​ដោយ​ ​ស៊ីវ​ ​ម៉េ​ង​

​ភ្នំពេញ​៖​ ​មជ្ឈមណ្ឌល​ពាណិជ្ជកម្ម​ ​TCC​ ​Triumph​ ​ដែល​គ្រោង​វិនិយោគ​ទឹកប្រាក់​រហូតដល់​ប្រមាណ​ ​១០០០លាន​ដុល្លារ​បាន​ ​និង​កំពុង​ដំណើរការ​សាងសង់​យ៉ាងសកម្ម​ ​ខណៈ​គំរោង​នេះ​នឹងជា​ផ្នែក​មួយ​នៃ​ការ​ដើរ​ទិញទំនិញ​ដ៏​ធំ​ ​និង​ជាលើកដំបូង​នៅ​ក្រុងភ្នំពេញ​។​ ​

​គំរោង​នេះ​ត្រូវ​បាន​វិនិយោគ​ដោយក្រុម​ហ៊ុន​ ​YunNan​ ​ShengMao​ ​Investment​ ​(​Cambodia​)​ ​Co​.​,​ ​Ltd​ ​។​ ​គម្រោង​ទាំងមូល​នឹង​បញ្ចប់​នៅ​ចុងឆ្នាំ​ ​២០២០​។​ ​មជ្ឈមណ្ឌល​ពាណិជ្ជកម្ម​នេះ​រួមបញ្ចូល​នូវ​ ​អគារ​លក់ទំនិញ​ចំនួន៤​ ​ដែល​អគារ​នី​មួយ​ៗ​មាន​កម្ពស់ ៤ជាន់​ ​ដែល​បាន​ចាប់ផ្តើម​សាងសង់​កាលពី​ចុងឆ្នាំ​មុន​ ​និង​គ្រោង​បញ្ចប់​នៅ​ចុងឆ្នាំ​ ​២០១៩​ ​នេះ​ ​ខណៈ​ដំណាក់កាល​ទី២នឹង​សាងសង់​នៅ​ចុងឆ្នាំ​នេះ​ផង​ដែរ​។​

​អ្នកគ្រប់គ្រង​ផ្នែក​លក់​របស់​ ​TCC​ ​Triumph​ ​លោក​ហាក់​ ​យ៉ា​រិទ្ឋ​បាន​មានប្រសាសន៍​ឲ្យដឹង​កាលពី​ពេល​ថ្មី​ៗ​នេះ​ថា​ ​គំរោង​ដំណាក់កាល​ទី១នេះ​ ​យើង​កំពុង​មាន​ក្តី​សង្ឃឹមថានឹង​អាច​បើក​ដំណើរការ​បាន​នៅដើម​ឆ្នាំ​ ​២០២០​ ​ហើយ​នៅពេល​សាងសង់​រួច​ ​នឹង​មាន​ផលិតផល​ជាង​ ​១០​ ​ម៉ឺន​មុខ​សំរាប់​លក់​នៅក្នុង​មជ្ឈមណ្ឌល​នេះ​។​

​មជ្ឈមណ្ឌល​ពាណិជ្ជកម្ម​ ​TCC​ ​Triumph​ ​វិនិយោគ​លើ​ផ្ទៃដី​ទំហំ​ជាង៩ហិ​ក​តា​ ​ស្ថិត​ក្នុង​ខណ្ឌឫស្សីកែវ​ ​រាជធានី​ភ្នំពេញ​។​
​អនុប្រធាន​ក្រុមប្រឹក្សា​ភិបាល​នៃ​សមាគម​អ្នកជំនាញ​អចលនទ្រព្យ​កម្ពុជា​ ​លោ​ក​យិន​ ​លាង​គង់​បាន​មានប្រសាសន៍​ថា​ ​ការ​កើនឡើង​នូវ​មជ្ឈមណ្ឌល​ពាណិជ្ជកម្ម​ ​និង​ហាង​លក់​ទំ​និញ​ធំៗ​នៅ​រាជធានី​ភ្នំពេញ​ ​ឆ្លុះបញ្ចាំង​ពី​ការ​រីកចម្រើន​សេដ្ឋកិច្ច​កម្ពុជា​ ​ពិសេស​ប្រាក់ចំណូល​របស់​ប្រជាពលរដ្ឋ​កើនឡើង​។​លោក​បន្ត​ថា​ ​អ្នក​វិនិយោគ​គំ​រោង​ធំៗ​បែបនេះ​ ​ពួកគេ​សិក្សា​ពីទី​ផ្សារ​ច្បាស់លាស់​ណាស់​ ​មុន​ពួកគេ​សម្រេចចិត្ត​វិនិយោគ​លើ​គំរោង​អ្វីមួយ​។​

​លោក​បន្ត​ថា​ ​“​កំនើ​នប្រា​ក់​ចំណូល​របស់​ប្រជាពលរដ្ឋ​ ​ជា​អំណាច​នៃ​ការទិញ​ ​ព្រោះ​ពេល​ប្រជាពលរដ្ឋ​មាន​ប្រាក់ចំណូល​កើនឡើង​ ​អំណាច​នៃ​ការទិញ​នឹង​កើនឡើង​ជា​ស្វ័យប្រវត្តិ​”​៕​

​ដោយ​ ​គង់​ ​សូ​រិយា​

​ភ្នំពេញ​៖​ ​អ្នកជំនាញ​ក្នុង​វិស័យ​អចលនទ្រព្យ​បាន​បង្ហាញ​ពី​វិធី​សាស្រ្ត​មួយចំនួន​ ​ដើម្បី​ទប់ទល់​ហានិភ័យ​ ​នៅពេល​ទីផ្សារ​អចលនទ្រព្យ​ជាទី​ផ្សារ​លិច​-​អណ្តែត​ ​ដែល​វិស័យ​នេះ​តែងតែ​ ​អណ្តែត​បួនដប់​ឆ្នាំ​ ​លិច​បី​បួន​ឆ្នាំ​។​

