ដំណឹងល្អៈក្រុមហ៊ុនចិនធំៗចាប់ផ្តើមឈានជើងចូលទីផ្សារកម្ពុជាបណ្តើរៗវិញហើយ

ដោយគង់ សូរិយា

        ភ្នំពេញៈ ក្រុមហ៊ុនចិនធំៗលំដាប់យក្សបាននិងកំពុងឈានជើង និងត្រៀមខ្លូនចូលមកកាន់ទីផ្សារកម្ពុជាឡើងវិញបណ្តើរៗហើយ ដែលកម្ពុជានឹងទទួលបានផលប្រយោជន៍ច្រើនពីកិច្ចព្រមព្រៀងពាណិជ្ជកម្មសេរី ជាមួយប្រទេសចិននៅថ្ងៃទី១ មករា ឆ្នាំ២០២១ខាងមុខ។

យោងតាមប្រភពព៌តមានពីមន្រ្តីជាន់ខ្ពស់រដ្ឋាភិបាលបានឲ្យដឹងងថា បច្ចុប្បន្ននេះក្រុមហ៊ុនចិនជាច្រើន មកពីគ្រប់វិស័យពិសេសក្រុមហ៊ុនផលិត ដើម្បីនាំចេញបាននិងកំពុ​ង​ផ្តោតលើការវិនិយោគ និងស្វែងរកដីធំៗ ដើម្បីផលិតផលិតផលកសិកម្ម ដើម្បីនាំចេញទៅកាន់ប្រទេសចិន។ ជាមួយគ្នានេះក្រុមហ៊ុនអចលនទ្រព្យធំៗ របស់ចិនជាច្រើនទៀត នឹងចូលមកកាន់ទីផ្សារកម្ពុជាផងដែរ បន្ទាប់ពីដំណើរទស្សនកិច្ចរបស់លោកវ៉ាង យីទីប្រឹ​ ក្សារដ្ឋ និងជារដ្ឋមន្រ្តីក្រសួងការបរទេសចិនមកកាន់កម្ពុជាកាលពីពេលថ្មីៗនេះ។

លោកបន្តថា “ដំណើរទស្សនកិច្ចរបស់លោកវ៉ាង យីជាការបើកផ្លូវសំរាប់ទំព័រថ្មី​នៃទំនាក់ទំនងមិនអាចកាត់ផ្តាច់បានរវាងកម្ពុជា និងមហាមិត្តចិន ដែលបានចាត់ទុកគ្នាជាសហគមន៍រួមវាសនាតែមួយ”។

តាមប្រភពព៌តមានច្បាស់ការណ៍ដទៃទៀត បច្ចុប្បន្ននេះក្រុមហ៊ុនចិនធំៗជាច្រើន​បាននិងកំពុងស្វែងរកដីរាប់រយពាក់ហិកតា ដើម្បីដាំដំណាំកសិកម្មសំរាប់កែច្នៃនាំចេញទៅកាន់ប្រទេសចិន និងប្រទេសធំៗដទៃទៀត។

ជាមួយគ្នានេះលោកឧកញ៉ាលឹម ហេងអនុប្រធានសភាពាណិជ្ជកម្មកម្ពុជាបានមានប្រសាសន៍ថា បច្ចុប្បន្នមានក្រុមហ៊ុនចិនជាច្រើនបាន និងកំពុងចូលមកកម្ពុជាហើយ ប៉ុន្តែការចូលមករបស់អ្នកវិនិយោគធំៗ អាចធ្វើឡើងនៅពេលឆាប់ៗនេះ ដោយវ៉ាក់សាំងកូវីដ

១៩ប្រកាសប្រើប្រាស់ជាផ្លូវការ ព្រោះអ្នកវិនិយោគធំៗពួកគេក៏លំបាកផងដែរ ប្រសិនជាពួកគាត់ចូលមកត្រូវធ្វើចត្តាឡីស័ក្តិរយៈពេល១៤ថ្ងៃ។ លោកបន្តថា ហេតុនេះការចូលមក​របស់អ្នកវិនិយោគធំៗបាន និងកំពុងចាប់ផ្តើមបណ្តើរៗ និងមកកាន់តែច្រើនបន្ថែមទៀតក្រោយវិបត្តិCovid-19។

លោកបន្តថា “ការចូលជាធរមាននៃកិច្ចព្រមព្រៀងពាណិជ្ជកម្មសេរី(FTA)នៅថ្ងៃទី​១មករា ឆ្នាំ២០២១ កម្ពុជានឹងក្លាយជាទីតាំងផលិត និងចែកចាយទំនិញចិនសំរាប់តំបន់អាស៊ាន ហើយយើងនឹងរីកចម្រើនមិនចាញ់សឹង្ហបុរីនោះឡើយ”។លោកបន្តថា “ដូចនៅអឺរ៉ុបទំនិញភាគច្រើនហូរចូលប្រទេសបារាំង ហើយបារាំងជាអ្នកដើរតួចែកចាយទៅកាន់​ប្រទេសជាង២០ទៀតក្នុងសហគមន៍អឺរ៉ុប”។

លោកឧកញ៉ាលឹម ហេងបានបន្តថា និន្នាការនេះនឹងបង្កើតតម្លៃបន្ថែមដល់សេដ្ឋកិច្ចកម្ពុជា ហើយចំណូលរបស់រដ្ឋាភិបាលក៏កើនឡើងខ្លាំងផងដែរ ដូច្នេះបើកម្ពុជាយើងធ្វើបានល្អ យើងនឹងក្លាយជាទីផ្សារបោះដុំសំរាប់ចែកចាយទៅតំបន់អាស៊ាន ហើយក្រុមហ៊ុនអាមេរិកធំៗ នឹងចូលមកកម្ពុជា ដើម្បីផលិតទំនិញនាំចេញទៅកាន់់ប្រទេសចិន ក៏ដូចជាទីផ្សារអាមេរិក ដោយសារកម្ពុជាទទួលបានប្រព័ន្ឋអនុគ្រោះពន្ឋ(GSP) ពីសហរដ្ឋអាមេរិកផងដែរ។

លោកបន្តថា “ខ្ញុំជឿថាសេដ្ឋកិច្ចកម្ពុជា នឹងមានភាពរីកចម្រើនខ្លាំងនៅពេលខាងមុខ ដោយសារកិច្ចព្រមព្រៀងFTA និងគោលនយោបាយលើកទឹកចិត្តអ្នកវិនិយោគរបស់  រដ្ឋាភិបាលជាច្រើនទៀត”៕

សម្តេចតេជោ ហ៊ុន សែន អំពាវនាវដល់ធនាគារ និងមីក្រូហិរញ្ញវត្ថុ ពន្យារពេលនៃការសងប្រាក់ និងបន្ថយការអត្រាការប្រាក់ដល់ជនរងគ្រោះដោយទឹកជំនន់

ដោយ ៖ រ៉ាណេត

បន្ទាយមានជ័យ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានធ្វើការអំពាវនាវដល់បណ្តាធនាគារឯកជន និងគ្រឹះស្ថានមីក្រូហិរញ្ញវត្ថុនានា បន្ធូរបន្ថយអត្រាការប្រាក់ និងពន្យាពេលក្នុងការសងប្រាក់ដល់ប្រជាេពលរដ្ឋដែលកំពុងស្ថិតនៅក្នុងការរងគ្រោះដោយទឹកជំនន់ បន្ថែមពីលើវិបត្តិសេដ្ឋកិច្ចសាកលដែលកំពុងកើមាន។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងឱកាសចុះសួរសុខទុក្ខប្រជាពលរដ្ឋប្រមាន១ម៉ឺនគ្រួសារ នៅព្រឹកថ្ងៃទី២១ ខែតុលា ឆ្នាំ២០២០ បានប្រកាសអំពាវនាវដល់ធនាគារ និងមីក្រូហិរញ្ញវត្ថុ សូមមេត្តាបន្ធូរបន្ថយ ពន្យារពេលនៃការសងប្រាក់ និងបន្ថយការអត្រាការប្រាក់ ដល់ជនរងគ្រោះដោយទឹកជំនន់ នាពេលនេះ។

