រដ្ឋសភាពិនិត្យសេចក្ដីព្រាងច្បាប់ចំនួន៣ ដើម្បីទាក់ទាញនិងការពារអ្នកវិនិយោគបរទេស

May 27, 2019

ដោយ វុត្ថា

ភ្នំពេញៈ រដ្ឋសភាបាននិងកំពុងចាប់ផ្តើមពិនិត្យ សិក្សាសេចក្ដីព្រាងច្បាប់ចំនួន៣ ដើម្បីទាក់ទាញ និងការពារការវិនិយោគទុននៅក្នុង និងក្រៅប្រទេស ដើម្បីបង្កើនការវិនិយោគក្នុងប្រទេសកម្ពុជា។

យោងតាមកិច្ចប្រជុំរវាងគណៈកម្មការជំនាញរដ្ឋសភា និងតំណាងរាជរដ្ឋាភិបាល នៅថថ្ងៃទី២៧ ខែឧសភា ឆ្នាំ២០១៩ បានឲ្យដឹងថា សេចក្តីព្រាងច្បាប់ចំនួន៣ រួមមាន សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀង រវាងព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋប្រជាមានិតបង់ក្លាដេសស្តីពី ការជំរុញ និងការការពារទៅវិញទៅមកនៃវិនិយោគ សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងរវាងព្រះរាជាណាចក្រកម្ពុជា និងសហភាពអារ៉ាប់អេមីរ៉េតស្តីពី ការជំរុញ និងការការពារទៅវិញទៅមកនៃវិនិយោគ និងសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងរវាងព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋតួកគី ស្តីពីការជំរុញ និងការការពារទៅវិញទៅមកនៃវិនិយោគ។

លោកជិន ប៊ុនស៊ាន ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានក្រុមប្រឹក្សាអភិវឌ្ឍន៍កម្ពុជា(CDC)បានឲ្យដឹងថា សេចក្តីព្រាងខាងលើ មានគោលបំណងជំរុញកិច្ចសហប្រតិបត្តិការសេដ្ឋកិច្ច រវាងប្រទេសកម្ពុជា និងប្រទេសជាមិត្តអោយកាន់តែទូលំទូលាយឡើង ព្រមទាំងជាយន្តការមួយ ដើម្បីទាក់ទងទៅនឹងលំហូរទុនវិនិយោគរវាងប្រទេសកម្ពុជា និងអន្តរជាតិ។

លោកបន្តថា “សេចក្តីព្រាងទាំងបីនោះ ក៏នឹងផ្តល់នូវការធានាផ្លូវច្បាប់ដល់ការវិនិយោគបរទេស ដែលចូលមកស្នាក់នៅក្នុងប្រទេសកម្ពុជា ហើយអ្នកវិនិយោគកម្ពុជា ដែលចេញទៅរកស៊ីនៅក្នុងប្រទេសដៃគូ ដោយឈរលើមូលដ្ឋានស្មើភាព និងផ្តល់ផលប្រយោជន៍ឱ្យគ្នាទៅវិញទៅមក”។

លោកបន្ថែមថា ភាគីជាប់កិច្ចសន្យាជាម្ចាស់ផ្ទះ ក៏មានភារកិច្ចផ្តល់នូវប្រព្រឹត្តិកម្មត្រឹមត្រូវ ស្មើភាព ដើម្បីអ្នកវិនិយោគដែលកំពុងវិនិយោគលើទឹកដីរបស់ខ្លួន ទទួលបាននូវការការពារ និងសន្តិសុខពេញលេញ ព្រមទាំងមិនធ្វើឲ្យខូចប្រយោជន៍ ដល់ការគ្រប់គ្រង ការថែរក្សា ការប្រើប្រាស់ ការទទួលផល និងការចាត់ចែងការវិនិយោគដោយវិធានការមិនសមហេតុផល ឬរើសអើងពីភាគីណាមួយឡើយ។

ប្រធានគណៈកម្មការវិនិយោគនៃរដ្ឋសភាលោក ជា វ៉ាន់ដេតបានឯកភាពទាំងស្រុងលើខ្លឹមសារសេចក្តីព្រាងច្បាប់ទាំងបីខាងលើ និងបានកោតសរសើរចំពោះរាជរដ្ឋាភិបាល ដែលបានតាក់តែងសេចក្តីព្រាងច្បាប់ទាំងបីនេះឡើង ក៏ដូចជាបានខិតខំបង្កើនកិច្ចសហប្រតិបត្តិការជាមួយប្រទេសជាមិត្ត ដើម្បីចុះកិច្ចព្រមព្រៀងនានា ក្នុងការជំរុញនិងទាក់ទាញអ្នកវិនិយោគបរទេស ចូលមកកម្ពុជាអោយកាន់ច្រើន។

ប្រធានគណៈកម្មការជំនាញរូបនេះបានបញ្ជាក់ថា នឹងបញ្ជូនសេចក្ដីព្រាងច្បាប់ទាំងបីខាងលើ ទៅគណៈកម្មាធិការអចិន្ត្រៃយ៍រដ្ឋសភា ដើម្បីសម្រេចដាក់បញ្ចូលក្នុងរបៀបវារៈសម័យប្រជុំពេញអង្គរដ្ឋសភាធ្វើការពិភាក្សា និងអនុម័តនាពេលខាងមុខ៕

មជ្ឈមណ្ឌលពាណិជ្ជកម្មកប់ពពកចំនួនពីរតម្លៃរាប់រយលានដុល្លារកំពុងប្រជែងគ្នាសាងសង់នៅលើទីក្រុងកោះពេជ្រ

May 27, 2019

1

ដោយ រ៉ាណេត

ភ្នំពេញៈ មជ្ឈមណ្ឌលពាណិជ្ជកម្មកប់ពពកចំនួនពីរ បាននិងកំពុងតែមានការប្រជែងគ្នាក្នុងការសាងសង់ ដើម្បីបញ្ចប់គម្រោងទៅតាមការគ្រោងទុករបស់ខ្លួន ដើម្បីសម្រុកធ្វើយ៉ាងណាបំពេញទៅតាមតម្រូវការទីផ្សារនៅពេលបច្ចុប្បន្ននេះ។

