Bangkok-Chiang Mai rail project gears up Years of discussions and planning expected to start bearing fruit soon

Thailand and Japan are preparing to begin the first-phase construction of a high-speed rail project linking Bangkok with the northern province of Chiang Mai.

A feasibility study focusing on the economy and finance was reviewed at a recent technical meeting attended by the Department of Rail Transport (DRT), Office of Transport and Traffic Policy and Planning, Public Health Management Office, Office of the National Economic and Social Development Council, and the State Railway of Thailand (SRT).

Attendees from Japanese agencies included staff from the Ministry of Land, Infrastructure, Transport and Tourism, as well as the Japan International Cooperation Agency (JICA) and the Japanese embassy.

The 688-kilometre rail line will have 12 stations — Bang Sue, Don Mueang, Ayutthaya, Lop Buri, Nakhon Sawan, Phichit, Phitsanulok, Sukhothai, Sri Satchanalai, Lampang, Lamphun and Chiang Mai.

The project is divided into two phases, with the first running from Bangkok to Phitsanulok for over 380km, which then continuing to Chiang Mai for a further distance of 288km.

DRT director-general Pichet Kunadhamraks said on Wednesday the meeting followed from another held on Dec 14, to complete a review of the feasibility study.

A study conducted by Japanese agencies suggested the first phase of the project would offer an economic return some 17.3% higher than its original target.

This is seen as a key project capable of generating benefits for Thailand’s economy, Mr Pichet said, adding it will strengthen bilateral ties and pave the way for more successful projects in the future.

A source said the JICA has been conducting a feasibility study on the project since 2017 to find ways of improving its effectiveness, reducing the budget and arriving at a travel assessment based on various issues.

The study included the impact of reducing CO2 emissions in its appraisal of the social and economic benefits.

Thailand also proposed Japan conduct another study on the wider economic benefits for those areas surrounding the high-speed railway based on examples of railway stations in Japan, such as Minatomirai station in Yokohama, as well as taking into account other transport and tourism facilities.

Source: Bangkok Post

ឥណ្ឌូនេស៊ីបដិសេធក្តីបារម្ភលើការជាប់គាំងគម្រោងរដ្ឋធានីថ្មី Nusantara

ដោយ: គង់ លាងហួរ

ហ្សាការតា: មន្ត្រីឥណ្ឌូនេស៊ីកំពូលមួយរូបបានសន្យាថា ការសាងសង់គម្រោងរដ្ឋធានីថ្មី នៅក្នុងព្រៃនៃកោះ Borneo នឹងមិនជាប់គាំងឡើយ នៅពេលដែលប្រធានាធិបតីថ្មីឡើង កាន់តំណែងនៅឆ្នាំក្រោយ។

ប្រមុខអាជ្ញាធររដ្ឋធានីថ្មី Nusantara លោក Bambang Susantono បានថ្លែងក្នុងអំឡុងដំណើរទស្សនកិច្ច ទៅកាន់ទីតាំងនៅកោះ Kalimantan ថា “ប្រទេសឥណ្ឌូនេស៊ី នឹងប្រកាសជាផ្លូវការនូវទីក្រុង ដែលមានឈ្មោះថា Nusantara ដែលជារដ្ឋធានីថ្មីរបស់ខ្លួននៅក្នុងឆមាសទី១ ឆ្នាំ២០២៤”។

Nusantara ជាគម្រោងដ៏លេចធ្លោ របស់លោកប្រធានាធិបតី Joko Widodo ហើយត្រូវបានគេមើលឃើញថា ជាទីក្រុងឆ្លាតវៃបៃតង ដែលលាតសន្ធឹងលើផ្ទៃដីជិត២៦០.០០០ហិកតា ដើម្បីជំនួសរដ្ឋធានីចាស់ហ្សាកាតា ដែលមានមនុស្សរស់នៅច្រើនលើសលប់ និងឆាប់លិចទឹកយ៉ាងលឿន។

ទោះបីជាយ៉ាងនេះក្តី ជាមួយនឹងទុនវិនិយោគតម្លៃ៣២ពាន់លានដុល្លារ និងជំងឺរាតត្បាត ដែលបានពន្យារពេលដល់ដំណើរការរបស់គម្រោង ក្រុមអ្នកវិនិយោគមួយចំនួន បានសម្តែងការព្រួយបារម្ភថា “ការអភិវឌ្ឍអាចនឹងបាត់បង់សន្ទុះ បន្ទាប់ពីលោក Joko Widodo បញ្ចប់អាណត្តិទី២ និងអាណត្តិរយៈពេល៥ឆ្នាំចុងក្រោយរបស់លោកនៅឆ្នាំ២០២៤ខាងមុខ”។

នៅពេលត្រូវបានសាកសួរថា តើគម្រោងរដ្ឋធានីថ្មីនេះនឹងបន្តដំណើរការក្រោមមេដឹកនាំថ្មីឬអត់? លោក Bambang បានបញ្ជាក់ប្រាប់ក្រុមអ្នកសារព័ត៌មានថា “ចម្លើយរបស់ខ្ញុំគឺបាទ ប្រាកដណាស់”ខណៈដែលលោកបានលើកឡើងពីច្បាប់គាំទ្រគម្រោងនេះ។

ក្រោមកញ្ចប់នៃការលើកទឹកចិត្តដែលបានប្រកាស រដ្ឋាភិបាលគ្រោង នឹងដកពន្ធសាជីវកម្មសម្រាប់ក្រុមហ៊ុន ដែលបោះទុនវិនិយោគយ៉ាងហោចណាស់១០ពាន់លានរូពៀ(៦៤៧.៦៦០ដុល្លារ) ក្នុងវិស័យមួយចំនួន សម្រាប់រយៈពេល១០ទៅ៣០ឆ្នាំ ជាមួយនឹងការផ្អាកយកពន្ធរយៈពេលវែងបំផុត សម្រាប់ហេដ្ឋារចនាសម្ព័ន្ធ និងសេវាសាធារណៈរហូតដល់ឆ្នាំ២០៣៥។

