ក្រុមហ៊ុនកូរ៉េចាប់ដៃគូជាមួយរដ្ឋាភិបាលឡាវ ដើម្បីពង្រីកព្រលាន យន្តហោះហ្លួងព្រះបាង

ដោយ: លាងហួរ

វៀងច័ន្ទ: សាជីវកម្មអាកាសយានដ្ឋានកូរ៉េ ខាងត្បូង(KAC) គ្រោងចុះហត្ថលេខា លើភាពជាដៃគូជាមួយរដ្ឋាភិបាលឡាវ ដើម្បីពង្រីកនិងអភិវឌ្ឍន៍អាកាសយានដ្ឋានអន្តរជាតិហ្លួងព្រះបាង។

សាជីវកម្ម KAC បានប្រតិបត្តិការអាកាសយានដ្ឋានចំនួន១៤ នៅក្នុងប្រទេសកូរ៉េខាងត្បូង ហើយក្រុមហ៊ុននេះបានចែករំលែកលទ្ធផល នៃលទ្ធភាពសិក្សាទី៣ លើការពង្រីកព្រលានយន្តហោះ ជាមួយលោក ថងវ៉ាន់ ស៊ីស៊ូផាកុន ប្រធានអាកាសយានដ្ឋានអន្តរជាតិហ្លួងព្រះបាង លោក ប៊ុន គង់ សុខសាវ៉ាត មន្ត្រីជាន់ខ្ពស់ក្រសួងសាធារណការ និងដឹកជញ្ជូន និងអាជ្ញាធរពាក់ព័ន្ធជាច្រើនរូបទៀត ដែលមានវត្តមាននៅក្នុងពិធីនេះ។

បច្ចុប្បន្ន រដ្ឋាភិបាលឡាវ និងអាជ្ញាធរអាកាសយានដ្ឋានកំពុងស្វែងរកដៃគូឯកជនវិនិយោគ ក្នុងទំហំទឹកប្រាក់ចំនួន១៥០លានដុល្លារអាមេរិក ដើម្បីពង្រីក និងគ្រប់គ្រងអាកាសយានដ្ឋានហ្លួងព្រះបាង សម្រាប់រយៈពេល៥០ឆ្នាំខាងមុខ។

នៅក្នុងកម្មវិធីនេះ KAC បានផ្តល់នូវការកែលម្អ និងផែនការពង្រីកដែលនឹងអនុញ្ញាតឱ្យព្រលានយន្តហោះ អាចផ្ទុកអ្នកដំណើរបានជាង៤,៦១លាននាក់ ពីសមត្ថភាពបច្ចុប្បន្ន១,២លាននាក់។

លោក ថង វ៉ាន់បានបន្តថាការជួសជុលថែរទាំ និងការគ្រប់គ្រងព្រលានយន្តហោះហ្លួងព្រះបាង មានភាពទំនេរក្រោយពីមានការធ្លាក់ចុះ នៃតម្រូវការធ្វើដំណើរដោយសារជំងឺកូវីដ១៩ ហើយយើងចង់ឃើញមានការអភិវឌ្ឍអាកាសយានដ្ឋានដោយមានជំនួយពីKAC។

ជាមួយនឹងបទពិសោធន៍រយៈពេល៤២ឆ្នាំរបស់ខ្លួន ក្នុងការគ្រប់គ្រងអាកាសយានដ្ឋាន KAC បានស្នើឱ្យមានការកែលំអ និងពង្រីកស្ថានីយ និងផ្លូវរត់យន្តហោះរបស់អាកាសយានដ្ឋាន។

KAC ក៏បានដាក់ចេញនូវផែនការ នៃការសាងសង់តំបន់ពាណិជ្ជកម្មដូចជា កន្លែងលក់អាហារ និងជួលរថយន្តផងដែរ៕

កោះកុងក្រៅចាប់ផ្តើមបង្ហាញសក្តានុពលរបស់ខ្លួន បន្ទាប់ពីលាក់ខ្លួន កណ្តាលព្រៃយ៉ាងយូរ

ដោយៈ គង់ សូរិយា

កោះកុងៈ កាលពីអតីតកាល កោះកុងជាខេត្តដាច់ស្រយាលមួយ ប៉ុន្តែបច្ចុប្បន្នអ្វីៗបានផ្លាស់ប្តូរហើយ ដោយសារការអភិវឌ្ឈហេដ្ឋារចនាសម្ព័ន្ឋរបស់រដ្ឋាភិបាល។

តំបន់ទេសចរណ៍ធម្មជាតិនានា ដែលធ្លាប់លាក់ខ្លួនកណ្តាលព្រៃ លាក់ខ្លួនជាមួយនឹងឆ្នេរដេកសណ្តូកខ្លួនយ៉ាងស្ងៀមស្ងាត់ ពេលនេះបានភ្ញាក់ពីសុបិនបណ្តើរៗហើយ ដើម្បីស្វាគមន៍ភ្ញៀវទេសចរណ៍ជាតិ និងអន្តរជាតិ។

ស្ថិតក្នុងចំណោមរមណីយដ្ឋានទេសចរណ៍ធម្មជាតិជាច្រើន កោះកុងក្រៅជាគ្រាប់ពេជ្រទេសចរណ៍ដ៏ល្អឯកមួយ ដែលមានទំហំសរុប១០៣ គីឡូម៉ែត្រការ៉េ មានទទឹង៧គីឡូម៉ែត្រ បណ្តាយប្រហែល២២គីឡូម៉ែត្រ ហើយក៏ជាកោះខ្ពស់ជាងគេ ក្នុងតំបន់ឈូងសមុទ្រថៃផងដែរ គឺមានកម្ពស់រហូតដល់៤១៨ម៉ែត្រពីនីវូទឹកសមុទ្រ ។

