ដោយៈ ស៊ីវ ម៉េង

       ភ្នំពេញៈ ភាពប្រសើរឡើងនៃហេដ្ឋារចនាសម្ព័ន្ឋ ទីតាំងភូមិសាស្រ្តអំណោយផល និងជាតំបន់CBD បានធ្វើឲ្យតំបន់ស្ថិតនៅភាគខាងជើងរាជធានីភ្នំពេញ ក្លាយជាតំបន់សម្រាប់ការរស់នៅរបស់ក្រុមអភិជន។

លោកឧកញ៉ាបណ្ឌិតគីម ហ៊ាងប្រធានKW Cambodiaបានមានប្រសាសន៍ឲ្យដឹងកាលពីពេលថ្មីៗនេះថា ក្រុមអ្នកមានចាប់ផ្តើមសម្លឹង និងរស់នៅតំបន់ភាគខាងជើង រាជធានីភ្នំពេញកាន់តែច្រើន ដែលទឹកដីនេះមួយផ្នែកស្ថិតក្នុងខ័ណ្ឌព្រែកព្នៅ មួយផ្នែកស្ថិតក្នុងខ័ណ្ឌឬស្សីកែវ និងមួយផ្នែកស្ដិតក្នុងខ័ណ្ឌសែនសុខ។

លោកបន្តថា “ភាពអំណោយផល នៃហេដ្ឋារចនាសម្ព័ន្ឋជារឿងមួយ ប៉ុន្តែអ្វីដែលផ្តល់ឲ្យអ្នករស់នៅមានភាពងាយស្រួល ជារឿងសំខាន់មួយទៀត គឺតំបន់នេះមានផ្សារទំនើបAEON Mall2 , MAKRO ផ្សារសហគមន៍ជាច្រើនទៀត”។លោកបន្តថា “អ្នកមានលុយចង់រស់នៅតំបន់មានភាពងាយស្រួល មានខ្យល់អាកាសបរិសុទ្ឋ ជាក់ស្តែងតំបន់នេះមានបឹងកប់ស្រូវ មានទន្លេសាប ដែលផ្តល់បរិយាកាសររស់នៅ ពោរពេញដោយផាសុខភាពផងដែរ”។

លើសពីនេះ ការភ្ជាប់ហេដ្ឋារចនាសម្ព័ន្ឋជាតិធំៗ ដូចជា ផ្លូវជាតិលេខ៥ ផ្លូវជាតិលេខ៦អា ផ្លួវលេខ១៣០ ឆ្ពោះទៅកាន់រមណីយដ្ឋានភ្នំរាប ភ្នំប្រសិទ្ឋ និងតភ្ជាប់ជាមួយផ្លូវជាតិលេខ៥១ និងអូសទៅភ្ជាប់ជាមួយផ្លូវជាតិលេខ៤ លេខ៣ សុទ្ឋតែជាកក្តាអំណោយផលដល់ការធ្វើដំណើរ និងភាពងាយស្រួលសម្រាប់ការរស់នៅផងដែរ។លោកបណ្ឌិតគីម ហ៊ាងបញ្ជាក់ឲ្យដឹង។

លោកឧកញ៉ាបានបន្តថា ការអភិវឌ្ឈន៍នៅតំបន់ក្នុងកណ្តាលរាជធានីភ្នំពេញ​ដូចជាតំបន់បឹងកេងកង តំបន់ទួលគោក គឺជាតំបន់រីកចម្រើន និងកំពុងប្រឈមនឹងបញ្ហាកកស្ទះចរាចរណ៍ ពិសេសជាតំបន់មិនមានដីទំនេរសំរាប់អភិវឌ្ឍន៍ ឬសាងសង់វីឡាធំៗទៀតទេ​ ហេតុនេះភាគខាងជើងរាជធានីគឺជាជម្រើសសមស្របមួយ សម្រាប់អភិវឌ្ឍន៍លំនៅដ្ឋានសម្រាប់អ្នកមានជីវភាពធូរធារ ព្រោះតំបន់នេះ ស្ថិតនៅកៀកនឹងក្រសួងធំៗជាច្រើនដូចជាក្រសួងរៀបចំដែនដី នគរូបនីយកម្ម និងសំណង់ ក្រសួងសាធារណៈការ និងដឹកជញ្ជូន និងស្ថាប័នជាច្រើនទៀតបាន និងកំពុងត្រៀមផ្លាស់ប្តូរមកកាន់តំបន់នេះផងដែរ៕

