ឯកអគ្គរដ្ឋទូតចិនបញ្ជាក់ពីមូលហេតុធំៗចំនួន៤ដែលចិនមកវិនិយោគច្រើននៅកម្ពុជា

January 17, 2019

ដោយគង់ សូរិយា
ភ្នំពេញ: ស្របពេលលំហូរអ្នកវិនិយោគចិនកើនឡើងយ៉ាងគំហុកនៅកម្ពុជា ក៏មានចម្ងល់ជាច្រើនលើកឡើងហេតុអ្វីបានជាចិន បាននិងកំពុងវិនិយោគកាន់តែច្រើននៅកម្ពុជា?។

មានប្រសាសន៍ប្រាប់ក្រុមអ្នកាសែត ក្នុងសន្និសីទសារព័ត៌មានកាលរសៀលថ្ងៃទី១៦ ខែមករា ឆ្នាំ២០១៩កន្លងមក លោកWang wentian ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជាបានមានប្រសាសន៍ឲ្យដឹងថា កំណើនអ្នកវិនិយោគចិនមកបណ្តាក់ទុនច្រើន នៅកម្ពុជាដោយសារទំនាក់ទំនងកិច្ចសហប្រតិបត្តិការរវាងចិន និងកម្ពុជាមានភាពរឹងមាំ និងរីកចម្រើន។

លោកបន្តថា ស្ថិរភាពនយោបាយនៅកម្ពុជាក៏ជាកត្តាដែលជំរុញ កំណើនអ្នកវិនិយោគចិននៅកម្ពុជា បូករួមជាមួយរាជរដ្ឋាភិបាលកម្ពុជា ក្រោមការដឹកនាំរបស់ គណបក្សប្រជាជនកម្ពុជាដែលធ្វើឱ្យកម្ពុជាមានភាពរឹងមាំល្អ ក៏ជាផ្នែកមួយទៀតដែលធ្វើ ឱ្យអ្នកវិនិយោគចិនមកបណ្តាក់ទុកនៅកម្ពុជាច្រើនផងដែរ។

លោកបន្តថា “បរិយាកាសវិនិយោគ និងគោលនយោបាយរបស់កម្ពុជាល្អ ក៏ជាកត្តារួមផ្សំ ដែលធ្វើឱ្យអ្នកវិនិយោគចិនមកបណ្តាក់ទុននៅកម្ពុជា”។ លោកបន្តថា “ការបង្កើនការវិនិយោគ របស់អ្នកវិនិយោគិនចិននៅកម្ពុជា គឺជាកិច្ចពង្រឹងកិច្ចសហប្រតិបត្តិការគ្រប់ជ្រុងជ្រោយរវាងប្រទេសទាំងពីរ”។

លោក Wang wentian បានបន្តថា តាមរយៈការវិនិយោគិនចិនមកបណ្ដាក់ទុននៅកម្ពុជាកាន់តែច្រើននេះ នឹងធ្វើឱ្យសេដ្ឋកិច្ចរបស់កម្ពុជាកាន់តែមានការរីកចម្រើន និងបង្កើនឱកាសការងារច្រើនដល់ពលរដ្ឋកម្ពុជាផងដែរ។

ជាមួយគ្នានេះ ក្នុងឳកាសចូលរួមសម្ភោធបើកការដ្ឋានសាងសង់ផ្លូវក្រវ៉ាត់ក្រុងទី៣ កាលពីដើមសប្តាហ៍នេះ លោកWang Wentianបានមានប្រសាសន៍ឲ្យដឹងផងដែរថា ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា បានមានប្រសាសន៍ថា ការអភិវឌ្ឈជាតម្រូវការដាច់ខាត ដែលក្នុងរយៈពេលរយៈពេល២០ឆ្នាំចុងក្រោយនេះ ក្រោមការដឹកនាំរបស់សម្តេចតេជោ សេដ្ឋកិច្ចកម្ពុជាសម្រេចបាន នូវការអភិវឌ្ឈយ៉ាងឆាប់រហ័ស ដែលក្នុងឆ្នាំ២០១៨ សេដ្ឋកិច្ចកម្ពុជាសម្រេចបានកំនើន៧,៣ភាគរយ ដែលធ្វើឲ្យកម្ពុជាក្លាយជាប្រទេសលូតលាស់យ៉ាងលឿនបំផុតក្នុងតំបន់នេះ។

លោកបន្តថា “ប្រទេសកម្ពុជាត្រូវគេស្គាល់ថាជាខ្លាសេដ្ឋកិច្ចថ្មីនៃអាស៊ី ដែលជាបងប្អូនល្អ និងមិត្តភ័ក្តល្អរបស់កម្ពុជា ប្រទេសនិងប្រជាជនចិនមានការរីករាយដែលឃើញកម្ពុជាបានស្ថាបនាជាតិ”។លោកបន្តថា “យើងជឿជាក់ថាប្រសិនជាប្រទេសកម្ពុជាអាចបន្តរក្សាសន្តិភាព ស្ថេរភាពនយោបាយដូចបច្ចុប្បន្ន គោលដៅដែលកំណត់ដោយសម្តេចនាយករដ្ឋមន្រ្តីដែលចង់ឲ្យកម្ពុជា ក្លាយជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ នឹងទទួលបានជោគជ័យ”។

លោកឯកអគ្គរដ្ឋទូតបានបន្តថា ឆ្នាំ២០១៨កន្លងទៅ ជាឆ្នាំដ៏សំខាន់ដែលប្រទេសកម្ពុជា ចិនបានប្រារពខួបលើកទី៦០ នៃទំនាក់ទំនងកាទូតរវាងប្រទេសទាំងពីរ ហើយយើងរីករាយ ក្នុងការគោរពគ្នាទៅវិញទៅមក យើងយោគយល់គ្នាទៅវិញទៅមក និងការគាំទ្រគ្នាទៅវិញទៅមក ការទុកចិត្តគ្នាទៅវិញទៅមក ដែលបង្ហាញនូវការទុកចិត្តគ្នាពីបេះដូងរវាងចិន និងកម្ពុជា ដែលយើងដល់ចំណុចចាប់ផ្តើម៦០ឆ្នាំថ្មីមួយទៀត នៃទំនាក់ទំនងចិន និងកម្ពុជា ហើយយើងមានទំនុកចិត្តដ៏រ៉ឹងមាំ និងជឿជាក់ថា ដោយការខិតខំប្រឹងប្រែងនៃមេដឹកនាំប្រទេសទាំងពីរ បេះដូងចិននិងកម្ពុជា នឹងក្លាយទៅជាសមាគមរួមវាសនាតែមួយ ដែលមានអត្ថន័៧ជាយុទ្ឋសាស្រ្តជាដាច់ខាត។

