ដោយៈ សុខុម

ភ្នំពេញ: ប្រេសិតពិសេសរបស់អាស៊ាន ទទួលបន្ទុកដោះស្រាយវិបត្តិនៅមីយ៉ាន់ម៉ា បានលើកឡើងកាលពីថ្ងៃពុធ ទី២០ ខែកក្កដា ថា លោកកំពុ​ងត្រៀមធ្វើទស្សនកិច្ចជាផ្លូវការលើកទី៣ ទៅកាន់មីយ៉ាន់ម៉ា ហើយប្រ​សិនបើលោក បានជួបជាមួយលោកស្រី អ៊ុងសាន ស៊ូជីលោកចង់ប្រើឥទ្ធិពលរបស់លោកស្រី ដើម្បីបញ្ចប់អំពើហិង្សានៅទីនោះ។

លោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេសកម្ពុជា ព្រមទាំងមានតួនាទីជាប្រេសិតពិសេសរបស់អាស៊ាន ទទួលបន្ទុកដោះស្រាយវិបត្តិនៅមីយ៉ាន់ម៉ា បានប្រាប់សារព័ត៌មានសិង្ហបុរី CNA ថា លោកសង្ឃឹមថា នឹងធ្វើទស្សនកិច្ចអំឡុងសប្តាហ៍ទី២ ក្នុងខែកញ្ញា នៅមុនកិច្ចប្រជុំមហាសន្និបាតអង្គការសហប្រជាជាតិលើកក្រោយ ដែលគ្រោងប្រព្រឹត្តទៅពីថ្ងៃទី១៣ ខែកញ្ញា ដល់ ថ្ងៃទី២៧ ខែកញ្ញា នៅទីក្រុងញូវយ៉ក សហរដ្ឋអាមេរិក។

ជម្រើសមួយទៀតគឺលោក អាចនឹងធ្វើទស្សនកិច្ចទៅកាន់មីយ៉ាន់ម៉ា នៅដើមខែតុលា នៅមុនពេលអាស៊ាន បើកកិច្ចប្រជុំកំពូលប្រចាំឆ្នាំរបស់ខ្លួនក្នុងខែវិច្ឆិកា ខណៈកម្ពុជា ជាប្រធានប្ដូរវេនរបស់អាស៊ាន នៅឆ្នាំនេះ។

ក្នុងដំណើរទស្សនកិច្ចផ្លូវការ២លើកមុន របស់លោក លោក ប្រាក់ សុខុន ត្រូវបានយោធាមីយ៉ាន់ម៉ា បដិសេធមិនអនុញ្ញាឱ្យចូលជួបលោកស្រី អ៊ុង សានស៊ូជី ឡើយ ខណៈមេដឹកនាំដែលត្រូវបានបណ្តេញចេញពីអំណាចរូបនេះ កំពុងជាប់ឃុំឃាំងក្នុងពន្ធនាគារក្នុងក្រុងណៃពិដោ។

របបរដ្ឋាភិបាលយោធាមីយ៉ាន់ម៉ា បានបដិសេធម្តងហើយម្តងទៀតនូវសំណើរបស់កម្ពុជា ដែលសុំជួបលោកស្រី អ៊ុង សានស៊ូជី ដោយលើកឡើងថា លោកស្រីកំពុងឡើងសវនាការ ជំនុំជម្រះទោសមិនទាន់ចប់ ដែលរួមមានការចោទប្រកាន់ជាច្រើន ពីបទប្រព្រឹត្តអំពើពុករលួយ និងការបន្លំសន្លឹកឆ្នោតផងដែរ។

