IMF ស្នើដល់ប្រទេសចិនឱ្យបន្ធូរបន្ថយគោលនយោបាយបន្ថែមទៀតស្របពេលសេដ្ឋកិច្ចកំពុងស្ទុះងើបឡើងវិញ

ដោយ: គង់ លាងហួរ

អន្តរជាតិ: ប្រទេសចិនគួរតែបង្វែការចំណាយរបស់រដ្ឋាភិបាល ដើម្បីផ្តល់ផលប្រយោជន៍ដល់ពលរដ្ឋ បន្ធូរបន្ថយគោលនយោបាយរូបិយវត្ថុ និងចាត់វិធានការបន្ថែមទៀត ដើម្បីស្តារវិស័យអចលនទ្រព្យនៅឆ្នាំនេះ ។ នេះបើយោងតាមមូលនិធិរូបិយវត្ថុអន្តរជាតិ (IMF)។

IMF បានឱ្យដឹងនៅក្នុងរបាយការណ៍មួយថា អាជ្ញាធរចិនចាំបាច់ត្រូវទប់ស្កាត់ ការរឹតបន្តឹងគោលនយោបាយ និងពន្លឿនការកែទម្រង់រចនាស ម្ព័ន្ធដូចជា ការប្រកួតប្រជែងដោយស្មើភាពគ្នា រវាងសហគ្រាសរដ្ឋ និងឯកជន ដើម្បីលើកកម្ពស់ការរំពឹងទុកកំណើនរយៈពេលវែង។

លោកស្រី Sonali Jain-Chandra ប្រធានបេសកកម្មសម្រាប់ប្រទេសចិន បានអះអាងថា “IMF មើលឃើញថា ការងើបឡើងវិញនៃសេដ្ឋកិច្ចនៅតែដំណើរការទាបជាងសក្តានុពល”។

លោកស្រីបានបន្តថា “ការបន្ធូរបន្ថយរូបិយវត្ថុ បន្ថែមគឺមានភាពចាំបាច់ត្រូវធ្វើ និងសម្ពាធអតិផរណាត្រូវបានកាត់បន្ថយ”។

សកម្មភាពក្នុងវិស័យសេវាកម្មចិន បានស្ទុះងើបឡើងវិញយ៉ាងឆាប់រហ័ស នៅឆ្នាំនេះ បន្ទាប់ពីគោលនយោបាយសូន្យកូវីដ ត្រូវបានលុបចោល ទោះបីជាការងើបឡើងវិញ នៃវិស័យឧស្សាហកម្មត្រូវបានកាត់បន្ថយ ដោយសារតែថ្ងៃឈប់ សម្រាកបុណ្យចូលឆ្នាំថ្មីយ៉ាងណាក្តី។

IMF បានព្យាករណ៍ថា សេដ្ឋកិច្ចចិននឹងកើនឡើង៥,២ភាគរយនៅឆ្នាំនេះ ពោលគឺកើនឡើងពី៣ភាគរយ ក្នុងឆ្នាំ២០២២ ដែលជំរុញដោយការស្ទុះងើបឡើងវិញនៃការប្រើប្រាស់ឯកជន។

លោក Thomas Helbling អនុប្រធាន IMF ប្រចាំនាយកដ្ឋានអាស៊ី និងប៉ាស៊ីហ្វិក បានមានប្រសាសន៍ថា “ផលប៉ះពាល់លើអតិផរណាសកលពីការបើកឡើងវិញ និងការស្ទុះងើបឡើងវិញ នៃសេដ្ឋកិច្ចរបស់ប្រទេសចិននឹងមានកម្រិត ដោយសារតម្លៃថាមពល បាននឹងកំពុងធ្លាក់ចុះ ហើយនឹងនៅទាបជាងការរំពឹងទុក”។

លោកបានបន្តថា “ការកើនឡើងនៃការនាំចូលរបស់ប្រទេសចិន នឹងមានភាពរឹងមាំជាងមុន ក្នុងចំណោមសេវាកម្មជាជាងទំនិញ ហើយការស្ទុះងើបឡើងវិញ នៃទេសចរណ៍ក្រៅប្រទេស នឹងជះឥទ្ធិពលយ៉ាងខ្លាំងដល់ប្រទេសក្នុងតំបន់អាស៊ីដូចជា ប្រទេសថៃ និងហ្វីលីពីន”៕

ជើងហោះហើររវាងចិន និងកម្ពុជារំពឹងថានឹងហក់ឡើងវិញ ដល់៤០ភាគរយចាប់ពីខែកុម្ភៈនេះ

ដោយ: គង់ លាងហួរ

ភ្នំពេញ: ប្រទេសកម្ពុជា និងចិនត្រូវបានរំពឹងថា ចាប់ពីដើមខែកុម្ភៈ ឆ្នាំ២០២៣ តទៅ ជើងហោះហើររវាងប្រទេសទាំង២ នឹងចាប់ផ្តើមកើនឡើងវិញ ក្នុងអត្រាចន្លោះពី៣០ ទៅ៤០ភាគរយ ដូចមុនការផ្ទុះឡើងនៃជំងឺកូវីដ ក្នុងឆ្នាំ២០១៩។

ប្រទេសទាំង២មានការរំពឹងទុក បន្ទាប់ពីបានឯកភាពគ្នាបន្តការហោះហើរធម្មតាឡើងវិញ ស្របតាមកិច្ចព្រមព្រៀងទ្វេរភាគី ដោយមិនមានការកម្រិត ឬការរឹតត្បិតលើជើងហោះហើរទៀតនោះទេ។

លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិលបានមានប្រសាសន៍ថា “មុនពេលការផ្ទុះឡើងនៃមេរោគកូវីដ-១៩ ជើងហោះហើររវាងប្រទេសទាំងពីរ មានចំនួនសរុប៤១៥ជើង ក្នុងមួយសប្តាហ៍”។

លោកបានបន្តថា “នៅពេលនោះ មានក្រុមហ៊ុនអាកាសចរណ៍ចំនួន២២ ក្នុងនោះមានក្រុមហ៊ុនអាកាសចរណ៍ចិនចំនួន១៦ និងក្រុមហ៊ុនអាកាសចរណ៍កម្ពុជាចំនួន៦ តភ្ជាប់ទីក្រុងចំនួន៣៧ ក្នុងនោះភាគីកម្ពុជាចំនួន៣ និងភាគីចិនចំនួន៣៤”។

លោកបានបញ្ជាក់ថា “ក្នុងអំឡុងពេលនៃវិបត្តិជំងឺកូវីដ-១៩ កន្លងមក មានជើងហោះហើរតិចតួចប៉ុណ្ណោះ ដែលចាប់ផ្តើមពីថ្ងៃទី ២៨ ខែមេសា ឆ្នាំ ២០២១ ដោយមានជើងហោះហើរតែ១ប៉ុណ្ណោះ ក្នុងមួយសប្តាហ៍ ចាប់ពីថ្ងៃទី ២១ ខែមិថុនា ឆ្នាំ២០២១ ហើយមានតែជើងហោះហើរតែ២ប៉ុណ្ណោះ ក្នុងមួយសប្តាហ៍ ចាប់ពីថ្ងៃទី ២៣ ខែកុម្ភៈ ឆ្នាំ ២០២២”។

លោកបន្ថែមថា “ចាប់ពីថ្ងៃទី១ ខែកក្កដា ឆ្នាំ២០២២ មានជើងហោះហើរចំនួន៦ ក្នុងមួយសប្តាហ៍ ហើយវាបានកើនឡើងដល់៣០ជើងក្នុងមួយសប្តាហ៍ ដោយចាប់ផ្តើមពីថ្ងៃទី១៩ ខែសីហា ឆ្នាំ២០២២ និងបានបន្តកើនឡើងដល់៦០ជើង ក្នុងមួយសប្តាហ៍ត្រឹមថ្ងៃទី៨ ខែវិច្ឆិកា ឆ្នាំ២០២២”៕

លោកបណ្ឌិតសុក ស៊ីផាន់ណាបញ្ជាក់ថាលំហូរទុនពីបរទេសនឹងចូល មកម្ពុជាកាន់តែច្រើន

ដោយៈ គង់ លាងហួរ

ភ្នំពេញៈ ទីប្រឹក្សាជាន់ខ្ពស់នៃរាជរដ្ឋាភិបាលកម្ពុជា លោក សុក ស៊ីផាណា បានថ្លែងនៅមុខសហគ្រិនកម្ពុជា រាប់រយនាក់កាលពីចុងសប្ដាហ៍កន្លងទៅនេះឱ្យដឹងថាបន្តិចទៀត លំហូរទុនវិនិយោគពីប្រទេសក្រៅ នឹងចូលមកកម្ពុជាឡើងវិញ ហើយមានចំនួនកាន់តែច្រើន ដើម្បីបណ្ដាក់ទុនវិនិយោគនិងនាំចេញទៅកាន់ទីផ្សារក្រៅប្រទេសវិញ។

លោកសុខ ស៊ីផាណាបានថ្លែងថា បច្ចុប្បន្ននេះ កម្ពុជាមានកិច្ចព្រមព្រៀងពាណិជ្ជកម្មសេរីសំខាន់ៗមួយចំនួន ដែលអាចទាក់ទាញវិនិយោគិនបរទេស ចូលមកមកបណ្ដាក់ទុនវិនិយោគនានា ហើយនាំចេញទៅកាន់ទីផ្សារ នៃកិច្ចព្រមព្រៀងពាណិជ្ជកម្មសេរីទាំងនោះ រួមមានកិច្ចព្រមព្រៀងពាណិជ្ជកម្មសេរី កម្ពុជា ចិន ដែលបានចូលជាធរមានកាលពីដើមឆ្នាំ ២០២២ កិច្ចព្រមព្រៀង ភាពជាដៃគូសេដ្ឋកិច្ចគ្រប់ជ្រុងជ្រោយតំបន់ ហៅកាត់ថាRCEP ក៏បានចូលជាធរមានកាលពីដើមឆ្នាំ២០២២ និងកិច្ចព្រមព្រៀងពាណិជ្ជកម្មសេរីកម្ពុជាជាមួយប្រទេសកូរ៉េ ចូលជាធរមានកាលពីចុងឆ្នាំ ២០២២កន្លងទៅនេះ ។

លោកបន្តថា “ប្រទេសកម្ពុជាបើប្រៀបធៀប ជាមួយនឹងប្រទេសផ្សេងៗក្នុងតំបន់ឃើញថា បរិយាកាសវិនិយោគរបស់យើង មានភាពល្អប្រសើរខ្លាំងណាស់ ដែលអាចឱ្យវិនិយោគិនមកពីបណ្ដាប្រទេសនានា ស្វែងរកឱកាស ក្នុងការបណ្ដាក់ទុនដើម្បីរកប្រាក់ចំណេញ”។ លោកបន្តថា “សម្រាប់សហគ្រិនក្នុងស្រុករបស់យើង ក៏អាចមានឱកាសក្នុងការប្រកួតប្រជែងជាមួយសហគ្រិនបរទេសនានា ក្នុងតំបន់បានផងដែរ”។

