សប្បាយៗជាមួយ​ការប្រគំ​តន្ត្រីសម័យ​នៅក្នុង​ផ្សារ​ទំនើប FURI Times Square នៅ​ក្រុងព្រះសីហនុ

ដោយៈ រ៉ា​ណេ​ត

ភ្នំពេញៈ ជាការ​អបអរសាទរ​នៅក្នុង​ឱកាស នៃ​ពិធីបុណ្យ​ភ្ជំបិណ្ឌ​ប្រពៃណី​ជាតិខ្មែរ​ផ្សា​រំ​នើ​ប FURI Times Square ក្រុងព្រះសីហនុ បានរៀបចំ​កម្មវិធី​ពិសេស​ជាច្រើន ដែល​ក្រៅពី​មានការ​លក់ទំនិញ​បញ្ចុះតម្លៃ ការផ្តល់ជូន​នូវ​សន្លឹកឆ្នោត​ផ្សងសំណាង ថែមទាំង​មានការ​ប្រគំ​តន្ត្រីសម័យ ក្រោម​វត្តមាន​របស់​តារា​ប្រុស​ស្រី​ល្បីឈ្មោះ ជាច្រើន​នាក់​ថែម​ទៀតផង។

កម្មវិធីសប្បាយៗជាច្រើន នឹងត្រូវ​ធ្វើឡើង​នៅ​ផ្សារ​ទំនើប FURI Times Square ក្រុងព្រះសីហនុ ដើម្បី​ជាការ​ថ្លែងអំណរគុណ​ដ​ល់ប​ណ្តា​អិ​តិ​ថិ​ជន​នានា ដែល​តែងតែ​គាំទ្រ និង​ផ្តល់​ទំនុកចិត្ត​មកលើ​រាល់​មុខទំនិញ​ដែល​តាំង​លក់​នៅក្នុង​ផ្សារ។

ជាមួយគ្នានេះ ជាការ​ចូលរួម​អបអរសាទរ នៅក្នុង​ឱកាស​នៃ​ពិធីបុណ្យ​ភ្ជំបិណ្ឌ​ប្រពៃណី​ជាតិខ្មែរ គណៈ​គ្រប់គ្រង​ផ្សារ​ទំនើប FURI Times Square បានរៀបចំ​កម្មវិធី​ប្រគំ​តន្ត្រី​នៅក្នុង​ផ្សារ​ជាន់​ផ្ទាល់​ដី ដែលមាន​ការចូល​ពី​សំណាក់​តន្ត្រីករ និង​តារាចម្រៀង តារា​កំប្លែង​ដ៏​ល្បីឈ្មោះ គឺ​កញ្ញា រ៉ូ លីន និង​អ្នកនាង​កា​តុ នៅ​រសៀល​ថ្ងៃទី១៨ ខែកញ្ញា ឆ្នាំ២០២០ ចាប់ពី​ម៉ោង៤ល្ងាច រហូតដល់​ម៉ោង៩យប់។

ប្រធាន​គ្រប់គ្រង​ផ្នែក​ទីផ្សារ កញ្ញា រស្មី  បាន​ប្រាប់​តាម​ទូរស័ព្ទ​ថា ចាប់ពី​ថ្ងៃទី១៦ ខែកញ្ញា ឆ្នាំ២០២០ គ្រប់​អតិថិជន​ទាំងអស់​ដែល​មកកាន់​ផ្សារ​ទំនើប FURI Times Square និង​បាន​ចំណាយ​ចាប់ពី៥ដុល្លារ​ឡើងទៅ នឹង​ទទួលបាន​ឆ្នោត​ផ្សងសំណាង​ចំនួន១សន្លឹក ដើម្បី​ចាប់ឆ្នោត​យក​រង្វាន់​អនុស្សាវរីយ៍​យ៉ាង​សន្ធឹកសន្ធាប់ ដូចជា​ទូរស័ព្ទ​ស្មា​ត​ហ្វូ​ន ទូរ​ទឹកកក ទូរទស្សន៍ ឆ្នាំង​ដាំបាយ​អគ្គិសនី ម៉ាស៊ីន​ចម្អិន​សាច់ ឆ្នាំងអ៊ុត រួម​ជាមួយនឹង​សម្ភារៈប្រើប្រាស់​ប្រចាំថ្ងៃ​ជាច្រើន​ទៀត។

កញ្ញា​បាន​បញ្ជាក់ថា កម្មវិធី​ចាប់ឆ្នោត​យក​វត្ថុ​អនុស្សាវរីយ៍​នេះ នឹងត្រូវ​ធ្វើឡើង​នៅ​ថ្ងៃទី១ ខែតុលា ឆ្នាំ២០២០ ។ បន្ថែម​ពីនេះ នៅមាន​ការទិញ​ទំនិញ​បញ្ចុះតម្លៃ​ពិសេស​ពី​បណ្តា​ស្តង់ និង​ហាង​លក់ទំនិញ​ជាច្រើន​ទៀត។

តោះ….ណាត់ជួប​គ្នា​នៅ​ផ្សារ​ទំនើប FURI Times Square ទាំងអស់គ្នា ដើម្បី​ទិញ​សម្ភារៈប្រើប្រាស់ និង​ទំនិញ​នានា​ដោយ​ការបញ្ចុះ​តម្លៃ​ពិសេស ព្រមទាំង​រីករាយ​ជាមួយ​កម្មវិធី​កម្សាន្ត​យ៉ាង​សម្បូរបែប​ទាំងអស់គ្នា។

ផ្សារ​ទំនើប FURI Times Square មាន​ទីតាំង​ស្ថិតនៅ​សង្កាត់​លេខ៤ ក្រុងព្រះសីហនុ បាន​នាំមក​ជូន​នូវ​បទពិសោធន៍​ថ្មី​នៅក្នុង​តំបន់ ដោយ​ការនាំ​យកមក​នូវ​បណ្តា​ផលិតផល មុខទំនិញ​ចំរុះ​គ្រប់​ប្រភេទ​យ៉ាង​សម្បូរបែប ដែល​សុទ្ធតែជា​ម៉ាក​យីហោល្បីៗលំដាប់​សាកលលោក ដូចជា ក្រុមហ៊ុន KFC ក្រុមហ៊ុន Starbucks  ក្រុមហ៊ុន Amazon Café ក្រុមហ៊ុន KOI ក្រុមហ៊ុន Dakasi Tea ហាង​អាហារ​មកពី​ប្រទេស​សាំង​ហ្គា​ពួរ ក្រុមហ៊ុន​លក់​សម្លៀកបំពាក់ LEVI’s  ក្រុមហ៊ុន NIKE ក្រុមហ៊ុន Samsonite ក្រុមហ៊ុន​នាឡិកា​ដ៏​ល្បីឈ្មោះ G-Shock ក្រុមហ៊ុន​លក់​រថយន្ត HGB Group រួមជាមួយ​ក្រុមហ៊ុនល្បីៗជាច្រើន​ទៀត ដោយ​រាប់បញ្ចូល​ទាំង​គ្រឿងសំអាង​សរុប​ជិត៣០ក្រុមហ៊ុន៕