សម្តេចតេជោ បានមានប្រសាសន៍ថា “មុននេះ ខ្ញុំបានអំពាវនាវសម្រាប់អ្នកដែលបាត់បង់ប្រាក់ចំណូលដោយសារកូវីដ ដូចជា កម្មករត្រូវបិទរោងចក្រ អីចឹងត្រូវឲ្យមានភាពអនុគ្រោះយ៉ាងម៉េច? និងការជំពាក់ប្រាក់ អត្រាការប្រាក់ វាយ៉ាងម៉េច? ឥឡូវនេះ ខ្ញុំក៏សូមអំពាវនាវទៅកាន់ធនាគារ និងមីក្រូហិរញ្ញវត្ថុ សុំការយោគយល់ចំពោះអ្នកលិចលង់នៅគ្រប់ទីកន្លែង ឲ្យមានការបន្ធូរបន្ថយ ទៅលើពេលវេលានៃការសងប្រាក់ រហូតទៅដល់ការបន្ថយអត្រាការប្រាក់ នៅក្នុងរយៈពេលនៃការលំបាក”។

សម្តេចតេជោ ហ៊ុន សែន ក៏បានប្រកាសអំពាវនាវដល់ធនាគារ និងមីក្រូហិរញ្ញវត្ថុទាំងអស់ សុំកុំមានការរឹបអូសទ្រព្យសម្បត្តិផ្ទះសម្បែងដីធ្លីរបស់ប្រជាពលរដ្ឋ នៅក្នុងដំណាក់កាលកូវីដ និងនៅក្នុងដំណាក់កាលគ្រោះទឹកជំនន់នេះ។

យ៉ាងណាក៏ដោយ សម្តេចតេជោ ហ៊ុន សែន នៅតែបញ្ជាក់ដដែលថា “នៅមានចរន្តមួយ ចលនាឲ្យដកប្រាក់ទាំងអស់ ចេញពីធនាគារ ដើម្បីធ្វើឲ្យធនាគារស្រុកខ្មែរដួលរលំ។ អាហ្នឹងទី១ ទៅ។ ទី២ ចលនាឲ្យប្រជាជនទាំងអស់ ដកលុយ។

ខ្ញុំនៅតែលើកទឹកចិត្តឲ្យរឹបអូស អ្នកណាក៏ដោយ ដែលធ្វើតាមការអំពាវនាវនេះ សូមឲ្យធនាគាររឹបអូសទៅ។ តែបើអ្នកណា មិនធ្វើតាមអាអ្នកអំពាវនាវ ដើម្បីធ្វើវិឆេតកម្ម សូមយោគយល់ឲ្យគេផង។ ជួនកាល យើងទៅខ្ចីធនាគារ យកប្លង់ដីប្លង់ផ្ទះ យកទៅដាក់ ខ្ចីគេបានត្រឹមតែ ២០០០ទេ។ តែតម្លៃដីរបស់យើង មានរហូតដល់ ១៥០០០ តែយើងបានខ្ចីតែ ២០០០ទេ។ អីចឹង គេអាចរៀបចំឡើងវិញ អនុញ្ញាតឲ្យខ្ចីបន្ថែម ១០០០ ទៀត។ អាហ្នឹង ជាការរៀបចំឡើងវិញ ដើម្បីឲ្យយកមកធ្វើជាដើមទុន រកស៊ីតទៅទៀត។ អីចឹង ខ្ញុំយកវេទិកានេះ អំពាវនាវ នៅគ្រប់ធនាគារ និងគ្រប់មីក្រូហិរញ្ញវត្ថុ សូមធ្វើការយោគយល់នៅលើសភាពការណ៍ដ៏លំបាករបស់ប្រជាជនយើង។ ពិតហើយ អស់លោក ត្រូវការចំណេញ ប៉ុន្តែបើចំណេញនៅលើការលំបាករបស់ប្រជាពលរដ្ឋ ក៏មិនមែនជាការសប្បាយរីករាយសម្រាប់ទាំងអស់គ្នា ហើយនៅក្នុងស្ថានភាពដ៏លំបាកនេះទេ។ អីចឹងទេ សង្ឃឹមថា ធនាគារទាំងអស់ នឹងមានការយោគយល់ ហើយធនាគារជាតិនៃកម្ពុជា ក៏ដូចជា ក្រសួងសេដ្ឋកិច្ច និងហិរញ្ញវត្ថុ ក៏ត្រូវបន្តធ្វើការណែនាំមីក្រូហិរញ្ញវត្ថុ ក៏ដូចជាធនាគារទាំងឡាយ ឲ្យមានការផ្តល់ការយោគយល់”។

ជាមួយគ្នានេះ សម្តេចតេជោ ហ៊ុន សែន ក៏បានគូសបញ្ជាក់ផងដែរថា ក្រៅពីការយោគយល់ផលលំបាកនៃការបាត់បង់ប្រាក់ចំណូលមកពីកូវីដ ក៏ត្រូវផ្តល់នូវការយោគយល់ថែមទៀត ចំពោះអ្នកដែលរងគ្រោះដោយទឹកជំនន់ ដែលប៉ះពាល់ដល់ចំនួន ១៤៣ ៣៤៨ គ្រួសារ ស្មើនឹងមនុស្ស ៤១៧ ៣៩២នាក់ ហើយក្នុងចំណោមនោះ ក៏មិនមែនសុទ្ធតែអ្នកជំពាក់ធនាគារនោះទេ៕

អ្នកជំនាញ​អន្តរជាតិ៖ តំបន់​សែន​សុខ​កំពុងមាន​ការរីក​ចម្រើន​លើ​ផ្នែក​ពាណិជ្ជកម្ម​និង​ការិយាល័យ

ដោយ​ប៊ី

ភ្នំពេញៈ អ្នកជំនាញ​អចលនទ្រព្យ​អន្តរជាតិ​បាន និង​កំពុង​មើលឃើញ​ឳ​កាស​រីកចម្រើន​នៃ​ខ័​ណ្ឌ​សែន​សុខ ដែល​តំបន់​នេះ​នឹងមាន​ភាព​រីកចម្រើន​លើ​ផ្នែក​ពាណិជ្ជកម្ម ជា ពិសេស​អាគារ​ការិយាល័យ។

ប្រធាន​គ្រប់គ្រង​ទូទៅ​ក្រុមហ៊ុន Coldwell Banker Cambodia លោក Crispian Knowles បាន​មានប្រសាសន៍​ឲ្យ​ដឹង​ក្នុង​កិច្ចសម្ភាសន៍​ពិសេស​មួយ​នៅ​ការិយាល័យ​របស់លោក​កាលពី​ថ្ងៃទី២០ ខែតុលា ឆ្នាំ២០២០កន្លងមក​ថា យើង​គិតថា ខណ្ឌ​សែន​សុខ នឹងមាន​កម្លាំង​ខ្លាំង​ក្នុង​ការរីក​ច្រើន ដោយ​វិស័យ​ពាណិជ្ជកម្ម និង​លក់រាយ​កាន់តែ​រីកចម្រើន​នាពេល​អនាគត។

លោក​បាន​ថ្លែង​ទៀតថា “ខ្ញុំ​គិតថា​ខណ្ឌ​សែន​សុខ ចាប់ផ្តើម​មានការ​ផ្លាស់​ប្តូរ​ពី​ការិយាល័យ​កម្រិត​C ដែលមាន​តម្លៃ​ទាប ទៅរក​ការិយាល័យ​កម្រិត​A និង​B” ។

