ដោយៈសុផារី

ភ្នំពេញៈ ក្រោយធូរស្បើយពីវិបត្តិជំងឺកូវីដ១៩ ទីផ្សារអចលនទ្រព្យកម្ពុជាបានចាប់ផ្តើមបង្ហាញសញ្ញាល្អប្រសើរ តាមរយៈកំណើននៃវិនិយោគិនអន្តរជាតិត្រលប់មកវិញជាបណ្តើរៗ។

ការស្ទង់មតិថ្មីមួយរបស់ AmCham Cambodia បានឱ្យដឹងថា ជាង៦២ភាគរយ នៃអ្នកឆ្លើយតបការស្ទង់មតិអចលនទ្រព្យ និងសំណង់ យល់ឃើញថា ការទិញអចលនទ្រព្យ នៅក្នុងប្រទេសកម្ពុជា គឺជាការវិនិយោគដ៏ល្អមួយនៅពេលបច្ចុប្បន្ន។

ក្នុងការស្ទង់មតិរបស់សភាពាណិជ្ជកម្មអាមេរិក ប្រចាំនៅប្រទេសកម្ពុជា (AmCham Cambodia) បានរកឃើញថា ជាង៦២% នៃអ្នកឆ្លើយតបយល់ថា ការទិញអចលនទ្រព្យនៅកម្ពុជានៅពេលនេះ គឺជាការវិនិយោគដ៏ល្អមួយ ខណៈទីផ្សារកំពុងងើបឡើងវិញ ស្របនឹងកំណើនអ្នកវិនិយោគអន្តរជាតិ។

របាយការណ៍បានបង្ហាញថា អ្នកឆ្លើយ៦៣% បានជឿថាតម្លៃអចលនទ្រព្យនឹងកើនឡើងនៅឆ្នាំក្រោយ ខណៈដែលទីផ្សារនៅតែបន្តងើបឡើងវិញពីវិបត្តិកូវីដ។ យ៉ាងណាក្ដីអ្នកឆ្លើយតបជាង៥៧% យល់ថា ទីផ្សារអចលនទ្រព្យនៅកម្ពុជា មានតម្លៃថ្លៃខ្លាំង ដែលនេះជាឱកាសសម្រាប់អ្នកអភិវឌ្ឍន៍អចលនទ្រព្យ ដែលចាប់យកក្រុមអតិថិជនចំណូលទាប និងមធ្យម។

របាយការណ៍ដដែលបន្ថែមថា ជិតពាក់កណ្តាលនៃអ្នកចូលរួមបានបង្ហាញថា ចំពោះបញ្ហានៃការផ្គត់ផ្គ ង់លើសតម្រូវការក៏នៅតែមាន។ ទោះយ៉ាងណាក៏ដោយ ដោយសារប្រទេសបើកចំហ ការវិនិយោគបរទេសគឺមានកាន់តែច្រើន។

លោក Tom O’Sullivan នាយកប្រតិបត្តិនៃ realestate.com.kh បានធ្វើបទបង្ហាញអំពីការស្ទង់មតិ ដោយលើកឡើងថា ជាង៥៧ភាគរយនៃអ្នកឆ្លើយ មានអារម្មណ៍ថាទីផ្សារអចលនទ្រព្យ មិនមានតម្លៃសមរម្យទេ ដោយបញ្ជាក់ពីឱកាសនៅក្នុងទីផ្សារ សម្រាប់អ្នកអភិវឌ្ឍន៍ ដើម្បីកំណត់គោលដៅផ្នែកអ្នកទិញសម្រាប់កម្រិតទាប ដល់កម្រិតកណ្តាល។