អគារពាណិជ្ជកម្មបែបទំនើបចំនួនពីរ ដែលកំពុងតែមានសកម្មភាពយ៉ាងមមាញឹកក្នុងការសាងសង់នេះ រួមមានអគារ GIA Tower ដែលត្រូវបានអភិវឌ្ឍឡើងដោយក្រុមហ៊ុន GIA International Real Estate Company (Overseas Cambodian Investment Corporation ) ដោយអគារមួយនេះមានកម្ពស់៤២ជាន់ មានទំហំអាគារចំនួន៣៨៣៩ ម៉ែត្រការ៉េ។ មជ្ឈមណ្ឌលពាណិជ្ជកម្មនេះនឹងប្រើប្រាស់សំរាប់ការិយាល័យ និងលក់រាយចំនួន៨យូនីត ទីតាំងសម្រាប់ការិយាល័យខ្នាតតូចចំនួន៣០៦យូនីត ការិយាល័យខ្នាតធំចំនួន១១យូនីត រួមជាមួយជាន់អាហារដ្ឋាន Sky bar ផងដែរ។ បន្ថែមពីនេះក៏មានទីធ្លាសម្រាប់ទុកយានយន្តបានរហូតដល់ទៅ៣៨២គ្រឿង។

ដោយឡែកអាគារកប់ពពកមួយទៀត ជាមជ្ឈមណ្ឌលពាណិជ្ជកម្មលំដាប់ផ្កាយ៥ មានឈ្មោះថា Morgan Tower ដែលកំពុងតែមានសកម្មភាពសម្រុកការសាងសង់ផងដែរនោះ មានកម្ពស់៤៦ជាន់ស្មើនឹង២១០ម៉ែត្រ ជាមួយនឹងទំហំទឹកប្រាក់លើការវិនិយោគសាងសង់រហូតដល់ប្រមាណ១៦០លានដុល្លារសហរដ្ឋអាមេរិក។ អគារដ៏ទំនើបមួយនេះ នឹងប្រើប្រាស់ក្នុងនាមជាអាគារការិយាល័យ សណ្ឋាគារប្រណីត សាលប្រជុំ ភោជនីយដ្ឋាន និង Sky Bar សម្រាប់គយគន់ទេសភាពក្រុងភ្នំពេញ ខណៈដែលការលក់ទាំងស្រុងត្រូវបានសម្រេចទៅលើក្រុមហ៊ុនអន្តរជាតិដ៏ល្បីឈ្មោះ Century 21 Cambodia ក្រោមកិច្ចសហការជាមួយសមាជិកនៃគ្រួសារ Century 21 ដែលមានទីស្នាក់នៅក្នុងប្រទេសចិនរហូតដល់ចំនួន១១ការិយាល័យ។

យោងតាមសេចក្តីប្រកាសព៌តមានរបស់ក្រុមហ៊ុន Centuy21 Cambodia បានឲ្យដឹងកាលពីពេលថ្មីៗនេះថា ក្រុមគ្រួសារ Century21 Family នឹងសហការជាមួយក្រុមហ៊ុន Century21 មកពីប្រទេសចិនចំនួន១១ ដែលគ្របបណ្តប់ការិយាល័យប្រមាណ៥០០ នឹងធ្វើជាភ្នាក់ងារជួល និងលក់គំរោងនេះ។ ជាមួយគ្នានេះ Century21 Family ក៏នឹងដើរតួនាទីជាអ្នកជួល និងលក់បន្តសម្រាប់អ្នក ដែលបានវិនិយោគគំរោងនេះនាពេលអនាគតផងដែរ។

អគ្គនាយករងក្រុមហ៊ុន OCIC លោក ទូច សំណាង បានមានប្រសាសន៍ប្រាប់កាលពីពេលកន្លងមកថ្មីៗនេះថា បើទោះជាពេលនេះយើងឃើញមានសកម្មភាពនៃការសាងសង់សំណង់អគារតូចធំព្រោងព្រាត នៅលើទីធ្លានៃទឹកដីកោះពេជ្រក៏ពិតមែន ប៉ុន្តែចំនួននៃកំណើនសំណង់អគារទាំងនេះ គឺទើបតែបានប្រមាណ២៥ភាគរយ ស្មើនឹង១ភាគ៤ នៃផ្ទក្រឡាលើគម្រោងសាងសង់ សរុបរបស់ទីក្រុងរណបកោះពេជ្រតែប៉ុណ្ណោះ។

លោកបន្តថា “តាមផែនការមេនៅថ្ងៃខាងមុខនេះ ទីក្រុងកោះពេជ្រ ក៏ដូចជាតំបន់ដែលស្ថិតនៅជុំវិញនឹងប្រែក្លាយ ទៅមជ្ឈមណ្ឌលពាណិជ្ជកម្មលំដាប់អន្តរជាតិ ខណៈដែលបច្ចុប្បន្ននេះ យើងបាននិងកំពុងតែដើរតាមផែនការជាបណ្តើរៗហើយ”៕

អ្នកជំនាញអន្តរជាតិប្រាប់ពីមូលដ្ឋានគ្រឹះរកប្រាក់ចំណេញពីគំរោងអភិវឌ្ឍន៍អចលនទ្រព្យ

May 27, 2019

0

លោក Daniel Tan កំពុងធ្វើបទបង្ហាញ។ រូបថត៖ សហការី

ដោយ វុត្ថា

ភ្នំពេញៈ ការអភិវឌ្ឍន៍អចលនទ្រព្យនៅក្នុងប្រទេសកម្ពុជា បាននឹងកំពុងមានការរីកចម្រើនខ្លាំងនៅក្នុងរយៈពេលប៉ុន្មានឆ្នាំកន្លងមកនេះ និងបន្តរីកចំរើនបន្ថែមទៀត ដោយសារប្រទេសកម្ពុជាមានសន្តិភាព ស្ថេរភាពម៉ាក្រូសេដ្ឋកិច្ច និងតម្រូវការអចលនទ្រព្យកើនឡើងស្របតាមកំណើនប្រជាជនវ័យក្មេងនៅក្នុងប្រទេសនេះ។