កម្ពុជា​កំពុង​សាងសង់​ផ្លូវ​របៀង​អាស៊ាន​ប្រប​តាម​មាត់សមុទ្រ​ពី​ព្រំដែន​ថៃ​ឆ្ពោះទៅកាន់​ព្រំដែន​វៀតណាម

ដោយ វុត្ថា

ភ្នំពេញៈ ដោយបាន​ទទួល​ថវិកា​ពី​ធនាគារអភិវឌ្ឍន៍អាស៊ី (ADB) កម្ពុជា​បាននិងកំពុង​ដំណើរកា​រ​សាងសង់​ផ្លូវ​របៀង ត​ភ្ជាប់​ប្រទេស​នៅក្នុង​ប្រទេស​អាស៊ាន​ប្រប មាត់សមុទ្រ​ដែលមាន ២០ម៉ែត្រ​ទ​ទន្ទឹង ប្រភេទ​ផ្លូវ DBST ចាប់ពី​ឆ្នេរកែប​ទៅកាន់​ឆ្នេរ​អង្កោល​នៃ​ខេត្ត​កែប។

លោក​សោម ពិសិដ្ឋ អភិបាលខេត្ត​កែប នៅ​ថ្ងៃទី៧ ខែកញ្ញា ឆ្នាំ ២០២០កន្លងមក  ឱ្យដឹងថា ការ​សាសង់​ផ្លូវ​ប្រប​មាត់សមុទ្រ​នេ គឺជា​ផ្លូវ​ល្អ​ច្រករបៀង​អាស៊ាន​ដែលជា​យុទ្ធសាស្ត្រ​សេដ្ឋកិច្ច​របស់​កម្ពុជា ដែល​ត​ភ្ជាប់​ពី​ព្រំដែន​កម្ពុជា-ថៃ (ហាក់​ឡេ​ក)  ត​ភ្ជាប់​ពី​ផ្លូវ​ប្រប​មាត់​ឆ្នេរសមុទ្រ ទៅ​ភ្ជាប់​នឹង​ផ្លូវ​ទៅដល់​ច្រកទ្វារ​អន្តរជាតិ ព្រែក​ចាក ក្នុងស្រុក​កំពង់ត្រាច ខេត្តកំពត។

លោក​បន្តថា “ផ្លូវ​នេះ​ត​ភ្ជាប់​ពី​ច្រក​ចាំ​យាម​ខេត្តកោះកុង ដោយ​ឆ្លង​កាន់​មក​ផ្លូវ៤៨ ឆ្ពោះ​មកកាន់ តំបន់​វាលរេញ​នៃ​ខេត្ត​ព្រះសីហនុ រួច​បត់​មកកាន់​ខេត្តកំពត ហើយ​ឆ្លងកាត់​ខេត្ត​កែប​មក​តាម​ច្រករបៀង​នៃ​មាត់សមុទ្រ ចេញទៅ​ព្រែក​ចាក ដែលជា​ព្រំដែន​ហាត់​ទៀង និង​ខេត្តកំពត” ។ លោក​បន្ថែមថា “នៅពេល​ច្រកព្រំដែន​បើក​ដំណើរការ វា​ជា​នឹង​ក្លាយជា​ច្រក​ដ៏​សំខាន់​របស់​ខេត្ត” ។

អាជ្ញាធរខេត្ត​កំពុង​ខិតខំ​ប្រឹងប្រែង​ធ្វើយ៉ាងណា កសាង​ហេដ្ឋារចនាសម្ព័ន្ធ​ឱ្យ​បញ្ចប់​តាម​ផែនការ ខណៈ​បច្ចុប្បន្ននេះ កំពុង​ដោះស្រាយ​ផលប៉ះពាល់ និង​សំណង់​មិន​រៀបរយ ព្រមទាំង​មិន​ស្របច្បាប់​របស់​ប្រជាពលរដ្ឋនៅក្នុង​ខេត្ត។

លោក​សោម ពិសិដ្ឋ​បានបញ្ជាក់​ទៀតថា ផ្លូវ​នេះ នឹង​ជួយ​សម្រួល​ដល់​ការធ្វើដំណើរ និង​ទាក់ទាញ​ភ្ញៀវទេសចរ​មកពី​តំបន់​អាស៊ាន ជាពិសេស​មកពី​អាស៊ាន និង​ពិភពលោក ឱ្យ​មកលេង​កម្សាន្ត និង​សម្រាក់​នៅក្នុង​ខេត្ត​កែប ដែល​ត្រូវបាន​រដ្ឋាភិបាល​ដាក់ចេញ​ផែនការមេ​អភិវឌ្ឍន៍​ទេសចរណ៍​នៅក្នុង​ខេត្ត ជា​កន្លែង​ស្ងប់ស្ងាត់ និង​កម្រិត​ខ្ពស់។

លោក​បន្ថែមថា ក្រៅពី​ការ​កំពុង​សាងសង់​ផ្លូវ​ច្រករបៀង​អាស៊ាន រដ្ឋបាលខេត្ត​ក៏បាន និង​កំពុង​សាងសង់​នូវ​ហេដ្ឋារចនាសម្ព័ន្ធសំខាន់ៗ ជាច្រើន​ផ្សេងទៀត​នៅក្នុង​ខេត្ត ត​ភ្ជាប់​ទៅកាន់​តំបន់​ទេសចរណ៍​នានា ដើម្បី​សម្រួល​ដល់ករ​ដឹកជញ្ជូន និង​ការធ្វើដំណើរ​របស់​ភ្ញៀវទេសចរ ដែល​ធ្វើដំណើរ​មកលេង​កម្សាន្ត​នៅក្នុង​ខេត្ត​ទាំងមូល៕

គម្រោង​ខ្សែក្រវាត់ និង​ផ្លូវ​របស់​ចិន​កំពុង​ជួយ​ជំរុញ​កំណើនសេដ្ឋកិច្ច​ពិភពលោក

ដោយៈ​ប៊ី

ភ្នំពេញៈ ប្រទេស​ចិន​បាន​បង្កើន​កិច្ចសហប្រតិបត្តិការ​សេដ្ឋកិច្ច និង​ពាណិជ្ជកម្ម​ជាមួយ​ប្រទេស តាម​បណ្តោយ​ខ្សែក្រវាត់ និង​ផ្លូវ​ដោយបាន និង​កំពុង​ជំរុញ​ការ​បង្កើតជា​និម្មាបនកម្ម​ថ្មី នៃ​សេដ្ឋកិច្ចពិភពលោក។ នេះ​បើ​យោងតាម​របាយការណ៍រ​បស់​ប្រទេស​ចិន។

មន្ទីរ​ស្រាវជ្រាវ​ស្តីពី កិច្ចសហប្រតិបត្តិការ​ពាណិជ្ជកម្ម និង​សេដ្ឋកិច្ច​អន្តរជាតិ​នៃ​ក្រសួងពាណិជ្ជកម្ម​ចិន បានចេញ​របាយការណ៍​កាលពី​ថ្ងៃទី៧ ខែកញ្ញា ស្តីពី​ការអភិវឌ្ឍ​ពាណិជ្ជកម្ម និង​វិនិយោគ​ខ្សែក្រវាត់ និង​ផ្លូវ​នៃ​ប្រទេស​ចិន​ប្រចាំឆ្នាំ២០២០កន្លងមកនេះ។