បច្ចុប្បន្នកោះនេះ ជាទីកន្លែងដ៏ទាក់ទាញបំផុតមួ យនៅក្នុងទឹកដីខេត្តកោះកុង។

កោះនេះ ស្ថិតក្នុងភូមិជ្រោយប្រស់ ឃុំជ្រោយប្រស់ ស្រុកកោះកុង ខេត្តកោះកុង មានចម្ងាយប្រមាណ៣០ គ.ម ពីក្រុងខេមរភូមិន្ទ។ តំបន់នេះ សម្បូណ៍ ដោយសក្តានុពលផ្នែកធនធានធម្មជាតិ និងជីវៈចម្រុះ និងមានឆ្នេរខ្សាច់ល្អស្រស់ស្អាត ស្ថិតនៅលើផ្ទៃទឹកសមុទ្រដ៏ធំល្វឹងល្វើយ ដែលមានព៌ណខៀវស្រងាត់។

នៅជុំវិញកោះ មានសត្វផ្សោតសមុទ្រ មានពណ៌ស និងខ្មៅ ជាច្រើនមកហែលលេងប្រលែង និងឆ្នេរខ្សាច់ ចាប់ពីម៉ោង៩ព្រឹក ដល់ម៉ោង១០និងសាមសិបនាទី និងពេលល្ងាច ចាប់ពីម៉ោង១៥ដល់ម៉ោង១៧ល្ងាច។

នៅលើកោះមានទឹកជ្រោះ ដ៏ស្រស់បំព្រងចំនួន១០កន្លែង ដែលមួយកន្លែងៗ អាចមានរហូតដល់៣០ជាន់កម្ពស់ពី៦ ម៉ែត្រ ទៅ២៥ម៉ែត្រ។ សព្វថ្ងៃនេះ តំបន់កោះកុងក្រៅ ស្ថិតនៅក្រោមការគ្រប់គ្រង របស់អង្គភាពយោធាជើងទឹកផ្នែកលំហសមុទ្រ។

កោះកុងក្រៅ ស្ថិតនៅក្នុងឧទ្យានជាតិបទុមសាគរ ឃុំជ្រោយប្រស់ ស្រុកកោះកុង ខេត្តកោះកុង ដែលមានចម្ងាយប្រមាណ៣០ គ.ម ពីក្រុងខេមរភូមិន្ទ៕

កម្ពុជាម្ចាស់ផ្ទះកីឡាស៊ីហ្គេមឆ្នាំ២០២៣ ជាឱកាសទាក់ទាញវិនិយោគិនបរទេសដែលមានសក្តានុពលក្នុងទីផ្សារអចលនទ្រព្យ

ដោយ៖ សុផារី

ភ្នំពេញៈ ក្នុងនាមជាម្ចាស់ផ្ទះ នៃព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ខាងមុខនេះ ប្រទេសកម្ពុជាបានកំពុងត្រៀមខ្លួនយ៉ាងសស្រាក់សស្រាំ ទាំងលើការកសាងហេដ្ឋារចនាសម្ព័ន្ធ ការកសាងសមត្ថភាពអត្តពលិក និងថវិកាជាតិ សម្រាប់ការចំណាយ លើព្រឹត្តិការណ៍ជាប្រវត្តិសាស្ត្រនេះ។

អ្នកជំនាញមើលឃើញថា តាមរយៈភាពជាម្ចាស់ផ្ទះនៃការប្រកួតកីឡាស៊ីហ្គេម គឺជាឱកាសក្នុងការទាក់ទាញឱកាសវិនិយោគ និងអ្នកវិនិយោគអន្តរជាតិ និងក្នុងតំបន់ ដែលមានសក្តានុពលនៅក្នុងទីផ្សារអចលនទ្រព្យ។

កញ្ញាមុំ សុធាវត្តី អ្នកគ្រប់គ្រងប្រចាំប្រទេសរបស់ក្រុមហ៊ុនអចលនទ្រព្យ FazWaz Cambodia មានប្រសាសន៍កាលពីពេលថ្មីៗនេះថា ការធ្វើម្ចាស់ផ្ទះកីឡាស៊ីហ្គេម នឹងផ្តល់អត្ថប្រយោជន៍ទាំងរយៈពេលខ្លី និងរយៈពេលវែងដល់វិស័យជាច្រើន នៅក្នុងប្រទេសកម្ពុជា ដូចជា ទីផ្សារសណ្ឋាគារ អចលនទ្រព្យ ទេសចរណ៍ កន្លែងកំសាន្ត ជាដើម។

កញ្ញាមានប្រសាសន៍ថា ក្នុងរយៈពេលខ្លី ទីផ្សារមួយចំនួន ដូចជា សណ្ឋាគារ និងកន្លែងស្នាក់នៅ ភោជនីយដ្ឋាន និងបារ នឹងទទួលបានអត្ថប្រយោជន៍ភ្លាមៗពីលំហូរនៃភ្ញៀវ ប្រព័ន្ធផ្សព្វផ្សាយ និងអត្តពលិក។

ចំណែក ទីផ្សារអចលនទ្រព្យ អ្នកជំនាញរូបនេះបញ្ជាក់ថា នឹងទទួលបានអត្ថប្រយោជន៍ក្នុងរយៈពេលវែង។

កញ្ញាបញ្ជាក់ថា “ផលប្រយោជន៍ចំពោះអចលនទ្រព្យ នឹងកើតឡើង ដោយសារតែការផ្សព្វផ្សាយព័ត៌មាន ពីប្រព័ន្ធផ្សព្វផ្សាយអន្តរជាតិក្នុងអំឡុងពេលការប្រកួត និងទស្សនិកជនអន្តរជាតិ និងអ្នកទស្សនា រំពឹងថានឹងចូលមកកាន់ប្រទេសកម្ពុជា រួមទាំងលំហូរនៃអ្នកវិនិយោគផងដែរ”។

អ្នកជំនាញរូបនេះលើកឡើងថា តាមរយៈព្រឹត្តិការណ៍នេះ តំបន់ជ្រោយចង្វារនឹងបន្តមានសន្ទុះកំណើនខ្ពស់ ជាមួយនឹងការអភិវឌ្ឍកើនឡើង។ ក្នុងរយៈពេលវែង តម្រូវការសម្រាប់ការរស់នៅក្នុងតំបន់ នៅក្បែរៗពហុកីឡដ្ឋានជាតិមរតកតេជោនឹងកើនឡើង ដែលនឹងមានការអភិវឌ្ឍចម្រុះកាន់តែច្រើន។