លោក Daniel Tan ប្រធានក្រុមប្រឹក្សាភិបាលនៃវិទ្យាស្ថានបច្ចេកទេសរ៉ូយ៉ាល់ ឆាតធឺ ដែលមានបទពិសោធគ្រប់គ្រងលើវិស័យ អចលនទ្រព្យរយៈពេលជាង៤០ឆ្នាំបានឲ្យដឹងនៅក្នុងវគ្គបណ្តុះបណ្តាលមួយ ស្តីពីគន្លឹះ១២យ៉ាង ដើម្បីបង្កើតប្រាក់ ចំណេញលើវិស័យអចលនទ្រព្យកាលពីថ្ងៃចុងសប្តាហ៍កន្លងមកថា កត្តាសន្តិភាព ស្ថេរភាពម៉ាក្រូសេដ្ឋកិច្ច និងការរីក ចម្រើនសេដ្ឋកិច្ចនេះហើយ ដែលបានធ្វើឲ្យប្រជាពលរដ្ឋខ្មែរមួយចំនួនបានក្លាយជាអ្នកអភិវឌ្ឍន៍អចលនទ្រព្យទទួល ជោគជ័យ នឹងទទួលបានប្រាក់ចំណេញពីវិស័យអចលនទ្រព្យ ។

លោកបន្តថា “ដើម្បីទទួលបានផលចំណេញ និងជោគជ័យលើវិស័យអចលនទ្រព្យ អ្នកអភិឌ្ឍន៍ទាំងឡាយត្រូវសិក្សា និងចុះស្រាវជ្រាវឲ្យបានពិតប្រកដពីទីតាំង ឬកន្លែងដែលត្រូវអភិឌ្ឍន៍អោយបានច្បាស់លាស់ និង យល់ដឹងពីសេដ្ឋកិច្ចទីផ្សារអចលនទ្រព្យនៃប្រទេសកម្ពុជា”។លោកបន្តថា “អ្នកវិនិយោគក៏ត្រូវវិភាគព័ត៌មានដែលប្រមូលបានឲ្យគ្រប់ជ្រុងជ្រោយ និងម៉ត់ចត់ទៅលើកត្តាវិនិយោគ ភូមិសាស្ត្រ ព្រមទាំងប្រើប្រាស់បច្ចេកវិទ្យា និងសម្ភារៈ ឲ្យបានត្រឹមត្រូវ និងច្បាស់លាស់ក្នុងការអភិវឌ្ឍន៍”។

លោកបន្តថា អ្នកអភិឌ្ឍន៍ទាំងក៏គួរតាមព័ត៌មានលើបណ្តាសារព័ត៌មាន ឬសិក្សាលើរបាយការណ៍ផ្សេងៗចេញពីស្ថាប័នស្រាវជ្រាវរដ្ឋ និងឯកជន ជុំវិញទីផ្សារអលចនទ្រព្យ និងសេដ្ឋកិច្ចទាំងក្នុងប្រទេស តំបន់ និងពិភពលោក ឲ្យបានច្រើន ដើម្បីឲ្យការអភិវឌ្ឍន៍លើគម្រោងទាំងអចលនទ្រព្យជួបហានិភ័យ។

ជាមួយគ្នានេះ លោកស្រី Pania Prak នាយកវិទ្យាស្ថានបច្ចេកទេសរ៉ូយ៉ាល់ ឆាតធឺ (Royal Chartered Academy Institute) បានឲ្យដឹងថា ដោយសារការរីកចំរើនលើវិស័យអលនទ្រព្យ និងអ្នកអភិវឌ្ឍន៍មានការរីកចម្រើនច្រើន នៅក្នុងប្រទេសកម្ពុជា ទើសាលារៀបចំវគ្គបណ្តុះបណ្តាលនេះឡើង ក្នុងគោលបំណងសំខាន់ចំនួន៣។ ទីមួយ សិក្ខាកាមនឹងរៀនពីគន្លឹះ១២យ៉ាង ដើម្បីបង្កើតប្រាក់ចំណេញលើវិស័យអចលនទ្រព្យ។ ទី២ យល់ដឹងអំពីសារៈសំខាន់នៃការវិភាគទីផ្សារ និងសេដ្ឋកិច្ចនៅក្នុងការអភិវឌ្ឍលើអចលនទ្រព្យនិងការវិនិយោគ និងទី៣ យល់អំពីដំណើរការវិវត្តន៍វិស័យអចលនទ្រព្យនៅតំបន់អាស៊ីប៉ាស៊ីហ្វិក ដោយផ្តោតតាមតំបន់៕

តើមហាសេដ្ឋីរូបណាដែលគ្រប់គ្រងលុយលើធនធានក្រោមដីច្រើនជាងគេលើពិភពលោក

May 27, 2019

0

ដោយ វុត្ថា

ភ្នំពេញៈ មហាសេដ្ឋីជាច្រើននៅលើលោកពិភពលោកនេះ បាននិងកំពុងគ្រប់គ្រងផ្នែកសេដ្ឋកិច្ច អចលនទ្រព្យ និងធនធាននានា ពិសេសធនធានធម្មជាតិក្រោមដី រាប់ទាំងរ៉ែ និងលោហៈផ្សេងៗ។

ការពិតលោកស្រី Georgina Rinehart កើតនៅថ្ងៃទី ៩ ខែកុម្ភៈ ឆ្នាំ ១៩៥៤ គឺជាសេដ្ឋីនីជនជាតិអូស្ត្រាលី ដែលកំពុងធ្វើអាជីវកម្មផ្នែកផលិតលោហៈ និងរ៉ែ និងជាប្រធានក្រុមហ៊ុ Hancock Prospecting ដែលជាក្រុមហ៊ុនឯកជនបង្កើតឡើងដោយលោកឪពុករបស់នាង គឺលោក Lang Hancock ។

លោកស្រី ជាអ្នកមានលុច្រើនជាងគេមួយរូប ក្នុងចំណោមអ្នកមានលុយជាច្រើនផ្សេងទៀត ដែលបច្ចុប្បន្នលោកស្រីមានលុយប្រមាណ១៤.៨ ពាន់លានដុល្លារអាមេរិកនៅក្នុងឆ្នាំ២០១៩នេះ ដោយឈរនៅលំដាប់លេខរៀងទី១ ក្នុងចំណោម៥០នៃជនជាតិអូស្ត្រាលី ហើយលោកស្រីក៏ជាបានជាប់ជាសេដ្ឋនី ក្នុងតារាងទស្សនាវដ្តី Forbes និង ស្ត្រីដែលលុយច្រើនជាងគេបំផុងនៅក្នុងពិភពលោកផងដែរ។

លោកស្រី Rinehart កើតនៅក្នុងទីក្រុង Perth ភាគខាងលិចប្រទេសអូស្ត្រាលី ហើយលោកស្រី បានចំណាយពេលរបស់គាត់នៅទីក្រុង Pilbara ច្រើនជាងគេ។