របាយការណ៍​នេះ បានបង្ហាញ​ជាសំខាន់​នូវ​សមិទ្ធផល​ជា​ផ្លែផ្កា របស់​ប្រទេស​ចិន​និង​ប្រទេស​ពាក់ព័ន្ធ​តាម​បណ្តោយ​ខ្សែក្រវាត់ និង​ផ្លូវ ក្នុង​វិស័យ​កិច្ចសហប្រតិបត្តិការ​ផ្នែក​សេដ្ឋកិច្ច និង​ពាណិជ្ជកម្ម ដោយ​ធ្វើការ​បូកសរុប​គ្រប់​ជ្រុងជ្រោយ​នូវ​បម្រែបម្រួល​ថ្មី សមិទ្ធផល​ថ្មី និង​ទិសដៅ​ថ្មី នៃ​កិច្ចសហប្រតិបត្តិការ​ផ្នែក​សេដ្ឋកិច្ច និង​ពាណិជ្ជកម្ម​តាម​បណ្តោយ​ខ្សែក្រវាត់ និង​ផ្លូវ។

របាយការណ៍​នេះ​បង្ហាញថា រយៈពេល៧ឆ្នាំ​កន្លងទៅនេះ ប្រទេស​ចិន​បានធ្វើឱ្យ​ស៊ីជម្រៅ​ជា​បន្តបន្ទាប់ នូវ​កិច្ចសហប្រតិបត្តិការ​សេដ្ឋកិច្ច និង​ពាណិជ្ជកម្ម​ជាមួយ​ប្រទេស​តាម​បណ្តោយ​ខ្សែក្រវាត់ និង​ផ្លូវ ហើយ​បាន​លើកកម្ពស់​នូវ​សេរីភាព និង​កិច្ច​សម្រួល​ផ្នែក​ពាណិជ្ជកម្ម​និង​វិនិយោគ ក៏ដូចជា​ជំរុញ​ដោយ​ឥតឈប់ឈរ នូវ​ការបើក​ទូលាយ​ចំពោះ​អន្តរជាតិ ដែលមាន​កម្រិត​ខ្ពស់ និង​បាន​ជំរុញ​ការ​បង្កើតជា​និម្មាបនកម្ម​ថ្មី នៃ​សេដ្ឋកិច្ចពិភពលោក​ផងដែរ។

គិត​រហូតដល់​ខែឧសភា​ឆ្នាំ២០២០ រដ្ឋាភិបាល​ចិន​បាន​ចុះហត្ថលេខា​លើ​ឯកសារ​សហប្រតិបត្តិកា​រ​ស្តីពី ការរួម​គ្នា​កសាង​ខ្សែក្រវាត់ និង​ផ្លូវ​ចំនួន២រយ​ជាមួយ​ប្រទេស​ចំនួន១៣៨និង​អង្គការ​អន្តរជាតិ​ចំនួន៣០ជា​បន្តបន្ទាប់៕

ចំណេះដឹង! តើ​អ្វី​ជា​យុទ្ធសាស្ត្រ​ស្នូល​នៃ​គោលនយោបាយ​អភិវឌ្ឍន៍​វិស័យឧស្សាហកម្ម?

ដោយ វុត្ថា

ភ្នំពេញៈ រាជរដ្ឋាភិបាល​បានដាក់​ចេញ​នូវ​យុទ្ធសាស្ត្រ​ចំនួន៤ចំណុច ទៅក្នុង​គោលនយោបាយ​អភិវឌ្ឍន៍​វិស័យ​ឧស្សាហកម្ម​ឆ្នាំ២០១៥ – ២០២៥ ដោយ​ផ្តោតទៅលើ​ការតម្រង់​ទិសដៅ​ទីផ្សារ និង​បរិយាកាស​អំណោយ​ផលស​ម្រា​ប់​ការអភិវឌ្ឍ​ឧស្សាហកម្ម។

នៅក្នុង​គោលនយោបាយ​ឧស្សាហកម្ម​ខាងលើនេះ រាជរដ្ឋាភិបាល​កម្ពុជា​បានដាក់​ចេញ​នៅ​យុទ្ធសាស្ត្រ​ចំនួន៤ចំណុច រួមមាន ទី១ ការបញ្ចុះ​ថ្លៃ​អគ្គិសនី និង​ការបង្កើត​តំបន់​នៅ​ការផ្គត់ផ្គង់​ថាមពល​អគ្គិសនី ដើម្បី​បម្រើ​សកម្មភាព កសិកម្ម និង​ឧស្សាហកម្ម ដោយ​ជួយ​បង្កើត​ផលិតភាព​ទាក់ទាញ ការវិនិយោគ និង​បង្កើន​ទំនុកចិត្ត​ផ្នែក​អាជីវកម្ម។

ទី២ ការអភិវឌ្ឍ​ហេដ្ឋារចនាសម្ព័ន្ធ​ទូទាំងប្រទេស​កម្ពុជា ជាពិសេស​នៅតាម​ដងផ្លូវ​ដឹកជញ្ជូន​ទាំង៣ ដែលមាន​អាទិភាព​ខ្ពស់ និង​ចាំបាច់​សម្រាប់​ការអភិវឌ្ឍ​ឧស្សាហកម្ម ការតភ្ជាប់ ការប្រកួតប្រជែង និង​តម្រូវការ​របស់​វិស័យ​ឯកជន។

ទី៣ ការបង្កើត​យន្តការ​ពង្រីក​ទីផ្សារពលកម្ម និង​ជំនាញ​ជា​ឯកទេស ដើម្បី​ធានាឱ្យមាន​ការផ្គត់ផ្គង់​កម្លាំង​ពលកម្ម​គ្រប់គ្រាន់ និង​ផលិតភាព​កាន់តែ​ប្រសើរ​ទ្បើង និង​ទី៤ ការ​ប្រែក្លាយ​ខេត្ត​ព្រះសីហនុ ទៅជា​តំបន់​សេដ្ឋកិច្ច​ពិសេស​ស និង​អភិវឌ្ឍ​ឧស្សាហកម្ម​បៃតង​ទៅ​ថ្ងៃ​អនាគត។

រាជរដ្ឋាភិបាល​កម្ពុជា​ប្តេជ្ញា​អនុវត្តន៍ ផែនការ​សកម្មភាពសំខាន់ៗមួយចំនួនទៀត​មានដូចជា  ការពង្រឹង​និង​ពង្រីក​ផ្លូវជាតិ និង​អន្តរជាតិ​ត​ភ្ជាប់​ទៅ​បណ្តា​ប្រទេសជិតខាង ពង្រឹង​ការដឹកជញ្ជូន​តាមផ្លូវ​ទឹក  ការបង្កើន និង​ពង្រីក​ផ្លូវដែក​បន្ថែមទៀត ការអភិវឌ្ឍ​កំពង់ផែ​សមុទ្រ និង​កំពង់ផែ​ទន្លេ និង​ការកាត់បន្ថយ​ការចំណាយ​ឡូ​ជី​ស្ទីក (Logistic) ជាដើម៕