លោកបន្តថា “មិត្តភាពរវាងចិន និងកម្ពុជា មិនត្រឹមតែផ្តល់អត្ថប្រយោជន៍ដល់ប្រជាជននៃប្រទេសទាំងពីរទេ ថែមទាំងមានសារៈសំខាន់សំរាប់សន្តិភាព និងស្ថេរភាពក្នុងតំបន់យើងផងដែរ”។

លោកបណ្ឌិតហុង វណ្ណៈអ្នកស្រាវជ្រាវសេដ្ឋកិច្ច នៃរាជបណ្ឌិតសភាកម្ពុជាបាន លើកឡើងស្រដៀងនឹងអ្វីដែលជាការថ្លែងរបស់ឯកអគ្គរដ្ឋទូតចិន ដោយលោកបានមានប្រសាសន៍ថា កំនើននៃការវិនិយោគរបស់ចិន ដោយសារហេតុផលជាច្រើន កត្តាទីមួយគឺទំនាក់ទំនងជាដៃគូយុទ្ឋសាស្រ្តគ្រប់ជ្រុងជ្រោយនៃប្រទេសទាំងពីរ គោលនយោបាយខ្សែក្រវ៉ាត់១ ផ្លូវ១របស់ចិន កត្តាសុខសន្តិភាព ស្ថេរភាពនយោបាយ និងកំនើនសេដ្ឋកិច្ចរបស់កម្ពុជា និងកត្តាភូមិសាស្រ្តនយោបាយ។

លោកបន្តថា “ភូមិសាស្រ្តនយោបាយជារឿងសំខាន់មិនអាចខ្វះបាន ដោយសារនៅក្នុងតំបន់នេះមានតែកម្ពុជា ជាមិត្តដ៏ល្អនិងស្មោះត្រង់របស់ចិន ខណៈអាមេរិកបានចងសម្ព័ន្ឋមិត្តជាមួយប្រទេសថៃ និងវៀតណាម ព្រមទាំងប្រទេសជាច្រើនក្នុងតំបន់រួចទៅហើយ”៕

ខ័ណ្ឌទួលគោកចាប់ផ្តើមមានសក្តានុពលសម្រាប់ទីផ្សារខុនដូ

January 17, 2019

ដោយវុត្ថា
ភ្នំពេញ: ជាខ័ណ្ឌមួយមានសក្តានុពល ក្នុងចំណោមខ័ណ្ឌស្ថិតនៅកណ្តាលក្រុងទាំង៤ ទួលគោកបាននិងកំពុងមានការវិនិយោគលើអាគារសហកម្មសិទ្ឋ ឬខុនដូកាន់តែច្រើន ដោយសារទីផ្សារនៅតំបន់នេះចាប់ផ្តើមហុចសក្តានុពលពីមួយឆ្នាំទៅមួយឆ្នាំ។

អគ្គនាយកក្រុមហ៊ុអចលនទ្រព្យអន្តរជាតិERA លោកខន គង្គាបានមានប្រសាសន៍ឲ្យដឹងកាលពីរសៀលថ្ងៃទី១៦ មករាកន្លងមកថា ខ័ណ្ឌទួលគោកមិនទាន់មានគម្រោងអភិវឌ្ឍន៍ខុនដូច្រើនប៉ុន្មានទេនៅក្នុងតំបន់នេះ ដែលជាកត្តាធ្វើឲ្យតំបន់នេះមានសក្តានុពលក្នុងការវិនិយោគ ជាពិសេសតំបន់នេះ វាចាប់ផ្តើមមានការរីចម្រើនទៅលើសហគមន៍ធំៗដូចជា គម្រោង Phnom Penh Center និង One Park ជាដើមទៅអភិវឌ្ឍន៍នៅក្នុងតំបន់នេះ។

លោកបន្តថា “ប្រជាពលរដ្ឋខ្មែរ មិនសូវមានការចាប់អារម្មណ៍ចំពោះខុនដូរនាពេលបច្ចុប្បន្ននេះ តែសម្រាប់ជនបរទេសគឺបានគេចាប់អារម្មណ៍ តែនៅពេលអនាគតប្រាកដណាស់ប្រជាពលរដ្ឋខ្មែរនឹងចាប់អារម្មណ៍”។ លោកបន្តថា “ការរស់នៅខុនដូរមានទាំងកន្លែងញាំម្ហូបអាហារ មជ្ឈមណ្ឌលកំសាន្តកុមារ កន្លែងលេងកីឡាហាត់ប្រាណលើគោក និងអាងហែលទឹកជាដើម”។

លោកគង្គាបានបន្តថា នៅពេលមានគម្រោងខុនដូ និងមជ្ឈមណ្ឌលពាណិជ្ជកម្មច្រើននៅក្នុងតំបន់ទួលគោកនេះ កាន់តែច្រើនបែបនេះ នឹងធ្វើឲ្យប្រជាពលរដ្ឋមករស់នៅ និងធ្វើពាណិជ្ជកម្មផ្សេងៗក្នុងដំបន់នេះកាន់តែច្រើន ហើយដីក៏មានតម្លៃថ្លៃផងដែរ។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីមបានឲ្យដឹងដែរថា សម្រាប់ទីផ្សារខុនដូនៅក្នុងតំបន់ទួលគោក កំពុងតែចាប់ផ្តើមតែមិនទាន់ជាផុលផុស ដូចតំបន់មួយចំនួននៅក្នុងទីក្រុងភ្នំពេញនោះទេ ព្រោះប្រជាពលរដ្ឋខ្មែរមិនទាន់ពេញពេញនិយមចំពោះការរស់នៅក្នុងខុនដូ តែក្នុងរយៈពេលប្រហែលជា៥ទៅ ៧ ឆ្នាំទៀត ប្រជាពលរដ្ឋខ្មែរនឹងងាកមករស់នៅក្នុងខុនដូ ហើយទីផ្សារនៅក្នុងតំបន់នេះ នឹងមានការកើនឡើងខ្លាំង។

