ដោយ ៖ រ៉ាណេត

ភ្នំពេញ ៖ ក្នុងគោលដៅពង្រឹងប្រសិទ្ធភាពនែការគ្រប់គ្រងកំពង់ផែនៅកម្ពុជា ក្រសួងសាធារណៈការ និងដឹកជញ្ជូន បានរៀបចំសិក្ខាសាលាពិគ្រោះយោបល់លើសេចក្ដីព្រាងច្បាប់កំពង់ផែដើម្បីស្វែងរកភាពខ្វះខាត និងបំពេញបន្ថែមឱ្យកាន់តែមានភាពល្អប្រសើរនៅពេលអនុវត្ត ដោយមានការចូលរួមពីមន្ត្រីរាជធានី/ ខេត្ត ដែលពាក់ព័ន្ធ រួមទាំងអ្នកតំណាងទីភ្នាក់ងារសហប្រតិបត្តិការអន្តរជាតិជប៉ុនផងដែរ។

នៅក្នុងរយៈពេល២ថ្ងៃ (ថ្ងៃទី១៧-១៨ ខែតុលា) នៃអង្គសិក្ខាសាលាពិភាក្សាស្ដីពី «សេចក្ដីព្រាងច្បាប់កំពង់ផែ» នៅសណ្ឋាគារភ្នំពេញ ក្រោមអធិបតីភាពរបស់លោក អៀង វ៉េងស៊ុន រដ្ឋលេខាធិការ ក្រសួងសាធារណៈការ និងដឹកជញ្ជូន និងមានការចូលរួមពីសំណាក់មន្ត្រីក្រោមឱវាទ មន្ត្រីតំណាងទីភ្នាក់ងារសហប្រតិបត្តិការអន្តរជាតិ ជប៉ុន (JICA) ព្រមទាំងបណ្តាអ្នកតំណាងក្រុមហ៊ុនកំពង់ផែឯកជនផងដែរ។

រដ្ឋលេខាធិការ ក្រសួងសាធារណៈការ និងដឹកជញ្ជូន លោក អៀង វ៉េងស៊ុន បានគូសបញ្ជាក់អំពីសារសំខាន់នៃវិស័យកំពង់ផែក្នុងការជំរុញវិស័យពាណិជ្ជកម្មគ្រប់ប្រភេទ និងដំណើរអភិវឌ្ឍន៍សេដ្ឋកិច្ចជាតិ និងអន្ដរជាតិ។ បន្ថែមពីនេះ លោកក៏បានបញ្ជាក់ថា “កម្ពុជាបានទទួលការវិនិយោគជាបន្តបន្ទាប់ពីដៃគូអភិវឌ្ឍន៍នានាក្នុងវិស័យកំពង់ផែ ដែលធ្វើឱ្យវិស័យមួយនេះទទួលបាននូវការអភិវឌ្ឍ និងរីកចម្រើនគួរជាទីមោទនៈ”។ លោកបានបន្តទៀតថា “រដ្ឋាភិបាលកម្ពុជា បានជំរុញលើកទឹកចិត្តឱ្យអ្នកចូលរួមពីស្ថាប័ន និងអង្គភាពពាក់ព័ន្ធទាំងអស់ មេត្តាយកចិត្តទុកដាក់សិក្សាស្វែងយល់ ការពិភាក្សាជាក្រុម និងផ្តល់ជាមតិយោបល់កែលម្អសេចក្តីព្រាងច្បាប់ស្តីពីកំពង់ផែឲ្យកាន់តែល្អប្រសើរដើម្បីយកមកអនុវត្តក្នុងការបម្រើជាប្រយោជន៍ជូនប្រទេសជាតិ”។

អ្នកតំណាងជាន់ខ្ពស់ទីភ្នាក់ងារសហប្រតិបត្តិការអន្តរជាតិជប៉ុនប្រចាំនៅកម្ពុជា បានលើកឡើងថា ៖ “ការជំរុញក្នុងការបង្កើតបទដ្ឋានគតិយុត្តិជាពិសេសច្បាប់ស្តីពីកំពង់ផែ គឺពិតជាមានសារៈសំខាន់ក្នុងការអភិវឌ្ឍកំពង់ផែនៅកម្ពុជាកាន់តែប្រសើរ”។ លោកបានបញ្ជាក់ថា “ច្បាប់ស្តីពីកំពង់ផែ ពិតជាមានសារៈសំខាន់ ក្នុងការអភិវឌ្ឍកំពង់ផែនៅកម្ពុជា ប្រកបដោយចីរភាព ហើយទីភ្នាក់ងារJICA សង្ឃឹមថា សេចក្តីព្រាងច្បាប់ស្តីពីកំពង់ផែ នឹងត្រូវបានអនុម័តដោយរាជរដ្ឋាភិបាលកម្ពុជា នៅពេលឆាប់ៗខាងមុខនេះ” ៕