ប្រធានសមាគម CVEA បញ្ជាក់ពីដំណើរវិវឌ្ឍន៍នៃវិស័យអចលនទ្រព្យ និងសេដ្ឋកិច្ចកម្ពុជា

ដោយ ៖ រ៉ាណេត

ភ្នំពេញ ៖ នៅពេលនិយាយពីទីផ្សារអចលនទ្រព្យនៅពេលបច្ចុប្បន្ន ភាគច្រើនតែងត្រូវបានគេកត់សម្គាល់ទៅលើវិស័យដីធ្លី ដែលកំពុងសកម្មភាពច្រើនជាងផ្នែកដទៃទៀត ខណៈដែលតម្លៃទីផ្សារស្ថិតនៅក្នុងសភាពទ្រឹងស្រដៀងគ្នាទៅនឹងកាលពីឆ្នាំកន្លងទៅ។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានមានប្រសាសន៍ប្រាប់តាមទូរស័ព្ទនៅថ្ងៃទី៨ ខែកញ្ញា ឆ្នាំ២០២០នេះថា ស្ថានភាពនៃទីផ្សារអចលនទ្រព្យគិតត្រឹមដើមត្រីមាសទី៤នេះ បើប្រៀបធៀបទៅនឹងកាលពីដើមឆ្នាំគឺមិនមានអ្វីប្រែប្រួលគួរឱ្យកត់សម្គាល់នោះទេ ដែលអាចនិយាយបានថា តម្លៃទីផ្សារស្ថិតនៅក្នុងសភាពទ្រឹង។

លោក ច្រឹក សុខនីម បានមានប្រសាសន៍បញ្ជាក់ថា “តាមភាពជាក់ស្ដែងនៅពេលនេះ វិស័យដីធ្លីដូចជាមិនមានអ្វីប្រែប្រួលខ្លាំងនោះទេ ទាំងសកម្មភាពនៅក្នុងទីផ្សារ ទាំងកត្តាតម្លៃ ពោលគឺនៅមានកម្រិតស្រដៀងគ្នាកាលពីដើមឆ្នាំ២០២០”។

លោកបន្តថា “បើទោះជាស្ថានភាពនៃវិបត្តិជំងឺផ្លូវដង្ហើមនៅក្នុងប្រទេសកម្ពុជាត្រូវបានទប់ស្កាត់ក្នុងលទ្ធផលល្អ ដែលអនុគ្រោះដល់ការធ្វើអាជីវកម្មមួយចំនួនផ្តើមដំណើរការឡើងវិញពិតមែន ប៉ុន្តែសម្រាប់ទីផ្សារអចលនទ្រព្យនៅមិនទាន់មានសកម្មភាពខ្លាំងក្លានោះទេ ពោលគឺមានសកម្មភាពបានត្រឹមតែអ្នកវិនិយោគ និងអភិវឌ្ឍន៍ក្នុងស្រុកតែប៉ុណ្ណោះ ដែលវាត្រូវការពេលវេលាយូរបន្តិចទៀត”។

ដោយឡែកសម្រាប់ទីផ្សារដីធ្លីត្រូវបាន លោក ច្រឹក សុខនីម បញ្ជាក់ថា “ថ្វីត្បិតយើងឃើញមានសកម្មភាពទិញ-លក់សព្វថ្ងៃនៅតែបន្តមាន ប៉ុន្តែពាក់ព័ន្ធទៅនឹងតម្លៃនៅលើទីផ្សារមិនមានការឡើងថ្លៃនោះទេ ផ្ទុយទៅវិញសម្រាប់អ្នកដែលមានធុរៈបន្ទាន់ត្រូវការបង្វិលចរន្តសាច់ប្រាក់បានបង្ខំចិត្តលក់ក្នុងតម្លៃក្រោមទីផ្សារ ហើយបើយើងធ្វើការប្រៀបធៀបទៅនឹងសេដ្ឋកិច្ចសង្គមកម្ពុជានៅពេលនេះ អាចនិយាយបានថា មានភាពប្រទាប់ប្រសងគ្នា បានន័យថា អត្រាកំណើនសេដ្ឋកិច្ចសង្គមមានកម្រិតទាប តម្រិតនៃតម្លៃដីក៏មិនមានការឡើងថ្លៃនោះដែរ”។

យោងតាមរបាយការណ៍ដែលចេញដោយក្រុមហ៊ុនភ្នាក់ងារអចលនទ្រព្យអន្តរជាតិប្រចាំនៅកម្ពុជា CBRE Cambodia កាលពីពេលកន្លងទៅបានបង្ហាញពីស្ថានភាពនៃតម្លៃដីនៅក្នុងរាជធានីភ្នំពេញ ដោយនៅតាមបណ្តាខណ្ឌនីមួយមានតម្លៃផ្សេងៗគ្នា ដូចជា៖ ខណ្ឌបឹងកេងកង ដូនពេញ ចំការមន និងខណ្ឌ៧មករា នៅតែមានតម្លៃខ្ពស់ជាងគេដែលគិតជាមធ្យមក្នុងចន្លោះចាប់ពី ៥០០០-៦០០០ ដុល្លារក្នុងមួយម៉ែត្រការ៉េ។ ដោយឡែកសម្រាប់ខណ្ឌទួលគោក ឫស្សីកែវ សែនសុខ និងខណ្ឌជ្រោយចង្វារ មានតម្លៃគិតជាមធ្យមក្នុងចន្លោះចាប់ពី ១០០០ -៣៥០០ ដុល្លារក្នុងមួយម៉ែត្រការ៉េ ៕

អត្ថប្រយោជន៍នៃការវិនិយោគអចលនទ្រព្យតាមបណ្តោយផ្លូវក្រវ៉ាត់ក្រុង ដែលអ្នកវិនិយោគមិនគួរមើលរំលង

ដោយ ៖ ហ្សូលី

ភ្នំពេញ ៖ កម្ពុជាកំពុងមានភាពមមាញឹកក្នុងការស្ថាបនាហេដ្ឋារចនាសម្ព័ន្ធដ៏ខ្វាត់ខ្វែង ជាពិសេសផ្លូវក្រវ៉ាត់ក្រុងដែលជាប្រព័ន្ធដឹកជញ្ជូនយ៉ាងសំខាន់ និងជាកត្តាមួយរួមចំណែកជម្រុញវិស័យអចលនទ្រព្យឱ្យមានភាពរីកចម្រើនល្អប្រសើរបន្ថែមទៀត។

ការវិនិយោគអចលនទ្រព្យនៅតាមបណ្តោយផ្លូវក្រវ៉ាត់ក្រុង ត្រូវបានអ្នកជំនាញអចលនទ្រព្យជាច្រើនរូបបានលើកឡើងពីអត្ថប្រយោជន៍មួយចំនួនដូចជា ៖