លោកស្រីបានសិក្សានៅសាលា Anglican School for Girls ហើយបន្ទាប់មកលោកស្រីក៏បន្តការសិក្សានៅសាកលវិទ្យាល័យស៊ីដនី។ តែក្រោយមកមកលោកស្រីក៏បានឈប់រៀន ហើយទៅធ្វើការជាមួយឪពុករបស់លោកស្រីនៅក្រុមហ៊ុន Hancock Prospecting។

ក្នុងនាមជាកូនទោលរបស់លោក Lang Hancock លោកស្រី Rinehart បានទទួលមរតក ៧៦,៦%នៅក្នុងក្រុមហ៊ុន បន្ទាប់ពីបានឪពុករបស់លោកស្រីស្លាប់ក្នុងឆ្នាំ ១៩៩២ និងបានក្លាយជាប្រធាននាយកប្រតិបត្តិរបស់ក្រុមហ៊ុនតាំងពីពេលនោះមក។

នៅក្នុងឆ្នាំ២០១០ លោកស្រី Rinehart បានចាប់ផ្តើមពង្រីកអាជីវកម្មរបស់ខ្លួនក្រៅពីអាជីវកម្មឧស្សាហកម្មរ៉ែ។ លោកស្រីបានធ្វើការវិនិយោគដ៏ធំ នៅក្នុងក្រុមហ៊ុន Ten Network Holdings និង Fairfax Media ហើយក៏បានពង្រីកទៅក្នុងវិស័កសិកម្មដោយដីកសិកម្មដ៏ធំច្រើន។

យោងតាម Forbes និង Financial Rich List បានឲ្យដឹងថា លោកស្រី Rinehart គឺជាស្ត្រី ដែលមានទ្រព្យសម្បត្តិស្តុកស្តម្ភបំផុតនៅប្រទេសអូស្ត្រាលី ចន្លោះឆ្នាំ២០១១ ដល់ឆ្នាំ២០១៥។ ទ្រព្យសម្បត្តិរបស់លោកស្រី បានឡើងដល់២៩ពាន់លានដុល្លារអូស្រ្តាលី ស្មើនឹង១៨ពាន់លានដុល្លារក្នុងឆ្នាំ២០១២ ដែលពេលនោះលោកស្រីបានដណ្តើមដំណែងពីលោកស្រី Christy Walton ជាស្ត្រីអ្នកមានជាងគេបំផុតនៅលើពិភពលោកហើយត្រូវបានបញ្ចូលទៅក្នុងបញ្ជីរបស់ទស្សនាវដ្តី Forbes ដែលជាស្ត្រីមានឥទ្ធិពលបំផុតទាំង១០០នាក់ក្នុងពិភពលោក។

ទោះជាយ៉ាងណា ទ្រព្យសម្បត្តិសុទ្ធរបស់លោកស្រី Rinehart បានធ្លាក់ចុះគួរឱ្យកត់សម្គាល់ក្នុងរយៈពេលប៉ុន្មានឆ្នាំចុងក្រោយនេះ ដោយសារតែការធ្លាក់ចុះនៅក្នុងវិស័យរ៉ែរបស់អូស្រ្តាលីប៉ុន្តែសំណាងរបស់លោកស្រីនៅមានច្រើន៕

ស្តាប់សម្តីមាសរបស់មហាសេដ្ឋីអចលនទ្រព្យល្បីៗទាំង៤រូបនៅលើពិភពលោក

May 27, 2019

1

ដោយ ម៉ាណេត

ភ្នំពេញៈ មហាសេដ្ឋីនិមួយៗនៅលើពិភពលោក សុទ្ឋតែមានទស្សននិងចក្ខុវិស័យវែងឆ្ងាយ និងប្រកបដោយភាពឈ្លាសវៃនិងឈរលើគោលការណ៍ជាក់លាក់ ដើម្បីសម្រេចបាននូវទស្សនវិស័យរបស់ខ្លួន។

ខាងក្រោមនេះជាសម្តីមាសរបស់មហាសេដ្ឋីអចលនទ្រព្យធំៗនៅលើពិភពលោក ដែលយើងគួរសិក្សាស្វែងយល់ និងគួរត្រិះរិះពិចារណា។

ពីប្រទេសជប៉ុន លោក Akira Mori មហាសេដ្ឋីអចលនទ្រព្យប្រាក់ពាន់លានដុល្លារបានមានប្រសាសន៍ថា ជាបទពិសោធន៍របស់ខ្ញុំ ការទទួលជោគជ័យក្នុងវិស័យអចលនទ្រព្យនៅអតីតកាលជាទូទៅ មិនអាចយកអនុវត្តលើស្ថានភាពបច្ចុប្បន្ន នៃការធ្វើជំនួញអចលនទ្រព្យទេ។

លោកបន្តថា “យើងត្រូវតែបន្តកែឆ្នៃអ្វីថ្មីសម្រាប់ខ្លួនឯង ឲ្យស្របតាមពេលវេលាដោយបង្កើតគំនិតជំនួញថ្មីៗ”។

សហរដ្ឋអាមេរិកឯណោះសម្បីូរមហាសេដ្ឋីអចលនទ្រព្យច្រើនបំផុត ដោយលោក Warren Buffett មហាសេដ្ឋីប្រាក់ពាន់លានដុល្លារ របស់សហរដ្ឋអាមេរិកបាននិយាយថា “ហានិយភ័យកើតឡើងដោយសារអ្នកមិនដឹងថាខ្លួនកំពុងធ្វើអ្វី”។

លោកបន្តថា “វាប្រើរយៈពេល២០ឆ្នាំក្នុងការក៏សាងកេរ្តិ៍ឈ្មោះ ប៉ុន្តែអ្នកអាចបំផ្លាញវាត្រឹមតែ៥នាទី។ ប្រសិនអ្នកគិតគូឲ្យបានហ្មត់ចត់ អ្នកនឹងធ្វើដោយប្រុងប្រយ័ត្ន”។

លោក Donald Trump មហាសេដ្ឋីប្រាក់ពាន់ដុល្លាររបស់សហរដ្ឋអាមេរិកផងដែរ ដែលបច្ចុប្បន្នលោកកំពុងគ្រប់គ្រងដំណែង ជាប្រធានាធិបតីរបាស់សហរដ្ឋអាមេរិក លោកជាអ្នកជំនួញដ៏ជោគជ័យមួយរូប មុនពេលលោកកាន់ដំណែងជាប្រធានាធិបតី។

