តើអ្នកណាជាមហាសេដ្ឋីចំនួន៥រូប ដែលមានជាងគេនៅតំបន់អាស៊ី?

August 19, 2019

ដោយ វុត្ថា

ភ្នំពេញៈ មហាសេដ្ឋីដែលមានជាងគេបំផុតនៅអាស៊ី គិតត្រឹមឆ្នាំ២០១៩នេះមានចំនួន៥រូប ដែលបាននឹងកំពុងមានឥទ្ធិពល នៅក្នុងតំបន់អាស៊ី។ ខាងក្រោមនេះ គឺមហាសេដ្ឋី ដែលមានជាងគេបំផុតនៅក្នុងតំបន់អាស៊ី ហើយមានលុយរយពាន់លានដុល្លារលើអាជីវកម្មរបស់ខ្លួន។

១) មហាសេដ្ឋី Jack Ma

លោក Jack Ma ជាមហាសេដ្ឋីជំនួញជនជាតិចិន និងជាស្ថាបនិកក្រុមហ៊ុន Alibaba Group ។ លោកត្រូវបានគេបដិសេធមិនអោយធ្វើការនៅក្នុង KFC មិនអោយចូលរៀននៅសាលា Harvard និងឱកាសជាច្រើនទៀត ។ មហាសេដ្ឋីរូបនេះ មានឥទ្ធិពលបំផុតនៅក្នុងតំបន់អាស៊ី និងគួឱ្យគោរពបំផុត។

បច្ចុប្បន្ននេះលោក Jack Ma មានទ្រព្យសម្បត្តិប្រមាណ ៣៨,២ ពាន់លានដុល្លារ។

លោកបាននិយាយថា “ខ្ញុំចង់ផ្លាស់ប្តូរប្រវត្តិសាស្ត្រ និងធ្វើអ្វីដែលសំខាន់នៅក្នុងជីវិតរបស់ខ្ញុំ និងមានឥទ្ធិពលលើបុគ្គល ដូចជា យើងមានអាជីវកម្មខ្នាតតូចជាមួយលុរាប់លាននៅលើក្រុមហ៊ុន Alibaba”។ លោកបន្តថា “បន្ទាប់មកពួកគេស្រឡាញ់និងគោរពអ្នកពីព្រោះអ្នកបានធ្វើឱ្យជីវិតរបស់ពួកគេមានសារៈសំខាន់។

២) មហាសេដ្ឋី Hui Ka Yan

លោក Hui Ka Yan ជាអ្នកជំនួញដ៏ល្បីជនជាតិចិន ហើយជាប្រធានក្រុមហ៊ុន Evergrande ដែលជាក្រុមហ៊ុនអភិវឌ្ឍន៍អចលនទ្រព្យចិន។ មហាសេដ្ឋីរូបនេះ ត្រូវបានគេចាត់ទុកប្រដូចលោក ជាលោក Donald Trump ប្រចាំនៅក្នុងប្រទេសចិន។ លោក Hui Ka Yan គឺជាបុរសមានជាងគេបំផុតនៅអាស៊ី ដែលមានទ្រព្យសម្បត្តិសុទ្ធចំនួន ៣៨,១ពាន់លានដុល្លារ។

៣) មហាសេដ្ឋី Ma Hueteng

លោក Ma Hueteng ជាសហគ្រិនអ៊ីនធើណេតចិន។ លោកគឺជាស្ថាបនិក និងជានាយកប្រតិបត្តិរបស់ក្រុមហ៊ុនTencent ដែលជាក្រុមហ៊ុនអ៊ីនធើណេតធំជាងគេមួយនៅក្នុងប្រទេសចិន។ ក្រុមហ៊ុន Tencent គ្រប់គ្រងសេវាកម្មផ្ញើសារតាមទូរស័ព្ទចល័តធំបំផុតរបស់ចិន។

ក្នុងរយៈពេលប៉ុន្មានឆ្នាំចុងក្រោយនេះ លោក Hueteng បានបង្ហាញមុខពីរដងនៅក្នុងបញ្ជីនៃមនុស្ស ដែលមានឥទ្ធិពលបំផុតនៅលើពិភពលោក ហើយបច្ចុប្បន្នលោកគឺជាបុរសមានបំផុតទី៣ ទាំងនៅក្នុងប្រទេសចិន និងអាស៊ី។ លោកមានទ្រព្យសម្បត្តិសរុបប្រមាណ ៣៧,៩ ពាន់លានដុល្លារ។

៤) មហាសេដ្ឋី Mukesh Ambani

លោក Mukesh Ambani គឺជាមហាសេដ្ឋីជំនួញឥណ្ឌា។ បច្ចុប្បន្នជាប្រធាននាយកគ្រប់គ្រង និងជាម្ចាស់ភាគហ៊ុនដ៏ធំនៃក្រុមហ៊ុន Reliance Industries Limited ។ ក្រុមហ៊ុន RIL ត្រូវបានដាក់បញ្ចូលក្នុងបញ្ជី Fortune Global 500 ហើយក៏មានតម្លៃទីផ្សារខ្ពស់ជាងក្រុមហ៊ុនដទៃទៀតនៅក្នុងប្រទេសឥណ្ឌាផងដែរ។

លោក Mukesh បានជាប់ក្នុងបញ្ជីអ្នកមានបំផុតនៅអាស៊ី ដែលមានទ្រព្យសម្បត្តិសុទ្ធជិត ៣៥ ពាន់លានដុល្លារ។

លោកថា “ខ្ញុំមិនគិតថាមហិច្ឆតាមិនគួរមាន នៅក្នុងវចនានុក្រមសហគ្រិនទេ។ ប៉ុន្តែមហិច្ឆតារបស់យើងគួរតែមានភាពប្រាកដនិយម។ អ្នកត្រូវតែដឹងថាអ្នកមិនអាចធ្វើអ្វីគ្រប់យ៉ាងបានទេ។

៥) លោក Li-Ka Shing

លោក Li-Ka Shing ជាអ្នកមានបំផុតនៅហុងកុង និងជាអ្នកមានបំផុតម្នាក់នៅអាស៊ី ដែលមានទ្រព្យសម្បត្តិសុទ្ធមិនគួរឱ្យជឿចំនួន ៣៣,៩ ពាន់លានដុល្លារ។

លោក Li-Ka Shing ជាជំនួញ និងអ្នកវិនិយោគលើវិស័យអចលនទ្រព្យដ៏ធំផុត។ បច្ចុប្បន្នលោកជាប្រធានក្រុមប្រឹក្សាភិបាលរបស់ក្រុមហ៊ុន CK Hutchison Holdings ដែលជាអ្នកវិនិយោគកំពង់ផែឈានមុខគេលើការអភិវឌ្ឍន៍ និងប្រតិបត្តិករទូទាំងពិភពលោក។

