ចំណេះដឹង! តើអ្វីទៅជាចំណូលសារពើពន្ធ និងមានអ្វីខ្លះ?

January 21, 2019

ដោយ វុត្ថា

ភ្នំពេញ៖ ចំណូលសារពើពន្ធ គឺជាពន្ធអាករ និងសិទ្ធិដែលត្រូវបានបង្វែរជាកាតព្វកិច្ចទៅឲ្យរដ្ឋ។ ចំណូលនេះ រួមមាន៖ ចំណូលសារពើពន្ធក្នុងប្រទេស និងចំណូលពន្ធលើពាណិជ្ជកម្មក្រៅប្រទេស។

ចំណូលសារពើពន្ធក្នុងស្រុក គឺជាកត់ត្រាចំណូលទទួលបានពីពន្ធដារ និងពន្ធគយក្នុងប្រទេស។ ចំណូលសារពើពន្ធក្នុងស្រុក មានដូចជា៖ ពន្ធផ្ទាល់ (ពន្ធលើផលទុន ប្រាក់ចំណេញ) គឺជាចំណូលមកពីការបង់ពន្ធលើផលទុន ប្រាក់ចំណេញរបស់រូបវន្តបុគ្គល និងនីតិបុគ្គល។ ពន្ធលើប្រាក់ចំណេញ (រូបវន្តបុគ្គល) គឺជាចំណូលបានមកពីការបង់ពន្ធលើប្រាក់ចំណេញរបស់សហគ្រាស និងក្រុមហ៊ុន (រូបវន្តបុគ្គល)។ ពន្ធលើប្រាក់ចំណេញ (នីតិបុគ្គល) គឺជាចំណូលបានមកពីការបង់ពន្ធ លើប្រាក់ចំណេញរបស់សហគ្រាស និងក្រុមហ៊ុន (នីតិបុគ្គល)។

ពន្ធលើប្រាក់បៀវត្សរ៍ គឺជាចំណូលបានមកពីការបង់ពន្ធប្រាក់បៀវត្សរ៍ ដោយបុគ្គលិករដ្ឋ ឬឯកជន ដែលជាប់កាតព្វកិច្ចបង់ពន្ធ។ ពន្ធលើឈ្នួញចលន និងអចលនទ្រព្យ (រូបវន្តបុគ្គល) គឺជាចំណូលមកពីការបង់ពន្ធលើឈ្នួលផ្ទះ ដីធ្លី ផ្ទះសម្បែង និងពីការជួលគ្រឿងយន្ត (រូបវន្តបុគ្គល)។ ពន្ធលើឈ្នួញចលន និងអចលនទ្រព្យ (នីតិបុគ្គល) គឺជាចំណូលមកពីការបង់ពន្ធលើឈ្នួលផ្ទះ ដីធ្លី ផ្ទះសម្បែង និងពីការជួលគ្រឿងយន្ត (នីតិបុគ្គល)។

ពន្ធប្រយោល គឺជាចំណូលទទួលបានពីការបង់អាករលើផលរបរ និងអាករលើតម្លៃបន្ថែម។ អាករនេះអាចត្រូវបានប្រមូលគ្រប់រូបភាព នៃដំណើរផលិតកម្ម ការចែកចាយទំនិញឬសេវា ដែលផលិតនៅក្នុងប្រទេស ឬនាំចូលពីបរទេស។ អាករលើផលរបរ គឺជាចំណូលបានមកពីការបង់អាករ លើផលរបររបស់សហគ្រាសនៅក្នុងរបបម៉ៅការ។ អាករលើតម្លៃបន្ថែម គឺជាចំណូលបានមកពីការបង់អាករបន្ថែមលើតម្លៃទំនិញ ឬសេវាកម្មផ្សេងៗ ដោយសហគ្រាសដែលផលិតទំនិញ ឬចែកចាយទំនិញ និងសេវាកម្មទាំងនោះនៅក្នុងប្រទេស។

អាករលើតម្លៃបន្ថែមរបបនាំចូល (សហគ្រាសប្រេងឥន្ធនៈ) គឺជាចំណូលបានមកពីការបង់អាករបន្ថែម លើតម្លៃប្រេងឥន្ធនៈ ដែលបាននាំចូល។

អាករលើតម្លៃបន្ថែម របបនាំចូល (សហគ្រាសផ្សេងទៀត) គឺជាចំណូលបានមកពីការបង់អាករបន្ថែមលើតម្លៃទំនិញ ឬសេវាកម្មផ្សេងៗ ក្រៅពីប្រេងឥន្ធនៈដែលបាននាំចូល។ អាករលើតម្លៃបន្ថែម របបនាំចូលទំនិញជាសម្ភារៈកសិកម្ម (ជាបន្ទុករបស់រដ្ឋ) គឺជាចំណូលបានមកពីអាករលើតម្លៃបន្ថែម លើការនាំចូលទំនិញជាសម្ភារៈកសិកម្ម (ការកត់ត្រាជាចំណូលថវិកាក្នុងអនុគណនីនេះ គឺដើម្បីមានតុល្យភាពរវាងចំណាយថវិកាដែលជាបន្ទុករបស់រដ្ឋ)។

អាករពិសេស គឺជាចំណូលទទួលបានពីការបង់អាករពិសេសលើទំនិញ និងសេវាមួយចំនួន ដែលបានកំណត់ទាំងរបបផ្ទៃក្នុង និងរបបនាំចូល។ អាករពិសេសនេះ អាចត្រូវបានប្រមូលតាមកម្រិតណាមួយនៃផលិតកម្ម ឬការចែកចាយ និងត្រូវបានគណនាតាមរយៈតម្លៃ ទំងន់ កម្លាំង ឬគុណភាពនៃផលិតផល ដូចជាពន្ធលើស្ករ បារី ថ្នាំជក់ ស្រា ប្រេងឥន្ធនៈ អាករលើអគ្គិសនី ឬហ្គាស។ល។

