​ដោយ​ ​វុត្ថា

​ភ្នំពេញ​៖​ ​អ្នក​ជំ​នាញ​ផ្នែង​ខាង​អចលនទ្រព្យ​បាន​អះអាង​ថា​ ​ដីធ្លី​នៅ​តាម​បណ្តោយ​ផ្លូវ​ព្រះ​នរោត្តម​នៅក្នុង​រាជធានី​ភ្នំពេញ​ ​បាន​នឹង​កំពុង​កើនឡើង​ដល់៧០០០​ ​ដុល្លារ​សហរដ្ឋអាមេរិក​ក្នុង​មួយ​ម៉ែត្រការ៉េ​ ​ពោល​គឺ​កើនឡើង​ ​១៥ភាគរយ​ក្នុង​ឆ្នាំ​ ​២០១៨​ ​កន្លងមក​នេះ​។​

​នាយិកា​ប្រចាំ​ប្រទេស​នៃ​ក្រុមហ៊ុន​ ​CBRE​ ​ប្រចាំ​កម្ពុជា​អ្នកនាង​ ​អាន​ ​សុធី​តា​បាន​ឲ្យដឹង​កាលពី​ពេល​ថ្មី​ៗ​នេះ​ថា​ ​ការ​កើន​ឡើង​ថ្លៃ​នេះ​ ​ដោយសារតែ​នៅ​តាម​បណ្តោយ​ផ្លូវ​នេះ​ ​ពុំសូវ​មាន​ដី​ទំនេរ​សំរាប់​អភិវឌ្ឍន៍​ច្រើន​នោះ​ទេ​ ​តែ​យ៉ាងណាក៏ដោយ​អ្នកនាង​ថា​ ​ដី​នៅ​តាម​បណ្តោយ​ផ្លូវ​ព្រះ​នរោត្តម​មិន​ឡើងថ្លៃ​ទាំងអស់​នោះ​ទេ​ ​ពោល​ឡើង​ទៅតាម​តំបន់​ ​និង​ទីតាំង​តែ​ប៉ុណ្ណោះ​ ។​

​អ្នកនាង​បញ្ជាក់​ថា​ ​នៅ​តំបន់​ខ្លះ​ ​គឺ​មានតម្លៃ​ក្រោម​ ​៧០០០ដុល្លារ​ ​ពោល​គឺ​ពី​គល់​ស្ពាន​ច្បារអំពៅ​ ​ដល់​តំបន់​ការ​មានតម្លៃ​ពី៣៥០០​ ​ដុល្លារ​ ​ដល់៤៥០០ដុល្លារ​អាមេរិក​។​ ​ពី​ ​មុំ​ស្តុ​ប​ចំការមន​ ​មកដល់​វិមានឯករាជ្យ​រហូត​ដល់​ស្តុ​បបត់​ចូល​ផ្សារថ្មី​ ​គឺ​មានតម្លៃ​ចាប់ពី​ ​៥០០០​ ​ដុល្លារ​ ​ដល់៧០០០ដុល្លារ​អាមេរិក​ ​តែ​អ្វី​ដែល​គួរ​ឪ្យ​កត់សម្គាល់​ខ្លាំង​នោះ​គឺ​ដី​នៅ​ម្តុំ​វិមាន​ឯករាជ​ ​និង​​វត្តភ្នំ​មានតម្លៃ​ប្រហែល៤០០០​ ​ដុល្លារ​អាមេរិក​ប៉ុណ្ណោះ​ក្នុង​មួយ​ម៉ែត្រការ៉េ​ ​ដោយសារតែ​ ​តំបន់​ទាំងពីរ​នេះ​គឺ​គេ​មិន​អោយ​សាងសង់​អគារ​ខ្ពស់​បាន​នោះ​ទេ​។​ ​​នៅ​តាម​បណ្តោ​ផ្លូវ​នេះ​ ​គឺ​មានការ​សាងសង់​ច្រើន​ទៅលើ​អាគារ​ការិយាល័យ​ ​អគារ​ពាណិជ្ជកម្ម​ ​និង​ធនាគារ​ច្រើន​។​

លោក​ ​សន​ ​សៀប​ ​ស្ថាបនិក​ ​និង​ជា​ប្រធាន​ក្រុមហ៊ុន​អចលនទ្រព្យ​ ​Key​ ​Real​ ​Estate បាន​ឲ្យដឹង​ថា​ ​នៅ​តាម​បណ្តោយ​ផ្លូវ​ព្រះ​នរោត្តម​នេះ​ ​គឺជា​ផ្លូវ​ដ៏​សំខាន់​ដែល​មាន​សក្តា​នុ​ពល​សេដ្ឋកិច្ច​ ​និង​ជា​ផ្លូវ​អគារ​ទូ​ត​ផ្សេង​ៗ​ ​ហើយ​បន្ថែម​ពីនេះ​ ​គឺ​មាន​អគារ​ធនាគារ​ច្រើន​នៅ​តាម​បណ្តោយ​ផ្លូវ​ ។​