ក្រុមហ៊ុននេះក៏មានហាងលក់រាយថ្នាំសុខភាព និងសម្រស់ធំជាងគេនៅអាស៊ីនិងអឺរ៉ុប៕

សម្តេចតេជោស្នើឱ្យវៀតណាមជំរុញកំណើនវិនិយោគផ្ទាល់មកកម្ពុជាឱ្យបានច្រើនជាង ៥ពាន់លានដុល្លារ

August 19, 2019

0

ដោយៈ រ៉ាណេត

ភ្នំពេញៈ សម្តេចតេជោ ហ៊ុន សែននាយករដ្ឋមន្ត្រីកម្ពុជាបានស្នើសុំនិងលើកទឹកចិត្តដល់រដ្ឋាភិបាលប្រទេសវៀតណាម ជួយជំរុញការបណ្តាក់ទុនវិនិយោគបានជាង៥០០០លានដុល្លារ ដើម្បីលើកកម្ពស់វិស័យពាណិជ្ជកម្មនៃប្រទេសទាំងពីរឱ្យកាន់តែល្អប្រសើរ។

សម្ដេចតេជោ ហ៊ុន សែន ប្រមុខដឹកនាំរាជរដ្ឋាភិបាលកម្ពុជា បានមានប្រសាសន៍ក្នុងជំនួបជាមួយលោក ង្វៀន វ៉ាន់ណេន លេខាធិការមជ្ឈិមបក្ស និងជាប្រធានខុទ្ទកាល័យមជ្ឈិមបក្សកុម្មុយនិស្តវៀតណាមកាលពីព្រឹកថ្ងៃទី១៩ ខែសីហា ឆ្នាំ២០១៩នេះថា កិច្ចទំនាក់ទំនងរវាងកម្ពុជា វៀតណាម គឺមានភាពជិតស្និទ្ធ និងយូរអង្វែងមកហើយ ហើយការធ្វើពាណិជ្ជកម្មទ្វេភាគីរវាងប្រទេសទាំងពីរក៏មានទំហំធំធេងផងដែរ។

សម្ដេចក៏បានមានប្រសាសន៍អំពី ស្ថានភាពសេដ្ឋកិច្ចនៅក្នុងប្រទេសកម្ពុជា គឺស្ថិតនៅក្នុងភាពរឹងមាំ ក្នុងរយៈពេលប៉ុន្មានឆ្នាំនេះគឺស្ថិតនៅក្នុងរង្វង់៧ភាគរយ ហើយសម្តេច តេជោ ក៏បានមានប្រសាសន៍អំពីការធ្វើកំណែទម្រង់រយៈពេលនេះ និងរយៈពេលទៅមុខ ហើយកម្ពុជានឹងខិតខំធ្វើយ៉ាងណាពង្រីកទំនាក់ទំនង ក៏ដូចជាកិច្ចសហប្រតិបត្តិការនៃប្រទេសទាំងពីរ ដើម្បីពង្រីកទំហំពាណិជ្ជកម្មឱ្យបានច្រើនជាងលទ្ធផល ដែលទទួលបាននាពេលបច្ចុប្បន្ននេះ។

ជាកិច្ចឆ្លើយតប លោក ង្វៀន វ៉ាន់ណេន បានបង្ហាញពីក្ដីរីករាយក្នុងភាពសហការជាដៃគូរវាងប្រទេសទាំង២ ហើយក៏ទទួលស្គាល់ពីភាពរីកចម្រើន និងការអភិវឌ្ឍយ៉ើាងឆាប់រហ័សរបស់កម្ពុជាផងដែរ។ ជាមួយគ្នានេះ លោកក៏បានសន្យាពាំនាំនូវគោលបំណងដែលរដ្ឋាភិបាលកម្ពុជាលើកឡើង ទៅធ្វើការផ្សព្វផ្សាយបន្តនៅក្នុងប្រទេសវៀតណាម ដើម្បីជំរុញទឹកចិត្ត អ្នកវិនិយោគឱ្យមកចាប់អារម្មណ៍ចាប់ដៃគូជាមួយកម្ពុជាបន្ថែមទៀត។

អនុប្រធានសភាពាណិជ្ជកម្មកម្ពុជា លោកឧកញ៉ា លឹម ហេង បានមានប្រសាសន៍ប្រាបតាមទូរស័ព្ទនៅថ្ងៃជាមួយគ្នានេះផងដែរថា បច្ចុប្បន្ននេះវិស័យពាណិជ្ជកម្មទ្វេភាគីរវាងវៀតណាម និងកម្ពុជា ដែលស្ថិតលំដាប់កំពូលគឺវិស័យកសិកកម្ម ហើយក្រៅពីនេះគឺវិស័យទេសចរណ៍ ដែលឈរនៅបន្ទាប់ពីចិន។ លោកឧកញ៉ាបានបន្តទៀតថា ការវិនិយោគដោយផ្ទាល់ នៅក្នុងវិស័យកសិកម្មរបស់វៀតណាមនៅកម្ពុជា គឺដំណាំកៅស៊ូ ហើយចំពោះការនាំចេញពីកម្ពុជា ដោយត្រង់ទៅកាន់វៀតណាម គឺមានដំណាំស្រូវ និងដំឡូង។

លោកឧកញ៉ាបានបន្តទៀតថា កាលពីខែកក្កដាកន្លងទៅនេះ មានគណៈប្រតិភូធុរៈកិច្ចមួយក្រុម ដែលសម្របសម្រួលដោយសមាគមពាណិជ្ជកម្ម វៀតណាមប្រចាំនៅកម្ពុជា បានចូលជួបពិភាក្សាការងារ និងស្វែងរកឱកាសវិនិយោគសហការជាដៃគូជាមួយកម្ពុជា ហើយជាលទ្ធផល យើងទទួលបានផ្លែផ្កាមួយចំនួនពាក់ព័ន្ធ ទៅនឹងការសម្រេចចិត្តចាប់ជាដៃគូជាមួយគ្នា។

លោកឧកញ៉ាលឹម ហេងបានបន្តទៀតថា “ការធ្វើជំនួញជាដៃគូរក្នុងវិស័យឯកជនរវាងប្រទេសទាំង២គឺជារឿងមួយ ប៉ុន្តែនៅពេលដែលមានការជួយជ្រោមជ្រែងពីសំណាក់រាជរដ្ឋាភិបាលក្នុងការស្វែងរកឱកាស និងទីផ្សារ គឺកាន់តែជួយបន្ថែមកម្លាំងនៅក្នុងវិស័យមួយនេះឱ្យកាន់តែមានភាពខ្លាំងក្លា”៕

ប្រទេសចិនកាត់បន្ថយឥទ្ធិពលហុងកុង ដោយជ្រើសរើសទីក្រុងសិនជិនជាមជ្ឈមណ្ឌលពាណិជ្ជកម្មពិភពលោក