អាករពិសេសលើទំនិញមួយចំនួន គឺជាចំណូលបានមកពីការបង់អាករពិសេសលើទំនិញ ដែលផលិត ឬចែកចាយនៅក្នុងប្រទេស។ អាករពិសេសលើទំនិញមួយចំនួន របបនាំចូល (សហគ្រាសប្រេងឥន្ធនៈ) គឺជាចំណូលបានមកពីការបង់អាករពិសេសលើប្រេងឥន្ធនៈដែលបាននាំចូល។ អាករពិសេសលើទំនិញមួយចំនួន របបនាំចូល (សហគ្រាសផ្សេងៗទៀត) គឺជាចំណូលបានមកពីការបង់អាករពិសេស លើទំនិញផ្សេងៗទៀត ក្រៅពីប្រេងឥន្ធនៈដែលបាននាំចូល ដូចជា អាករពិសេស លើការនាំចូលស្រា បារី។ល។

អាករពិសេសលើសេវាមួយចំនួន គឺជាចំណូលបានមកពីការបង់អាករពិសេសលើសេវាមួយចំនួននៅក្នុងប្រទេស។ អាករសម្រាប់បំភ្លឺសាធារណៈ គឺជាចំណូលទទួលបានមកពីការបង់ពន្ធលើការលក់ស្រា ស្រាបៀ និងបារី ដែលផលិតមកពីបរទេស និងផលិតផលក្នុងស្រុក នៅក្នុងមណ្ឌលដែនដីរាជធានី-ខេត្ត សម្រាប់ចំណាយការបំភ្លឺសាធារណៈ។អាករលើសេវាដែលបានកំណត់ គឺជាចំណូលទទួលបានពីការបង់អាករ លើសេវាដែលបានកំណត់ដូចជា អាករលើកាស៊ីណូ អាករលើឆ្នោត អាករលើល្បែងភ្នាល់ផ្សេងៗ អាករលើអាកាសយានដ្ឋាន អាករលើការស្នាក់នៅ និង ពន្ធសត្តឃាត។ អាករនេះត្រូវបានគណនាលើលាភការនៃសេវាពិសេស និងអាករលើល្បែងចៃដន្យ ល្បែងភ្នាល់ និងការទទួលបានពីកាស៊ីណូ។ល។ ៕

ដំណឹងល្អ! ផ្សារទំនើប Big C តម្លៃ ១០លានដុល្លារនៅក្រុងប៉ោយប៉ែត នឹងសាងសង់នៅចុងសប្តាហ៍នេះ

January 21, 2019

0

ដោយ ស៊ីវ ម៉េង

ភ្នំពេញ៖ គំរោងផ្សារទំនើប Big C តម្លៃ១០លានដុល្លារអាមេរិក នៅទីក្រុងប៉ោយប៉ែត នឹងបើកការដ្ឋានសាងសង់នៅថ្ងៃទី២៥ មករាខាងមុខនេះហើយ បន្ទាប់ពីគំរោងនេះទទួលបានការអនុម័តពីរដ្ឋាភិបាលកម្ពុជា។

អ្នកវិនិយោគក្នុងស្រុក លោកសួង សុខហ៊ាង បានឲ្យដឹងតាមប្រព័ន្ឋតេឡេក្រាមនាព្រឹកថ្ងៃទី២១ មករានេះថា ផ្សារទំនើបនេះ នឹងបើកការដ្ឋានសាងសង់នៅថ្ងៃទី២១ មករានេះ និងគ្រោងបញ្ចប់ក្នុងរយៈពេល៦ខែ។ លោកបន្តថា ផ្សារទំនើបនេះនឹងទទួលបានជោ គជ័យ ដោយសារជីវភាពប្រជាពលរដ្ឋនៅក្រុងប៉ោយប៉ែតមានភាពល្អប្រសើរ និងចំនួនប្រជាជនរស់នៅទីក្រុងនេះបានកើនឡើងជាង២០ម៉ឺននាក់ ពិសេសក្រុងប៉ោយប៉ែតមិនទាន់មានផ្សារទំនើបច្រើននៅឡើយ។

លោកបន្តថា “តាមខ្ញុំបានជួបជាមួយអ្នកវិនិយោគថៃបានឲ្យដឹងថា ផ្សារទំនើបនេះ នឹងសាងសង់លើផ្ទៃដី២,៥ហិកតា ក្នុងនោះដីសម្រាប់សាងសង់ផ្សារមានទំហំ១,៥ហិកតា និងដី១ហិកតាទៀតបំរ៉ុងទុកសម្រាប់ចំណតយានយន្ត។ លោកបន្តថា “ផ្សារនេះស្ថិតនៅក្នុងសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ និងស្ថិតនៅជាប់គំរោង Empire”។

ក្រុង ប៉ោយប៉ែតបច្ចុប្បន្ន មានប្រជាពលរដ្ឋរស់នៅប្រមាណ២០ម៉ឺននាក់ ក្នុងនោះអ្នកវិនិយោគអន្តរជាតិមានប្រមាណ៥ម៉ឺននាក់ ដែលធ្វើឲ្យទីក្រុងនេះកាន់តែមានភាពរីកចម្រើនយ៉ាងលឿន ពិសេសវិស័យសំណង់និងអចលនទ្រព្យ។ បច្ចុប្បន្នមានគំរោងខុនដូជាច្រើនកំពុងសាងសង់ ដែលធ្វើឲ្យមុខមាត់ទីក្រុងនេះមានការផ្លាស់ប្តូរទាំងស្រុង។

យោងតាម ទិន្នន័យពីសាលាក្រុងប៉ោយប៉ែតបានឲ្យដឹងថា បច្ចុប្បន្នក្រុងប៉ោយប៉ែតមានអាគារកំពស់ចាប់ពី៥ដល់ជាង២០ជាន់ ចំនួន៦០អាគារហើយ។