​លោក​បន្ត​ថា​ ​នា​ពេល​បច្ចុប្បន្ន​នេះ​ ​យើង​ឃើញ​មាន​អ​គារ​ខ្ពស់​ៗ​ជាច្រើន​បាន​នឹង​កំពុង​លេច​ឡើង​ម្តង​ៗ​មួយ​ ​ហើយ​តម្លៃ​ដីធ្លី​ក៏​កើនឡើង​ខ្លាំង​ណាស់​ដែរ​។​ ​លោក​បញ្ជាក់​ថា​ ​កាលណា​មាន​តម្រូវការ​កើនឡើង​ ​តម្លៃ​ដី​ក៏​កើនឡើង​ទៅតាម​ហ្នឹង​ដែរ​។​ ​បើ​សិន​​លក់​រាង​ទាប​បន្តិច​គេ​ទិញ​យក​ភ្លាម​ៗ​តែម្តង​ ​ដោយ​មិន​ទុក​យូរ​នោះ​ទេ​ ​ព្រោះ​វា​ជា​ផ្លូវ​ដែល​មាន​សក្តា​នុ​ពល​ផ្នែក​សេដ្ឋកិច្ច​៕​

​ដោយ​ ​គង់​ ​សូ​រិយា​

​ភ្នំពេញ​៖​ ​ខណៈ​ការសាងសង់​ផ្លូវ​ល្បឿន​លឿន​ភ្នំពេញ​ ​ក្រុង​ព្រះសីហនុ​នឹង​កាន់តែ​ខិត​ជិត​មកដល់​ ​ហើយ​ប្រជាពលរដ្ឋ​កាន់តែ​អន្ទះ​សារ​ចង់​ឃើញ​ផ្លូវ​នេះ​ ​ចាប់ផ្តើម​សាងសង់​ ​មន្រ្តី​ក្រសួង​សាធារណៈ​ការ​ ​និង​ដឹកជញ្ជូន​បាន​បង្ហើប​ពី​ពេលវេលា​សាងសង់​ផ្លូវ​នេះ​ជាក់លាក់​ហើយ​។​ ​

​លោក​ ​វ៉ា​ ​ស៊ី​មសូរិ​យា​ ​អ្នកនាំពាក្យ​ក្រសួង​សាធារណៈ​ការ​ ​និង​ដឹកជញ្ជូន​បាន​មានប្រសាសន៍​ឲ្យដឹង​កាលពី​ចុង​សប្តាហ៍​មុន​ថា​ ​ការសាងសង់​ផ្លូវ​នេះ​នឹង​ធ្វើឡើង​នៅ​ពេល​ឆាប់​ៗ​នេះ​ ​ដោយសារ​ឯកឧត្តម​ទេស​រដ្ឋមន្រ្តី​ ​ស៊ុន​ ​ចាន់​ថុល​ ​រដ្ឋមន្រ្តី​ក្រសួង​សាធារណៈ​ការ​ ​និង​ដឹកជញ្ជូន​បាន​ប្រាប់​ថា​ ​ផ្លូវ​ល្បឿន​លឿន​ប្រវែង​ជាង​ ​១៩០គីឡូម៉ែត្រ​នេះ​ ​នឹង​ចាប់ផ្តើម​សាងសង់​នៅ​ខែមីនា​ខាងមុខនេះ​ហើយ​។​

​លោក​បន្ត​ថា​ ​“​ការកំណត់​ពេលវេលា​សាងសង់​ ​របស់​ឯកឧត្តម​ទេស​រដ្ឋមន្រ្តី​ជាក់លាក់​ហើយ​ ​តែ​ជួនកាល​ការ​ដោះស្រាយ​ផល​ប៉ះពាល់​មិន​រួច​ទាន់ពេល​វេលា​ ​ក៏អាច​ធ្វើឲ្យ​គំរោង​នេះ​ដំណើរការ​ដែរ​”​។​លោក​បន្ត​ថា​ ​“​ខ្ញុំ​គ្រាន់តែ​អាច​បញ្ជាក់​បាន​ថា​ ​ឯកឧត្តម​ទេស​រដ្ឋមន្រ្តី​បាន​ប្រាប់​ថា​ ​ការសាងសង់​ផ្លូវ​នេះ​នឹង​ធ្វើ​នៅ​ខែ​មិនា​ខាងមុខនេះ​”​។​