ការចំណាយលើការស្រាវជ្រាវ និងការអភិវឌ្ឍន៍នឹងត្រូវកាត់បន្ថយពន្ធ ខណៈដែលពន្ធនាំចូលលើ ទំនិញដើមទុននឹងត្រូវដកចេញ ក្នុងចំណោមការលើកទឹកចិត្តផ្សេងៗទៀត ហើយលើសពីនេះរដ្ឋាភិបាលក៏គ្រោងនឹងផ្តល់សិទ្ធិដីធ្លី សម្រាប់រយៈពេល៩៥ឆ្នាំផងដែរ។

ភាពជោគជ័យរបស់រដ្ឋធានីថ្មីនេះ ពឹងផ្អែកខ្លាំងលើការចូលរួមពីវិស័យឯកជន ដោយរដ្ឋចំណាយថវិកាវិនិយោគ ត្រឹមតែ២០ភាគរយប៉ុណ្ណោះ។

ចំណែកឯវិមានមួយ ការិយាល័យប្រធានាធិបតី ទីលានទីប្រជុំជន និងអគារក្រសួងចំនួន៤ នឹងបញ្ចប់ការសាងសង់រួចរាល់នៅខែសីហា ឆ្នាំ២០២៤ នៅពេលប្រទេសឥណ្ឌូនេស៊ី នឹងប្រារព្ធទិវាឯករាជ្យលើកទី៧៩របស់ខ្លួន ។នេះបើយោងតាមប្រធានអ្នករៀបចំផែនការទីក្រុងលោក Vallin Tsarina ៕

ប្រទេសថៃចាប់ដៃគូជាមួយជប៉ុនចាប់ផ្តើមសាងសង់គម្រោងដំណាក់កាលទី១ នៃរថភ្លើងល្បឿនលឿនបាងកក-ឈៀងម៉ៃ

ដោយ: គង់ លាងហួរ

បាងកក: ប្រទេសថៃ និងជប៉ុនកំពុងរៀបចំនិតិវិធីនានា ដើម្បីចាប់ផ្តើមការសាងសង់ដំណាក់កាលទី ១នៃគម្រោងផ្លូវដែកល្បឿនលឿន តភ្ជាប់ទីក្រុងបាងកកជាមួយខេត្តឈៀងម៉ៃ ភាគខាងជើងប្រទេស។

ការសិក្សាលទ្ធភាពដែលផ្តោតលើសេដ្ឋកិច្ច និងហិរញ្ញវត្ថុត្រូវបានពិនិត្យ នៅក្នុងកិច្ចប្រជុំបច្ចេកទេសនាពេលថ្មីៗនេះ ដែលមានការចូលរួមពីនាយកដ្ឋានដឹកជញ្ជូនផ្លូវដែក (DRT) ការិយាល័យគោលនយោបាយ និងផែនការដឹកជញ្ជូន និងចរាចរណ៍ ការិយាល័យគ្រប់គ្រងសុខភាពសាធារណៈ ការិយាល័យក្រុមប្រឹក្សាអភិវឌ្ឍន៍សេដ្ឋកិច្ច និងសង្គមជាតិ និងផ្លូវដែករដ្ឋថៃ (SRT)។

ចំណែកឯ អ្នកចូលរួមមកពីទីភ្នាក់ងារជប៉ុនរួមមាន បុគ្គលិកមកពីក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ ព្រមទាំងទីភ្នាក់ងារសហប្រតិបត្តិការអន្តរជាតិជប៉ុន (JICA) និងស្ថានទូតជប៉ុនប្រចាំប្រទេសថៃ។

ខ្សែរថភ្លើងប្រវែង៦៨៨គីឡូម៉ែត្រនេះ នឹងមានស្ថានីយចំនួន១២ដូចជា Bang Sue Don Muang Ayutthaya Lop Buri Nakhon Sawan Phichit Phitsanulok Sukhothai Sri Satchanalai Lampang Lamphun និង Chiang Mai។

គម្រោងនេះចែកចេញជាពីរដំណាក់កាល ដោយដំណាក់កាលដំបូងឆ្លងកាត់ពីទីក្រុងបាងកក ទៅកាន់ខេត្ត Phitsanulok ចម្ងាយជាង៣៨០គីឡូម៉ែត្រ បន្ទាប់មកបន្តទៅខេត្តឈៀងម៉ៃក្នុងចម្ងាយផ្លូវ២៨៨គីឡូម៉ែត្រ។

ប្រទេសជប៉ុន បានស្នើឱ្យថៃប្រើប្រាស់រថភ្លើងShinkansen ដែលជាធម្មតាមានល្បឿន អតិបរមា៣០០គីឡូម៉ែត្រក្នុងមួយម៉ោង។

ប្រភពមួយបានអះអាងថា ទីភ្នាក់ងារសហប្រតិបត្តិការអន្តរជាតិជប៉ុន (JICA) បាននិងកំពុងធ្វើការសិក្សា អំពីលទ្ធភាពលើគម្រោងនេះតាំងពីឆ្នាំ២០១៧ ដើម្បីស្វែងរកមធ្យោបាយកែលម្អប្រសិទ្ធភាព កាត់បន្ថយថវិកា និងឈានមកដល់ការវាយតម្លៃ ការធ្វើដំណើរដោយផ្អែកលើបញ្ហាផ្សេងៗ។

ប្រទេសថៃក៏បានស្នើឱ្យប្រទេសជប៉ុន ធ្វើការសិក្សាមួយផ្សេងទៀតអំពីអត្ថប្រយោជន៍សេដ្ឋកិច្ច សម្រាប់តំបន់ទាំងនោះជុំវិញផ្លូវរថភ្លើងល្បឿនលឿននេះ ដោយផ្អែកលើគម្រូនៃស្ថានីយ៍រថភ្លើង ក្នុងប្រទេសជប៉ុនដូចជាស្ថានីយ៍ Minatomirai នៅទីក្រុង Yokohama ក៏ដូចជាការគិតគូរពីមធ្យោបាយដឹកជញ្ជូន និងទេសចរណ៍ផ្សេងទៀតផងដែរ៕

សម្តេចតេជោៈទន្លេមេគង្គ និងទន្លេសាបលែងឆ្ងាយពីគ្នាហើយ

ដោយៈ ច្រាយ ចំណាន

កំពង់ធំំៈ សម្តេចតេជោ ហ៊ុន សែននាយករដ្ឋមន្រ្តីនៃកម្ពុជាបានថ្លែងថា ទន្លេមេគង្គ និងទន្លេសាប លែងឆ្ងាយពីគ្នាហើយ តាមរយៈគម្រោងតភ្ជាប់ហេដ្ឋារចនាសម្ព័ន្ធ រវាងខេត្តក្រចេះ និងខេត្តកំពង់ធំ និងកំពង់ធំ ទៅកំពង់ឆ្នាំង។

