តំបន់កោះដាច់គ្រោងសាងសង់ស្ពានតភ្ជាប់ចំនួន២ ដើម្បីតភ្ជាប់ផ្លូវ ក្រវ៉ាត់ក្រុងទី៣មួយជុំ

ដោយៈ ជេស៊ីកា

ភ្នំពេញៈ ក្រុមហ៊ុនសំណង់សៀងហៃ កាលពីសប្តាហ៍មុនបានបង្ហាញពីគំរោងសាងសង់ស្ពានសំខាន់ៗចំនួន៣ ដើម្បីតភ្ជាប់ផ្លូវក្រវ៉ាត់ក្រុងទី៣ប៉ែកខាងកើត ឲ្យបានគ្រប់រង្វង់ជុំ។

យោងតាមបទបង្ហាញរបស់ក្រុមហ៊ុនសំណង់សៀងហៃ កាលពីសប្តាហ៍មុនបានឲ្យដឹងថា គម្រោងខ្សែក្រវាត់ទី៣ ប៉ែកខាងកើតនេះ មានប្រវែងប្រមាណ៣៤,១៥គីឡូម៉ែត្រ សាងសង់ជាផ្លូវ៤គន្លង (ពីរគន្លងទៅ ពីរគន្លងមក) ចេញពីមហាវិថីឈ្នះឈ្នះ (ចំណុចប្រសព្វផ្លូវជាតិលេខ៦) រហូតដល់ចំណុចប្រសព្វផ្លូវលេខ៧០បេ ឆ្លងកាត់កោះចំនួន២ គឺកោះដាច់ និងកោះតាង ដោយត្រូវសាងសង់ស្ពានឆ្លងទន្លេមេគង្គចំនួន៣។

ក្នុងនោះស្ពានទី១ (ផ្លូវជាតិលេខ៦-កោះដាច់) មានប្រវែង ១៣១១ម៉ែត្រ ស្ពានទី២ (កោះដាច់-កោះតាង) មានប្រវែង ៥៧៩ម៉ែត្រ និងស្ពានទី៣ (កោះតាង-ផ្លូវ៧០បេ) មានប្រវែង ១០៤៤ម៉ែត្រ គ្រោងចំណាយថវិកាប្រមាណ ២៤០លានដុល្លារអាមេរិក។

បន្ទាប់ពីបានស្វែងយល់បទបង្ហាញរួចមក អ្នកជំនាញបច្ចេកទេសក្រសួងបានជជែកពិភាក្សា និងផ្ដល់យោបល់ជាធាតុចូលលើការងារបច្ចេកទេសសំខាន់ៗក្នុងការសាងសង់ រួមមានការរៀបចំជាចំណតយានយន្ត ព្រមទាំងការសិក្សាបន្ថែមលើភូមិសាស្ត្រតំបន់ ការសិក្សាលើលំហូរទឹក និងទំនប់ទឹក ជាធាតុចូលដើម្បីធ្វើឱ្យគម្រោងនេះមានប្រសិទ្ធភាព និងនិរន្តរភាព។

កិច្ចប្រជុំនេះ បានធ្វើឡើងក្រោមអធិបតីលោកលឹម ស៊ីដេនីនរដ្ឋលេខាធិការក្រសួងសាធារណៈការ និងដឹកជញ្ជូនុំ។

គម្រោងខ្សែក្រវាត់ទី៣ ប៉ែកខាងកើត ប្រវែងប្រមាណ ៣៤,១៥គីឡូម៉ែត្រ ត្រូវបានក្រុមហ៊ុនសំណង់សៀងហៃ លើកយកមកធ្វើបទបង្ហាញជូនអ្នកជំនាញបច្ចេកទេសក្រសួងដើម្បីពិនិត្យ និងផ្ដល់ធាតុចូលបន្ថែម៕

គំរោងអភិវឌ្ឍន៍រមណីយដ្ឋានភូមិផ្កាត្រកួនកំពុងរៀបចំទីលាន កីឡាដ៏ធំមួយ

ដោយៈ គង់ សូរិយា

ភ្នំពេញៈ ជាមួយផែនការយុទ្ឋសាស្រ្ត និងរៀបចំផែនការមេប្រកបដោយចក្ខុវិស័យ អ្នកអភិវឌ្ឍន៍គំរោងភូមិផ្កាត្រកួន បាននិងកំពុងបញ្ចប់ជាបណ្តើរៗនូវកីឡាដ្ឋាន ដែលគ្របដណ្តប់លើផ្ទៃដីជិត៥ហិកតា។