​តើ​ផ្លូវ​នេះ​នឹង​មាន​ចំណុច​ឆ្លងកាត់​បែប​ណា​?​ ​លោក​ ​វ៉ា​ ​ស៊ី​មសូរិ​យា​ ​បាន​មានប្រសាសន៍​ឲ្យដឹង​ថា​ ​ផ្លូវ​នេះ​នឹង​ចេញដំណើរ​នៅ​ចំណុចប្រសព្វ​គ្នា​នៃ​ផ្លូវ​រថភ្លើង​ ​ដែល​ស្ថិតនៅ​ក្បែរ​តំបន់​កប់​ស្រូវ​ ​និង​ស្ថិតនៅ​ខាងស្តាំ​ដៃ​នៃ​ផ្លូវជាតិ​លេខ៤​ ​ហើយ​ផ្លូវ​នេះ​នឹង​រត់​ស្របគ្នា​ជាមួយ​ផ្លូវជាតិ​លេខ៤​ ​ប្រមាណ៣០គីឡូម៉ែត្រ​ ​និង​នៅពេល​ទៅ​ជិតដល់​ទីរួមខេត្ត​កំពង់ស្ពឺ​ ​ផ្លូវ​នេះ​នឹង​ឆ្លងកាត់​ផ្លូវជាតិ​លេខ៤ងាក​មក​ឆ្វេងដៃ​។​ ​លោក​បន្ត​ថា​ ​បន្ទាប់ពី​ឆ្លងកាត់​ផ្លូវជាតិ​លេខ៤ងាក​មក​ឆ្វេងដៃ​ ​ផ្លូវ​នេះ​នឹង​រត់​ស្របគ្នា​នឹង​ផ្លូវជាតិ​លេខ៤នៅ​ផ្នែក​ខាងឆ្វេង​ដៃរ​ហូត​ដល់​ស្រុក​ព្រៃនប់​ ​ទើប​ផ្លូវ​នេះ​ឆ្លងកាត់​ផ្លូវជាតិ​លេខ៤​ ​មក​ខាងស្តាំ​ដៃ​វិញ​ ​ហើយ​បន្ត​រហូតដល់​សមុទ្រ​នៃ​ទឹកដី​ក្រុង​ព្រះសីហនុ​តែម្តង​។​

​ផ្លូវ​នេះ​នឹង​សាងសង់​ឡើង​ដោយក្រុម​ហ៊ុន​ស្ពាន​ថ្នល់​ប្រទេស​ចិន​ ​ដែល​បាន​នាំចូល​គ្រឿងចក្រ​តម្លៃ​ ​១០០លាន​ដុល្លារ​ ​មកដល់​កម្ពុជា​រួចហើយ​។​ ​ក្រុមហ៊ុន​នេះ​ក៏​ទទួលបន្ទុក​សាងសង់​ផ្លូវ​ល្បឿន​លឿន​ភ្នំពេញ​ ​បាវិត​នា​ពេល​ខាងមុខ​ផង​ដែរ​។​
​លោក​ ​វ៉ា​ ​ស៊ី​មសូរិ​យា​បាន​បន្ត​ឲ្យដឹង​ទៀត​ថា​ ​ផ្លូវ​ល្បឿន​លឿន​ភ្នំពេញ​ ​ក្រុង​ព្រះសីហនុ​នឹង​សាងសង់​មាន​របង​នៅ​សងខាង​ ​ដើម្បី​ធ្វើ​យ៉ាងណា​មិន​ឲ្យ​មាន​ចំណុច​ឆ្លងកាត់​ច្រើន​ ​ព្រោះ​វា​រំខាន​ដល់​ការ​ធ្វើដំណើរ​ ​និង​មិន​អាច​បើកបរ​បាន​លឿន​ ​ព្រោះ​ល្បឿន​នៃ​ការ​បើកបរ​នៅ​លើ​ផ្លូវ​នេះ​ ​អ្នកបើកបរ​អាច​បើក​បរ​លក្នុង​ល្បឿន១២០​ ​ទៅ១៦០ក្នុង​មួយ​ម៉ោង​បាន​៕​

​ដោយ​ ​ស៊ីវ​ ​ម៉េ​ង​

​ភ្នំពេញ​៖​ ​មុន​វិនិយោគ​លើ​វិស័យ​អចលនទ្រព្យ​ ​ការពិនិត្យ​ទៅលើ​មូលដ្ឋាន​ ​និង​ព៌​ត​មាន​សំ​ខាន់​ៗ​មួយចំនួន​ ​ពិតជា​មាន​សារៈសំខាន់​ណាស់​ ​ដើម្បីឲ្យ​ការ​វិនិយោគ​របស់​អ្នកទទួល​បាន​ជោគជ័យ​។​