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់ថា នៅក្នុងឆ្នាំ២០២៣ ដោយមានការគាំទ្រ ពីបណ្តាប្រទេសអាស៊ីអាគ្នេយ៍ កម្ពុជានឹងធ្វើជាម្ចាស់ផ្ទះ រៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ដែលជាការប្រកួតកម្រិតអន្តរជាតិដ៏ធំ ហើយជាកិត្តិយសជាប្រវត្តិសាស្រ្តមួយទៀត ក្នុងវិស័យកីឡា ដែលកម្ពុជារង់ចាំធ្វើជាម្ចាស់ផ្ទះ អស់រយៈពេល៦៤ឆ្នាំមកហើយ៕

គម្រោងបង្កើតក្រុងល្វាឯម កំពុងទាក់ទាញអ្នកអភិវឌ្ឍន៍អចលនទ្រព្យ ទៅកាន់តំបន់នោះ

ដោយៈ វឌ្ឍនៈ

ភ្នំពេញៈ បន្ទាប់ពីសម្ដេចតេជោ បានប្រកាសឱ្យសិក្សាពីការបង្កើតក្រុងល្វាឯម និងគម្រោងនេះកាន់តែជិតជារូបរាងនេះឃើញថា អ្នកអភិវឌ្ឍន៍អចលនទ្រព្យជាច្រើនបាន និងកំពុងសម្លឹងស្វែងរកឱកាស ក្នុងការអភិវឌ្ឍគម្រោងរបស់ខ្លួន ដូចជា គម្រោងអភិវឌ្ឍន៍ដីឡូត៏ គម្រោងអភិវឌ្ឍន៍លំនៅឋាននិង និងគម្រោងរោងចក្រឧស្សាហកម្មជាដើម។

លោកប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានមានប្រសាសន៍ឲ្យដឹងកាលពីចុងសប្តាហ៍មុនថា នៅពេលមានគម្រោងបង្កើតក្រុង នោះនឹងមានការអភិវឌ្ឍ ទៅលើហេដ្ឋារចនាសម្ព័ន្ធ ដូចផ្លូវ ភ្លើង និងទឹកស្អាតជាដើម ដើម្បីឱ្យស័ក្តិសមនឹងឈ្មោះក្រុង។ នៅពេលដែលមានការអភិវឌ្ឍ ទៅលើហេដ្ឋារចនាសម្ព័ន្ធទាំងនេះ វានឹងទាក់ទាញដល់ការវិនិយោគអចលនទ្រព្យជាមួយ នឹងតម្លៃនៃអចលនទ្រព្យផងដែរ ។

លោកបន្តថា “នៅទីណាមានការអភិវឌ្ឍហេដ្ឋារចនាសម្ព័ន្ធ នៅទីនោះនឹងមានមនុស្សចង់ទៅរស់នៅ កាន់តែច្រើនហើយនឹងជំរុញឱ្យមានតម្រូវការកាន់តែច្រើន”។ លោកបន្ថែមថា“ដូច្នេះហើយអ្នកអភិវឌ្ឍន៍ នឹងឆ្លៀតឱកាស ក្នុងការស្វែងរកការវិនិយោគដើម្បីរកប្រាក់ចំណេញ ដែលនេះគឺជាឱកាសល្អសម្រាប់ពួកគាត់”។

ជាមួយគ្នានេះ លោកថាន់ ចាន់ណា អគ្គនាយកក្រុមហ៊ុនចាន់ណាលែនក៏បានឱ្យដឹងផងដែរថា ក្នុងរយៈពេលចុងក្រោយនេះ លោកបានសង្កេតឃើញថា នៅតំបន់ប៉ែកខាងកើតភ្នំពេញ មានគម្រោងមួយចំនួនបាននិងកំពុងដាក់ទីតាំងវិនិយោគរបស់ខ្លួននៅទីនោះ ដែលជាសញ្ញាល្អក្នុងការអភិវឌ្ឍលើអចលនទ្រព្យ ។

លោកបន្តថា “ត្រើយខាងកើត និងត្រើយខាងលិច ពោលគឺនៅរាជធានីភ្នំពេញ និងស្រុកល្វាឯម តំបន់អរិយក្សត្រនៅមិនឆ្ងាយពីគ្នាទេ តែដោយសារមិនមានស្ពានតភ្ជាប់ពីភ្នំពេញ ទៅកាន់អរិយក្សត្រទើបធ្វើឱ្យតំបន់ទាំងពីរនេះហាក់នៅឆ្ងាយពីគ្នា”។

លោកបន្តថា ប៉ុន្តែគម្រោងតភ្ជាប់ស្ពាននេះ នឹងត្រូវចាប់ផ្ដើមសាងសង់នៅពេលឆាប់ៗ ខាងមុខនេះដូច្នេះវាជារឿងដែលល្អ សម្រាប់អ្នកអភិវឌ្ឍន៍នៅប៉ែកខាងកើតរាជធានីភ្នំពេញ។

លោកថាន់ ចាន់ណាបានបន្ថែមថា ការអភិវឌ្ឍលំនៅឋាននៅប៉ែកខាងកើតរាជធានី នឹងងាកទៅរកតំបន់អរិយក្សត្រវិហារសួគ៌ កាន់តែច្រើនស្របពេលតម្លៃដីធ្លី នៅតាមបណ្ដោយផ្លូវជាតិលេខ៦អា កាន់តែឡើងថ្លៃដែលអ្នកអភិវឌ្ឍន៍ លំនៅឋានតម្លៃសមរម្យ មិនអាចចូលចុះនោះទេ គឺតំបន់នោះភាគច្រើនគេអភិវឌ្ឍន៍ជាលំនៅឋាន ដែលមានតម្លៃខ្ពស់ៗ សម្រាប់អ្នកមានតែម្ដង ។