តម្លៃសមរម្យ

ពេលនេះតម្លៃនៅតំបន់ផ្លូវក្រវ៉ាត់ក្រុងនៅមានភាពសមរម្យ មិនថ្លៃដូចក្នុងក្រុង ដែលវាជាឱកាសល្អមួយក្នុងការវិនិយោគខណៈដែលតម្លៃដីធ្លីនៅក្នុងក្រុង និងជាយក្រុង តែងមានកំណើនពីមួយឆ្នាំទៅមួយឆ្នាំក្នុងចន្លោះប្រមាណ ១០-១៥ភាគរយ។

អគ្គនាយកក្រុមហ៊ុនអចលនទ្រព្យ Khmer Foundation Appraisal លោកឧកញ៉ា នួន រិទ្ធី ធ្លាប់បានមានប្រសាសន៍ថា ឱកាសចំណេញពីការវិនិយោគ និងអភិវឌ្ឍន៍វិស័យលំនៅដ្ឋានតម្លៃសមរម្យ គឺត្រូវបានធ្វើឡើងនៅលើដីដែលមានតម្លៃសមរម្យ។ រីឯការិនិយោគទៅលើលំនៅដ្ឋានតម្លៃសមរម្យនៅក្នុងក្រុងទៀតសោត ហាក់មិនមានឱកាសទៀតនោះទេ។
ចំនុចនេះរុញឱ្យអ្នកវិនិយោគភាគច្រើនងាក់ទៅចាប់អារម្មណ៍ ទីតាំងថ្មី ដែលស្ថិតនៅតាមបណ្តោយផ្លូវក្រវ៉ាត់ក្រុងវិញ។

ការរស់នៅមានផាសុកភាព

កំណើនប្រជាជនក្នុងទីក្រុង បានធ្វើឱ្យមានបញ្ហាកកស្ទះចរាចរណ៍ស្ទើរតែរាល់ថ្ងៃ ប៉ុន្តែសម្រាប់ចរាចរនៅលើផ្លូវក្រវ៉ាត់ក្រុងវិញ ខុសប្លែកពីក្នុងក្រុង មានភាពទូលាយងាយស្រួលធ្វើដំណើរ។ អ្នកដែលធុញថប់នឹងការរស់នៅក្នុងទីក្រុង អាចនឹងស្រស់ស្រាយនៅពេលទៅរស់នៅតំបន់ផ្លូវក្រវ៉ាត់ក្រុង។

នាយិកាក្រុមហ៊ុនអចលនទ្រព្យ Amatak Property Service លោកស្រី តាំង ហ៊ួរ បានប្រាប់ថា ចរាចរណ៍នៅតំបន់នោះមានភាពងាយស្រួលច្រើន ហើយបើនិយាយពីការរស់នៅវិញ គេនាំគ្នាសម្រុកទៅទិញម្តុំនោះច្រើន ដោយសារតំបន់នោះមានផាសុកភាព និងអំណោយផលល្អ។

សក្តានុពលសេដ្ឋកិច្ចខ្ពស់ ទទួលបានផលចំណេញច្រើន

ផ្លូវក្រវ៉ាត់ក្រុងគឺជាការតភ្ជាប់ផ្ទៃក្នុង និងសមាហរណកម្មតំបន់ ពិសេសតភ្ជាប់ផ្លូវអាស៊ានហាយវ៉េ និងផ្លូវរបៀងសេដ្ឋកិច្ចសំខាន់ៗ ផ្តល់ភាពងាយស្រួលក្នុងការប្រកបអាជីវកម្មបានគ្រប់ប្រភេទ។ ផ្លូវក្រវ៉ាត់ក្រុងមានមុខងារសម្រួលដល់ការដឹកជញ្ជូនឆ្លងកាត់ព្រំដែនខេត្ត ក្រុង ជួយជំរុញពាណិជ្ជកម្មរបស់ប្រទេសកម្ពុជា។

អ្នកជំនាញនៅក្នុងវិស័យនេះបានលើកឡើងថា សម្រាប់អ្នកដែលមានធនធានគ្រប់គ្រាន់ គម្បីទិញដីនៅក្នុងតំបន់នេះសម្រាប់ការវិនិយោគបន្តយកទុកចំណេញ ឬទិញសម្រាប់អភិវឌ្ឍន៍ជាអគារលំនៅដ្ឋាន ឬឃ្លាំង ទាន់ជាឱកាសល្អ ព្រោះបច្ចុប្បន្នគោលដៅរបស់វិនិយោគិននានាកំពុងបាញ់ឆ្ពោះទៅតំបន់ទាំងនេះ៕

ក្រុមហ៊ុនអាកាសចរណ៍ ANA របស់ជប៉ុន មិនទាន់មានលទ្ធភាពហោះហើរមកកាន់កម្ពុជាវិញនោះទេ

ដោយ .វុត្ថា

តូក្យូ ៖ លោក MAEDA Ryuhei ទីប្រឹក្សាជាន់ខ្ពស់ ទទួលបន្ទុកកិច្ចការអន្តរជាតិរបស់ក្រុមហ៊ុន ANA បានបញ្ជាក់ថា ក្នុងស្ថានភាពបច្ចុប្បន្ននេះ ក្រុមហ៊ុនANA មិនទាន់អាចហោះហើរធម្មតាឡើងវិញបានទេ តែអាចមានការហោះហើរពិសេស (Charter flight) ក្នុងករណីមានការស្នើសុំរបស់អ្នកដំណើរជាក្រុម ។

លោក MAEDA Ryuhei ឱ្យដឹងបែបនេះ នៅក្នុងជំនួបពិភាក្សាការងារជាមួយឯកអគ្គរាជទូតកម្ពុជា ប្រចាំនៅក្នុងប្រទេសជប៉ុន និង TAKAHASHI Fumiaki ប្រធានសមាគមជប៉ុនកម្ពុជាកាលពីថ្ងៃទី ៧ ខែកញ្ញា ម្សិលមិញនេះ អំពីលទ្ធភាពនៃការហោះហើររបស់ក្រុមហ៊ុនអាកាសចរណ៍ ANA ណារីតា-ភ្នំពេញ-ណារីតា ឡើងវិញក្នុងពេលខាងមុខ។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងជំនួបពិភាក្សាជាមួយ លោក ម៉ូតេហ្គី តូស៊ីមីត្សឹ រដ្ឋមន្ត្រីក្រសួងការបរទេសជប៉ុនដែលមកពេញទស្សនកិច្ចនៅកម្ពុជា កាលពីចុងខែសីហាឆ្នាំ ២០២០កន្លងមកនេះ បានស្នើភាគីជប៉ុនសម្របសម្រួលធ្វើយ៉ាងណាឱ្យក្រុមហ៊ុនអាកាសចរណ៍បើកដំណើរការហោះហើរឡើងវិញ ដើម្បីបង្កើនទំហំពាណិជ្ជកម្ម។

