ដោយៈ សុផារី

ភ្នំពេញៈ ខណៈទីផ្សារអចលនទ្រព្យកម្ពុជា កំពុងតែវិលត្រលប់មកភាពល្អប្រសើរបណ្តើរៗហើយ អ្នកជំនាញលើកឡើងថា វិស័យមួយនេះពឹងផ្អែកលើកត្តាសំខាន់ៗចំនួនពីរ ដើម្បីស្តារឡើងវិញឱ្យដូចស្ថានភាពមុនវិបត្តិ។

លោក ឌិត ចណ្ណា អគ្គនាយកក្រុមហ៊ុនអចលនទ្រព្យ Lucky Realty បានមានប្រសាសន៍ប្រាប់កាលពីពេលថ្មីៗនេះថា កត្តាសំខាន់ៗ ដែលជំរុញឱ្យទីផ្សារអចលនទ្រព្យ វិលត្រលប់ទៅស្ថានភាពមុនវិបត្តិកូវីដ១៩វិញ មានកត្តាផ្ទៃក្នុង និងកត្តាក្រៅ។

កត្តាខាងក្នុង អ្នកជំនាញរូបនេះលើកឡើងថា ដើម្បីទាក់ទាញវិនិយោគិនបរទេសមកកាន់ប្រទេសកម្ពុជា យើងត្រូវពិនិត្យមើលលើខ្លួនឯង រួមមាន ដំណើរការនៃក្រុមហ៊ុនផ្តល់សេវាកម្មអចលនទ្រព្យ និងដើមទុននៃការដំណើរការអាជីវកម្ម។ បន្ថែមលើសនេះ ការសហការរវាងក្រុមហ៊ុននានា លើការធ្វើការរួមគ្នាជាសមាគម និងសហគមន៍ ដើម្បីទទួលបានប្រយោជន៍រួមគ្នា ក្នុងរយៈពេលវែង។

លោកបន្តថា “ម្យ៉ាងទៀត សមាគមអចលនទ្រព្យ គួរតែសហការស្នើដល់រដ្ឋាភិបាល ក្នុងការលើកទឹកចិត្តនិងជួយសម្របស្រួល ក្នុងការទាក់ទាញអ្នកវិនិយោគបន្ថែមមកកាន់ប្រទេសកម្ពុជា តាមរយៈការលើកទឹកចិត្ត និងអនុគ្រោះលើលក្ខខណ្ឌពិសេសណាមួយ”។

ឧទាហរណ៍ ការយកតំបន់ណាមួយសាកល្បង ផ្តល់ការលើកទឹកចិត្តពិសេសដល់ជនជាតិបរទេស លើការអនុញ្ញាតិឱ្យមានសិទ្ធិពិសេស សាកល្បងណាមួយ។

លោកឌិត ចណ្ណាបានបញ្ជាក់ថា ក្រុមហ៊ុនត្រូវមើលលើការរៀបចំក្រុមហ៊ុនរបស់យើង លើលទ្ធភាព សមត្ថភាព ការបណ្តុះបណ្តាល ការរៀបចំរចនាសម្ព័ន្ធ និងដំណើរការនៃការធ្វើការក្នុងក្រុមហ៊ុន តើឆ្លើយតបនឹងទីផ្សារដែរឬទេ? យើងក៏ត្រូវមើលលើដើមទុនផងដែរ ក្នុងការពង្រីកខ្លួន និងការដំណើរការ ព្រោះទុនជាកត្តាកំណត់ចម្បងមួយ ក្នុងអាជីវកម្ម។