រដ្ឋាភិបាលបានបង្កើតឱ្យមានក្រុង នៅគ្រប់ទីរួមខេត្តទូទាំងប្រទេស ក្នុងនោះដែរក្នុងមួយខេត្ត យ៉ាងហោចណាស់ក៏មានមួយក្រុងដែរ និងខេត្តខ្លះមានរហូតដល់២ក្រុង ដូចជា ខេត្តកំពតមានក្រុងកំពត និងក្រុងបូកគោ ខេត្តបន្ទាយមានជ័យ ក៏មានក្រុងសិរីសោភ័ណ្ឌ និងក្រុងប៉ោយប៉ែត ខេត្តស្វាយរៀង មានក្រុងស្វាយរៀង និងក្រុងបាវិតជាដើម ៕

យុវជនកម្ពុជាមួយក្រុមផលិតយន្តហោះពីស្នោលក់ និងទទួលបាន ការចាប់អារម្មណ៍ខ្លាំង

ដោយៈ ជេស៊ីកា

ភ្នំពេញៈ វាជាសមិទ្ឋផលដ៏គួរឲ្យអបអរសាទរមួយ ដែលយុវជនខ្មែរមួយក្រុមបានផលិតយន្តហោះស្នោលក់ និងទទួលបានការបញ្ជាទិញយ៉ាងច្រើនពីអតិថិជន ប៉ុន្តែក្តីសុបិនរបស់ពួកគេមិនបញ្ចប់ត្រឹមនេះទេ។

គិតចាប់ពីត្រឹមឆ្នាំ២០១៨ មកទល់នឹងចុងឆ្នាំ២០១៩ ក្រុមផលិតយន្តហោះតូចៗពីស្នោរបស់លោក ជឿន ចននី ដែលគេស្គាល់តាមក្រុមឈ្មោះ “គំនិត-Khomnit” បានឆ្លងកាត់ការផលិតយន្តហោះចំនួន៥ ម៉ូដែលមាន (ធុន) ចំនួនសរុបប្រមាណ២០០គ្រឿង តែក៏បានលក់ដាច់អស់គ្មានសល់ ។

បច្ចុប្បន្ន ក្រុមនេះកំពុងតែសស្រោកសស្រាំ ក្នុងការផលិតយន្តហោះតូចៗពីស្នោ សម្រាប់គប់លេងឱ្យអតិថិជន មិនទាន់តាមការកុម្ម៉ង់ឡើយ។

ក្រុមគំនិត ក៏សកម្មនឹងការផលិតយន្តហោះស្នោខ្នាតតូច ដែលអាចបញ្ជាបានតម្លៃ ១ គ្រឿងចន្លោះពី៣០ដុល្លារ ទៅ៤០ដុល្លារឡើង ទៅតាមការកុម្ម៉ង់ និងមានគម្រោងផលិតយន្តហោះស្នោខ្នាតធំទម្ងន់៧គីឡូក្រាម អាចបញ្ជាហោះហើរដូច “ដ្រូន” ទៀតផង។

ស្ថាបនិកក្រុម “គំនិត-Khomnit” វ័យ៣០ឆ្នាំ លោក ជឿន ចននី បានមានប្រសាសន៍ឲ្យដឹងកាលពីចុងសប្តាហ៍មុនថា បច្ចុប្បន្ន យើងផលិតយន្តហោះពីស្នោ ដែលបានប្រើរូបមន្តពិសេស ក្នុងការរក្សាភាពស្វិតបានយូរនៃគុណភាពស្នោ។ យើងបានផលិត២ប្រភេទនៃយន្តហោះស្នោទាំងនេះ។ ទី១ ជាយន្តហោះសម្រាប់គប់លេង និងទី២ ជាយន្តហោះ សម្រាប់បញ្ជាហោះហើរនៅលើអាកាសបានដូចដ្រូន។

លោកបានចននីពន្យល់ថា សម្រាប់យន្តហោះប្រភេទគប់លេងយើងបានផលិត៣ម៉ូដែល គឺប្រភេទ Boeing 747 ម៉ូដែល A350 និងម៉ូដែល A320។ ឯប្រភេទទី ២ គឺយន្តហោះបញ្ជា Airbus A350 remote contor RC ទម្ងន់៧គីឡូក្រាម វាមានប្រវែងជាង៣ម៉ែត្រឯណោះ។

លោកបញ្ជាក់ថា “ប្រភេទយន្តហោះបញ្ជានេះ ខ្ញុំក៏គ្រោងនឹងបន្តការពិសោធបន្ថែមទៀត ហើយលទ្ធផលនឹងដឹងច្បាស់លាស់ក្នុងពេលឆាប់ៗ”។

លោក ចននី ដែលជាកូនកំព្រាឪពុកម្តាយតាំងពីវ័យ៥ឆ្នាំ និងបានរស់នៅមណ្ឌលកុមារកំព្រា រហូតបានរៀនសូត្រចប់ជំនាញព័ត៌មានវិទ្យា ពីវិទ្យាស្ថានជាតិពហុបច្ចេកវិទ្យាកម្ពុជា (NPIC) និងមានទេពកោសល្យយល់ដឹងខ្ពស់ផ្នែកយន្តកម្ម។

ដោយគ្រាន់តែមើលសៀវភៅ ក៏លោកអាចសម្រេចជោគជ័យ ក្នុងការច្នៃផលិតយន្តហោះតូចៗផលិតពីស្នោ តាំងពីឆ្នាំ ២០១៨មក ខណៈគំនិត ផ្តួចផ្តើម និងស្រាវជ្រាវស្វ័យសិក្សាខ្លួនឯង បានចាប់ផ្តើមតាំងពីឆ្នាំ២០០៥ កន្លងមក។

អ្នកច្នៃប្រឌិតរូបនេះ មានស្រុកកំណើតនៅខេត្តកំពង់ចាម និងជាអ្នកដឹកនាំការផលិតយន្តហោះបញ្ជាខ្នាតតូចក្រុម “គំនិត-Khomnit” បញ្ជាក់ពីគោលបំណង ដែលនាំឱ្យលោកផលិតយន្តហោះ បញ្ជាទាំងនេះឡើង គឺដោយសារតែជាចំណង់ចំណូលចិត្តតាំងពីក្មេង និងព្រោះតែលោកមានចំណេះជំនាញផ្នែកមួយនេះផងដែរ។

