ដោយ៖ សុធារី

ភ្នំពេញ៖ គម្រោងសហប្រតិបត្តិការបច្ចេកទេសស្តីពី “គម្រោងអភិវឌ្ឍន៍សមត្ថភាពលើការគ្រប់គ្រង និងប្រតិបត្តិការចំណតផែកុងតឺន័រ នៅកំពង់ផែក្រុងព្រះសីហនុ-ជំហានទី៣” ត្រូវបានដាក់ឱ្យដំណើរការជាផ្លូវការ ដោយមានរយៈពេល បួន(៤)ឆ្នាំ ហើយគ្រោងនឹងចាប់ផ្តើមអនុវត្ត នៅខែឧសភា ឆ្នាំ២០២២ ខាងមុខនេះ។

ពិធីចុះហត្ថលេខាលើកិច្ចព្រមព្រៀងនេះធ្វើឡើងរវាងលោក លូ គឹមឈន់ ប្រតិភូរាជរដ្ឋាភិបាលកម្ពុជាទទួលបន្ទុកជាប្រធាន អគ្គនាយកកំពង់ផែស្វយ័តក្រុងព្រះសីហនុ និង លោកស្រី កាមេយ ហារូកុ ប្រធានតំណាងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (ចៃកា) ប្រចាំប្រទេសកម្ពុជា នៅថ្ងៃទី១៧ ខែមករា។

កន្លងមក ដោយមានការពិចារណាអំពីតម្រូវការចាំបាច់នូវប្រសិទ្ធភាពលើការងារប្រតិបត្តិការ និងការគ្រប់គ្រងចំណតផែកុងតឺន័រនៅកំពង់ផែក្រុងព្រះសីហនុ ទីភ្នាក់ងារចៃកាបានផ្តល់ការគាំទ្រផ្នែកបច្ចេកទេសដល់កំពង់ផែស្វយ័តក្រុងព្រះសីហនុ លើការអភិវឌ្ឍសមត្ថភាពលើការគ្រប់គ្រង និងប្រតិបត្តិការចំណតផែកុងតឺន័រ ចាប់តាំងពីឆ្នាំ២០១៣។

គម្រោងអភិវឌ្ឍន៍សមត្ថភាពជំហានទី៣ ត្រូវបានអនុវត្តឡើងទន្ទឹមគ្នានឹង គម្រោងប្រើប្រាស់កម្ចីហិរញ្ញប្បទានរបស់ជប៉ុនមួយទៀត ដែលបាននឹងកំពុងដំណើរការ គឺគម្រោងអភិវឌ្ឍន៍ចំណតផែកុងតឺន័រថ្មី នៅកំពង់ផែស្វយ័តក្រុងព្រះសីហនុ-ជំហានទី១ ដែលការងារសាងសង់គ្រោងនឹងត្រូវបញ្ចប់ និងដាក់ឱ្យប្របតិបត្តិការ នៅឆ្នាំ២០២៥ ខាងមុខ។

បើតាមសេចក្តីប្រកាសព័ត៌មានរួម បានឱ្យដឹងថា ភាគីទាំងឡាយសង្ឃឹមយ៉ាងមុតមាំថា ការអភិវឌ្ឍសមត្ថភាពប្រកបដោយប្រសិទ្ធភាពតាមរយៈគម្រោង រួមជាមួយនឹងការសាងសង់នូវចំណតផែកុងតឺន័រថ្មី នឹងរួមចំណែកធ្វើឱ្យប្រសើរឡើងនូវការអភិវឌ្ឍន៍វិស័យកំពង់ផែ និងពង្រឹងភាពប្រកួតប្រជែងរបស់កំពង់ផែស្វយ័តក្រុងព្រះសីហនុបន្ថែមទៀត”៕

JAKARTA: Indonesia will introduce new tax breaks on property and automotive sales this year in a bid to accelerate its economic recovery from the COVID-19 pandemic as authorities prepare for the spread of the Omicron variant, top officials said on Sunday (Jan 16).

New coronavirus infections in Indonesia rose to 1,054 on Saturday, the highest in three months, amid reports of local transmission of the more contagious Omicron. The country reported 855 new infections on Sunday, taking its total COVID-19 case tally to 4.27 million.

