ទឹកប្រាក់ជាង៧៤ពាន់លានដុល្លារត្រូវបានចាក់ចូលក្នុងវិស័យសំណង់ក្នុងរយៈពេល២២ឆ្នាំ

ដោយៈ ជេស៊ីកា

ភ្នំពេញៈ ទីបំផុតការចាក់បញ្ចូលទឹកប្រាក់រហូតដល់៧៤,២៨៤លានដុល្លារបានផ្លាស់ប្តូរមុខមាត់រាជធានី ខេត្តជាច្រើននៅកម្ពុជា ក្នុងរយៈពេល២២ឆ្នាំចុងក្រោយនេះ។

ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ លោកសាយ សំអាល់បានថ្លែងនៅក្នុងវេទិការដ្ឋ និងឯកជនស្តីពី “ការអភិវឌ្ឍនគរូបនីយកម្មកម្ពុជា-ជប៉ុន” កាលពីព្រឹកថ្ងៃទី២១ ធ្នូ ដែលមានការចូលរួមពីអនុរដ្ឋមន្រ្តីក្រសួងដីធ្លី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ នៃប្រទេសជប៉ុនថា វិស័យអចលនទ្រព្យ និងសំណង់ បានក្លាយជាសសរស្តម្ភស្នូល ដែលជំរុញកំណើនសេដ្ឋកិច្ចកម្ពុជា។ ជាក់ស្តែងទុនវិនិយោគក្នុងវិស័យសំណង់ ក្នុងរយៈពេលជាង២២ឆ្នាំ (ឆ្នាំ២០០០ ដល់ខែកក្កដា ឆ្នាំ២០២៣) មានជាង ៧៤,២៨៤លានដុល្លារ។

លោករដ្ឋមន្រ្តីបានទទួលស្គាល់ថា វិស័យសំណង់នៅកម្ពុជាបានរងផលប៉ះពាល់ពីវិបត្តិសកល ដោយរយៈពេល១០ខែឆ្នាំ២០២៣ ការវិនិយោគវិស័យសាងសង់ មានប្រមាណ១៤៩លានដុល្លារ បើធៀបរយៈពេលដូចគ្នានៅឆ្នាំ២០២២ មានប្រមាណ២៣១ លានដុល្លារថយចុះ ៣៥,១៦%៕

ខេត្តព្រះសីហនុនឹងសាងសង់ពហុកីឡដ្ឋានធំមួយ ដែលអាចផ្ទុកមនុស្សបានជាង៣ម៉ឺននាក់

ដោយៈ គង់ សូរិយា

ព្រះសីហនុៈ អាជ្ញាធរខេត្តព្រះសីហនុ នឹងសាងសង់ពហុកីឡដ្ឋានធំមួយ ដែលអាចផ្ទុកមនុស្សបានជាង៣ម៉ឺននាក់នៅខេត្តជាប់មាត់សមុទ្រមួយនេះ។

នេះបើតាមកិច្ចប្រជុំពិនិត្យវឌ្ឍនភាព ការងារសាងសង់ពហុកីឡដ្ឋាន ខេត្តព្រះសីហនុកាលពីថ្ងៃទី១៨ ខែធ្នូ ឆ្នាំ២០២៣។ថ្លែងនៅក្នុងកិច្ចប្រជុំនេះ លោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានចាត់ទុកគម្រោងសាងសង់ពហុកីឡដ្ឋាន ជាសមិទ្ធផលដ៏ថ្មីស្រឡាងមួយទៀត ក្រោមគំនិតផ្ដួចផ្ដើមរបស់ សម្តេចធិបតីនាយករដ្ឋមន្រ្តីហ៊ុន ម៉ាណែតនាយករដ្ឋមន្រ្តីនៃកម្ពុជា។

ពហុកីឡដ្ឋានថ្មីនេះ អាចផ្ទុកមនុស្សប្រមាណ៣១.៥០០នាក់ មានហាងកាហ្វេ កន្លែងបោះតង់ សួនទេសចរណ៍ អគារសារមន្ទីរ សាលមហោស្រព និងរចនាសម្ព័ន្ធជាច្រើនទៀត ហើយនឹងត្រូវសាងសង់បែបសហសម័យ មានបញ្ចូលនូវអត្តសញ្ញាណជាតិ និងធានាបាននូវគុណភាពគង់វង្សយូរអង្វែង ដូចអគារពីសម័យបុរាណដែលបានបន្សល់ទុកមកដល់សព្វថ្ងៃ។

ការសាងសង់ពហុកីឡដ្ឋានខេត្តព្រះសីហនុ គឺឆ្លើយតបតាមសំណូមពររបស់ប្រជាពលរដ្ឋ និងតម្រូវការចាំបាច់ក្នុងការអភិវឌ្ឍវិស័យកីឡា និងទេសចរណ៍ក្នុងខេត្ត ឱ្យកាន់តែរីកចម្រើនថែមទៀត ដែលនឹងរួមចំណែកទាក់ទាញភ្ញៀវទេសចរជាតិ និងអន្តរជាតិឱ្យចូលមកទស្សនាកំសាន្តក្នុងខេត្តនេះ ព្រមទាំងបណ្ដាខេត្តជាប់ឆ្នេរសមុទ្រដទៃទទៀត៕

Chinese, Russians among top condo buyers

Chinese and Russians have topped the list of foreign buyers of condominiums in Thailand this year, with sales surging in tourist hotspots like Bangkok, Pattaya and Phuket.

A total of 10,703 units worth 52.3 billion baht (US$1.5 billion) were sold in the nine months through September from a year earlier, according to the Real Estate Information Center. That is a 38% jump from a year ago, the centre, managed by state-owned Government Housing Bank (GHB), said.

