ដោយសុខុម

បាងកក: ក្រុមហ៊ុនផលិតឱសថខ្នាតយក្សរបស់សហរដ្ឋអាមេរិក Pfizer Inc បានប្រកាសថា ខ្លួនមានគម្រោងលក់ផលិតផលឱសថរបស់ខ្លួនបញ្ចុះតម្លៃពិសេសសម្រាប់បណ្ដាប្រទេស ដែលមានចំណូលទាបចំនួន៤៥ រួមទាំងកម្ពុជា និងឡាវ ផងដែរ។

យោងតាមសារព័ត៌មាន Bangkok Post ចុះផ្សាយនៅថ្ងៃពុធ ទី២៥ ខែឧសភា នេះឱ្យដឹងថា គំនិតផ្តួចផ្តើមដ៏ទូលំទូលាយនេះនឹងចាប់ផ្តើមនៅប្រទេសចំនួន៥ ជាមួយនឹងឱសថចំនួន២៣ប្រភេទសម្រាប់ព្យាបាលជំងឺមហារីក ជំងឺចម្លែកៗ ជំងឺរលាក និងជំងឺឆ្លងជាដើម។ នៅចុងបញ្ចប់គំនិតផ្ដួចផ្ដើមនេះនឹងរួមបញ្ចូលទាំងការព្យាបាល ឬវ៉ាក់សាំងនាពេលអនាគតរបស់ក្រុមហ៊ុនដែលមានមូលដ្ឋាននៅទីក្រុងញូវយ៉ក នេះផងដែរ។

ក្រុមហ៊ុន Pfizer និយាយថា ឱសថទាំងនេះនឹងត្រូវលក់បញ្ចុះតម្លៃពិសេស គឺលក់ក្នុងតម្លៃថ្លៃដើមផលិតកម្ម (លក់រួចខ្លួន)។ ទន្ទឹមនេះក្រុមហ៊ុននេះក៏មានគម្រោងវិនិយោគលើប្រព័ន្ធសុខាភិបាលក្នុងស្រុក ដើម្បីពង្រឹងសមត្ថភាពធ្វើរោគវិនិច្ឆ័យ ទទួលបានការអនុម័តលើឱសថ និងធ្វើឱ្យប្រាកដថា ក្រុមគ្រូពេទ្យដឹងពីរបៀបគ្រប់គ្រងវាផងដែរ។

អំឡុងវិបត្តិរីករាលដាលវីរុសកូវីដ-១៩ ក្រុមហ៊ុននេះបានលក់វ៉ាក់សាំងកូវីដ-១៩ របស់ខ្លួនឱ្យទៅបណ្ដាប្រទេសដែលមានប្រាក់ចំណូលទាបក្នុងតម្លៃត្រឹមតែប្រមាណ៧ដុល្លារ ប៉ុណ្ណោះក្នុងមួយដូស បើធៀបនឹងតម្លៃ១៩,៥០ដុល្លារ ដែលខ្លួនលក់នៅសហរដ្ឋអាមេរិក។

សម្រាប់កូវីដ-១៩ និងជំងឺផ្សេងៗទៀត ក្រុមហ៊ុនផលិតឱសថផ្សេងក៏បានដាក់ចេញកម្មវិធីលក់ឱសថបញ្ចុះតម្លៃស្រដៀងគ្នាផងដែរ ជាពិសេសសម្រាប់ជំងឺទូទៅក្នុងបណ្ដាប្រទេសកំពុងអភិវឌ្ឍន៍។ ប៉ុន្តែសម្រាប់ប្រភេទឱសថភាគច្រើនដែលថ្មីបំផុត អាចនឹងត្រូវការពេលជាច្រើនឆ្នាំទម្រាំទៅដល់ទីផ្សារក្នុងបណ្ដាប្រទេសដែលមានប្រាក់ចំណូលទាប។

ក្រុមហ៊ុន Pfizer បានផលិតវ៉ាក់សាំងកូវីដ-១៩ រាប់ពានលានដូស និងចែកចាយទូទាំងពិភពលោក៕ Bangkok Post៕

ដោយ៖ សុផារី

ភ្នំពេញ៖ ការសាងសង់ផ្លូវក្រវ៉ាត់ក្រុងទី៣ ដែលមានទឹកប្រាក់៣០០លានដុល្លារ ត្រូវបានបញ្ចប់៧៣,៧០ភាគរយហើយ គ្រោងនឹងនាពេលឆាប់ៗនេះ។