យ៉ាងណាក្ដីសម្រាប់សហគ្រិនក្នុងស្រុក ជាជំហានដំបូងគួរតែពង្រឹងសមត្ថភាពរបស់ខ្លួនឱ្យខ្លាំង ធ្វើយ៉ាងណាផ្គត់ផ្គង់ទីផ្សារក្នុងស្រុក ឱ្យគ្រប់គ្រាន់ជាមុនសិន ទើបចាប់ផ្ដើមប្រកួតប្រជែងនាំចេញ ទៅកាន់ទីផ្សារអន្តរជាតិ ។

បច្ចុប្បន្ននេះ រាជរដ្ឋាភិបាលកម្ពុជាបាន និងកំពុងបណ្ដុះបណ្ដាលធនធានមនុស្សបន្ថែម សម្រាប់ត្រៀមខ្លួនក្នុងការស្វាគមន៍ និងផ្ដល់ជូនដល់វិនិយោគិនបរទេស ដែលនឹងចូលមកកម្ពុជាឡើងវិញ នៅពេលឆាប់ៗនិងនៅពេលអនាគត។

សម្ដេចតេជោហ៊ុន សែននាយករដ្ឋមន្ត្រីនៃកម្ពុជាបានថ្លែងផងដែរថា ប្រទេសមួយ ដែលមានការអភិវឌ្ឍគឺត្រូវសំបូរ ទៅដោយធនធានមនុស្សប្រកបដោយគុណភាពនិងសមត្ថភាពខ្ពស់ ។ សម្រាប់កម្ពុជា មានធនធានធម្មជាតិសំបូរច្រើនហើយ តែសំខាន់យើងត្រូវបណ្ដុះបណ្ដាលធនធានមនុស្សឱ្យកាន់តែច្រើន និងគុណភាព ដើម្បីទាញយកប្រយោជន៍ពីធម្មជាតិទាំងនោះ ដើម្បីអភិវឌ្ឍន៍ប្រទេសកាន់តែរីកចម្រើនបន្ថែមទៀត ។

ឆ្នាំ២០២៣នេះបណ្ដាវិនិយោគិនក្នុងស្រុក ក៏ដូចជាអ្នកជំនាញផ្នែកអចលនទ្រព្យជាច្រើន បានរំពឹងខ្ពស់ពីការវិលត្រលប់មកវិញ នៃវិនិយោគិនបរទេស ជាពិសេសវិនិយោគិនមកពីប្រទេសចិន ដែលនឹងអាចជួយស្ដារប្រទេសកម្ពុជាឱ្យវិល ទៅរកស្ថានភាពដូចស្ថានភាពមុនកូវីដ១៩វិញ៕

សិក្សាលើចំណុចទាំងនេះដើម្បីក្លាយជាអ្នកវិនិយោគអចលនទ្រព្យជោគជ័យ

ដោយៈ ច្រាយ ចំណាន

ភ្នំពេញៈ ការវិនិយោគលើអចលនទ្រព្យ អាចទទួលបានជោគជ័យ ឬបរាជ័យអាស្រ័យលើមូលដ្ឋានជាច្រើន ដែលអ្នកគួរមាន រាប់ទាំងចំណេះដឹង ការវិភាគទីផ្សារ ក៏ដូចជាធនធានហិរញ្ញវត្ថុដ៏ចាំបាច់។

គេហទំព័រPropertyarea.asia សូមលើកយកចំណុចសំខាន់ៗមួយចំនួន សម្រាប់លោកអ្នកអាចសិក្សាស្វែងយល់បន្ថែម។

១.ការរៀបចំផែនការច្បាស់លាស់

ការវិនិយោគអចលនទ្រព្យមិនត្រឹមតែមានប្រាក់ខែមួយមុខទេ តែអាចនឹងមានភាពស្មុគស្មាញជាងនេះ ដែលទាមទារឱ្យលោក អ្នកត្រូវចេះរៀបចំផែនការឱ្យបានជាក់លាក់ ព្រោះថាប្រសិនបើមានផែនការជាក់លាក់និងត្រឹមត្រូវ គឺអាចធ្វើឱ្យលោកអ្នកបំពេញភារកិច្ចបានយ៉ាងល្អ។

ចំណេះដឹង វាជួយឱ្យលោកអ្នកមើលឃើញពីទិដ្ឋភាព ក្នុងការវិនិយោគគ្រប់ជ្រុងជ្រោយ។ ផែនការនេះរួមមាន ការចេះប៉ាន់ប្រមាណទុនសម្រាប់វិនិយោគ, លំហូរសាច់ប្រាក់ បានមកពីការជួលអចលនទ្រព្យ, កត្តាបម្រែបម្រួលប្រជាសាស្រ្ត និងកត្តាផ្សេងៗទៀតដែលអាចប៉ះពាល់ ក្នុងអំឡុងពេលវិនិយោគ។

២.ស្គាល់ទីផ្សាច្បាស់និងជាក់លាក់

អ្នកវិនិយោគ ដែលពូកែត្រូវតែដឹងឱ្យបានស៊ីជម្រៅ អំពីទីផ្សាដែលពួកែជ្រើសរើស។ ឧទាហរណ៍ ដូចជាការជ្រើសរើសតំបន់ ជាក់លាក់ណាមួយ ហើយត្រូវឈរនៅលើជម្រើសតែមួយថា តើគួរវិនិយោគអចលនទ្រព្យលំនៅឋាន ឬអចលនទ្រព្យពាណិជ្ជកម្ម។