មនុស្ស​គ្រប់គ្នា​ត្រូវ​សម្រប​ខ្លួន ទៅរក​ការផ្លាស់ប្តូរ មិន​ត្រឹមតែ​បុគ្គល និង​សហគ្រាស​ធុន​តូច និង​មធ្យម​ប៉ុណ្ណោះ​ទេ សូម្បីតែ​ម្ចាស់​សហគ្រាស​ពួកគេ​ចាំបាច់ ត្រូវ​ឆ្ពោះទៅមុខ​ជាមួយ​អនាគត នៃ​ជួល​ការិយាល័យ​ជួល​ស្តង់ដារ ហើយ​និន្នាការ​នៃ​អចលនទ្រព្យ​ពាណិជ្ជកម្ម​កំពុង​កើនឡើង ដែល​ជំរុញ​ដោយ​តម្រូវការ និង​ការពេញចិត្ត​របស់​អតិថិជន។

លោក Crispian បានឱ្យដឹងថា “មានឱកាសល្អៗជាច្រើន ដើម្បី​ផ្លាស់ប្តូរ​ពី​ផ្នត់គំនិត​ចាស់​នៃ​ការ​មាន​ជំនួញ​បែប​ប្រពៃណី ដូចដែល​ខ្ញុំ​បានលើកឡើង​ពីមុន ការផ្លាស់ប្តូរ​ពី​ការិយាល័យ​នៅ​វីឡា និង​ផ្ទះ Shophouse ដែលជា​លក្ខណៈ​បែប​ប្រពៃណី នឹង​ឆ្ពោះទៅរក​ការិយាល័យ​ស្តង់ដារ ដែល​នឹង​ត្រូវបាន​សាងសង់​ដើម្បី​បំពេញតម្រូវការ​ទាំងនោះ” ។

លោក​បាន​ថ្លែង​ទៀតថា មាន​កត្តា​ដែលមាន​សារៈសំខាន់ ក្នុងការ​ផ្លាស់ប្តូរ​ពួកគេ​ដូចជា ទី១ មាន​កន្លែង​ស្តង់ដារ ដើម្បី​ប្រជុំ​ជាមួយ​អតិថិជន​របស់​អ្នក​អ្នក ជំនួស​ឱ្យ​ការិយាល័យ​ប្រពៃណី ដែលមាន​ការរំខាន​ជាច្រើន ដូចជា​សម្លេង​រំខាន​នៅតាម​ផ្លូវ និង​សម្លេង​រំខាន​ពី​ជិតខាង​ជាដើម។

លោក​បាន​បន្តថា “ដូច្នេះ​ការ​មាន​កន្លែង​ការិយាល័យ នៅ​អាគារ​ការិយាល័យ​ស្តង់ដារ នឹង​លុបបំបាត់​រាល់​ការរំខាន​ទាំងនោះ ធ្វើឱ្យ​អតិថិជន​របស់​អ្នកមាន​អារម្មណ៍ ងាយស្រួល និង​មាន​ឆន្ទៈ​ក្នុង​ការធ្វើ​ជំនួញ​ជាមួយ​អ្នក។លោ​កប​ន្ថ​ថែមថា ខ្ញុំ​គិតថា​ឱកាស​ផ្សេងទៀត ក្នុងការ​ផ្លាស់ប្តូរ​ទីតាំង​ការិយាល័យ​ជួយ​គឺជា​ឱកាស​ក្នុងការ​បង្កើត​បណ្តាញ នៅពេល​អ្នក​ជួល​អគារ​ការិយាល័យ” ។

អ្នក​មិនមែនជា​អ្នក​ជួល​តែមួយ​ទេ ប៉ុន្តែ​ថែមទាំង​មាន​អ្នក​ជួល​បែប​ស្តង់ដារ ជាច្រើន​នៅក្នុង​អគារ ដូច្នេះ​ឱកាសល្អ ក្នុងការ​ភ្ជាប់​បណ្តាញ​ជាមួយ​អ្នក​ដទៃទៀត។ ក្រុមហ៊ុន​អាជីវកម្ម​ផ្សេងទៀត នឹង​បង្កើន​ការរីក​លួត​លាស់​ដល់​អាជីវកម្ម​របស់​អ្នក។

ក្រុមហ៊ុន Coldwell Banker Cambodia គឺជា​ក្រុមហ៊ុន​អចលនទ្រព្យ​ដែល​ធំជាងគេ និង​ចំណាស់​ជាងគេ​បំផុត​នៅលើ​ពិភពលោក ដែល​ត្រូវបាន​បង្កើតឡើង​កាលពី១១៤ឆ្នាំមុន។ ក្រុមហ៊ុន​នេះ មាន​ទីតាំង​នៅតាម​បណ្តា​ប្រទេស​ចំនួន៤៩ ទូទាំង​ពិភពលោក ដែល​យើង​មាន​ការិយាល័យ​ជាង៣.០០០ ការិយាល័យ និង​ភ្នាក់ងារ​លក់​ចំនួន៩០,០០០នាក់ គឺជា​ក្រុមហ៊ុន​ដែល​ធំជាងគេ៕

ចំណេះដឹង! តើ​ច្បាប់ពាណិជ្ជកម្ម​ដើរតួនាទី​សំខាន់​អ្វីខ្លះ?

ដោយ​វុត្ថា

ភ្នំពេញៈ សម្រាប់​ពាណិជ្ជករ និ​យោ​ជិ​ក និយោជក​នៃ​ក្រុមហ៊ុន ស្ថាប័ន និង​សហគ្រាស​គ្រប់​ធន់​គ្រប់​ប្រភេទ ការយល់ដឹង​អំពី​ផ្នែក​ច្បាប់ពាណិជ្ជកម្ម និង​ច្បាប់​ពន្ធដារ​នៃ​ប្រទេស​ដែល​ពួកគេ​កំពុង​ធ្វើ​ជំនួញ ឬ​បម្រើ​ការងារ​គឺមាន​សារសំខាន់​ខ្លាំងណាស់។

ច្បាប់ពាណិជ្ជកម្ម​បានផ្ដល់​អត្ថប្រយោជន៍ និង​ចំណេះដឹង​យ៉ាងច្រើន​ដូចជា៖ ប្រព័ន្ធ​ច្បាប់សំខាន់ៗ ដែល​ទាក់ទង​ទៅនឹង​ពាណិជ្ជករ និង​ការវិនិយោគ ប្រភេទផ្សេងៗនៃ​ក្រុមហ៊ុននីមួយៗនៅ​ប្រទេស​កម្ពុជា ច្បាប់​ការងារ និង​ការចុះកិច្ចសន្យា​ការងារ។ ការចុះបញ្ជី​ពាណិជ្ជកម្ម របៀប​នៃ​ការបង្កើត​អាជីវកម្ម ឬ​ពាណិជ្ជកម្ម ការរៀបចំ​ក្រុមហ៊ុន ការគ្រប់គ្រង​ក្រុមហ៊ុន មូលធន និង​ហិរញ្ញវត្ថុផ្សេងៗ របៀប​ដោះស្រាយ​ជម្លោះរ​វាគ​ភាគីផ្សេងៗ និង​ការសង​បំណុលផ្សេងៗនៅពេល ក្រុមហ៊ុន​រង​វិបត្តិផ្សេងៗ ច្បាប់​ទាក់ទង​ទៅនឹង​គណនេយ្យ ហិរញ្ញវត្ថុ និង​សវនកម្ម​ជាដើម។