បើតាមការចេញផ្សាយរបស់មន្ទីរសាធារណការ និងដឹកជញ្ជូនរាជធានីភ្នំពេញ នៅថ្ងៃទី២៥ ខែឧសភានេះ បានឱ្យដឹងថា គិតត្រឹមថ្ងៃនេះ ការដ្ឋានសាងសង់ផ្លូវក្រវ៉ាត់ក្រុងទី៣ សម្រេចលទ្ឋផលបាន៧៣,៧០ភាគរយនៃគម្រោងហើយ។

ប្រភពដដែលបានឱ្យដឹងទៀតថា ផ្លូវនេះ ជាផ្លូវក្រវ៉ាត់ទីក្រុងពីតំបន់ទិសខាងលិច ខាងត្បូង ទៅភ្ជាប់តំបន់ខាងកើត នៃរាជធានីភ្នំពេញ មានប្រវែង៥៣គម ទទឹង២២ម ចាប់ពីផ្លូវជាតិលេខ៤ ដល់ផ្លូវជាតិលេខ១ ជាប្រភេទផ្លូវបេតុងអារមេកម្រាស់២២ស.ម។

ផ្លូវនេះមានប្រវែង៥២ គីឡូម៉ែត្រលាតសន្ធឹងពីផ្លូវជាតិលេខ៤ ពីខណ្ឌពោធិសែនជ័យនៅខាងលិចរាជធានីភ្នំពេញ និងឆ្លងកាត់ផ្លូវជាតិលេខ៣ និងលេខ២ ដល់ផ្លូវជាតិលេខ១ នៅខាងកើតរាជធានីភ្ជាប់ទៅកំពង់ផែស្វយ័តភ្នំពេញ។

អ្នកជំនាញនៃវិស័យអចលនទ្រព្យបានឱ្យដឹងថា តម្លៃដីធ្លីនៅតាមបណ្តោយផ្លូវនេះ នឹងកាន់តែមានកំណើនខ្ពស់ ក្រោយបញ្ចប់ការសាងសង់ នាពេលខាងមុខ។

លោកឧកញ៉ា នួន រឹទ្ធី អគ្គនាយកក្រុមហ៊ុនអចលនទ្រព្យ Khmer Foundation Appraisals (KFA) បានព្យាករណ៍ថា ក្រោយពីផ្លូវនេះមានបញ្ចប់ការកសាងរួចរាល់ហើយ តម្លៃដីធ្លីនៅក្នុងតំបន់ផ្លូវក្រវាត់ក្រុងទី៣ នេះអាចមានការកើនឡើងរហូតដល់២០ ទៅ៣០ភាគរយ ធៀបនឹងពេលបច្ចុប្បន្ន។

លោកបន្តថា យ៉ាងណាក្តី វាអាស្រ័យនឹងគោលនយោបាយ លើកទឹកចិត្តរបស់រាជរដ្ឋាភិបាលកម្ពុជា៕

ដោយៈលាងហួរ

ឥណ្ឌាៈ រដ្ឋមន្ត្រីរបស់ប្រទេសឥណ្ឌា​ លោកHardeep Singh Puri បានថ្លែងទៅកាន់វេទិកាសេដ្ឋកិច្ចពិភពលោក នៅទីក្រុង Davos កាលពីថ្ងៃអង្គារថា តម្លៃប្រេងឆៅ១១០ដុល្លារក្នុងមួយបារ៉ែល មិនមាននិរន្តរភាពទេ ដោយសារពិភពលោក ប្រឈមនឹងវិបត្តិតម្លៃថាមពល ដែលកំពុងរួមចំណែ​កដល់ការកើនឡើងអតិផរណាពិភពលោក។

តម្លៃប្រេងបានកើនឡើងនៅឆ្នាំនេះ ដោយប្រេងឆៅ Brent ឡើងដល់១៣៩ដុល្លារ ក្នុងមួយបារ៉ែលក្នុងខែមីនា​ ដែលជាតម្លៃមួយដ៏ខ្ពស់បំផុតចាប់តាំងពីឆ្នាំ២០០៨មក ក្រោយពីមានការលុកលុយរបស់រុស្ស៊ី លើអ៊ុយក្រែន​ ដែលធ្វើឱ្យមានការព្រួយបារម្ភ អំពីតម្រូវការផ្គត់ផ្គង់កាន់តែមានខ្លាំង។

