​ដោយ​ ​វុត្ថា

​ភ្នំពេញ​៖​ ​មហាយក្ស​ចិន​មិន​ត្រឹមតែ​មាន​សេដ្ឋកិច្ច​លូតលាស់​លំដាប់​ទី២​ ​នៅក្នុង​ពិភពលោក​នោះ​ទេ​ ​ប្រទេស​ដែល​មាន​ប្រជាជន​ចំនួន​ជាង១៣០០លាន​នាក់​នេះ​ ​បាន​និង​កំ​ពុកំ​ពុង​សាងសង់​អគារ​ខ្ពស់​កប់​ពពក់​មួយផ្សេងទៀត​ឈ្មោះ​ ​Shimao​ ​Shenzhen​-​Hong​ ​Kong​ ​International​ ​Centre​ ​កំពស់៦៦៨​ ​ម៉ែត្រ​ស្ថិតនៅ​ក្នុង​ទីក្រុង​ ​Shenzhen​។​ ​

​អគារ​ខ្ពស់កប់ពពក​នេះ​ ​គ្រោង​ង​សាងសង់​ខ្ពស់​ជាង​អាគារ​ ​Shanghai​ ​Tower​ ​ដែល​មាន​កម្ពស់​ត្រឹមតែ៦៣២ម៉ែត្រ​ ​។​ ​អគារ​នេះ​ ​អាច​និយាយ​បាន​ថា​ជា​អគារ​ខ្ពស់​ជាងគេ​លំដាប់​ទី២លើ​ពិភពលោក​បន្ទាប់ពី​អគារ​ ​Burj​ ​Khalifa​ ​នៅក្នុង​ទី​ក្រុង​ឌុបៃ​ដែល​មាន​កំពស់​ ​៨២៨ម៉ែត្រ​។​

​ការរចនា​អគារ​ ​និង​ស្ថាបត្យកម្ម​កំពូល​នេះ​ ​ជា​គម្រោង​របស់​ក្រុមហ៊ុន​ដ៏​ធំ​របស់​ចិន​ ​ឈ្មោះ​ ​Shiamo​ ​Group​ ​ដែល​បាន​បោះទុន​វិនិយោគ​ចំនួន៥០ពាន់​លា​នយ័ន​ ​ស្មើរ​នឹង​ ​៥,៨ពាន់​លាន​ផោន​លើ​គម្រោង​មួយ​នេះ​។​

​អគារ​ដ៏​អស្ចារ្យ​នេះ​ ​ត្រូវ​បាន​គេ​សាងសង់​ឡើង​ ​សម្រាប់​ជាទី​តាំង​ការិយាល័យ​ ​អា​ផា​ត​មិន​ ​សណ្ឋាគារ​លំដាប់​ផ្កាយ៥​ ​មជ្ឈមណ្ឌល​ផ្សារ​ទំនើប​ ​សាលា​អន្តរជាតិ​ ​និង​មជ្ឈមណ្ឌល​តាំងពិព័រណ៍​ ​ព្រមទាំង​កន្លែង​រៀបចំ​ពិធី​ដទៃទៀត​។​

​មជ្ឈមណ្ឌល​ពាណិជ្ជកម្ម​ដ៏​ធំ​មួយ​នេះ​ ​សាងសង់​លើ​ទំហំដី​ ​៣២១,៩០០​ ​ម៉ែត្រការ៉េ​ ​ដែល​មាន​ទីតាំងនៅ​ក្នុង​ស្រុក​ ​Longang​ ​ភាគ​ខាងកើត​នៃ​ទីក្រុង​ ​Shenzhen​។​