Chinese buyers snapped up 4,991 units, or almost 47% of the total transactions, valued at 24.7 billion baht, the centre said, citing property registration data. Russians ranked a distant second at 962 units, followed by United States and Taiwanese buyers in the third and fourth spots, respectively.

Almost 42% of the condos were sold in Chon Buri province, that is home to several beaches and industrial estates. Bangkok, Thailand’s capital city and a gateway for millions of tourists, accounted for 37.5% of the apartment sales to foreigners, the centre said.

“Thai condominiums are still in demand among foreign buyers,” Wichai Wiratkaphan, acting director at the information centre, said in a statement. “The purchase is for both investment and as a second home in Thailand.”

Prime Minister and Finance Minister Srettha Thavisin is counting on tourism to drive the country’s economic growth, with the sector accounting for about 12% of gross domestic product (GDP) and nearly a fifth of jobs. He has temporarily waived visas for travellers from China, Russia, Kazakhstan, India and Taiwan, and ordered airlines to add more routes while streamlining airport operations to reduce waiting times for visitors.

The visa waivers may further fuel demand for Thai condos, Mr Wichai said, adding that foreign ownership was way below the legal limit set by authorities. The forecast for an increase in tourist arrivals next year will drive demand, he said. Source: Bloomberg News

HCMC apartments least affordable in Southeast Asia: survey

Ho Chi Minh City ranks first in Southeast Asia in terms of property price-to-income ratio, showing that its apartments are least affordable in the region, latest data shows.

Of nine cities surveyed in the region, HCMC topped with a ratio of 36, followed by the Philippines’ Manila at 35.7 and Thailand’s Bangkok at 31.8, according to a survey by price-tracking platform Numbeo.

A higher price-to-income ratio indicates lower affordability.
Cambodia’s Phnom Penh ranked fourth at 29, followed by Indonesia’s Jakarta at 20 and Hanoi at 18.5.

It costs on average $4,700 to buy one square meter of apartment in HCMC center, 7.2% higher than in second-place Manila, said Numbeo, which bases its calculations on data provided by contributors. The figure is double that of Hanoi.
HCMC also ranks first in price-to-rent ratio in the city center at 37, followed by Bangkok at 31.8 and Singapore with 30.3.

Analysts have said that residential property prices have been surging in recent years in HCMC as developers prioritized building high-profit luxury units, leaving the affordable segment with almost zero supply.

The average cost of an apartment in the mid-priced segment in HCMC with an area of 70 square meters and two bedrooms and two toilets is VND4-4.5 billion, according to data from real estate services firm Cushman & Wakefield. This is 16-17 times the average urban household income.

A survey by property consultancy Savills found that, without financial support from the family, the minimum income required to buy a house in HCMC is VND30-45 million (US$1,270-1,900) a month. Source: VNexpress

ថៃគ្រោងលើកយកប្រធានបទស្តីពីការចរចារឡើងវិញលើបញ្ហាតំបន់ទាមទារត្រួតសុីគ្នា នៅក្នុងដំណើរទស្សនកិច្ចរបស់សម្តេចធិបតីនាពេលខាងមុខ

រដ្ឋាភិបាលថៃគ្រោងនឹងចរចាឡើងវិញជាមួយកម្ពុជានៅខែកុម្ភៈស្តីពីតំបន់ទាមទារត្រួតស៊ីគ្នាដែលមានទំហំ ២៦.០០០ គីឡូម៉ែត្រការ៉េ នៅឈូងសមុទ្រថៃ។

អ្នកសង្កេតការណ៍បានកត់សម្គាល់ថាកិច្ចពិភាក្សាគួរតែផ្តោតជាចម្បងលើការអភិវឌ្ឍរួមគ្នានៃធនធានថាមពលនៅក្នុងតំបន់ទាមទារត្រួតស៊ីគ្នា (OCA) ក្នុងគោលបំណងកាត់បន្ថយការពឹងផ្អែករបស់ប្រទេសលើការនាំចូលឧស្ម័នធម្មជាតិរាវដែលមានតម្លៃថ្លៃ។

អ្នកវិភាគបាននិយាយថា ការពិភាក្សាអំពីដែនសមុទ្ររវាងភាគីទាំងពីរគួរតែពន្យាសិន ដើម្បីជៀសវាងបង្កើនភាពតានតឹងនៅក្នុងទំនាក់ទំនង។លោក SretthaThavisinនាយករដ្ឋមន្ត្រីថៃ បាននិយាយកាលពីម្សិលមិញថា លោកនាយករដ្ឋមន្ត្រី ហ៊ុន ម៉ាណែត នឹងធ្វើទស្សនកិច្ចនៅប្រទេសថៃក្នុងខែកុម្ភៈ ហើយបញ្ហាតំបន់ទាមទារត្រួតស៊ីគ្នា នឹងស្ថិតក្នុងចំណោមប្រធានបទដែលត្រូវពិភាក្សា។