ដោយៈ សុផារី

សៀមរាប: ខេត្តសៀមរាបគឺជាប៉ូលសេដ្ឋកិច្ចមួយ ដែលរាជរដ្ឋាភិបាល បានយកចិត្តទុកដាក់ ក្នុងការកសាងប្រព័ន្ធហេដ្ឋារចនាសម្ព័ន្ធ និងត្រូវបានចាត់ទុកជាខេត្តទេសចរណ៍ លំដាប់ទី១ក្នុងប្រទេសកម្ពុជា ហើយវិស័យ អចលនទ្រព្យក្នុងខេត្តនេះ បានផ្អែកស្ទើរតែទាំងស្រុង លើវិស័យទេសចរណ៍។

ក្រោយពេលរាជរដ្ឋាភិបាល បើកប្រទេសអស់រយៈពេលជាងពាក់​កណ្ដា​លឆ្នាំមកនេះ ស្ថានភាពទេសចរណ៍មានភាពល្អប្រសើរ។ តើស្ថានភាពអចលនទ្រព្យ ក្នុងខេត្តទេសចរណ៍មួយនេះ មានភាពល្អប្រសើរឡើងពិតមែនឬ?។

លោក កែវ សុធារ៉ា អគ្គនាយកក្រុមហ៊ុន KW ប្រចាំខេត្តសៀមរាប បានបញ្ជាក់ប្រាប់ Property Area Asia នៅចុងសប្តាហ៍កន្លងមកថា “សម្រាប់ស្ថានភាពនៅក្នុងខែសីហា ឆ្នាំ២០២២ មានភាពល្អប្រសើរជាងស្ថានភាពនៅក្នុងខែមិថុនា និងកក្កដាកន្លងមក ទាំងគម្រោងអភិវឌ្ឍន៍ និងប្រភេទអចលនទ្រព្យ ដែលមាននៅក្នុងទីផ្សារស្រាប់”។

លោកសុធារ៉ាបញ្ជាក់ថា “កំណើនឡើងវិញនៃចរន្តទិញ លក់អចលនទ្រព្យនៅក្នុងខេត្តសៀមរាប ជំរុញដោយតម្រូវការជាក់ស្តែង របស់អតិថិជន ដែលទិញហើយធ្វើការសាងសង់តែម្ដង។ ក្រៅពីនេះក៏មានក្រុមអ្នកវិនិយោគដែលទិញទុកដើម្បីរកផលចំណេញនាពេលអនាគត”។ លោកបន្ថែមថា “អតិថិជនដែលប្រើប្រាស់ផ្ទាល់ ទិញសម្រាប់ការសាងសង់ ជាតម្រូវការរបស់ពួកគាត់តែម្ដង។ វាដល់ពេលហើយ។ ចំណែកអ្នកវិនិយោគក្នុងពេលនេះ គាត់ទិញសម្រាប់យកចំណេញនៅថ្ងៃក្រោយ”។

យ៉ាងណាក្តី លោក ឡុង គីមសួគ៌ អគ្គនាយកក្រុមហ៊ុន Century 21 Advance បានមានប្រសាសន៍កាលពីសប្តាហ៍កន្លងទៅថា សម្រាប់វិស័យអចលនទ្រព្យក្នុងខេត្តសៀមរាប នៅតែបន្តពឹងផ្អែកទៅលើទេសចរណ៍។