​តាម​ការ​គ្រោងទុក​ជាដំបូង​ ​អគារ​ខ្ពស់កប់ពពក​នេះ​ ​នឹង​សាងសង់​បញ្ចប់​នៅក្នុង​ឆ្នាំ​ ​២០២៤ដែល​អាច​ជា​អគារ​ជាប់​កំណត់​ត្រា​ពិភពលោក​ ​ខណៈ​អគារ​នៅក្នុង​ទី​ក្រុង​ឌុបៃ​ ​Dubai​ ​One​ ​Towe​​r មាន​កំពស់​ ​៧១១ម៉ែត្រ​ ​នឹង​ត្រូវ​សាងសង់​បញ្ចប់​មុន​អាគារ​នេះ​រយៈពេល​បី​ឆ្នាំ​ ​ពោល​គឺ​ស្ថិតនៅ​ក្នុង​ឆ្នាំ ២០២១​៕​

ដោយ​ ​វុត្ថា

​ភ្នំពេញ​៖​ ​រដ្ឋChicago​ ​របស់​សហរដ្ឋអាមេរិក​ ​កំពុង​បង្ហាញ​កិត្យានុភាព​របស់​ខ្លួន​ ​ដោយ​គ្រោង​នឹង​សាងសង់​អគារ​ខ្ពស់កប់ពពក​មួយទៀត​ ​នៅ​ក្បែ​អគារ​ប្រវត្តិសាស្ត្រ​ ​Tribune​ ​Tower​ ​។​ ​

​អគារ​នេះ​គឺជា​អគារ​ខ្ពស់​លំដាប់​ទី២​ ​នៅក្នុង​ក្រុង​ ​ហើយ​ត្រូវ​បាន​គូ​ប្លង​ដោយក្រុម​ហ៊ុន​ស្ថាបត្យករ​ល្បីឈ្មោះ​ ​គឺ​ ​Adrian​ ​Smith​ ​+​ ​Gordon​ ​Gill​ ​។​ ​អគារ​ដែល​នឹង​សាងសង់​នេះ​ ​មាន​កំពស់ ៤៣៣ម៉ែត្រ​ ​ដែល​ទាប​ជាង​អគារ Willis​ ​Tower​ ​(​អតិត​ ​អគារ​ ​Sear​ ​Tower​)​ ​ដែល​គូ​ប្លង់​ដោយក្រុម​ហ៊ុន​ ​Skidmore​ ​Owings​ ​&​ ​Merrill​ ​នៅក្នុង​ឆ្នាំ​ ​១៩៧៣​។

​
​ស្ថា​បករ​ ​លោក​ ​Gordon​ ​Gill​ ​មក​ពី​ស្ថាបត្យករ​ក្រុមហ៊ុន​ ​Adrian​ ​Smith​ ​+​ ​Gordon​ ​Gill​ ​បាន​រចនា​ប្លង់​អាគារ​ខ្ពស់​ថ្មីនេះ​ ​ជាផ្នែក​មួយ​នៃ​គម្រោង​ធំជាង​មុន​ ​ដែល​រួមមាន​ការ​ជួសជុល​អគារ​ ​Tribune​ ​Tower​ ​និង​អគារ​នៅ​ជុំវិញ​។​

​អគារ​នេះ​នឹង​ត្រូវ​គេ​សាងសង់​ឡើង​កំពស់​ ​៩៦ជាន់​ ​ដោយ​បូក​បញ្ចូល​ទាំង​ចំណតរថយន្ត​ ​អាហារដ្ឋាន​ ​ហាង​លក់ទំនិញ​ ​និង​សណ្ឋាគារ​ជាដើម​។​ ​លើស​ពីនេះ​ទៀត​អគារ​នេះ​មាន​ផ្ទះ​ល្វែ​សម្រាប់​ជួល​ចំនួន​ ​៤៣៩​ ​និង​ខុន​ដូ​ចំនួន​ ​១២៥យូនី​ត​នៅ​លើកំពូល​នៃ​អគារ​។​

​ផ្នែក​ខាងកើត​ ​និង​ខាងលិច​ ​នៃ​អគារ​មាន​លង្ហិន​មាន​ពណ៌ត្នោត​ ​ដែល​ត្រូវ​បាន​រចនា​ឡើង​ ​ដើម្បី​បិទ​ផ្នែក​ខាងក្រៅ​នៃ​អគារ​ប្រវត្តិសាស្ត្រ​របស់​ ​Tribune​ ​Tower​ ​។​