រដ្ឋមន្ត្រីក្រសួងថាមពល លោក PirapanSalirathavibhagaបានលើកឡើងថា ប្រទេសថៃត្រូវចរចាឡើងវិញជាមួយកម្ពុជា ជុំវិញបញ្ហានេះ ដោយសារបញ្ហានេះនៅតែមិនទាន់បានដោះស្រាយ ទោះបីជាមានការខិតខំប្រឹងប្រែងពីរដ្ឋាភិបាលមុនៗ ដើម្បីដោះស្រាយវាក៏ដោយ។លោកក៏បានកត់សម្គាល់ផងដែរថា វានឹងពិបាកសម្រាប់ភាគីទាំងពីរក្នុងការឈានដល់ដំណោះស្រាយ ប្រសិនបើបញ្ហាទឹកដីដែនសមុទ្រក្នុង OCA ត្រូវបានពិភាក្សារួមជាមួយនឹងការអភិវឌ្ឍរួមគ្នានៃធនធានប្រេងនៅក្នុងតំបន់ក្នុងអំឡុងពេលចរចា។លោកជឿជាក់ថាភាគីទាំងពីរមានការស្ទាក់ស្ទើរក្នុងការឯកភាពបញ្ហាព្រំដែនសមុទ្រ ដូច្នេះ ប្រទេសថៃត្រូវតែស្វែងរកវិធីដើម្បីដោះស្រាយបញ្ហានេះ។

លោកនាយករដ្ឋមន្ត្រី និងខ្ញុំមានការព្រួយបារម្មណ៍ចំពោះបញ្ហានេះ។ ប្រទេសថៃត្រូវការទាញយកធនធានថាមពលនៅក្នុងតំបន់នេះ ដើម្បីដោះស្រាយបញ្ហាខ្វះខាតថាមពល ដោយសារឧស័ន្មបម្រុងរបស់ប្រទេសនេះកំពុងតែធ្លាក់ចុះពីមួយថ្ងៃទៅមួយថ្ងៃ។ លោក Pirapanបាននិយាយថា “បើគ្មានប្រភពថាមពលថ្មីទេ ថៃនឹងមានបញ្ហានៅពេលអនាគត។ ដូច្នេះហើយ បញ្ហានេះមានសារៈសំខាន់ក្នុងការចរចា” ។

នៅថ្ងៃទី១៨ ខែតុលា លោក Pirapanក៏បានថ្លឹងថ្លែងលើបញ្ហានេះផងដែរ ដោយបាននិយាយថា ការចរចាលើការអភិវឌ្ឍរួមគ្នា ទំនងជាមិនជោគជ័យទេ ដរាបណាការបោះបង្គោលព្រំដែនសមុទ្រដែលភាគីទាំងពីរបានទាមទារត្រូវបានរួមបញ្ចូលទៅក្នុងការពិភាក្សា។

លោកបានបន្តថា ការពិភាក្សាគួរតែផ្តោតលើកិច្ចសហប្រតិបត្តិការរួមគ្នាដែលអាចធ្វើទៅបាន ដើម្បីប្រើប្រាស់ធនធានថាមពលនៅក្នុង OCA ជាជាងការលើកឡើងពីជម្លោះព្រំដែនសមុទ្រ។ លោកបានគូសបញ្ជាក់ទៀតថា “ភាគីទាំងពីរមិនទាន់បានជួបពិភាក្សាគ្នាអំពីបញ្ហាដែនសមុទ្រនៅឡើយ។ បើទោះបីជាការពិភាក្សាបែបនេះត្រូវបានលើកយកមកនិយាយក៏ដោយ ក៏ពួកគេត្រូវស្នើឱ្យសភារបស់ពួកគេអនុម័តលទ្ធផល។ ខ្ញុំគិតថាសភានៃប្រទេសទាំងពីរនឹងមិនយល់ព្រមនោះទេ” ។

លោកបានបន្ថែមថា ក្នុងអំឡុងអាណត្តិលោកPrayut Chan-o-cha ឧបនាយករដ្ឋមន្ត្រី Prawit Wongsuwonបានដឹកនាំការចរចានេះ។ លោកបានបន្តថា យើងនៅមិនទាន់ដឹងតើអ្នកណានឹងដឹកនាំកិច្ចចរចានៅក្រោមរដ្ឋាភិបាលបច្ចុប្បន្ន។ លោកបានបន្ថែមថា ទោះជាយ៉ាងណាក៏ដោយ ក្រសួងថាមពល ក្រសួងការបរទេស និងក្រុមច្បាប់របស់រដ្ឋាភិបាលត្រូវតែធ្វើការរួមគ្នាដើម្បីបង្កើតក្រុមថ្មីសម្រាប់ការចរចា។

លោក Prasert Sinsukprasertលេខាធិការប្រចាំការនៃក្រសួងថាមពលបាននិយាយថា នាយកដ្ឋានឥន្ធនៈ និងរ៉ែបានផ្តល់អនុសាសន៍ឱ្យបង្កើតតំបន់អភិវឌ្ឍរួមគ្នាមួយ ដើម្បីអនុញ្ញាតឱ្យប្រទេសថៃ និងកម្ពុជាសហការវិនិយោគលើការផលិតប្រេងនៅក្នុងតំបន់នេះដោយមិនចាំបាច់ប៉ះពាល់ដែនសមុទ្រ និងជម្លោះទឹកដី។

លោកបានបន្ថែមថា ការពិភាក្សាបន្ថែមទៀតនឹងត្រូវធ្វើជាមួយក្រសួងការបរទេស។ លោកបាននិយាយថា “ជម្លោះដែនសមុទ្រនឹងមិនបញ្ចប់ក្នុងពេលឆាប់ៗនេះទេ។ ការពិភាក្សាលើបញ្ហានេះ គួរតែត្រូវបានផ្អាក។ ការចរចាណាមួយដែលអាចផ្តល់ផលប្រយោជន៍ដល់ភាគីទាំងពីរគួរតែត្រូវបានធ្វើឡើងជាមុន” ។

លោក Noppadon Pattamaសមាជិកសភាគណបក្សភឿថៃ ដែលជាប្រធានគណៈកម្មាធិការកិច្ចការបរទេសនៃសភាបាននិយាយថា ការពិភាក្សាស្តីពីការបោះបង្គោលព្រំដែនសមុទ្ររវាងថៃ និងកម្ពុជារហូតមកដល់ពេលនេះ មិនបានទទួលបានលទ្ធផលជោគជ័យណាមួយឡើយ។