កត្តាខាងក្រៅ អ្នកជំនាញរូបនេះលើកឡើងថា សេដ្ឋកិច្ចជាសកលមានឥទ្ធិពលខ្លាំងណាស់ ដល់សេដ្ឋកិច្ចផ្ទៃក្នុងរបស់ប្រទេស ជាពិសេសកម្ពុជា មានភាពប្រទាក់ក្រឡាជាមួយវិនិយោគិនចិន សហរដ្ឋអាមេរិក ជប៉ុន ជាដើម។ យ៉ាងណាក្តី រហូតមកទល់ពេលនេះ ប្រទេសចិននៅមិនទាន់បន្ធូរបន្ថយស្ថានភាព នៅក្នុងប្រទេសរបស់ខ្លួននៅឡើយ ដែលជាហេតុធ្វើឱ្យមិនទាន់មានចរន្តលំហូរទុនវិនិយោគបរទេស មកកាន់ប្រទេសកម្ពុជាច្រើនដូចមុននៅឡើយទេ។

លោកឌិត ចណ្ណាបញ្ជាក់ប្រាប់ថា “ទីផ្សារសំខាន់ជាងគេរបស់យើងគឺចិន។ អចលនទ្រព្យរបស់យើង ស្ទុះដោយសារវិនិយោគិនចិន តែយើងក៏ត្រូវមើលទីផ្សាររបស់គេផងដែរ”។ លោកបន្តថា “ជារួមរហូតមកដល់ពេលឥលូវ ចិននៅតែប្រកាន់គោលការណ៍សូន្យកូវីដ និងនៅមិនទាន់បើកចំហរនៅឡើយ”។

យ៉ាងណាក្តី កម្ពុជាត្រូវត្រៀមខ្លួនឱ្យបានរួចរាល់ មុនពេលចរន្តវិនិយោ​គិនត្រលប់មកវិញ នាពេលខាងមុខ។

ជាមួយគ្នានេះ លោក Lawrence Lennon អគ្គនាយកក្រុមហ៊ុន CBRE Cambodia បានមានប្រសាសន៍ថា ចំពោះកត្តាក្រៅ ក្នុងកំឡុងពេលដែលវិនិយោគិនចិន មិនអាចចូលមកកាន់ទីផ្សារអចលនទ្រព្យកម្ពុជា ទូលំទូលាយដូចមុនបាន ប្រទេសកម្ពុជាក៏បានធ្វើពិពិធកម្ម ដោយបង្វែរគោលដៅមួយផ្នែកទៅទាក់ទាញវិនិយោគិនអាស៊ានវិញ ជាអាទិ៍ វិនិយោគិនពីប្រទេសសិង្ហបុរី ថៃ ម៉ាឡេស៊ី ជាដើម៕

  ដោយៈ សុផារី

       ភ្នំពេញៈ ក្នុងរយៈពេលប៉ុន្មានឆ្នាំកន្លងមកនេះ ចាប់តាំងពីជំងឺកូវីត១៩បានយាយី មិនទាន់ចប់សព្វគ្រប់ផង សង្រ្គាមរវាងរុស្ស៊ី និងអ៊ុយក្រែនបានចូលមកដល់ ធ្វើឱ្យសេដ្ឋកិច្ចពិភពលោកនាការធ្លាក់ចុះ បូករួមទាំងសេដ្ឋកិច្ចនៅក្នុងស្រុកខ្មែរផងដែរ មានអាជីវកម្មខ្លះក៏ទប់ទល់បាន អាជីវកម្មខ្លះទៀតក៏ធ្លាក់ដល់ចំណុចសូន្យ។

អ្នកជំនាញផ្នែកអាជីវកម្មបានលើកទឹកចិត្តថា “យើងមិនត្រូវអស់សង្ឃឹ​មទេ តស៊ូឡើង។ ឯបញ្ហាជំពាក់ឆ្វាក់ឆ្វិន អ្នកណាក៏មាន យើងក៏ជំពាក់គេក៏ជំពាក់ លំបាកដូចតែគ្នាហ្នឹង តែយើងត្រូវតែអត់ធ្មត់ តស៊ូឡើង គង់តែរួចផុត ពីការលំបាកនោះទេ”។ អ្នកជំនាញដដែលបានបន្តថា “មុខរបរចាស់ធ្វើទៅមិនរួច ត្រូវតែប្តូរចេញ  រករបរថ្មីមកជំនួសទើបបាន។ មិនប្រាកដថាមុខរបរសព្វថ្ងៃសុទ្ធតែ អវិជ្ជមានទាំងអស់នោះទេ”។