ដោយ ៖ Donald Lee
ប៉េកាំង ៖ មួយសប្តាហ៍បន្ទាប់ពីមន្ត្រីអាមេរិក និងចិនបានជួបគ្នានៅទីក្រុងវ៉ាស៊ីនតោនដើម្បីឈានទៅរកដំណោះស្រាយសម្រាប់សង្គ្រាមពាណិជ្ជកម្មអាមេរិក និងចិន វាមិនទាន់ច្បាស់ថា តើមានព្រមព្រៀងគ្នាយ៉ាងដូចម្តេចនៅក្នុងដំណាក់កាលទី ១ នៃកិច្ចព្រមព្រៀងនោះ។
ប្រធានាធិបតីអាមេរិក Donald Trump បានបញ្ជាក់ជាថ្មីម្តងទៀតនៅថ្ងៃសុក្រនេះថា កិច្ចព្រមព្រៀងមួយដំណាក់កាលត្រូវបានបញ្ចប់ បន្ទាប់ពីការចរចាកាលពីសប្តាហ៍មុន។ លោកបានបញ្ជាក់ថា ចិននឹងដោះស្រាយការលួចកម្មសិទ្ធិបញ្ញា និងទិញទំនិញកសិកម្មអាមេរិកដែលមានតម្លៃរហូតដល់ទៅ ៥០ពាន់លានដុល្លារ។
លោក Trump បាននិយាយទៅកាន់អ្នកសារព័ត៌មាននៅក្នុងប្រជុំកិច្ចសហប្រតិបត្តិការសេដ្ឋកិច្ចអាស៊ី – ប៉ាស៊ីហ្វិក ដែលនឹងប្រព្រឹត្តទៅនៅថ្ងៃសុក្រ ទី១៦ ខែវិច្ឆិកា នេះថា “ខ្ញុំគិតថា កិច្ចព្រមព្រៀងនឹងត្រូវបានចុះហត្ថលេខាយ៉ាងងាយស្រួល ហើយសង្ឃឹមថានឹងមានកិច្ចប្រជុំកំពូលនៅឈីលីជាកន្លែងដែលប្រធានាធិបតី ស៊ី និងខ្ញុំទាំងពីរនឹងនៅជាមួយគ្នា។ យើងកំពុងធ្វើការជាមួយចិនយ៉ាងល្អ”។
ទោះយ៉ាងណាទាំងទីក្រុងប៉េកាំង ឬក៏អ្នកដឹកនាំការចរចាឧបនាយករដ្ឋមន្ត្រីតីចិន លោក Liu He មិនបានបញ្ជាក់ពីកិច្ចព្រមព្រៀងណាមួយដែលត្រូវបានចុះហត្ថលេខានោះទេ។
អ្នកនាំពាក្យក្រសួងពាណិជ្ជកម្មចិន លោក Gao Feng បាននិយាយនៅក្នុងសន្និសីទកាសែតមួយកាលពីថ្ងៃ ព្រហស្បតិ៍ ថា “គោលដៅចុងក្រោយរបស់ភាគីទាំងពីរសម្រាប់ការចរចាគឺដើម្បីបញ្ចប់សង្គ្រាមពាណិជ្ជកម្មលុបចោលពន្ធគយបន្ថែមទាំងអស់”។
ប្រព័ន្ធផ្សព្វផ្សាយរដ្ឋរបស់ចិន បានបញ្ជាក់ថា ដើម្បីបញ្ជាក់អំពីដំណើរការចរចានេះ ឧបនាយករដ្ឋមន្ត្រីលោក Liu ត្រូវបានរំពឹងថានឹងធ្វើការបង្ហាញពីវឌ្ឍនភាពលើកិច្ចចរចាពាណិជ្ជកម្មថ្ងៃនេះ។
និពន្ធនាយកនៃទស្សនាវដ្តី Global Times របស់ចិននៅថ្ងៃនេះលើវេទិកាប្រព័ន្ធផ្សព្វផ្សាយសង្គម Twitter បានសរសេរថា “ឧបនាយករដ្ឋមន្ត្រីចិនលោក Liu គាត់នឹងធ្វើការបកស្រាយជាផ្លូវការស្តីពីវឌ្ឍនភាពនៃកិច្ចចរចាពាណិជ្ជកម្មចិន និងអាមេរិកពីទស្សនវិស័យរបស់ចិននៅក្នុងសុន្ទរកថារបស់លោកនៅក្នុងសន្និសីទពិភពលោកស្តីពីឧស្សាហកម្មយូ ២០១៩ នាថ្ងៃនេះ”៕