សម្តេចតេជោហ៊ុន សែន បញ្ជាក់បែបនេះក្នុងពេលអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបុណ្យទន្លេលើកទី៧ កាលពីល្ងាចថ្ងៃទី៩ មិនាកន្លងមកនេះ។

សម្តេចបញ្ជាក់ទៀតថា “ផ្លូវ និងស្ពានតភ្ជាប់ខេត្តកំពង់ឆ្នាំង និងកំពង់ធំ នឹងចាប់ផ្តើមបើកការដ្ឋាននៅឆ្នាំ២០២៤”។

សម្តេចតេជោ ហ៊ុន សែន បានថ្លែងថា គំនិតចង់ស្តារបឹងទន្លេសាបមិនមែនមិនធ្លាប់គិតនោះទេ តែមកពីការខ្វះលទ្ធភាព។ សម្តេចតេជោ ហ៊ុន សែន បានថ្លែងថា មានការផ្តល់គំនិតធ្វើទំនប់ទប់ទឹកបឹងទន្លេសាប តែជារឿងមិនអាចធ្វើទៅបាន។

ទាក់ទងវិស័យទេសចរណ៍វិញ សម្តេចតេជោ ហ៊ុន សែន បានថ្លែងថា វិស័យទេសចរណ៍ខេត្តកំពង់ធំ ជារឿងមួយលំបាក ព្រោះអ្នកទេសចរទៅផុត មកផុត។

សម្តេចតេជោ ហ៊ុន សែន បានថ្លែងថា សម្រាប់ខេត្តកំពង់ធំ វិនិយោគលើសណ្ឋាគារលំបាក តែអាចល្អសម្រាប់អាហារដ្ឋាន។ សម្តេចតេជោ ហ៊ុន សែន ណែនាំឱ្យអាជ្ញាធរខេត្តកំពង់ធំ រិះរកផលិតផល ចំណីអាហារសម្រាប់ទាក់ទាញអ្នកទេសចរ។

សម្តេចតេជោ ហ៊ុន សែន បានថ្លែងណែនាំឱ្យក្រសួង ស្ថាប័នពាក់ព័ន្ធ ត្រូវបន្តផ្តល់អាទិភាព ដល់ការអភិវឌ្ឍន៍តំបន់តាមដងទន្លេ ជាពិសេសបណ្តាខេត្តជុំវិញ បឹងទន្លេសាប លើការកសាងហេដ្ឋារចនាសម្ព័ន្ធចាំបាច់ ដែលបម្រើឱ្យវិស័យទេសចរណ៍ ការតភ្ជាប់ និងការដឹកជញ្ជូន ជាដើម ជាពិសេស ពិនិត្យលទ្ធភាពក្នុងការសាងសង់ស្ពានឆ្លងទន្លេសាប និងបឹង-ទន្លេសាប ការតភ្ជាប់ស្ពាន និងផ្លូវពីកំពង់ឆ្នាំងមកកំពង់ធំ។

ជាមួយគ្នានេះ សម្តេចតេជោ ហ៊ុន សែន ណែនាំឱ្យបន្តជំរុញការផលិត ដើម្បីផ្គត់ផ្គង់ដល់ទេសចរ ដែលជាទិសដៅ “នាំចេញនៅនឹងកន្លែង”។

សម្តេចតេជោ ហ៊ុន សែន ណែនាំឱ្យក្រសួង ស្ថាប័នពាក់ព័ន្ធ អាជ្ញាធរគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទ ជនរួមជាតិ និងវិស័យឯកជន ចូលរួមឱ្យបានផុសផុលប្រកបដោយស្មារតីទទួលខុសត្រូវ ធ្វើឱ្យពិធីបុណ្យទន្លេឆ្នាំនេះ ប្រកបដោយជោគជ័យ និងចូលរួមឱ្យកាន់តែសកម្ម ក្នុងចលនាប្រឡងប្រណាំង “ទីក្រុងស្អាត រមណីយដ្ឋាន ស្អាត សេវាល្អ បដិសណ្ឋារកិច្ចល្អ” និងសហការថែរក្សាសោភ័ណភាព អនាម័យ និងបរិស្ថាន ដែលកត្តាចម្បងមិនអាចខ្វះបាន ក្នុងការថែរក្សាតំបន់តាមដងទន្លេឱ្យស្រស់ស្អាត យូរអង្វែង ដើម្បីបន្តជាមរតកដល់កូនចៅជំនាន់ក្រោយ។

សម្តេចតេជោ ហ៊ុន សែន បានថ្លែងថា រាជរដ្ឋាភិបាលកម្ពុជានឹងបន្តកិច្ចខិតខំប្រឹងប្រែងលើកិច្ចការពារ និងអភិរក្សបរិស្ថានធនធាន ធម្មជាតិ ដោយឈរលើគោលការណ៍ “ការអភិវឌ្ឍបម្រើឱ្យការ–អភិរក្ស រីឯការអភិរក្សបម្រើឱ្យការអភិវឌ្ឍ» ដោយត្រូវរួមគ្នា «រួមគិត រួមធ្វើ រួមទទួលខុសត្រូវ” ដើម្បីឱ្យតំបន់តាមដងទន្លេ ក្លាយជាគោលដៅទេសចរណ៍ដ៏ទាក់ទាញសម្រាប់ភ្ញៀវទេសចរ៕

ចំនួនតភ្ជាប់អាកាសចរណ៍កម្ពុជា ចិនកើនឡើងជាមួយកំណើនទេសចរណ៍ និងអ្នកធុរកិច្ច

ដោយ: គង់ លាងហួរ

ភ្នំពេញ: ការតភ្ជាប់ជើងហោះហើរត្រង់រវាងប្រទេសទាំងពីរ កម្ពុជា ចិនកំពុងកើនឡើង ជាមួយសញ្ញាវិជ្ជមាននៃការមកដល់របស់ភ្ញៀវទេសចរណ៍ និងអ្នកធុរកិច្ចចិន។

