ក្រុមហ៊ុនចិនដ៏ធំមួយបោះទុនជាង ៨៨លានដុល្លារសាងសង់សណ្ឋាគារនៅតំបន់រាម ក្នុងខេត្តព្រះសីហនុ

February 19, 2019

ដោយគង់ សូរិយា

ភ្នំពេញ៖ ក្រុមហ៊ុនចិនដ៏ធំមួយឈ្មោះ“NANJING DADI CONSTRUCTION (CAMBODIA) DEVELOPMENT GROUP CO.,LTDបានប្រកាសវិនិយោគទឹកប្រាក់ជាង៨៨លានដុល្លារអាមេរិក ដើម្បីសាងសង់សេវាកម្មបដិសណ្ឋារកិច្ចនៅតំបន់រាម ក្នុងខេត្តព្រះសីហនុ។

យោងតាមសេចក្តីប្រកាសព៌តមានរបស់ក្រុមប្រឹក្សាអភិវឌ្ឍន៍កម្ពុជា បានឲ្យដឹងនាព្រឹកថ្ងៃទី១៩ កុម្ភៈនេះថា គណកម្មាធិការវិនិយោគនៃក្រុមប្រឹក្សាអភិវឌ្ឍន៍កម្ពុជា បានអនុម័តឲ្យក្រុមហ៊ុនខាងលើនេះវិនិយោគ”គម្រោងសាងសង់ និងអាជីវកម្មសណ្ឋាគារថ្នាក់ផ្កាយ៥ចំនួន៣០០បន្ទប់ មជ្ឈមណ្ឌលពាណិជ្ជកម្ម និងរីសត ដែលមានទីតាំងវិនិយោគស្ថិតនៅភូមិអុង ឃុំរាម ស្រុកព្រៃនប់ ខេត្តព្រះសីហនុ។

គំរោងវិនិយោគនេះមានទុនវិនិយោគប្រមាណ៨៨,៤លានដុល្លារអាមេរិក និងអាចបង្កើតការងារបានចំនួន២.៥៩៨កន្លែង។

វិស័យសំណង់ និងអចលនទ្រព្យក្នុងខេត្តព្រះសីហនុមានការរីកចម្រើនយ៉ាងខ្លាំងក្នុងរយៈពេលបីឆ្នាំចុងក្រោយនេះ ដោយទំហំទុនវិនិយោគក្នុងវិស័យនេះបានកើនឡើងដល់ជាង១០០០លានដុល្លារអាមេរិកកាលពីឆ្នាំមុន ហើយសំណង់អាគារខ្ពស់ៗបានកើនឡើងដល់ជាង២០០អាគាររហូតមកទល់ពេលនេះ។នេះបើតាមការឲ្យដឹងពីលោកយន្ត មីនអភិបាលខេត្តព្រះសីហនុ។

លោកបានបន្តថា “ដោយសារកំនើននៃការវិនិយោគពីអ្នកវិនិយោគជាតិ អន្តរជាតិ ពិសេសអ្នកវិនិយោគចិន បានធ្វើឲ្យប្រាក់ចំណូលប្រជាពលរដ្ឋក្នុងខេត្តព្រះសីហនុកើនឡើងដល់ជាង៣០០០ដុល្លារអាមេរិកសម្រាប់មនុស្សម្នាក់ក្នុងមួយឆ្នាំ”។

ជាមួយនឹងកំនើនភ្ញៀវទេសចរណ៍ និងកំនើននៃការវិនិយោគ បានធ្វើឲ្យរដ្ឋាភិបាលនិងក្រុមហ៊ុនវិនិយោគអាកាសយានដ្ឋានកម្ពុជា បានចាប់ផ្តើមពង្រីកអាកាសយានដ្ឋានខេត្តព្រះសីហនុឲ្យមានទំហំធំជាងមុន ដែលអាចចុះចតយន្តហោះខ្នាតមធ្យម ដែលផ្ទុកអ្នកដំណើរជាង៤០០នាក់ចុះចតបាន។ សមត្ថភាពព្រលានយន្តហោះ បន្ទាប់ពីពង្រីករួច គឺអាចទទួលបានអ្នកដំណើរ១០លាននាក់ក្នុងមួយឆ្នាំ និងអាចទទួលអ្នកដំណើរកាន់តែច្រើន និងទទួលការចុះចតយន្តហោះកាន់តែច្រើន និងធំជាងមុន៕

ជប៉ុនផ្ដល់ជំនួយឥតសំណង និងកម្ចីការប្រាក់ទាបជាង ៤០លានដុល្លារសម្រាប់អភិវឌ្ឍន៍កម្ពុជា

February 19, 2019

0

ដោយ វុត្ថា

ភ្នំពេញ៖ រដ្ឋាភិបាលជប៉ុនតាមរយៈស្ថានទូតរបស់ខ្លួនប្រចាំកម្ពុជា បានប្រកាសផ្ដល់ជំនួយឥតសំណង និងកម្ចីការប្រាក់ទាបដល់កម្ពុជាជាង៤០លានដុល្លារអាមេរិកសម្រាប់គម្រោងកែលម្អ និងស្ដារប្រព័ន្ធស្រោចស្រព និងប្រព័ន្ធដោះទឹកភាគខាងលិចបឹងទន្លេសាបជំហានទី២ និងវិស័យអគ្គិសនីនៅកម្ពុជា។

យោងតាមសេចក្ដីជូនដំណឹងរបស់ក្រសួងការបរទេស និងសហប្រតិបត្តិការអន្តរជាតិ ដែលបានចេញនៅព្រឹកថ្ងៃទី១៩ ខែកុម្ភៈ ឆ្នាំ២០១៩នេះបានឲ្យដឹងថា នៅថ្ងៃទី២០ ខែកុម្ភៈ ឆ្នាំ២០១៩ នៅទីស្ដីការក្រសួងការបរទេស និងសហប្រតិបត្តិការអន្តរជាតិ លោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងលោកហូរីណូអ៊ូជិ ហ៊ីដេហ៊ីសា (HORINOUCHI Hidehisa) ឯកអគ្គរាជទូតជប៉ុនប្រចាំកម្ពុជា នឹងអញ្ជើញចុះហត្ថលេខាលើលិខិតប្ដូរសារ ស្ដីពីការបន្តការទ្ររបស់រដ្ឋាភិបាលជប៉ុនសម្រាប់អនុវត្តគម្រោងគជំនួយនេះ។