ដោយ​ ៖ រ៉ា​ណេត​

កណ្តាល​ ៖ រោងចក្រ​ផលិត​គ្រឿង​សង្ហា​រឹម​ថ្មី​មួយទៀត​ ដែល​មាន​ទីតាំង​ស្ថិតនៅ​ឃុំ​សំរោងលើ​ ស្រុក​អង្គស្នួល​ ខេត្តកណ្តាល​ ត្រូវ​បាន​រដ្ឋាភិបាល​សម្រេច​គាំទ្រ​ និង​សម្រេច​ឱ្យ​ចាប់ផ្តើម​ដំណើរ​ចង្វាក់​ផលិតកម្ម​ហើយ​បន្ទាប់ពី​បាន​ឆ្លងកាត់​កិច្ចប្រជុំ​អន្តរក្រសួង​ ប៉ុន្តែ​ត្រូវ​ស្ថិត​ក្រោម​គោលការណ៍​របស់​ច្បាប់​កម្ពុជា​ដែល​បាន​កំណត់​។

ទី​ស្តី​ការក្រ​សួង​បរិស្ថាន​ កាលពី​ថ្ងៃទី១៨​ ខែតុលា​ ឆ្នាំ២០១៩​ ម្សិលមិញ​នេះ​ លោក​ ផៃ​ ប៊ុ​នឈឿន​ រដ្ឋលេខាធិការ​ក្រសួងបរិស្ថាន​ បាន​ដឹកនាំ​កិច្ចប្រជុំ​អន្តរក្រសួង​ដែល​ពាក់ព័ន្ធ​ ដើម្បី​ពិនិត្យ​ និង​ផ្តល់​យោបល់​លើ​របាយការណ៍​វាយតម្លៃ​ហេតុ​ប៉ះពាល់​បរិស្ថាន​ និង​សង្គម​ដំបូង​ (IESIA​) លើ​គម្រោង​បង្កើត​រោងចក្រ​ផលិត​គ្រឿងសង្ហារិម​ លើ​ទំហំផ្ទៃ​ដី​ ៦,៤ហិ​កតា​ ដែល​មាន​ទីតាំង​ស្ថិតនៅ​តាម​បណ្តោយ​ផ្លូវជាតិ​លេខ៥១​ ភូមិ​ស្រែ​អំ​ព្រុំ​ ឃុំ​សំរោងលើ​ ស្រុក​អង្គស្នួល​ ខេត្តកណ្តាល​ របស់​ក្រុមហ៊ុន​ ស៊ីង​ យា​ ម៉ី​ ហ្វើ​នី​ឈ័រ​ អិម​អេ​ហ្វ​ជី​ អិល​ធី​ឌី​ (ម្ចាស់​គម្រោង​) ដែល​បាន​សិក្សា​ និង​រៀបចំ​របាយការណ៍​វាយតម្លៃ​ហេតុ​ប៉ះពាល់​បរិស្ថាន​ ដោយក្រុម​ហ៊ុន​ទីប្រឹក្សា​ ឃី​ ខន​សាល់​ធេន​ (ខេម​បូ​ឌា​)។