August 19, 2019

0

ដោយ Donald Lee

ភំពេញៈ រដ្ឋាភិបាលចិនបានបង្ហាញផែនការ ដើម្បីអភិវឌ្ឍទីក្រុងសិនជិន ដែលជាទីក្រុងរីកដុះដាលនៅខេត្ត ក្វាងទុង និងបានចាត់ទុក “Silicon Valley of China” ទៅជាមជ្ឈមណ្ឌលពាណិជ្ជកម្ម និងហិរញ្ញវត្ថុសកល ដែលនឹងរួមបញ្ចូលនិងជំនួសហុងកុងនាពេលអនាគត។

ក្រុមប្រឹក្សារដ្ឋចិនបានចេញសេចក្តីណែនាំ ១៩ចំណុច របស់ទីក្រុងសិនជិនកាលពីថ្ងៃអាទិត្យ ដែលមានចំណងជើងថា “គោលការណ៍ណែនាំស្តីពី ការគាំទ្រដល់ទីក្រុងសិនជិន “ក្នុងការកសាងតំបន់បាតុកម្មសាកល្បងនៃសង្គមនិយម ” ជាមួយនឹងចរិតចិន។ នេះបើយោងតាមកាសែត People Daily។

ផែនការនេះនឹងផ្តោតសំខាន់លើការអភិវឌ្ឍតំបន់ក្វាងទុង ហុងកុង និងម៉ាកាវ។ ដូចដែលឈ្មោះបានបង្ហាញថា ចិនមានផែនការបញ្ចូលខេត្តក្វាងទុង ជាមួយនឹងទីក្រុងហុងកុង និងម៉ាកាវ។

របាយការណ៍របស់រដ្ឋាភិបាលចិនបានឲ្យដឹងថា “ផ្ទះរបស់ប្រជាជនចំនួន ៧១,១៦លាននាក់តំបន់ Greater Bay និងមានផលិតផលក្នុងស្រុកសរុប (GDP) ចំនួន ១,៦ទ្រីលានដុល្លារនៅក្នុងឆ្នាំ២០១៨ ដែលជាចំនួនខ្ពស់លំដាប់ទីបីក្នុងពិភពលោក បន្ទាប់ពីតំបន់ឆ្នេរសមុទ្រតូក្យូ និងតំបន់ទីក្រុងញូវយ៉ក។

ការចេញផ្សាយផែនការយុទ្ធសាស្ត្រតំបន់ The Greater Bay គឺកើតឡើង នៅពេលដែលទីក្រុងហុងកុង ត្រូវបានជាប់គាំងការតវ៉ាជាង១១ សប្តាហ៍ដែលថ្មីៗនេះដែលបានឈានដល់អំពើហឹង្សាទាំងស្រុង និងការបិទអាកាសយានដ្ឋានអន្តរជាតិហុងកុង ដែលជាមណ្ឌលដឹកជញ្ជូនដ៏មមាញឹកបំផុតមួយនៅលើពិភពលោក។

លោក Tian Feilong អ្នកជំនាញកិច្ចការហុងកុងនៅសាកលវិទ្យាល័យ Beihang ក្នុងទីក្រុងប៉េកាំងបាននិយាយថា “ហុងកុងមិនសមនឹងទទួលតួនាទីសំខាន់ សម្រាប់យុទ្ធសាស្ត្រតំបន់ Greater Bay ហើយតុលាការនឹងនៅទីក្រុងដីគោក។

ទីក្រុងសិនជិន បានផ្លាស់ប្តូរពីភូមិនេសាទជនបទមួយ ទៅជាទីក្រុងផលិតកម្ម និងបច្ចេកវិទ្យាដ៏ធំមួយ ហើយត្រូវបានគេស្គាល់ថាជា «តំបន់ Silicon Valley» របស់ចិន ដោយសារតែការចាប់ផ្តើមបច្ចេកវិទ្យាទំនើប ហើយក្រុមហ៊ុនបច្ចេកវិទ្យាយក្សមានទីស្នាក់ការធំនៅក្នុងទីក្រុងនេះ មានដូចជា ក្រុមហ៊ុន Tencent Holdings Limited និងក្រមហ៊ុន Huawei Technologies។

របាយការណ៍របស់រដ្ឋាភិបាល ដែលបានចេញផ្សាយនៅកាសែត People’s Daily បានឲ្យដឹងថា “ទីក្រុងសិនជិន នឹងធ្វើជាគំរូមួយសម្រាប់ប្រជាជននៅហុងកុង និងទីក្រុងក្នុងតំបន់ផ្សេងទៀតស្តីពី វិធីធ្វើសមាហរណកម្មគោលនយោបាយ និងយន្តការក្នុងតំបន់ឱ្យកាន់តែប្រសើរឡើងដើម្បីអភិវឌ្ឍប្រទេសជាតិ។

សេចក្តីរាយការណ៍បានបន្ថែមទៀតថា “ហុងកុងនឹងទទួលបានអត្ថប្រយោជន៍នៅពេលទីក្រុងសិនជិនរីកលូតលាស់ ទៅជាទីក្រុងឈានមុខគេលើពិភពលោក ព្រោះអ្នកជំនាញនានានៅទីក្រុងសិនជិន ក៏អាចធ្វើអាជីវកម្មនៅហុងកុងផងដែរ”៕

អានបន្ត៖ ទីផ្សារសាកលបន្តធ្លាក់ចុះ ខណៈចិនហ៊ានឲ្យអាមេរិកអនុវត្តពន្ធគយ

រដ្ឋាភិបាលកំពុងពិនិត្យសំណើគម្រោងវិនិយោគអភិវឌ្ឍន៍ទេសចរណ៍ធម្មជាតិចំនួន៤

August 19, 2019

0

ដោយ វុត្ថា

ភ្នំពេញ៖ រដ្ឋាភិបាលកម្ពុជាកំពុងបាននិងកំពុងពិនិត្យវាយតម្លៃលើសំណើសុំវិនិយោគអភិវឌ្ឍន៍ទេសចរណ៍ធម្មជាតិ លើទំហំដីមិនលើសពី ១០ហិកតា ចំនួន ៤គម្រោង ស្ថិតក្នុងឧទ្យានជាតិព្រះមុនីវង្ស (បូកគោ) ភូមិសាស្ត្រខេត្តកំពត និងឧទ្យានជាតិព្រះសីហនុ(រាម) ខេត្តព្រះសីហនុ។

លោក នេត្រ ភក្ត្រា អ្នកនាំពាក្យក្រសួងបរិស្ថានបានឱ្យដឹងតាមទូរស័ព្ទនាព្រឹកថ្ងៃទី១៩ សីហាកន្លងមកថា គម្រោងស្នើសុំវិនិយោគអភិវឌ្ឍន៍ទេសចរណ៍ធម្មជាតិ ចំនួន៤នេះ ជាគម្រោងរបស់ក្រុមហ៊ុនឯកជន ក្នុងការអភិវឌ្ឍន៍តំបន់អេកូទេសចរណ៍ ដែលរដ្ឋាភិបាល តាមរយៈក្រសួងជំរុញឱ្យមានការភិវឌ្ឍន៍បន្ថែមទៀត ដើម្បីឱ្យមានការអភិវឌ្ឍន៍នូវមូលដ្ឋានក៏ដូចជាការផ្តល់នូវចំណូល និងមុខរបរបន្ថែមដល់ប្រជាកសិរនៅតំបន់នេះ។