​សេចក្តី​ថ្លែងការណ៍​មួយ​ពី​ក្រុមហ៊ុន​អភិវឌ្ឍន៍​ក្នុង​ស្រុក​ ​គឺ​ក្រុមហ៊ុន​ ​Golub​ ​&​ ​Co​ ​ដែល​កំពុងធ្វើការ​ជាមួយ​ក្រុមហ៊ុន​ ​CIM​ ​Group​ ​ដែល​មាន​មូលដ្ឋាន​នៅ​ទីក្រុង​ឡា​អេ​បាន​​ឱ្យ​ដឹង​ថា​ ​ការសាងសង់​អគារ​នេះ​ ​មាន​គោលបំណង​«​ចូលរួម​កិច្ច​សន្ទនា​ប្រកបដោយ​ការ​ចុះសម្រុង​»​ ​ជាមួយនឹង​អគារ​នេះ​។​

​អគារ​នេះ​ត្រូវ​គេ​រំពឹង​ថា​នឹង​សាងសង់​បញ្ចប់​ ​និង​ដាក់អោយ​ដំណើរការ​ជា​ផ្លូវការ​នៅ​នៅក្នុង​ឆ្នាំ២០២០​ ​ខាងមុខនេះ​ ​តែ​យ៉ាងណាក៏ដោយ​គេ​មិនបាន​បង្ហាញ​ពី​ការ​ចំណាយ​ថវិកា​អស់​ប៉ុន្មាន​ទេ​ ​ចំពោះ​ការសាងសង់​អគារ​ខ្ពស់កប់ពពក​មួយ​នេះ​៕​

​ដោយ​ ​គង់​ ​សូ​រិយា​

​ភ្នំពេញ​៖​ ​ខណៈ​ថ្ងៃ​បើក​ការដ្ឋាន​កាន់តែ​ខិត​ជិត​មកដល់​ ​និង​ការ​ទន្ទឹង​របស់​ប្រជាពលរដ្ឋ​កាន់តែ​មាន​សង្ឃឹម​ពី​ការសាងសង់​ផ្លូវ​ល្បឿន​លឿន​ភ្នំពេញ​ ​ក្រុង​ព្រះសីហនុ​ ​ប្រជាពលរដ្ឋ​ពិតជា​ចង់​ដឹង​ថា​ផ្លូវ​នេះ​មាន​ចំណុច​អ្វី​ពិសេស​ខ្លះ​មិនខាន​។​

​លោក​ ​វ៉ា​ស៊ី​ម​ ​សូ​រិយា​ ​អ្នកនាំពាក្យ​ក្រសួង​សាធារណៈ​ការ​ ​និង​ដឹកជញ្ជូន​បាន​មានប្រសាសន៍​ឱ្យ​ដឹង​តាម​ទូរស័ព្ទ​កាលពី​ថ្ងៃទី៤​ ​មីនា​កន្លងមក​ថា​ ​ផ្លូវ​នេះ​ពិតជា​មាន​ចំណុច​ពិសេស​មួយចំនួន​ ​ខុសពី​ផ្លូវ​ធម្មតា​ ​ដូចជា​ ​ទី១​ ​ផ្លូវ​នេះ​មាន​ចំណត​ឈប់​សំរាក​ចំនួន​ ​៣កន្លែង​ ​ទី២​ ​មាន​ស្ពាន​តូច​ ​៥កន្លែង​ ​និង​ស្ពាន​ធំ​ចំនួន​ ​៨០កន្លែង​ ​មាន​ប្រវែង​សរុប​ ​៦០១៥ម៉ែត្រ​ ​ទី៣​ ​មាន​ស្ពាន​អាកាស​ដែល​មាន​សណ្ឋាន​ ​ដូច​ស្ពាន​អាកាស​ស្ទឹងមានជ័យ​ ​៦កន្លែង​ ​និង​សា​គួរ​ ​១កន្លែង​ ​ទី៤​ ​ការសាងសង់​ផ្លូវ​នេះ​នឹង​ធ្វើ​របង​បិទ​ជិត​ ​មិន​ឱ្យ​សត្វពាហនៈ​ ​ម៉ូតូ​ ​និង​រ៉ឺម៉កម៉ូតូ​ឆ្លងកាត់​បាន​នោះ​ទេ​។​

