ដោយ វុត្ថា
ភ្នំពេញ៖ សារពត៌មានដ៏ល្បីល្បាញក្នុងពិភពលោក Bloomberg បានចុះផ្សាយមានសេដ្ឋកិច្ច១០រូប ដែលមានលុយច្រើនជាងគេនៅក្នុងចំណោមមហាសេដ្ឋីពិភពលោក ប៉ុន្តែគេហទំព័រសារព័ត៌មាន propertyarea.asia សូមដកស្រង់យកមហាសេដ្ឋីមួយចំនួនក្នុងចំណោមហាសេដ្ឋីពិភពលោកទាំង១០មកចុះផ្សាយបន្ត ដើម្បីអោយមិត្តអ្នកអានបានស្វែងយល់ និងទុកជាចំណេះដឹងប្រចាំថ្ងៃ។
នៅក្នុងតារាងរបស់សារព័ត៌មាន Bloomberg បានបង្ហាញតារាងមហាសេដ្ឋីទាំងនោះមានដូចជា៖
លោក Jeff Bezos ជាមហាសេដ្ឋីពិភពលោក ឈរនៅក្នុងលំដាប់លេខរៀងទី ១ ដែលមានលុយចំនួន១៥៧ពាន់ លានដុល្លារសហរដ្ឋអាមេរិកប្រចាំឆ្នាំ២០១៨នេះ ។ លោក Bezos មានអាយុ៥៤ឆ្នាំ ជាជនជាតិអាមេរិក គឺជាស្ថាបនិក និងម្ចាស់ភាគហ៊ុនដ៏ធំ របស់ក្រុមហ៊ុន Amazon ដែលជាក្រុមហ៊ុនលក់រាយតាមអនឡាញ ដ៏ធំបំផុតនៅក្នុងពិភពលោក។
ក្រុមហ៊ុនដែលមានមូលដ្ឋាននៅក្នុងរដ្ឋ Seattle ក៏បានធ្វើប្រតិបត្តិការលើការលក់រាយតាមអនឡាញផ្សេងទៀតដែរ គឺ Zappos និង Audible ព្រមទាំងផ្តល់សេវាកម្មផ្គត់ផ្គន់កុំព្យូទ័រលើប្រព័ន្ធអិនធើណិតផងដែរ។ តាមរបាយការណ៍ក្រុមហ៊ុន Amazon រកចំណូលបាន១៧៨ពាន់លានដុល្លារក្នុងឆ្នាំ២០១៧ កន្លងទៅ។
លោក Bill Gate គឺជាមហាសេដ្ឋីពិភពលោកក្នុងឆ្នាំ ២០១៨ ដោយឈរនៅលេខរៀងទី២ ដែលមានលុយចំនួន៩៦,៩ពាន់លានដុល្លារសហរដ្ឋអាមេរិក។ Bill Gates មានអាយុ៦២ ឆ្នាំ ជនជាតិអាមេរិក ជាសហស្ថាបនិក ក្រុមហ៊ុន Microsoft ដែលជាក្រុមហ៊ុនផលិត Software ដ៏ធំផុតរបស់ពិភពលោក ហើយជាម្ចាស់ក្រុមហ៊ុន Redmond ដែលមានមូលដ្ឋានក្នុងរដ្ឋធានីWashington ។
ជាមួយគ្នានេះដែរ លោក Gates ក៏បានគ្រប់គ្រងក្រុមហ៊ុន Cascade Investment ដែលគ្រប់គ្រងភាគហ៊ុន នៅក្នុងក្រុមហ៊ុនជួញដូរសាធារណៈ រួមទាំងក្រុមហ៊ុន ផ្លូវដែក Canadaian National Railway, ក្រុមហ៊ុន Deere និង ក្រុមហ៊ុន Ecolab។
លោក Warren Buffett ជាមហាសេដ្ឋីពិភពលោកមានលុយចំនួន៨៥,៦ពាន់លានដុល្លារសហរដ្ឋអាមេរិក ដោយឈរនៅលំដាប់លេងរៀងទី៣ ក្នុងឆ្នាំ២០១៨ នេះ ។ លោក Buffett មានអាយុ៨៧ឆ្នាំ ជនជាតិអាមេរិក។លោកជាប្រធាន និងម្ចាស់ភាគហ៊ុនដ៏ធំបំផុតនៃក្រុមហ៊ុន Berkshire Hathaway ដែលផ្តល់កម្រៃ២០,៩ ភាគរយជារៀងរាល់ក្នុងតម្លៃទីផ្សារចាប់តាំងពីឆ្នាំ១៩៥៣មក ។
លោកក៏មានក្រុមហ៊ុនផ្ទាល់ខ្លួនរបស់លោក គឺក្រុមហ៊ុន Geico, ក្រុមហ៊ុន Cloyton Home និង Dairy Queen ដែលមានមូលដ្ឋាននៅក្នុងរដ្ឋ Omaha និង Nebraska ។ បន្ថែមពីនេះ លោក Buffett ក៏មានភាគហ៊ុនជាមួយក្រុមហ៊ុន Coca-Cola និងក្រុមហ៊ុន American Express ផងដែរ។