គំរោងផ្តល់ជំនួយនេះបែងចែកជាពីរដូចខាងក្រោម៖ ១. ឥណទានសម្បទានដែលមានទឹកប្រាក់សរុប៣.៥៩៩លានយ៉េន(ប្រមាណ ៣១,៥៦លានដុល្លារអាមេរិក) សម្រាប់អនុវត្ត «គម្រោងកែលម្អ និងស្ដារប្រព័ន្ធស្រោចស្រព និងប្រព័ន្ធដោះទឹកភាគខាងលិចបឹងទន្លេសាបជំហានទី២»។ ២. ហិរញ្ញប្បទានឥតសំណងដែលមានទឹកប្រាក់សរុប១.៣៤០លានយ៉េន (ប្រមាណ ១១,៨លានដុល្លារអាមេរិក) សម្រាប់អនុវត្ត«គម្រោងអភិវឌ្ឍន៍ប្រព័ន្ធផ្លាស់ប្ដូរទិន្នន័យអគ្គិសនីនៅកំពង់ផែ ដើម្បីការធ្វើទំនើបកម្មកំពង់ផែ»។

សេចក្ដីជូនដំណឹងដដែលបន្តថា កញ្ចប់ឥណទានសម្បទាន និងហិរញ្ញប្បទានឥតសំណងនេះ ត្រូវបានផ្តល់ជូនដល់រាជរដ្ឋាភិបាលកម្ពុជា ដោយរាជរដ្ឋាភិបាលជប៉ុន ដើម្បីលើកកម្ពស់បន្ថែមទៀតនូវការអភិវឌ្ឍសេដ្ឋកិច្ច និងសង្គមនៃព្រះរាជាណាចក្រកម្ពុជា។

ជប៉ុនគឺជាប្រទេសទី២ ដែលបានផ្តល់ជំនួយឥតសំណង និងប្រាក់កម្ចីដល់កម្ពុជាច្រើនជាងគេ បន្ទាប់ពីប្រទេសមហាយក្សចិន។ ជំនួយដែលរដ្ឋាភិបាលនេះបានផ្តល់ដល់កម្ពុជានោះ ភាគច្រើនអភិវឌ្ឍន៍លើវិស័យហេដ្ឋារចនាសម្ព័ន្ធដូចជា ផ្លូវថ្នល់ ស្ពាន, ប្រព័ន្ធធារាសាស្ត្រ វិស័យអប់រំ វិស័យសុខាភិបាល និងវិស័យជាច្រើនទៀត៕

CDC អនុម័តគំរោងវិនិយោគតម្លៃ ៦០០លានដុល្លារពីក្រុមហ៊ុនចំនួន៥

February 19, 2019

0

CDC អនុម័តគម្រោងវិនិយោគ — អគារ CDC មើលពីលើលំហ។ រូបថត៖ សហការី

ដោយ វុត្ថា

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគំរោងវិនិយោគចំនួន៥ដែលមានទុនវិនិយោគជាង៦០០លានដុល្លារអាមេរិក ដល់ក្រុមហ៊ុនចំនួន៥ដែលបានចូលមកវិនិយោគនៅកម្ពុជា។

យោងតាមសេចក្តីប្រកាសព៌តមានរបស់ក្រុមប្រឹក្សាអភិវឌ្ឈន៍កម្ពុជា បានឲ្យដឹងនាព្រឹកថ្ងៃទី១៩ កុម្ភៈនេះថា គណកម្មាធិការវិនិយោគនៃក្រុមប្រឹក្សាអភិវឌ្ឍន៍កម្ពុជាបានអនុម័តជាផ្លូវការឲ្យក្រុមហ៊ុនចំនួន៥ ដើម្បីវិនិយោគនៅកម្ពុជា។ ក្រុមហ៊ុនទាំងនោះ រួមមាន១-“KAI GAO PAPER INDUSTRY CO.,LTD.” គម្រោងបង្កើតរោងចក្រផលិតម្ស៉ៅក្រដាស “Paper Pulp and Lignin” ពីឈើដាំដុះក្នុងស្រុក ដែលមានទីតាំងវិនិយោគស្ថិតនៅភូមិភ្ជាវ ឃុំត្រែង ស្រុករតនៈមណ្ឌល ខេត្តបាត់ដំបង មានទុនវិនិយោគប្រមាណ ១៧,២លានដុល្លារអាមេរិក និងអាចបង្កើតការងារបានចំនួន ២៦១កន្លែង។

២-“TOP RISE MASTER INDUSTRY CO.,LTD.” គម្រោងបង្កើតរោងចក្រផលិត និងផ្គុំដំឡើងសម្ភារៈបរិក្ខាអគ្គិសនី ដែលមានទីតាំងវិនិយោគស្ថិតនៅភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៣,៩លានដុល្លារអាមេរិក និងអាចបង្កើតការងារបានចំនួន៥១០កន្លែង។

៣-“UNION CITY DEVELOPMENT GROUP CO.,LTD.” គម្រោងអភិវឌ្ឍន៍ទីក្រុងទេសចរណ៍ “TEMI” រួមមាន៖ សណ្ឋាគារថ្នាក់ផ្កាយ៥ចំនួន៨០០បន្ទប់ មជ្ឈមណ្ឌលពាណិជ្ជកម្ម តារាងវាយកូនគោល បឹងហ្គាឡូ ផ្ទះវីឡា រមណីយដ្ឋានទេសចរណ៍ សួនកំសាន្ត ចំណតកប៉ាល់ និងគម្រោងផ្សេងៗមួយចំនួនទៀត ដែលមានទីតាំង វិនិយោគស្ថិតនៅស្រុកគីរីសាគរ ខេត្តកោះកុង មានទុនវិនិយោគប្រមាណ៥០០,៤លានដុល្លារអាមេរិក និងអាចបង្កើតការងារបានចំនួន ៥.១៥០កន្លែង។

៤-“NANJING DADI CONSTRUCTION (CAMBODIA) DEVELOPMENT GROUP CO.,LTD.”គម្រោងសាងសង់ និងអាជីវកម្មសណ្ឋាគារថ្នាក់ផ្កាយ៥ចំនួន៣០០បន្ទប់ មជ្ឈមណ្ឌលពាណិជ្ជកម្ម និងរីសត ដែលមានទីតាំងវិនិយោគស្ថិតនៅភូមិអុង ឃុំរាម ស្រុកព្រៃនប់ ខេត្តព្រះសីហនុ មានទុនវិនិយោគប្រមាណ ៨៨,៤លានដុល្លារអាមេរិក និងអាចបង្កើតការងារបានចំនួន២.៥៩៨កន្លែង។