លោកបន្តថា តាមលោកសង្កេតឃើញបច្ចុប្បន្ន មានគំរោងខុនដូប្រមាណ២០កំពុងសាងសង់នៅតំបន់នេះ ហើយតម្លៃខុនដូបើគិតជាម៉ែត្រការ៉េ គឺមានតម្លៃចន្លោះពី១៨០០ដល់៣០០០ដុល្លារអាមេរិកក្នុងមួយម៉ែត្រការ៉េ”។

អ្នកនាងអាន សុធីតា នាយិកាក្រុមហ៊ុនCBRE Cambodiaបានឲ្យដឹងផងដែរថា តំបន់ទួលគោក ជាតំបន់មានសក្តានុពល និងរីកចម្រើនខ្លាំងក្នុងរយៈពេល២ឆ្នាំចុងក្រោយនេះ ហើយនៅមិនឆ្ងាយពីកណ្តាលភ្នំពេញនោះទេ មានទាំងហេដ្ឋារចនាសម្ព័ន្ធល្អ តម្លៃដីក៏នៅមានតម្លៃសមរម្យ និងជាកន្លែងចាប់អារម្មណ៍របស់អ្នកវិនិយោគនានាទៀតផង។

អ្នកនាងបន្តថា “តំបន់នេះ ព្រោះវាមានសក្តានុពលអភវិឌ្ឍន៍លើវិស័យខុនដូ ហើយមិនយូមិនឆាប់តំបន់នេះ និងរីកដុះដាលខ្លាំងលើវិស័យនេះ ដែលអាចប្រកួតប្រជែងជាមួយតំបន់ផ្សេងទៀតបាន”៕

ពាក្យចចាមអារ៉ាម៖ រដ្ឋាភិបាលគ្រោងបង្កើតខ័ណ្ឌចំនួន៣ទៀតនៅក្រុងភ្នំពេញ

January 16, 2019

ដោយ គង់ សូរិយា

ភ្នំពេញ៖ យោងតាមប្រភពស្និទ្ធនឹងក្រសួងមហាផ្ទៃបានឲ្យដឹងថា ក្រសួងមហាផ្ទៃបានដាក់សំណើសុំបង្កើតខ័ណ្ឌចំនួន ៣បន្ថែមទៀត នៅរាជធានីភ្នំពេញ ទៅសម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

ប្រភពពីមន្ត្រីជាន់ខ្ពស់ក្រសួងមហាផ្ទៃ បានមានប្រសាសន៍ឲ្យដឹងក្នុងលក្ខខ័ណ្ឌមិនបញ្ចេញឈ្មោះកាលពីដើមសប្តាហ៍នេះថា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដាក់សំណើលើគម្រោងពង្រីកខ័ណ្ឌទាំងបីនេះ ទៅប្រមុខរដ្ឋាភិបាលរួចហើយ ប៉ុន្តែមិនទាន់ដឹងថាសម្តេចនឹងយល់ព្រម ឬយ៉ាងណាឡើយ។

ប្រភពដដែលបានឲ្យដឹងថា ខ័ណ្ឌចំនួនបីនោះរួមមាន ខ័ណ្ឌបឹងកេងកង ដោយបំបែកចេញពីខ័ណ្ឌចំការមន ខ័ណ្ឌកំបូលដោយបំបែកចេញពីខ័ណ្ឌព្រែកព្នៅ និងខ័ណ្ឌសែនសុខ និងខ័ណ្ឌមួយទៀតមិនទាន់បញ្ចេញនៅឡើយ។ ទោះជាយ៉ាងណាគំរោងពង្រីកខ័ណ្ឌនេះមិនដឹងមានការសម្រេចបែបណានៅឡើយទេ។

ក្នុងដំណើរទស្សនកិច្ចទៅកាន់ប្រទេសបារាំងកាលពីចុងឆ្នាំមុន លោក ឃួង ស្រេងអភិបាលក្រុងភ្នំពេញ បានស្នើសុំអ្នកជំនាញបារាំងជួយសិក្សាលទ្ឋភាព ពង្រីកទីក្រុងភ្នំពេញបន្ថែមទៀតនាពេលខាងមុខនេះ។

រាជធានីភ្នំពេញបច្ចុប្បន្នមានខ័ណ្ឌចំនួន១២រួចហើយ និងមានផ្ទៃក្រឡា៦៧៨គីឡូម៉ែត្រក្រឡា។

ទោះជាយ៉ាងណាលោក មាស ម៉េតភ័ក្តី អ្នកនាំពាក្យរដ្ឋបាលរាជធានីភ្នំពេញបានមានប្រសាសន៍ឲ្យដឹងតាមទូរស័ព្ទនារសៀលថ្ងៃទី១៦ មករានេះថា លោកមិនបានដឹងពីព៌តមាននេះនៅឡើយទេ៕

Kong Rong Samloem’s Investors To Set up Dirty Water Reservoir: Governor urges

January 16, 2019

By Vutha
SIHAKNOUK VILLE, The Governor of Sihaknoukville province urged for corporation from all the business and tourism operators in Koh Rong Samloem, to set up a properly dirty water reservoir to avoid draining the wastewater into the sea which affect to the environment and the beach.

On January 14, 2019, Governor of Sihaknoukville Mr. Yun Min led a numbers of his junior officers to visit the development of Kong Rong Island, to inspect the actual and the progressing of the entire projects under licensed companies.

“Sihaknouk Ville has had rapidly developments in the past 3 years and wastewater has become a major concern.” He said.