បើរបរណាធ្វើទៅហើយ ឧទាហរណ៍ មានទីផ្សារ ឬទីផ្សារមិនពិតប្រាកដងាយនឹងជួបហានិភ័យណាស់។ បើរបរណាយូរអង្វែង មិនងាយនឹងសាប ចាំបងប្អូនធ្វើ។

លោកចែស សាក់អ្នកឯកទេសសាងសង់ផ្ទះត្រចៀកកាំ បានមានប្រ​សា​សន៍ឲ្យដឹងកាលពីព្រឹកថ្ងៃទី២៣ វិច្ឆិកានេះថា លោកមើលឃើញមុខរបរមួយ មិនទាន់ចង្អៀតទេបងប្អូន គឺការចិញ្ចឹមស​​​ត្វត្រចៀកកាំ ពីព្រោះសំបុកសត្វត្រចៀកកាំ មានតម្លៃថ្លៃណាស់ ដោយ១គីឡូក្រាម សំបុកស្អាត ថ្លៃរហូតដល់ទៅ២០០០ដុល្លារ។ រីឯសំបុកមិនស្អាត ហៅថាសំបុកអួ ក៏ថ្លៃ៧៥០ដុល្លារក្នុងមួយគីឡូក្រាមផងដែរ”។

លោកបន្តថា អ្នកមានអាជីពចិញ្ចឹមសត្វត្រចៀកកាំ ទំហំផ្ទះ១០០០ម៉ែត្រការ៉េ គឺស្មើ១០ម៉ែត្រ គុណនឹង២០ម៉ែត្រ កំពស់៥ជាន់ រយៈពេលគាត់ទទួលផលបាន៥០ ទៅ៦០គីឡូក្រាម ក្នុងមួយខែជាមធ្យម”។ លោកបន្តថា “ចំនួននេះគឺច្រើនសម្បើមណាស់ បើប្រៀបធៀបទៅនឹងរបរសព្វថ្ងៃនេះ គឺគ្មានមុខរបរណាប្រៀបធៀបបានទេ”។

រីឯការចំណាយដើមទុននោះក៏មិនតិចដែរ ដោយទំហំផ្ទះ១០០០ ម៉ែត្រការ៉េ ចំណាយដើមទុនរហូតដល់២២ម៉ឺនដុល្លារ។

នៅពេលសួរថា ហេតុអ្វីសំណង់អាគារផ្ទះត្រចៀកកាំ ត្រូវចំណាយច្រើនម្ល៉េះ? លោកចែស សាក់បានពន្យល់ថា ដោយសារតែអាគារនេះសាងសង់ពីបេតុងមានលក្ខណៈរឹងមាំ ដូចសណ្ឋាគារអញ្ចឹង ឯចំពោះអាយុកាល គឺរាប់រយឆ្នាំឯណោះ។

សត្វត្រចៀកកាំគឺជាបក្សីម្យ៉ាង ដែលធននឹងជំងឺ មិនងាយនឹងឆ្លងនឹងជំងឺទេ  ពីព្រោះសត្វនេះចេញពីសំបុកទៅរកស៊ី មិនចេះទំនេររយៈពេល១២ម៉ោង។ លុះត្រាចូលដេក ទើបវាទុំ។ ដូច្នេះហើយបានជាអ្នកចិញ្ចឹមសត្វត្រចៀកកាំ មិនដែលមានហានិភ័យអ្វីទៅលើសត្វមានជំងឺ ឬមួយក៏សត្វស្លាប់ដែរ។

នៅលើពិភពលោកនេះ ប្រភេទសត្វត្រចៀកកាំយកទឹកមាត់ មានតែនៅតំបន់អាស៊ីអាគ្នេយ៍ប៉ុន្មានប្រទេសប៉ុណ្ណោះ គឺប្រទេសឥណ្ឌូនេស៊ី ម៉ាឡេស៊ី ថៃ វៀតណាម និងប្រទេសកម្ពុជាមានតិចតួច។ ឯប្រទេសចិនវិញមានតែតិចតួចប៉ុណ្ណោះ។