លោក គីមសួគ៌ បានលើកឡើងថា ទោះបីជាវិស័យទេសចរណ៍បានងើបឡើងវិញបណ្តើរៗក្តី តែនៅមិនទាន់មានភាពទូលំទូលាយខ្លាំង ដែលធ្វើឱ្យអចលនទ្រព្យនៅក្នុងខេត្តមួយនេះ មិនទាន់មានការឡើងថ្លៃខ្លាំង និងមិនសូវមានការដោះដូរច្រើននោះទេ។

ទាក់ទងនឹងគម្រោងវិនិយោគទីក្រុងថ្មី ក្នុងខេត្តសៀមរាប លោកគីមសួគ៌បានមានប្រសាសន៍ថា គម្រោងមួយនេះ ក៏នៅមិនទាន់មានដំណើរការនៅឡើយ ដោយសារជាគម្រោងនេះ ទាមទារអ្នកវិនិយោគិនបរទេស។

លោកព្យាករថា “វិស័យចលនទ្រព្យ នៅក្នុងខេត្តសៀមរាប ទាមទាររយៈពេល តិចបំផុត១ទៅ៣ឆ្នាំទៀត ទើបអាចមានសកម្មភាពល្អប្រសើរឡើងវិញ”៕

ដោយៈ សហការី

ភ្នំពេញៈ ដើម្បីអបអរសាទរពិធីបុណ្យភ្ជុំបិណ្ឌ ដែលនឹងចូលមកដល់

ក្នុងពេលខាងមុខនេះ បុរី ប៉េង​ ហួត បានរៀបចំកម្មវិធីផ្ដល់ជូនដ៏អស្ចារ្យសម្រាប់អតិថិជន ដែលទិញផ្ទះក្នុងខែកញ្ញា ឆ្នាំ2022 នេះ ដោយទទួលបានការដេគ័របន្ទប់មេគ្រួសារចំនួន 2បន្ទប់ភ្លាមៗ រួមទាំងអត្ថប្រយោជន៍ជាច្រើនផ្សេងទៀត។

ដេគ័របន្ទប់មេគ្រួសារទាំង2បន្ទប់នេះ គឺដូចគ្នានឹងស្តង់ដារដេគ័រផ្ទះគំរូរបស់បុរីប៉េង ហួតតែម្ដង ដែលលោកអ្នកទិញផ្ទះហើយ មិនចាំបាច់ខ្វល់​ខ្វាយរឿងដេគ័រខាងក្នុងផ្ទះទៀតឡើយ។ ទិញភ្លាម មានបន្ទប់គេងរចនាយ៉ាងស្រស់ស្អាត និងទាក់ទាញទាន់សម័យស្រាប់តែម្ដង។

បន្ថែមពីនេះ គោលការណ៍បង់ប្រាក់ ក៏កាន់តែមានភាពងាយស្រួល ឬអតិថិជន អាចមានជម្រើសបង់រំលស់ ជាមួយធនាគារដៃគូទាំង10របស់បុរី ប៉េង ហួត ដោយអត្រាការប្រាប់ចាប់ពី4.39%ឡើង ជាមួយទំហំកម្ចីរហូតដល់100% និងរយៈពេលកម្ចីរហូតដល់ 25ឆ្នាំឯណោះ។

កម្មវិធីនេះផ្ដល់ជូនចាប់ពីថ្ងៃនេះ រហូតដល់ដំណាច់ខែកញ្ញា ឆ្នាំ2022 នេះតែប៉ុណ្ណោះ។

ដូច្នេះសូមកុំឱ្យការផ្ដល់ជូន ដ៏វិសេសវិសាលនេះរំលងផុតឱ្យសោះ! លោក អ្នកអាចទាក់ទងទៅកាន់បុគ្គលិក ផ្នែកលក់របស់បុរី ប៉េង ហួត តាម រយៈលេខទូរសព្ទ៖ 017 596 789/ 016 596 789/ 098 596 789 នៅរៀងរាល់ម៉ោងធ្វើការដើម្បីជ្រាបព័ត៌មានលម្អិត ឬណាត់ជួបទស្សនាផ្ទះគំរូ៕

Hong Kong/London (CNN Business)The West’s biggest economies on Friday agreed to impose a price cap on Russian oil in an attempt to reduce Moscow’s ability to fund its war in Ukraine without further stoking global inflation.