He also suggested all the business owners, guesthouses, hotel, bungalows, resorts and restaurants to ensure their wastewater has been filtered before pouring them into the sea.
With the national level supporting, four dumping stations are now under construction in Sihaknouk Ville mainland and a big 16-hectare toxic filter station will work together to prevent pouring wastewater into the sea.

He believed that the wastewater management will be sort out quite soon, but the presentsolution, the mainland’s business operator in some areas are now setting up the Dirty Water Purification reservoir while province administration is pushing the same in other areas.

Recently, the Royal Government approved millions of dollar on water treatment project in Sihaknouk Ville, soon after an inter-ministerial meeting led by Deputy Prime Minister Chea Sophara and Minister of Land Management, Urban Planning and Construction.

Mr. Thong Khon, Minister of Tourism said the wastewater now become a challenge issue for Preah Sihanouk province as the population growth, infrastructure systems especially water filtration system. However government is now paying so much attention with this.
“We have to work together, to think together, to work together and to be responsible together for this matter,” he said.

អាជីវកម្មបោកអ៊ុត មុខរបរតូចតែក៏អាចរកចំណូលបាន ៦០០ដុល្លារក្នុង១ខែដែរ

January 16, 2019

ដោយ វិន វិទ្យា

ភ្នំពេញ៖ មើលរូបភាពីក្រៅការងារលើអាជីវកម្មបោកអ៊ុតសម្លៀកបំពាក់ ហាក់មិនសូវធំដុំប៉ុន្មានទេ តែការពិតមុខរបរនេះអាចរកចំណូលបាន៦០០ដុល្លារក្នុងមួយខែដែរ សំរាប់ការធ្វើអាជីវកម្មជាលក្ខណៈគ្រួសារតូចមួយ ហើយចំណូលនេះមិនគិតពីអាជីវកម្មមានលក្ខណៈធំនោះទេ។

លោកស្រី ឃិត សុភ័ក្ត្រ អាជីវករបោកគក់នៅក្នុងបូរីពិភពថ្មីកំបូលមានប្រសាសន៍ឲ្យដឹងនាព្រឹកថ្ងៃទី១៦ មករានេះថា ដោយសារមិនចង់ធ្វើការឱ្យគេ ព្រោះមិនមានអ្នកមើកកូនជំនួសនៅផ្ទះ អ្នកស្រីបានសម្រេចចិត្ត បើកអាជីវកម្មបោកគក់លក្ខណៈគ្រួសារ នៅផ្ទះខ្លួនឯងផ្ទាល់កាលពីអំឡុង២ឆ្នាំមុន ហើយនៅក្នុងដំណាក់កាលដំបូងនោះ មិនទាន់មានអតិថិជនច្រើននៅឡើយទេដោយភាគច្រើន ជាអ្នកជាប់ផ្ទះភូមិផងរបងជាមួយ មកបោកគក់ជាប្រចាំពិសេសសំបូរម៉ូយនៅរៀងរាល់ថ្ងៃសៅរនិងថ្ងៃអាទិត្យ។

ទោះជាឧស្សាហកម្មរបស់លោកស្រី មិនបានទិញពាណិជ្ជសញ្ញាឬសិទ្ឋអាជីវកម្មពីក្រុមហ៊ុនណាមានស្តង់ដារក៏ដោយ ប៉ុន្តែដោយឈរលើគុណភាពបោកស្អាត ប្រើទឹកថ្នាំក្រអូបល្អ រួមទាំងតម្លៃសមរម្យមិនថ្លៃដូចហាងមាន (Franchise) ផងនោះ បានធ្វើឱ្យអតិថិជនយកសម្លៀកបំពាក់ មកបោកកាន់តែច្រើនឡើងៗ រហូតបោកសឹងមិនទាន់ឱ្យអតិថិជនទៀតផង ហើយក៏បានសម្រេចជួល ក្មេងមកជួយការងារបោកគក់បន្ថែមទៀត ទើបអាចអាចបោកទាន់ការកម្ម៉ង់ទៅតាមពេលវេលារបស់អតិថិជន។

លោកស្រីឃិត សុភក្រ បានបញ្ជាក់ថា “ការងារបោកគក់នៅផ្ទះដោយខ្លួនឯងហាក់មានការនឿយហត់បន្តិច ប៉ុន្តែទទួលបានចំណូលខ្ពស់មិនចាញ់ធ្វើការយកប្រាក់ខែ នៅតាមក្រុមហ៊ុនឬរោងចក្រកាត់ដេរ ដែលអាចរកចំណូលបានត្រឹម២០០ទៅ៣០០ដុល្លារប៉ុណ្ណោះក្នុងមួយខែ គិតទៅលើចំណាយចាយវាយប្រចាំថ្ងៃ មិនបានសល់ប្រាក់ប៉ុន្មានោះទេ។

លោកស្រីបន្តថា “ចំណែកការងារបោកគក់របស់លោកស្រីផ្ទាល់វិញ អាចរកប្រាក់បានចន្លោះពី១៥ទៅ២៥ដុល្លារក្នុងមួយថ្ងៃ ឬលើសពីនេះទៅតាមអតិថិជនទិញឬច្រើន ហើយបើគិតជាមធ្យមមួយថ្ងៃ រកបានចំណូលត្រឹម២០ដុល្លារមួយខែ ក៍អាចរកចំណូលបានប្រមាណជា៦០០ដុល្លារដែរក្នុងមួយខែ។

អ្វីដែលពិសេសនោះការបើកអាជីវប្រភេទនេះ មានទំនេរមើលការខុសត្រូវកូននៅផ្ទះ មានពេលទំនេរដាំស្លហូបចុកជាមួយក្រុមមគ្រួសារទៀតផង បើសិនធ្វើការតាមក្រុមហ៊ុនឯកជន ឬរោងចក្រកាត់ដេរវិញនោះពិតជាមិនអាចមើលកូនបាននោះទេ។