​ទី៦​ ​មាន​មណ្ឌល​ប្រតិបត្តិ​ការ​ថែ​រទាំ​យានយន្ត​ចំនួន​ ​១កន្លែង​ ​ពិសេស​កន្លែង​បង់លុយ​ពីរ​ថ​យន្ត​ឆ្លងកាត់​ ​ទី៧​ ​ផ្លូវ​នេះ​មាន​ចម្ងាយ​ខ្លី​ ​ធៀប​ជាមួយ​ផ្លូវជាតិ​លេខ៤​ ​ដែល​មាន​ចម្ងាយ២២៤គីឡូម៉ែត្រ​ ​តែ​ផ្លូវ​នេះ​មាន​ចម្ងាយ​ជាង​ ​១៩០គីឡូម៉ែត្រ​បន្តិច​ប៉ុណ្ណោះ​ ​និង​ទី៨​ ​ផ្លូវ​នេះ​តម្រូវ​ឱ្យ​អ្នកបើកបរ​យានយន្ត​បើកបរ​ក្នុង​ល្បឿន​ ​៩០​ ​ទៅ១៦០គីឡូម៉ែត្រ​ ​ក្នុង​មួយ​ម៉ោង​។​

​សម្តេច​តេជោ​ ​ហ៊ុន​ ​សែន​ ​នាយក​រដ្ឋមន្រ្តី​កម្ពុជា​ ​នឹង​អញ្ជើញ​បើក​ការដ្ឋាន​សាងសង់​ផ្លូវ​នេះ​នៅ​ថ្ងៃទី២២​ ​មីនា​ខាងមុខនេះ​៕​

ដោយ​ ​ស៊ីវ​ ​ម៉េ​ង​

​ភ្នំពេញ​៖​ ​រដ្ឋាភិបាល​កម្ពុជា​តាមរយៈ​គណៈកម្មការ​រៀបចំ​ទីតាំង​គម្រោង​សាងសង់​អាកាសយាន​ដ្ឋាន​អន្តរជាតិ​ភ្នំពេញថ្មី​ ​បានសម្រេច​ផ្អាក​ជា​បណ្តោះអាសន្ន​នូវ​រាល់​ការទិញ​ ​លក់​ដី​ ​នៅ​តំបន់​ ​ដែល​បង្ក​ការ​លំបាក​ ​និង​រាំងស្ទះ​ដល់​ដំណើរការ​អនុវត្ត​គម្រោង​សាង​សង់​ព្រលា​នយន្តហោះ​ថ្មី​។​

​តាម​សេចក្តី​ប្រកាស​ព័ត៌មាន​បន្ទាប់ពី​កិច្ចប្រជុំ​របស់​គណៈកម្មការ​ ​នេះ​សម្រេច​បាន​ ​៩​ ​ចំណុច​ ​ក្នុង​នោះ​ចំណុច​ទី៦បាន​បញ្ជាក់​ថា​ ​ប្រគល់​ភារកិច្ច​ជូន​រដ្ឋបាល​ខេត្តកណ្តាល​ ​រដ្ឋបាល​ខេត្តតាកែវ​ ​និង​អគ្គនាយក​ដ្ឋាន​សុរិយោដី​ ​និង​ភូមិ​សាស្រ្ត​ ​កំណត់​អត្តសញ្ញាណ​ប្រជាពលរដ្ឋ​ដែល​មាន​ដី​ ​នៅក្នុង​ទីតាំង​គម្រោង​ឲ្យបាន​ច្បាស់លាស់​ ​ដោយ​ផ្អែក​ទៅតាម​ការ​កាន់កាប់​ជាក់ស្តែង​ ​និង​ឯកសារ​ពាក់ព័ន្ធ​ ​ដើម្បី​មាន​មូលដ្ឋាន​ក្នុង​ការ​ដោះស្រាយ​ផល​ប៉ះពាល់​ជូន​ប្រជាពលរដ្ឋ​។​ ​