លោកបន្តថា តំបន់មួយចំនួនមានសក្តានុពលអេកូទេសចរណ៍ ដូច្នេះក្រសួងជំរុញឱ្យមានការយកចិត្តទុកដាក់ទៅលើការអភិវឌ្ឍន៍ ហើយសហគមន៍ក៏មានឱកាសចូលរួមកសាងហេដ្ឋារចនាសម្ព័ន្ធផងដែរ។

លោកនេត្រ ភក្ត្រា មិនបានបញ្ជាក់ពីឈ្មោះក្រុមហ៊ុនក្នុងស្រុក ឬក្រៅស្រុក និងមានទុនវិនិយោគក្នុងការអភិវឌ្ឍន៍គម្រោងទាំង៤នេះទេ។ តែយ៉ាងណាក៏ដោយលោកថា ក្រសួងបាននិងកំពុងពិនិត្យ ចំពោះការស្នើសុំអភិវឌ្ឍន៍លើគម្រោងទាំងនេះថា មានលក្ខណៈដែលក្រសួងតម្រូវដែរឬទេ ជាពិសេសគឺការគោរពបរិស្ថានធម្មជាតិ។

យោងតាមកិច្ចប្រជុំរបស់ក្រុមការងារក្រសួងបរិស្ថាន ដែលបានចុះពិនិត្យរួចហើយកាលចុងសប្តាហ៍កន្លងមកនេះ បានផ្តល់យោបល់លើរបាយការណ៍លទ្ធផល ដែលក្រុមការងារបានចុះសិក្សា ជាពិសេសការពិនិត្យលើសក្តានុពលទេសចរណ៍ធម្មជាតិ អភិរក្សធនធានធម្មជាតិ ការសាងសង់ហេដ្ឋារចនាសម្ព័ន្ធ ការងារគ្រប់គ្រងសំណល់រឹង-រាវ និងកំណត់នូវការប្រឈម និងផលប៉ះពាល់នានាជាមុន ដើម្បីរៀបចំរបាយការណ៍ជូនលោករដ្ឋមន្ត្រីពិនិត្យសម្រេច។

ប្រធានសមាគមទេសចរណ៍អាស៊ីប៉ាស៊ីហ្វិកប្រចាំកម្ពុជាលោកធួន ស៊ីណានបានសម្តែងការស្វាគមន៍រាល់ គម្រោងអភិវឌ្ឍន៍អភិវឌ្ឍន៍ទេសចរណ៍ធម្មជាតិទាំងអស់ នៅកម្ពុជា ព្រោះបានផ្តល់ផលប្រយោជន៍ច្រើនដល់ប្រជាសហគមន៍ ខណៈកម្ពុជានាពេលបច្ចុប្បន្ននេះ មិនទាន់សម្បូរតំបន់អេកូទេសចរណ៍ច្រើននៅឡើយទេ។

តែយ៉ាងណាក៏ដោយលោកស៊ីណាន បានសម្តែងការព្រួយបារម្ភខ្លះដែរ ចំពោះការអភិវឌ្ឍន៍ទេសចរណ៍ធម្មជាតិ (Econ Tourism) នេះ ផ្តល់ផលប្រយោជន៍ដល់ក្រុមហ៊ុនដែលបានអភិវឌ្ឍន៍ និងបុគ្គលច្រើនជាងសហគមន៍រស់នៅក្នុងមូលដ្ឋានទៅវិញទេ ។

លោកថា “ការអភិវឌ្ឍន៍ឬ កែច្នៃអេកូទេសចរណ៍ ដោយឈរលើគោលការណ៍ច្បាប់វិយោគបានកាន់តែកាន់ច្រើនកាន់តែល្អ ព្រោះវាអាចការការពារបរិស្ថាន អនាម័យ និងសេវាកម្មបានកាន់តែច្រើនថែមទៀតសម្រាប់កម្ពុជា។ លោកបន្ថែថា “អ្វីដែលលោកខ្លាចតែអភិវឌ្ឍន៍យូៗ ទៅក្លាយទៅជាកន្លែងពុះដីឡូតិ៍លក់ របស់ក្រុមហ៊ុន និងបាត់បង់អស់ធនធម្មជាតិទៅវិញទេ”៕

អានបន្ត៖ អាជ្ញាធរខេត្តស្ទឹងត្រែងស្នើប្រទេសឥណ្ឌូនេស៊ីវិនិយោគវិស័យទេសចរណ៍ក្នុងមូលដ្ឋានរបស់ខ្លួន

Century21 គ្រោងពង្រីកភ្នាក់ងាររហូតដល់ ៥០០នាក់នាពេលឆាប់ៗខាងមុខ

August 19, 2019

0

ដោយ គង់ សូរិយា

ភ្នំពេញៈ ជាមួយនឹងគោលដៅច្បាស់លាស់ និងការពង្រីកការិយាល័យកាន់តែច្រើននៅទីក្រុងភ្នំពេញ និងតាមបណ្តាខេត្តមួយចំនួន ក្រុមហ៊ុន Century21 Family គ្រោងពង្រីកភ្នាក់ងាររបស់ខ្លួនឲ្យបាន ៥០០នាក់នាពេលឆាប់ៗខាងមុខនេះ។

នាយិកាប្រតិបត្តិនៃក្រុមហ៊ុន Century21 Cambodia លោកស្រី Grace Rachny Fong បានមានប្រសាសន៍ឲ្យដឹងថា រហូតមកទល់ពេលនេះក្រុមហ៊ុនបានពង្រីកការិយាល័យចំនួន២២នៅរាជធានីភ្នំពេញ និងតាមបណ្តាខេត្តដែលមានសក្តានុពលសេដ្ឋកិច្ច និងអចលនទ្រព្យ ប៉ុន្តែយើងកំពុងពង្រីកការិយាល័យទៅកាន់ ខេត្តចំនួន១៥ទៀតនាពេលអនាគត ដោយត្រូវការដៃគូសហការដែលមានការប្តេជ្ញាចិត្ត ក្តីស្រលាញ់ ឆន្ទៈ និងភាពស្មោះត្រង់ ដើម្បីធ្វើការរួមគ្នា និងឈរលើគោលការណ៍ឈ្នះ ឈ្នះទាំងអស់គ្នា។