ការអភិវឌ្ឍន៍ដោយឈរលើគោលការណ៍បរិស្ថាន ផ្សារភ្ជាប់រវាងសហគមន៍ ធម្មជាតិ និងរចនាបទលំនៅដ្ឋានបែបសហសម័យ ឆ្លុះជាមួយផ្ទៃបឹងដ៏ធំ បាននិងកំពុងធ្វើឲ្យគម្រោងអភិវឌ្ឍន៍នេះ ទាក់ទាញអ្នកស្វែងរកការសំរាកលំហែរ នៅក្នុងពេលវេលាចុងសប្តាហ៍ និងការសំរាកពីការងារយ៉ាងច្រើន និងកំពុងក្លាយជាផលិតផលដ៏ទាក់ទាញមួយ។

លោកឌិន សុមេធារិទ្ឋអ្នកអភិវឌ្ឍន៍គំរោងភូមិផ្កាត្រកួនបានមានប្រសាសន៍ឲ្យដឹងកាលពីចុងវសប្តាហ៍មុនថា ទំហំដីដែលយើងបាននិងកំពុងគ្រប់គ្រងបានកើនឡើង ដែលធ្វើឲ្យការរៀបចំបែបផែន និងប្លង់អភិវឌ្ឍកាន់តែមានភាពងាយស្រួល។ ជាក់ស្តែងក្រុមហ៊ុនកំពុងរៀបចំទីលានកីឡាដ៏ធំមួយ ដែលមានតារាងបាល់ទះ បាល់ទាត់ តេនីស្ត ដើម្បីឲ្យអ្នកទិញដី និងអ្នកសាងសង់ផ្ទះលំហែរនៅទីនេះ មានកន្លែងលេងកីឡា និងហាត់ប្រាណដើម្បីសុខភាព។

លោកបន្តថា “ទស្សនវិស័យរបស់ខ្ញុំ ចង់អភិវឌ្ឍន៍គំរោងនេះស្របតាមស្តង់ដាអន្តរជាតិ ដើម្បីអាចឲ្យអ្នកមានធនធានមានទីកន្លែងលំហែរ និងសំរាកកាយ”។ លោកបន្តថា “គំរោងនេះ បាននិងកំពុងលក់អស់ប្រមាណ១០០ហិកតាហើយ និងមានអ្នកមកសាងសង់ផ្ទះលំហែរចុងសប្តាហ៍រាប់រយគ្រួសារផងដែរ”។

លោកឌិន សុមេធារិទ្ឋបានបន្តទៀតថា អតិថិជនចាប់អារម្មណ៍អាចទិញដីនៅទីនេះ ក្នុងតម្លៃសមរម្យ និងអាចជ្រើសរើសទីតាំងដីតាមដែលពួកគាត់ចង់បាន និងមានតម្លៃទាបឬខ្ពស់ អាស្រ័យលើទីតាំងដី ដែលជាប់ទំហំបឹងតូចឬធំ។

គំរោងនេះ ស្ថិតក្នុងស្រុកស្អាង ខេត្តកណ្តាល និងមានចម្ងាយជាង២០គីឡូម៉ែត្រប៉ុណ្ណោះពីរាជធានីភ្នំពេញ៕

រដ្ឋមន្រ្តីទេសចរណ៍មើលឃើញសក្តានុពលលំហូរទេសចរណ៍តភ្ជាប់តាមរយៈរថភ្លើងពីចិន មកកាន់ប្រទេសឡាវ

ដោយៈ គង់ សូរិយា

ភ្នំពេញៈ រដ្ឋមន្ត្រីក្រសួងទេសចរណ៍ លោកថោង ខុនបានថ្លែងថា រថភ្លើងល្បឿនលឿនគួនមិញ-វៀងចន្ទន៍ ជាក្តីសង្ឃឹមនៃលំហូរទេសចរមកប្រទេសកម្ពុជា នាថ្ងៃអនាគត។

កាលពីខែមីនា ឆ្នាំ២០២៣នេះ លោក ថោង ខុន បានដឹកនាំប្រតិភូក្រសួងទេសចរណ៍ ទៅបំពេញទស្សនកិច្ចនៅប្រទេសឡាវ ដើម្បីបង្កើនកិច្ចសហប្រតិបត្តិការទេសចរណ៍ រវាងប្រទេសទាំងពីរ។

នាឱកាសនោះ លោកបានធ្វើដំណើរតាមរថភ្លើងល្បឿនលឿនរត់ពីវៀងចន្ទ ទៅកាន់ក្រុងហ្លួងព្រះបាង។

លោកថោង ខុនបានថ្លែងថា “រថភ្លើងល្បឿនលឿនរត់ពីវៀងចន្ទទៅហ្លួងព្រះបាង ឆ្លងទៅទីក្រុងគួនមិញ ខេត្តយូណាន (ប្រទេសចិន) មានអ្នកដំណើរឡាវ ថៃជិះច្រើនទៅលេងចិន និងអ្នកដំណើរចិនមកកាន់ឡាវ និងថៃ”។ លោកបន្ថែមថា “នេះបង្ហាញពីក្តីសង្ឃឹមនែលំហូរទេសចរមកកម្ពុជានៅថ្ងៃមុខ។ មានមនុស្សច្រើមនណាស់ចូលចិត្តធ្វើដំណើរ។ ថ្លៃ សំបុត្រថោកហើយសុវត្ថិភាព»។