លោកបញ្ជាក់ថា “ការបង្កើតវាឡើង ក្នុងគោលបំណងចង់ឱ្យប្រជាជនខ្មែរបានប្រើប្រាស់ ប្រភេទយន្តហោះបញ្ជាខ្នាតតូចទាំងនោះ និងចង់ពញ្ញាក់ស្មារតីយុវជនខ្មែរ ក៏ដូចជាប្រជាជនខ្មែរឱ្យស្គាល់ពីគុណតម្លៃ នៃបច្ចេកវិទ្យាក្នុងវិស័យមួយនេះ និងបង្ហាញទៅកាន់បរទេសថា ខ្មែរក៏អាចធ្វើបាន”។

ចំពោះអានុភាពនៃយន្តហោះបញ្ជាពិសេសខ្នាតតូច លោក ចននីបានឱ្យដឹងថា វាមានលក្ខណៈខុសពីផលិតផលផ្សេងៗត្រង់ថា វាមានរាងតូចល្មម សម្រាប់ប្រើប្រាស់ ហើយរូបរាងគឺដូចយន្តហោះមែនទែន ថែមទាំងមានលក្ខណៈងាយស្រួល ក្នុងការដោះផ្គុំ។ ខណៈគ្រឿងផលិតមានលក្ខណៈរឹងមាំ និងទទួលបានការតេស្តយ៉ាងត្រឹមត្រូវ ដើម្បីរក្សាបាននូវគុណភាព។

លោកបញ្ជាក់ថា “ពួកយើងបានផ្តើមពីចំណុចសូន្យ មកដល់បង្កើតបានផលិតផលស្តង់ដាមួយ ដែលមានការវេចខ្ចប់ត្រឹមត្រូវ និងត្រៀមរុញចូលប្រជែងទីផ្សារ ក៏ដោយសារតែការគាំទ្ររបស់បងប្អូន”។

តួយ៉ាងដូចជាយន្តហោះបញ្ជា ANA តម្លៃ៣០$ ល្អលេងមែនទែន។ បញ្ជាបានចម្ងាយ១០០ ម៉ែត្រ មានថ្ម១ វាហោះបាន១៥នាទី ហើយថ្មបញ្ចូលភ្លើងបានងាយស្រួលដោះផ្គុំ ចូលទឹកមិនខូច និងហោះធ្លាក់ក៏មិនបែកបាក់។

ទោះជាយ៉ាងណា មុននឹងឈានមកបង្កើតយន្តបញ្ជាប្រភេទ Airbus A350 remote contor RC ដោយមានទម្ងន់ដល់ទៅ៧គីឡូក្រាម លោក ជឿន ចននី និងសមាជិកចំនួន៧នាក់ ក៏ធ្លាប់បានសាកល្បងជោគជ័យប្រភេទតូចមួយរួចមកហើយ កាលពីពេលកន្លងទៅ ដែលសមត្ថភាពអាចហោះបានក្នុងកម្ពស់ពី៤០ ម៉ែត្រ ទៅដល់៨០ម៉ែត្រ ទើបជាហេតុនាំឱ្យលោកមានគំនិតឈានទៅរកការបង្កើតធុនធំជាងមុន។

លោក ចននី បន្តថា ការរចនាតាមការកុម្ម៉ង់ (Custom Design) តម្លៃត្រឹមតែ៤០$ យើងអាចរចនា តាមការចង់បានរបស់អតិថិជន ដោយគ្រាន់តែផ្ញើlogo មកកាន់យើងជាការស្រេច”។ លោកបន្តថា “គំនិត សូមអរគុណអតិថិជន ជាជនជាតិឥណ្ឌូនេស៊ី ដែលបានគាំទ្រ និងមានទំនុកចិត្តចំពោះផលិតផលរបស់គំនិត”៕

South Korea’s LG Chem to invest $3bn in US plant for EV parts

South Korea’s LG Chem has announced plans to invest $3bn in the construction of a manufacturing facility for electric vehicle components in the United States.

The battery cathode production facility in Clarksville, Tennessee, will be the largest of its kind in the US, creating more than 850 jobs, LG Chem said in a statement on Tuesday.

The plant will have an annual production capacity of 120,000 tonnes by 2027, producing components to power 2 million electric vehicles, the South Korean firm said.

“The new cathode manufacturing facility in Tennessee brings us one step closer to becoming the world’s best battery materials manufacturer and fulfilling our corporate vision to become a top global science company,” LG Chem Chief Executive Shin Hak-cheol said.

“This site will be the North American manufacturing centre of excellence for the cathode supply chain and lead to the creation of many well-paying jobs, contributing to the local economy in Clarksville.”

The announcement of the plant, which is slated to start production in 2025, comes after US President Joe Biden in August signed a climate and energy bill that denies tax credits to electric carmakers that heavily source components from China.

Under the Inflation Reduction Act, manufacturers are required to source 40 percent of critical minerals for batteries from the US or one of its free-trade partners to benefit from tax relief, with the share rising to 80 percent in 2027. China currently controls more than half of the global EV battery market, which Washington views as a national security concern.

South Korean carmakers, including Hyundai Motor, have protested the law, which slashed tax relief for most of its EV models.

South Korean President Yoon Suk-yeol’s office said he raised the issue with Biden at the G20 leaders’ summit last week, asking his counterpart to ensure South Korean firms do not face discriminatory policies.

LG Chem said the new facility would enable it to respond to the “changing dynamics” of the global battery material market and the Inflation Reduction Act, with the plant functioning as a “supply chain hub” where material and recycling partners work together to supply global customers.

SOURCE: AL JAZEERA

Laos Public and Private Debt to Cross 100 Percent of GDP by 2022-End

Despite signs of economic recovery in early 2022, Laos faces increased challenges from currency depreciation and high inflation, according to the World Bank’s latest economic update for the country.

The Lao Economic Monitor for October 2022: Tackling Macroeconomic Vulnerabilities, released on Monday, identifies ambitious reforms that could help the country restore economic stability and sustain growth.

The report notes that the kip lost 68 percent of its value against the US dollar over the year to October, undermining recovery and fueling inflation, which in turn has squeezed private consumption and investment. Meanwhile, public and publicly guaranteed debt is projected to surpass 100 percent of GDP by the end of the year.