លោកបន្តថា “យើងត្រូវការពង្រីកភ្នាក់ងារលក់៥០០នាក់ ដើម្បីគ្របដណ្តប់ចំណែកទីផ្សារឲ្យបានកាន់តែច្រើន ដើម្បីទំនុកចិត្តលើការទិញ លក់ ជួលលើវិស័យសំណង់និងអចលនទ្រព្យក្នុងនិងក្រៅប្រទេស។ លោកបន្តថា “ការរីកចម្រើនក្នុងវិស័យនេះទាមទារនូវភ្នាក់ងារដែលមានគុណតម្លៃ មានភាពស្មោះត្រង់ និងក្រមសីលធ៌ម ដើម្បីធ្វើឲ្យវិស័យនេះរីកចម្រើនប្រកបដោយនិរន្តរភាព។

លោកគុយ វ៉ាតប្រធានក្រុមប្រឹក្សាភិបាលនៃក្រុមហ៊ុនCentury21 Cambodiaបានមានប្រសាសន៍ថា យើងត្រូវពង្រីកភ្នាក់ងាររបស់យើង ដើម្បីគ្របដណ្តប់ចំណែកទីផ្សារ និងជួយដល់វិស័យនេះ ហើយយើងចង់ឲ្យភ្នាក់បងាររបស់យើង ជាអ្នកដើរតួនាទីកាន់តែសកម្មឡើងក្នុងវិស័យនេះ បើទោះបីជាពិភពលោកមានបញ្ហាសេដ្ឋកិច្ច ក៏យើងអាចប្រើប្រាស់ភ្នាក់ងាររបស់យើង និងជំរុញឲ្យអ្នកវិនិយោគក្នុងស្រុកជួយ ដើម្បីធ្វើឲ្យវិស័យនេះមានភាពរីកចម្រើន។

លោកបន្តថា “ហេតុនេះភ្នាក់ងារអចលនទ្រព្យដើរតួនាទីសំខាន់ណាស់់ ហើយសូមគិតផលប្រយោជន៍រយៈពេលវែង ជាជាងគិតផលប្រយោជន៍រយៈពេលខ្លី ដោយឈរលើមូលដ្ឋាននៃក្រមសីលធ៌ម និងភាពស្មោះត្រង់”៕

អានបន្ត៖ ក្រុមហ៊ុនមេ Century21 កំពុងស្វែងរកដៃគូសហការលើខេត្តក្រុងចំនួន ១៥បន្ថែមទៀត

រដ្ឋាភិបាលត្រៀមដី៥០ហិកតា សង់ស្ថានីយ៍ប្រព្រឹត្តិកម្មទឹកកខ្វក់នៅខេត្តសៀមរាប

August 19, 2019

0

ដោយៈ រ៉ាណេត

សៀមរាបៈ ទេសរដ្ឋមន្ត្រី និងជារដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល បានសម្រេចត្រៀមដីទំហំប្រមាណ ៥០ហិកតា ដែលស្ថិតនៅភាគខាងកើតនៃខេត្តសៀមរាប ដើម្បីសាងសង់អាងស្តុកនិងស្ថានីយ៍ប្រព្រឹត្តិកម្មទឹកកខ្វក់ ដើម្បីបញ្ចៀសបញ្ហាទឹកកខ្វក់ចេញពីទីក្រុងទេសចរណ៍មួយនេះ។

កាលពីចុងសប្ដាហ៍កន្លងទៅនេះ លោក ស៊ុន ចាន់ថុលបានដឹកនាំមន្ត្រីជំនាញ និងសមាសភាពក្រុមហ៊ុនដៃគូអភិវឌ្ឍន៍នៅក្នុងវិស័យមួយនេះ ចុះធ្វើការត្រួតពិនិត្យពីស្ថានភាពស្ថានីយប្រព្រឹត្តិកម្ម និងបណ្ដាញលូទឹកកខ្វក់ និងមើលពីសមត្ថភាពជាក់ស្ដែងរបស់អាងដែលមានស្រាប់ ធៀបនឹងទំហំបរិមាណទឹកកខ្វក់ ដែលបបញ្ចេញចោលពីប្រភពនានានៅក្នុងខេត្តសៀមរាប សំដៅពង្រីកសមត្ថភាពជាបណ្ដើរៗតាមផែនការ។

លោកស៊ុន ចាន់ថុល បានមានប្រសាសន៍ថា “ដោយសារភូមិសាស្ត្រខេត្តនេះ អំណោយផលល្អ និងពោរពេញទៅដោយសក្ដានុពលទាំងផ្នែកកសិកម្ម ឧស្សាហកម្ម ពាណិជ្ជកម្ម ជាពិសេសវិស័យទេសចរណ៍ បានធ្វើឱ្យខេត្តនេះមានការរីកចម្រើនយ៉ាងខ្លាំង ដែលជាហេតុធ្វើឱ្យបរិមាណកាកសំណល់បានកើនឡើងលើសពីការរំពឹងទុក។

លោកបានបញ្ជាក់ទៀតថា ក្រសួងមានទីតាំង និងទំហំដីគ្រប់គ្រាន់ក្នុងការគ្រប់គ្រងកាកសំណល់ទឹកកខ្វក់ទាំងនេះ។ ជាក់ស្ដែង យើងមានទំហំផ្ទៃដីនៅភាគខាងលិចក្រុងចំនួន៣៨ហិចតា ដែលបានសាងសង់ស្ថានីយប្រព្រឹត្តិកម្មទឹកកខ្វក់រួច លើទំហំផ្ទៃដី២០ហិចតា។ លោកបន្តទៀតថា ផ្ទៃដីបម្រុងនៅភាគខាងកើតក្រុង មានចំនួនប្រមាណជាង ៥០ហិចតា ហើយលើសពីនេះទៅទៀត ក្រសួងនឹងប្រើប្រាស់បច្ចេកទេស ដើម្បីបង្កើនសមត្ថភាពបន្សុទ្ធទឹកកខ្វក់ ឱ្យបានច្រើនជាងនេះទ្វេដង និងបូបភក់បាតអាងដើម្បីផលិតជាជីសរីរាង្គផងដែរ។

បច្ចុប្បន្នខេត្តសៀមរាប មានស្ថានីយ៍ប្រព្រឹត្តិកម្មទឹកកខ្វក់មួយកន្លែង ដែលបច្ចុប្បន្នសមត្ថភាពច្រោះកាកសំណល់ ទឹកកខ្វក់ចំនួន៨.០០០ម៉ែត្រគូបក្នុងមួយថ្ងៃ និងមានម៉ាស៊ីនបូបទឹកកខ្វក់ចំនួន៣កន្លែង ពោលគឺម៉ាស៊ីនមេមួយកន្លែង និងម៉ាស៊ីនរងចំនួន២ ដែលមានសមត្ថភាពបូបទឹក ៥៦.៣៨៦ម៉ែត្រគូបក្នុងមួយថ្ងៃ។