លោកបានបន្តថា ទោះបីជាយ៉ាងណាក៏ដោយ នាយករដ្ឋមន្ត្រីថ្មីនៃប្រទេសទាំងពីរបានឈានទៅរកជំពូកថ្មីនៃទំនាក់ទំនងទ្វេភាគីដ៏ស្និទ្ធស្នាល ដូច្នេះភាគីទាំងពីរគួរតែឆ្លៀតឱកាសដើម្បីជួបពិភាក្សាអំពីការអភិវឌ្ឍរួមគ្នានៅក្នុង OCA ដើម្បីធានាសន្តិសុខថាមពលសម្រាប់ប្រទេសទាំងពីរ។

ប្រទេសទាំងពីរបានចុះហត្ថលេខាលើអនុស្សរណៈនៃការយោគយល់គ្នាក្នុងឆ្នាំ២០០១ ក្នុងអំឡុងពេលរដ្ឋបាលលោកថាក់ស៊ីន ស៊ីណាវ៉ាត្រា ដើម្បីរួមគ្នាអភិវឌ្ឍផ្នែកខ្លះនៃ OCA និងបោះបង្គោលព្រំដែនសមុទ្រ។នៅក្រោមកិច្ចព្រមព្រៀងនេះការបោះបង្គោលព្រំដែនសមុទ្រ និងការអភិវឌ្ឍរួមគ្នាត្រូវតែអនុវត្តជា “កញ្ចប់ដែលមិនអាចបំបែកបាន” ដោយបានបង្កើតគណៈកម្មាធិការបច្ចេកទេសចម្រុះថៃ-កម្ពុជាដើម្បីពិភាក្សាអំពីបញ្ហានេះ។

ការចរចាជាច្រើនលើកត្រូវបានធ្វើឡើងតាំងពីពេលនោះមក ប៉ុន្តែមិនមានវឌ្ឍនភាពណាមួយឡើយ ភាគច្រើនដោយសារតែជម្លោះលើការបោះបង្គោលព្រំដែនសមុទ្រ។ រដ្ឋមន្ត្រីការបរទេស ParnpreeBahiddha-Nukaraធ្លាប់បាននិយាយថា រដ្ឋាភិបាលនឹងត្រូវតែងតាំងតំណាងឱ្យគណៈកម្មាធិការបច្ចេកទេសរួមថ្មី មុនពេលចាប់ផ្តើមកិច្ចចរចាឡើងវិញ។ Bangkok Post

ស្ថាប័នធុរកិច្ចចំនួន២រួមគ្នារៀបចំព្រឹត្តិការណ៍មួយ ដើម្បីផ្សព្វផ្សាយសក្តានុពលវិនិយោគនៅកម្ពុជា

ដោយ: គង់ លាងហួរ

ភ្នំពេញ: សមាគមពាណិជ្ជកម្មកម្ពុជា-ចិន (CCCA) និងធនាគារ Oriental Bank បានរួមគ្នារៀបចំព្រឹត្តិការណ៍ តភ្ជាប់បណ្តាញសម្រាប់សហគ្រិន និងអ្នកវិនិយោគក្នុងតំបន់ ដើម្បីទាក់ទាញការវិនិយោគកាន់តែច្រើនចូលមកកាន់ប្រទេសកម្ពុជា។

កម្មវិធីនេះប្រារព្ធឡើងនៅក្នុងគម្រោង Urban Village ក្រោមអធិបតីភាពស្ថាបនិក និងជាប្រធានកិត្តិយសនៃសមាគម CCCA លោកបណ្ឌិត Ben Li រួមជាមួយលោកបណ្ឌិត Albert Tan ប្រធានស្ថាប័ន APC លោក Anthony Galliano ប្រធានសភាពាណិជ្ជកម្មអាមេរិកប្រចាំកម្ពុជា និងលោកLee Yuen Fat ប្រធានសមាគម Hong Kong Federation of Innovation Technologies Manufacturing។

ព្រឹត្តិការណ៍ខាងលើនេះ ក៏មានការចូលរួមពីសហគ្រិនអន្តរជាតិ ប្រតិបត្តិករពាណិជ្ជកម្ម និងអ្នកវិនិយោគមកពីប្រទេសផ្សេងៗគ្នា រួមមាន សិង្ហបុរី តៃវ៉ាន់ ម៉ាឡេស៊ី ចិន និងសហរដ្ឋអាមេរិក។លោក Anthony Galliano បានថ្លែងប្រាប់កាសែតក្នុងស្រុកថា កម្ពុជាស្ថិតក្នុងជំហរដ៏រឹងមាំ ខណៈប្រទេសនេះបានទាក់ទាញការវិនិយោគពីបរទេសយ៉ាងច្រើន ដោយសារកម្លាំងពលកម្ម ដែលមានតម្លៃសមរម្យ ទីតាំងយុទ្ធសាស្ត្រ ការអភិវឌ្ឍន៍ហេដ្ឋារចនាសម្ព័ន្ធ តម្រូវការដើមទុនតិច និងជាប្រទេសមួយ ដែលមានកំណើនសេដ្ឋកិច្ចខ្ពស់អស់ជាច្រើនទសវត្សរ៍កន្លងមកហើយ។ លោកបានបន្ថែមថា “កម្ពុជាក៏ផ្តល់កម្មសិទ្ធិ១០០ភាគរយដល់ជនបរទេស ការលើកទឹកចិត្តផ្នែកពន្ធដារ អត្រាពន្ធទាបជាទូទៅ ច្បាប់វិនិយោគដ៏ទាក់ទាញ សន្តិភាព និងស្ថិរភាព ព្រមទាំងមានការគាំទ្រពីសំណាក់រដ្ឋាភិបាលផងដែរ”។