កិច្ចប្រជុំ​នេះ​ មានការ​ចូលរួម​ពីសំណាក់​មន្ត្រី​តំណាង​អគ្គនាយក​ដ្ឋាន​នៃ​ក្រសួងបរិស្ថាន​ និង​អគ្គលេខាធិការ​ដ្ឋាន​នៃ​ក្រុមប្រឹក្សា​ជាតិ​អភិវឌ្ឍន៍​ដោយ​ចីរភាព​ តំណាង​អន្តរក្រសួង​ពាក់ព័ន្ធ​ ក្រុមប្រឹក្សា​អភិវឌ្ឍន៍​កម្ពុជា​ រដ្ឋបាល​ខេត្តកណ្តាល​ មន្ទីរ​បរិស្ថាន​ខេត្តកណ្តាល​ តំណាង​នាយកដ្ឋាន​វាយតម្លៃ​ហេតុ​ប៉ះពាល់​បរិស្ថាន​ តំណាង​ក្រុមហ៊ុន​ស៊ីង​ យា​ ម៉ី​ ហ្វើ​នី​ឈ័រ​ អិម​អេ​ហ្វ​ជី​ អិល​ធី​ឌី ​(ម្ចាស់​គម្រោង​) និង​ក្រុមហ៊ុន​ទីប្រឹក្សា​ ឃី​ ខន​សាល់​ធេន​ (ខេម​បូ​ឌា​) ផង​ដែរ​។

ជាមួយនឹង​ការសម្រេច​គាំទ្រ​ខាងលើ​នេះ​ ក្រុមហ៊ុន​ ក៏​ត្រូវតែ​អនុវត្ត​ និង​គោរព​ទៅតាម​គោលការណ៍​ដែល​ត្រូវ​បាន​កំណត់ ដោយច្បាប់​កម្ពុជា​ ដូចជា​រៀបចំផែនការ​គ្រប់គ្រង​សំណល់រឹង​ឱ្យ​បាន​ត្រឹមត្រូវ​ ដោយ​ត្រូវ​រៀបចំ​ឱ្យ​មាន​ឡសម្រាប់​ដុល​សំណល់រឹង​ទាំងនោះ​ ដោយ​អនុលោម​តាម​បទដ្ឋាន​បច្ចេកទេស​របស់ក្រ​សួង​បរិស្ថាន​ មានការ​បែងចែក​ប្រព័ន្ធ​លូ​សំណល់រាវ​ និង​ទឹកភ្លៀង​ដាច់ដោយឡែក​ពីគ្នា​ និង​ត្រូវ​រៀបចំ​អាង​សិប​ទិ​កឱ្យ​សមស្រប​ទៅ​នឹង​ចំនួន​បុគ្គលិក​-កម្មករ​ផង​ដែរ​។

បន្ថែម​ពីនេះ​ ត្រ​វមាន​ឧបករណ៍​ការពារ​សុវត្ថិភាព​ឱ្យ​បាន​គ្រប់គ្រាន់​ដូចជា​ ​ម៉ាស​ វ៉ែនតា​ ស្រោមដៃ​ ប្រដាប់​ការពារ​សំឡេង​ និង​ណែនាំ​ដល់​បុគ្គលិក​-កម្មករ​ ឱ្យ​ប្រើប្រាស់​ជាប្រចាំ​ពេល​បំពេញការងារ​ និង​ចុះបញ្ជី​ ប.ស.ស​ ឱ្យ​បាន​គ្រប់​ៗគ្នា​។

ការសម្រេច​ និង​គាំទ្រ​ពីសំណាក់​រដ្ឋាភិបាល​ទៅលើ​គម្រោង​ផលិតកម្ម​របស់​រោងចក្រ​ផលិត​គ្រឿង​សង្ហា​រឹម​មួយ​នេះ​ នឹង​ចូលរួម​ជួយ​ជំរុញ​ឱ្យ​សេដ្ឋកិច្ច​ក្នុង​តំបន់​មាន​ភាពល្អ​ប្រសើរ​ ជាពិសេស​បាន​ជំរុញ​ឱ្យ​តម្លៃ​ដីធ្លី​នៅ​ទីផ្សារ​ល្អ​ ៕

ដោយ ​វុត្ថ

​ភ្នំពេញ​៖ អគ្គនាយក​ដ្ឋាន​ពន្ធ​ដា​ បាន​ប្រមូល​ពន្ធ​តាមរយៈ​ប្រព័ន្ធ​គ្រប់គ្រង​ទិ​ន្ន័​យចំណូល​អន​ឡា​ញក្នុ​ងរ​យៈ​ពេល៩​ ខែ​ ឆ្នាំ​ ២០១៩​ នេះ​ ​បាន​ចំនួន​ ៨៧៣៤​, ៧០​ ប៊ី​លាន​រៀល​ ស្មើនឹង​ប្រមាណ​ ២១៨៣​, ៦៨​ លាន​ដុល្លារ​អាមេរិក​ ស្មើនឹង​ ៩៥,៤២​ % នៃ​ផែនការ​ប្រចាំឆ្នាំ​។