ចំណែកលោក លាង លឹមគន់ អតិថិជនបោកគក់នៅទីតាំងខាងលើបានមានប្រសាសន៍ទទួលស្គាល់ថា ដោយសារការងារក្រុមហ៊ុនរវល់ច្រើន និងហត់នឿយផងនោះបានធ្វើឱ្យគ្រួសាររបស់គាត់ មិនបោកគក់នៅផ្ទះខ្លួនឯងនោះទេ។ លោកទុកពេលថ្ងៃអាទិត្យមួយថ្ងៃដើម្បីសម្រាក ឬដើរលំហែរកាយម្តងម្កាល ដូច្នេះមានតែចំណាយប្រាក់ខ្លះៗយកសម្លៀកបំពាក់ទៅឱ្យគេបោកជំនួស។

សម្រាប់គ្រួសារលោកដែលមានកូនតូចពីរនាក់ផងនោះ ត្រូវចំណាយប្រាក់ជាង២ម៉ឺនរៀលជារៀងរាល់សប្តាហ៍ សម្រាប់ការយកសម្លៀកបំពាក់ទៅឱ្យគេបោកជំនួសនោះ។ លោកថា ចំនួនេះមិនច្រើននោះទេ សម្រាប់អ្នកមានការងារធ្វើទាំងប្តី ទាំងប្រពន្ឋដូច្នេះមានតែចំណាយប្រាក់ខ្លះៗ យកខោអាវទៅឱ្យគេបោក ដើម្បីទុកពេលសម្រាកពីការងារឱ្យបានពេញមួយថ្ងៃ ទុកកម្លាំងចូលធ្វើការសប្តាហ៍បន្តទៀត៕

Gov’t Encourages Local Investors to Invest More

January 16, 2019

By Kong Soriya
PHNOM PENH, Ministry of Economy and Finance’s senior official said that government is encouraging local investors to invest more in many sectors to help economic growth as the current figure investments in country are mostly foreigners.

Speaking at a public forum on Macroeconomics and 2019 Budgetary Management was held on the 15th January, Mr. Vongsy Visot, Secretary of State of the Ministry of Economy and Finance said that the government plans to expand the economic sector management through transparently and effectively. He adds that human resources and work forces only are not enough. So, we need to encourage more local investors as currently investment mostly are outsiders.

“In this mandate, the government is going to help and encourage more Cambodian investors and preparing a big budget to support the private sectors with a very clear plan and right policy” He said “In the last 10 years Cambodia, the government has been working on its 15 years economic development strategic plan with the right policies, Cambodian economy will growth rapidly”.

“In Macroeconomic and 2019 Budgetary Management, the government continues focusing on 4 priority sectors such as; people, road, electricity and water and other works which are reflecting to the country’s demand” He said “Based on the macroeconomic policy and the principle of expanding the financial management, those tasks are responding to the government’s Rectangular Strategy-Phase IV.

The Cambodia’s Prime Minister Hun Sen, launched a campaign to enhance the country’s freedom through many key areas reforming. He also promised to promote friendship with other foreign countries crossing the world.

He also announced that he has already signed to withdraw all of the border officials and remains only customs and immigration official intent to reduce the export cost and help local businessmen to get a better profit from their businesses.

“A lot of border officials are not solution; it will spend higher cost on import and export.” He said “Cambodia’s economy cannot rely on one sector; we have a lot of sectors to support our economic growth.

ដីនៅតាមបណ្តោយផ្លូវជាតិលេខ៥ចាប់ផ្តើមឡើងថ្លៃបន្ទាប់ពីការពង្រីកផ្លូវបានចាប់ផ្តើម

January 16, 2019

ដោយ វុត្ថា

ភ្នំពេញ : មន្ត្រីជំនាញក្រសួងសាធារណៈការ និងដឹកជញ្ជូន បានអះអាងថាដីនៅតាមបណ្តោយជាតិលេខ៥ ចាប់ពីព្រែកក្តាមរហូតល់ ក្រុងប៉ោយប៉ែតកំពុងតែឡើងថ្លៃបន្តិចម្តងៗ ស្របពេលដែលរដ្ឋាភិបាលកម្ពុជា កំពុងពង្រីកផ្លូវជាតិមួយនេះឲ្យទៅជា៤គន្លងសម្រាប់ដឹកជញ្ជូន និងសកម្មភាពពាណិជ្ជកម្មនានា។

លោក ឈឹម ផល្លា ប្រធាននាយកដ្ឋានផ្លូវថ្នល់ នៃក្រសួងសាធារណៈការនិងដឹកជញ្ជូនបានឲ្យដឹងតាមទូរស័ព្ទនៅថ្ងៃទី១៦ ខែមករា ឆ្នាំ២០១៩នេះថា “និយាយតាមត្រង់ទៅដីធ្លីនៅតាមផ្លូវនេះ ឡើងថ្លៃរួចទៅហើយចាប់តាំងពីឆ្នាំ២០១១ម្លេះ តែតម្លៃវិញមានភាពខុសៗគ្នា អាស្រ័យទៅតាមតំបន់នីមួយៗ ដូចជា តំបន់ទីរួមខេត្តបាត់ដំបង ពោធិ៍សាត់ និងកំពង់ឆ្នាំងជាដើមមានតម្លៃផ្សេង និងតំម្លៃដីតំបន់តំបន់ធម្មតាមានតម្លៃផ្សឹងទៅ” ។
តែយ៉ាងណាក៏ដោយ លោកមិនបាញ្ជាក់ថាតម្លៃដីដំបន់នីមួយៗ មានតម្លៃប៉ុន្មានជាក់លាក់នោះទេ។

លោក ឈឹម ផល្លា បានបន្តទៀតថា ប្រជាពលរដ្ឋដែលរល់នៅសង់ខាផ្លូវជាតិលេខ ៥ កំពុទទួលបានផលច្រើនពីការការលក់ដីរបស់ពួកគាត់ និងការធ្វើជាអាជីវកម្មផ្សេងផងដែរ។ ការពង្រីកផ្លូវនេះ គឺដើម្បីតភ្ជាប់ផ្លូវអាស៊ាន-ហាយវេ ឆ្លងកាត់ព្រំដែនថៃ ហើយរដ្ឋាភិបាលកម្ពុជា ដែលទទួលបានហិរញ្ញប្បទានពីរដ្ឋាភិបាលជប៉ុន កំពុងកំពន្លឿនការស្ថាបនា និងពង្រីកផ្លូវនេះ ។