លោកបានលើកឡើងថា “ខ្ញុំព្យាយាមសិក្សាពីបទពិសោធន៍នៅអតីតកាល ហើយខ្ញុំធ្វើគម្រោងសម្រាប់ពេលអនាគត ដោយផ្តោតសំខាន់លើសកម្មភាពបច្ចុប្បន្ន”។លោកបន្តថា “នៅពេលអ្នកធ្វើអោយមានកំហុសម្តងហើយម្តងទៀត កិច្ចការរបស់អ្នកដែលត្រូវធ្វើគឺបន្តទ្រាំ ហើយតស៊ូកែប្រែវា”។

សម្តីរបស់លោក Donald Trump ដ៏ល្បីមួយគឺ “បើជ្រុលជាគិត សូមគិតឲ្យធំតែម្តងទៅ”។

អ្នកសរសេរសៀវភៅដ៏ល្បីល្បាញមួយរូប គឺលោក Robert Kiyosaki ក៏ជាអ្នកជំនួញល្បីឈ្មោះសញ្ជាតិអាមេរិក។

លោកបាននិយាយថា “បរុសម្នាក់និយាយថា ខ្ញុំមិនមានលទ្ធភាពទិញ (អចលនទ្រព្យ) ទេ ហើយបរុសម្នាក់ទៀតនិយាយថា “តើខ្ញុំធ្វើយ៉ាងដូចម្តេចដើម្បីទិញវាបាន?”។

លោក Robert បានបន្តថា ពេលអ្នកនិយាយថា “ខ្ញុំមិនលទ្ធភាពទិញវាទេ” វាធ្វើឲ្យខួរក្បាលអ្នកឈប់គិត និងធ្វើវា។ ប៉ុន្តែពេលអ្នកវិនិយាយថា “តើខ្ញុំធ្វើយ៉ាងដូចម្តេចដើម្បីទិញវាបាន?” វាធ្វើឲ្យខួរក្បាលអ្នកគិតរិះរកវិធីដើម្បីទីញវា”៕

អ្នកវិនិយោគលំនៅដ្ឋាននិយាយពីយុទ្ធសាស្ត្រនៃការអភិវឌ្ឍន៍បុរីដើម្បីទទួលបានជោគជ័យ

May 27, 2019

0

ដោយៈ រ៉ាណេត

ភ្នំពេញៈ បើទោះជាវិស័យសំណង់កំពុងតែមានភាពរីកចម្រើនខ្ពស់ ជាពិសេសលើផ្នែកសំណង់លំនៅដ្ឋាន ដែលបំពេញទៅតាមតម្រូវការជាក់ស្ដែង នៅលើទីផ្សារនាពេលបច្ចុប្បន្នក៏ពិតមែន ប៉ុន្តែមិនប្រាកដថាក្រុមហ៊ុនអភិវឌ្ឍន៍ ដែលបានដាក់ទុនវិនិយោគទាំងអស់ សុទ្ធតែអាចទទួលបានលទ្ធផលវិជ្ជមានដូចគ្នាទាំងអស់នោះទេ។

ស្ថាបនិក និងជាភាគហ៊ុនិកនៃក្រុមហ៊ុន 3S Real Estate Development លោក ចាប ពៅ ដែលកំពុងតែមានប្រតិបត្តិការយ៉ាងសកម្ម ទៅលើការអភិវឌ្ឍវិស័យលំនៅដ្ឋានបានប្រសាសន៍ប្រាប់តាមទូរស័ព្ទកាលពីព្រឹកថ្ងៃទី២៧ ខែឧសភានេះថា វាមិនមែនជារឿងដែលងាយពេកនោះទេ នៅក្នុងការចូលមកប្រឡូក និងវិនិយោគក្នុងវិស័យមួយនេះ។

លោកបានបន្តថា “យើងទទួលស្គាល់ថា នៅពេលបច្ចុប្បន្ននេះសកម្មភាពនៃការវិនិយោគលើវិស័យសំណង់ ជាពិសេសផ្នែកអភិវឌ្ឍលំនៅដ្ឋានកំពុងតែមានភាពពុះកញ្ជ្រោល រួមមានទាំងការវិនិយោគក្នុងទ្រង់ទ្រាយធំដូចជាបុរីធំៗ ក៏ដូចជាបណ្តុំសំណង់ផ្ទះល្វែងដែលជាការវិនិយោគពីសំណាក់អ្នកជំនួញកម្រិតមធ្យម”។ លោកបន្តទៀតថា “នៅក្នុងចំណោមអ្នកវិនិយោគទាំងនោះ មានខ្លះក៏ទទួលបានជោគជ័យនៅលើការលក់ ហើយខ្លះទៀតក៏ជួបហានិភ័យរហូតបង្ខំចិត្តបិតគម្រោងទៅវិញក៏មានដែរ”។

លោកបន្តថា មុខជំនួញមួយនេះ មុនពេលចាប់ផ្តើមចេញដំណើរ អ្នកជំនួញដែលជាម្ចាស់គម្រោងត្រូវតែមានការគិតពិចារណា និងគូសវាសឱ្យគ្រប់ជ្រុងជ្រោយ ទើបចាប់ផ្តើមចេញដំណើរការ ដើម្បីបញ្ចៀសហានិភ័យ។

លោកចាប ពៅ បានចែករំលែកជាបទពិសោធន៍ដែលធ្លាប់ទទួលបានជោគជ័យនៅលើមុខជំនួញមួយនេះថា “ជាបទពិសោធន៍របស់ខ្ញុំ មុនពេលចេញដំណើរ ខ្ញុំបានត្រៀមខ្លួនរួចជាស្រេច ទាំងយុទ្ធសាស្ត្រនៃការលក់ ទាំងបច្ចេកទេសនៃការគ្រប់គ្រង ជាពិសេសដើមទុននៅក្នុងការវិនិយោគ ដោយមិនពឹងផ្អែកទៅលើដើមទុនដែលនឹងទទួលបានពីការលក់គម្រោងទាំងភាពប្រថុយប្រថាននោះទេ”។ លោកបន្តថា “អ្វីដែលខ្ញុំគិតមុនគេបន្ទាប់ពីដើមទុនបម្រុងនោះ គឺទីតាំងដែលមានសក្តានុពល ដែលអាចឱ្យអតិថិជនទទួលបានប្រយោជន៍ពីការទិញគម្រោង”។