ទោះជាយ៉ាងណា លោកស្រី អ៊ុង សានស៊ូជី បានច្រានចោលការចោទប្រកាន់ទាំងអស់នេះ។

លោក ប្រាក់ សុខុន  បានប្រាប់សារព័ត៌មាន CNA ថា “រឿងសំខាន់បំផុតដែលយើងនឹងសាកសួរ ឬពិភាក្សាជាមួយលោកស្រី គឺអំពីទស្សនៈរបស់លោកស្រី ចំពោះអនាគតនៃប្រទេសមីយ៉ាន់ម៉ា វិធីដែលលោកស្រីមើលឃើញច្រកចេញពីវិបត្តិ វិធីដែលឥទ្ធិពលនយោបាយរបស់លោកស្រីអាចមានទម្ងន់លើដំណើរការនយោបាយ ការសន្ទនានយោបាយដែលអាចឈានទៅរកសន្តិភាព និងការផ្សះផ្សារជាតិ”។

លោកបានបន្តថា “ចំណុចមួយទៀតគឺត្រូវសួរលោកស្រីថា តើគោលការណ៍អហិង្សារបស់លោកស្រី អាចមានឥទ្ធិពលលើក្រុមប្រដាប់អាវុធទាំងអស់បែបណា ដើម្បីឱ្យពួកគេបញ្ឈប់អំពើហិង្សា”។

លោកបានបន្ថែមទៀតថា “នៅពេលកងកម្លាំងប្រដាប់អាវុធទាំងអស់ឈប់ប្រយុទ្ធគ្នា ពួកគេនឹងត្រូវចូលតុចរចានៅថ្ងៃណាមួយ ហើយពេលនោះផ្លូវនឹងបើកចំហយ៉ាងទូលាយ សម្រាប់ការចរចាសន្តិភាព និងការផ្សះផ្សារជាតិ”។

លោកប្រាក់ សុខុនបានលើកឡើងថា “ដូចនេះលោកស្រី អ៊ុង សានស៊ូជី នៅតែត្រូវបានចាត់ទុកជាតួអង្គដ៏សំខាន់បំផុតមួយ នៅក្នុងប្រទេសមីយ៉ាន់ម៉ា ក្នុងវិស័យនយោបាយ និងសម្រាប់សន្តិភាព និងការផ្សះផ្សាជាតិ”៕ CNA៕

MOSCOW, July 20 (Reuters) – Russian President Vladimir Putin said on Wednesday that capacity of the Nord Stream 1 gas pipeline, the single largest link for Russian gas supplies to Europe, could be further reduced due to slow progress in equipment maintenance.

Nord Stream 1, which runs on the bed of the Baltic Sea to Germany, has been in focus since Russia sent troops to Ukraine on Feb. 24 in what Moscow describes as a “special military operation.”

The pipeline is staying idle for annual maintenance from July 11 to July 21. Sources told Reuters that Nord Stream is expected to resume gas exports as scheduled but at reduced capacity. read more

Speaking to reporters after his visit to Tehran, Putin said there were five gas pumping units, operated by Siemens Energy (ENR1n.DE) at Nord Stream 1, while one more unit was out of order due to “crumbling of inside lining.”

“There are two functioning machines there, they pump 60 million cubic metres per day … If one is not returned, there will be one, which is 30 million cubic metres. Has Gazprom something to do with that?” Putin said, adding that one more of the gas pumping turbines is due to be sent for maintenance on July 26.

Nord Stream 1 has capacity to pump more than 55 billion cubic metres (bcm) a year to the European Union, which last year imported about 140 bcm of gas from Russia via pipelines.

Kremlin-controlled energy giant Gazprom (GAZP.MM) cut gas exports through the route to 40% capacity last month, citing delays in the return of a turbine Siemens Energy was servicing in Canada, which had initially banned the equipment return, citing sanctions.

The Kommersant newspaper reported on Monday, citing people familiar with the situation, that Canada had eventually sent the turbine needed for Nord Stream 1 to Germany by plane on July 17 after repair work had been completed. read more

Putin also said that Gazprom was not to blame for the reduction of gas transit capacity, including shutting down one of the routes via Ukraine to Europe by Kyiv.

He added that Gazprom was ready to fulfil its obligations on gas exports.