​អគ្គនាយក​ក្រុមហ៊ុន​ ​Century21​ ​Dream​ ​Property​ ​លោក​ ​គាម​ ​សៀ​ក​ឡុង​ ​បាន​មានប្រសាសន៍​ក្នុង​វគ្គ​បណ្តុះ​បណ្តាល​ស្តី​ពី​ ​«​តើ​ធ្វើ​ដូចម្តេច​ដើម្បី​វិនិយោគ​អចលនទ្រព្យ​ឲ្យ​ទទួល​បានផល​ចំណេញ​»​ ​កាលពី​ថ្ងៃទី១៧​ ​កុម្ភៈ​កន្លងមក​ថា​ ​ការ​វិនិយោគ​លើ​វិស័យ​អចលនទ្រព្យ​ ​ដើម្បី​ទទួល​បានផល​ចំណេញ​ពិតជា​មាន​សារៈសំខាន់​ណាស់​ ​ប៉ុន្តែ​ដើម្បី​ទទួល​បាន​ផល​​ចំណេញ​ ​អ្នក​វិនិយោគ​ត្រូវ​ពិនិត្យ​ទៅលើ​មូលដ្ឋាន​មួយចំនួន​ដូចជា​ ​កត្តា​ផ្លូវច្បាប់​ ​ការ​លក់​ក្តី​ស្រ​ម័យ​ ​និង​មូល​ដ្ឋាន​ព៌​ត​មាន​ជាក់លាក់​នានា​ ​ដើម្បី​ធ្វើឲ្យ​ប្រាកដ​ថា​ការ​វិនិយោគ​របស់​លោកអ្នក​ទទួល​បាន​ជោគជ័យ​។​

​លោក​បន្ត​ថា​ ​«​លំហូរ​សាច់ប្រាក់​ក៏​ពិតជា​មាន​សារៈសំខាន់​មិន​អាច​ខ្វះ​បាន​ ​ប៉ុន្តែ​អ្នក​វិនិយោគ​ត្រូវ​ប្រាកដ​ថា​ ​ការប្រើ​ប្រាស់​សាច់ប្រាក់​របស់​អ្នកធ្វើ​ឡើង​យ៉ាងដូច​ម្តេច​ ​ហើយ​បើ​វា​មាន​បញ្ហា​ ​តើ​លោក​ ​អ្នកមាន​វិធី​សាស្រ្ត​ឬ​មូលដ្ឋាន​សាច់ប្រាក់​បែប​ណា​ ​ដើម្បី​ប្រាសចាក​ហានិភ័យ​»​។​

​ប្រធាន​សមាគម​អ្នក​វាយតម្លៃ​ ​និង​ភ្នាក់ងារ​អចលនវត្ថុ​កម្ពុជា​ ​លោក​ ​ច្រឹក​ ​សុ​ខ​នីម​ ​បាន​មានប្រសាសន៍​ឲ្យដឹង​ផង​ដែរ​ ​ពី​ដំណើរ​វិវត្តន៍​ក្នុង​វិស័យ​អចលនវត្ថុ​កម្ពុជា​ ​ដែល​វិស័យ​នេះ​នៅតែ​មាន​ភាព​រ៉ឹង​មាំ​ ​ដោយ​ផ្អែកលើ​មូលដ្ឋាន​ជាច្រើន​ដូចជា​ ​កត្តា​សុខ​សន្តិភាព​ ​ស្ថេរ​ភាព​នយោបាយ​ ​និង​កំនើន​សេដ្ឋកិច្ច​ដ៏​រ៉ឹង​មាំ​របស់​កម្ពុជា​។​ ​លោក​បន្ត​ថា​ ​ជាមួយនឹង​កាលានុវត្តន៍​ភាព​នេះ​ ​ការ​វិនិយោគ​លើ​វិស័យ​អចលនទ្រព្យ​ ​អ្នក​វិនិយោគ​គួរ​ប្រឹក្សា​ជាមួយ​អ្នកជំនាញ​ ​ដើម្បី​ពួកគេ​អា​ចប្រ​មូល​ព៌​ត​មាន​នានា​ ​និង​ទទួល​បាន​ដំបូន្មាន​ពី​អ្នកជំនាញ​ ​ក្នុង​ការ​ចង្អុលបង្ហាញ​មូលដ្ឋាន​នៃ​អចលនទ្រព្យ​ ​ឳ​កាស​ចំណេញ​ ​និង​មូលហេតុ​ដែល​គួរ​ឬមិន​គួរ​វិនិយោគ​ក្នុង​វិស័យ​អចលនទ្រព្យ​។​

