ដោយ: លាងហួរ

ប៉េកាំង: នាយករដ្ឋមន្ត្រីចិន លោក លីខឺឈាង បានចូលរួមកិច្ចសន្ទនាតាមប្រព័ន្ធវីដេអូពិសេស ជាមួយមេដឹកនាំធុរកិច្ចសកល ដែលរៀបចំដោយវេទិកាសេដ្ឋកិច្ចពិភពលោក(WEF)នៅទីក្រុងប៉េកាំង។

រដ្ឋាភិបាលចិនប្តេជ្ញាថា នឹងខិតខំប្រឹងប្រែងបន្ថែមទៀត ក្នុងការធ្វើឱ្យស៊ីជម្រៅនូវការបើកចំហកម្រិតខ្ពស់ និងជំរុញទីផ្សារលំដាប់ពិភពលោក បរិយាកាសអាជីវកម្ម ដែលគ្រប់គ្រងដោយក្របខ័ណ្ឌច្បាប់ដ៏ត្រឹមត្រូវមួយ។

លោកលី ខឺឈាង បានថ្លែងសុន្ទរកថា និងផ្លាស់ប្តូរទស្សនៈជាមួយអ្នកតំណាងអាជីវកម្មនានាមកពីជុំវិញពិភពលោក។

ការសន្ទនានេះ ត្រូវបានសម្របសម្រួលដោយប្រធានប្រតិបត្តិ នៃ WEF Klaus Schwab និងអ្នកដឹកនាំអាជីវកម្មជិត៤០០នាក់ មកពីជាង៥០ប្រទេសបានចូលរួម។

លោកលី ខឺឈាង បានកត់សម្គាល់ការផ្លាស់ប្តូរយ៉ាងជ្រាលជ្រៅ និងស្មុគស្មាញ ហើយជាពិសេសការកើនឡើងនៃបញ្ហាប្រឈម និងភាពមិនច្បាស់លាស់ នៅក្នុងបរិយាកាសក្នុងតំបន់ និងអន្តរជាតិ។  លោកបាននិយា​យថា លោកប្រធានាធិបតីស៊ី ជីនពីង បានចង្អុលបង្ហាញនៅក្នុងសុន្ទរកថារបស់លោក នៅឯវេទិកាសេដ្ឋកិច្ចពិភពលោក Virtual Session នៅឆ្នាំនេះថា “ប្រទេសចិននឹងបន្តប្តេជ្ញាចិត្ត ដើម្បីធ្វើកំណែទម្រង់ និងការបើកទូលាយ”។

បរិយាកាសសន្តិភាព និងស្ថិរភាព គឺជាតម្រូវការជាមុនសម្រាប់ការអភិវឌ្ឍន៍។

លោកលី ខឺឈាង បាននិយាយថា ប្រទេសចិននឹងធ្វើការជាមួយគ្រប់ភាគី ដើម្បីលើកកម្ពស់ប្រព័ន្ធអន្តរជាតិ ដែលផ្តោតលើអង្គការសហប្រជាជាតិ អនុវត្តពហុភាគីនិយម និងរួមគ្នាការពារសន្តិភាព និងសន្តិភាពពិភពលោក។

លោកបន្ថែមថា ការលើកកម្ពស់កំណើនសេដ្ឋកិច្ចពិភពលោក ប្រកប​ដោយស្ថិរភាព គឺជាកិច្ចការទូទៅ និងបន្ទាន់សម្រាប់ទាំងអស់គ្នា ដើម្បីពង្រឹងការសម្របសម្រួល គោលនយោបាយម៉ាក្រូសេដ្ឋកិច្ច ធានាស្ថិរភាពការផ្គត់ផ្គង់អាហារ និងថាមពល និងរក្សាខ្សែសង្វាក់ផ្គត់ផ្គង់ឧស្សាហកម្ម និងផ្គត់ផ្គង់ប្រកបដោយសុវត្ថិភាព និងរលូន។

លោកលឺ ខឺឈាង បានបញ្ជាក់ថា វាមានសារៈសំខាន់ក្នុងការពង្រឹងឯកភាព និងការសម្របសម្រួល ការពារយ៉ាងរឹងមាំ និងជំរុញសកលភាវូបនីយកម្មសេដ្ឋកិច្ច ធ្វើឱ្យស៊ីជម្រៅកិច្ចសហប្រតិបត្តិការទ្វេភាគី និងពហុភាគី និងជំរុញការអភិវឌ្ឍន៍ប្រកបដោយតុល្យភាព រួមបញ្ចូល និងនិរន្តរភាពដែល​ផ្តល់សម្រាប់ទាំងអស់គ្នា៕