Reporting by Reuters

ដោយ៖ លាងហួរ

រុស្ស៊ី៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយនៅថ្ងៃពុធថា សមត្ថភាពនៃបំពង់បង្ហូរឧស្ម័ន Nord Stream 1 ដែលជាតំណភ្ជាប់ដ៏ធំបំផុតតែមួយគត់សម្រាប់ការផ្គត់ផ្គង់ឧស្ម័នរបស់រុស្ស៊ីទៅកាន់អឺរ៉ុប អាចត្រូវបានកាត់បន្ថយបន្ថែមទៀត ដោយសារតែមានដំណើរការយឺតក្នុងការជួលជុលឧបករណ៍។

ចំណែកបំពង់ Nord Stream 1 ដែលដំណើរការក្រោមសមុទ្របាល់ទិកបានផ្អាកដោយសារការជួលជុលពីថ្ងៃទី១១ ខែកក្កដា។

ប្រភពមួយបានប្រាប់សារពត៌មាន Reuters ថា Nord Stream 1 ត្រូវបានគេរំពឹងថានឹងបន្តការនាំចេញឧស្ម័នដូចដែលបានគ្រោងទុក ប៉ុន្តែមានការថយចុះ។

ថ្លែងទៅកាន់អ្នកសារព័ត៌មាន បន្ទាប់ពីដំណើរទស្សនកិច្ចរបស់លោកទៅកាន់ទីក្រុង Tehran លោកពូទីនបាននិយាយថា មានក្រុមហ៊ុនបូមឧស្ម័នចំនួន៥ ដែលដំណើរការដោយ Siemens Energy (ENR1n.DE) នៅ Nord Stream 1។

ម៉ាស៊ីនពីរ ដែលមានមុខងារ នៅ Nord Stream 1 ដែលបូមឧស្ម័ន៦០លានម៉ែត្រគូបក្នុងមួយថ្ងៃ ប៉ុន្តែបើម៉ាស៊ីនមួយទៀតមិនបានយកមកវិញទេ គេអាចបូមបានតែ៣០លានម៉ែត្រគូបប៉ុណ្ណោះ។

លោកពូទីនបាននិយាយបន្ថែមថា ទួរប៊ីនបូមឧស្ម័នមួយបន្ថែមទៀតនឹងត្រូវបញ្ជូនទៅជួសជុលនៅថ្ងៃទី២៦ខែកក្កដា។

បំពង់ Nord Stream 1 មានសមត្ថភាពបូមឧស្ម័នច្រើនជាង៥៥ពាន់លានម៉ែត្រគូប ក្នុងមួយឆ្នាំទៅកាន់សហភាពអឺរ៉ុប ដែលកាលពីឆ្នាំមុនសហភាពអឺរ៉ុបបាននាំចូលឧស្ម័ន ប្រហែល១៤០ពាន់លានម៉ែត្រគូបតាមរយៈបំពង់នេះ៕

ដោយ៖ លាងហួរ

ប្រទេសចិន៖ នៅក្នុងកិច្ចសន្ទនាសេដ្ឋកិច្ច និងពាណិជ្ជកម្មកម្រិតខ្ពស់លើកទី៩ កាលពីថ្ងៃអង្គារ ប្រទេសចិន និងសហភាពអឺរ៉ុប (EU) បានព្រមព្រៀងគ្នាក្នុងការខិតខំប្រឹងប្រែងរួមគ្នា ដើម្បីលើកកម្ពស់កិច្ចសហប្រតិបត្តិការជាក់ស្តែងក្នុងវិស័យសេដ្ឋកិច្ច និងពាណិជ្ជកម្ម និងរួមគ្នាទប់ទល់នឹងបញ្ហាប្រឈមដែលសេដ្ឋកិច្ចពិភពលោកកំពុងជួបប្រទះ។

កិច្ចសន្ទនាដែលធ្វើឡើងតាមរយៈវីដេអូត្រូវបានដឹកនាំ ដោយឧបនាយករដ្ឋមន្ត្រីចិន Liu He និងលោក Valdis Dombrovskis អនុប្រធានប្រតិបត្តិ នៃគណៈកម្មាធិការអឺរ៉ុប។

