញត្តជាធរមាន ខណៈដែលភាពជាប់គាំងនិមួយៗមានភាពខុសគ្នា អាស្រ័យតាមស្ថានភាពរបស់ម្ចាស់ដី ម្ចាស់អាគារ និងគំរោងវិនិយោគ ដូចមានរៀបរាប់ក្នុងឧបសម្ព័ន្ឋនៃលិខិតលេខ១៤៣៨ សហវ លស ចុះថ្ងៃទី២៣ កុម្ភៈ ឆ្នាំ២០២៣ របស់ក្រសួងសេដ្ឋកិច្ច និងហិរញ្ញវត្ថុ។

លិខិតដដែលបានបន្តបញ្ជាក់ថា វិធានជាកញ្ចប់នេះ ត្រូវអនុវត្តន៍តាមលំដាប់អាទិភាព មុន ក្រោយ ស្របតាមផែនការសកម្មភាពជាក់លាក់ និងកំណត់ត្រឹមនិយមន័យ និងវិសាលភាពនៃគំរោងវិនិយោគចាប់តាំងពីឆ្នាំ២០១៦មក នៅក្រុងព្រះសីហនុ៕

សូមអានលិខិតលំអិតដូចខាងក្រោម……

ការលក់ផ្ទះថ្មីនៅប្រទេសចិនហក់ឡើងខ្លាំងរហូតដល់៥៥,៧ភាគរយកាលពីខែមីនា

ដោយ: គង់ លាងហួរ
ប៉េកាំង: យោងតាមការស្ទង់មតិឯកជនមួយបានបង្ហាញថា ការលក់ផ្ទះថ្មីរបស់ប្រទេសចិនបានកើនឡើងយ៉ាងខ្លាំងនៅក្នុងខែមីនា ដោយសារតែគោលនយោបាយគាំទ្រមួយចំនួនបានជំរុញឱ្យមានការកើនឡើងនៃតម្រូវការ។

ការលក់ផ្ទះថ្មីបានកើនឡើង៥៥,៧ភាគរយពីមួយខែទៅមួយខែ ពោលគឺកើនឡើងពីកំណើន៣១,៩ភាគរយនៅក្នុងខែកុម្ភៈ។នេះបើយោងតាមទិន្នន័យពី China Index Academy ដែលជាអ្នកស្រាវជ្រាវផ្នែកអចលនទ្រព្យឯករាជ្យដ៏ធំបំផុតរបស់ប្រទេសនេះ។

ការលក់ផ្ទះក្នុងទីក្រុងលំដាប់លេខ១ រួមទាំងរដ្ឋធានីប៉េកាំងរបស់ប្រទេសចិន និងមជ្ឈមណ្ឌលពាណិជ្ជកម្មទីក្រុងសៀងហៃ បានកើនឡើងលឿនបំផុតក្នុងអត្រា៧៣ភាគរយកាលពីខែមីនា។ ចំណែក ការលក់ផ្ទះនៅក្នុងទីក្រុងលំដាប់ទី២ និងទីក្រុងលំដាប់ទី៣ បានកើនឡើង៥៤,៧ភាគរយ និង២៨,៦ភាគរយរៀងៗគ្នា។

ទិន្នន័យនេះនឹងក្លាយជាព័ត៌មានដ៏ល្អសម្រាប់វិស័យនេះ ដែលធ្លាប់ជាសសរស្តម្ភនៃកំណើនសេដ្ឋកិច្ចរបស់ប្រទេសចិន ប៉ុន្តែត្រូវបានរងគ្រោះដោយវិបត្តិជាច្រើនចាប់តាំងពីពាក់កណ្តាលឆ្នាំ២០២១ រួមទាំងការសងបំណុលរបស់អ្នកអភិវឌ្ឍន៍ និងការជាប់គាំងគម្រោងលំនៅដ្ឋាន។

ក្រុមអ្នកបង្កើតគោលនយោបាយនៅក្នុងប្រទេសចិនបានដាក់ចេញកញ្ចប់ថវិកាសង្គ្រោះដ៏ធំមួយកាលពីចុងឆ្នាំមុន ដើម្បីជំរុញការលក់ និងអនុញ្ញាតឱ្យមានការបញ្ចប់គម្រោងសាងសង់ ដែលជួយកែលម្អអារម្មណ៍។

ឧស្សាហកម្មនេះក៏បានមើលឃើញការស្ទុះងើបឡើងវិញបន្តិចម្តងៗនៅក្នុងប៉ុន្មានសប្តាហ៍ថ្មីៗនេះ ខណៈដែលអ្នកទិញផ្ទះនឹងត្រឡប់មកវិញ បន្ទាប់ពីទីក្រុងប៉េកាំងបានបោះបង់ចោលគោលនយោបាយសូន្យកូវីដដ៏តឹងរ៉ឹងរបស់ខ្លួន។

យោងតាមការស្ទង់មតិដាច់ដោយឡែកមួយដោយអ្នកស្រាវជ្រាវបានបង្ហាញថា តម្លៃផ្ទះថ្មីនៅក្នុងទីក្រុងចំនួន១០០របស់ប្រទេសចិនបានកើនឡើងក្នុងល្បឿនលឿនបំផុតក្នុងរយៈពេល៩ខែនៅក្នុងខែមីនា៕

1...978979980...3,258 Page 979 of 3,258