ដោយៈ សុផារី

       ព្រះសីហនុៈ លោកឧបនាយករដ្ឋមន្រ្តីជា សុផារ៉ារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានដឹកនាំមន្រ្តីអន្តរក្រសួង ដើម្បីរៀបចំគោលនយោបាយគ្រប់គ្រង និងប្រើប្រាស់ដីធ្លីលំអិតនៅក្រុងព្រះសីហនុ។

កិ​ច្ចប្រជុំនេះមានការចូលរួមពីបណ្តារដ្ឋមន្រ្តី មកពីក្រសួងពាក់ព័ន្ឋជា​ច្រើនរួមមាន លោកវេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាសមាជិកនៃគណៈកម្មាធិការបច្ចេកទេស អន្តរក្រសួងរៀបចំគោលនយោបាយគ្រប់គ្រងនិងប្រើប្រាស់ដីធ្លី លោកចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាអនុប្រធានគ.ប.ដ. លោកស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន និងជាអនុប្រធាន គ.ប.ដ.  និងរដ្ឋមន្រ្តីក្រសួងពាក់ព័ន្ធមួយចំនួនទៀត។

កិច្ចប្រជុំនេះ ធ្វើឡើងក្នុងគោលបំណងពិនិត្យ និងផ្តល់ការយល់ព្រមលើសេចក្តីព្រាង គោលនយោបាយគ្រប់គ្រងនិងប្រើប្រាស់ដីធ្លី ដើម្បីអភិវឌ្ឍខត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង។

ក្នុងកិច្ចប្រជុំដ៏មានសារៈសំខាន់នេះ ធ្វើឡើងក្នុងគោលដៅបន្តជំរុញសន្ទុះកំណើនសេដ្ឋកិច្ចថ្មី និងលើកកម្ពស់សុខុមាលភាពសង្គម តាមគន្លងប្រក្រតីភាពថ្មី ដើម្បីធានាសម្រេចបានចក្ខុវិស័យដល់ឆ្នាំ២០៣៨ គឺ ដែនដីនៅខេត្តព្រះសីហនុ ត្រូវបានគ្រប់គ្រង ប្រើប្រាស់ បែងចែក ការពារ និងអភិវឌ្ឍប្រកបដោយសមធម៌ តម្លាភាព ប្រសិទ្ធភាព ចីរភាព និងបរិយាបន្ន ដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង ជាទីក្រុងបៃតងអាស៊ាន នៃប៉ូលអភិវឌ្ឍន៍ជាតិទំនើប៕

ដោយៈ សុខុម

អាមេរិក: ប្រធានាធិបតីសហរដ្ឋអាមេរិក លោកចូ បៃឌិនគ្រោងជជែកចរចាជាមួយប្រធានាធិបតីចិន លោកស៊ី ជីនភីង នៅចុងខែនេះ ស្របពេលភាពតានតឹងកំពុងឡើងកម្ដៅ រវាងប្រទេសទាំង២ជុំវិញបញ្ហាកោះតៃវ៉ាន់ និងពាណិជ្ជកម្ម។

នៅពេលវិលត្រលប់ពីដំណើរទស្សនកិច្ច ទៅកាន់រដ្ឋម៉ាសាជូសេត (Massachusetts) វិញ លោក ចូ បៃឌិន បានថ្លែងទៅកាន់ក្រុមអ្នកយកព័ត៌មានថា “ខ្ញុំគិតថា ខ្ញុំនឹងជជែកចរចាជាមួយ លោកប្រធានាធិបតី ស៊ី នៅរយៈពេល១០ថ្ងៃខាងមុខ”។ នេះបើយោងតាមសារព័ត៌មាន Reuters ចុះផ្សាយនៅថ្ងៃព្រហស្បតិ៍ ទី២១ ខែកក្កដា នេះ។