​លោក​ ​ង៉ែត​ ​ជូ​ ​អ្នកជំនាញ​អចលនទ្រព្យ​ ​និង​ជាទី​ប្រឹក្សា​ជាន់ខ្ពស់​ផ្នែក​សេដ្ឋកិច្ច​និង​អភិវឌ្ឍន៍​នៃ​ក្រុមហ៊ុន​ ​Emerging​ ​Market​ ​Consulting​ ​បាន​សរសេរ​លើ​បណ្តាញ​ទំនាក់ទំនង​សង្គម​របស់​ខ្លួន​នា​ព្រឹក​ថ្ងៃទី២៣​ ​មេសា​នេះ​ថា​ ​មាន​វិធី​សាស្រ្ត៤យ៉ាង​ដើម្បី​អាច​ជួយ​អោយ​អ្នក​ឆ្លងផុត​ពី​វិបត្តិ​នេះ​ ​និង​អាច​ចាប់​យក​ឱកាស​បាន​ទៀតផង​ដូចជា​ ​ទី១​ ​ច្នៃ​អចលនទ្រព្យ​អោយ​មាន​លំហូរ​សាច់ប្រាក់​:​ ​មាន​វិធី​សាស្រ្ត២យ៉ាងដែល​អ្នក​អាច​ច្នៃ​អចលនទ្រព្យ​អោយ​ទទួល​បាន​លំហូរ​សាច់ប្រាក់​។​ ​វិធី​សាស្រ្ត​ទី១​ ​គឺ​ការ​លក់​បង់​រំលស់​រយៈពេល​វែង​។​ ​វិធីសាស្ត្រ​ទី២គឺ​ការ​ដាក់​ជួល​។​ ​

​លោក​បន្ត​ថា​ ​“​ការ​ដាក់​ជួល​ជាការល្អ​ម្យ៉ាងដែរ​ ​ប្រសិនបើ​អចល​ទ្រព្យរបស់​អ្នក​នៅ​មាន​សក្តា​នុ​ពល​ខ្ពស់​ក្នុង​ការ​កើន​តម្លៃ​នា​ពេល​អនាគត​។​ ​វិធីសាស្ត្រ​នេះ​ជា​វិធី​សាស្រ្ត​ព្រួញ ១បាញ់​បាន​សត្វ២​”​។​ ​

​ទី២​ ​រក្សា​លំហូរ​សាច់ប្រាក់​ពី​ប្រភព​ផ្សេង​:​ ​អ្នក​គួរ​មាន​លំហូរ​សាច់ប្រាក់​ពី​ប្រភព​ផ្សេង​ដូចជា​ប្រាក់ខែ​ ​ឬ​ចំណូល​ពី​អាជីវ​កម្ម​ផ្សេង​ៗ​។​ ​កាលពី​កំឡុង​ឆ្នាំ២០០៧​-​២០១០​ ​វិស័យ​នេះ​មាន​វិបត្តិ​ធ្លាក់ចុះ​យ៉ាង​ខ្លាំង​ ​លោក​បាន​ចាប់​យក​ឱកាស​ ​តាមរយៈ​ប្រើប្រាស់​លំហូរ​សាច់ប្រាក់​ពី​ប្រាក់ខែ​ ​ដើម្បី​ទទួល​កម្ចី​ពី​ធនាគារ​មក​ធ្វើការ​វិនិយោគ​ដោយ​មិន​ញញើតដៃ​។​ ​មនុស្សជា​ច្រើន​ភ័យខ្លាច​មិន​ហ៊ាន​វិនិយោគ​ ​នៅពេល​មាន​វិបត្តិ​បែប​នោះ​ទេ​។​ ​

ដូចគ្នា​នេះ​ដែរ​ ​មហាសេដ្ឋី​អចលនទ្រព្យ​ហុងកុង​ ​លោក​ ​លី​កា​ស៊ីង​ ​សំរុក​ទិញ​ដីធ្លី​នៅ​កំឡុង​ពេល​ដែល​ប្រទេស​ស្ថិត​ក្នុង​វិប​ត្តិ​ធំៗ​ ​ដូចជា​ ​នៅពេល​មាន​បដិវត្តន៍​វប្បធម៌​ ​និង​ ​កុប្បកម្ម​នៅ​ទីលាន​ធាន​អា​មិន​។​ ​ប្រភព​ទុន​ក្នុង​ការ​វិនិយោគ​ ​គឺ​លោក​ទទួល​បាន​ពី​ផល​ចំណេញ​នៃ​ការផលិត​ផ្កា​សិប្បនិម្មិត​។​ ​

​ដូចគ្នា​នេះ​ដែរ​ ​មហាសេដ្ឋី​អចលនទ្រព្យ​ថៃ​ ​លោក​សុង​សា​ក់​ឌី​ ​អូ​ឡាម​ ​បាន​ប្រើ​ចំណូល​ពី​សិប្បកម្ម​ ​ផលិត​ផ្កា​សិប្បនិម្មិត​ទិញ​ដីស្រែ​ប្រាំង​ ​និង​កសិដ្ឋាន​ចិញ្ចឹម​ក្រពើ​នៅ​ជាយក្រុង​បាងកក​ ​ក្នុង​កំឡុង​ឆ្នាំ១៩៨៥​-​១៩៨៦បាន​ចំនួន១៦០ហិ​ក​តា​។​ ​ប្រមាណ​ជា១០ឆ្នាំក្រោយ​ ​លោក​បាន​អភិវឌ្ឍ​ជា​លំនៅ​ដ្ឋាន​ ​និង​អាគារ​ពាណិជ្ជកម្ម​ដែល​មានតម្លៃ​រាប់ពាន់​លាន​ដុល្លា​អាមេរិក​។​ ​