The government will provide a 50 per cent discount on value-added tax (VAT) for sales of homes valued under 2 billion rupiah (US$140,000) and a 25 per cent discount on VAT for homes valued between 2 billion rupiah to 5 billion rupiah until June, Coordinating Minister of Economic Affairs Airlangga Hartarto said in a virtual briefing.

Airlangga said several schemes of tax cuts will also be given for sales of cars worth under 250 million rupiah, some of which will expire at the end of March, while others at the end of September.

The government had provided tax breaks for property and car sales last year under different schemes, which had expired in December.

Health Minister Budi Gunadi Sadikin told the same briefing the government is preparing the capital Jakarta as its “first battleground against Omicron”.

“The government has prepared drugs. 400,000 tablets have arrived and the plan is for production in Indonesia by March or April,” Budi said, referring to the arrival and production plan of the anti-viral pill Molnupiravir, which was jointly developed by US-based Merck & Co Inc and Ridgeback Biotherapeutics.

“We are also in the process of bringing in Paxlovid by Pfizer, hopefully by February so that once we see a jump (in cases), the drugs are ready,” he said.

Authorities have said tighter mobility restrictions will be its last choice among policy options to contain an Omicron outbreak.

Source: Reuters

ដោយៈវឌ្ឈនៈ

ភ្នំពេញៈ លោកហ៊ិន រស់ ម្ចាស់គម្រោងលំហែភូមិចំដូងរីសត ជាអ្នកតស៊ូប្រឡូកក្នុងវិស័យអចលនទ្រព្យ រហូតទទួលបានភាពជោគជ័យ គួរឱ្យកោតសរសើរ និងចាត់ទុកជាអ្នកអភិវឌ្ឍន៍ គម្រោងដីលំហែធំមួយនៅតំបន់ជាយក្រុងភ្នំពេញ។

លោកហ៊ិន រស់ គឺជាជនមានពិការភាពមួយរូបតាំងពីតូច ដោយសារតែជំងឺ Polio (ប៉ូលីយ៉ូ ) ពិការជើងម្ខាង ។ លោកបានរៀបរាប់ថា កាលពីកំណើត លោកមិនមែនជាអ្នកពិការនោះទេ តែនៅអំឡុងអាយុពី៥ទៅ៦ឆ្នាំ លោកក៏មានជំងឺម្យ៉ាងឈ្មោះថាប៉ូលីយ៉ូ និងធ្វើឱ្យស្វិតជើងម្ខាង ។

លោកបន្តថា នៅក្នុងការងារវិស័យអចលនទ្រព្យ ដំបូងឡើយលោកមានដើមទុនជាដី២ឡូត៏ប៉ុណ្ណោះ ដោយកាលណោះ លោកបានទិញដីឡូត៏នៅតំបន់ជាយក្រុងពីរឡូត៏ ហើយក៏លក់បានប្រាក់ចំណេញខ្លះៗ ក្រោយមកលោក ក៏បានរកទិញដីនៅជិតៗនោះជាបន្តបន្ទាប់ និងទិញលក់ៗជាបន្តប ន្ទា​ប់ដែរ។

លោកហ៊ិន រស់បានបន្តទៀតថា ក្រោយមកទៀត លោកក៏បានដើរមើលដីធ្លី ជាមួយក្រុមអ្នកគួកជេ ដើម្បីរកទីតាំងណាត្រូវទិញទីតាំងណាមានសក្ដានុពល ។ បន្តមកទៀតលោកក៏បានយកដី ដែលម្ចាស់គេចង់លក់មកផ្សព្វផ្សាយលក់នៅក្នុងហ្វេសប៊ុក ហើយក៏មានអ្នកទិញដីពីលោកជាបន្តបន្ទាប់ ដែលធ្វើឱ្យមានឱកាសក្នុងការសន្សំលុយ ដើម្បីទុកទិញដីនៅជាយក្រុងនិងមានតម្លៃទាបៗ ។