តំណាងក្រុមហ៊ុនអាកាសចរណ៍មួយរូបបានអះអាងថា ក្រុមហ៊ុនអាកាសចរណ៍ Cambodia Airways គ្រោងនឹងចាប់ផ្តើមជើងហោះហើរត្រង់រវាងទីក្រុងភ្នំពេញ និងទីក្រុងប៉េកាំង ចាប់ពីថ្ងៃទី ២៧ ខែមីនា ដើម្បីឆ្លើយតបទៅនឹងការកើនឡើង នៃតម្រូវការធ្វើដំណើររវាងគោលដៅទាំងពីរ។

លោក Simon Xu នាយកផ្នែកពាណិជ្ជកម្មនៃក្រុមហ៊ុនអាកាសចរណ៍ Cambodia Airways បានមានប្រសាសន៍ថា “យន្តហោះ Airbus A320 នឹងត្រូវបានប្រើ ដើម្បីប្រតិបត្តិការរវាងគោលដៅទាំងពីរនេះចំនួន៣ដង ក្នុងមួយសប្តាហ៍នៅរៀងរាល់ថ្ងៃចន្ទ ពុធ និងថ្ងៃសុក្រ ចាប់ពីថ្ងៃទី២៧ ខែមីនា”។

លោកបានបន្ថែមថា “ចំនួនជើងហោះហើរ នឹងត្រូវពង្រីកដល់៥ដងក្នុងមួយសប្តាហ៍ នៅរៀងរាល់ថ្ងៃចន្ទ ពុធ ព្រហស្បតិ៍ សុក្រ និងអាទិត្យ ចាប់ពីថ្ងៃទី ១៧ ខែមេសាតទៅ”។

លោកបានបញ្ជាក់ប្រាប់សារពត៌មាន Xinhua ថា “ការបើកផ្លូវហោះហើរថ្មីនេះត្រូវបានគេរំពឹងថា នឹងពង្រឹងទំនាក់ទំនងពាណិជ្ជកម្ម ការវិនិយោគ វប្បធម៌ និងទេសចរណ៍រវាងទីក្រុងទាំង២”។

លោកបានបន្តថា “យើងសង្ឃឹមថាផ្លូវថ្មីនេះ នឹងជួយនាំភ្ញៀវទេសចរចិន អ្នកជំនួញ និងអ្នកវិនិយោគមកកម្ពុជាកាន់តែច្រើនឡើង”។

កាលពីពេលថ្មីៗនេះ ក្រុមហ៊ុនអាកាសចរណ៍ជាច្រើន បានបើកការហោះហើរត្រង់ រវាងទីក្រុងនានារបស់ប្រទេសកម្ពុជា និងប្រទេសចិនឡើងវិញ ចាប់តាំងពីប្រទេសចិន បានធ្វើឱ្យប្រសើរនូវយុទ្ធសាស្រ្តប្រឆាំងកូវីដរបស់ខ្លួននៅថ្ងៃទី៨ ខែមករា និងបន្តដំណើរទេសចរណ៍ជាក្រុមទៅក្រៅប្រទេសវិញនៅថ្ងៃទី៦ ខែកុម្ភៈ។

លោកស៊ិន ចាន់សិរីវុត្ថាអនុរដ្ឋលេខាធិការ និងជាអ្នកនាំពាក្យនៃរដ្ឋលេខាធិការដ្ឋានអាកាសចរណ៍ស៊ីវិលបានមានប្រសាសន៍ថា ការបើកចំហប្រទេចិនកាលពីពេលថ្មីៗនេះ បានបង្ហាញសញ្ញាវិជ្ជមានសំរាប់កម្ពុជា ក៏ដូចជាប្រទេសក្នុងតំបន់។ ជាក់ស្តែងចំនួនអាកាសចរណ៍ចិន បានហោះហើរមកកម្ពុជាកើនឡើងជាបន្តបន្ទាប់៕

រដ្ឋាភិបាលកូរ៉េខាងត្បូងកំពុងបង្កើនទំនាក់ទំនងជិតស្និទ្ធជាមួយអារ៉ាប៊ីសាអូឌីតក្នុងនៅគម្រោងអភិវឌ្ឍធំៗ

ដោយ: គង់ លាងហួរ

សេអ៊ូល: រដ្ឋមន្ត្រីក្រសួងហិរញ្ញវត្ថុបានមានប្រសាសន៍ថា ប្រទេសកូរ៉េខាងត្បូង គ្រោងបង្កើតទំនាក់ទំនងឱ្យកាន់តែស៊ីជម្រៅ ជាមួយអារ៉ាប៊ីសាអូឌីត និងឱ្យក្រុមហ៊ុនរបស់ខ្លួនចូលរួម ក្នុងផែនការគម្រោងមេហ្គាដ៏ធំរបស់ប្រទេសមជ្ឈិមបូព៌ាមួយនេះ។

រដ្ឋមន្ត្រីក្រសួងហិរញ្ញវត្ថុលោក Choo Kyung-mo បានធ្វើការកត់សម្គាល់ ក្នុងអំឡុងពេលពិភាក្សាជាមួយសមភាគី អារ៉ាប៊ីសាអូឌីតលោក Mohammed Al-jadaan នៅទីក្រុងសេអ៊ូល ដែលនេះជាកិច្ចប្រជុំលើកដំបូងរបស់ពួកគេ ចាប់តាំងពីកិច្ចប្រជុំក្រុមG20 នៅទីក្រុងវ៉ាស៊ីនតោនក្នុងខែតុលា។

ក្នុងអំឡុងពេលនៃកិច្ចប្រជុំនោះ លោក Choo និងលោក Al-jadaan បានចែករំលែកយោបល់លើបញ្ហាប្រឈម ដែលកំពុងកើនឡើងនៅក្នុងសេដ្ឋកិច្ចពិភពលោក រួមទាំងការបែកបាក់ដែលកំពុងលេចចេញ និងហានិភ័យភូមិសាស្ត្រនយោបាយផ្សេងទៀត។