បន្ថែមពីនេះ លោក អ្នកក៏ត្រូវស្វែងយល់ពីនិន្នាការបច្ចុប្បន្ន រួមទាំងបម្រែបម្រួលទម្លាប់នៃការចំណាយរបស់អតិថិជន អត្រាការប្រាក់កម្ចី និងអត្រាគ្មានការងារធ្វើជាដើម។ កត្តាទាំងនេះ ជួយឱ្យវិនិយោគិនអចលនទ្រព្យយល់ពីស្ថានភាពបច្ចុប្បន្ន ហើយរៀបចំផែនការសម្រាប់អនាគត។

៣.ត្រូវតែមានភាពស្មោះត្រង់

អ្នកនិវិយោគដែលល្អ ត្រូវតែមានភាពស្មោះត្រង់នៅក្នុងខ្លួនជានិច្ច មិនថាវិនិយោគ នៅក្នុងវិស័យអចលនទ្រព្យ ឬក៏អាជីវកម្មផ្សេងៗនោះទេ គឺតែងតែមានទំនាក់ទំនងជាមនុស្សជាច្រើន។

ដូច្នេះហើយ ដើម្បីរក្សាកេរ្តិ៍ឈ្មោះរបស់លោកអ្នក ភាពស្មោះត្រង់គឺជាចំណុចសំខាន់បំផុត។

៤.ផ្តោតលើការអភិវឌ្ឍច្បាស់លាស់ និងត្រឹមត្រូវ

ជារឿងសំខាន់សម្រាប់វិនិយោគិន ក្នុងការផ្ដោតលើការអភិវឌ្ឍ ទទួលបានចំណេះដឹងឱ្យស៊ីជម្រៅ ដើម្បីឈានទៅរកភាពជោគជ័យ។ ប៉ុន្តែមុននឹងឈានដល់កម្រិតនេះ គឺត្រូវការពេលវេលា ដើម្បីសិក្សាស្វែងយល់ពីចំណែកទីផ្សារណាមួយ ច្បាស់លាស់ជាមុនសិន ដែលនេះជាផ្នែកចំបាច់សម្រាប់ភាពជោគជ័យយូរអង្វែង។

នៅពេលដែលមានចំណេះដឹងស្ទាត់ជំនាញ លើចំណែកទីផ្សារជាក់លាក់ណាមួយហើយ ឧទាហរណ៍ ដូចជាចំណេះដឹងវិនិយោគផ្នែកលំនៅឋានសម្រាប់អ្នកមាន ឬការចាប់យកទីផ្សារលំនៅឋាន សម្រាប់អ្នកមានចំណូលទាបនោះនឹងជួយឱ្យលោកអ្នកកាន់តែងាយស្រួល ក្នុងការចាប់យកទីចំណែកទីផ្សារផ្សេងៗបន្ថែមទៀត ដោយប្រើជំនាញដែលមានស្រាប់ផងដែរ។

៥. ចេះលើទឹកចិត្តនិងគោរពឱ្យតម្លៃ

ចំណុចនេះគឺជារឿងសំខាន់ ដែលវិនិយោគិនចេះ ប្រព្រឹត្តដោយក្តីគោរពឱ្យតម្លៃចំពោះអ្នកដ៏ទៃដូចជា ដៃគូអាជីវកម្ម អតិថិជន អ្នកជួល ឬអ្នកផ្សេងទៀតដែលវិនិយោគិន មានទំនាក់ទំនងអាជីវកម្មជាមួយ។ វិនិយោគិនដែលពូកែ ត្រូវយកចិត្តទុកដាក់ទៅលើព័ត៌មានលម្អិត ស្តាប់និងឆ្លើយតបទៅនឹងចំងល់នានា ក៏ដូចជាផ្សព្វផ្សាយអាជីវកម្មប្រកប ដោយភាពវិជ្ជមាននិងវិជ្ជាជីវៈ។

៦.បន្តការរៀនសូត្រ ដើម្បីពង្រឹងជំនាញរបស់ខ្លួនឯង

អ្នកវិនិយោគដែលជោគជ័យ តែងតែមានការយល់ដឹងពីច្បាប់ទាំងនេះហើយអាចសម្របខ្លួន ទៅនឹងការផ្លាស់ប្តូរបទបញ្ញត្តិឬនិន្នាការសេដ្ឋកិច្ច។

លើសពីនេះទៅទៀត ពួកគេយល់ពីច្បាប់អចលនទ្រព្យ ពន្ធ ការផ្តល់កម្ចី និងបទបញ្ញត្តិនានា ដែលអាចជះឥទ្ធិពលដោយផ្ទាល់ឬប្រយោលដល់អាជីវកម្មរបស់ពួកគេ ព្រោះថាទាំងអស់នេះវាដូចគ្នា នឹងអាជីវកម្មផ្សេងទៀតដែរ វាជារឿងចាំបាច់ក្នុងការយល់ដឹងពីច្បាប់ បទបញ្ញត្តិ និងនិន្នាការដែលជាមូលដ្ឋាននៃអាជីវកម្ម សម្រាប់វិនិយោគិនអចលនទ្រព្យ។