លោកTom បាននិយាយថា “មានឱកាសជាច្រើន នៅក្នុងទីផ្សារអចលនទ្រព្យឥឡូវនេះ ហើយវាគឺជាពេលវេលាដ៏ល្អមួយក្នុងការទិញ ទាំងអ្នកទិញអន្តរជាតិ និងអ្នកទិញក្នុងស្រុក”។ លោកបន្ថែមថា “ការចាប់អារម្មណ៍លើទីផ្សារបានកើនឡើង ជាពិសេសនៅក្នុងការរំពឹងទុកនៃព្រឹត្តិ​ការណ៍កីឡាអាស៊ីអាគ្នេយ៍ស៊ីហ្គេម ដែលកម្ពុជាធ្វើជាម្ចាស់ផ្ទះនៅឆ្នាំក្រោយ។ ការស្ទង់មតិរបស់ AmCham ក៏កំពុងបង្ហាញផងដែរថា តម្លៃអចលនទ្រព្យអាចកើនឡើងបន្ថែមទៀត នាពេលអនាគតដ៏ខ្លីខាងមុខនេះ”។

ជាមួយគ្នានេះ នាយកគ្រប់គ្រងក្រុមហ៊ុន CBRE Cambodia លោក Lawrence Lennon បានផ្តល់យោបល់ក្នុងអំឡុងពេលពិភាក្សាជាក្រុមថា “ខណៈពេលដែលជំងឺរាតត្បាត បានបង្ហាញយ៉ាងច្បាស់ពីរយៈពេលដ៏លំបាក សម្រាប់អាជីវកម្មជាទូទៅ ក្នុងរយៈពេលពីរឆ្នាំចុងក្រោយនេះ បានផ្តល់ឱកាសឱ្យទីផ្សារចុះត្រជាក់វិញ ហើយទុកពេលឱ្យទីផ្សារនេះស្រូបស្រូបយកការផ្គត់ផ្គង់ ដែលមានស្រាប់”៕

ភ្នំពេញ ៖​ ក្រុមហ៊ុន  ព្រីនស៍ រៀល អ៊ីស្ទេត ដែលជាអង្គភាពមួយរបស់ក្រុមហ៊ុន ព្រីនស៍ ហូលឌីង គ្រុប បានចុះ​ហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Less Solutions ដែលជាភ្នាក់ងារធានារ៉ាប់រងឈានមុខគេ និងមានអាជ្ញាប័ណ្ណត្រឹមត្រូវសម្រាប់ដាក់លក់ផលិតផលការធានារ៉ាប់រង ដែល​ផ្តល់ដោយបណ្តាក្រុមហ៊ុនធានារ៉ាប់រងលំដាប់កំពូលនៅកម្ពុជា ដូចជាក្រុមហ៊ុន CB Insurance (CB Insurance គឺជាអង្គភាពមួយរបស់ក្រុមហ៊ុន ព្រីនស៍ ហូលឌីង គ្រុប), ក្រុមហ៊ុន AIA (Cambodia), ក្រុមហ៊ុន Prudential (Cambodia) និងក្រុមហ៊ុន Forte (Cambodia)។ល។

ជាលទ្ធផល ផលិតផលធានារ៉ាប់រងជាច្រើននឹងត្រូវផ្តល់ជូនអ្នកទិញ (និងអ្នកជួល) អចលនទ្រព្យ ដែលអភិវឌ្ឍដោយក្រុមហ៊ុន ព្រីនស៍ រៀល អ៊ីស្ទេត គ្រុប ដើម្បីបង្កើនតម្លៃក្នុងរយៈពេលវែង ។ ក្នុងនាមជាក្រុមហ៊ុនអចលនទ្រព្យដែល “អាចសម្រេចបាន និងមានសុវត្ថិភាពបំផុត និងភាពងាយស្រួលបំផុត”នៅប្រទេសកម្ពុជា ដែលជាចំណុចលក់ពិសេសចំនួនបី ក្រុមហ៊ុនព្រីនស៍ រៀល អ៊ីស្ទេត គ្រុប មានគោលបំណងធ្វើឱ្យការវិនិយោគលើអចលនទ្រព្យ ក្លាយទៅជាជម្រើស “របៀបរស់នៅ” សម្រាប់អ្នកទិញក្នុងស្រុក និងអន្តរជាតិដែលកំពុងរីកចម្រើន ។