ជាពិសេសលោក Choo បានចង្អុលបង្ហាញថា ប្រទេសទាំងពីរអាចស្វែងរកឱកាសដ៏មានសក្តានុពល សម្រាប់ភាពជាដៃគូនៅក្នុងគម្រោងផែនការចក្ខុវិស័យឆ្នាំ២០៣០ របស់ប្រទេសមជ្ឈិមបូព៌ាមួយនេះ ដែលផ្តោតលើការបន្ធូរបន្ថយការពឹងផ្អែកលើប្រេង និងការជំរុញម៉ាស៊ីនកំណើនផ្សេងទៀត។

លោករដ្ឋមន្ត្រីរូបនេះបានបន្ថែមថា ប្រទេសកូរ៉េខាងត្បូងកំពុងខិតខំប្រឹងប្រែង ដើម្បីបង្កើនភាពប្រកួតប្រជែងរបស់ខ្លួន នៅក្នុងវិស័យផ្សេងៗដូចជា អ៊ីដ្រូសែន និងឧស្សាហកម្មកសិកម្មឆ្លាតវៃផងដែរ។

លោក Choo ក៏បានស្នើឱ្យទីក្រុង Riyadh យកចិត្តទុកដាក់បន្ថែមទៀត ចំពោះកិច្ចខិតខំប្រឹងប្រែងរបស់ក្រុមហ៊ុនកូរ៉េ ក្នុងការចូលរួមក្នុងគម្រោងសាងសង់ ទីក្រុងប្រកបដោយនិរន្តរភាព Neom ជាមួយនឹងថវិកាចំនួន៥០០ពាន់លានដុល្លារ។

ជាការឆ្លើយតប លោក Al-jadaan បានកត់សម្គាល់ថា “អ្នកធុរកិច្ចកូរ៉េបាន និងកំពុងអួតអំពីបច្ចេកវិទ្យា និងសមត្ថភាពផលិតដ៏ឆ្នើម ហើយលោកសង្ឃឹមថា ពួកគេអាចចូលរួមក្នុងគម្រោងផ្សេងៗ ដែលគ្រោងធ្វើឡើងដោយប្រទេសអារ៉ាប៊ីសាអូឌីត”៕

កម្ពុជាដាក់ចេញផែនការសកម្មភាពចំនួន៦ដើម្បីចាកចេញពីឋានៈប្រទេសអភិវឌ្ឍន៍តិចតួចនាពេលខាងមុខ

ដោយៈ គង់ សូរិយា

ភ្នំពេញៈ លោក ប៉ាន សូរស័ក្ដិ រដ្ឋមន្ដ្រីក្រសួងពាណិជ្ជកម្ម បានអញ្ជើញដឹកនាំគណៈប្រតិភូកម្ពុជា ចូលរួមសន្និសីទអង្គការសហប្រជាជាតិលើកទី៥ស្ដីពី ក្រុមប្រទេសអភិវឌ្ឍន៍តិចតួច (LDC) និងកិច្ចប្រជុំកំពូលនៃក្រុមប្រទេសអភិវឌ្ឍន៍តិចតួច នៅទីក្រុងដូហា ប្រទេសកាតា ពីថ្ងៃទី៤ ដល់៩ ខែមីនា ឆ្នាំ២០២៣។

ក្រសួងពាណិជ្ជកម្មបានឲ្យដឹងថា កាលព្រឹកថ្ងៃទី៨ ខែមីនា ឆ្នាំ២០២៣ លោករដ្ឋមន្រ្តី ប៉ាន សូរស័ក្តិ បានអញ្ជើញថ្លែងសន្ទរកថា ក្នុងកិច្ចប្រជុំពេញអង្គនៃសន្និសីទ អង្គការសហប្រជាជាតិលើកទី៥ ស្ដីពីក្រុមប្រទេសអភិវឌ្ឍន៍តិចតួច (LDC) ក្រោមប្រធានបទ “Leaving No One Behind”។

លោករដ្ឋមន្ដ្រី បានជំរាបជូនអង្គប្រជុំថា ប្រទេសកម្ពុជាបានបំពេញតាមលក្ខណៈវិនិច្ឆ័យជាលើកទី១ ដែលអាចត្រៀមខ្លួនចាកចេញពីចំណាត់ថ្នាក់ក្រុមប្រទេសអភិវឌ្ឍន៍តិចតួច ហើយនឹងត្រូវបានវាយតម្លៃម្តងទៀតនៅដើមឆ្នាំ២០២៤ ហើយកម្ពុជាអាចចាកចេញពីចំណាត់ថ្នាក់ក្រុមប្រទេសអភិវឌ្ឍន៍តិចតួចនៅចុងឆ្នាំ២០២៧ ប្រសិនបើអ្វីៗដំណើរការដោយរលូន ដែលការចាកចេញនេះ ស្របនឹងមហិច្ឆតារាជរដ្ឋាភិបាល ក្នុងការនាំកម្ពុជាឱ្យឈាន ដល់ប្រទេសចំណូលមធ្យមកម្រិតខ្ពស់នៅឆ្នាំ២០៣០ និងប្រទេសដែលមានចំណូលខ្ពស់នៅឆ្នាំ២០៥០។

ទោះជាយ៉ាងណាក៏ដោយ ការចាកចេញពីចំណាត់ថ្នាក់នេះ នឹងនាំមកជាមួយបញ្ហាប្រឈមពាក់ព័ន្ធ នឹងការបាត់បង់អត្ថប្រយោជន៍ និងប្រព័ន្ធអនុគ្រោះមួយចំនួន ដែលយើងកំពុងទទួលបាននាពេលបច្ចុប្បន្ន។

បន្ថែមពីនេះ លោករដ្ឋមន្ដ្រី ក៏បានលើកឡើងអំពីការអនុម័ត និងការអនុវត្តផែនការសកម្មភាពទីក្រុងដូហា(DPoA) ដែលនឹងមានសារៈសំខាន់ ក្នុងការធ្វើឱ្យដំណើរចាកចេញនេះ មានភាពរលូន និងជួយពន្លឿនការសម្រេចបាននូវ SDGsរបស់កម្ពុជា និងបំពេញបន្ថែមដំណាក់កាលបន្ទាប់ នៃក្របខ័ណ្ឌផែនការអភិវឌ្ឍន៍របស់កម្ពុជា ពោលគឺផែនការអភិវឌ្ឍន៍យុទ្ធសាស្រ្តជាតិ ឆ្នាំ២០២៤-២០២៨។