លោក សាន ស៊ាងហូ អភិបាលក្រុងប៉ោយប៉ែតបាន មានប្រសាសន៍ឲ្យដឹងកាលពីពេលថ្មីៗនេះថា ទីក្រុងប៉ោយប៉ែតកំពុងមានការរីកចម្រើនលឿន ដោយសារកំនើននៃការវិនិយោគពីអ្នកវិនិយោគជាតិ និងអន្តរជាតិ ពិសេសបច្ចុប្បន្នមានក្រុមហ៊ុនក្នុងស្រុកមួយគំពុងរៀបចំសាងសង់ ព្រលានយន្តហោះឡើងវិញ ដែលតាមគំរោងក្រុមហ៊ុននេះ នឹងសាងសង់ព្រលានយន្តហោះនេះនៅក្នុងរដូវប្រាំងខាងមុខនេះ។

លោកបន្តថា “ជាមួយនឹងល្បឿននៃការអភិវឌ្ឍ និងការរៀបចំហេដ្ឋារចនាសម្ព័ន្ឋក្រុងកាន់តែល្អប្រសើរ ពិសេសផ្លូវក្នុងក្រុងបានធ្វើឲ្យតម្លៃដីធ្លី នៅក្នុងទីក្រុងនេះកើនឡើងយ៉ាងខ្ពស់”៕

The $ 240 million Gold Towner42 to complete by end of 2019

January 21, 2019

0

By Siev Meng

PHNOM PENH, The $ 240 million Gold Tower42 commercial building has been now installing the luxurious gold coloring glass and scheduling to successfully complete at end of this year. It will become one of the landmarks in Phnom Penh.

The Gold Tower42, a mixed-commercial building with shopping centers, office spaces, condominiums, hospitals and many others services. These projects yet to open for sale while the construction accelerates to completely finish and fully operate by end of 2019.

It is 192 meters high at the completion and Gold Tower42 will be the first tallest structure in Phnom Penh for 2019 as the others remains under construction.

President of YUNWOO Cambodia, Mr. Kim Tae Yeon spoke at the construction re-opening event late last year that the 1st disbursement was $ 100 million and require another $ 140 million to complete the rest of project by end of 2019. The building occupied with shopping malls, office spaces and total 399 units of condominiums.

In 2010 The Gold Tower 42 been suspended after only completed the 31st floor. The Hongtao Decoration and China-based construction company Waiman Construction & Engineering then awarded a new contract from YUNWOO to work on the remaining project.

សម្តេចតេជោ ប្តេជ្ញាពង្រីកទីផ្សារឱ្យបានទំលំទូលាយ ខណៈសហភាពអឺរ៉ុបកំពុងយកពន្ធពីការនាំចូលអង្ករកម្ពុជា

January 21, 2019

0

ដោយ វុត្ថា

ប៉េកាំង៖ សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា បានបង្ហាញមហិច្ឆិតាក្នុងការពង្រីទីផ្សារកម្ពុជាឪ្យបានទំលំទូលាយជាពិសេសទៅកាន់ព្រទេសចិន ខណៈដែលសហភាពអឺរ៉ុបបាននឹងកំពុងទាពន្ធពីការនាំចូលអង្ករកម្ពុជាទៅកាន់ប្រទេសខ្លួនកាលពីពេលថ្មីៗនេះ។

សម្តេចតេជោ នៅក្នុងជំនួបសំណេះសំណាល និងសួរសុខទុក្ខកូនក្មួយនិស្សិតចំនួន ៤៦៨នាក់ ដែលកំពុងសិក្សានៅក្នុងប្រទេសចិនកាលពីថ្ងៃទី ២០ ខែមករា ម្សិលមិញនេះ បានឪ្យដឹងថា នេះជាទស្សនកិច្ចផ្លូវការលើកទី ៦ ហើយដែល សម្តេច បានអញ្ជើញមកកាន់ប្រទេសចិន ដោយមិនរាប់បញ្ចូលទស្សនកិច្ចការងារជាង ១១ លើកមុនទៀត។ តាមរយៈទស្សនកិច្ចទាំងនេះ គឺបានរិតនូវចំណងមិត្តភាព និងកិច្ចសហប្រតិបត្តិការនៃប្រទេសទាំងពីរអោយកាន់តែរឹងមាំខ្ពស់ឡើងថែមទៀត។

នៅក្នុងទស្សនកិច្ចផ្លូវកានៅពេលនេះគឺ សម្តេចតេជោនាយករដ្ឋមន្ត្រី នឹងខិតខំជំរុញនូវកិច្ចសហប្រតិបត្តិការលើគ្រប់វិស័យជាពិសេស វិស័យសេដ្ឋកិច្ច, ពាណិជ្ជកម្ម, វិនិយោគ និងទេសចរណ៍។ នៅក្នុងឆ្នាំ ២០១៧ យើងទទួលបានទេសចរចិនប្រមាណ ១.២ លាននាក់ ហើយនៅឆ្នាំ ២០១៨ កន្លងទៅនេះ ទេសចរចិនបានកើនឡើងដល់ ១.៩លាននាក់។ កាលពីឆ្នាំមុន សម្តេចតេជោ គ្រោងចង់បានទេសចរចិនប្រមាណ ០.០១% តែចាប់ពីឆ្នាំ ២០១៩ នេះ គឺកម្ពុជាចង់បានទេសចរចិនយ៉ាងហោចណាស់ ០.០៥% នៃចំនួនប្រជាជនចិន ១,៣០០ លាននាក់។

ជាមួយគ្នានេះដែរ គឺកម្ពុជាត្រូវខិតខំបើក ពង្រីក និងពង្រឹងទីផ្សារអោយបានច្រើនថែមទៀតក្រៅពីទីផ្សាអាមេរិក និងអ៊ឺរ៉ុប ដើម្បីបញ្ចេញទំនិញ និងផលិតផលកសិកម្មកម្ពុជាចេញក្រៅ ដូចជានៅក្នុងប្រទេសចិន, អាហ្វ្រិក, មឈ្ឈឹមបូព៌ា និងកូរ៉េជាដើម។ សព្វថ្ងៃនេះ ទំហំពាណិជ្ជកម្មកម្ពុជានិងចិនក៏បានកើនឡើងដល់ ៥,៦០០លានដុល្លារហើយ។ មិត្តចិនគឺវិនិយោគធំជាងគេនៅកម្ពុជា ជាពិសេសលើវិស័យហេដ្ឋារចនាសម្ព័ន្ឋផ្លូវថ្នល់ ស្ពាន ស្ពានអាកាស និងវារីអគ្គីសនី ជាដើម។

