ដោយ: លាងហួរ

ប៉េកាំង: មូលបត្របំណុលរបស់ក្រុមហ៊ុនអភិវឌ្ឍន៍អចលនទ្រព្យចិនកំពុងបង្ហាញសញ្ញាមិនច្បាស់លាស់នៃការស្ទុះងើបឡើងវិញ បន្ទាប់ពីទីក្រុងប៉េកាំងបានចាត់វិធានការគាំទ្រដល់វិស័យ ដែលមានវិបត្តិសាច់ប្រាក់។

មូលបត្របំណុលជាប្រាក់ដុល្លារ ដែលផ្តល់អត្រាការប្រាក់ខ្ពស់របស់ក្រុមហ៊ុន ដូចជា Powerlong Real Estate Holdings និង Country Garden Holdings បានកើនឡើង ចាប់តាំងពីដំណាច់ខែវិច្ឆិកា ដោយធនាគារកណ្តាលចិន និងនិយតករធនាគារ បានចេញវិធានការចំនួន១៦ជំហាន ដើម្បីគាំទ្រដល់វិស័យ ដែលជួបវិបត្តិ។

លោក Alessandro Zhu អ្នកគ្រប់គ្រងផលប័ត្រចំណូលថេរប្រចាំអាស៊ីនៅក្រុមហ៊ុន CSOP Asset Management បានមានប្រសាសន៍ថា វានៅតែមានបញ្ហាប្រឈមសម្រាប់អ្នកបោះផ្សាយមូលបត្របំណុលអចលនទ្រព្យរបស់ចិន ក្នុងការទាក់ទាញលំហូរវិនិយោគិន។

តម្លៃមូលបត្របំណុលប្រាក់ដុល្លាររបស់ក្រុមហ៊ុន Powerlong Real Estate Holdings បានកើនឡើងក្នុងប៉ុន្មានថ្ងៃ បន្ទាប់ពីវិធានការជាជំហានៗត្រូវបានប្រកាស ជាពិសេសបន្ទាប់ពីធនាគារកណ្តាលរបស់ប្រទេសចិនគ្រោងផ្តល់ប្រាក់កម្ចីក្នុងតម្លៃទាប ដល់ក្រុមហ៊ុនហិរញ្ញវត្ថុ ដើម្បីទិញមូលបត្របំណុលរបស់អ្នកអភិវឌ្ឍន៍។

ក្រុមហ៊ុន Powerlong  បានចុះហត្ថលេខាលើកិច្ចព្រមព្រៀងជាមួយធនាគារ Shanghai Rural Commercial Bank សម្រាប់ឥណទានចំនួន៥ពាន់លានយ័ន (៧១៦,៦៩លានដុល្លារអាមេរិក)៕

ដោយៈ ជេស៊ីកា

       កំពតៈ អាគារពាណិជ្ជកម្មដំបូងគេរបស់ក្រុមហ៊ុនថៃ ប៊ុនរ៉ងនៅកណ្តាលក្រុងកំពត បាននិងកំពុងពន្លឿនការសាងសង់ បន្ទាប់ពីផ្អាកមួយរយៈ ដើម្បីបញ្ចប់តាមផែនការរបស់ខ្លួន។

លោកសាស្រ្តាចារ្យទួស សាភឿនអ្នកគ្រប់គ្រងគំរោងនេះបានមានប្រសាសន៍ឲ្យដឹងកាលពីសប្តាហ៍មុនថា បន្ទាប់ពីផ្អាកមួយរយៈខ្លី យើងបាន​ចាប់ផ្តើមសាងសង់ឡើងវិញហើយ ដោយរហូតមកទល់ពេលនេះ ការសាងសង់បានសម្រេចដល់ជាន់ទី៨ហើយ។ លោកបន្តថា អ្វីដែលយឺតយ៉ាវគឺការ​សាងសង់គ្រឹះអាគារ ដែលត្រូវបានចំណាយពេលរហូតដល់១ឆ្នាំ។