ភាគីកម្ពុជា-ឡាវក៏បានជំរុញឲ្យមានការសម្រួល ការធ្វើដំណើរឆ្លងកាត់ព្រំដែន ដើម្បីជំរុណកំណើនទេសចរទៅវិញទៅមកផងដែរ៕

ក្រសួងសេដ្ឋកិច្ចៈប្រទេសកម្ពុជានៅតែស្ថិតក្នុងកម្រិតហានិភ័យទាបនៃវិបត្តិបំណុល

ដោយ: គង់ លាងហួរ

ភ្នំពេញ: បំណុលសាធារណៈរបស់កម្ពុជា នៅតែត្រូវបានវាយតម្លៃថា អាចគ្រប់គ្រងបានជាមួយនឹងហានិភ័យទាប ទោះបីជាសេដ្ឋកិច្ចរបស់ប្រទេស បានរងផលប៉ះពាល់ដោយជំងឺរាតត្បាត និងកត្តាខាងក្រៅផ្សេងទៀតយ៉ាងណាក្តី។

គិតត្រឹមដំណាច់ឆ្នាំ២០២២ រួមទាំងបំណុលចាស់ រដ្ឋាភិបាលកម្ពុជាមានបំណុលសាធារណៈ មានចំនួនសរុបចំនួន៩,៩៩ពាន់លានដុល្លារ ក្នុងនោះ៩៩,៨២ភាគរយ ឬ៩,៩៧ពាន់លានដុល្លារជាបំណុលសាធារណៈពីដៃគូអភិវឌ្ឍន៍ទ្វេរភាគី និងដៃគូអភិវឌ្ឍន៍ពហុភាគី ហើយ១៧,៥១លានដុល្លារទៀតគឺជាបំណុលក្នុងស្រុក។ នេះបើតាមព្រឹត្តិបត្រស្ថិតិបំណុលសាធារណៈរបស់កម្ពុជា។

យោងតាមស្ថិតិ ដែលចេញផ្សាយដោយក្រសួងសេដ្ឋកិច្ច និងហិរញ្ញវត្ថុបានឲ្យដឹងថា កម្ពុជាបានចុះហត្ថលេខាខ្ចីប្រាក់ចំនួន៤.០០១លានដុល្លារពីប្រទេសចិន ។ចំនួន១.០៧៧ លានដុល្លារពីប្រទេសជប៉ុន ចំនួន៤៨២លានដុល្លារពីសាធារណរដ្ឋកូរ៉េ។ ៤៧៣លានដុល្លារពីប្រទេសបារាំង និង២៨លានដុល្លារពីប្រទេសថៃ។

ទាក់ទងនឹងកម្ចីពីទីភ្នាក់ងារពហុភាគី កម្ពុជាបានខ្ចីប្រាក់ចំនួន២.០៥០លានដុល្លារពីធនាគារអភិវឌ្ឍន៍អាស៊ី ៩៣៣លានដុល្លារពីធនាគារពិភពលោក ១២៩លានដុល្លារពីមូលនិធិអន្តរជាតិ សម្រាប់ការអភិវឌ្ឍកសិកម្ម ៨៤លានដុល្លារពីធនាគារវិនិយោគអឺរ៉ុប ២លានដុល្លារពីមូលនិធិ OPEC សម្រាប់ការអភិវឌ្ឍអន្តរជាតិ ៧,៩លានដុល្លារពីមូលនិធិអភិវឌ្ឍន៍ Nordic និង៦,៦លានដុល្លារពីធនាគារវិនិយោគហេដ្ឋារចនាសម្ព័ន្ធអាស៊ី។

ប្រាក់កម្ចីទាំងអស់នេះ មានសម្បទានខ្ពស់ជាមួយនឹងធាតុអំណោយជាមធ្យមប្រហែល៤១ភាគរយ ដោយគោលបំណងនៃប្រាក់កម្ចី គឺដើម្បីផ្តល់ហិរញ្ញប្បទាន ដល់គម្រោងវិនិយោគសាធារណៈនៅក្នុងវិស័យអាទិភាព ដែលគាំទ្រដល់កំណើនសេដ្ឋកិច្ចប្រកបដោយនិរន្តរភាពរយៈពេលវែង និងបង្កើនផលិតភាព។

ទោះបីជារងផលប៉ះពាល់ដោយវិបត្តិកូវីដ និងកត្តាខាងក្រៅផ្សេងទៀតយ៉ាងណាក្តី ក៏ស្ថានភាពបំណុលសាធារណៈរបស់កម្ពុជានៅតែបន្ត “និរន្តរភាព” និង “ហានិភ័យទាប” នៃវិបត្តិបំណុល។