​ទី៣​ ​រក្សា​បំណុល​ក្នុង​កំរិត​ដែល​អ្នក​អាច​គ្រប់គ្រង​បាន​:​ ​ពោល​គឺ​លំហូរ​សាច់ប្រាក់​ចូល​ពី​ប្រភព​ទាំងពីរ​ខាងលើ​ ​គួរតែ​ស្មើ​យ៉ាងតិច១៥០​%​នៃ​ការ​ត​ព្វ​កិច្ច​សងបំណុល​ ​និង​តំរូវការ​ចាយវាយ​ក្នុង​គ្រួសារ​ប្រចាំខែ​។​ ​និង​ទី៤​ ​រៀន​រស់​ក្នុង​ជីវិត​សាមញ្ញ​:​ ​បើ​អ្នកមាន​ទំ​លាប់​រស់នៅ​សាមញ្ញ​ ​នោះ​អ្នក​នឹង​មិន​មាន​សំពាធ​ផ្លូវចិត្ត​នៅពេល​ទីផ្សារ​ជាប់​គាំង​នោះ​ទេ​ ​ព្រោះ​អ្នក​មិនបាន​រំពឹង​យក​ប្រាក់​ ​ឬ​ផល​ចំណេញ​ពី​ការ​វិនិយោគ​មក​ចាយ​វាយ​ហ៊ឺហា​រ​។​ ​ជា​រឿយ​ៗ​ ​អ្នកខ្លះ​ហៅថា​ជា​ការរស់នៅ​ក្នុង​ជីវិតក្រាំង​៕​

​ដោយ​ ​វុត្ថា

​ភ្នំពេញ​៖​ ​ក្រុមហ៊ុន​យក្ស​របស់​ចិន​ ​Prince​ ​Real​ ​Estate​ ​Group​ ​គ្រោង​នឹង​សាងសង់​សាង​សង​កន្ត្រក​វិល​យក្ស​ ​ដែល​មាន​កំពស់​រហូតដល់៨៨ម៉ែត្រ​ ​នៅក្នុង​មជ្ឈ​មណ្ឌល​កម្សាន្ដ​ ​ព្រីនស៍​ ​ម៉ា​ណ័រ​ ​មាន​ទីតាំង​ស្ថិតនៅ​ផ្លូវជាតិ​លេខ១​ ​ភូមិ​ដីឥដ្ឋ​កោះ​ផុស​ ​ឃុំ​ដីឥដ្ឋ​ ​ស្រុក​កៀនស្វាយ​ ​ខេ​ត្ដ​កណ្ដាល​។​

​យោង​តាម​ការ​ទំព័រ​ហ្វេ​សបុ​ក​ផ្លូវការ​របស់​ក្រុមហ៊ុន​ ​ដែល​បាន​ចុះផ្សាយ​កាល​ពី​ថ្មី​ៗ​នេះ​បាន​ឲ្យដឹង​ថា​ ​សព្វថ្ងៃ​មជ្ឈ​មណ្ឌល​កម្សាន្ដ​ ​ព្រីនស៍​ម៉ា​ណ័រ​ ​ដំណាក់កាល​ទីមួយ​បាន​បើក​ដំណើរការ​ដោយ​ជោគជ័យ​។​ ​ដំណាក់កាល​ទី២​ ​នៃ​មជ្ឈ​មណ្ឌល​កម្សាន្ដព្រីនស៍​ ​ម៉ា​ណ័រ​ ​នឹង​មាន​បង្កើត​នូវ​ឧទ្យាន​អេកូឡូស៊ី​ ​និង​វិទ្យាសាស្រ្ត​កសិកម្ម​ ​ដើម្បី​ត្រួសត្រាយ​ផ្លូវ​សម្រាប់​ការ​អភិវឌ្ឍន៍​ក្នុង​វិស័យ​កសិកម្ម​ប្រណិត​។​ ​នៅក្នុង​ដំណាក់កាល​ទី៣​ ​គម្រោង​ឧទ្យាន​កម្សាន្ត​លើទឹក​ ​និង​ ​“​ចក្ខុ​នៃ​ភ្នំពេញ​”​ ​ដែល​ជា​កន្រ្ត​ក​វិល​មាន​កម្ពស់៨៨​ ​ម៉ែត្រ​ ​នឹង​ត្រូវ​បើក​ដំណើរការ​នា​ពេល​ខាងមុខ​។​

​មជ្ឈ​មណ្ឌល​កម្សាន្ដ​ ​ព្រីនស៍​ ​ម៉ា​ណ័រ​ ​បាន​សម្ពោធ​បើក​ដំណើរការ​ជា​ផ្លូវការ​ដំណាក់កាល​ទី១​ ​មានការ​បើក​ដំណើរការ​នូវ​ឧទ្យាន​ធំៗ​ចំនួន៥​ ​ដូចជា​ ​សួន​កម្សាន្ត​កុមារ​ ​ឧទ្យាន​លំហែ​កម្សាន្ត​ ​ឧទ្យាន​សុខភាព​ ​ឧទ្យាន​កីឡា​ ​និង​ឧទ្យាន​វីរជន​។​ ​មជ្ឈ​មណ្ឌល​កម្សាន្ដ​ ​ព្រីនស៍​ ​ម៉ា​ណ័រ​ ​ក៏​មាន​ផ្តល់​ជូន​អតិថិជន​ជាពិសេស​នូវ​បទពិសោធន៍​នៃ​សេវាកម្ម​ដ៏​សម្បូរ​បែប​មាន​ដូចជា​ចំណត​ឧទ្ធម្ភាគចក្រ​ ​បន្ទប់​ហាត់​វា​យកូនហ្គោល VR ដ៏​ទំនើប​ ​បន្ទប់​ស្នាក់នៅ​ជា​ផ្ទះ​ឈើ​បែប​ខ្មែរ​ដ៏​ពិសេស​ ​កំពង់ផែ​ជិះទូក​កម្សាន្ត​ ​និង​បរិក្ខារ​ឧទ្យាន​កម្សាន្ត​នានា​។​