៥-“FULL EVER TEXTILES (CAMBODIA)COMPANY LIMITED.”គម្រោងបង្កើតរោងចក្រផលិតស្រោមដៃគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ៣ ភូមិព្រៃស្តេច ឃុំវាល ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ៧,៧លានដុល្លារអាមេរិក និងអាចបង្កើតការងារបានចំនួន១.០៧៥កន្លែង៕

ភ្ញៀវទេសចរណ៍ឆ្លងកាត់ច្រកទ្វាអន្តរជាតិប៉ោយប៉ែតកើនឡើងជិត ១២២ភាគរយ

February 19, 2019

0

ដោយ វុត្ថា

ភ្នំពេញ៖ ចំនួនភ្ញៀវឆ្លងកាត់ច្រកទ្វារអន្តរជាតិ ក្រុងប៉ោយប៉ែតបានកើនឡើងយ៉ាងគំហុកកាលពីឆ្នាំមុន ដោយអ្នកដំណើរបានកើនពី៣,៦៩០,៦៨៩នាក់ ដល់ចំនួន ៦.៧២៨.៩៤៦នាក់ ស្មើនឹងកំណើនជិត ១២៤ភាគរយ។

យោងតាមរបាយការណ៍នរបស់គបាលអន្តោប្រវេសន៍ ច្រកទ្វាអន្តរជាតិប៉ោយប៉ែតដែលគេហទំព័រ propertyarea.asia ទទួលបាននៅថ្ងៃទី១៩ ខែកុម្ភៈ ឆ្នាំ២០១៩នេះ បានបង្ហាញថា ក្នុងឆ្នាំ២០១៨កន្លងមក ភ្ញៀវចូលមានការកើនឡើងចំនួនស្មើ ១២១.៤៧ភាគរយ ដោយឡែកភ្ញៀវបរទេសចូលមកតាមច្រកទ្វារនេះ មានការថយចុះជាងឆ្នាំមុន២,៩៤៩នាក់ ស្មើរនឹង០.៥៧ %។ របាយការណ៍ដដែលបន្តថា សម្រាប់ភ្ញៀវចេញ ក្នុងឆ្នាំ ២០១៨ កន្លងទៅនេះបានកើនឡើងជាងឆ្នាំមុនចំនួន៤,២២៩,៤៦៤នាក់ស្មើ១៦១.៧២ % ដោយឡែកភ្ញៀវចេញមានការកើនឡើងជាងឆ្នាំមុន ដែលមានចំនួន៨៣,៦៩១នាក់ស្មើរ ១៨.៨៩% ។

លោកវរៈសេនីយ៍ទោ ខឹម ចិត្រា នាយបុស្តិ៍នរគបាលអន្តោប្រវេសន៍ច្រកទ្វារអន្តរជាតិប៉ោយប៉ែត ដែលទើបទទួលការកាន់ដំណែងបានឲ្យដឹងថា ពីមួយថ្ងៃទៅមួយថ្ងៃនៅក្រុងប៉ោយប៉ែត ខេត្តបន្ទាយមានជ័យ យើងសង្កេតឃើញមានការកើនឡើងចំនួនភ្ញៀវទេសចរណ៍ជាតិ និងអន្តជាតិ ក៍ដូចជាប្រជាពលរដ្ឋដែលមកតាមបណ្តាខេត្តផ្សេងៗ មកតាំងទីលំនៅជាអចិន្ត្រៃ និងធ្វើដំណើរឆ្លងកាត់តាមច្រកទ្វារអន្តរជាតិមួយនេះ កើនឡើងយ៉ាងច្រើននកុះករ ដែលកត្តានេះជាបន្ទុកកាងារដ៍ធ្ងន់ធ្ងរមួយ សំរាប់មន្ត្រីនរគបាលអន្តោប្រវេសន៍ច្រកទ្វារអន្តរជាតិប៉ោយប៉ែត ដែលអនុវត្តន៍ការងារជាក់ស្តែង៕

អាកាសយានដ្ឋានខេត្ដព្រះសីហនុបន្ដពង្រឹង និងពង្រីកសមត្ថភាពទៅជាព្រលានស្ដង់ដារអន្ដរជាតិ

February 19, 2019

0

ដោយ គង់ សូរិយា

ភ្នំពេញ៖ អាកាសយានដ្ឋានខេត្ដព្រះសីហនុបាននិងកំពុង ពង្រីកសមត្ថភាពទទួលការចុះចត ការហោះហើរ និងទទួលភ្ញៀវឆ្លងកាត់ឲ្យកាន់កាន់តែបានច្រើន និងល្អប្រសើរនោះ តាមរយៈការពង្រីកផ្លូវរត់យន្ដហោះ និងអាគារអ្នកដំណើរ សម្រាប់បំរើសេវាកម្មឲ្យឈានដល់ស្តង់ដាអន្ដរជាតិ។

អនុរដ្ឋលេខាធិការ នៃរដ្ឋលេខាធិការដ្ឋានអាកាសចរណ៍ស៊ីវិលកម្ពុជាលោកសយ សុខាន់បានមានប្រសាសន៍ឲ្យដឹងកាលពីថ្ងៃទី១៨ កុម្ភៈកន្លងមក បានដឹកនាំប្រតិភូបច្ចេកទេសអាកាសចរណ៍ស៊ីវិល សហការជាមួយក្រុមហ៊ុនបារាំង អេស ស៊ី អេ (SCA) ចុះធ្វើការត្រួតពិនិត្យលក្ខណៈបច្ចេកទេសនៃការពង្រឹង និងពង្រីកផ្លូវហោះហើរនៃព្រលានយន្តហោះអន្តរជាតិអន្តរជាតិ ខេត្តព្រះសីហនុ តាមអនុសាសន៍ណែនាំដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា កាលពីថ្ងៃទី២៦ ខែវិច្ឆិកា ឆ្នាំ២០១៨កន្លងទៅ តម្រូវឱ្យក្រុមហ៊ុនអេស ស៊ី អេ រៀបចំអភិវឌ្ឍន៍ព្រលានយន្តហោះតាមកិច្ចព្រមព្រៀង ឲ្យទៅជាព្រលានយន្តហោះលំដាប់ហ្វ័រអ៊ី (4E) ដើម្បីពិនិត្យនិងរៀបចំធ្វើបទបង្ហាញនូវប្លង់មេ សម្រាប់ការអភិវឌ្ឍផ្លូវរត់របស់យន្ដហោះ និងការពង្រីកទីលានហោះហើរថ្មី ឲ្យទៅជាលំដាប់ ហ្វ័រអ៊ី (4E) ដែលជាលំដាប់ស្ដង់ដារអន្ដរជាតិ អាចទទួលការចុះចត និងហោះហើរបានគ្រប់ប្រភេទយន្ដហោះ។