The World Bank has lowered its 2022 economic growth forecast for the country to 2.5 percent, down from an earlier projection of 3.8 percent.Although employment had risen by mid-2022, Lao people’s earnings have not kept pace with inflation. Year-on-year consumer price inflation had risen to 37 percent by October 2022, with food price inflation at almost 39 percent.

This particularly affects the urban poor, with some families forced to reduce their consumption of food and fuel. In a World Bank survey, two-thirds of households reported spending less on health and education, which could undermine long-term human development.

“The World Bank and other development partners are discussing with the government a roadmap of reforms that can help stabilize the situation, protect essential spending on education, health, and welfare, and create a solid environment for long-term recovery,” said World Bank Country Manager for Laos Alex Kremer.

Five vital reforms are proposed: cutting costly tax exemptions to raise public revenue and protect social spending; improving the governance of public and public-private investment, and of state-owned enterprises; restructuring public debt through ongoing negotiations; strengthening financial sector stability through legal and regulatory tools; and lastly, improving the business environment and promoting exports through effective regulatory reform.

The report gives a medium-term outlook that assumes gradual recovery, driven by tourism and exports, though this is dependent on successful debt negotiations with bilateral creditors. In addition, the economic outlook is subject to significant external risks, including tighter global macroeconomic policies and the protracted impacts of the war in Ukraine.

This economic update features a thematic section on Exports for Jobs, which shows that the labor market remains characterized by high informality, reliance on public sector jobs, and a large number of agricultural workers who face seasonal demand.

The lack of high-quality formal jobs means that the country’s previous economic growth did not reduce poverty as much as expected, while inequality rose. The section provides recommendations on how to boost exports in manufacturing, commercial agriculture and services, so as to raise revenue, increase productivity, and create jobs.

source: Laotian Times

រដ្ឋាភិបាលចាប់យកវិស័យទេសចរណ៍ជាអាទិភាពក្នុងការជួយស្ដារ សេដ្ឋកិច្ចឡើងវិញឱ្យបានឆាប់រហ័ស

ដោយៈ វឌ្ឍនៈ

ភ្នំពេញៈ ក្រោយពីស្ថានភាពវិបត្តិសេដ្ឋកិច្ច ក្នុងប្រទេសកម្ពុជា ក៏ដូចជានៅលើពិភពលោកបានធូរស្រាល រដ្ឋាភិបាលកម្ពុជាបានចាប់យកវិស័យជាច្រើនក្នុងការជំរុញ និងស្ដារសេដ្ឋកិច្ចឱ្យបានងើបឡើងលឿនរហ័ស ក្នុងនោះវិស័យទេសចរណ៍ ក៏ត្រូវបានរាជរដ្ឋាភិបាលចាត់ទុកជាវិស័យអាទិភាពមួយ ក្នុងការស្ដារសេដ្ឋកិច្ចងើបឡើងវិញឱ្យបានរហ័សផងដែរ។

ក្នុងពិធីបិទវេទិកាជាតិអេកូទេសចរណ៍លើកទី៣ នៅថ្ងៃទី២២ វិច្ឆិកា២០២២ លោកអូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច បានមានប្រសាសន៍ថាបច្ចុប្បន្ននេះ ទោះបីជាវិបត្តិនៃជំងឺកូវីដ១៩ បានថមថយក្ដី ក៏បញ្ហាអស្ថិរភាពសេដ្ឋកិច្ច និងភូមិសាស្ត្រនយោបាយសកល បន្តបន្ទច់បង្អាក់ដល់ការស្ដារ និងជំរុញវិស័យទេសចរណ៍ឡើងវិញ ដោយសារតែកំណើនភ្ញៀវទេសចរអន្តរជាតិនៅតែមានកម្រិតទាបនៅឡើយ។

លោកបន្តថា “រាជរដ្ឋាភិបាលនៅតែចាត់ទុក វិស័យទេសចរណ៍ជាវិស័យអាទិភាពមួយ ក្នុងការជំរុញកំណើនសេដ្ឋកិច្ចកម្ពុជា ក្នុងរយៈពេលវែងទៅមុខ និងបន្តប្ដេជ្ញាខិតខំប្រឹងប្រែងផ្ដល់ការគាំទ្រនានា ដើម្បីស្ដារវិស័យនេះឡើងវិញឱ្យបានឆាប់រហ័ស”។

លោកបន្តថា ជាក់ស្ដែង ដើម្បីគាំទ្រដល់ការស្ដារឡើងវិញ នៃវិស័យទេសចរណ៍ រាជរដ្ឋាភិបាលបានដាក់ចេញនូវវិធានការណ៍ អន្តរាគមន៍ជាបន្តបន្ទាប់ មានជាអាទិ៍ វិធានការសារពើពន្ធ ការកសាងហេដ្ឋារចនាសម្ព័ន្ធតភ្ជាប់ ក្នុងខេត្តដែលមានសក្ដានុពលទេសចរណ៍ខ្ពស់ ដូចជាការស្ថាបនាបណ្ដាញផ្លូវនៅខេត្តព្រះសីហនុ និងសៀមរាប ព្រមទាំងការអនុម័ត នូវឯកសារយុទ្ធសាស្ត្រ និងគោលនយោបាយសំខាន់ៗមួយចំនួនទៀត ដូចជាវិធានការគោលនយោបាយ ជំរុញចលនាទេសចរណ៍ផ្ទៃក្នុង ២០២១-២០២៣ ផែនការមេអភិវឌ្ឍន៍ទេសចរណ៍ ខេត្តសៀមរាប ២០២១-២០៣៥ និងផែនការមេអភិវឌ្ឍន៍ទេសចរណ៍ ខេត្តមណ្ឌលគីរី ២០២១-២០៣៥ជាដើម ។

លោកបន្ថែមថា “បទពិសោធន៍ក្នុងរយៈពេល២ឆ្នាំចុងក្រោយនេះ បានបង្ហាញថា ការលើកកម្ពស់ចីរភាព និងការពង្រឹងចលនាទេសចរណ៍ផ្ទៃក្នុង គឺជាគន្លឹះយ៉ាងសំខាន់ក្នុងការពង្រឹង ភាពធន់នៃវិស័យទេសចរណ៍”។