ឆ្លៀតក្នុងឱកាសនោះ សម្តេចតេជោ ហ៊ុន សែន បានពន្យល់អំពីស្ថានការណ៍ពិភពលោកដល់និស្សិតអោយបានយល់ដឹង ហើយ សម្តេច បានមានប្រសាសន៍ថា ទោះបីស្ថានភាពពិភពលោកមានការប្រែប្រួលឬមិនច្បាស់លាស់ទៅផ្លូវណា គឺកម្ពុជាមិនអោយពលរដ្ឋខ្លួនដាច់បាយឡើយ។ សម្តេចនឹងបន្តខិតខំដើម្បីពង្រឹងសេដ្ឋកិច្ចប្រទេសជាតិអោយបានរឹងមាំ។

សហភាពអឺរ៉ុបបានចាប់ផ្តើមយកពន្ធ ការនាំចូលអង្ករពីកម្ពុជា និងមីយ៉ាន់ម៉ា កាលពីថ្ងៃទី១៨ មករា ទៅកាន់សហភាពអឺរ៉ុប ព្រោះការនាំចូលអង្ករ របស់ប្រទេសទាំងពីរ បានធ្វើឲ្យខូចខាត ដល់សេដ្ឋកិច្ចអ្នកផលិតអឺរ៉ុប។ ការសម្រេចគិតពន្ធនេះ ធ្វើឡើងតាមសំណើរបស់ រដ្ឋាភិបាលអ៊ីតាលី ដែលគាំទ្រដោយបណ្ដារដ្ឋ ជាសមាជិកកំពុងដាំដុះស្រូវ នៅសហភាពអឺរ៉ុបផ្សេងទៀតរួមមាន៖ អេស្ប៉ាញ បារាំង ព័រទុយហ្គាល ក្រិក ហុងគ្រី រូម៉ានី និងប៊ុលហ្គារី ។

យោងតាមសេចក្ដីថ្លែងការណ៍ ក្រសួងពាណិជ្ជកម្មនៅថ្ងៃ១៧ មករា ឆ្លើយតបនឹងសេចក្ដី ប្រកាសរបស់សហភាពអឺរ៉ុប ស្ដីពីវិធានការការពារទីផ្សារ ដោយសហភាពអឺរ៉ុប មកលើអង្ករនាំចេញពីកម្ពុជា បានឲ្យដឹងថា ក្រសួងពាណិជ្ជកម្ម មានការសោកស្ដាយយ៉ាងខ្លាំង ចំពោះសេចក្ដីសម្រេចនេះ ដែលមិនបានឆ្លុះបញ្ចាំងទាំងស្រុង លើទិដ្ឋភាពច្បាប់ពាណិជ្ជកម្មអន្តរជាតិ បទដ្ឋានបច្ចេកទេស និងសច្ចភាព ព្រមទាំងកិច្ចសហប្រតិបត្តិការកន្លងមកដ៏ល្អ រវាងរដ្ឋាភិបាល និងវិស័យឯកជនរបស់កម្ពុជា និងសហគមន៍អឺរ៉ុប ។

ក្រសួងពាណិជ្ជកម្មបន្តថា ការសម្រេចដាក់វិធានការ ការពារទីផ្សារដោយសហភាពអឺរ៉ុប មកលើអង្ករដែលមាន ប្រភពដើមមកពីកម្ពុជា មានឥទ្ធិពលគ្រប់គ្រាន់ សម្រាប់ដកហូតចំណូល របស់ប្រជាកសិករក្រីក្រកម្ពុជា និងជាអាវុធសម្រាប់ធ្វើឃាតពួកគាត់ និងក្រុមគ្រួសារដែលកំពុងជាប់បំពុល ជាមួយនឹងស្ថាប័នឥណទាន ដែលបានផ្ដល់ប្រាក់កម្ចីដល់ពួកគាត់ ។

ក្រសួងបញ្ជាក់ថា “ក្រសួងពាណិជ្ជកម្ម កំពុងពិនិត្យផ្ទៀងផ្ទាត់ សេចក្ដីសម្រេចនេះ ដោយផ្អែកលើទិដ្ឋភាពច្បាប់ និងវិធានពាណិជ្ជកម្មអន្តរជាតិ ដើម្បីបន្តធ្វើការតវ៉ា ជាមួយសេចក្ដីសម្រេច ដែលប្រជាជនកម្ពុជាយល់ថា ជាសេចក្ដីសម្រេច ដែលគ្មានសុក្រឹតភាព និងសច្ចភាពសង្គម និងសេដ្ឋកិច្ច។

ជាមួយគ្នានេះ ក្រសួងពាណិជ្ជកម្ម និងប្រជាពលរដ្ឋ១៦លាននាក់ អំពាវនាវឲ្យគណៈកម្មការអឺរ៉ុបពិនិត្យឡើងវិញ នូវការសម្រេចរបស់ខ្លួន ដោយផ្អែកលើវិធានការ ពាណិជ្ជកម្មអន្តរជាតិ និងចំណងកិច្ចសហប្រតិបត្តិការល្អ ជាប្រពៃណីរវាងកម្ពុជា និងសហភាពអឺរ៉ុប៕

មជ្ឈមណ្ឌលពាណិជ្ជកម្មតម្លៃ២៤០លានដុល្លារGold Tower42នឹងបញ្ចប់ការ សាងសង់នៅចុងឆ្នាំនេះ

January 21, 2019

0

ដោយស៊ីវ ម៉េង
ភ្នំពេញ៖ មជ្ឈមណ្ឌលពាណិជ្ជកម្មតម្លៃ២៤០លានដុល្លារGold Tower42 បាននិងកំពុងបំពាក់កញ្ចក់ព៌ណមាសដ៏ឆើតឆាយ និងបញ្ចប់ការសាងសង់នៅចុងឆ្នាំនេះ ហើយវាបាននិងកំពុងក្លាយជាLandmarkមួយនៃក្រុងភ្នំពេញ។