សូចនាករបំណុលសំខាន់ៗទាំងអស់ ក្នុងឆ្នាំ២០២២ គឺស្ថិតនៅក្រោមកម្រិតកំណត់។ សូចនាករបំណុលសំខាន់ដូចជា តម្លៃបច្ចុប្បន្ននៃបំណុលខាងក្រៅធៀបនឹង GDP គឺស្ថិតនៅត្រឹម២៤,៩ភាគរយបើប្រៀបធៀបទៅនឹងកម្រិតកំណត់៤០ភាគរយ។

លោកឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានមានប្រសាសន៍ថា “ការរក្សាបាននូវបំណុលសាធារណៈប្រកបដោយនិរន្តរភាព ដោយសារតែប្រទេសកម្ពុជាមានប្រព័ន្ធបំណុលសាធារណៈដ៏រ៉ឹងមាំ តាមរយៈកំណែទម្រង់ដ៏មុតស្រួចជាបន្តបន្ទាប់”។

លោកបានបន្តថា “ការគ្រប់គ្រងបំណុលសាធារណៈបានប្រកបដោយនិរន្តរភាព និងប្រកបដោយប្រសិទ្ធភាព បានចូលរួមចំណែកយ៉ាងសំខាន់ ក្នុងការសម្រេចបាននូវកំណើនសេដ្ឋកិច្ច ប្រកបដោយមោទនភាព ក្នុងរយៈពេល២ទសវត្សរ៍កន្លងមក ក៏ដូចជាធ្វើឱ្យកម្ពុជាមានលទ្ធភាព ប្រមូលឥណទានសម្បទានបន្ថែមទៀត ដើម្បីបំពេញតម្រូវការហិរញ្ញវត្ថុនៃវិស័យអាទិភាពផងដែរ”។

សម្រាប់ឆ្នាំ២០២៣នេះ រដ្ឋាភិបាលកម្ពុជាគ្រោងនឹងរៃអង្គាសប្រាក់ចំនួន២០០លានដុល្លារពីមូលបត្របំណុល ដែលអាចផ្តល់ប្រាក់ចំណូលដោយផ្ទាល់ និងធានាបាននូវប្រសិទ្ធភាពនៃការវិនិយោគ និងនិរន្តរភាពនៃការគ្រប់គ្រងបំណុល និងថវិកាជាតិ៕

ឆ្នាំ២០២៣គឺជាឆ្នាំដ៏សំខាន់មួយសម្រាប់កម្ពុជាក្នុងការទាក់ទាញភ្ញៀវទេសចរបរទេសកាន់តែច្រើន

ដោយ: គង់ លាងហួរ

ភ្នំពេញ: ប្រទេសកម្ពុជាបានចាត់ទុកឆ្នាំ២០២៣នេះ ជាឆ្នាំដ៏សំខាន់មួយ សម្រាប់ទាក់ទាញភ្ញៀវទេសចរបរទេសកាន់តែច្រើន។

បន្ទាប់ពីរងផលប៉ះពាល់ដ៏អាក្រក់ នៃវិបត្តិជំងឺកូវីដ-១៩ ឆ្នាំ២០២៣នេះ គួរតែជួយដល់កម្ពុជា ក្នុងការជំនះវិបត្តិ ដែលបានហ៊ុមព័ទ្ធវិស័យទេសចរណ៍ ខណៈវិស័យនេះត្រូវបានចាត់ទុកថា ជាសសរស្តម្ភមួយ ក្នុងចំណោមសសរស្តម្ភទាំង៤ សម្រាប់ទ្រទ្រង់សេដ្ឋកិច្ចរបស់កម្ពុជា។

ឧស្សាហកម្មទេសចរណ៍របស់ប្រទេសកម្ពុជា ទទួលបានប្រាក់ចំណូលសរុបចំនួន១,៤១ពាន់លានដុល្លារក្នុងឆ្នាំ២០២២ ដែលនេះជាសូចនាករវិជ្ជមាន សម្រាប់វិស័យនេះរួចទៅហើយ ពោលគឺកើនឡើងរហូតដល់ទៅ៦៦៩ភាគរយ បើធៀបនឹងឆ្នាំ២០២១។

ស្ថានភាពអាចមានភាពប្រសើរឡើងខ្លាំង នៅឆ្នាំ២០២៣នេះ ដោយសារចំនួនជើងហោះហើរអន្តរជាតិ ជាពិសេសពីប្រទេសចិន ដែលជាទីផ្សារដ៏សំខាន់ សម្រាប់ទេសចរណ៍កម្ពុជា បានចាប់ផ្តើមកើនឡើង បន្ទាប់ពីទីក្រុងប៉េកាំង បានបន្ធូរបន្ថយការរឹតបន្តឹងលើការធ្វើដំណើរ។