លោកបន្តថា “គំរោងនេះអាចបញ្ចប់គ្រោងតួអាគារទាំងមូល នៅចុងឆ្នាំ២០២៣ និងដាក់ឲ្យដំណើរការចុងឆ្នាំ២០២៤ខាងមុខ ប្រសិនជាមិនមានការប្រែប្រួលទេនោះ”។ លោកបន្តថា “មជ្ឈមណ្ឌលពាណិជ្ជកម្មនេះ​មានសណ្ឋាគារ អាផាតម៉ិនទំនើប ភោជនីយដ្ឋាន ការិយាល័យ Sky Bar ផ្សារទំនើប ហាងស្ទីម សោណា កន្លែងហាត់ប្រាណជាដើម”។

អាគារពាណិជ្ជកម្មភ្លោះនេះ មានចំនួនពីរអាគារ ដោយអាគារទី១មានកំពស់៤៣ជាន់ និងអាគារទី២មានកំពស់រហូតដល់៤៧ជាន់។

លោកសាស្រ្តាចារ្យទួស សាភឿនបានបន្តថា អាគារពាណិជ្ជកម្មនេះ សាងសង់រួចមិនលក់បន្តនោះទេ គឺក្រុមហ៊ុនរក្សាទុកសម្រាប់ប្រើប្រាស់ជាសេវាកម្មពាណិជ្ជកម្ម សម្រាប់ខេត្តកំពតតែម្តង៕

 ដោយៈវឌ្ឍនៈ

សៀមរាបៈ នៅចុងឆ្នាំ២០២២នេះ  ស្ថានភាពអចលនទ្រព្យហាក់មានភាពប្រសើរជាងកាលពីដើមឆ្នាំ និង២ឆ្នាំមុន ក្នុងនោះដែរខេត្តសៀមរាបក៏ត្រូវបានមើលឃើញថា មានភាពប្រសើរជាងកាលពីដើមឆ្នាំ និង២ឆ្នាំមុនដូចគ្នា។

ប៉ុន្តែយ៉ាងណាក្ដី អ្នកជំនាញអចលនទ្រព្យប្រចាំខេត្តមួយនេះបានអះអាងថា ដើម្បីស្ដារស្ថានភាពឱ្យបានដូចមុនកូវីដ១៩ គឺត្រូវការពេលវេលាប្រមាណពី២ទៅ៣ឆ្នាំទៀត។

លោក សំ សីហា ប្រធានសាខានៃក្រុមហ៊ុនអចលនទ្រព្យ Century 21 Zillion Holding ប្រចាំខេត្តសៀមរាបបានមានប្រសាសន៍ឱ្យដឹងនាព្រឹក ថ្ងៃទី៧ ​ធ្នូនេះថា នៅចុងឆ្នាំ២០២២នេះ ស្ថានភាពអចលនទ្រព្យនៅក្នុងខេត្តសៀមរាប ត្រូវបានមើលឃើញថា ហាក់មានភាពប្រសើរជាងកាលពីដើមឆ្នាំនិងរយៈពេល២ឆ្នាំមុនពោលគឺ នៅក្នុងវិបត្តិកូវីដ១៩ ។

លោកបន្តថា “កត្តាដែលជំរុញឱ្យសកម្មភាព នៃអចលនទ្រព្យក្នុងខេត្តនេះមានភាពប្រសើរឡើងនោះ ដោយសារកំណើនភ្ញៀវទេសចរក្នុងស្រុកមកកាន់ខេត្តសៀមរាប មានកំណើនឡើងជាងរយៈពេលជិត៣ឆ្នាំកន្លង ដែលធ្វើឱ្យតម្រូវការអចលនទ្រព្យនៅក្នុងខេត្តនេះ ក៏មានកំណើនជាងមុនបន្តិចដែរ និងជាសញ្ញាណល្អសម្រាប់ឆ្នាំក្រោយ”។

លោកបន្ថែមថា ម្យ៉ាងទៀតនៅក្នុងខេត្តសៀមរាប ក៏មាននូវហេដ្ឋារចនាសម្ព័ន្ធផ្លូវថ្មីៗជាច្រើនខ្សែ ស្រួលក្នុងការធ្វើដំណើររបស់ទេសចរជាតិនិងអន្តរជាតិ និងមានព្រលានយន្តហោះអន្តរជាតិថ្មីមួយ កំពុងដំណើរការសាងសង់ផងដែរ ។