​លោក​បន្ត​ថា​ ​“​លំហូរ​សាច់ប្រាក់​ ​និង​ការប្រើ​ប្រាស់​សាច់ប្រាក់​ឲ្យបាន​ត្រឹមត្រូវ​ ​មាន​សារៈសំខាន់​ណាស់​ ​ដើម្បី​ធ្វើឲ្យ​ប្រាកដ​ថា​ការ​វិនិយោគ​របស់​យើង​មាន​សុវត្ថិភាព​”​។​ ​លោក​បន្ត​ថា​ ​“​ជាមួយគ្នា​នេះ​ ​ការប្រើ​ប្រាស់​ប្រាក់​ធនាគារ​ ​ក៏​មិន​មាន​បញ្ហា​នោះ​ដែរ​ ​ប្រសិនជា​យើង​មាន​លំហូរ​សាច់ប្រាក់​ ​អាច​ទប់ទល់​នឹង​ភាព​ជាប់​គាំង​នៅពេល​ណាមួយ​បាន​”​។​

​ជាមួយ​នេះ​ ​លោក​ច្រឹក​ ​សុខ​នី​មក៏​បាន​លើកឡើង​ពី​ទិដ្ឋភាព​ផ្លូវច្បាប់​ ​ដែល​អ្នក​វិនិយោគ​គួរ​សិក្សា​ស្វែងយល់​ ​ដើម្បី​ធ្វើ​យ៉ាង​ណា​កុំ​ឲ្យ​មាន​បញ្ហា​ទាក់ទង​នឹង​ប័ណ្ណ​កម្ម​សិទ្ឋ​ ​មាន​ជម្លោះ​ទាក់ទង​នឹង​បញ្ហា​អចលនទ្រព្យ​ ​ដែល​យើង​បាន​វិនិយោគ​ផង​ដែរ​ ​ព្រោះ​ការ​មាន​បញ្ហា​ ​ជា​រឿង​ឈឺក្បាល​និង​ធ្វើឲ្យ​យើង​ជាប់រវល់​ជាមួយនឹង​ស្ថាប័ន​តុលាការ​ ​ដែល​នាំឲ្យ​ខាត​ទាំង​ពេលវេលា​ ​និង​ប្រាក់កាស​ផង​ដែរ​៕​

​ដោយ​ ​គង់​ ​សូ​រិយា​

​ភ្នំពេញ​៖​ ​ស្ថាបនិក​និង​ជា​អគ្គនាយក​នៃ​ក្រុមហ៊ុន​គេហទំព័រ​ ​Propertyarea.asia​ ​និង​អ្នកជំនាញ​ពីរ​រូប​ទៀត​បាន​ចូលរួម​ធ្វើ​បទ​បង្ហាញ​ ​និង​ចែករំលែក​បទពិសោធន៍​នៃ​ភាព​ជោគជ័យ​ ​និង​មូល​ដ្ឋាន​ព៌​ត​មាន​ដើម្បី​ធ្វើការ​ពិចារណា​មុន​សម្រេចចិត្ត​វិនិយោគ​លើ​វិស័យ​អចលនទ្រព្យ​កម្ពុជា​។​

​លោក​ ​យិន​ ​លាង​គង់​ ​អគ្គនាយក​ក្រុមហ៊ុន​គេហទំព័រ​ ​Propertyarea.asia​ ​និង​ជា​អនុប្រធាន​ក្រុមប្រឹក្សា​ភិបាល​ ​សមាគម​អ្នកជំនាញ​អចលនទ្រព្យ​កម្ពុជា​ ​បាន​ធ្វើ​បទ​បង្ហាញ​ ​និង​ចែករំលែក​ពី​គន្លឹះ​ក្នុង​ការ​វិនិយោគ​លើ​វិស័យ​អចលនទ្រព្យ​ ​និង​បង្ហាញ​ពី​មូល​ដ្ឋាន​ព៌​ត​មាន​សំ​ខាន់​ៗ​ ​ដែល​អាច​ទុកចិត្ត​បាន​ ​និង​ប្រកបដោយ​លក្ខណៈ​វិទ្យាសាស្រ្ត​ ​ដើម្បីឲ្យ​អ្នក​ចង់​វិនិយោគ​ ​ចង់​ក្លាយជា​ភ្នាក់ងារ​អចលនវត្ថុ​កម្ពុជា​ ​ធ្វើការវិភាគ​ ​ពិចារណា​មុន​សម្រេចចិត្ត​ក្នុង​ការ​វិនិយោគ​។​