ការជជែកចរចាតាមទូរស័ព្ទ ដែលគេទន្ទឹងរង់ចាំយូរមកហើយរវាងមេដឹកនាំទាំង២ ដែលវាជាការជជែកជាលើកដំបូងសម្រាប់លោកទាំង២ ក្នុង    រយៈពេល៤ខែមកនេះ នឹងធ្វើឡើងចំពេលដ៏សំខាន់មួយ ដោយសារភាពតានតឹងឡើងកម្ដៅជុំវិញបញ្ហាកោះតៃវ៉ាន់ និងខណៈរដ្ឋការរបស់លោកចូ បៃឌិន កំពុងថ្លឹងថ្លែងការកាត់ពន្ធនាំចូលលើទំនិញពីប្រទេសចិន ដើម្បីជួយសម្រាលសម្ពាធអតិផរណា មកលើអ្នកប្រើប្រាស់ជាពលរដ្ឋអាមេរិក។

សហរដ្ឋអាមេរិក បានហៅប្រទេសចិន ថាជាគូប្រជែងជាយុទ្ធសាស្ត្រ ឬជាគូប្រជែងធំបំផុតរបស់ខ្លួន ហើយនិយាយថា ការចូលរួមជជែកចរចាកម្រិតខ្ពស់ គឺមានសារៈសំខាន់ណាស់ នៅក្នុងការរក្សាទំនាក់ទំនងដ៏លំបាកនេះឱ្យមានស្ថិរភាព និងទប់ស្កាត់វាកុំឱ្យធ្លាក់ចូលក្នុងជម្លោះជាយថាហេតុ។

កាលពីខែមុន រដ្ឋាភិបាលក្រុងវ៉ាស៊ីនតោន បានជំរុញអង្គការបក្សសម្ព័ន្ធយោធាNATO អនុម័តលើឯកសារជាយុទ្ធសាស្ត្រមួយ ដែលហៅប្រទេសចិនថា “ជាអ្នកគំរាមកំហែងដល់សន្តិសុខពិភពលោក”។

ថ្លែងទៅកាន់ក្រុមអ្នកសារព័ត៌មានកាលពីថ្ងៃពុធ ទី២០ ខែកក្កដា លោក ចូ បៃឌិន ហាក់ដូចបង្ហាញមន្ទិល ចំពោះគម្រោងដំណើរទស្សនកិច្ចរបស់ប្រធានសភាអាមេរិក លោកស្រី Nancy Pelosi ទៅកាន់កោះវ៉ាន់ នៅខែក្រោយ។

លោកចូ បៃឌិន លើកឡើងដូច្នេះថា “ខ្ញុំយល់ថា យោធាគិតថាវាមិនមែនជាគំនិតល្អទេនៅពេលនេះ ប៉ុន្តែខ្ញុំក៏មិនដឹងពីស្ថានភាពនេះដែរ”៕ Reuters៕

ដោយ៖ សុផារី

ភ្នំពេញ៖ ក្រសួងពាណិជ្ជកម្មបានប្រកាសនៅថ្ងៃទី២១ ខែកក្កដា ឆ្នាំ២០២២នេះថា តម្លៃប្រេងឥន្ធនៈនៅកម្ពុជា បន្តធ្លាក់ថ្លៃ ក្នុងនោះតម្លៃសាំងធម្មតានឹងត្រូវលក់៤.៨០០ រៀល ក្នុង១លីត្រ ចាប់ពីថ្ងៃទី២១ ដល់ថ្ងៃទី៣១ ខែកក្កដា ខណៈប្រេងម៉ាស៊ូត តម្លៃ៥.៣០០ រៀល ក្នុង១លីត្រ។

បើយោងតាមសេចក្តីប្រកាសព័ត៌មាន របស់ក្រសួងពាណិជ្ជកម្មកម្ពុជា នៅថ្ងៃទី២១ ខែកក្កដា ឆ្នាំ២០២២នេះ បានបញ្ជាក់ថា ផ្អែកតាមតម្លៃប្រេងឆៅនៅលើទីផ្សារអន្តរជាតិ តម្លៃលក់រាយប្រេងឥន្ធនៈក្នុងរយៈពេលដូចគ្នាខាងលើ ត្រូវលក់៥.០៦៦រៀល ក្នុងមួយលីត្រ សម្រាប់ប្រេងសាំងធម្មតា EA92 និង ៥.៥៦៦រៀល សម្រាប់ប្រេងម៉ាស៊ូត ក្នុងមួយលីត្រ។

ក្រសួងបានបញ្ជាក់បន្ថែមថា ដើម្បីជួយសម្រួល់ដល់ជីវភាពរបស់ប្រជាជន និងដោយមានការរួមចំណែក ពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចនាយករដ្ឋមន្រ្តី បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៦,៥សេនដុល្លារ ក្នុងមួយលីត្រ៕