តាមរយៈ​ការរៀបរាប់​នូវ​អត្ថប្រយោជន៍ និង​ចំណេះដឹង​ខាងលើ សបញ្ជាក់​អោយឃើញថា វា​ជា​ចំណេះដឹង​មួយ​ដែល​ពាណិជ្ជករ និ​យោ​ជិ​ក និយោជក គួរ​គប្បី​សិក្សា​ស្វែងយល់​អោយបាន​ច្បាស់ ដើម្បី​បញ្ជៀ​ស​នូវ​ហានិភ័យ​មួយចំនួន ដូចជា បញ្ហា​ជម្លោះ​រវាង​ម្ចាស់​ហ៊ុន និង​ម្ចាស់​ហ៊ុន និយោជក និង​និ​យោ​ជិ​ក ព្រមទាំង​បញ្ហា​ទាក់ទង​ទៅនឹង​ដៃគូ​ប្រកួតប្រជែង និង​បញ្ហា​អាជីវកម្មផ្សេង៕

អ្នកជំនាញ៖ កំណើនសេដ្ឋកិច្ច​នៅ​តំបន់​អាស៊ី​ត្រូវ​ពឹងផ្អែក​ទៅលើ​ប្រទេស​ចិន

ដោយ ហ្សូ​លី

អាស៊ីៈ ប្រទេស​ចិន​បន្ត​ស្វែងរក​ឱកាស​ពង្រឹង​សេដ្ឋកិច្ច ក្នុងប្រទេស​និង​តំបន់ ប៉ុន្តែ​កំណើនសេដ្ឋកិច្ច​អាច​បន្ត​ទៅបាន ក៏​ដោយសារ​ការពឹងផ្អែក​នៅលើ​តំបន់​អាស៊ី​ដូចគ្នា​ដែរ។ នេះ​បើតាម​អ្នកវិភាគ​បាន​ថ្លែងប្រាប់​សារព័ត៌មាន​អន្តរជាតិ​ល្បី CNBC ។

ទិន្នផល​ក្នុងស្រុក​សរុប​ចុងក្រោយ​របស់​ចិន មាន​កំនើន​ក្នុង​សភាព​គួរឱ្យភ្ញាក់ផ្អើល នៅពេលដែល​ពិភពលោក កំពុងស្ថិត​ក្នុង​វិបត្តិ​សេដ្ឋកិច្ច​ធ្ងន់ធ្ងរ ដោយសារតែ​ជំងឺ​រាតត្បាត។ សាកលវិទ្យាល័យ Cornell បានឱ្យដឹងថា ប្រទេស​ចិន​នឹង​នៅតែមាន​សារៈសំខាន់​សម្រាប់​តម្រូវ​ការ​នៅក្នុង​តំបន់​អាស៊ី។

ឆ្លើយតប​ទៅនឹង​សំណួរ​ថា តើ​ការ​ងើបឡើង​វិញ​នៃ​សេដ្ឋកិច្ច​ចិន មាន​អត្ថន័យ​យ៉ាងដូចម្តេច​ចំពោះ​អាស៊ី នៅពេល​ប្រទេស​សេដ្ឋកិច្ច​ធំ​បំផុត​ទី២ របស់​ពិភពលោក​ផ្តោតលើ​ប្រទេស​របស់ខ្លួន​នោះ​មានន័យថា “ទីបំផុត​ទំហំ​សេដ្ឋកិច្ច​របស់ខ្លួន​អាស៊ី មិនអាច​រីកចម្រើន​បានទេ ដរាបណា​ប្រទេស​ចិន​មិន​រីកចម្រើន” ។

ប្រទេស​ចិន​បាន​រាយការណ៍​ថា កំណើន​ទិន្នផល​សរុប​នៅ​ត្រីមាស​ទី៣ របស់ខ្លួន​បាន​កើនឡើង៤,៩ ភាគរយ​ពីមួយ​ឆ្នាំមុន ដែល​ទាប​ជាង៥,២ ភាគរយ​ដែល​សេដ្ឋវិទូ​រំពឹងទុក។  ទោះយ៉ាងណា​ប្រទេស​នេះ គឺជា​ប្រទេស​ដំបូង​គេ ដែល​បាន​ស្តារ​ត្រឡប់មកវិញ បន្ទាប់ពី​ទទួលរង​នូវ​ការ​រាតត្បាត​ដ៏​អាក្រក់​បំផុត​នៃ​ជំងឺឆ្លង។

មូលនិធិ​រូបិយវត្ថុ​អន្ដរជាតិ IMF រំពឹងថា ប្រទេស​ចិន​នឹង​ក្លាយជា​សេដ្ឋកិច្ចពិភពលោក​តែមួយគត់ ដែល​នឹង​កើនឡើង​នៅ​ឆ្នាំនេះ​ក្នុង​អត្រា ១,៩ភាគរយ។

លោក Steve Cochrane ប្រធាន​អ្នកវិភាគ​ប្រចាំ​ក្រុមហ៊ុន Moody’s Analytics បាន​មានប្រសាសន៍ថា  ប្រទេស​ចិន​អាច​រីកចម្រើន​យ៉ាង​ឆាប់រហ័ស នៅ​ទូទាំង​សេដ្ឋកិច្ចពិភពលោក​នាពេល​បច្ចុប្បន្ន គឺ​ពិតជា​គួរឱ្យ​ជឿ” ។

ក្រុមអ្នកវិភាគ​និយាយថា ឆ្ពោះទៅមុខ​ទោះយ៉ាងណា ចិន​ចាំបាច់​ត្រូវ​ផ្តោតលើ​សហគ្រាស​ធុន​តូច និង​មធ្យម​របស់ខ្លួន ដែល​នឹងមាន​សារៈសំខាន់​សម្រាប់​កំណើន​របស់ខ្លួន។

ដើម្បី​ប្រទេស​ចិន​រីកចម្រើន តាម​មធ្យោបាយ​ដែល​អាច​ទ្រទ្រង់បាន បញ្ហា​នឹងមិន​ត្រឹមតែ​ចាក់​បញ្ចូល​ក្នុង​ឥណទាន​ប៉ុណ្ណោះ​ទេ ប៉ុន្តែ​ការទទួលបាន​ឥណទាន​នៅក្នុង​កណ្តា​ប់​ដៃ​សហគ្រាស​ធុន​តូច និង​មធ្យម​ដែលជា​ផ្នែក​នៃ​សេដ្ឋកិច្ច​យ៉ាងសំខាន់។

ចិន​គួរ​បង្កើត​កំណើន​ការងារ​កាន់តែ​ប្រសើរ ក៏ដូចជា កំណើន​ផលិតភាព ពីព្រោះ​ទីបំផុត​វា​មាន​សារៈសំខាន់​ណាស់ សម្រាប់​កំណើន​របស់​ចិន ដែល​សំខាន់​សម្រាប់​សេដ្ឋកិច្ច​នៅក្នុង​តំបន់​ផងដែរ។

លោក Cochrane បាន​យល់ស្រប​ដោយ​និយាយថា ការជំរុញ​នាពេល​អនាគត ត្រូវផ្តោត​ការយកចិត្តទុកដាក់​ប​ន្ថែ​ម​ទៀត លើ​សហគ្រាស​ធុន​តូច​និង​មធ្យម។ ពួកគេ​គឺជា​ផ្នែក​ថាមពល​នៃ​សេដ្ឋកិច្ច ហើយ​ផ្នែក​មួយ​ដែល​ពិតជា​អាចធ្វើ​ការ ដើម្បី​បន្ត​រីកចម្រើន​និង​ធ្វើ​ពិពិធ​កម្ម​សេដ្ឋកិច្ច៕

គម្រោង​អភិវឌ្ឍន៍​ក្រុង​ថ្មី​នៅ​តំបន់​រាម Crystal Ville Ream Beach កំពុងផ្តល់​ផលចំណេញ​ដល់​អតិថិជន

ដោយៈ រ៉ា​ណេ​ត

ភ្នំពេញៈ គម្រោង​អភិវឌ្ឍន៍​ក្រុង​ថ្មី​នៅលើ​តំបន់​រាម ក្រុងព្រះសីហនុ Crystal Ville Ream Beach ជាមួយនឹង​ទុនវិនិយោគ​សរុប​ប្រមាណ ១០០០លាន​ដុល្លារ កំពុងតែ​ជំរុញ​សក្ដានុពល​នៅក្នុង​តំបន់ បន្ថែម​ពីលើ​ការវិនិយោគ​របស់​រាជ​រដ្ឋាភិបាល និង​ផ្តល់​ផលចំណេញ​កាន់តែច្រើន​ដល់​អតិថិជន​របស់ខ្លួន។