​ជាមួយគ្នា​នេះ​ ​លោក​ក៏បាន​បង្ហាញ​ពី​មូលដ្ឋាន​ដំណឹង​ ​និង​ព៌​ត​មាន​ដែល​អាច​ទុកចិត្ត​បាន​ ​ឬ​ទុកចិត្ត​មិនបាន​ដោយ​ឈរ​លើ​មូលដ្ឋាន​ជំនាញ​វិជ្ជាជីវៈ​ ​ក្រមសីលធម៌​ ​និង​មូលដ្ឋាន​វិទ្យាសាស្រ្ត​សំរាប់​ធ្វើការ​ពិចារណា​ ​ក្នុង​ការសម្រេច​ចិត្ត​ឬមិន​សម្រេច ចិត្ត​វិនិយោគ​ ​និង​ព៌​ត​មាន​ទាក់ទង​នឹង​បច្ចុប្បន្នភាព​នៃ​សេដ្ឋកិច្ច​កម្ពុជា​ផង​ដែរ​។​

​អគ្គនាយក​ក្រុមហ៊ុន​ ​Century21​ ​Dream​ ​Property​ ​លោក​ ​គាម​ ​សៀ​ក​ឡុង​ ​បាន​ធ្វើ​បទ​បង្ហាញ​ពី​គន្លឹះ​នៃ​ការ​វិ​និ​យោ​គ​ក្នុង​វ​ស័យ​អចលនទ្រព្យ​ ​ដើម្បី​ទទួល​បានផល​ចំណេញ​និង​ប្រាសចាក​ហានិភ័យ​។​ ​ជាមួយគ្នា​នេះ​ ​លោក​ ​គាម​ ​សៀ​ក​ឡុង​ ​ក៏បាន​បង្ហាញ​ពីទី​តាំង​ភូមិ​សាស្រ្ត​ ​លំហូរ​សាច់ប្រាក់​ ​និង​មូល​ដ្ឋាន​ព៌​ត​មាន​នានា​ ​ដើម្បី​ធ្វើការ​សម្រេចចិត្ត​វិ​និ​យោ​ ​គ​ក្នុង​វិស័យ​នេះ​ផង​ដែរ​។​ ​

​ជាមួយគ្នា​នេះ​ ​លោក​ ​ច្រឹក​ ​សុ​ខ​នីម​ ​ប្រធាន​សមាគម​អ្នក​វាយតម្លៃ​ ​និង​ភ្នាក់ងារ​អចលនវត្ថុ​កម្ពុជា​ ​និង​ជា​អគ្គនាយក​ក្រុមហ៊ុន​ ​Century21​ ​Mekong​ ​បាន​លើក​បង្ហាញ​ពី​បច្ចុប្បន្នភាព​ ​និង​ដំណើរ​វិវត្តន៍​ក្នុង​វិស័យ​អចលនទ្រព្យ​នៅ​កម្ពុជា​ ​ឱកាស​វិនិយោគ​ ​លំហូរ​សាច់ប្រាក់​ ​និង​ទីតាំង​ភូមិ​សាស្រ្ត​អចលនទ្រព្យ​ ​ដែល​គួរ​វិនិយោគ​ដើម្បី​ទទួល​បានផល​ចំណេញ​ ​និង​ប្រាសចាក​ហានិភ័យ​ផង​ដែរ​។​

​លោក​ក៏បាន​លើកឡើង​ពី​មូលដ្ឋាន​សំ​ខាន់​ៗ​ ​ដែល​ធ្វើឲ្យ​តម្លៃ​អចលនទ្រព្យ​កើនឡើង​ ​មូលដ្ឋាន​សំ​ខាន់​ៗ​ដែល​គួរ​ប្រើប្រាស់​ ​ឬមិន​ប្រើប្រាស់​លុយ​ធនាគារ​យក​មក​វិនិយោគ​ក្នុង​វិស័យ​នេះ​ផង​ដែរ​៕​