ក្រុមហ៊ុន ព្រីនស៍ រៀល អ៊ីស្ទេត គ្រុប ត្រូវបានបង្កើតឡើងនៅឆ្នាំ ២០១៥ និងជាក្រុមហ៊ុនអភិវឌ្ឍអចលនទ្រព្យ​ឈានមុខគេនៅប្រទេសកម្ពុជា ដោយបានបញ្ចប់ការសាងសង់ជាស្ថាពរនូវគម្រោងចំនួន ៦ នៅរាជ​ធានី​ភ្នំពេញ និងក្រុងព្រះសីហនុ ដែលមានក្រឡាផ្ទៃសំណង់សរុបជាង 20 លានម៉ែត្រការ៉េ។ ដោយមាន ដីបម្រុងជាង 12 លានម៉ែត្រការ៉េ នៅទូទាំងប្រទេសកម្ពុជា ក្រុមហ៊ុន ព្រីនស៍ រៀល អ៊ីស្ទេត គ្រុប នឹងបន្តការអភិវឌ្ឍលំនៅឋានទំនើប ផ្សារទំនើប និងការិយាល័យទំនើប សម្រាប់ប្រជាជនវណ្ណៈកណ្តាលនៅកម្ពុជាដែលកំពុងរីកចម្រើន និងអ្នកទិញបរទេសដែលមានចក្ខុវិស័យ។

ជាមួយនឹងផលិតផលដែលតែងតែនាំទៅរកការធ្វើឱ្យប្រសើរឡើងនូវ “របៀបរស់នៅ” សម្រាប់អតិថិជនធុរកិច្ច និងអតិថិជនស្នាក់នៅ ក្រុមហ៊ុន ព្រីនស៍ រៀល អ៊ីស្ទេត គ្រុប មានគោលបំណងផ្តល់ជូននូវ៖

• ហិរញ្ញប្បទានដែលអាចសម្រេចបាន៖ អ្នកទិញក្នុង ស្រុកនិងបរទេសអាចទទួលបានប្រាក់កម្ចីទិញផ្ទះរហូតដល់ ១០០ភាគរយ​ តាមរយៈធនាគារព្រីនស៍ ដែលជាធនាគារឈានមុខគេបំផុតមួយក្នុងចំណោមធនាគារឌីជីថលឈានមុខគេនៅកម្ពុជា។

  

• ការទិញដោយសុវត្ថិភាព ៖ ដំណោះស្រាយធានារ៉ាប់រងជាច្រើនដែលឥតគិតថ្លៃ នឹងត្រូវផ្តល់ជូនអតិថិជននៅពេលទិញផ្ទះ (ឧទាហរណ៍៖ មានផ្តល់ជូននូវការធានារ៉ាប់រងគ្រោះអគ្គិភ័យនិងការធានារ៉ាប់រងអចលនទ្រព្យដោយឥតគិតថ្លៃនៅពេលទិញផ្ទះ) តាមរយៈភាពជាដៃគូជាមួយក្រុមហ៊ុន Less Solutions។
• សេវាកម្មប្រកបដោយភាពងាយស្រួល៖ អតិថិជនក៏អាចទទួលបានអត្ថប្រយោជន៍ពីសេវាកម្មបន្ថែមជាច្រើន ដែលផ្តល់ដោយអង្គភាពអាជីវកម្មពាក់ព័ន្ធក្នុងតម្លៃមួយដែលមានភាពប្រកួតប្រជែង ដូចជា សេវាសន្តិសុខ សេវាគ្រប់គ្រងអចលនទ្រព្យ និងសេវាកម្មជួល។

លោក Edward Lee នាយកប្រតិបត្តិនៃក្រុមហ៊ុនព្រីនស៍ រៀល អ៊ីស្ទេត គ្រុប បាន​ថ្លែងថា តាមរយៈការកាត់បន្ថយឧបសគ្គក្នុងការទិញអចលនទ្រព្យក្នុងទីក្រុង ក្រុមហ៊ុន ព្រីនស៍ រៀល អ៊ីស្ទេត គ្រុប មានគោលបំណងធ្វើឱ្យការវិនិយោគអចលនទ្រព្យ​ ក្លាយទៅជាផ្នែកមួយនៃការរស់នៅបែបទំនើបនៅកម្ពុជា។ លោកបានមានប្រសាសន៍ថា តាមរយៈការដាក់ចេញនូវដំណោះស្រាយដែល “អាចសម្រេចបាន និងមានសុវត្ថិភាពបំផុត និងភាពងាយស្រួលបំផុត” នៅក្នុងទីផ្សារ ក្រុមហ៊ុន ព្រីនស៍ រៀល អ៊ីស្ទេត គ្រុប កំពុងអភិវឌ្ឍអចលនទ្រព្យដែលផ្តល់នូវតម្លៃក្នុងរយៈពេលវែងដល់ម្ចាស់ផ្ទះ ក៏ដូចជាអ្នកវិនិយោគទាំងអស់។