លោកហ៊ិន រស់ បានបន្ថែមថា ភាពពិការរបស់យើងនិងភាពស្មោះត្រង់ជាមួយនឹងអត្តចរឹករបស់ខ្លួន បានធ្វើឱ្យអតិថិជន កាន់តែមានទំនុកចិត្ត ជឿជាក់ឱ្យលោករកដីធ្លី ដែលមានសក្ដានុលសម្រាប់ទិញទុកចំណេញ និងចេះតែកាក់កបជាបន្តបន្ទាប់ រហូតដល់លោកអាចសន្សំ លុយបានទិញដីទុកកាន់តែច្រើនសម្រាប់អភិវឌ្ឍន៍។

គិតមកដល់សព្វថ្ងៃនេះ លោកហ៊ិន រស់គឺជាម្ចាស់គម្រោងអភិវឌ្ឍន៍ដីឡូត៏លំហែភូមិចំការដូងរីសត ស្ថិតនៅភូមិ ស្ពានដែក ឃុំ ធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង មានចំងាយប្រមាណតែ៥០គីឡូម៉ែត្រប៉ុណ្ណោះពីរាជធានីភ្នំពេញ ។

លោកបានបញ្ជាក់ថា ដោយមើលឃើញពីសក្ដានុពល នៃការអភិវឌ្ឍលំនៅឋានលំហែកាយ នៅក្នុងប្រទេសកម្ពុជាកាន់តែមានសន្ទុះ លោកបានសម្រេចយកដី ដែលបានទិញទុកមកអភិវឌ្ឍន៍ ជាដីឡូត៏លំហែកាយ ជាក់ស្ដែង ប្រជាពលរដ្ឋនៅក្នុងរាជធានីភ្នំពេញ នៅពេលបុណ្យទាន ឬថ្ងៃឈប់សម្រាក ពួកគាត់នឹងស្វែងរកទីតាំងសម្រាប់សម្រាកនិងកម្សាន្ត ។ ដូច្នេះបើសិនជាពួកគាត់មានដីឡូត៏នៅតំបន់លំហែរ ដូចជា នៅទីតាំងរបស់យើង ឬទីតាំងដែលអាចឱ្យគាត់សម្រាកលំហែកម្សាន្តបាន ពួកគាត់នឹងអាចសង់ផ្ទះនិងដាំដំណាំ និងសម្រាកលំហែជាមួយគ្រួសារ នៅថ្ងៃឈប់សម្រាកនិងថ្ងៃបុណ្យទាន។

លោកច្រឹក សុខនីមប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាបានឱ្យដឹងថា ការអភិវឌ្ឍន៍លំនៅឋានលំហែកាយ នឹងក្លាយផ្នែកមួយនៃការអភិវឌ្ឍន៍អចលនទ្រព្យ ដែលពេញនិយមនៅពេលបច្ចុប្បន្ននិងនៅពេលអនាគត។ ការអភិវឌ្ឍវិស័យនេះ នឹងរីកចម្រើនកាន់តែខ្លាំងនៅពេលកំណើនប្រាក់ប្រាក់ចំណូលរបស់ប្រជាជន កាន់តែរីកចម្រើនដូចគ្នាផងដែរ៕

ភ្នំពេញ ក្រុមហ៊ុន WONDER DEVELOPMENT ជាក្រុមហ៊ុន​អភិវឌ្ឍន៍ អចលនទ្រព្យអាគារខុនដូរដ៏ខ្ពស់ជាងគេក្នុងប្រទេសកម្ពុជា MESONG បានប្រកាសពីការចាប់ផ្តើម នូវភាពជាដៃគូ ជាមួយក្រុមហ៊ុន JARDINE MATHESON ដែលជាក្រុមហ៊ុនមកពីប្រទេសអង់គ្លេស និងធំជាងគេប្រចាំតំបន់អាស៊ី ។  ដំណាលគ្នានេះ ការចុះហត្ថលេខាលើកិច្ចសន្យាសហការណ៏ជាមួយក្រុមហ៊ុនផ្គត់ផ្គង់ជណ្តើរយន្តដ៏ល្បីបំផុតគឺ Jardine Schindlerក៏បានធ្វើឡើង​នៅថ្ងៃទី១៤ មករា​ ឆ្នាំ ២០២២​​នៅមជ្ឃមណ្ឌលតាំងបង្ហាញ និងលក់នៃគម្រោងអាគារមេសុង ។