ក្រោម​ឈ្មោះ​គម្រោង​អភិវឌ្ឍន៍​ទីក្រុង​រាម Crystal Ville Ream Beach ដែលមាន​ទំហំ​ទឹកប្រាក់​វិនិយោគ​ប្រមាណ ១០០០លាន​ដុល្លារ​នេះ នឹងធ្វើ​ឱ្យ​តំបន់​រាម​ក្លាយជា​ទីឋាន​ដ៏​រស​រវើក ដែលមាន​ការអភិវឌ្ឍ​ចំរុះ ដូចជា បណ្តុំ​លំនៅដ្ឋាន​ប្រភេទ​វីឡា​ប្រណីត​កម្រិត​អភិជន មជ្ឈមណ្ឌល​ពាណិជ្ជកម្ម ផ្សារ​ទំនើប និង​សណ្ឋាគារ​ផ្កាយ៥ រួម​នឹង​តំបន់​កម្សាន្ត​ជាច្រើន​ទៀត ក្រោម​ការវិនិយោគ​រួមគ្នា​រវាង​ក្រុមហ៊ុន​ក្នុងស្រុក FURI Corporation និង​ក្រុមហ៊ុន​វិនិយោគ​ដ៏​ល្បីឈ្មោះ​មកពី​សាំង​ហ្គា​ពួរ។

នាយិកា​គ្រប់គ្រង​ផ្នែក​លក់​គម្រោង អ្នកនាង លីម សុខា​ដាវី​ន បាន​ប្រាប់​ឱ្យដឹងថា គម្រោង​អភិវឌ្ឍន៍​វីឡា​ប្រណីត បែប​លំហែរ​កាយ​ស្ថិតនៅ​ឆ្នេរសមុទ្រ​រាម ក្នុង​ជំហាន​ដំបូង ដែលជា​ផ្នែក​មួយ ក្នុង​គម្រោង​អភិវឌ្ឍន៍​ដ៏​ធំ​ប្រចាំ​តំបន់​រាម Crystal Ville Ream Beach ក្នុងភូមិ​អុង ឃុំ​រាម ក្រុងព្រះសីហនុ ត្រូវបាន​ហ៊ុមព័ទ្ធ​ទៅដោយ​ធនធានធម្មជាតិ ពីមុខ​មាន​ឆ្នេរ និង​សមុទ្រ ខាងក្រោយ​មានព្រៃ​ព្រំ​ដ៏​ស្រស់ស្អាត។

អ្នកនាង​បាន​បន្ត​ឱ្យដឹងទៀតថា នៅក្នុង​គម្រោង​អភិវឌ្ឍន៍​ទីក្រុង​ស៊ី​វិ​ល័យ​ដ៏​ធំ ស្ថិតនៅលើ​ផ្ទៃដី​ទំហំ​សរុប​ប្រមាណ៤៣ហិកតា​នេះ នឹងត្រូវ​បាន​បែង​ចែកជា​ដំណាក់កាល និង​តំបន់​ផ្សេងគ្នា​ជាច្រើន ដោយ​ក្នុងនោះ​រួមមាន​ដូចជា លំនៅដ្ឋាន​លំហែរ​កាយ​បែប​វី​ឡាក​ម្រិ ត​អភិជន (៣ប្រភេទ​ផ្សេងគ្នា) សណ្ឋាគារ​អន្តរជាតិ​លំដាប់​ផ្កាយ៥ ផ្សារ​ទំនើប ក្លឹប​លើ​ឆ្នេរសមុទ្រ រួមជាមួយ​នឹង​អាង​ហែល​ទឹកសមុទ្រ​សិប្បនិម្មិត CRYSTAL LAGOON ដ៏​ធំ​នៅ​ចំ​កណ្តាល​គម្រោង​អភិវឌ្ឍន៍ ដែលមាន​ទំហំ​រហូតដល់៦ហិកតា។

ជាមួយនឹង​ការបើក​លក់​នូវ​គម្រោង ប្រភេទ​វីឡា​ប្រណីត​បែប​លំហែរ​កាយ ក្នុងដំណាក់កាល​ដំបូង​នេះ ក្រុមហ៊ុន​បាន​ផ្តល់នូវ​ឱកាស​ចំណេញ​យ៉ាងច្រើន ដែល​ក្រៅពី​មានការ​បញ្ចុះតម្លៃ មានការ​ផ្តល់ជូន​នូវ​ការដូ​យ៉ា​សន្ធឹកសន្ធាប់ ជាពិសេស​រថយន្ត​ដ៏​ទំនើប​ស៊េរី​ថ្មី​ឆ្នាំ២០២០ចំនួន​មួយគ្រឿង ថែមទាំង​មាន​នូ​ប​អត្ថប្រយោជន៍​បន្ថែមទៀត ដូចជា ការជួល​យក​កម្រៃ​ប្រចាំខែ ប្រចាំឆ្នាំ រួមជាមួយ​នឹង​តម្លៃ​អចលនទ្រព្យ ក៏ដូចជា​លំនៅដ្ឋាន​បែប​ប្រណីត​នៅក្នុង​គម្រោង​បន្ត​ឡើង​នៅ​ថ្ងៃ​ខាងមុខ​ផងដែរ៕

តើ​អ្នកជំនាញ​និយាយ​ពីអ្វី​ខ្លះ​ជុំវិញ​គម្រោង​បុរី​មួយចំនួន​ដែល​បាន​ជន់​លិចដោយ​ជំនន់​ទឹកភ្លៀង?

ដោយ ​វុត្ថា

ភ្នំពេញៈ គម្រោង​បុរី និង​លំនៅឋាន​មួយចំនួន ត្រូវបាន​រងគ្រោះ​ដោយ​ធម្មជាតិ​ពី​ជំនន់​ទឹកភ្លៀង ហើយ​បញ្ហា​នេះ​មិន​ថា នៅក្នុង​ប្រទេស​កម្ពុជា ឬ ប្រទេសមួយ​នៅលើ​ពិភពលោក​នោះទេ ឱ្យ​តែមាន​គ្រោះទឹកជំនន់​តែងតែ ទទួលរង​នូវ​ផលប៉ះពាល់​ដោយ​មិនអាច​ជៀសផុត​បាន។

លោក​ឃាង ពុ​ទ្ធី ប្រធាន​ក្រុមប្រឹក្សាភិបាល​នៃ​សមាគម​អ្នកជំនាញ​អចលនទ្រព្យ​កម្ពុជា បាន​ប្រាប់​គេហទំព័រ Propertyarea.asia បានឱ្យដឹង​នា​រសៀល​ថ្ងៃទី២០ តុលា​កន្លងមក​ថា គម្រោង​បុរី និង​លំនៅឋាន​ប្រទេស​កម្ពុជា និង​ប្រទេស​មួយចំនួន​នៅលើ​ពិភពលោក ក៏​ទទួលរង​នូវ​ផលប៉ះពាល់​ពី​គ្រោះទឹកជំនន់ ប៉ុន្តែ​ក៏​ការរៀបចំ​ហេ​ដ្ឋា​រ​សម្ព័ន្ធ​មិនបាន​ល្អ​ក៏​ជា​កត្តា​គួបផ្សំ​ផងដែរ។

