ឧកញ៉ាសៀ រិទ្ឋីចាប់ផ្តើមពង្រីកភាពជាដៃគូជំនួញជាមួយអាមេរិក

January 18, 2019

ដោយគង់ សូរិយា

ភ្នំពេញ៖ លោកឧកញ៉ាសៀ រិទ្ឋីអគ្គនាយកក្រុមហ៊ុន World Bridge Group បានពង្រីកភាពជាដៃគូជាមួយក្រុមហ៊ុនអាមេរិក លើកិច្ចព្រមព្រៀងទិញ លក់ភាគហ៊ុនរវាងក្រុមហ៊ុនទាំងពីរប្រកបដោយសុវត្ថិភាព។

នៅក្នុងពិធីចុះហត្ថលេខាកាលពីព្រឹកថ្ងៃទី១៨ ខែមករា ឆ្នាំ២០១៩ រវាងក្រុមហ៊ុន World Bridge Secure Logistic ដែលជាបុត្រសម្ព័ន្ឋនៃក្រុមហ៊ុន World Bridge Group ជាមួយក្រុមហ៊ុន Brink’s Incorporated លោកឧកញ៉ាសៀ រិទ្ឋីបានមានប្រសាសន៍ថា ការទិញលក់ភាគហ៊ុនរវាងភាគីទាំងពីរ ដែលទើបចុះហត្ថលេខាថ្ងៃនេះ នឹងធ្វើដំណើរឆ្ពោះទៅកាន់ទិសដៅដ៏ត្រឹមត្រូវមួយ ស្របពេលដែលកម្ពុជាកំពុងមានចំណាប់យ៉ាងខ្លាំង ពីការប៉ុនប៉ងចូលមកធ្វើនិយោគ និងរកក្រុមហ៊ុនជាដៃគូក្នុងស្រុកដែលមានសក្តានុពលទាំងធនធានមនុស្ស និងហិរញ្ញវត្ថុ ដើម្បីបោះទុនចូលរួមរកទទួលទានក្នុងថេរវេលាយូរអង្វែង។ កត្តានេះក៏អាស្រ័យដោយកម្ពុជាបច្ចុប្បន្ន ស្ថិតក្នុងស្ថិរភាពនយោបាយ និងកំណើនសេដ្ឋកិច្ចជាតិដ៏រឹងមាំផងដែរ។

ការចុះហត្ថលេខារួមគ្នាគ្នានេះ ធ្វើឡើងក្នុងគោកដៅបម្រើសេវាកម្មផ្នែកសុវត្ថិភាពដឹកជញ្ជូនភស្តុភាមូលបត្រ ក្នុងគោលបំណងបង្កើនសមត្ថភាព វិនិយោគធុរកិច្ចឲ្យកាន់តែប្រកបដោយប្រសិទ្ធិភាព ដើម្បីផ្តល់ទំនុកចិត្តជូនអតិថិជនជាតិនិងអន្តរជាតិនៅទូទាំងកម្ពុជា។

លោក Gary Freedman តំណាងក្រុមហ៊ុន Brink’s Incorporated បានមានប្រសាសន៍ថា ក្រុមហ៊ុនលោកបានបម្រើសេវាកម្ម ដល់អតិថិជនមានសុវត្ថិភាពបំផុតនៅទូទាំងពិភពលោកដែលមានអាយុកាលជាង១៦០ឆ្នាំ ហើយពេលនេះក្រុមហ៊ុននឹងនាំមកនូវទាំងបច្ចេកវិទ្យា និងបទពិសោធន៍កន្លងមក ក្នុងការដឹកជញ្ជូនប្រកបដោយសុវត្ថិភាពចូលមកកាន់ទីផ្សារកម្ពុជា។

ក្រុមហ៊ុន World Bridge Secure Logistic ត្រូវបានបង្កើតឡើងក្នុងឆ្នាំ២០១២ ដោយក្រុមហ៊ុន វើលប្រ៊ិដ គ្រុប គឺជាក្រុមហ៊ុនដែលបានត្រួតត្រាយ និងឈានមុខគេនៅកម្ពុជា ក្នុងការផ្តល់ជូននូវសេវាកម្មដឹកជញ្ជូនលោហៈធាតុមានតម្លៃ ដូចជា មាស ពេជ្រ ត្បូង និងគ្រឿងអលង្ការ រូបិយវត្ថុ។ល ។ក្នុងគោលបំណងធានានូវការដឹកជញ្ជូនទំនិញក្នុងស្រុក និងអន្តរជាតិប្រកបដោយសុវត្ថិភាព និងប្រសិទ្ធិខ្ពស់៕

ឆ្នាំ ២០១៩ រដ្ឋាភិបាលបន្តគោលការណ៍បង់ពន្ធប្រថាប់ត្រា ១ដងចំពោះការផ្ទេរសិទ្ធិ ឬកាន់កាប់អចលនទ្រព្យ

January 18, 2019

0

ដោយវុត្ថា

ភ្នំពេញ៖ រដ្ឋាភិបាលកម្ពុជាតាមរយៈអគ្គនាយកពន្ធដារ បាននឹងបន្តអនុវត្តការបង់ពន្ធប្រថាប់ត្រាចំនួនមួយដង ចំពោះការការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យពុំបានចុះបញ្ជី (គ្មានប័ណ្ណកម្មសិទ្ធិ) និងបានចុះបញ្ជី (មានប័ណ្ណកម្មសិទ្ធិ) សម្រាប់ឆ្នាំ ២០១៩នេះ។