តាមសេចក្តីប្រកាស​ព័ត៌មាន​របស់ក្រុមហ៊ុនអភិវឌ្ឍន៍អគារ​​ Mesong ឱ្យដឹងថា កិច្ចព្រមព្រៀងនេះ នឹងផ្តល់ឱ្យ​អាគារមេសុង ​ នូវបច្ចេកវិទ្យាជណ្តើរយន្តលំដាប់ពិភពលោក ជាមួយនឹងភាពរឹងមាំ និងគុណភាព ខ្ពស់ពី JARDINE SCHINDLER ។

ជាកិត្តិយសនៃកម្មវិធីក្រោមវត្តមាន លោកBen Chin ប្រធានគម្រោង និងជាប្រធាន ផ្នែកសាងសង់នៃ WONDER DEVELOPMENT ,លោកស្រី Rachel Thu អ្នកគ្រប់គ្រងទូទៅក្រុមហ៊ុន JARDINE SCHINDLER ព្រមទាំងមន្រ្តីជាន់ខ្ពស់ទាំងអស់ដៃគូអាជីវកម្ម ភ្ញៀវកិត្តិយសជាច្រើនពីស្ថាបន័ក្រុមហ៊ុនអន្តរជាតិនានា។

ព្រឹត្តិការណ៍ដ៏មានសារសំខាន់នេះបានឆ្លុះបង្ហាញនូវគុណតម្លៃ និងប្រណិតភាពនៃគម្រោង​ អាគារមេសុង។ លោកស្រី Gigi Chan ស្ថាបនិក និងជានាយកប្រតិបត្តិនៃក្រុមហ៊ុន WONDER DEVELOPMENT រួមជាមួយលោក Peter Beynon ប្រធានគ្រប់គ្រងប្រចាំប្រទេសនៃក្រុមហ៊ុន Jardine Matheson បានផ្តើមថ្លែងសុន្ទរកថាជាវីដេអូនៅក្នុងព្រឹត្តិការណ៍នោះ ក្នុងបំណងអបអរសាទរលើកិច្ចផ្តើមសហការណ៍លើគម្រោងអាគារខ្ពស់ជាងគេនៅប្រទេសកម្ពុជា។

លោកស្រី​Gigi Chan ស្ថាបនិក​និងជានាយិកា​ប្រតិបត្តិ​ក្រុមហ៊ុន​ Wonder Development បានមានប្រសានស៍ឱ្យដឹងថា ចក្ខុវិស័យរបស់យើង គឺដើម្បីក្លាយជាអាគារដ៏ល្អប្រណិត និងខ្ពស់ជាងគេក្នុងប្រទេសកម្ពុជា ហើយលើសពីនេះទៅទៀតបេសកកម្ម របស់យើងគឺដើម្បីនាំវិនិយោគិន និងប្រជាជន នូវការរស់នៅលើស្តង់ដារខ្ពស់ ដែលមិនត្រឹមជាសន្ឋាននៃសមិទ្ធិផលស្ថាបត្យកម្មតែ ប៉ុណ្ណោះទេ តែក៏មានជាគុណភាព និងបែបបទនៃជីវិតនាពេលអនាគតកាលក្នុងប្រទេសកម្ពុជា ។

លោក Peter Beynon ប្រធានគ្រប់គ្រង​ប្រចាំប្រទេស​នៃក្រុមហ៊ុន​ Jardine Schindlerបានឱ្យដឹងថា​ ក្នុងនាម​ក្រុមហ៊ុនផលិតនិងផ្គត់ផ្គង់ជណ្តើរយន្ត ជាមួយកេត្តិនាមល្បីរន្ទឺ និងបទពិសោធន៍យូរឆ្នាំក្នុងវិស័យ ផ្គត់ផ្គង់​ចល័តភាពដ៏គួរជាទីទំនុកចិត្តលើអាគារគ្រប់ប្រភេទ ដែលរាប់ពីអាគារខ្ពស់ៗ ផ្សារទំនើប លំនៅដ្ឋាន អាគារពាណិជ្ជកម្ម  រួមទាំងគម្រោងល្បីៗជាច្រើនដូចជា ICC & One Island Eastនៅទីក្រុងហុងកុង, NagaWorld សណ្ឋាគារ Marriott នៅទីក្រុងភ្នំពេញ។