បើ​យោង​តាម​របាយការណ៍​របស់​អគ្គនាយក​ដ្ឋាន​ពន្ធដារ​ បានឱ្យ​ដឹង​កាលពី​ម្សិលមិញ​នេះ​ថា​ បើ​ធៀប​នឹង​រយៈពេល​ដូ​គ្នា​នៃ​ ឆ្នាំ​ ២០១៨​ ចំណូល​ពន្ធ​-អាករ​កើនឡើង​ចំនួន​ ១៩៦៨,៣៤​ ប៊ី​លាន​រៀល​ ប្រមាណ៤៩២,០៩​ លាន​ដុល្លារ​អាមេរិក​ ស្មើនឹង​ ២៩,០៩​%។

របាយការណ៍​ដដែល​បញ្ជាក់​ថា​ ក្នុងរយៈពេល៩​ ខែ​ ឆ្នាំ​ ២០១៩នេះ​ ប្រភេទ​ពន្ធ​សំ​ខាន់​ៗ ដែល​រួមចំណែក​ដល់​កំណើន​ចំណូល​ពន្ធ​មានការ​កើនឡើង​គួរ​ឱ្យ​កត់សម្គាល់​ បើ​ធៀប​នឹង​រយៈពេល​ដូចគ្នា​ក្នុង​ឆ្នាំ​ ២០១៨​ ក្នុង​នោះ​រួមមាន​អាករ​លើ​តម្លៃបន្ថែម​ (VAT​) កើនឡើង​ ៣៣,០៥​% ពន្ធ​លើ​ប្រាក់ចំណូល​កើន​ឡើន​ ២៦,០៥​ % អាករ​ពិសេស​កើនឡើង​ ២៦,៥០​ % ​ពន្ធលើប្រាក់បៀវត្ស​កើនឡើង​ ១៦,៦៦​% និង​ពន្ធ​លើ​ឈ្នួល​ផ្ទះ​ និង​ដី​កើនឡើង​ ៧០,៣៣​ %។

របាយការណ៍​ដដែល​បញ្ជាក់​ទៀ​ថា​ សម្រាប់​ខែកញ្ញា​ ឆ្នាំ​ ២០១៩​ កន្លងមក​នេះ​ អគ្គនាយក​រដ្ឋា​នព​ន្ធ​ដារ​បាន​ប្រមូល​ពន្ធ​បាន​ប្រមាណ​ ៩២៨,២៥​ ប៊ី​លាន​រៀល​ ប្រមាណ​ ២៣២,០៦​ លាន​ដុល្លារ​អាមេរិក​ ​ស្មើនឹង​ ១០,១៦​% នៃ​ផែ​កា​រប្រ​ចំា​ឆ្នាំ​។

បើ​ធៀប​នឹង​រយៈពេល​ដូចគ្នា​នៃ​ឆ្នាំ​ ២០១៨​ កើនឡើង​ប្រមាណ​ ១៧៥,០៨​ ប៊ី​លាន​រៀន​ ប្រមាណ៤៣,៧៧​ លាន​ដុល្លារ​អាមេរិក​ ស្មើនឹង​ ២៣,២៥​ %។

លោក​ គង់​ វិបុល​ អគ្គនាយក​នៃ​អគ្គនាយក​ដ្ឋាន​ពន្ធដារ​បានឱ្យ​ដឹង​ដែរ​ថា​ សម្រាប់​ចំណូល​ពន្ធ​ក្នុង​ខែកញ្ញា​ ឆ្នាំ​ ២០១៩​ នេះ​ អគ្គនាយក​ដ្ឋាន​ពន្ធដារ​ប្រមូល​បាន២៣២,០៦​ លាន​ដុល្លារ​អាមេរិក​ គឺជា​ឯក​ត្ត​ទក​ម្ម​ថ្មី​មួយទៀត​ ដែល​ពុំ​ធ្លាប់​មាន​ ព្រោះ​ខែកញ្ញា​ ធ្លាប់តែ​ជា​ខែ​ដែល​ប្រមូល​ចំណូល​ពន្ធ​មានកម្រិត​ទាប​នៅ​ឆ្នាំ​មុន​ៗលោក​បន្ត​ថា​ការសម្រេច​បាន​នូវ​កំណើន​ប្រកប​ដោយ​នវានុ​វត្ត​ និង​និរន្តរភាព​ គឺ​អាស្រ័យ​ដោយ​ការអនុវត្ត​កំណែ​ទម្រ​ងរ​ដ្ឋ​បាល​សារពើពន្ធ​ និង​ការ​ធ្វើ​ទំនើបកម្ម​ប្រព័ន្ធ​ពន្ធដារ​ជាពិសេស​វិធាន​កា​រថ្មីៗ​ របស់​អគ្គនាយក​ដ្ឋាន​ពន្ធដារ​៕