អាកាសយានដ្ឋាននេះមានទីតាំងស្ថិតនៅភូមិថ្មធំ ឃុំរាម ស្រុកព្រៃនប់ ខេត្ដព្រះសីហនុ។ លោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិលកម្ពុជាបានមានប្រសាសន៍ថា នៅអាកាសយានដ្ឋានអន្តរជាតិខេត្តព្រះសីហនុ បានអភិវឌ្ឍខ្លួនបន្តិចម្ដងបន្តិចម្ដងៗ ដើម្បីពង្រឹង និងពង្រីកហេដ្ឋារចនាសម្ព័ន្ធបន្ថែម ដូចជាផ្លូវរត់ចុះចត និងហោះហើរ និងស្ថានីយ៍អ្នកដំណើរជាដើម។ល។ ដើម្បីឆ្លើយតបតម្រូវការហោះហើរកើនឡើងពីមួយឆ្នាំទៅមួយឆ្នាំ។

ព្រលាននេះកាលពីមុនមានចម្ងាយផ្លូវរត់ប្រវែង១.៨០០ម៉ែត្រ រហូតមកដល់លំដាប់ស៊ីហ្វ័រ (C4) ដែលមានប្រវែងផ្លូវរត់២.៥០០ម៉ែត្រ នឹងបន្ដពង្រីកបន្ថែមរហូតដល់លំដាប់ហ្វ័រអ៊ី (4E) ដែលមានប្រវែង ៣.៣០០ម៉ែត្រ និងទទឹង៤៥ម៉ែត្រលំដាប់អន្ដរជាតិ ដែលអាចទទួលយន្ដហោះខ្នាតធំៗចុះចត និងរត់ហោះហើរបាន។

នៅអាកាសយានដ្ឋានអន្តរជាតិខេត្តព្រះសីហនុ បច្ចុប្បន្នមានក្រុមហ៊ុនអាកាសចរណ៍ចំនួន១១បានហោះហើរ និងចុះចតជាប្រចាំ ដែលចំនួននេះមិនទាន់រាប់បញ្ចូលការហោះហើរជាលក្ខណៈជួលនោះទេ។

លោក ពេជ្រ សុប៉ុនតារា ប្រធានផ្នែកបង្កើនជើងហោះហើរ នៃក្រុមហ៊ុនវិនិយោគអាកាសយានដ្ឋានកម្ពុជាបានមានប្រសាសន៍ឲ្យដឹងកាលពីពេលថ្មីៗនេះថា ព្រលានយន្តហោះនេះក្រោយការពង្រីករួច នឹងមានប្រវែងផ្លូវរត់ និងទំហំដូចគ្នានឹងព្រលានយន្តហោះអន្តរជាតិភ្នំពេញនាពេលបច្ចុប្បន្ននេះ និងមានសមត្ថភាពអាចទទួលអ្នកដំណើរបាន១០លាននាក់ក្នុងមួយឆ្នាំ។ ខណៈបច្ចុប្បន្នព្រលានយន្តហោះនេះមានទំហំផ្លូវរត់ដូចគ្នា នឹងព្រលានយន្តហោះអន្តរជាតិខេត្តសៀមរាប។

លោកបន្តថា “ការពង្រីកព្រលានយន្តហោះនេះ ជាការឆ្លើយតបនឹងកំនើនជើងហោះហើរ និងការរីកចម្រើនរបស់វិស័យអាកាសចរណ៍កម្ពុជា”៕

ដីនៅតំបន់ផ្លូវជាតិ ៦ ក្នុងស្រុកសន្ទុក ខេត្តកំពង់ធំ ចាប់ផ្តើមបង្ហាញសក្ដានុពល

February 19, 2019

0

ដោយ រ៉ាវី

កំពង់ធំ៖ ស្របពេលដែលតម្លៃដីនៅតាមបណ្តាខេត្តធំៗមួយចំនួនកំពុងតែមានសន្ទុះកើនឡើងខ្លាំងក្រោមការសម្រុកអភិវឌ្ឍពីសំណាក់រាជរដ្ឋាភិបាល រួមដៃគ្នាជាមួយនឹងបណ្តាអ្នកវិនិយោគជាតិ និងអន្តរជាតិ ដូចជា ខេត្តព្រះសីហនុ កំពត កែប កោះកុង ប៉ោយប៉ែត និងខេត្តបាត់ដំបងនោះ ពេលនេះ សម្រាប់ខេត្តកំពង់ធំ ក៏បាន និងកំពុងបង្ហាញពីសក្ដានុពលរបស់ខ្លួនផងដែរ ជាពិសេស នៅតំបន់ស្រុកសន្ទុក ដែលស្ថិតនៅជាប់ផ្លូវជាតិ6 តែម្ដង។

អ្នកជំនាញផ្នែកវិស័យអចលនទ្រព្យ និងអភិវឌ្ឍបានអះអាងថា មិនយូរទៀតនោះទេ តំបន់ដែលស្ថិតនៅជាប់មនឹងផ្លូវជាតិ៦ ក្នុងស្រុកសន្ទុក នឹងប្រែក្លាយមុខមាត់ជាតំបន់ពាណិជ្ជកម្មដូចគ្នាទៅនឹងតំបន់ស្គន់ ដែលស្ថិតនៅក្នុងស្រុកជើងព្រៃ ខេត្តកំពង់ចាមយ៉ាងដូច្នោះដែរ ព្រោះនៅពេលបច្ចុប្បន្ននេះ ទាំងគម្រោងអភិវឌ្ឍរបស់សាលាខេត្តកំពង់ធំ ក៏ដូចជាបណ្តាអ្នកវិនិយោគលើវិស័យអចលនទ្រព្យមួយចំនួនសុទ្ធតែបានផ្តោតការចាប់អារម្មណ៍ទៅលើតំបន់មួយនេះគួរឱ្យគត់សម្គាល់ ។