លោកបន្តថាគ​ម្រោងអាគារ MESONG ដែលនឹងផ្តល់ការអភិវឌ្ឈន៍យ៉ាងល្អឥតខ្ចោះ ជាមួយនឹងបរិក្ខារប្រើប្រាស់ ល្អលេខ មួយនៅកោះពេជ្រ ។ ដែលនេះ ពិតណាស់ថាជាការរួមគ្នាល្អឥតខ្ចោះលើទីដ៏វិសេស ហើយដែល Jardine Schindler នឹងអាច បម្រើប្រជាជនដែលនៅក្នុងអាគារទាំងពីរ និងផ្សារទំនើបនៃអាគារមេសុង។ ហើយនេះជាអនាគតនៃការរស់នៅក្នុងព្រះរាជាណាចក្រ កម្ពុជា ហើយខ្ញុំពិតជាមានមោទនភាពណាស់ដែលត្រូវបានផ្សារភ្ជាប់ជាមួយ នឹងចក្ខុវិស័យរបស់ WONDER ។

កម្មវិធីដ៏វិសេសថ្លៃថ្លានេះ បានបញ្ចាប់ទៅរលូន និងប្រកបដោយភាពជោគជ័យ ដោយមានវត្តមានពីដៃគូសហការណ៍ផ្សេងៗ និង អ្នកប្រឹក្សាជំនាញរបស់គម្រោង អាគារមេសុង ជាច្រើននាក់ ​និងព្រមទាំងមានវត្តមានពីភ្នាក់ងារអចលនទ្រព្យធំៗជាច្រើនទៀត។ ភ្ញៀវកិត្តិយស និងអ្នកចូលរួមទាំងអស់ បានបង្ហាញពីការគាំទ្រយ៉ាងខ្លាំងរបស់ខ្លួនលើគម្រោង អាគារមេសុង ហើយនឹងទន្ទឹងរង់ចាំនូវ វឌ្ឍនភាពរបស់គម្រោងក្នុងឆ្នាំ២០២២។ នាគ្រានៃភាពជាដៃគូថ្មីត្រូវបានបង្កើតឡើងនាវេលានេះ បានញាំងអោយគម្រោង អាគារមេសុង ក្លាយជាគម្រោងដ៏ទំនើបអស្ចារ្យ និងរឹតតែពិសេសលើបែបបទរស់នៅ ដោយក្នុងអាគារពេញទៅដោយផ្សារទំនើប និងកន្លែង កំសាន្តផ្សេងៗដែលជាបទពិសោធន៍ថ្មី ក្នុងការរស់នៅដែលមិនធ្លាប់មានពីមុនមកនៅក្នុងប្រទេសកម្ពុជា។

សូមចូលទៅកាន់គេហទំព័រផ្លូវការសម្រាប់ព័ត៌មានលម្អិតនៃគម្រោង MESONG: www.mesong.com

មជ្ឃមណ្ឌលលក់ MESONG

អាស័យដ្ឋាន៖ SH 09 & 10 (1^st & 2^nd Floor) អាគារ Diamond Twin Tower, ផ្លូវសុភមង្គល, កោះពេជ្រ, ភ្នំពេញ

ទំនាក់ទំនង៖ +855 2323 2288

អំពី WONDER DEVELOPMENT

Wonder Development គឺជាក្រុមហ៊ុនបុត្រសម្ព័ន្ធគ្រប់គ្រងទាំងស្រុងនៃមូលនិធិ ដែលគ្រប់គ្រងដោយ Wonder Capital Group។ វិនិយោគិនរបស់មូលនិធិរួមមាន វិនិយោគិនដែលមានជំនាញវិជ្ជាជីវៈមកពីទីក្រុងហុងកុង ដូចជាវិនិយោគិនស្ថាប័ន ក្រុម ហ៊ុនចុះបញ្ជី និងបុគ្គលដែលមានទ្រព្យសម្បត្តិខ្ពស់នៅទីក្រុងហុងកុង។ Wonder Capital Group គឺជាអ្នកកាន់អាជ្ញាប័ណ្ណគ្រប់ គ្រងទ្រព្យសកម្មប្រភេទទី៩ ដែលផ្តត់ដោយគណៈកម្មការមូលបត្រនៃទីក្រុងហុងកុង។ ក្រុមការងារមានបទពិសោធន៍វិនិយោគអចលន ទ្រព្យជាង​ ២០ឆ្នាំ និងមានតួនាទីកាន់ប្រតិបត្តិការ​ និងគ្រប់គ្រងនៅអាស៊ីប៉ាស៊ីហ្វិក ក្នុងការគ្រប់គ្រងទ្រព្យសម្បត្តិអន្តរជាតិដែលមាន តម្លៃជាងពាន់លានជាងដុល្លារអាមេរិក ។