មជ្ឈមណ្ឌលពាណិជ្ជកម្មGold Tower42 ជាមជ្ឈមណ្ឌលពាណិជ្ជកម្មចម្រុះដោយមានផ្សារទំនើប ការិយាល័យ ខុនដូ បន្ទីរពេទ្យ និសេវាកម្មចម្រុះជាច្រើនទៀត តែយ៉ាងណាក៏ដោយការប្រកាសលក់គំរោងនេះជាថ្មី មិនទាន់បានធ្វើនៅឡើយទេ ខណៈការស្ថាបនាបាននិងកំពុងញាប់ដៃញាប់ជើង ដើម្បីឲ្យអាគារនេះបញ្ចប់និងដាក់ឲ្យប្រើប្រាស់នៅចុងឆ្នាំ២០១៩នេះ។

នៅពេលបញ្ចប់ការសាងសង់ Gold Tower 42 នឹងមានកំពស់រហូតដល់១៩២ម៉ែត្រ ហើយវានឹងក្លាយជាអាគារខ្ពស់ជាងគេទី១ នៅក្រុងភ្នំពេញនាឆ្នាំ២០១៩នេះ ខណៈអាគារខ្ពស់ផ្សេងទៀតមិនទាន់បានបញ្ចប់ការសាងសង់។

លោក Kim Tae Yeon ប្រធានក្រុមហ៊ុន YUNWOO ប្រចាំកម្ពុជាបានឲ្យដឹងកាលពីពេលប្រកាសចាប់ផ្តើមសាងសង់អាគារនេះ ជាថ្មីកាលពីចុងឆ្នាំមុនថា អាគារនេះបានចំណាយប្រាក់សាងសង់អស់ ១០០លានដុល្លារហើយ និងត្រូវចំណាយប្រាក់១៤០លានដុល្លារទៀត ដើម្បីបញ្ចប់គំរោងនេះនៅចុងឆ្នាំ២០១៩ខាងមុខ។ មជ្ឈមណ្ឌលពាណិជ្ជកម្មនេះរួមបញ្ចូលផ្សារទំនើប អាគារការិយាល័យ ខុនដូសរុបចំនួន ៣៩៩យូនីត។

ក្រុមហ៊ុន YUNWOOបានចុះកិច្ចព្រមព្រៀង ជាមួយក្រុមហ៊ុន Hongtao Decoration និងក្រុមហ៊ុនសាងសង់ឈ្មោះWaiman Construction& Engineering ដែលមានមូលដ្ឋាននៅប្រទេសចិន ដើម្បីសាងសង់បញ្ចប់អាគារនេះ។
អាគារ Gold Tower 42 បានផ្អាកការសាងសង់នៅឆ្នាំ២០១០ ខណៈដែលក្រុមហ៊ុនសាងសង់បានបញ្ចប់ត្រឹមជាន់ទី៣១ នៃអាគារកំពស់៤២ជាន់នេះ៕

តើអ្នកបានដឹងពីប្រវត្តិEiffel Towerរបស់បារាំងហើយឬនៅ?

January 21, 2019

0

ដោយ វុត្ថា
ភ្នំពេញ: នៅពេលលើកឡើងពីតួអេហ្វែល ឬ Eiffel Tower ឬជាភាសាបារាំងហៅថា Tour Eiffel មនុស្សទូទាំងពិភពលោកបានស្គាល់ និងដឹងថា វាស្ថិតនៅក្នុងទីក្រុងប៉ារីស ដ៏រ៉ូមែនទិក នៃប្រទេសបារាំង ដែលធ្លាប់ដាក់អាណានិគមនៅកម្ពុជា។

ថ្ងៃនេះគេហទំព័រPropertyarea.asia សូមបកប្រែក្រៅផ្លូវការទាក់ទងនឹងអាគារដែកដ៏ល្បីល្បាញនេះ ដើម្បីលោក អ្នកបានសិក្សាស្វែងយល់ពីភាពអស្ចារ្យ ការសាងសង់ និងភាពទាក់ទាញរបស់វា។

Eiffel Tower ឬជាភាសាបារាំងហៅថា Tour Eiffel ត្រូវបានគេសាងសង់ឡើងពីដែកថែបនៅក្នុងតំបន់Cham de Mars ក្នុងទីក្រុងប៉ារីស ប្រទេសបារាំង ។ អគារនេះ ត្រូវបានគេដាក់ឈ្មោះ Eiffel បន្ទាប់ក្រុមហ៊ុនរបស់ស្ថាបត្យករ លោក Gustave Eiffel បានរចនាគូប្លង់ និងសងសង់ប៉មនៃអគារនេះ។ Eiffel Tower បានចាប់ផ្តើមសាងសង់នៅក្នុងឆ្នាំ១៨៨៧ និងបញ្ចប់នៅក្នុងឆ្នាំ១៨៨៩ ស្ថិតនៅច្រកចូលមជ្ឈមណ្ឌលតាំងពិព័ណលំដាប់ពិភពលោក ឆ្នាំ១៨៨៩។

ក្រោយពេលសាងសង់ចប់ ប៉មដែកនេះក៏មានការរិះគន់ពីសំណាក់សីល្បៈករ និងអ្នកជំនាញបារាំងមួយចំនួនផងដែរ ចំពោះការរចនាប្លង់នៃប៉មអគារ។

យ៉ាងណាក៏ដោយ ក្រោយមកវាបានក្លាយទៅជានិមិត្តរូបនៃវប្បធម៌ពិភពលោករបស់ប្រទេសបារំាង និងត្រូវបានគេទទួលស្គាល់ថា ជាស្ថាបត្យកម្មកំពូលល្អឯកគ្មានពីររបស់ពិភពលោក។

អគារ Eiffel Tower នេះ មានការទាក់ទាញសម្រាប់អ្នកទេសចរណ៍ជាច្រើនបំផុតក្នុងលោក ដោយគ្រាន់តែឆ្នាំ២០១៥សោះ មានអ្នកទៅលេងកំសាន្តនៅអាគារនេះចំនួន៦.៩១លាននាក់។