ខណៈដែលប្រទេសជុំវិញពិភពលោក រងផលប៉ះពាល់ពីបញ្ហាអតិផរណា រដ្ឋមន្ត្រីក្រសួងពាណិជ្ជកម្មរបស់ប្រទេសឥណ្ឌា លោក Piyush Goyal បានមានប្រសាសន៍ថា អតិផរណាស្បៀង នៅក្នុងប្រទេសអាស៊ីខាងត្បូងគឺស្ថិតក្នុង “កម្រិតដែលអាចគ្រប់គ្រងបាន”។

លោកGoyal ក៏បាននិយាយផងដែរថា ប្រទេសឥណ្ឌាផលិតបានគ្រប់គ្រាន់ នូវផលិតផលស្រូវសាលី សម្រាប់ការប្រើប្រាស់ក្នុងស្រុក ខណៈដែលប្រទេសមួយចំនួន កំពុងប្រឈមនឹងការខ្វះខាត ដោយសារការឡើងថ្លៃដែលបណ្តាលមកពិអតិផរណាលើពិភពលោក៕

 ដោយៈ វឌ្ឍនៈ

ភ្នំពេញៈ រដ្ឋាភិបាលកម្ពុជាបាននិងកំពុងយកចិត្តទុកដាក់ ក្នុងការជំរុញអភិវឌ្ឍន៍ខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង ហើយគោលដៅនេះ ក៏កំពុងត្រូវបានរដ្ឋាភិបាល និងភាគីពាក់ព័ន្ធកំពុងយកចិត្តទុកយ៉ាងខ្លាំងផងដែរ។

ជាក់ស្ដែងនៅថ្ងៃទី២៥ ឧសភា ២០២២នេះ មន្ត្រីជាន់ខ្ពស់កម្ពុជាបានជួបពិភាគ្សា ជាមួយវិទ្យាស្ថាននគរូបនីយកម្ម និងស្ថាបត្យកម្មស៊ិនជិន ដើម្បីជំរុញគោលដៅនេះបានសម្រេចកាន់តែឆាប់។

រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ លោក វង្សី វិស្សុត មានប្រសាសន៍ថា កិច្ចប្រជុំពិគ្រោះយោបល់នេះ គឺដើម្បីពិនិត្យ និងពិភាក្សាឱ្យកាន់តែស៊ីជម្រៅលើវឌ្ឍនភាពនៃការរៀបចំផែនការមេ ដើម្បីអភិវឌ្ឍខេត្ដព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង ដែលសិក្សា និងរៀបចំដោយក្រុមការងាររបស់វិទ្យាស្ថាននគរូបនីយកម្ម និងស្ថាបត្យកម្មស៊ិនជិន (UPDIS)។

លោកបន្តថា ការរៀបចំនេះ សំដៅធ្វើឱ្យផែនការមេនេះ កាន់តែមានលក្ខណៈគ្រប់ជ្រុងជ្រោយ មានភាពជាក់ស្តែងនិយម និងអាចអនុវត្តបាន ក្នុងគោលដៅ ដើម្បីប្រែក្លាយខេត្តព្រះសីហនុជាប៉ូ លនៃការអភិវឌ្ឍថ្មីមួយ និងជា ទីក្រុងឆ្លាតវៃ មានការប្រើប្រាស់បច្ចេកវិទ្យាទំនើបទាន់សម័យ និងជាទីក្រងបៃតង (Green city) ព្រមទាំងជាមជ្ឈមណ្ឌលពាណិជ្ជកម្ម សេវាកម្ម និង ឡូសជីស្ទីកដ៏រស់រវើក នៅក្នុងតំបន់អាស៊ាន ដើម្បីភ្ជាប់ខេត្តព្រះសីហនុទៅនឹងខ្សែច្រវ៉ាក់ផលិតកម្ម និងការផ្គត់ផ្គង់ក្នុងតំបន់ និងពិភពលោក។