For media enquiry, please contact:

សម្រាប់ការសាកសួរព័ត៌មានបន្ថែម, សូមទាក់ទងទៅកាន់

Mr. Keros Ku: + 852 2898 0096 (Hong Kong)

Email: [email protected]

Mr. Tola Lim: +855 2323 2288 (Cambodia)

Email: [email protected]

https://drive.google.com/drive/folders/1G9UNHirZtmKk10n2KrLjgwmjeLQ9NJol?usp=sharing

ដោយៈ សុខុម

ហ្សាការតា: ឥណ្ឌូណេស៊ី នឹងដាក់ចេញវិធានការអនុគ្រោះពន្ធថ្មី លើការលក់អចលនទ្រព្យ និងរថយន្តក្នុងឆ្នាំ២០២២ នេះក្នុងគោលបំណងព  ន្លឿនការងើបឡើងវិញនៃសេដ្ឋកិច្ចរបស់ខ្លួនពីវិបត្តិកូវីដ-១៩។

មន្ត្រីកំពូលៗនៃប្រទេ សនេះបានទម្លាយឱ្យដឹងកាលពីថ្ងៃអាទិត្យ ទី១៦ មករា គម្រោងដាក់ចេញវិធានការ អនុគ្រោះពន្ធនេះបានធ្វើឡើង ខណៈអាជ្ញាធរត្រៀមខ្លួន សម្រាប់ស្ថានការណ៍រីករាលដាលវីរុសបំប្លែងខ្លួនថ្មី “អូមីក្រុង”។

ករណីឆ្លងថ្មីៗក្នុងប្រទេសនេះ បានកើនឡើងដល់១.០៥៤ករណីកាលពីថ្ងៃសៅរ៍ ចុងសប្ដាហ៍កន្លងទៅ ដែលជាចំនួនខ្ពស់បំផុតក្នុងរយៈពេល៣ខែមកនេះ ស្របពេលមានសេចក្ដីការណ៍ អំពីការឆ្លងវីរុសបំប្លែងខ្លួនថ្មី “អូមីក្រុង”។

ប្រទេសនេះ បានរាយការណ៍អំពីការឆ្លងថ្មីចំនួន៨៥៥ករណី កាលពីថ្ងៃអាទិត្យ ចុងសប្ដាហ៍កន្លងទៅ ដោយធ្វើឱ្យករណីសរុបនៃការឆ្លងវីរុសកូវីដ-១៩ ក្នុងប្រទេសនេះកើនឡើងរហូតដល់៤,២៧លានករណី។

លោក Airlangga Hartarto រដ្ឋមន្ត្រីសម្របសម្រួលកិច្ចការសេដ្ឋកិច្ចបានថ្លែង ក្នុងសន្និសីទមានព័ត៌មានតាមប្រព័ន្ធអនឡាញថា រដ្ឋាភិបាលនឹងផ្តល់ការបញ្ចុះតម្លៃ៥០% លើភាគរយលើអាករលើតម្លៃបន្ថែម (VAT) សម្រា​ប់ការលក់ផ្ទះ ដែលមានតម្លៃក្រោម២ពាន់លានរូពី (១៤០.០០០ម៉ឺនដុល្លារអាមេរិក) និង២៥%សម្រាប់ផ្ទះ ដែលមានតម្លៃចាប់ពី២ពាន់លានរូពី ដល់៥ពាន់លានរូពី រហូតដល់ខែមិថុនា។