ក្រៅពីនេះ គឺការព្យាយាមធ្វើយ៉ាងណាឱ្យថ្លៃដើមមានកម្រិតទាប ដែលអាចអនុគ្រោះដល់តម្លៃលក់នៅលើទីផ្សារសម្រាប់អតិថិជន ប៉ុន្តែការរចនាម៉ូដ និងគុណភាពសំណង់ ត្រូវតែប្រកបដោយគុណភាពខ្ពស់ដូចការដែលយើងសន្យាជាមួយអតិថិជន។

;ជាមួយគ្នានេះលោកបានបញ្ជាក់ផងដែរថា ជាធម្មតាបើសំណង់លំនៅដ្ឋានមានភាពស្រស់ស្អាត មានគុណភាពល្អ និងស្ថិតនៅលើទីតាំងមានសក្ដានុពលដែលអាងអាស្រ័យផលប្រចាំថ្ងៃបានបន្ថែមពីការជ្រកកោណ នោះអតិថិជននឹងមិនពិបាកក្នុងការសម្រេចចិត្តទិញនោះឡើយ។

លោកឧកញ៉ាឡេង ណាវ៉ាត្រា ដែលជាអ្នកអភិវឌ្ឍវិស័យលំនៅដ្ឋានកម្រិតមធ្យម និងក្រោមមធ្យម ដែលកកំពុងតែទទូលបានផ្លែផ្កាគួរឱ្យកត់សម្គាល់ផងដែរនោះបានមានប្រសាសន៍នៅថ្ងៃដដែលថា យុទ្ធសាស្ត្រសម្រាប់ការប្រកួតប្រជែង នៅក្នុងវិស័យលំនៅដ្ឋានគឺមានចំនួន៤ធំៗ ដែលអ្នកអភិវឌ្ឍន៍ចាំបាច់ត្រូវតែពិចារណា និងអនុវត្តន៍។ លោកបន្តថា ការព្យាយាមធ្វើឱ្យថ្លៃដើមមានកម្រិតទាប ជារឿងមួយដែលត្រូវតែគិតជាចាំបាច់ និងកត្តាទីតាំងក៏ជារឿងដែលសំខាន់ផងដែរ។

លោកបន្តថា “ទីតាំងដែលមានអំណោយផលគឺនៅតំបន់ជាយក្រុង ហើយព្យាយាមទិញក្នុងតម្លៃមួយដែលទាបជាងទីផ្សារ ទើបមានឱកាសក្នុងការអភិវឌ្ឍងាយស្រួល”។ លោកឧកញ៉ាបន្តទៀតថា“ក្រៅពីនេះនៅមានកក្តាគុណភាពសំណង់ ហើយព្យាយាមកាត់បន្ថយនូវការចំណាយមិនចាំបាច់ ដូចជា ការរចនាផ្នែកខាងក្រៅនៃតួអគារ ដែលកាត់បន្ថយចំណាយ ក៏ជាការចូលរួមចំណែកធ្វើឱ្យអតិថិជន មានឱកាសកាន់តែច្រើនក្នុងទទួលយកតម្លៃលក់របស់យើងបាន។

ប្រធានសមាគមអ្នកអភិវឌ្ឍន៍លំនៅដ្ឋាន លោកឧកញ៉ាលី ហួរបានមានប្រសាសន៍ថា ទីផ្សារលំនៅដ្ឋាននៅតែមានការរីកចម្រើន ដោយសារកំនើនសេដ្ឋកិច្ច ដែលធ្វើឲ្យប្រាក់ចំណូលរបស់ប្រជាពលរដ្ឋកើនឡើង ហើយបើសិនជាកម្ពុជានៅតែមានសុខសន្តិភាព សេដ្ឋកិច្ចបនន្តរីកចម្រើនបែបនេះ វិស័យលំនៅដ្ឋាននៅតែមានការរីកចម្រើនរយៈពេលវែងបន្ថែមទៀត។

លោកបន្តថា “ដោយសារការរីកចម្រើនក្នុងវិស័យនេះ បានធ្វើឲ្យអ្នកអភិវឌ្ឈន៍ជាសមាជិកសមាគម បានពង្រីកគំរោងរបស់ពួកគេទៅតាមជាយក្រុង និងបណ្តាខេត្តមួយចំនួនទៀត”។

យោងតាមការសិក្សារបស់ក្រសួងរៀបចំដែនដី នគរូបនីយកម្ម និងសំណង់បានឲ្យដឹងកាលពីពេលថ្មីៗនេះថា កម្ពុជាត្រូវការលំនៅដ្ឋានជាង៨០ម៉ឺនខ្នងបន្ថែមទៀត ក្នុងចន្លោះឆ្នាំ២០១៥ ២០៣០ខាងមុខ៕

ប្រាក់ចំណេញពីឧស្សាហកម្មរបស់ចិនធ្លាក់ចុះនៅដើមឆ្នាំ២០១៩នេះ

May 27, 2019

0

ដោយ វុត្ថា

ប្រទេសចិន៖ ការិយាល័យស្ថិតិជាតិរបស់ចិន (NBS) បានចេញផ្សាយរបាករណ៍របស់ខ្លួននៅថ្ងៃចន្ទនេះថា ប្រាក់ចំណេញរបស់ក្រុមហ៊ុនឧស្សាហកម្មសំខាន់ៗរបស់ប្រទេសចិនបានធ្លាក់ចុះ ៣,៤% ក្នុងសន្ទស្សន៍ប្រចាំឆ្នាំ ក្នុងចន្លោះខែមករា និងមេសាកន្លងមកនេះ។

របាយការណ៍ដដែលបន្តថា ប្រាក់ចំណេញរួមរបស់ក្រុមហ៊ុនឧស្សាហកម្ម ដែលមានប្រាក់ចំណូលប្រចាំឆ្នាំ គឺមានជាង២០លានលានយ័ន ស្មើនឹង២,៩លានលានដុល្លារ ដែលមានចំនួន១,៨១ពាន់ពាន់លានយន់ក្នុងរយៈពេល៤ខែដំបូងនៃឆ្នាំ ២០១៩។

NBS បានបង្ហាញទៀតថា ប្រាក់ចំណូលប្រតិបត្តិរបស់ក្រុមហ៊ុនឧស្សាហកម្មសំខាន់ៗបានកើនឡើងដល់៣២.៨៥០ពាន់លានយ័ននៅក្នុងរយៈពេលដូចគ្នានេះ។