លោកបន្តថា “ផែនការមេនេះ គឺជាផែនការប្រកបដោយមហិច្ឆតា ដែលអាចមានបញ្ហាប្រឈមជាច្រើន នៅក្នុងការអនុវត្ត”។ លោកបន្តថា “ដូចនេះ ទាមទារនូវឆន្ទៈនយោបាយកម្រិតខ្ពស់ ការដាក់ចេញនូវគោលនយោបាយ និងក្របខណ្ឌគតិយុត្តិពាក់ព័ន្ធត្រឹមត្រូវ ហើយជាពិសេសមានសមត្ថភាពគ្រប់គ្រាន់ ក្នុងការអនុវត្តផែនការមេនេះ ឱ្យសម្រេចបានជោគជ័​យ ក្នុងការប្រែក្លាយតំបន់នេះទៅជាទីក្រុងទំនើប (Cosmopolitan) ទាំងផ្នែកសេដ្ឋកិច្ច, ពាណិជ្ជកម្ម ឧស្សាហកម្ម ទេចរណ៍ បច្ចេកវិទ្យា ដែលមានបរិស្ថានរស់នៅល្អប្រសើរ ជាជន្ទល់សេដ្ឋកិច្ចដ៏រឹងមាំមួយ នាពេលអនាគត ស្របតាមចក្ខុវិស័យកម្ពុជា ក្នុងឈានទៅសម្រេចបានជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសចំណូលខ្ពស់នៅឆ្នាំ២០៥០ “។

លោកវង្ស៊ី វិស្សុតបានបន្ថែមថា ផែនការមេនេះ មានគោលបំណងប្រែក្លាយខេត្តខេត្តព្រះសីហនុ ទៅជាច្រកទ្វារជាតិ និងជាក្បាលម៉ាស៊ីនសម្រាប់ជំរុញការអភិវឌ្ឍ ដោយមានផ្តោតលើវិសាលភាពយុទ្ធសាស្ត្រ (១).មជ្ឈ​មណ្ឌលឧស្សាហកម្ម និងមជ្ឍមណ្ឌលភស្តុភារកម្ម សម្រាប់តំបន់អាស៊ាន (២) មជ្ឈមណ្ឌលហិរញ្ញវត្ថុ និងពាណិជ្ជកម្មថ្នាក់តំបន់ និង (៣).មជ្ឈមណ្ឌ​លវិទ្យាសាស្រ្ត និងបច្ចេកវិទ្យានវានុវត្តន៍ថ្នាក់ជាតិ និងប្រែក្លាយទីក្រុងព្រះសីហនុ ដែលជាទីក្រុងតំបន់ឆ្នេរបស់កម្ពុជា ។

អ្នកជំនាញនៃវិស័យអចលនទ្រព្យកម្ពុជាជាច្រើន បានមើលឃើញខេត្តព្រះសីហនុនឹងទទួលបានការវិនិយោគ បរទេសច្រើនឡើងវិញនៅពេលអនាគត ស្របពេលរដ្ឋាភិបាលបាន និងកំពុងយកចិត្តទុកដាក់ក្នុងការជំរុញផែនការមេក្នុងការកែប្រែខេត្តនេះ ទៅដូចនឹងទីក្រុងមួយរបស់ប្រទេសចិន។

ខេត្តព្រះសីហនុក្នុងរយៈពេល៥ឆ្នាំចុងក្រោយនេះ ទាក់ទាញលំហូរទុនវិនិយោគពីក្រៅប្រទេស ពិសេសការវិនិយោគលើវិស័យអចលនទ្រព្យ ដែលមានទំហំទឹកប្រាក់រហូតដល់៨០០០លានដុល្លារអាមេរិក៕

A huge new subterranean railway whisked fare-paying passengers deep beneath the streets of London for the first time on Tuesday as the UK capital opened a $25 billion new metro line that will transform travel across the city.

Large crowds of rail enthusiasts, commuters and excited locals turned out to catch the first of the new trains of the Elizabeth line as they departed from Paddington Station shortly after 6.30 a.m. Many had been lining up for hours.

The line, known as Crossrail before being renamed in honor of the British Queen — who visited it last week — will drastically reduce journey times across London. It’s the largest increase in the often traffic-snarled city’s rail capacity for half a century.

Its construction — an engineering marvel fraught with the hazards of burrowing around London’s existing underground tangle of Victorian tube lines, sewage pipes, building foundations and ancient burial grounds — has not been without controversy.

Originally due to open in 2018, the railway, at times Europe’s largest infrastructure project, has been beset by delays and an escalating budget. A question mark also hangs over how useful it will be after Covid drastically reduced commuter traffic.

But for those using the service on its first day, there were few concerns as passengers luxuriated in its spacious air conditioned train carriages, beautiful airy stations and smooth motion — a world away from the cramped and noisy experience of older underground lines.