ព្រីនស៍ វ័ន ត្រូពិកា ដែលជាគម្រោងវីឡាប្រណិតដំបូងគេដែលត្រូវបានដាក់ចេញដោយ ក្រុមហ៊ុន ព្រីនស៍ រៀល អ៊ីស្ទេត គ្រុបនៅខណ្ឌសែនសុខ ដែលមានចម្ងាយ 10km ពីកណ្តាលទីក្រុង គឺជាដំណោះស្រាយលំនៅឋានដែលអាចសម្រេចបានសម្រាប់ប្រជាជនខ្មែរ និងអ្នកជំនាញបរទេសដែលស្វែងរកការរចនាស្ថាបត្យកម្មទាន់សម័យ ក៏ដូចជាបរិក្ខារទំនើបៗ។ ជាមួយនឹងតម្រូវការហិរញ្ញប្បទានទាបជាងតម្រូវការប្រពៃណីសម្រាប់ទិញផ្ទះក្នុង“បុរី” ម្ចាស់ផ្ទះថ្មីនឹងអាចទទួលបានហិរញ្ញប្បទានរហូតដល់ 100% ពីធនាគារព្រីនស៍ និងដំណោះស្រាយធានារ៉ាប់រងពីក្រុមហ៊ុន CB Insurance ។ ជាលទ្ធផល ផ្ទះវីឡាដែលបានដាក់លក់ក្នុងដំណាក់កាលទី 1 នៃគម្រោងព្រីនស៍ វ័ន ត្រូពិកានេះ ត្រូវបានលក់អស់ហើយ ផ្ទះវីឡាក្នុងដំណាក់កាលទី 2 ក៏កំពុងត្រូវបានរៀបចំសម្រាប់ការដាក់លក់ផងដែរ ៕

ដោយៈ វឌ្ឍនៈ

ភ្នំពេញៈ ទីផ្សារលំនៅដ្ឋានសម្រាប់អ្នកមានចំណូលក្រោមមធ្យម ឬចំណូលទាបនៅតែបន្តរងផលប៉ះពាល់ ទោះបីជាកូវីដ១៩នៅក្នុងប្រទេសកម្ពុជាមានភាពប្រសើរឡើងវិញបន្តិចក្ដី ដោយសារតែ អ្នកមានចំណូលទាប និងមធ្យម នៅតែបន្តមានផលប៉ះពាល់ ទៅលើប្រាក់ចំណូលរបស់ខ្លួនដដែល ។

លោកឧកញ៉ាបណ្ឌិតគីម ហ៊ាង ប្រធានKW Cambodia បានមានប្រសសាន៍ឱ្យដឹងកាលពីពេលថ្មីៗនេះថា ការឆ្លងរាតត្បាតនៃជំងឺកូវីដ១០ក្នុងរយៈពេល២ឆ្នាំកន្លងមកនេះ បានធ្វើឱ្យប៉ះពាល់ដល់ប្រាក់ចំណូលរបស់ពលរដ្ឋជាពិសេសពលរដ្ឋ ដែលមានប្រាក់ចំណូលទាប និងមធ្យម ដែលធ្វើឱ្យទីផ្សារសម្រាប់អ្នកមានចំណូលទាប និងមធ្យមនេះដែរ ក៏បានរងផលប៉ះពាល់និងប៉ះពាល់ដល់បច្ចុប្បន្ននេះ។