៧ ស្គាល់ពីហានិភ័យ

អ្នកវិនិយោគអចលនទ្រព្យ ត្រូវយល់ដឹងអំពីហានិភ័យ ដែលមិនត្រឹមតែទាក់ទងនឹងការទិញលក់អចលនទ្រព្យប៉ុណ្ណោះទេ តែក៏ពាក់ព័ន្ធនឹងបញ្ហាផ្លូវច្បាប់ផងដែរ ដើម្បីធ្វើការកែសម្រួលអាជីវកម្មរបស់ពួកគេ ក្នុងការកាត់បន្ថយហានិភ័យផ្សេងៗដែលអាចកើតមាន។

ដូច្នេះត្រឡប់មកវិញលោក អ្នកត្រូវតែស្វែងយល់ឱ្យជាក់លាក់ ចំពោះហានិភ័យនានា ដែលកើតមានដោយមិនដឹងខ្លួន បញ្ហាគណនេយ្យ ការបង្កើតបណ្តាញជាដើម៕

លោកឧកញ៉ាបណ្ឌិតគីម ហ៊ាងប្រាប់ពីវិធីវិនិយោគដីធ្លីបានផលចំណេញ

ដោយៈ គង់ សូរិយា

ភ្នំពេញៈ ដីធ្លីពិតជាមានភាពចំណេញ ប្រសិនជាអ្នកវិនិយោគមានចំណេះដឹង និងវិភាគពីស្ថានភាពទីផ្សារច្បាស់លាស់។

ក្នុងរយៈកាលជាង៣ឆ្នាំ ចាប់តាំងពីកម្ពុជាបានរងគ្រោះ ដោយវិបត្តិកូវីដ១៩ វិស័យអចលនទ្រព្យបានរងគ្រោះយ៉ាងខ្លាំង ក្នុងគ្រាដ៏អាក្រក់មួយនេះ ប៉ុន្តែនៅក្នុងឆ្នាំ២០២៣នេះ ប្រទេសកម្ពុជាបានបើកប្រទេសឡើងវិញ។

លោកឧកញ៉ាបណ្ឌិតគីម ហ៊ាង ប្រធានKW Cambodia បានមានប្រសាសន៍ឲ្យដឹងកាលពីពេលថ្មីៗនេះថា ប្រភេទដីត្រូវបានបែងជា៤ប្រភេទ៖ ដីទេសចរណ៍ ដីឧស្សាហកម្ម ដីលំនៅដ្ឋាន និងដីកសិកម្ម។ លោកបន្តថា ប្រភេទដីនីមួយៗ វាមានចំណុចវិជ្ជមានរៀងៗខ្លួន ប្រសិនបើលោកអ្នកចង់វិនិយោគដី ដែលឆាប់ទទួលបានប្រាក់ចំណេញ លោកអ្នកគួរតែវិនិយោគដីប្រភេទលំនៅដ្ឋាន ដែលជាប្រភេទដីទុក សម្រាប់សាងសង់លំនៅដ្ឋានបែបបុរី ខុនដូ និងផ្ទះល្វែងជាដើម។

លោកបន្តថា ចំណែកឯប្រភេទដីទេសចរណ៍ គឺជាប្រភេទដីដែលមានឱកាសវិនិយោគលំដាប់លេខ២ សម្រាប់ធ្វើការវិនិយោគ។ ដីប្រភេទទេសចរណ៍ មានឱកាសចំណេញសម្រាប់ខាងវិស័យទេសចរណ៍ ដែលមានដូចជា សណ្ឋាគារ ផ្ទះសំណាក់ និងភោជនីយដ្ឋាន សម្រាប់ទទួលភ្ញៀវទេសចរផងដែរ។

លោកឧកញ៉ាគីម ហ៊ាងបានបន្តដោយពន្យល់ថា ដីតំបន់ភ្នំ អាចនឹងឡើងថ្លៃយឺតជាងដីនៅតំបន់ទន្លេ និងសមុទ្រ ព្រោះដីតំបន់ភ្នំមានទំហំធំ មិនងាយចំណេញនោះទេ បើចង់ចំណេញច្រើនគឺត្រូវទិញដីនៅតំបន់ទន្លេ ព្រែក និងតំបន់សមុទ្រ៕

Japan mulls sending 200 bil. yen aid to Philippines for infrastructure

Japan is considering providing annually more than 200 billion yen ($1.6 billion) in aid to the Philippines for its infrastructure development, government sources said Thursday, with the two countries trying to bolster their economic ties.

Prime Minister Fumio Kishida is also planning to agree with Philippine President Ferdinand Marcos Jr., who is slated to visit Japan next week, to boost security cooperation amid China’s growing assertiveness in the Asia-Pacific region, the sources said.

Tokyo and Manila, which have maintained friendly relations in recent years, have been joining hands in the security and economic fields as the two nations have been locked in territorial spats with Beijing in the South and East China seas.

After Kishida and Marcos, both of whom have also expressed eagerness to deepen security ties with the United States, hold a meeting in Tokyo next Thursday, a joint press statement is expected to released, according to the sources.

On the bilateral front, the two leaders are likely to confirm that the two countries will continue their security dialogue involving their defense and foreign ministers, which was first held in April 2022, the sources said, with an eye on future joint drills.

In 2017, Japan agreed with the Philippines, under then Prime Minister Shinzo Abe and then President Rodrigo Duterte, that Tokyo would offer a 1 trillion yen aid package to Manila.

But the duration of the aid, aimed at supporting infrastructure projects in the Southeast Asian nation, was five years.