ប្រសិនបើប្រទេសចិនចិញ្ចឹមបាននោះ ប្រទេសកម្ពុជាយើងគ្មានឱកាសនោះទេ។ ចំនួនផ្ទះសត្វនៅប្រទេសម៉ាឡេស៊ី មាន៣០ម៉ឺនផ្ទះ គឺចង្អៀតហើយ។ ឯនៅប្រទេសថៃមានចំនួន២៦ម៉ឺន។ វៀតណាមក៏២៦ម៉ឺនដែរ ចំណែកនៅខ្មែរយើងទើបតែបាន៣ពាន់ផ្ទះទេ គឺមានតិចណាស់ ទើបតែ១% បើធៀបទៅនឹងជិតខាងយើង។

អ្នកជំនាញសាងសង់ផ្ទះត្រចៀកកាំគឺមានច្រើន ហើយលោកក៏បានសា​កសួរព័ត៌មានច្រើនហើយដែរ។

អ្នកមានបំណងចង់សាងសង់ផ្ទះត្រចៀកកាំ អាចទាក់ទងលោកចែស សាក់ ដែលហ្វេសប៊ុកគាត់មានឈ្មោះ CHES SAK BIRD NEST HOUSE លេខគាត់ 077 27 27 27, 068 809 999, 095 488 885៕

ដោយ: លាងហួរ

តូក្យូ: ក្រុមហ៊ុនអភិវឌ្ឍន៍ Mitsubishi Estate Co. បានប្រកាសថា ខ្សែសង្វាក់សណ្ឋាគារដ៏ប្រណិតធំបំផុតរបស់ប្រទេសអង់គ្លេស Dorchester Collection គ្រោងនឹងបើកក្នុងពេលឆាប់ៗនេះ នៅក្នុងប្រទេសជប៉ុន។

សណ្ឋាគារនេះនឹងក្លាយជាអគារខ្ពស់បំផុតនៅក្នុងប្រទេសជប៉ុន ដោយបច្ចុប្បន្នកំពុងសាងសង់ដោយក្រុមហ៊ុននៅទីក្រុងតូក្យូ ហើយគម្រោងសម្ពោធដាក់ឱ្យដំណើរការជាលើកដំបូងក្នុងទ្វីបអាស៊ី នៅក្នុងឆ្នាំ២០២៨ខាងមុខនេះ។

យោងតាមផែនការនាពេលបច្ចុប្បន្ន សណ្ឋាគារ Dorchester នឹងកាន់កាប់ជាន់ទី៥៣ ដល់ជាន់ទី៥៨ នៃអគារខ្ពស់បំផុតមួយនេហ ហើយត្រូវបានរំពឹងថានឹងមានបន្ទប់ភ្ញៀវចំនួន១១០ ក៏ដូចជាភោជនីយដ្ឋាន និងអាងហែលទឹក។ នេះបើយោងតាមសេចក្តីប្រកាសព័ត៌មានរួមគ្នាដោយក្រុមហ៊ុន Mitsubishi ក្រុមហ៊ុន Tokyo Century Corp. និង Dorchester Collection ។

ផ្ទៃក្រឡាខាងក្នុងរបស់សណ្ឋាគារមានទំហំសរុបប្រហែល២១.៤០០ម៉ែត្រការ៉េ ហើយអាចទទួលយកភ្ញៀវទៅទស្សនាទេសភាពបែប Panoramic នៃឆ្នេរសមុទ្រតូក្យូ និងភ្នំហ្វូជីផងដែរ។

លោក Junichi Yoshida ប្រធានក្រុមហ៊ុន Mitsubishi Estate បានមានប្រសាសន៍ឱ្យដឹងក្នុងសន្និសីទសារព័ត៌មានកាលពីថ្ងៃទី០៨ ខែវិច្ឆិកាកន្លងទៅថា យើងអាចផ្តល់នូវបទពិសោធន៍មួយថ្មី ដែលមិនដូចទៅនឹងសណ្ឋាគារដទៃ។