ដោយ៖ សុផារី

ភ្នំពេញ៖ រដ្ឋាភិបាល តាមរយៈក្រសួងប្រៃសណីយ៍ និងទូរគមនាគមន៍ នៅថ្ងៃទី២០ ខែកក្កដានេះ បានប្រកាសទុកពេលវេលារយៈពេល១០ខែ ឱ្យក្រុមហ៊ុនទូរស័ព្ទ និងក្រុមហ៊ុនអ៊ីនធឺណេតទាំងអស់ កែលំអនិងពង្រឹងគុណភាពសេវាទូរគមនាគមន៍របស់ខ្លួនឱ្យបានឆាប់រហ័ស។

យោងតាមសេចក្តីប្រកាស ស្តីពីការដាក់ឱ្យអនុវត្ត “ប្រកាសស្តីពីគុណភាពសេវាទូរគមនាគមន៍” បានឱ្យដឹងថា ប្រតិបត្តិករទូរគមនាគមន៍មាន រយៈពេល១០(ដប់)ខែ ដើម្បីកែលំអ និងពង្រឹងគុណភាពសេវាទូរគមនាគមន៍របស់ខ្លួន ដោយអនុលោមតាមសូចនាករគុណផលគន្លឹះ។ ក្នុងករណីប្រតិបត្តិករទូរគមនាគមន៍ណា មិនអនុវត្តតាមស្តង់ដារអប្បបរមា ដែលបានកំណត់ក្នុងប្រកាសនេះទេ ប្រតិបត្តិករទូរគមនាគមន៍នោះនឹងត្រូវទទួលរងពិន័យ។

ក្រសួងបានឱ្យដឹងថា ខ្លួនបានចាត់ទុកការពង្រឹងគុណភាពសេវាទូរគមនាគមន៍ គឺជាកិច្ចការអាទិភាពបំផុត និងបានយកចិត្តទុកដាក់យ៉ាងខ្លាំង ក្នុងការស្វែងរកមធ្យោបាយ និងដំណោះស្រាយនានា សំដៅបង្កើនគុណភាពសេវាទូរសព្ទចល័ត និងអ៊ីនធឺណិត និងលើកកម្ពស់ការការពារសិទ្ធិរបស់អ្នកប្រើប្រាស់ ដោយសារតែគុណភាពសេវាទូរគមនាគមន៍បច្ចុប្បន្ន នៅមានកម្រិតនៅឡើយ។

សេចក្តីព្រាង “ប្រកាសស្តីពីគុណភាពសេវាទូរគមនាគមន៍” ក្នុងការកំណត់បទដ្ឋានបច្ចេកទេស ជាក់លាក់ ដែលត្រូវអនុវត្តជាកាតព្វកិច្ច សម្រាប់ប្រតិបត្តិករទូរគមនាគមន៍ សំដៅពង្រឹងគុណភាពសេវា និងបណ្តាញទូរគមនាគមន៍របស់ខ្លួន ក៏ដូចជាដើម្បីចូលរួមការពារ និងធានាផលប្រយោជន៍របស់អ្នកប្រើប្រាស់ ក្នុងការទទួលបានសេវាទូរគមនាគមន៍ ប្រកបដោយគុណភាពស្របតាមទឹកប្រាក់ ដែលបានបង់។

ក្នុងកិច្ចប្រជុំ​​ជាមួយប្រតិបត្តិករទូរគមនាគមន៍ចំនួន៤៥ក្រុមហ៊ុន ដើម្បីពង្រឹងវិធានការដោះស្រាយបញ្ហាសេវាទូរសព្ទចល័ត និងសេវាអ៊ីនធឺណិត លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ នៅថ្ងៃទី១៩ ខែកក្កដា ឆ្នាំ២០២២ លើកឡើងអំពីបញ្ហាទូរសព្ទចល័ត បញ្ហាសេវាអ៊ីនធឺណិត និងវិធានការដោះស្រាយរបស់ក្រសួងប្រៃសណីយ៍ និងទូរគមនាគមន៍ ព្រមទាំងបានទទួលយកសំណូមពរ ក៏ដូចជាបញ្ហាប្រឈមរបស់ក្រុមហ៊ុន ដែលបានជួបប្រទះ។