លើសពីនេះបណ្ដាញលូគ្រប់គ្រងទឹកភ្លៀង និងទឹកកខ្វក់ជាច្រើនគីឡូម៉ែត្រត្រូវបានសាងសង់រួច ព្រមទាំងបានតភ្ជាប់បណ្ដាញលូទឹកកខ្វក់ ពីលំនៅឋានរបស់បងប្អូនប្រជាពលរដ្ឋ ចូលទៅក្នុងបណ្ដាញលូមេបានមួយចំនួនផងដែរ។ ទោះបីសមត្ថភាពផ្ទុកទឹកកខ្វក់បច្ចុប្បន្ន នៅមានកម្រិតក្ដី ក្រសួងមានផែនការមេរបស់ខ្លួន ដោយបង្កើនសមត្ថភាពច្រោះទឹកកខ្វក់ឱ្យដល់ពី៥០.០០០ម៉ែត្រគូប ទៅ៨០.០០០ម៉ែត្រគូបក្នុងមួយថ្ងៃនៅឆ្នាំ២០៤០ ដោយអនុវត្តតាមផែនការរយៈពេលខ្លី មធ្យម និងវែង ដូចបានកំណត់នៅក្នុងផែនការមេ៕

អានបន្ត៖ ក្រុមហ៊ុនធំមួយរបស់ចិនស្នើសុំសិក្សាលម្អិតពីគម្រោងស្ថាបនាប្រព័ន្ធបង្ហូរទឹកនៅក្រុងព្រះសីហនុ

សង្គ្រាមពាណិជ្ជកម្មបានជួយក្រុមហ៊ុន Samsung នាំមុខក្រុមហ៊ុន Apple

August 19, 2019

0

ដោយ Donald Lee

វ៉ាស៊ីនតោនៈ លោក Tim Cook ប្រធាននាយកប្រតិបត្តិក្រុមហ៊ុន Apple Inc.អាមេរិកបាននិយាយថា ពន្ធថ្មីរបស់អាមេរិកទៅលើទំនិញចិន នឹងធ្វើឱ្យប៉ះពាល់ដល់ការលក់ iPhone និងជំរុញការលក់ស្មាតហ្វូនរបស់ Samsung ដែលជាគូប្រជែងរបស់កូរ៉េខាងត្បូងនៅលើទីផ្សារអាមេរិក។

លោក Trump បានបង្ហើបថា លោកបាននិយាយទៅកាន់នាយកប្រតិបត្តិក្រុមហ៊ុន Apple ហើយប្រធានក្រុមហ៊ុនបច្ចេកវិទ្យាយក្សនេះ បានបង្កើតករណីល្អមួយដែលពន្ធគយថ្មីលើទំនិញចិននឹងធ្វើឱ្យតម្លៃផលិតផល ដូចជា iPhone កើនឡើងនិងផ្តល់អត្ថប្រយោជន៍យ៉ាងសំខាន់ដល់ស្មាតហ្វូន Samsung ដែលមានមូលដ្ឋាននៅទីផ្សារអាមេរិក។

ផលិតផល Samsung នឹងមិនត្រូវបានដំឡើងពន្ធគយណាមួយទេ ខណៈដែលសហរដ្ឋអាមេរិក និងកូរ៉េខាងត្បូង បានចុះហត្ថលេខាលើកិច្ចព្រមព្រៀងពាណិជ្ជកម្ម កាលពីឆ្នាំមុន។

កាលពីដើមខែនេះ លោក Trump បានប្រកាសថា លោកនឹងដាក់ពន្ធលើទំនិញចិនដែលមានតម្លៃ៣០០ពាន់លានដុល្លារ ជាមួយនឹងការដំឡើងពន្ធ១០ភាគរយ ដោយនឹងចាប់ផ្តើមពីថ្ងៃទី១ ខែកញ្ញាខាងមុខនេះ។

បញ្ជីពន្ធដំបូងនឹងរួមបញ្ចូលកុំព្យូទ័រយួរដៃម៉ាក Macbook និងអាយហ្វូន ប៉ុន្តែមន្ត្រីរដ្ឋបាល Trump បានបញ្ជាក់ថា ផលិតផលអេឡិចត្រូនិច ដែលមានប្រជាប្រិយភាពនឹងមិនត្រូវចុះបញ្ជីពន្ធរហូតដល់ថ្ងៃទី១៥ ខែ ធ្នូដើម្បីកុំដាក់បន្ទុកដល់អ្នកដើរផ្សារអាមេរិកជាមួយនឹងការតម្លើងថ្លៃនៅរដូវលក់រាយណូអែលដ៏សំខាន់។

ទោះយ៉ាងណាផលិតផល Apple ពេញនិយមនៅកន្លែងផ្សេងទៀត ដែលផលិតនៅប្រទេសចិនដូចជា Airpods Apple Watches និង Homepods នឹងត្រូវបានបញ្ចូលក្នុងបញ្ជីផលិតផលដែលត្រូវដំឡើងពន្ធគយចាប់ផ្តើមនៅថ្ងៃទី ១ ខែ កញ្ញា៕

ប្រធានាធិបតីអាមេរិកកោះប្រជុំបន្ទាន់ជាមួយធនាគារធំៗ ខណៈទីផ្សារសាកលបានធ្លាក់ចុះ

August 19, 2019

0

ដោយ Donald Lee

អាមេរិកៈ ប្រធានាធិបតីអាមេរិក Donald Trump បានកោះប្រជុំសម្ងាត់ជាមួយថ្នាក់ដឹកនាំធនាគារធំៗ ខណៈទីផ្សារសេដ្ឋកិច្ចសាកលកំពុងធ្លាក់ចុះ កំឡុងសង្គ្រាមពាណិជ្ជកម្មជាមួយប្រទេសចិន។

លោកប្រធានាធិបតី Donald Trump បានធ្វើសន្និសិទបន្ទាន់ទៅកាន់មេដឹកនាំធំៗនៃធនាគារនៅសហរដ្ឋអាមេរិកកាលពីសប្តាហ៍មុន បន្ទាប់ពីទីផ្សាររអាក់រអួលដោយកត់ត្រាការនូវខាតបង់ដែលបង្ហាញថានឹងមានវិបត្តិសេដ្ឋកិច្ច។

លោក Trump បានប្រាប់អ្នកយកព័ត៌មានថា “ខ្ញុំមិនគិតថាយើងពុំមានវិបត្តិសេដ្ឋកិច្ចទេ។ យើងធ្វើបានល្អណាស់។ អ្នកប្រើប្រាស់របស់យើងជាអ្នកមាន។

លោកបានសរសេរលើបណ្តាញសង្គម Twitter ថា “សេដ្ឋកិច្ចរបស់យើងគឺល្អបំផុតនៅលើពិភពលោក។ រហូតមកដល់ពេលនេះ អត្រាភាពអត់ការងារធ្វើទាបបំផុតដែលមិនធ្លាប់មាននៅក្នុងប្រភេទការងារទាំងអស់។ លោកបន្តថា “ការបានត្រៀមខ្លួនសម្រាប់កំនើនដ៏ធំមួយបន្ទាប់ពីកិច្ចព្រមព្រៀងពាណិជ្ជកម្មត្រូវបានបញ្ចប់។ តម្លៃនាំចូលធ្លាក់ចុះ ប្រទេសចិនបង់ពន្ធ” លោកធ្វីតបានសរសេរនៅថ្ងៃអាទិត្យ។

