ដោយ វុត្ថា
កំពង់ស្ពឺ៖ ក្នុងគោលដៅពង្រីកសក្តានុពលសេដ្ឋកិច្ច ទៅកាន់ភូមិភាគឦសាន្តសម្តេចតេជោហ៊ុន សែន នាយករដ្ឋមន្ត្រីនៃប្រទេសកម្ពុជា កំពុងពិចារណាទៅលើការសងសង់ព្រលានយន្តហោះនៅទិសឦសានប្រទេសកម្ពុជា ដើម្បីឆ្លើយតបទៅនឹងកំណើនសេដ្ឋកិច្ច និងវិនិយោគរបស់ប្រទេសកម្ពុជា។
សម្តេចតេជោ បានថ្លែងនៅក្នុងពិធីបើកការដ្ឋានសាងសង់ផ្លូវល្បឿនលឿន ភ្នំពេញ-ព្រះសីហនុ នៅថ្ងៃទី ២២ ខែមីនា ឆ្នាំ ២០១៩ នេះ ថា នៅរាជធានីភ្នំពេញនឹងសាងសងព្រលានយន្តថ្មី សៀមរាបក៏នឹងសាងសង់ព្រលានហោះថ្មី ហើយរដ្ឋាភិបាលកំពុងតែពិនិត្យលទ្ធភាពសាងសង់ព្រលានយន្តហោះនៅទិសឦសានថែមទៀត។
សម្តេចបន្តថា “ការសាងសងព្រលានយន្តហោះនៅទិសឦសាននេះ គឺដើម្បីឆ្លើយតបទៅហ្នឹងកំណើនប្រាក់ចំណូល របស់ពលរដ្ឋកម្ពុជាមានកំណើនខ្ពស់ មានលទ្ធភាពធ្វើដំណើរតាមយន្តហោះ”។
បើតាមសម្តេចតេជោបានបង្ហើបឱ្យដឹងថា ព្រលានយន្តហោះនឹងត្រូវសាងសង់នៅ ចន្លោះខេត្តរតនគីរី និងមណ្ឌលគិរី ហើយធ្វើឱ្យតំបន់ជាប៉ូលសេដ្ឋកិច្ចមួយសំខាន់នៅប៉ែទិសឦសាននៃប្រទេសកម្ពុជា មានទាំងកសិឧស្សាហកម្ម កសិទេសចរណ៍ និងផ្នែកដទៃទៀតនៅទិសនោះ ដើម្បីជំរុញប្រទេសកម្ពុជា ដែលមានចំណូលមធ្យមកម្រិតទាប ទៅជាប្រទេសដែលមានប្រាក់ចំណូលមធ្យមកម្រិតខ្ពស់នៅក្នុងឆ្នាំ២០៣០។
ការប្រកាសទីតាំងចន្លោះខេត្តរតនគិរី និងមណ្ឌលគិរី គឺសមស្របសម្រាប់ខេត្តស្ទឹងត្រែង ព្រោះខេត្តស្ទឹងត្រែងមានព្រលានយន្តហោះស្រាប់ ហើយជាចំណុចកណ្តាលនៃភូមិភាគឦសាន្ត និងជាចំណុចតភ្ជាប់ទៅកាន់ប្រទេសឡាវ និងប្រទេសថៃផងដែរ។
ធនាគារអភិវឌ្ឍន៍អាស៊ីកន្លងមក បានសិក្សារួចហើយពីសក្តានុពលក្នុងការសាងសង់ឡើងវិញនូវព្រលានយន្តហោះខេត្តស្ទឹងត្រែង។ គម្រោងសាងសង់ព្រលានយន្តហោះខេត្តស្ទឹងត្រែង ក៏ត្រូវបានរដ្ឋាភិបាលកម្ពុជា តាមរយៈក្រសួងសេដ្ឋកិច្ចនិងហិរញ្ញវត្ថុដាក់បញ្ចូលក្នុងសំណើរនៃគម្រោងអភិវឌ្ឍន៍ខ្សែក្រវ៉ាត់១ ផ្លូវ១របស់ចិនផងដែរ។
លោក ស៊ិន ចាន់សិរីវុត្ថា អតីតអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិលធ្លាប់បានមានប្រសាសន៍ឱ្យដឹងថា ព្រលានយន្តហោះខេត្តស្ទឹងត្រែង ត្រូវបានដាក់បញ្ចូលក្នុងផែនការអភិវឌ្ឍន៍ជាមួយគម្រោងផ្សេងទៀត ដូចជា ទឹកស្អាត និងឡូជីស្ទិករួចហើយ ប៉ុ ន្តែការដាក់បញ្ចូលក្នុងផែនការអភិវឌ្ឍន៍នេះ ត្រូវការការសិក្សារយៈពេលវែង ដើម្បីពិនិត្យមើលពីចំណុចអាទិភាព និងផលប្រយោជន៍ដែលទទួលបានការអភិវឌ្ឍនេះ។