On an annual basis, the latest planned assistance worth over 200 billion yen would be larger than the previous financial package.

The new aid package to the Philippines, centering on official development assistance, would be supplied within less than five years, the sources said.

Marcos, meanwhile, is scheduled to meet with Kishida at a time when Tokyo and Manila are arranging the deportation of four Japanese suspects believed to be behind a string of robberies across Japan.

Source: Kyodo News

Cambodia confirms readiness to exit LDC status

Cambodia confirmed its readiness to exit the Least Developed Countries (LDC) status, saying that studies on the impacts of the exit, challenges and the loss of trade preference schemes have been made.

Aun Pornmoniroth, Deputy Prime Minister and Minister of Economy and Finance, requested the Ministry of Commerce to strengthen the government’s readiness to exit from the LDC plan.

“Cambodia is preparing the Royal Government to implement the plan to leave the LDC to achieve the UN assessment in 2024 and extend the transition period as necessary,” he said during a closing ceremony of the Commerce Ministry’s annual meeting.

The Deputy Prime Minister called for a closer look at the impact of exiting the LDCs on the negotiations under the World Trade Organization (WTO) and regional frameworks on the Cambodian economy, especially to be prepared to negotiate new GSP Plus to maintain market share and maintain production balance and attractiveness for investment in Cambodia after the country left the LDCs.

In order to be able to leave the least developed countries status, the United Nations Commission on Development Policy 2024 ranks Cambodia second through a triennial review.

According to the ministry, the next assessment of the Kingdom’s LCD status exit will be in 2024, and if the requirements are met, it will take effect in 2027.

After leaving the least developed country status, Cambodia will no longer receive trade tariff preferences and measures related to international aid.

Additionally, he requested the ministry for continuing the close cooperation with relevant ministries and institutions to take advantage of the free trade agreements that Cambodia has, especially the RCEP and pacts with China and Korea.

To leave this status, Cambodia needs to pass at least three categories: Gross National Income (GNI) per capita, the Human Assets Index (HAI), and the Economic and Environmental Vulnerability Index. Currently, Cambodia has already passed two categories.

Source: Khmer Times

ប្រទេសឡាវសម្រេចបានសមទ្ធផលដ៏ធំអស្ចារ្យមួយកម្រិតទៀត នៅក្នុងការផលិតអគ្គិសនី

ដោយៈ សុខុម

វៀងចន្ទន៍: អំឡុងកិច្ចប្រជុំថ្នាក់ជាតិស្ដីពី វិស័យថាមពល និងរ៉ែនៅទីក្រុងវៀងច័ន្ទន៍ ក្នុងឆ្នាំ២០២២ ក្រសួងថាមពល និងរ៉ែបានបង្ហាញថា ប្រទេសឡាវ បច្ចុប្បន្នមានសមត្ថភាពផលិតថាមពលអគ្គិសនី លើសពី១មេហ្គាវ៉ាត់ (MW) នៅទូទាំងប្រទេស។

យោងតាមសារព័ត៌មាន Laotian Times ចុះផ្សាយកាលពីថ្ងៃសុក្រ ទី៣ ខែកុម្ភៈ ឱ្យដឹងថា សមត្ថភាពផលិតថាមពលអគ្គិសនី សរុបនៃរោងចក្រថាមពលទាំង៩៤ នាពេលបច្ចុប្បន្នក្នុងប្រទេសឡាវ គឺមានរហូតដល់ជាង១១,៦៦៤មេហ្គាវ៉ាត់ (MW) ឯណោះ។ នេះមានន័យថា ប្រទេសឡាវ អាចផលិតថាមពលអគ្គិសនី បានរហូតដល់ទៅ៥៨.៨១៣ជីហ្គាវ៉ាត់ (GW) ក្នុងមួយឆ្នាំៗ។

នៅក្នុងកិច្ចប្រជុំនោះ លោក Daovong Phonekeo អតីតរដ្ឋមន្ត្រីក្រសួងថាមពល និងរ៉ែបានស្នើឱ្យក្រសួងនេះ ធ្វើយ៉ាងណាអភិវឌ្ឍថាមពលអគ្គិសនី និងឧស្សាហកម្មរ៉ែ ឱ្យទទួលបានជោគជ័យក្នុងរយៈពេលមួយឆ្នាំ។

លោកក៏បានលើកឡើងដែរថា ការអភិវឌ្ឍនេះ បាននាំមកនូវផលប្រយោជន៍ផ្ទាល់ និងប្រយោលយ៉ាងច្រើនរាប់មិនអស់ ដូចជាការបង្កើតការងារជូនពលរដ្ឋ ការស្ថាបនាផ្លូវថ្នល់ ការសាងសង់សាលារៀន មន្ទីរពេទ្យ មណ្ឌលសុខភាព ផ្សារ វត្តអារាម និងការផ្គត់ផ្គង់ទឹកស្អាតជាដើម។

អតីតរដ្ឋមន្ត្រីរូបនេះបានគូសបញ្ជាក់ថា គោលបំណងចម្បងរបស់ក្រសួងក្នុងឆ្នាំ២០២២ គឺធ្វើយ៉ាងណាផ្គត់ផ្គង់ថាមពលអគ្គិសនី ជាអចិន្ត្រៃយ៍ឱ្យបានរហូតដល់៩៥% នៃគ្រួសារពលរដ្ឋឡាវ ទាំងអស់នៅត្រឹមដំណាច់ឆ្នាំ។