អ្នកនាង ឡេង ចាន់ណា ម្ចាស់គម្រោង សុកគា ដីឡូតិ៍ បានលើកឡើងថា បច្ចុប្បន្ននេះ ចំពោះដីនៅក្នុងតំបន់ស្រុកសន្ទុក ជាពិសេស ដីដែលស្ថិតនៅជាប់នឹងផ្លូវជាតិ ៦ តែម្ដង គឺកំពុងតែចាប់ផ្តើមបង្ហាញពីសក្ដានុពលរបស់ខ្លួន និងកំពុងមានការចាប់អារម្មណ៍យ៉ាងខ្លាំងពីសំណាក់អ្នកវិនិយោគលើវិស័យអចលនទ្រព្យ ដែលនៅក្នុងនោះ រួមមានការអភិវឌ្ឍជាសំណង់លំនៅដ្ឋានជាផ្ទះល្វែង រួមជាមួយនឹងគម្រោងនៃការបង្កើតជាបុរីក្នុងទ្រង់ទ្រាយធំតែម្ដង ម៉្យាងវិញទៀតហេតុផលដែលធ្វើឱ្យអ្នកវិនិយោគងាកមកចាប់អារម្មណ៍ធ្វើការអភិវឌ្ឍ ក៏ព្រោះតែវិសាលភាពផ្ទៃដីនៅក្នុងតំបន់មួយនេះនៅមានភាពទូលាយ តម្លៃនៅមានកម្រិតនៅឡើយ ដែលវាជាឱកាសដ៏ល្អសម្រាប់អ្នកវិនិយោគអាចទទួលបានចំណេញត្រឡប់មកវិញច្រើន។

ជាមួយគ្នានេះ អ្នកនាងក៏បានអះអាងផងដែរថា ៖ «ដូចដែលឃើញស្រាប់ហើយ បច្ចុប្បន្ននេះ មានគម្រោងអភិវឌ្ឍជាច្រើនកំពុងតែបង្ហាញខ្លួននៅទីនេះ ជាក់ស្ដែង គ្រាន់តែគម្រោងរបស់ សុកគា ដីឡូតិ៍ បានកើតមានរហូតដល់ ៤ គម្រោង ហើយស្ថិតក្នុងស្រុកសន្ទុកទាំងអស់ ដែលក្នុងនោះ គម្រោង ទី១ ទី២ និងទី៣ ត្រូវបានលក់ចេញអស់យ៉ាងជោគជ័យ ដោយនៅក្នុងគម្រោងគឺមានបង្កើតផ្សារ សាលារៀន ក្លឹបកីឡា គ្លីនិកឯកជន ទីចំណតរថយន្ត (បេនឡាន) ដែលធ្វើឱ្យអ្នកដែលរស់នៅក្នុងតំបន់ងាយស្រួលក្នុងការប្រកបអាជីវកម្ម។ ដោយឡែក សម្រាប់គម្រោងទី ៤ នេះ គឺមានរហូតដល់ទៅ ១៥ ហិកតា ស្ថិតនៅជាប់ផ្លូវជាតិ៦ តែម្ដង និងកាន់តែមានភាពល្អប្រសើរជាងគម្រោងមុនៗ ដែលក្រៅពីស្ថិតនៅជាប់ផ្លូវជាតិ គឺថែមទាំងមានប្រព័ន្ធធារាសាស្ត្រដ៏សំខាន់ប្រចាំខេត្តស្ថិតនៅពីក្រោយ ។

នៅក្នុងគម្រោងទី៤នេះ ក្រុមហ៊ុននឹងសាងសង់ជាផ្ទះល្វែង រួមជាមួយនឹងការពុះជាដីឡូតិ៍ជិត ១០០០ ឡូតិ៍ ក្នុងតម្លៃចាប់ពី ៦១២០ដុល្លារ ឡើងទៅតែប៉ុណ្ណោះ រួមជាមួយនឹងការបង់រំលោះរយៈពេលវែង ដើម្បីផ្តល់ជាជម្រើស និងលទ្ធភាពដល់អ្នកដែលមានចំណូលទាប តែមានបំណងចង់បានលំនៅដ្ឋាន ក៏ដូចជាដីសម្រាប់សាងសង់លំនៅដ្ឋានរស់នៅ ក៏ដូចជាចង់លក់បន្តយកចំណេញជាដើម ខណៈដែលក្រុមហ៊ុនក៏បានរៀបចំជាប្រពន្ធបង្ហូរទឹក បណ្តាញអគ្គិសនី ផ្លូវបេតុងធំទូលាយរួចជាស្រេច»។ អ្នកនាងបានកត់សម្គាល់ធ្ងន់ផងដែរថា នៅពេលដីខ្លីខាងមុខនេះ នឹងកើតមានគម្រោងថ្មីៗជាច្រើនទៀត ដែលជាកត្តាជំរុញឱ្យតំបន់ខាងលើនេះក្លាយជាតំបន់លំនៅដ្ឋាន និងអាជីវកម្មបានយ៉ាងឆាប់រហ័សជាជាក់មិនខាន ។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) ក៏បានលើកឡើងផងដែរថា សម្រាប់ដីដែលស្ថិតនៅជាប់ផ្លូវជាតិ៦ នឹងកាន់តែមានភាពទាក់ទាញខ្លាំង ដែលអាចផ្តល់ឱកាសយ៉ាងល្អប្រសើរទៅដល់បណ្តាអ្នកវិនិយោគនានា ទាំងការទិញ-លក់ ក៏ដូចជាអ្នកអភិវឌ្ឍលើគម្រោងសំណង់លំនៅដ្ឋាន ដ្បិតដីនៅតំបន់នេះ មានសក្ដានុពល និងមានវិសាលភាពធំទូលាយនៅឡើយ ហើយការវិនិយោគទៅលើដីដែលមានឯកសារស្របច្បាប់ត្រឹមត្រូវ វាមិនបង្កឱ្យខាតបង់នោះទេ ។
គួរបញ្ជាក់ផងដែរថា ចំពោះគម្រោងទី៤ របស់ក្រុមហ៊ុន សុខគា ដីឡូតិ៍ មានទីតាំងស្ថិតនៅផ្លូវជាតិលេខ៦ ភូមិស្ដុកស្តម្ភ ឃុំជ្រាប់ ស្រុកសន្ទុក ខេត្តកំពង់ធំ ដែលជាបណ្ដុំរមណីយដ្ឋានជាច្រើន ដូចជា រមណីយដ្ឋានភ្នំសន្ទុក, រមណីយដ្ឋានបឹងសំរឹទ្ធិ , រមណីយដ្ឋានទំនប់៧មករា , រមណីយដ្ឋានទំបន់១មករា និងរមណីយដ្ឋានប្រាសាទសំបូរព្រៃគុក ដែលជាសម្បត្តិបេតិកភ័ណ្ឌពិភពលោក។ សម្រាប់អ្នកដែលមានចំណាប់អារម្មណ៍អាចទាក់ទងតាមរយៈទូរស័ព្ទលេខ ៖ 089 886 000 / 098 255 562/ 097 8888 925 / 071 5555 224 ៕

https://www.facebook.com/WorldOfRealEstate100/

https://www.facebook.com/356525001423840/posts/549162275493444?sfns=xmwa

ក្រុមហ៊ុនមួយបោះទុន ៧០លានដុល្លាវិនិយោគលើការសាងជលវប្បដ្ឋាន

February 19, 2019

0

ដោយ វុត្ថា

ភ្នំពេញ៖ ក្រុមហ៊ុន អង្គរ វ៉ាយដ៏ឡាយហ្វ៍ និង អីឃ្វារៀម បានបោះទុនបោះទុន ៧០លានដុល្លារអាមេរិក ដើម្បីអភិវឌ្ឍន៍គម្រោងលើការបង្កើតជលវប្បដ្ឋាន ត្រីទឹកសាប និង ទឹកប្រៃ ព្រមទាំងជម្រកអភិរក្សសត្វ នៅភូមិក្បូន ឃុំខ្ចាស់ ស្រុកសូទ្រនិគម ខេត្តសៀមរាប។