​គណ​កម្មការ​នេះ​បាន​អះអាង​ថា​ ​“​តាម​ការចាំបាច់​ត្រូវ​ផ្អាក​ជា​បណ្តោះអាសន្ន​នូវ​ការ​ធ្វើ​ចរន្ត​ការ​ ​ដី​ ​(​ការទិញ​ ​លក់​)​ ​ស្ថិត​ក្នុង​ទីតាំង​ ​ដែល​បង្ក​ការ​លំបាក​ ​និង​រាំងស្ទះ​ដល់​ដំណើរការ​អនុវត្ត​គ​ម្រោ​ង​ព្រលា​នយន្តហោះ​លំដាប់​អន្តរជាតិ​នេះ​”​។​

​គ​ម្រោ​ង​ព្រលា​នយន្ត​ហោះ​ ​ដែល​គ្រោង​វិនិយោគ​ទឹកប្រាក់១៥០០លាន​ដុល្លារ​អាមេរិក​ ​ដោយក្រុម​ហ៊ុន​ ​OCIC​ ​និង​ក្រុមហ៊ុន​ចិន​ ​គ្រោង​សាងសង់​ឡើង​ក្នុង​កម្រិត​ជា​ព្រលា​នដែ​លមាន​ស្តង់​ដា​ ​F4​ ​ដែល​អាច​អនុញ្ញាត​ឲ្យ​យន្តហោះ​ធុន​ធំៗ​ចុះចត​បាន​នេះ​ ​នឹង​សាងសង់​ក្នុង​ភូមិ​សាស្រ្ត​ខេត្តកណ្តាល​ ​និង​ខេត្តតាកែវ​ ​លើ​ផ្ទៃដី​ទំហំ២​ ​៦០០ហិ​ក​តា​។​ ​

​ប្រធាន​សមាគម​អ្នក​វាយតម្លៃ​ ​និង​ភ្នាក់ងារ​អចលនវត្ថុ​កម្ពុជា​លោក​ ​ច្រឹក​ ​សុ​ខ​នីម​ ​បាន​មានប្រសាសន៍​ថា​ ​ការ​ផ្អាក​ជា​បណ្តោះអាសន្ន​ការទិញ​លក់​ដី​ ​នៅ​ទីតាំង​គ្រោង​សាង​សង់​ព្រលា​នយន្ត​ហោះ​ថ្មី​ ​នឹង​មិន​បង្ក​ឲ្យ​វិស័យ​អចលនទ្រព្យ​ក្នុង​តំបន់​មាន​បញ្ហា​អ្វី​នោះ​ទេ​ ​​ព្រោះថា​នៅក្នុង​ការចាំបាច់​ ​ដែល​តម្រូវឲ្យ​មានការ​ផ្អាក​បណ្តោះអាសន្ន​ការ​ ​ធ្វើ​ចរន្ត​ការ​ដី​នោះ​ ​គឺជា​រឿង​ល្អ​ ​ព្រោះ​វា​អាច​ជួយ​ធ្វើឲ្យ​មាន​ភាព​ងាយស្រួល​ ​ក្នុង​ការ​ដោះស្រាយ​តម្លៃ​ ​គោលនយោបាយ​នានា​ ​ដើម្បី​អាច​ជៀសវាង​បញ្ហា​នៅពេល​ក្រោយ​៕​

​ដោយ​ ​គង់​ ​សូ​រិយា​

​ភ្នំពេញ​៖​ ​មន្រ្តី​ក្រសួង​សាធារណៈ​ការ​ ​និង​ដឹកជញ្ជូន​បាន​អះអាង​ថា​ ​ស្ពាន​អាកាស​ចំនួន៧នឹង​ត្រូវ​សាងសង់​នៅ​លើ​ផ្លូវ​ល្បឿន​លឿន​ភ្នំពេញ​ ​ក្រុង​ព្រះសីហនុ​ ​បន្ថែម​ពីលើ​ស្ពាន​តូច​ធំ​មួយចំនួន​ទៀត​។​