លោក​ពន្យល់ថា  “បើទោះបី​គម្រោង​បុរី និង​លំនៅឋាន​មួយចំនួន បាន​ចាក់ដី​យ៉ាងណាក៏ដោយ តែ​ភាព​ប្រឈម​នឹង​ការ​ជន់​លិច​នៅតែមាន គ្រាន់តែ​តិច​ហើយនឹង​ច្រើនតែ​ប៉ុណ្ណោះ ព្រោះនេះ​ជា​គ្រោះធម្មជាតិ  ប៉ុន្តែ​បញ្ហា​នេះ​យើង​មិនអាច​ដាក់​ការទទួលខុសត្រូវ​ចំពោះ​ភាគី​ណាមួយ​ក៏​មិន​ត្រឹមត្រូវ​ដែរ” ។

លោក​បន្ថែមទៀតថា  ប៉ុន្តែ​ម្ចាស់​គំរោង​អភិវឌ្ឍន៍​គួរតែ​គិតពី​គុណភាព ដោយ​ត្រូវ​សិក្សា លើ​ការរៀបចំ​ប្រព័ន្ធ​ហេដ្ឋារចនាសម្ព័ន្ធ ត​ភ្ជាប់​ជាមួយ​ប្រព័ន្ធ​ហេដ្ឋារចនាសម្ព័ន្ធ​សាធារណៈ​ឱ្យបាន​ត្រឹមត្រូវ ដើម្បីឱ្យ​លំហូ​ទឹក​ចេញ​ឱ្យបាន​លឿន  ជាពិសេស​ត្រូវ​គិតគូ​ពី​ហានិភ័យ​ណាមួយ ដែល​កើត​ឡើងដល់​អតិថិជន ដែល​បាន​ទិញ​គម្រោង​បុរី និង​លំនៅឋាន​ខ្លួន​ផងដែរ។

ចំណែក លោក ច្រឹ​ក សុខ​នី​ម ប្រធាន​សមគម​ភ្នាក់ងារ និង​វាយតម្លៃ​អចលនវត្ថុ​កម្ពុជា បានឱ្យដឹង​ដែរ​ថា  ក្នុង​រយៈពេល​ប៉ុន្មាន​សប្តាហ៍​កន្លងមកនេះ មិន​ថា​កម្ពុជា និង​បណ្តា​ប្រទេស​នៅតាម​ដង​ទន្លេមេគង្គ​នោះទេ សុ​ទ្ឋ​តែ​បាន​ទទួលរង​នូវ​ផលប៉ះពាល់ ពី​គ្រោះ​ទឺ​ក​ជំនន់។

លោក​បន្តថា គ្រោះទឹកជំនន់ធំៗនេះ បានកើត​ឡើងយូៗម្តង​នោះទេ ដែល​កើតឡើង​ដោយ​គ្រោះធម្មជាតិ ដែល​ពិបាក​ក្នុង​គេចផុត​ណាស់ ក៏ប៉ុន្តែ​អ្វីដែល​សំខាន់​ដែល​យើង​ចាប់អារម្មណ៍​មាន​ដង់ស៊ីតេ​នៅ​ទាប បើសិនជា​នៅក្នុង​គម្រោង​បុរីមួយៗ មាន​ប្រព័ន្ធ​ស្តុក​ទឹក​ខ្វក់ និង​ប្រព័ន្ធ​ទឹកភ្លៀង​ត្រូវបាន​រៀបចំ​ល្អ វា​នឹង​ជួយ​ឱ្យ​គម្រោង​បុរី​មិន​ទទួលរង​នូវ​ផលប៉ះពាល់​ពី​គ្រោះទឹកជំនន់​ទឺ​ក​ភ្លៀង​ខ្លាំង​នោះទេ ។

លោក​បន្ថែមថា “ដោយសារ​គ្រោះ​ជំនន់​ទឹកភ្លៀង ក្នុង​រយៈពេល​ប៉ុន្មាន​ថ្ងៃ​កន្លងមកនេះ​មាន​ទំហំ​ធំ បើទោះបី​យើង​មាន​ប្រព័ន្ធ​ការពារ ឬ​អាង​ស្តុក​ទឹកធំ​ប៉ុន្មាន​ក៏​មិន​អាចជួយ​បានដែរ” ។  លោក​បន្ថែមថា  “ប៉ុន្តែ​ម្ចាស់​អភិវឌ្ឍន៍​លើ​គម្រោង​បុរី និង​លំនៅឋាន ក៏ត្រូវ​គិតគូ​ផងដែរ​ពី​ប្រព័ន្ធ​លូ​ឱ្យបាន​ត្រឹមត្រូវ បើទោះបី​មាន​ប្រព័ន្ធ​លូ តែ​យើង​មិនបាន​មើល​ការថែទាំ​ក៏​ជា​បញ្ហា​ដែរ” ។

លោក​បញ្ជាក់​ទៀត​បញ្ហា​ទឹក​ជន​លិច ដោយសារ​គ្រោះ​ទឹកភ្លៀង កើតឡើង​ដោយសារ​គ្រោង​បុរី​មួយចំនួន​ដែលមាន​ទំហំ​តូច ហើយ​មិន​មានការ​គ្រប់​គ្រង់​បានល្អ (property management) នៅពេល​លក់​ផ្ទះ​រួច​គាត់​ដើរចេញ​បាត់  ដូច្នេះ​មានន័យ​ការថែទាំ​លូ​មិនបាន​ត្រឹមត្រូវ វា​ធ្វើឱ្យមាន​កកស្ទះ ក៏បាន​ណ្តា​ល​ឱ្យ​មានការ​ជន់​លិច​ទឹក​ផងដែរ។

បញ្ហា​គ្រោះ​ជំនន់​ទឹកភ្លៀង នៅក្នុង​រយៈពេល​ប៉ុន្មាន​ថ្ងៃ​មកនេះ អភិបាល​រាជធានី​ភ្នំពេញ លោក​ឃួ​ង ស្រេង បាន​បញ្ជា​ឱ្យ​មន្ទីរ​សាធារណការ​រាជធានី​ភ្នំពេញ ដោយមាន​អត្ត​រាគ​មន៍​ពី​បញ្ជាការដ្ឋាន​អង្គរក្ស​សម្តេច​តេ​ជោ និង​កម្លាំង ង៧០ បាន​សហការ​ធ្វើ​ទំនប់ និង​ធ្វើការ​បូមទឹក​ចេញពី​តំបន់​បុរី​មួយចំនួន នៅ​ភាគ​ខាង​លិ​ខ​ទីក្រុង​ភ្នំពេញ ដែល​ស្ថិតនៅក្នុង​បុរី ពិភពថ្មី​ត្រពាំង​ថ្លឹង៤ ក្នុង​សង្កាត់​ចោមចៅ​ទី១ ខណ្ឌ​ពោធិ៍​សែន​ជ័យ ។

បើតាម​រដ្ឋបាល​រាជធានី​ភ្នំពេញ គម្រោង​បុរី​មួយចំនួន​នៅ​ភាគខាងត្បូង នៃ​រាជធានី​ភ្នំពេញ ក៏​ទទួលរង​នូវ​ផលប៉ះពាល់​ខ្លាំង​ពី​ជំនន់​ទឹកភ្លៀង​ផងដែរ ដែល​ជំរុញ​ឱ្យ​ជម្លៀស​អ្នក​ដែល​រស់នៅក្នុង​គម្រោង​បុរី និង​លំនៅឋាន​ទាំងនោះ ទៅកាន់​ទីទួល​មាន​សុវត្ថិភាព៕

អ្នកវិនិយោគ ចាប់ផ្តើមងាករកការិយល័យជួលស្តង់ដារបែបទំនើប ដើម្បីជម្រុញដល់ការធ្វើអាជីវកម្ម

ដោយ៖ ប៊ី
ភ្នំពេញ៖ តម្រូវការការិយាល័យទំនើប និងស្តង់ដារ កំពុងតែបន្តកើនឡើង ដែលជំរុញដោយសាជីវកម្មក្នុងស្រុក និងបរទេសនៅរាជធានីភ្នំពេញ ស្របពេលដែលតម្រូវការការិយាល័យជួលបែបប្រពៃណីចាប់ផ្តើមផ្លាស់ប្តូរទៅការិយាល័យបែបស្តង់ដារបែបទំនើប។