ជាមួយគ្នានេះ លោកបណ្ឌិត Ben Li បានថ្លែងប្រាប់កាសែតក្នុងស្រុកថា “ថ្ងៃនេះ យើងជួបប្រជុំសមាជិកទាំងអស់នៃសមាគម CCCA ដោយសារអាទិភាពសមាគមរបស់យើង គឺគាំទ្រដល់អ្នកវិនិយោគចិនដែលអាចនិយាយភាសាអង់គ្លេសបាន ហើយCCCA គឺជាសហគមន៍ជនជាតិចិនតែមួយគត់ ដែលប្រតិបត្តិការជាមួយភាសាអង់គ្លេស”។ លោកបន្តថា ព្រឹត្តិការណ៍នេះមានគោលបំណង ផ្សារភ្ជាប់សហគ្រិន និងវិនិយោគិនទាំងអស់ពីប្រទេសសិង្ហបុរី ម៉ាឡេស៊ី តៃវ៉ាន់ ហុងកុង និងចិន ហើយមនុស្សភាគច្រើន ដែលឈរនៅលើឆាកនាពេលនេះ គឺជាម្ចាស់ផលិតកម្ម និងម្ចាស់អាជីវកម្ម ដែលផ្តល់ការងារដល់កម្មករជាង៣.០០០នាក់នៅក្នុងប្រទេសចិន។លោកបន្តទៀតថា ព្រឹត្តិការណ៍នេះ មានគោលបំណងពិភាក្សាអំពីសក្តានុពល និងបរិយាកាសវិនិយោគនៅកម្ពុជា សម្រាប់រយៈពេល១០ឆ្នាំខាងមុខ ខណៈដែលពាណិជ្ជករក្នុងប្រទេសចិន កំពុងប្រឈមមុខនឹងបញ្ហាជាច្រើន ស្របពេលដែលចិន និងសហរដ្ឋអាមេរិកកំពុងមានជម្លោះនឹងគ្នា ហើយបញ្ហានេះអាចបន្តអូសបន្លាយដល់ទសវត្សរ៍ក្រោយ។

លោកបានបញ្ជាក់ថា “ផលិតផលដែលនាំចេញទៅសហរដ្ឋអាមេរិក និងអឺរ៉ុបមានពន្ធគយខ្ពស់ ដូច្នេះអ្នកវិនិយោគចិនកំពុងស្វែងរកមធ្យោបាយផ្សេងទៀត ដើម្បីដឹកជញ្ជូនផលិតផលរបស់ពួកគេទៅកាន់សហរដ្ឋអាមេរិក អឺរ៉ុប និងប្រទេសជាច្រើនទៀត នៅទូទាំងពិភពលោក តាមរយៈការបង្កើតកិច្ចព្រមព្រៀងឱ្យកាន់តែប្រសើរឡើង”។ លោកបន្តទៀតថា “ប្រទេសកម្ពុជាបានផ្តល់តម្លៃកម្លាំងពលកម្មសមរម្យ ទីតាំងយុទ្ធសាស្ត្រល្អ ព្រមទាំងកំណើនសេដ្ឋកិច្ចដ៏ខ្ពស់ ដែលបន្តកើនឡើង ក្នុងរង្វង់ប្រហែលពី៦ ទៅ៧ភាគរយ ជារៀងរាល់ឆ្នាំ ហើយនេះ ជារឿងគួរឱ្យភ្ញាក់ផ្អើលសម្រាប់អ្នកវិនិយោគចិន”។

លោកបណ្ឌិត Ben Li បានគូសបញ្ជាក់ថា សមាគម CCCA នឹងបន្តខិតខំទាក់ទាញទុនវិនិយោគ ពីក្រៅប្រទេសមកកាន់កម្ពុជា ជាពិសេសអ្នកវិនិយោគចិន និងម៉ាឡេស៊ី ដើម្បីចាកចេញពីតំបន់Comfort Zone របស់ពួកគេ និងងាកមកស្វែងយល់អំពីសក្តានុពលវិនិយោគនៅកម្ពុជា។ លោកបណ្ឌិតបានបន្ថែមថា “ប្រសិនបើយើងពិនិត្យមើលទៅលើធនធានមនុស្សក្នុងប្រទេស យើងសង្កេតឃើញថា កម្ពុជាមានអត្រាប្រាក់បៀវត្សរ៍ប្រកួតប្រជែងខ្លាំង បើធៀបនឹងប្រទេសថៃ វៀតណាម មីយ៉ាន់ម៉ា និងប្រទេសឡាវ”៕

Cambodia records 11,506 new business establishments in first 11 months

Cambodia issued operating licenses to 11,506 new companies and enterprises in the first 11 months of 2023, up 14.5 percent over the same period last year, the Ministry of Commerce said in a report on Thursday.

The Ministry of Commerce’s Secretary of State and spokesman Penn Sovicheat said those new business establishments were operated by locals and foreigners from China, South Korea, Japan, Thailand, Malaysia and Vietnam, among others.

“The significant increase in new business registration truly shows the confidence of business people and investors in Cambodia’s peace, political stability, and favorable opportunities for doing business,” he told Xinhua.

“It also reflects the country’s better business environment in the post-COVID-19 pandemic era,” he said.