Among the first was Elizabeth Harding, 37, a health service employee from the town of St. Albans, north of London, who rode the shiny new rails wearing special “Elizabeth line” sneakers after leaving home at 3.30 a.m.

I like trains and my name is Elizabeth, and I’ve got the shoes, so I had to come,” she told CNN on the wide platform of Farringdon Station as a train glided quietly away to its next destination.

“How often are you going to get the chance to be part of a brand new train line opening in London?”

ដោយៈសុខុម

ក្រុងឡុងដ៍: បណ្ដាញផ្លូវដែកក្រោមដីថ្មី ដ៏វែងអស្ចារ្យមួយដែលរត់ខ្វាត់ខ្វែង ពីក្រោមផ្លូវថ្នល់នានាទូទាំងក្រុងឡុងដ៍ ប្រទេសអង់គ្លេសបានស្វា​គមន៍អ្នកដំណើរជាលើកដំបូងក្នុងទិដ្ឋភាពដ៏អ៊ូអរ នៅពេលបណ្ដាញផ្លូវដែកក្រោមដីដែលមានតម្លៃ២៥ពាន់លានដុល្លារ នេះត្រូវបានដាក់ឱ្យដំណើរការជាផ្លូវការកាលពីថ្ងៃអង្គារ ទី២៤ ខែឧសភា។

យោងតាមការចុះផ្សាយរបស់សារព័ត៌មានCNN ឱ្យដឹងថា មនុស្សម្នាយ៉ាងច្រើនកកកុញ បានផ្អើលនាំគ្នាទៅជិះសាកល្បងរថភ្លើងថ្មី ដំបូងនៃខ្សែរថភ្លើង Elizabeth ដោយក្ដីរំភើបរីករាយ ដោយបានចេញដំណើរពីស្ថានីយ Paddington Station នៅម៉ោង ៦:៣០ ព្រឹកលើសបន្តិច។ ដោយសារមនុស្សច្រើនពេក អ្នកខ្លះត្រូវតម្រង់ជួរគ្នារង់ចាំរាប់ម៉ោងឯណោះ។

បណ្ដាញរថភ្លើងក្រោមដី ដែលពីមុនគេស្គាល់ថា Crossrail ត្រូវបានដាក់ឈ្មោះថ្មីថា Elizabeth ដើម្បីជាការគោរព ដល់ម្ចាស់ក្សត្រីយ៍អង់គ្លេស ដែ​លបានយាងទតផ្លូវដែកនេះ ដោយផ្ទាល់កាលពីសប្ដាហ៍មុន។ គេរំពឹងថា ផ្លូវដែកក្រោមដីនេះ នឹងជួយកាត់បន្ថយពេលធ្វើដំណើរទូទាំង ទីក្រុងឡុងដ៍ បានច្រើនគួរឱ្យកត់សម្គាល់។

ការកសាងផ្លូវដែកក្រោមដីនេះបានជួបការលំបាក និងភាពចម្រូងច​  ម្រាសយ៉ាងខ្លាំង ដូចជា ត្រូវខួងរូងក្រោមដីព័ទ្ធជុំវិញផ្លូវក្រោមដី ដែលមានស្រាប់ វៀងបំពង់បង្ហូរទឹកស្អុយ វៀងគ្រឹះអគារ និងវៀងកន្លែងផ្លូវបុរាណជាដើមទម្រាំបញ្ចប់ជាស្ថាពរ។

ដោយដំបូងឡើយគ្រោងដាក់ឱ្យដំណើរការ ក្នុងឆ្នាំ២០១៨ ផ្លូវដែកក្រោមដី ដែលជាគម្រោងហេដ្ឋារចនាសម្ព័ន្ធ ធំបំផុតប្រចាំតំបន់អឺរ៉ុប មួយនេះ ត្រូវបានពន្យារពេលកសាងបញ្ចប់ដោយសារបញ្ហាថវិកា និងក្រោយមកដោយសារវិបត្តិកូវីដ-១៩។

យោងតាមគេហទំព័ររបស់រដ្ឋាភិបាលអង់គ្លេស tfl.gov.uk ឱ្យដឹងថា បណ្ដាញផ្លូវដែកក្រោមដីថ្មីបំផុត ដែលមានប្រវែងសរុបប្រមាណ១០០គីឡូម៉ែត្រ នឹងបន្ថែមសមត្ថភាព១០%បន្ថែម ពីលើបណ្ដាញផ្លូវដែកដែលមានស្រាប់នៅក្នុងទីក្រុងឡុងដ៍៕ CNN៕