លោកបន្តថា អាស្រ័យហេតុនេះ រាជរដ្ឋាភិបាលកម្ពុជា បានប្តេជ្ញាអនុវត្តផែនការសកម្មភាពទីក្រុងដូហា ដោយភ្ជាប់ខ្លួននឹងការវិនិយោគលើវិស័យសុខាភិបាល ការអប់រំ ប្រព័ន្ធគាំពារសង្គម និងហេដ្ឋារចនាសម្ព័ន្ធជាមូលដ្ឋាន ការធ្វើពិពិធកម្មសេដ្ឋកិច្ចឱ្យមានលក្ខណៈប្រសើរឡើង រួមបញ្ចូល ភាពធន់ និងនិរន្តរភាព ជំរុញសេដ្ឋកិច្ចបៃតង និងជំរុញការធ្វើបរិវត្តកម្មឌីជីថល។ ជាមួយគ្នានេះ លោកក៏បានបញ្ជាក់អំពីតម្រូវការ ក្នុងការពង្រីកប្រភពហិរញ្ញប្បទាន សម្រាប់ការអភិវឌ្ឍដោយវិធីពង្រីកដៃគូពាណិជ្ជកម្មកម្ពុជា បើកបណ្តាញសហប្រតិបត្តិការថ្មី ការស្វែងរកឧបករណ៍ហិរញ្ញវត្ថុ ប្រកបដោយភាពច្នៃប្រឌិត និងការពង្រឹងយន្តការហិរញ្ញប្បទានបៃតង។

លោក ប៉ាន សូរស័ក្តិ បានលើកយកផែនការសកម្មភាពជាគន្លឹះទាំង៦ នៃ DPoA ដែលមានដូចជា ទី១ ការវិនិយោគលើមនុស្សក្នុងប្រទេស LDCs ទី២ ការប្រើប្រាស់វិទ្យាសាស្ដ្រ បច្ចេកវិទ្យា និងនវានុវត្តន៍ ដើម្បីទប់ទល់នឹងភាពទន់ខ្សោយ និងសម្រេចគោលដៅអភិវឌ្ឍន៍ប្រកបដោយចីរភាព ទី៣ គាំទ្រការកែទម្រង់ស្ថាប័នឱ្យក្លាយជាចលករនៃភាពចម្រើនរុងរឿង ទី៤ លើកម្ពស់ពាណិជ្ជកម្មអន្តរជាតិនៃប្រទេស LDCs និងសមាហរណកម្មតំបន់ ទី៥ ដោះស្រាយបញ្ហាការប្រែប្រួលអាកាសធាតុ ការបំផ្លាញបរិស្ថាន និងផលប៉ះពាល់នៃកូវីដ១៩ ព្រមទាំងការកសាងភាពធន់នឹងវិបត្តិនានា និងទី៦ ពង្រឹងសាមគ្គីភាពអន្ដរជាតិ និងភាពជាដៃគូពិភពលោក។

លោកប៉ាន សូរស័ក្តិបានបន្តថា រាជរដ្ឋាភិបាលកម្ពុជាសូមកោតសរសើរចំពោះការគាំទ្រពីម្ចាស់ជំនួយ និងដៃគូអភិវឌ្ឍន៍ ដើម្បីគាំទ្រដល់ការសិក្សាស្រាវជ្រាវអំពីផលប៉ះពាល់ នៃការចាកចាញពីប្រទេសពី LDC ហើយទន្ទឹមនឹងនោះ កម្ពុជាសូមអញ្ជើញសហគមន៍អន្តរជាតិឱ្យគាំទ្រ និងពន្លឿនវឌ្ឍនភាពនៃ SDGs ដែលស្នើឡើងដោយអគ្គលេខាធិការអង្គការសហប្រជាជាតិ ក៏ដូចជាជួយជំរុញឱ្យប្រទេស LDCs ចាកចេញពីចំណាត់ថ្នាក់ LDCs ប្រកបដោយជោគជ័យ និងការអភិវឌ្ឍប្រកបដោយនិរន្ដរភាព៕

តំបន់ភាគខាងជើងប្រទេសកាន់តែបង្ហាញពីការទាក់ទាញការ វិនិយោគឧស្សាហកម្ម

ដោយៈវឌ្ឍនៈ

ភ្នំពេញៈ មួយរយៈចុងក្រោយនេះ តំបន់ប៉ែកខាងជើងនៃប្រទេសបាន និងកំពុងបង្ហាញពីសក្ដានុពលកាន់តែខ្លាំង ក្នុងរយៈពេលប៉ុន្មានឆ្នាំចុងក្រោយនេះ ក្រោយពីរាជរដ្ឋាភិបាលបានបង្ហាញពីគម្រោងអភិវឌ្ឍន៍ជាច្រើន នៅតំបន់បណ្ដាខេត្តខាងជើងប្រទេស ជាពិសេសនៅតំបន់ខាងរាជធានីភ្នំពេញ។

គម្រោងដែលត្រូវបានរាជរដ្ឋាភិបាលបង្ហាញ និងដាក់ក្នុងផែនការក៏ដូចជា គម្រោងកំពុងសាងសង់នាពេលបច្ចុប្បន្ន មានទាំងផ្លូវគោក ផ្លូវដែក និងផ្លូវទឹក រួមទាំងស្ពានវែងៗមួយចំនួនផងដែរ ដែលគម្រោងទាំងនេះ គេជឿជាក់ថា នឹងទទួលបានការវិនិយោគលើឧស្សាហកម្មបន្ថែមទៀត ស្របនឹងតំបន់នេះ នៅមានសក្ដានុពលទូលាយសម្រាប់ទាក់ទាញការវិនិយោគ ។

នៅចុងឆ្នាំ២០២២កន្លងទៅ គម្រោងអភិវឌ្ឍន៍ហេដ្ឋានរចនាសម្ព័ន្ធមួយចំនួន ត្រូវបានរាជរដ្ឋាភិបាលប្រកាសបើកការដ្ឋានរួចហើយ ខណៈមួយចំនួនទៀតបាន និងកំពុងសិក្សា ខ្លះទៀតកំពុងស្វែងរកថវិកាដើម្បីសាងសង់ពេលមានការព្រមព្រៀង រវាងរដ្ឋាភិបាលនិងដៃគូអភិវឌ្ឍន៍ ។