According to the report, some 967 companies and enterprises were closed down during the January-November period this year, a rise of 21.7 percent over the same period last year. Source: Xinhua

រដ្ឋាភិបាលរៀបចំប្លង់គោលអភិវឌ្ឍន៍លើខេត្តមានសក្តានុពលនានា ដើម្បីទាក់ទាញការវិនិយោគ

ដោយៈ គង់ សូរិយា

ភ្នំពេញៈ ការរៀបចំតំបន់អភិវឌ្ឈន៍ឬZoning បាននិងកំពុងត្រូវបានយកចិត្តទុកដាក់ពីរាជរដ្ឋាភិបាល ដើម្បីទាក់ទាញការវិនិយោគ និងរៀបចំបែបផែននៃការអភិវឌ្ឍប្រកបដោយចីរភាព។បច្ចុប្បន្នខេត្តកណ្តាល ខេត្តត្បូងឃ្មុំ ខេត្តព្រះសីហនុ ខេត្តសៀមរាប និងបណ្តាខេត្តមួយចំនួនទៀត បានរៀបចំប្លង់គោលអភិវឌ្ឍន៍រួចហើយ។

អ្វីដែលគួរឲ្យកត់សំគាល់ គឺខេត្តសក្ដានុពលចំនួន ២ រួមមានខេត្តព្រះសីហនុ និងខេត្តសៀមរាប ត្រូវបានរាជរដ្ឋាភិបាលអាណត្តិមុន និងអាណត្តិនេះ កំពុងបន្តយកចិត្តទុកដាក់ដោយរៀបចំហេដ្ឋារចនាសម្ព័ន្ធ និងបែងចែកប្រភេទដី ដើម្បីបង្កភាពងាយស្រួល ក្នុងការទាក់ទាញវិនិយោគិនក្នុង និងក្រៅប្រទេសចូលមកបណ្ដាក់ទុនវិនិយោគ ។

ខេត្តទាំងពីរនេះ ត្រូវបានរាជរដ្ឋាភិបាលចំណាយទុនខ្ទង់រយលានដុល្លារអាមេរិក ដើម្បីសាងសង់ហេដ្ឋារចនាសម្ព័ន្ធក្នុងក្រុង សម្រួលការធ្វើដំណើរ និងរៀបចំបានឱ្យស្អាតប្លែកខុសពីខេត្តដទៃទៀត ហើយខេត្តទាំង២នេះដែរ ក៏គ្រោងនឹងបែងចែកប្រភេទដីទៅតាមតំបន់ ដូចជា តំបន់ឧស្សាហកម្ម តំបន់ពាណិជ្ជកម្ម និងតំបន់លំនៅឋានជាដើម ដើម្បីសម្រួលដល់អ្នកវិនិយោគ ដែលចូលមកកម្ពុជាងាយស្រួលក្នុងរកទីតាំងវិនិយោគរបស់ពួកគេ។

អភិបាលនៃគណៈអភិបាលខេត្តព្រះសីហនុ លោកគួច ចំរើន បានមានប្រសាសន៍ឲ្យដឹងកាលពីពេលថ្មីៗនេះថា វិនិយោគិនបរទេសដែលចូលមកសិក្សា ពីឱកាសវិនិយោគក្នុងខេត្តព្រះសីហនុថា រាជរដ្ឋាភិបាលក៏ដូចជារដ្ឋបាលខេត្តព្រះសីហនុ បាននិងកំពុងរៀបចំបែងចែកដីធ្លីទៅតាមតំបន់ ដូចជាតំបន់ឧស្សាហកម្ម តំបន់សណ្ឋាគារ និងបដិសណ្ឋារកិច្ច តំបន់ពាណិជ្ជកម្ម តំបន់លំនៅឋាន និងតំបន់កម្សាន្តជាដើម។

លោកបន្តថា “ការរៀបចំបែបនេះ នឹងងាយស្រួលដល់អ្នកវិនិយោគ ដែលចង់វិនិយោគទៅលើវិស័យណាមួយ”។លោកបានលើកជាឧទាហរណ៍ថា អ្នកវិនិយោគចង់វិនិយោគលើសណ្ឋាគារ គាត់អាចទៅរកតំបន់ ដែលយើងកំណត់សម្រាប់អភិវឌ្ឍន៍សណ្ឋាគារ។

លោកគួច ចំរើនបានបញ្ជាក់ថា បច្ចុប្បន្ននេះ ខេត្តព្រះសីហនុបាន និងកំពុងទទួលបានវិនិយោគិនចូលមកបណ្ដាក់ទុនជាបណ្ដើរៗឡើងវិញ ដោយមានវិនិយោគិនថ្មីៗជាច្រើនចាប់អារម្មណ៍ និងបង្ហាញពីបំណងវិនិយោគរបស់ពួកគេនៅក្នុងខេត្តព្រះសីហនុ។

សម្ដេចធិបតី ហ៊ុន ម៉ាណែត នាយរដ្ឋមន្ត្រីនៃកម្ពុជា ក៏បានជំរុញឱ្យក្រសួងស្ថាប័ននិងអាជ្ញាធរពាក់ព័ន្ធ រៀបចំបែងចែកទៅតាមប្រភេទដីជាពិសេសសម្ដេច បានជំរុញឱ្យមានការអភិវឌ្ឍ នៅតំបន់រុនតាឯក និងពាក់ស្នែង ដើម្បីបង្កើតការងារជូនប្រជាពលរដ្ឋជាទីក្រុងថ្មីមួយ សម្រាប់ខេត្តសៀមរាប។

សម្តេចបានជម្រុញឲ្យមានការរៀបចំដី សម្រាប់ឧស្សាហកម្ម និងពាណិជ្ជកម្ម ស្របនឹងព្រលានយន្តហោះថ្មី ក្នុងទឹកដីខេត្តសៀមរាបកំពុងទទួលបានការចាប់អារម្មណ៍ខ្លាំងពីវិនិយោគិនបរទេស ។