លោកបន្ថែមថា កត្តាទាំងនេះគឺជាសក្ដានុពល ក្នុងការជំរុញឱ្យស្ថានភាពអចលនទ្រព្យ នៅក្នុងខេត្តនៃតំបន់វប្បធម៌ បានប្រសើរបន្តិចវិញនៅចុងឆ្នាំ២០២២នេះ និងអាចល្អប្រសើរនៅចុងឆ្នាំ ២០២៣ខាងមុខនេះ។

លោកសំ សីហាបានបន្ថែមទៀតថា ដើម្បីឱ្យស្ថានភាពអចលនទ្រព្យនៅក្នុងខេត្តសៀមរាបល្អដូចមុនកូវីដ១៩ ពោលគឺនៅក្នុងអំឡុងឆ្នាំ២០១៨ ឬ២០១៩ យើងត្រូវការប្រើពេលវេលាចន្លោះពី២ ទៅ៣ឆ្នាំទៀត ព្រោះក្នុង   រយៈពេលជិត៣ឆ្នាំមកនេះ វិស័យនេះបានរងផលប៉ះពាល់ច្រើន។

ជាមួយគ្នានេះ អ្នកនាងគឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុនCBRE Cambodia បានលើកឡើង វិស័យអចលនទ្រព្យនៅក្នុងប្រទេសកម្ពុជា គឺពឹងទៅលើការវិនិយោគពីវិនិយោគិនបរទេស ច្រើនជាងអ្នកវិនិយោគក្នុងស្រុក។ ដូច្នេះនៅពេលអវត្តមានជនបរទេស ឬមិនមានការវិនិ​យោគពីវិនិយោគិនបរទេសនោះ នឹងធ្វើឱ្យស្ថានភាពមិនទាន់វិលត្រលប់ទៅដូចនឹងមុនកូវីដ១៩បានទេ បើទោះបីជាមានការវិនិយោគពីអ្នកក្នុងស្រុក ។

អ្នកនាងបន្តថា យ៉ាងណាក្ដីក្នុងអំឡុងពេលពីរ បីឆ្នាំមកនេះយើងសង្កេតឃើញថា អចលនទ្រព្យកម្ពុជាមានការវិនិយោគ ពីវិនិយោគិនក្នុងស្រុកច្រើនជាងមុន ដែលការវិនិយោគរបស់វិនិយោគិន ក្នុងស្រុកនេះដែរបានជួយឱ្យសកម្មភាពក្នុងវិស័យនេះនៅតែបន្ត”៕

ដោយៈ សុផារី

កំពតៈ ទោះមានក្តីរំពឹងលើការងើបឡើងវិញ នៃស្ថានភាពអចលនទ្រព្យនៅក្នុងខេត្តកំពត នៅចុងឆ្នាំ២០២២នេះក្តី ប៉ុន្តែរហូតមកដល់ចុងត្រីមាសទី៤នេះ អ្នកជំនាញមូលដ្ឋានលើកឡើងថា ទីផ្សារអចលនទ្រព្យនៅក្នុងខេត្តកំពត នៅបន្តទាមទារពេលវេលាមួយរយៈទៀត ដើម្បីងើបឡើងវិញ ទាំងការលក់ដូរនិងការអភិវឌ្ឍ។

ប្រធានក្រុមហ៊ុន KW ប្រចាំខេត្តកំពត លោក កែវ សុជាតិបានមានប្រសាសន៍ប្រាប់ Property Area Asia នៅថ្ងៃទី០៧ ខែធ្នូ ឆ្នាំ២០២២នេះថា ដោយសារផលប៉ះពាល់ពីវិបត្តិសង្រ្គាម និងការរៀបចំឡើងវិញនូវរចនាសម្ព័ន្ធការគ្រប់គ្រងនៅក្នុងខេត្តកំពត បានធ្វើឱ្យមួយរយៈនេះ ចរន្តទិញលក់អចលនទ្រព្យមានការធា្លក់ចុះបន្តិច។

លោកមានប្រសាសន៍ថា “ខេត្តកំពតត្រូវការពេលវេលាបន្តិចទៀត ក្នុងការរៀបចំឡើងវិញ។ នៅពេលសង្គ្រាមរុស្សី អ៊ុនគ្រែនបានស្ងប់ស្ងាត់ ហើយនៅពេលថ្នាក់ដឹកនាំខេត្ត រៀបចំបានល្អប្រសើរហើយ អចលនទ្រព្យនឹងល្អប្រសើរឡើងវិញ”។