ម្យ៉ាងទៀត រដ្ឋាភិបាលកម្ពុជាក៏កំពុងដោះស្រាយផលប៉ះពាល់ដែលនោះសេសសល់ខ្លះ ជូនប្រជាពលរដ្ឋដែលរស់អមសង់ខាងផ្លូវនេះ តែមិនច្រើននោះទេ។

នៅក្នុងវីដេអូនិយាយជាភាសាខ្មែរមួយរបស់ លោក Horinouchi Hidehisa ឯកអគ្គ រដ្ឋទូតជប៉ុនប្រចាំកម្ពុជា បានបង្ហោះតាមទំព័របណ្តាញសង្គម របស់ស្ថានទូតជប៉ុននៅកម្ពុជា កាលពីពេលថ្មីៗកន្លងមកនេះបានឲ្យដឹងថា រដ្ឋាភិបាលជប៉ុន ជួសជុលកំណាត់ផ្លូវជាតិ ពីព្រែកក្តាមដល់ប៉ោយប៉ែតប្រវែង៣៦៨.៧គីឡូម៉ែត្រ និងសំណូមពរប្រជាពលរដ្ឋកម្ពុជា បង្កើតការយកចិត្តទុកដាក់ពេលធ្វើដំណើរលើផ្លូវជាតិលេខ៥នេះ។

លោកបន្តថា “ការជួសជុលកំណាត់ផ្លូវជាតិលេខ៥ នឹងត្រូវបង្កើនពីស្ថានភាពបច្ចុ ប្បន្នដែលមានតែ២គន្លង ទៅជា៤គន្លង និងមានប្រវែងសរុប ៣៦៨,៧គីឡូម៉ែត្រ ចាប់ពីក្រុងប៉ោយប៉ែត មកដល់ព្រែកក្តាម”។
ការពង្រីកស្ថាបនាផ្លូវជាតិ៥នេះ ស្ថិតក្នុងគម្រោងកែលំអផ្លូវជាតិលេខ៥ (National Road No.5 Improvement Project) ដែលរដ្ឋាភិបាលជប៉ុនបានផ្តល់ជាកម្ចីមករដ្ឋាភិបាលកម្ពុជាសម្រាប់ជួសជុលកំណាត់ផ្លូវជាតិលេខ៥ តាមរយៈទីភ្នាក់ងារសហប្រតិបត្តិការអន្តរជាតិជប៉ុន ដែលហៅកាត់ថាJICA។ ការស្ថាបនាផ្លូវនេះនឹងបញ្ចប់នៅឆ្នាំ២០២២ ហើយកំណាត់ផ្លូវមួយចំនួននឹងត្រូវបិទហេតុនេះ។

ឯកអគ្គទូតជប៉ុន បានសំណូមពរដល់ប្រជាពលរដ្ឋខ្មែរ ដែលធ្វើដំណើរនៅលើផ្លូវ៥ មេត្តាយោគយល់បង្កើនការប្រុងប្រយ័ត្ន និងយកចិត្តទុកដាក់ជាមួយស្លាកសញ្ញាចរាចរណ៍ ដើម្បីការធ្វើដំណើរដោយសុវត្ថិភាពទាំងអស់គ្នា។
ការពង្រីកផ្លូវនេះ នឹងធ្វើឡើងដោយវាងទីប្រជុំជនស្រុកឧត្តុង ក្រុងកំពង់ឆ្នាំង ក្រុងពោធិសាត់ ក្រុងបាត់ដំបង និងក្រុងសេរីសោភ័ណ នៃខេត្តបន្ទាយមានជ័យ៕

អាគារកប់ពពកថ្មីដ៏ទាក់ទាញមួយចាប់ផ្តើមសាងសង់នៅក្រុងភ្នំពេញ

January 16, 2019

ដោយ គង់ សូរិយា

ភ្នំពេញ៖ ក្រុមហ៊ុនជីព ម៉ុងគ្រុបបាននិងកំពុងពង្រីកឧត្តមភាព និងកិត្យានុភាពរបស់ខ្លួនតាមរយៈការសាងសង់អាគារកប់ពពកថ្មីមួយ ក្រោមទុនវិនិយោគ១៥០លានដុល្លារអាមេរិក។

មជ្ឈមណ្ឌលពាណិជ្ជកម្មពហុមុខងារនេះ មានកំពស់៤៥ជាន់ ស្ថិតនៅតាមបណ្តោយមហាវិថីសហព័ន្ឋរុស្ស៊ី ក្បែរស្ពានអាកាសតិចណូ។ វាជាគំរោងវិនិយោគរួមរវាងក្រុមហ៊ុនក្នុងស្រុក និងក្រុមហ៊ុនសណ្ឋាគារដ៏ល្បីរបស់អាមេរិក។

មជ្ឈមណ្ឌលពាណិជ្ជកម្មចម្រុះនេះ រួមមានបញ្ចូល ទាំងសណ្ឋាគារលំដាប់ផ្កាយ៣ Fairfield by Marriott Phnom Penh ការិយាល័យ ផ្សារទំនើប រោងភាពយន្តនេះជាការវិនិយោគរួមគ្នារវាងក្រុមហ៊ុនក្នុងស្រុក រ៉ូយ៉ាល់ ហ្វៀល ឌីវេឡុបម៊ិន (Royal Field Development Company Limited) ដែលជាបុត្រសម្ព័ន្ធរបស់ក្រុមហ៊ុនជីប ម៉ុង គ្រុប ជាមួយក្រុមហ៊ុន Marriott ដែលមានមូលដ្ឋាននៅសហរដ្ឋអាមេរិក។

ប្រធានក្រុមហ៊ុន រ៉ូយ៉ាល់ ហ្វៀល ឌីវេឡុបម៊ិនលោកឧកញ៉ាលាង ឃុនបានឲ្យដឹងថា ការចាប់ដៃគូជាមួយក្រុមហ៊ុនសណ្ឋាគារលំដាប់អន្តរជាតិ គឺជាចរន្តមួយដែលកើតមានឡើងស្របតាមភាពរីកចម្រើនរបស់វិស័យសេដ្ឋកិច្ច និងទេសចរណ៍កម្ពុជា។