លោកបានបន្ថែម “អនាគតដ៏អស្ចារ្យសម្រាប់សហរដ្ឋអាមេរិក” ។

ទោះយ៉ាងណា លោក Trump និងរដ្ឋបាលរបស់លោកមានការព្រួយបារម្ភជាឯកជន នៅពេលដែលទីផ្សារអាមេរិកបានធ្លាក់ចុះកាលពីថ្ងៃពុធ ដែលជាសញ្ញាដំបូងដែលថាវដ្តនៃការរីកចម្រើនដ៏យូរអង្វែងនៃសេដ្ឋកិច្ចអាមេរិក បានឈានដល់ការធ្លាក់ចុះយឺត និងវិបត្តិសេដ្ឋកិច្ច។

ការធ្លាក់ចុះទីផ្សារបានធ្វើឱ្យប្រធានាធិបតីអាមេរិក មានការភ្ញាក់ផ្អើលជាខ្លាំងដែលលោកបានអំពាវនាវជាបន្ទាន់ ដល់នាយកប្រតិបត្តិទាំងអស់នៃធនាគារធំៗនៅអាមេរិក។ នេះបើយោងតាមរបាយការណ៍របស់ ក្រុមហ៊ុន MSNBC ។

លោក Trump បានធ្វើការអំពាវនាវជាបន្ទាន់ ទៅកាន់នាយកប្រតិបត្តិក្រុមហ៊ុន JP Morgan Chase លោក Jamie Dimon នាយកប្រតិបត្តិធនាគារ Bank of America លោក Brian Moynihan និងលោក Michael Corbat របស់ធនាការ Citigroup ដើម្បីវាស់ស្ទង់ទំនុកចិត្តអតិថិជន និងសុខភាពចំណាយ។

មធ្យមភាគក្រុមហ៊ុនឧស្សាហកម្ម US Dow Jones របស់អាមេរិកបានធ្លាក់ចុះ ៣ ភាគរយ កាលពីថ្ងៃពុធ ដែលជាការធ្លាក់ចុះគួរឱ្យកត់សម្គាល់នៅ៨០០ពិន្ទុ ជាលទ្ធផលអាក្រក់បំផុតប្រចាំឆ្នាំ។

ទីផ្សារពិភពលោកមានភាពច្របូកច្របល់មិនធ្លាប់មាន ចាប់តាំងពីជម្លោះពាណិជ្ជកម្មអាមេរិក ចិនបានកើតឡើងជាថ្មីម្តងទៀតនៅដើមខែនេះ នៅពេលដែលលោក Trump បានប្រកាសថាលោកនឹងដាក់ពន្ធទំនិញចិន ដែលមានតម្លៃ៣០០ពាន់លានដុល្លារជាមួយនឹងការដំឡើងពន្ធ១០ភាគរយ។

រដ្ឋាភិបាលចិនបានឆ្លើយតបថា ខ្លួននឹងសងសឹកអាមេរិក ប្រសិនបើពន្ធគយត្រូវបានអនុវត្តនៅថ្ងៃទី១ខែកញ្ញា ដែលបណ្តាលឱ្យទីផ្សារពិភពលោកធ្លាក់ចុះ ខណៈវិនិយោគិនមើលឃើញការរំខានដល់សង្វាក់ផ្គត់ផ្គង់ពិភពលោក និងកំណើនសេដ្ឋកិច្ចពិភពលោកធ្លាក់ចុះយ៉ាងខ្លាំង។

ការិយាល័យតំណាងពាណិជ្ជកម្មអាមេរិក (USTR) បានពន្យាពេលពន្ធលើទំនិញសំខាន់ៗ ដើម្បីឆ្លើយតបទៅនឹងការស្រែកទាមទារ របស់អ្នកលក់រាយក្នុងស្រុក។ នៅក្នុងបញ្ជីទំនិញថ្មីចិន ដែលត្រូវយកពន្ធផលិតផលដូចជា អាយហ្វូន ស្បែកជើងអាឌីដាស និងហ្គេមវីដេអូលេងនឹងត្រូវបានដាក់បញ្ចូលជាមួយពន្ធគយ ហើយអ្នកលក់រាយនឹងមិនដាក់តម្លៃខ្ពស់ដល់អ្នកប្រើប្រាស់។

ការិយាល័យតំណាងពាណិជ្ជកម្មអាមេរិកបាននិយាយថា ពន្ធគយនឹងត្រូវពន្យារពេលរហូតដល់ខែធ្នូ ។

ក្រុមអ្នកវិភាគជឿជាក់ថា ការផ្លាស់ប្តូរគោលនយោបាយរបស់ប្រធានាធិបតីអាមេរិក Trump គឺផ្តើមចេញពីប្រតិកម្មសាធារណៈ ដែលគាត់អាចនឹងប្រឈមប្រសិន បើអ្នកប្រើប្រាស់ទិញក្នុងតម្លៃខ្ពស់ នៅតាមហាងលក់រាយក្នុងរដូវដើរទិញ
ឥវ៉ាន់ ក្នុងឱកាសវិស្សមកាលនៅខែធ្នូ ដែលជាខែលក់រាយសំខាន់បំផុតប្រចាំឆ្នាំ សម្រាប់អ្នកលក់រាយអាមេរិក៕

CDC អនុម័តគម្រោងវិនិយោគតម្លៃសរុបជាង ២៦លានដុល្លារ បង្កើតរោងចក្រនៅតំបន់សេដ្ឋកិច្ចពិសេស

August 19, 2019

0

ដោយ ៖ រ៉ាណេត

ភ្នំពេញ៖ តាមសំណើសុំវិនិយោគរបស់ក្រុមហ៊ុន ក្រុមប្រឹក្សាអភិវឌ្ឍន៍កម្ពុជា CDC កបានសម្រេចអនុម័តចុះបញ្ជី និងផ្តល់អជ្ញាបណ្ណដល់ក្រុមចំនួន៦ ដើម្បីដំណើរការបង្កើតរោងចក្រស្ថិតនៅក្នុងតំបន់សេដ្ឋកិច្ចពិសេស ខេត្តផ្សេងៗពីគ្នា ។

នៅក្នុងការសម្រេចអនុម័តរបស់ក្រុមប្រឹក្សាអភិវឌ្ឍន៍កម្ពុជា គណៈកម្មាធិការតំបន់សេដ្ឋកិច្ចពិសេសកម្ពុជា បានសម្រេចឯកភាពឱ្យធ្វើការវិនិយោគតែពុំមានការលើកទឹកចិត្ត សម្រាប់គម្រោងបង្កើតរោងចក្រផលិតបារីរបស់ក្រុមហ៊ុន “AMAMOKE TOBACCO (CAMBODIA) CO.,LTD.” ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ មានទុនវិនិយោគចំនួន ៥លានដុល្លារអាមេរិក និងអាចបង្កើតការងារបានចំនួន ៦៧កន្លែង។