ហេតុដូចនេះ ទើបរដ្ឋាភិបាលបានបន្តអនុវត្តយ៉ាងខ្ជាប់ខ្ជួននូវ គោលនយោបាយជាតិអេកូទេសចរណ៍២០១៩ -២០៣០ និងបានកំណត់ការអភិវឌ្ឍសហគមន៍ទេសចរណ៍ និងអេកូទេសចរណ៍ជាស្នូលដ៏សំខាន់ ក្នុងការធ្វើពិពិធកម្មវិស័យទេសចរណ៍ ដើម្បីពង្រឹងមូលដ្ឋាននៃវិស័យទេសចរណ៍ ជាពិសេសធានានូវផលប្រយោជន៍ផ្ទាល់ ជូនដល់ប្រជាពលរដ្ឋតាមមូលដ្ឋាន និងកាត់បន្ថយផលប៉ះពាល់លើធនធានធម្មជាតិ ។

ជាមួយគ្នានេះ លោកថោង ខុន រដ្ឋមន្ត្រីក្រសួងទេសចរណ៍បានមានប្រសាសន៍ថា ក្នុងរយៈពេល១០ខែដើមឆ្នាំ ២០២២នេះ កម្ពុជាទទួលបានភ្ញៀវទេសចរអន្តរជាតិចំនួន១,៥លាននាក់ និងរំពឹងថាដាច់ឆ្នាំ២០២២នេះ ភ្ញៀវទេសចរបរទេស នឹងមានចំនួន២លាននាក់ ទន្ទឹមនឹងកំណើនភ្ញៀវទេសចរផ្ទៃក្នុងកើនឡើងខ្ពស់ ដែលជាសញ្ញាវិជ្ជមាន សម្រាប់វិស័យនេះទាំងមូលផងដែរ៕

កម្ពុជាពង្រឹងសមត្ថភាពកីឡាករដើម្បីឆ្ពោះទៅស្តង់ដាការប្រកួតកម្រិតតំបន់ និងត្រៀមដណ្តើមមេដាយនៅស៊ីហ្គេមឆ្នាំ២០២៣

ដោយៈ សុផារី

ភ្នំពេញៈ ប្រទេសកម្ពុជារៀបចំព្រឹត្តិការណ៍ប្រកួតកីឡាជាតិ ដើម្បីពង្រឹងសមត្ថភាពកីឡាករ កីឡាការិនី និងអត្តពលិក ឆ្ពោះទៅចូលរួមប្រកួតកីឡាស៊ីហ្គេមលើកទី៣២ នៅឆ្នាំ២០២៣ ដែលកម្ពុជាធ្វើជាម្ចាស់ផ្ទះ ដែលកម្ពុជាទន្ទឹងរង់ចាំអស់រយៈពេលប្រមាណ៦៤ឆ្នាំមកហើយ។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី២១ ខែវិច្ឆិកា ឆ្នាំ២០២២នេះ បានអញ្ជើញជាអធិបតីប្រកាសបើកជាផ្លូវការ ព្រឹត្តិការណ៍ប្រកួតកីឡាជាតិលើកទី៣ និងកីឡាជនពិការជាតិលើកទី១ ដែលរៀបចំឡើងនៅពហុកីឡដ្ឋានជាតិមរតកតេជោ ដោយមានការចូលរួមសរុបជាង៤ម៉ឺននាក់។

ព្រឹត្តិការណ៍ប្រកួតកីឡាជាតិ ត្រូវបានរាជរដ្ឋាភិបាលកម្ពុជា រៀបចំធ្វើឡើងលើកដំបូងនៅក្នុងឆ្នាំ២០១៦ ក្នុងគោលបំណងពង្រឹងសមត្ថភាពកីឡាករ កីឡាការិនី និងអត្តពលិក ឆ្ពោះទៅចូលរួមប្រកួតកីឡាស៊ីហ្គេមលើកទី៣២ នៅឆ្នាំ២០២៣ ដែលកម្ពុជាធ្វើជាម្ចាស់ផ្ទះ ដែលកម្ពុជាទន្ទឹងរង់ចាំអស់រយៈពេលប្រមាណ៦៤ឆ្នាំមកហើយ។

ព្រឹត្តិការណ៍ប្រកួតកីឡាជាតិលើកទី៣ និងកីឡាជនពិការជាតិលើកទី១ ត្រូវបានរៀបចំឡើងរៀងរាល់ពីរឆ្នាំម្តង ប៉ុន្តែត្រូវបានខកខាននៅឆ្នាំ២០២០ ដោយសារតែការរាត ត្បាតជំងឺកូវីដ១៩ ហើយត្រូវបានរៀបចំឡើងមានលំនាំ ដូចនឹងការប្រកួតកីឡាស៊ីហ្គេមតែម្តង ដើម្បីពង្រឹងសមត្ថភាពគណៈកម្មការរៀបចំការប្រកួតកីឡាប្រចាំតំបន់អាស៊ីអាគ្នេយ៍។

ព្រឹត្តិការណ៍ប្រកួតកីឡាជាតិលើកទី៣ និងកីឡាជនពិការជាតិលើកទី១ ធ្វើឡើង ក្រោមពាក្យស្លោក “កីឡានាំមកនូវសន្តិភាពនិងការអភិវឌ្ឍ” មានរយៈពេលប្រមាណ ១២ថ្ងៃ គឺចាប់ពីថ្ងៃទី១៩ ដល់ថ្ងៃទី៣០ ខែវិច្ឆិកា។

លោកបណ្ឌិត ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានឱ្យដឹងថា ព្រឹត្តិការប្រកួតកីឡាជាតិ និងកីឡាជនពិការជាតិនេះ មានក្នុងគោលដៅលើកកម្ពស់គុណភាព នៃការរៀបចំការប្រកួតកម្រិតជាតិ និងឈានទៅរកស្តង់ដានៃការប្រកួតកម្រិតតំបន់ ព្រមទាំងដើម្បីត្រៀមលក្ខណៈឱ្យបានល្អ និងដណ្តើមមេដាយឱ្យបានច្រើន នៅក្នុងការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។