​ទីប្រឹក្សា​សមាគម​ទីភ្នាក់ងារ​ទេសចរណ៍​កម្ពុជា​ ​លោ​កហូ​ ​វណ្ឌី​បាន​មានប្រសាសន៍​ថា​ ​ប្រសិនជា​មានការ​សាង​សង់​កន្រ្ត​ក​វិល​ខ្ពស់​បែបនេះ​ ​និង​បន្ថែម​សេវាកម្ម​មួយចំនួន​ទៀត​ ​រមណីយដ្ឋាន​បែប​ ​Indoor​ ​នេះ​ ​នឹង​បន្ថែម​ការ​ទាក់ទាញ​ភ្ញៀវ​ទេសចរណ៍​ជាតិ​ ​អន្តរជាតិ​ ​ខណៈ​បច្ចុប្បន្ន​គំរោង​នេះ​កំពុង​ទាក់ទាញ​ភ្ញៀវ​វ័យក្មេង​ក្នុង​ស្រុក​ ​និង​ជនជាតិ​ចិន​ច្រើនជាង​។​

​លោក​បន្ត​ថា​ ​“​វា​អាច​ចាត់ទុកជា​ផលិតផល​ទេសចរណ៍​ថ្មី​មួយ​ ​ប្រសិនជា​គំរោង​នេះ​រៀបចំ​បាន​ល្អ​ប្រសើរ​ ​និង​មាន​សេវាកម្ម​កាន់តែ​សម្បូរ​បែប​”​។​ ​លោក​បន្ត​ថា​ ​“​គំរោង​មណ្ឌល​កំសាន្ត​នេះ​មិនធំ​នោះ​ទេ​ ​ប៉ុន្តែ​មាន​ភាព​ទាក់ទាញ​មួយ​ ​ដោយសារ​ការ​វិនិយោគ​ផ្តោត​លើ​ការ​លំ​ហែរ​ ​ក្នុង​ម៉ាស៊ីន​ត្រជាក់​ ​តែ​ការ​វិនិយោគ​ក្នុង​វិស័យ​នេះ​ ​គួរ​ធ្វើ​ផលិត​ផល​ផ្សេង​ៗ​គ្នា​ ​ដើម្បី​បញ្ចៀស​ការប្រកួត​ប្រជែង​ ​ដែល​នាំឲ្យមាន​បញ្ហា​នៅពេលអនាគត​”​៕​

ដោយ​ ​ស៊ីវ​ ​ម៉េ​ង​

​ភ្នំពេញ​៖​ ​រដ្ឋាភិបាល​កម្ពុជា​គ្រោង​សាង​សង់​ព្រលា​នយន្ត​ហោះ​ចំនួន៣​ ​នៅ​តាម​បណ្តា​ខេត្ត​នា​ភូមិ​ភា​គ​ឦសាន្ត​ប្រទេស​ ​ដើម្បី​សម្រួលការ​ដឹកជញ្ជូន​ ​និង​លើក​កំពស់​វិស័យ​សេដ្ឋកិច្ច​ ​និង​ទេសចរណ៍​។​

​អ្នកនាំពាក្យ​ ​និង​រដ្ឋលេខាធិការ​នៃ​រដ្ឋលេខាធិការ​ដ្ឋាន​អាកាសចរណ៍​ស៊ីវិល​ ​លោក​ជា​ ​អូន​បាន​មានប្រសាសន៍​ឲ្យដឹង​តាម​ទូរស័ព្ទ​នា​ព្រឹក​ថ្ងៃទី២៣​ ​មេសា​នេះ​ថា​ ​រដ្ឋាភិបាល​បាន​សិក្សា​ពី​ការសាងសង់​ព្រលា​នយន្ត​ហោះ​ខ្នាត​តូច​ក្នុង​ខេត្ត​ចំនួន៣​ ​គឺ​ខេត្ត​ស្ទឹងត្រែង​ ​រតនគិរី​ ​និង​ខេត្តមណ្ឌលគិរី​ ​ប៉ុន្តែ​ផ្តល់​អាទិភាព​ដល់​ខេត្តមណ្ឌលគិរី​ជាមុន​ ​ដោយ​បច្ចុប្បន្ន​នេះ​ ​រដ្ឋាភិបាល​បាន​ត្រៀម​ដី​រួចហើយ​ ​សំរាប់​ទីតាំង​សាង​សង់​ព្រលា​នយន្​ត​ហោះ​ទាំងនេះ​។​