លោកបន្តថា “ព្រលានយន្តហោះនេះ អាចចំណាយថវិកាវិនិយោគចន្លោះពី៥០ ទៅ៦០លានដុល្លារអាមេរិក ព្រោះព្រលាននេះមានដីស្រាប់រួចហើយ។លោកបន្តថា គម្រោងសាងសង់ព្រលានយន្តហោះខេត្តស្ទឹងត្រែងនេះ បានដាក់ជូនក្រសួងសេដ្ឋកិច្ច និងហិរញ្ញវត្ថុ ហើយក្រសួងដាក់ជូនដៃគូអភិវឌ្ឍន៍គឺធនាគារអភិវឌ្ឍន៍អាស៊ី ដើម្បីធនាគារនេះស្វែងរកដៃគូវិនិយោគ។
លោក ពេជ្រ សុប៉ុនតារា ប្រធានផ្នែកបង្កើនជើងហោះហើរ នៃក្រុមហ៊ុនអាកាសយានដ្ឋានកម្ពុជាបានថ្លែងថា ក្រុមហ៊ុនវិនិយោគព្រលានយន្តហោះនេះ បានសិក្សាពីសក្តានុពលនៃការសាងសង់ព្រលានយន្តហោះក្នុងស្រុក លើគ្រប់បណ្តាខេត្តរួចហើយ ហើយបានរកឃើញថា ខេត្តស្ទឹងត្រែង បាត់ដំបង និងព្រះវិហារជាខេត្តមានសក្តានុពលអាចវិនិយោគព្រលានយន្តហោះបាន។លោកបន្តថា បន្ទាប់ពីសិក្សាចប់ក្រុមហ៊ុនបាន្តល់អនុសាសន៍ឱ្យរដ្ឋាភិបាលវិនិយោគព្រលានទាំងបីនេះ ប៉ុន្តែរហូតមកទល់ពេលនេះ អ្វីៗមិនទាន់មានព៌តមានវិវិត្តន៍ទេ។
លោកបន្តថា “ក្រុមហ៊ុនវិនិយោគព្រលានយន្តហោះកម្ពុជា គ្រប់គ្រងប្រលានយន្តហោះអន្តរជាតិទាំងបី ប៉ុន្តែបើរដ្ឋាភិបាលអនុញ្ញាត្តឱ្យក្រុមហ៊ុនវិនិយោគព្រលានដទៃទៀត យើងនឹងសិក្សាពីបញ្ហានេះ”។
ប្រធានសមាគមទីភ្នាក់ងារទេសចរណ៍កម្ពុជា លោកស្រី ឆាយ ស៊ីវលីន បានមានប្រសាសន៍ថា ការមានព្រលានយន្តហោះនៅខេត្តស្ទឹងត្រែងជារឿងល្អ ដែលអាចជួយស ម្រួល និងកាត់បន្ថយពេលវេលាធ្វើដំណើររបស់ភ្ញៀវទេសចរណ៍ជាតិ អន្តរជាតិ។ លោកស្រីបន្តថា ទោះជាផ្លូវគោកមានភាពងាយស្រួលក្តី តែការធ្វើដំណើរត្រូវចំណាយពេលយូរ ហេតុនេះបើមានព្រលានយន្តហោះ លោកស្រីគិតថាព្រលានយន្តហោះនេះនឹងទាក់ទាញការធ្វើដំណើរ។
លោកស្រីបន្តថា “ព្រលានយន្តហោះនេះ ក៏អាចតភ្ជាប់ជាមួយព្រលានក្នុងតំបន់ផងដែរ ហេតុនេះវានឹងជាការតភ្ជាប់ខ្សែសង្វាក់ទេសចរណ៍ និងជំរុញការអភិវឌ្ឍននៅភូមិភាគឥសាន្តកាន់តែលឿន”៕
សម្តេចបានមានប្រសាសន៍ក្នុងពិធីបើកការដ្ឋានសាងសង់ផ្លូវល្បឿនលឿនភ្នំពេញ ព្រះសីហនុនាព្រឹកថ្ងៃទី២១នេះថា ការ រៀបចំព្រឹត្តិការណ៍ស៊ីហ្គេម នឹងមិនធ្វើនៅចុងឆ្នាំនោះទេ ព្រឹត្តិការណ៍នេះនឹងរៀបចំនៅខែឧសភាឆ្នាំ២០២៣ តែម្តង ដើម្បីប្រារពព្រឹត្តិការ ណ៍កីឡា ដែលកម្ពុជារៀបចំធ្វើជាម្ចាស់ផ្ទះជាលើកដំបូង។
ពហុកីឡាដ្ឋានមរតកសម្តេចតេជោស្ថិតនៅក្នុងសង្កាត់ព្រែកតាសេក ខ័ណ្ឌជ្រោយចង្វារ រាជធានីភ្នំពេញ និងស្ថិតនៅកណ្តាលទីក្រុងរណបតេជោមរតក៕