យោងតាមការប៉ាន់ប្រមាណរបស់ក្រសួងទេសចរណ៍ បានឱ្យដឹងថា កម្ពុជាទទួលបានភ្ញៀវទេសចរអន្តរជាតិ ចំនួន២,២៨លាននាក់ក្នុងឆ្នាំ២០២២ កើនឡើង១.០៥៨ភាគរយ បើធៀបនឹងឆ្នាំ២០២១។ លើសពីនេះ ឧស្សាហកម្មទេសចរណ៍បានបង្កើតបាន៣,៦ភាគរយនៃផលិតផល ក្នុងស្រុកសរុបរបស់កម្ពុជាកាលពីឆ្នាំ២០២២។

ជាមួយនឹងអនាគតដ៏ភ្លឺស្វាងខាងមុខ ប្រទេសកម្ពុជាត្រូវបានគេព្យាករណ៍ថា នឹងទាក់ទាញភ្ញៀវទេសចរអន្តរជាតិ បានចំនួន៤លាននាក់នៅឆ្នាំ២០២៣នេះ។

លោក ថោង ខុន រដ្ឋមន្ត្រីក្រសួងទេសចរណ៍ ត្រូវបានដកស្រង់សម្តីនៅក្នុងរបាយការណ៍មួយថា “ឆ្នាំនេះយើងសង្ឃឹមថា កម្ពុជានឹងទាក់ទាញភ្ញៀវទេសចរចិន បានចន្លោះពី៨០០.០០០ ទៅដល់១លាននាក់”។

ម្យ៉ាងវិញទៀត ប្រទេសកម្ពុជាបានស្វាគមន៍ ភ្ញៀវទេសចរអន្តរជាតិចំនួន៦,៦១លាននាក់ ក្នុងឆ្នាំ២០១៩ ដែលផ្តល់ប្រាក់ចំណូលសរុបចំនួន៤,៩២ពាន់លានដុល្លារ។

ជាមួយនឹងសកម្មភាពដ៏សុទិដ្ឋិនិយមនានា រដ្ឋាភិបាលរំពឹងថា កម្ពុជា នឹងអចឈានដល់កម្រិតទេសចរណ៍ឆ្នាំ២០១៩ ក្នុងរយៈពេលពីរបីឆ្នាំទៀត៕

សម្តេចតេជោៈ ប្រជាពលរដ្ឋភ្ជាប់បណ្តាញអគ្គិសនីកើនដល់៩០ភាគរយ ខណៈភ្នំពេញតម្រូវការកើនដល់១មេហ្កាវ៉ាត់

ដោយៈ គង់ សូរិយា

ពោធិសាត់ៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានថ្លែងថា តម្រូវការអគ្គិសនីនៅរាជធានីភ្នំពេញ បានកើនពី៣០ ដល់១០០០មេហ្កាវ៉ាត់ ខណៈបច្ចុប្បន្នប្រជាពលរដ្ឋទូទាំងប្រទេស៩០ភាគរយ បានភ្ជាប់បណ្តាញអគ្គិសនីរួចហើយ។

សម្តេចតេជោ ហ៊ុន សែនបានលើកឡើងបែបនេះ ក្នុងពិធីសម្ភោធបើកការដ្ឋាន សាងសង់ទំនប់វារីអគ្គិសនី ស្ទឹងពោធិសាត់១ នាព្រឹកថ្ងៃទី១៤ មិនានេះ។

សម្តេចបានស្នើសុំការយោគយល់ ពីប្រជាពលរដ្ឋចំពោះផលប៉ះពាល់កើតចេញ ពីការធ្វើវារីអគ្គសិសនីស្ទឹងពោធិ៍សាត់១។

សម្តេចតេជោបានបញ្ជាក់ថា “សម័យនេះប្រជាពលរដ្ឋប្រើអគ្គិសនី មិនមែនសម័យប្រើភ្លើងចន្លុះទៀតនោះទេ”។

សម្តេចតេជោ ហ៊ុន សែន បានថ្លែងថា បច្ចុប្បន្នថាមពលអគ្គិសនីរបស់កម្ពុជា ទទួលបានពីប្រភពកកើតឡើងវិញរហូតដល់ទៅ៦២ភាគរយ។

សម្តេចតេជោហ៊ុន សែន បានថ្លែងថា វារីអគ្គិសនីជាប្រភពថាមពលដ៏ល្អមួយ។

សម្តេចតេជោបានរំលឹកថា កាលពីទសវត្សរ៍៩០ កម្ពុជា ប្រើអគ្គិសនីត្រឹមប្រមាណ៣០មេហ្គាវ៉ាត់ប៉ុណ្ណោះ តែបច្ចុប្បន្នប្រើរហូតដល់ទៅ២២០០មេហ្គាវ៉ាត់។