ទោះបីជាតម្លៃកន្លែងស្នាក់នៅមិនទាន់ត្រូវបានប្រកាសក៏ដោយ ប៉ុន្តែសណ្ឋាគារនេះទំនងជាស្ថិតក្នុងចំណោមសណ្ឋាគារ ដែលមានតម្លៃថ្លៃបំផុតក្នុងទីក្រុងតូក្យូ។

សណ្ឋាគារដែលដំណើរការដោយ Dorchester Collection បច្ចុប្បន្នស្ថិតក្នុងទីតាំងចំនួន៩នៅទូទាំងទីក្រុងចំនួន៥ រួមមាន ទីក្រុងឡុងដ៍ ប៉ារីស និងឡូសអេនជឺលេស ផងដែរ៕

ភ្នំពេញៈ ក្នុងគោលដៅលើកទឹកចិត្តអតិថិជន បុរី GB Residence បានសម្រេចផ្តល់នូវលក្ខខណ្ឌបង់ប្រាក់ពិសេស និងបញ្ចុះតម្លៃរហូតដល់ ១២% សម្រាប់ផ្ទះគ្រប់ប្រភេទផ្ទះក្នុងបុរីជីប៊ី ។

កញ្ញា កាំង តារាវត្តី នាយកផ្នែកទីផ្សារ នៃបុរី GB Residence បានមានប្រសាសន៍ឲ្យដឹងកាលពីចុងសប្តាហ៍មុនថា ជាមួយហ្នឹងកញ្ចប់លើកទឹកចិត្តដល់អតិថិជន បុរីបានហ្នឹងកំពុងផ្តល់លក្ខខណ្ឌបង់រំលោះសុទ្ធ 100% ដោយឥតការប្រាក់ជាមួយគម្រោងផ្ទាល់ ។ លើសពីនេះ យើងនៅមានលក្ខខណ្ឌបង់ប្រាក់ផ្សេងៗដើម្បីជាជម្រើស និងផ្តល់ភាពងាយស្រួលដល់អតិថិជនក្នុងការបត់បែនតាមលទ្ធភាពរបស់ពួកគាតផងដែរ។

កញ្ញាបន្តថា “ទោះជាសេដ្ឋកិច្ចពិភពលោកប្រឈមហ្នឹងវិបត្តិកូវីដ១៩ បញ្ហាសង្រ្គាមរវាងរុស្ស៊ី និងអ៊ុយក្រែនក្តី ប៉ុន្តែបុរី ជីប៊ី នៅតែមានអាត្រាការលក់ជាហូហែរ ដោយសារមានការគាំទ្រជាបន្តបន្ទាប់ពីអតិថិជនទៅលើគុណភាពនិងទំនុកចិត្ត”។

បុរី ជីប៊ី ស្ថិតនៅជាប់ផ្លូវក្រវ៉ាត់ក្រុងទី៣ ក្បែររង្វង់មូលកួរស្រូវ អតិថិជនដែលជ្រើសយកគម្រោងជីប៊ី នឹងទទួលបានឳកាសចំណេញខ្ពស់ នាពេលអនាគតឆាប់ៗនេះ ។ ដោយសារបុរី សិ្ថតនៅផ្លូវមេ ជាផ្លូវរដ្ឋទំហំ៥០ម៉ែត្រ ដែលសម្រួលដល់អ្នកដំណើរជាតិ អន្តរជាតិរាប់ពាន់នាក់ចេញ ពីព្រលានយន្តហោះអន្តរជាតិថ្មី ដែលត្រូវធ្វើដំណើរឆ្លងកាត់បុរី នេះជាហេតុបង្កឲ្យអ្នកទិញលំនៅដ្ឋានក្នុងបុរីនេះអាចប្រកបអាជីវកម្មបាន និងតម្លៃផ្ទះហក់ឡើងកាន់តែខ្ពស់នាពេលអនាគត។