​អ្នកនាំពាក្យ​ក្រសួង​ខាងលើ​នេះ​ ​លោក​ ​វ៉ា​ស៊ី​ម​ ​សូ​រិយា​ ​បាន​មានប្រសាសន៍​ឲ្យដឹង​តាម​ទូរស័ព្ទ​នា​រសៀល​ថ្ងៃទី៤​ ​មិនា​នេះ​ថា​ ​ការសាងសង់​ផ្លូវ​ប្រវែង​ ​១៩០គីឡូម៉ែត្រ​នេះ​នឹង​ចំណាយ​រយៈពេល៤៨ខែ​ ​ដែល​ជា​ប្រភេទ​ផ្លូវ​បង់លុយ​លើកដំបូង​នៃ​ផ្លូវ​ល្បឿន​លឿន​នៅ​កម្ពុជា​។​លោក​បន្ត​ថា​ ​តាម​គំរោង​ផ្លូវ​នេះ​នឹង​មាន​ស្ពាន​តូច​ចំនួន៥​ ​និង​ស្ពាន​ប្រវែង​មធ្យម​ទៅ​ធំ​ចំនួន ៨០​កន្លែង​ ​ពិសេស​មាន​ស្ពាន​អាកាស​ចំនួន៧​ ​(​សា​គួរ​ចំនួន១​)​ដែល​នឹង​ធ្វើ​ពីលើ​ផ្លូវ​នេះ​។​

​លោក​បន្ត​ថា​ ​“​ផ្លូវ​ល្បឿន​លឿន​នេះ​ ​នឹង​មានការ​សាងសង់​របង​បិទ​ជិត​ ​ដោយ​មិន​អនុញ្ញាត្ត​ឲ្យ​មាន​រម៉ក​ ​ម៉ូតូ​ ​ឬ​សត្វ​ពាហណៈ​ឆ្លងកាត់​បាន​នោះ​ទេ​”​។​លោក​បន្ត​ថា​ ​“​សម្តេច​តេជោ​ហ៊ុន​ ​សែន​នាយក​រដ្ឋមន្រ្តី​នៃ​ព្រះរាជាណាចក្រ​កម្ពុជា​ ​នឹង​អញ្ជើញ​ជា​អធិ​ត​បី​ក្នុង​ពិធី​បើក​ការដ្ឋាន​សាងសង់​ផ្លូវ​នេះ​នៅ​ថ្ងៃទី២២​ ​មិនា​ខាងមុខនេះ​”​។​

​ផ្លូវ​ល្បឿន​លឿន​ភ្នំពេញ​ ​ក្រុង​ព្រះសីហនុ​នឹង​ចាប់ផ្តើម​ចេញពី​តំបន់​កប់​ស្រូវ​ ​និង​រត់​ស្របតាម​ផ្លូវជាតិ​លេខ៤ផ្នែក​ខាងស្តាំ​ដៃ​ ​រហូត​ជិតដល់​ទីរួមខេត្ត​កំពង់ស្ពឺ​ ​នឹង​ត្រូវ​ឆ្លងកាត់​តំបន់​នេះ​តាមរយៈ​ស្ពាន​អាកាស​ ​ងាក​ទៅ​ខាងឆ្វេង​ដៃ​វិញ​រហូតដល់​ស្រុក​ព្រៃនប់​ ​ខេត្ត​ព្រះសីហនុ​ ​ទើប​ងាក​មកកាន់​ស្តាំ​ដៃ​វិញ​ ​រហូតដល់​មាត់សមុទ្រ​។​

​Express​ ​way​ ​នេះ​ ​នឹង​សាងសង់​ដោយក្រុម​ហ៊ុន​ ​China​ ​Road​ ​and​ ​Bridge​ ​Corporation​(​CRBC​)​ ​ដែល​គ្រោង​ចំណាយ​ថវិកា​ចំនួន១៩០០លាន​ដុល្លារ​អាមេរិក​៕​