អ្នកជំនាញរូបនេះលើកឡើងថា មួយរយៈចុងក្រោយនេះ តំបន់មួយចំនួនមានការធ្លាក់តម្លៃ ដោយសារមិនសូវជាមានតម្រូវការច្រើនដូចមុន។ ការធ្លាក់តម្លៃចន្លោះ១០ ទៅ១៥ភាគរយ ក្នុងតំបន់ដីធ្លីកសិកម្ម និងទីតាំងឆ្ងាយៗ។ ចំណែកដីធ្លីនៅក្នុងខេត្តហាក់នៅទ្រឹង ហើយនៅមានសកម្មភាពទិញលក់ជាហូរហែ គ្រាន់តែមិនសូវមានចំនួនច្រើនដូចមុន។

យ៉ាងណាក្តី លោកសុជាតិបានលើកឡើងថា ទីផ្សារទេសចរណ៍នៅក្នុងខេត្តនៅមានសកម្មភាពល្អប្រសើរជាធម្មតា។ ក្នុងមួយរយៈនេះ គម្រោងឆ្នេរ ប្រវែងជាង២គីឡូម៉ែត្រ ដែលត្រូវបានរៀបចំឡើងដោយរដ្ឋបាលខេត្ត និងគម្រោងទេសចរណ៍ជាច្រើនកន្លែង បាននាំមកនូវអ្នកចំណូលថ្មីជាច្រើន ដែលបានបង្ហាញចំណាប់អារម្មណ៍ វិនិយោគលើដីធ្លី និងការអភិវឌ្ឍ ហើយនេះជាក្តីសង្ឃឹមមួយដែរសម្រាប់អចលនទ្រព្យក្នុងខេត្តកំពត។

លោកបានបន្តថា តម្រូវការនៃដីធ្លីទេសចរណ៍មានភាពល្អប្រសើរជាងទីផ្សារពាណិជ្ជកម្មផ្សេងៗ ដោយសារកំពតជាខេត្ត ដែលមានសក្តានុពលស្រាប់លើផ្នែកនេះ ហើយមានតម្រូវការជាបន្តបន្ទាប់ លើតំបន់ដែលមានទីតាំងនៅជាប់មាត់សមុទ្រ ជាប់ឆ្នេរ ឬនៅជាប់នឹងជើងភ្នំ។

លោកបន្តថា “មួយរយៈចុងក្រោយនេះ ឃើញមានអ្នកវិនិយោគជាច្រើន បានមកអភិវឌ្ឍន៍ជាតំបន់ទេសចរណ៍អេកូទេសចរណ៍ ជាច្រើន ដូចជា រីសត បឹងកាឡូ ។ល។”។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក​ សុខនីមបានមានប្រសាសន៍ថា កំពតមានសក្តានុពលសម្រាប់ការរីកចម្រើនក្នុងវិស័យនេះ ដោយសារសក្តានុពលហេដ្ឋារចនាសម្ព័ន្ឋ ទីតាំងមាន​ចម្ងាយមិនឆ្ងាយពីរាជធានីភ្នំពេញ កំណើនភ្ញៀវទេសចរណ៍ និងវិស័យកសិកម្មមានភាពល្បីល្បាញ ដែលទាក់ទាញភ្ញៀវទេសចរណ៍ជាតិ អន្តរជាតិទៅទស្សនាច្រើន។

លោកបន្តថា “ខេត្តកំពតមានការរីកចម្រើនលឿននាពេលអនាគត ខណៈខេត្តនេះបានក្លាយជាប៉ូលមួយ ក្នុងចំណោមប៉ូលសេដ្ឋកិច្ច និងទេសចរ​ណ៍សម្រាប់តំបន់ឆ្នេរកម្ពុជា”៕

ដោយ: លាងហួរ

បាងកក: ក្រុមហ៊ុនផលិតថាមពលកកើតឡើងវិញ BCPG Plc  ដែលជាបុត្រសម្ព័ន្ធរបស់ Bangchak Corporation Plc សហការជាមួយក្រុមហ៊ុន Power China International Group គ្រោងសាងសង់រោងចក្រថាមពលខ្យល់ដ៏ធំបំផុតរបស់អាស៊ី នៅក្នុងប្រទេសឡាវ។