សម្តេចតេជោ ហ៊ុន សែន បានថ្លែងថា អ្នកបរិស្ថាននិយមជំទាស់រោងចក្រអគ្គិសនីដើរដោយធ្យូងថ្ម ជំទាស់ការធ្វើវារីអគ្គិសនី តើចង់វិលទៅដុតចន្លុះវិញឬយ៉ាងណា?។

សម្តេចតេជោ ហ៊ុន សែន បានថ្លែងថា “បើមិនប្រឹងបង្កើតប្រភពថាមពលអគ្គិសនីទេ ប្រជាពលរដ្ឋនៅតែដុតចន្លុះ ប្រើចង្កៀង និងដុតប្រេងកាត”។

សម្តេចតេជោ ហ៊ុន សែន បានថ្លែងថា អគ្គិសនី មិនត្រឹមតែបំពេញការប្រើប្រាស់ របស់ប្រជាពលរដ្ឋប៉ុណ្ណោះទេ តែក៏បំពេញដល់តម្រូវការឧស្សាហកម្ម និងទេសចរណ៍ផងដែរ៕

Energy giant Saudi Aramco reports ‘record’ US$161 billion profit on back of Russia-Ukraine war

RIYADH: Saudi Aramco said on Sunday (Mar 12) it achieved “record” profits totalling US$161.1 billion last year, highlighting how a surge in oil prices after Russia invaded Ukraine spurred growth in the world’s biggest crude exporter.

The mostly state-owned energy giant, the world’s second most valuable company behind Apple, said in a filing with the Saudi stock market that net income for 2022 was up 46 per cent from US$110 billion in 2021.

The results – the strongest since Aramco became a listed company in 2019 – were “predominantly due to the impact of higher crude oil prices and volumes sold, and stronger refining margins”, it said.

Aramco’s gains are consistent with record profits for 2022 reported by the five oil majors – Shell, Chevron, ExxonMobil, BP and TotalEnergies – which surpassed US$150 billion and would have been closer to US$200 billion without costly withdrawals from Russia.

They also fuelled Saudi Arabia’s overall economic growth which officials put at 8.7 per cent in 2022, the highest rate in the G20.
The net income figure is nearly double the US$88.2 billion the firm pulled in 2019, before the coronavirus pandemic.

“Aramco rode the wave of high energy prices in 2022. It’s what the company is geared to do,” said Robert Mogielnicki, of the Arab Gulf States Institute in Washington.

“It would have been difficult for Aramco not to perform strongly in 2022.”

Energy prices are expected to stay elevated in 2023, in part because of production cuts approved last October by the Organization of the Petroleum Exporting Countries Plus or OPEC+ cartel that Riyadh co-leads with Moscow – a move harshly criticised by Washington.

Source: AFP

Bleak economic view for Asia

Thailand and China are among the lone bright spots in Asia, projected to have higher real GDP growth this year even as the rest of the region is battered by unfavourable global economic conditions and geopolitical tensions, according to global trade insurer Atradius.

The insurer’s recent “Regional Economic Outlook Asia” report indicated the regional economic recovery was “clearly losing momentum” because of tighter financial conditions, inflation, a weak global economic environment
and geopolitical tensions.

While China and Thailand are expected to post higher year-on-year growth in 2023, economies in the rest of the region are estimated to take a step back as they try to shake off tight financial conditions and weak external demand, Atradius noted.

“Asian economies are on course for modest growth this year,” said Bert Burger, principal economist at the
Amsterdam-based company.

Growth in Japan and South Korea would be muted at 0.7% and 0.8%, respectively, as high inflation dents their recovery, he said.

India is set to be the fastest-growing economy in Asia this year and next, with estimated expansion of 8% and 6.8%, respectively, thanks to a strong domestic economy and improving business environment.

“With their increasingly robust economies and financial systems, the five largest emerging markets in Southeast Asia have remained resilient against recent external shocks, making them more likely to benefit from the global supply chain diversification trend,” said Mr Burger.

The Philippines is poised to grow the fastest in the region at 4.1%, followed by 4% for both Thailand and Vietnam.
Indonesia will be a laggard, growing 3.6% this year.

“Thailand’s resurgence as a preferred holiday destination will boost tourism revenues and push growth to 4%, up from 2.6% in 2022,” he said.

In China, weak export demand from developed economies and a struggling real estate sector are expected to cap growth at no higher than 4.5% this year, exceeding the 3% rate posted in 2022, according to the report.