ឡាវ ត្រូវបានគេដឹងថា ជាប្រទេសនាំចេញអគ្គិសនី ទៅកាន់ប្រទេសជាច្រើននៅក្នុងតំបន់អាស៊ាន ដូចជា ប្រទេសវៀតណាម ថៃ មីយ៉ាន់ម៉ា សិង្ហបុរី រួមទាំងកម្ពុជា និងប្រទេសចិនផងដែរ៕ Laotian Times៕

កម្ពុជាត្រៀមខ្លួនរួចជាស្រេចដើម្បីចាកចេញពីស្ថានភាពប្រទេស មានការអភិវឌ្ឍតិចតួចបំផុត

ដោយ: គង់ លាងហួរ

ភ្នំពេញ: កម្ពុជាបានបញ្ជាក់ពីការត្រៀមខ្លួន ក្នុងការចាកចេញពីស្ថានភាពប្រទេស ដែលមានការអភិវឌ្ឍតិចបំផុត(LDC) ខណៈការសិក្សាលើផលប៉ះពាល់នៃការចាកចេញ ការប្រឈម និងការបាត់បង់គម្រោងអនុ គ្រោះពាណិជ្ជកម្ម ត្រូវបានធ្វើឡើងរួចជាស្រេច។

លោកបណ្ឌិតអូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានស្នើឱ្យក្រសួងពាណិជ្ជកម្ម ពង្រឹងការត្រៀមខ្លួនរបស់រដ្ឋាភិបាល ក្នុងការចាកចេញពីផែនការ LDC ផងដែរ។

លោកបានថ្លែងបែបនេះ ក្នុងពិធីបិទកិច្ចប្រជុំប្រចាំឆ្នាំរបស់ក្រសួងពាណិជ្ជកម្មថា “កម្ពុជាកំពុងរៀបចំរាជរដ្ឋាភិបាល ដើម្បីអនុវត្តផែនការចាកចេញពីស្ថានភាព ប្រទេសមានការអភិវឌ្ឍតិចបំផុត (LDC) ដើម្បីសម្រេចបាននូវការវាយតម្លៃ របស់អង្គការសហប្រជាជាតិនៅឆ្នាំ២០២៤”។

លោកឧបនាយករដ្ឋមន្ត្រី ក៏បានអំពាវនាវឱ្យពិនិត្យ ឱ្យបានដិតដល់នូវផលប៉ះពាល់នៃការចាកចេញពី LDCs លើការចរចាក្រោមអង្គការពាណិជ្ជកម្មពិភពលោក (WTO) និងក្របខ័ណ្ឌតំបន់ស្តីពីសេដ្ឋកិច្ចកម្ពុជា ជាពិសេសត្រូវត្រៀមលក្ខណៈ ដើម្បីចរចាលើ GSP Plus ថ្មី ដើម្បីរក្សាចំណែកទីផ្សារ រក្សាតុល្យភាពផលិតកម្ម និងភាពទាក់ទាញសម្រាប់ការវិនិយោគនៅកម្ពុជា ។

ដើម្បីអាចចាកចេញពីឋានៈ ជាប្រទេសអភិវឌ្ឍន៍តិចតួច គណៈកម្មការអង្គការសហប្រជាជាតិស្តីពី គោលនយោបាយអភិវឌ្ឍន៍ឆ្នាំ២០២៤ បានដាក់ចំណាត់ថ្នាក់ ប្រទេសកម្ពុជានៅលំដាប់ទី២ តាមរយៈការត្រួតពិនិត្យ រយៈពេល៣ឆ្នាំ។

ទោះជាយ៉ាងនេះក្តី បន្ទាប់ពីកម្ពុជាចាកចេញពីឋានៈ ជាប្រទេសអភិវឌ្ឍន៍តិចតួច កម្ពុជានឹងលែងទទួលបានការ អនុគ្រោះពន្ធពាណិជ្ជកម្ម និងវិធានការទាក់ទងនឹងជំនួយអន្តរជាតិតទៅទៀតហើយ។

បន្ថែមលើនេះ លោក អូន ព័ន្ធមុនីរ័ត្ន បានស្នើឱ្យក្រសួងបន្តធ្វើកិច្ចសហប្រតិបត្តិការ យ៉ាងជិតស្និទ្ធជាមួយក្រសួង ស្ថាប័នពាក់ព័ន្ធ ដើម្បីទាញយកផលប្រយោជន៍ ពីកិច្ចព្រមព្រៀងពាណិជ្ជកម្មសេរី ដែលកម្ពុជាមាន ជាពិសេសកិច្ចព្រមព្រៀង RCEP និងកតិកាសញ្ញាជាមួយប្រទេសចិន និងកូរ៉េខាងត្បូង។

ដើម្បីចាកចេញពីស្ថានភាពនេះ កម្ពុជាត្រូវឆ្លងកាត់ដំណាក់កាលយ៉ាងហោចណាស់ចំនួន៣ប្រភេទ រួមមាន ប្រាក់ចំណូលជាតិសរុប (GNI) សម្រាប់មនុស្សម្នាក់ៗ សន្ទស្សន៍ទ្រព្យសម្បត្តិមនុស្ស (HAI) និងសន្ទស្សន៍ភាពងាយរងគ្រោះផ្នែកសេដ្ឋកិច្ច និងបរិស្ថាន ហើយបច្ចុប្បន្ននេះ កម្ពុជាបានឆ្លងផុតដំណាក់កាលចំនួន២រួចហើយ៕