នៅក្នុងលិខិតឯកភាពពីលោក គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារដែលផ្ញើរទៅកាន់ក្រសួងសេដ្ឋកិច្ច និងហិរញ្ញវត្ថុផ្សព្វផ្សាយនៅថ្ងៃទី ១៨ ខែមករាឆ្នាំ ២០១៩ នេះ ឪ្យដឹងថា “ដោយពិនិត្យឃើញថា ប្រជាពលរដ្ឋដែលជាអ្នកទទួលកម្មសិទ្ធិ ឬសិទ្ធិកាន់កម្មអចលនទ្រព្យចុងក្រោយ (អ្នកទិញ) ដែលត្រូវរងការបង់ពន្ធប្រថាប់ត្រាច្រើនតំណនៅសេសសល់នៅឡើយ អគ្គនាយកពន្ធដារបានស្នើរសុំទៅក្រសួងសេដ្ឋកិច្ច និងហិរញ្ញវត្ថុ តាមរយៈលេខ ១៨៦០២ អពដ ចុះថ្ងៃទី ០៤ ខែធ្នូ ឆ្នាំ ២០១៨ ដើម្បីបន្តគោលការណ៍អនុគ្រោះឪ្យបង់ពន្ធប្រថាប់ត្រាមួយដងចំពោះការផ្ទេរសិទ្ធិ ឬសិទ្ធិកាន់កាប់អចលនទ្រព្យទាំងពុំបានចុះបញ្ជី (គ្មានប័ណ្ណកម្មសិទ្ធិ) និងបានចុះបញ្ជី (មានប័ណ្ណកម្មសិទ្ធិ) ដែលបានផុតសុពលភាពត្រឹមថ្ងៃទី ៣១ ខែធ្នូ ឆ្នាំ ២០១៨ កន្លងទៅនេះ។

លិខិតដដែលបន្តថា “ជាមួយគ្នានេះ ក្រសួងក៏បានឯកភាព និងបានគោរពស្នើសុំការសម្រេចបន្តគោលការណ៍ពីសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រួចហើយដែរតាមរយៈលិខិតលេខ ១៣៦ សហវ.អពដ ចុះថ្ងៃទី ១០ ខែមករា ឆ្នាំ ២០១៩នេះ។

សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាកាលពីឆ្នាំ ២០១៨ កន្លងទៅនេះ បានអនុញ្ញាតឯកភាពជាគោលការណ៍ ការបង់ពន្ធប្រថាប់ត្រាចំពោះការផ្ទេរកម្មសិទ្ធិអចលនទ្រព្យបន្ដគ្នាច្រើនដង ត្រូវបានលើកលែង ឲ្យបង់តែ១ដងប៉ុណ្ណោះ។

សម្តេចន្តថា ការធ្វើបែបនេះ ដោយពិនិត្យឃើញពីការលំបាករបស់បងប្អូនប្រជាពលរដ្ឋ និងដើម្បីជួយសម្រួលដល់ម្ចាស់កម្មសិទ្ធិអចលន ទ្រព្យចុងក្រោយ ដែលពុំមានលទ្ធភាពបង់ពន្ធប្រថាប់ត្រាច្រើនដង គ្រប់ដំណាក់កាលនៃការផ្ទេរអចលនទ្រព្យ។

សម្តេចតេជោនាយករដ្ឋមន្ត្រី បានអនុញ្ញាតឯកភាពជាគោលការណ៍ ដើម្បីបន្តផ្តល់ការអនុគ្រោះបង់ពន្ធប្រថាប់ត្រាតែមួយដងប៉ុណ្ណោះលើការផ្ទេរកម្មសិទ្ធិអចលនទ្រព្យបន្តដៃគ្នាពីម្នាក់ទៅម្នាក់ច្រើនដងនៅត្រឹមថ្នាក់សង្កាត់ឬខណ្ឌ ដែលអាជ្ញាធរគ្រប់លំដាប់ថ្នាក់ត្រូវតែធ្វើការផ្សាព្វផ្សាយឲ្យបានទូលំទូលាយដល់ប្រជាពលរដ្ឋ៕

រដ្ឋាភិបាលឆ្លើយតបទៅនឹងការសម្រេចយកពន្ធអង្ករកម្ពុជានាំចូលទៅកាន់សភាពអឺរ៉ុប

January 18, 2019

0

ដោយ វុត្ថា

ភ្នំពេញ៖ រដ្ឋាភិបាលលតាមរយៈក្រសួងពាណិជ្ជកម្ម បានចេញសេចក្តីថ្លែងការណ៍ភ្លាមៗ ដើម្បីឆ្លើយតបនឹងការសម្រេចយកពន្ធដោយសហភាពអឺរ៉ុប មកលើអង្ករ (Indica Rice) នាំចេញពីកម្ពុជាទៅកាន់សហភាពអឺរ៉ុប។

សេចក្តីថ្លែងការណ៍ដែលចុះហត្ថលេខាដោយ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានចេញផ្សាយកាលពីយប់ នៅថ្ងៃទី១៧ ខែមករា ឆ្នាំ២០១៩កន្លងមកនេះ បានសម្តែងការសោកស្តាយយ៉ាងខ្លាំង ចំពោះសេចក្តីសម្រេចនេះដែលមិនឆ្លុះមិនឆ្លុះបញ្ចាំងពីទិដ្ឋភាពច្បាប់ពាណិជ្ជកម្មអន្តរជាតិ បទដ្ឋានបច្ចេកទេស និងសច្ចភាព ព្រមទាំងកិច្ចសហប្រតិបត្តិការដ៏ល្អកន្លងមករវាងកម្ពុជា និងសហភាពអឺរ៉ុប។

រដ្ឋាភិបាលកម្ពុជាក៏បានបង្ហាញពីផលប៉ះពាល់ ដែលនឹងកើតដល់ប្រជាកសិករកម្ពុជា ដោយសារតែការសម្រេចរបស់សហភាពអឺរ៉ុបផងដែរ ដោយនៅក្នុងសេចក្តីថ្លែងការណ៍នោះបញ្ជាក់ថា ការសម្រេចដាក់វិធានការការពារទីផ្សារដោយសហភាពអឺរ៉ុប មកលើអង្ករ ដែលមានប្រភពដើមមកពីកម្ពុជា មានឥទិ្ធពលគ្រប់គ្រាន់ សម្រាប់ដកហូតចំណូលរបស់ប្រជាកសិករក្រីក្រកម្ពុជា និងជាអាវុធធ្វើឃាតពួកគាត់ និងក្រុមគ្រួសារ ដែលកំពុងជាប់បំណុល ជាមួយនឹងស្ថាប័នឥណទាន ដែលបានផ្តល់ប្រាក់កម្ចីដល់ពួកគាត់។