លោករដ្ឋមន្ត្រី ប្តេជ្ញាបន្តលុបបំបាត់រាល់បាតុភាពអសកម្មនិងអវិជ្ជមាន ក្នុងវិស័យទូរគមនាគមន៍ ដោយអនុវត្តតាមច្បាប់ស្តីពីទូរគមនាគមន៍និងលិខិតបទដ្ឋានគតិយុត្ត ព្រមទាំងជំរុញការចូលរួមពីគ្រប់ភាគីពាក់ព័ន្ធដើម្បីធ្វើឱ្យសេវាទូរសព្ទចល័ត និងសេវាអ៊ីនធឺណិតបានល្អប្រសើរឡើង៕

The leader of Myanmar’s weeklong trip to Russia included a meeting with Alexey Likhachev of state energy company Rosatom, which culminated in the the signing of several memorandums of understanding which indicate the two countries’ intentions to cooperate on the development of nuclear energy in Myanmar.

Both countries are facing more and more sanctions from the US and Europe, sanctions limit their ability to collaborate on such projects with other countries. ASEAN has recently been asked by the US Secretary of State, Antony Blinken, to put more pressure on Myanmar.

This trip was the Senior General’s second visit to Russia since the coup that put him in power in February of 2021. While his first visit focused on visiting defense contractors, this visit primarily focused on visits with science and technology organizations, including a visit with Roscosmos, the Russian space agency.

Discussions were also held with Russian defense authorities on military cooperation and on holding drills with the two countries’ armed forces. The leader of Myanmar did not visit with the President of Russia, Vladimir Putin, and Russian media has reported the visit as “private.”

ដោយៈ សុខុម

ប្រទេសចិន: ទិន្នន័យបានបង្ហាញនៅថ្ងៃពុធ ទី២០ ខែកក្កដា នេះថា ប្រទេសរុស្ស៊ី បានក្លាយជាអ្នកផ្គត់ផ្គង់ប្រេងធំ បំផុតរបស់មហាយក្សចិន២ខែជាប់គ្នាក្នុងខែមិថុនា ឆ្នាំ២០២២ នេះ។

រដ្ឋាភិបាលចិន បានសម្រុកទិញប្រេងបញ្ចុះថ្លៃថោកៗរបស់រុស្ស៊ី ក្នុងគ្រាដែលរុស្ស៊ី កំពុងទទួលរងទណ្ឌកម្មជុំទិស ចំពោះការបញ្ឆេះសង្គ្រាមចូលឈ្លានពានប្រទេសអ៊ុយក្រែន ហើយបានកាត់បន្ថយការទិញប្រេងពីប្រទេសអារ៉ាប៊ីសាអូឌីត យ៉ាងច្រើនសន្ធឹកសន្ធាប់ដែលមានតម្លៃថ្លៃជាង។

ផ្អែកតាមទិន្នន័យពីអគ្គនាយកដ្ឋានពន្ធដាររបស់ប្រទេសចិន បង្ហាញថា ការនាំចូលប្រេងរុស្ស៊ី រួមទាំងការផ្គត់ផ្គង់តាមបំពង់បង្ហូរប្រេង ESPO (សម្រាប់ការនាំចេញប្រេងពីរុស្ស៊ី ទៅកាន់ទីផ្សារនៅអាស៊ី-ប៉ាស៊ីហ្វិក រួមមានជប៉ុន ចិន និងកូរ៉េ) និងការដឹកជញ្ជូនតាមសមុទ្រពីកំពង់ផែរុស្ស៊ី នៅអឺរ៉ុប និងចុងបូព៌ា (Far East) មានចំនួនសរុបដល់ទៅ៧,២៩លានតោន ដោយកើនឡើងជិត១០%បើធៀបនឹងឆ្នាំមុន។

ទោះជាយ៉ាងណា ការផ្គត់ផ្គង់ប្រេងរុស្ស៊ី ក្នុងខែមិថុនា ដែលស្មើនឹងប្រមាណ១,៧៧លានបារ៉ែលក្នុងមួយថ្ងៃ គឺទាបជាង បើធៀបនឹងការផ្គត់ផ្គង់ខ្ពស់បំផុត មិនធ្លាប់មានដល់ទៅជិត២លានបារ៉ែល ក្នុងមួយថ្ងៃក្នុងខែឧសភា ជាកម្រិតមួយដែលអ្នកវិភាគរំពឹងថា នឹងត្រូវរក្សាទុកឱ្យនៅប្រហាក់ប្រ​ហែលនេះ។