លោក Niwat Adirek ប្រធានក្រុមហ៊ុន BCPG និងជាសមាជិកគណៈកម្មាធិការប្រតិបត្តិនៃក្រុមហ៊ុន Impact Energy Asia Development (IEAD) បានចុះហត្ថលេខាលើកិច្ចព្រមព្រៀងវិស្វកម្មលទ្ធកម្ម និងសំណង់ជាមួយនាយកប្រតិបត្តិនៃក្រុមហ៊ុន PowerChina International ដើម្បីសាងសង់រោងចក្រថាមពលដើរដោយខ្យល់ថ្មីមួយ ដែលមានឈ្មោះថា “Monsoon” និងមានសមត្ថភាពផលិតអគ្គិសនី៦០០មេហ្គាវ៉ាត់។

ពិធីចុះហត្ថលេខានេះបានរៀបចំធ្វើឡើង នៅទីស្នាក់ការកណ្តាលរបស់ក្រុមហ៊ុន BCPG ក្នុងទីក្រុងបាងកក កាលពីថ្ងៃអង្គារទី០៦ ខែធ្នូ ឆ្នាំ២០២២។

ក្រោមកិច្ចព្រមព្រៀងរវាងក្រុមហ៊ុន BCPG និងរដ្ឋាភិបាលឡាវដែលបានចុះហត្ថលេខាកាលពីឆ្នាំមុន រោងចក្រដើរដោយខ្យល់នេះគ្រោងសាងសង់លើផ្ទៃដីទំហំ៦៤.០០០ហិកតា នៅភាគខាងត្បូងប្រទេសឡាវ។

រោងចក្រនេះមានទីតាំងនៅជិតទន្លេមេគង្គកាត់ពីខេត្ត Ubon Ratchathani ភាគឦសានរបស់ប្រទេសថៃ និងស្ថិតនៅភាគខាងជើងនៃខេត្តព្រះវិហារ ប្រទេសកម្ពុជា ហើយគម្រោងនេះនឹងត្រូវចំណាយថវិកាសរុបប្រមាណ១,៥ពាន់លានដុល្លារអាមេរិក។

យោងតាមគេហទំព័ររបស់សមាគមថាមពលខ្យល់អាស៊ី បានឱ្យដឹងថា រដ្ឋាភិបាលឡាវបានផ្តល់សម្បទានដីរយៈពេល២៥ឆ្នាំ ដល់រោងចក្រថាមពល ដែលលាតសន្ធឹងលើស្រុកចំនួន២គឺស្រុក Dak Cheung ក្នុងខេត្ត Sekong និង ស្រុក Sanxay ក្នុងខេត្ត Attapeu៕

ដោយ៖ សុផារី

ភ្នំពេញ៖ ​​នៅក្នុង​របាយការណ៍​បច្ចុប្បន្នភាពសេដ្ឋកិច្ច​កម្ពុជាសម្រាប់ខែធ្នូ ឆ្នាំ​២០២២ ធនាគារពិភពលោក​ព្យាករថា កម្ពុជា​មាន​កំណើនសេដ្ឋកិច្ច៤,៨ភាគរយនៅក្នុង​ឆ្នាំ២០២២ ក្នុងនោះ​ការងើបឡើងវិញនៃសេដ្ឋកិច្ចក្រោយសម័យមានជំងឺរាតត្បាតមាន​សន្ទុះ​កើនឡើង មួយផ្នែកដោយសារការស្ទុះងើបឡើងវិញនៃវិស័យទេសចរណ៍។

ធនាគារពិភពលោក (World Bank) បានព្យាករកំណើនសេដ្ឋកិច្ចកម្ពុជា ក្នុងឆ្នាំ២០២២នេះ ក្នុងរង្វង់ ៤,៨ភាគរយ ដោយគាំទ្រដោយកំណើននៃការនាំចេញ ​ផលិតផលកាត់ដេរ ស្បែកជើង ផលិតផលធ្វើដំណើរ និងកង់ជាពិសេសកំណើនចំនួនទេសចរអន្តរជាតិចូលទស្សនានៅកម្ពុជា។