បើតាមលោកស៊ុន ចាន់ថុលរដ្ឋមន្ត្រីសាធារណការ និងដឹកជញ្ជូនបានឱ្យដឹងថា គម្រោងពីររាជរដ្ឋាភិបាល បានសិក្សាចប់សព្វគ្រប់និងកំពុងរកដៃគូ ឬថវិកាមកសាងសង់ ដោយក្នុងនោះគម្រោងផ្លូវដែកល្បឿនលឿនភ្នំពេញទៅប៉ោយប៉ែត ខេត្តបន្ទាយមានជ័យ និងផ្លូវលេខ៥០សេ ដែលតភ្ជាប់ពីកំពង់ឆ្នាំងទៅកំពង់ធំ ។

លោកបានលើកឡើងថា ការសាងសង់ហេដ្ឋារចនាសម្ព័ន្ធ បានជួយសម្រួលដល់សេដ្ឋកិច្ច ទាក់ទាញដល់ភ្ញៀវទេសចរទាំងក្នុងស្រុក និងក្រៅប្រទេស ហើយក៏ទាក់ទាញដល់ការវិនិយោគនានាផងដែរ។ ដូច្នេះហើយទើបរាជរដ្ឋាភិបាល បានចំណាយថវិការាប់ពាន់លានដុល្លារ ដើម្បីសាងសង់ហេដ្ឋារចនាសម្ព័ន្ធណា ដែលចាំបាច់ជាអាទិភាពមុន ។

អ្នកស្រី ក្រី ម៉ាយ៉ាន ប្រធានសាខានៃក្រុមហ៊ុន KW ប្រចាំខេត្តកំពង់ចាមក៏បានលើកឡើងផងដែរថា នៅតំបន់ណាដែលមានការអភិវឌ្ឍហេដ្ឋារចនាសម្ព័ន្ធ តម្លៃអចលនទ្រព្យនៅតាមបណ្ដោយផ្លូវនោះនឹងមានសន្ទុះកំណើនមួយកម្រិតទៀត ហើយក៏អាចទាក់ទាញដល់ការវិនិយោគថ្មីៗទៅកាន់តំបន់នោះដែរ ដោយសារតែពេលមានផ្លូវធ្វើការដឹកជញ្ជូនការធ្វើដំណើរ កាន់តែមានភាពងាយស្រួល។ ដូច្នេះវិនិយោគិននឹងរកទីតាំង ដែលធ្វើឱ្យពួកគេងាយ ក្នុងការដឹកជញ្ជូនទំនិញគេចូលនិងចេញពីឃ្លាំង៕

លោក ម៉ៅ ហាវណ្ណាល់ ជំរុញឲ្យក្រុមហ៊ុនអភិវឌ្ឍន៍ព្រលានយន្ដហោះសៀមរាបអង្គរថ្មី ទទួលយកបុគ្គលិកពីព្រលានយន្តហោះចាស់ គោរពតាមគោលការណ៍ស្ម័គ្រចិត្ត

(ភ្នំពេញ)៖ លោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុក រដ្ឋលេខាធិការដ្ឋានអាកាសចរស៊ីវិល នៅថ្ងៃទី០៩ ខែមីនា ឆ្នាំ២០២៣នេះ បានអនុញ្ញាតឲ្យគណៈប្រតិភូនៃក្រុមហ៊ុនវិនិយោគយូណាន ដែលជាក្រុមហ៊ុនអភិវឌ្ឍអាកាសយានដ្ឋានអន្ដរជាតិសៀមរាបអង្គរថ្មី ចូលជួបសម្ដែងការគួរសម ពិភាក្សាការងារ និងផ្លាស់ប្ដូរយោបល់។

គណៈប្រតិភូនៃក្រុមហ៊ុនវិនិយោគយូណាន ដឹកនាំដោយលោក Liu Minglin ប្រធានក្រុមហ៊ុន និងលោក Lu Wei ប្រធានក្រុមហ៊ុនវិនិយោគអាកាសយានដ្ឋានអន្តរជាតិអង្គរ (AIAI) ព្រមទាំងមានការចូលរួមពីមន្ដ្រីពាក់ព័ន្ធជាច្រើនរូបទៀត។

លោក ស៉ីន ចាន់សិរីវុត្ថា អនុរដ្ឋលេខាធិការ និងជាអ្នកពាក្យអាកាសចរស៊ីវិលបានឱ្យដឹងថា ក្នុងជំនួបនេះលោកបណ្ឌិត ម៉ៅ ហាវណ្ណាល់ បានជម្រាបជូនអំពីកង្វល់មួយចំនួន នៅពេលបិទអាកាសយានដ្ឋានសៀមរាបអង្គរចាស់ គឺធ្វើយ៉ាងណាប្រើប្រាស់ធនធានមនុស្ស ដែលជាបុគ្គលិក និងឧបករណ៍សម្ភារ ដែលយកពីអាកាសយានដ្ឋានចាស់ ឲ្យមានភាពរលូន ហើយការជ្រើសរើសយកបុគ្គលិកនេះ ត្រូវឈរលើគោលការណ៍ដោយស្ម័គ្រចិត្ត។

ក្នុងឱកាសនោះ ក្រុមហ៊ុនវិនិយោគយូណាន ក៏បានជម្រាបអំពីការខិតខំបង្ហាញនូវសមត្ថភាព ក្នុងការចាត់ចែងគ្រប់គ្រងអាកាសយានដ្ឋានអន្ដរជាតិសៀមរាបអង្គរថ្មី ឲ្យកា្លយទៅជាអាកាសយានដ្ឋានមួយ ប្រកបដោយស្ដង់ដារ ដូចប្រទេសជឿនលឿនមួយចំនួន នៅក្នុងតំបន់អាស៊ាន។

លោកបានលើកឡើងថា ក្រុមហ៊ុនវិនិយោគយូណាន គឺជាក្រុមហ៊ុន TOP 10 មួយនៅក្នុងពិភពលោក ដែលមានចំណូលប្រចាំឆ្នាំ ៣០០ពាន់លានដុល្លារក្នុងមួយឆ្នាំ និងមានបុគ្គលចំនួន ៤ម៉ឺននាក់ និងមានក្រុមហ៊ុនបុត្រសម្ព័ន្ធចំនួនជាង ៥០០ក្រុមហ៊ុន ហើយក្រុមហ៊ុននេះ គឺជាភាគហ៊ុនិកមួយដ៏ធំ នៅក្នុងការអភិវឌ្ឍអាកាសយានដ្ឋានសៀមរាប។