លោកបន្តថា “ការសាងសង់អគារពាណិជ្ជកម្មចម្រុះលំដាប់អន្តរជាតិ និងសណ្ឋាគារFairfield នឹងចូលរួមចំណែកយ៉ាងសំខាន់ ក្នុងការបំពេញសេចក្តីត្រូវការផ្នែកពាណិជ្ជកម្ម និងទេសចរណ៍នៅកម្ពុជា។

ប្រធានសមាគមទីភ្នាក់ងារទេសចរណ៍កម្ពុជាលោកស្រីឆាយ ស៊ីវលីនបានស្វាគមន៍គំរោងវិនិយោគដ៏ធំនេះ ដោយលោកស្រីបញ្ជាក់ថា វាបង្ហាញពីការរីកចម្រើនក្នុងវិស័យនេះ ហើយវត្តមានក្រុមហ៊ុនធំៗចូលមកកាន់ទីផ្សារកម្ពុជា ជាសញ្ញាល្អមួយសំរាប់វិស័យទេសចរណ៍ និងសេដ្ឋកិច្ចកម្ពុជា ខណៈកម្ពុជាទទួលបានភ្ញៀវទេសចរណ៍អន្តរជាតិមកទស្សនាកើនឡើងជាប្រចាំ។

លោកស្រីបន្តថា “ទីផ្សារសណ្ឋាគារកាន់តែមានភាពប្រកួតប្រជែង ដែលជាចំណុចល្អប្រសើរ ព្រោះការប្រកួតប្រជែងមានន័យថាវិស័យនេះកំពុងរីកចម្រើន ហើយអ្នកទទួលបានផលប្រយោជន៍គឺអតិថិជន”៕

អន្តរក្រសួងសម្រេចការងារ៨ចំណុចលើការងាររុករកប្រេងនៅតំបន់ប្លុកអេ

January 16, 2019

ដោយវុត្ថា

ភ្នំពេញ៖ ក្រុមការងាររអន្តរក្រសួងបានសម្រេចលើ៨ចំណុចពាក់ព័ន្ឋនឹងការរ៉ុករកប្រេងនៅតំបន់ប្លុកអេរបស់ក្រុមហ៊ុនKRISENERGY ដោយប្រើប្រាស់វិធីសាស្រ្ត3D Seismic ដែលជាបច្ចេកវិទ្យាថ្មីមួយក្នុងការរ៉ុករក។

កិច្ចប្រជុំកាលពីថ្ងៃទី១៥ មករាកន្លងមក និងដឹកនាំដោយលោកស្រ៊ុន ដារិទ្ធិ រដ្ឋលេខាធិការ ក្រសួងបរិស្ថានបានពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន និងសង្គម ដំបូង (IESIA) លើគម្រោងស្វែងរុករកប្រេង និងឧស្ម័ន ដោយប្រើវិធី 3D Seismic លើផ្ទៃទំហំ១.២០០ គីឡូម៉ែត្រការ៉េ ស្ថិតនៅប្លុកA ក្នុងដែន សមុទ្រកម្ពុជា របស់ក្រុមហ៊ុនគ្រីសអេនើជី (អប្សរា) អិលធីឌី ព្រមទាំងសិក្សា និងរៀបចំរបាយ ការណ៍ (IESIA) ដោយក្រុមហ៊ុន ទីប្រឹក្សា E & A CONSULTANT CO., LTD. និងក្រុមហ៊ុន ទីប្រឹក្សា ERM-Siam Co., Ltd. ។

លទ្ធផលនៃកិច្ចប្រជុំនេះបាន ផ្តោតសំខាន់ទៅលើការងារសំខាន់ៗចំនួន៨ចំណុចរួមមានទី១ អង្គប្រជុំគាំទ្រទៅលើគម្រោងស្វែងរុករកប្រេង និងឧស្ម័ន ទី២ ត្រូវបន្ថែមព័ត៌មាន/ទិន្នន័យផ្លូវការណ៍ស្តីពីរដ្ឋបាលខេត្តពាក់ព័ន្ធ ទី៣ ត្រូវជូនដំណឹងដល់អាជ្ញាធរ មូលដ្ឋាន ដើម្បីធ្វើការផ្សព្វផ្សាយដល់អ្នកនេសាទ ដែលមានទូកធំៗជៀសវាងការបុកប៉ះទង្គិច ជាមួយកប៉ាល់សិក្សា ទី៤) ត្រូវសហការជាមួយគណៈកម្មការសន្តិសុខ លំហសមុទ្រ ដែលពាក់ព័ន្ធនឹងបញ្ហាសន្តិសុខ ទី៥ ត្រូវបញ្ជាក់ពីឧបករណ៍ និងកម្រិតរលក សំឡេងដែលពាក់ព័ន្ធនឹងការ ដេញពពួកថនិកសត្វសមុទ្រ ជៀសវាងការប៉ះពាល់នៅពេល សិក្សាតាមរលកសំឡេង។

ទី៦ ត្រូវគ្រប់គ្រងសំណល់រឹង និងសំណល់រាវ ដោយអនុលោមទៅតាមច្បាប់ MARPOL 73/78 ទី៧ ត្រូវបកប្រែឯកសារ ឧបសម័្ពន្ធនៃរបាយការណ៍ IESIA នេះជាខេមរៈភាសា និងទី៨ ក្រុមហ៊ុនម្ចាស់គម្រោងត្រូវសហការជាមួយក្រុមហ៊ុនទីប្រឹក្សា ដើម្បីធ្វើការកែសម្រួលនូវចំណុចខ្វះខាត ដែលមាននៅក្នុងរបាយការណ៍ IESIA ទៅតាមការផ្តល់យោបល់របស់អង្គប្រជុំឱ្យបានឆាប់រហ័ស ដើម្បីដាក់ជូនក្រសួងបរិស្ថានពិនិត្យ និងសម្រេច។