នៅក្នុងជំនួបបង្ហាញអំពីគម្រោងជាមួយ លោក ទៀ សីហា អភិបាលខេត្តសៀមរាបនៅថ្ងៃទី ១៨ ខែកុម្ភៈ ឆ្នាំ ២០១៩ កន្លងមកនេះ លោក Roger Reynolds ក្រុមប្រឹក្សាភិបាលក្រុមហ៊ុនអង្គរ វ៉ាយដ៏ឡាយហ្វ៍ និងអីឃ្វារៀមបានឲ្យដឹងថា គម្រោងនេះស្ថិតក្រោមកម្រងក្រុមហ៊ុនសហកម្មសិទ្ធិ ដោយមានភាគហ៊ុនវិនិយោគខ្មែរ អាមេរិក និងជប៉ុនរួមសហការគ្នា។

ការវិនិយោគនេះនឹងសាងសង់ ជលវប្បដ្ឋាន ត្រីទឹកសាប និងទឹកប្រៃ ព្រមទាំងជម្រកអភិរក្សសត្វព្រៃដ៏កម្រ ដែលនឹងជិតផុតអស់ពីភពផែនដី នៅលើផ្ទៃដីប្រមាណ ១០០ហិកតា ដោយប្រើប្រាស់ទុនសរុប៧០លានដុល្លាអាមេរិក។

លោកបន្តថា គម្រោងនេះត្រូវចែកចេញជាបីដំណាក់កាល ហើយក្នុងដំណាក់កាលទី១នេះប្រើប្រាស់ថវិកា២០លានដុល្លា ដែលនឹងគ្រោងបើកការដ្ឋានក្នុងខែមីនា ឆ្នាំ២០១៩ខាងមុខនេះ នឹងបើកឲ្យដំណើរការនៅចុងឆ្នាំ២០២០។ ក្នុងគម្រោងនៃដំណាក់ការទី១នេះ ក៏ជាការត្រៀមធ្វើការទាក់ទាញភ្ញៀវទេសចរណ៍ជាតិ អន្តរជាតិ បានបន្តស្នាក់នៅខេត្តសៀមរាប។

លោកបន្តទៀតថា បន្ទាប់ពីការអនុវត្តលើគម្រោង ទាំងមូលបានបញ្ចប់នោះ គម្រោងបន្តផែនការអភិវឌ្ឍន៍របស់ខ្លួន ដោយបានផ្តល់នូវការងារដល់ប្រជាពលរដ្ឋជាច្រើនទៀតផង ។ ម៉្យាងទៀតគម្រោងនេះ គឺមិនត្រឹមតែធ្វើការអភិវឌ្ឍន៍សេដ្ឋកិច្ចជាតិប៉ណ្ណោះទេ គឺផ្តល់នូវការអប់រំដល់ភ្ញៀវជាតិ អន្តរជាតិ និងប្រជាពលរដ្ឋអំពីបរិស្ថាន និង ការអភិរក្សប្រភពធនធានធម្មជាតិ តាមរយៈការបង្ហាញនូវរូបភាពឯកសារ អំពីប្រភេទមច្ឆាក្នុងទឹកដ៏កម្រ ដល់សិស្ស និសិ្សត និងប្រជាពលរដ្ឋ សំខាន់ភ្ញៀវទេសចរណ៍បរទេសបានទស្សនា សិក្សាស្វែងយល់ អំពីធនធានធម្មជាតិនៅកម្ពុជា ។

លោក ទៀ សីហា អភិបាលខេត្តសៀមរាបបានបញ្ជាក់ថា នេះជាសមិទ្ធិផលថ្មីមួយរបស់ខេត្តសៀមរាប ដែលបានទន្ទឹងជាយូមកហើយ ចំពោះការបង្កើតឲ្យមានមជ្ឈមណ្ឌល ជលវប្បដ្ឋាន ត្រីទឹកសាប និងទឹកប្រៃ និងជម្រកអភិរក្សាសត្វ ក្នុងការបម្រើនូវសេចក្តីតម្រូវ ការរបស់ភ្ញៀវទេសចរណ៍ជាតិ អន្តរជាតិ និងការបង្កើននូវការស្នាក់នៅក្រុងសៀមរាបបានយូរថ្ងៃផងដែរ។

អភិបាលខេត្តសៀមរាបរូបនេះ ក៏បានធ្វើការណែនាំមួយចំនួន ព្រមទាំងលើកនូវមតិល្អៗ ចំពោះក្រុមហ៊ុន គឺសូមឲ្យក្រុមហ៊ុនធ្វើកិច្ចសហការជាមួយបណ្តាមន្ទីរ អង្គភាព និង អាជ្ញាធរពាក់ព័ន្ធ។ អ្វីកាន់តែសំខាន់នោះ គឺសូមធ្វើការធ្វើពាក្យសុំច្បាប់សាងសង់ឲ្យបានត្រឹមត្រូវជាមុន ព្រមទាំងធ្វើការត្រួតពិនិត្យឡើងវិញនូវទីតាំងរបស់គម្រោង អំពីទីទួលបុរាណដ្ឋាន ដើមី្បជៀសវាងក្នុងពេលកំពុងដំណើរការសាងសង់ទៅ មានការរំខានធ្វើឲ្យមានការយឺតយ៉ាវដល់ការអនុវត្តគម្រោងនេះ៕

ចំណេះដឹង! តើពន្ធកាត់ទុកគឺជាអ្វី?