ទន្ទឹមគ្នានេះ ក្រុមហ៊ុនវិនិយោគយូណាន ក៏បានបង្ហាញនូវគម្រោងអភិវឌ្ឍន៍តំបន់រណប ដែលមានដីបម្រុងជាង ១ពាន់ហិកតា ដើម្បីទាក់ទាញអ្នកវិនិយោគ មកកសាងតំបន់សេដ្ឋកិច្ចពិសេស ក៏ដូចជាសកម្មភាពផ្សេងៗ ក្នុងការគាំទ្រផលិតក្នុងស្រុក និងការនាំចេញផងដែរ។

សូមជម្រាបថា អាកាសយានដ្ឋានអន្តរជាតិសៀមរាប-អង្គរ បានចាប់ផ្តើមសាងសង់កាលពីខែមីនា ឆ្នាំ២០២០ ដោយក្រុមហ៊ុន Angkor International Airport Investment (Cambodia)Co.,Ltd(AIAI)។

អាកាសយានដ្ឋានអន្តរជាតិនេះ បាននិងកំពុងដំណើរការសាងសង់លើផ្ទៃដីប្រមាណជា ៧០០ហិកតា ស្ថិតនៅក្នុងភូមិក្រៀលពង ឃុំពពេល និងភូមិប្រវ៉ាល ឃុំតាយ៉ែក ស្រុកសូទ្រនិគម ខេត្តសៀមរាប ដែលមានចម្ងាយប្រមាណ ៥០គីឡូម៉ែត្រ ពីទីប្រជុំជនក្រុងសៀមរាប និងចម្ងាយ ៤០គីឡូម៉ែត្រ ពីរមណីយដ្ឋានអង្គរ ដែលចម្ងាយនេះ មិនធ្វើឱ្យប៉ះពាល់ដល់តំបន់ការពារបេតិកភណ្ឌនោះទេ។

ដោយឡែកព្រលានយន្តហោះសៀមរាបកំពុងដំណើរការបច្ចុប្បន្ន ជាការវិនិយោគដោយ ក្រុមហ៊ុនសម្បទានព្រលានយន្តហោះ (SCA) របស់ប្រទេសបារាំង ដែលមានសិទ្ធិគ្រប់គ្រងព្រលានយន្តហោះទាំង៣ (ភ្នំពេញ សៀមរាប និងព្រះសីហនុ) រហូតដល់ឆ្នាំ២០៤០។ ចំពោះព្រលានយន្តហោះសៀមរាបនេះ រាជរដ្ឋាភិបាលកម្ពុជា បង្កើតគណៈកម្មការចរចាមួយជាមួយ SCA ដើម្បីសម្របសម្រួលបញ្ចប់កិច្ចសន្យាមុនកាលកំណត់។

ក្រុមហ៊ុនវិនិយោគអាកាសយានដ្ឋានអន្តរជាតិអង្គរ (AIAI) មានភាគហ៊ុនិក៖
១៖ ក្រុមហ៊ុនវិនិយោគយូណាន (Yunnan Investment Group) មានភាគហ៊ុនចំនួន ៧៦.៦%
២៖ ក្រុមហ៊ុនសំណង់យូណាន (Yunnan Construction Group) មានភាគហ៊ុនចំនួន ២០% និង
៣៖ ក្រុមហ៊ុនគ្រប់គ្រង និងប្រតិបត្តិការអាកាសយានដ្ឋានយូណាន (Yunnan Airport Group) មានភាគហ៊ុនចំនួន ៣.៤%។

គម្រោងការអភិវឌ្ឍអាកាសយានដ្ឋានអន្តរជាតិសៀមរាបអង្គរនេះ មានក្រុមហ៊ុនដៃគូចំនួន៤៥ ដែលបានពាក់ព័ន្ធដល់ការផ្គត់ផ្គង់ សាងសង់ និងតំឡើង ឧបករណ៍ បរិក្ខារ និងសម្ភារៈ ដោយប្រើប្រាស់បុគ្គលិក (អ្នកជំនាញការ វិស្វករ និងកម្មករ) សរុបចំនួន ៣ ៦៥២នាក់ ក្នុងនោះមានបុគ្គលិកខ្មែរចំនួន ២ ៧២១នាក់ បុគ្គលិកចិនចំនួន ៩៣១នាក់៕

Gov’t okays 60k projects worth $70B in 22 years

In the span of over twenty-two years, the Ministry of Land Management, Urban Planning and Construction (MLMUPC) has approved 61,867 construction projects worth approximately $70 billion of investment on the total land area of 174 million square metres, said an annual report of the ministry.

The ministry approved 2,541 construction projects for buildings that comprised five floors or higher—1,680 projects in Phnom Penh, 686 projects in Preah Sihanouk, 132 projects in Banteay Meanchey and 43 projects in other provinces, the report issued by MLMUPC in the period from 2000-2022, while 50 projects have 40 floors or higher.

According to the report, 1,429 projects have 5-9 floors, 699 projects have 10-19 floors, 233 projects have 20-29 floors, 130 projects have 30-29 floors, 50 projects have 40 floors or higher, and 514 projects were residences and townships, and 89,894 projects and 437 projects were flats and condominiums respectively that were approved between 2019-2022.

During the period from 2008-2022, there were 34,743 residential projects, 1,079 hotel projects, 3,168 commercial building projects, 10,650 factory projects and 332 multi-function building projects, according to the report, adding that in 2022 alone, there were 4,276 construction projects in countrywide worth nearly $3 billion on about 7.3 million square metres.

The value of construction projects decreased 44.27 percent from over $5.3 billion in 2021 when there were 4,303 projects on area of 12,998,072 square metres, the report said, adding that 226 projects on 5,659,006 square metres worth about $2.36 billion were under regulation by MLMUPC and 4,050 projects under municipal-provincial authorities.

Source: Khmer Times

1...1,0151,0161,017...3,259 Page 1,016 of 3,259