Finance ministers from the G7 group of countries — the United States, Japan, Canada, Germany, France, Italy and the United Kingdom — said they would ban the provision of “services which enable maritime transportation of Russian-origin crude oil and petroleum products globally” above the price cap. That could block insurance cover or finance for oil shipments.

The maximum price would be set by “a broad coalition” of countries, they said in a joint statement. It would take effect alongside the European Union’s next batch of sanctions, which include a ban on seaborne imports of Russian oil starting in early December.

Russia had already threatened to retaliate by banning oil exports to countries that implement a price cap.

“We will simply not supply oil and petroleum products to such companies or states that impose restrictions, as we will not work non-competitively,” Deputy Prime Minister Alexander Novak told reporters Thursday, according to state news agency TASS.

The Biden administration has been pushing for governments to introduce a price cap for months. The West has already sanctioned many Russian energy exports, but Moscow has continued to earn billions of dollars a month by diverting oil to countries such as China and India.

ដោយ: លាងហួរ

វៀតណាម: ផ្លូវល្បឿនលឿន Vân Đồn- Mong Cái បានបើកជាផ្លូវការសម្រាប់ចរាចរណ៍ ហើយលោកនាយករដ្ឋមន្ត្រី Pham Minh Chính ជឿជាក់ថា វានឹងនាំមកនូវភាពរុងរឿង និងឱកាសអភិវឌ្ឍន៍សេដ្ឋកិច្ចសម្រា​ប់ខេត្ត Quảng Ninh និងតំបន់ដីសណ្ដទន្លេក្រហមទាំងមូល។

ផ្លូវនេះមានប្រវែងជាង៨០គីឡូម៉ែត្រ តភ្ជាប់អាកាសយានដ្ឋានអន្តរជាតិ Vân Đồn និងផ្លូវចូលទៅស្ពាន Bắc Luân២នៅព្រំដែនវៀតណាម-ចិនក្នុងទីក្រុង Mong Cái។

ហេដ្ឋារចនាសម្ព័ន្ឋដ៏សំខាន់នេះ ត្រូវបានសាងសង់ក្នុងរយៈពេលជាង២ឆ្នាំ មានផ្លូវចំនួន៤សម្រាប់យានជំនិះ ផ្លូវសង្គ្រោះបន្ទាន់ចំនួន២និងល្បឿនរចនាដើម្បីឱ្យយានជំនិះ ធ្វើដំណើរក្នុងល្បឿន១២០គីឡូម៉ែត្រក្នុង១ម៉ោង។

ផ្លូវនេះត្រូវបានបំពាក់ដោយប្រព័ន្ធដឹកជញ្ជូនដ៏ឆ្លាតវៃ ដែលអាចដំណើរការ២៤ម៉ោង និងអាចគ្រប់គ្រងលក្ខខណ្ឌអាកាសធាតុបាន។

ប្រធានគណៈកម្មាធិការប្រជាជនខេត្ត Quang Ninh លោក Nguyễn Tường Văn បានឲ្យដឹងថា ផ្លូវល្បឿនលឿនVân Đồn – Mong Cái ជួយកាត់បន្ថយពេលវេលាធ្វើដំណើរពីទីក្រុង Hà Nội ទៅកាន់ទីក្រុង Mong Cai ដល់ទៅ៣ម៉ោង។

វាក៏ភ្ជាប់ជាមួយផ្លូវល្បឿនលឿន ដែលឆ្លងកាត់ Vân Đồn, Hạ Long, Hải Phòng, Hà Nội និង Lào Cai បង្កើតបានជាផ្លូវល្បឿនលឿនបំផុតរបស់ប្រទេសជិត៦០០គីឡូម៉ែត្រ ហើយបានប្រែក្លាយខេត្ត Quang Ninh ទៅជាតំបន់ ដែលមានផ្លូវល្បឿនលឿនបំផុតប្រវែង១៧៦គីឡូម៉ែត្រ។