ដោយ​ ​ស៊ីវ​ ​ម៉េ​ង​

​កោះកុង​៖​ ​ស្រប​ពេល​បណ្តា​ខេត្ត​ជាប់មាត់​សមុទ្រ​ចំនួន​បី​ ​កំពុង​បង្ហាញ​សក្តា​នុ​ពល​របស់​ខ្លួន​ ​ខេត្តកោះកុង​ដែល​នៅ​ដាច់ស្រយាល​ជាងគេ​ ​ក៏បាន​និង​កំពុង​មាន​សក្តា​នុ​ពល​លេចធ្លោ​ជាច្រើន​ដែល​បាន​និង​កំពុង​សាងសង់​ផង​ដែរ​។​

​ហេ​ដ្ឋា​រចនា​សម្ព័ន្ឋ​ធំៗ​ចំនួន៥នោះ​ ​រួមមាន​ ​ទី១​ ​ព្រលា​នយន្​ត​ហោះ​លំដាប់​អន្តរជាតិ​នៅ​ប្រជុំកោះ​ស្តេច​ ​ស្ថិតនៅ​ក្នុង​ស្រុក​តារា​សាគរ​ ​(​កំពុង​សាងសង់​)​ ​ទី២​ ​កំពង់ផែ​ទឹកជ្រៅ​នៅ​ប្រជុំកោះ​ស្តេច​ ​(​កំពុង​សាងសង់​)​ ​ទី៣​ ​ការពង្រីក​ផ្លូវជាតិ​លេខ៤៨ជា៤គន្លង​ ​នា​ពេល​អនាគត​ ​ទី៤​ ​ការសាងសង់​ផ្លូវ​មួយ​ខ្សែ​ចេញពី​តំបន់​សំឡូត​ក្នុង​ខេត្តបាត់ដំបង​ ​ឆ្លងកាត់​ខេត្ត​ពោធិ​សាត់​ ​ឆ្ពោះទៅ​កាន់​ខេត្តកោះកុង​ ​ទី៥​ ​តំបន់​ស្ថិតនៅ​ជាប់​ព្រំដែន​ប្រទេស​ថៃ​ ​ដែល​មាន​ច្រក​អន្តរជាតិ​ ​ដែល​តភ្ជាប់​រវាង​ប្រទេស​ទាំងពីរ​ ​ដែល​ងាយស្រួល​ក្នុង​ការ​ដឹកជញ្ជូន​ទំនិញ​ ​និង​ការ​តភ្ជាប់​ពាណិជ្ជកម្ម​។​

​បច្ចុប្បន្ន​ក្រុមហ៊ុន​ ​Union​ ​Development​ ​Group​ ​បាន​និង​កំពុង​វិនិយោគ​លើ​ផ្ទៃដី​ជាង៣៦ពាន់​ហិ​ក​តា​នៅក្នុង​ស្រុក​គិរី​សាគរ​ ​និង​បុទុមសាគរ​ក្នុង​ខេត្ត​នេះ​ ​ដែល​គំរោង​វិនិយោគ​នេះ​បាន​និង​កំពុង​ផ្លាស់​ប្តូរ​មុខមាត់​ខេត្ត​នេះ​យ៉ាង​សំបើម​។​ ​

​អនុប្រធាន​ក្រុមប្រឹក្សា​ភិបាល​សមាគម​អ្នកជំនាញ​អចលនទ្រព្យ​កម្ពុជា​ ​លោ​ក​យិន​ ​លាង​គង់​បាន​មានប្រសាសន៍​ថា​ ​បញ្ហា​ផ្លូវ​ឆ្ងាយ​បន្តិច​លែង​ជា​បញ្ហា​ទៀតហើយ​ ​ដោយសារ​ ​ការ​សាង​សង់​ព្រលា​នយន្​ត​ហោះ​ក្នុង​ខេត្ត​នេះ​ ​ដែល​បច្ចុប្បន្ន​គំរោង១ កំពុង​សាងសង់​ ​និង​គម្រោង​របស់​ក្រុមហ៊ុន​ ​Bangkok​ ​Airway​ ​បាន​ទទួល​អាជ្ញាប័ណ្ណ​ពី​រដ្ឋាភិបាល​ហើយ​ ​ដើម្បី​វិ​និ​យោ​គ​ព្រលា​នយន្​ត​ហោះ​នៅក្នុង​ខេត្ត​។​លោក​បន្ត​ថា​ ​កំនើ​ននៃ​ការ​វិនិយោគ​នឹង​ធ្វើឲ្យ​ខេត្តកោះកុង​ក្លាយជា​តារា​ថ្មី​មួយ​នៃ​តំបន់​ ​K4​ ​កម្ពុជា​ ​ដូច​កា​រប្រសិទ្ឋ​នាម​របស់​សម្តេច​តេជោ​ថា​”​តំបន់ឆ្នេរ​ជាតា​រា​រះ​នា​ទិស​នារ​តី​”​។​