សម្តេច តេជោ ហ៊ុន សែន ថ្លែងនៅក្នុងពិធីបើកការដ្ឋានសាងសង់ផ្លូវល្បឿនលឿន (Express Way) ភ្នំពេញ-ព្រះសីហនុ នៅថ្ងៃទី ២២ ខែមីនានេះថា នៅពេលបញ្ចប់សាងសងនូវ ព្រលានយន្តហោះមួយនេះ នឹងអាចឲ្យយន្តចុះចតយន្តហោះធំបាន ។
អ្នកនាំពាក្យក្រសួងសាធារណៈការ និងដឹកជញ្ជូនលោក វ៉ាស៊ីម សូរិយា បានមានប្រសាសន៍ឱ្យដឹងតាមទូរស័ព្ទកាលពីពេលថ្មីៗនេះថា ផ្លូវនេះពិតជាមានចំណុចពិសេសមួយចំនួន ខុសពីផ្លូវធម្មតា ដូចជា ទី១ ផ្លូវនេះមានចំណតឈប់សំរាកចំនួន ៣កន្លែង ទី២ មានស្ពានតូច ៥កន្លែង និងស្ពានធំចំនួន ៨០កន្លែង មានប្រវែងសរុប ៦០១៥ម៉ែត្រ ទី៣ មានស្ពានអាកាសដែលមានសណ្ឋាន ដូចស្ពានអាកាសស្ទឹងមានជ័យ ៦កន្លែង និងសាគួរ ១កន្លែង ទី៤ ការសាងសង់ផ្លូវនេះនឹងធ្វើរបងបិទជិត មិនឱ្យសត្វពាហនៈ ម៉ូតូ និងរ៉ឺម៉កម៉ូតូឆ្លងកាត់បាននោះទេ។
នៅពេលសាងសង់ចប់ សម្តេចតេជោនឹងបើកឱ្យអ្នកបើកបរមិនបង់ថ្លៃរយៈពេល១ខែតំបូង និងបញ្ចុះតម្លៃ២០ភាគរយសម្រាប់រយៈពេល១ឆ្នាំ បន្ទាប់ពីបើកដំណើរការននៅឆ្នាំដំបូង៕
ប្រធានផ្នែកលក់នៃគម្រោងកៀនស្វាយផ្លាហ្សា កញ្ញា អ៊ុក ចន្រ្ទា បានមានប្រសាសន៍ឱ្យដឹងតាមប្រព័ន្ឋតេឡេក្រាមកាលពីថ្ងៃទី២១ មិនានេះថា គម្រាងកៀនស្វាយផ្លាហ្សា (Kien Svay Plaza) ត្រូវបានអភិវឌ្ឍន៍របស់សម្ពន្ធ័សហគ្រាសកាណាឌីយ៉ា ដែលមានទីតាំងស្ថិតនៅតាមបណ្តាយផ្លូវជាតិលេខ១។ គម្រោងនេះស្ថិតនៅលើផ្ទៃដី ៨ហិចតា នៅជិតវត្តកៀនស្វាយក្រៅ មានចម្ងាយពីស្ពានច្បារអំពៅត្រឹមតែ១១គីឡូម៉ែត្រតែប៉ុណ្ណោះ។ គម្រាងកៀនស្វាយផ្លាហ្សា បានចាប់ផ្តើមដំបូង និងចាប់ផ្តើមបើកលក់ដំបូងបង្អស់នៅពាក់កណ្តាលឆ្នាំ ២០១៦។
កញ្ញា អ៊ុក ចន្រ្ទា បានមានប្រសាសន៍ឱ្យដឹងទៀតថា ដោយគិតគូពីផាសុខភាពដល់អ្នករស់នៅក្នុងគម្រោងនេះ ទើបក្រុមហ៊ុនបានដាំដើមឈើជុំវិញគម្រោង។ អ្វីកាន់តែពិសេសគម្រោងនេះ ក៏មានទីតាំងធំទូលាយសម្រាប់ជួលធ្វើពិធីមង្គលការ និងមានទីតាំងសមស្របសម្រាប់អ្នករៀនបើកបររថយន្តលើកដំបូង សាកល្បងហ្វឹកហាត់ លើសពីនេះទៅទៀតក៏មានទីតាំងល្អសម្រាប់គ្រប់វ័យ មកហាត់ប្រាណពេល្ងាច លេងកីឡា រៀនជិះស្គី -ល- ផងដែរ។ ខាងក្រោយគម្រោងជាប់នឹងទន្លេ មានស្ពានឆ្លងកាត់ទៅតាមស្ពានកោះប្រាក់នឹងផ្ទះប្រជាពលរដ្ជដែលរស់នៅជាច្រើនកុះករ នៅតាមផ្លូវចូលធំទូលាយអត់មានទឹកអត់មានផ្លូវឆ្លងកាត់ហើយមានខ្យល់បរិសុទ្ធនឹងស្រស់បំព្រង។
កាលពីពេលថ្មីៗនេះ ក្រុមហ៊ុនមួយបានប្រកាសសាងសង់តំបន់សេដ្ឋកិច្ចពិសេស លើផ្ទៃដីជាង២០០ហិកតា ដែលមានទុនវិនិយោគជាង៥០លានដុល្លារ នៅក្នុងស្រុកកៀនស្វាយផងដែរ៕