ភាគីទាំងពីរបានពិភាក្សាប្រកប ដោយប្រសិទ្ធភាព ស្មោះត្រង់ និងមានប្រសិទ្ធភាពលើប្រធានបទចំនួនបួន រួមមាន ម៉ាក្រូសេដ្ឋកិច្ច  ខ្សែសង្វាក់ឧស្សាហកម្ម និងសង្វាក់ផ្គត់ផ្គង់ ពាណិជ្ជកម្ម និងការវិនិយោគ និងកិច្ចសហប្រតិបត្តិការហិរញ្ញវត្ថុ។

ភាគីចិននិងសហភាពអឺរ៉ុប សម្រេចបានលទ្ធផល និងការឯកភាពគ្នាជាបន្តបន្ទាប់លើការសម្របសម្រួលគោលនយោបាយម៉ាក្រូសេដ្ឋកិច្ច កិច្ចសហប្រតិបត្តិការលើខ្សែសង្វាក់ផ្គត់ផ្គង់ឧស្សាហកម្ម និងការផ្គត់ផ្គង់ កំណែទម្រង់ WTO ការបើកទីផ្សារកាន់តែទូលំទូលាយ ការអនុវត្តកិច្ចព្រមព្រៀងចិន-សហភាពអឺរ៉ុបស្តីពីសូចនាករភូមិសាស្ត្រ ការត្រួតពិនិត្យសត្វ និងរុក្ខជាតិ និងការដាក់ឱ្យនៅដាច់ពីគេការបើកវិស័យហិរញ្ញវត្ថុ និងកិច្ចសហប្រតិបត្តិការបទប្បញ្ញត្តិ។

ភាគីទាំងពីរជឿជាក់ថា ស្ថានភាពនយោបាយ និងសេដ្ឋកិច្ចពិភពលោកកំពុងមានការផ្លាស់ប្តូរយ៉ាងជ្រាលជ្រៅ ហើយទំនាក់ទំនងចិន-សហភាពអឺរ៉ុបកំពុងមានវឌ្ឍភាពល្អ និងស្ថិរភាព និងទំនាក់ទំនងសេដ្ឋកិច្ច និងពាណិជ្ជកម្មចិន-សហភាពអឺរ៉ុបគឺអំណោយផលដល់ការអភិវឌ្ឍន៍ និងវិបុលភាពពិភពលោក។

ភាគីទាំងពីរមានឆន្ទៈក្នុងការខិតខំប្រឹងប្រែងរួមគ្នា ដើម្បីបង្កើនការយល់ដឹងគ្នាទៅវិញទៅមក ជំរុញកិច្ចសហប្រតិបត្តិការជាក់ស្តែងរវាងចិន និងអឺរ៉ុប ក្នុងវិស័យសេដ្ឋកិច្ច និងពាណិជ្ជកម្ម និងពង្រឹងស្ថិរភាព នៃកិច្ចសហប្រតិបត្តិការចិន-សហភាពអឺរ៉ុប ដើម្បីទប់ទល់នឹងភាពមិនប្រាកដប្រជា នៃស្ថានភាពសេដ្ឋកិច្ចពិភពលោក។

ប្រទេសចិន និងសហភាបពអឺរ៉ុបបានត្រៀមខ្លួនជាស្រេច ដើម្បីរួមគ្នាដោះស្រាយបញ្ហាប្រឈម ដែលសេដ្ឋកិច្ចពិភពលោកកំពុងជួបប្រទះ ពង្រឹងទំនាក់ទំនង និងការសម្របសម្រួល នៃគោលនយោបាយម៉ាក្រូសេដ្ឋកិច្ច រក្សាស្ថិរភាពនៃខ្សែសង្វាក់ឧស្សាហកម្មសកល និងខ្សែសង្វាក់ផ្គត់ផ្គង់ ព្រមទាំងរួមគ្នាការពារ និងពង្រឹងប្រព័ន្ធពាណិជ្ជកម្មពហុភាគីផ្អែកលើច្បាប់ជាមួយ WTO៕