កំពូលស្ថាបត្យកម្មពិភពលោកនេះ មានកំពស់៣២៤ម៉ែត្រ ស្ថិតនៅលើទំហំដី១២៥ ម៉ែត្រការ៉េ ហើយវាមានកំពស់ប្រហែលនឹងអគារកំពស់៨១ជាន់ក្នុងទីក្រុងប៉ារីស។

ក្នុងអំឡុងពេលសាងសង់អគារ Eiffel Tower នេះមានភាពល្បីល្បាញប្រហាក់ប្រហែលទៅនឹងវិមាន Washington ដែលក្លាយជាស្ថាបត្យកម្មខ្ពស់បំផុតក្នុងពិភពលោក ដែលបង្កើតឡើងដោយមនុស្ស។

បច្ចុប្បន្ន អគារ Eiffel នេះ មានកំពស់លំដាប់ទីពីរ ដោយខ្ពស់ជាងប្រមាណជា៥.២ម៉ែត្រ ក្នុងប្រទេសបារាំងបន្ទាប់ពីអគារ Millau Viaduct។

អគារនេះមានបីជាន់ សម្រាប់អោយអ្នកទេសចរ ដោយមានភោជនីយដ្ឋាន នៅជាន់ទី១ និងទី ២ ។ នៅជាន់កំពូលខាងលើ ដែលស្ថិតក្នុងកម្រិតកំពស់២៧៦ម៉ែត្រ ជាចំណុចខ្ពស់បំផុត បានបើកជាសាធារណៈសម្រាប់ អ្នកទេសចរណ៍ទិញសំបុត្រចូលទៅទស្សនា ដោយជិះជណ្តើរយន្តពីជាន់ទី១ និងទី២ឡើង ទៅខាងលើកំពូលនៃអគារ។

ការចូលទៅលេងកម្សាន្តម្តងៗ ក្នុងអគារនេះត្រូវចំណាយក្នុងរង្វង់១០អឺរ៉ូ ក្នុងសំបុត្រមួយ សម្រាប់មនុស្សពេញវ័យនៃជាន់នីមួយៗ៕

អ្នកជំនាញនិយាយពីការដាំដើមលុយ ដើម្បីទាញលុយត្រលប់មកវិញ

January 21, 2019

0

Business growth concept. Money tree in the middle of green meadow

ដោយវិន វិទ្យា

ភ្នំពេញ: ការបណ្តាក់ទុនវិនិយោគទៅលើអ្វីមួយ មិនមែនសុទ្ឋតែទទួលផលចំណេញ ត្រឡប់មកវិញទាំងអស់នោះទេ ជួនកាលខាតបាត់ចុងបាត់ដើម រហូតបិទទ្វារក្រុមហ៊ុនក៏មានដែរ ប្រសិនបើយើងមិនបានគិតគូរច្បាស់លាស់។

លោកគង់ តារា ជាគ្រូបណ្តុះបណ្តាលជំនាញផ្នែកលក់ និងជាប្រធានក្រុមផ្នែកលក់របស់គម្រោងអចលនទ្រព្យធំៗក្នុងប្រទេសកម្ពុជា មានប្រសាសន៍ឲ្យដឹងកាលពីចុងសប្តាហ៍មុនថា ការដាំដើមលុយឱ្យរីកលូតលាស់លឿនឆាប់រហ័ស គេមិនត្រូវយកលុយទៅដាំឬសន្សំក្នុងកូនជ្រូកនោះទេ ព្រោះការសន្សំឬដាំដើមលុយបែបនេះលុយមិនលូតលាស់ទេ។

ម្យ៉ាងទៀតអ្នកខ្លះចង់ដាំលុយ ឱ្យលូតរីកលូតលាស់បានលឿនឬបានច្រើន បានសម្រេចយកទៅដាក់បញ្ញើនៅធនាគារ ប៉ុន្តែការដាក់ក្នុងធនាគារ គឺទទួលបានការប្រាក់ទាបត្រឡប់មកវិញ ដូចជា(Saving Account ) បានការប្រាក់ចន្លោះពី៣ទៅ៥% ប៉ុណ្ណោះក្នុងមួយឆ្នាំ។ ដូច្នេះលុយមួយរយដុល្លារ បានការប្រាក់៣ដុល្លារឬ៥ដុល្លារត្រឡប់មកវិញប៉ុណ្ណោះក្នុងមួយឆ្នាំ។

ចំណែកអ្នកខ្លះទៀតចង់បានលុយច្រើន បានយកលុយទៅវិនិយោគ ប៉ុន្តែការវិនិយោគជួនបានប្រាក់ចំណេញច្រើន ជួនខាតបង់ច្រើនក៍មាន មានន័យថាផលចំណេញនិងហានិភ័យនៅដើរទន្ទឹមគ្នាជានិច្ច។

អ្នកជំនាញផ្នែកលក់ខាងលើបន្តថា ដើម្បីឱ្យការដាំដើមលុយរីកលូតលាស់បានលឿន អ្នកជំនួញគួរចេះវិនិយោគទៅលើខ្លួនឯងជាមុន មានន័យថាត្រូវរៀនឱ្យចេះច្បាស់នូវចំណេះ ជំនាញដែលខ្លួនចង់ធ្វើឬវិនិយោគទៅលើវិស័យអ្វីមួយ ពិសេសត្រូវឈ្លាសវៃ ចេះប៉ាន់ប្រមាណច្បាស់លាស់១០០%ទៅលើអ្វីមួយ កុំពឹងផ្អែកទាំងស្រុងទៅលើការវិនិភាគរបស់គេ ព្រោះថាមានតែខ្លួនយើងទេ ដែលដឹងច្បាស់ពីអ្វីដែលយើងចង់ធ្វើ។