កិច្ចប្រជុំនេះ បានប្រព្រឹត្តទៅដោយមានការចូលរួមពី ស្ថាប័នពាក់ព័ន្ឋចំនួន១៨ ដែលពាក់ព័ន្ឋនឹងការធ្វើលើកិច្ចការទាំងអស់នេះ៕

វេទិកាទេសចរណ៍អាស៊ានឆ្នាំ២០១៩នឹងចាប់ផ្តើមនៅថ្ងៃនេះក្នុងប្រទេសវៀតណាម

January 16, 2019

ដោយវុត្ថា
ភ្នំពេញ៖ វេទិកាទេសចរណ៍អាស៊ាន ឆ្នាំ២០១៩ (ASEAN Tourism Forum 2019) លើកទី៣៨ ចាប់ផ្តើមនៅថ្ងៃស្អែកនេះ នៅក្នុងទីក្រុងហាឡុង ប្រទេសវៀតណាមក្រោមប្រធានបទ “អាស៊ាន អានុភាពតែមួយ “ASEAN: The Power of One” ដែលមានការចូលរួមពីរដ្ឋមន្ត្រីអាស៊ានមកពីប្រទេសជាសមាជិកទាំង១០ចូលរួមផងដែរ ។

វេទិកាទេសចរណ៍អាស៊ានឆ្នាំ២០១៩នេះ នឹងចាប់ផ្តើមដំណើរការជាផ្លូវការបន្ទាប់ពីកិច្ចប្រជុំយ៉ាងមមាញឹក របស់ស្ថាប័នជាតិទេសចរណ៍ (NT0s) នៃប្រទេសជាសមាជិកអាស៊ាន អាស៊ានបូក និងសមាគមឧស្សាហកម្មទេសចរណ៍អាស៊ាន ដែលបានចាប់ផ្តើមតាំងពីថ្ងៃទី១៣ ខែមករាមក។

វេទិកាទេសចរណ៍អាស៊ាន (ATF) ជាព្រឹត្តិការទេសចរណ៍អាស៊ានមួយដ៏ធំ ដែលត្រូវរៀបចំវិលជុំ១០ឆ្នាំម្តង ដែលក្នុងនោះមានការប្រជុំរដ្ឋមន្ត្រីទេសចរណ៍អាស៊ាន អាស៊ានបូក ការតាំងពិព័រណ៍ទេសចរណ៍អន្តរជាតិ TRAVEX (ATF) ការផ្ដល់រង្វាន់ដល់ផ្នែកឯកជន និងសហគមន៍ទេសចរណ៍ នៃបណ្តាប្រទេសសមាជិកដែលបានអនុវត្តគំរូតាមស្តង់ដានានារបស់អាស៊ាន។

វាជាព្រឹត្តិការណ៍ប្រចាំឆ្នាំដ៏សំខាន់បំផុត នៃកិច្ចសហប្រតិបត្តិការស្តីពីទេសចរណ៍តំបន់អាស៊ានដើម្បីផ្លាស់ប្តូរព័ត៌មាន និងទិសដៅនៃកិច្ចសហប្រតិបត្តិការ បង្កើនប្រសិទ្ធភាពនៃវិស័យទេសចរណ៍ក្នុងតំបន់ នឹងធានានិរន្តភាពនៃការអភិវឌ្ឍទេសចរណ៍អាស៊ានដែលមានបំណងបង្កើតអាស៊ាន ឱ្យទៅជាគោលដៅទេសចរណ៍រួមតែមួយ ក្នុងការទាក់ទាញភ្ញៀវទេសចរអន្ដរជាតិ និងផ្លាសប្តូរអ្នកទេសចរណ៍ក្នុងតំបន់។

អាស៊ានគឺជាទិសដៅរួម នៃដំណើរទេសចរណ៍ក្នុងតំបន់ ដោយមានភាពចម្រុះពណ៌ភាពស្រស់ស្អាត ផ្សារភ្ជាប់យ៉ាងជិតស្និទ្ធ តាមរយៈផលិតផលទេសចរណ៍ កម្មវិធីទេសចរណ៍អន្តរជាតិ សកម្មភាពទីផ្សារនិងកម្មវិធីជំរុញវិនិយោគទុន ស្តង់ដានៃសេវាកម្មទេសចរណ៍និងធនធានមនុស្ស។ អាស៊ានធ្វើសកម្មនភាព ឆ្ពោះទៅកាន់ទិសដៅរួម ក្លាយជាគោលដៅទស្សនាកិច្ច កម្សាន ដែលមានគុណភាព ឆ្ពោះទៅរកការអភិវឌ្ឍដែលមានតុល្យភាព រួបរួមគ្នា និងការទទួលខុសត្រូវ រួមចំណែកដល់ភាពរុងរឿងរបស់ប្រជាជនអាស៊ានទាំងមូល។ ប្រជាពលរដ្ឋនិមួយៗ និងសហគមន៍ ក្នុងតំបន់អាស៊ាន ជាអ្នកដើរតួដ៏សំខាន់គាំទ្រនិងសម្របសម្រួលក្នុងការចូលរួម និងទទួលបានអត្ថប្រយោជន៍នៅក្នុងដំណើរការអភិវឌ្ឍន៍ទេសចរណ៍ ដែលជាទិសដៅសំខាន់ដើម្បីបង្កើតកម្លាំងរួម បង្រួបបង្រួមនៅគ្រប់ស្រទាបវណ្ណៈ តាំងពិព៌ណ សហគមន៍មូលដ្ឋាន រហូតដល់ ថ្នាក់ជាតិ និងតំបន់។

ប្រទេសកម្ពុជា នឹងធ្វើម្ចាស់ផ្ទះរៀបចំវេទិកាទេសចរណ៍អាស៊ាន (ATF) នៅឆ្នាំ២០២១ បន្ទាប់ពី ATF2020 នៅប្រទេសប្រ៊ុយណេដារុយសាឡឹម និងបន្ទាប់ពីបានធ្វើជាម្ចាស់ផ្ទះ ATF លើកទី៣០ កាលពី១០ឆ្នាំមុន នៅរាជធានីភ្នំពេញ៕

1...2,9262,9272,928...3,178 Page 2,927 of 3,178