ដោយៈ​ រ៉ា​ណេត​

រតន​គី​រីៈ​ គម្រោង​សិក្សា​ស្វែ​ករុ​ករ​ករ៉ែ​លោហៈ​ថ្មី​មួយទៀត​ នៅ​លើ​ផ្ទៃដី​ទំហំ២៣៥​ គីឡូម៉ែត្រ​ការ៉េ​ ស្ថិតនៅ​ក្នុង​ខេត្ត​រតនៈ​គីរី​ ពីសំណាក់​ក្រុមហ៊ុន​អង្គរ​ ហ្គោល​ ខប​ (ខេម​បូ​ឌា​) ត្រូវ​បាន​រដ្ឋាភិបាល​សម្រេច​គាំទ្រ​ និង​អនុញ្ញា​ឱ្យធ្វើ​សកម្មភាព​អាជីវកម្ម​ស្របច្បាប់​ហើយ​។

បន្ទាប់ពី​បាន​ឆ្លងកាត់​នូវ​កិច្ចប្រជុំ​អន្តរក្រសួង​ ដឹកនាំ​ដោយ​លោកស្រី​ព្រំ​ សុភី​ អនុរដ្ឋ​លេខាធិការ​ក្រសួងបរិស្ថាន​ រួម​ជាមួយនឹង​មន្ត្រី​ជំនាញ​ និង​ថ្នាក់ដឹកនាំ​ក្រសួង​ ព្រមទាំង​ស្ថាប័ន​ដែល​ពាក់ព័ន្ធ​មួយចំនួន​ទៀត​ នៅ​ទីស្ដីការ​ក្រសួងបរិស្ថាន​ កាលពី​ថ្ងៃទី១៨​ ខែតុលា​ ឆ្នាំ២០១៩កន្លងមក​នេះ​ បានសម្រេច​ជា​លទ្ធផល​បង្ហាញ​ពី​ការ​គាំទ្រ​ និង​សម្រេច​ឱ្យ​ក្រុមហ៊ុន​ ដែល​ជា​ម្ចាស់​គម្រោង​ចាប់​ប្រតិបត្តិ​ការ​លើ​អាជីវកម្ម​បាន​ ប៉ុន្តែ​ត្រូវ​គោរព​ទៅតាម​គោលការណ៍​ និង​ការគ្រប់គ្រង​ដោយ​ច្បាប់​ជាធរមាន​។

ទីតាំង​ដែល​ស្ថិតនៅ​ក្នុង​គម្រោង​ខាងលើ​នេះ​ មាន​ថ្ទៃ​ដី​ទំហំ២៣៥គីឡូម៉ែត្រ​ ស្ថិតនៅ​ស្រុក​អូរយ៉ាដាវ​ ស្រុក​លំផាត់​ ខេត្ត​រតនៈ​គីរី​ ដោយមាន​ក្រុមហ៊ុន​ អង្គរ​ ហ្គោល​ ខប​ (ខេម​បូ​ឌា​) ជា​ម្ចាស់​គម្រោង​ និង​សិក្សា​រៀបចំ​ឯកសារ​ដោយក្រុម​ហ៊ុន​ប្រឹក្សា​ PPIC​ Co​,.Ltd​។