February 19, 2019

0

ដោយ វុត្ថា

ភ្នំពេញ៖ ពន្ធកាត់ទុក គឺជាពន្ធដែលត្រូវបានកាត់ទុក ដោយអ្នកជាប់ពន្ធនិវាសនជនលើការទូទាត់មួយចំនួន ដែលធ្វើឡើងជាសាច់ប្រាក់ ឬជាវត្ថុឲ្យអ្នកជាប់ពន្ធនិវាសនជន និងអនិវាសនជន។

អ្នកជាប់ពន្ធនិវាសនជនដែលប្រកបអាជីវកម្ម ដែលបានធ្វើការទូទាត់ជាសាច់ប្រាក់ ឬជាវត្ថុឱ្យដល់អ្នកជាប់ពន្ធនិវាសនជន ត្រូវកាត់ទុក និងបង់ប្រាក់ពន្ធទៅតាមអត្រាកំណត់ដូចខាងក្រោមលើការទូទាត់មុនការកាត់ទុកប្រាក់ពន្ធ។

អត្រា១៥ភាគរយ ចំពោះប្រាក់ចំណូលដែលរូបវ័ន្តបុគ្គល បានទទួលពីការបំពេញសេវានានា រួមទាំងការគ្រប់គ្រង ឬការពិគ្រោះយោបល់ ឬសេវាប្រហាក់ប្រហែល និង សួយសារចំពោះទ្រព្យអរូបីយ និងភាគកម្មក្នុងធនធានរ៉ែ ហើយនិងការប្រាក់ដែលអ្នកជាប់ពន្ធនិវាសនជន ដែលប្រកបអាជីវកម្ម ដែលមិនមែនជាធនាគារ ឬស្ថាប័នសញ្ជ័យធនក្នុងស្រុកបង់ឱ្យទៅអ្នកជាប់ពន្ធនិវាសនជន។

អត្រា១០ភាគរយ ចំពោះប្រាក់ចំណូលពីការឱ្យជួលចលន ឬអចលនទ្រព្យ។ អត្រា ៦ភាគរយ ចំពោះការប្រាក់ដែលធនាគារ ឬស្ថាប័ន សញ្ជ័យក្នុងស្រុកបង់ឱ្យទៅអ្នកជាប់ពន្ធនិវាសនជនដែល មានគណនីបញ្ញើមានការកំណត់អត្រា ៤ភាគរយ ចំពោះការប្រាក់ដែលធនាគារ ឬស្ថាប័នសញ្ជ័យក្នុងស្រុក បង់ឱ្យទៅអ្នកជាប់ពន្ធនិវាសនជន ដែលមានគណនីសន្សំគ្មានការកំណត់។

ការកាត់ទុកក្នុងមាត្រានេះ មិនត្រូវអនុវត្តទេចំពោះការប្រា ក់ដែលបង់ឱ្យធនាគារ និងស្ថាប័នសញ្ជ័យធនក្នុងស្រុក និងការទូទាត់ចំពោះប្រាក់ចំណូលលើកលែងពន្ធដូចមានចែងក្នុងមាត្រា៩ថ្មីនៃច្បាប់នេះ៕

កត្តាសំខាន់ៗដែលអ្នកត្រូវដឹងមុនសម្រេចចិត្តវិនិយោគលើវិស័យអចលនទ្រព្យ

February 19, 2019

0

ដោយ គង់ សូរិយា

ភ្នំពេញ៖ ការវិនិយោគដែលគ្មានចំណេះដឹង អាចធ្វើឲ្យអ្នកវិនិយោគមិនត្រឹមតែមិនទទួលបានចំណេញនោះទេ តែទទួលបានរឿងរ៉ាវ ដែលខាតទាំងថវិកា និងពេលវេលា។ ហេតុនេះអ្នកវិនិយោគគួរសិក្សាចំណុចសំខាន់ៗទាំងអស់នេះ។

លោក យិន លាងគង់ អនុប្រធានក្រុមប្រឹក្សាភិបាល នៃសមាគមអ្នកជំនាញអចលនទ្រព្យកម្ពុជា និងជាអគ្គនាយកគេហទំព័រ Propertyarea.asia បានលើកឡើងនូវមូលដ្ឋានចំណេះដឹងសំខាន់ៗចំនួន៦ ដើម្បីឲ្យអ្នកអានធ្វើការពិចារណា។

ព៌តមានត្រឹមត្រូវ
ការទទួលបានព៌តមានត្រឹមត្រូវមានសារៈសំខាន់ណាស់ ដើម្បីយើងអាចវិភាគពិចារណាឲ្យបានម៉ត់ចត់ និងគ្រប់ជ្រុងជ្រោយមុនសម្រេចចិត្តបោះទុនវិនិយោគ ព្រោះបច្ចុប្បន្នមានព៌តមានច្រើនណាស់ ដែលជាព៌តមានបំពុល និងប្រាសចាកក្រមសីលធ៌មវិជ្ជាជីវៈ។

ការទទួលបានព៌តមានមិនត្រឹមត្រូវ នឹងធ្វើឲ្យការវិនិយោគរបស់លោកអ្នកមានហានិភ័យ និងទទួលបានផលអាក្រក់ត្រលប់ទៅវិញ។ ជួនកាលប្រជាជនទទួលបានព៌តមាន ដែលជាដំណឹង គឺដំណឹងជាប្រភេទព៌តមានមិនច្បាស់លាស់ និងមិនគ្រប់ជ្រុងជ្រោយ ប៉ុន្តែបើជាអ្នកសារព៌តមាន ពួកគេនឹងជាអ្នកនាំសារដ៏សំខាន់ ជាអ្នកនាំពាក្យដ៏សំខាន់។ យ៉ាងណាក៏ដោយអ្នកសារព៌តមានមួយចំនួនសរសេរបំភ្លៃ និងថ្នូរនឹងផលប្រយោជន៍អ្វីមួយ។

ផ្ទុយទៅវិញគេហទំព័រ Propertyarea.asia ជាស្ថាប័នព៌តមានដែលមានអ្នកសារព៌តមានមានបទពិសោធន៍យូរឆ្នាំ និងគោរពនូវតម្លៃព៌តមាន និងមានវិជ្ជាជីវៈច្បាស់លាស់ ព្រមទាំងបដិសេធនូវការទិញព៌តមានជាថ្នូរនឹងផលប្រយោជន៍ដាច់ខាត។

ចំណេះដឹងផ្នែកច្បាប់ 
ចំណេះដឹងផ្នែកច្បាប់ ក៏ជាកត្តាសំខាន់មិនអាចខ្វះបាន ព្រោះការទិញលក់អចលនទ្រព្យ ត្រូវប្រើប្រាស់នូវមូលដ្ឋានច្បាប់ជាធរមាន។ វាពិតជាមានការងារជាច្រើនដែលត្រូវស្វែងយល់ទាក់ទងនឹងប័ណ្ណកម្មសិទ្ឋអចលនទ្រព្យ។