ដោយឡែកក្រុមហ៊ុន ដែលទទួលបានការអនុម័តពីគណៈកម្មាធិការតំបន់សេដ្ឋកិច្ចពិសេសកម្ពុជា និងទទួលបានវិញ្ញាបនប័ត្រចុះបញ្ជីជាស្ថាពរ ចំនួន៥ ទៀត រួមមានដូចខាងក្រោម ៖

១) “ZHEJIANG CHISHUN FOAM CO.,LTD.”: គម្រោងបង្កើតរោងចក្រផលិតអេប៉ុងគ្រប់ប្រភេទ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គ័រជី មានទុនវិនិយោគចំនួន ២,១ លានដុល្លារអាមេរិក និងអាចបង្កើតការងារបានចំនួន ១៤១កន្លែង។

២) “XIN CHI XING PACKAGING CO., LTD.”: គម្រោងបង្កើតរោងចក្រផលិតកេសកាតុង មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសតាយសេង បាវិត ខេត្តស្វាយរៀង, មានទុនវិនិយោគប្រមាណ ២,៦លានដុល្លារអាមេរិក និងអាចបង្កើតការងារបានចំនួន ២១០នាក់។

៣) “CHIANG CU WIRE & CABLE CO.,LTD.”: គម្រោងបង្កើតរោងចក្រផលិតខ្សែភ្លើង និងខ្សែកាប មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ស្វាយរៀង ហ្គីហ្គា រីសស៍ ខេត្តស្វាយរៀង មានទុនវិនិយោគប្រមាណ ៣,២លានដុល្លារអាមេរិក និងអាចបង្កើតការងារបានចំនួន ២៤៣កន្លែង។

៤) “GORGEOUS STEEL STRUCTURE (CAMBODIA) CO.,LTD.”: គម្រោងបង្កើតរោងចក្រកែច្នៃដែក មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ មានទុនវិនិយោគចំនួន ៦លានដុល្លារអាមេរិក និងអាចបង្កើតការងារបានចំនួន ៨៤កន្លែង។

៥) “WING ART LIGHTING AND GIFTWARE CO., LTD.”: គម្រោងបង្កើតរោងចក្រផលិតអំពូលភ្លើង អំពូលលម្អ និងគ្រឿងបង្គុំអំពូលភ្លើងគ្រប់ប្រភេទ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសតាយសេង បាវិត ខេត្តស្វាយរៀង, មានទុនវិនិយោគប្រមាណ ៧,៤លានដុល្លារអាមេរិក និងអាចបង្កើតការងារបានចំនួន ៣៩៤នាក់៕

តម្លៃលំនៅឋាននៅតាមទីក្រុងចំនួន៧០ របស់ចិននៅតែរក្សាស្ថេរភាពល្អ

August 19, 2019

0

ដោយ វុត្ថា

ប្រទេសចិនៈ តម្លៃលំនៅឋាននៅក្នុងទីក្រុងសំខាន់ៗចំនួន៧០ របស់ប្រទេសចិន នៅតែមានស្ថេរភាពល្អ ជាមួយនឹងការកើនឡើងបន្តិចបន្តួចនៅក្នុខែកក្កដាកន្លងមកនេះ។

យោងតាមទិន្នន័យរបស់ការិយាល័យស្ថិតិជាតិចិន (NBS) ចេញផ្សាយនូវរបាយការណ៍ជាផ្លូវការកាលពីសប្តាហ៍មុននេះបានបង្ហាញថា តម្លៃលំនៅឋានថ្មីនៅក្នុងទីក្រុងចំនួន៤គឺទីក្រុងប៉េកាំង ទីក្រុងសៀងហៃ ទីក្រុង Shenzhen និងទីក្រុងក្វាងចូវបានកើនឡើង០,៣ ភាគរយក្នុងខែកក្កដា បើប្រៀបធៀបទៅនឹងខែមិថុនាមានកំណើន ០,២ ភាគរយ។

របាយការណ៍នេះបនន្តថា តម្លៃលំនៅឋានទី២ (second home) នៅក្នុងទីក្រុងធំៗ បានកើនឡើង០,៣ភាគរយក្នុងខែកក្កដា ខណៈដែលតម្លៃនៅទីក្រុងដទៃទៀតបានកើនឡើង០,៤ ភាគរយពោលគឺកើនឡើង ០,១ ភាគរយធៀបនឹងខែមុន។ តម្លៃលំនៅឋាននៅក្នុងទីក្រុងលំដាប់ទី៣ បានកើនឡើង០,៧ភាគរយ ពីមួយខែទៅមួយបើប្រៀបធៀបនឹងខែមុន។

លោក Liu Jianwei អ្នករៀបចំស្ថិតិនៃការិយាល័យស្ថិតិជាតិចិនបានឱ្យដឹងថា ជារៀងរាល់ឆ្នាំទាំងតម្លៃលំនៅឋានថ្មី និងលំនៅឋានទី២ បានចុះបញ្ជីនៅក្នុងទីក្រុងបានកើនឡើងភាគច្រើន ប៉ុន្តែក្នុងល្បឿនយឺត ដោយទីក្រុងធំ២ និងទីក្រុងដទៃទៀតមានកំណើនខ្លាំងជាងទីក្រុងធំៗ ដូចជា ទីក្រុងប៉េកាំង និងស៊ាងហៃជាដើម។ តម្លៃលំនៅឋានថ្មីនៅទីក្រុងលំដាប់ទី១ដូចជាទីក្រុងប៉េកាំង សៀងហៃជាដើមបានកើនឡើង៤,៣ ភាគរយក្នុងខែកក្កដា ខណៈដែលលំនៅឋាននៅទីក្រុងផ្សេងៗទៀត ក្រៅពីទីកក្រុងធំៗបានកើនឡើង ១០,៧ ភាគរយ និង ១០,២ ភាគរយ។

លោក Zhang Dawei អ្នកវិភាគអចលនទ្រព្យប្រចាំក្រុមហ៊ុន Centaline Property បានឱ្យដឹងដែរថា តម្លៃលំនៅឋានថ្មី បានជះឥទ្ធិពលខ្លាំងទៅលើបទប្បញ្ញត្តិ អចលនទ្រព្យ ជាពិសេសគោលនយោបាយកំណត់តម្លៃ ដែលត្រូវបានធ្វើឱ្យប្រសើរឡើងនៅក្នុងទីក្រុងមានកំណើនលឿនជាងមុន។

រដ្ឋាភិបាលចិនបានបញ្ញាត្តិថា “លំនៅដ្ឋានសម្រាប់ការរស់នៅមិនមែន សម្រាប់ធ្វើអាជីវកម្មនោះទេ” និង អនុវត្តយន្តការយូរអង្វែង ដើម្បីរក្សាការអភិវឌ្ឍទីផ្សារអចលនទ្រព្យឱ្យបានល្អ៕