លោកឧកញ៉ាបន្តថា “ទីផ្សារលំនៅឋានសម្រាប់អ្នកមាន ឬអ្នកមានចំណូលមធ្យមឡើងទៅ វាមិនសូវជាមានបញ្ហាប៉ុន្មានទេ”។លោកបន្តថា “ ដូច្នេះហើយយើងមើលឃើញថា អ្នកអភិវឌ្ឍន៍លំនៅឋានជាច្រើនបានយកចិត្តទុកដាក់អភិវឌ្ឍន៍ លំនៅដ្ឋានតម្លៃមធ្យមឡើងទៅ និងមានការគាំទ្រពីពលរដ្ឋដែលមានប្រាក់ចំណូលមធ្យមឡើង”។

លោកឧកញ៉ាបណ្ឌិតគីម ហ៊ាងបានបន្ថែមថា បច្ចុប្បន្ននេះ លោកបាននិងកំពុងសាងសង់បុរី២ប្រភេទ ដោយទី១ជាប្រភេទលំនៅឋានសម្រាប់អ្នកមានចំណូលក្រោមមធ្យម នៅស្រុកកៀនស្វាយខេត្តកណ្ដាល និងគម្រោងបុរីមួយទៀតជាប្រភេទលំនៅឋានបែបអភិជន សម្រាប់អ្នកមានលុយ នៅខាងប៉ែកខាងជើងរាជធានីភ្នំពេញ។ ជាបន្តបន្ទាប់ទៅទៀត លោកនឹងអភិ​វ ឌ្ឍន៍លំនៅឋានជាបុរីកាន់តែមានធំជាងនេះ ដោយផ្ដោតលើលំនៅឋានតម្លៃខ្ពស់ៗ។

ជាការកត់សម្គាល់ លំនៅឋានតម្លៃក្រោមមធ្យមរបស់ពលរដ្ឋ ដែលទិញហើយបង់រំលស់ កំពុងដាក់ផ្លាកប្រកាសលក់វិញ ដោយសារតែមិនមានលទ្ធភាព ក្នុងការបង់រំលស់បន្ត ពីព្រោះតែអាជីកម្មមិនអាចរកប្រាក់ចំណូលបានដូចមុនកូវីដ១៩ អញ្ចឹងត្រូវរកដំណោះ ស្រាយហិរញ្ញវត្ថុជាបន្ទាន់ ។

ជាមួយគ្នានេះ លោកឧកញ៉ានួន រឹទ្ធីអគ្គនាយកក្រុមហ៊ុន KFA បានមានប្រសាសន៍ថា ក្នុងកាលៈទេសៈនេះ អ្នកមានចំណូលក្រោមមធ្យមនិងមានចំណូលមធ្យមមិនគួរទិញផ្ទះ ឬវិនិយោគផ្ទះនោះទេ គួររង់ចាំមើលមួយ រយៈសិន រង់ឱ្យស្ថានភាពបានល្អប្រសើរជាងនេះបន្តិច៕

ដោយៈ សុខុម

ហាណូយ: ចាប់តាំងពីដើមឆ្នាំនេះ ទីផ្សារអចលនទ្រព្យវៀតណាម មានសន្ទុះកើនឡើងនូវសកម្មភាពទិញយក និងច្របាច់បញ្ចូលគ្នា (M&A) រួមទាំងគម្រោងការិយាល័យ លំនៅដ្ឋាន និងឧស្សាហកម្មផងដែរ។ នេះបើយោងតាមសារព័ត៌មាន Vietnam News ចុះផ្សាយកាលពីថ្ងៃច័ន្ទ ទី០១ ខែសីហា។

លទ្ធផលស្ទង់មតិដែលធ្វើឡើង ដោយក្រុមហ៊ុនផ្ដល់សេវាអចលនទ្រព្យពាណិជ្ជកម្មអន្តរជាតិ Cushman & Wakefield (C&W) បង្ហាញថា ការទិញយកអគារការិយាល័យកម្រិតA ដែលមានឈ្មោះថា Capital Place នៅកណ្តាលទីក្រុងហាណូយ ពីសំណាក់ក្រុមហ៊ុន Viva Land ក្នុងតម្លៃ៥០០លានដុល្លារអាមេរិក បានធ្វើឱ្យទីផ្សារការិយាល័យមានសន្ទុះហក់ឡើងគួរឱ្យកត់សម្គាល់។