ខេត្តព្រះសីហនុ ជាតំបន់មួយដែលមានផ្លូវល្បឿនលឿនតភ្ជាប់ពីរាជធានីភ្នំពេញមុនគេ ហើយក្រោយពេលផ្លូវនេះ បានសាងសង់រួច និងដាក់ដំណើរការជាផ្លូវការនោះ សកម្មភាពទេសចរណ៍ និងពាណិជ្ជកម្មក្នុងខេត្តមួយនេះ ក៏ឃើញថាមានកំណើនគួរឱ្យកត់សម្គាល់ ។ ដ

ដោយឡែកខេត្តសៀមរាប ក៏ជាខេត្តមួយដែលគ្រោងនឹងសាងសង់ផ្លូវល្បឿនលឿនឆ្លងកាត់ដែរ គឺផ្លូវល្បឿនលឿន ភ្នំពេញ-សៀមរាប-ប៉ោយប៉ែត ។ គម្រោងសិក្សាផ្លូវល្បឿនលឿនភ្នំពេញ- សៀមរាប នឹងបញ្ចប់នៅខែកុម្ភៈ ឆ្នាំ២០២៤ខាងមុខនេះ ហើយក៏គ្រោងនឹងចាប់ផ្ដើមសាងសង់នៅពេលបន្ទាប់ផងដែរ។

អ្វីដែលពិសេស ទាំងខេត្តព្រះសីហនុ និងខេត្តសៀមរាប គឺសុទ្ធតែមានអាកាសយានដ្ឋានអន្តរជាតិដូចគ្នា ដូច្នេះវាក៏អាចសម្រួលដល់ភ្ញៀវទេសចរបរទេស ក៏ដូចជា វិនិយោគិនបរទេសអាចចុះចតនៅព្រលានយន្តហោះនេះផ្ទាល់តែម្ដង។

សម្តេចធិបតីហ៊ុន ម៉ាណែតបានជម្រុញឲ្យក្រុមមន្រ្តីដាក់ចេញនូវគោលនយោបាយទេសចរណ៍ ដោយយកខេត្តសៀមរាប ជាគំរូបមួយ សម្រាប់ទាក់ទាញភ្ញៀវទេសចរណ៍អន្តរជាតិ នៅឆ្នាំ២០២៤ខាងមុខ ខណៈការរៀបចំប្លង់គោលអភិវឌ្ឍន៍ខេត្តនេះ បាននិងកំពុងរៀបចំដោយក្រុមមន្រ្តីជំនាញ៕

ស្ពានសម្តេចតេជោ ហ៊ុន សែន កោះយ៉ ត្រៀមសម្ពោធដាក់ឱ្យប្រើប្រាស់ជាផ្លូវការនៅខែមករា ឆ្នាំ២០២៤ ក្រោមអធិបតីភាពសម្តេចមហាបវរធិបតី ហ៊ុន ម៉ាណែត

កោះកុង :នាព្រឹកថ្ងៃចន្ទ ទី១៨ ខែធ្នូ ឆ្នាំ២០២៣ លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង បានអញ្ជើញចុះពិនិត្យទីតាំងត្រៀមប្រារព្ធពិធីសម្ពោធដាក់ឱ្យប្រើប្រាស់ជាផ្លូវការស្ពានសម្តេចតេជោ ហ៊ុន សែន កោះយ៉ ដែលប្រព្រឹត្តិទៅនៅថ្ងៃទី០៨ ខែមករា ឆ្នាំ២០២៤ ស្ថិតក្រោមអធិបតីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ស្ថិតនៅភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង។

លោក អន ដាវុធ អះអាងថា គម្រោងស្ថាបនាស្ពានបេតុងថ្មីកោះយ៉ ស្ថិតនៅឃុំប៉ាក់ខ្លង គឺបានបញ្ចប់ជាស្ថាពរហើយនៅចុងខែមិថុនា កន្លងទៅ ដោយបើកឱ្យចរាចរណ៍ជាបណ្តោះអាសន្នសិន។ ស្ពានកោះយ៉ថ្មីនេះ ផ្តើមសាងសង់កាលពីខែមិថុនា ឆ្នាំ២០២២ ដែលក្រុមការងារជំនាញដុតដៃដុតជើងកសាងឡើងបម្រើជាប្រយោជន៍សាធារណៈសម្រួលដល់ការធ្វើដំណើររបស់ពលរដ្ឋ និងអ្នកទេសចរ។ លោក អន ដាវុធ លើកឡើងទៀតថា ដោយមើលឃើញពីស្ថានភាពរដូវវស្សាលំបាកធ្វើដំណើរបងប្អូនពលរដ្ឋលើស្ពានកោះយ៉ចាស់ងាយនឹងបង្កគ្រោះថ្នាក់ ក៏សម្រេចចិត្តអនុញ្ញាតឱ្យធ្វើដំណើរស្ពានបេតុងកោះយ៉ដែលទើបកសាងរួចរាល់នេះជាបណ្តោះអាសន្នសិន។គួរកត់សម្គាល់ថា ស្ពានកោះយ៉ថ្មីដែលស្ថិតនៅក្នុងឃុំប៉ាក់ខ្លង ស្រុកមណ្ឌលសីមា មានប្រវែង១២៦ ម៉ែត្រ និងទទឹង១១ម៉ែត្រ ក្នុងនោះបានប្រើប្រាស់ថវិកាស្ថាបនាអស់ប្រមាណ១លាន៤០ម៉ឺនដុល្លារដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ កន្លងទៅ មានទាំងអាជ្ញាធរ និងប្រជាពលរដ្ឋ សុទ្ធតែបង្ហាញការសប្បាយរីករាយពេលដឹងថា មានសមិទ្ធផលជាស្ពានបេតុងរឹងមាំមួយជំនួសស្ពានកោះយ៉ចាស់ដែលទ្រុឌទ្រោមខ្លាំង និងងាយគ្រោះថ្នាក់ចរាចរណ៍ ពិសេសរដូវវស្សាតែម្ដង។