កាលពី​ម្សិលមិញ​ ​សមាគម​អ្នកជំនាញ​អចលនទ្រព្យ​កម្ពុជា​ ​Cambodia​ ​Real​ ​Estate​ ​Association​ ​បាន​សហការ​គ្នា​ជាមួយ​ ​វិទ្យាស្ថាន​ ​រ៉ូ​យ៉ា​ល់​ ​ឆាត​ធឺ​ ​Royal​ ​Chartered​ ​Institute​ ​បង្កើត​កម្មវិធី​សិក្សា​ថ្មី​មួយ​ ​គឺ​ ​Key​ ​to​ ​be​ ​Successful​ ​Property​ ​Developers​ ​។​
​
​លោក​ ​សោម​ ​កែវ​ម៉ាលី​ដា ​(​Andy​)​ ​អនុប្រធាន​សមាគម​ទទួលបន្ទុក​ផ្នែក​អប់រំ​ ​តំណាង​ឲ​លោក​ ​ឃាង​ ​ពុទ្ធី​ ​ប្រធាន​សមាគម​ ​បាន​មានប្រសាសន៍​ក្នុង​ពេល​បើក​កម្មវិធី​៖​ ​ដោយសារ​យើង​ឃើ​ញកំនើ​ននៃ​ការ​វិនិយោគ​លើ​វិស័យ​អចលនទ្រព្យ​មាន​សន្ទុះ​គួរ​ឲ​កាត់​សម្គាល់​នា​ប៉ុន្មាន​ឆ្នាំ​ចុងក្រោយ​នេះ​ ​ទាំង​អ្នក​វិនិយោគ​ជាតិ​ ​និង​អន្តរជាតិ​។​
​
​ជាពិសេស​ ​គឺ​អ្នក​វិនិយោគ​ជាតិ​ ​(​ក្នុង​ស្រុក​)​ទើប​យើង​បង្កើត​កម្មវិធី​សិក្សា​មួយ​នេះ​ឡើង​ ​ដើម្បី​ឲ​ពួកគាត់​មាន​មូលដ្ឋាន​គ្រឹ​សក្នុង​ការសម្រេច​ចិត្ត​វិនិយោគ​ទៅលើ​អចលន​ទ្រព្យ​ផ្សេង​ៗ​ដូចជា​ ​សណ្ឋាគារ​ ​ផ្ទះល្វែង​ ​ខុន​ដូ​ ​អា​ផា​ត​មិន​ ​អគារ​ការិយាល័យ​ ​និង​ដី​ឡូ​តិ៍​ជាដើម​។​ ​ហើយក៏​ជាវ​គ្គ​សិក្សា​ល្អ​បំផុត​សម្រាប់​ ​បងប្អូន​ដែល​មា​នបំនង​វិនិយោគ​ថ្មីថ្មោង​។​
​
​លោក​បាន​បន្ត​ទៀត​ថា​៖​ ​ទោះ​យ៉ាងណាក៏ដោយ​ ​ការសិក្សា​រយះ​ពេល​ខ្លី​វា​គ្រាន់តែ​ជា​មូលដ្ឋាន​សំ​ខាន់​ៗ​មុន​ពេលធ្វើការ​សម្រេចចិត្ត​វិនិយោគ​ ​លោក​ទា​មទា​រឲ​មានការ​ស្រាវជ្រាវ​បន្ថែម​ ​និង​ពិគ្រោះ​យោបល់​ជាមួយ​អ្នកមាន​បទពិសោធន៍​ផ្ទាល់​ ​ព្រោះ​ការសិក្សា​រយៈពេល​ខ្លី​ ​មិន​មាន​ពេល​គ្រប់គ្រាន់​លំអិត​ទៅលើ​ចំនុច​និ​មួយ​ៗ​ទេ​។​
​
​លោកស្រី​ ​ប្រាក់​ ​បញ្ញា​ ​នាយិកា​ ​វិទ្យា​ស្ថាន​រ៉ូ​យ៉ា​ល់​ ​ឆាត​ធឺ​ ​មាន​ប្រសា​សន៍ឲ​ដឹងផង​ដែរ​៖​ ​វគ្គសិក្សា​នេះ​ ​មាន​រយះ​ពេល​ ​០១​ ​ថ្ងៃ​ពេញ​ ​ដែល​បង្រៀន​ដោយ​លោក​ ​Daniel​ ​GB​ ​Tan​,​ ​អ្នកជំនាញ​អចលនទ្រព្យ​ពី​ ​សិង្ហបុរី​ ​និង​ ​អុស្​ត្រា​លី​ ​និង​ជំនាញ​ផ្នែក​ហិរញ្ញវត្ថុ​ ​និង​សំណង់​មក​ពី​ចក្រភព​អង់គ្លេស​។​ ​គាត់​មានបទពិសោធន៍​លើ​ផ្នែក​ទាំងនេះ​រយះ​ពេល​ ​៤០ឆ្នាំ​មក​ហើយ​។​
​
​យើង​ទទួល​បានការ​ចូលរួម​ជាច្រើន​ ​ជាពិសេស​សមាជិកសមាគម​អ្នកជំនាញ​អចលនទ្រព្យ​កម្ពុជា​ ​និង​សក្ខា​កាម​មក​ពី​បណ្តាល​ប្រទេស​ផ្សេង​ផង​ដែរ​។​
​
​ជាចុងក្រោយ​ ​យើង​នឹង​បន្ត​សិក្សា​ស្វែងយល់​ពី​វគ្គ​សិក្សា​ផ្សេង​ៗ​ដែល​ចាំបាច់​ ​ដើម្បី​បន្ត​ការចែក​រំលែក​ចំ​នេះ​ដឹងទៅដល់​បងប្អូន​ខ្មែរយើង​ ​ព្រោះថា​ធនធានមនុស្ស​ជា​កត្តាចាំបាច់​មួយ​សម្រាប់​អភិវឌ្ឍន៍​ប្រទេសជាតិ​៕​