លោកបន្តថា ព្រឹត្តិការណ៍ក៏មានគោលបំណង ផ្តល់ឱកាសដល់សហព័ន្ធកីឡាជាតិទាំងអស់ អភិវឌ្ឍសមត្ថភាពមន្ត្រីបច្ចេកទេស ដែលបានបណ្តុះបណ្តាលរួចហើយ ដោយផ្តល់ ឱកាសដល់មន្ត្រីទាំងនោះបានចូលរួមក្នុងការរៀបចំ និងការកាត់សេចក្តីការប្រកួត ជាក់ស្ដែងនៅលើទីលានប្រកួត។

ព្រឹត្តិការណ៍នេះ ក៏ជាផ្តល់ឱកាសដល់កីឡាករ កីឡាការិនី បានចូលរួមប្រកួត និងវាស់ស្ទង់គុណផលកីឡា ព្រមទាំងទទួលបានបទពិសោធន៍នៃការប្រកួត ផ្តល់ឱកាសដល់រាជធានីខេត្តទាំង៥ ដើម្បីសាកល្បងរៀបចំទីតាំង សម្រាប់ការប្រកួតកីឡាស៊ីហ្គេម និងអាស៊ានប៉ារ៉ាហ្គេម តាមដាននិងត្រួតពិនិត្យការប្រើប្រាស់សារធាតុដូប៉ាក្នុងវិស័យកីឡា។ វាក៏ជាការសាកល្បងការរៀបចំពិធីបើក និងពិធីបិទ សម្រាប់ត្រៀមលក្ខណៈធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នៅឆ្នាំ២០២៣ផងដែរ៕

អ្នកឧកញ៉ាសុខ គង់បោះទុនប្រមាណ៥លានដុល្លារវិនិយោគ លើការដាំបន្លែធម្មជាតិលើភ្នំបូកគោ

ដោយៈ ជេស៊ីកា

កំពតៈ ក្រុមហ៊ុនបូកគោហ្វាម ជាបុត្រសម្ព័ន្ឋនៃក្រុមហ៊ុនសុខាគ្រុបរបស់អ្នកឧកញ៉ាសុខ គង់អគ្គនាយកក្រុមហ៊ុនសូគីម៉ិច បានសម្រេចបោះទុនវិនិយោគ៥លានដុល្លារ លើការដាំបន្លែលើភ្នំបូកគោ និងគ្រោងពង្រីកការវិនិយោគបន្ថែមទៀត។

អ្នកនាងសៀ ចាន់រ៉ានាយិកាផ្នែកលក់ និងទីផ្សារ នៃក្រុមហ៊ុនបូកគោហ្វាមបានមានប្រសាសន៍ឲ្យដឹង កាលពីចុងសប្តាហ៍មុនថា ក្រុមហ៊ុនបានវិនិយោគកសិដ្ឋានដាំបន្លែធម្មជាតិ លើកំពូលភ្នំបូកគោតាំងពីឆ្នាំ២០១២ ដោយដាំនៅលើដី ប៉ុន្តែចាប់ពីឆ្នាំ២០១៧ ក្រុមហ៊ុនបានកែប្រែជាHydroponic Farm ដែលជាការដាំបន្លែនៅលើទឹក ក្នុងទំហំផ្ទៃដីទំហំ១២ហិកតា។

អ្នកនាងបន្តថា “បន្លែដែលដាំនៅកសិដ្ឋាននេះ មានលក្ខណៈពិសេស ដោយមិនប្រើប្រាស់សារធាតុគីមី និងថ្នាំសម្លាប់សត្វល្អិតឡើយ ដោយយើងប្រើប្រាស់តែជីសរីរាង្គប៉ុណ្ណោះ”។ អ្នកនាងបន្ថែមថា “បន្លែដែលដាំនៅកសិដ្ឋាននេះមានគុណភាពខ្ពស់ មានរសជាតិឆ្ងាញ់ និងជួយដល់សុខភាពអ្នកបរិភោគ ព្រោះវាជាបន្លែដែលដាំនៅទីតាំងពិសេស មានអាកាសធាតុត្រជាក់ពេញមួយឆ្នាំ ព្រោះវាស្ថិតនៅលើភ្នំមានកំពស់រហូតដល់១០៧៥ម៉ែត្រ”។

ជាមួយនឹងការដាំដោយយកចិត្តទុកដាក់ និងមានសំណាញ់សុវត្ថិភាពការពារមិនឲ្យសត្វល្អិតចូលបែបនេះ បានធ្វើឲ្យតម្រូវការនិងការបញ្ជាទិញពីអតិថិជនកើនឡើង ជាហេតុធ្វើឲ្យក្រុមហ៊ុនសិក្សា ពង្រីកទុនវិនិយោគបន្ថែមទៀត។នេះបើតាមការលើកឡើងរបស់អ្នកនាងសៀ ចាន់រ៉ា។

អ្នកនាងបន្តថា បន្លែដែលដាំនៅកសិដ្ឋានធម្មជាតិលើភ្នំបូកគោ មានចំនួនជាង៣០ប្រភេទ ដែលវាជាពូជបន្លែចម្រុះ និងប្រើប្រាស់សម្រាប់ចែកចាយនៅតាមសណ្ឋាគារទាំង៧ របស់ក្រុមហ៊ុនសុខាអូតែល និងចែកចាយទៅកាន់អតិថិជនបានប្រមាណ៨០ភាគរយ។ អ្នកនាងបន្តថា អតិថិជនអាចរកទិញបន្លែនេះ បាននៅតាមផ្សារទំនើបធំៗមួយចំនួន និងម៉ាតរបស់ក្រុមហ៊ុនសុខា ស្ថិតនៅលើផ្លូវក្រមួន “ស” ខាងជើងផ្សារធំថ្មីផងដែរ។

បច្ចុប្បន្នកសិដ្ឋាននេះ អាចប្រមូលផលបន្លែបាន១៥០០គីឡូក្រាមក្នុងមួយថ្ងៃ៕

1...1,1671,1681,169...3,260 Page 1,168 of 3,260