​លោក​បន្ត​ថា​ ​“​រហូត​មកទល់​ពេលនេះ​ ​ការ​ចំណាយ​សំរាប់​សាង​សង់​ព្រលា​នយន្ត​ហោះ​និ​មួយ​ៗ​ប៉ុន្មាន​ ​យើង​មិនទាន់​ដឹង​នៅឡើយ​ទេ​ ​ប៉ុន្តែ​ជំ​ហ៊ាន​ដំបូង​គំរោង​នេះ​ ​នឹង​ប្រើប្រាស់​ថវិកា​របស់​រដ្ឋាភិបាល​”​។​ លោក​បន្ត​ថា​ ​“​ការ​ចំណាយ​សំ​រាប់​ព្រលា​ននិ​មួយ​ៗ​ ​ខ្ញុំ​មិនទាន់​អាច​បញ្ជាក់​បាន​នៅឡើយ​ទេ​ ​ដោយ​សារ​ព្រលា​ននី​មួយ​ៗ​មានការ​សាងសង់​ ​និង​អាស្រ័យ​លើ​ចំនួន​នៃ​ការ​ចុះចត​របស់​យន្តហោះ​ច្រើន​ឬ​តិច​”​។​

​លោក​ជា​ ​អូន​បាន​បន្ត​ថា​ ​គំរោង​សាង​សង់​ព្រលា​នយន្ត​ហោះ​នៅ​បណ្តា​ខេត្ត​ភូមិ​ភា​គ​ឦសាន្ត​នេះ​ ​មិនមែន​ជា​រឿង​ថ្មី​នោះ​ទេ​ ​វា​ជា​គំរោង​របស់​រដ្ឋាភិបាល​គ្រោង​រៀបចំ​ជាយូរមកហើយ​ ​ហេតុនេះ​ការសាងសង់​នឹង​ចាប់ផ្តើម​នៅពេល​ណា​ ​ឬ​ឆាប់​ៗ​តាម​ដែល​អាច​ធ្វើ​ទៅ​បាន​ ​នៅពេល​ការសិក្សា​បាន​ធ្វើរួច​។​

​កាលពី​សប្តាហ៍​មុន​ ​លោក​ថោង​ ​ខុន​រដ្ឋមន្រ្តី​ក្រសួងទេសចរណ៍​បាន​បង្ហើប​ឲ្យដឹង​ផង​ដែរ​ថា​ ​រដ្ឋាភិបាល​គ្រោង​រៀបចំ​សិក្សា​ផែនការមេ​ដើម្បី​ដាំ​បន្លែ​ ​និង​ផ្កា​នៅ​ខេត្តមណ្ឌលគិរី​ ​ដោយសារ​ខេត្ត​នេះ​មាន​អាកាសធាតុ​អំណោយផល​ ​ដូចជា​ខេ​ត្ដ​ដា​ឡាត់​ប្រទេស​វៀតណាម​។​ ​ការ​ដាំ​បន្លែ​ ​និង​ផ្កា​នេះ​សំរាប់​ផ្គត់ផ្គង់​ទីផ្សារ​ក្នុង​ស្រុក​ ​ដែល​វា​ជាផ្នែក​មួយ​យ៉ាង​សំខាន់​ក្នុង​ការកាត់​បន្ថយ​​ការ​ធ្លុះធ្លាយ​សេដ្ឋកិច្ច​ក្នុង​វិស័យ​ទេសចរណ៍​។​
​លោក​បន្ត​ថា​ ​ជាមួយនឹង​ផែនការ​នេះ​ ​ដែល​នឹង​បញ្ចប់​ការសិក្សា​ក្នុងរយៈពេល៦ខែ​ ​រដ្ឋាភិបាល​ក៏​គ្រោង​សាង​សង់​ព្រលា​នយន្ត​ហោះ​ខ្នាត​តូច​ ​ដើម្បី​ដឹកជញ្ជូន​ផលិតផល​ទេសចរណ៍​ ​និង​ភ្ញៀវ​ទេសចរណ៍​ក្នុង​ស្រុក​ ​និង​អន្តរជាតិ​ទៅ​ទស្សនា​កំសាន្ត​ផ្កា​ ​និង​តំបន់​រមណីយដ្ឋាន​នានា​ក្នុង​ខេត្តមណ្ឌលគិរី​ផង​ដែរ​៕​

​ដោយ​ ​វល័​ក្ខ​

​ភ្នំពេញ​៖​ ​ក្រុមប្រឹក្សា​កំណែទម្រង់​ជាតិ​ថៃ​បាន​ព្រមាន​ថា​ ​នៅ​ឆ្នាំ​ ​២០៣០​ ​ទីក្រុង​បាងកក​ ​នឹង​ស្រុត​ចុះ​ខ្លាំង​ ​ឬ​អាច​ស្រុត​រហូត​នៅ​ក្រោម​រយៈកម្ពស់​ទឹកសមុទ្រ​ ​ដោយសារតែ​សំណង់​អ​គារ​ធំៗ​ ​និង​ខ្ពស់​ៗ​ ​ត្រូវ​បាន​សាងសង់​ឥត​ឈប់ឈរ​។​

​តើ​នៅក្នុង​ទីក្រុង​បាងកក​នា​ពេល​បច្ចុប្បន្ន​មាន​អ​គារ​ខ្ពស់​ៗ​កប់​ពពក​ចំនួន​ប៉ុន្មាន​?​

​យោង​តាម​របាយការណ៍​ចេញ​បានឱ្យ​ដឹង​ថា​ ​គិត​ត្រឹម​ដើមឆ្នាំ​ ​២០១៩នេះ​ ​មាន​អគារ​កម្ពស់​ជាង​ ​១៥០ម៉ែត្រ​ ​ចំនួន​ ​១៣០ហើយ​ ​ត្រូវ​បាន​សាងសង់​រួច​ ​និង​ដាក់​ឱ្យ​ប្រើប្រាស់​នៅក្នុង​ទីក្រុង​បាងកក​ ​ដោយ​ក្នុង​នោះ​ ​អគារ​ ​Magnolias​ ​Waterfront​ ​Residences​ ​at​ ​Iconsiam​ ​(​ឬហៅ​ ​Iconsiam​)​ ​ជា​អគារ​ដែល​ខ្ពស់​ជាងគេ​បំផុត​នៅក្នុង​ទីក្រុង​បាងកក​ ​និង​ខ្ពស់​ជាងគេ​បំផុត​នៅក្នុង​ប្រទេស​ថៃ​ ​ដែល​មាន​កម្ពស់​រហូតដល់​ ​៣១៦ម៉ែត្រ​។​