ជាមួយគ្នានេះលោក តាំង កៅគៀត នាយកប្រតិបត្តិ បុរី GB Residence បានមានប្រសាសន៍ឲ្យដឹងផងដែរថា បុរីនេះបានរៀបចំសាងសង់ឡើងតាមបទដ្ឋានអន្តរជាតិ ដោយស្ថាបត្យករឌីហ្សាញលំនៅដ្ឋានក្នុងបុរីធ្លាប់បានជាប់ពាន់រង្វាន់លេខ១ នៅទីក្រុងឌូបៃប្រទេសអារ៉ាប់រួម ដែលធ្វើឲ្យម៉ូតផ្ទះរបស់បុរីស្អាត ប្លែក ហើយផ្ទះនីមួយៗមានខ្យល់ និងពន្លឺចេញចូលគ្រប់គ្រាន់។

លោកបន្តថា “លើសពីនេះ ក្រុមហ៊ុនបានចំណាយដីក្នុងបុរី ដើម្បីរៀបចំជាហេដ្ឋារចនាសម្ព័ន្ឋ ពិសេសសួនច្បារ ដែលអនុញ្ញាត្តឲ្យអ្នករស់នៅក្នុងបុរីនេះបានកំសាន្ត ដើរហាត់ប្រាណ ញាំកាហ្វេជជែកគ្នាក្រោយសំរាកពីការងារ ពិសេសពួកគេអាចបង្កើតសកម្មភាពអាជីវកម្មក្នុងបុរីនេះផងដែរ”៕

ដោយ៖ សហការី
ភ្នំពេញ៖ បានទាំងផ្ទះ បានទាំងឈ្នះ ដំណើរកម្សាន្ត VIP ប្រភេទ Business Class ទៅក្រៅប្រទេស។ បុរី ប៉េង ហួត សូមផ្ដល់ជូនកាដូដ៏ពិសេសនេះ សម្រាប់អតិថិជនទាំងអស់ ដែលបានទិញគ្រប់ប្រភេទផ្ទះ គ្រប់គម្រោង។ លើសពីនេះទៅទៀត អតិថិជនក៏នឹងទទួលបានផលចំណេញជាច្រើនបន្ថែមទៀត។
អតិថិជននឹងមានឱកាសទទួលបានកញ្ចប់ដំណើរកម្សាន្តជាមួយមនុស្សជាទីស្រលាញ់ ទៅកាន់ប្រទេសស្វីស+បារាំង ឬប្រទេសជប៉ុន ប្រកបដោយសេចក្ដីសុខ និងភាពសប្បាយរីករាយ។

ក្រៅពីឱកាសទទួលបានកញ្ចប់ដំណើរកម្សាន្តខាងលើ អតិថិជនក៏នឹងទទួលបានការផ្ដល់ជូនគោលការណ៍បង់់ប្រាក់ដែលមានភាពងាយស្រួលជាងមុនមិនធ្លាប់មាន ឬជម្រើសបង់រំលស់ជាមួយធនាគារដៃគូទាំង10 ក្នុងអត្រាការប្រាក់សមរម្យ និងកម្ចីឆាប់រហ័ស ព្រមទាំងការបញ្ចុះតម្លៃបន្ថែមលើប្រភេទផ្ទះនីមួយៗថែមទៀតផង។

ដើម្បីជ្រាបកាន់តែច្បាស់អំពីប្រូម៉ូសិន ទិញផ្ទះ ឈ្នះដំណើរកម្សាន្ត VIP ក៏ដូចជាគោលការណ៍ចំណេញផ្សេងៗទៀត សូមអញ្ជើញមកសាកសួរព័ត៌មាននៅគ្រប់ការិយាល័យលក់របស់បុរី ប៉េង ហួត ឬទាក់ទងតាមលេខទូរសព្ទ 𝟎𝟗𝟖 / 𝟎𝟏𝟔 / 𝟎𝟏𝟕 𝟓𝟗𝟔 𝟕𝟖𝟗 ឬចូលរួមតាម Telegram : https://t.me/boreypenghuoth ។