លោក Crispian Knowles ប្រធានគ្រប់គ្រងទូទៅក្រុមហ៊ុន Coldwell Banker Cambodia បានថ្លែងប្រាប់នៅថ្ងៃទី២០ ខែតុលា ឆ្នាំ២០២០នេះថា ក្រុមហ៊ុនមើលឃើញថា មានការផ្លាស់ប្តូរអ្នកជួល និងតម្រូវការការិយាល័យពីផ្ទះវីឡា និងផ្ទះ Shophouses ទៅរកការិយាល័យស្តង់ដារអន្តរជាតិ ដែលមានសក្តានុពល ផ្តល់ផលចំណេញដល់ទីផ្សារក្នុងការទាក់ទាញចំនួនអ្នកជួល និងក្រុមហ៊ុនអន្តរជាតិ និងក្រុមហ៊ុនមកកាន់រាជធានីភ្នំពេញ។

នៅប្រទេសកម្ពុជា មានឱកាសដ៏ល្អ សម្រាប់ប្រតិបត្តិករ ដែលមានការប្រកួតប្រជែង ដើម្បីឈានចូល មិនត្រឹមតែទីផ្សារការិយាល័យបែបពាណិជ្ជកម្មប៉ុណ្ណោះទេ ប៉ុន្តែទីផ្សារលក់រាយក៏កាន់តែកើនឡើង ខណៈដែលទំនុកចិត្តកំពុងកើនឡើង ឧទាហរណ៍ ដូចជាបើកដំណើរការសាងសង់ផ្សារទំនើបអ៊ីអន៣។

លោក បានថ្លែងថា “តម្រូវការការិយាល័យទំនើបកំពុងតែបន្តកើនឡើង ដែលជំរុញដោយសាជីវកម្មក្នុងស្រុក និងបរទេសដែលកំពុងបន្តមករាជធានីភ្នំពេញ និងផ្លាស់ប្តូរទីតាំងអង្គភាព ដែលមានស្រាប់ ជាពិសេសពីវីឡាប្រពៃណី ផ្ទះ និងផ្ទះ Shophouse ទៅរកអគារការិយាល័យជួលបែបទំនើប”។

លោក បានបន្តថា “យើងបានឃើញ ការផ្លាស់ប្តូរមួយពីការិយាល័យកម្រិត C ដែលមានប្រជាប្រិយភាព និងតម្លៃទាបឥឡូវនេះ កំពុងឆ្ពោះទៅរកការិយាល័យការិយាល័យកម្រិត A និងកម្រិត B ដើម្បីជំរុញអាជីវកម្មរបស់ពួកគេ”។
បច្ចុប្បន្ននៅតែមានតម្រុងការសម្រាប់ការិយាល័យពាណិជ្ជកម្ម ក្នុងតំបន់បឹងកេងកងនៅភ្នំពេញ ព្រោះវាមានដង់ស៊ីតេខ្ពស់បំផុតនៃការិយាល័យពាណិជ្ជកម្មក្នុងតំបន់ ហើយនៅតែពេញនិយមសម្រាប់អាជីវកម្ម ដែលបានបង្កើតនៅទីនេះ។

លោក Crispian បានឱ្យដឹងថា “ប៉ុន្តែយើងក៏ឃើញមានការផ្លាស់ប្តូរកាន់ច្រើនតំបន់សែនសុខទួលគោក ដែលជាកន្លែង អតិថិជនចាប់អារម្មណ៍ខ្ពស់។ ការសាងសង់កាន់តែច្រើនឡើងៗ កំពុងឆ្ពោះទៅមុខតំបន់ទាំងនោះ។ ដូច្នេះយើងមើលឃើញ សក្តានុពលនាពេលអនាគតគឺស្ថិតនៅក្នុងតំបន់ដែលកំពុងរីកចម្រើនទាំងនោះ”។

លោក បានបន្តថា “យើងគិតថា ខណ្ឌសែនសុខ នឹងមានកម្លាំងខ្លាំងក្នុងការរីកច្រើន ដោយវិស័យពាណិជ្ជកម្ម និងលក់រាយកាន់តែរីកចម្រើននាពេលអនាគត។ បឹងកេងកងនៅតែមានប្រជាប្រិយភាពខ្លាំងណាស់ ជាក់ស្តែងមានការិយាល័យកម្រិត B ជាច្រើននៅទីនេះ ប៉ុន្តែជាក់ស្តែងនៅពេលដែលតម្រូវការមានការកើនឡើង យើងត្រូវការការិយាល័យកាន់តែច្រើន ដោយសារការិយាល័យជួលមានកំណត់នៅក្នុងតំបន់បឹងកេងកង”។

លោក បានថ្លែងទៀតថា “ខ្ញុំគិតថា ខណ្ឌសែនសុខចាប់ផ្តើមមានការផ្លាស់ប្តូរពីការិយាល័យកម្រិត C ដែលមានតម្លៃទាប ទៅរកការិយាល័យកម្រិត A និង B”។
មនុស្សគ្រប់គ្នាត្រូវសម្របខ្លួន ទៅរកការផ្លាស់ប្តូរ មិនត្រឹមតែបុគ្គល និងសហគ្រាសធុនតូច និងមធ្យមប៉ុណ្ណោះទេ សូម្បីតែម្ចាស់សហគ្រាសពួកគេចាំបាច់ត្រូវឆ្ពោះទៅមុខជាមួយអនាគតនៃជួលការិយាល័យជួលស្តង់ដារ ហើយនិន្នាការនៃអចលនទ្រព្យពាណិជ្ជកម្ម កំពុងកើនឡើង ដែលជំរុញដោយតម្រូវការ និងការពេញចិត្តរបស់អតិថិជន។

លោក Crispian បានឱ្យដឹងថា “មានឱកាសល្អៗ ជាច្រើនដើម្បីផ្លាស់ប្តូរពីផ្នត់គំនិតចាស់នៃការមានជំនួញបែបប្រពៃណី ដូចដែលខ្ញុំបានលើកឡើងពីមុន ការផ្លាស់ប្តូរពីការិយាល័យនៅវីឡា និងផ្ទះShophouse ដែលជាលក្ខណៈបែបប្រពៃណី នឹងឆ្ពោះទៅរកការិយាល័យស្តង់ដារ ដែលនឹងត្រូវបានសាងសង់ដើម្បីបំពេញតម្រូវការទាំងនោះ”។

លោក បានថ្លែងទៀតថា មានកត្តាបីយ៉ាង ដែលមានសារៈសំខាន់ក្នុងការផ្លាស់ប្តូរពួកគេ។ ទី១, មានកន្លែងស្តង់ដារ ដើម្បីប្រជុំជាមួយអតិថិជនរបស់អ្នកអ្នក ជំនួយសឱ្យការិយាល័យប្រពៃណី ដែលមានការរំខានជាច្រើន ដូចជាសម្លេងរំខាននៅតាមផ្លូវ និងសម្លេងរំខានពីជិតខាងជាដើម។

លោក បានបន្តថា “ដូច្នេះការមានកន្លែងការិយាល័យនៅអាគារការិយាល័យស្តង់ដារនឹងលុបបំបាត់រាល់ការរំខានទាំងនោះ ធ្វើឱ្យអតិថិជនរបស់អ្នកមានអារម្មណ៍ងាយស្រួល និងមានឆន្ទៈក្នុងការធ្វើជំនួញជាមួយអ្នក”។