​ជាមួយគ្នា​នេះ​ផង​ដែរ​ ​បច្ចុប្បន្ន​មាន​អ​គារ​ខ្ពស់​ៗ​ចំនួន​ ​១៧ផ្សេងទៀត​ ​បាន​និង​កំពុងតែ​សាងសង់​នៅ​លើទឹក​ដី​ទីក្រុង​បាងកក​ ​ដែល​អគារ​ទាំងនោះ​នឹង​ត្រូវ​បញ្ចប់​ការសាងសង់​យ៉ាង​យូរ​ចុងឆ្នាំ​ ​២០២៥​។​

​យោង​តាម​របាយការណ៍​ថ្មី​មួយទៀត​បានឱ្យ​ដឹង​ថា​ ​មាន​អគារ​កម្ពស់​ចន្លោះ​ពី​ ​២៥០​ ​ទៅ​ ​៥៥០ម៉ែត្រ​ ​ចំនួន​ ​៥ទៀត​ ​ត្រូវ​បាន​ដាក់​សំណើ​ទៅកាន់​រដ្ឋាភិបាល​ដើម្បី​ធ្វើការ​សាងសង់​៕​

​ដោយ​ ​នៅ​ ​ស៊ី​វុត្ថា

​ឥណ្ឌូ​នេ​ស៊ី​៖​ ​ឥណ្ឌូ​នេ​ស៊ី​គ្រោង​សម្ពោធ​ដាក់ឲ្យ​ដំណើរ​ការ​ព្រលា​នយន្តហោះ​តម្លៃ​ជាង​ ​៤០០លានុ​ដល្លា​រអា​មេ​រិក​ថ្មី​មួយ​ទៀត​ ​Yogyatkarta​ ​International​ ​Airport​ ​ស្ថិតនៅ​តំបន់ឆ្នេរ​ ​Kulon​ ​Progo​ ​នៅ​ចុងខែ​មេសា​នេះ​ ​។​

​លោក​ ​Angkasa​ ​Pura​ ​អ្នកគ្រប់គ្រង​ទូទៅ​នៃ​ព្រលា​នយន្តហោះ​ថ្មីនេះ​ ​បាន​ឲ្យដឹង​កាលពី​ចុង​សប្តាហ៍​កន្លងមក​នេះ​ថា​ ​នៅពេល​សម្ពោធ​ដាក់ឲ្យ​ប្រតិបត្តិ​ការ​រួចហើយ​នោះ​ ​នឹង​មាន​ជើងហោះហើរ​ផ្ទាល់​ពិ​ទីក្រុង​ ​Kuala​ ​Lumpur​ ​និង​ទី​ក្រងុ​សឹង្ហ​បុរី​មក​កាន់​ព្រលា​នយន្ត​ហោះ​ថ្មីនេះ​ ​ហើយ​វា​នឹង​ជួយ​កាត់បន្ថយ​ការ​កកស្ទះ​នូវ​ព្រលា​នយន្ត​ហោះ​ចាស់​ ​ដែល​សព្វថ្ងៃ​ទទួល​អ្នកដំណើរ​ប្រមាណ​ ​៨.៤លាន​នាក់​ជាប្រចាំ​ឆ្នាំ​។​

​លោក​បន្ត​ថា​ ​ព្រលា​នយន្ត​ហោះ​ថ្មីនេះ​ ​ត្រូវ​បាន​សាងសង់​ផ្លូវ​រត់​នៅ​លើ​ទំហំដី​ ​១២,៩០០​ ​ម៉ែត្រការ៉េ​ ​ខណៈ​ដែល​ដី​អភិវឌ្ឍន៍​លើ​ព្រលា​នយន្ត​ហោះ​ទាំងអស់​មាន​ចំនួន​ ​២១០,០០០​ ​ម៉ែត្រការ៉េ​ ​ដែល​ត្រូវ​ចំណាយ​ទុន​វិនិយោគ​ចំនួន​ ​៤៣២.៦៤​ ​លាន​ដុល្លារ​អាមេរិក​លើ​អភិវឌ្ឍន៍​ទាំងមូល​។​ ​

​លោក​បន្ថែម​ថា​ ​មាន​ក្រុមហ៊ុន​មក​ពី​ប្រទេស​ជាច្រើន​កំពុង​ចាប់អារម្មណ៍​ហោះហើរ​ត្រង់​មក​ព្រលា​នយន្ត​ហោះ​ថ្មី​នេះ​រួមា​មាន​ ​មក​ពី​ប្រទេស​ ​Qatar​ ​ប្រទេស Turkey​ ​ប្រទេស​ ​United​ ​Arab​ ​Emiraes​ ​(​UAE​)​ ​ប្រទេស​ ​Japan​ ​និង​ប្រទេស​ ​Australia​ ​ជាដើម​។​