ជា​រួម​កិច្ចប្រជុំ​ បានសម្រេច​លទ្ធផល​ដូច​ខាងក្រោម​ ទី​ ១-អង្គប្រជុំ​គាំទ្រ​គម្រោង​សិក្សា​ស្វែង​រុករក​រ៉ែ​លោហៈ​ លើ​ផ្ទៃដី​ទំហំ២០០គីឡូម៉ែត្រ​ការ៉េ​ ឱ្យ​ស្របតាម​អនុក្រឹត្យ​លេខ៧២​ អន​ក្រ.បក​ ចុះ​ថ្ងៃទី០៥​ ខែឧសភា​ ឆ្នាំ២០១៦​ ស្តី​ពី​ការគ្រប់គ្រង​អាជ្ញា​បណ្ណ​ស្វែង​រុករក​ និង​អាជ្ញា​បណ្ណ​ឧស្សាហកម្ម​ អាជីវកម្ម​ធនធាន​រ៉ែ​របស់ក្រ​សួង​រ៉ែ​ និង​ថាមពល​ និង​ដើម្បី​ជា​ការជំរុញ​សេដ្ឋកិច្ច​ និង​គាំទ្រ​ ដល់​គោលនយោបាយ​ជាតិ​ ទី២​-គម្រោង​នេះ​ គឺជា​មូលដ្ឋាន​ផ្តល់​នូវ​ ទិន្នន័យ​នៃ​សក្កា​នុ​ពល​រ៉ែ​ក្នុង​តំបន់​ដែល​ជា​ព័ត៌មាន​សម្រាប់​រាជរដ្ឋាភិបាល​ ធ្វើ​ ការសម្រេច​ចិត្ត​នៅ​ថ្ងៃខាងមុខ​។

ទី៣​-ទីតាំង​គម្រោង​គ្រប​ដណ្តប់​ទៅលើ​តំបន់​ការពារ​ (ឧទ្យានជាតិ​អូ​យ៉ា​ដាវ​ និង​តំបន់​របៀង​អភិរក្ស​ជីវៈ​ចម្រុះ​ឦសាន​) ដែល​ទាមទារ​ឱ្យ​ក្រុមហ៊ុន​ត្រូវ​គោរព​ ទៅតាម​បទដ្ឋាន​បច្ចេកទេស​ ដែល​កំណត់​ដោយ​ក្រសួងបរិស្ថាន​ និង​ត្រូវ​សហការ​ជាមួយ​មន្ទីរ​បរិស្ថាន​ខេត្តរតនគិរី​ និង​តំបន់​ឧទ្យានជាតិ​អូ​យ៉ា​ដាវ​ និង​អាជ្ញាធរ​មូលដ្ឋាន​ឱ្យ​បាន​ជិត​ស្និត​ពេល​ចុះ​សិក្សា​។ ៤-ក្រុមហ៊ុន​ទីប្រឹក្សា​ ត្រូវ​ធ្វើការ​ផ្សព្វផ្សាយ​ដល់​ប្រជាពលរដ្ឋ​ នៅ​មូលដ្ឋាន​ឱ្យ​បាន​ទូលំទូលាយ​អំពី​វត្តមាន​ របស់​គម្រោង​ទាំង៥ដំណាក់កាល​ នៃ​ការសិក្សា​ស្វែង​រុករក​រ៉ែ​លោហៈ​ ឱ្យ​ប្រជាជន​បាន​យល់​ពី​នីតិវិធី​ និង​បច្ចេកទេស​ ព្រមទាំង​ភ្ជាប់​របាយការណ៍​ ដែល​មានការ​គាំទ្រ​ពី​មូលដ្ឋាន​ ក្នុង​របាយការណ៍​នេះ​ និង​ត្រូវ​ដោះស្រាយ​ការ​ប៉ះពាល់​ដីធ្លី​ជាមួយ​ប្រជាជន​ និង​ក្រុមហ៊ុន​ដីសម្បទាន​សេដ្ឋកិច្ច​ឱ្យ​បាន​ត្រឹមត្រូវ​ជាដើម​៕

ដោយ ​វុត្ថា​

ខេ​ត្ត​កំពតៈ​ ក្រុមហ៊ុន​វិនិយោគ​មក​ពី​ប្រទេស​សឹង្ហ​បុរី​ និង​ប្រទេស​ម៉ាឡេស៊ី​បាន​បង្ហាញ​ពី​មាន​គោលបំណង​របស់​ខ្លួន​ ក្នុង​ការ​វិនិយោគ​ផលិត​អគ្គិសនី​ តាម​រយះ​ការកែច្នៃ​ពី​សំរាម​ និង​ពី​ពន្លឺ​ព្រះអាទិត្យ​ ការ​ចម្រុះ​ទឹក​កខ្វក់​ ការបង្កើត​ប្រព័ន្ធ​បច្ចេកវិទ្យា​ក្នុង​នៅក្នុង​ខេត្តកំពត​។