លោក Zhu Hong មន្ត្រីជាន់ខ្ពស់របស់ NBS បានឲ្យដឹងថា ការធ្លាក់ចុះនេះដោយសារការកាត់បន្ថយពន្ធលើតម្លៃបន្ថែម ដែលត្រូវបានអនុវត្តចាប់តាំងពីថ្ងៃទី១ខែមេសាដែលនាំឱ្យមានការទាមទារនូវផលិតផលឧស្សាហកម្មកាលពីខែមីនា។

យោងតាមសារព័ត៌មានXinhua ក្នុងរយៈពេលបួនខែប្រាក់ចំណេញ របស់ឧស្សាហកម្មរបស់រដ្ឋបានធ្លាក់ចុះ ៩,៧ភាគរយ ពីមួយឆ្នាំទៅមួយឆ្នាំ ខណៈប្រាក់ចំណេញរបស់ក្រុមហ៊ុនឯកជនបានកើនឡើង៤,១ភាគរយ។ ក្រុមហ៊ុនរ៉ែ និងផលិតកម្មបានធ្លាក់ចុះ0,៧% និង ៤,៧%។

ក្នុងចំណោមអនុវិស័យចំនួន៤១ មាន ២៧មានប្រាក់ចំណេញខ្ពស់ និង ១៤ផ្សេងទៀតបានទទួលបានប្រាក់ចំណូលទាប៕

ផ្នែកមួយនៃគំរោងវិនិយោគតម្លៃ ៥០០លានដុល្លារត្រៀមដាក់ដំណើរការនៅរមណីយដ្ឋានគិរីរម្យ

May 27, 2019

0

ដោយ គង់ សូរិយា

ភ្នំពេញៈ គំរោងខ្សែរ៉ត ជិះកម្សាន្ត ដែលផ្នែកមួយនៃគំរោងវិនិយោគតម្លៃ៥០០លានដុល្លារអាមេរិក របស់ក្រុមហ៊ុនជប៉ុន A2A Town Cambodia បាននិងកំពុងសាងសង់ និងត្រៀមដាក់ឲ្យដំណើរការជាផ្លូវការនាពេលខាងមុខ។

នាយកផ្នែកអភិវឌ្ឍន៍អាជីវកម្មនៃក្រុមហ៊ុន A2A Town Cambodia លោកហ៊ិន សុជាតិបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី២៧ ឧសភានេះថា គំរោងរៀបចំខ្សែរ៉តជិះកម្សាន្តនេះ បាននិងកំពុងត្រៀមដំណើរការនាពេលឆាប់ៗខាងមុខនេះ។ ខ្សែរ៉តជិះកម្សាន្តនេះមានប្រវែងជាង៣០០ម៉ែត្រ ដែលមានកំពស់ ១០ម៉ែត្រ ដោយសារស្ថានភាពទីតាំង មិនអំណោយផលដល់ការសាងសង់ខ្សែរ៉តមានកំពស់ខ្ពស់បាន។

លោកបន្តថា “គំរោងខ្សែរ៉តជិះកម្សាន្តនេះ ជាផ្នែកមួយនៃគំរោងវិនិយោគជំហ៊ានទី១ ដែលមានតម្លៃជាង៥០០លានដុល្លារអាមេរិក ខណៈគំរោងដទៃទៀតបាននិងកំ ពុងដំណើរការបណ្តើរៗ”។ លោកបន្តថា “បច្ចុប្បន្នក្រុមហ៊ុនកំពុងសិក្សា ដើម្បីសាងសង់ទីលានវាយកូនហ្គោល និងតំបន់កម្សាន្តដទៃទៀត”។

ក្រុមហ៊ុន A2A Town Cambodia បានទទួលការអនុញ្ញាត្តពីរដ្ឋាភិបាលកម្ពុជា ដើម្បីវិនិយោគរមណីយដ្ឋានគិរីរម្យ សម្រាប់តំបន់កម្សាន្តនិងជាផ្ទះទី២របស់ជនជាតិជប៉ុន ដោយរហូតមកទល់បច្ចុប្បន្នក្រុមហ៊ុននេះ ក្រុមហ៊ុនបានសាងសង់ផ្ទះតង់ ផ្ទះប្រអប់ វីឡាស្វីត និងវីឡាបែបលំហែរជាច្រើន សំរាប់ជួលនិងលក់ជូនអ្នកវិនិយោគ ឬអ្នកមានបំណងរកសេវាកម្មលំហែរនៅចុងសប្តាហ៍របស់ពួកគេ៕

សម្តេចតេជោនឹងអញ្ជើញចូលរួមជាអធិបតីក្នុងពិធីចុះហត្ថលេខាចំនួនពីរកំឡុងទស្សនកិច្ចនៅប្រទេសជប៉ុននាចុងសប្តាហ៍នេះ

May 27, 2019

0

ដោយ វុត្ថា

ភ្នំពេញៈ សម្តេចតេជោហ៊ុន សែននាយករដ្ឋមន្រ្តីកម្ពុជា នឹងអញ្ជើញជាអធិបតីជាមួយលោកនាយករដ្ឋមន្រ្តីជប៉ុន ស៊ីន ហ្សូអាបេ ក្នុងពិធីចុះហត្ថលេខាលើគំរោងជំនួយចំនួនពីរដល់កម្ពុជា។

យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ដែលបានចេញផ្សាយកាលពីថ្ងៃទី២៥ ឧសភាកន្លងមកបានឲ្យដឹងថា នាឱកាសនោះនាយករដ្ឋមន្រ្តីទាំងពីរ នឹងអញ្ជើញជាសាក្សីក្នុងការចុះហត្ថលេខាលើ លិខិតផ្លាស់ប្តូរសារព្រមព្រៀងស្តីពី ការផ្តល់ជំនួយ ឥតសំណងរបស់ជប៉ុន សម្រាប់គម្រោងអភិវឌ្ឍន៍ប្រទេសកម្ពុជាចំនួន២ ដូចជាទី១ការអនុវត្តកម្មវិធីអភិវឌ្ឍន៍សេដ្ឋកិច្ចនិងសង្គម-សាងសង់ស្ថានីយកុងតឺណឺ ដែលមានទឹកប្រាក់ ២០០ លានយ៉េនជប៉ុន និងទី២ ការអនុវត្តគម្រោងអាហារូបករណ៍ អភិវឌ្ឍន៍ធនធានមនុស្ស ដែលមានទឹកប្រាក់៣៣៩លានយ៉េនជប៉ុន។