លើសពីនេះ Vân Đồn – Móng Cái គឺជាប្រភេទផ្លូវដំបូងគេក្នុងការតភ្ជាប់ព្រលានយន្តហោះចំនួនបី (Nội Bài in Hà Nội, Cát Bi នៅ Hải Phòng និង Vân Đồn) និងតំបន់សេដ្ឋកិច្ចបី ដែលមានច្រកទ្វារអន្តរជាតិមួយ។

លោក Văn បានកត់សម្គាល់ថា វាក៏ជួយតភ្ជាប់បណ្តាប្រទេសអាស៊ានផ្សេងទៀត និងមូលដ្ឋានវៀតណាមជាមួយប្រទេសចិន តាមរយៈច្រកទ្វារព្រំដែនអន្តរជាតិMong Cái សម្រួលដល់ការទាក់ទាញវិនិយោគ សកម្ម​ភាពសេដ្ឋកិច្ចតាមព្រំដែន ក៏ដូចជាការអភិវឌ្ឍន៍សង្គម និងទេសចរណ៍ក្នុងខេត្តផងដែរ៕

ដោយៈ គង់ សូរិយា

       ភ្នំពេញៈ រាជរដ្ឋាភិបាលកម្ពុជា តាមរយៈក្រសួងរៀបចំដែនដី នគរូបនីយកម្ម និងសំណង់បានឲ្យដឹងថា នៅក្នុង​រយៈពេល៥​ឆ្នាំ​ចុង​ក្រោយនេះ​ ការវិនិយោគ​នៅក្នុង​វិស័យ​សំណង់ សម្រេចបាន១៩,៣២២ គម្រោង​ដែលមាន​ទុនវិនិយោគ​ជាង៣១ពាន់​លាន​ដុល្លារ។

យោងតាម​របាយការណ៍​ស្ដី​​ពី ​សមិទ្ធផល​សម្រេចបាន​រយៈ​ពេល៥ឆ្នាំកន្លងមក​របស់​ក្រ​សួង​រៀបចំ​ដែនដី នគ​រូប​នី​យ​កម្ម និង​សំណង់បានឲ្យដឹងកាលពីចុងខែសីហាកន្លងមកថា ការវិនិយោគ​វិស័យ​សំណង់​ទាំង​ក្នុងស្រុក និង​ពី​ក្រៅប្រទេស​មាន​សម្ទុះ​ខ្លាំងក្លា និង​បានរួម​ចំណែក​ដ៏​សំខាន់​ក្នុងការ​ជំរុញ​កំណើន​សេដ្ឋកិច្ចជាតិ​។ ជាក់ស្តែង​រយៈ​​ពេល​ ៥ ឆ្នាំ​ចុង​ក្រោយនេះ ការ​​វិនិយោគ​ក្នុង​វិស័យ​សំណង់ សម្រេចបាន ១៩,៣២២​ គម្រោង ដែល​ស្មើ​ទុនវិនិយោគ៣១,៤៨៤លាន​ដុល្លារ​។

ជា​​មួយ​គ្នា​នេះ ក្នុង​រយៈពេល​៦​ខែ ឆ្នាំ ​២០២២ ការវិនិយោគ​ក្នុង​វិស័យ​សំណង់​មាន​ចំនួន​២,០០០គម្រោង និង​មាន​ទុនវិនិយោគ១,២០៦​លាន​ដុល្លារ​។​

លោកលី រស្មីរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់បានមានប្រសាសន៍ឲ្យដឹង ក្នុង​សន្និសីទ​សារព័ត៌មានស្ដីពី ​សមិទ្ធផល​សម្រេច​បាន​រយៈពេល​ ៥ ​ឆ្នាំកន្លងមក របស់​ក្រសួង​រៀបចំ​ដែនដី នគ​រូប​​នីយកម្ម និង​សំណង់ កាលពី​ថ្ងៃ​​ទី​២៤ ខែសីហាកន្លងមកថា ប្រទេស​ដែល​នាំមុខគេ​ក្នុងការ​វិនិយោគ ​ក្នុង​វិស័យ​សំណង់ និង​អចលន​​ទ្រព្យ​នៅ​កម្ពុជា រួមមាន​ប្រទេស​ចិន កូរ៉េខាងត្បូង ជប៉ុន និង​ប្រទេស​ថៃ​។​