រដ្ឋមន្ត្រីរូបនេះបានបញ្ជាក់ថា កម្មវិធីបញ្ចុះពន្ធមួយចំនួនក៏នឹងត្រូវដាក់ចេញផងដែរ សម្រាប់ការលក់រថយន្ត ដែលមានតម្លៃក្រោម២៥០លានរូពី ដោយកម្មវិធីខ្លះ នឹងផុតសុពលភាពនៅត្រឹមដំណាច់ខែមីនា ហើយកម្មវិធីខ្លះទៀតនឹងផុតសុពលភាពនៅត្រឹមដំណាច់ខែកញ្ញា។

រដ្ឋាភិបាលក៏បានផ្តល់ការបន្ធូរបន្ថយពន្ធ សម្រាប់ការលក់អចលនទ្រព្យ និងរថយន្តផងដែរកាលពីឆ្នាំ២០២១ ក្រោមកម្មវិធីខុសៗគ្នាដែលបានផុតសុពលភាពក្នុងខែធ្នូ កន្លងទៅ៕  Reuters៕

ដោយៈ សុធារី

ភ្នំពេញៈ ប្រទេសកម្ពុជាគឺជាទីផ្សារល្អបំផុតមួយនៅអាស៊ី សម្រាប់វិនិយោគអចលនទ្រព្យ បើទោះបីជាសេដ្ឋកិច្ចរបស់ប្រទេសនេះ មានទំហំតូចមែន ប៉ុន្តែមានភាពធន់ ហើយមិនដែលមានវិបត្តិសេដ្ឋកិច្ច ក្នុងរយៈពេលជាង ២០ឆ្នាំមកហើយ។

យោងតាមការសិក្សារបស់គេហទំព័រ InvestAsian ដែលជាគេហទំព័រអង្កេតទាក់ទង នឹងចរន្តនៃការវិនិយោគនៅតំបន់អាស៊ីបានបង្ហាញថា ទីក្រុងភ្នំពេញ មានការរីកចម្រើនគួរឱ្យភ្ញាក់ផ្អើល ដែលទាក់ទាញការចាប់អារម្មណ៍ពីធុរកិច្ចអន្តរជាតិ។

តាមរយៈវេបសាយនេះ បានប្រៀបធៀបទីក្រុងភ្នំពេញ ទៅនឹងទីក្រុងបាំងកក កាលពីទស្សវត្សឆ្នាំ១៩៩០ ឬទីក្រុងសៃហ្គន កាលពីទស្សវត្សឆ្នាំ២០០០។

តាមរយៈវេបសាយនេះ អ្នកវិនិយោគអាចទិញអចលនទ្រព្យនៅកណ្តាលទីក្រុងភ្នំពេញ ក្នុងតម្លៃក្រោម១,០០០ដុល្លាអាមេរិក ក្នុងមួយម៉ែត្រការ៉េ ក្នុងតំបន់ខ្លះ។ ប្រៀបធៀបនឹងខុនដូ ដែលស្ថិតនៅទីតាំងសំខាន់ៗក្នុងទីក្រុងបាងកកប្រទេសថៃ មានតម្លៃប្រហែល៦,០០០ អាមេរិកដុល្លារក្នុងមួយម៉ែត្រការ៉េ។

ប្រៀបធៀបនឹងប្រទេសវៀតណាម អ្នកមិនមានសិទ្ធិអាចកាន់កាប់ដីធ្លីបានទេ ព្រោះដីនីមួយៗស្ថិត ក្នុងការជួលរយៈពេល៥០ឆ្នាំពីរដ្ឋាភិបាល។ តម្លៃអចលនទ្រព្យ មានតម្លៃខ្ពស់ប្រហែល៤,០០០ដុល្លារអាមេរិក ក្នុងមួយម៉ែត្រការ៉េ នៅក្នុងទីក្រុងហាណូយ និងហូជីមិញ។

ការប្រៀបធៀបនេះ ដោយមើលឃើញពីកំណើនដ៏ខ្លាំង នៃទីក្រុងបាង​កកនេះ វិនិយោគិនគួរតែកត់សម្គាល់ពីទីក្រុងនេះ សម្រាប់ជាទិសដៅវិនិយោគ។