សេចក្តីថ្លែងការណ៍បន្តទៀតថា ក្រសួងពាណិជ្ជកម្មកម្ពុជា កំពុងពិនិត្យផ្ទៀងផ្ទាត់សេចក្តីសម្រេចនេះ ដោយផ្អែកលើទិដ្ឋភាពច្បាប់ និងវិធានការពាណិជ្ជកម្មអន្តរជាតិ ដើម្បីបន្តតវ៉ានឹងសេចក្តីសម្រេច ដែលប្រជាជនកម្ពុជាយល់ថា ជាសេចក្តីសម្រេចដែលគ្មានសុក្រឹតភាពនិងសច្ចភាពសង្គមនិងសេដ្ឋកិច្ច។

យ៉ាងក៏ដោយរដ្ឋាភិបាលនៅតែស្នើរឲ្យសហភាពអឺរុប ពិចារណានិង ពិនិត្យឡើងវិញនូវការសម្រេចរបស់ខ្លួន ដោយផ្អែកលើវិធានការពាណិជ្ជកម្មអន្តរជាតិ និងបំណងកិច្ចសហប្រតិបត្តិការល្អជាប្រពៃណីរវាងកម្ពុជានិងសហភាពអឺរ៉ុប។

លោក ឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានគូសបញ្ជាក់ថាការសម្រេចដកពន្ធមកលើការនាំចូលអង្ករកម្ពុជាទៅកាន់សភាពអឺរ៉ុប បង្កឲ្យមានផលប៉ះពាល់ការនាំចេញអង្កររបស់កម្ពុជា ដោយសារតម្លៃនៃនាំចេញត្រូវបង់ពន្ធ ២០០ ដុល្លារក្នុងមួយតោន ដូច្នេះវាមានទំហំធំណាស់សម្រាប់ប្រទេសកម្ពុជា បើគិតការនាំចេញមួយកុងតឺនើ យើងត្រូវបង់លុយច្រើនណាស់ បើធៀបជាមួយនឹងការអត់យកពន្ធសភាពអឺរ៉ុប។

លោកឧកញ៉ាបន្តទៀតថា “ដើម្បីដោះស្រាយបញ្ហានេះ រដ្ឋាភិបាលកម្ពុជាត្រូវតែរកទីផ្សារមួយទៀត ជាពិសេសត្រូវពឹងផ្អែកទីផ្សាររបស់ប្រទេសចិនជាធំ។ លោកបន្តថា “ការចំណាយនឹងកាត់បន្ថយខ្លះ ដោយសារប្រមុខរដ្ឋាភិបាលសម្តេចតេជោ ហ៊ុន សែន បានដកមន្ត្រីតាមព្រំដែនច្រើន ស្ថាប័នដើម្បីកាត់បន្ថយការចំណាយ តែយ៉ាងណាតម្លៃនៃការដឹកជញ្ជូន និងការយកពន្ធនៅតែខ្ពស់ពិបាកក្នុងការបប្រកួតប្រជែងក្នុងទីផ្សារ។

យ៉ាងណាក៏ដោយ លោកឧកញ៉ាលឹម ហេង មិនទាន់ហ៊ានអត្ថាធិប្បាយពីការប៉ះពាល់កម្រិតណា ឬយូវអង្វែងយ៉ាងណជុំវិញសហភាពអឺរ៉ុប សម្រេចយកពន្ធការនាំចូលអង្ករពីកម្ពុជានោះទេ ដោយរងចាំមើលស្ថានភាពជាក់ស្តែង។

សហភាពអឺរ៉ុបបានចេញសេចក្តីសម្រេចកាលពីពេលថ្មីៗនេះ នឹងយកពន្ធលើអង្ករពីកម្ពុជា និងមីយ៉ាន់ម៉ាចាប់ផ្តើមនៅថ្ងៃសុក្រនេះ ដើម្បីការពារទីផ្សារសហភាពអឺរ៉ុប។ ការសម្រេចនេះ នឹងចូលជាធរមានរយៈពេល ៣ឆ្នាំ តាមវិធានការ«ការពារ»កាលពីខែមីនាឆ្នាំមុន បន្ទាប់ពីមានសំណើពីរដ្ឋាភិបាលអ៊ីតាលី៕

ដំណឹងល្អៈកម្ពុជាចិនចាប់ផ្តើមបង្កើនជើងហោះហើរត្រង់បន្ថែមទៀត

January 18, 2019

0

ដោយ វុត្ថា

សៀមរាបៈ ស្របពេលកំនើនទេសចរណ៍ និងអ្នកវិនិយោគចិនកើនឡើង ក្រុមហ៊ុនអាកាសចរណ៍ចិនថ្មីមួយទៀតហើយ ដើម្បីលើកកំពស់ទំនាក់ទំនង និងពាណិជ្ជកម្មរវាងប្រទេសទាំងពីរ។

លោក ឡ ហុងជាំង អភិបាលក្រុងស៊ីសងបាណាខេត្តយូណាន នៃសាធារណរដ្ឋប្រជាមានិតចិន នៅក្នុងជំនួបពិភាក្សានិងចុះហត្ថលេខាស្តីពី កិច្ចសហប្រតិបត្តិការកាលពីម្សិលមិញបានដឹងថា ការឲ្យមានជើងហោះហើរដោយត្រង់ពីខេត្តសៀមរាប ទៅកាន់ទីក្រុងស៊ីសងប៉ាណា គឺជាការល្អបំផុតសម្រាប់ការជួយ អភិវឌ្ឍន៍សេដ្ឋកិច្ចរបស់ប្រទេសទាំងពីរ។ ម៉្យាងទៀតក៏ជាការជម្រុញលើវិស័យទេសចរណ៍ នៃប្រទេសទាំងពីរកាន់តែមានការរីកចម្រើន ព្រមទាំងធ្វើឲ្យសេដ្ឋកិច្ចប្រជាជនទាំងពីរ កាន់តែមានភាពល្អប្រសើរទ្វេរឡើង។