តំណាង​ក្រុមហ៊ុន​ទាំង​ក្រុមហ៊ុន​នី​មួយ​ៗ នៅក្នុង​ជំនួប​ជាមួយ​លោក​ជាវ​ តាយ​ អភិបាលខេត្ត​កំពត​កាលពី​ថ្ងៃទី​ ១៧​ ខែតុលា​ឆ្នាំ​ ២០១៩​ ដោយ​បាន​បង្ហាញ​ពី​គោលបំណង​នៃ​គម្រោង​វិនិយោគ​ នៅ​ខេត្តកំពត​ ក៏ដូចជា​ បទពិសោធន៍​អនុវត្ត​គម្រោង​ជោគជ័យ​នៅ​ប្រទេស​ផ្សេង​ៗ។

លោក​ជាវ​ តាយ​អភិបាលខេត្ត​កំពត​បាន​សម្តែង​ការ​គាំទ្រ​ និង​រីករាយ​ដែល​ក្រុមហ៊ុន​ មានបំណង​ចង់​វិនិយោគ​ នៅ​ខេត្តកំពត​ ព្រោះ​ខេត្តកំពត​គឺជា​ខេត្ត​មួយ​កំពុង​អភិវឌ្ឍន៍​ ដែល​ត្រូវការ​ចាំបាច់​ ការចូលរួម​វិនិយោគ​របស់​ក្រុមហ៊ុន​នានា​បន្ថែម​ទៀត​។ ជាពិសេស​ការ​វិ​និ​យោ​គបំ​លែង​សំរាម​ជា​អគ្គិសនី​ គឺជា​ការចូលរួម​សំអាត​អនាម័យ​ បរិស្ថាន​ក្នុង​ខេត្ត​។

អភិបាលខេត្ត​រូប​នេះ​ ក៏បាន​ស្នើ​ក្រុមហ៊ុន​ត្រលប់​ ទៅ​ធ្វើ​គម្រោង​លម្អិត​ឲ្យ​ច្បាស់លាស់​ម្តង​ទៀត​ ដើម្បី​ពិភាក្សា​គ្នា​នៅពេល​ក្រោយ​ ហើយ​រដ្ឋបាល​ខេត្ត​នឹង​ព្យាយាម​ជួយ​ឲ្យអស់​ពី​លទ្ធភាព​ ដើម្បី​សម្រួល​ដំណើរការ​វិនិយោគ​ឲ្យបាន​ជោគជ័យ​។

ក្រុមហ៊ុន​វិនិយោគ​ មក​ពី​ប្រទេស​សឹង្ហ​បុរី​ និង​ប្រទេស​ម៉ាឡេស៊ី​ទាំងនេះ​ កាលពី​កន្លងមក​ ក៏​មានបំណង​វិនិយោគ​លើ​ការកែច្នៃ​សំរាម​ ផលិត​ជា​ថាមពល​អគ្គិសនី​ នៅ​ខេ​ត្ដ​ព្រះសីហនុ​ផង​ដែរ​ ​ព្រោះ​មើលឃើញ​មានសន្ទុះ​កើនឡើង​ សំរាម​ក៏​វា​មានការ​កើនឡើង​ផង​ដែរ​។

ទន្ទឹម​នឹង​ការកែច្នៃ​សំរាម​ ក្រុមហ៊ុន​ទាំងនេះ​ ក៏​មាន​គម្រោង​វិនិយោគ​ជីវ​ឥន្ធនៈ​នៅ​ខេត្ត​ព្រះសីហនុ​ ដោយក្រុម​ហ៊ុន​ (ម៉ាឡេស៊ី​) និង​គម្រោង​អភិវឌ្ឍន៍​កំពង់ផែ​ទូក​ទេសចរណ៍​ទំនើប​ ដោយក្រុម​ហ៊ុន​ (ប្រទេស​សិង្ហបុរី​)។ ជាមួយគ្នា​នេះ​ ក្រុមហ៊ុន​ក៏​កំពុង​ដាក់​ឱ្យ​ដំណើរការ​នៅ​ប្រទេស​ថៃ​ ទទួល​បាន​ជោគជ័យ​ និង​កំពុង​បង្កើត​រោងចក្រ​ផលិត​អគ្គិសនី​ ចេញពី​សំរាម​នៅក្នុង​ប្រទេស​ឡាវ​៕