ទីក្រុងនេះ ក៏ទាក់ទាញជនជាតិបរទេស ជាមួយនឹងផ្សារតាមដងផ្លូវដ៏រស់រវើក ស្ថាបត្យកម្មបារាំងដ៏អស្ចារ្យ និង អាគារបុរាណ។

តម្លៃអចលនទ្រព្យកម្ពុជាត្រូវបានកំណត់ ដោយកំណើនជាក់ស្តែងនៃប្រជាសាស្ត្ររបស់ប្រជាជនកម្ពុជា។ តាមប្រភពដដែល អត្រានគរូបនីយកម្មនៅកម្ពុជាមានត្រឹមតែ២៤% និងកើនឡើងយ៉ាងឆាប់រហ័ស។ នេះបង្ហាញថា តម្រូវការអចលនទ្រព្យ មានសុខភាពល្អ។

ប្រជាជនមានជីវភាពមធ្យម ដែលកំពុងកើនឡើងខ្ពស់ បានបន្តផ្លាស់ទីលំនៅពីជនបទមកទីក្រុង ដែលជាលទ្ធផលនៃតម្រូវការជួល និងទិញផ្ទះឬអាផាតមិននៅក្នុងរាជធានីភ្នំពេញ។

ដោយមើលឃើញពីចំណុចទាំងនេះ បានធ្វើឱ្យវិនិយោគិន ដែលមានបទពិសោធន៍ បានចាប់ផ្ដើមសម្រុកមកភ្នំពេញ ដើម្បីទទួលបានផលចំណេ​ញក្នុងតម្លៃទាបគួរឱ្យភ្ញាក់ផ្អើល។

ជាធម្មតា ជនបរទេសទិញអចលនទ្រព្យពីរប្រភេទរួមមាន shophouse និងខុនដូ។ Shophouse ជាទូទៅអាចធ្វើកែលម្អឡើងវិញ ជួល និងលក់បន្ត ដើម្បីដើម្បីបានផលចំណេញ ខណៈខុនដូមិនមានផលចំណេញច្រើនទេ ដូចShophouse នោះទេ ប៉ុន្តែខុនដូងាយនឹងកាន់កាប់ និងគ្រប់គ្រង។

ប្រទេសកម្ពុជា គឺជាប្រទេសមួយក្នុងចំណោមប្រទេស នៅអាស៊ីអាគ្នេយ៍ ដែលអាចឱ្យជនបរទេស មានកម្មសិទ្ធិកាន់កាប់អចលនទ្រព្យពីជាន់ទី១។ កម្ពុជាជាប្រទេសស្វាគមន៍បំផុតមួយ សម្រាប់វិនិយោគិនអន្តរជាតិនៅក្នុងតំបន់ទាំងមូល។ ការចូលមកប្រទេសកម្ពុជា ហើយបង្កើតអាជីវកម្មនៅទីនេះ មានលក្ខណៈសាមញ្ញ និងមានប្រសិទ្ធភាព។ ទិដ្ឋាការរយៈពេលមួយឆ្នាំ មានតម្លៃត្រឹមតែ២៥០ដុល្លារ ហើយអាជីវកម្មនៅកម្ពុជា អាចមានកម្មសិទ្ធិ១០០ភាគរយដោយជនជាតិបរទេស។

ការទិញអចលនទ្រព្យ អាចមានភាពស្មុគស្មាញបន្តិច អាស្រ័យលើអ្វី ដែលអ្នកកំពុងរក។ ជនបរទេស អាចទិញខុនដូយូនីត ដែលមានប័ណ្ណសហកម្មសិទ្ធ ដូច្នេះមនុស្សជាច្រើនមានទំនោរទៅរកការអភិវឌ្ឍទាំងនោះ។

លើសពីនេះទៀត ប្រទេសកម្ពុជាប្រើប្រាស់ប្លង់រឹង និងប្លង់ទន់សម្រាប់ដី និងអគារ។ ប័ណ្ណកម្មសិទ្ធិប្លង់រឹង ត្រូវបានចុះបញ្ជីជាផ្លូវការ ដោយអជ្ញាធរជាតិ។ ចំណែក ប្លង់ទន់ត្រូវបានចុះបញ្ជី ដោយអាជ្ញាធរមូលដ្ឋាន៕