លោក បានឱ្យដឹងទៀតថា ខ្ញុំគិតថា ឱកាសផ្សេងទៀតក្នុងការផ្លាស់ប្តូរទីតាំងការិយាល័យជួយគឺជាឱកាសក្នុងការបង្កើតបណ្តាញ នៅពេលអ្នកជួលអគារការិយាល័យ។ អ្នកមិនមែនជាអ្នកជួលតែមួយទេ ប៉ុន្តែថែមទាំងមានអ្នកជួលបែបស្តង់ដារ ជាច្រើននៅក្នុងអគារ ដូច្នេះឱកាសល្អក្នុងការភ្ជាប់បណ្តាញជាមួយអ្នកដទៃទៀត។ ក្រុមហ៊ុនអាជីវកម្មផ្សេងទៀត នឹងបង្កើនការរីកលួតលាស់ដល់អាជីវកម្មរបស់អ្នក”។

ក្រុមហ៊ុនColdwell Banker Cambodia គឺជាក្រុមហ៊ុនអចលនៈទ្រព្យដែលធំជាងគេ និងចំណាស់ជាងគេបំផុតនៅលើពិភពលោកដែលត្រូវបានបង្កើតឡើងកាលពី ១១៤ ឆ្នាំមុនយើងស្ថិតនៅក្នុងប្រទេសចំនួន ៤៩ ទូទាំងពិភពលោកដែលយើងមានការិយាល័យជាង ៣.០០០ ការិយាល័យ និងភ្នាក់ងារលក់ចំនួន ៩០,០០០ គឺជាក្រុមហ៊ុនដែលធំជាងគេ។ ក្រុមហ៊ុន បានឈានជើងចូលក្នុងប្រទេសកម្ពុជា ដើម្បីផ្តោតលើវិស័យបីនៃទីផ្សារអចលនទ្រព្យរួមមានការិយាល័យពាណិជ្ជកម្ម វិស័យលក់រាយ និងខុនដូប្រណីត៕

គម្រោងD.I RIVIERAតម្លៃ៧០០លានដុល្លារបានចាប់ផ្តើមឡើងវិញបណ្តើរៗហើយ

        ដោយស៊ីវ ម៉េង

        ភ្នំពេញៈ គម្រោងខុនដូនិងមជ្ឈមណ្ឌលពាណិជ្ជកម្មD.I RIVIERA ដែលគ្រោងបោះទុនវិនិយោគតម្លៃ៧០០លានដុល្លារអាមេរិក បាននិងកំពុងចាប់ផ្តើមសាងសង់ឡើងវិញហើយ។

អគ្គនាយករងក្រុមហ៊ុនOCIC លោកទូច សំណាងបានមានប្រសាសន៍ឲ្យដឹងតាមទូរស័ព្ទនៅរសៀលថ្ងៃទី២០ តុលានេះថា សហគ្រាសកាណាឌីយ៉ាបានលូកដៃ ដើម្បីចាប់ផ្តើមគំរោងនេះឡើងវិញ ហើយបច្ចុប្បន្នសកម្មភាពសាងសង់ បានចាប់ផ្តើមឡើងវិញហើ​យ ខណៈក្រុមហ៊ុនកំពុងសិក្សាឡើងវិញនូវរចនាសម្ព័ន្ឋអាគារ ការឌីសាញ និងទំហំបន្ទប់់ជាក់ស្តែង។

លោកបន្តថា “គំរោងនេះមានអាគារកំពស់២៨ជាន់ចំនួន២ និងអាគារកំពស់៣៨ជាន់ចំនួ​ន៣នៅផ្នែកខាងក្រោយ ប៉ុន្តែយ៉ាងណាក៏ដោយកំពស់អាគារផ្នែកខាងក្រោយមិនទាន់កំណត់កំពស់ជាក់លាស់ ឬត្រូវឡើងកំពស់បន្ថែមនោះទេ”។ លោកបន្តថា “អាគារនេះនៅតែបន្តលក់ជាធម្មតាដល់អតិថិជន ដែលមានតម្រូវការ”។

ទោះជាយ៉ាងណា លោកមិនបញ្ជាក់ឲ្យដឹងពីទំហំនៃការចំណាយ និងពេលវេលាជាក់លាក់នៃការបញ្ចប់គម្រោងទាំងមូលនៅឡើយទេ។

លោកទូច សំណាងបានបន្តថា ចំណែកអាគារផ្សារទំនើបនៅក្នុងគំរោងនេះ ក៏មិនទាន់កំណត់ពេលបើកដំណើរការនៅពេលណានៅឡើយដែរ ខណៈក្រុមហ៊ុនកំពុងសិក្សាពីលទ្ឋភាពបើកនៅពេលណា មិនទាន់កំណត់នៅឡើយ ព្រោះអ្វីសំខាន់នាពេលនេះគឺសាងសង់អាគារក្នុងគម្រោងនេះឲ្យបានចប់សិន៕

ក្រុមហ៊ុនវៀតណាមសាងសង់ព្រលានខ្នាតតូចសម្រាប់បំរើវិស័យកសិកម្ម នៅក្នុងខេត្តរតនគិរី

ដោយវុត្ថា

ភ្នំពេញៈ ក្រុមហ៊ុនវៀតណាម HOANG ANH ANGDONG MEAS CO., LTD  គ្រោងសាងសង់ព្រលានយន្តហោះខ្នាតតូចហៅថា STOLPORT ដែលវិនិយោគអភិវឌ្ឍន៏លើវិស័យដំណាំកសិ-ឧស្សាហកម្ម និងដំណាំកៅស៊ូ លើផ្ទៃដីសរុប៩៤៧០ហិតា ដែលស្ថិតទន្លេស្រែពក ខេត្តរតនៈគីរី។

លោកខាន់ វណ្ណា អគ្គនាយកបច្ចេកទេស និងប្រតិបត្តិការនៃរដ្ឋាលេខាធិការអាកា​សចរណ៍ស៊ីវិលកម្ពុជា នៅក្នុងពិធីដឹកនាំក្រុមការងារបច្ចេកទេស ចុះត្រួតពិនិត្យព្រលានយន្តហោះខ្នាតតូចនៅថ្ងៃទី ២០ ខែតុលា ឆ្នាំ ២០២០នេះ បានឱ្យដឹងថា ជាលើកទីមួយក្នុងប្រវត្តិសាស្ត្រសំរាប់ប្រទេសកម្ពុជា ដែលមានវិស័យអាកាសចរយន្តហោះបាញ់ជី និងព្រលានខ្នាតតូចហៅថា STOLPORT របស់ក្រុមហ៊ុនHOANG ANH ANGDONG MEAS CO., LTD ។

តែយ៉ាងណាក៏ដោយ លោកមិនបញ្ជាក់លម្អិតពីគម្រោងផ្លូវរត់ និងទុនវិនិយោគរបស់ក្រុមហ៊ុន ដែលបានសាងសង់ព្រលាយន្តហោះខ្នាតតូចនេះនោះទេ ខណៈក្រុមហ៊ុនបាននេះបានចុះបញ្ជី ទទួលសិទ្ធិវិយោគលើវិស័យកសិកម្ម ពីរដ្ឋាភិបាលកាលពីឆ្នាំ ២០០២ ជាក្រុមហ៊ុនឯកជនទទួលខុសត្រូវមានកម្រិត។

រដ្ឋាភិបាលបានចេញអនុក្រឹត្យលេខ៤១កំណត់តំបន់គ្រប់គ្រង ក្នុងតំបន់ឧទ្យានជា​តិវីរៈជ័យលើផ្ទៃដីទំហំ៩៧៧៥ហិកតា ទៅជាតំបន់ប្រើប្រាស់ ដោយចីរភាពស្ថិតនៅក្នុងភូមិសាស្រ្តស្រុកតាវែង ខេត្តរតនៈគិរី សម្រាប់ផ្ដល់ជូនក្រុមហ៊ុន Hoang Anh Andong Meas Co., Ltd ធ្វើការវិនិយោគអភិវឌ្ឍន៍លើ វិស័យដំណាំ កសិឧស្សាហកម្ម និងដំណាំកៅស៊ូ៕