លោក​បាន​ថ្លែងថា “​វិស័យ​សំណង់ គឺជា​ផ្នែក​មួយ​ដែលមាន​សារៈសំខាន់ ដែល​បានរួម​​ចំណែក​ក្នុងការ​អភិវឌ្ឍ​សេដ្ឋ​កិច្ច​ជាតិ ដោយ​បំពេញ​នូវ​គោល​​បំណង​ជា​មូលដ្ឋាន និង​បង្កើត​នូវ​ឱកាស​ការងារ​ជាច្រើន ព្រម​​ទាំង​បង្កើន​ប្រាក់ចំណូល​ខ្ពស់​ដល់​សង្គម និង​បាន​ចូលរួម​ដ៏​សកម្ម​ក្នុង​កំណើន​នៃ​សេដ្ឋកិច្ចជាតិ ពិសេស​ពាក់ព័ន្ធ​ទៅនឹង​ការវិនិយោគ ​លើ​វិស័យនេះ​ដោយផ្ទាល់”​។​

ប្រធាន​សមាគម​អ្នកវាយតម្លៃ និង​ភ្នា​ក់​ងារ​អចលនវត្ថុ​កម្ពុជាលោក​ច្រឹក សុខនីមបានមានប្រសាសន៍ឲ្យដឹងផងដែរ​ថា ក្រៅពី​ចិន និង​ជប៉ុន ដែល​បាន​ចូលរួម​វិ​និ​យោគ​ច្រើន ​ក្នុង​វិស័យ​សំណង់​នៅ​កម្ពុជា វិនិយោគិន​នៅ​តំបន់​អឺរ៉ុប ក៏មាន​ការវិនិយោគ​ច្រើន​គួរឱ្យកត់សម្គាល់​ដែរ​។​

លោក​បន្ថែមថា “ទុនវិនិយោគ​ដែល​ហូរ​ចូលមក​ប្រទេស​កម្ពុជា ​តាមរយៈ​វិស័យ​សំណង់​ បាន​ចូលរួមចំណែក​យ៉ាងច្រើន ​ក្នុង​ការពង្រីក​សក្តានុពល​សេដ្ឋកិច្ចជាតិ ព្រោះ​អ្នកវិនិយោគ​ទាំង​​នេះ ​បាន​នាំយក​ទុន​ពី​បរទេស​មកចាក់​ចូល​នៅក្នុង​ចរន្ត​សេដ្ឋ​​កិច្ច​កម្ពុជា”​។

​យោងតាម​របាយការណ៍​ពី​ក្រសួង​រៀបចំ​ដែនដី នគ​រូប​នីយកម្ម និង​សំណង់ ក្នុង​រយៈ​​ពេល​ជិត២២ ​ឆ្នាំ​មកនេះ​ ក្រសួង​បានចេញ​លិខិតអនុញ្ញាត​សាង​​សង់ ​នៅ​ទូទាំងប្រទេស​ចំនួន៥៧,៥៩០​គម្រោង និង​ទុន​វិ​និ​យោគ ៦៦,២០៥​លាន​ដុល្លារ​។ ក្នុងនោះ​គម្រោង​អគារ​ខ្ពស់ៗ​ចាប់ពី ៥ ​ជាន់ឡើង​នៅ​ទូទាំង​​ប្រទេស​មាន២,៤៧២​អគារ គម្រោង​បុរី​លំនៅឋាន និង​លំ​​នៅ​ឋាន​មាន​លក្ខណៈ​ជា​បុរី​មាន​ចំនួន៤៨២​គម្រោង​៕