លោកបន្តថា “ក្រុងស៊ីសងប៉ាណាជាទីក្រុងមួយធំជាងគេនៅប្រទេសចិន ផ្នែកអភិរក្សសត្វព្រៃ ហើយក្រៅពីនេះទីក្រុងស៊ីសងប៉ាណា ក៏ជាទីក្រុង ដ៏ធំផ្នែកកសិកម្ម ជាពិសេសលើដំណាំតែ និង ចេក”។ លោកបន្តទៀតថា “ផលិតផលតែ និងចេកនេះ បាននាំឲ្យក្រុងស៊ីសងប៉ាណា ទទួលបានអ្នកទេសចរប្រមាណ៤លាននាក់ក្នុងមួយឆ្នាំៗ”។

ក្រៅពីចង់ឲ្យមានជើងហោះហើរត្រង់រវាងក្រុងស៊ីសងប៉ាណា និង ខេត្តសៀមរាប លោក ឡ ហុងជាំង ក៏មានបំណងធ្វើកិច្ចសហប្រតិបត្តិការ ជាមួយខេត្តសៀមរាប លើផ្នែកកសិកម្ម និងការផ្លាស់ប្តូរ និស្សិតទៅសិក្សាទៅវិញទៅមកផងដែរ។

លោកទៀ សីហាអភិបាលខេត្តសៀមរាបបានបញ្ជាក់ថា ការលើកឡើងរបស់ប្រតិភូសុំឲ្យមានជើងហោះហើរត្រង់មកកាន់ខេត្តសៀមរាប ក៏ជាការជម្រុញឲ្យមានកំណើនអ្នកទេសចរណ៍ចូលមកទស្សនាប្រទេសកម្ពុជា សំខាន់ខេត្តសៀមរាប និងក៏ជាការជួយជម្រុញឲ្យជីវភាពប្រជាពលរដ្ឋ នៃប្រទេសទាំងពីរមានការរីកចម្រើនផងដែរ។ ការឆ្លើយតបនោះដែរ លោកទៀ សីហា បានឯកភាពចំពោះការលើកឡើង របស់អភិបាលក្រុងស៊ីសុងបាណា ហើយឯកឧត្តមក៏បានសន្យានឹងខិតខំធ្វើយ៉ាងណា ជម្រុញកិច្ចការនេះឲ្យបានឆាប់រហ័ស។

ក្នុងឱកាសនោះដែរភាគីទាំងពីរ ក៏បានធ្វើកិច្ចចុះហត្ថលេខា ទៅលើកំណត់ហេតុនៃកិច្ច ទំនាក់ទំនងសហប្រតិបត្តិការរវាង ក្រុងស៊ីសុងបាណា និងខេត្តសៀមរាប ដោយផ្តោតលើការលើកកម្ពស់ការផ្លាស់ប្តូរនិសិ្សត និង យល់ព្រមលើការរៀបចំឲ្យមានការហោះហើរត្រង់ពីក្រុងស៊ីសងប៉ាណា សៀមរាប ព្រមទាំងធ្វើការផ្សព្វផ្សាយ ពីសក្តានុពលទេសចរ ស៊ីសងប៉ាណា សៀមរាប ដោយរៀងរាល់ឆ្នាំនៅក្នុងក្រុងស៊ីសងប៉ាណា និង ខេត្តសៀមរាប រៀបចំកម្មវិធី ( សប្តាហ៍ សៀមរាប ឬ សប្តាហ៍ស៊ីសងប៉ាណា ) ដោយផ្តោតសំខាន់លើវិស័យទេសចរណ៍ខេត្តសៀមរាប និងក្រុងស៊ីសងប៉ាណា ។

ភាគីទាំងពីរក៏បានជម្រុញដល់រដ្ឋបាលខេត្តសៀមរាប និងក្រុងស៊ីសងប៉ាណាដើមី្បបន្តសហការរួមគ្នា ដោយស្មើសុំគោលការណ៍ឯកភាពពីថ្នាក់ដឹកនាំ នៃរដ្ឋាភិបាលប្រទេសទាំងពីរ ក្នុងការចុះអនុស្សរណៈយោគយល់គ្នា រវាងខេត្ត ក្រុង សម្ព័ន្ធមេត្រីភាពនៃប្រទេសទាំងពីរសំដៅបង្កើន កិច្ចសហប្រតិបត្តិការនឹងគ្នាលើគ្រប់វិស័យទៀតផង៕

៤ចំណុចដែលអ្នកជំនួញមិនត្រូវមើលរំលងដើម្បីអាជីវកម្មជោគជ័យ

January 18, 2019

0

ដោយវិន វិទ្យា
ភ្នំពេញ: ការធ្វើអាជីវកម្មអ្វីក៍ដោយ មិនត្រូវចាប់ផ្តើមទៅតាមការនឹកឃើញ ឬចំណង់ចំណូលចិត្តរបស់ខ្លួននោះទេ ដើម្បីឱ្យអាជីវកម្មជោគជ័យទៅបាន អ្នកជំនួញមិនត្រូវមើលរំលងចំណុចសំខាន់ៗទាំង៤ដូចខាងក្រោមឡើយ។

លោកឧកញ៉ា ចិត្រ សេរីសុភ័ក្រ្ត ដែលកំពុងមានជំនួញក្នុងដៃជាច្រើន បានលើកឡើងថា ដើម្បីឱ្យការចាប់ផ្តើមអាជីវកម្មមួយ ដំណើរការទៅមុខប្រកបដោយជោគជ័យ លុះត្រាតែអ្នកជំនួញត្រូវចេះមើល ១.ពេលវេលា ២.ថវិកា ៣.ជំនាញ និង៤.ការសម្រេចចិត្ត។