ក្នុងរបាយការណ៍បច្ចុប្បន្នភាពសេដ្ឋកិច្ចកម្ពុជា ​ក្រោមចំណងជើងថា Navigating Global Economic Headwinds ​ចេញផ្សាយនៅថ្ងៃទី៧ ​ខែធ្នូនេះ ​ធនាគារពិភពលោកបានលើកឡើងថា ការព្យាករ​កំណើន GDP ពិតប្រាកដរបស់កម្ពុជា ក្នុងរង្វង់៤,៨​ភាគរយក្នុងឆ្នាំ២០២២ ដោយផ្អែកលើការ​ងើប​ឡើងវិញនៃសេដ្ឋកិច្ចដែលមានលក្ខណៈទូលំទូលាយជាងមុន។

ធនាគារពិភពលោក ​បន្តលើកឡើងថា ​ការកើនឡើងនៃការនាំចេញ ជាពិសេសសម្លៀកបំពាក់ ស្បែក​ជើងទំនិញធ្វើដំណើរ ​និងការផលិតកង់ ​ការងើបឡើងវិញនៃឧស្សាហកម្មទេសចរណ៍ និង​ការវិលត្រលប់មកវិញនៃលំហូរ ​វិនិយោគដោយផ្ទាល់បរទេស បានជួយទ្រទ្រង់ការងើបឡើងវិញ​នៃ​សេដ្ឋកិច្ចនៅឆ្នាំនេះ។

ទោះបីជាសេដ្ឋកិច្ចត្រូវបានគេរំពឹងថា នឹងពង្រីកបន្ថែមទៀតនៅឆ្នាំក្រោយ ដែលត្រូវបានគាំទ្រ​ដោយ​ការ​ស្ទុះងើបឡើងវិញនៃការប្រើប្រាស់ក្នុងស្រុក ​ខណៈដែលអត្រាការងារមានភាពប្រសើរឡើង និង​អតិផរណាធ្លាក់ចុះ​ រួមជាមួយនឹងការចំណាយរប​ស់រាជរដ្ឋាភិបាល​ក្នុងអំឡុងពេលបោះឆ្នោត ការ​ព្យាករ​កំណើនពិតប្រាកដសម្រាប់ឆ្នាំ២០២៣​ ត្រូវបានបន្ទាបមកត្រឹម​៥,២​ភាគរយដោយសារតែ ទស្សនវិស័យ​សកល​មិនសូវអំណោយផល។

របាយការណ៍ដដែល​លើកឡើងថា អតិផរណាត្រូវបានគេរំពឹងថា នឹងធ្លាក់ចុះដល់៤,២ភាគរយ និង៣​,៨ ភាគរយនៅឆ្នាំ២០២៣ ​និ២០២៤រៀងគ្នា ​ខណៈភាពក្រីក្រត្រូវបានគេរំពឹងថានឹងធ្លាក់​ចុះដោយសារតែការស្តារសេដ្ឋកិច្ចដែលបាន​ព្យាករ​ និង​អតិផរណាកម្រិតមធ្យម៕

HANOI: South Korean electronics giants Samsung and LG plan to pour billions of United States dollars of additional investment into Vietnam, state media reports and the Vietnamese government said on Tuesday.

The announcement comes after Samsung cut smartphone production in Vietnam twice this year in response to weaker global demand.

Samsung Electronics, the largest single foreign investor in Vietnam, will invest $2 billion more in the Southeast Asian country, raising its total to US$20 billion, Vietnamese state media said.

Samsung has for years produced about half of its smartphones in Vietnam and accounts for nearly a fifth of the country’s overall exports.The additional investment will further firm up Vietnam as Samsung’s key production site, reported Vietnam News Agency, following a meeting on Tuesday in Seoul between Vietnamese President Nguyen Xuan Phuc and the company’s chief executive Han Jong-hee.

Samsung did not immediately respond to a request for comment.Separately, the Vietnamese government said in a statement that LG would also invest $4 billion more in the country to make it a smartphone camera production hub.

The state media report and the government statement did not provide further details on the investment by the two companies.

LG, which has so far invested $5.3 billion in Vietnam to make such products as electronics home appliances, cameras and car parts, did not immediately respond to a request for comment.

The announcements came as Vietnam and South Korea said on Tuesday they upgraded their relations to “comprehensive strategic partnership”, which Vietnam has so far established only with China, Russia and India.