ក្នុងទិដ្ឋភាពច្បាប់មានភាពស្មុគស្មាញ និងរឿងរ៉ាវជាច្រើន ដែលយើងត្រូវតែប្រុងប្រយ័ត្ន ហើយដើម្បីបញ្ចៀសពីបញ្ហាផ្នែកច្បាប់ អ្នកវិនិយោគអាចពិគ្រោះជាមួយក្រុមហ៊ុនអចលនទ្រព្យមានវិជ្ជាជីវៈត្រឹមត្រូវ ឬពិគ្រោះជាមួយមេធាវីជាដើម។

ទីតាំងភូមិសាស្រ្ត
ទីតាំងភូមិសាស្រ្តជារឿងមិនអាចមើលរំលងបានឡើយ ព្រោះទីតាំងភូមិសាស្រ្តជាអ្នកកំណត់នូវតម្លៃអចលនទ្រព្យកើនឡើង ឬនៅទ្រឹងឬលក់មិនចេញបាន ហេតុនេះអ្នកវិនិយោគគួរសិក្សាឲ្យបានច្បាស់លាស់នូវទីតាំងភូមិសាស្រ្ត ឲ្យបានត្រឹមត្រូវនិងជាក់លាក់ដូចជា តំបន់ដែលលោក អ្នកចង់វិនិយោគ គួរជាតំបន់មានមនុស្សរស់នៅច្រើន ជាតំបន់ស្ថិតក្នុងផែនការ អភិវឌ្ឍរបស់រដ្ឋាភិបាល ជាតំបន់ដែលរដ្ឋាភិបាលសាងសង់ផ្លូវនាពេលអនាគត ជាតំបន់ដែលមានផ្លូវធំ ជាតំបន់មិនជាប់នឹងផ្នូរសាកសពជាដើម។

លំហូរសាច់ប្រាក់
អ្នកគ្មានទុនគ្រប់គ្រាន់ និងមានលំហូរសាច់ប្រាក់ឬប្រភពចំណូលមិនច្បាស់លាស់ មិនគួរខ្ចីឥណទានរបស់ធនាគារ ដើម្បីយកទៅវិនិយោគនោះទេ ប៉ុន្តែពួកគេអាចប្រើប្រាស់កម្ចីធនាគារបាន ដើម្បីយកទៅវិនិយោគ បើសិនជាខ្ចីត្រឹម៣០ទៅ៤០ភាគរយ នៃតម្លៃអចលនទ្រព្យដែលខ្លួនបានទិញ ហើយលំហូរសាច់ប្រាក់មានភាពទៀតទាត់ និងអាចទប់ទល់នឹងវិបត្តិឬភាព ជាប់គាំងអចលនទ្រព្យនៅពេលណាមួយបាន។

វិធីសាស្រ្តដោះស្រាយ
នៅពេលមានបញ្ហា ដំណោះស្រាយប្រាកដជាមាន ដែលអ្នកវិនិយោគត្រូវតែចាំពាក្យនេះ ហើយពិតជាមានដំណោះស្រាយក្នុងរយៈពេលណាមួយបាន ព្រោះការលក់អចលនទ្រព្យ មិនមែនជាការលក់ត្រីឬបន្លែនៅលើទីផ្សារបានភ្លាមៗនោះទេ។ ហេតុនេះទើបអ្នកវិនិយោគដែលមិនសូវមានចំណេះដឹង ត្រូវតែពិគ្រោះជាមួយអ្នកជំនាញជាមុនសិន មុនសម្រេចចិត្តវិនិយោគ ដោយសារអចលនទ្រព្យខ្លះ ពេលវិនិយោគរួចត្រូវជាប់គាំងក្នុងរយៈពេលណាមួយឬដោយសារវិបត្តិសេដ្ឋកិច្ច និងហិរញ្ញវត្ថុសាកល។

ហេតុនេះទើបការសិក្សាលំហូរសាច់ប្រាក់ ដែលយើងនិយាយខាងលើជារឿងដែលមិនអាចខ្វះនិងមើលរំលងបាន។

គ្មានការផ្សងព្រេង
ការទិញអចលនទ្រព្យ មិនមែនជាការផ្សងព្រេងនោះទេ អ្នកវិនិយោគត្រូវតែចាំថាវាមិនមានការផ្សងព្រេងនោះទេ ហេតុនេះការប្រមូលព៌តមានឲ្យបានច្បាស់លាស់ គ្រប់ជ្រុងជ្រោយ សិក្សាទិដ្ឋភាពច្បាប់ សិក្សាលំហូរសាច់ប្រាក់បានច្បាស់លាស់រួច សិក្សាពីទីតាំងភូមិសាស្រ្តបានច្បាស់លាស់ មុនសម្រេចចិត្តវិនិយោគ អ្នកនឹងក្លាយជាអ្នកវិនិយោគឆ្លាតវៃ និងប្រាសចាកហានិភ័យមិនខាន។

ដោយសារអចលនទ្រព្យជាវត្ថុមានតម្លៃខ្ពស់ ទិញស្រួល និងលក់ចេញមិនស្រួល ទើបត្រូវសិក្សាពីមូលដ្ឋានទាំង៥ខាងលើដោយខានមិនបាន៕

Land Prices along Norodom Blvd Reaches $7,000 per Square Meter

February 18, 2019

0

By Vutha

Phnom Penh, Real estate experts claim that land along Norodom Boulevard in Phnom Penh has been rising to $7,000 per square meter, up 15 percent in 2018.

Ann Sothida, director of CBRE Cambodia, said recently that the price increases because along the road there is not much land available for development; however, Norodom Boulevard does not go up all the time, depending on the area and the location.

She said that in some areas, the prices are below $7,000, and land from Chbar Ampov Bridge to Chamkarmon traffic lithg ranges $ 3,500 to $ 4,500. From Chamkarmon Chamkarmorn to Independence Monument to Central Market is priced from $5,000 to $7,000 but most remarkable area is the land around Independent Monument and Wat Phnom worth around $4,000 Per square meter because of the two areas are not allowed to build tall buildings. Overall, along the road, there is a lot of construction on buildings, offices, commercial buildings and banks.

Mr. Sorn Seap, founder and president of Real Estate Real Estate, said along Norodom Boulevard was a major road that has economic potential and is home to various diplomatic residential buildings and banks.

“Nowadays, we have seen a number of high-rise buildings appearing, and the price of land is rising too,” he said, “As demand increased, the price of land increased. If it is sold at a discount price, it can be bought without delay, as it is potential economically.”