ដោយ​ រតនៈ​

ភ្នំពេញ​៖​ បច្ចុប្បន្ននេះ ផ្លូវលេខ៣៧១ គឺជាច្រកផ្លូវមមាញឹកដ៏សំខាន់មួយ ងាយស្រួលក្នុងការធ្វើដំណើរ សម្រាប់ តភ្ជាប់ពីផ្លូវលេខ ២១៧ មកកាន់ផ្លូវលេខ២៧១ ហើយបានធ្វើអោយតំបន់នេះ ក្លាយជាតំបន់ប្រជុំជនអ៊ូអរ មានមនុស្សរស់នៅច្រើន ប្រមូលផ្តុំទៅដោយផ្សារ សាលារៀន ធនាគារផងដែរ ។

នៅក្នុងនោះយើងសង្កេតឃើញថាសូម្បីតែគម្រោង បុរី ប៉េង ហួត ដឹស្តា ណេតឈឺរ៉ល ក៏ស្ថិតនៅលើទីតាំងអំណោយផលល្អ ទល់មុខនឹងផ្សារប៉េសេ ដែលជាតំបន់ទីប្រជុំជនមួយ លើកំណាត់ផ្លូវលេខ ៣៧១ នេះដែរ។ ក្នុងគម្រោងនេះផ្ទាល់ថែមទាំងមានរចនាបថស្ថាបត្យកម្មលេចធ្លោរជាងគេ ក្នុងតំបន់គួបផ្សំជាមួយនឹង ក្លឹបហាត់ ប្រាណ អាងហែលទឹក សួនកំសាន្ត និងផ្សារទំនើបLucky Express សុទ្ធសឹងតែជាតម្រូវការក្នុងការរស់នៅប្រចាំថ្ងៃ។

លំនៅដ្ឋានក្នុងគម្រោងទៀតសោតត្រូវបានរចនាឡើងប្រកបដោយគុណភាពខ្ពស់ ភាពច្នៃប្រឌិត ផាសុកភាព និង ភាពប្រណិតឥតខ្ចោះ ក្នុងការរស់នៅ។

ចំណែកឯវីឡាភ្លោះ ជាវីឡាបែបទាន់សម័យ និងទីធ្លាខាងមុខគេហដ្ឋានធំទូលាយ ទទួលបានការគាំទ្រច្រើនពីអតិថិជន។ វីឡាភ្លោះនេះ មាន បន្ទប់គេង៤ បន្ទប់ទឹក៥ ព្រមទាំងបន្ទប់ទទួលភ្ញៀវដែលមានបរិយាកាសស្រស់ស្រាយ កន្លែងទទួលទានអាហារ បន្ទប់ចំអិនអាហារ និង កន្លែងចតឡានធំទូលាយ ដែលសាកសមបំផុតសម្រាប់គ្រួសារគ្រប់ស្រទាប់វណ្ណៈ។

កាន់តែពិសេសជាងនេះទៅទៀត អតិថិជននឹងទទួលបានការបញ្ចុះតម្លៃរហូត៣% ទិញភ្លាម រស់នៅភ្លាម ពីវីឡាភ្លោះ ក្នុងគម្រោងបុរី ប៉េង ហួត ដឹស្តា ណេតឈឺរ៉ល ហើយលោកអ្នកក៏អាច បង់រំលស់ដោយគ្មានប្រាក់កក់ រយៈពេល១៧ឆ្នាំ ។

បញ្ជាក់: ការផ្តល់ជូនពិសេសនេះត្រឹមដំណាច់ខែ កុម្ភ: ជាមួយតែវីឡាភ្លោះ ១ ខ្នងប៉ុណ្ណោះ។
សម្រាប់ព័ត៌មានបន្ថែម សូមទាក់ទងទូរសព្ទលេខ 015 90 6789 Email: [email protected]ឬចូលទៅកាន់គេហទំព័រ Facebook: www.facebook.com/boreypenghuoth ឬអាចអញ្ជើញមកសាកសួរព័ត៌មាន ពីគ្រប់ការិយាល័យលក់ ដែលមានទីតាំងក្បែរលោកអ្នក រៀងរាល់ម៉ោងធ្វើការ៕