ត្រឡប់មកវិញ ការវិនិយោគទៅលើវិស័យណាមួយក៏បាន ឱ្យតែយើងមានជំនាញច្បាស់លាស់ ដូចជា នៅក្នុងយុគសម័យអចលនទ្រព្យបច្ចុប្បន្ន មានអ្នកខ្លះយកលុយទៅវិនិយោគលើដីទទួលបានប្រាក់ចំណេញច្រើន ក្លាយជាមហាសេដ្ឋីក៏មាន។ ទន្ទឹមនឹងនោះក៏មានអ្នកខ្លះខាងបង់ដោយសារដីធ្លីក៏ច្រើនដែរ ដោយសារមិនចេះមើលទីតាំងភូមិសាស្រ្តច្បាស់លាស់ ជួនគិតថាដីតម្លៃទាបទិញទៅបានចំណេញច្រើន ប៉ុន្តែមិនបានមើលទីតាំងភូមិសាស្រ្ត ទិញហើយលក់មិនចេញកប់លុយចោលរាប់ឆ្នាំក៏មានដែរ៕

ការប្រកាសលក់គម្រោងថ្មី“អាម៉ូរីប្រាំពីរមករា”ទទួលបានការគាំទ្រលើសការរំពឹងទុក

January 20, 2019

0

ដោយគង់ សូរិយា
ភ្នំពេញ៖ គំរោងលំនៅដ្ឋានប្រណីត និងដីឡូត៍ស្ថិតនៅស្របតាមផ្លូវជាតិលេខ៦អាដែលស្ថិតនៅលើផ្ទៃដីជាង៣០ហិកតា បានប្រកាសលក់កាលពីចុងសប្តាហ៍មុន ជាមួយនឹងការគាំទ្រពីអតិថិជនលើសការំពឹងទុក។

ពិធីសម្ពោធលក់គំរោងនេះបានធ្វើឡើងកាលពីថ្ងៃទី១៩ មកតាកន្លងមកនេះដោយបានប្រព្រឹត្តទៅនៅភោជនីយដ្ឋាននាគក្រហម ក្រោមអធិបតីភាព លោក សួន វិរៈតារា អគ្គនាយកក្រុមហ៊ុនអចលនទ្រព្យអាម៉ូរី និងត្រូវបានអញ្ជើញចូលរួមដោយភ្ញៀវជាច្រើនរយនាក់ ដែលជាអតិថិជនសក្តានុពលរបស់ក្រុមហ៊ុន។

លោកសួន វិរៈតារា អគ្គនាយកក្រុមហ៊ុនអចលនទ្រព្យអាម៉ូរី បានមានប្រសាសន៍ថា “នៅពេលដែលប្រទេសជាតិមានកំណើនសេដ្ឋកិច្ចខ្ពស់ ប្រជាជនរបស់យើងក៏នឹងទទួលបាននូវកំណើនសេដ្ឋកិច្ចក្នុងគ្រួសារ ដែលបានជម្រុញឲ្យមានកំណើនអ្នកមានជីវភាពធូរធារកើនឡើង។ ដោយហេតុនេះក្រុមហ៊ុនអាម៉ូរី បានឈានជើងរបស់ខ្លួនដើរតួយ៉ាងសំខាន់ជួយដល់ប្រជាពលរដ្ឋទាំងអស់ ដែលមានលទ្ធភាពក្នុងការវិនិយោគទៅលើវិស័យអចលនទ្រព្យខ្នាតតូច និងមធ្យម”។

ដោយឡែកចំពោះគម្រោងដំបូង “អាម៉ូរី៧មករា” លោកអគ្គនាយកបានប្រាប់ឱ្យដឹងថា ទីតាំងនៃគម្រោងនេះបង្ហាញខ្លួន ស្ថិតនៅចំទីប្រសព្វសក្តានុពលសេដ្ឋកិច្ចរវាងតំបន់ពាណិជ្ជកម្ម និងលំនៅដ្ឋាន តំបន់អភិវឌ្ឍន៍ដទៃទៀតស្ថិតនៅជុំវិញ និងមានដងព្រែកធម្មជាតិ ដែលញុំាំងឲ្យគម្រោងមានទេសភាពដ៏ស្រស់ត្រកាល។

គម្រោងនេះត្រូវបានធ្វើនៅលើផ្ទៃដីចំនួន៣២ហិកតា ស្ថិតនៅតាមបណ្តោយផ្លូវ៧មករា ដែលតភ្ជាប់ផ្លូវជាតិលេខ៦ ទៅកាន់ផ្លូវលោកឧកញ៉ាលីយ៉ុងផាត់ និងភ្ជាប់បន្ថែមទៅកាន់ផ្លូវជាតិលេខ៥ ដែលពោពេញដោយសក្តានុពលអភិវឌ្ឍខ្ពស់ និងជាទីប្រជុំជនដ៏កុះករបំផុតក្នុងរាជធានីភ្នំពេញ។

ទីតាំងគម្រោងនេះផងដែរ ក៏មានទីតាំងស្ថិតនៅជិតសួនសត្វសាហ្វារីវើល វិមានឈ្នះ ឈ្នះ ពហុកីឡាដ្ឋានជាតិថ្មី និងគម្រោងបុរីល្បីៗជាច្រើនទៀត។ នៅក្នុងគម្រោងថ្មីនេះ អតិថិជននឹងទទួលបាននូវការបញ្ចុះតម្លៃដ៏អស្ចារ្យ និងមានការថែមជូនពិសេសមិនធ្លាប់មានជាច្រើនដូចជា ទិញផ្ទះមួយល្វែង ថែមជូនដីមួយឡូតិ៍ ទិញដីមួយឡូតិ៍ ថែមជូនមួយឡូតិ៍បន្ថែមទៀត។

កាលពីថ្ងៃទី១៩មករាកន្លងមក គម្រោងនឹងធ្វើការលក់ជាដំណាក់កាល ដែលតំណាក់ទី១ របស់គម្រោងនឹងផ្តល់ជូនចំនួន៤ជម្រើស ដូចជា៖ ជម្រើសទី១ ដីទំហ៊ំ៥មX២០ម ជម្រើសទី២ ដីទំហ៊ំ១០មX២០ម ជម្រើសទី៣ ដីទំហ៊ំ២០មX៣០ម និងជម្រើសទី៤ ផ្ទះវីឡាកូនកាត់ទំហ៊ំ៥មX១២ម។