រដ្ឋាភិបាលជប៉ុននឹងចុះហត្ថលេខាជួយសាងសង់ ស្ថានីយ៍កុងទីណ័រតម្លៃ២០០លានយ៉េនដល់កម្ពុជា ក្នុងឪកាសដែលសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលនឹងអញ្ជើញបំពេញទស្សនកិច្ចការងារនៅប្រទេសជប៉ុន ដើម្បីចូលរួមសន្និសីទអន្តរជាតិលើកទី២៥ ស្តីពីអនាគតរបស់អាស៊ី និងព្រឹត្តិការណ៍ជាច្រើនទៀត នៅទីក្រុងតូក្យូចាប់ពីថ្ងៃទី២៩ ដល់ថ្ងៃទី៣១ ខែឧសភា ឆ្នាំ២០១៩ ខាងមុខនេះ។

សេចក្ដីប្រកាសព័ត៌មានដដែលបានឲ្យដឹងថា សម្ដេចតេជោហ៊ុន សែន និងលោក ស៊ិន ហ្សូអាបេ នឹងអញ្ជើញធ្វើជាសាក្សី ក្នុងការចុះហត្ថលេខាលើលិខិតផ្លាស់ប្តូរសារព្រមព្រៀងស្តីពី ការផ្តល់ជំនួយឥតសំណងរបស់ជប៉ុន សម្រាប់គម្រោងអភិវឌ្ឍន៍ប្រទេសកម្ពុជាចំនួន២ ដែលមានទឹកប្រាក់ជាង៥០០លានយ៉េន។

សេចក្តីប្រកាសព័ត៌មានដដែលបន្តថា ក្នុងដំណើរទស្សនកិច្ចនេះ សម្តេចតេជោនាយករដ្ឋមន្រ្តី នឹងមានជំនួបទ្វេភាគីជាមួយ លោកនាយករដ្ឋមន្រ្តីជប៉ុន ស៊ីនហ្សូ អាបេ ដើម្បីពិភាក្សាអំពីបញ្ហាទ្វេភាគី តំបន់ និងអន្តរជាតិ ដែលជាការយកចិត្តទុកដាក់រួម៕

អ្នកវិនិយោគចិននៅតែបន្តទិញអចលនទ្រព្យនៅទីក្រុងបាងកកបើទោះមានឱនភាពសេដ្ឋកិច្ច

May 27, 2019

0

ប្រែសម្រួលដោយ យុទ្ធ

បាងកក៖ អ្នកវិនិយោគចិននឹងបន្តទិញអចលនទ្រព្យនៅទីក្រុងបាងកក ទោះបីមានការធ្លាក់ចុះសេដ្ឋកិច្ចខ្លួន ដែលទំហំធំជាងគេបំផុតរបស់អាស៊ី នៅកំឡុងពេលសង្រ្គាមពាណិជ្ជកម្មជាមួយអាមេរិកក៏ដោយ។ នេះតាមយោងតាមក្រុមហ៊ុនអភិវឌ្ឍអចលនទ្រព្យ Noble Development Plc ដែលមានមូលដ្ឋាននៅទីក្រុងបាងកក។

លោក Thongchai Busrapan ប្រធានក្រុមហ៊ុន Noble Development Plc ដែលត្រូវបានដកស្រង់សម្ដីចេញពីកាសែតបាងកកប៉ុស្តិ៍កាលពីពេលថ្មីៗនេះ បានឲ្យដឹងថា គោលបំណងក្នុងការធ្វើពិពិធកម្មការវិនិយោគ ដោយមិនប្រើប្រាស់ប្រាក់យន់ និងការបង្កើនជើងហោះហើរជាមួយនឹងទីក្រុងបាងកក នឹងគាំទ្រដល់តម្រូវការអលចលនទ្រព្យ។

លោកបន្តថា “ទីផ្សាររបស់យើងគឺតូច បើធៀបនឹងតម្រូវការដ៏ច្រើនពីប្រទេសចិន”។ លោកបន្ថែមថា “ ទីក្រុងបាងកកបានក្លាយជាផ្ទះទីពីរសម្រាប់ពលរដ្ឋចិនជាច្រើន”។

យោងតាមទស្សនៈក្រុមហ៊ុនNoble ឲ្យដឹងថា ការកើនឡើងហួសប្រមាណនៃចំនួនខុនដូ និងច្បាប់ផ្តល់ប្រាក់កម្ចីកាន់តែតឹងរ៉ឹង កំពុងបង្កើតជម្រើសជាច្រើនក្នុងទីផ្សារសម្រាប់អ្នកទិញនៅទីក្រុងបាងកក ខណៈសេដ្ឋកិច្ចថៃកំពុងចុះខ្សោយ។ សន្ទស្សន៍ភាគហ៊ុនអភិវឌ្ឍន៍អចលនទ្រព្យរបស់ថៃ បានធ្លាក់ចុះប្រហែល១០ភាគរយកាលពីឆ្នាំមុនក្នុងទីផ្សារទាំងមូល។

ក្រុមអ្នកវិភាគក្រុមហ៊ុន Citigroup លោក Sureeporn Sirisansaneeyawong និងលោក Kritapas Siripassorn បានថ្លែងថា ក្តីកង្វល់នៅតែបន្តកើតមានចំពោះស្ថានភាពដែលមិនសូវមានភាពអំណោយផងនេះ និងផលប៉ះពាល់ទៅលើតម្រូវការប្រាក់កម្ចី។ ពួកគាត់និយាយថា ការវាយតម្លៃភាគហ៊ុនមើលទៅគួរឱ្យទាក់ទាញ ប៉ុន្តែ “មិនមានកាតាលីករណាមួយជំរុញនៅឡើយទេ”។

ក្រុមហ៊ុន Noble បានឱ្យដឹងថា ការលក់ខុនដូនៅត្រីមាសទី១ របស់ខ្លួនដល់ជនបរទេសបានកើនឡើងដល់ទំហំទឹកប្រាក់១,៧ពាន់លានបាត ហើយរំពឹងថានឹងកើនដល់៦ពាន់លានបាតនៅដំណាច់ឆ្នាំ២០១៩ ដោយកើនឡើងជាងទ្វេដងបើធៀបជាមួយនឹងឆ្នាំមុន៕