ស្ពាននេះវាជាចំណងដៃថ្មីមួយ សម្រាប់មូលដ្ឋានស្រុកមណ្ឌលសីមា ព្រមទាំងផ្តល់ការចរាចរណ៍ប្រកបដោយសុវត្ថិភាព និងទាក់ទាញកំណើនភ្ញៀវទេសចរមកលេងកម្សាន្ត ស្ទើរគ្រប់រដូវកាល៕

តើរាជធានីភ្នំពេញបានកំណត់តំបន់មានលក្ខណៈវិនិច្ឆ័យអ្វីខ្លះសម្រាប់ការអភិវឌ្ឍន៍ដោយចីរភាព

ដោយៈ គង់ សូរិយា

ភ្នំពេញៈ ផែនការមេអភិវឌ្ឍន៍រាជធានីភ្នំពេញ សម្រាប់ចក្ខុវិស័យឆ្នាំ២០១៥ ២០៣៥ បានកំណត់លក្ខណៈវិនិច្ឆ័យសំខាន់ៗអ្វីខ្លះ? សម្រាប់ការអភិវឌ្ឍទីក្រុងនេះប្រកបដោយចីរភាព?។

គេហទំព័រPropertyarea.asia សូមលើកយកឯកសារនិយាយពីផែនការមេ និងចក្ខុវិស័យ ព្រមទាំងការកំណត់លក្ខណៈវិនិច្ឆ័យលើផែនការអភិវឌ្ឍន៍ដ៏មានសារៈសំខាន់នេះ។ផែនការមេ និងការកំណត់លក្ខណៈវិនិច្ឆ័យ មានចំនួន១៤ចំណុចសំខាន់ៗដូចជា ទី ១– ទម្រង់សេដ្ឋកិច្ចភ្នំពេញ ទី២- ការដឹកជញ្ជូន ទី៣- ទីផ្សាអចលនវត្ថុ ទី៤- ទីផ្សារចលនទ្រព្យ ទី៥- សង្កាត់មិនរៀបរយ ទី៦- ការកកើតនិងការរីកចម្រើន របស់ទីក្រុងពីឆ្នាំ១៨៥០ ដល់ឆ្នាំ១៩៩៣

ទី៧- លក្ខណៈសម្បត្តិរូបសាស្ត្រនិងតួនាទីនៃលំហក្រុង ទី៨- សន្ទុះនិងបុគ្គលិកលក្ខណៈភ្នំពេញ ទី៩- ទេសភាពនិងសមាសភាគទីក្រុង ទី១០- កសិកម្មនិងនគរូបនីយកម្ម។

ទី១១- ហេដ្ឋារចនាសម្ព័ន្ធទីក្រុង ទី១២.មធ្យោបាយនិងសកម្មភាពសាធារណៈ ទី១៣- និន្នាការនិងទស្សនវិស័យនៃនគរូបនីយកម្មភ្នំពេញ និងទី១៤- .ទស្សនវិស័យសេដ្ឋកិច្ចសង្គម និងលំហ។

យោងតាមឯកសារដែលបានបង្ហាញដោយលោកប៉ា សុជាតិវង្សអតីតអភិបាលរាជធានីភ្នំពេញ បានបង្ហាញនាពេលកន្លងមកបានឲ្យដឹងថា កំណើននគរូបនីយកម្ម និងកំណើនការសាងសង់សំណង់ធំៗថ្មីៗជាច្រើន។

លោកបន្តថា ស្ថេរភាពនយោបាយ ការរីកចម្រើនវិស័យសេដ្ឋកិច្ចនិងសង្គមដែលជា មនុញ្ញផលកើតចេញពី នយោបាយចតុកោណរបស់រាជរដ្ឋាភិបាលកម្ពុជា គួបផ្សំជាមួយនឹងសមត្ថភាពជំនាញបច្ចេកទេស និងធនធានមនុស្សរបស់កម្ពុជា នាពេលបច្ចុប្បន្ន និងដើម្បីឆ្លើយតប បាននឹងបញ្ហាប្រឈមនានារបស់ទីក្រុងនាពេល បច្ចុប្បន្ន និងដើម្បីរក្សាបាននូវសណ្ដាប់ធ្នាប់និងកំណើន អភិវឌ្ឍក្រុងប្រកបដោយ ចីរភាពក្នុងពេលអនាគត សាលារាជធានីភ្នំពេញបានតាក់តែងរៀបចំគម្រោង ប្លង់គោលប្រើប្រាស់ដីនេះឡើង ដើម្បីតម្រង់ទិសជាយុទ្ធសាស្ត្រការអភិវឌ្ឍ ធ្វើជាមូលដ្ឋានបច្ចេកទេស និងជាឧបករណ៍ច្បាប់ និងជាគ្រឿងលើកទឹកចិត្តសម្រាប់ គៀងគរឲ្យស្ថាប័នហិរញ្ញវត្ថុនានា ចូលរួមឲ្យបានកាន់តែសកម្ម ក្នុងការជម្រុញការអភិវឌ្ឍរាជធានីភ្នំពេញឲ្យប្រកបដោយប្រសិទ្ធផលខ្ពស់៕