ក្រុមហ៊ុនក៏ផ្តល់ជូននូវជម្រើសសមស្រប ជាមួយនឹងតម្លៃដ៏សមរម្យដល់អតិថិជន ដោយផ្តល់នូវការបង់ប្រាក់ ដោយគ្មានការប្រាក់រហូតដល់រយះពេល៣ឆ្នាំ។ ឆ្លងកាត់ការបើកលក់សាកល្បងមួយសប្តាហ៍កន្លងមកនេះ ក្រុមហ៊ុនបានលក់អស់ប្រមាណ៥០%លើសពីការរំពឹងទុក។ អតិថិជនរបស់អាម៉ូរីបានបង្ហាញពីការសប្បាយរីករាយ ដោយទទួលបាននូវតម្លៃពិសេស ហើយថែមទាំងទទួលបានការប្រូមូសិនពិសេស ទិញដី១ឡូតិ៍ថែមដី១ឡូតិ៍។

អាម៉ូរីគឺជាក្រុមហ៊ុនដែលផ្តល់សេវាកម្មទាំងស្រុង ទៅលើវិស័យអចលនទ្រព្យ ដែលរួមមានការលក់ និងជួលអចលនទ្រព្យសម្រាប់លំនៅដ្ឋាន និងពាណិជ្ជកម្ម ការលក់គម្រោងវិនិយោគ ការវាយតម្លៃអចលនទ្រព្យ ការស្រាវជ្រាវលើវិស័យអចលនទ្រព្យ និងការពិគ្រោះយោបល់លើវិស័យនេះជាដើម។ល។

សម្រាប់ព័ត៌មានបន្ថែម សូមទាក់ទង៖លោកស្រី ស៊ី ម៉ាន់ឌី ជំនួយការអគ្គនាយក ទូរសព្ទ៖ 089 999 996៕

ដំណឹងល្អ! ផ្សារម៉ាក្រូសាខាទី២នៅសៀមរាបនឹងបេីកដំណើរការនៅថ្ងៃទី25 ខែមករាខាងមុខនេះ

January 19, 2019

0

ភ្នំពេញ: ផ្សារម៉ាក្រូ សាខាទី២ ស្ថិតនៅក្នុងទីក្រុងសៀមរាប ខេត្តសៀមរាប គ្រោងសម្ពោធដាក់អោយដំណើរជាផ្លូវការនៅថ្ងៃទី25ខែមករាពោលនៅសប្តាហ៍ក្រោយនេះ បន្ទាប់ពីទទួលបានជោគជ័យនូវដំណើរការអាជីវកម្ម ផ្សារ Makro ទី១ នៅក្នុងរាជធានីភ្នំពេញកាលពីចុងឆ្នាំ២០១៧កន្លងមកនេះ។

យោងតាមប្រភពពីក្រុមហ៊ុនបានឲ្យដឹងថា ផ្សារម៉ាក្រូ សាខាទី២ នេះ នឹងត្រូវបើកសម្ពោធដាក់ឲ្យដំណើរការអាជីវកម្មនៅព្រឹកថ្ងៃទី២៥ ខែមករា ឆ្នាំ២០១៩ ខាងមុខនេះ ដោយមានការចូលរួមពីគណៈអធិបតី សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ រួមទាំងគណៈគ្រប់គ្រងផ្សារម៉ាក្រូ និងអ្នកជំនួញល្បីៗជាច្រើនរួបទៀត។

ផ្សារម៉ាក្រូ គឺជាផ្សារលក់បោះដុំទំនិញថៃដ៏ធំមួយនេះ ជាការបោះទុនវិនិយោគរួមគ្នារវាងក្រុមហ៊ុន អិល វ៉ាយ ភី គ្រុប (LYP Group) ដែលគ្រប់គ្រងដោយមហាសេដ្ឋីស្រុកខ្មែរ គឺអ្នកឧកញ៉ា លី យ៉ុងផាត់ ដែលកាន់កាប់ភាគហ៊ុនចំនួន ៣០ភាគរយ និងក្រុមហ៊ុន ស៊ី.ភី.គ្រុប ដែលគ្រប់គ្រងកាន់កាប់ដោយមហាសេដ្ឋីលេខ១ របស់ប្រទេសថៃ គឺលោក ថានីន ជារ៉ាវ៉ានុន (Dhanin Chearavanont) ដែលកាន់កាប់ភាគហ៊ុនចំនួន ៧០ភាគរយ។

ផ្សារនេះ ស្តុកលក់ទំនិញបោះដុំរហូតដល់ជាង ១ម៉ឺនមុខ ហើយផ្សារនេះ ត្រូវគេមើលឃើញថា នឹងដើរតួជាអ្នកផ្គត់ផ្គង់ផលិតផលម្ហូបអាហារដ៏ធំ និងសំខាន់ជាងគេមួយ សម្រាប់វិស័យលក់រាយនៅកម្ពុជា៕

The condominium reaches almost 15000 units completion

January 19, 2019

0

By Kong Soriya

PHNOM PENH, A new research reports that end of 2018, eight condominium projects completed and 2234 units were ready in the market.

Last week CBRE Cambodia’s survey report showed 12000 units entered the market so far up to end of 3rd quarter and the amount now reached to nearly 15000 units by end of 2018. Same reports also stated new 8 condominium projects total about 2234 units were 18.9% increased between the 3rd and 4th quarter.

Number of construction projects approval dropped by 19% in 2018 with only 2867 investment project compare to 2017, 3052 projects.2018 investment valued $ 5200 million versus $ 6400 million invested in 2017.
CBRE country director, Ms. An Sothida believes the condominium market is still in the positive improvement although suppliers are increasing and because buyer trending has been changing much. They only prefer to invest in the condominium and construction projects which are completed or about to complete rather than the new born project.

Mr. Chrek Soknim, President of Cambodia Valuer and Estate Agent Association (CVEA) said condominium market grows slow and requires more time while condo living is unpopular yet to local people, but believe that in 5 to 7 years the market will be changed as more local people will turn to live in condo.

Another survey research by Urban Living Solution expect that in 2025, population in Phnom Penh city will be about 4.5 to 5 million, vehicle increased, traffic issue, high price real estate, better living quality technology and a better awareness of the people, condo will be the best option.