១.ពេលវេលាៈអ្នកជំនួញត្រូវចេះមើលឱកាស និងពេលវេលាសាកសមសម្រាប់ដំណើរការអាជីវកម្មរបស់ខ្លួន។ ថ្វីត្បិតថាអាជីវកម្មប្រភេទខ្លះ មានច្រើននៅលើទីផ្សារួចហើយ ប៉ុន្តែយើងនៅតែអាចមើលឃើញឱកាស ដើម្បីបញ្ច្រៀតផលិតផលរបស់យើង ចូលក្នុងទីផ្សារបាន តែធ្វើយ៉ាងត្រូវមានការប្រកួតប្រជែងទាំងតម្លៃ និងគុណភាព ធ្វើយ៉ាងណាទទួលបានការគាំទ្រពីអតិថិជនជានិច្ចនិរន្តន៍។ អ្នកជំនួញវ័យឆ្លាតមិនគិតតែយកពេលវេលា ទៅប្រជែងជាមួយគេពេកទេ តែត្រូវទុកឱកាសស្វែងរកយុទ្ឋសាស្រ្តល្អៗ ដើម្បីពង្រឹងផលិតផលឬអាជីវកម្មរបស់ខ្លួន។

២.ថវិកាៈ តាមធម្មតាការធ្វើអាជីវកម្មអាចទទួលបានជោគជ័យ និងទទួលបានហានិភ័យទន្ទឹមគ្នាផងដែរ ដូច្នេះដើម្បីឱ្យប្រាកដថាអាជីវកម្ម អាចដំណើរទៅមុខបានដោយរលូន លុះត្រាតែអ្នកជំនួញមានថវិកាគ្រប់គ្រាន់ សម្រាប់រៀបចំដំណើរការក្រុមហ៊ុន និងមានថវិកាបម្រុងមួយចំនួន នៅពេលដែលក្រុមហ៊ុនមានតម្រូវការចាំបាច់ ឬបន្ទាន់ណាមួយ។

លោកឧកញ៉ា ចិត្រ សេរីសុភ័ក្រ្តបានបញ្ជាក់ថា “ខ្ញុំនិយាយដូច្នេះមិនមែនបន្ទុចបង្អាក់ មិនឱ្យធ្វើជំនួញនោះទេ ប៉ុន្តែធាតុពិតការធ្វើជំនួញត្រូវមានថវិកាបម្រុងជានិច្ច ដែលថវិកាមានប្រភពពីគ្រួសារផ្ទាល់ ឬមានប្រភពពីបងប្អូនឬមិត្តភក្រ្តជិតស្និទ្ឋ ដែលសហការគ្នាក្នុងការរកស៊ី ឬអាចផ្តល់កម្ចីក្នុងអំឡុងពេលចាំបាច់ណាមួយឬកម្ចីពីធនាគារក៏បាន»។

៣.ជំនាញៈ ចង់ធ្វើអាជីវកម្មអ្វីមួយត្រូវប្រាកដថា ខ្លួនឯងមានជំនាញច្បាស់លាស់ ទើបអាជីវកម្មដំណើរទៅមុខដោយរលូន បើគ្មានជំនាញរវល់តែរឿងស្វែងរកឱ្យគេជួយ ត្រូវគឺត្រូវចំណាយពេលវេលា និងថវិកាអស់មួយចំនួនបាត់ទៅហើយ។

ក្រៅពីនេះអ្នកជំនួញ ត្រូវរកអ្នកជំនាញមកធ្វើការជាមួយឱ្យបាន សម្រាប់ជួយការងាររបស់ខ្លួន ពេលមានអ្នកជំនាញម្នាក់ធ្វើការស្មើអ្នកអត់ជំនាញ១០នាក់ក៍ថាបាន។ លើសពីនេះត្រូវដាក់មនុស្សទៅតាមជំនាញ និងចំណង់ចំណូលរបស់ពួកគេផង ទើបសង្វាក់ផលិតកម្មក្រុមហ៊ុន ដំណើរការទៅមុខបានលឿន។ ពិសេសត្រូវមានយុទ្ឋសាស្រ្តទីផ្សារ អ្នកជំនាញផ្នែកទីផ្សារទើបអាចលក់ផលិតផលបានច្រើនក្នុងអំឡុងពេលខ្លី។

៤.ការសម្រេចចិត្តៈ មុននឹងសម្រេចចិត្តបើកអាជីវកម្ម ត្រូវមានការសម្រេចចិត្តច្បាស់លាស់ ពិសេសស្វែងរកមិត្តភក្រ្តឬអ្នកជំនាញ ធ្វើការប្រឹក្សាយោបល់ លើមុខជំនូញរបស់យើង ដើម្បីប្រាកដថាអាជីវកម្មដែលយើងចង់រកស៊ី អាចដំណើរការទៅបានដោយរលូន ឬយ៉ាងណា។ នៅពេលដែលមានការប្រឹក្សាយោបល់ច្បាស់លាស់ហើយ យើងត្រូវពិនិត្យពេលវេលាបន្ថែមទៀត បើគិតថាពេលវេលាមកដល់ហើយ ឱកាសបានហុចមកឱ្យហើយគួរចាប់ឱ្យជាប់ ដើម្បីយកឱកាសមកធ្វើជាប្រយោជន៍ឱ្យបាន៕