គម្រោងអគារការិយាល័យលំដាប់ខ្ពស់នេះ ជាអគារភ្លោះមានកម្ពស់៣៧ជាន់ ដែលត្រូវបានជ្រើសរើសធ្វើជាទីតាំងការិយាល័យធំ នៃក្រុមហ៊ុនពហុជាតិសាសន៍ជាច្រើននៅក្នុងទីក្រុងនេះ។

នៅមុននេះក្រុមហ៊ុនViva Land ក៏បានទិញយកអគារ Saigon One Tower ដោយជោគជ័យផងដែរ ហើយបានប្ដូរឈ្មោះថ្មីទៅជា IFC Saigon One។

សម្រាប់ផ្នែកលំនៅដ្ឋាន ទីផ្សារនេះក៏សម្រេចបានកិច្ចព្រមព្រៀងមួយចំនួនធំផងដែរ ដូចជា ការទិញយករបស់ក្រុមហ៊ុន Novaland នូវគម្រោងអាផាតម៉ិនប្រណីត Kenton Node ពីក្រុមហ៊ុន Tài Nguyên Construction Production Trading Co. និងប្តូរឈ្មោះថ្មីទៅជា Grand Sentosa ផងដែរ។ គម្រោងនេះមានអាផាតម៉ិនដល់ទៅ១.៦៤០យូនីត។

ប្រតិបត្តិការទិញលក់ដ៏ធំមួយទៀត គឺការទិញយកគម្រោង Saigon Binh An ឬដែលគេស្គាល់ថា The Global City ដោយក្រុមហ៊ុន Masterise Homes។ គម្រោងនេះស្ថិតនៅលើផ្ទៃដី១១៧ហិកតា។

កាលពីពេលថ្មីៗនេះ ក្រុមហ៊ុនអាមេរិកWarburg Pincus បានប្រកាសបោះទុនវិនិយោគចំនួន២៥០លានដុល្លារ លើក្រុមហ៊ុន Novaland ដើម្បីបង្កើនការទិញដីធ្លី និងអភិវឌ្ឍគម្រោង ដែលមានស្រាប់របស់ក្រុមហ៊ុន Novaland នៅក្នុងទីតាំងជាយុទ្ធសាស្ត្រនានា។

ការស្ទង់មតិរបស់ក្រុមហ៊ុន C&W បង្ហាញថា ក្រុមហ៊ុន២ទៀតគឺ VinaCapital និង Dragon Capital ក៏បានបោះទុន១០៣លានដុល្លារ លើក្រុមហ៊ុន Hưng Thịnh Land JSC ផងដែរ។

ទន្ទឹមនឹងនេះ អចលនទ្រព្យប្រភេទឧស្សាហកម្ម នៅតែជាផ្នែកដែលត្រូវប៉ាន់បំផុតក្នុងទីផ្សារទិញយក និងច្របាញ់បញ្ចូលគ្នានេះ ដោយគ្រប់ដណ្ដប់៣៥%នៃតម្លៃទិញលក់សរុបក្នុងវិស័យនេះ។

កាលពីដើមឆ្នាំនេះ ក្រុមហ៊ុន GLP បានបង្កើតក្រុមហ៊ុនបុត្រសម្ព័ន្ធមួយមានឈ្មោះថា GLP Vietnam Development Partners I ជាមួយទុនវិនិយោគសរុប១,១ពាន់លានដុល្លារ លើគម្រោងមជ្ឈមណ្ឌលដឹកជញ្ជូនចំនួន៦។

វៀតណាម ទទួលបានរំហូរមូលធនថ្មី រហូតដល់ទៅ១០,០៦ពាន់លានដុល្លារ ពីបណ្ដាវិនិយោគិនបរទេសក្នុងឆមាសទី១ ដើមឆ្នាំ២០២២។

វិនិយោគិនបរទេសឈានមខគេ ក្នុងទីផ្សារអចលនទ្រព្យវៀតណាម រួមមានសិង្ហបុរី ជប៉ុន ដាណឺម៉ាក ចិន និងកូរ៉េខាងត្បូង៕ Vietnam News៕