ប្រទេសចិន បាននាំចូលប្រេងពីប្រទេសអារ៉ាប៊ីសាអូឌីត ចំនួន៥,០៦លានតោន ឬស្មើនឹង១,២៣លានបារ៉ែលក្នុងមួយថ្ងៃ ដោយធ្លាក់ចុះពីចំនួន១,៨៤លានបារ៉ែល​ ក្នុងមួយម៉ោងក្នុងខែឧសភា ហើយធ្លាក់ចុះ៣០%ពីកម្រិតក្នុងខែមិថុនា ឆ្នាំមុន៕ Reuters៕

ដោយៈ គង់ សូរិយា

       ភ្នំពេញៈ អំណាចនៃការទិញ ដោយសារជីវភាពប្រជាពលរដ្ឋ កាន់តែមានភាពប្រសើរឡើង បានធ្វើឲ្យក្រុមហ៊ុនថៃជាច្រើន កំពុងពង្រីកចាប់យកឱកាសនៅកម្ពុជា។

ជាក់ស្តែងបច្ចុប្បន្ននេះ ផ្សរាលក់រាយធំៗនៅប្រទេសថៃ កំពុងពង្រីកវត្តមាននៅកម្ពុជា ដូចជា ផ្សារទំនើបMAKRO, 7 _ELEVEN, Big Cជាសដើមបាននិងកំពុងពង្រីកទីតាំរបស់ខ្លួន កាន់តែច្រើននៅរាជធានីភ្នំពេញ និងបណ្តាខេត្តមានសក្តានុពលសេដ្ឋកិច្ចដទៃទៀត។

តាមប្រភពព៌តមានជាក់លាក់ និងអាចទុកចិត្តបានពីក្រុមហ៊ុនលំដាប់យក្សរបស់ថៃមួយនៅកម្ពុជាបានឲ្យដឹងថា ផ្សារលក់រាយmakro នឹងបើកដំណើរការសាខាថ្មីរបស់ខ្លួន ស្ថិតនៅផ្លូវជាតិលេខ៦អា នាខែកញ្ញាខាងមុខនេះ ខណៈផ្សារទំនើបលក់រាយដ៏ធំនេះ បាននិងកំពុងសាងសង់់យ៉ាងសកម្ម ស្របពេលទីតាំងផ្សេងទៀត ត្រៀមនឹងបើកដំណើរការជាបន្តបន្ទាប់ផងដែរ។

ជាមួយនឹងវត្តមានmakro, Big C និង7-ELEVENបាននិងកំពុងពង្រីកសាខាប្រជែងគ្នា ដើម្បីដណ្តើមឧត្តមភាពក្នុងទីផ្សារនេះផងដែរ។

លោកបណ្ឌិតអ៉ិន ចាន់នីប្រធានសមាគមធនាគារកម្ពុជាធ្លាប់បានលើកឡើងថា នៅពេលកម្ពុជាក្លាយជាប្រទេស មានប្រាក់ចំណូលមធ្យមកម្រិតទាប កម្ពុជានឹងទាក់ទាញការវិនិយោគកាន់តែច្រើនពីបរទេស ព្រោះវិនិយោគិន មុនទៅវិនិយោគនៅប្រទេសណាមួយ គេសម្លឹងកត្តាសំខាន់់បី ទី១ សុខសន្តិភាព ស្ថេរភាពសង្គមរយៈពេលវែង ទី២ គេសម្លឹងមើលសេដ្ឋកិច្ច និងទី៣ គេសម្លឹងមើលបរិយាកាសវិនិយោគ និងបទដ្ឋានច្បាប់គតិយុត្តិនានា​មានភាពស្មុគ្រស្មាញឬអត់?។

លោកបន្តថា “អ្នកវិនិយោគតែងតែស្វែងរកប្រាក់ចំណេញ ហេតុនេះពួកគេមិនទៅកាន់ប្រទេសក្រីក្រខ្លាំងនោះទេ ពួកគេតែងតែទៅកាន់់ប្រទេសរីកចម្រើន ទើបពួកគេអាចលក់ទំនិញបាន ព្រោះប្រទេសមានប្រាក់ចំណូលខ្ពស់ អំណាចនៃការទិញក៏ច្រើនផងដែរ”៕