​លោក​បន្ត​ថា​ ​“​បច្ចុប្បន្ន​អ្នក​វិនិយោគ​ក្នុង​ស្រុក​ ​និង​អន្តរជាតិ​បាន​និង​កំពុង​សម្លឹង​និង​ពង្រីក​សក្តា​នុ​ពល​ក្នុង​ខេត្ត​នេះ​ ​ដែល​ធ្វើឲ្យ​តម្លៃ​ដីធ្លី​កើនឡើង​យ៉ាង​ខ្លាំង​”​។​ ​លោក​បន្ថែម​ថា​ ​“​ខ្ញុំ​ជឿ​ថា​ខេត្តកោះកុង​ ​នឹង​មានការ​រីកចម្រើន​ខ្លាំង​ក្នុងរយៈពេល ៥ឆ្នាំខាងមុខ​នេះ​ ​ដោយសារ​ការ​វិនិយោគ​ហេ​ដ្ឋា​រចនាសម្ព័ន្ឋ​នានា​របស់​រដ្ឋាភិបាល​ ​និង​ការ​វិនិយោគ​ពី​វិស័យ​ឯកជន​”​។​
​
ប្រធាន​សមាគម​ទីភ្នាក់ងារ​ទេសចរណ៍​កម្ពុជា​ ​លោកស្រី​ ​ឆាយ​ ​ស៊ី​វលី​ន​ ​បាន​មានប្រសាសន៍​ថា​ ​ខេត្តកោះកុង​មាន​សក្តា​នុ​ពល​ខ្លាំង​ណាស់​សំរាប់​វិស័យ​ទេសចរណ៍​ ​និង​ពាណិជ្ជកម្ម​ ​ដោយសារ​ខេត្ត​នេះ​មាន​ធនធាន​ធម្មជាតិ​ច្រើន​ ​ដែល​មិនទាន់​ទាញ​យក​មក​ប្រើប្រាស់​អស់​សក្តា​នុ​ពល​នៅឡើយ​។​លោកស្រី​បន្ត​ថា​ ​ហេតុនេះ​ក្រោយ​ការ​សាង​សង់​ព្រលា​នយន្​ត​ហោះ​ចប់​ ​ខេត្ត​នេះ​នឹង​ទទួលការ​រីកចម្រើន​បន្ថែម​ទៀត​ ​ទាំង​វិស័យ​ទេសចរណ៍​ ​និង​ ​ពាណិជ្ជកម្ម​”​។​

​លោកស្រី​បន្ត​ថា​ ​“​ការ​សាង​សង់​ព្រលា​នយន្​ត​ហោះ​អន្តរជាតិ​ថ្មី​ ​ក្នុង​ខេត្ត​នេះ​នឹង​ធ្វើឲ្យ​វិស័យ​អាកាសចរណ៍​កម្ពុជា​កាន់តែ​មានការ​រីកចម្រើន​ ​ហើយ​ក្រុមហ៊ុន​វិនិយោគ​នេះ​នឹង​ទាក់ទាញ​អាកាស​ចរ​ណ៍​ថ្មី​ៗ​ឲ្យ​ហោះ​ត្រង់​មក​កម្ពុជា​កាន់តែ​ច្រើន​”​៕​ ​