សម្តេចតេជោថ្លែងថា “ការហោះហើរឡើងវិញនេះ នឹងអាចនាំអោយការធ្វើដំណើររវាងប្រទេសទាំងពីរមានសភាពការណ៍ធម្មតាឡើងវិញ ជាពិសេសត្រូវអនុវត្តនូវវិធានការមួយចំនួនផងដែរ។ សម្តេចតេជោបន្តថា “ការហោះហើរឡើងវិញនេះ នាំអោយមានការកើនឡើងក្នុងទំហំពាណិជ្ជកម្មការ និងវិនិយោគផងដែរ”។

សម្ដេចតេជោបញ្ជាក់ថា ក្នុងឆ្នាំ២០១៩ កម្ពុជា- ជប៉ុនមានទំហំពាណិជ្ជកម្មប្រមាណ២ពាន់លានដុល្លារសហរដ្ឋអាមេរិក ក្នុងនោះកម្ពុជានាំចេញទៅជប៉ុន១,២ ពាន់លានដុល្លារហើយជប៉ុននាំចូលមកកម្ពុជាវិញ០,៨ ពាន់លានដុល្លារ ។ ដោយឡែកនៅក្នុងឆ្នាំ២០២០ នេះ រយៈពេល៩ខែ ទំហំពាណិជ្ជកម្មប្រទេសទាំងពីរមានប្រមាណ៨០០លានដុល្លារសហរដ្ឋអាមេរិក ក្នុងនោះកម្ពុជានាំចេញទៅជប៉ុនប្រមាណ៥០០លានដុល្លារ និងជប៉ុននាំចូលមកកម្ពុជាប្រមាណ៣០០លានដុល្លារ៕

ក្រសួងរ៉ែ ប្រកាសពីការអនុញ្ញាតដល់ក្រុមហ៊ុនសប្បទានស្វែងរករ៉ែនៅខេត្តចំនួន២

ដោយ ៖ រ៉ាណេត

ភ្នំពេញ ៖ ក្រសួងរ៉ែ និងថាមពល បានធ្វើការប្រកាស និងជូនដំណឹងស្ដីពីការបើកតំបន់សម្បទានស្វែងរុករករ៉ែថ្មីចំនួន២ទីតាំងដែលស្ថិតនៅខេត្តផ្សេងគ្នាសម្រាប់ការដាក់ពាក្យស្នើសុំអាជ្ញាបណ្ណស្វែងរុករកពីសំណាក់ក្រុមហ៊ុនឯកជន។

នៅក្នុងសេចក្ដីជូនដំណឹងនៅរសៀលថ្ងៃទី៨ ខែកញ្ញា ឆ្នាំ២០២០នេះ បានឱ្យដឹងថា ក្រសួងរ៉ែ និងថាមពល បានប្រកាសបើកឱ្យមានការដាក់ពាក្យប្រកួតប្រជែងជាសាធារណៈ សម្រាប់ទទួលបានអាជ្ញាបណ្ណស្វែងរុករក ចំពោះតំបន់សម្បទានស្វែងរុករករ៉ែចំនួន២តំបន់ ដូចមាននៅក្នុងផែនទី “ទីតាំង និងកូអរដោណេ” ដែលភ្ជាប់មកជាមួយនៅខាងក្រោមចាប់ពីពេលនេះតទៅ។

តំបន់សម្បទានស្វែង រុករករ៉ែដែលនឹងប្រកាសបើកទទួលពាក្យស្នើសុំ រួមមាន ទី១-តំបន់សម្បទានស្វែងរុករករ៉ែទំហំ ១០៧,១០ គីឡូម៉ែត្រក្រឡា ស្ថិតនៅតំបន់មេមត់ ស្រុកមេមត់ ខេត្តត្បូងឃ្មុំ និងទី២- តំបន់សម្បទានស្វែងរុករករ៉ែទំហំ១០០គីឡូម៉ែត្រក្រឡា ស្ថិតនៅតំបន់ភ្នំប៉ាង ស្រុក អូរយ៉ាដាវ ខេត្តរតនគិរី។

សម្រាប់សាធារណជន ក៏ដូចជាបណ្ដាក្រុមហ៊ុនជាតិ និងអន្តរជាតិ ដែលចាប់អារម្មណ៍ ត្រូវមកស្នើសុំ «ពាក្យស្នើ សុំអាជ្ញាបណ្ណស្វែងរុករករ៉ែដែលមានការបោះត្រាត្រឹមត្រូវ» នៅនាយកដ្ឋានឧស្សាហកម្មអាជីវកម្មធនធានរ៉ែ (ជាន់ទី៥) នៃទីស្ដីការក្រសួងរ៉ែ និងថាមពល អគារលេខ ៧៩-៨៩ វិថីប៉ាស្ទ័រ (ផ្លូវលេខ៥១) សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ចាប់ពីថ្ងៃជូនដំណឹងនេះតទៅ នៅរៀងរាល់ម៉ោងធ្វើការ។

ពាក្យស្នើសុំអាជ្ញាបណ្ណស្វែងរុករករ៉ែ ដែលបានបំពេញរួចរាល់ ត្រូវភ្ជាប់មកជាមួយនូវឯកសារ និង របាយការណ៍តម្រូវពាក់ព័ន្ធ ហើយដាក់ក្នុងស្រោមសំបុត្របិទជិត ដោយការខ្នងថា «ឯកសារស្នើសុំប្រកួត ប្រជែង» រួចដាក់មកក្រសួងតាម «ការិយាល័យច្រកចេញចូលតែមួយ» របស់ក្រសួងរ៉ែ និងថាមពល យ៉ាងយូរ បំផុតត្រឹមថ្ងៃទី០៥ ខែតុលា ឆ្នាំ២០២០ វេលាម៉ោង១៧៖០០នាទី៕

ការព្យាករណ៍៖កម្ពុជានឹងទទួលបានចំណូលពីទេសចរអន្តរជាតិមកលេងខេត្តសៀមរាបជិត ៥០០០ លានដុល្លារ នៅក្នុងឆ្នាំ ២០៣៥

ដោយ ៖ វុត្ថា

ភ្នំពេញ ៖ តាមការព្យាករណ៍របស់រាជរដ្ឋាភិបាលកម្ពុជាបង្ហាញថា នៅក្នុងឆ្នាំ២០៣៥ ទេសចរអន្តរជាតិនឹងនាំមកនូវចំណូលចំនួន ៤,៧៦៥លានដុល្លារ និងទេសចរណ៍ជាតិចំនួន ១,២៨០លានដុល្លារ ចូលទៅដល់ខេត្តសៀមរាប ខណៈដែលរាជរដ្ឋាភិបាលបាននឹងកំពុងរៀបចំផែនការមេអភិវឌ្ឍន៍ទេសចរណ៍ខេត្តសៀមរាប (២០២០-២០៣៥)។