Source: Bangkok Post

វៀតណាម គ្រោងជួសជុលផ្លូវហាយវ៉េភ្ជាប់មកប្រទេសថៃ ឡាវ និងកម្ពុជា

សុខុម

វៀងចន្ទន៍: ប្រទេសវៀតណាម បានចាប់ផ្តើមគម្រោងជួសជុល និងពង្រីកផ្លូវតភ្ជាប់តំបន់ភាគកណ្តាលរបស់ខ្លួនមកកាន់បណ្ដាប្រទេសជិតខាងរួចមានថៃ ឡាវ និងកម្ពុជា។ នេះបើយោងតាមសារព័ត៌មាន Laotian Times ចុះផ្សាយកាលពីថ្ងៃច័ន្ទ ទី១៣ ខែមីនា។

សារព័ត៌មាន Viet Nam News បានចុះផ្សាយថា តាមការរំពឹងទុក គម្រោងនេះនឹងចំណាយអស់ទឹកប្រាក់៧៦លានដុល្លារអាមេរិក។ គម្រោងនេះនឹងជួសជុលកែលម្អផ្លូវនានានៅក្នុងខេត្តភាគកណ្ដាល Quang Nam និងតំបន់ខ្ពង់រាបភាគកណ្តាលនៃប្រទេសវៀតណាម ដែលតភ្ជាប់មកកាន់ប្រទេសជិតខាងទាំង៣។

ផ្លូវហាយវ៉េ 14E របស់វៀតណាម នេះតភ្ជាប់ខេត្ត Quang Nam ទៅកាន់តំបន់ខ្ពង់រាបភាគកណ្តាល ដែលតភ្ជាប់ប្រទេសថៃ ឡាវ និងកម្ពុជា តាមរយៈផ្លូវហូជីមិញ (Ho Chi Minh Road)។

នាយកដ្ឋានផ្លូវថ្នល់ក្នុងប្រទេសវៀតណាម គឺជាអ្នកវិនិយោគដ៏ធំនៅក្នុងគម្រោងនេះដែលរំពឹងថានឹងបញ្ចប់ការងារស្ថាបនានៅត្រឹមឆ្នាំ២០២៥។

ប្រវែងសរុប៧៤គីឡូម៉ែត្រនៅលើផ្លូវនេះនឹងត្រូវបានជួសជុលឡើងវិញ ក្រោមទំហំទុនវិនិយោគសរុបជាង៧៥,៨លានដុល្លារអាមេរិក។

រដ្ឋមន្ត្រីដឹកជញ្ជូនវៀតណាម លោក Nguyen Van Thang អះអាងថា ផ្លូវនេះនឹងតភ្ជាប់តំបន់វាលទំនាប និងតំបន់ខ្ពង់រាប ហើយនឹងជំរុញការអភិវឌ្ឍក្នុងខេត្ត Quang Nam និងតំបន់ភាគកណ្តាល ដោយជំរុញពាណិជ្ជកម្មតាមបណ្ដោយច្រករបៀងសេដ្ឋកិច្ចភាគខាងកើត-ភាគខាងលិច (East-West Economic Corridor) ក្នុងប្រទេសវៀតណាម។

គម្រោងនេះនឹងកាត់បន្ថយចម្ងាយធ្វើដំណើរ និងការដឹកជញ្ជូនទំនិញរវាងតំបន់ខ្ពង់រាបភាគកណ្តាល តំបន់ឆ្នេរភាគខាងជើង និងភាគខាងត្បូងនៃប្រទេសវៀតណាម ប្រទេសឡាវ ភាគខាងត្បូង ប្រទេសកម្ពុជា ភាគឦសាន និងប្រទេសថៃ។ វាក៏នឹងកាត់បន្ថយពេលវេលាធ្វើដំណើរនៅលើផ្លូវនេះផងដែរ៕ Laotian Times៕

ប្រទេសចិន និងថៃនឹងស្ថិតក្នុងចំណោមប្រទេសសម្រេចបានកំណើនសេដ្ឋកិច្ចខ្ពស់ជាងគេនៅតំបន់អាសុី

ដោយ: គង់ លាងហួរ
អន្តរជាតិ: ប្រទេសថៃ និងចិនស្ថិតក្នុងចំណោមចំណុចភ្លឺតែមួយគត់នៅតំបន់អាស៊ី ដែលត្រូវបានព្យាករណ៍ថា នឹងមានកំណើន GDP ពិតប្រាកដខ្ពស់នៅឆ្នាំនេះ ទោះជាតំបន់ផ្សេងទៀតត្រូវបានវាយលុកដោយស្ថានភាពសេដ្ឋកិច្ចពិភពលោកមិនអំណោយផល និងភាពតានតឹងភូមិសាស្ត្រនយោបាយយ៉ាងណាក្តី។

នេះបើយោងតាមក្រុមហ៊ុនធានារ៉ាប់រងពាណិជ្ជកម្មពិភពលោក Atradius ។

យោងតាមរបាយការណ៍“Regional Economic Outlook Asia”ដែលបានចេញផ្សាយនាថ្មីៗនេះរបស់ក្រុមហ៊ុនធានារ៉ាប់រង Atradius បានចង្អុលបង្ហាញថា “ការស្ទុះងើបឡើងវិញនៃសេដ្ឋកិច្ចក្នុងតំបន់គឺបាត់បង់សន្ទុះយ៉ាងច្បាស់ ដោយសារតែស្ថានភាពហិរញ្ញវត្ថុកាន់តែតឹងតែង អតិផរណា បរិយាកាសសេដ្ឋកិច្ចពិភពលោកចុះខ្សោយ និងភាពតានតឹងនៃភូមិសាស្ត្រនយោបាយ”។