រដ្ឋមន្ត្រីក្រសួងដែនដីឱ្យមន្ត្រីថ្នាក់ក្រោមជាតិចូលរួមថែររក្សាការពារដីរដ្ឋ

January 17, 2019

0

ដោយ វុត្ថា

ភ្នំពេញ៖ ឧបនាយករដ្ឋមន្ត្រី ជា សុផារ៉ារ រដ្ឋមន្ត្រីក្រសួងរៀបក្រសួងរៀបចំដែនដី នគរូបនីយកម្ម និងសំណង់ បានស្នើរឲ្យអភិបាលនៃគណៈអភិបាលរាជធានី ខេត្តដែលជាស្ថាប័នថ្នាក់ក្រោមជាតិ ចាត់វិធានការជួយពង្រឹងការគ្រប់គ្រង ថែរក្សាដីរដ្ឋឲ្យបានត្រឹមត្រូវ។

លោក ជា សុផារ៉ា បានសរសេរនៅក្នុងលិខិតផ្ញើរជូនអភិបាល នៃគណៈអភិបាលរាជធានី ខេត្ត នៅថ្ងៃទី ១៧ ខែមករា ឆ្នាំ ២០១៩ នេះ បានបញ្ជាក់ថា អាជ្ញាធរថ្នាក់រាជធានី ខេត្ត ត្រូវសហការជាមួយអាជ្ញាធរ កាន់កាប់ដីរដ្ឋ ផ្តល់ទិន្ន័យដីរដ្ឋដែលស្ថិតក្នុងសមត្ថកិច្ចកាន់កាប់គ្រប់គ្រងរបស់អង្គភាពរៀងៗខ្លួន ដាក់បញ្ចូលក្នុងផែនទីរួម រៀបចំបោះបង្គោលព្រំដី និងរៀបចំប៉ានណូផ្សព្វផ្សាយដល់សាធារណៈជន សំដៅរួមគ្នាការពារដីរដ្ឋទាំងនោះសម្រាប់ប្រយោជន៍រួម។

លិខិតនេះបញ្ជាក់ទៀតថា ជាមួយគ្នានេះ អាជ្ញាធររាជធានី ខេត្តសូមផ្តល់កិច្ចសហការក្នុងការចុះបញ្ជីដីរដ្ឋ ព្រមទាំងទប់ស្កាត់ការចូលទន្ទ្រានកាន់កាប់ និងមិនអនុញ្ញត្តិធ្វើការចរន្តការក្នុងការចេញប័ណកម្មសិទ្ធិ លើកលែងករណីដែលមានការសម្រេចពីប្រមុខរាជរ ដ្ឋាភិបាល៕

Toul Kork Starts Rising in Condominium Market

January 17, 2019

0

By: Vutha

PHNOM PENH: Toul Kork district is one of among 4 districts located in the Phnom Penh city. The real estate market in this area has been growing from year to year. There are a lot of potentials and investments in condominium projects in this area.

CEO of International Real Estate ERA, Mr. Khon Kongkea, said yesterday that Toul Kork area, currently there are not so many big number of condo projects, but It becomes one of area has so many opportunities to invest and making other kind of businesses as we can see now, there are big community development projects such as as Phnom Penh Center, Parkway, and One Park, etc.
“Condominium is no interest to Cambodia people now but a favor to foreigner”. He said “Living in condo offers many outlets such food stores, healthy club and swimming pool”.

He added “A lot of people will come to live in this area when there are many condominium projects and shopping centers gathering here. He believes soon Cambodian will turn to it.

Mr. Chrek Soknim, President of Cambodia Valuers and Estate Agent Association (CVEA) said that condominium market is getting attraction but incomparable the other popular area. He expects in the 5 to 7 years later, there will have many local people start to enjoy living in condos.

He also stated that currently, 20 condominium projects in the area are in progressing and it will be $1800 to $3000 per square meter prices.

Ms. An Sothida, director of CBRE Cambodia, said the potential Toul Kork area has so much development in last two years and another fact that it is not so far from Phnom Penh center with good infrastructures, low land prices, and now it becomes the most interesting area for investors to develop condominium projects.

បន្ទាប់ពីប្រកាសសាងសង់ស្ពានតម្លៃដីនៅកោះអន្លង់ចិនហក់ឡើងយ៉ាងគំហុក

January 17, 2019

0

ដោយគង់ សូរិយា
ភ្នំពេញ: តម្លៃដីនៅកោះអន្លង់ចិន ក្នុងខេត្តកណ្តាល បានកើនឡើងយ៉ាងគំហុកបន្ទាប់ប្រមុខរាជរដ្ឋាភិបាលកម្ពុជា ប្រកាសបើកការដ្ឋានសាងសង់ផ្លូវការក្រវាត់ក្រុងទី៣ និងមានស្ពានពីរនឹងត្រូវសាងសង់ ឆ្លងកាត់កោះនៅកណ្តាលទន្លេបសាក់នេះ។

ប្រធានក្រុមប្រឹក្សាឃុំកោះអន្លង់ចិន លោក ជ្រិន ជ្រៀង បានមានប្រសាសន៍ឲ្យដឹងនាព្រឹកថ្ងៃទី១៦ មករាកន្លងមកថា តំលៃដីធ្លីនៅលើកោះអន្លង់ចិនកាលពីមុន ត្រឹមតែប្រមាណ១តម្លឹងមាសក្នុងមួយឡូតិ៍ ដែលមានទំហំដីប្រមាណជិត១០០០ម៉ែត្រការ៉េ។

ក្រោយមកបានឡើង រហូតមកដល់៣ម៉ឺនដុល្លារអាមេរិកក្នុងមួយឡូត៍។ ប៉ុន្តែបន្ទាប់ពីសម្តេចតេជោ ហ៊ុន សែន ប្រកាសបើកការដ្ឋានសាងសង់ស្ពានផ្លូវក្រវាត់ក្រុងទី៣រួចមក បានធ្វើអោយតំលៃនៅលើកោះអន្លង់ចិន បានហក់ឡើងប្រមាណពី៨០ទៅ១០០ដុល្លាអាមេរិកក្នុងមួយម៉ែត្រការ៉េ។