យោងតាមសេចក្តីប្រកាសព័ត៌មានរបស់រាជរដ្ឋាភិបាលចេញផ្សាយនៅថ្ងៃទី៨ ខែកញ្ញា ឆ្នាំ២០២០នេះ បានឱ្យដឹងថា ផែនការមេអភិវឌ្ឍន៍ទេសចរណ៍ខេត្តសៀមរាប (២០២០-២០៣៥) សិក្សារៀបចំដោយគណៈកម្មការអន្តរក្រសួងដែលត្រូវបានរំពឹងថានឹងក្លាយជាយន្តការដ៏មានសារៈសំខាន់ចាំបាច់ សម្រាប់ការឆ្លើយតបទៅនឹងស្ថានភាពនាពេលបច្ចុប្បន្នក៏ដូចជាអនាគត ឆ្លើយតបនឹងឥទ្ធិពលនៃជំងឺឆ្លងកូវីដ-១៩ (COVID-19) ជាពិសេស ត្រូវសម្រេចឱ្យបាននូវបំណងប្រាថ្នារួមរបស់រាជរដ្ឋាភិបាល ដើម្បីជាអភិវឌ្ឍវិស័យទេសចរណ៍នៅខេត្តសៀមរាប ដូចខាងក្រោម៖

ទី១) ខេត្តសៀមរាប គឺជាខេត្តទេសចរណ៍អន្តរជាតិដ៏គួរឱ្យចាប់អារម្មណ៍ និងមានការទទួលស្គាល់ជាលក្ខណៈជាសកលលើការអភិរក្ស និងកិច្ចគាំពារសម្បត្តិបេតិកភណ្ឌវប្បធម៌ និងបរិស្ថានធម្មជាតិ ដោយផ្តល់ជូននូវធនធានទេសចរណ៍ និងភាពទាក់ទាញជាច្រើនទៀត ។

ទី២) ធានាឱ្យបាននូវផលប្រយោជន៍សង្គម-សេដ្ឋកិច្ច ជាអតិបរមាពីវិស័យទេសចរណ៍ ពោលគឺតំបន់ប្រវត្តិសាស្រ្តអង្គរ, តំបន់ទីក្រុងដែលមានស្ទឹងសៀមរាប, តំបន់ទន្លេសាប, ឧទ្យានជាតិភ្នំគូលែន និងតំបន់ជនបទដែលជាគោលដៅទេសចរណ៍ ត្រូវតែភ្ជាប់ជាមួយការអភិវឌ្ឍសេដ្ឋកិច្ចមូលដ្ឋាន និងការកាត់បន្ថយភាពក្រីក្រ ។

ទី៣) ខេត្តសៀមរាប ត្រូវតែជាគោលដៅទេសចរណ៍ប្រកបដោយគុណភាព សំដៅទាក់ទាញភ្ញៀវទេសចរ ដែលមានគុណភាពមកកម្សាន្ត ម្តងហើយម្តងទៀត ស្នាក់នៅយូរ និងចំណាយច្រើន អាចបង្កើននូវចំណូលជូនប្រជាពលរដ្ឋមូលដ្ឋាន និងកសាងសេដ្ឋកិច្ចមូលដ្ឋានប្រកបដោយបរិយាប័ន្ន ។

លើសពីនេះ «ផែនការមេសម្រាប់ការអភិវឌ្ឍវិស័យទេសចរណ៍ខេត្តសៀមរាប (២០២០-២០៣៥) ក៏នឹងឆ្លុះបញ្ចាំងពីឆន្ទៈរបស់រាជរដ្ឋាភិបាលដែលចាត់ទុក «វិស័យទេសចរណ៍ជាមាសបៃតង» ក្នុងការចូលរួមដល់ការអភិវឌ្ឍសង្គម-សេដ្ឋកិច្ច ការលើកស្ទួយវប្បធម៌ជាតិ និងទ្រទ្រង់ដល់កិច្ចគាំពារបរិស្ថាន ប្រកបដោយប្រសិទ្ធភាពខ្ពស់ និងប្តេជ្ញាចិត្តក្នុងការអភិវឌ្ឍវិស័យទេសចរណ៍ខេត្តសៀមរាប និងតំបន់ជុំវិញ ដើម្បីប្រែក្លាយជាគោលដៅទេសចរណ៍ ប្រកបដោយគុណភាព (Alternative Tourism/Quality Destination) មានការគ្រប់គ្រងលើការអភិវឌ្ឍវិស័យទេសចរណ៍ច្បាស់លាស់ និងកាត់បន្ថយផលប៉ះពាល់ ជាអវិជ្ជមានដល់តំបន់អង្គរ និងធនធានធម្មជាតិឱ្យបានជាអតិបរមា សំដៅទាក់ទាញភ្ញៀវទេសចរមកកម្សាន្តច្រើនដង ពិសេសភ្ញៀវទេសចរកម្រិតខ្ពស់ ដើម្បីបង្កើននូវប្រភពចំណូលជូនជាតិ និងប្រជាពលរដ្ឋមូលដ្ឋាន ។

តាមការព្យាករណ៍ក្នុងឆ្នាំ ២០៣៥ ទេសចរណ៍អន្តរជាតិនាំមកនូវចំណូលចំនួន ៤,៧៦៥លានដុល្លារ និងទេសចរណ៍ជាតិ នាំមកនូវចំណូលចំនួន ១,២៨០លានដុល្លារ ។ ចក្ខុវិស័យរបស់ «ផែនការមេអភិវឌ្ឍន៍ទេសចរណ៍ខេត្តសៀមរាប (២០២០-២០៣៥) គឺ «ការក្តាប់យកមកវិញនូវមោទនភាព ជាគោលដៅទេសចរណ៍ចម្បងបំផុតរបស់វិស័យទេសចរណ៍កម្ពុជា និងជាគោលដៅទេសចរណ៍ចម្បងក្នុងតំបន់អាស៊ីអាគ្នេយ៍» ។

ដើម្បីសម្រេចបានចក្ខុវិស័យខាងលើនេះ «ផែនការមេអភិវឌ្ឍន៍ទេសចរណ៍ខេត្តសៀមរាប (២០២០-២០៣៥)» បានដាក់ចេញនូវគោលដៅយុទ្ធសាស្រ្តចំនួន ០៧ រួមមាន៖

១) យុទ្ធសាស្រ្ដអភិវឌ្ឍន៍តំបន់ទេសចរណ៍អាទិភាពខេត្តសៀមរាប
២) យុទ្ធសាស្រ្ដវិនិយោគទេសចរណ៍ និងការអភិវឌ្ឍរបៀងទេសចរណ៍ថ្មីៗក្នុងខេត្តសៀមរាប
៣) យុទ្ធសាស្រ្ដអភិវឌ្ឍន៍ទីផ្សារ និងផ្សព្វផ្សាយទេសចរណ៍ និងការតភ្ជាប់
៤) យុទ្ធសាស្រ្ដពង្រឹងគុណភាព និងអភិវឌ្ឍន៍ធនធានមនុស្សក្នុងវិស័យទេសចរណ៍ខេត្តសៀមរាប
៥) យុទ្ធសាស្រ្ដក្នុងការគ្រប់គ្រងបរិស្ថានខេត្តសៀមរាប
៦) យុទ្ធសាស្រ្ដអភិវឌ្ឍន៍ហេដ្ឋារចនាសម្ព័ន្ធ និងពង្រឹងការតភ្ជាប់គាំទ្រវិស័យទេសចរណ៍ខេត្តសៀមរាប និង
៧) យុទ្ធសាស្រ្ដអភិបាលកិច្ចសម្រាប់ទ្រទ្រង់ ការអភិវឌ្ឍទេសចរណ៍ខេត្តសៀមរាប (ក្នុងនោះមានយុទ្ធសាស្រ្តចំនួន ៤៦ សកម្មភាពអនុវត្តចំនួន ១៥១ ដែលបានកំណត់រយៈពេលនៃការអនុវត្ត: រយៈពេលខ្លី រយៈពេលមធ្យម និងរយៈពេលវែង) ។