ក្រុមហ៊ុន Atradius បានកត់សម្គាល់ថា “ខណៈប្រទេសចិន និងថៃត្រូវបានគេរំពឹងថា នឹងប្រកាសកំណើនពីមួយឆ្នាំទៅមួយឆ្នាំកាន់តែខ្ពស់នៅឆ្នាំ២០២៣ រីឯសេដ្ឋកិច្ចនៅក្នុងតំបន់ផ្សេងទៀតត្រូវបានគេប៉ាន់ប្រមាណថា នឹងបោះជំហានថយក្រោយ ខណៈពួកគេព្យាយាមដោះស្រាយលក្ខខណ្ឌហិរញ្ញវត្ថុដ៏តឹងតែង និងភាពខ្សោយនៃតម្រូវការខាងក្រៅ”។

លោក Bert Burger សេដ្ឋវិទូប្រចាំនៅក្រុមហ៊ុនដែលមានមូលដ្ឋាននៅទីក្រុង Amsterdam មួយនេះ បានអះអាងថា “សេដ្ឋកិច្ចអាស៊ីកំពុងស្ថិតក្នុងដំណើរឆ្ពោះទៅរកកំណើនតិចតួចនៅឆ្នាំនេះ”។

លោកបានបន្តថា “កំណើនសេដ្ឋកិច្ចនៅប្រទេសជប៉ុន និងកូរ៉េខាងត្បូងនឹងត្រូវបានបិទនៅត្រឹ០,៧% និង០,៨% រៀងៗគ្នា ខណៈអត្រាអតិផរណាដ៏ខ្ពស់អាចកាត់បន្ថយការស្ទុះងើបឡើងវិញរបស់ពួកគេ”។

ប្រទេសឥណ្ឌាត្រូវបានកំណត់ថា ជាប្រទេសដែលមានកំណើនសេដ្ឋកិច្ចលឿនបំផុតនៅតំបន់អាស៊ីក្នុងឆ្នាំនេះ និងឆ្នាំក្រោយ ក្នុងរង្វង់កំណើន៨ភាគរយ និង៦,៨ភាគរយ រៀងៗគ្នា ដោយសារសេដ្ឋកិច្ចក្នុងស្រុករុឹងមាំ និងការកែលម្អបរិយាកាសអាជីវកម្ម។

លោក Burger បានអះអាងថា “ជាមួយនឹងសេដ្ឋកិច្ច និងប្រព័ន្ធហិរញ្ញវត្ថុដ៏រុឹងមាំរបស់ពួកគេ ទីផ្សារដែលកំពុងរីកចម្រើនធំជាងគេទាំង៥នៅតំបន់អាស៊ីអាគ្នេយ៍នៅតែមានភាពធន់នឹងវិបត្តិខាងក្រៅនាពេលថ្មីៗនេះ ដែលអាចនាំឱ្យពួកគេទទួលបានអត្ថប្រយោជន៍ពីនិន្នាការធ្វើពិពិធកម្មខ្សែសង្វាក់ផ្គត់ផ្គង់ពិភពលោក”។

ប្រទេសហ្វីលីពីននឹងមានកំណើនសេដ្ឋកិច្ចលឿនបំផុតក្នុងតំបន់ក្នុងអត្រា៤,១ភាគរយ តាមពីក្រោយដោយប្រទេសថៃ និងវៀតណាមក្នុងរង្វង់៤ភាគរយ ខណៈឥណ្ឌូណេស៊ីនឹងក្លាយជាប្រទេសមានកំណើនសេដ្ឋកិច្ចយឺតយ៉ាវក្នុងអត្រា៣,៦ភាគរយនៅឆ្នាំ២០២៣នេះ។

ចំណែកនៅក្នុងប្រទេសចិន តម្រូវការនាំចេញទន់ខ្សោយពីប្រទេសអភិវឌ្ឍន៍ និងវិស័យអចលនទ្រព្យដែលកំពុងជួបការលំបាក ត្រូវបានគេរំពឹងថា នឹងកំណត់កំណើនសេដ្ឋកិច្ចចិនមិនខ្ពស់ជាង៤,៥ភាគរយនៅឆ្នាំ២០២៣នេះ ពោលគឺលើសពីអត្រាកំណើនសេដ្ឋកិច្ចត្រឹម៣ភាគរយ ដែលចិនសម្រេចបាននៅក្នុងឆ្នាំ២០២២៕

1...1,1331,1341,135...3,382 Page 1,134 of 3,382