The two countries aim to raise bilateral trade to $100 billion next year, and to $150 billion a year by 2030, up from $78 billion last year.

Vietnam has over the last decade emerged as one of the most attractive production hubs for electronics companies, but weakening global demand has prompted production cuts this year.

Source: Reuters

ដោយ៖ វឌ្ឍនៈ

ភ្នំពេញ៖ ប្រធានក្រុមប្រឹក្សាគណៈវិស្វករកម្ពុជាក្រៅពីលើកទឹកចិត្តទៅដល់ប្រទេសជាសមាជិកអាស៊ានជួយជំរុញលើការរៀបចំកម្មវិធីសិក្សាវិស្វកម្ម និងការទទួលស្គាល់គុណភាពអប់រំវិស្វកម្ម ឱ្យមានស្តង់ដារប្រហាក់ប្រហែលគ្នាមួយ និងមានការទទួលស្គាល់គ្នាទៅវិញទៅមក។

ទាំងនេះ គឺដើម្បីពន្លឿនការផ្តាស់ប្តូរអាស៊ានទៅកាន់ឧស្សាហកម្ម ៤.០  ដោយផ្តោតជាពិសេសលើការចាប់ផ្តើមអាជីវកម្មសហគ្រាសធុនតូច និងមធ្យម (SMEs) ទីក្រុងឆ្លាតវៃ និងការអប់រំវិជ្ជាជីវៈ ហើយអាស៊ានត្រូវធ្វើកិច្ចការសំខាន់ចំនួន៥។

ថ្លែងក្នុងពិធីបើកសន្និសីទនៃអង្គការសហព័ន្ធវិស្វកម្មអាស៊ានលើកទី៤០ កាលថ្ងៃទី៦ ខែធ្នូ ឆ្នំា២០២២នេះ លោកបណ្ឌិត អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាគណៈវិស្វករកម្ពុជាលើកឡើងថា វិស្វករជាស្ពានតភ្ជាប់រវាងបច្ចេកវិទ្យា វិទ្យាសាស្ត្រ នវានុវត្តន៍ ជាមួយការអភិវឌ្ឍជីវភាពសង្គម និងតម្លៃវប្បធម៌។ ធនធានបញ្ញវន្តក្នុងវិស័យវិស្វកម្មពិតជាមានសារៈសំខាន់មិនអាចខ្វះបាន នៅពេលដែលសន្ទុះនៃការអភិវឌ្ឍកាន់តែខ្លាំង ធ្វើឱ្យសេវាវិស្វកម្មគ្រប់មុខជំនាញ ក៏កាន់តែមានតម្រូវការខ្ពស់។

ក្នុងន័យនេះបណ្តាប្រទេសជាសមាជិកអាស៊ានទាំងអស់ ជួយជំរុញលើការរៀបចំកម្មវិធីសិក្សាវិស្វកម្ម និងការទទួលស្គាល់គុណភាពអប់រំវិស្វកម្ម ឱ្យមានស្តង់ដារប្រហាក់ប្រហែលគ្នាមួយ ដើម្បីឱ្យវិស្វករដែលបញ្ចប់ការសិក្សាពីមហាវិទ្យាល័យ នៃប្រទេសក្នុងតំបន់ មានការទទួលស្គាល់គ្នាទៅវិញទៅមក ស្របទៅនឹងកិច្ចព្រមព្រៀងទទួលស្គាល់គ្នាទៅវិញទៅមកលើសេវាកម្មវិស្វកម្មអាស៊ាន ដែលបានចុះហត្ថលេខាជាមួយគ្នាកាលពីថ្ងៃទី៩ ខែធ្នូ ឆ្នាំ២០០៥ នៅទីក្រុងកូឡាឡាំពួរ ប្រទេសម៉ាឡេស៊ី។

លោកមានប្រសាសន៍ថា ដើម្បីពន្លឿនការផ្លាស់ប្តូរអាស៊ានទៅកាន់ឧស្សាហកម្ម ៤.០ ដោយផ្តោតពិសេសលើការចាប់ផ្តើមអាជីវកម្មសហគ្រាសធុនតូច និងមធ្យម ទីក្រុងឆ្លាតវៃ និងការអប់រំវិជ្ជាជីវៈ៕