ឱកាសការងារក្នុងវិស័យសណ្ឋាគារ និងបដិសណ្ឋារកិច្ចនៅប្រទេសចិន កើនឡើងខ្លាំង ក្រោយបើកព្រំដែនឡើងវិញ

ដោយៈ សុខុម

ប៉េកាំង: ការស្ទង់មតិបង្ហាញថា សណ្ឋាគារ និងភោជនីយដ្ឋាននានានៅប្រទេសចិន នាពេលនេះកំពុងសម្រុកជ្រើសរើសបុគ្គលិក ក្នុងចំនួនយ៉ាងច្រើនសម្បើម ស្របពេលតម្រូវការងើបឡើងក្នុងវិស័យសេវាកម្ម បន្ទាប់ពីរដ្ឋាភិបាលក្រុងប៉េកាំង បានបញ្ចប់គោលនយោបាយសូន្យ-កូវីដ។

លទ្ធផលនៃការស្ទង់មតិ ដែលបានចេញផ្សាយកាលពីថ្ងៃសុក្រ ទី៣ ខែកុម្ភៈ ដោយក្រុមហ៊ុន Zhaopin ដែលជាក្រុមហ៊ុនជ្រើសរើសបុគ្គលិកដ៏ធំបំផុតមួយនៅប្រទេសចិនបង្ហាញថា អំឡុងពេល៦ថ្ងៃដំបូង នៃថ្ងៃធ្វើការ បន្ទាប់ពីថ្ងៃបុណ្យចូលឆ្នាំថ្មីប្រពៃណីចិន បានបញ្ចប់ទៅឱកាសការងារក្នុងវិស័យសណ្ឋាគារ និងបដិសណ្ឋារកិច្ចបានកើនឡើង៤០% ធៀបនឹងរយៈពេលដូចគ្នាកាលពីឆ្នាំមុន។

អ្នកបើកបររថយន្តដឹកអ្នកដំណើរ និងរថយន្តដឹកទំនិញ ព្រមទាំងបុគ្គលិកបម្រើការលើយន្តហោះ និងរថភ្លើងក៏កំពុងមានតម្រូវការខ្លាំងផងដែរ ដោយឱកាសការងារនេះ បានកើនឡើងរហូតដល់៨៥,២% បើធៀបនឹងរយៈពេលដូចគ្នា ដោយសារតែវិស័យដឹកជញ្ជូន និងភ័ស្តុភារមមាញឹកខ្លាំង បន្ទាប់ពីប្រទេសចិន បើកព្រំដែនឡើងវិញ ដោយបញ្ចប់នូវវិធានការកូវីដ-១៩ ដ៏តឹងរ៉ឹងបំផុតរបស់ខ្លួន។

ការបើកឱកាសការងារក្នុងឧស្សាហកម្ម សេវាកម្មទេសចរណ៍បានកើនឡើង៥៨,៩% ដោយសារការបោះបង់ចោល គោលនយោបាយសូន្យ-កូវីដ ព្រមទាំងតម្រូវការកើនឡើង ក្នុងរដូវបុណ្យចូលឆ្នាំផងដែរ ខណៈការប្រកាសជ្រើសរើសកម្មករ ក្នុងវិស័យផលិតកម្មក៏កើនឡើង៤២,២%។

ការស្ទង់មតិនេះ ត្រូវបានធ្វើឡើងចាប់ពីថ្ងៃទី២៨ ខែមករា ដល់ថ្ងៃទី០២ ខែកុម្ភៈ នៅក្នុងទីក្រុងធំៗចំនួន៣៨ រួមមានទាំងទីក្រុងប៉េកាំង ក្រុងសៀងហៃ និងក្រុងស៊ឹនជិន (Shenzhen) ផងដែរ។

ប្រមាណ៧២%នៃក្រុមហ៊ុន ដែលត្រូវបានស្ទង់មតិនិយាយថា ពួកគេមានសុទិដ្ឋិនិយម ចំពោះការអភិវឌ្ឍសេដ្ឋកិច្ចរបស់ប្រទេសចិន ដោយសារការបន្ធូរបន្ថយវិធានការទប់ស្កាត់កូវីដ-១៩ និងការផ្តល់អាទិភាពលើកំណើនសេដ្ឋកិច្ចនាំមកនូវទំនុកច្រើនជាងមុន។

ទោះជាយ៉ាងណា ដោយសារមានភាពមិនច្បាស់លាស់ខ្ពស់ នៅក្នុងវិស័យអចលនទ្រព្យ និងការនាំចេញរបស់ប្រទេសចិន អ្នកស្វែងរកការងារកាន់តែច្រើនឡើង បានស្វែងរកការងារដែលមានសុវត្ថិភាព។

តួលេខបង្ហាញថា ប្រមាណ៣៣,៩% នៃអ្នកស្វែងរកការងារនិយាយថា ពួកគេនឹងស្វែងរក “ការងារដែលមានស្ថិរភាព ដោយគ្មានហានិភ័យត្រូវគេបញ្ឈប់ពីការងារ” បើធៀបនឹង២៦,៨%កាលពីឆ្នាំមុន។

ការស្ទង់មតិឯកជនមួយផ្សេងទៀត បានបង្ហាញកាលពីថ្ងៃសុក្រ ទី៣ ខែកុម្ភៈ ថា សកម្មភាពសេវាកម្មក្នុងប្រទេសចិន ក្នុងខែមករា បានកើនឡើងជាលើកដំបូង ក្នុងរយៈពេល៥ខែមកនេះ៕ Reuters៕

1...1,0621,0631,064...3,259 Page 1,063 of 3,259