លោក Bernard Armault ជាមហាសេដ្ឋីពិភពលោក ដែលមានលុយចំនួន៧៦,២ ពាន់លានដុល្លារសហរដ្ឋអាមេរិក ឈរនៅលេខរៀងទី៤ក្នុងពិភលោក។លោក Bernard Armault មានអាយុ៦៩ឆ្នាំ ជាជនជាតិបារាំង គឺជាប្រធានក្រុមហ៊ុនLVMH Moet Hennessy Louis Vuitton ដែលជាក្រុមហ៊ុនផលិតផលិតផលដ៏ប្រណិត និងដ៏ធំបំផុតនៅលើពិភពលោក។
លោកបានគ្រប់គ្រងភាគហ៊ុនពាក់កណ្តាល នៃក្រុមហ៊ុន LVMH ដែលទទួលលុយប្រចាំឆ្នាំ៤៨,២ ពាន់លានដុល្លារក្នុងឆ្នាំ ២០១៧ ។ ក្រុមហ៊ុនបានលក់ផលិតផលម៉ាក់ល្បីដូចជា Louis Vuitton, នាឡិកាម៉ាក់ TAG Heuer និង ស្រា Champagne ម៉ាក Dom Perigon។
លោក Amancio Ortega ជាមហាសេដ្ឋីពិពលោកមានលុយចំនួន៧២,២ពាន់លានដុល្លារឈរនៅលេខរៀងទី៥ ក្នុងពិភលោកប្រចាំឆ្នាំ២០១៨នេះ។ លោក Ortega មានអាយុ៨២ឆ្នាំ ជនជាតិអេស្បាញ បានកាន់កាប់ភាគហ៊ុន៥៩ភាគរយ នៃក្រុមហ៊ុន Inditex ដែលជាក្រុមហ៊ុនលក់រយនៅសម្លៀកបំពាក់ ដ៏ធំបំផុតនៅក្នុងពិភពលោក។
លោកក៏បាគ្រប់គ្រងក្រុមហ៊ុន Arteixo មានមូលដ្ឋានក្នុងប្រទេសអេស្បាញ ដែលជាសម្ព័ន្ធជាមួយក្រុមហ៊ុន Zara និង ហាងម៉ាក់ល្បៗចំនួន៨ផ្សេងទៀត ព្រមទាំងបើកហាងចំនួន៧៤០០ហាង ដោយគិត្រឹមខែមករា ឆ្នាំ២០១៨កន្លងមកនេះ លោករក ចំណូលសរុ ២៩ ពាន់លានដុល្លារសហរដ្ឋអាមេរិក។ ជាមួយគ្នានេះ លោកក៏ជាម្ចាស់អចលនទ្រព្យការិល័យជួល និងលក់នៅទូទាំងពិភពលោកផងដែរ។
លោក Mark Zuckerberg ជាមហាសេដ្ឋីវ័យក្មេងមានលុយចំនួន៦៨,៥ពាន់លានដុល្លារសហរដ្ឋអាមេរិក ឈរនៅលេងរៀងទី៦នៅលើពិភពលោក។ លោក Zuckerberg មានអាយុក ត្រឹមតែ៣៤ឆ្នាំ ជាជនជាតិអាមេរិក គឺជាសហស្ថាបនិក និងនាយកប្រតិបត្តិរបស់ក្រុមហ៊ុន Facebook ដែលជាក្រុមហ៊ុនបណ្តាញសង្គមដ៏ធំបំផុត នៅក្នុងពិភពលោក។
ក្រុមហ៊ុននេះ មានមូលដ្ឋាន Menlo Park រដ្ឋកាលីហ្វញ៉ា ដោយមានចំណូល ៤១ ពាន់លានដុល្លារក្នុងឆ្នាំ២០១៧ ដោយមានអ្នកប្រើប្រាស់ចំនួន២ពាន់លាននាក់នៅក្នុងពិភពលោក។
លោក Carlos Slim ជាមហាសេដ្ឋីពិភលោក មានលុយចំនួន៦២,១ ពាន់លានដុល្លារសហរដ្ឋអាមេរិក ឈរនៅលេខរៀងទី៧នៅក្នុងពិភពលោក។ លោក Slim មានអាយុ ៧៨ ឆ្នាំ ជនជាតិ Mexico ជាអ្នកគ្រប់គ្រងក្រុមហ៊ុន America Movil ដែលជាក្រុមប្រតិបត្តិការលើ ទូរស័ព្ទចល័ត នៅក្នុងតំបន់ Latin America។ លោក Slim ក៏គ្រប់គ្រង ក្នុងវិស័យធនាគារ និង រ៉ែរ រួមជាមួយនឹង មានភាគហ៊ុនលើក្រុមហ៊ុនពាណិជ្ជកម្ម សាធារណៈផងដែរ។
បន្ថែមពីនេះ លោកមានភាគហ៊ុនលើក្រុមហ៊ុន News York Times និងក្រុមហ៊ុន Caixabank។ ជាមួយគ្នានេះលោកក៏បានវិនិយោគ លើវិស័យអចលនទ្រព្យនៅក្នុងប្រទេស Mexico ផងដែរ៕