លោកបន្តថា “បច្ចុប្បន្ន ប្រសិនប្រជាពលរដ្ឋហ៊ានប្រកាសថាលក់ដីនោះ នឹងមានឈ្មួញចុះទៅទិញភ្លាម ប៉ុន្តែនៅពេលបច្ចុប្បន្ននេះ ប្រជាពលរដ្ឋហាក់នៅចាំមើលគេមើលឯងសិន តែទោះយ៉ាងណាមួយចំនួនធំ គឺគេគ្មានបំណងនឹងលក់ដីផ្ទះសំដែង និងដីដំណាំរបស់ខ្លួននោះទេ”។

អនុប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា លោកយិន លាងគង់ បានមានប្រសាសន៍ថា លោកមិនមានការភ្ញាក់ផ្អើលពីកំនើនតម្លៃដីធ្លីនេះទេ ដោយសារការអភិវឌ្ឍហេដ្ឋារចនាសម្ព័ន្ឋជាកត្តាមួយ ក្នុងចំណោមកត្តាចំនងៗជាច្រើន ដែលធ្វើឲ្យតម្លៃដីកើនឡើង។

លោកបន្តថា ការវិនិយោគហេដ្ឋារចនាសម្ព័ន្ឋរបស់រដ្ឋាភិបាល មិនត្រឹមតែជួយឲ្យតម្លៃអចលនទ្រព្យកើនឡើងនោះទេ តែជាផ្នែកមួយនៃការអភិវឌ្ឍសេដ្ឋកិច្ចសង្គម ពិសេសជាការកាត់បន្ថយភាពក្រីក្ររបស់ប្រជាពលរដ្ឋ និងជាការបង្រួម
គំលាតនៃការអភិវឌ្ឍរវាងទីក្រុង និងជនបទផងដែរ។

លោកបន្តថា “កត្តាដែលធ្វើឲ្យតម្លៃដីធ្លីកើនឡើងមានច្រើន ដូចជាសុខសន្តិភាព កំនើនសេដ្ឋកិច្ច លំហូរនៃការវិនិយោគផ្ទាល់ពីបរទេស និងផែនការអភិវឌ្ឍន៍របស់រដ្ឋាភិបាល”៕

ពន្ធប៉ាតង់មានន័យដូចម្ដេច?

January 17, 2019

0

ពន្ធប៉ាតង់គឺត្រូវបានកំណត់ឱ្យសហគ្រាស ក្រុមហ៊ុនទាំងអស់បង់ប្រចាំឆ្នាំគឺដើម្បីរាប់សហគ្រាស និងក្រុមហ៊ុនទាំងនោះតាមទីតាំងរដ្ឋបាលដែលសហគ្រាស និងក្រុមហ៊ុនស្ថិតនៅ។ (ពន្ធរាប់ចំនួនសហគ្រាសក្រុមហ៊ុន)។ ពន្ធនេះត្រូវបានដាក់ជាប្រយោជន៍ថវិកាថ្នាក់ក្រោមជាតិ។

១.តើពន្ធប៉ាតង់ជាអ្វី?
ពន្ធប៉ាតង់ ជាពន្ធកំណត់លើផលរបរសរុបប្រចាំឆ្នាំដែលត្រូវបង់ក្នុងអំឡុងពេលចាប់ផ្តើមពីថ្ងៃ ទី ១ មករាដល់ថ្ងៃទី ៣១ ខែមិនាជារៀងរាល់ឆ្នាំ។ សម្រាប់សហគ្រាស ឬ ក្រុមហ៊ុនដែលទើបចាប់ផ្តើមប្រកបអាជីវកម្ម ត្រូវបងពន្ធប៉ាតង់ពេញមួយឆ្នាំ ប្រសិនបើចាប់ផ្តើមប្រកបអាជីវកម្មក្នុងរយៈពេល៦ខែដើមឆ្នាំ ឬ បង់ពន្ធប៉ាតង់ពាក់កណ្តាលឆ្នាំ ប្រសិនបើចាប់ផ្តើមប្រកបអាជីវកម្មក្នុងរយៈពេល៦ខែចុងឆ្នាំ។

សហគ្រាស ឬ ក្រុមហ៊ុនដែលមានសាខា ឃ្លាំង រោងចក្រ រោងជាង សម្រាប់មុខរបរអាជីវកម្មតែមួយ នៅក្នុងខេត្ត/ក្រុងតែមួយ មិនចាំបាច់បង់ពន្ធប៉ាតង់ផ្សេងគ្នាទេ។ ប៉ុន្តែបើមានមុខរបរអាជីវកម្មខុសៗគ្នា ឬ ស្ថិតនៅក្នុងខេត្ត/ក្រុងផ្សេងគ្នា ត្រូវបង់ពន្ធប៉ាតង់នៅតាមមុខរបរនីមួយៗ និងទៅតាមខេត្ត/ក្រុងដោយឡែកៗពីគ្នា។

២.តើប្រាក់ពន្ធប៉ាតង់ត្រូវបានកម្រិតយ៉ាងដូចម្តេច?
កម្រិតប្រាក់ពន្ធប៉ាតង់ត្រូវបង់ត្រូវបានកំណត់ដូចខាងក្រោម៖
១ អ្នកជាប់ពន្ធតូច ត្រូវបង់ពន្ធប៉ាតង់ប្រចាំឆ្នាំចំនួន ៤០០ ០០០រៀល។
២ អ្នកជាប់ពន្ធមធ្យម ត្រូវបង់ពន្ធប៉ាតង់ប្រចាំឆ្នាំចំនួន ១ ២០០ ០០០រៀល។
៣ អ្នកជាប់ពន្ធធំដែលមានផលរបរ៖
ក លើសពី ២ ០០០ លានរៀល ដល់ ១០ ០០០លានរៀល ត្រូវបង់ពន្ធប៉ាតង់ប្រចាំឆ្នាំចំនួន ៣ ០០០ ០០០រៀល។
ខ លើសពី ១០ ០០០លានរៀល ត្រូវបង់ប៉ាតង់ប្រចាំឆ្នាំចំនួន ៥ ០០០ ០០០រៀល។