​លោក​បញ្ជាក់​ថា​ ​តំណាង​ក្រុមហ៊ុន​អាកាសចរណ៍​អូស្ត្រាលី​ ​ធ្លាប់​បាន​និយាយ​ថា​ ​ការ​ហោះ​ហើយ​ត្រង់​មក​ព្រលា​នយន្ត​ហោះ​ ​Yogyakata​ ​មាន​ភាព​ងាយស្រួល​ជាង​ ​ព្រោះ​ហោះ​ទៅកាន់​ទីក្រុង​ ​Bali​ ​។​ ​តែ​យ៉ាងណាក៏ដោយ​មុន​ពេល​បើកឲ្យ​មាន​សេវា​ប្រតិបត្តិ​ការហោះហើរ​ត្រង់​ ​នោះ​ ​រដ្ឋមន្ត្រី​ដឹកជញ្ជូន​នឹង​មក​ចុះ​មក​ពិនិត្យ​ដោយ​ផ្ទាល់​នា​ពេល​ខាងមុខនេះ​ ​ថា​តើ​ព្រលា​នយន្ត​ហោះ​នេះ​ ​មាន​លក្ខ​ណគ្រប់គ្រាន់​តាម​ស្តង់​ស្តារ​អន្តរជាតិ​ដែរ​ទេ​។​ ​

​លោក​រំពឹង​ថា​ ​ព្រលា​នយន្ត​ហោះ​ថ្មីនេះ​ ​នឹង​ជួយ​ជ​ម្រុ​ញ​វិស័យ​សេដ្ឋកិច្ច​ ​ពាណិជ្ជកម្ម​ ​និង​ទេសចរណ៍​របស់​ប្រទេស​ឥណ្ឌូ​នេ​ស៊ី​កាន់តែ​រីកចម្រើន​ថែម​មួយ​កម្រិត​ទៀត​នា​ពេល​ខាង​៕​’​

ដោយៈរ៉ាណេត

ភ្នំពេញៈតំបន់ចំនួន៣ ដែលស្ថិតនៅក្នុងខណ្ឌផ្សេងគ្នា ក្នុងរាជធានីភ្នំពេញត្រូវបានអ្នកជំនាញអះអាងថា នឹងក្លាយទៅជាមជ្ឈមណ្ឌលទិញទំនិញ និងកម្សាន្តតាមរយៈការបង្កើតផ្សារទំនើបកម្រិតស្ដង់ដាអន្តរជាតិជាច្រើន នៅលើទីតាំងនៅក្នុងខណ្ឌទាំង៣ខាងលើនេះ។

មន្ត្រីស្រាវជ្រាវផ្នែកអចលនទ្រព្យជាន់ខ្ពស់ ប្រចាំនៅក្រុមហ៊ុនអន្តរជាតិ CBRE Cambodia កញ្ញា គឹម គិនកេសា បានមានប្រសាសន៍ឲ្យដឹងតាមទូរស័ព្ទកាលពីល្ងាចថ្ងៃទី២២ មេសាកន្លងមកថា បើមិនមានអ្វីប្រែប្រួលនោះទេ យ៉ាងយូរនៅត្រឹមរយៈពេល៣ឆ្នាំខាងមុខនេះ ផ្សារទំនើបលក្ខណៈអន្តរជាតិជាច្រើន នឹងបង្ហាញខ្លួននៅតំបន់ចំនួន៣សំខាន់ៗ ដែលស្ថិតនៅក្នុងខណ្ឌផ្សេងៗពីគ្នា ដែលក្នុងនោះ រួមមាន ដូចជា ខណ្ឌសែនសុខ ខណ្ឌចំការមន និងមានជ័យ ។

កញ្ញាបន្តថា តំបន់ទី១ ស្ថិតនៅក្នុងខណ្ឌសែនសុខ ពិសេសតំបន់ជុំវិញផ្សារទំនើបAEON MALL2 ជាតំបន់បណ្តុំដោយផ្សារទំនើប។ ពិសេសដោយសារកំនើននៃប្រជាសាស្ត្រកើនឡើងកាន់តែច្រើនទៅរស់នៅក្នុងតំបន់នេះ ជាពិសេស មានការកកើននូវសំណង់លំនៅដ្ឋានជាច្រើន ជាក់ស្ដែងដូចជាពេលនេះ ខណ្ឌសែនសុខបានក្លាយជាតំបន់ ដែលមានបុរីច្រើនជាងគេ នៅក្នុងចំណោមខណ្ឌនានានៅរាជធានីភ្នំពេញ។ ទាំងនេះគឺជាចំណុ​ចដ៏ទាក់ទាញបំផុត សម្រាប់បណ្តាអ្នកវិនិយោគលើផ្នែកផ្សារទំនើប ខណៈដែលសព្វថ្ងៃនេះមានផ្សារទំនើប AEON2 ផ្សារMakro និងផ្សារទំនើបChip Mong SenSok ដែលនឹងលេចចេញជារូបរាងក្នុងពេលដ៏ខ្លី។

តំបន់នេះ នឹងមានផ្សារទំនើបនិងពាក់កណ្តាលទំនើបដទៃទៀត នៅជុំវិញនោះ ដូចជាផ្សារស្ថិតក្នុងបុរីវិមានភ្នំពេញ ផ្សារទំនើបAEON MALLខ្នាតតូចក្នុងបុរីប៉េង ហួតជាដើម។

កញ្ញាកឹម កិនកេសាបានបន្តទៀតថា ចំណែកនៅក្នុងខណ្ឌមានជ័យ ក៏ដូចជាគ្នាពិសេសនៅតំបន់កោះពេជ្រ និងជុំវិញកោះពេជ្រ ដែលជាបណ្តុំផ្សារទំនើបដូចជាAEON Mall1 ផ្សារThe Bridge Commercial, ផ្សារទំនើបលំដាប់អន្តរជាតិក្នុងគំរោងThe PeAk​និងផ្សារទំនើបស្ថិតក្នុងគំរោងThe D.I RIVIERAស្ថិតនៅលើទីក្រុងរណបកោះពេជ្រ ដែលនឹងបើកដំណើរការនាពេលខាងមុខផងដែរ។