ផែនការមេអភិវឌ្ឍន៍ទេសចរណ៍ខេត្តសៀមរាប (២០២០-២០៣៥) នឹងត្រូវសម្រេចនៅក្នុងកិច្ចប្រជុំឆ្លងម្តងទៀតនៅចុងខែ តុលា ឆ្នាំ២០២០ ក្រោយពីការកែសម្រួល មុននឹងគោរពដាក់ជូន សម្តេចតេជោនាយករដ្ឋមន្ត្រី ដើម្បីពិនិត្យ និងសម្រេចដ៏ខ្ពស់ខ្ពស់៕

LG BRANDSHOP ផ្ដល់ជូនការបញ្ចុះតម្លៃ ទទួលបានគូប៉ុង 50ដុល្លារ និងបង់រំលស់គ្មានការប្រាក់ ក្នុងឱកាសពិធីបុណ្យភ្ជុំបិណ្ឌ

ដោយ ៖ វាសនា

ភ្នំពេញ ៖

នៅក្នុងឱកាសពិធីបុណ្យភ្ជុំបិណ្ឌនាពេលខាងមុខនេះ LG BRANDSHOP ដែលជាហាងទំនើប លក់គ្រឿងអេឡិចត្រូនិចម៉ាកសញ្ញ LG បានរៀបចំកម្មវិធីពិសេសជាច្រើនសំរាប់បំពេញតម្រូវការដល់អតិថិជន ដែលតែងតែគ្រាំទ្រម៉ាកសញ្ញា LG កន្លងមក នោះគឺកម្មវិធីលក់បញ្ចុះតម្លៃពិសេស រួមជាមួយការបង់រំលស់អត្រាការប្រាក់ 0 ភាគរយ ព្រមទាំងទទួលបាន កូប៉ុង 50 ដុល្លា និងមានការថែមជូនដោយឥតកំណត់ ភ្លាមៗ ។

កម្មវិធីពិសេសនេះចាប់ពីថ្ងៃទី 29 ខែ សីហាដល់ ថ្ងៃទី13 ខែ កញ្ញា ឆ្នាំ 2020 ។
LG BRANDSHOP មានដាក់តាំងបង្ហាញ និងមានលក់នូវរាល់ឧបករណ៍អេឡិចត្រូនិច របស់ម៉ាក LG ទាំងអស់ដែលមានដូចជា ទូរទស្សន៍ ម៉ាស៊ីនត្រជាក់ ទូរទឹកកក ម៉ាស៊ីនបោកសំលៀកបំពាក់ ឧបករណ៍បំពង សម្លេង និងឧបករណ៍ប្រើប្រាស់ក្នុងផ្ទះជាច្រើនផ្សេងទៀត ដែលសុទ្ធសឹងតែជាផលិតផលទំនើបៗ នឹងម៉ូដែលថ្មីៗ ចុងក្រោយគេបង្អស់របស់ LG ។

អតិថិជនទាំងអស់គ្នាអាចអញ្ជើញមកស្វែងរក និងទទួលយកនៅឱកាសដ៏ពិសេសនេះ នៅគ្រប់សាខាហាង LG BRANDSHOP ដែលមានអាសយដ្ឋានដូចខាងក្រោម ៖

1. LG BRANDSHOP រាជធានីភ្នំពេញ
-អគារលេខ 135 មហាវិថីព្រះមុនីវង្ស ខណ្ឌ7មករា
-ទូរសព្ទលេខៈ023 888 299
2. LG BRANDSHOP ស្ទឹងមានជ័យ
-ផ្ទះលេខ 11A 12A ផ្លូវមុន្នីរ៉េត ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ
-ទូរសព្ទលេខៈ 016 999 481
3. LG BRANDSHOP កំពត
– ផ្ទះលេខ គ្មាន ផ្លូវ លេខ3 ភូមិកំពង់បាយខាងជើង សង្កាត់កំបង់បាយ ក្រុងកំពត ខេត្តកំពត
– ទូរសព្ទលេខៈ BS 016 555 297 Service number 016 555 232
4. LG BRANDSHOP ទូលគោក
– ផ្ទះលេខ 41 ផ្លូវ 315 សង្កាត់បឹងកក់2 ខណ្ឌទួលគោគ ភ្នំពេញ
– ទូរសព្ទលេខ 016 999 654,
5. LG BRANDSHOP កាំកូ
-ផ្ទះលេខ 6-7 ផ្លូវឧកញ្ញាម៉ុងឬទ្ធី
-ទូរសព្ទលេខៈ 092 837 333
6. LG BRANDSHOP ផ្សារដើមគ
-ផ្ទះលេខ 189 AB ផ្លូវ217 សង្កាត់ផ្សារដើមគរ ខណ្ឌទួលគោក រាជធានីភ្នំពេញ
-ទូរសព្ទលេខ 016 888 301
. 8. LG BRANDSHOP ក្រុងតាខ្មៅ
– ផ្ទះលេខ 5-6A ផ្លូវលេខ21B ភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល
-ទូរសព្ទលេខៈ 016 222 625
9. LG BRANDSHOP ក្រុងសៀមរាប
-អគារលេខ 503 ផ្លូវស៊ីវុត្ថា ភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប
-ទូរសព្ទលេខៈ 063 966 199/016 999 624
10. LG BRANDSHOP ក្រុងបាត់ដំបង
-ផ្លូវលេខ1កែងផ្លូវ121 ភូមិកំពង់ក្របី សង្កាត់ស្វាយប៉ោ ក្រុងបាត់ដំបង
-ទូរសព្ទលេខៈ 053 952 199
11. LG BRANDSHOP ក្រុងកំពង់ចាម
-អគារ LG ផ្លូវលេខ7 សង្កាត់វាលវង់ ក្រុងកំពង់ចាម
-ទូរសព្ទលេខៈ 042 210 299 /016 444 859
12. LG BRANDSHOP ក្រុងព្រះសីហនុ
-ដីឡូត៏លេខ382 វិថី 2 ធ្នូ ភូមិ 04 សង្កាត់លេខ4 ក្រុងព្រះសីហនុ ខេត្តព្រះសីហនុ
-ទូរសព្ទលេខៈ 034 934 199/ 015 666 247
ទំនិញមានគុណភាព តម្លៃសមរម្យ សេវាកម្មល្អ
ព័ត៌មានបន្ថែមសូមទំនាក់ទំនង មកកាន់សេវាកម្ម 023 222 699