អ្នកជាប់ពន្ធធំដែលមានសាខា ឃ្លាំង រោងចក្រ រោងជាង សម្រាប់សកម្មភាពអាជីវកម្មតែមួយដែលស្ថិតនៅតាមរាជធានី-ខេត្តផ្សេងគ្នា ត្រូវបង់ពន្ធប៉ាតង់ចំនួន ៣ ០០០ ០០០ រៀល នៅតាមរាជធានី ខេត្តដែលអាជីវកម្មនោះស្ថិតនៅ។

ប្រភព៖ ក្រសួងសេដ្ឋកិច្ច និងហិរញ្ញវត្ថុ

រដ្ឋាភិបាលនឹងអនុម័តគោលនយោបាយលើកទឹកចិត្តវិស័យSMEនៅពេលឆាប់ៗនេះ

January 17, 2019

0

ដោយដែន ចែងចាំង
ភ្នំពេញ: មន្ត្រីជាន់ខ្ពស់ក្រសួងឧស្សាហកម្ម និងសិប្បកម្មបានអះអាងថា យ៉ាងយូរក្នុងរយៈពេល២ខែទៅ៣ខែទៀត គោលនយោបាយលើកទឹកចិត្តសហគ្រាសធុនតូច និងមធ្យម ដែលក្រសួងឧស្សាហកម្មរៀបចំតាំងពីយូរមកហើយនោះ នឹងត្រូវអនុម័តដោយរាជរដ្ឋាភិបាលដើម្បីអនុវត្តជាផ្លូវការ។

ថ្លែងប្រាប់អ្នកសារព័ត៌មាននៅថ្ងៃទី១៥ ខែមករាកន្លងមកនេះ លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្មបានថ្លែងថា យ៉ាងយូរនៅក្នុងរយៈពេល១ខែទៀត ក្រសួងឧស្សាហកម្ម នឹងដាក់ឆ្លងសេចក្តីព្រាងគោលនយោបាយលើកទឹកចិត្តសហគ្រាសធុនតូច និងមធ្យមនៅកម្ពុជា ទៅគណកម្មការគោលនយោបាយសេដ្ឋកិច្ចនិងហិរញ្ញវត្ថុ ហើយបន្ទាប់ពីដាក់ឆ្លង និងរំពឹងថានៅក្នុងរយៈពេល១ខែបន្ទាប់ គោលនយោបាយនេះនឹងទទួលបានការអនុម័តដោយរាជរដ្ឋាភិបាល។

លោកបន្តថា “បច្ចុប្បន្នបើទោះកម្ពុជា នៅមិនទាន់គោលនយោបាយលើកទឹកចិត្តសហគ្រាសខ្នាតតូច និងមធ្យមនេះក៏ដោយ បច្ចុប្បន្នក៏មានសហគ្រាសមួយចំនួនដែលមានសក្តានុពលនាំចេញ ត្រូវបានរាជរដ្ឋាភិបាលផ្តល់ការលើកទឹកចិត្ត និងការអនុគ្រោះផ្នែកពន្ធផងដែរ”។

លោកបន្តថា “នៅពេលដែលគោលនយោបាយប្រកាសអនុវត្តផ្លូវការនោះ បណ្តាសហគ្រាដែលមានសក្តានុពលនិងមានអាជីវកម្មរឹងម៉ាំ អាចប្រកួតប្រជែងជាមួយទំនិញក្រៅប្រទេសបាន គឺរាជរដ្ឋាភិបាល នឹងផ្តល់គោលនយោបាយលើកទឹកចិត្ត អាចជាការអនុគ្រោះពន្ធដារ ការផ្តល់ទុន ដើម្បីបង្កើនការផលិតជាដើម”។

តាមរបាយការណ៍របស់ក្រសួងឧស្សាហកម្ម និងសិប្បកម្មបានបង្ហាញថា មកដល់ដំណាច់ឆ្នាំ២០១៨នេះ កម្ពុជាមានសហគ្រាសខ្នាតតូច ខ្នាតមធ្យម និងសិប្បកម្ម មានចំនួនប្រមាណជិត៥២ម៉ឺនមូលដ្ឋាន។ ដោយឡែកសហគ្រាសធុនតូច មធ្យមនិងសិប្បកម្មកម្មន្តសាលមានប្រមាណជិត១៥ម៉ឺន៧ពាន់មូលដ្ឋាន ក្នុងនោះ សហគ្រាសធុនមធ្យម ប្រមាណ០.៩ភាគរយ សហគ្រាសធុនតូចប្រមាណ៩.៤ភាគរយ និងសិប្បកម្មកម្មន្តសាលប្រមាណ៨៩.៨ភាគរយ។

ប្រមុខរដ្ឋាភិបាលក៏បានប្រកាសវិនិយោគ១០០លានដុល្លារ ដើម្បីបង្កើតធនាគារSMEនាឆ្នាំនេះផងដែរ។

ជាការលើកទឹកចិត្តដល់អ្នកធុរកិច្ចក្នុងស្រុក សម្តេចតេជោហ៊ុន សែនកាលពីសប្តាហ៍មុនបានប្រកាសដកមន្រ្តីនៅតាមព្រំដែនទាំងអស់ចេញ ដោយទុកតែមន្រ្តីគយ និងអន្តោប្រវេសន៍ប៉ុណ្ណោះ ដោយសម្តេចអះអាងថា មន្រ្តីទាំងនោះអាចរារាំងនិងធ្វើឲ្យការចំណាយនាំចេញ នាំចូលកើនឡើង។

សម្តេចបន្តថា “គោលនយោបាយដាក់ចេញកន្លងមកមិនប្រាកដថា ត្រឹមត្រូវនោះទេ ហេតុនេះយើងត្រូវធ្វើកំណែទម្រង់ ដើម្បីពង្រឹងឯករាជ្យភាពរបស់កម្ពុជា”៕