ចំណែកគំរោងទី៣ គឺស្ថិតនៅលើផ្លូវ៦០ម៉ែត្រ ដែលមានផ្សារទំនើបធំៗក៏នឹងបង្ហាញវត្តមាននៅទីនោះផងដែរ ដែលក្នុងនោះ រួមមាន ផ្សារទំនើបប៉េងហួត ផ្សារទំនើប AEON 3 រួមជាមួយគម្រោងផ្សារទំនើប Chip Mong មួយទៀត និងគំរោងផ្សារទំនើបនិង​មជ្ឈមណ្ឌលពាណិជ្ជកម្មថ្មីមួយ ដែលរួមបញ្ចូលនូវផ្សារទំនើបធំមួយផងដែរ។

លោក វ៉ា វីរៈ អគ្គនាយកក្រុមហ៊ុន Century21 Fortuna Investment បានមានប្រសាសន៍ឱ្យដឹងផងដែរថា ការរីកចម្រើនផ្សារទំនើប គឺជាការឆ្លុះបញ្ចាំងឱ្យឃើញពីកំណើ​នអំណាចនៃការទិញ ដោយសារការរីកចម្រើនសេដ្ឋកិច្ចសង្គមកម្ពុជា ពិសេសអ្វីដែលយើងមើលឃើញគឺចំនួនផ្សារទំនើប ដែលមានបច្ចុប្បន្ននៅមិនទាន់ច្រើននោះទេ បើធៀបទៅនឹងទំហំផ្សារ និងចំនួនប្រជាពលរដ្ឋរស់នៅទីក្រុងមួយនេះ។

លោកបន្តថា “តំបន់ស្ថិតនៅក្នុងខ័ណ្ឌសែនសុខ មានការរីកចម្រើនលឿន និងមានហេដ្ឋារចនាសម្ព័ន្ឋល្អប្រសើរ ហេតុនេះអ្នកវិនិយោគ ដែលចូលមកវិនិយោគតំបន់នេះពួកគេពិតជាបានសិក្សាទីផ្សាររួចហើយ ទើបពួកគេវិនិយោគ”។លោកបន្តថា “អ្នកវិនិយោគមើលឃើញអំណាចនៃការទិញកើនឡើង ទើបពួកគេចូលទៅវិនិយោគតំបន់នេះ ដោយសា​រលំហូរប្រជាជនចូលទៅរស់នៅតំបន់នេះច្រើន”។

លោកបន្តថា បើយើងមើលមួយភ្លេតគឺផ្សារហាក់មានចំនួនច្រើន ប៉ុន្តែបើយើងមើលកំណើនប្រជាជន និងការចាប់យកចំណែកទីផ្សារខុសៗគ្នា ពីសំណាក់អ្នកវិនិយោគនៅតំបន់នោះ គឺចំនួនផ្សារទាំងនោះនៅមិនទាន់ច្រើននោះទេ។

ទីប្រឹក្សាសមាគមទីភ្នាក់ងារទេសចរណ៍កម្ពុជា លោក ហូរ វណ្ឌី បានបង្ហាញពីការសាទរចំពោះកំណើនវត្តមាន នៃបណ្តាផ្សារទំនើបបែបកម្សាន្ត នៅក្នុងរាជធានីភ្នំពេញ ដែលវាជាការចូលរួមចំណែក ក្នុងការទាក់ទាញភ្ញៀវទេសចរជាតិ អន្តរជាតិ មកកាន់រាជធានីមួយនេះកាន់តែច្រើន ព្រោះនៅពេលដែលមានទីផ្សារទំនើប ដែលរៀបចំជាមជ្ឈ​មណ្ឌលកម្សាន្តកាន់តែច្រើន មួយរយភាគរយ គឺពិតជាជួយចូលរួមចំណែកលើកកម្ពស់ដល់ផ្នែកទេសចរណ៍។

លោកបន្តថា ជាក់ស្ដែងដូចជាបច្ចុប្បន្ននេះ ស្ទើរតែរៀងរាល់ថ្ងៃសុក្រ សៅរ៍ និងអាទិត្យ នៅតាមបណ្តាផ្សារទំនើបនានាដូចជា ផ្សារទំនើបAEON1 ដែលស្ថិតនៅក្នុងខណ្ឌចំការមន ផ្សារទំនើបAEON2 ដែលស្ថិតនៅក្នុងខណ្ឌសែនសុខ ផ្សារទំនើបTK ស្ថិតនៅខណ្ឌទួលគោក ក៏ដូចជាផ្សារទំនើបសូរិយា ដែលបច្ចុប្បន្នបានកែប្រែ និងរចនាជាផ្សារទេសចរណ៍នៅជាន់ខាងលើជាដើម គឺសុទ្ធតែទាក់ទាញមហាជនក្នុងស្រុក ក៏ដូចជាជនបរទេសចូលទិញសម្ភារៈ ជាមួយនឹងការកម្សាន្តផងដែរ ប៉ុន្តែទោះជាយ៉ាងណា បណ្តាផ្សារទំនើបទាំងនេះហាក់នៅមានទំហំតូចនៅឡើយ។

លោកបានបន្តទៀតថា “ប្រសិនបើនៅថ្ងៃខាងមុខនេះ មានលេចឡើងនូវវត្តមានផ្សារទំនើបកាន់តែច្រើន ហើយផ្តោតលើកម្រិតទីផ្សារខុសគ្នា ដូចជាប្រភេទទំនិញ និងការចាប់យកវ័យអតិថិជនជាគោលដៅកាន់តែច្រើន គឺកាន់តែផ្តល់ភាពល្អប្រសើរកាន់ប្រសើរ”៕