ដោយៈ សុផារី

កណ្តាលៈ រោងចក្រផ្គុំដំឡើងទោចក្រយានយន្ត និងត្រីចក្រយានយន្តអគ្គិសនីដំបូងនៅកម្ពុជា តម្លៃជាង២០លានដុល្លារអាមេរិក បានលេចរូបរាងជាផ្លូវការហើយ នៅតាមបណ្តោយផ្លូវជាតិលេខ១ លើទឹកដីស្រុកកៀនស្វា​យ ខេត្តកណ្តាល។

នៅថ្ងៃទី ២៤ ខែឧសភា ឆ្នាំ២០២២នេះ ក្រុមហ៊ុនអនៀន ម៉ូប៊ីលីធី ឯ.ក បានប្រារព្ធពិធីសម្ពោធរោងចក្រអនៀន ម៉ូប៊ីលីធីរបស់ខ្លួន ដែលជារោងចក្រផ្គុំដំឡើងទោចក្រយានយន្ត និងត្រីចក្រយានយន្តអគ្គិសនីដំបូងនៅកម្ពុជា ជាផ្លូវការក្រោមសាច់ប្រាក់វិនិយោគជាង២០លានដុល្លារអាមេរិក។

រោងចក្រនេះ សាងសង់នៅលើផ្ទៃដីប្រមាណ២ហិកតា ស្ថិតក្នុងតំបន់សេដ្ឋកិច្ចពិសេស សុវណ្ណភូមិ ស្រុកកៀនស្វាយ ខេត្តកណ្តាល តាមបណ្តោ​យផ្លូវជាតិលេខ១ ដែលកំពុងបន្តផ្តល់ឱកាសការងារ ដល់ប្រជាពលរដ្ឋកម្ពុជារាប់រយនាក់ និងជំរុញការផលិតយានយន្តអគ្គីសនី ឲ្យដល់៣ពាន់គ្រឿងតាមផែនការសម្រាប់ឆ្នាំ២០២២-២០២៣។

លោកKay Woo ស្ថាបនិក និងនាយកប្រតិបត្តិក្រុមហ៊ុន អនៀន ម៉ូប៊ីលីធី មានប្រសាសន៍ថា យើងកំពុងរៀបចំផ្តល់សេវាកម្ម នៃយានជំនិះអគ្គិសនីទាំងមូល រាប់ចាប់តាំងពីទោចក្រក្រយានយន្ត រហូតដល់ត្រីចក្រក្រយានយន្ត (កង់បីអគ្គិសនី) ជាមួយនឹងស្ថានីយសំខាន់ៗរបស់យើង។

លោកបញ្ជាក់ថា បច្ចុប្បន្ន យើងកំពុងបន្តសិក្សា ដើម្បីអនុវត្តន៍ឈានដល់ការពង្រីកយានជំនិះជារថយន្តប្រើ ដោយថាមពលអគ្គិសនីផងដែរ។ ជាមួយបេសកកម្មដ៏មុតមាំរបស់យើង គឺយើងបន្តធ្វើការផ្លាស់ប្តូរកម្ពុជាទាំងមូលឲ្យក្លាយជាប្រទេសដែលនាំមុខគេ ក្នុងការប្រើប្រាស់យានជិះប្រើដោយថាមពលអគ្គិសនី។

លោកបានបន្តថា ក្រុមហ៊ុនអនៀន ម៉ូប៊ីលីធី ឯ.ក ជាក្រុមហ៊ុនដែលមានរោងចក្រផ្គុំដំឡើងទោចក្រយានយន្ត និងត្រីចក្រយានយន្តអគ្គិសនី បច្ចុប្បន្ន បានបើកដំណើរការស្ថានីយ មេហ្គារបស់ខ្លួនចំនួន១កន្លែង និងអនុស្ថានីយប្តូរអាគុយ ចំនួន៣កន្លែង និងអនុស្ថានីយដៃគូចំនួន៦កន្លែង ដែលបច្ចុប្បន្នសរុបរួមមានដល់១០ស្ថានីយ និងបន្តពង្រីកជាបន្តបន្ទាប់តាមផែន​ការរបស់ក្រុមហ៊ុន នៅទីក្រុងភ្នំពេញ និងតាមបណ្តាខេត្តផ្សេងៗជុំវិញប្រទេ​សកម្ពុជា៕